ബംഗളുരു: കോവിഡ് മറയാക്കി ഇതര സംസ്ഥാനങ്ങളിൽ വൻ തൊഴിൽ ചൂഷണം നടക്കുന്നതായി റിപോർട്ടുകൾ പുറത്ത് .

കർണ്ണാടക,തമിഴ് നാട് എന്നിവിടങ്ങളിലാണ് മലയാളി ഉദ്യോഗാർത്ഥികൾ തൊഴിൽ ചൂഷണത്തിന് ഇരയാകുന്നത്.
ക്യാമ്പസ് പ്ലേസ്മെന്റ്,റിക്രൂട്ടിംഗ് ഏജൻസികൾ,പത്ര പരസ്യങ്ങൾ എന്നിവ നൽകിയാണ് ഉദ്യോഗാർത്ഥികളെ ആകർഷിക്കുന്നത്.

ബംഗളുരുവിലെ ഐ ടി കമ്പനികളും മറ്റ് മെക്കാനിക്കൽ, ഇലക്ട്രിക്കൽ,ഓട്ടോമൊബൈൽ കമ്പനികളും കോവിഡ് കാലം മറയാക്കി ഉദ്യോഗാർത്ഥികളെ ആകർഷിക്കുന്നുണ്ട്.പരസ്യം മുതൽ കൂടിക്കാഴ്ചവരെയുള്ള ഘട്ടങ്ങളിലും നിയമനത്തിന്റെ ആദ്യ ഘട്ടങ്ങളിലും മികച്ചതെന്ന് തോന്നിപ്പിക്കുന്ന തരത്തിലാണ് പെരുമാറ്റം.

മൾട്ടി നാഷണൽ കമ്പനികളെ വെല്ലുന്ന സൗകര്യങ്ങളും, സൗജന്യ ഹോസ്റ്റൽ,യാത്രാ സൗകര്യങ്ങളുമൊക്കെ വാഗ്ദാനം ചെയ്യപ്പെടുമെങ്കിലും ആദ്യ ശമ്പളം കിട്ടുന്നതോടെ നിലപാട് മാറ്റുന്ന തന്ത്രമാണ് പല കമ്പനികളും മലയാളി ഉദ്യോഗാര്ഥികളോട് പയറ്റുന്നത്.

ഇതിനിടയിൽ രണ്ടോ മൂന്നോ വർഷത്തേക്കുള്ള കരാറിൽ ഇവർ സമർത്ഥമായി ഒപ്പു വെപ്പിക്കുക കൂടി ചെയ്യുന്നതോടെ ഒരു തരത്തിലും രക്ഷപെടാൻ പറ്റാത്ത തരത്തിൽ കുരുക്കുകയാണ് ചെയ്യുന്നത്.പരിശീലന കാലയളവിൽ 20000 രൂപ ശമ്പളമൊക്കെ വാഗ്ദാനം ചെയ്യുകയും കയ്യിൽ കിട്ടുമ്പോൾ അത് 8000 മുതൽ 7000 വരെ ആയി ചുരുങ്ങുന്നു. പലരും പരാതി പറയാൻ മടിക്കുന്നു എന്നതാണ് ഇവർക്കുള്ള ബലം.

ഇത്തരത്തിൽ വാഗ്ദാനം ചെയ്ത ശമ്പളം ലഭിക്കാതെ വന്നപ്പോൾ കർണ്ണാടക ഹുസൂരിലെ കമ്പനിയിൽ ജോലി ചെയ്യുന്ന മലയാളികളായ ജീവനക്കാരോട് പറഞ്ഞത് ഹോസ്റ്റൽ,ഭക്ഷണ,യാത്ര സൗകര്യങ്ങളുടെ ഫീസ് കുറച്ചേ ശമ്പളം ലഭിക്കു എന്നാണത്രെ.എന്നാൽ ഇവിടങ്ങളിൽ പ്രഭാത ഭക്ഷണം നൽകാറില്ല. പ്രഭാത ഭക്ഷണമില്ലാതെയാണ് 8 മണിക്കൂറോളം ജോലി ചെയ്യാൻ നിർബന്ധിതരാകുന്നത്.

