breaking news

Top Stories

പോപ്പുലർ ഫ്രണ്ട് പ്രവർത്തകർക്ക് അഗ്നിരക്ഷാ സേന പരിശീലനം നൽകിയത് അന്വേഷിക്കണമെന്ന് കെ സുരേന്ദ്രൻ
| NEWS ROUND UP |

പോപ്പുലർ ഫ്രണ്ട് പ്രവർത്തകർക്ക് അഗ്നിരക്ഷാ സേന പരിശീലനം നൽകിയത് അന്വേഷിക്കണമെന്ന് കെ സുരേന്ദ്രൻ

ON AIR |

കോഴിക്കോട് : പോപ്പുലർ ഫ്രണ്ട് പ്രവർത്തകർക്ക് അഗ്നി രക്ഷാസേന പരിശീലനം നൽകിയത് സമഗ്രമായി അന്വേഷിക്കണമെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ ആവശ്യപ്പെട്ടു.

ദേശ സുരക്ഷയുമായി ബന്ധപ്പെട്ട വിഷയങ്ങളിൽ സംസ്ഥാന സർക്കാരിന്റെയും ആഭ്യന്തര വകുപ്പിന്റെയും ഇടപെടലുകൾ ഞെട്ടിപ്പിക്കുന്നതാണ്.

ഉദ്യോഗസ്ഥരെ സസ്‌പെൻഡ് ചെയ്ത് തടിയൂരാനാണ് സർക്കാരിന്റെ ശ്രമം.രാജ്യദ്രോഹ സംഘടനകളുമായി ചേർന്ന് നിൽക്കുന്ന സമീപനമാണ് സർക്കാരിന്റേതെന്നും സുരേന്ദ്രൻ കോഴിക്കോട് മാധ്യമങ്ങളോട് പറഞ്ഞു.

കെ റയിലിന്റെ പേരിൽ സർക്കാർ നടത്തുന്ന പൊള്ളത്തരങ്ങൾ തുറന്നുകാട്ടിയതാണ് കേന്ദ്രമന്ത്രി വി മുരളീധരനെതിരെ സിപിഎമ്മും സംസ്ഥാന മന്ത്രിമാരും തിരിയാൻ കാരണം.ബിജെപി പറയുന്ന കാര്യങ്ങൾ ജനങ്ങൾക്ക് ബോധ്യപ്പെട്ടിട്ടുണ്ട്.ജനവികാരം മനസിലാക്കാൻ മുഖ്യമന്ത്രി തയ്യാറാകണം.

കേന്ദ്ര പദ്ധതികൾ കേരളത്തിലേക്ക് വരുന്നത് മന്ത്രി മുരളീധരന്റെ ഇടപെടലുകൾ കൊണ്ടാണ്.അത് അടിച്ചുമാറ്റുന്നവരാണ് അദ്ദേഹത്തെ വിമർശിക്കുന്നത്.8 കേന്ദ്രമന്ത്രിമാർ ഉണ്ടായ കാലത്തേക്കാളും കേന്ദ്ര പദ്ധതികൾ വന്നത് മുരളീധരന്റെ കാലത്താണെന്ന് മറക്കരുതെന്ന് സുരേന്ദ്രൻ പറഞ്ഞു.

സി പി എം കണ്ണൂരിൽ ഒരുക്കിയത് 23 സ്നേഹവീടുകൾ , താക്കോൽ കൈമാറ്റം തിങ്കളാഴ്ച്ച
| LATEST EDITION |

സി പി എം കണ്ണൂരിൽ ഒരുക്കിയത് 23 സ്നേഹവീടുകൾ , താക്കോൽ കൈമാറ്റം തിങ്കളാഴ്ച്ച

L A T E S T |

കണ്ണൂർ : ചരിത്ര സംഭവമാകാൻ പോകുന്ന കണ്ണൂർ പാർട്ടി കോൺഗ്രസിന്റെ ഭാഗമായി സി പി എം കണ്ണൂർ ജില്ലയിൽ ഒരുക്കിയത് 23 സ്നേഹവീടുകൾ.

വീടുകൾ പൂർത്തിയാക്കിയതായി സംസ്ഥാന സെക്രട്ടറി കോടിയേരി ബാലകൃഷ്ണൻ തിങ്കളാഴ്ച വൈകുനേരം നാല് മണിക്ക് പ്രഖ്യാപിക്കും.

