തിരുവനന്തപുരം :സംസ്ഥാനത്ത് കോവിഡ് വ്യാപനം രൂക്ഷമാകുന്നു. മന്ത്രിമാരുടെ ഓഫീസുകളിലടക്കം കോവിഡ് സ്ഥിരീകരിച്ചുതിനെ തുടർന്ന് സെക്രെറ്ററിയേറ്റിന്റെ പ്രവർത്തനം താളം തെറ്റി.

സെക്രെറ്ററിയേറ്റ് ലൈബ്രറി അടച്ചു.ഭരണസിരാകേന്ദ്രമായ സെക്രെട്ടറിയേറ്റിൽ ക്ലസ്റ്ററുകൾ രൂപപ്പെട്ടിട്ടുണ്ട്.
മന്ത്രിമാരുടെ ഓഫീസുകളിൽ നിരവധി പേർക്ക് കോവിഡ് സ്ഥിരീകരിച്ചിട്ടുണ്ട്.മന്ത്രി വി ശിവൻകുട്ടി കോവിഡ് ബാധിച് ആശുപത്രിയിൽ ചികിത്സയിലാണ്.

പലർക്കും കോവിഡ് ബാധിച്ചതിനെ തുടർന്ന് മുഖ്യമന്ത്രിയുടെ ഓഫീസും ഭാഗികമായി അടച്ച നിലയിലാണ്.വനം,ദേവസ്വം മന്ത്രിമാരുടെ ഓഫീസിലും കോവിഡ് ബാധ റിപ്പോർട്ട് ചെയ്തു.

വനം മന്ത്രി യുടെ ഓഫീസിന്റെ പ്രവർത്തനം മൂന്ന് ദിവസം മുൻപേ താൽക്കാലികമായി നിർത്തിയിരുന്നു.പ്രത്യേക സാഹചര്യത്തിൽ വർക് ഫ്രം ഹോം പുനസ്ഥാപിക്കണ മെന്ന് വിവിധ സംഘടനകൾ ആവശ്യം ഉന്നയിച്ചിട്ടുണ്ട്.

കൊച്ചി :നടിയെ ആക്രമിച്ച കേസിൽ ദൃശ്യങ്ങൾ പകർത്തിയ കേസ് അന്വേഷിച്ച ഉദ്യോഗസ്ഥരെ വകവരുത്താൻ ഗൂഢാലോചന നടത്തി എന്ന കേസിൽ നടൻ ദിലീപിനെ മൂന്ന് ദിവസം ചോദ്യം ചെയ്യും.

ദിലീപ് അടക്കമുള്ള മൂന്ന് പ്രതികളോടും ക്രൈം ബ്രാഞ്ചിന് മുന്നിൽ ഹാജരാകാൻ ഹൈക്കോടതി ഉത്തരവിട്ടു.ചോദ്യം ചെയ്യലിന്റെ വിവരങ്ങൾ ക്രൈം ബ്രാഞ്ച് കോടതിയെ അറിയിക്കണം.മുൻകൂർ ജാമ്യാപേക്ഷ വ്യാഴാഴ്ച വീണ്ടും പരിഗണിക്കും.

ഏത് അന്വേഷണവുമായും സഹകരിക്കാമെന്നും ചോദ്യം ചെയ്യലിനായി എത്ര ദിവസം വേണമെങ്കിലും ഹാജരാകാമെന്നും എന്നാൽ. അറസ്റ്റ് ഒഴിവാക്കണമെന്നും ദിലീപ് കോടതിയിൽ ആവശ്യപ്പെട്ടു.

ദിലീപിന് പുറമെ സഹോദരൻ അനൂപ്,സഹോദരി ഭർത്താവ് ടി എൻ സൂരജ്,ബന്ധു അപ്പു,സുഹൃത്ത് ബൈജു ചെങ്ങമനാട്,ആലുവയിലെ സുഹൃത്ത് ശരത് എന്നിവരാണ് മുൻകൂർ ജാമ്യാപേക്ഷ നൽകിയത്.

തിരുവനന്തപുരം: കോവിഡ് ബാധിതനായി തിരുവനന്തപുരത്തെ സ്വകാര്യ ആശുപത്രിയിൽ കഴിയുന്ന മുൻ മുഖ്യമന്ത്രി വി എസ് അച്യുതാനന്ദന്റെ ആരോഗ്യ നില മെച്ചപ്പെട്ടു.

മകൻ വി എ അരുൺ കുമാറാണ് ഇക്കാര്യം അറിയിച്ചത്. ആരോഗ്യനിലയിൽ പുരോഗതി ഉണ്ടെന്നും എന്നാൽ ആശുപത്രിയിൽ തുടരുകയാണെന്നും ഫേസ്ബുക്ക് പോസ്റ്റിലൂടെ അരുൺ കുമാർ വ്യക്തമാക്കി.

ഈ മാസം ഇരുപതിനാണ് വി എസിന് കോവിഡ് സ്ഥിരീകരിച്ചതിനെ തുടർന്ന് തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചത്.

അതേസമയം വി എസിന്റെ ഭാര്യയ്ക്ക് വെള്ളിയാഴ്ച വൈകിട്ടോടെ കോവിഡ് സ്ഥിരീകരിച്ചു.അവരും ഇതേ ആശുപത്രിയിൽ ചികിത്സയിലാണ്.

അച്ഛന്റെ സുഖ വിവരം അന്വേഷിച്ചു നിരവധി പേർ വിളിക്കുന്നുണ്ടെന്നും എല്ലാവരുടെയും സ്നേഹത്തിന് നന്ദി രേഖപ്പെടുത്തുന്നുവെന്നും അരുൺ കുമാർ പറഞ്ഞു.

L A T E S T |

തൊടുപുഴ : ഇടുക്കി എഞ്ചിനീയറിംഗ് കോളേജിൽ കുത്തേറ്റ് മരിച്ച എസ് എഫ് ഐ പ്രവർത്തകൻ ധീരജിന്റെ മരണത്തിന് കാരണമായത് ഹൃദയ അറകൾ തകർത്തുള്ള ആഴത്തിലുള്ള കുത്തെന്ന് പോസ്റ്റ്‌മോർട്ടം റിപ്പോർട്ട്.

ശരീരത്തിലുണ്ടായിരുന്ന ഒറ്റ കുത്ത് ഹൃദയ അറകളും ധമനികളും തകർത്തതായി പ്രാഥമിക പോസ്റ്റ്‌മോർട്ടം റിപ്പോർട്ട് വിലയിരുത്തി പോലീസ് പറഞ്ഞു.

ഒറ്റക്കുത്തിൽത്തന്നെ ധീരജ് മരണത്തിന് കീഴടങ്ങി.കൂടെയുണ്ടായിരുന്ന സുഹൃത്തിനും നെഞ്ചിലാണ് കുത്തേറ്റത്.എന്നാൽ പരിക്ക് പറ്റിയ മൂന്നാമന്റെ ശരീരത്തിൽ കത്തിക്കുത്തിന്റെ പാടുകളില്ലെന്നും പോലീസ് പറഞ്ഞു.

ധീരജിനെ കുത്തി ഓടുന്നതിനിടയിൽ കത്തി വലിച്ചെറിഞ്ഞതായി പ്രതി നിഖിൽ പൈലി പൊലീസിന് മൊഴി നൽകി.വിദ്യാർത്ഥികളെ കുത്തി സിവിൽ സ്റ്റേഷൻ ഭാഗത്തേക്കാണ് ഓടിയത്.ഇതിനിടയിലാണ് കത്തി വലിച്ചെറിഞ്ഞതെന്നാണ് മൊഴി.സംഭവസമയത്ത് ഇയാൾക്കൊപ്പമുണ്ടായിരുന്നവരെയും പോലീസ് തിരിച്ചറിഞ്ഞിട്ടുണ്ട്.

യൂണിയൻ തിരഞ്ഞെടുപ്പമായി ബന്ധപ്പെട്ട് നിഖിൽ പൈലി അടക്കമുള്ള യൂത്ത് കോൺഗ്രസ് പ്രവർത്തകർ കോളേജിൽ വന്നത് എസ് എഫ് ഐ പ്രവർത്തകർ ചോദ്യം ചെയ്തിരുന്നു.ഇതുമായി ബന്ധപ്പെട്ട് ക്യാമ്പസ് കവാടത്തിലുണ്ടായ തർക്കമാണ് കത്തിക്കുത്തിൽ കലാശിച്ചതെന്ന് പോലീസ് പറഞ്ഞു.

L A T E S T | ON AIR

കോട്ടയം : മന്ത്രി വി എൻ വാസവന്റെ കാർ അപകടത്തിൽപെട്ടു.

പാമ്പാടി ഒൻപതാം മൈലിൽ വെച്ചാണ് പിക്ക് അപ്പ് വാനുമായി മന്ത്രിയുടെ കാർ കൂട്ടിയിടിച്ചത്.അപകടത്തിൽ മന്ത്രിയുടെ സുരക്ഷാ ജീവനക്കാരന് പരിക്കേറ്റു.

മന്ത്രിക്ക് പരിക്കില്ല.പാമ്പാടി താലൂക്ക് ആശുപത്രിയിലെത്തി പ്രാഥമിക പരിശോധന നടത്തിയ മന്ത്രി മറ്റൊരു വാഹനത്തിൽ യാത്ര തുടർന്നു.

L A T E S T | ON AIR

കണ്ണൂർ : ട്രെയിൻ യാത്രക്കാരന് നേരെ പോലീസിന്റെ ക്രൂര മർദ്ദനവും ബൂട്ടിട്ടുള്ള ചവിട്ടും.

കണ്ണൂരിൽനിന്ന് തിരുവനന്തപുരത്തേക്ക് പോവുകയായിരുന്ന മാവേലി എക്സ്പ്രസ്സിലാണ് മനസാക്ഷിയെ നടുക്കുന്ന സംഭവങ്ങൾ അരങ്ങേറിയത്.നിസ്സഹായനായ യാത്രക്കാരനെ പോലീസ് ക്രൂരമായി മർദിക്കുന്ന ദൃശ്യങ്ങൾ പുറത്ത്.

പ്രകോപനങ്ങളില്ലാതെയാണ് റെയിൽവേ പൊലീസിലെ എ എസ് ഐ പ്രമോദാണ് യാത്രക്കാരനെ ക്രൂര മർദനത്തിന് ഇരയാക്കിയതെന്ന് സഹയാത്രക്കാർ പറഞ്ഞു. മാഹിയിൽനിന്ന് കയറിയ യാത്രക്കാരനെയാണ് പോലീസ് മർദിച്ചത്.യാത്രക്കാരൻ മദ്യപിച്ച് ബഹളമുണ്ടാക്കി എന്നാണ് പോലീസ് പറയുന്നത്.എന്നാൽ ഇത് സ്ത്രീകളടക്കമുള്ള യാത്രക്കാർ നിഷേധിച്ചിട്ടുണ്ട്.

യാത്രക്കാർ ട്രെയിൻ ടിക്കറ്റ് പരിശോധകനെ വിവരമറിയിച്ച് പ്രശ്നങ്ങൾ പരിഹരിക്കാൻ ശ്രമിക്കുന്നതിനിടയിൽ പോലീസ് ഇടപെടുകയായിരുന്നു.പോലീസ് വന്ന ഉടൻ തന്നെ യാത്രകാരനോട് അപമര്യാദയയോടെ പെരുമാറുകയായിരുന്നു.

യാത്രക്കാരനോട് തട്ടിക്കയറിയ എ എസ് ഐ സീറ്റിൽനിന്ന് വലിച്ച് താഴെയിടുകയും നിലത്തിട്ട് ചവിട്ടുകയുമായിരുന്നു. അവശ ഗതിയിലായിരുന്ന യാത്രക്കാരനെ മർദ്ദിക്കരുതെന്ന് യാത്രക്കാർ ആവശ്യപ്പെട്ടിട്ടും പോലീസ് ചെവിക്കൊണ്ടില്ല.

തുടർന്ന് ട്രെയിൻ വടകരയിൽ എത്തിയപ്പോൾ പോലീസുകാരൻ തന്നെ യാത്രക്കാരനെ വലിച്ചിഴച്ച് പുറത്താക്കി.പിന്നീട് ഈ യാത്രക്ക്കാരനെ ക്കുറിച്ച് വിവരങ്ങൾ ഒന്നുമില്ല.മുകളിലെ ബർത്തിലിരിക്കുകയായിരു ന്ന യാത്രക്കാരൻ പകർത്തിയ ദൃശ്യങ്ങളാണ് പുറത്തായത്.

സംഭവത്തിൽ അന്വേഷണം നടത്താൻ സ്പെഷ്യൽ ബ്രാഞ്ച് എസ് പി യെ ചുമതലപ്പെടുത്തിയതായി സിറ്റി പോലീസ് കമ്മിഷണർ ആർ ഇളങ്കോ അറിയിച്ചു.റിപ്പോർട്ട് വരുന്ന മുറയ്ക്ക് നടപടി എടുക്കുമെന്ന് അദ്ദേഹം പറഞ്ഞു.സംഭവത്തിൽ സംസ്ഥാന മനുഷ്യാവകാശ കമ്മീഷൻ സ്വമേധയാ കേസെടുത്തിട്ടുണ്ട്.

NEWS DESK |

ഗുരുവായൂർ : മൂവായിരത്തോളം ആന വണ്ടികളിൽ ലോഗോ വരച്ച് ശ്രദ്ധേയനായ ചിത്രകാരൻ ആർട്ടിസ്റ്റ് മാധവൻകുട്ടി യാത്രയായി. 71 വയസായിരുന്നു.

കെ എസ് ആർ ടി സി യിൽ 35 വർഷത്തോളം ഡിസൈനറും ഫോട്ടോഗ്രാഫറുമായ പ്രവർത്തിച്ച കണ്ടാണശ്ശേരി അഭിലാഷ് ഭവനിൽ മാധവൻകുട്ടി എന്ന ചിത്രകാരൻ ബസുകളിൽ വരച്ച കെ എസ് ആർ ടി സിയുടെ മുദ്രണം ഇനി തലയെടുപ്പോടെ ജീവിക്കും.

കെ എസ് ആർ ടി സി യ്ക്ക് ആനവണ്ടി എന്ന പേരുവരാൻ തന്നെ കാരണമായ മുഖാമുഖം നിൽക്കുന്ന ആന മുദ്രണങ്ങൾ മൂവായിരത്തിലേറെ ബസുകളിൽ വരച്ചിട്ടുണ്ട് മാധവൻകുട്ടി എന്ന ആനക്കമ്പക്കാരൻ.

ചെറുപ്പം മുതലേ ആനകളെ വരയ്ക്കുന്ന ശീലമുണ്ടായിരുന്ന ഇദ്ദേഹം കെ എസ് ആർ ടി സിയിൽ ആനകളെ തന്നെ വരയ്ക്കാനുണ്ടായ നിയോഗം യാദൃശ്ചികമാകാം.1973 ഏറ്റുമാനൂർ ഡിപ്പോയിൽ ആര്ടിസ്റ്റായിരുന്നു നിയമനം.

കെ എസ് ആർ ടി സിയിൽ ഡിസൈനറായി ജോലിയ്ക്ക് കയറിയ ശേഷം ആനകളുടെ കൊമ്പിന്റെ നീളം കൂട്ടി വരുത്തിയ മാറ്റം അധികാരികൾക്ക് ഏറെ ബോധിച്ചു. കോട്ടയം,കൊട്ടാരക്കര, മാവേലിക്കര, അടൂർ,കായംകുളം,കരുനാഗപ്പള്ളി,കൊല്ലം ഡിപ്പോകളിൽ ജോലിചെയ്ത മാധവൻകുട്ടി ഗുരുവായൂരിൽ എത്തിയാണ് വിരമിച്ചത്.പിന്നീട് കണ്ടാണശ്ശേരിയിൽ സ്ഥിര താമസമാക്കി.

ലളിതകലാ അക്കാദമി പുരസ്‌കാരങ്ങൾ ഉൾപ്പെടെ നേടിയിട്ടുണ്ട്. നാഗസ്വര വിദ്വാനായിരുന്ന കൊട്ടാരക്കര വെട്ടിക്കവല ഉമ്മിണിയുടെയും കാർത്യായനിയുടെയും മകനാണ്. ഭാര്യ:സരള, മക്കൾ : അഭിലാഷ്(ന്യൂഡൽഹി ),ആശ,മരുമക്കൾ :സുമ (ന്യൂഡൽഹി ), സുധീരൻ (ദുബായ് ).

L A T E S T |

തിരുവനന്തപുരം: പുതുവത്സരാഘോഷങ്ങളിൽ കടുത്ത നിയന്ത്രണങ്ങളേർപ്പെടുത്തി പോലീസ്.

വൻ തോതിൽ ലഹരി ഉപയോഗത്തിന് സാധ്യതയുണ്ടെന്ന് ഇന്റലിജൻസ് റിപ്പോർട്ടുള്ളതിനാൽ ഡി ജെ പാർട്ടികൾ രാത്രി പത്ത് മണിക്ക് ശേഷം പാടില്ല എന്ന് പോലീസ് മുന്നറിയിപ്പ് നൽകി.

ഇതുസംബന്ധിച്ച് പോലീസ് മേധാവിയുടെ നിർദേശത്തെ തുടർന്ന് ജില്ലാ പോലീസ് മേധാവിമാർ ഹോട്ടലുടമകൾക്ക് നോട്ടീസ് നൽകി.ലഹരി ഉപയോഗം ഇല്ലെന്ന് ഉറപ്പുവരുത്താൻ ഹോട്ടലുടമകൾക്കും നിർദേശം നൽകിക്കൊണ്ടാണ് പോലീസിന്റെ നോട്ടീസ്.

പാർട്ടി നടക്കുന്ന ഹാളിൽ സി സി ടി വി ക്യാമറകൾ പ്രവർത്തിക്കുന്നു എന്ന് ഉറപ്പുവരുത്തണം.സ്പെഷ്യൽ ബ്രാഞ്ചിന്റെ നിരീക്ഷണം ഹോട്ടലുകളിൽ ഉണ്ടായിരിക്കും.സി സി ടി വി ദൃശ്യങ്ങൾ സൂക്ഷിച്ചുവെക്കാനും പോലീസ് നിർദേശം നൽകിയിട്ടുണ്ട്.

മോഡലുകളുടെ അപകടമരണമടക്കം അടുത്തിടെയുണ്ടായ നിരവധി സംഭവങ്ങളിൽ ലഹരി ഉപയോഗത്തെ തുടർന്നുള്ള അനിഷ്ടസംഭവങ്ങളുടെ പശ്ചാത്തലത്തിലാണ് പോലീസ് കർശന നിലപാടെടുത്തത്.

L A T E S T |

തിരുവനന്തപുരം : സംവിധായകൻ രഞ്ജിത്ത് ചലച്ചിത്ര അക്കാദമി ചെയർമനാകും.ഗായകൻ എം ജി ശ്രീകുമാർ സംഗീത നാടക അക്കാദമി ചെയർമാൻ സ്ഥാനത്തും പരിഗണനയിൽ.

സിപിഎം സംസ്ഥാന സെക്രട്ടേറിയറ്റ് യോഗത്തിലാണ് തീരുമാനം. ഇതു സംബന്ധിച്ച സർക്കാർ ഉത്തരവ് ഉടൻ ഇറങ്ങും.

നിലവിൽ ചലച്ചിത്ര അക്കാദമി ചെയർമാനായ സംവിധായകൻ കമൽ സ്ഥാനമൊഴിയുന്നതിനാലാണ് രഞ്ജിത്തിനെ പരിഗണിച്ചത്. 2016 ലാണ് കമൽ ചലച്ചിത്ര അക്കാദമി ചെയർമാനാകുന്നത്.കെ പി എ സി ലളിതയാണ് സംഗീത നാടക അക്കാദമി ചെയർ മാൻ സ്ഥാനത്ത് ഇപ്പോൾ ഉള്ളത്.

കൊച്ചി : കിഴക്കമ്പലത്ത് പോലീസിനെ ആക്രമിച്ച സംഭവത്തിൽ 156 ഇതര സംസ്ഥാന തൊഴിലാളികൾ കസ്റ്റഡിയിൽ.കേസ് പ്രത്യേക അന്വേഷണ സംഘം അന്വേഷിക്കുമെന്ന് കൊച്ചി റൂറൽ എസ് പി അറിയിച്ചു.

സംഘർഷമുണ്ടായ സ്ഥലത്ത് വൻ പൊലീസ് സന്നാഹം നിലയുറപ്പിച്ചിട്ടുണ്ട്.സ്ഥിതിഗതികൾ നിയന്ത്രണ വിധേയമാണെന്ന് റൂറൽ എസ് പി പറഞ്ഞു.ഇന്നലെ രാത്രിയാണ് കിഴക്കമ്പലത്തെ ഇതര സംസ്ഥാന തൊഴിലാളികളുടെ ക്യാമ്പിൽ പോലീസിനെ ആക്രമിച്ച സംഭവം ഉണ്ടായത്.

L A T E S T |ON AIR

കൊച്ചി: കുന്നത്തുനാട്ടിൽ ഇതര സംസ്ഥാന തൊഴിലാളികളുടെ ആക്രമണം.പൊലീസുകാരെ ജീപ്പിനുള്ളിലിട്ട് ചുട്ടുകൊള്ളാൻ ശ്രമം,രണ്ട് പോലീസ് ജീപ്പുകൾ കത്തിച്ചു.നിരവധി പോലീസുകാർക്ക് പരിക്ക്,സംഘർഷാവസ്ഥ.

കിഴക്കമ്പലത്ത് അർദ്ധ രാത്രി തുടങ്ങിയ ആക്രമണം കലാപ സമാനമായി മാറി.മൂവായിരത്തോളം തൊഴിലാളികൾ താമസിക്കുന്ന ലേബർ ക്യാമ്പിൽ അരങ്ങേറിയ സംഘർഷത്തിൽ നാട്ടുകാരും ആക്രമിക്കപ്പെട്ടു.പോലീസുകാർ ജീപ്പ് ഉപേക്ഷിച്ച് ഓടി രക്ഷപ്പെട്ടു.

പുലർച്ചെയോടെ കൂടുതൽ പോലീസ് സേനയെത്തി സ്ഥലത്ത് ക്യാമ്പ് ചെയ്യുന്നു.കിഴക്കമ്പലം കിറ്റെക്സ് കമ്പനി തൊഴിലാളികൾ താമസിക്കുന്ന ക്യാമ്പിലാണ് സംഘർഷം ഉണ്ടായത്.

ക്രിസ്മസ് ആഘോഷതിനിടയിലെ തൊഴിലാളികൾ തമ്മിലുള്ള വാക്ക് തർക്കം സംഘർഷത്തിൽ കലാശിച്ചതിനെ തുടർന്ന് പോലീസ് കൺട്രോൾ റൂമിൽ ലഭിച്ച സന്ദേശത്തെ തുടർന്ന് പോലീസുകാർ ക്യാമ്പിൽ എത്തുകയായിരുന്നു.എന്നാൽ ഇതിനിടയിൽ തൊഴിലാളികൾ പോലീസിനെതിരെ ആക്രമണം അഴിച്ചുവിടുകയായിരുന്നു.

നൂറോളം തൊഴിലാളികൾ കൂട്ടം ചേർന്ന് പോലീസിനെതിരെ പാഞ്ഞടുത്തു.പിന്നീട് കൂടുതൽ തൊഴിലാളികൾ കൂട്ടമായെത്തി പോലീസിനെ അടിച്ചോടിച്ചു.ശബ്ദം കേട്ട് ഓടിയെത്തിയ നാട്ടുകാരെയും സംഘം ആക്രമിച്ചു.

പോലീസ് ജീപ്പിന് ചുറ്റും കൂടി ജീപ്പിന്റെ വാതിലുകൾ ചവിട്ടി പിടിച്ച് ജീപ്പ് കത്തിക്കാനാണ് ആദ്യ ശ്രമം നടത്തിയത്.തുടർന്ന് പോലീസുകാർ ഓടി രക്ഷപ്പെടുകയായിരുന്നു.സി ഐ അടക്കം അഞ്ച് പോലീസുകാർക്ക് ഗുരുതരമായി പരിക്കേറ്റതായാണ് ലഭ്യമാകുന്ന വിവരം.കുന്നത്തുനാട് ഇൻസ്‌പെക്ടർ വി ടി ഷാജന് തലക്കും കൈക്കും പരിക്കേറ്റിട്ടുണ്ട്.

തൊഴിലാളികളുടെ ക്യാമ്പിൽ മയക്കുമരുന്നും മദ്യവും ഉപയോഗിച്ചുകൊണ്ടുള്ള ക്രിസ്മസ് ആഘോഷത്തിനിടെയാണ് ഇരുവിഭാഗം തമ്മിൽ ഏറ്റുമുട്ടി സംഘർഷം തുടങ്ങിയത്.മേഖലയിലെ നാട്ടുകാർക്കെതിരെയും ഇവിടത്തെ തൊഴിലാളി കൂട്ടങ്ങൾ ആക്രമണം അഴിച്ചുവിടാറുണ്ടെന്ന് നാട്ടുകാർ ആരോപിച്ചു.

ഗുരുവായൂർ : നിശ്ചല ഛായാഗ്രാഹകൻ സുനിൽ ഗുരുവായൂർ അന്തരിച്ചു.69 വയസായിരുന്നു.ഹൃദയാഘാതത്തെ തുടർന്ന് ഗുരുവായൂരിലെ വസതിയിലായിരുന്നു അന്ത്യം.

നിരവധി സിനിമകൾക്ക് നിശ്ചല ഛായാഗ്രഹണം നിർവഹിച്ചിട്ടുണ്ട്.ഭരതൻ സംവിധാനം ചെയ്ത വൈശാലി എന്ന സിനിമയിലൂടെയാണ് മലയാള സിനിമയിലെത്തിയത് ഭാര്യ: അംബിക,മക്കൾ: അനിത,അനിൽ.ചലച്ചിത്ര മേഖലയിലെ നിരവധി പേർ അന്ത്യാഞ്ജലി അർപ്പിച്ചു.

കോഴിക്കോട്: വടകര താലൂക്ക് ഓഫീസ് കെട്ടിടത്തിൽ ഇന്നാലെയുണ്ടായ തീപിടുത്തവുമായി ബന്ധപ്പെട്ട് ആന്ധ്ര സ്വദേശിയായ യുവാവിനെ പോലീസ് കസ്റ്റഡിയിലെടുത്തു.

പ്രദേശത്ത് അലഞ്ഞു നടന്നിരുന്ന ഇയാളെ കേന്ദ്രീകരിച്ചാണ് അന്വേഷണം നടക്കുന്നത്.

ആന്ധ്ര സ്വദേശി മറ്റൊരു കെട്ടിടത്തിലേക്ക് കയറുന്നതിന്റെ സി സി ടി വി ദൃശ്യങ്ങളും പൊലീസിന് ലഭിച്ചിട്ടുണ്ട്.

താലൂക്ക് ഓഫിസിനോട് ചേർന്നുള്ള ലാൻഡ് അക്വിസിഷൻ ഓഫീസിന്റെ ശൗചാലയത്തിൽ അഗ്നിബാധ ഉണ്ടായ സ്ഥലത്ത് തെലുങ്കിലും ഇംഗ്ലീഷിലും എഴുതിയിട്ടതും പോലീസ് അന്വേഷിക്കുന്ന പശ്ചാത്തലത്തിലാണ് ആന്ധ്ര സ്വദേശിയെ കസ്റ്റഡിയിലെടുത്തത്.

അപകടത്തിന് കാരണം ഷോർട്ട് സർക്യൂട്ടല്ല എന്ന് ഇന്നലെ തന്നെ വ്യക്തമായിരുന്നു.

L A T E S T |

തിരുവനന്തപുരം: സംസ്ഥാനത്തെ സ്കൂളുകളിൽ പത്ത് ദിവസത്തെ ക്രിസ്മസ് അവധി പ്രഖ്യാപിച്ച് സർക്കാർ ഉത്തരവായി.2021 ഡിസംബർ 24 മുതൽ ജനുവരി 2 വരെയാണ് അവധി.

കോവിഡ് സാഹചര്യത്തിലും നവംബർ ഒന്ന് മുതൽ പ്രവർത്തിക്കുന്ന സ്കൂളുകൾക്ക് ഗവർണറുടെ ഉത്തരവിന്റെ അടിസ്ഥാനത്തിലാണ് അവധി പ്രഖ്യാപിച്ചത്.കോവിഡ് പശ്ചാത്തലത്തിൽ 19 മാസത്തെ ഇടവേളയ്ക്ക് ശേഷമാണ് സ്കൂളുകൾ തുറന്ന് പ്രവർത്തിക്കാൻ തുടങ്ങിയത്.

L I V E |

തിരുവനന്തപുരം: സംസ്ഥാനത്തെ മെഡിക്കൽ കോളേജുകളിൽ പി ജി ഡോക്ടർമാർ നടത്തിവന്ന സമരം പിൻവലിച്ചു.

ആവശ്യങ്ങളിൽ മുഖ്യമന്ത്രിയുടെ ഓഫീസിൽനിന്നുള്ള അനുകൂല ഉറപ്പ് ലഭിച്ച പശ്ചാത്തലത്തിലാണ് സമരം പിൻവലിക്കുന്നതെന്ന് ഡോക്ടർമാർ അറിയിച്ചു.

ഒ പി ,വാർഡ് ഡ്യൂട്ടികൾ ബഹിഷ്കരിക്കാനുള്ള തീരുമാനത്തിൽനിന്നും ഡോക്ടർമാർ പിന്മാറി.നാളെ രാവിലെ മുതൽ പി ജി ഡോക്ടർമാർ ജോലിയിൽ പ്രവേശിക്കുമെന്ന് കെ എം പി ജി എ ഭാരവാഹികൾ അറിയിച്ചു.

L A T E S T |

കൊച്ചി: എറണാകുളത്ത് ഒമിക്രോൺ സ്ഥിരീകരിച്ച കോംഗോയിൽനിന്നെത്തിയ രോഗിയുടെ റൂട്ട് മാപ്പ് പുറത്തു വിട്ടു.ഡിസംബർ ഏഴ് മുതൽ പതിനൊന്ന് വരെയുള്ള ദിവസങ്ങളിലെ റൂട്ട് മാപ്പാണ് പുറത്തുവിട്ടത്.

സ്വയം നിരീക്ഷണത്തിൽ കഴിയേണ്ട ഇദ്ദേഹം ആ ദിവസങ്ങളിൽ ഷോപ്പിംഗ് മാൾ,തുണിക്കടകൾ,ഹോട്ടൽ എന്നിവിടങ്ങളിൽ സന്ദർശിച്ചതിന്റെ റൂട്ട് മാപ്പാണ് ജില്ലാ ഭാണകൂടം പുറത്തുവിട്ടത്.

ഡിസംബർ ഏഴിന് പുലർച്ചെ 3 നാണ് ഇയാൾ നെടുമ്പാശേരിയിൽ ( ഫ്ലൈറ്റ് നമ്പർ എ ഐ 934 ) വിമാനമിറങ്ങിയത്.തുടർന്ന് ഏഴ് ദിവസം സ്വയം നിരീക്ഷണത്തിൽ പോകേണ്ട ഇദ്ദേഹം എറണാകുളം ജില്ലയിലെ കലൂർ,പാലാരിവട്ടം,മരട് പ്രാദേശങ്ങളിൽ സന്ദർശിച്ചു.

ഒൻപതാം തിയ്യതി സ്വന്തം കാറിൽ പുതിയ കാവ് ആയുർവേദ ആശുപത്രിയിൽ ആർ ടി പി സി ആർ പരിശോധനയ്ക്കായി പോയി. പത്താം തിയതി യുബർ ടാക്സിയിൽ പാലാരിവട്ടത്തെ സ്വകാര്യ ആശുപത്രിയിലെത്തി.

വൈകുന്നേരം അറേബ്യൻ ഡ്രീംസ് ഹോട്ടലിലെത്തി ഭക്ഷണം കഴിച്ചു.പിന്നീട് ഓട്ടോയിൽ കയറി വീട്ടിൽ വന്നു.തുടർന്ന് സഹോദരനൊപ്പം ബൈക്കിൽ അബാദ് ന്യൂക്ളിയസ് മാളിലെ മാക്സ് സ്റ്റോറിൽ കയറി.

സമ്പർക്കപ്പട്ടികയിലുള്ളവർ ആരോഗ്യവകുപ്പുമായി ബന്ധപ്പെടണമെന്നും ജാഗ്രത പാലിക്കണമെന്നും ആരോഗ്യമന്ത്രി അറിയിച്ചു.

തിരുവനന്തപുരം : തിരുവനന്തപുരത്ത് സമരം ചെയ്യുന്ന കായിക താരങ്ങളുമായി ചർച്ചയ്ക്ക് തയ്യാറായി സംസ്ഥാന സർക്കാർ.സർക്കാർ വാഗ്ദാനം നൽകിയ ജോലി നൽകണമെന്നാവശ്യപ്പെട്ടാണ് കായിക താരങ്ങൾ സമരം ചെയ്യുന്നത്.

കായിക താരങ്ങളുടെ പ്രശ്നങ്ങൾ സംബന്ധിച്ച് ഈ മാസം 16ന്ചർച്ച നടത്താമെന്ന് കായികമന്ത്രി വി അബ്ദുറഹ് മാന്റെ ഓഫീസിൽനിന്ന് അറിയിപ്പ് ലഭിച്ചതായി സമരം ചെയുന്ന കായിക താരങ്ങൾ അറിയിച്ചു.സമരം പതിമൂന്നാം ദിവസം കടന്നിരിക്കെയാണ് സർക്കാർ ചർച്ചയ്ക്ക് തയ്യാറാണെന്ന അറിയിപ്പ് ലഭിച്ചത്.

കഴിഞ്ഞ സർക്കാരിന്റെ കാലത്ത്സമരം 580കായിക താരങ്ങൾക്ക് ജോലി നൽകിയെന്ന് അന്നത്തെ കായിക മന്ത്രി ഇ പി ജയരാജൻ പറഞ്ഞിരുന്നെങ്കിലും 195 പേർക്ക് മാത്രമാണ് ജോലി ലഭിച്ചതെന്ന് കായിക താരങ്ങൾ പറയുന്നു.

L A T E S T |

കൊച്ചി : കേരളത്തിൽ കോവിഡ് വകഭേദമായ ഒമിക്രോൺ സ്ഥിരീകരിച്ചു.

ആരോഗ്യമന്ത്രി വീണ ജോർജാണ് ഇക്കാര്യം അറിയിച്ചത്.യു കെ യിൽ നിന്ന് വന്ന എറണാകുളം സ്വാദേശിക്കാണ് രോഗം സ്ഥിരീകരിച്ചത്.

വിമാനത്താവളത്തിൽ നടത്തിയ ആദ്യ പരിശോധനയിൽ നെഗറ്റിവ് ആയിരുന്നെങ്കിലും സംശയം തോന്നി പിറ്റേ ദിവസം നടത്തിയ പരിശോധനയിൽ കോവിഡ് സ്ഥിരീകരിക്കുകയായിരുന്നു. ഇദ്ദേഹത്തിന്റെ ഭാര്യയ്ക്കും ഭാര്യ മാതാവിനും കോവിഡ് പോസിറ്റിവാണ്.

രോഗിയുടെ ആരോഗ്യ നില തൃപ്തികരമാണെന്നും ആശങ്കപ്പെടേണ്ട സാഹചര്യം നിലവിലില്ല എന്നും രോഗിയുമായി സമ്പർക്കം പുലർത്തിയ ആളുകളെ കണ്ടെത്തിയിട്ടുണ്ടെന്നും ആരോഗ്യ മന്ത്രി അറിയിച്ചു.വിമാനത്തിലുണ്ടായിരുന്ന 149 യാത്രക്കാരെയും വിവരം അറിയിച്ചതായും മന്ത്രി പറഞ്ഞു.

L I V E | ON AIR

കണ്ണൂർ: സർവകലാശാല നിയമന വിവാദത്തിൽ ഗവർണർക്ക് മറുപടിയുമായി മുഖ്യമന്ത്രി പിണറായി വിജയൻ.

ഗവർണറുമായി ഏറ്റുമുട്ടുക എന്നത് സർക്കാർ സമീപനമല്ലെന്നും, ചാൻസലർ സ്ഥാനത്ത് ഗവർണർ തുടരണമെന്നും മുഖ്യമന്ത്രി പിണറായി വിജയൻ കണ്ണൂരിൽ മാധ്യമങ്ങളോട് പ്രതികരിച്ചു.

ഉന്നത വിദ്യാഭ്യാസ മേഖലയെ ശാക്തീകരിക്കണമെന്ന എൽ ഡി എഫ് പ്രകടന പത്രികയിലെ കാര്യങ്ങളാണ് മേഖലയിൽ നടപ്പാക്കുന്നതെന്നും,ഇക്കാര്യത്തിൽ സംസ്ഥാന സർക്കാരിനും ഗവർണർക്കും ഒരേ സമീപനമാണുള്ളതെന്നും ഗവർണറുടെ നയപ്രഖ്യാപന പ്രസംഗത്തിൽ പറഞ്ഞ കാര്യങ്ങൾ മാത്രമാണ് ഉന്നത വിദ്യാഭ്യാസ മേഖലയിൽ നടപ്പാക്കുന്നതെന്നും മുഖ്യമന്ത്രി പറഞ്ഞു.

വിഷയത്തിൽ ഗവർണർ ഉന്നയിച്ച ആശങ്കൾ സർക്കാർ അവഗണിച്ചിട്ടില്ല.ചീഫ് സെക്രട്ടറിയും ധന കാര്യ സെക്രട്ടറിയും ഗവർണറുടെ കത്ത് കിട്ടിയ ദിവസം തന്നെ അദ്ദേഹത്തെ കണ്ടു. പിറ്റേന്ന് ധനമന്ത്രി നേരിട്ട് ഗവർണറുമായി ചർച്ച നടത്തി.താൻ സ്ഥലത്തില്ലാത്തതിനാൽ ഗവർണറെ നേരിട്ട് ഫോണിൽ വിളിച്ച് സംസാരിച്ചു.