പലരും വെറും ബിസ്കറ്റും കഴിച്ചാണ് ജോലിക്ക് പോകുന്നത്. സ്വന്തമായി എന്തെങ്കിലും വാങ്ങി കഴിക്കാനായി ഹോസ്റ്റലിലെ ഫ്രിഡ്ജിൽ സൂക്ഷിച്ചാൽ അത് കളവ് പോകുന്ന അവസ്ഥയാണെന്നും ഇവർ പറയുന്നു.പരാതി പറഞ്ഞിട്ടൊന്നും കാര്യമില്ല.

ബംഗളുരുവിലെയും മറ്റും വലിയ ഐ ടി കമ്പനികളിലെയും സ്ഥിതി വ്യത്യസ്തമല്ല.വർക്ക് ഫ്രം ഹോം ചൂഷണത്തിനുള്ള ഉപാധികളാക്കി മാറ്റിയ വമ്പന്മാർപോലും ഇരട്ടി സമയം വരെ ഇവരെക്കൊണ്ട് ജോലി ചെയ്യിപ്പിക്കുകയാണ്.കോവിഡ് കാലം കഴിഞ്ഞാലും വർക്ക് ഫ്രം ഹോം പദ്ധതി തുടരാൻ പല കമ്പനികളും തീരുമാനമെടുത്തതായാണ് ലഭ്യമാകുന്ന സൂചനകൾ.

