breaking news

കണ്ണൂര്‍ ജില്ലയില്‍ ജാഗ്രത അനിവാര്യം; 20000 കടന്ന് കോവിഡ് കേസുകള്‍

ഇന്നലെ 293 പേര്‍ക്കു കൂടി കോവിഡ് സ്ഥിരീകരിച്ചതോടെ ജില്ലയില്‍ ഇതുവരെ കോവിഡ് പോസിറ്റീവായവരുടെ എണ്ണം 20208 ആയി ഉയര്‍ന്നു. ഇന്നലെ 260 പേര്‍ക്കും സമ്പര്‍ക്കത്തിലൂടെയാണു കോവിഡ് പോസിറ്റീവായത്. 12 പേര്‍ ആരോഗ്യ പ്രവര്‍ത്തകരാണ്. 7 പേര്‍ വിദേശത്തു നിന്നും 14 പേര്‍ ഇതര സംസ്ഥാനങ്ങളില്‍ നിന്നും എത്തിയവരാണ്. 72 പേര്‍ക്കാണ് ഇന്നലെ കോവിഡ് മുക്തി. ജില്ലയില്‍ ഇതുവരെ കോവിഡ് നെഗറ്റീവായത് 13914 പേര്‍ക്കാണ്.

ജില്ലയില്‍ കൊവിഡ് വ്യാപനം നിയന്ത്രിക്കുന്നതിന്റെ ഭാഗമായി നിയമിതരായ സെക്ടര്‍ മജിസ്‌ട്രേറ്റുമാര്‍ വ്യാപാര സ്ഥാപനങ്ങളിലും പൊതു ഇടങ്ങളിലും പരിശോധനകള്‍ തുടരുകയാണ്.കൊവിഡ് പെരുമാറ്റച്ചട്ട ലംഘനങ്ങള്‍ ശ്രദ്ധയില്‍പ്പെടുന്നവര്‍ക്ക് അവ സെക്ടര്‍ മജിസ്ട്രേറ്റുമാരെ ഫോണ്‍ വഴി അറിയിക്കാം. നിങ്ങളുടെ മേഖലയിലെ സെക്ടര്‍ മജിസ്ട്രേറ്റുമാരുടെ ഫോണ്‍ നമ്പര്‍ അറിയാന്‍ താഴെയുള്ള ലിങ്കില്‍ ക്ലിക് ചെയ്യുക