അഭിപ്രായ വ്യത്യാസങ്ങൾ ഉണ്ടാകുന്നത് സ്വാഭാവികമാണ്. കത്തുകളിലൂടെയുള്ള ആശയ വിനിമയവും സ്വാഭാവികമാണ്. എന്നാൽ ചാൻസലറുടെ പരസ്യ പ്രസ്താവന ദുഖകരമാണ്. ഗവർണറുടെ പ്രസ്താവനകൾ മാധ്യമങ്ങളിൽ വരുന്നത് മറ്റൊരു രീതിയിലാണ്.നിഷേധ ചിന്താഗതിക്കാർക്ക് ഉത്തേജനം നൽകുന്നതായി പ്രസ്താവനകൾ മാറി.

ഗവർണർക്ക് പ്രയാസങ്ങൾ ഉണ്ടാക്കുന്ന ഒരു പ്രവർത്തനവും സർക്കാരിന്റെ ഭാഗത്തുനിന്ന് ഉണ്ടാവില്ല.ഉണ്ടാവുകയുമില്ല.വൈസ് ചാൻസലർ നിയമനത്തിൽ രാഷ്ട്രീയം ഉണ്ടെന്ന വാദം ശരിയല്ല. അനധികൃതമായി സർവ്വകലാശാലകളുടെ പ്രവർത്തനത്തിൽ ഇടപെടുന്നത് സർക്കാരിന്റെ രീതിയല്ല.

സർവകലാശാലകളെ നയിക്കാൻ പ്രാപ്തരായവരെ വി സി മാരായി നിയമിക്കും.ഊഷ്‌മളമായ ബന്ധം ഗവർണറുമായി നിലനിൽക്കുന്നു ണ്ട്.അത് തുടരും.ചാൻസലർ പദവിയിൽ സർക്കാരിന് താൽപര്യമില്ല. ഗവർണർ തന്നെ തുടരണമെന്നാണ് സർക്കാരിന്റെ ആഗ്രഹം. മുഖ്യമന്ത്രി പറഞ്ഞു.ഗവർണർ പരസ്യമായി പ്രതികരിച്ചത്കൊണ്ട് മാത്രമാണ് ഇങ്ങനെ മാധ്യമങ്ങളോട് പ്രതികരിക്കേണ്ടിവന്നതെന്നും മുഖ്യമന്ത്രി കൂട്ടിച്ചേർത്തു.

തിരുവനന്തപുരം: മുഖ്യമന്ത്രി പിണറായി വിജയന്റെയും ഔദ്യോഗിക വസതിയായ ക്ലിഫ് ഹൗസിന്റെയും സുരക്ഷ കൂട്ടുന്നു.

ഇതുസംബന്ധിച്ച് സംസ്ഥാന പൊലീസ് മേധാവിയുടെ ശുപാർശയിൽ ആഭ്യന്തര സെക്രട്ടറി ഉത്തരവിറക്കി.

വിഷയത്തിൽ സർക്കാരിന്റെ അംഗീകാരം അറിയിച്ച് അഡീഷണൽ ചീഫ് സെക്രട്ടറി ഡി ജി പിക്ക് കത്തയച്ചു.

സുരക്ഷാ ചുമതലയുള്ള ഡി ഐ ജി യുടെ കീഴിൽ വിവിധ വകുപ്പുകളുടെ സമിതി രൂപവൽക്കരിക്കും.

കൂടാതെ മുഖ്യമന്ത്രിയുടെ സുരക്ഷയ്ക്കായി പ്രത്യേക ഡെപ്യൂട്ടി കമ്മീഷണറെയും നിയമിക്കും.

അടുത്ത കാലത്തായി ക്ലിഫ് ഹൗസിന് ചുറ്റും പ്രതിഷേധങ്ങളും സമരങ്ങളും ഉണ്ടായ പശ്ചാത്തലത്തിലാണ് നടപടികൾ.

ON AIR |

തിരുവനന്തപുരം : മഴയാണ് പ്രശ്നമെങ്കിൽ ചിറാപൂഞ്ചിയിൽ റോഡേ ഉണ്ടാകുമായിരുന്നില്ലെന്ന് നടൻ ജയസൂര്യയുടെ വിമർശനം.

സംസ്ഥാനത്തെ റോഡുകളുടെ ശോച്യാവസ്ഥയെക്കുറിച്ച് പൊതുമരാമത്ത് വകുപ്പ് മന്ത്രി മുഹമ്മദ് റിയാസിനെ വേദിയിലിരുത്തിയായിരുന്നു ജയസൂര്യയുടെ കുറിക്കു കൊണ്ട വിമർശനം.

റോഡ് നികുതി അടയ്ക്കുന്നവർക്ക് നല്ല റോഡ് വേണമെന്നും ,അത് എന്ത് ചെയ്തിട്ടാണ് എന്ന് ജനങ്ങൾ അറിയേണ്ട കാര്യമില്ലെന്നും ജയസൂര്യ തുറന്നടിച്ചു.പൊതുമരാമത്ത് റോഡുകളുടെ പരിപാലന കാലാവധി പ്രസിദ്ധപ്പെടുത്തുന്ന സംസ്ഥാന പദ്ധതിയുടെ ഉത്ഘാടന ചടങ്ങിലായിരുന്നു നടന്റെ വിമർശനം.

ഇപ്പോൾ റോഡ് നന്നാക്കാനായി സർക്കാർ നടത്തുന്ന പ്രവർത്തനങ്ങളെ അഭിനന്ദിക്കാനും ജയസൂര്യ മറന്നില്ല.നല്ല റോഡുകൾ ഉണ്ടാകുമെന്ന് പ്രതീക്ഷിക്കുന്നതായും ജയസൂര്യ പറഞ്ഞു.

വളരെക്കാലം ടോൾ പിരിക്കുന്ന സംവിധാനം ഉണ്ടാകരുതെന്നും നിശ്ചിതകാലത്തിനുള്ളിൽ ടോൾ പിരിവ് നിർത്തണമെന്നും അദ്ദേഹം പറഞ്ഞു.

ജയസൂര്യയുടെ വിമർശനം ഉൾക്കൊള്ളുന്നു : മന്ത്രി റിയാസ്

തിരുവനന്തപുരം : റോഡുകളുടെ ശോച്യാവസ്ഥയെക്കുറിച്ചുള്ള നടൻ ജയസൂര്യയുടെ വിമർശനം ഉൾക്കൊള്ളുന്നു എന്നും പരിഹാരത്തിന് ശ്രമിക്കുമെന്നും പൊതുമരാമത്ത് മന്ത്രി മുഹമ്മദ് റിയാസ് പറഞ്ഞു. കേരളത്തിൽ തുടർച്ചയായി പെയ്യുന്ന മഴ ഒരു പ്രശ്നം തന്നെയാണെന്നും റോഡ് തകരുന്നതിന് പരിഹാരം കണ്ടെത്താൻ ശ്രമിക്കുമെന്നും അദ്ദേഹം പറഞ്ഞു

L I V E |

തിരുവനന്തപുരം: സംസ്ഥാനത്ത് വാക്‌സിൻ സ്വീകരിക്കാനുള്ള അധ്യാപകരുടെയും അനധ്യാപകരുടെയും കണക്കുകൾ വിദ്യാഭ്യാസ മന്ത്രി വി ശിവൻകുട്ടി പുറത്തു വിട്ടു.

ആദ്യഘട്ടത്തിൽ വാക്സിനെടുക്കാത്തവർ അയ്യായിരത്തോളം ഉണ്ടായിരുന്നെങ്കിലും വിഷയം ചർച്ചയായതോടെ ഇത് 1707 ആയി കുറഞ്ഞെന്നും മന്ത്രി വ്യക്തമാക്കി.

വാക്സിനെടുക്കാത്ത ഏറ്റവും കൂടുതൽ അധ്യാപകരുള്ളത് മലപ്പുറത്തും ഏറ്റവും കുറവ് വയനാട്ടിലും ആണെന്നും മന്ത്രി അറിയിച്ചു.

എൽ പി, യുപി , ഹൈസ്‌കൂൾ വിഭാഗത്തിൽ 1066 അധ്യാപകരും 189 അനധ്യാപകരും ഉണ്ട്.
ഹയർ സെക്കണ്ടറി വിഭാഗത്തിൽ 200 അധ്യാപകരും 23 അനധ്യാപകരും ഉണ്ട്. വൊക്കേഷണൽ ഹയർ സെക്കണ്ടറി വിഭാഗത്തിൽ 229 അധ്യാപകരും വാക്സിനെടുക്കാനുണ്ട്.

L I V E |

കണ്ണൂർ : സംഘർഷ സാധ്യത കണക്കിലെടുത്ത് ഡിസംബർ 6വരെ തലശ്ശേരിയിൽ നിരോധനാജ്ഞ പ്രഖ്യാപിച്ചു.കണ്ണൂർ ജില്ലാ കളക്ടർ എസ് ചന്ദ്രശേഖറാണ് നിരോധനാജ്ഞ പ്രഖ്യാപിച്ചത്.

അന്യായമായ സംഘം ചേരൽ ,ആയുധങ്ങളുമായി യാത്ര ചെയ്യൽ, പ്രകോപനപരമായ മുദ്രാവാക്യം മുഴക്കൽ,ഏതെങ്കിലും തരത്തിലുള്ള പ്രകടനങ്ങൾ,കൂട്ടം ചേരൽ എന്നിവ എല്ലാം തലശ്ശേരി പോലീസ് സ്റ്റേഷൻ പരിധിയിൽ നിരോധിച്ചുകൊണ്ടാണ് കണ്ണൂർ ജില്ല കളക്ടറുടെ ഉത്തരവ്.

കഴിഞ്ഞ ദിവസങ്ങളിലായി വിവിധ രാഷ്ട്രീയ പാർട്ടികൾ പ്രകോപനപരമായ മുദ്രാവാക്യങ്ങൾ മുഴക്കുകയും സമൂഹ മാധ്യമങ്ങളിലടക്കം പ്രതിഷേധങ്ങൾ ഉണ്ടാവുകയും ചെയ്ത പശ്ചാത്തലത്തിൽ സംഘർഷ സാധ്യതയുണ്ടെന്ന പോലീസ് റിപ്പോർട്ടിന്മേലാണ് കളക്ടറുടെ നിരോധനാജ്ഞ.

L I V E | ON AIR

ഇടുക്കി : മുല്ലപ്പെരിയാറിൽ തമിഴ്നാട് വീണ്ടും മുന്നറിയിപ്പില്ലാതെ അണക്കെട്ടിന്റെ ഷട്ടറുകൾ തുറന്നു വിട്ടു.രണ്ട് ഷട്ടറുകൾ കൂടിയാണ് പുലർച്ചെ ഒന്നരയോടെ തുറന്നത്.ഇതോടെ തുറന്ന ഷട്ടറുകൾ പത്തായി.

മുന്നറിയിപ്പില്ലാതെ ഷട്ടറുകൾ തുറന്നതിലും വീടുകളിൽ വെള്ളം കയറിയതിനുമേതിരെ വള്ളക്കടവിൽ നാട്ടുകാർ പ്രതിഷേധിക്കുന്നു.

60 സെന്റിമീറ്റർ ഉയരത്തിലാണ് ഷട്ടറുകൾ തുറന്നതെങ്കിലും ഇത് പിന്നീട് 30 സെന്റിമീറ്ററാക്കി കുറച്ചിട്ടുണ്ട്.പെരിയാറിന്റെ ഇരു കരകളിലും താമസിക്കുന്നവർ ജാഗ്രത പാലിക്കണമെന്ന് ജില്ലാ കളക്ടർ അറിയിച്ചു.

ക്രമാതീതമായി വെള്ളം കയറിയ വള്ളക്കടവിൽ നാട്ടുകാരുടെ പ്രതിഷേധം ശക്തമാണ്.സ്ഥലത്ത് നേരിയ സംഘർഷാവസ്ഥ നിലനിൽക്കുന്നുണ്ട്.ഒരു മാസത്തിനിടയിൽ നാലാം തവണയാണ് മുന്നറിയിപ്പില്ലാതെ ഷട്ടറുകൾ തുറന്നതെന്ന് നാട്ടുകാർ ആരോപിച്ചു.

ക്രമാതീതമായി ജലനിരപ്പ് ഉയർന്നതാണ് ഷട്ടറുകൾ തുറക്കാൻ കാരണമെന്ന് തമിഴ്നാട് വാദം.ഇന്നലെ രാവിലെ ഷട്ടറുകൾ അടച്ചിരുന്നെങ്കിലും വൈകുന്നേരത്തോടെ ജലനിരപ്പ് ഉയർന്നതാണ് ഷട്ടറുകൾ ഉയർത്താൻ കാരണമെന്ന് പറയുന്നു.

സെക്കന്റിൽ 8000 ഖനയടി വെള്ളമാണ് ആദ്യഘട്ടത്തിൽ മുന്നറിയിപ്പില്ലാതെ പുറത്തേക്ക് ഒഴുക്കിയത്.ഇത് പിന്നീട് 4206 ഖനയടിയാക്കി കുറച്ചിട്ടുണ്ട്.വീടുകളിൽ വെള്ളം കയറിയ വള്ളക്കടവിൽ ഇപ്പോഴും നാട്ടുകാർ പ്രതിഷേധിക്കുന്നു.

L I V E |

കാസർഗോഡ്: പേരിയ ഇരട്ടക്കൊലക്കേസിൽ ബ്രാഞ്ച് സെക്രട്ടറി ഉൾപ്പെടെ അഞ്ച് സിപിഎം പ്രവർത്തകരെ സിബിഐ അറസ്റ്റ് ചെയ്തു.

ബ്രാഞ്ച് സെക്രട്ടറി രാജു, സുരേന്ദ്രൻ, ശസ്ത മധു, ഹരിപ്രസാദ്,റജി വർഗീസ് എന്നിവരാണ് അറസ്റ്റിലായത്.

സിബിഐ ഡി വൈ എസ് പി അനന്തകൃഷ്ണന്റെ നേതൃത്വത്തിലുള്ള അന്വേഷണ സംഘമാണ് നിർണ്ണായക നടപടികളിലേക്ക് നീങ്ങിയത്.അറസ്റ്റ് ചെയ്തവരെ വ്യാഴാഴ്ച എറണാകുളം സി ജെ എം കോടതിയിൽ ഹാജരാക്കും.

സിപിഎം പ്രാദേശിക നേതാക്കളെയും പ്രവർത്തകരെയും കാസർഗോഡ് അതിഥി മന്ദിരത്തിൽ വിളിച്ചുവരുത്തി ചോദ്യം ചെയ്ത ശേഷമാണ് അറസ്റ്റ്.

2019 ഫെബ്രുവരി 17 നാണ് കാസർഗോഡ് പേരിയ കല്ലാട്ടെ യൂത്ത് കോണ്ഗ്രസ് പ്രവർത്തകരായ കൃപേഷും ശരത് ലാലും കൊല്ലപ്പെട്ടത്.

കേസിൽ സിപിഎം ബ്രാഞ്ച് സെക്രട്ടറി ഉൾപ്പെടയുള്ളവരെ ക്രൈം ബ്രാഞ്ച് നേരത്തെ അറസ്റ്റ് ചെയ്തിരുന്നു. ഇതിനിടയിൽ കേസ് ഹൈക്കോടതി സിബിഐക്ക് വിടുകയായിരുന്നു.

L I V E | ON AIR

കൊച്ചി : ഇല്ലാത്ത മോഷണക്കുറ്റം ആരോപിച്ച് അച്ഛനെയും മകളെയും പരസ്യ വിചാരണ ചെയ്ത് അപമാനിച്ച സംഭവത്തിൽ ഹൈക്കോടതി പോലീസിനെതിരെ രൂക്ഷമായ വിമർശനം ഉയർത്തി.

കാക്കിയുടെ അഹങ്കാരമാണ് പൊലീസുകാരി കാട്ടിയതെന്നും ദൃശ്യങ്ങൾ മനസിനെ അസ്വസ്ഥമാക്കുന്നു എന്നും ഹൈക്കോടതി പറഞ്ഞു.

പൊലീസുകാരി ഒരു സ്ത്രീ അല്ലെ എന്നും കോടതി ചോദിച്ചു.ഒരു ഫോണിന്റെ വിലപോലും കുട്ടിയുടെ ജീവന് നൽകിയില്ല. സംഭവത്തിൽ അടിയന്തിര റിപ്പോർട്ട് നല്കാൻ ഹൈക്കോടതി സംസ്ഥാന പോലീസ് മേധാവിയോട് ആവശ്യപ്പെട്ടു.പോലീസുകാരിയെ സ്ഥലം മാറ്റിയതിന്റെ കാരണം എന്തെന്നും വ്യക്തമാക്കാൻ കോടതി ആവശ്യപ്പെട്ടു.

L A T E S T |

കൊച്ചി : നിയമ വിദ്യാർത്ഥിനി മൊഫിയ പർവീൺ ആത്മഹത്യ ചെയ്ത കേസിൽ ഇൻസ്‌പെക്ടർ സുധീറിനെ പ്രതിക്കൂട്ടിലാക്കി പോലീസിന്റെ എഫ് ഐ ആർ.

മൊഫിയയുടെ ആത്മഹത്യയിലേക്ക് നയിച്ചത് ഇൻസ്‌പെക്ടർ സുധീറിന്റെ പെരുമാറ്റമാണെന്നാണ് എഫ് ഐ ആറിൽ പറയുന്നത്.

കുടുംബപരമായ ചില പ്രശ്നങ്ങൾ സംബന്ധിച്ച് ജില്ലാ പോലീസ് മേധാവിക്ക് കിട്ടിയ ഒരു പരാതിയുടെ അടിസ്ഥാനത്തിലാണ് ഇരു കൂട്ടരെയും ആലുവ ഈസ്റ്റ് പോലീസ് സ്റ്റേഷനിലേക്ക് വിളിച്ചു വരുത്തിയത്.

സംസാരത്തിനിടെ ദേഷ്യം വന്ന മൊഫിയ അവരുടെ ഭർത്താവ് സുഹൈലിന്റെ കരണത്തടിച്ചു. ഇത്കണ്ട ഇൻസ്‌പെക്ടർ സുധീർ മൊഫിയയോട് കയർത്ത് സംസാരിച്ചു.

ഇതോടെ പോലീസിൽനിന്ന് നീതി കിട്ടില്ലെന്ന മനോവിഷമം ആത്മഹത്യയിലേക്ക് നയിച്ചു എന്നാണ് എഫ് ഐ ആറിൽ പറയുന്നത്.

മൊഫിയ പർവീണിന്റെ ആത്മഹത്യയിൽ അസ്വാഭാവിക മരണത്തിന് രജിസ്റ്റർ ചെയ്ത കേസിലെ എഫ് ഐ ആറിലാണ് ഇൻസ്‌പെക്ടർ സുധീരനെതിരെ ഗുരുതര പിഴവുകൾ ചൂണ്ടിക്കാട്ടിയിരിക്കുന്നത്.

ആരോപണ വിധേയനായ ഇൻസ്‌പെക്ടർ സുധീറിനെ കഴിഞ്ഞദിവസം സസ്‌പെൻഡ് ചെയ്തിരുന്നു.സുധീരനെതിരെ ഉയർന്ന നിരവധി പരാതികളിലും അന്വേഷണം പ്രഖ്യാപിച്ചിട്ടുണ്ട്.കൊച്ചി സിറ്റി ഈസ്റ്റ് ട്രാഫിക് അസിസ്റ്റന്റ് കമ്മിഷണർക്കാന് അന്വേഷണ ചുമതല.

ON AIR |

വടകര : വടകര പൊതുമരാമത്ത് വകുപ്പ് അതിഥി മന്ദിരത്തിൽ മന്ത്രി മുഹമ്മദ് റിയാസിന്റെ മിന്നൽ പരിശോധന.വൃത്തിഹീനമായ അന്തരീക്ഷത്തിൽ മദ്യക്കുപ്പികളടക്കം കണ്ടെത്തിയതിനെ തുടർന്ന് ഉദ്യോഗസ്ഥർക്കെതിരെ നടപടിയെടുക്കാൻ മന്ത്രി നിർദേശിച്ചു.

ഫേസ്ബുക് കുറിപ്പിലൂടെ മന്ത്രി മുഹമ്മദ് റിയാസ് തന്നെയാണ് ഇക്കാര്യം അറിയിച്ചത്.വിഡിയോയും പങ്കുവെച്ചിട്ടുണ്ട്.

നവീകരണ പ്രവർത്തങ്ങ്ൾ പരിശോധിക്കാനാണ് അതിഥി മന്ദിരത്തിൽ എത്തിയതെന്ന് മന്ത്രിയുടെ കുറിപ്പിൽ പറയുന്നുണ്ട്. അപ്പോഴാണ് വൃത്തിഹീനമായ അവസ്ഥ ശ്രദ്ധയിൽ പെട്ടത്.

ഉത്തരവാദികളായ ഉദ്യോഗസ്ഥർക്കെതിരെ നടപടിയെടുക്കാൻ പൊതുമരാമത്ത് വകുപ്പ് കെട്ടിട വിഭാഗം ചീഫ് എൻജിനീയറോട് ആവശ്യപ്പെട്ടതായി ഫേസ്ബുക് കുറിപ്പിൽ പറയുന്നുണ്ട്.

L A T E S T |

കൊച്ചി : റോഡുകളുടെ ശോച്യാവസ്ഥയ്‌ക്കെതിരെ രൂക്ഷ വിമർശനവുമായി ഹൈക്കോടതി.എഞ്ചിനീയർമാർക്ക് പണി അറിയില്ലെങ്കിൽ രാജിവെക്കണമെന്ന് ഹൈക്കോടതി പറഞ്ഞു.

കൊച്ചിയിലെ തകർന്ന റോഡുകളുടെ അവസ്ഥ പരിഹരിക്കണമെന്ന ആവശ്യപ്പെട്ടുള്ള ഹർജി പരിഗണിക്കവെയാണ് ചീഫ് ജസ്റ്റിസ് ദേവൻ രാമചന്ദ്രൻ രൂക്ഷ വിമർശനം ഉന്നയിച്ചത്.

കഴിഞ്ഞ വർഷവും റോഡുകളുടെ സ്ഥിതി ഇത് തന്നെയായിരുന്നു. അപ്പോഴും കോടതി ഇടപെട്ട് റോഡുകൾ നന്നാക്കിയിരുന്നു .ആ റോഡുകളും തകർന്നു.ഇത് ശരിയായ നടപടിയല്ല.തകർന്ന റോഡുകൾ നന്നാകാൻ സംവിധാനമില്ലേയെന്ന് കോടതി കൊച്ചി നഗരസഭയോട് ചോദിച്ചു.റോഡ് തകർന്നാൽ അടിയന്തിരമായി നന്നാക്കാൻ സംവിധാനമില്ലെന്നായിരുന്നു കൊച്ചി നഗരസഭ കോടതിയെ അറിയിച്ചത്.

റോഡ് കൃത്യമായി നന്നാക്കാൻ അറിയാത്ത എഞ്ചിനീയർമാർ രാജി വെക്കണം.കഴിവുള്ളവർ പുറത്തുണ്ടെന്നും അവർക്ക് അവസരം കൊടുക്കണമെന്നും ന്യായീകരണങ്ങൾ മാറ്റി നിർത്തി റോഡ് നിർമ്മാണത്തിനും അറ്റകുറ്റ പണികൾക്കും പുതിയ സംവിധാനങ്ങൾ ആലോചിക്കണമെന്നും ഹൈക്കോടതി ആവശ്യപ്പെട്ടു.

സംസ്ഥാനത്തെ തകർന്ന റോഡുകളുടെ അവസ്ഥ സംബന്ധിച്ച് റിപ്പോർട്ട് സമർപ്പിക്കാൻ ഹൈക്കോടതി ആവശ്യപ്പെട്ടു.

L A T E S T |

കണ്ണൂർ : കണ്ണൂർ സർവകലാശാല വൈസ് ചാൻസലർ പ്രൊഫസർ ഗോപിനാഥ് രവീന്ദ്രന് വിരമിച്ചതിന് തൊട്ടടുത്ത ദിവസം പുനർനിയമനം.

സർവകലാശാല വൈസ് ചാൻസലർക്ക് പുനർനിയമനം നൽകുന്ന അസാധാരണ നടപടിക്ക് ഗവർണർ ആരിഫ് മുഹമ്മദ് ഖാൻ അനുമതി നൽകി .ഇതുസംബന്ധിച്ച ഉത്തരവ് രാജ്ഭവൻ പുറത്തിറക്കി.

രാജ്ഭവൻ ഇറക്കിയ ഉത്തരവ് പ്രകാരം അടുത്ത നാല് വർഷത്തേക്ക് കൂടി ഗോപിനാഥ് രവീന്ദ്രന് വൈസ് ചാൻസലറായി തുടരാം. സർവകലാശാല വൈസ് ചാൻസലർമാർക്ക് പുനർനിയമനം നൽകുന്ന അസാധാരണ നടപടിയിൽ ഗവർണറുടെ വിവേചനാധികാരം ഉപയോഗിക്കാമെന്ന് സർവകലാശാല ചട്ടങ്ങളിൽ പറയുന്നു എന്നാണ് വിദഗ്ധാഭിപ്രായം.

ഈ അവകാശം ഉപയോഗിച്ചാണ് ചാൻസിലർ കൂടിയായ ഗവർണർ പുനർനിയമനം നൽകിയത് എന്നാണ് സൂചന.എന്നാൽ ഇക്കാര്യത്തിൽ സർച്ച് കമ്മിറ്റിയുടെ റിപ്പോർട്ട് ഗവർണർക്ക് ലഭിച്ചിരുന്നോഎന്ന കാര്യത്തിൽ വ്യക്തത വരേണ്ടതുണ്ട്.

2017 നവംബർ മുതൽ 2021 നവംബർ 22 വരെയാണ് ഗോപിനാഥ് രവീന്ദ്രൻ കണ്ണൂർ വി സിയായി പ്രവർത്തിച്ചത്.ഇത് പ്രകാരം ഇന്നലെ വൈകിട്ടോടെ അദ്ദേഹം സ്ഥാനമൊഴിയുകയും യാത്രയയപ്പ് ഉൾപ്പെടെ നടത്തുകയും ചെയ്തു.

എന്നാൽ സർക്കാർ ശുപാർശ ഉൾപ്പെടെ നിലനിൽക്കുന്ന പശ്ചാത്തലത്തിൽ വൈസ് ചാൻസലറായി രവീന്ദ്രനാഥിന് പുനർ നിയമനം ലഭിച്ചേക്കുമെന്ന് സൂചന ഇന്നലെ രാത്രിതന്നെ ഉണ്ടായിരുന്നു.പുതിയ വി സി യെ നിയമിക്കാനുള്ള കമ്മറ്റി പിരിച്ചുവിട്ടതോടെയായിരുന്നു ഇത്.

L A T E S T |

പാലക്കാട് : ആർ എസ് എസ് പ്രവർത്തകൻ സഞ്ജിതിന്റെ കൊലപാതകവുമായി ബന്ധപ്പെട്ട് കേസിലെ പ്രതിയെ സംഭവസ്ഥലത്തെത്തിച്ച് തെളിവെടുപ്പ് നടത്തി.

മുഖം മൂടി ധരിപ്പിച്ചാണ് പ്രതിയെ തെളിവെടുപ്പിനായി എത്തിച്ചത്.പ്രതിയുടെ പേരോ മറ്റ് വിവരങ്ങളോ പോലീസ് വെളിപ്പെടുത്തിയിട്ടില്ല.

ഏതെല്ലാം രീതിയിലാണ് പ്രതികൾ സഞ്ജിത്തിനെ ആക്രമിച്ചതെന്ന് പ്രതി പോലീസിനോട് കൃത്യമായി വിവരിച്ചു.പോലീസ് ചോദിച്ച ചോദ്യങ്ങൾക്കെല്ലാം പ്രതി കൃത്യമായ മറുപടി നൽകി.പാലക്കാട് ജില്ലാ പോലീസ് മേധാവി ഉൾപ്പെടയുള്ള വൻ പോലീസ് സംഘമാണ് തെളിവെടുപ്പിനെത്തിയത്.

കൊലപാതകം നടത്തിയ ശേഷം പ്രതികൾ മാരുതി 800 കാറിൽ കുഴൽമന്ദം വരെ ഒരുമിച്ച് യാത്ര ചെയ്തു.ഇതിനിടയിൽ കാർ കേടായി.കുഴൽമന്ദത്തുനിന്ന് പ്രതികൾ പലവഴിക്ക് തിരിഞ്ഞ് യാത്ര തുടർന്നു.

ഇതിനിടയിൽ കൊലയ്ക്കുപയോഗിച്ച ആയുധം കണ്ണന്നൂരിൽ ഉപേക്ഷിച്ചു.ആയുധം ഉപേക്ഷിച്ചു എന്ന് പറയുന്ന കണ്ണന്നൂർ സർവീസ് റോഡിലും പ്രതികളെ എത്തിച്ച് തെളിവെടുപ്പ് നടത്തി.

നിലവിൽ നാല് പേർ കൂടി പോലീസ് കസ്റ്റഡിയിലുണ്ട്.ഇവർ കൃത്യത്തിൽ നേരിട്ട് പങ്കെടുത്തവരാണോ എന്ന്
പോലീസ് വ്യക്തമാക്കിയിട്ടില്ല.കൂടുതൽ അറസ്റ്റ് ഉടൻ ഉണ്ടാകുമെന്ന് പോലീസ് മേധാവി അറിയിച്ചു.

പ്രതികളെക്കുറിച്ച് കൂടുതൽ വിവരങ്ങൾ പുറത്തുവിടുന്നത് അന്വേഷണത്തെ ബാധിക്കുമെന്ന് പോലീസ് സംശയിക്കുന്നതിനാലാണ് കൂടുതൽ വിവരങ്ങൾ പുറത്തുവിടാത്തതെന്നറിയുന്നു.അറസ്റ്റിലായ പ്രതിയെ തെളിവെടുപ്പിന് ശേഷം ഇന്ന് കോടതിയിൽ ഹാജരാക്കും.

കൊച്ചി : ചായക്കച്ചവടം നടത്തി ലോകം ചുറ്റി ശ്രദ്ധേയനായ കടവന്ത്ര സ്വദേശി വിജയൻ അന്തരിച്ചു.76 വയസായിരുന്നു. ഹൃദയാഘാതത്തെ തുടർന്നായിരുന്നു അന്ത്യം.

ഭാര്യ മോഹനയ്‌ക്കൊപ്പമായിരുന്നു വിജയൻറെ യാത്രകൾ.ചായക്കട നടത്തി കിട്ടിയ തുച്ഛമായ തുക കൊണ്ടാണെങ്കിലും ഇനിയും യാത്രകൾ നടത്തണമെന്ന വിജയൻറെ ആഗ്രഹം സഫലമായില്ല .16 വർഷങ്ങൾ കൊണ്ട് 26 രാജ്യങ്ങളാണ് വിജയനും മോഹനയും സന്ദർശിച്ചത്.

യാത്ര ഒടുങ്ങാത്ത ആവേശമായി ഉളളിലുണ്ടായിരുന്നെങ്കിലും 2007ലാണ് ഇവർ ആദ്യമായി വിദേശയാത്ര നടത്തിയത്. ഈജിപ്തിലേക്കായിരുന്നു ആദ്യ യാത്ര.അവസാനം പോയത് റഷ്യയിലേക്കും.റഷ്യൻ യാത്രയ്ക്ക് മുൻപ് ടൂറിസം മന്ത്രി മുഹമ്മദ് റിയാസ് ഇവരുടെ ചായക്കട സന്ദർശിച്ചത് വാർത്തയായിരുന്നു.

യാത്രകളോടുള്ള ആവേശമായിരുന്നു ചേർത്തലക്കാരൻ വിജയനെ കൊച്ചിയിലെത്തിച്ചത്.വലിയ കെട്ടിടങ്ങൾ ഉള്ള കൊച്ചി കാണണം എന്നായിരുന്നു അത്.ഇതിനിടയിൽ കൊച്ചിക്കാരി മോഹന ജീവിതസഖിയായി.തുടർന്ന് യാത്രകൾ ഒരുമിച്ചായി.ഒരുമിച്ചുള്ള യാത്ര ചെന്നൈ നഗരം കാണാൻ പോയതായിരുന്നു.പിന്നീട് തിരുപ്പതി.തിരുപ്പതിയിൽനിന്നായിരുന്നു ലോകം ചുറ്റണം എന്ന മോഹം മനസിലുദിച്ചത്.

തുടർന്ന് നിശ്ചയദാർഢ്യത്തോടെ ഓരോ യാത്രകളും നടത്തി ഒരു ലോകസഞ്ചാരിയായി മാറി അദ്ദേഹം.എല്ലാ യാത്രകളിലും ഭാര്യ മോഹനയും വിജയനൊപ്പം ഉണ്ടായിരുന്നു.

L A T E S T | LIVE

തിരുവനന്തപുരം : തെക്കുപടിഞ്ഞാറൻ ബംഗാൾ ഉൾക്കടലിൽ രൂപപ്പെട്ട തീവ്ര ന്യുന മർദ്ദത്തെ തുടർന്ന് സംസ്ഥാനത്ത് രണ്ട് ദിവസം കൂടി ഒറ്റപ്പെട്ട കനത്ത മഴ തുടരുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.12 ജില്ലകളിൽ മൂന്ന് ദിവസത്തേക്ക് മഞ്ഞ ജാഗ്രത നിർദേശം പ്രഖ്യാപിച്ചു.

പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് എന്നി ജില്ലകളിലാണ് മഞ്ഞ ജാഗ്രത നിർദേശം പുറപ്പെടുവിച്ചത്.

ബംഗാൾ ഉൾക്കടലിൽ ശക്തികൂടിയ ന്യുനമർദ്ദം തീവ്ര ന്യുനമർദ്ദമായി രൂപപ്പെട്ടു.ഇത് പടിഞ്ഞാറ്,വടക്കു പടിഞ്ഞാറ് ദിശയിൽ സഞ്ചരിച്ച് ചെന്നൈക്ക് സമീപം വടക്കൻ തമിഴ്നാട്,തെക്ക് ആന്ധ്ര പ്രദേശ് തീരത്ത് കര തൊടുമെന്നാണ് കാലാവസ്ഥ പ്രവചനം.

E X C L U S I V E |

തിരുവനന്തപുരം : പ്രശസ്ത മാന്ത്രികൻ ഗോപിനാഥ് മുതുകാട് പ്രൊഫഷണൽ ജാലവിദ്യ പരിപാടികൾ നിർത്തുന്നു വാർത്താ ചാനലിന് നൽകിയ അഭിമുഖത്തിലാണ് മുതുകാട് അപ്രതീക്ഷിത പ്രഖ്യാപനം നടത്തിയത്.

ഇനിയുള്ള കാലം ഭിന്നശേഷിക്കാരായ കുട്ടികൾക്കുവേണ്ടി ജീവിതം ഉഴിഞ്ഞുവെക്കുമെന്ന് മുതുകാട് വ്യക്തമാക്കി.ഒരുപാട് കാലം ലോകം മുഴുവൻ ചുറ്റി സഞ്ചരിച്ച് പണം വാങ്ങി ഷോകൾ നടത്തിയിരുന്നു. ഇനി ഭിന്ന ശേഷിക്കാരായ കുട്ടികൾക്ക് വേണ്ടി പ്രവർത്തിക്കാനാണ് തീരുമാനം. പ്രൊഫഷണൽ ഷോകൾ പൂർണമായി നിർത്തുകയാണെ ന്നും അദ്ദേഹം പറഞ്ഞു.

നാലര പതിറ്റാണ്ട് നീണ്ട പ്രൊഫഷണൽ മാന്ത്രിക ജീവിതത്തിനാണ് അവസാനമാകുന്നത് .പ്രതിഫലം വാങ്ങിയുള്ള പ്രൊഫഷണൽ മാജിക് ഷോകൾ ഇനി ഉണ്ടാകില്ലെന്ന് മുതുകാട് വ്യക്തമാക്കി. ഭിന്നശേഷിക്കാരായ കുട്ടികൾക്കുവേണ്ടി അന്താരാഷ്ട്ര നിലവാരത്തിലുള്ള അക്കാദമി സ്ഥാപിക്കുകയാണ് ലക്‌ഷ്യം.

ഒരു മാജിക് ഷോ പൂർണ്ണതയിലെത്തിക്കാൻ നീണ്ട പരിശ്രമവും ഗവേഷണവും ആവശ്യമാണ്.ഇപ്പോൾ ഭിന്ന ശേഷിക്കാരായ കുട്ടികൾക്കുവേണ്ടി മാത്രമാണ് പ്രവർത്തിക്കുന്നത്.രണ്ടുംകൂടി ഒരുമിച്ച് നടക്കില്ല.ഭിന്നശേഷിക്കാരായ കുട്ടികൾക്കായി അന്താരാഷ്ട്ര നിലവാരത്തിൽ സർവകലാശാലയും സ്‌കിൽ സെന്ററും സ്പോർട്സ് കോംപ്ലക്‌സും നിർമ്മിക്കുകയാണ് സ്വപ്നമെന്ന് അദ്ദേഹം പറഞ്ഞു.

L A T E S T |

കൊച്ചി : മുൻ മിസ് കേരള ജേതാക്കളുടെ അപകട മരണവുമായി ബന്ധപ്പെട്ട ദുരൂഹത തുടരുന്നു.ഫോർട്ട്കൊച്ചിയിലെ നമ്പർ 18 ഹോട്ടലിലെ നിശാ പാർട്ടി കഴിഞ്ഞ് പുറത്തിറങ്ങിയ ആൻസി കബീറിന്റെയും സംഘത്തിന്റെയും വാഹനത്തെ ഒരു ഔഡി കാർ പിന്തുടരുന്നതായി തെളിവുകൾ കണ്ടെത്തി.