പയ്യാമ്പലം കുനിയിൽ പാലത്ത് ശ്രീലക്ഷ്മിക്ക് ആദ്യ സ്നേഹ വീടിന്റെ താക്കോൽ കൈമാറുമെന്ന് ജില്ലാ സെക്രട്ടറി എം വി ജയരാജൻ പത്രസമ്മേളനത്തിൽ അറിയിച്ചു.

ഇതേ സമയത്ത് വിവിധ പ്രദേശങ്ങളിൽ നിർമിച്ച മറ്റ് വീടുകളുടെ താക്കോൽ കൈമാറ്റ ചടങ്ങുകളും നടക്കും.പി കെ ശ്രീമതി,ഇ പി ജയരാജൻ.കെ കെ ശൈലജ ,പി ജയരാജൻ,ടി വി രാജേഷ്,വി ശിവദാസൻ,വത്സൻ പനോളി,എൻ ചന്ദ്രൻ,എം പ്രകാശൻ ,എം സുരേന്ദ്രൻ,കാരായി രാജൻ,ടി ഐ മധുസൂദനൻ,ടി കെ ഗോവിന്ദൻ,പി വി ഗോപിനാഥ്‌ തുടങ്ങിയ നേതാക്കൾ പങ്കെടുക്കും.

പാർട്ടി കോൺഗ്രസ് കഴിഞ്ഞാൽ മറ്റ് വീടുകളുടെയും നിർമ്മാണം പൂർത്തിയാക്കും.ഇതുവരെയായി ജില്ലയിൽ 212 വീടുകൾ സി പി എം നിർമ്മിച്ച് നൽകിയിട്ടുണ്ടെന്ന് എം വി ജയരാജൻ പറഞ്ഞു.

NRI News

Regional Desk

ഇ എം എസിന്റെ മകൻ എസ് ശശി അന്തരിച്ചു

L A T E S T |

തൃശൂർ: ഇ എം എസ് നമ്പൂതിരിപ്പാടിന്റെ ഇളയ മകൻ മകൻ എസ് ശശി മുംബൈയിൽ അന്തരിച്ചു.67 വയസായിരുന്നു.

മകൾ അപർണ്ണയുടെ വീട്ടിൽ കുഴഞ്ഞു വീഴുകയായിരുന്നു. ആശുപത്രിയിൽ എത്തിക്കുമ്പോഴേക്ക് മരണം സംഭവിച്ചിരുന്നു.

ദേശാഭിമാനിയിൽ ചീഫ് അക്കൗണ്ട്സ് മാനേജരായിരുന്നു. കേരളത്തിലെ എല്ലാ ദേശാഭിമാനി യൂണിറ്റുകളിലും പ്രവർത്തിച്ചിട്ടുണ്ട്.2000ൽ തൃശൂർ യുണിറ്റിൽനിന്നാണ് വിരമിച്ചത്.

ദേശാഭിമാനിയിൽ ഡെപ്യൂട്ടി മാനേജരായിരുന്ന കെ എസ് ഗിരിജയാണ് ഭാര്യ.മക്കൾ: അനുപമ ശശി,അപർണ്ണ ശശി.മരുമക്കൾ :ജിഗീഷ്,രാജേഷ് ജെ വർമ്മ. മാതാവ്: പരേതയായ ആര്യ അന്തർജ്ജനം.

പൊതുയോഗങ്ങളും കൂട്ടം ചേരലുകൾക്കും നിയന്ത്രണം,തിരുവനന്തപുരം ജില്ലയിൽ കർശന നിയന്ത്രണം

തിരുവനന്തപുരം:കോവിഡ് വ്യാപന പശ്ചാത്തലത്തിൽ തിരുവനന്തപുരം ജില്ലയിൽ ജില്ലാ ഭരണകൂടം കർശന നിയന്ത്രണം ഏർപ്പെടുത്തി.

പൊതുയോഗങ്ങൾക്കും കൂട്ടം ചേരലുകൾക്കും കർശന നിയന്ത്രണം.

ഇതുസംബന്ധിച് ജില്ലാ ഭരണകൂടം ഉത്തരവിറക്കി.
50 പേരിൽ കൂടുതലുള്ള യോഗങ്ങൾക്ക് കർശന നിയന്ത്രണം ഏർപ്പെടുത്തി.