photo | forbes.com

പുരാണങ്ങളിൽ കേട്ടത് ധർമ്മത്തിന്റെ അല്ലെങ്കിൽ വിജയത്തിനുവേണ്ടിയുള്ള സമരങ്ങളെ,യുദ്ധങ്ങളെയാണ് ധർമ്മയുദ്ധങ്ങൾ പേരിൽ നാമെല്ലാംഅറിയപ്പെട്ടത്.അതുകൊണ്ടുതന്നെ വർത്തമാനകാലത്തിൽ ധർമ്മ യുദ്ധത്തിന് ചിലർ പുതിയ മാനങ്ങളും അർത്ഥങ്ങളും കണ്ടെത്തുമ്പോൾ ആർക്കെങ്കിലും അത്ഭുതം തോന്നിയെങ്കിൽ സഹിക്കുകയെ നിവൃത്തിയുള്ളു.കേരള സംസ്ഥാന ത്തിന്റെ ചരിത്രത്തിൽ ആദ്യമായി സ്വർണ്ണക്കടത്തുമായി ബന്ധപ്പെട്ട കേസിൽ സംസ്ഥാനത്തെ ഒരു മന്ത്രിചോദ്യം ചെയ്യലിന് വിധേയമാകു ന്നത്. വ്യവസായിയുടെ വീട്ടിൽനിന്ന് എൻഫോഴ്‌സ്‌മെന്റ് ഡയറക്ട റേറ്റിൽ ചോദ്യം ചെയ്യലിന് വിധേയനാകാൻ പോയ മന്ത്രിയാണ് പിന്നീട് മാധ്യമങ്ങളെ വെല്ലുവിളിച്ചകൊണ്ട് ധർമ്മയുദ്ധത്തിന് പുതിയ അർത്ഥതലങ്ങൾ കണ്ടെത്തിയത്.ഒളിച്ചു വെക്കേണ്ടതെല്ലാം ഒളിച്ചു വെച്ചിട്ടുണ്ടെന്നും അതൊക്കെ അദ്ദേഹത്തിന്റെ ധർമ്മയുദ്ധ ത്തിന്റെ ഗണത്തിൽപ്പെടുമെന്നും മാധ്യമങ്ങളെയും 'പാപ്പരാസികളെ' യും അടുത്തകാലത്തു വെറുക്കപ്പെട്ടവരായി കരുതുന്ന ഇദ്ദേഹം പറയുന്നു.മാധ്യമങ്ങളിൽിനിന്ന് ഒളിച്ചോടി ഒരു വിവാദ വ്യവസായി യുടെ കാറിൽ ഒളിച്ചുകൊണ്ടുതന്നെ പോയി ചോദ്യം ചെയ്യലിന് വിധേയനാകാം അതെല്ലാം ധർമ്മയുദ്ധത്തിന്റെ ഭാഗമാണ്, മാധ്യമ ങ്ങൾ അവരുടെ പണി ചെയ്യാനും പാടില്ല.ധർമ്മയുദ്ധത്തിനിറങ്ങിയ പടയാളിക്ക് മാധ്യമങ്ങളെ അകറ്റി നിർത്തുമ്പോഴും ഫേസ്ബുക്കിനോട് വളരെ പ്രിയമാണ്.എൻഫോഴ്‌സ്‌മെന്റ് ചോദ്യം ചെയ്തതൊന്നുമല്ല ധർമ്മയുദ്ധംചെയ്യുന്ന പടയാളികൾക്ക് വിഷയം.താൻ എങ്ങിനെ മാധ്യ മങ്ങളെ പറ്റിച്ചു സമർത്ഥനായി ചോദ്യം ചെയ്യലിന് വിധേയനായി എന്നതാണ്.ഇപ്പോൾ എൻഫോഴ്‌സ്‌മെന്റിന്റെ ചോദ്യം ചെയ്യലും കടന്ന് ധർമ്മയുദ്ധം എൻ ഐ എ യുടെ ചോദ്യം ചെയ്യൽ മേശപ്പുറത്ത് വരെ എത്തി.
പറഞ്ഞുവന്നത് മന്ത്രി കെ ടി ജലീലിന്റെ കാര്യമാണ്. സ്വർണ്ണക്കടത്തു മായി ബന്ധപ്പെട്ട് എൻഫോഴ്‌സ്‌മെന്റിന്റെ തുടർച്ചയായി ദേശീയ അന്വേഷണ ഏജൻസിയുടെ ചോദ്യം ചെയ്യലിന് വിധേയനാകുകയാണ് മന്ത്രി.ചോദ്യം ചെയ്യൽ മണിക്കൂറുകൾ പിന്നിട്ടു കഴിഞ്ഞു.