കെ എൽ 40 ജെ 3333 റജിസ്ട്രേഷനിലുള്ള കാറാണ് സംഘത്തെ പിന്തുടർന്നത്.വാഹനത്തെ പിന്തുടർന്ന സൈജുവിനോട് പോലീസ് ചോദ്യം ചെയ്യലിന് ഹാജരാകാൻ ആവശ്യപ്പെട്ടു.ഹോട്ടലിൽനിന്ന് പുറപ്പെട്ടത് മുതൽ പിന്തുടർന്ന ഔഡി കാറാണ് അപകടത്തിന് കാരണമായതെന്ന് അപകടത്തിൽ പെട്ട കാറിന്റെ ഡ്രൈവർ മൊഴി നൽകിയതിനെ തുടർന്നാണ് ഔഡി കാറിന്റെ ഡ്രൈവർ സൈജുവിനോട് ചോദ്യം ചെയ്യലിന് ഹാജരാകാൻ അറിയിച്ചത്,

അപകടം സംഭവിച്ച ഉടൻ ഇയാൾ കാറിൽ നിന്ന് ഇറങ്ങി വന്ന് കാര്യങ്ങൾ നിരീക്ഷിച്ച ശേഷം ദൂരെ മാറി നിന്ന് നോക്കിയതായി വിവരം ലഭിച്ചിട്ടുണ്ട്.ഇത് ഹോട്ടലുടമ റോയ് ആണെന്ന് പോലീസ് സംശയിക്കുന്നുണ്ട്.ഔഡി കാറിൽനിന്ന് ഇറങ്ങിയവരും മദ്യപിച്ചിരുന്നതായി പൊലീസിന് വിവരം ലഭിച്ചിട്ടുണ്ട് ഇവർ പിന്നീട് അപകടത്തിൽ പരിക്കേറ്റവരെ പ്രവേശിപ്പിച്ച ആശുപത്രിയിൽ സന്ദർശിച്ചതായും പൊലീസിന് വിവരം ലഭിച്ചിട്ടുണ്ട്.

ഏത് സാഹചര്യത്തിലാണ് ഔഡി കാർ അപകടത്തിനിരയായവരുടെ കാറിനെ പിന്തുടർന്നത് എന്ന് വ്യക്തമല്ല.മദ്യപിച്ചിരുന്നതിനാൽ വാഹനം ഓടിക്കരുത് എന്ന മുന്നറിയിപ്പുമായാണ് പിന്തുടർന്നത് എന്നാണ് ഔഡി കാർ ഓടിച്ച സൈജു പൊലീസിന് മൊഴി നൽകിയിട്ടു ള്ളത്.ഇത് പോലീസ് മുഖവിലയ്‌ക്കെതുക്കാത്തതിനാലാണ് സൈജുവിനോട് ഹാജരാകാൻ അറിയിച്ചിരിക്കുന്നത്.

എന്നാൽ ഔഡി കാറിലുണ്ടായിരുന്നവർ ആൻസിയുടെ കാറിനെ തടയുകയും മുന്നോട്ട് പോകരുതെന്നും ഹോട്ടലിലേക്ക് തിരികെ വരണമെന്നും ആവശ്യപ്പെട്ടതായും പൊലീസിന് വിവരം ലഭിച്ചിട്ടുണ്ട്.ഫോർട്ട് കൊച്ചി മുതൽ ചക്കരപ്പറമ്പ് വരെയുള്ള ഭാഗങ്ങളിലെ സി സി ടി വി ദൃശ്യങ്ങൾ പോലീസ് ശേഖരിച്ചിട്ടുണ്ട്.ഈ ദൃശ്യങ്ങളിൽനിന്നാണ് ഔഡി കാർ പിന്തുടരുന്നതായി പൊലീസിന് വിവരം ലഭിച്ചത്.

നമ്പർ 18 ഹോട്ടലിലെ സി സി ടി വി ദൃശ്യങ്ങൾ ഉടമ റോയ് ഒളിപ്പിച്ചതായും പൊലീസിന് വിവരം ലഭിച്ചിട്ടുണ്ട്.രണ്ടുതവണ ഹോട്ടലിൽ പൊലീസ് പരിശോധന നടത്തിയിട്ടും ദൃശ്യങ്ങൾ ലഭിച്ചില്ല.തുടർന്ന് ഹോട്ടൽ ജീവനക്കാരനെ ചോദ്യം ചെയ്‍തപ്പോഴാണ് ജീവനക്കാരൻ ദൃശ്യങ്ങൾ ഒളിപ്പിച്ചതായി മൊഴി നൽകിയത്.

ഒക്ടോബർ 31ന് ഹോട്ടലിലെ ഡി ജെ പാർട്ടി കഴിഞ്ഞ് മടങ്ങുന്നതിനിടയിലാണ് മുൻ മിസ് കേരള താരങ്ങൾ ഉൾക്കൊള്ളുന്ന സംഘം അപകടത്തിൽ പെട്ടത്.സംഭവവുമായി ബന്ധപ്പെട്ട് ഹോട്ടലുടമ റോയിയോട് പോലീസിൽ ഹാജരാകാൻ ആവശ്യപ്പെട്ടിട്ടും ഇതുവരെ ഹാജരായിട്ടില്ല.

L A T E S T |

തിരുവനന്തപുരം : മിനിമം ചാർജ് പത്ത് രൂപയാക്കി സ്വകാര്യ ബസ് ചാർജ് ഉടൻ വർധിപ്പിക്കാൻ നീക്കം.ഇന്ന് നടത്താനിരുന്ന സമരം മാറ്റിവെച്ചത് ചാർജ് വർധന അടക്കമുള്ള ബസ് ഉടമളുടെ ആവശ്യങ്ങളിന്മേലുള്ള സർക്കാരിന്റെ അനുഭാവ നിലപാടുകളുടെ പശ്ചാത്തലത്തിലാണെന്ന് സൂചന.

മിനിമം ചാർജ് 12 രൂപയാക്കുക,വിദ്യാർത്ഥികളുടെ പാസ് ചാർജ് മിനിമം 6 രൂപയാക്കുക തുടങ്ങിയവയായിരുന്നു ബസ് ഉടമകൾ മുന്നോട്ട് വെച്ച പ്രധാന ആവശ്യങ്ങൾ.ബസ് ഉടമകൾ മുന്നോട്ടുവെച്ച ആവശ്യങ്ങളിന്മേൽ പത്ത് ദിവസത്തിനകം തീരുമാനമെടുക്കാമെന്ന ഗതാഗത മന്ത്രി ആന്റണി രാജുവിന്റെ ഉറപ്പിന്മേലാണ് സമരം ഒഴിവാക്കിയത്.

ബസ് ഉടമകൾ 12 രൂപ എന്ന നിർദേശം വെച്ചത് തന്നെ പത്ത് രൂപ അനുവദിച്ചുകിട്ടും എന്ന പ്രതീക്ഷയിലാണ്.2018 ലാണ് ഏറ്ററ്വും ഒടുവിൽ ബസ് ചാർജ് വർധിപ്പിച്ചത്.കോവിഡ് പശ്ചാത്തലത്തിൽ വാഹന നികുതി പൂർണമായും ഒഴിവാക്കണമെന്നായിരുന്നു ബസ് ഉടമകളുടെ മറ്റൊരു ആവശ്യം.ഈ വിഷയത്തിൽ സർക്കാരിൽനിന്നും അനുഭാവ പൂർണമായ നിലപടുണ്ടായെങ്കിലും ഈ മാസം 18 ന് മുൻപ് അന്തിമ തീരുമാനം വേണമെന്നാണ് ബസ് ഉടമകളുടെ ആവശ്യം.

L I V E |

കൊച്ചി : മിസ് കേരളയുടെയും റണ്ണർ അപ്പിന്റെയും അപകട മരണവുമായി ബന്ധപ്പെട്ട് കൊച്ചിയിലെ ഹോട്ടലിൽ പോലീസ് പരിശോധന നടത്തുന്നു.ഫോർട്ട് കൊച്ചിയിലെ നമ്പർ 18 ഹോട്ടലിലാണ് പോലീസ് പരിശോധന.

നമ്പർ 18 ഹോട്ടലിലെ പുലർച്ചെ വരെ നീണ്ട ഡി ജെ പാർട്ടി കഴിഞ്ഞു മടങ്ങുന്നതിനിടെയാണ് മുൻ മിസ് കേരളയും റണ്ണർ അപ്പും വാഹനാപകടത്തിൽ മരിച്ചത്.

അപകടത്തിൽ പെട്ടവർ അമിതമായി മദ്യപിച്ചിരുന്നതായി വ്യക്തമായതിനെ തുടർന്നാണ് പോലീസ് ഹോട്ടലിൽ പരിശോധന നടത്തുന്നത്.ഫോർട്ട് കൊച്ചി പോലീസ് സ്റ്റേഷന് തൊട്ടടുത്തുള്ള ഈ ഹോട്ടലിൽ അപകട ദിവസം പുലരും വരെ ഡി ജെ പാർട്ടി നടന്നിരുന്നതായി പോലീസ് പറഞ്ഞു.

ഡി ജെ പാർട്ടിയോടനുബന്ധിച്ച് ഹോട്ടലിൽ അബ്കാരി നിയമത്തിന് വിരുദ്ധമായി പുലരും വരെ മദ്യം വിളമ്പിയ പശ്ചാത്തലത്തിൽ ഹോട്ടലിലിന്റെ ബാർ ലൈസെൻസ് എക്‌സൈസ് റദ്ദാക്കിയിരുന്നു.

L A T E S T |

കൊച്ചി : കൊച്ചിയിലെ സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിൽ കഴിയുന്ന നടി കെ പി എ സി ലളിതയുടെ ആരോഗ്യനിലയിൽ നേരിയ പുരോഗതി.എങ്കിലും കരൾ മാറ്റിവെക്കൽ ശസ്ത്രക്രിയയ്ക്ക് അവർ വിധേയയാവേണ്ടിവരുമെന്നാണ് ഡോക്ടർമാർ പറയുന്നത്.

എന്നാൽ അവരുടെ പ്രായവും ആരോഗ്യസ്ഥിതിയും പരിഗണിച്ച് മാത്രമേ ഇക്കാര്യത്തിൽ തീരുമാനമെടുക്കു.അമ്മ സുഖം പ്രാപിക്കുന്നു എന്ന് മകനും നടനുമായ സിദ്ധാർഥ് ഭരതൻ സമൂഹ മാധ്യമങ്ങളിലൂടെ അറിയിച്ചു.

എല്ലാവരുടെയും പ്രാർത്ഥനയ്ക്കും കരുതലിനും സിദ്ധാർഥ് നന്ദി പറഞ്ഞു.കുറച്ചു ദിവസമായി തൃശൂരിലെ ആശുപത്രിയിൽ ചികിത്സയിലായിരുന്ന കെ പി എ സി ലളിത വിദഗ്ധ ചികിത്സയ്ക്കായാണ് എറണാകുളത്തേക്ക് വന്നത്.

L A T E S T |

കോഴിക്കോട് : നാടക-സിനിമ നടി കോഴിക്കോട് ശാരദ അന്തരിച്ചു. 84 വയസായിരുന്നു.കോഴിക്കോട് മെഡിക്കൽ കോളേജിൽ ചികിത്സയിലായിരുന്നു.ഹൃദയാഘാതത്തെ തുടർന്നായിരുന്നു അന്ത്യം.

നാടകങ്ങളിൽ അഭിനയിച്ചുകൊണ്ടായിരുന്നു അഭിനയ ജീവിതത്തിന് തുടക്കം.1979 ൽ അങ്കക്കുറി എന്ന സിനിമയിൽ അഭിനയിച്ചുകൊണ്ട് സിനിമയിൽ എത്തി.

ഐ വി ശശി സംവിധാനം ചെയ്ത അനുബന്ധം,നൽക്കവല,അന്യരുടെ ഭൂമി എന്നി സിനിമകളിൽ അഭിനയിച്ചു. ഉത്സവപ്പിറ്റേന്ന്,സദയം, സല്ലാപം,കിളിച്ചുണ്ടൻ മാമ്പഴം,അമ്മക്കിളികൂട്,നന്ദനം,യുഗ പുരുഷൻ,കുട്ടി സ്രാങ്ക്എന്നിവയുൾപ്പെടെ 80 ഓളം സിനിമകളിൽ അഭിനയിച്ചു.

L A T E S T |

പെരുമ്പാവൂർ : വ്യാജ ഡോക്ടറായ ഇതര സംസ്ഥാന തൊഴിലാളി പിടിയിൽ.ബംഗാൾ മുർഷിദാബാദ് സ്വദേശി സബീർ ഇസ്ലാമിനെയാണ്(32 ) പെരുമ്പാവൂർ പോലീസ് പിടികൂടിയത്.

മാറമ്പിള്ളി പള്ളിപ്രം ഭായ് കോളനിയിലായിരുന്നു ഇയാളുടെ വ്യാജ ചികിത്സയും താമസവും.നിരവധി ഇതര സംസ്ഥാന തൊഴിലാളികളാ ണ് ഇയാളുടെ അടുത്ത് ചികിത്സയ്‌ക്കെത്തിയിരുന്നത്.

ഇൻജെക്ഷൻ ,ഡ്രിപ്പ് തുടങ്ങിയവയെല്ലാം ഇയാൾ നൽകിയിരുന്നതായി പോലീസ് അറിയിച്ചു.ആസാം സ്വദേശിനിയായ യുവതിയിക്ക് ഡ്രിപ്പ് നൽകിയതിനെ തുടർന്ന് ബോധരഹിതയായതോടെയാണ് സംഭവം പുറത്തായത്.റൂറൽ എസ് പി കാർത്തിക്കിന് ഇതുസംബന്ധിച്ച വിവരം ലഭിക്കുകയായിരുന്നു.തുടർന്ന് അന്വേഷണം നടത്തുകയും പിടികൂടുകയുമായിരുന്നു.

ഇയാളിൽനിന്ന് സ്റ്റെതസ്കോപ് ,സിറിഞ്ച്,ഗുളികകൾ,ബി പി അപ്പാരറ്റസ് തുടങ്ങിയവ പിടിച്ചെടുത്തിട്ടുണ്ട്.

കോഴിക്കോട് : വാടക കുടിശ്ശിക ചോദിച്ചതിന് വയോധികരുടെ മകളുടെ ഭർത്താവിന്റെ പേരിൽ സ്ത്രീപീഡനത്തിന് വ്യാജ പരാതി നൽകി.

കോഴിക്കോട് മെഡിക്കൽ കോളേജ് ഡിവിഷൻ അസിസ്റ്റന്റ് കമ്മിഷണറുടെ ഓഫീസിലെ എസ് ഐ റാങ്കിലുള്ള വനിത പൊലീസാണ് വ്യാജ പരാതി നൽകിയത്.എന്നാൽ പരാതി സംബന്ധിച്ച് സംശയം തോന്നിയ സ്പെഷ്യൽ ബ്രാഞ്ച് നടത്തിയ രഹസ്യാന്വേഷണത്തിൽ പരാതി വ്യാജമാണെന്ന് കണ്ടെത്തി.

തിരുവണ്ണൂർ ശ്രീകൃഷ്‌ണ ക്ഷേത്രത്തിന് സമീപം താമസിക്കുന്ന വയോധികരായ അധ്യാപക ദമ്പതിമാരുടെ ദുബായിലുള്ള മരുമകനെതിരെയാണ് വ്യാജ പരാതി നൽകിയത്.കഴിഞ്ഞതവണ അവധിക്ക് വന്നപ്പോൾ മരുമകൻ വീട്ടിലെത്തിയ ദിവസം മനസിലാക്കിയാണ് വ്യജ പരാതി ചമച്ചത്.ഇതേ എസ് ഐ തന്നെ വയോധികനായ അധ്യാപകനെതിരെ മറ്റൊരു കള്ള പരാതിയും സ്വകാര്യ അന്യായമായി നൽകിയിട്ടുണ്ട്.

വാടക കരാർ പുതുക്കിയതുൾപ്പെടെ 1,47000 രൂപ വനിതാ എസ് ഐ അധ്യാപക ദമ്പതിമാർക്ക് നൽകാനുണ്ട്. കുടുംബത്തിനെതിരെ വ്യാജ പരാതി നൽകിയതിനെ തുടർന്ന് അധ്യാപകൻ സിറ്റി പോലീസ് കമ്മിഷണർ എ വി ജോർജിന് പരാതി നൽകിയിരുന്നു.എന്നാൽ വകുപ്പുതല അന്വേഷണങ്ങൾക്ക് വനിത എസ് ഐ സഹകരിക്കുന്നി ല്ലെന്ന് പന്നിയങ്കര പോലീസ് മേലുദ്യോഗസ്ഥർക്ക് റിപ്പോർട്ട് നൽകിയിട്ടുണ്ട്.

അന്വേഷിക്കുന്നു എന്ന് സിറ്റി പോലീസ് കമ്മീഷണർ

കോഴിക്കോട് : വയോധികരായ അധ്യാപക ദമ്പതികൾക്കെതിരെ വാടകക്കാരിയായ വനിത എസ് ഐ വ്യാജ പരാതി നൽകിയ സംഭവത്തിൽ വിശദമായ അന്വേഷണം നടക്കുകയായണെന്ന് കോഴിക്കോട് സിറ്റി പോലീസ് കമ്മിഷണർ എ വി ജോർജ് പറഞ്ഞു.ഫറോക് ഡിവിഷൻ അസിസ്റ്റന്റ് കമ്മിഷണർ എം എം സിദ്ദിഖിനോട് റിപ്പോർട്ട് ആവശ്യപ്പെട്ടിട്ടുണ്ടെന്ന് കമ്മിഷണർ അറിയിച്ചു.

L I V E | ON AIR

തിരുവനന്തപുരം : നിയമസഭാ തിരഞ്ഞെടുപ്പിൽ അമ്പലപ്പുഴയിലെ പ്രചാരണത്തിൽ വീഴ്ച പറ്റിയെന്ന സി പി എം കണ്ടെത്തലിനെ തുടർന്ന് മുൻമന്ത്രി ജി സുധാകരന് പരസ്യ ശാസന.

സിപിഎം സംസ്ഥാന സെക്രെട്ടറിയേറ്റിലാണ് തീരുമാനം. ഇതുസംബന്ധിച്ച റിപ്പോർട്ട് സിപിഎം സംസ്ഥാനസമിതിയിൽ അവതരിപ്പിച്ചിരുന്നു. അമ്പലപ്പുഴയിലെ ഇടത് സഥാനാർത്ഥി എച്ച് സലാമിന്റെ വിജയം ഉറപ്പാക്കുന്നതിനുള്ള പ്രചാരണം നടത്തുന്നതിൽ ജി സുധാകരന് വീഴ്ചപറ്റി എന്നാണ് റിപ്പോർട്ടിൽ പറഞ്ഞിരുന്നത്.

എന്നാൽ ജി സുധാകരനെതിരെ എന്ത് അച്ചടക്ക നടപടി സ്വീകരിക്കണമെന്ന കാര്യം റിപ്പോർട്ടിൽ പറഞ്ഞിരുന്നില്ലെങ്കിലും സെക്രെട്ടറിയേറ്റിൽ പരസ്യ ശാസന നടത്താൻ തീരുമാനിക്കുകയായി രുന്നു.

സംസ്ഥാന സെക്രെട്ടറിയേറ്റിലെ നടപടികൾ സംബന്ധിച്ച തീരുമാനത്തെ ആരും എതിർത്തില്ല എന്നാണ് സൂചന. സംസ്ഥാന സെക്രെട്ടറിയറ്റ് യോഗം തിരുവനന്തപുരത്ത് പുരോഗമിക്കുകയാണ്.

സിപിഎം തിരഞ്ഞെടുപ്പ് അവലോകന റിപ്പോർട്ടിൽ പേരെടുത്ത് പറയുന്ന ഏക വ്യക്തിയാണ് ജി സുധാകരൻ.ഇടത് സ്ഥാനാർത്ഥിയുടെ വിജയത്തിന് വേണ്ടിയുള്ള പ്രവർത്തനങ്ങളിൽ വീഴ്ച വരുത്തി എന്ന റിപ്പോർട്ട് സംസ്ഥാന സമിതി അംഗീകരിച്ച അവലോകന റിപ്പോർട്ടിൽ പറയുന്നുണ്ട്.

എളമരം കരീം, കെ ജെ തോമസ് എന്നിവരാണ് സുധാകരനെതിരെ യുള്ള ആരോപണത്തിൽ അന്വേഷണം നടത്തിയത്.

p r e v i o u s s t o r y |

ON AIR |

തിരുവനന്തപുരം : പെട്രോളിന്റെയും ഡീസലിന്റെയും എക്‌സൈസ് തീരുവ കേന്ദ്രസർക്കാർ കുറച്ചിട്ടും കേരളം നികുതി കുറയ്ക്കാത്ത നിലപാടിനെതിരെ പ്രക്ഷോഭം നടത്തുമെന്ന് ബിജെപിയും കോൺഗ്രസ്സും പ്രഖ്യാപിച്ചു.

പെട്രോൾ ഡീസൽ എക്‌സൈസ് തീരുവ കുറച്ച കേന്ദ്രസർക്കാർ നടപടിയെ സ്വാഗതം ചെയ്ത കോൺഗ്രസ് അധ്യക്ഷൻ കെ സുധാകരൻ സംസ്ഥാന സർക്കാർ നികുതി കുറയ്ക്കാത്ത നിലപാടിനെതിരെ അതിശക്തമായ പ്രക്ഷോഭം തുടങ്ങുമെന്നുംപറഞ്ഞു.

സമരം കേരളത്തിന്റെ നിലപാടുകൾക്കെതിരെ മാത്രമായി മാറ്റും.കേന്ദ്രം മാത്രം വില കുറയ്ക്കാൻ തീരുമാനിച്ചാൽ വില കുറയില്ല.സംസ്ഥാനം കൂടി നികുതി കുറയ്ക്കണം.കേന്ദ്ര സർക്കാർ നികുതി കുറച്ചപ്പോൾ സംസ്ഥാനം നികുതി കുറച്ച് ഉമ്മൻ ചാണ്ടി കാട്ടിയ മാതൃക പിണറായി സർക്കാർ കാണിക്കണമെന്നും സുധാകരൻ പറഞ്ഞു.

കേന്ദ്ര സർക്കാർ പെട്രോളിന്റെയും ഡീസലിന്റെയും എക്‌സൈസ് തീരുവ കുറച്ചിട്ടും നികുതി കുറയ്ക്കാത്ത സംസ്ഥാന സർക്കാർ നടപടിയെ വിമർശിച്ച ബിജെപി അധ്യക്ഷൻ കെ സുരേന്ദ്രൻ കേരളവും ഉടൻ നികുതി കുറയ്ക്കണമെന്ന് ആവശ്യപ്പെട്ടു.

R E A D P R E V I O U S S T O R I E S |

ON AIR |

കൊച്ചി : ടിപ്പുവിന്റെ സിംഹാസനവും മോശയുടെ വടിയും കണ്ടിട്ട് മനസിലാകാത്ത പോലീസ് എന്ത് പോലീസെന്ന് ഹൈക്കോടതി. മൊൻസൺ കേസിലെ സർക്കാർ സത്യവാങ്മൂലത്തെ കോടതി രൂക്ഷമായി വിമർശിച്ചു.

മോൻസണി ന്റെ വീട്ടിൽ പോയ ഡി ജി പി ലോക്നാഥ് ബെഹ്റയ്ക്കും എ ഡി ജി പി മനോജ് എബ്രഹാമിനും പുരാവസ്തു നിയമങ്ങൾ അറിയില്ലേയെന്നും കോടതി ചോദിച്ചു.

ഐ ജി ലക്ഷ്മണയുടെ പങ്ക് സംബന്ധിച്ച സർക്കാർ സത്യവാങ്മൂലം അപൂർണ്ണമാണെന്നും കോടതി വിമർശിച്ചു.സർക്കാർ നൽകിയ സത്യവാങ്‌മൂലം വിശദമായി പരിശോധിച്ച ശേഷമാണ് കോടതി വിമർശനം ഉന്നയിച്ചത്.

നാട്ടിലെ പുരാവസ്തു നിയമങ്ങൾ സംബന്ധിച്ച് ഉന്നത പോലീസ് ഉദ്യോഗസ്ഥർക്ക് അറിവില്ലേയെന്നും കോടതി ചോദിച്ചു.ഡി ജി പിയെയും എ ഡി ജി പിയെയും ആരാണ് ഇദ്ദേഹത്തിന്റെ വീട്ടിൽ കൊണ്ടുപോയത് എന്നും കോടതി ചോദിച്ചു.

L I V E |

ന്യൂഡൽഹി : കേരള ഹൗസിലെ ഡി വൈ എഫ് ഐ യോഗം വിവാദത്തിൽ.

വ്യാഴാഴ്ച കേരള ഹൗസിൽ ചേർന്ന ഡി വൈ എഫ് ഐ കേന്ദ്ര കമ്മറ്റി യോഗത്തിനെതിരെയാണ് യൂത്ത് കോൺഗ്രസ് ആക്ഷേപം.ചട്ടങ്ങൾ ലംഖിച്ചാണ് ഡി വൈ എഫ് ഐ കമ്മറ്റി ചേരാൻ മുറി അനുവദിച്ചത് എന്നാണ് പരാതി.

കേരള ഹൗസിലെ കോൺഫറൻസ് ഹാളിലാണ് കേന്ദ്ര കമ്മറ്റി യോഗം ചേർന്നത്,ഇതിനെതിരെ കേരള ഹൗസ് റസിഡന്റ് കമ്മീഷണർക്ക് പരാതി നൽകുമെന്ന് യൂത്ത് കോൺഗ്രസ് നേതാക്കൾ അറിയിച്ചു.

ന്യൂഡൽഹി : ലൈസൻസ് ടെസ്റ്റിന് ഓട്ടോമാറ്റിക് വാഹനം ഉപയോഗിക്കാമെന്ന കേന്ദ്ര ഗതാഗത മന്ത്രാലയ നിർദേശത്തിന് കേരളത്തിൽ അനുമതിയില്ല.

ഡ്രൈവിംഗ് ടെസ്റ്റിന് ഓട്ടോമാറ്റിക് അല്ലെങ്കിൽ മാന്വൽ ഗിയർ വാഹനങ്ങൾ ഉപയോഗിക്കാൻ കേന്ദ്ര ഗതാഗത മന്ത്രാലയം കഴിഞ്ഞ ഏപ്രിലിൽ തന്നെ അനുമതി നൽകിയിരുന്നു.എന്നാൽ കേരളം ഇതുസംബന്ധിച്ച് തീരുമാനമൊന്നും എടുത്തില്ല.

സംസ്ഥാനത്ത് ഓട്ടോമാറ്റിക് ഗിയറുകൾ ഉള്ള വാഹനങ്ങൾ വ്യാപകമായി ഇറങ്ങുന്നുണ്ട്.ഉപയോഗത്തിലെ എളുപ്പം കാരണം സ്ത്രീകളും മറ്റും ഇപ്പോൾ ഓട്ടോമാറ്റിക് വാഹന ഉപയോഗത്തിൽ താല്പര്യം കാണിക്കുന്നുണ്ട്.ഇത് കണക്കിലെടുത്ത് മിക്ക ഡ്രൈവിംഗ് സ്കൂളുകളൂം ഓട്ടോമാറ്റിക് വാഹനത്തിൽ പരിശീലനം നൽകുന്നുണ്ട്.

ഓട്ടോമാറ്റിക് വാഹനത്തിൽ പരിശീലനം നടത്തി ടെസ്റ്റിന് എത്തുമ്പോഴാണ് ഇത്തരക്കാർ കുഴയുന്നത്.ഇപ്പോഴും ഡ്രൈവിംഗ് ടെസ്റ്റുകളിൽ ഗിയർ മാറുന്നതടക്കം നോക്കിയാണ് ഉദ്യോഗസ്ഥർ ഡ്രൈവിംഗ് പരിശീലനത്തെ വിലയിരുത്തുന്നത്.എന്നാൽ ഓട്ടോമാറ്റിക് വാഹനങ്ങൾ വ്യാപകമായി ഇറങ്ങുന്ന പശ്ചാത്തലത്തിൽ ടെസ്റ്റുകളിൽ ഓട്ടോമാറ്റിക് വാഹനങ്ങൾക്ക് കൂടി അനുമതി നൽകണമെന്നാണ് ഡ്രൈവിങ് പരിശീലകരുടെ അഭിപ്രായം.

ഓട്ടോമാറ്റിക് വാഹനങ്ങൾ ടെസ്റ്റിന് അനുവദിക്കണമെന്ന ആവശ്യം ഉന്നയിച്ച് ഡ്രൈവിംഗ് സ്കൂളുകൾ കോടതിയെ സമീപിച്ചിരുന്നു. പഠിതാവിന്റെ ഗിയർ ഷിഫ്റ്റിങ് കൂടി നോക്കിയാണ് പഠനം വിലയിരുത്തുന്നതെന്നും അത്കൊണ്ട് തന്നെ വ്യക്തമായ മാനദണ്ഡങ്ങൾ ഇല്ലാതെ എങ്ങിനെയാണ് ടെസ്റ്റിംഗ് രീതിയിൽ മാറ്റം വരുത്തുക എന്നതാണ് സംസ്ഥാന മോട്ടോർ വാഹന വകുപ്പിന്റെ സംശയം.

തിരുവനന്തപുരം :കവിയും ഗാനരചയിതാവുമായ അനിൽ പനച്ചൂരാന്റെ മരണശേഷം കുടുംബത്തിന് നൽകുമെന്ന് പ്രഖ്യാപിച്ച ആനുകൂല്യങ്ങളൊന്നും ലഭിച്ചില്ലെന്ന് കവിയുടെ ഭാര്യ മായ പനച്ചൂരാൻ.അനിൽ പനച്ചൂരാന്റെ ഫേസ്ബുക് പേജിലൂടെയാണ് മായയുടെ കുറിപ്പ്.

കഴിഞ്ഞ ജനുവരിയിലാണ് അനിൽ പനച്ചൂരാൻ അന്തരിച്ചത്.മരണശേഷം അനുശോചന യോഗങ്ങളിൽ പൊട്ടിക്കരഞ്ഞവർ പ്രഖ്യാപിച്ച വാഗ്ദാനങ്ങൾ നൽകിയില്ലെന്ന് മായയുടെ കുറിപ്പിൽ പറയുന്നു.

കയം കുളം എം എൽ എ പ്രതിഭ ഉൾപ്പെടയുള്ളവർ തനിക്ക് ജോലിയും കുടുംബത്തിന് സഹായ വാഗ്ദാനങ്ങളും പ്രഖ്യാപിച്ചിരുന്നു എന്ന് മായയുടെ ഫേസ്ബുക് കുറിപ്പിൽ പറയുന്നു.പ്രതിഭ എം എൽ എ അനുശോചന യോഗങ്ങളിൽ പൊട്ടിക്കരഞ്ഞ് സഹായ വാഗ്ദാനങ്ങൾ പ്രഖ്യാപിച്ചെങ്കിലും എല്ലാം വാഗ്ദാനങ്ങളായി ഒടുങ്ങുകയായിരുന്നു.

| മായ പനച്ചൂരാൻ പങ്കുവെച്ച കുറിപ്പ് വായിക്കാം |

നമസ്തേ
അനിചേട്ടനെയും എന്നേയും സ്നേഹിക്കുന്ന, ഇപ്പോഴും അനിൽ പനച്ചൂരാനെ ഓർമിക്കുന്ന ധാരാളം പേർ പലപ്പോഴും വിളിച്ചു തിരക്കാറുണ്ട്, 'ജോലി വലതുമായോ ' എന്ന്.അത്തരം കോളുകൾ ഒന്നും തന്നെ ഞാൻ ഇപ്പോൾ attend ചെയ്യാറില്ല. കാരണം നല്ല വാർത്തകൾ ഒന്നും തന്നെ എനിക്കവരോടു പറയാനില്ല!ആ ഒരു സമയത്ത് എല്ലാ രാഷ്ട്രീയ പാർട്ടികളുടെയും നേതാക്കന്മാർ ഈ വീട്ടിൽ കയറിയിറങ്ങിയതും പലതരത്തിലുള്ള വാഗ്ദാനങ്ങൾ നൽകിയതും പല മാധ്യമങ്ങളിലൂടെ എല്ലാവരും അറിഞ്ഞതാണ്. അത്തരം വാർത്തകൾ ഒന്നും തന്നെ ഞാനായിട്ട് പൊതുവേദികളിൽ പരസ്യപ്പെടുത്തിയിട്ടില്ല. എന്നിരുന്നാലും കായംകുളം MLA ശ്രീമതി. പ്രതിഭ ഉൾപ്പടെയുള്ള പ്രമുഖർ കവിയുടെ കുടുംബത്തിന് ആനുകൂല്യങ്ങൾ ലഭ്യമാക്കുമെന്ന് പല വേദികളിലും പ്രസംഗിച്ചത് എന്റെ ശ്രദ്ധയിലും പെട്ടിരുന്നു.അനിൽ പനച്ചൂരാനെ സ്നേഹിക്കുന്ന, ഞങ്ങളുടെ ദൗർഭാഗ്യങ്ങളിൽ വേദനിക്കുന്ന ആയിരക്കണക്കിനാളുകൾ ഉണ്ടെന്നറിയാം. അവരോട് എന്തു പറയണം എന്നറിയില്ലായിരുന്നു...( എന്റെ ജോലിയുമായി ബന്ധപ്പെട്ട വാർത്തകളുടെ സത്യാവസ്ഥ പറഞ്ഞുപറഞ്ഞു ഞാൻ തന്നെ മടുത്തിരുന്നു ) ഇപ്പോൾ ഒരു മറുപടിയായി. അത് ഇവിടെ സമർപ്പിക്കുന്നു. എല്ലാവരുടെയും പ്രാർത്ഥനയിൽ ഞങ്ങളെ ഓർക്കണമെന്ന് അപേക്ഷിക്കുന്നു. ഒപ്പം ഒരു വാക്ക് കൂടി... ദുരന്തമുഖങ്ങളിൽ തലകാണിക്കാൻ രാഷ്ട്രീയക്കാർ എത്തുന്ന വാർത്തകൾ നമ്മൾ നിരന്തരം കാണാറുണ്ട്;വാഗ്ദാനങ്ങൾ നൽകുന്നത് പത്രമാധ്യമങ്ങളിൽ കൂടി അറിയാറുണ്ട്. ഇതെല്ലാം വെറും വാഗ്ദാനങ്ങളായി ഒടുങ്ങുകയേ ഉള്ളു. അതുകൊണ്ട് ദയവു ചെയ്ത് ഇത്തരം വാർത്തകൾ വിശ്വസിക്കരുത്.

മായ പനച്ചൂരാൻ

photo credit |mbionline

L I V E |

തിരുവനന്തപുരം : കൈറ്റ് വിക്‌ടേഴ്സിൽ വെള്ളിയാഴ്ചവരെ റെഗുലർ ക്ലാസില്ല.

നാളെ മുതൽ വെളിയാഴ്ചവരെ ക്ലാസുകളുടെ പുനഃസംപ്രേഷണം മാത്രമായിരിക്കുമെന്ന് വിക്ടേഴ്‌സ് അധികൃതർ അറിയിച്ചു. മഴ മുന്നറിയിപ്പ് പശ്ചാത്തലത്തിലാണ് തീരുമാനം.
തെക്കൻ ജില്ലകളിൽ കനത്ത മഴ തുടരുകയും നാളെയും മറ്റന്നാളും അതി തീവ്ര മഴ ഉണ്ടാകുമെന്ന് കാലാവസ്ഥ മുന്നറിയിപ്പ് വന്നിരുന്നു.

L I V E | ON AIR

തിരുവനന്തപുരം: സംസ്ഥാനത്ത് നാളെയും മറ്റന്നാളും തീവ്ര മഴ മുന്നറിയിപ്പ്.ജില്ലകളിൽ ജാഗ്രത നിർദേശം പുറപ്പെടുവിച്ചു.

നാളെ 11 ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. മറ്റന്നാൾ 12 ജില്ലകളിലും ഓറഞ്ച് അലർട്ട് പ്രഖ്യാപിച്ചിട്ടുണ്ട്.

കിഴക്കൻ കാറ്റ് സജീവമാകാൻ സാധ്യതയുള്ളതിനാൽ കനത്ത മഴ ഉണ്ടാകുമെന്നാണ് കാലാവസ്ഥ മുന്നറിയിപ്പ്.ആശങ്കയുടെ ആവശ്യമില്ലെന്നും എന്നാൽ ജാഗ്രത ആവശ്യമാണെന്നും സംസ്ഥാന സർക്കാർ മുന്നറിയിപ്പ് നൽകിയിട്ടുണ്ട്.

കനത്ത മഴയുടെ പശ്ചാത്തലത്തിൽ അതീവ ജാഗ്രത വേണമെന്ന് മുഖ്യമന്ത്രി പിണറായി വിജയൻ നേരത്തെ വ്യക്തമാക്കിയിരുന്നു.

അപകട സാധ്യതയുള്ള മേഖലകളിലേക്ക് പോകാതിരിക്കാൻ ശ്രമിക്കണം.ആവശ്യമെങ്കിൽ മാറി താമസിക്കാനും തയ്യാറാകണം. അധികൃതരുടെ നിർദേശങ്ങൾ പാലിക്കണമെന്നും യാത്രകൾ പരമാവധി ഒഴിവാക്കണമെന്നും മുഖ്യമന്ത്രി പറഞ്ഞിരുന്നു.മലയോര മേഖലയിലേക്കുള്ള യാത്രകൾ പരമാവധി ഒഴിവാക്കാനും നിർദേശം നൽകിയിരുന്നു.