നേരത്തെ തീരുമാനിച്ച യോഗങ്ങൾ ഉണ്ടെങ്കിൽ മാറ്റിവെക്കാൻ സംഘടകരോട് ജില്ലാ കളക്ടർ അഭ്യർഥിച്ചു.
കല്യാണങ്ങൾക്കും മരണാനന്തര ചടങ്ങുകൾക്കും പങ്കെടുക്കാവുന്നവരുടെ എണ്ണം 50 ആയി നിജപ്പെടുത്തി.

കർശന നിയന്ത്രണം ഏർപ്പെടുത്താൻ ജില്ലാ പൊലീസ് മേധാവിക്കും സിറ്റി പൊലീസ് കമ്മിഷണർക്കും നിർദേശം നൽകിയിട്ടുണ്ട്.
ജില്ലയിലെ എല്ലാ സർക്കാർ അർദ്ധ സർക്കാർ പരിപാടികളും ഓൺലൈനായി നടത്തണം.

മാളുകളിലും വ്യാപാര സ്ഥാപനങ്ങളിലും ജനക്കൂട്ടം അനുവദിക്കില്ല.
വിദ്യാഭ്യാസ സ്ഥാപനങ്ങളിൽ ക്ലസ്റ്ററുകൾ രൂപപ്പെട്ടാൽ സ്ഥാപനം 15 ദിവസത്തേക്ക് അടച്ചിടണം.

സ്ഥാപന മേധാവിമാർ വിവരം ബന്ധപ്പെട്ട മെഡിക്കൽ ഓഫീസറെ അറിയിക്കണമെന്നും ജില്ലാ ഭരണകൂടം അറിയിച്ചു.

മുഖ്യമന്ത്രിയുടെ വാഹന വ്യൂഹം അപകടത്തിൽപ്പെട്ടു: മൂന്ന് വാഹനങ്ങൾ കൂട്ടിയിടിച്ചു

L A T E S T |

കണ്ണൂർ : മുഖ്യമന്ത്രിയുടെ വാഹന വ്യൂഹം അപകടത്തിൽപ്പെട്ടു.
കണ്ണൂർ പയ്യന്നൂർ പെരുമ്പയിലാണ് മുഖ്യമന്ത്രി പിണറായി വിജയന് അകമ്പടി പോയ മൂന്ന് വാഹനങ്ങൾ കൂട്ടിയിടിച്ചത്.

കാസർഗോഡ് പാർട്ടി പരിപാടി കഴിഞ്ഞു മടങ്ങുകയായിരുന്നു മുഖ്യമന്ത്രി. വാഹന വ്യൂഹത്തിൽ മുഖ്യമന്ത്രിയുടെ വാഹനത്തിന് തൊട്ടു പിന്നിലായി പാർട്ടി സെക്രട്ടറി കോടിയേരി ബാലകൃഷ്ണന്റെ വാഹനവും ഉണ്ടായിരുന്നു.

ഇതിന് പിന്നിൽ ആരോഗ്യ വകുപ്പിന്റെ ആംബുലൻസും തൊട്ടുപിന്നിലായി സ്‌പെഷ്യൽ ബ്രാഞ്ച് ഡി വൈ എസ് പി യുടെ വാഹനവും അതിനുപിന്നിലായി മറ്റൊരു അകമ്പടി വാഹനവും ഉണ്ടായിരുന്നു. ഈ വാഹനങ്ങളാണ് കൂട്ടിയിടിച്ചത്.

മുഖ്യമന്ത്രിയുടെ വാഹന വ്യൂഹത്തിലേക്ക് അപ്രതീക്ഷിതമായി കയറിയ മറ്റൊരു വാഹനമാണ് അപകടത്തിനിടയാക്കിയത് എന്ന് പോലീസ് പറഞ്ഞു.

സംഭവം ഗുരുതരമായ സുരക്ഷാ വീഴ്ചയായതിനാൽ പയ്യന്നൂർ പോലീസ് എഫ് ഐ ആർ രജിസ്റ്റർ ചെയ്ത് അന്വേഷണം തുടങ്ങി.

മേജർ രവി വൃക്ക മാറ്റിവെക്കൽ ശസ്‌ത്രക്രിയയ്ക്ക് വിധേയനായി

കൊച്ചി :ചലച്ചിത്ര സംവിധായകനും നടനുമായ മേജർ രവി വൃക്ക മാറ്റിവെക്കൽ ശസ്ത്രക്രിയയ്ക്ക് വിധേയനായി.