കാര്യങ്ങൾ കൂടുതൽ ഗൗരവമുള്ള തലത്തിലേക്ക് പോകുന്നതായാണ് സൂചനകൾ. അതുകൊണ്ടുതന്നെ മന്ത്രി ജലീലിന്റെ രാജി ആവശ്യപ്പെട്ട് സംസ്ഥാന ത്തിന്റെ ഭാഗങ്ങളിൽ പ്രതിഷേ ധങ്ങൾ തുടരുകയാണ്. തിരുവന്തപുരത്തുനിന്നും രാത്രി പുറപ്പെട്ട മന്ത്രി പുലർച്ചെയോടെ എറണാകുളത്തെത്തി ഒരു മുൻ എം എൽ എ യുടെ കാറിൽ എൻ ഐ എ ഓഫീസിൽ എത്തുകയായിരുന്നു.ഒൻപതുമണിക്ക് ഹാജരാകാൻ നോട്ടീസ് അയച്ച പശ്ചാത്തലത്തിൽ എൻ ഐ എ ഓഫീസിൽ ആരുമില്ലായിരുന്നു.9 മണിവരെ ജലീൽ അവിടെ കാത്തുനിൽക്കേ ണ്ടിവന്നു.സ്വർണക്കടത്തുകേസുമായി ബന്ധപ്പെട്ട് ചോദ്യം ചെയ്യലിനായി വിളിച്ചു വരുത്തി എന്നാണ് വിവരം.ഇത്തവണയും മാധ്യമങ്ങളെ വെട്ടിച് ഔദ്യോഗിക വാഹനം ഉപേക്ഷിച് ഒരു മുൻ എം എൽ എ യുടെ കാറിലാണ് ജലീൽഎത്തിയത്.
സംസ്ഥാനത്തിന്റെ ചരിത്രത്തിൽ ആദ്യമായാണ് ഇങ്ങനെ ഒരു സ്വർണക്കടത്തു കേസുമായി ബന്ധപ്പെട്ട് ഒരു മന്ത്രിയെ എൻഫോഴ്‌സ്‌മെൻറ് ഡയറക്ടറേറ്റും തുടർന്ന് എൻ ഐ എ യും ചോദ്യം ചെയ്യുന്നത് എന്നും ഒരു നിമിഷം പോലും കെ ടി ജലീലിനെ മന്ത്രിസഭയിൽ വെച്ചുപൊറുപ്പിക്കരുത് എന്നും ഉടൻ പുറത്താക്കണമെന്നും ആവശ്യപ്പെട്ട് പ്രതിപക്ഷ പാർട്ടികൾ രംഗത്തിറങ്ങിയിട്ടുണ്ട്.
പ്രധാനമായും നയതന്ത്ര ബാഗേജിനെക്കുറിച്ചാണ് ചോദ്യം ചെയ്യൽ എന്നാണ് വിവരം.പ്രോട്ടോകോൾ ഓഫീസറി ൽ നിന്നടക്കം നേരത്തെ നയതന്ത്ര ബാഗേജുകൾ സംബന്ധിച് എൻ ഐ എ വിവരങ്ങൾ ചോദിച്ചറിഞ്ഞിരുന്നു. ലെഡ്ജർ അടക്കമുള്ളരേഖകൾ ഉടൻ ഹാജരാ ക്കണമെന്ന് എൻ ഐ എ ആവശ്യപ്പെട്ടിട്ടുണ്ട്.കഴിഞ്ഞ 2 വർഷമാ യി ഇത്തരം ബാഗേജുകൾക്ക് അനുമതി നൽകിയിട്ടില്ല എന്നാണ് പ്രോട്ടോ കോൾ ഓഫീസർ പറഞ്ഞത്.4478 കിലോ ഗ്രാം ഭാരമാണ് നയതന്ത്ര ബാഗേജിനുണ്ടായിരുന്ന തൂക്കമെന്നിരിക്കെ മത ഗ്രന്ഥങ്ങൾ ഉണ്ടെങ്കിൽ അതിന്റെ ഭാരം കഴിച് മറ്റെന്താണ് ബാഗേജിൽ ഉണ്ടായിരുന്നത് എന്നാണ് പരിശോധിക്കുന്നത്. .ഇതിന്റെയെല്ലാം പശ്ചാത്തലത്തി ലാണ് മന്ത്രിയെ ചോദ്യംചെയ്യാൻ എൻ ഐ എ തീരുമാനിച്ചത്. പ്രോട്ടോകോൾ ലംഘനത്തെക്കുറിച് തനിക്ക് അറിവില്ലായിരുന്നു എന്നാണ് മന്ത്രി കെ ടി ജലീൽ നേരത്തെ പറഞ്ഞത്.ഔദ്യോഗിക ഇടപെടൽ മാത്രമായിരുന്നു കോൺസുലേറ്റുമായുള്ള ബന്ധമെന്ന് ജലീൽ മൊഴി നൽകിയിരുന്നു.