കേരളത്തിലുടനീളം നാളെയും മറ്റന്നാളും തീവ്ര മഴ സാധ്യത മുന്നറിയിപ്പാണ് നൽകിയിരിക്കുന്നത്.വിവിധ ജില്ലകളിൽ ജാഗ്രത നിർദേശം നൽകിയിട്ടുണ്ട്.

സംസ്ഥാനത്ത് 105 ദുരിതാശ്വാസ ക്യാമ്പുകൾ തുറന്നു.ഇതിൽ പത്തനംതിട്ട ജില്ലയിൽ മാത്രം 36 ദുരിതാശ്വാസ ക്യാമ്പുകൾ തുറന്നിട്ടുണ്ട്. 424 പേർ ഈ ക്യാമ്പിലുണ്ട്.ആവശ്യമെങ്കിൽ കൂടുതൽ ക്യാമ്പുകൾ തുറക്കും.കുട്ടനാട്ടിൽ അപ്പർ-ലോവർ കുട്ടനാട്ടിലും ദുരിതാശ്വാസ ക്യാമ്പുകൾ തുറന്നു.

ദേശീയ ദുരന്ത നിവാരണ സേനയെ ആവശ്യമെങ്കിൽ വിവിധ ജില്ലകളിലേക്ക് നിയോഗിക്കാൻ നിർദേശം നൽകിയിട്ടുണ്ട്. ആർമിയുടെയും വ്യോമസേനയുടെയും നാവിക സേനയുടെയും ഡി എസ് സി യുടെയും സേവനം ആവശ്യമെങ്കിൽ സജ്ജമാണ്.

P R E V I O U S S T O R Y |

L A T E S T |

തിരുവനന്തപുരം : കനത്ത മഴയുടെ പശ്ചാത്തലത്തിൽ അതീവ ജാഗ്രത വേണമെന്ന് മുഖ്യമന്ത്രി പിണറായി വിജയൻ പറഞ്ഞു.

അപകട സാധ്യതയുള്ള മേഖലകളിലേക്ക് പോകാതിരിക്കാൻ ശ്രമിക്കണം.ആവശ്യമെങ്കിൽ മാറി താമസിക്കാനും തയ്യാറാകണം. അധികൃതരുടെ നിർദേശങ്ങൾ പാലിക്കണമെന്നും യാത്രകൾ പരമാവധി ഒഴിവാക്കണമെന്നും മുഖ്യമന്ത്രി അറിയിച്ചു.

കേരളത്തിലുടനീളം ഇന്ന് മഴ സാധ്യത മുന്നറിയിപ്പുണ്ട്.വിവിധ ജില്ലകളിൽ ജാഗ്രത നിർദേശം നൽകിയിട്ടുണ്ട്.

സംസ്ഥാനത്ത് 105 ദുരിതാശ്വാസ ക്യാമ്പുകൾ തുറന്നു.ഇതിൽ പത്തനംതിട്ട ജില്ലയിൽ മാത്രം 36 ദുരിതാശ്വാസ ക്യാമ്പുകൾ തുറന്നിട്ടുണ്ട്. 424 പേർ ഈ ക്യാമ്പിലുണ്ട്.ആവശ്യമെങ്കിൽ കൂടുതൽ ക്യാമ്പുകൾ തുറക്കും.

ദേശീയ ദുരന്ത നിവാരണ സേനയെ വിവിധ ജില്ലകളിലേക്ക് നിയോഗിക്കാൻ നിർദേശം നൽകിയിട്ടുണ്ട്.ആർമിയുടെ രണ്ട് ടീമുകളെ തിരുവനന്തപുരത്തും കോട്ടയത്തും വിന്യസിച്ചിട്ടുണ്ട്.ഡി എസ് സി യും നാവികസേനയും വ്യോമസേനയും ആവശ്യമെങ്കിൽ സജ്ജമാണ്.

L I V E |

കൊല്ലം : അഞ്ചലിലെ ഉത്ര വധക്കേസിൽ വിധി അൽപ്പസമയത്തിനകം.

കുറ്റക്കാരനാണെന്ന് കണ്ടെത്തിയ പ്രതി സൂരജ് (27 ) ന് വധ ശിക്ഷ വിധിക്കണമെന്ന് പ്രോസിക്യൂഷൻ ആവശ്യപ്പെട്ടിട്ടുണ്ട്.കൊല്ലം ആറാം അഡിഷണൽ സെഷൻസ് ജഡ്ജ് എം മനോജ് അൽപ്പസമയത്തിനകം വിധി പ്രസ്താവിക്കും.

അപൂർവങ്ങളിൽ അപൂർവമായ കേസിൽ വധ ശിക്ഷ നൽകണമെന്നാണ് പ്രോസിക്യൂഷൻ ആവശ്യം.പ്രതി സൂരജിനെ കോടതിയിൽ എത്തിച്ചു.കോടതി നടപടികൾ തുടങ്ങി.

P R E V I O U S S T O R Y |

കണ്ണൂർ : പി ജയരാജൻ ഉൾപ്പെടെയുള്ള സിപിഎം നേതാക്കളെ ആക്രമിച്ച കേസിൽ പ്രതികളെ വെറുതെ വിട്ടു.12 മുസ്‌ലിം ലീഗ് പ്രവർത്തകരെയാണ് വെറുതെ വിട്ടത്.

അരിയിൽ ഷുക്കൂർ വധത്തിലേക്ക് വഴിവെച്ചു എന്ന സംഭവത്തിലെ പ്രതികളെയാണ് വെറുതെ വിട്ടത്.2012ഫെബ്രുവരി 20 ന് പി ജയരാജൻ,ടി വി രാജേഷ് എന്നിവർ ഉൾക്കൊള്ളുന്ന സിപിഎം നേതാക്കളെ ആക്രമിച്ച കേസിലാണ് വിധി.

സിപിഎം നേതാക്കൾ സഞ്ചരിച്ച വാഹനം തളിപ്പറമ്പ് അരിയിൽ മേഖലയിൽ എത്തിയപ്പോൾ ആക്രമിക്കപ്പെട്ടു എന്നാണ് കേസ്. മുസ്‌ലിം ലീഗ് പ്രവർത്തകൻ അരിയിൽ ഷുക്കൂറിനെ വധിക്കുന്നതിലേക്ക് പ്രകോപനമായത് ഈ കേസായിരുന്നു എന്നാണ് വാദം.

ഇത്തരം ഒരു ആക്രമം ഉണ്ടായിട്ടില്ലെന്നും കേസിൽ ഹാജരാക്കിയ രേഖകൾ യാഥാർത്ഥമല്ലെന്നും പ്രതിഭാഗം വാദിച്ചിരുന്നു..കണ്ടെടുത്ത ആയുധങ്ങൾ വരെ കൃത്രിമമായി ഉണ്ടാക്കിയതാണ് എന്നാണ് പ്രതിഭാഗം വാദിച്ചത്.

L A T E S T |

തിരുവനന്തപുരം :ഡി വൈ എഫ് ഐയിൽ അധികാര കൈമാറ്റം.മുഹമ്മദ് റിയാസ് അഖിലേന്ത്യാ പ്രസിഡണ്ട് സ്ഥാനം ഒഴിയും.

കേന്ദ്ര -സംസ്ഥാന നേതൃത്വങ്ങളിലാണ് മാറ്റം വരുന്നത്.ഡി വൈ എഫ് ഐ ഫ്രാക്ഷൻ യോഗത്തിലാണ് തീരുമാനം ഉരുത്തിരിഞ്ഞത്.അടുത്ത ആഴ്ച്ച ചേരുന്ന ഡി വൈ എഫ് ഐ കേന്ദ്ര കമ്മറ്റി യോഗത്തിൽ പുതിയ പ്രസിഡണ്ടിനെ തീരുമാനിക്കും.

സംസ്ഥാന സെക്രട്ടറി എ എ റഹീം,ജെയ്ക്ക് സി തോമസ് എന്നിവർ ദേശീയ നേതൃത്വത്തിലേക്ക് വരാൻ സാധ്യതയുണ്ട്.മുഹമ്മദ് റിയാസ് സ്ഥാനമൊഴിയുന്ന പശ്ചാത്തലത്തിൽ എ എ റഹീം അഖിലേന്ത്യ പ്രസിഡണ്ടാകാനാണ് സാധ്യത.ഡി വൈ എഫ് ഐ അഖിലേന്ത്യാ പ്രസിഡണ്ട് സ്ഥാനത്തിരിക്കെയാണ് മുഹമ്മദ് റിയാസ് നിയമസഭാ തിരഞ്ഞെടുപ്പിൽ മത്സരിച്ച് വിജയിക്കുകയും മന്ത്രിയാവുകയും ചെയ്തത്.

LATEST |

തിരുവനന്തപുരം : തമ്പാനൂർ റെയിൽവേ സ്റ്റേഷനിൽ നിർത്തിയിട്ട 20 കാറുകൾ അജ്ഞാതർ അടിച്ചു തകർത്തു.മോഷണ ശ്രമമാണെന്ന് സംശയിക്കുന്നതായി പോലീസ് അറിയിച്ചു.

കാറുകൾ പാർക്ക് ചെയ്ത് ട്രെയിനിൽ യാത്രപോയി ഇന്ന് രാവിലെ തിരിച്ചെത്തിയ യാത്രക്കാരാണ് കാറുകൾ തകർത്തത് കണ്ടത്. കാറുകളുടെ ചില്ലുകളാണ് തകർത്തിരിക്കുന്നത്. തമ്പാനൂർ സെൻട്രൽ റെയിൽവേ സ്റ്റേഷന്റെ മുന്നിലുള്ള പാർക്കിംഗ് ഏരിയയിൽ നിർത്തിയിട്ട കാറുകളുടെ ചില്ലുകൾ മാത്രം തകർത്തതിനാലാണ് മോഷണ ശ്രമമാണെന്ന് പോലീസ് സംശയിക്കുന്നത്.

സി സി ടി വി ദൃശ്യങ്ങൾ ഉൾപ്പെടെ പോലീസ് പരിശോധിക്കും. കാറുകളുടെ മ്യൂസിക് സിസ്റ്റങ്ങൾ ഉൾപ്പെടെ അഴിച്ചു മാറ്റാൻ ശ്രമം നടത്തിയിട്ടുണ്ട്.പാർക്കിംഗ് ഏരിയ യിൽ സ്ഥിരമായി സുരക്ഷാ ജീവനക്കാർ ഉണ്ടാകാറുണ്ടെങ്കിലും മഴ പെയ്തതിനെ തുടർന്ന് മാറി നിന്നതായിരുന്നു.കാറുടമകൾ പോലീസിൽ പരാതി നൽകിയിട്ടുണ്ട്. സംഭവുമായി ബന്ധപ്പെട്ട് പൂജപ്പുര സ്വദേശി എബ്രഹാമിനെ കസ്റ്റഡിയിലെടുത്തതായി പോലീസ് അറിയിച്ചു.

L I V E |ON AIR

പാലക്കാട് : മലമ്പുഴയിൽ കഞ്ചാവ് വേട്ടയ്ക്ക് പോയി വനത്തിൽ കുടുങ്ങിയ പോലീസ് സംഘത്തെ കണ്ടെത്തി.ഇവരെ തിരികെയെത്തി ക്കാനുള്ള ശ്രമം തുടരുന്നു.

രണ്ട് സംഘമായി തിരിഞ്ഞായിരുന്നു ഇന്ന് രാവിലെ ആറ് മണിമുതൽ ശ്രമം തുടങ്ങിയത്.മലമ്പുഴയിൽനിന്നും വാളയാറിൽ നിന്നുമുള്ള പോലീസിന്റെയും വനം വകുപ്പിന്റെയും സംയുക്ത സംഘമാണ് തിരച്ചിൽ നടത്തിയത്.

ഇതിൽ മലമ്പുഴയിൽനിന്ന് പുറപ്പെട്ട ദൗത്യ സംഘത്തിനാണ് പൊലീസുകാരെ കണ്ടെത്താൻ സാധിച്ചത്.ഡ്രോൺ അടക്കമുള്ള സേവനങ്ങൾ ഇതിനായി ഉപയോഗിച്ചു എന്നാണ് അറിയുന്നത്.ഇനി വനത്തിനുള്ളിൽനിന്ന് ഇവരെ പുറത്തെത്തിക്കാനുള്ള ശ്രമമാണ് നടക്കുന്നത്.ലൊക്കേറ്റ് ചെയ്യപ്പെട്ട സ്ഥലത്തെത്തി വനത്തിൽനിന്ന് പുറത്തേക്ക് എത്തിക്കുകയാണ് ദൗത്യ സംഘത്തിന്റെ ജോലി.

കഞ്ചാവ് വേട്ടയ്ക്കായി വാളയാറിൽനിന്ന് പോയ നാർക്കോട്ടിക് സെൽ ഡി വൈ എസ് പി ശ്രീനിവാസ് ഉൾപ്പെടെയുള്ള സംഘമാണ് വനത്തിൽ വഴിതെറ്റി ഒറ്റപ്പെട്ടത്.

PREVIOUS STORY |

L A T E S T |

കൊച്ചി : കെ സുധാകരൻ തന്റെ വീട്ടിൽ വന്നത് ചികിത്സയ്ക്കാണെന്നും ആറ് ദിവസവും വന്ന് പോവുകയായിരുന്നു എന്നും മോൻസൺ മാവുങ്കൽ ക്രൈം ബ്രാഞ്ചിന് ചോദ്യം ചെയ്യലിനിടെ മൊഴി നൽകി.

മോൻസൺ മാവുങ്കലിന്റെ അടുത്ത് പോയത് ചികിത്സയ്ക്കായിരുന്നു എന്ന് കെ പി സി സി അധ്യക്ഷൻ കെ സുധാകരൻ നേരത്തെ വ്യക്തമാക്കിയിരുന്നു.

രണ്ട് കേസുകളിൽ മോൻസൺ മാവുങ്കലിന്റെ ചോദ്യം ചെയ്യൽ ക്രൈം ബ്രാഞ്ച് പൂർത്തിയാക്കി.ഇനി തിരുവന്തപുരത്തുള്ള കേസുകളിലെ ചോദ്യം ചെയ്യലാണ് ബാക്കിയുള്ളത്.

ഇതിനിടെ പത്ത് കോടിയുടെ സാമ്പത്തിക തട്ടിപ്പ് കേസിൽ മോൻസൺ മാവുങ്കലിന്റെ ജാമ്യ ഹർജി എറണാകുളം സി ജെ എം കോടതി ഇന്ന് വിധി പറയും.

എച് എസ്ബി സി ബാങ്കിന്റെ പേരിലുള്ള ഒരു വ്യാജ രേഖ ഇയാളുടെ വീട്ടിൽ നിന്ന് ലഭിച്ചിട്ടുണ്ട്.എന്നാൽ ഈ രേഖയിൽ അക്കൗണ്ട് വിവരങ്ങൾ അടങ്ങിയ ഭാഗം മറയ്ക്കപ്പെട്ട നിലയിലാണ്.

2,62000 കോടി രൂപ എച് എസ് ബി സി ബാങ്കിന്റെ പേരിൽ കലിംഗ കല്യാൺ ഫൌണ്ടേഷന്റെ പേരിൽ എത്തിയതുമായി ബന്ധപ്പെട്ട്കൃത്യമായ വിവരങ്ങൾ മോൻസൺ മാവുങ്കലിൽ നിന്ന് ലഭ്യമായിട്ടില്ല.

ഇത് തനിക്ക് ആരാണ് നൽകിയതെന്ന് ഓർമയില്ലെന്നാണ് ഇദ്ദേഹം പറയുന്നത്.അത്കൊണ്ട് തന്നെ ലാപ്ടോപ്പ് ,ഐ പാഡ് തുടങ്ങിയവ ശാസ്ത്രീയ പരിശോധന നടത്താനിരിക്കയാണ് ക്രൈം ബ്രാഞ്ച്.

കൊച്ചി : പ്രശസ്ത കാർട്ടൂണിസ്റ്റ് യേശുദാസൻ അന്തരിച്ചു.81 വയസായിരുന്നു.കോവിഡ് ബാധിച്ച് ചികിത്സയിലായിരുന്നു.

നെഗറ്റീവ് ആയെങ്കിലും ശ്വാസ കോശത്തിൽ അണുബാധ ഉണ്ടായിരുന്നു. പുലർച്ചെ 3.45 ന് കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം.

ശ്രദ്ധേയമായ രാഷ്ട്രീയ വരകളിലൂടെ മലയാളക്കരയ്ക്ക് പ്രിയങ്കരയിരുന്ന കാർട്ടൂണിസ്റ്റ്.രാഷ്ട്രീയ സംഭവ വികാസങ്ങളെ ഇഴ കീറി നർമ്മത്തിൽ ചാലിച്ച വരകളിലൂടെ നിർഭയം രചനകൾ നടത്തിയ വ്യക്തിത്വം.മാവേലിക്കര ഭരണിക്കാവ് സ്വദേശിയാണ്.

ജനയുഗത്തിലും മലയാള മനോരമയിലും പ്രവർത്തിച്ച യേശുദാസൻ പോക്കറ്റ് കാർട്ടൂണുകളെ മലയാളത്തിന് പരിചയപ്പെടുത്തി.കേരളാ ലളിത കലാ അക്കാദമി മുൻ ചെയർമാൻ,കാർട്ടൂൺ അക്കാദമി സ്ഥാപക ചെയർമാൻ എന്നി നിലകളിൽ പ്രവർത്തിച്ചു.

L I V E |

തിരുവനന്തപുരം : നിയമസഭാ തിരഞ്ഞെടുപ്പിലെ ദയനീയ പരാജയത്തിന് ശേഷം ബിജെപിയിൽ അഴിച്ചു പണി. അധ്യക്ഷനായി കെ സുരേന്ദ്രൻ തുടരും.

തിരഞ്ഞെടുപ്പ് തോൽവിയുടെ പശ്ചാത്തലത്തിൽ സുരേന്ദ്രനെ സംസ്ഥാന അധ്യക്ഷ സ്ഥാനത്തുനിന്ന് മാറ്റുമെന്ന പ്രചരണം നിലനിൽക്കെയാണ് ബിജെപി സംസ്ഥാന നേതൃ യോഗത്തിൽ വീണ്ടും സുരേന്ദ്രനെ അധ്യക്ഷനാക്കാനുള്ള തീരുമാനം.

ജനറൽ സെക്രട്ടറിമാരിലും മാറ്റങ്ങളില്ല.അഞ്ച് ജില്ലാ പ്രസിഡണ്ടുമാരെ മാറ്റിയിട്ടുണ്ട്.പത്തനംതിട്ട,കോട്ടയം,പാലക്കാട്,വയനാട്,കാസർഗോഡ് ജില്ലാ പ്രസിഡണ്ടുമാരെയാണ് മാറ്റിയത്.

എ എൻ രാധാകൃഷ്ണനും ശോഭ സുരേന്ദ്രനും വൈസ് പ്രസിഡണ്ടു മാരായി തുടരും.ബി ഗോപാലകൃഷ്ണനും പി രഘുനാഥും വൈസ് പ്രസിഡണ്ടുമാരാകും. ജെ ആർ പത്മകുമാറിന്റെ സംസ്ഥാന സെക്രെട്ടറിയാക്കി. ഇ കൃഷ്ണദാസാണ് ട്രഷറർ.നടൻ കൃഷ്ണകുമാർ ബിജെപി ദേശീയ കൌൺസിൽ അംഗമാകും.

L A T E S T |

തിരുവനന്തപുരം : മുൻ ചീഫ് സെക്രട്ടറിയും എഴുത്തുകാരനു മായ സി പി നായർ തിരുവനന്തപുരത്ത് അന്തരിച്ചു.81 വയസായിരുന്നു. സംസ്ഥാന സർക്കാരിന്റെ നിരവധി പദവികൾ വഹിച്ച ഉദ്യോഗസ്ഥനായിരുന്നു.1962 ബാച്ച് ഐ എ എസ് ഉദ്യോഗസ്ഥൻ.

ഭരണ പരിഷ്കാര കമ്മീഷൻ അംഗം,ദേവസ്വം കമ്മിഷണർ എന്നി നിലകളിലും പ്രവർത്തിച്ചിട്ടുണ്ട്.നിരവധി സർവീസ് സംബന്ധ പുസ്തകങ്ങൾ രചിച്ചു.ഹാസ്യ സാഹിത്യകാരനായ എൻ വി ചെല്ലപ്പൻ നായരുടെ മകനാണ്.മാവേലിക്കരയാണ് സ്വദേശം.

സംസ്ഥാന ചീഫ് സെക്രെട്ടറിയായി വിരമിച്ച അദ്ദേഹം അഴിമതിക്കെതിരെ നിലകൊണ്ട വ്യക്തിത്വത്തിന് ഉടമയായിരുന്നു. ഒടുവിൽ വി എസ് അച്യുതാനന്ദൻ അധ്യക്ഷനായ ഭരണ പരിഷ്ക്കാര കമ്മീഷൻ ചെയർമാനായിരുന്നു.കെ കരുണാകരൻ,ഇ കെ നായനാർ മന്ത്രിസഭകളിൽ ഉന്നത പദവികൾ വഹിച്ചിട്ടുണ്ട്.

തിരുവനന്തപുരം : സംസ്ഥാനത്തെ സർക്കാർ ഡോക്ടർമാർ നിസഹകരണ സമരം പ്രഖ്യാപിച്ചു.

ഒക്ടോബർ 4 മുതൽ സമരം നടത്തുമെന്നാണ് സർക്കാർ ഡോക്ടർമാരുടെ സംഘടനയായ കെ ജി എം ഒ എ അറിയിച്ചത്.ശമ്പളവും ആനുകൂല്യങ്ങളും വെട്ടികുറച്ചെന്ന് ആരോപിച്ചാണ് സമരം.സമരം സംബന്ധിച്ച് കൂടുതൽ വിവരങ്ങൾ വരും ദിവസങ്ങളിൽ പ്രഖ്യാപിക്കുമെന്ന് കെ ജി എം ഒ എ ഭാരവാഹികൾ അറിയിച്ചു.

L I V E | ON AIR

തിരുവനന്തപുരം : കോൺഗ്രസ് നേതാവ് വി എം സുധീരൻ കെ പി സി സി രാഷ്ട്രീയ കാര്യ സമിതിയിൽനിന്ന് രാജി വെച്ചു.രാജിക്കത്ത് കെ പി സി സി പ്രഡിഡണ്ട് കെ സുധാകരന് കൈമാറി.

കോൺഗ്രസിൽ വേണ്ടത്ര കൂടിയാലോചനകൾ നടക്കുന്നില്ലെന്ന ആക്ഷേപം ഉന്നയിച്ചിരുന്ന സുധീരൻ അതൃപ്തിയിലായിരുന്നു എന്നാണ് സൂചന.പാർട്ടിയിലെ പുനഃസംഘടന സംബന്ധിച്ചുള്ള കടുത്ത അതൃപ്തി പലവട്ടം അറിയിച്ച സുധീരനെ കെ പി സി സി അധ്യക്ഷൻ കഴിഞ്ഞ ദിവസം സന്ദർശിച്ചിരുന്നു.എന്നാൽ രാഷ്ട്രീയ കാര്യ സമിതിയിൽ നിന്നുള്ള അദ്ദേഹത്തിന്റെ രാജി അപ്രതീക്ഷിതമായിരുന്നു.

കെ പി സി സി രാഷ്ട്രീയ കാര്യ സമിതിയിലെ അംഗങ്ങളുടെ എണ്ണം കുറയ്ക്കുമ്പോൾ സുധീരനെപ്പോലുള്ള മുതിർന്ന നേതാവടക്കം മാറി നിൽക്കേണ്ടി വരുമെന്ന തരത്തിൽ പ്രചരണം ഉണ്ടായിരുന്നു.ഇതിന്റെ പശ്ചാത്തലത്തിലാണോ രാജി എന്ന് വ്യക്തമല്ല എന്നാൽ രാജി സംബന്ധിച്ച് വി എം സുധീരന്റെ പ്രതികരണം ലഭ്യമായിട്ടില്ല.

LIVE | ON AIR

തിരുവനന്തപുരം : സംസ്ഥാനത്തെ സ്കൂളുകൾ തുറക്കുന്നതിന് കരട് മാർഗ്ഗരേഖയായി.അന്തിമ മാർഗ്ഗരേഖ അഞ്ച് ദിവസത്തിനകം.

ക്ലാസുകൾ ഉച്ചവരെ മാത്രമായിരിക്കും.ഒരു ബെഞ്ചിൽ രണ്ട് കുട്ടികൾ മാത്രം ഇരുന്നായിരിക്കും അധ്യയനം.ക്ലാസുകളിലും സ്കൂളിലും കൂട്ടം കൂടി നില്ക്കാൻ അനുവദിക്കില്ല.ഉച്ച ഭക്ഷണം ഒഴിവാക്കും, പകരം അലവൻസ് നൽകും.

സ്‌കൂളിലെത്തുന്ന കുട്ടികളുടെ ശരീരോഷ്മാവ്,ഓക്സിജൻ നില എന്നിവ പരിശോധിച്ച് സാനിറ്റൈസർ നൽകിയ ശേഷമായിരിക്കും സ്കൂളിലേക്ക് പ്രവേശിപ്പിക്കുക.ശരീരോഷ്മാവിൽ വ്യത്യാസമുണ്ടെ ങ്കിൽ കുട്ടികളെ സ്കൂളിൽ അയക്കേണ്ടതില്ല എന്ന് രക്ഷിതാക്കൾക്ക് നിർദേശം നൽകും.

കുട്ടികൾ സ്കൂളിന് സമീപമുള്ള കടകളിൽ പോയി ഭക്ഷണം വാങ്ങാനോ കഴിക്കാനോ പാടില്ല.ഓട്ടോയിൽ രണ്ട് കുട്ടികളെ മാത്രമേ കയറ്റാൻ പാടുള്ളു.സ്കൂൾ ബസുകൾക്ക് മോട്ടോർ വാഹന വകുപ്പ് നിശ്ചയിച്ച മാനദണ്ഡങ്ങൾ പാലിക്കണം.സ്കൂൾ ബസുകൾ ഇല്ലാത്ത സ്കൂളുകൾ മറ്റ് വാഹനങ്ങൾ ഏർപ്പെടുത്തിയാലും മാനദണ്ഡങ്ങൾ പാലിക്കണം.

ഓരോ ദിവസവും ക്ലാസുകൾ കഴിഞ്ഞാൽ സ്കൂൾ മുഴുവനായും അണുനശീകരണം നടത്തണം. സ്കൂൾ വൃത്തിയാക്കാനായി ശുചീകരണ യജ്‌ഞം നടത്തും.എല്ലാ സ്കൂളുകളും അധ്യാപക രക്ഷാകർതൃ സമിതി യോഗം വിളിച്ച് മാർഗരേഖകൾ ചർച്ച ചെയ്യണം.തുടങ്ങിയ നിർദേശങ്ങളാണ് കരട് മാർഗ രേഖയിലുള്ളത്.

L A T E S T |

തിരുവനന്തപുരം : കുടുംബശ്രീ അംഗങ്ങൾക്ക് ഇനി വകുപ്പ് മന്ത്രിയുടെ ഫേസ്ബുക് പേജിന് ലൈക് കൂട്ടുന്ന ജോലിയും!

കുടുംബശ്രീ ഡയറക്ടറുടെ വകയാണ് ഉത്തരവ്.സർക്കാരിന്റെ വികസന പ്രവർത്തനങ്ങൾ കൂടുതൽ ആളുകളിലേക്ക് എത്തിക്കുകയാണ് ലക്‌ഷ്യം.

സംസ്ഥാന സർക്കാരിലെ മറ്റു പല മന്ത്രിമാർക്കും ലക്ഷകണക്കിന് ഫേസ്ബുക് പേജ് ലൈക് ഉള്ളപ്പോൾ വകുപ്പ് മന്ത്രിക്ക് മാത്രം 63533 ലൈക് മാത്രമാണുള്ളത്.അത്കൊണ്ട് കുടുംബശ്രീ ഫേസ്ബുക് ക്യാമ്പയിനിലൂടെ ലൈക് കൂട്ടാനാണ് കുടുംബശ്രീ ഡയറക്ടർ ജില്ല കോർഡിനേറ്റർ മാർക്ക് നൽകിയിരിക്കുന്ന നിർദേശം.

തദ്ദേശ സ്വയം ഭരണ ഗ്രാമ വികസന വകുപ്പ് മന്ത്രി എം വി ഗോവിന്ദൻ മാസ്റ്ററുടെ പേജിന് വേണ്ടത്ര ലൈക് കിട്ടുന്നില്ലെന്നും സർക്കാരിന്റെ വികസന പ്രവർത്തനങ്ങൾ കൂടുതൽ ജനങ്ങളിൽ എത്തിക്കണമെന്നു മാണ് ഉത്തരവിൽ പറയുന്നത്.ഓരോ ദിവസം ഓരോ ജില്ലയ്ക്കാണ് ലൈക് അടിക്കാനുള്ള ചുമതല.ഒരു ജില്ലയിൽ നിന്ന് ഒന്നര ലക്ഷം ലൈക്കാണ് പ്രതീക്ഷിക്കുന്നത്.

L A T E S T |

തിരുവനന്തപുരം : പാലാ ബിഷപ്പിന്റെ വിവാദ പരാമർശത്തിൽ മുഖ്യമന്ത്രിയെയും സർക്കാരിനെയും പിന്തുണച്ച് സുരേഷ് ഗോപി എം പി .

സംസ്ഥാന സർക്കാരിന് ബുദ്ധിയുണ്ടെന്നും മുഖ്യമന്ത്രിക്കും മന്ത്രിമാർക്കും കാര്യങ്ങൾ മനസിലാകുമെന്നും എല്ലാ വിഷയങ്ങളിലും മുഖ്യമന്ത്രി മറുപടി പറയേണ്ട കാര്യമില്ലെന്നും സുരേഷ് ഗോപി പറഞ്ഞു.

സർക്കാരിന് ചെയ്യാൻ പറ്റുന്ന എല്ലാ കാര്യങ്ങളും ഇപ്പോൾ ചെയ്യുന്നുണ്ട്.രാജ്യ താത്പര്യത്തിന് വിരുദ്ധമാണെങ്കിൽ പ്രതികരിക്കും.എല്ലായ്പ്പോഴും സർക്കാരിനെ കുറ്റം പറയേണ്ട കാര്യമില്ല.

ബിഷപ്പിന്റെ പരാമർശത്തിലെ വിവാദങ്ങൾ അവസാനിപ്പിക്കാൻ സർക്കാർ ഇടപെടുന്നില്ലെന്ന് പ്രതിപക്ഷം ആരോപിച്ചിരുന്നു.ഉത്തരവാദിത്തപ്പെട്ട സ്ഥാനങ്ങളിൽ ഇരിക്കുന്നവർ പറയുന്ന പ്രസ്താവനകൾക്ക് സർക്കാർ മറുപടി പറയേണ്ടതില്ലെന്ന് മുഖ്യമന്ത്രി പറഞ്ഞിരുന്നു.ഇതിനെ പിന്തുണച്ചാണ് സുരേഷ് ഗോപി പ്രതികരിച്ചത്.

photo credit | mbionline

തിരുവനന്തപുരം : സംസ്ഥാനത്ത് സ്കൂളുകൾ തുറക്കുന്നതിന് ഒരുക്കങ്ങൾ തുടങ്ങിയെന്നും ആരോഗ്യ വകുപ്പ് വിദ്യാഭ്യാസ വകുപ്പുമായി ആലോചിച്ചാണ് തീരുമാനമെടുത്തതെന്നും മറിച്ചുള്ള പ്രചരണം ശരിയല്ലെന്നും മന്ത്രി വി ശിവൻ കുട്ടി അറിയിച്ചു.

എല്ലാ വകുപ്പുകളുടെയും വിദഗ്ധ സമിതിയുടെയും അഭിപ്രായം സ്വീകരിച്ചായിരിക്കും നടപടികൾ.ആദ്യ ഘട്ടത്തിൽ ഷിഫ്റ്റ് സമ്പ്രദായത്തിൽ ക്ലാസുകൾ നടത്താനാണ് ആലോചന .അതേസമയം തന്നെ ഓൺലൈൻ ക്ലാസുകളും തുടരും.കുട്ടികൾ കൂടുതലുള്ള സ്കൂളുകളിലായിരിക്കും ഷിഫ്റ്റ് സമ്പ്രദായം ഏർപ്പെടുത്തുക.

സ്കൂളുകൾ തുറക്കുന്നതിന് മുൻപ് വിവിധ വകുപ്പുകളെ ഏകോപിപ്പിച്ച് സമഗ്രമായ പദ്ധതി തയ്യാറാക്കും.കുട്ടി വീട്ടിൽ നിന്നിറങ്ങി സ്കൂളിൽ എത്തുന്നത് വരെയും സ്കൂളിൽ എങ്ങിനെ ഇടപെടണം എന്നുള്ളത് വരെയുള്ള പഴുതടച്ച പെരുമാറ്റ മാർഗ രേഖ ഉണ്ടാക്കും.

സ്കൂൾ ബസുകൾ ഇല്ലാത്ത വിദ്യാലയങ്ങൾക്ക് പകരം സംവിധാനം ഏർപ്പെടുത്തും.മാസ്ക് , സാനിറ്റൈസർ എന്നിവ കുട്ടികൾക്കായി തയ്യാറാക്കും.ഒക്ടോബർ 15ന് മുൻപ് മാർഗരേഖകൾ മുഖ്യമന്ത്രിക്ക് കൈമാറും.അധ്യാപക സംഘടനകളുമായും ചർച്ചകൾ നടത്തും.

പ്രൈമറി ക്ലാസുകൾക്ക് സ്കൂളിൽ അധ്യയനം തുടങ്ങുന്നത് സംബന്ധിച്ച് രക്ഷിതാക്കൾക്കുള്ള ആശങ്കകൾ പരിഹരിക്കുമെന്നും രക്ഷിതാക്കളുമായി ചർച്ച ചെയ്ത മാത്രമേ മുന്നോട്ട് പോകുകയുള്ളുവെന്നും വിദ്യാഭ്യാസ മന്ത്രി അറിയിച്ചു.

L I V E | ON AIR

തിരുവനന്തപുരം : പ്ലസ് വൺ പരീക്ഷ ഈ മാസം 24 മുതൽ തുടങ്ങും. ഒക്ടോബർ 18 വരെ പരീക്ഷകൾ നടക്കും.പ്ലസ് വൺ പരീക്ഷ ഓഫ് ലൈനായി നടത്താൻ വെള്ളിയാഴ്ച്ച സുപ്രീം കോടതി അനുമതി നൽകിയിരുന്നു.വി എച്ച് എസ് ഇ പരീക്ഷകൾ ഈ മാസം 24 മുതൽ ഒക്ടോബ 13ർ വരെയും നടക്കും.

എല്ലാ പരീക്ഷകളും രാവിലെയാണ് നടക്കുക പരീക്ഷകൾക്കിടയിൽ ഒന്ന് മുതൽ അഞ്ച് ദിവസങ്ങൾ വരെ ഇടവേളകൾ ഉണ്ട്. പരീക്ഷാ ടൈം ടേബിൾ http:// dhsekerala .gov.in എന്ന വെബ്സൈറ്റിൽ ലഭിക്കും. പരീക്ഷയ്ക്കുള്ള എല്ലാ ഒരുക്കങ്ങളും പൂർത്തിയായതായി വിദ്യഭ്യാസ മന്ത്രി വി ശിവൻകുട്ടി അറിയിച്ചു.

പ്ലസ് വൺ പരീക്ഷകൾ നടത്തുന്നതിന് അനുമതി നൽകിക്കൊണ്ടുള്ള സുപ്രീം കോടതി വിധിയിൽ സംസ്ഥാനത്ത് നടന്ന വിവിധ പരീക്ഷകളിൽ കോടതി സംതൃപ്തി അറിയിച്ചിരുന്നു.

PREVIOUS STORY |

തിരുവനന്തപുരം : ജീവനക്കാർ സാംസ്‌കാരിക പ്രവർത്തനങ്ങൾക്ക് മുൻ‌കൂർ അനുമതി വാങ്ങണമെന്ന വിവാദ ഉത്തരവ് വിദ്യാഭ്യാസ വകുപ്പ് പിൻവലിച്ചു. വ്യാപകമായ പ്രതിഷേധം ഉയർന്ന പശ്ചാത്തലത്തിലാണ് വിവാദ ഉത്തരവ് പിൻവലിച്ചത്.

സാംസ്‌കാരിക സാഹിത്യ പ്രവർത്തനങ്ങൾ നടത്തുന്നതിന് മുൻ‌കൂർ അനുമതി വാങ്ങണമെന്നായിരുന്നു വിവാദ ഉത്തരവ്. അപേക്ഷ വിദ്യഭ്യാസ ഉപ ഡയറക്ടർ വഴി പൊതു വിദ്യാഭ്യാസ വിദ്യാഭ്യാസ സെക്രട്ടറിക്ക് സമർപ്പിക്കാനായിരുന്നു ഉത്തരവ്.അപേക്ഷിക്കുന്നയാൾ വിശദമായ സത്യവാങ്മൂലം നൽകണമെന്നും വിദ്യാഭ്യാസ ഉപ ഡയറക്ടർ ശുപാർശ ചെയ്യണം എന്നും ഉണ്ടായിരുന്നു.

പ്രസിദ്ധീകരിക്കാനുദ്ദേശിക്കുന്ന സൃഷ്ടികൾ വിദ്യാഭ്യാസ ഉപ ഡയറക്ടർ പരിശോധിച്ച് പ്രസിദ്ധീകരണ യോഗ്യമാണെന്ന് റിപ്പോർട്ട് നൽകുകയും അനുമതി ലഭിച്ചാൽ മാത്രമേ പ്രസിദ്ധീകരിക്കാൻ പാടുള്ളു എന്നും ഉത്തരവിൽ പറഞ്ഞിരുന്നു.