കൊച്ചിയിലെ സ്വകാര്യ ആശുപത്രിയിൽ നടത്തിയ ശസ്‌ത്രക്രിയ വിജയകരമായിരുന്നു എന്നും സുഖം പ്രാപിച്ചു വരുന്നു എന്നും അദ്ദേഹം തന്നെയാണ് സമൂഹ മാധ്യമത്തിലൂടെ അറിയിച്ചത്.

സൈന്യത്തിൽ മേജറായി സേവനമനുഷ്ഠിച്ച അദ്ദേഹം നടനായി സിനിമയിലെത്തി സഹ സംവിധായകനായും സംവിധായകനായും തിളങ്ങി.

മേഘം,ശ്രദ്ധ,ഒന്നാമൻ എന്നീ സിനിമകളിൽ അഭിനയിച്ചു.പുനർജനി എന്ന സിനിമയിലൂടെ സ്വതന്ത്ര സംവിധായകനായ മേജർ രവി മോഹൻലാലിനെ നായകനാക്കി ഒരുക്കിയ കീർത്തിചക്ര വൻ വിജയമായിരുന്നു.

മിഷൻ 90 ഡേയ്സ്,ഖണ്ഡഹാർ, കുരുക്ഷേത്ര,കർമ്മയോദ്ധ, പിക്കറ്റ് 43 തുടങ്ങിയ സിനിമകളും സംവിധാനം ചെയ്തു.

പൊലീസിനുള്ള വാടക ഹെലികോപ്റ്റർ: കരാർ ചിപ്സൺ ഏവിയേഷന്

തിരുവനന്തപുരം: കേരളാ പൊലീസിനായി വാടകയ്ക്കെടുക്കുന്ന ഹെലികോപ്റ്റർ കരാർ ഡൽഹി ആസ്ഥാനമായി പ്രവർത്തിക്കുന്ന ചിപ്സൺ ഏവിയേഷന് ലഭിച്ചു.

ചിപ്സൺ ഏവിയേഷൻ, ഒ എസ് എസ് എയർ മാനേജ്‌മെന്റ്, ഹെലിവേ ചാർടേഴ്സ് എന്നീ കമ്പനികളായിരുന്നു ടെൻഡർ നടപടികളിൽ പങ്കെടുക്കാൻ യോഗ്യത നേടിയത്.

പോലീസ് മേധാവിയുടെ നേരിട്ടുള്ള മേൽനോട്ടത്തിലാണ് ടെൻഡർ നടപടികൾ നടന്നത്.ആറുപേർക്ക് യാത്ര ചെയ്യാവുന്ന ഹെലികോപ്റ്റർ മൂന്ന്‌ വർഷത്തേക്കാണ് പോലീസ് വാടകയ്കെടുക്കുന്നത്.

കഴിഞ്ഞ തവണ കരാർ നേടിയ പവൻ ഹാൻസ് ഇത്തവണ ടെൻഡറിൽ പകെടുത്തില്ല.ഹെലികോപ്റ്റർ വാടകയ്ക്കെടുക്കൽ ധൂർത്താണെന്ന പ്രതിപക്ഷ ആരോപണം നിലനിൽക്കെയാണ് സർക്കാർ നിലപാടിലുറച്ച് മുനോട്ട് നീങ്ങുന്നത്.

മട്ടന്നൂരിൽ ടിപ്പർ ലോറി മതിലിലിടിച്ചു തകർന്ന് രണ്ടു പേർ മരിച്ചു

മട്ടന്നൂർ: മട്ടന്നൂരിൽ ടിപ്പർ ലോറി നിയന്ത്രണം വിട്ട് മതിലിലിടിച്ച് രണ്ടുപേർ മരിച്ചു.

ഇരിട്ടി വിളമന സ്വാദേശികളായ രവീന്ദ്രൻ,അരുൺ എന്നിവരാണ് മരിച്ചത്.

ഇരിട്ടിയിൽനിന്ന് ചെങ്കല്ല് കയറ്റി വരികയായിരുന്നു ടിപ്പർ ലോറി.ഇടിയുടെ ആഘാതത്തിൽ ലോറി പൂർണമായും തകർന്നിട്ടുണ്ട്. രണ്ടുപേരും സംഭവ സ്ഥലത്ത് തന്നെ മരിച്ചതായി കരുതുന്നു.