എന്തായാലും സംസ്ഥാനത്തെ ഒരു മന്ത്രി എന്ന നിലയിൽ സംശയങ്ങൾക്ക് അതീതനായി തിരിച്ചുവരേണ്ടത് മന്ത്രി ജലീലിന്റെ മാത്രം ബാധ്യതയായി മാറിയിരിക്കുന്നു.ധർമ്മയുദ്ധം കഴിഞ്ഞാൽ അഗ്നിശുദ്ധി തിരിച്ചുവരിക എന്നതൊക്കെ "ധർമ്മയുദ്ധ"ങ്ങളോടും പുരാണങ്ങളോടും മറ്റും ചേർന്ന് നിൽക്കുന്ന വാക്കുകളാണല്ലോ..

1996 സെപ്റ്റംബര്‍ 17 ന് നടന്ന കേരളത്തിലെ ആദ്യത്തെ മൊബൈല്‍ ഫോണ്‍ വിളിക്ക് നാളെ 24 വയസ്സ് തികയും. മലയാളത്തിന്റെ വിശ്വസാഹിത്യകാരന്‍ തകഴി ശിവശങ്കരപ്പിള്ളയും മാധവിക്കുട്ടി എന്ന കമല സുരയ്യയും എറണാകുളം ഹോട്ടല്‍ അവന്യു റീജന്റിലെ വേദിയിലിരിക്കവേ തകഴിയുടെ കയ്യില്‍ പുതിയൊരു ഉപകരണം. അകലെയുള്ളവരുമായി സംസാരിക്കാന്‍ ലാന്‍ഡ് ഫോണിനു പകരമുള്ള സംവിധാനമാണത്. തകഴിയുടെ കൈയിലിരുന്ന ഫോണില്‍ ഒരു നമ്പര്‍ ഡയല്‍ ചെയ്തു. അപ്പുറത്ത്, ദക്ഷിണമേഖലാ നാവികസേനാ മേധാവി വൈസ് അഡ്മിറല്‍ എ.ആര്‍.ടാന്‍ഡന്‍ ഫോണ്‍ എടുത്തു പറഞ്ഞു- 'ഹലോ!' കേരളത്തെ കയ്യടക്കി മൊബൈല്‍ ഫോണ്‍ സേവനത്തിനു തുടക്കം കുറിച്ചത് ഈ ഒരു അവസരമാണ്. തകഴിക്കു പിന്നാലെ മാധവിക്കുട്ടിയുമായും ടാന്‍ഡന്‍ മൊബൈല്‍ വിളിക്ക് സാക്ഷ്യം വഹിച്ചു. .

സംസ്ഥാനത്തിലാദ്യമായി മൊബൈല്‍ സേവനം തുടങ്ങിയത് എസ്‌കോടെല്‍ ആണ്. ഇന്ത്യയിലെ എസ്‌കോര്‍ട്‌സ് ഗ്രൂപ്പിന്റെയും ഹോങ്കോങ്ങിലെ ഫസ്റ്റ് പസഫിക് കമ്പനി ലിമിറ്റഡിന്റെയും സംയുക്ത സംരംഭം. 1996 സെപ്തംബറില്‍ ഉദ്ഘാടനം നടത്തിയ എസ്‌കോട്ടല്‍ ഒക്ടോബര്‍ മാസത്തിലാണ് സേവനം ആരംഭിച്ചത് വരിക്കാര്‍ക്ക് കണക്ഷന്‍ ലഭിക്കാന്‍ വീണ്ടും ഒരു മാസമെടുത്തു. 1996 ല്‍ തന്നെ ബിപിഎല്‍ മൊബൈലും കേരളത്തില്‍ എത്തി. 2002- ലാണ് ബി.എസ്.എന്‍.എല്‍ കേരളത്തില്‍ സേവനം ആരംഭിക്കുന്നത്.

ആദ്യകാലത്ത് ഇന്‍കമിങ് കോളുകള്‍ക്കു നിരക്ക് ഈടാക്കിയിരുന്നു. ഔട്ട്‌ഗോയിംഗ് കോളുകള്‍ക്ക് മിനിട്ടിന് 16 രൂപയും ഇന്‍കമിങ് കോളുകള്‍ക്ക് 8 രൂപയുമായിരുന്നു നിരക്ക്. 2003 ല്‍ ഇന്‍കമിങ് കോളുകള്‍ സൗജന്യമാക്കി. ഇപ്പോള്‍ ഡേറ്റ അധിഷ്ഠിത പ്ലാനുകള്‍ക്കു സൗജന്യ കോള്‍ സംവിധാനമായി. നിലവില്‍, നാലരക്കോടിയോളം കണക്ഷന്‍ കേരളത്തിലുണ്ടെന്നാണ് കണക്ക്. 1995 ജൂലൈ 31 നായിരുന്നു ഇന്ത്യയില്‍ ആദ്യ മൊബൈല്‍ ഫോണ്‍വിളി നടന്നത്. അന്നത്തെ ബംഗാള്‍ മുഖ്യമന്ത്രി ജ്യോതിബസു അന്നത്തെ കേന്ദ്ര കമ്യൂണിക്കേഷന്‍ മന്ത്രി സുഖ്റാമിനെ വിളിച്ചാണ് ഇന്ത്യയിലെ മൊബൈല്‍ വിപ്ലവത്തിന് തുടക്കമിട്ടത്. മോദി ടെല്‍സ്ട്ര എന്നായിരുന്നു അന്ന് ഈ സര്‍വ്വീസ് ലഭ്യമാക്കിയ കമ്ബനി. പിന്നീട് ഇവര്‍ സ്‌പൈസ് മൊബൈല്‍ എന്ന് പേരുമാറ്റി.