പ്രതീകാത്മക ചിത്രം

L I V E | ON AIR

കാസർഗോഡ് : നിപ ലക്ഷണങ്ങളോടെ അഞ്ച് വയസുകാരി മരിച്ചതിനെ തുടർന്ന് കാസർഗോഡ് ചെങ്കള പഞ്ചായത്തിൽ ജാഗ്രത നിർദേശം.

കണ്ണൂരിലെ സ്വകാര്യ ആശുപത്രിയിൽ ചികിത്സയിലായിരുന്ന കുട്ടി ഇന്നാണ് മരിച്ചത്.കോവിഡ് പരിശോധനയിൽ നെഗറ്റിവ് ആയിരുന്നെങ്കിലും ആശുപത്രിയിൽ എത്തിയത് മുതൽ നിപ ലക്ഷണങ്ങൾ ഉള്ളതിനാൽ ഐസൊലേഷനിലായിരുന്നു.

സ്രവ സാമ്പിളുകൾ കോഴിക്കോട് മെഡിക്കൽ കോളേജിലെ പ്രത്യേക ലാബിൽ പരിശോധനയ്ക്കയച്ചു.ഇന്ന് വൈകുന്നേരത്തോടെ പരിശോധനാഫലം ലഭ്യമാകുമെന്ന് ആരോഗ്യ വകുപ്പ് അറിയിച്ചു.

സംഭവത്തെ തുടർന്ന് ചെങ്കള പശ്ചാത്തലത്തിൽ ജാഗ്രത നിർദേശം പുറപ്പെടുവിച്ചിട്ടുണ്ട്. എല്ലാ പൊതു പരിപാടികളും റദ്ദാക്കാൻ ജില്ലാ ഭരണകൂടം നിർദേശിച്ചു.ചെങ്കള പഞ്ചായത്തിലെ എല്ലാ വാക്‌സിനേഷൻ ക്യാമ്പുകളും നിർത്തി.

ആരോഗ്യ വകുപ്പിന്റെ പ്രത്യേക സംഘം ചെങ്കളയിലെത്തി സ്ഥിതിഗതികൾ വിലയിരുത്തുന്നു. കോഴിക്കോട് മെഡിക്കൽ കോളേജിൽ നിന്നുള്ള പരിശോധനാഫലം ലഭ്യമാക്കുന്നതിനനുസരിച്ച് തുടർ നടപടികളിലേക്ക് നീങ്ങും.

L A T E S T |

തിരുവനന്തപുരം : കോൺഗ്രസ്സിൽ നിന്ന് വീണ്ടും രാജി.കെ പി സി സി മുൻ ജനറൽ സെക്രട്ടറി ജി രതി കുമാർ രാജിവെച്ച് സിപിഎമ്മിൽ ചേർന്നു . കൊല്ലത്ത് നിന്നുള്ള കോൺഗ്രസ് നേതാവാണ് രതി കുമാർ.

കോൺഗ്രസ്സിൽ നിന്ന് രാജി വെച്ച രതി കുമാർ സിപിഎം ജില്ലാ സെക്രട്ടറി സുദേവിനൊപ്പമാണ് എ കെ ജി സെന്ററിലെത്തിയത്. കോടിയേരി ബാലകൃഷ്ണൻ അദ്ദേഹത്തെ ചുവപ്പ് ഷാൾ അണിയിച്ച് സ്വീകരിച്ചു.

കെ പി സി സി ജനറൽ സെക്രെട്ടറിമാരടക്കം രാജി വെച്ച് സിപിഎമ്മിൽ ചേരുന്നത് പാർട്ടിയുടെ ജനകീയ സ്വീകാര്യതയുടെ തെളിവാണെന്ന് കോടിയേരി പറഞ്ഞു.

L A T E S T | e x c l u s i v e

തൃശൂർ : കണ്ടിട്ടും ജീപ്പിൽ നിന്ന് ഇറങ്ങാതെ ജീപ്പിൽ തന്നെ ഇരുന്ന പ്രോട്ടോകോൾ ലംഘിച്ച എസ് ഐ യെ സുരേഷ് ഗോപി എം പി വിളിച്ചു വരുത്തി സല്യൂട് ചെയ്യിപ്പിച്ചു.തൃശൂർ ഒല്ലൂർ എസ് ഐ യെയാണ് സുരേഷ് ഗോപി എം പി വിളിച്ചു വരുത്തിയത്.

തൃശൂർ പുത്തൂരിൽ ചുഴലിക്കാറ്റ് ഉണ്ടായ പ്രദേശത്ത് സന്ദർശനത്തിനെത്തിയതായിരുന്നു സുരേഷ് ഗോപി.മരം വീണ് ഗതാഗതം തടസ്സപ്പെട്ട പ്രദേശത്ത് സന്ദര്ശിക്കാനെത്തിയതായിരുന്നു അദ്ദേഹം.ഏന്നാൽ അതെ സമയത്ത് തന്നെ സ്ഥലത്ത് പോലീസ് ജീപ്പിൽ എത്തിയ ഒല്ലൂർ എസ് ഐ യും സംഘവും ജീപ്പിൽ തന്നെ ഇരുന്നു.

മരം വീണ് ഗതാഗത തടസം സംഭവിച്ച സ്ഥലത്ത് എം പി എത്തിയപ്പോഴാണ് സ്ഥലത്തെത്തിയ പോലീസ് സംഘം ജീപ്പിൽ തന്നെ ഇരുന്നത്.ഫോറസ്റ്റ് ഉദ്യോഗസ്ഥരാണ് സ്ഥലത്തെത്തിയതെന്ന് കരുതിയ എം പി അവരെ വിളിക്കാൻ പറയുകയായിരുന്നു.

എം പി വിളിച്ചപ്പോൾ മാത്രം ജീപ്പിൽ നിന്നിറങ്ങി വന്ന എസ് ഐ സുരേഷ് ഗോപി പറഞ്ഞതിന് ശേഷം മാത്രമാണ് സല്യൂട്ട് ചെയ്തത്.പ്രാദേശിക ചാനൽ പകർത്തിയ വിഡിയോയിൽ "ഞാൻ മേയർ അല്ല എം പി യാണ് ഒരു സല്യൂട്ട് ഒക്കെ ആകാം" എന്ന് പറയുന്നത് ദൃശ്യങ്ങളിൽ കാണാം.തുടർന്ന് എസ് ഐ സല്യൂട്ട് നൽകുകയും ഗതാഗത തടസം നീക്കുന്നത് സംബന്ധിച്ച് സൗഹാർദ്ദപര മായി എസ് ഐയോട് സംസാരിക്കുന്നതും വിഡിയോയിൽ ഉണ്ട്.

അസ്വാഭാവികത ഇല്ല: സുരേഷ് ഗോപി എം പി

തൃശൂർ : നടന്ന സംഭവത്തിൽ അസ്വാഭാവികത ഒന്നും ഇല്ലെന്ന് സുരേഷ് ഗോപി എം പി പറഞ്ഞു.പുത്തൂരിൽ ചുഴലിക്കാറ്റ് ഉണ്ടായ സ്ഥലത്തെ ഗതാഗത തടസം സംബന്ധിച്ചാണ് അവിടെ എത്തിയത്.

സ്ഥലം സന്ദർശിക്കുമ്പോൾ സമീപത്തെത്തിയ ഒരു ജീപ്പ് ശ്രദ്ധയിൽ പെട്ടു.ജീപ്പിൽ നിന്ന് ആരും ഇറങ്ങിയില്ല.ഫോറസ്റ്റ് ഉദ്യോഗസ്ഥർ ആയിരിക്കുമെന്ന് കരുതിയാണ് വിളിപ്പിച്ചത്.അപ്പോഴാണ് ജീപ്പിൽ ഇരിക്കുന്നത് പോലീസുകാരാണെന്ന് അവിടെയുള്ളവർ പറഞ്ഞത്.

കണ്ടിട്ടും ഈ പോലീസ് സംഘം 15 മിനുട്ട് നേരം ജീപ്പിൽ തന്നെ ഇരുന്നു.
വിളിച്ചപ്പോൾ മാത്രം ജീപ്പിൽ നിന്ന് ഇറങ്ങി വന്ന എസ് ഐ യെ വളരെ സൗഹാർദ പൂർവ്വം കാര്യം പറഞ്ഞ് മനസ്സിലാക്കുകയായിരു ന്നു.അദ്ദേഹം പറഞ്ഞു.ചില ഉപചാരങ്ങൾ ഉണ്ടെന്ന് അദ്ദേഹത്തെ ഓർമ്മിപ്പിക്കുക മാത്രമാണ് ചെയ്തതെന്നും ഒരു സല്യൂട്ടിന് തനിക്ക് അർഹത ഉണ്ടെന്നും സുരേഷ് ഗോപി വ്യക്തമാക്കി.

photo credit | tcvnews

L I V E |

തിരുവനന്തപുരം : കോൺഗ്രസ് നേതാവ് കെ പി അനിൽ കുമാർ കോൺഗ്രസ് വിടുന്നതായി സൂചന.ഇത് സംബന്ധിച്ച് വിശദീകരിക്കാൻ ഇന്ന് 11 മണിക്ക് തിരുവനന്തപുരത്ത് അദ്ദേഹം മാധ്യമങ്ങളെ കാണും.

അച്ചടക്ക നടപടിയുടെ ഭാഗമായി കോൺഗ്രസ് നേതൃത്വം അനിൽ കുമാറിനെ പാർട്ടിയിൽ നിന്ന് സസ്‌പെൻഡ് ചെയ്തിരുന്നു.ഈ നടപടി പിൻവലിക്കാത്ത സാഹചര്യത്തിലാണ് പ്രതിഷേധിച്ച് പാർട്ടി വിടുന്നതെന്നാണ് സൂചന.

അച്ചടക്ക നടപടി സംബന്ധിച്ച് അനിൽ കുമാർ നൽകിയ വിശദീകരണം പാർട്ടി നേതൃത്വം തള്ളിയിരുന്നു.പാർട്ടി വിടുമെന്ന അനിൽകുമാറുമായി ബന്ധമുള്ള കേന്ദ്രങ്ങളിൽനിന്ന് സൂചനയുണ്ടെങ്കിലും ഏതെങ്കിലും പാർട്ടിയുമായി സഹകരിച്ച് പ്രവർത്തിക്കുമോ എന്ന കാര്യത്തിൽ വ്യക്തത ഇല്ല.വാർത്താ സമ്മേളനം 11 മണിക്ക്.

L A T E S T |

തലശ്ശേരി : തലശേരിയിൽ ബിജെപി പ്രവർത്തകന് വെട്ടേറ്റു.മേലൂർ സ്വദേശി ധനരാജിനാണ് വെട്ടേറ്റത്.

ഇന്നലെ രാത്രിയാണ് സംഭവം.സാരമായി പരിക്കേറ്റ ഇദ്ദേഹത്തെ തലശേരിയിലും തുടർന്ന് കോഴിക്കോട്ടെ സ്വകാര്യ ആശുപത്രിയിലും പ്രവേശിപ്പിച്ചു.അക്രമത്തിന് പിന്നിൽ സിപിഎം പ്രവർത്തകരാണെന്ന് ബിജെപി ആരോപിച്ചു.

L A T E S T |

തൃശൂർ : കരുവന്നൂർ ബാങ്ക് തട്ടിപ്പ് കേസിൽ നാല് ഭരണ സമിതി അംഗങ്ങൾ അറസ്റ്റിൽ. ബാങ്ക് പ്രസിഡണ്ട് കെ കെ ദിവാകരൻ ഉൾപ്പെടെയുള്ളവരാണ് അറസ്റ്റിലായത്.

സിപിഎം നേതൃത്വത്തിലുള്ള ഭരണ സമിതി അംഗങ്ങളെ സർക്കാരും പോലീസും സംരക്ഷിക്കുകയാണെന്നും കേസിൽ സിബിഐ അന്വേഷണം വേണമെന്നും ആവശ്യപ്പെട്ട് ശക്തമായ പ്രതിഷേധം നടക്കുന്നതിനിടയിലാണ് ഇന്ന് പുലർച്ചെ ഭരണ സമിതി അംഗങ്ങളെ അറസ്റ്റ് ചെയ്തത്.കേസിൽ സിബിഐ അന്വേഷണം ആവശ്യപ്പെട്ടുള്ള ഹർജിയും ഹൈക്കോടതി പരിഗണിക്കുന്നുണ്ട്.

കെ കെ ദിവാകരൻ,ജോസ് ചക്രമ്പള്ളി,ബൈജു ടി എസ്,ലളിതൻ വി കെ എന്നിവരാണ് അറസ്റ്റിലായത്.സംഭവത്തിൽ നേരത്തെ അഞ്ച് പേരെ പോലീസ് അറസ്റ്റ് ചെയ്തിരുന്നു.ഒരാളെ കൂടി പിടികൂടാനുണ്ട്.

കേസിൽ ഹൈക്കോടതി അന്വേഷണം ആവശ്യപ്പെട്ടുള്ള ഹർജി ഹൈക്കോടതി ഇന്ന് പരിഗണിക്കുന്നതിനിടയിലാണ് പോലീസിന്റെ തിടുക്കത്തിലുള നടപടികൾ.എന്നാൽ ഈ കേസിൽ സിബിഐ അന്വേഷണം നടത്തേണ്ട ആവശ്യമില്ല എന്നാണ് സംസ്ഥാന സർക്കാർ നിലപാട്.100 കോടിയിലധികം രൂപയുടെ ക്രമക്കേടുകൾ നടന്ന പശ്ചാത്തലത്തിൽ സിബിഐ അന്വേഷണത്തെ വേണമെന്നാണ് ഹർജിക്കാരുടെ ആവശ്യം.

തിരുവനന്തപുരം : നിസാമുദ്ദീൻ- തിരുവനന്തപുരം എക്സ്പ്രസ്സിൽ സ്ത്രീകളെ മയക്കു മരുന്ന് നൽകി കവർച്ച.

അബോധാവസ്ഥയിലായ മൂന്ന് സ്ത്രീകൾ കവർച്ചക്കിരയായി. ഇവരിൽ നിന്ന് പത്ത് പവനും രണ്ട് മൊബൈൽ ഫോണുകളും കവർന്നു.മൂന്ന് പേരെയും ആശുപത്രിയിൽ പ്രവേശിപ്പിച്ചു.

നിസാമുദ്ദീൻ-തിരുവനന്തപുരം എക്സ്പ്രസ് തിരുവനന്തപുരത്തെ ത്തിയപ്പോഴാണ് കവർച്ച വിവരം അറിയുന്നത് . മൂന്ന് സ്ത്രീകളെ അബോധാവസ്ഥയിൽ തീവണ്ടിയിൽ കണ്ടെത്തിയതോടെ റെയിൽവേ പോലീസും മറ്റ് യാത്രക്കാരും ചേർന്ന് ഇവരെ ആശുപത്രയിൽ എത്തിക്കുകയായിരുന്നു.

തിരുവല്ല സ്വദേശി രാജലക്ഷ്മി,മകൾ ഐശ്വര്യ,ആലുവ സ്വദേശി കൗസല്യ എന്നിവരെയാണ് ആശുപത്രിയിൽ പ്രവേശിപ്പിച്ചത്.ബോധം വന്ന ശേഷമാണ് തങ്ങൾ കവർച്ചയ്ക്കിരയായതായി ഇവർ അറിയുന്നത്.

രാജലക്ഷ്മിയും മകളും കൗസല്യയും വ്യത്യസ്ത കോച്ചുകളിൽ ആയിരുന്നു.രാജലക്ഷ്മിയുടെ ബാഗിൽ നിന്നാണ് പത്ത് പവനും രണ്ട് മൊബൈൽ ഫോണുകളും കവർന്നത്.കൗസല്യയുടെ സ്വർണ്ണ കമ്മലും നഷ്ടമായിട്ടുണ്ട്.

സേലത്തിനും കോയമ്പത്തൂരിനും ഇടയ്ക്ക് വെച്ചാണ് കവർച്ച നടന്നതെന്ന് സംശയിക്കുന്നതായി പോലീസ് പറഞ്ഞു.സേലത്തു നിന്ന് ഭക്ഷണം വാങ്ങി കഴിച്ച ശേഷമാണ് മയക്കം തോന്നിയതായി ഇവർ പോലീസിനോട് പറഞ്ഞു.

സംഭവത്തിൽ അന്വേഷണം തുടങ്ങിയതായി പോലീസ് പറഞ്ഞു.രാജലക്ഷ്മിയും മകളും ഡൽഹിയിൽനിന്ന് കയം കുളത്തേക്കും കൗസല്യ ഡൽഹിയിൽനിന്ന് ആലുവയിലേക്കുമാണ് യാത്ര ചെയ്തത്.

photo | mbionline

L I V E |

തിരുവനന്തപുരം: കോവിഡ് നിയന്ത്രണങ്ങളിൽ വീണ്ടും ഇളവ്. ഡബ്ള്യു ഐ പി ആർ 7ൽ നിന്ന് 8 ആക്കി.മുഖ്യ മന്ത്രി പിണറായി വിജയനാണ് ഇക്കാര്യം അറിയിച്ചത്.

ഇതോടെ കൂടുതൽ പ്രദേശങ്ങൾ കണ്ടൈൻമെൻറ് സോണിൽ നിന്ന് ഒഴിവാകും.മുഖ്യമന്ത്രി പിണറായി വിജയൻറെ അധ്യക്ഷതയിൽ ചേർന്ന കോവിഡ് അവലോകന യോഗത്തിലാണ് തീരുമാനം.

ജനസംഖ്യ അനുപാതം നോക്കിയുള്ള നിയന്ത്രണങ്ങളിൽ ആയിരം ജനസംഖ്യയുള്ള പ്രദേശങ്ങളിൽ 7 പേർക്ക് രോഗം വന്നാൽ നിയന്ത്രണം എന്നായിരുന്നു നിലവിലെ സ്ഥിതി.ഇന്നത്തെ യോഗത്തിലെ തീരുമാന പ്രകാരം ഇത് 8 ആക്കി മാറ്റി.ഞായറാഴ്ച്ച ലോക്ക് ഡൗണും രാത്രികാല കർഫ്യുവും പിൻവലിച്ചതിന് ശേഷമുള്ള സുപ്രധാനമായ തീരുമാനമാണ് ഇന്നത്തേത്.

കോവിഡ് രണ്ടാം തരംഗത്തെ മികച്ച രീതിയിൽ പ്രതിരോധിക്കാൻ സാധിച്ചിട്ടുണ്ടെന്ന് മുഖ്യമന്ത്രി പറഞ്ഞു.എങ്കിലും രണ്ടാം തരംഗത്തിൽ വ്യാപനം കൂടി.സംസ്ഥാനത്തിന്റെ ജന സാന്ദ്രത വെച്ച് നോക്കുമ്പോൾ ഇത് സ്വാഭാവികമാണ്.എങ്കിലും അപകടകരമായ അവസ്ഥ നേരിടേണ്ടി വന്നില്ല.

ആശുപത്രിയിൽ എത്തിയവരുടെ എണ്ണം ആരോഗ്യ സംവിധാനങ്ങൾക്ക് ഉൾക്കൊള്ളാൻ പറ്റുന്ന അവസ്ഥയിലായിരുന്നു. വാക്‌സിനേഷൻ പ്രവർത്തനങ്ങൾ മികച്ചതാക്കാൻ സാധിച്ചിട്ടുണ്ട്.ല ഭിച്ച ഡോസുകൾ ഒട്ടും നഷ്ടപ്പെട്ടു പോകാതെ നല്കാൻ സാധിച്ചു.മരണ നിരക്കിൽ സ്വാഭാവിക വർധന ഉണ്ടായിട്ടുണ്ട്.എന്നാൽ രോഗികളുടെ എണ്ണത്തിലെ വർദ്ധനവ് നോക്കിയാൽ മരണ നിരക്ക് കുറവാണ്.

മരിച്ചവരിൽ മിക്കവാറും വാക്‌സിൻ ലഭ്യമാകാത്തവരാണ്. പരമാവധി വേഗത്തിൽ ഒരു ഡോസ് എങ്കിലും എല്ലാ ആളുകളിലും എത്തിക്കാനാണ് ശ്രമിക്കുന്നത്.വാക്‌സിൻ എടുത്തവരിൽ രോഗം ഗുരുതരമാകാറില്ലെന്നതും ആശുപത്രിയിൽ പ്രവേശിപ്പിക്കേണ്ട അവസ്ഥ ഉണ്ടായിട്ടില്ലെന്നും മുഖ്യമന്ത്രി വാർത്താ സമ്മേളനത്തിൽ പറഞ്ഞു.

L A T E S T |

കോഴിക്കോട് : നിപ ബാധിച്ച് മരിച്ച 12 വയസുകാരന്റെ സമ്പർക്കപ്പട്ടിക്കയിലെ 20 പേരുടെ പരിശോധന ഫലം കൂടി നെഗറ്റീവ് ആയതോടെ നിപ ഭീതി ഒഴിയുന്നതായി സൂചന.

കോഴിക്കോട് മെഡിക്കൽ കോളേജിൽ പരിശോധിച്ച 15 സാമ്പിളുകളിലും പുണെ വൈറോളജി ഇന്സ്റ്റിട്യൂട്ടിൽ അയച്ച അഞ്ച് സാമ്പിളുകളിലും ഫലം നെഗറ്റിവ് ആയതോടെയാണ് ഇത്.ഇതിനകം പരിശോധിച്ച 30 സാമ്പിളുകളും നെഗറ്റീവ് ആയതാണ് ആശ്വാസം.ഇനി 21 പരിശോധന ഫലം വരാനുണ്ട്.

ചൊവ്വാഴ്ച രാത്രി വൈകിയും അതിനു ശേഷവും പരിശോധിച്ച സാമ്പിൾ ഫലങ്ങൾ ഇന്ന് വരുമെന്ന് ആരോഗ്യമന്ത്രി വീണ ജോർജ് അറിയിച്ചു.മെഡിക്കൽ കോളേജിൽ നിലവിൽ 68പേർ ഐസലേഷനിലാണ്‌.ചൊവ്വാഴ്ച രാത്രിയും 10 പേരെ ഇവിടെ പ്രവേശിപ്പിച്ചിട്ടുണ്ട്.

രോഗ ലക്ഷണങ്ങൾ പ്രകടിപ്പിച്ച എല്ലാവരുടെയും ആരോഗ്യ നില ഇപ്പോൾ തൃപ്തികരമാണെന്ന് മന്ത്രി മാധ്യമങ്ങളോട് പറഞ്ഞു.

L A T E S T |

മലപ്പുറം: മുഖ്യമന്ത്രി പിണറായി വിജയൻ തനിക്ക് പിതൃ തുല്യമാണെന്നും ശാസിക്കാനും ഉപദേശിക്കാനും തിരുത്താനും അവകാശമുണ്ടെന്നും കെ ടി ജലീൽ.

മുസ്‌ലിം ലീഗ് നേതാവ് പി കെ കുഞ്ഞാലിക്കുട്ടിക്കും മകനും മലപ്പുറം എ ആർ നഗർ ബാങ്കിൽ കള്ളപ്പണം ഉണ്ടെന്നും ഇ ഡി അന്വേഷിക്കണം എന്നുമുള്ള കെ ടി ജലീൽ ഉന്നയിച്ച ആരോപണങ്ങളെ മുഖ്യമന്ത്രി പിണറായി വിജയൻ തള്ളിയതിന് പിന്നാലെയാണ് ജലീലിന്റെ പ്രതികരണം.

ചൊവ്വാഴ്ച്ച കോവിഡ് അവലോകന യോഗത്തിലെ തീരുമാനങ്ങൾ മാധ്യമങ്ങളെ അറിയിക്കുന്നതിനിടയിലെ ചോദ്യങ്ങൾക്കിടയിലാണ് ജലീലിനെ പരിഹസിച്ചുകൊണ്ട് മുഖ്യമന്ത്രി പ്രതികരിച്ചത്.

കെ ടി ജലീലിനെ ഇ ഡി പലതവണ ചോദ്യം ചെയ്തതുകൊണ്ട് ഇ ഡി യിൽ വിശ്വാസം കൂടിയിട്ടുണ്ടാകുമെന്നും സഹകരണ മേഖലയിൽ ഇ ഡി ഇടപെടേണ്ട കാര്യമില്ലെന്നും ഇ ഡി അന്വേഷണമെന്നത് ജലീൽ ഉന്നയിക്കാൻ പാടില്ലാത്തതായിരുന്നു എന്നും മുഖ്യമന്ത്രി പിണറായി വിജയൻ പറഞ്ഞിരുന്നു.

ലീഗ് രാഷ്ട്രീയത്തെ ക്രിമിനൽ വൽക്കരിച്ച കുഞ്ഞാലിക്കുട്ടിയുടെ ഹവാല ഇടപാടുകൾക്കെതിരെയും അനധികൃത സ്വത്ത് സമ്പാദനത്തിനുമെതിരെയുള്ള പോരാട്ടം അവസാന ശ്വാസം വരെയും തുടരുമെന്നും കെ ടി ജലീൽ പറഞ്ഞു.

ജീവിതത്തിൽ ഇന്നേ വരെ നയാ പൈസയുടെ അഴിമതി നടത്തിയിട്ടില്ല ഒരു രൂപയുടെ കള്ളപ്പണ ഇടപാടിലും പങ്കാളിയായിട്ടില്ല.ആർക്കും ഒരു രൂപ പോലും കൊടുക്കാനില്ല.ലോകത്തെവിടെയും അവിഹിത സമ്പാദ്യങ്ങളില്ല.അത്കൊണ്ട് തന്നെ ലീഗ് രാഷ്ട്രീയത്തെ ക്രിമിനൽ വൽക്കരിച്ച കുഞ്ഞാലിക്കുട്ടിക്കെതിരെയുള്ള പോരാട്ടം തുടരും.ജലീൽ ഫേസ്ബുക് കുറിപ്പിൽ പറഞ്ഞു.

PREVIOUS STORY |

തിരുവനന്തപുരം: മുസ്‌ലിം ലീഗ് നേതാവ് പി കെ കുഞ്ഞാലിക്കുട്ടി ക്കും മകനും മലപ്പുറം എ ആർ നഗർ ബാങ്കിൽ കള്ളപ്പണം ഉണ്ടെന്നും ഇ ഡി അന്വേഷിക്കണം എന്നുമുള്ള കെ ടി ജലീൽ ഉന്നയിച്ച ആരോപണങ്ങളെ തള്ളി മുഖ്യമന്ത്രി പിണറായി വിജയൻ.

കോവിഡ് അവലോകന യോഗത്തിലെ തീരുമാനങ്ങൾ മാധ്യമങ്ങളെ അറിയിക്കുന്നതിനിടയിലെ ചോദ്യങ്ങൾക്കിടയിലാണ് ജലീലിനെ പരിഹസിച്ചുകൊണ്ട് മുഖ്യമന്ത്രി പ്രതികരിച്ചത്.

കെ ടി ജലീലിനെ ഇ ഡി പലതവണ ചോദ്യം ചെയ്തതുകൊണ്ട് ഇ ഡി യിൽ വിശ്വാസം കൂടിയിട്ടുണ്ടാകുമെന്നും സഹകരണ മേഖലയിൽ ഇ ഡി ഇടപെടേണ്ട കാര്യമില്ലെന്നും ഇ ഡി അന്വേഷണമെന്നത് ജലീൽ ഉന്നയിക്കാൻ പാടില്ലാത്തതായിരുന്നു എന്നും മുഖ്യമന്ത്രി പിണറായി വിജയൻ പറഞ്ഞു.

എ ആർ ബാങ്കിലെ തിരിമറിയിൽ സഹകരണ വകുപ്പ് അന്വേഷണം നടത്തിയതാണെന്നും കോടതി സ്റ്റേ ഉള്ളത്കൊണ്ട് മാത്രമാണ് മറ്റ് നടപടികളിലേക്ക് നീങ്ങാൻ സാധിക്കാത്തത് എന്നും അന്വേഷണത്തിന് യാതൊരു തടസവും ഇല്ലെന്നും കുറ്റക്കാർക്കെതിരെ കർശന നടപടി ഉണ്ടാകുമെന്നും ഇ ഡി അന്വേഷണമെന്ന ജലീലിന്റെ ആവശ്യം അനുചിതമായിപ്പോയെന്നും മുഖ്യമന്ത്രി സൂചിപ്പിച്ചു.

കഴിഞ്ഞ ദിവസമാണ് എ ആർ ബാങ്ക് സംബന്ധിച്ച ആരോപണങ്ങൾ പി കെ കുഞ്ഞാലിക്കുട്ടിക്കെതിരെ കെ ടി ജലീൽ ഉന്നയിച്ചത്.

L A T E S T |

കോഴിക്കോട് : നിപ ഉറവിടം കണ്ടെത്താനുള്ള തീവ്ര ശ്രമം ആരോഗ്യ വകുപ്പും മൃഗ സംരക്ഷണ വകുപ്പും തുടങ്ങി.നിപ ബാധിച്ച് മരിച്ച കുട്ടിയുടെ വീടിനടുത്ത് മൃഗ സംരക്ഷണ വകുപ്പ് പരിശോധന നടത്തുന്നു.

കുട്ടിയുടെ വീട്ടിലെ നേരത്തെ അസുഖം ബാധിച്ചു എന്ന് പറയുന്ന ആടിന്റെ സാമ്പിളുകളും മൃഗ സംരക്ഷണ വകുപ്പ് ശേഖരിച്ചു. ആഴ്ചകൾക്ക് മുൻപ് ദഹനക്കേട്‌പോലുള്ള അസുഖം വന്ന ഈ ആടിനെ കുട്ടിയാണ് പരിചരിച്ചിരുന്നത്.ഇതിന്റെ പശ്ചാത്തലത്തിലാണ് ആടിന്റെ സാമ്പിളുകൾ എടുത്തത്.

ഈ പ്രദേശത്ത് കാട്ടുപന്നിയുടെ ശല്യവും ഉള്ളതായി നാട്ടുകാർ പറഞ്ഞതിന്റെ അടിസ്ഥാനത്തിൽ കാട്ടു പന്നികളുടെ സ്രവ സാമ്പിളുകളും എടുത്തേക്കും.ഇതിനായി വനം വകുപ്പിന്റെ സഹായം തേടും.വവ്വാലുകളുടെ സാന്നിധ്യമുള്ള സ്ഥലങ്ങളിലും ഇന്ന് പരിശോധന നടത്തും.

photo credit | mbionline

L A T E S T |

കോഴിക്കോട് : നിപ ബാധിച്ച് മരിച്ച കുട്ടിയുടെ സമ്പർക്ക പട്ടിക വിപുലമാക്കാൻ സാധ്യതയുണ്ടെന്ന് ആരോഗ്യ മന്ത്രി വീണ ജോർജ് പറഞ്ഞു.

നിപ ബാധിച്ച് മരിച്ച 12 വയസുകാരന്റെ അമ്മയ്ക്കും നേരിയ പനി ഉള്ളതായാണ് വിവരമെന്നും ഇവരെ അടിയന്തിരമായി മെഡിക്കൽ കോളേജിലേക്ക് മാറ്റുമെന്നും മന്ത്രി വ്യക്തമാക്കി. പ്രാഥമിക സമ്പർക്കത്തിലുള്ള ഇവർ ഹൈ റിസ്ക് വിഭാഗത്തിൽ ഉള്ളതായതിനാൽ സർവൈലൻസ് ടീമിന്റെ നിരീക്ഷണത്തിലാണ്.

റൂട്ട് മാപ് പ്രസിദ്ധീകരിക്കുമ്പോൾ ആരോഗ്യ വകുപ്പിന് തിരിച്ചറിയാൻ കഴിയാത്ത ആളുകൾ ഉണ്ടായേക്കാം. ഇപ്പോൾ ലഭ്യമായ വിവരങ്ങളിൽ പ്രൈമറി കോൺടാക്റ്റിൽ പെട്ട ആളുകൾ മാത്രമാണ് ഉണ്ടാവുക.സെക്കണ്ടറി കോൺടാക്ട് തിരിച്ചറിയുമ്പോഴേക്ക് സമ്പർക്കപ്പട്ടിക വിപുലപ്പെടാൻ സാധ്യതയുണ്ട്.

ഹൈ റിസ്ക് വിഭാഗത്തിലുള്ള ആളുകളുടെ സാമ്പിളുകൾ പരിശോധനയ്ക്ക് അയക്കുമെന്ന് മന്ത്രി പറഞ്ഞു.നിപ വൈറസ് ബാധയ്ക്ക് ചികിത്സ നൽകുന്നത് പരിശീലനം ലഭിച്ച ആരോഗ്യ പ്രവർത്തകരാണ്.

അസാധാരണമായ പനി, മരണം എന്നിവ ഉണ്ടായാൽ വിവരം ലഭ്യമാക്കാൻ സ്വകാര്യ ആശുപത്രികൾക്ക് നിർദേശം നൽകിയതായി മന്ത്രി മാധ്യമങ്ങളോട് പറഞ്ഞു.

I M P A C T |

മാനന്തവാടി : കേരളത്തിൽനിന്നുള്ള കർഷകരുടെ ദേഹത്ത് കർണാടക സർക്കാർ ഉദ്യോഗസ്ഥർ ചാപ്പ കുത്തിയത് സംബന്ധിച്ച വിവാദത്തിൽ മൈസൂരു ജില്ലാഭരണകൂടത്തിന്റെ ഇടപെടൽ.മുദ്രകുത്തൽ ഇനി ആവർത്തിക്കില്ലെന്ന് മൈസൂരു ജില്ലാ ഭരണകൂടം വ്യക്തമാക്കി.

കോവിഡ് സാഹചര്യത്തിൽ കേരളത്തിൽനിന്നുള്ള യാത്രക്കാർക്ക് കർണാടക സർക്കാർ ഏർപ്പെടുത്തിയ നിയന്ത്രണങ്ങളുടെ ഭാഗമായാണ് പ്രാകൃതമായ രീതിയിൽ കർഷകരുടെ ദേഹത്ത് മുദ്ര കുത്തിയത്.

സംഭവം വലിയ വിവാദമായതോടെ മാനന്തവാടി എം എൽ എ ഒ ആർ കേളു മുഖ്യമന്ത്രി പിണറായി വിജയന് അടിയന്തിര സന്ദേശം അയച്ചിരുന്നു.ഇതിന്റെ തുടർച്ചയായി മുഖ്യമന്ത്രിയുടെ ഇടപെടൽ ഉണ്ടായ പശ്ചാത്തലത്തിലാണ് വയനാട് ജില്ലാ കളക്ടർ മൈസൂരു ജില്ലാ ഭരണകൂടത്തെ വിഷയം അറിയിച്ചതും നടപടി ഉണ്ടായതും.

യാത്രക്കാരുടെ മേൽ മുദ്ര കുത്തൽ ഉണ്ടാകില്ലെങ്കിലും സംസ്ഥാനത്തിന്റെ കോവിഡ് പ്രതിരോധ പ്രവർത്തനങ്ങളുടെ ഭാഗമായുള്ള മാനദണ്ഡങ്ങൾ പാലിക്കേണ്ടിവരുമെന്നും ക്വാറന്റൈൻ അടക്കമുള്ള കാര്യങ്ങളിൽ വിട്ടു വീഴ്ച ഇല്ലെന്നും മൈസൂര് ജില്ലാ ഭരണകൂടം അറിയിച്ചു.

P R E V I O U S S T O R Y |

photo credit | thehindu.com

കൊച്ചി : ചന്ദ്രികയിലെ സാമ്പത്തിക ക്രമേക്കേടുമായി ബന്ധപ്പെട്ട തെളിവുകൾ നൽകുന്നതിനാണ് ഇ ഡി തന്നെ വിളിച്ചു വരുത്തിയതാണെന്ന് കെ ടി ജലീൽ.

ഇതിനകം കൊടുത്തു കഴിഞ്ഞ രേഖകൾക് പുറമെ കുറച്ച് രേഖകൾ കൂടി ആവശ്യപ്പെട്ടിട്ടുണ്ടെന്നും കെ ടി ജലീൽ പറഞ്ഞു.ആ രേഖകൾ കൂടി സംഘടിപ്പിച്ച് ഇ ഡി യ്ക്ക് നൽകുമെന്നും കുഞ്ഞാലിക്കുട്ടിയെ നാളെയും അദ്ദേഹത്തിന്റെ മകനെ ഏഴാം തീയ്യതിയും വിളിപ്പിച്ചേക്കുമെന്നും കെ ടി ജലീൽ പറഞ്ഞു.

എൻഫോഴ്‌സ്‌മെന്റ് ഡയറക്ടറേറ്റിൽ മൊഴി നൽകി പുറത്തിറങ്ങിയ ശേഷം മാധ്യമങ്ങളോട് സംസാരിക്കുകയായിരുന്നു ജലീൽ. എ ആർ നഗർ ബാങ്കുമായി ബന്ധപ്പെട്ട വിഷയം ഇപ്പൊ വന്നിട്ടില്ല.അത് വരാനിരിക്കുന്നെ ഉള്ളു.

വേറെ ചില കാര്യങ്ങൾ അറിയാൻ വേണ്ടിയാണ് വിളിപ്പിച്ചത്.എ ആർ നഗർ ബാങ്കുമായി ബന്ധപ്പെട്ട അന്വേഷണ റിപ്പോർട്ട് ഇപ്പോൾ സമർപ്പിച്ചിട്ടേ ഉള്ളു .അത് വിവരാവകാശ രേഖകൾ വഴി കണ്ടെത്തണം.അതിന് ശേഷം മാധ്യമങ്ങളെ കാണാമെന്നും ജലീൽ പറഞ്ഞു.മറ്റ് പലരുടെയും സാമ്പത്തിക ഉറവിടം സംബന്ധിച്ചും ഇ ഡി ചോദിച്ചെന്നും അത് കൊടുത്തിട്ടുണ്ടെന്നും അദ്ദേഹം പറഞ്ഞു.

