breaking news

വീണ്ടും കരുതലിന്റെ കരസ്പർശമായിമട്ടന്നൂർ ലയൺസ്‌ ക്ലബ്ബ്

മട്ടന്നൂർ: പ്രളയകാലത്തെന്നപോലെ കരുതലിന്റെ കരസ്പര്ശവുമായി വീണ്ടും മട്ടന്നൂർ ലയൺസ്‌ ക്ലബ്ബ്. മട്ടന്നൂർ മേഖലയിൽ തയ്യാറാക്കിയ കോവിഡ് ഫസ്റ്റ് ലൈൻ ചികിത്സാ കേന്ദ്രത്തിലേക്കുള്ള അവശ്യ സാധനങ്ങൾ മട്ടന്നൂർ ലയൺസ്‌ ക്ലബ്ബ് പ്രതിനിധികൾ മിനിസിപ്പൽ അധികൃതർക്ക് കൈമാറി.മുനിസിപ്പൽ ഓഫീസിൽ നടന്ന ചടങ്ങിൽ പ്രസിഡന്റ് സംഗീത രവീന്ദ്രനിൽനിന്ന് മുനിസിപ്പൽ വൈസ് ചെയർമാൻ പി പുരുഷോത്തമൻ ഏറ്റുവാങ്ങി. സെക്രട്ടറി ലതിക വേണുഗോപാൽ,ട്രഷറർ അനിത സുരേന്ദ്രൻ എന്നിവർ നേതൃത്വം നൽകി.മുനിസിപ്പൽ കൗണ്സിലർ വി പി ഇസ്മയിൽ,കെ രാധാകൃഷ്ണൻ,സജ്‌നി സുധീഷ് എന്നിവർ പങ്കെടുത്തു.കഴിഞ്ഞ പ്രളയകാലത്ത് മട്ടന്നൂർ മേഖലയിൽ അടിയന്തിര സഹായം എത്തിച്ച് മട്ടന്നൂർ ലയൺസ്‌ ക്ലബ്ബ് മാതൃകയായിരുന്നു.