L I V E |

തിരുവനന്തപുരം : സംസ്ഥാനത്ത് സ്കൂളുകൾ തുറക്കുന്ന കാര്യം പരിഗണനയിലെന്ന് വിദ്യാഭ്യാസമന്ത്രി വി ശിവൻകുട്ടി വ്യക്തമാക്കി.

സ്കൂൾ തുറക്കുന്നത് സംബന്ധിച്ച പ്രായോഗികത പരിശോധിക്കാൻ വിദഗ്ധ സമിതിയെ നിയോഗിക്കുമെന്ന് അദ്ദേഹം മാധ്യമങ്ങളോട് പറഞ്ഞു. പ്ലസ് വൺ പരീക്ഷകൾ നടത്തുന്നതിന്റെ ഭാഗമായി ക്ലാസുകൾ ക്ലാസുകൾ ശുചീകരിക്കുന്ന പരിപാടിയുടെ ഉത്ഘാടനവേളയിലാണ് മന്ത്രി ഇക്കാര്യം വ്യക്തമാക്കിയത്.

അയൽ സംസ്ഥാനങ്ങളിലടക്കം സ്കൂളുകൾ തുറക്കുന്നതിന്റെ പശ്ചാത്തലത്തിലാണ് ഇതുസംബന്ധിച്ച ആലോചന തുടങ്ങിയതെന്ന് മന്ത്രി പറഞ്ഞു.വിദഗ്ധ സമിതി നൽകുന്ന റിപ്പോർട്ടിന്റെ അടിസ്ഥാനത്തിലായിരിക്കും തീരുമാനം.കുട്ടികൾക്ക് വാക്‌സിൻ നൽകിയതിന് ശേഷം മതി സ്കൂളുകൾ തുറക്കുന്നതെന്ന് നേരത്തെ തീരുമാനിച്ചിരുന്നു.

എന്നാൽ സ്കൂളുകൾ തുറക്കാമെന്നാണ് വിദഗ്ധ സമിതി നിര്ദേശിച്ചിട്ടുള്ളതെന്ന് വിദ്യാഭ്യാസ മന്ത്രി പറഞ്ഞു.വിദഗ്ധ സമിതി റിപ്പോർട്ടും വിദ്യാഭ്യാസ വകുപ്പിന്റെ പഠന റിപ്പോർട്ടും മുഖ്യമന്ത്രിക്ക് സമർപ്പിച്ച ശേഷമായിരിക്കും അന്തിമ തീരുമാനം. സ്കൂളുകൾ തുറന്ന സംസ്ഥാനങ്ങളിലെല്ലാം കോവിഡ് വ്യാപന തോത് ഗണ്യമായി കുറഞ്ഞിട്ടുണ്ടല്ലോ എന്ന മാധ്യമങ്ങളുടെ ചോദ്യത്തിന് എല്ലാം മുഖ്യമന്ത്രി തീരുമാനിക്കുമെന്ന് മന്ത്രി പറഞ്ഞു.

എന്ത് ചെയ്താലും വിദ്യാഭ്യാസ വകുപ്പിന്റെ സമൂഹ മാധ്യമ പേജിൽ വിർശിക്കുന്നവരുണ്ടെന്ന് മന്ത്രി ശിവൻകുട്ടി പറഞ്ഞു.

L I V E |

കൊച്ചി : നഗരസഭാ സെക്രട്ടറി സീൽ ചെയ്ത ക്യാബിനിൽ ചെയർപേഴ്സൺ അജിത തങ്കപ്പൻ കയറി എന്നാരോപിച്ച് തൃക്കാക്കര നഗരസഭയിൽ സംഘർഷാവസ്ഥ.പ്രതിഷേധിച്ച സിപിഎം കൗൺസിലർമാരെ പോലീസ് കസ്റ്റഡിയിലെടുത്തതോടെ പോലീസ് സ്റ്റേഷനിൽ പ്രതിഷേധം, സംഘർഷാവസ്ഥ.

വിജിലൻസ് നിർദേശത്തെ തുടർന്ന് നഗരസഭാ സെക്രട്ടറി പൂട്ടി സീൽ ചെയ്ത തന്റെ ക്യാബിനിലേക്ക് നഗരസഭാ ചെയർ പേഴ്സൺ അജിത തങ്കപ്പൻ ഉച്ചയോടെ പ്രാവേശിച്ചതോടെ യാണ് സംഘർഷാവസ്ഥ ഉടലെടുത്തത്.

നഗരസഭാ സെക്രട്ടറി സീൽ ചെയ്ത ഓഫീസിൽ പ്രവേശിച്ചത് നിയമ വിരുദ്ധമാണെന്നും ചെയർപേഴ്സനെ പുറത്തിറങ്ങാൻ അനുവദിക്കില്ല എന്നും ആരോപിച്ച് സിപിഎം കൗൺസിലർമാർ ക്യാബിന് മുന്നിൽ കുത്തിയിരുന്നതോടെയാണ് പ്രശനങ്ങളുടെ തുടക്കം.

ഇതിനിടയിൽ യു ഡി എഫ് കൗൺസിലർമാരും സ്ഥലത്തെത്തി യതോടെ സ്ഥിതി കൂടുതൽ സംഘർഷ ഭരിതമായി. നഗരസഭാ ഓഫീസിലെ നാടകീയ രംഗങ്ങൾക്കൊടുവിൽ പോലീസെത്തി ചെയർ പേഴ്സൺ അജിത തങ്കപ്പനെ സ്ഥലത്തു നിന്ന് മാറ്റുകയും പ്രതിഷേധിച്ച സിപിഎം കൗൺസിലർമാരെ പോലീസ് സ്റ്റേഷനിലേക്ക് മാറ്റുകയുമായിരുന്നു.

നിലവിൽ വനിതാ കൗൺസിലർമാരടക്കമുള്ള സിപിഎം പ്രതിഷേധിക്കുകയാണ് പോലീസ് സ്റ്റേഷനിൽ സം ഘർഷാവസ്ഥ നിലനിൽക്കുന്നു.തങ്ങളെ ആക്രമിച്ച യു ഡി എഫ് കൗൺസിലർമാരെ വെറുതെ വിട്ട് തങ്ങളെ പോലീസ് സ്റ്റേഷനിലേക്ക് കൊണ്ടുവന്നത് അനീതിയാണെന്ന് സിപിഎം കൗൺസിലർമാർ ആരോപിച്ചു.

തങ്ങളെ ബലം പ്രയോഗിച്ചാണ് പോലീസ് സ്റ്റേഷനിലേക്ക് കൊണ്ടുവന്നതെന്ന് വനിതാ കൗൺസിലർമാർ ആരോപിച്ചു.യു ഡി എഫ് കൗണ്സിലർമാർക്കെതിരെ നടപടിയെടുക്കാതെ പിന്നോട്ടില്ലെന്ന് പ്രഖ്യാപിച്ച ഇവർ പോലീസ് സ്റ്റേഷനിൽ കുത്തിയിരുന്ന് പ്രതിഷേധിക്കുന്നു.

L I V E |ON AIR

തിരുവനന്തപുരം : സംസ്ഥാനത്ത് കോവിഡ് രോഗികളുടെ എണ്ണം കൂടുന്നുവെന്നും കടുത്ത ജാഗ്രത വേണമെന്നും കുട്ടികളുടെ കാര്യത്തിൽ പ്രത്യേക ശ്രദ്ധ വേണമെന്നും ആരോഗ്യമന്ത്രി വീണ ജോർജ് അറിയിച്ചു.തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു അവർ.

എന്നാൽ ആശങ്ക വേണ്ടെന്നും ആരോഗ്യമന്ത്രി അറിയിച്ചു. മാനദണ്ഡങ്ങൾ കണിശമായി പാലിക്കണം.ബന്ധു വീടുകൾ സന്ദർശിക്കുന്നതും പൊതു പരിപാടികളും ഒഴിവാക്കണം.ജാഗ്രത പാലിക്കേണ്ട സന്ദർഭമാണ് ഇത്.

ഏത് സാഹചര്യങ്ങളെയും നേരിടാൻ സർക്കാർ ഒരുക്കമാണ്. വെന്റിലേറ്ററും ഐ സി യു വും ആവശ്യമായി വരുന്നവരുടെ എണ്ണം കുറവാണ്.സംസ്ഥാനത്ത് 75 ശതമാനം വെന്റിലേറ്ററുകളും 43 ശതമാനം ഐ സി യുകളും ഒഴിവുണ്ട്.

സംസ്ഥാനത്ത് ആറിൽ ഒരു കേസ് വീതം കോവിഡ് ആയി റിപ്പോർട്ട് ചെയ്യുന്നുണ്ട്.വാക്‌സിനെടുത്തവരിൽ രോഗം വരുന്നത് കുറവായിട്ടാണ് കാണുന്നത് എങ്കിലും ജാഗ്രത ആവശ്യമാണ്. വാക്‌സിനേഷൻ നടപടികൾ വേഗത്തിലാക്കിയിട്ടുണ്ടെന്നും ആരോഗ്യമന്ത്രി വ്യക്തമാക്കി.

L I V E |

തൃശൂർ :തൃശൂർ കോർപറേഷൻ യോഗത്തിൽ കൂട്ടത്തല്ല്. മേയറുടെ ചേംബറിൽ കയറി പ്രതിപക്ഷത്തിന്റെ പ്രതിഷേധം,മാസ്റ്റർ പ്ലാൻ ചർച്ച ചെയ്യാൻ വേണ്ടി ചേർന്ന കോർപറേഷൻ യോഗത്തിലാണ് കൂട്ടത്തല്ല് .

കൌൺസിൽ അംഗീകരിച്ച മാസ്റ്റർപ്ലാൻ റദ്ദാക്കണമെന്നാവശ്യപ്പെട്ട് പ്രതിപക്ഷ അംഗങ്ങൾ ബഹളമുണ്ടാക്കുകയായിരുന്നു.എന്നാൽ മാസ്റ്റർപ്ലാൻ ചർച്ച ചെയ്യാതെ ഏകപക്ഷീയമായി അംഗീകരിക്കുക യായിരുന്നുവെന്നാണ് ബഹളമുണ്ടാക്കിയ യു ഡി എഫ് ,ബിജെപി പ്രതിനിധികൾ പറയുന്നത്.

കസേര വലിച്ചെറിഞ്ഞെന്നും യോഗത്തിലെ കൂട്ടത്തല്ലിൽ നിന്നും രക്ഷപ്പെട്ട് ക്യാബിനിൽ വരികയായിരുന്നു എന്നും മേയർ പറഞ്ഞു.

ജനാധിപത്യ വിരുദ്ധമായി ഒരു മുൻ മന്ത്രിയുടെ നിർദേശമനുസരിച്ചു ള്ള മാസ്റ്റർപ്ലാൻ പാസാക്കിയത് നിയമ വിരുദ്ധമായാണെന്ന് കോൺഗ്രസ് അംഗങ്ങൾ ആരോപിച്ചു.നിലവിലുള്ള മാസ്റ്റർ പ്ലാനിനെതിരെ വ്യാപക പരാതി ഉണ്ടെന്നും പുതിയ മാസ്റ്റർപ്ലാൻ ചർച്ച ചെയ്ത് തയ്യാറാക്കണമെന്നും പ്രതിപക്ഷം പറഞ്ഞു.

കൗൺസിലിന്റെ അധികാരം കവർന്ന് സർക്കാരും സിപിഎമ്മും ചേർന്ന് നിയമ വിരുദ്ധമായി അടിച്ചേൽപ്പിക്കുന്ന മാസ്റ്റർ പ്ലാൻ അംഗീകരിക്കില്ലെന്ന് പ്രതിപക്ഷ നേതാവ് ആരോപിച്ചു.എന്നാൽ നിയമപ്രകാരമുള്ള മാസ്റ്റർപ്ലാൻ നടപ്പിലാക്കാനുള്ള അവസരം തുല ച്ചു കളയുന്നത് തൃശ്ശൂരിന്റെ ഭാവിയോട് ചെയ്യുന്ന അനീതിയായിരി ക്കുമെന്ന് മേയർ എം കെ വർഗീസ് പറഞ്ഞു

L I V E |

കൊച്ചി: കോവിഷീൽഡ്‌ രണ്ടാം ഡോസിന് 84 ദിവസത്തെ ഇടവേള എന്തിനെന്ന് ഹൈക്കോടതി ചോദിച്ചു.

വാക്‌സിൻ ലഭ്യതയാണോ ഫലപ്രാപ്തിയാണോ മാനദണ്ഡമെന്ന് കേന്ദ്രസർക്കാർ വ്യക്തമാക്കണമെന്ന് ഹൈക്കോടതി ആവശ്യപ്പെട്ടു.

കിറ്റെക്സ് കമ്പനി നൽകിയ ഹർജിയിലാണ് ഹൈക്കോടതിയുടെ ചോദ്യം.ജീവനക്കാർക്ക് വേണ്ട വാക്‌സിൻ സൂക്ഷിച്ചിട്ടുണ്ടെന്നും ഒന്നാം ഡോസ് എടുത്ത് 45 ദിവസം കഴിഞ്ഞ് രണ്ടാം ഡോസ് എടുക്കാൻ സർക്കാരിനോട് അനുമതി ചോദിച്ചെങ്കിലും 84 ദിവസത്തെ ഇടവേള വേണമെന്നാണ് മറുപടി കിട്ടിയത്.

തുടർന്നാണ് കമ്പനി കോടതിയെ സമീപിച്ചത്.വാക്‌സിൻ നയത്തിൽ കേന്ദ്രസർക്കാരാണ് തീരുമാനം എടുക്കേണ്ടത് എന്നാണ് സംസ്ഥാന സർക്കാർ കോടതിയെ അറിയിച്ചത്.തുടർന്നാണ് കേന്ദ്ര സർക്കാരിനോട് വിശദീകരണം തേടിയത്.

സ്വന്തം നിലയിൽ വാക്‌സിൻ വാങ്ങി ശേഖരിച്ചിരിക്കുന്നവർക്ക് ഇടവേള കുറയ്ക്കാമോ എന്നും ഹൈക്കോടതി ചോദിച്ചു. ഇക്കാര്യത്തിൽ കേന്ദ്രസർക്കാർ നിലപാട് വ്യക്തമാക്കും. കേസ് വ്യാഴാഴ്ച്ച വീണ്ടും പരിഗണിക്കും.

L A T E S T |

തിരുവനന്തപുരം : ചാരക്കേസ് ഗൂഢാലോചനയിൽ സിബി മാത്യൂസിന് മുൻ‌കൂർ ജാമ്യം.തിരുവനന്തപുരം ജില്ല സെഷൻസ് കോടതിയാണ് ജാമ്യം അനുവദിച്ചത്.

കേസിൽ സിബിഐ അറസ്റ്റ് ഉൾപ്പെടെയുള്ള നടപടികളിലേക്ക് നീങ്ങിയേക്കുമെന്ന് വാർത്തകൾ ഉണ്ടായിരുന്നു.ഇതിന്റെ പശ്ചാത്തലത്തിലാണ് പ്രതി പട്ടികയിലുള്ളവർ കോടതിയെ സമീപിച്ചത്.

നേരത്തെ ഇതേ കേസിലെ ഒന്നാം പ്രതി എസ് വിജയന് ഹൈക്കോടതി മുൻ‌കൂർ ജാമ്യം അനുവദിച്ചിരുന്നു.ഇതിന് പിന്നാലെയാണ് സിബി മാത്യൂസ് സെഷൻസ് കോടതിയെ സമീപിച്ചത്.മുൻ‌കൂർ ജാമ്യാപേക്ഷയിൽ കോടതി വിശദമായ വാദം കേട്ടിരുന്നു.

റോ, ഐ ബി തുടങ്ങിയ ഏജൻസികളുടെ നിർദേശ പ്രകാരമാണ് താൻ നമ്പി നാരായണനെ കസ്റ്റഡിയിൽ എടുത്തതെന്നും തൊട്ടടുത്ത ദിവസം തന്നെ സിബിഐ ഏറ്റെടുത്താൽ തനിക്ക് നമ്പി നാരായണനെ ചോദ്യം ചെയ്യേണ്ട സാഹചര്യം ഉണ്ടായിട്ടില്ല എന്നാണ് സിബി മാത്യൂസിന്റെ വാദം.

ഈ കേസിലെ പ്രതികളെല്ലാം ഉന്നത ബന്ധം ഉള്ളവരായതിനാൽ കസ്‌റ്റഡിയിലെടുത്ത് ചോദ്യം ചെയണം എന്നാണ് സിബിഐ കോടതിയിൽ വാദിച്ചത്.പ്രതികളെ കസ്റ്റഡിയിലെടുക്കില്ല എന്ന് ഉറപ്പ് നല്കാൻ കഴിയില്ലെന്നും സിബിഐ കോടതിയിൽ വ്യക്തമാക്കി.

നമ്പി നാരായണനും മറിയം റഷീദയും സിബി മാത്യൂസിന്റെ മുൻകൂർ ജാമ്യാപേക്ഷയെ എതിർത്ത് കോടതിയിൽ അപേക്ഷ നൽകിയിരുന്നു.

തിരുവനന്തപുരം: അഫ്‌ഗാനിസ്ഥാനിൽ കുടുങ്ങിയ മലയാളികൾ ഉൾപ്പെടെയുള്ള ഇന്ത്യക്കാരെ രക്ഷപ്പെടുത്താൻ കേന്ദ്ര സർക്കാർ ചെയ്യുന്ന പ്രവർത്തനങ്ങൾക്ക് മുഖ്യമന്ത്രി പിണറായി വിജയൻ നന്ദി അറിയിച്ചു.

അഫ്ഘാനിസ്ഥാനിൽ നിന്ന് ഇന്ത്യക്കാരെ സുരക്ഷിതമായി നാട്ടിലെത്തിക്കാൻ പ്രയത്നിച്ച പ്രധാനമന്ത്രിക്കും ആവശ്യമായ സജ്ജീകരണങ്ങൾ ഒരുക്കിയ വിദേശകാര്യ മന്ത്രാലയത്തിനുമാണ് ഫേസ്ബുക് കുറിപ്പിലൂടെ മുഖ്യമന്ത്രി നന്ദി അറിയിച്ചത്.

അഫ്‌ഗാനിസ്ഥാനിൽ പെട്ടുപോയ മലയാളികൾക്ക് നോർക്ക റൂട്സുമായി ബന്ധപ്പെടാമെന്നും 24 മണിക്കൂറും പ്രവർത്തിക്കുന്ന വിദേശകാര്യമന്ത്രാലയത്തിന്റെ സ്പെഷ്യൽ അഫ്ഘാനിസ്ഥാൻ സെല്ലിനെയും ബന്ധപ്പെടാമെന്നും മുഖ്യമന്ത്രി വ്യക്തമാക്കി.

BREAKING | LIVE

ചെന്നൈ : തെന്നിന്ത്യൻ ചലച്ചിത്ര താരം ചിത്ര അന്തരിച്ചു. 55 വയസായിരുന്നു.ഹൃദയാഘാതത്തെ തുടർന്ന് ഇന്ന് രാവിലെ ചെന്നൈയിലെ വസതിയിലായിരുന്നു അന്ത്യം.

ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ചെന്നൈയിലെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
ചെന്നൈയിലെ വസതിയിൽ മകളോടും ഭർത്താവിനോടൊപ്പമായിരു ന്നു ചിത്ര.

വിവിധ തെന്നിന്ത്യൻ ഭാഷകളിലായി നൂറോളം സിനിമകളിൽ അഭിനയിച്ചിട്ടുണ്ട്.

മലയാളത്തിൽ നിരവധി സിനിമകളിൽ അഭിനയിച്ചിട്ടുണ്ട് ഒരു വടക്കൻ വീര ഗാഥ, അമരം,ദേവാസുരം,അദ്വൈതം ,മഴവില്ല്
എന്നി സിനിമകളിൽ ശ്രദ്ധേയമായ വേഷങ്ങൾ ചെയ്തു.

തമിഴിൽ സൂപ്പർ സ്റ്റാർ ശരത് കുമാറിന്റെ സഹോദരിയായി അഭിനയിച്ച ' ചേരൻ പാണ്ട്യൻ' എന്ന സിനിമയിലെ ശരത് കുമാറിന്റെ സഹോദരിയുടെ വേഷം ഏറെ ശ്രദ്ധേയമായതോ ടെ പിന്നീട് ആ കഥാപാത്രത്തിന്റെ പേരുകൂടി ചേർത്താണ് തമിഴിൽ ചിത്ര അറിയപ്പെടാൻ തുടങ്ങിയത്.

കഴിഞ്ഞ മെയ് 21 ന് ജന്മദിനം ആഘോഷിക്കുന്ന വേളയിൽ 21 എന്ന ദിവസമാണ് തനിക്ക് ഏറ്റവും ഇഷ്ടമെന്ന് ചിത്ര ഒരു വാർത്ത പോർട്ടലിനോട് പ്രതികരിച്ചിരുന്നു. മറ്റൊരു 21 ജീവൻ വെടിയാൻ നിയോഗിക്കപ്പെട്ടതും വിധി നൽകിയ യാദൃശ്ചികത ആകാം.

ദുബായ് : യു എ ഇ സർക്കാർ അനുവദിച്ച ഗോൾഡൻ വിസ സ്വീകരിക്കാൻ സൂപ്പർ താരം മമ്മൂട്ടി ദുബായിലെത്തി.

മലയാളത്തിന്റെ പ്രിയ താരങ്ങളായ മമ്മൂട്ടിക്കും മോഹൻലാലിനും യു എ ഇ സർക്കാർ 10 വർഷ കാലാവധിയുള്ള ഗോൾഡൻ വിസ അനുവദിച്ചിരുന്നു.

ഷൂട്ടിംഗ് തിരക്കിനിടയിലാണ് മമ്മൂട്ടി ഗോൾഡൻ വിസ സ്വീകരിക്കാൻ ദുബായിലെത്തിയത്.കോവിഡ് വ്യാപനത്തിന് ശേഷമുള്ള മമ്മൂട്ടിയുടെ ആദ്യ വിമാനയാത്രയുടെ ചിത്രം പ്രൊഡക്ഷൻ കൺട്രോളർ ബാദുഷയാണ് സമൂഹ മാധ്യമങ്ങളിലൂടെ പുറത്തു വിട്ടത്.

N E X T S T O R Y |

L A T E S T |

കോഴിക്കോട് : പ്രശസ്ത കായിക പരിശീലകനും ഒളിമ്പ്യൻ പി ടി ഉഷയുടെ കോച്ചുമായിരുന്ന ഒ എം നമ്പ്യാർ അന്തരിച്ചു.90 വയസായിരുന്നു.

രാജ്യം പത്മശ്രീയും ദ്രോണാചാര്യ അവാർഡും നൽകി ആദരിച്ചിട്ടുണ്ട്.ഇന്ത്യയിലെ ആദ്യ ദ്രോണാചാര്യ പുരസ്‌കാരം നേടിയ കായിക മേഖലയിലെ വ്യക്തിപ്രഭാവമായിരുന്നു.

പി ടി ഉഷയുടെ പരിശീലകൻ എന്ന പേരിൽ പ്രശസ്തനായി.1984ലെ ലോസ് ഏഞ്ചൽസ് ഒളിമ്പിക്സിലെ പി ടി ഉഷയുടെ പരിശീലകനായിരുന്നു.

1955ൽ ഇന്ത്യൻ വ്യോമസേനയിൽ ചേർന്ന അദ്ദേഹം സേനയെ പ്രതിനിധീകരിച്ച് നിരവധി ദേശീയ മീറ്റുകളിൽ പങ്കെടുത്തിട്ടുണ്ട്. വ്യോമസേനയിൽനിന്ന് പട്യാലയിലെത്തി കായിക പരിശീലനത്തിൽ ഡിപ്ലോമ നേടി.1970ൽ ജി വി രാജയുടെ പ്രത്യേക ക്ഷണ പ്രകാരം കേരളാ സ്പോർട്സ് കൗൺസിലിൽ ചേർന്നു.

1976ലാണ് കണ്ണൂർ സ്പോർട്സ് കൗൺസിലിൽ പരിശീലകനായി നമ്പ്യാർ എത്തിയത്.തുടർന്നാണ് പി ടി ഉഷയുടെ പരിശീലകൻ എന്ന പേരിൽ നമ്പ്യാർ അറിയപ്പെടാൻ തുടങ്ങിയതിന്റെ ചരിത്രാരംഭം.1990 ബെയ്ജിങ് ഏഷ്യൻ ഗെയിംസിൽ തുടങ്ങി പി ടി ഉഷ വിരമിക്കുന്ന കാലം വരെ നമ്പ്യാർ ഉഷയുടെ പരിശീലകനായിരുന്നു.

1990ൽ സ്പോർട്സ് കൌൺസിൽ വിട്ട് സ്പോർട്സ് അഥോറിറ്റി ഓഫ് ഇന്ത്യ ( സായി ) യിൽ ചേർന്നെങ്കിലും പിന്നീട് തിരിച്ചു വന്നു. വീണ്ടും കണ്ണൂരിൽ സജീവമായി.

ബീന അഗസ്റ്റിൻ,സുകുമാരി, ലിനറ്റ് ,ഷീബ,ജിജി തുടങ്ങി നിരവധി കായിക താരങ്ങളെ പരിശീലിപ്പിച്ചെങ്കിലും മറ്റൊരു ഉഷയെ കണ്ടെത്താൻ അദ്ദേഹത്തിന് കഴിഞ്ഞില്ല.പത്മിനി,സാറാമ്മ,വന്ദന റാവു തുടങ്ങിയവരെയും നമ്പ്യാർ പരിശീലിപ്പിച്ചിട്ടുണ്ട്.

L A T E S T |

കണ്ണൂർ : യുട്യൂബ് വ്ലോഗർമാരായ ഇ ബുൾ ജെറ്റ് സഹോദരങ്ങൾക്കെതിരെ പോലീസ് വീണ്ടും കേസെടുത്തു.

ഇരിട്ടി സ്വദേശികളായ ഏബിൻ ,ലിബിൻ എന്നിവർക്കെതിരെയാണ് കലാപത്തിന് ആഹ്വനം ചെയ്തതിന്റെയും പ്രകോപനം സൃഷ്ടിച്ചതിന്റെയും പേരിൽ വീണ്ടും കേസെടുത്തത്.

ആർ ടി ഒ ഓഫീസിൽ അതിക്രമിച്ചു കയറിയതിനെതിരെയും പൊതു മുതൽ നശിപ്പിച്ചതിനെതിരെയുമാണ് നേരത്തെ കേസെടുത്തിരുന്നത്. ഇവർ നേരത്തെ സമൂഹ മാധ്യമങ്ങളിൽ പോസ്റ്റ് ചെയ്ത വിഡിയോകളും മറ്റും പോലീസ് വിശദമായി പരിശോധിച്ചിരുന്നു.

പല വീഡിയോകളിലും പ്രകോപനങ്ങൾ സൃഷ്ടിച്ചതായി പോലീസ് കണ്ടെത്തിയിട്ടുണ്ട്.വീഡിയോകളിൽ തോക്ക് ചൂണ്ടി നിൽക്കുന്നതടക്കമുള്ള പ്രകോപനപരമായ ദൃശ്യങ്ങൾ ഉണ്ട്.

ആർ ടി ഒ ഓഫീസിൽ പ്രശ്നങ്ങൾ ഉണ്ടാക്കിയ ത്തിന്റെ പേരിൽ അറസ്റ്റിലായ ഇവർക്ക് ജാമ്യം ലഭിച്ചിരുന്നു.കണ്ണൂർ ജുഡീഷ്യൽ ഒന്നാം ക്ലാസ് മജിസ്‌ട്രേറ്റ് കോടതിയാണ് ജാമ്യം അനുവദിച്ചത്.നിലവിലുള്ള ജാമ്യം റദ്ദാക്കാൻ പോലീസ് ശ്രമിക്കുന്നതിനിടയിലാണ് പോലീസ് പുതിയ കേസുമായി മുന്നോട്ട് പോകുന്നത്.

L A T E S T |

തിരുവനന്തപുരം : പി സതീ ദേവി വനിത കമ്മീഷൻ അധ്യക്ഷ ആയേക്കും.ഇതുസംബന്ധിച്ച് സി പി എം സെക്രെട്ടറിയേറ്റിൽ ധാരണയായതായി അറിയുന്നു.

സി പി എം സംസ്ഥാന സെക്രെട്ടറിയേറ്റിൽ വലിയ എതിർപ്പുകളില്ലാതെയാണ് തീരുമാനമായത്‍ എന്നാണ് സൂചന. നിരവധി പേരുകൾ സെക്രെട്ടറിയേറ്റിന് മുന്നിൽ വന്നെങ്കിലും സതീ ദേവിക്ക് നറുക്ക് വീഴുകയായിരുന്നു.

വടകര മുൻ എം പിയാണ്.ജനാധിപത്യ മഹിളാ അസോസിയേഷൻ സെക്രട്ടറിയും സി പി എം സംസ്ഥാന സമിതി അംഗവുമാണ്.

സി പി എം കേന്ദ്ര കമ്മറ്റി അംഗമായ എം സി ജോസഫൈൻ രാജി വെച്ച ഒഴിവിലേക്കാണ് സതീദേവി പരിഗണിക്കപ്പെട്ടത്.

തൃശൂർ : ദമ്പതിമാർ സഞ്ചരിച്ച ബൈക്കിൽ പറന്നു വന്ന മയിലിടിച്ച് ബൈക്ക് മറിഞ്ഞ് ഭർത്താവ് മരിച്ചു.

തൃശൂർ പുന്നയൂർക്കുളം പീടികപ്പറമ്പിൽ പ്രമോസ് ( 34 ) ആണ് മരിച്ചത്.ഭാര്യ വീണ (24 ) പരിക്കേറ്റ് ആശുപത്രിയിൽ.അപകടത്തിൽ പരിക്കേറ്റ മറ്റൊരു യാത്രക്കാരനായ ധനേഷിനെയും ആശുപത്രിയിലേക്ക് മാറ്റി.

തൃശൂർ അയ്യന്തോൾ പുഴക്കൽ റോഡിൽ പഞ്ചിക്കലിലെ ബീവറേജ് വിൽപ്പനശാലയ്ക്കടുത്താണ് അപകടമുണ്ടായത്പ്രമോസിന്റെ നെഞ്ചിലേക്ക് പറന്നു വന്ന മയിൽ ഇടിക്കുകയും നിയന്ത്രണം വിട്ട ബൈക്ക് മറിയുകയുമായിരുന്നു.ബൈക്ക് മറ്റൊരു യാത്രക്കാരനായ ധനേഷിന്റെ ബൈക്കിലും മതിലിലും ഇടിച്ചാണ് മറിഞ്ഞത്.

തൃശൂർ മാരാർ റോഡിലെ സ്വകാര്യ ബാങ്ക് ജീവനക്കാരനാണ് പ്രമോസ്.നാല് മാസം മുൻപാണ് ഇവരുടെ വിവാഹം നടന്നത്.അപകടത്തിൽ ചത്ത മയിലിന്റെ ജഡം വനം വകുപ്പ് ഉദ്യോഗസ്ഥർക്ക് കൈമാറി.

| തിരഞ്ഞെടുപ്പ് നടത്തിപ്പിൽ അടിമുടി മാറ്റം വരുന്നു |

തിരുവനന്തപുരം : തദ്ദേശ സ്ഥാപനങ്ങളിലെ തിരഞ്ഞെടുപ്പ് നടത്തിപ്പ് സംവിധാനത്തിൽ വലിയ മാറ്റങ്ങൾ വരുത്തി സംസ്ഥാന തിരഞ്ഞെടുപ്പ് കമ്മീഷൻ.

തിരഞ്ഞെടുപ്പ് ഉദ്യോഗസ്ഥർ ഇനി മുതൽ പോളിംഗ് സാമഗ്രികൾ ക്കായി വിതരണ കേന്ദ്രത്തിൽ പോകേണ്ടതില്ല എന്നതാകും വലിയ മാറ്റം.സാധനങ്ങൾ എല്ലാം പോളിംഗ് ബൂത്തിൽ എത്തിക്കും.

ഓരോ പ്രദേശങ്ങളിലേക്കും നിയോഗിക്കപ്പെടുന്ന സെക്ടറൽ ഉദ്യോഗസ്ഥർ തിരഞ്ഞെടുപ്പ് സാമഗ്രികൾ ബൂത്തുകളിൽ എത്തിക്കും.പ്രിസൈസിഡിങ് ഓഫീസർ അടക്കം ബൂത്തുകളിൽ എത്തിയാൽ മതിയാകും.

വോട്ടെടുപ്പിന് ശേഷം സെക്ടറൽ ഉദ്യോഗസ്ഥർ തന്നെ ഇ വി എം അടക്കമുള്ള സാമഗ്രികൾ ഏറ്റുവാങ്ങി വിതരണ കേന്ദ്രത്തിൽ എത്തിക്കുകയാണ് ചെയ്യുക. തുടർന്ന് സ്ട്രോങ്ങ് റൂമുകളിലേക്ക് മാറ്റും.കഴിഞ്ഞ ദിവസം നടന്ന ഉപതെരഞ്ഞെടുപ്പുകളിൽ ഈ പരീക്ഷണം നടത്തി വിജയം കണ്ടതായി തിരഞ്ഞെടുപ്പ് കമ്മിഷണർ എ ഷാജഹാൻ അറിയിച്ചു.

ഓരോ പ്രദേശത്തേക്കും നിയോഗിക്കപ്പെട്ട സെക്ടറൽ ഉദ്യോഗസ്ഥരുടെ കീഴിലുള്ള ഒരു സംഘത്തിനായിരിക്കും വിതരണത്തിന്റെ പൂർണ്ണ ചുമതല.ഇനി വരൻ പോകുന്ന തിരഞ്ഞെടുപ്പ്പുകളിൽ ഈ രീതി നടപ്പാക്കി തുടങ്ങുമെന്നും തിരഞ്ഞെടുപ്പ് കമ്മിഷണർ അറിയിച്ചു.

നിലവിലുള്ള തിരഞ്ഞെടുപ്പ് രീതികളിലെ അശാസ്ത്രീയവും പ്രാകൃതവുമായ കീഴ്വഴക്കങ്ങൾ സംബന്ധിച്ച് കഴിഞ്ഞ നിയമസഭാ തിഞ്ഞെടുപ്പ് മുതൽ വ്യാപകമായ പരാതികൾ ഉയർന്നിരുന്നു.

സ്ത്രീകളടക്കമുള്ള പോളിംഗ് ഉദ്യോഗസ്ഥരെ ജില്ല മാറി തിരഞ്ഞെടുപ്പ് ജോലികൾക്ക് നിയോഗിച്ചതും പാതിരവരെ പെരുവഴിയിൽ ഉദ്യോഗസ്ഥർ വലഞ്ഞതും കോവിഡ് കാലത്ത് തിരഞ്ഞെടുപ്പ് വിതരണ കേന്ദ്രങ്ങളിൽ ആൾക്കൂട്ടങ്ങൾ സൃഷ്ടിക്കപ്പെട്ടതും വലിയ വിമർശനങ്ങൾക്ക് വഴിവെച്ചിരുന്നു .

L A T E S T |

കണ്ണൂർ : 'ഇ ബുൾ ജെറ്റ് ' സഹോദരന്മാരുടെ ജാമ്യം റദ്ദാക്കാൻ പോലീസ് നടപടികൾ തുടങ്ങി.ഇതുസംബന്ധിച്ച പോലീസിന്റെ ഹർജി കണ്ണൂർ ജില്ല സെഷൻസ് കോടതിയിൽ ഇന്ന് തന്നെ നൽകിയേക്കും.

രൂപ മാറ്റം വരുത്തിയ തങ്ങളുടെ വാഹനത്തിന് പിഴയടക്കുന്നത് സംബന്ധിച്ച തർക്കത്തിൽ പൊതുമുതൽ നശിപ്പിച്ചു എന്ന കേസിൽ അറസ്റ്റിലാവുകയും ജാമ്യത്തിൽ പോവുകയും ചെയ്ത വ്ലോഗർമാരായ ഏബിൻ ,ലിബിൻ എന്നിവരുടെ ജാമ്യം റദ്ദാക്കണമെന്നാണ് പോലീസ് ആവശ്യപ്പെടുന്നത്.

അതേസമയം വ്ലോഗർമാർ നിയമലംഘനം നടത്തിയത് സംബന്ധിച്ച കുറ്റപത്രം മോട്ടോർ വാഹന വകുപ്പ് തലശ്ശേരി സി ജെ എം കോടതിയിൽ സമർപ്പിച്ചു.കേരളാ മോട്ടോർ വാഹന നികുതി നിയമം ലംഘിച്ചു എന്നും കുറ്റപത്രത്തിൽ പറയുന്നു.

മദ്യശാലകളിൽ എത്തുന്നവർക്കും കോവിഡ് നെഗറ്റീവ് അല്ലെങ്കിൽ വാക്‌സിനേഷൻ സർട്ടിഫിക്കറ്റ് നിർബന്ധമാക്കണമെന്നും ഹൈക്കോടതി

L I V E |

കൊച്ചി : മദ്യശാലകൾക്ക് മുന്നിലെ തിരക്കിൽ വീണ്ടും ആശങ്കകൾ അറിയിച്ച് ഹൈക്കോടതി.മദ്യശാലകൾക്ക് മുന്നിലെ തിരക്ക് ഇപ്പോഴും പഴയപടിയാണെന്നും മദ്യശാലകളിൽ കന്നുകാലികളോട് പെരുമാറുന്നപോലെയാണ് ബെവ്‌കോ അധികൃതർ പെരുമാറുന്നതെന്നും ഹൈക്കോടതി വിമർശിച്ചു.

പോലീസ് ബാരിക്കേഡ് വെച്ച് നിയന്ത്രിച്ചാണ് ഇപ്പോൾ നിയന്ത്രിക്കുന്നതെന്ന് നേരിട്ട് കണ്ട് മനസിലാക്കിയ ജസ്റ്റിസ് ദേവൻ രാമചന്ദ്രൻ വ്യക്തമാക്കി.സർക്കാരിന്റെ പുതുക്കിയ കോവിഡ് മാർഗനിർദേശങ്ങൾ എന്ത്കൊണ്ട് മദ്യവിൽപ്പന ശാലകളിൽ നടപ്പാക്കുന്നില്ലെന്ന് കോടതി ചോദിച്ചു.

മദ്യശാലകളിൽ എത്തുന്നവർക്കും കോവിഡ് നെഗറ്റീവ് അല്ലെങ്കിൽ വാക്‌സിനേഷൻ സർട്ടിഫിക്കറ്റ് നിർബന്ധമാക്കണമെന്നും ഹൈക്കോടതി വാക്കാൽ പറഞ്ഞു.

നാളെ വിഷയത്തിൽ സംസ്ഥാന സർക്കാർ നിലപാടറിയിക്കാൻ കോടതി ആവശ്യപ്പെട്ടു.കേസ് നാളെ വീണ്ടും പരിഗണിക്കും. മദ്യശാലകളിലെ തിരക്ക് നിയന്ത്രിക്കണമെന്നും മദ്യം വാങ്ങാനെത്തുന്നവർക്ക് കൂടുതൽ സൗകര്യം ഒരുക്കണമെന്നും ആവശ്യപ്പെട്ട് രണ്ട് തവണ ഹൈക്കോടതി സർക്കാരിനെ വിമർശിച്ചിരുന്നു.

തിരുവനന്തപുരം : നടി ശരണ്യ ശശി അന്തരിച്ചു.33 വയസായിരുന്നു. ഏറെ നാളായി ട്യൂമർ ബാധിച്ച് ചികിത്സയിലായിരുന്നു.

ട്യൂമർ ബാധിച്ചതിനെ തുടർന്ന് 11 തവണ സർജറിക്ക് വിധേയയായിരുന്നു.കോവിഡ് ബാധിക്കുകയും
ഭേദമാകുകയും ചെയ്‌തെങ്കിലും രക്തത്തിലെ സോഡിയത്തിന്റെ അളവ് കുറഞ്ഞ് ആശുപത്രിയിൽ പ്രവേശിപ്പിക്കുകയായിരുന്നു.

ചാക്കോ രണ്ടാമൻ,ഛോട്ടാ മുംബൈ ,തലപ്പാവ്,ബോംബെ തുടങ്ങിയ സിനിമകളിൽ അഭിനയിച്ചു.നിരവധി സീരിയലുകളിലും അഭിനയിച്ചിട്ടുണ്ട്.

മുംബൈ: ഒളിമ്പിക്സിൽ ഇന്ത്യൻ ഫുട്ബോൾ ടീമിനെ രണ്ട് തവണ പ്രതിനിധീകരിച്ച ഒളിമ്പ്യൻ എസ് എസ് ബാബു നാരായണൻ മുംബൈയിൽ അന്തരിച്ചു.86 വയസായിരുന്നു.ഒറ്റപ്പാലം സ്വദേശിയാണ്.

ആശുപത്രിയിൽനിന്ന് താനെയിലെ വീട്ടിലെത്തിയ ഉടനെയാണ് ഹൃദയാഘാതത്തെ തുടർന്ന് അന്ത്യം സംഭവിച്ചത്.ഹെർണിയ ബാധിച്ചതിനെ തുടർന്ന് ആശുപത്രിയിൽ ചികിത്സയിലായിരുന്നു.

1956ൽ മെൽബൺ ഒളിമ്പിക്സിലും 1960ൽ റോമിലും ഇന്ത്യൻ ഫുട്ബാൾ ടീമിന്റെ വല കാത്തത് ബാബു നാരായണൻ ആയിരുന്നു.

മാട്ടുംഗ ഇന്ത്യൻ ജിംഖാനയിലും മാട്ടുംഗ അത്‌ലറ്റിക് ക്ളബിലും ബാസ്കറ്റ് ബോൾ താരമായിരുന്നു.1964ൽ മഹാരാഷ്ട്ര ബാസ്കറ്റ് ബോളിൽ അംഗമായിരുന്നു.തുടർന്ന് ഫുട്ബോൾ കളിയിലേക്ക് തിരിയുകയായിരുന്നു. മുംബൈയിൽ ടാറ്റാസിനുവേണ്ടിയും കാൽടെക്സ് ക്ളബ്ബിനുവേണ്ടിയും കളിച്ച് ഇന്ത്യൻ ടീമിൽ എത്തുകയായിരുന്നു.

പ്രശസ്തനായ ഇന്ത്യൻ ഗോൾ കീപ്പർ പീറ്റർ തങ്കരാജിനൊപ്പമായിരു ന്നു ശങ്കർ സുബ്രഹ്മണ്യൻ നാരായണൻ എന്ന എസ് എസ് ബാബു നാരായണൻ ഇന്ത്യൻ ടീമിൽ ഉണ്ടായിരുന്നത്.പ്രമുഖ ഇന്ത്യൻ താരങ്ങളായ പി കെ ബാനർജി, ചുനിസ്വാമി, ജർണയിൽ സിങ് തുടങ്ങിയവരോടൊപ്പം കളിക്കളങ്ങളിൽ നിറഞ്ഞിരുന്നു.സംസ്കാരം വെള്ളിയാഴ്ച താനെയിൽ നടക്കും.

കൊച്ചി : ഫസൽ വധക്കേസിൽ കാരായി രാജനും കാരായി ചന്ദ്രശേഖരനും ജാമ്യ വ്യവസ്ഥയിൽ ഇളവ് നൽകി ഹൈക്കോടതി.

മൂന്ന് മാസത്തിന് ശേഷം എറണാകുളം ജില്ല വിട്ട് പോകുന്നതിന് തടസമില്ല എന്നാണ് ജാമ്യവ്യവസ്ഥയിൽ ഇളവ് നൽകിയ ഹൈക്കോടതി വ്യക്തമാക്കിയത്.

ഫസൽ വധക്കേസിൽ തുടരന്വേഷണം നടക്കുന്ന സഹചര്യത്തിലാണ് ഇളവുകൾ നൽകിയത്.2006 ഒക്ടോബര് 22 നാണ് തലശേരി സൈദാർപള്ളിക്കടുത്ത് വെച്ച് ഫസൽ കൊല്ലപ്പെടുന്നത്.

സിപിഎം പ്രവർത്തകനായിരുന്ന ഫസൽ പാർട്ടി വിട്ട് എൻ ഡി എഫിൽ ചേർന്നതിനെ തുടർന്നായിരുന്നു കൊലപാതകം എന്നായിരുന്നു ആരോപണം.

കേസിൽ സിപിഎം കണ്ണൂർ ജില്ലാ സെക്രെട്ടറിയേറ്റ് അംഗമായിരുന്ന കാരായി രാജനെയും ഏരിയ കമ്മറ്റി അംഗമായിരുന്ന കാരായി ചന്ദ്രശേഖരനെയുമടക്കം അടക്കം എട്ട് പേരെ സിബിഐ അറസ്റ്റ് ചെയ്യുകയായിരുന്നു.

L A T E S T |

തിരുവനന്തപുരം: നടൻ മണിയൻപിള്ള രാജുവിന് ഭക്ഷ്യമന്ത്രി ഓണക്കിറ്റ് നൽകിയത് സംബന്ധിച്ച വിവാദത്തിൽ വിശദീകരണവുമായി റേഷൻ വ്യാപാരി.

റേഷൻ കടയിലെ ഇ പോസ് മെഷിനിൽ വിരൽ അമർത്തി നടപടിക്രമങ്ങൾ പൂർത്തിയാക്കിയ ശേഷം മാത്രമാണ് മണിയൻ പിള്ള രാജുവിന് ഓണക്കിറ്റ് നൽകിയതെന്നാണ് റേഷൻ വ്യാപാരിയുടെ വിശദീകരണം.

നടപടിക്രമങ്ങൾ പാലിക്കാതെയാണ് ഭക്ഷ്യമന്ത്രി രാജുവിന്റെ വീട്ടിലെത്തി ഓണക്കിറ്റ് നൽകിയതെന്ന പ്രചാരണം വിവാദമായിരുന്നു.എന്നാൽ കിറ്റ് സ്വീകരിക്കുന്നതിന് മുൻപ് രാജുവിന്റെ ഭാര്യ റേഷൻ കടയിലെത്തി ഇ പോസ് മെഷിനിൽ നടപടികൾ പൂർത്തിയാക്കിയെന്ന് കടയുടമ വിശദീകരിച്ചു.

മഞ്ഞ കാർഡ് ഉടമകൾക്ക് കിറ്റ് വിതരണം നടത്തേണ്ടുന്ന സമയത്ത് വെള്ള കാർഡ് ഉടമയായ രാജുവിന് എങ്ങിനെ കിറ്റ് നൽകി എന്നും ആരോപണം ഉയർന്നിരുന്നു.എന്നാൽ അനർഹരായ ആളുകൾക്ക് കിറ്റ് നൽകിയില്ലെന്ന് ഭക്ഷ്യമന്ത്രി ജി ആർ അനിൽകുമാർ വ്യക്തമാക്കി.

ആരോപണങ്ങൾ അടിസ്ഥാനമില്ലാത്തതാണെന്നും സർക്കാർ ചെയ്യുന്ന നല്ല പ്രവർത്തനങ്ങളുടെ കൂടെയാണ് താനെന്നും അദ്ദേഹം പ്രതികരിച്ചു.

photo credit | malayalam.samyam.com

L A T E S T |

ന്യൂഡൽഹി: ബന്ധുനിയമന വിവാദത്തിലെ ലോകായുക്ത റിപ്പോർട്ടിനെതിരെ മുൻ മന്ത്രി കെ ടി ജലീൽ സുപ്രീം കോടതിയെ സമീപിച്ചു.ലോകായുകത സ്വാഭാവിക നീതി നിഷേധിച്ചു എന്നാണ് ജലീൽ ഹർജിയിൽ ആരോപിക്കുന്നത്.

ലോകായുക്ത റിപ്പോർട്ടും ഹൈക്കോടതി വിധിയും അടിയന്തിരമായി സ്റ്റേ ചെയ്യണമെന്നാവശ്യപ്പെട്ടാണ് ജലീൽ സുപ്രീം കോടതിയെ സമീപിച്ചിരിക്കുന്നത്.

ബന്ധുവായ കെ ടി അദീപിന് ന്യുന പക്ഷ വികസന ധനകാര്യ കോർപറേഷനിൽ ജോലി നൽകിയതുമായി ബന്ധപ്പെട്ട വിവാദത്തിലാണ് ജലീൽ ലോകായുകത റിപ്പോർട്ടിന്റെ പശ്ചാത്തലത്തിൽ മന്ത്രിസ്ഥാനം രാജിവെക്കേണ്ടിവന്നത് മ ന്ത്രി സ്വജന പക്ഷപാതം കാണിച്ചു എന്നാണ് ലോകായുക്ത റിപ്പോർട്ട് വന്നത്.

എന്നാൽ സ്വജന പക്ഷപാതം നടന്നിട്ടില്ല എന്നാണ് കെ ടി ജലീൽ സുപ്രീം കോടതിയിൽ നൽകിയ ഹർജിയിൽ പറയുന്നത്. പ്രഥമിക അന്വേഷണം നടത്താതെയും തന്റെ ഭാഗം കേൾക്കാതെയുമാണ് ലോകായുകത റിപ്പോർട്ട് വന്നതെന്ന് ഹർജിയിൽ ജലീൽ ആരോപിക്കുന്നു.

മഞ്ചേരി: ജീവിക്കാൻ അനുവദിക്കണമെന്ന ആവശ്യവുമായി രശീതുമാലയണിഞ്ഞ് പ്രതിഷേധിച്ച യുവാവിന്റെ ഒറ്റയാൾ സമരം ശ്രദ്ധേയമായി.

ടിപ്പർ ലോറി ഡ്രൈവറായ മഞ്ചേരി പുൽപ്പറ്റ സ്വദേശി റിയാസാണ് കോവിഡ് കാലത്ത് വാഹനങ്ങൾ തടഞ്ഞ് അനാവശ്യ പിഴ ഈടാക്കുന്ന ഉദ്യോഗസ്ഥർക്കെതിരെ പിഴയടപ്പിച്ചതിന്റെ രശീത് മാലയണിഞ്ഞ് പ്രതിഷേധിച്ചത്.

250 രൂപ മുതൽ 10000 രൂപവരെയുള്ള പിഴയടച്ച 35ഓളം രശീതുകൾ മാലയാക്കി കഴുത്തിലണിഞ്ഞാണ് പ്രതിഷേധം.നിർമ്മാണ മേഖലയ്ക്ക് പ്രവർത്തിക്കാൻ അനുമതി നൽകിയിട്ടും ഉദ്യോഗസ്ഥർ ജീവിക്കാൻ അനുവദിക്കുന്നില്ല എന്നാരോപിച്ചാണ് പ്രതിഷേധം.

"ബഹുമാനപ്പെട്ട മുഖ്യമന്ത്രിയുടെ ശ്രദ്ധയിലേക്ക്,ചെങ്കല്ല് വാഹന സർവീസിനും അനുമതി നൽകിയിട്ടും വഴിനീളെ ഉദ്യോഗസ്ഥർ നടത്തുന്ന അനാവശ്യ പരിശോധനമൂലം ബുദ്ധിമുട്ടിലായ ഒരു ഡ്രൈവറുടെ ജീവിക്കാണ് വേണ്ടിയുള്ള സമരം" എണ്ണെഴുതിയ പ്ലക്കാർഡുകളുമായാണ് ഒറ്റയാൾ സമരം.

ഒരു തരത്തിലും ജീവിക്കാൻ അനുവദിക്കുന്നില്ല എന്നാണ് ഇദ്ദേഹത്തിന്റെ ആരോപണം.ജനാധിപത്യ ഭരണത്തിൽ ജനങ്ങളെ പിഴിഞ്ഞ് സർക്കാർ എന്തിനാണ് ഇങ്ങനെ പണമുണ്ടാക്കുന്നത്? ജീവിക്കാൻ അനുവദിക്കണമെന്നും അദ്ദേഹം മുഖ്യമന്ത്രി പിണറായി വിജയനോട് അഭ്യർത്ഥിച്ചു.

ജീവിക്കാൻ വേണ്ടിയുള്ള സമരമാണ് ഇതെന്നും ഒരു തരത്തിലും ഉദ്യോഗസ്ഥർ ജീവിക്കാൻ അനുവദിക്കുന്നില്ലെന്നും റിയാസ് ആരോപിച്ചു.നാല് ദിവസമാണ് ഈ ആഴ്ച്ച വണ്ടി ഓടിയത്.അതിൽ 1250 രൂപ പിഴ അടച്ചു.പോലീസുകാരേക്കാൾ ബുദ്ധിമുട്ടിക്കുന്നത് ജിയോളജി,റവന്യു ഉദ്യോഗസ്ഥരാണെന്നും ഇദ്ദേഹം ആരോപിക്കുന്നു.ആകെ 500 രൂപയാണ് കൂലി കിട്ടുന്നത്.അതിൽനിന്ന് പിഴകൂടി കൊടുത്താൽ ജീവിക്കണ്ടേ ? റിയാസ് ചോദിക്കുന്നു.

കല്ല് വെട്ടാൻ അനുമതി ഇല്ല എന്നാൽ ക്വറികൾ പ്രവർത്തിക്കുന്നു. ചെങ്കല്ല് കയറ്റി പോകുന്ന വാഹനങ്ങൾ പിടിക്കരുതെന്ന് മുഖ്യമന്ത്രി പത്രസമ്മേളനത്തിൽ പറഞ്ഞതുകൊണ്ടാണ് വണ്ടി റോഡിൽ ഇറക്കിയതെന്നും സൗദി അറേബ്യയിൽ പോയി വണ്ടി ഓടിച്ചിട്ടും ഇത്ര ബുദ്ധിമുട്ട് ഉണ്ടായിട്ടില്ലെന്നും ഇദ്ദേഹം പറയുന്നു.

photo credit | mbionline

L I V E |

കോഴിക്കോട്: കോഴിക്കോട് കല്ലായിയിൽ റെയിൽ പാളത്തിൽ സ്ഫോടക വസ്തു കണ്ടെത്തി.

കല്ലായി സിമന്റ് യാർഡിയിലേക്കുള്ള പാളത്തിലാണ് സ്ഫോടക വസ്തു കണ്ടെത്തിയത്.റെയിൽ പാളം പരിശോധന നടത്തുകയായിരു ന്ന ജീവനക്കാരാണ് കണ്ടെത്തിയത്.

സിറ്റി പൊലീസ് കമ്മീഷണറുടെ നേതൃത്വത്തിൽ ബോംബ് സ്ക്വാഡ് സ്ഥലത്തെത്തി പരിശോധന നടത്തുന്നു.

സിമന്റ് യാർഡിലേക്കുള്ള പാളമായതിനാൽ ട്രെയിൻ വരാനുള്ള സാധ്യത ഇല്ലെങ്കിലും ഉടൻ തന്നെ ജീവനക്കാർ അധികൃതരെ വിവരം അറിയിക്കുകയും റെയിൽവേ അധികൃതർ പോലീസിനെ വിവരം അറിയിക്കുകയുമായിരുന്നു.

എന്നാൽ സമീപത്തെ വീട്ടിൽ നടന്ന കല്യാണ സമയത്ത് ഉപയോഗിച്ചതിന്റെ അവശിഷ്ടമാണ് ഇതെന്ന് പോലീസ് സംശയിക്കുന്നുണ്ട്.സ്ഥിരീകരണം ഉണ്ടായാൽ വീട്ടുകാർക്കെതിരെ കേസെടുക്കുമെന്നും പോലീസ് അറിയിച്ചു.

file photo |credit mbionline

L I V E |

തിരുവനന്തപുരം: നിയമസഭാ കയ്യാങ്കളി കേസിൽ സുപ്രീം കോടതി വിധിയുടെ പശ്ചാത്തലത്തിൽ മന്ത്രി വി ശിവൻകുട്ടിയുടെ രാജ്യാവശ്യപ്പെട്ട് സംസ്ഥാന വ്യാപക പ്രതിഷേധം.തലസ്ഥാനത്ത് സംഘർഷം.

വിവിധ സംഘടനകൾ നിയമസഭാ മാർച്ച് നടത്തിയത് സംഘർഷത്തിൽ കലാശിച്ചു.എ ബി വി പി രാവിലെ മുതൽ നടത്തിയ സെക്രെട്ടറിയേറ്റ് മാർച്ചും സംഘർഷത്തിൽ കലാശിച്ചു.

ബാരിക്കേഡ് തകർത്ത് ഉള്ളിലേക്ക് കയറാൻ ശ്രമിച്ച പ്രവർത്തകരെ പോലീസ് തടഞ്ഞതോടെയാണ് സംഘർഷം ഉണ്ടായത്.
പ്രവർത്തകരും പോലീസും തമ്മിൽ ഉന്തും തള്ളുമായതോടെ പോലീസ് ജലപീരങ്കി പ്രയോഗിച്ചു.

തുടർന്ന് പ്രവർത്തകരെ അറസ്റ്റ് ചെയ്ത് നീക്കുകയായിരുന്നു.കെ എസ് യു മാർച്ച് സെക്രെട്ടറിയേറ്റിൽ ഉടൻ എത്തും.വിവിധ യുവജന സംഘടനകളും സെക്രെട്ടറിയേറ്റ് മാർച്ച് നടത്തുന്നുണ്ട്.

കണ്ണൂർ: ഒന്നാം ഡോസ് വാക്‌സിൻ സ്വീകരിക്കുന്നവർ കോവിഡ് പരിശോധന നടത്തണമെന്ന കണ്ണൂർ കളക്ടറുടെ വിവാദ ഉത്തരവ് പിൻവലിച്ചു.

വിവാദ ഉത്തരവിനെതിരെ യുണ്ടായ കനത്ത പ്രതിഷേധത്തെ തുടർന്ന് മുഖ്യമന്ത്രി ഇടപെട്ടതിനെ തുടർന്നാണ് കണ്ണൂർ കളക്ടർ ടി വി സുഭാഷ് ഇറക്കിയ ഉത്തരവ് പിൻവലിച്ചത്.വിഷയത്തിൽ സംസ്ഥാന ആരോഗ്യ സെക്രെട്ടറിയുടെ ഇടപെടലും ഉണ്ടായിരുന്നു.

സംസ്ഥാന സർക്കാരിന്റെ നയങ്ങൾക്ക് വിരുദ്ധമായ കളക്ടറുടെ നിലപാടിലുള്ള അതൃപ്തി ആരോഗ്യ സെക്രട്ടറി കളക്ടറെ നേരത്തെ തന്നെ അറിയിച്ചിരുന്നു.

ഇതേ ഉത്തരവിറക്കിയ കാസർഗോഡ് കളക്ടർ ഉത്തരവ് ചൊവ്വാഴ്ച്ച രാവിലെ തന്നെ പിൻവലിച്ചിരുന്നു.

വാക്‌സിൻ സ്വീകരിക്കാനെത്തുന്നവർ കോവിഡ് പരിശോധന നടത്തണമെന്ന കളക്ടറുടെ ഉത്തരവ് കേന്ദ്ര വാക്‌സിനേഷൻ മാനദണ്ഡങ്ങളുടെ ലംഘനമാണെന്ന് പരാതി ഉയർന്നിരുന്നു.

വിവാദ ഉത്തരവ് പശ്ചാത്തലത്തിൽ കണ്ണൂർ കളക്ടറേറ്റിന് മുന്നിൽ വിവിധ പ്രതിപക്ഷ സംഘടനകൾ പ്രതിഷേധം ഉയർത്തിയിരുന്നു

L I V E |ON AIR

തിരുവനന്തപുരം: സംസ്ഥാനത്തെ പ്ലസ് ടു പരീക്ഷാ ഫലം നാളെ പ്രഖ്യാപിക്കും.ഉച്ചയ്ക്ക് മൂന്ന് മണിക്ക് ഔദ്യോഗിക പ്രഖ്യാപനം ഉണ്ടാകും.സർക്കാരിന്റെയും വിദ്യാഭ്യാസ വകുപ്പിന്റെയും വിവിധ വെബ്സൈറ്റുകളിൽ പരീക്ഷാ ഫലം ലഭ്യമാകും.

L A T E S T |

തിരുവനന്തപുരം: ചാരക്കേസിൽ ദുരൂഹ വഴിത്തിരിവായി നമ്പി നാരായണൻ മുൻ സിബിഐ ഉദ്യോഗസ്ഥർക്ക് ഭൂമി നൽകിയതായി രേഖകൾ.

ഐ എസ് ആർ ഓ ശാത്രജ്ഞൻ നമ്പി നാരായണൻ ചാരക്കേസ് അന്വേഷിച്ച മുൻ സിബിഐ ഉദ്യോഗസ്ഥർക്ക് ഭൂമി കൈമാറിയതായി പറയപ്പെടുന്ന രേഖകളാണ് പുറത്തു വന്നത്.

കേസിൽ പ്രതിയാക്കപ്പെട്ട് പീഡിപ്പിക്കപ്പെട്ടതിന്റെ പേരിൽ പൊതു ഖജനാവിൽ നിന്ന് ഒരു കോടി 91 ലക്ഷം രൂപ നമ്പി നാരായണൻ അടുത്തിടെ സ്വീകരിച്ചിരുന്നു.

തന്റെയും മകൻ ശങ്കര കുമാറിന്റെയും പേരിലുള്ള ഭൂമി ചാരക്കേസ് അന്വേഷിച്ച മുൻ സിബിഐ ഡി ഐ ജി രാജേന്ദ്ര നാഥ് കൗൾ ഉൾപ്പെടെയുള്ളവർക്ക് കൈമാറി എന്നതാണ് ആരോപണം.1995 സിബിഐ ചാരക്കേസ് അന്വേഷണ വേളയിൽ ചെന്നൈയിലെ ദക്ഷിണ മേഖല തലവനായിരുന്നു രാജേന്ദ്രനാഥ് കൗൾ.

ചാരക്കേസ് അന്വേഷിച്ച ഉദ്യോഗസ്ഥ സംഘത്തിലെ മുൻ ഡിജിപി സിബി മാത്യൂസ്, മുൻ എസ് പി മാരായ എസ് വിജയൻ,തമ്പി എസ് ദുർഗാദത്ത് എന്നിവരുടെ ഹർജിയിലാണ് ഭൂമി കൈമാറ്റ രേഖകൾ കോടതിയിൽ സമർപ്പിച്ചത്.

ഇതോടെ കോളിളക്കം സൃഷ്‌ടിച്ച ചാരക്കേസ് പുതിയ വഴിത്തിരിവിലേക്ക് കടക്കുമെന്നാണ് വിലയിരുത്തപ്പെടുന്നത്.നീണ്ട കാലത്തേ പീഡന കഥകളിലൂടെ കേസിലെ ഇര ആയി വ്യാഖ്യാനിക്കപ്പെടുകയും ഇപ്പോൾ സർക്കാരിൽനിന്ന് നഷ്ടപരിഹാരം അടക്കം സ്വീകരിച്ച നമ്പി നാരായണന്റെ പേരിലുള്ള പുതിയ ആരോപണങ്ങൾ വൻ വഴിത്തിരിവുകൾ ഉണ്ടാക്കിയേക്കും.

എന്നാൽ കോടതിയിൽ പരിഗണയിലുള്ള വിഷയമായതിനാൽ പ്രതികരിക്കുന്നില്ല എന്നാണ് നമ്പി നാരായണന്റെ പ്രതികരണം.

L I V E |

തിരുവനന്തപുരം: ബജറ്റ് പാസാക്കാനുള്ള നിയമസഭാ സമ്മേളനത്തിന് തുടക്കമായി.

ഫോൺ വിളി വിവാദത്തിൽ കുടുങ്ങിയ മന്ത്രി എ കെ ശശീന്ദ്രന്റെ രാജിക്കായി പ്രതിപക്ഷം അടിയന്തിര പ്രമേയത്തിന് നോട്ടീസ് നൽയെങ്കിലും അനുമതി നിഷേധിച്ചു.അടിയന്തിര പ്രമേയാനുമതി നിഷേധിച്ചതിൽ പ്രതിഷേധിച്ച് പ്രതിപക്ഷം സഭയിൽനിന്ന് ഇറങ്ങിപ്പോയി.

സർക്കാർ വേട്ടക്കാർക്കൊപ്പം ആണെന്നും സ്ത്രീകൾ ആക്രമിക്കപ്പെടുന്ന സംസ്ഥാനത്ത് മുഖ്യമന്ത്രി തല കുനിച്ചിരിക്കയാണെന്നും പ്രതിപക്ഷ നേതാവ് വി ഡി സതീശൻ ആരോപിച്ചു.

വിഷയത്തിൽ നിയമസഭയ്ക്കകത്തും പുറത്തും പ്രതിപക്ഷം പ്രക്ഷോഭം നടത്തും.ശശീന്ദ്രന്റെ രാജി ആവശ്യപ്പെട്ട് വിവിധ പ്രതിപക്ഷ സംഘടനകൾ നിയമസഭയിലേക്ക് ഇന്ന് മാർച്ചും നടത്തുന്നുണ്ട്.

പൊതു ഭരണ വകുപ്പിന്റെ ധനാഭ്യർത്ഥനയാണ് സഭയിൽ ഇന്ന് ചർച്ച ചെയ്യേണ്ടിയിരുന്നത്.ഇതിനിടയിൽ സർക്കാരിനെതിരെ ഉയർന്ന വിവിധ ആരോപണങ്ങൾ പ്രതിപക്ഷം സഭയിൽ ഉന്നയിക്കാനായിരുന്നു പരിപാടി.വ്യാഴാഴ്ച്ച രാവിലെ ചേർന്ന പ്രതിപക്ഷ നേതാക്കളുടെ യോഗം സഭയിൽ ഇന്ന് പയറ്റേണ്ട തന്ത്രം ചർച്ച ചെയ്തിരുന്നു.

L A T E S T |

തൃപ്പുണിത്തുറ: പ്രശസ്ത നടൻ കെ ടി എസ് പടന്നയിൽ അന്തരിച്ചു.88 വയസായിരുന്നു.കടവന്ത്രയിലെ സ്വകാര്യ ആശുപത്രിയിൽ വാർധക്യ സഹജമായ അസുഖങ്ങളെ തുടർന്ന് ചികിത്സയിലായിരുന്നു.

നാടകങ്ങളിലൂടെയും തുടർന്ന് സീരിയലുകളിലൂടെയും സിനിമയിലേക്ക് അരങ്ങേറ്റം കുറിച്ച പടന്നയിൽ പെട്ടന്ന് തന്നെ സിനിമയിൽ ശ്രദ്ധേയനായി.1990കളിൽ മലയാള സിനിമയിലെ ഒഴിച്ചു കൂടാനാകാത്ത സാന്നിധ്യമായി.

സിനിമ നടനായിരിക്കുമ്പോഴും തൃപ്പൂണിത്തുറയിൽ പെട്ടിക്കട നടത്തിയിരുന്നു.140 ഓളം സിനിമകളിൽ അഭിനയിച്ചു.രാജസേനൻ സിനിമകളിലാണ് മികച്ച ഹാസ്യ വേഷങ്ങൾ ചെയ്തത്.അനിയൻ ബാവ ചേട്ടൻ ബാവയാണ് ആദ്യ സിനിമ.ശ്രീകൃഷ്ണപുരത്ത് നക്ഷത്രത്തിളക്കം,വൃദ്ധന്മാരെ സൂക്ഷിക്കുക തുടങ്ങിയവയാണ് ശ്രദ്ധേയ സിനിമകൾ.

1956ൽ വിവാഹ ദല്ലാൾ എന്ന നാടകത്തിയോടെയാണ് അഭിനയ രംഗത്തെ അരങ്ങേറ്റം.തുടർന്ന് അമേച്ചർ പ്രൊഫഷണൽ നാടകങ്ങളിൽ അഭിനയിച്ചു.അഞ്ച് രൂപയായിരുന്നു അന്നത്തെ പ്രതിഫലം എന്ന് അദ്ദേഹം ഒരിക്കൽ പറഞ്ഞിട്ടുണ്ട്.വൈക്കം മാളവിക,ചങ്ങനാശ്ശേരി ഗീഥ,കൊല്ലം ട്യൂണ,ആറ്റിങ്ങൽ പത്മശ്രീ,ഇടക്കൊച്ചി സർഗ്ഗചേതന തുടങ്ങിയ നാടക സമിതികളിൽ പ്രവർത്തിച്ചു.

ഭാര്യ: രമണി ,മകൾ : ശ്യാം,സ്വപ്ന ,സാജൻ,സന്നൻ.

L A T E S T |

ആലപ്പുഴ: എൻ സി പി നേതാവിനെതിരെയുള്ള പീഡന പരാതി ഒത്തു തീർപ്പാക്കാൻ മന്ത്രി എ കെ ശശീന്ദ്രൻ ഇടപെട്ടതായി ആരോപണം. പെൺകുട്ടിയുടെ അച്ഛനുമായി ഒത്തു തീർപ്പിനായി മന്ത്രി സംസാരിക്കുന്നതിന്റെ ശബ്ദരേഖ പുറത്ത്.

എൻ സി പി നേതാവ് പെൺകുട്ടിയെ ഉപദ്രവിച്ച കേസിലാണ് മന്ത്രിയുടെ ഇടപെടൽ.പ്രശ്നം നല്ല നിലയിൽ തീർക്കണമെന്നാണ് മന്ത്രി ആവശ്യപ്പെട്ടത്.

തദ്ദേശ തിരഞ്ഞെടുപ്പ് കാലത്ത് ഉണ്ടായ സംഭവങ്ങളുടെ തുടർച്ചയാണ് പരാതിയും ഇടപെടലും എന്ന് പറയുന്നു.പെൺകുട്ടിയുടെ അച്ഛൻ എൻ സി പി പ്രാദേശിക നേതാവാണ്.എന്നാൽ പെൺകുട്ടി യുവമോർച്ച പ്രവർത്തകയാണ്.തദ്ദേശ തിരഞ്ഞെടുപ്പിൽ ബിജെപി സ്ഥാനാർത്ഥിയായി മത്സരിക്കുകയും ചെയ്തിരുന്നു.

അന്ന് മുതൽ പെൺകുട്ടിയുടെ ചിത്രങ്ങൾ സമൂഹ മാധ്യമങ്ങളിൽ അപകീർത്തിപരമായ പ്രചരിപ്പിച്ചു എന്നും പരാതിയുണ്ട്.കഴിഞ്ഞ 28ന് തന്നെ കുണ്ടറ പോലീസിൽ പരാതി നൽകിയെങ്കിലും പഠിക്കട്ടെ എന്ന് പറഞ്ഞ് നടപടി എടുത്തില്ല.തുടർന്ന് പെൺകുട്ടി സിറ്റി പോലീസ് കമ്മീഷണർക്ക് പരാതി നൽകിയെങ്കിലും ഫലമുണ്ടായില്ല.

ഇതിനിടയിലാണ് പരാതി പരിഹരിക്കാനായി മന്ത്രി ഇടപെട്ടതായുള്ള ആക്ഷേപം വരുന്നത്.എന്നാൽ പാർട്ടിക്കാർ തമ്മിലുള്ള കുടുംബ പ്രശ്നമാണെന്നും പാർട്ടി നിർദേശപ്രകാരമാണ് മന്ത്രി വിളിച്ചതെന്നുമാണ് വിശദീകരണം.

L I V E |

കോഴിക്കോട്: കോഴിക്കോട് മിഠായി തെരുവിലെ വഴിയോരക്കച്ചവടക്കാർക്ക് നാളെ മുതൽ തുറക്കാൻ അനുമതി ഇല്ലെന്നും തുറന്നാൽ നടപടിയെടുക്കുമെന്നും പോലീസ് മുന്നറിയിപ്പ്.

തിരക്ക് നിയന്ത്രിക്കാനാണ് നടപടി എന്നാണ് സിറ്റി പോലീസ് കമ്മിഷണർ എ വി ജോർജ് അറിയിച്ചിരിക്കുന്നത്.വഴിയോര കച്ചവട കേന്ദ്രങ്ങളിൽ കോവിഡ് നിയന്ത്രണങ്ങൾ പാലിക്കപ്പെട്ടില്ല എന്നാണ് പോലീസ് വിശദീകരണം.

നാളെ മുതൽ വഴിയോര കച്ചവടം നടത്തിയാൽ കേസെടുക്കുമെന്നാണ് പോലീസ് അറിയിച്ചിരിക്കുന്നത്.എന്നാൽ വഴിയോര കച്ചവടം നിരോധിച്ചത് സംബന്ധിച്ച് സിറ്റി പോലീസ് കമ്മിഷണറുമായി നാളെ ചർച്ച നടത്തുമെന്ന് വ്യാപാരികൾ അറിയിച്ചു.

BREAKING NEWS |

കൊച്ചി:ചുളിക്കണ്ടത്ത് പശുക്കൾക്ക് നേരെ തുടർച്ചയായി ആസിഡ് ആക്രമണം നടത്തുന്നത് ഗൗരവമുള്ള വിഷയമാണെന്നും എത്രയും പെട്ടന്ന് മാനസിക വൈകല്യമുള്ള സാമൂഹ്യദ്രോഹികളെ നിയമത്തിന് മുന്നിൽ കൊണ്ടുവരാൻ പൊലീസിന് നിർദേശം നൽകിയിട്ടുണ്ടെന്നും മന്ത്രി ജെ ചിഞ്ചുറാണി പറഞ്ഞു.

കവളങ്ങാട് പഞ്ചായത്തിലെ ചുള്ളിക്കണ്ടത്താണ് കഴിഞ്ഞ കുറച്ച് മാസങ്ങളായി പശുക്കൾക്ക് നേരെ അജ്ഞാതർ ആസിഡ് ആക്രമണം നടത്തുന്നത്.മേയാൻ വിടുന്ന പശുക്കളുടെ മേൽ ആസിഡ് ഒഴിച്ചതായാണ് കാണപ്പെടുന്നത്.

ബൈക്കുകളിൽ എത്തി ആസിഡ് ഒഴിച്ച് സാമൂഹ്യ ദ്രോഹികൾ രക്ഷപ്പെടുന്നതായാണ് പോലീസ് സംശയിക്കുന്നത്.ഇതുസംബന്ധിച്ച് ആരും ഇതുവരെ പോലീസിൽ പരാതി നൽകിയിട്ടില്ല എന്നതാണ് അത്ഭുതപ്പെടുത്തുന്ന കാര്യം.മാനസിക വൈകല്യമുള്ളവർക്ക് മാത്രമേ മിണ്ടാപ്രാണികളോട് ക്രൂരത കാണിക്കാൻ കഴിയു എന്ന് മന്ത്രി പറഞ്ഞു

ഏതെല്ലാം പ്രദേശങ്ങളിലാണ് ഇത്തരത്തിൽ സംഭവിച്ചിട്ടുള്ളത് എന്ന് പോലീസ് ഉടൻ കണ്ടെത്തും.ശക്തമായ നടപടികൾ സ്വീകരിക്കും.ഒരു വർഷത്തിനിടയിൽ കവളങ്ങാട് പഞ്ചായത്തിലെ 12 ഓളം പശുക്കളുടെ മേൽ അജ്ഞാതർ ആസിഡ് ഒഴിച്ചിട്ടുണ്ട്.റബർ പാൽ ഉറയിടാനുനുള്ള ഫോർമിക് ആസിഡാണ് ഒഴിക്കുന്നത്.പശുക്കളുടെ മേൽ വ്രണമായി പഴുത്ത് പൊട്ടി മാംസം പുറത്തുവന്ന നിലയിലാണ്.

വർഷങ്ങൾക്ക് മുൻപ് കണ്ണൂർ ജില്ലയിൽ സമാനമായ രീതിയിൽ അജ്ഞാത സംഘം തെരുവ് നായ്ക്കളുടെ കഴുത്തിന് വലിയ വാളുകൾ പോലുള്ള ആയുധങ്ങൾ കൊണ്ട് വെട്ടിയത് വലിയ വാർത്തയായിരുന്നു.

SPECIAL EDITION |

തിരുവനന്തപുരം: സംസ്ഥാന സർക്കാരിന്റെ ഇന്റർനെറ്റ് റേഡിയോ 'റേഡിയോ കേരള' യിലൂടെ തിങ്കളാഴ്ച്ച മുതൽ ഓൺലൈൻ ക്ലാസുകളെ ആസ്പദമാക്കിയുള്ള പ്രത്യേക പരിപാടികൾ പ്രക്ഷേപണം ചെയ്യും.

യു പി, ഹൈസ്കൂൾ പാഠഭാഗങ്ങളെ ആസ്പദമാക്കിയുള്ള പരിപാടികളാണ് പ്രക്ഷേപണം ചെയ്യുക."പാഠം" എന്ന പരിപാടിയിലൂടെ കോവിഡ് സാഹചര്യത്തിൽ ഓൺലൈൻ പ്ലാറ്റ്‌ഫോമിലേക്ക് മാറാൻ നിർബന്ധിതരായ അഞ്ച് മുതൽ പത്ത് വരെ ക്ലാസുകളിലെ വിദ്യാർത്ഥികൾക്ക് സഹായകരമായ പരിപാടികളാണ് ആസൂത്രണം ചെയ്തിട്ടുളത്.

തിങ്കളാഴ്ച്ച മുതൽ www.radio.kerala.gov.in എന്ന വെബ്സൈറ്റിലും റേഡിയോ കേരളാ ആപ്പ് വഴിയും പരിപാടികൾ കേൾക്കാം.

L I V E |

തിരുവനന്തപുരം: വിവാദ മരം മുറിയിൽ ആരോപണ വിധേയനായ ഉദ്യോഗസ്ഥനെതിരെ നടപടി എടുക്കും.

ആരോപണ വിധേയനായ ഉദ്യോഗസ്ഥൻ എൻ ടി സാജനെ സസ്‌പെൻഡ് ചെയ്യാനുള്ള ശുപാർശ വനം വകുപ്പ് സംസ്ഥാന ചീഫ് സെക്രട്ടറിക്ക് കൈമാറി.

അന്വേഷണം വഴി തെറ്റിക്കാനും അട്ടിമറിക്കാനും ശ്രമിച്ചു എന്ന കണ്ടെത്തലിന്റെ അടിസ്ഥാനത്തിലാണ് നടപടി.റേഞ്ച് ഓഫീസറെ കുടുക്കാൻ ശ്രമിച്ചിരുന്നു എന്നും ആരോപണം ഉയർന്നിരുന്നു. മരം മുറി കണ്ടെത്തിയ ഉദ്യോഗസ്ഥൻ സമീർ ഇത് സംബന്ധിച്ച് പരാതി നൽകിയിരുന്നു.

കോഴിക്കോട്: മുൻ എം എൽ എ കെ എം ഷാജിയുടെ അനധികൃത സ്വത്ത് സമ്പാദന കേസുമായി ബന്ധപ്പെട്ട് വിജിലൻസ് സംഘം കർണാടക യിലേക്ക്.ഷാജിയുടെ ഇഞ്ചി കൃഷി തേടിയാണ് വിജിലൻസ് കർണാടക ത്തിലേക്ക് പോകുന്നത്.

ഇഞ്ചി കൃഷിയാണ് പ്രധാന വരുമാന മാർഗമെന്ന് ഷാജി വിജിലൻസിന് മൊഴി കൊടുത്തിരുന്നു.വിജിലൻസ് പല തവണ ഷാജിയുടെ മൊഴിയെടുക്കാൻ വിളിച്ചിരുന്നെങ്കിലും മൊഴികളിലെ വൈരുധ്യവും ഇഞ്ചി കൃഷി സംബന്ധിച്ച പരാമർശവും കാരണമാണ് കർണ്ണാടകത്തിലെ അന്വേഷണത്തിന് പ്രേരകമായത്.

കൃഷി തന്നെയാണോ അതോ ഭൂമി ഇടപാടുകൾ ഉണ്ടോ എന്ന് കൂടി അന്വേഷിക്കും.അനധികൃത സ്വത്ത് സമ്പാദനക്കേസിൽ വിജിലൻസ് ഷാജിക്കെതിരെ കേസെടുത്തിരുന്നു.

L I V E |

തിരുവനന്തപുരം: സെക്രെട്ടറിയേറ്റിൽ മന്ത്രിമാരുടെ ഓഫീസിൽ കർശന നിയന്ത്രണം.മന്ത്രിമാരെയും വകുപ്പ് മേധാവിമാരെയും കൂടി ക്കാഴ്ച നടത്തുന്നതിന് നിയന്ത്രണങ്ങൾ ഏർപ്പെടുത്തി.

പാസ് അനുവദിക്കുന്നത് കർശന പരിശോധനകൾക്ക് ശേഷമായിരി ക്കും.ജീവനക്കാർ തിരിച്ചറിയൽ കാർഡ് നിർബന്ധമായും ധരിക്കണം.

N E X T S T O R Y |

പാസ് ഉള്ള വാഹനങ്ങൾ മാത്രമേ പ്രവേശനം ഉണ്ടാവുകയുള്ളു. ജീവനക്കാരുടെ വാഹനങ്ങളും പാസ് ഉണ്ടെങ്കിൽ മാത്രമേ കടത്തി വീടുകയുള്ളു എന്നും ഔദ്യോഗിക അറിയിപ്പ് ഉണ്ട്.

ON AIR |

തിരുവനന്തപുരം: പട്ടിക ജാതി വകുപ്പിലെ അഴിമതിക്കെതിരെ നടപടിയെടുത്തതിന് തനിക്കെതിരെ വധ ഭീഷണിയുണ്ടെന്ന് മന്ത്രി കെ രാധാകൃഷ്ണൻ വെളിപ്പെടുത്തി.

ലാൻഡ് ഫോണിൽ വിളിച്ചാണ് തന്നെ ഭീഷണിപ്പെടുത്തിയതെന്ന് മന്ത്രി പറഞ്ഞു.പട്ടിക ജാതി വകുപ്പിലെ അഴിമതിയെക്കുറിച്ചുള്ള അന്വേഷണം മാർച്ചിൽ തുടങ്ങിയതാണെന്നും എന്നാൽ ചർച്ചയായത് ഇപ്പോൾ മാത്രമാണെന്നും മന്ത്രി രാധാകൃഷ്ണൻ പറഞ്ഞു.

നടപടികൾ തുടങ്ങിയതോടെ ഭീഷണി ഉണ്ടെന്ന് കഴിഞ്ഞ ദിവസം മന്ത്രി പറഞ്ഞിരുന്നെങ്കിലും ഫോണിൽ ഭീഷണിപ്പെടുത്തിയെന്ന് മന്ത്രി തന്നെ വെളിപ്പെടുത്തുന്നത് ആദ്യമാണ്.മന്ത്രിയെ ഭീഷണിപ്പെടുത്തിയ സംഭവത്തിൽ പരാതി നൽകുമെന്ന് മന്ത്രിയുടെ ഓഫീസ് അറിയിച്ചു.

അഴിമതിക്കാരെ സംരക്ഷിക്കില്ലെന്നും പാവപ്പെട്ടവരെ പറ്റിക്കുകയും കയ്യിട്ട് വാരുന്ന മാനസികാവസ്ഥ ഉള്ളവരെ അതെ രീതിയിൽ തന്നെ കൈകാര്യം ചെയ്യുമെന്നും മന്ത്രി രാധാകൃഷ്ണൻ പറഞ്ഞു.

N E X T S T O R Y |

L I V E |ON AIR

കൊച്ചി: വാക്‌സിൻ ചലഞ്ചിൽ നിർബന്ധിത പിരിവ് പാടില്ലെന്ന് ഹൈക്കോടതി നിർദേശിച്ചു.

വാക്‌സിൻ ചലഞ്ച് വഴി മുഖ്യമന്ത്രിയുടെ ദുരിതാശ്വാസ നിധിയിയിലേക്കുള്ള പണ പിരിവിലാണ് ഹൈക്കോടതി നിർദേശം. ഒരു ദിവസത്തെ തുക പെൻഷനിൽ നിന്ന് പിടിച്ചെടുത്തത് സംബന്ധിച്ചുള്ള മുൻ കെ എസ് ഇ ബി ജീവനക്കാരുടെ പരാതിയിലാണ് ഹൈക്കോടതി ഇടപെടൽ.

അനുവാദമില്ലാതെ പിടിച്ചെടുത്ത തുക രണ്ടാഴ്ചയ്ക്കകം തിരിച്ചു നൽകണമെന്നും ഹൈക്കോടതി നിർദേശിച്ചു.മേലിൽ ഇത് ആവർത്തിക്കില്ലെന്ന് രേഖാമൂലം ഉറപ്പ് നൽകണമെന്നും ഹൈക്കോടതി വ്യക്തമാക്കി.

photo | ANI

L A T E S T |

കൊച്ചി:കരിപ്പൂർ സ്വർണ്ണക്കടത്ത് കേസിൽ അറസ്റ്റിലായ അർജുൻ ആയങ്കിയെ കസ്റ്റഡിയിൽ വേണമെന്ന് ആവശ്യവുമായി കസ്റ്റംസ് ഹൈക്കോടതിയിൽ.

അർജുൻ ആയങ്കിയുടെയും മുഹമ്മദ് ഷാഫിയുടെയും വീട്ടിൽ നടത്തിയ റെയ്‌ഡിൽ നിർണ്ണായക വിവരങ്ങൾ ലഭിച്ചിരുണ്ടെന്നും വീണ്ടും ചോദ്യം ചെയ്യൽ അനിവാര്യമാണെന്നും കസ്റ്റംസ് ഹൈക്കോടതിയിൽ ആവശ്യപ്പെടും.ഇരുവരെയും ഒരുമിച്ച് ഇരുത്തി ചോദ്യം ചെയ്യണമെന്നും കസ്റ്റംസ് പറയുന്നു.

അർജുൻ ആയങ്കിയെ ഒരാഴ്ച കസ്റ്റഡിയിൽ വേണമെന്ന ആവശ്യവുമായി സാമ്പത്തിക കുറ്റ കൃത്യങ്ങൾ അന്വേഷിക്കുന്ന കോടതിയിൽ കസ്റ്റംസ് ആവശ്യപ്പെട്ടെങ്കിലും തള്ളിയിരുന്നു.ഇതിനെ ചോദ്യം ചെയ്താണ് ഹൈക്കോടതിയെ സമീപിക്കുന്നത്.

റെയ്‌ഡിൽ അർജുൻ ആയങ്കിയുടെ ഭാര്യയുടെ കൈവശമുണ്ടായിരുന്ന ഡയറിയും ഷാഫിയുടെ വീട്ടിൽ നിന്ന് ഒരു ഡയറിയും പിടിച്ചെടുത്തിരുന്നു.ഡയറികളിലാണ് നിർണായക വിവരങ്ങൾ ഉള്ളതെന്ന് കസ്റ്റംസ് കണ്ടെത്തിയിട്ടുണ്ട്.

കസ്റ്റംസ് ഇന്ന് ഹൈക്കോടതിയിൽ ഹർജി നൽകും.ചോദ്യം ചെയ്യലിന് ഷാഫിയെയും വിളിപ്പിച്ചിട്ടുണ്ട്.കരിപ്പൂർ സ്വർണ്ണക്കടത്ത് കേസിൽ രണ്ടുപേരെ കൂടി കസ്റ്റഡിയിൽ എടുത്തിട്ടുണ്ട്.പാനൂർ സ്വദേശി അജ്മലും സുഹൃത്തുമാണ് ഇന്നലെ രാത്രി പിടിയിലായത്.

photo | slakshmi/jginewsclt

BREAKING |LIVE

കോഴിക്കോട്:കടകൾ തുറക്കാൻ അനുമതി നൽകണമെന്നാവശ്യപ്പെട്ട് കോഴിക്കോട് മിഠായി തെരുവിൽ വ്യാപാരികളുടെ പ്രതിഷേധം, സംഘർഷം.

കോവിഡ് മാനദണ്ഡങ്ങൾ കാറ്റിൽ പറത്തിയാണ് ഒരു വിഭാഗം യുവജന സംഘടനകൾ പ്രതിഷേധിച്ചത്. ചിലർ കടകൾ തുറക്കാൻ ശ്രമിച്ചതോടെ പോലീസ് ഇടപെടുകയായിരുന്നു.കോവിഡ് മാനദണ്ഡങ്ങൾ ലംഘിച്ച് സമരം നടത്തിയവരെ പോലീസ് അറസ്റ്റ് ചെയ്ത നീക്കുന്നു.

കടകൾ ഇനിയും അടച്ചിടാൻ പറ്റില്ലെന്നാണ് ഒരു വിഭാഗം വ്യാപാരികൾ പറയുന്നത്. മദ്യശാലകൾ തുറന്നിട്ടും കടകൾ തുറക്കാൻ അനുമതി നൽകാത്തത് പ്രതിഷേധാർഹമാണെന്നാണ് സമരക്കാർ പറയുന്നത്. സമരം നടത്തുന്ന വ്യാപാരികൾക്കൊപ്പം ചില യുവജന സംഘടനകൾ കൂടി എത്തിയപ്പോഴാണ് സംരം സംഘർഷഭരിതമായത്.

വ്യാപാരികളുടെ സമരത്തിൽ ആവശ്യമായ നടപടികൾ സ്വീകരിക്കാമെന്ന് കോഴിക്കോട് കളക്ടർ അറിയിച്ചിട്ടുണ്ട്.എന്നാൽ കോവിഡ് മാനദണ്ഡങ്ങൾ പാലിക്കാതെയുള്ള ഒരു സമരവും അനുവദിക്കാനാവില്ലെന്ന നിലപാടിലാണ് സിറ്റി പോലീസ് കമ്മിഷണർ പ്രതികരിച്ചത്.

കോവിഡ് മാനദണ്ഡ ങ്ങൾ പാലിക്കപ്പെടുകയാണ് പ്രധാനമെന്നും ലംഘിച്ചാൽ പോലീസ് നടപടി ഉണ്ടാകുമെന്നും സിറ്റി പോലീസ് കമ്മിഷണർ പറഞ്ഞു. ടെസ്റ്റ് പോസിറ്റിവിറ്റി നിരക്ക് കൂടുതലുള്ള പ്രദേശങ്ങളിൽ നിയന്ത്രണങ്ങൾ കൂടിയേ തീരു എന്ന് മന്ത്രി എ കെ ശശീന്ദ്രനും പ്രതികരിച്ചു.

L I V E |

തിരുവനന്തപുരം: സംസ്ഥാനത്ത് മൂന്ന് പേർക്ക് കൂടി സിക വൈറസ് സ്ഥിരീകരിച്ചു.

ഇതോടെ സംസ്ഥാനത്തെ സിക രോഗികളുടെ എണ്ണം 18 ആയി.ഇന്ന് രോഗം സ്ഥിരീകരിച്ചവരിൽ രണ്ട് വയസുള്ള കുട്ടിയും ഉൾപ്പെടുന്നു. പരിശോധന ഫലം വന്നതിൽ 28 പേരുടെ ഫലം നെഗറ്റിവ് ആണെന്നത് ആശ്വാസമായി.

സിക്ക വൈറസ് പരിശോധന ഇനി മുതൽ സംസ്ഥാനത്തും നടത്തും. സിക പരിശോധന കിറ്റുകൾ സംസ്ഥാനത്തെ നാല് മെഡിക്കൽ കോളേജുകളിൽ എത്തി. കോഴിക്കോട്,തിരുവനന്തപുരം,തൃശൂർ, ആലപ്പുഴ മെഡിക്കൽ കോളേജുകളിലാണ് കിറ്റുകൾ എത്തിയത്.

നേരത്തെ പുണെ വൈറോളജി ഇൻസ്റ്റിട്യൂട്ടിൽ വെച്ചായിരുന്നു സാമ്പിളുകൾ പരിശോധിച്ചിരുന്നത്.സിക വൈറസ് സാന്നിധ്യം കേരളത്തിൽ റിപ്പോർട്ട് ചെയ്തതോടെ പരിശോധനഫലം വൈകുന്നത് ആശങ്കകൾ ഉണ്ടാക്കിയിരുന്നു.

പുണെ വൈറോളജി ഇൻസ്റ്റിട്യൂട്ടാണ് സംസ്ഥാനത്ത് ടെസ്റ്റുകൾ നടത്താനുള്ള അനുമതി നൽകിയത്.കിറ്റുകൾ ലഭ്യമാക്കിയതും ഇവിടെ നിന്ന് തന്നെയാണ്.പരിശോധന ഫലം ലഭ്യമാകാൻ 8 ദിവസമമെങ്കില് എടുക്കും എന്നാണ് സൂചന.

photo credit |asianet news

L I V E | ON AIR

ഇടുക്കി: വണ്ടിപ്പെരിയാർ കേസിലെ പ്രതിയെ തെളിവെടുപ്പിനായി എത്തിച്ചപ്പോൾ നാടകീയ രംഗങ്ങൾ,സംഘർഷം.

പ്രതി അർജുനെ കൊല്ലപ്പെട്ട പെൺകുട്ടിയുടെ വീട്ടിൽ തെളിവെടുപ്പി നായി എത്തിച്ചപ്പോഴാണ് നാട്ടുകാർ പ്രതിഷേധവുമായി രംഗത്തെത്തിയത്.

പ്രതിയെ കണ്ടതോടെ പൊട്ടിത്തെറിച്ച നാട്ടുകാർ കൂകി വിളിക്കുകയും കയ്യേറ്റം ചെയ്യാൻ ശ്രമിക്കുകയും ചെയ്തതോടെ സംഘർഷാവസ്ഥയായി.ഇതിനിടയിൽ നാട്ടുകാരിൽ ഒരാൾ പ്രതിയുടെ കരണത്തടിക്കുകയും ചെയ്തു.പോലീസ് കഠിന ശ്രമം നടത്തിയാണ് പ്രതിയെ വീടിനുള്ളിലെത്തിച്ച് തെളിവെടുപ്പ് നടപടികൾ തുടർന്നത്.

6 വയസുകാരിയെ പീഡിപ്പിച്ച് കൊലപ്പെടുത്തിയ കേസിൽ ഇത് രണ്ടാം തവണയാണ് പ്രതിയെ പെൺകുട്ടിയുടെ വീട്ടിൽ തെളിവെടുപ്പിനായി എത്തിക്കുന്നത്.നേരത്തെ തെളിവെടുപ്പിന് എത്തിയപ്പോഴും നാട്ടുകർ അക്രമാസക്തരായതിനെ തുടർന്ന് വൻ പോലീസ് സന്നാഹത്തോടെ യാണ് തെളിവെടുപ്പിനായി ഇന്ന് എത്തിച്ചത്.

ഡമ്മി ഉപയോഗിച്ചുള്ള തെളിവെടുപ്പിൽ പ്രതി സംഭവങ്ങൾ പൊലീസിന് മുന്നിൽ നിരത്തി.വീട്ടിലെ പഴക്കുല തൂക്കുന്ന കയറിൽ കുട്ടിയെ കെട്ടി തൂക്കിയ ശേഷം ജനൽ വഴി രക്ഷപ്പെടുന്നതും പ്രതി വിവരിച്ചു.

സംഭവത്തിൽ കൂടുതൽ ആളുകളുടെ ഇടപെടൽ ഉണ്ടോ എന്നും പോലീസ് അന്വേഷിക്കുന്നുണ്ട്.അശ്ലീല വീഡിയോയ്ക്ക് അടിമയായ പ്രതി വേറെയും കുറ്റകൃത്യങ്ങളിൽ ഏർപ്പെട്ടിരുന്നു എന്നും അന്വേഷിക്കും.ജൂലൈ 13 വരെ പ്രതി പോലീസ് കസ്റ്റഡിയിൽ തുടരും.

തിരുവനന്തപുരം: സ്വർണ്ണക്കടത്ത് കേസിലെ പ്രതി സരിത്തിന് ജയിലിൽ ഭീഷണിയെന്ന് പരാതി.

ചില നേതാക്കളുടെ പേര് പറയാൻ ഭീഷണിയും സമ്മർദ്ദവും ഉണ്ടെന്നും സരിത്ത് എൻ ഐ എ കോടതിയിൽ പരാതി നൽകി.സ്വർണ്ണക്കടത്ത് കേസിലെ പ്രതി സ്വപ്ന സുരേഷിന്റെ കൂട്ടുപ്രതികളിൽ ഒരാളാണ് സരിത്ത്.

സമ്മർദ്ദവും ഭീഷണിയും ഉണ്ടെന്ന് സരിത്ത് പറഞ്ഞതോടെ പരാതി എഴുതി നൽകാൻ കോടതി ആവശ്യപ്പെട്ടിട്ടുണ്ട്.പ്രതിപക്ഷത്തേയും ബിജെപിയിലെയും ചിലരുടെ പേര് പറയാനാണ് സരിത്തിനെ ചിലർ ഭീഷണിപ്പെടുത്തിയതെന്നാണ് സൂചന.

ഇത്തരത്തിൽ സരിത്തിന് ഭീഷണിയുള്ളതായി നേരത്തെയും റിപോർട്ടുകൾ ഉണ്ടായിരുന്നു. ഇതിന് പിന്നാലെയാണ് സരിത്ത് കോടതിയോട് നേരിട്ട് പരാതി ഉന്നയിച്ചത്.

L A T E S T |

തിരുവനന്തപുരം: ക്രിമിനൽ സംഘങ്ങളെ പാർട്ടി സംരക്ഷിക്കില്ലെന് സിപിഎം സംസ്ഥാന ആക്ടിങ് സെക്രട്ടറി എ വിജയരാഘവൻ പറഞ്ഞു.

പണത്തിന് വേണ്ടി ക്വട്ടേഷൻ പ്രവർത്തനങ്ങൾ നടത്തുന്നവരെ പാർട്ടി സംരക്ഷിക്കുന്നു എന്ന പ്രചാരണം കള്ളമാണെന്ന് അദ്ദേഹം പറഞ്ഞു.

രാമനാട്ടുകര സ്വർണ്ണകള്ളക്കടത്ത് കേസിൽ പ്രതിസ്ഥാനത്തു വന്ന ഒന്നോ രണ്ടോ പ്രതികൾ സമൂഹ മാധ്യമങ്ങൾ വഴി പാർട്ടിക്ക് വേണ്ടി പ്രചാരണം നടത്തുന്നു എന്നതിന്റെ പേരിൽ മാത്രമാണ് പാർട്ടിയെ പഴിക്കുന്നത്.ഇത് സംബന്ധിച്ച വസ്തുതകളും നിലപാടുകളും പാർട്ടി വ്യക്തമാക്കിയതാണ്.

ഇതിൽ ഉൾപെട്ടവരാരും പാർട്ടി പ്രവർത്തകരോ അംഗങ്ങളോ അല്ല.പ്രതികളെ സംരക്ഷിച്ചു എന്ന് പറയുന്നവരെ പാർട്ടി പുറത്താക്കിയിട്ടുണ്ട്.ക്രിമിനൽ പ്രവർത്തനങ്ങൾ നടത്തുന്നവരെ പാർട്ടി സംരക്ഷിക്കില്ല.പാർട്ടി അംഗങ്ങളുടെ വ്യക്തി ജീവിതവും സംശുദ്ധമായിരിക്കണമെന്ന നിർബന്ധമുള്ള പാർട്ടിയാണ് സിപിഎം എന്ന് വിജയരാഘവൻ പറഞ്ഞു.

L I V E | ON AIR

കൊച്ചി: മദ്യശാലയ്ക്ക് മുന്നിലെ ആൾകൂട്ടത്തിൽ ഹൈക്കോടതി സംസ്ഥാന സർക്കാരിനോട് വിശദീകരണംതേടി.

ചൊവ്വാഴ്ചയ്ക്കകം വിശദീകരണം നൽകണം.ജസ്റ്റിസ് ദേവൻ രാമചന്ദ്രന്റേതാണ് ഉത്തരവ്. മദ്യശാലകൾക്ക് മുന്നിലെ ആൾക്കൂട്ടം കണ്ടില്ലെന്ന് നടിക്കാനാകില്ലെന്ന് ഹൈക്കോടതി വ്യക്തമാക്കി.

വിഷയത്തിൽ വിശദീകരണം നൽകാൻ സർക്കാരിനോട് ഉത്തരവിട്ടതിന് പുറമെ ഏക്സൈസ് കമ്മീഷണറോട് നേരിട്ട് ഹാജരാകാനും ഹൈക്കോടതി ഉത്തരവിട്ടു.മദ്യശാലകൾക്ക് മുന്നിലെ ആൾക്കൂട്ടങ്ങൾ സംബന്ധിച്ച ചിത്രങ്ങളും വിഡിയോകളും പരിശോധിച്ച ശേഷമാണ് കോടതി ഉത്തരവ്.

ഏക്സൈസ് കമ്മിഷണർ നേരിട്ട് ഹാജരാകുന്നത് ഒഴിവാക്കിത്തരണ മെന്ന് സർക്കാർ അഭിഭാഷകൻ അഭ്യർത്ഥിച്ചെങ്കിലും കോടതി നിഷേധി ക്കുകയായിരുന്നു.ഫിസിക്കൽ സിറ്റിംഗ് ആണെങ്കിൽ മുഴുവൻ ഉദ്യോഗസ്ഥരെയും വിളിച്ചു വരുത്തിയേനെ എന്നും കോടതി പരാമർശിച്ചു.

photo credit | sreelankan airlines/fb

തിരുവനന്തപുരം: ഇന്ധനം തീരാറായതിനെ തുടർന്ന് ശ്രീലങ്കൻ ക്രിക്കറ്റ് സംഘം സഞ്ചരിച്ച ശ്രീലങ്കൻ എയർലൈൻസ് വിമാനം തിരുവനന്തപുരത്ത് ഇറക്കി.

ലണ്ടനിൽ നിന്ന് കൊളോമ്പോയിലേക്ക് പറക്കുകയായിരുന്നു വിമാനം.ലണ്ടനിൽനിന്ന് പുറപ്പെട്ട ഉടൻ വിമാനത്തിന് ചില സാങ്കേതിക പ്രശനങ്ങൾ ഉള്ളതായി പൈലറ്റിന്റെ ശ്രദ്ധയിൽപ്പെട്ടിരുന്നു.

തുടർന്ന് വിമാനം മസ്കറ്റിൽ ഇറക്കി തകരാറുകൾ പരിഹരിക്കാനായി ശ്രമിച്ചെങ്കിലും കാലാവസ്ഥ അനുകൂലമല്ലാ ത്തതിനാൽ മസ്‌ക്കറ്റ് വിമാനത്താവളത്തിലെ എയർ ട്രാഫിക് കൺട്രോൾ അനുമതി ലഭിച്ചില്ല.അനുമതിക്കായി പലവട്ടം മസ്കറ്റ് എയർപോർട്ടിന് മുകളിൽ പറന്നിരുന്നു.

കാലാവസ്ഥ മോശമായി തുടർന്നതിനാൽ കൊളോമ്പോയിലേക്ക് പറക്കാൻ പൈലറ്റ് തീരുമാനിക്കുകയായിരുന്നു.എന്നാൽ ഇന്ധനം വ്യാപകമായി കുറഞ്ഞതിനെ തുടർന്ന് തിരുവനന്തപുരത്ത് ഇറക്കുകയായിരുന്നു.

ഇന്ധനം നിറച്ച വിമാനം പിന്നീട് കൊളോമ്പോയിലേക്ക് തിരിച്ചു. ക്രിക്കറ്റ് താരങ്ങളെ വിമാനത്തിൽ നിന്ന് പുറത്തിറക്കിയില്ല.ലണ്ടൻ പര്യടനം കഴിഞ്ഞ് മടങ്ങിയ ശ്രീലങ്കൻ ക്രിക്കറ്റ് സംഘമായിരുന്നു വിമാനത്തിൽ.

L I V E |ON AIR

കോഴിക്കോട്: മുസ്‌ലിം ലീഗ് നേതാവും എം എൽ എ യുമായ കെ എം ഷാജിയെ അനധികൃത സ്വത്ത് സമ്പാദനക്കേസിൽ വിജിലൻസ് വീണ്ടും ചോദ്യം ചെയ്യുന്നു.

നേരത്തെ വിജിലൻസ് ഷാജിയെ ചോദ്യം ചെയ്യുകയും കേസ് രജിസ്റ്റർ ചെയ്യുകയും ചെയ്തിരുന്നു.എന്നാൽ ഷാജിയുടെ മൊഴികളിലെ പൊരുത്തക്കേടുകൾ കാരണമാണ് വീണ്ടും ചോദ്യം ചെയ്യാൻ തീരുമാനിച്ചതെന്ന് അറിയുന്നു.

ഷാജിയുടെ മൊഴിയും അന്വേഷണ സംഘത്തിന്റെ കണ്ടെത്തലുകളും തമ്മിൽ വൈരുധ്യമുണ്ട്.നിയമസഭാ തിരഞ്ഞെടുപ്പ് സമയത്ത് പിരിച്ച പണത്തിന്റെ രശീതുകളുടെ കൌണ്ടർ ഫോയിലുകളും മിനുട്സ് രേഖകളും വ്യാജമായി നിർമ്മിച്ചതാണെന്നാണ് വിജിലൻസ് കരുതുന്നത്.

എന്നാൽ മണ്ഡലം കമ്മറ്റിയാണ് തിരഞ്ഞെടുപ്പ് ഫണ്ടുകൾ കൈകാര്യം ചെയ്തത് എന്നും പിരിച്ചെടുത്ത തുകയാണ് വിജിലൻസ് തന്റെ വീട്ടിൽ നിന്നും പിടിച്ചെടുത്ത 47 ലക്ഷം രൂപയെന്നുമാണ് ഷാജിയുടെ മൊഴി.

ഷാജിക്ക് വരവിൽ കവിഞ്ഞ സ്വത്തുള്ളതായി വിജിലൻസ് നേരത്തെ കണ്ടെത്തിയിരുന്നു.ഇതുസംബന്ധിച്ച പ്രാഥമിക അന്വേഷണം കഴിഞ്ഞ നനവംബറിൽ നടത്തുകയും ഷാജിയുടെ വീട്ടിൽ പരിശോധന നടത്തുകയും ചെയ്തിരുന്നു.

L A T E S T |

കൊല്ലം: വിസ്മയ കേസിലെ അന്വേഷണ ഉദ്യോഗസ്ഥനെ തിരികെ നിയമിച്ചു.

കൊല്ലം നിലമേലിലെ വിസ്മയ ദുരൂഹ സാഹചര്യത്തിൽ മരിച്ച കേസ് അന്വേഷിക്കുന്ന സംഘത്തിലെ ഉദ്യോഗസ്ഥനെയാണ് തിരികെ നിയമിച്ചത്.ശാസ്താംകോട്ട ഡി വൈ എസ് പി രാജ്‌കുമാറിനെയാണ് തിരികെ നിയമിച്ചത്.

നേരത്തെ വിസ്മയ കേസ് അന്വേഷണ സംഘത്തിലായിരുന്ന രാജ് കുമാറിനെ സ്ഥലം മാറ്റിയത് ഏറെ ചർച്ചയായിരുന്നു. കൊച്ചിയിലേ ക്കായിരുന്നു സ്ഥലം മാറ്റം.

ഇതേ തുടർന്ന് ചില പരാതികൾ ഉയർന്നിരുന്നു. ഇതിന്റെ പശ്ചാത്തലത്തിലാണ് രാജ് കുമാറിനെ ശാസ്താം കൊട്ടയിലേക്ക് നിയമിച്ചത്.ഇതനുസരിച്ച് ഡി വൈ എസ് പി രാജ്‌കുമാർ ശാസ്താം കോട്ടയിൽ തുടരും.

തിരുവനന്തപുരം: കിറ്റെക്സ് ഉന്നയിച്ച വിവാദ വിഷയങ്ങളിൽ പ്രതികരണവുമായി വ്യവസായമന്ത്രി പി രാജീവ്.

സംസ്ഥാന സർക്കാരോ സർക്കാരിന്റെ ഏതെങ്കിലും വകുപ്പുകളോ മുൻകൈയെടുത്ത് ഒരു പരിശോധനയും കിറ്റെക്സിൽ നടത്തിയിട്ടില്ലെ ന്ന് അദ്ദേഹം പറഞ്ഞു. വാർത്താ സമ്മേളനത്തിൽ സംസാരിക്കുക യായിരുന്നു അദ്ദേഹം.

സർക്കാർ ബോധപൂർവം ഒരു പരിശോധനയും കിറ്റെക്സിൽ നടത്തിയിട്ടില്ല.ദേശീയ മനുഷ്യാവകാശ കമ്മീഷന് പാർലമെന്റ് അംഗമായ ബെന്നി ബെഹനാൻ നൽകിയ പരാതി,പി ടി തോമസ് എം എൽ എ ഉന്നയിച്ച ആരോപണം,വനിത ജീവനക്കാരിയുടേതായി പ്രചരിച്ച വാട്സ്ആപ് സന്ദേശം എന്നിവയുടെ അടിസ്ഥാനത്തിലാണ് അവിടെ പരിശോധനകൾ നടന്നത്.

ഈ പരിശോധന വേളകളിൽ എന്തെങ്കിലും പരാതികൾ ഉള്ളതായി കിറ്റെക്സ് മാനേജ്‌മന്റ് പറഞ്ഞിട്ടില്ല.പരിശോധനകൾ സംബന്ധിച്ച് കിറ്റെക്സ് മേധാവി സാബു എം ജേക്കബ് ഔദ്യോഗികമായി പരാതി നൽകാതെ സർക്കാരിനെതിരെ ഉന്നയിച്ച ആരോപണങ്ങൾ ഗൗരവതരമാണെന്ന് അദ്ദേഹം പത്രസമ്മേളനത്തിൽ പറഞ്ഞു.

കിറ്റെക്സിലെ പരിശോധനകൾ സംബന്ധിച്ച് ആരോപണങ്ങൾ ഉയർന്നപ്പോൾ തന്നെ അദ്ദേഹത്തെ നേരിട്ട് വിളിച്ചു.കിട്ടാത്തതിനാൽ സഹോദരനോട് വളരെ സൗഹാർദ്ദത്തോടെ സംസാരിച്ചു.പ്രശ്നങ്ങൾ പരിശോധിക്കാമെന്ന് ഉറപ്പും നൽകി.വ്യവസായ കേന്ദ്രം മാനേജരും അവരുമായി ബന്ധപ്പെട്ടു.പ്രഖ്യാപിച്ച വൻ പദ്ധതികളിൽനിന്ന് പിന്മാറുകയാണെന്ന് ജൂൺ 29ന് തന്നെ അവർ പ്രഖ്യാപിച്ചിരുന്നു.

സർക്കാറിനെതിരെ വിമർശനം ഉന്നയിക്കുമ്പോഴും സ്വയം പരിശോധന നടത്തി പലവട്ടം കിറ്റെക്‌സുമായി ബന്ധപ്പെടാൻ ശ്രമിക്കുകയും ആശയ വിനിമയം നടത്താൻ ശ്രമിക്കുകയും ചെയ്തിട്ടുണ്ട്.അങ്ങിനെ ചെയ്തില്ലെന്ന് സാബു എം ജേക്കബ് പറയുന്നത് വാസ്തവ വിരുദ്ധമെന്നും മന്ത്രി പറഞ്ഞു.

അസെൻഡ്‌ കേരളയിൽ 3500 കോടിയുടെ പദ്ധതി മാത്രമാണ് കിറ്റെക്സ് പ്രഖ്യാപിച്ചത്.ധാരണാപത്രം ഒപ്പു വെച്ചിട്ടില്ല.അസെൻഡ്‌ കേരളയിൽ പ്രഖ്യാപിച്ച പദ്ധതികളൊന്നും നടന്നിട്ടില്ലെന്ന സാബു എം ജേക്കബിന്റെ ആരോപണം ശരിയല്ലെന്നും മന്ത്രി പി രാജീവ് പറഞ്ഞു.

ശാസ്താംകോട്ട (കൊല്ലം): വിസ്മയ കേസിൽ പ്രതി കിരൺ കുമാറിന്റെ ജാമ്യാപേക്ഷ കോടതി തള്ളി.

ശാസ്താംകോട്ട ഒന്നാം ക്ലാസ് ജുഡീഷ്യൽ മജിസ്‌ട്രേറ്റ് കോടതിയാണ് കിരൺ കുമാറിന്റെ ജാമ്യാപേക്ഷ തള്ളിയത്.

അഭിഭാഷകനായ ബി എ ആളൂരാണ് കിരൺ കുമാറിന് വേണ്ടി ഹാജരായത്.ജാമ്യാപേക്ഷ തള്ളിയതോടെ കിരൺ ജുഡീഷ്യൽ കസ്റ്റഡിയിൽ തുടരും.കഴിഞ്ഞ വെള്ളിയാഴ്ചയാണ് ജാമ്യാപേക്ഷ നൽകിയത്.വാദം കേട്ട മജിസിട്രേറ്റ് എ ഹാഷിം ജാമ്യാപേക്ഷ പരിഗണിക്കുന്നത് തിങ്കളാഴ്ചത്തേക്ക് മാറ്റുകയായിരുന്നു.

കിരൺ കുമാർ അറിയപ്പെടുന്ന ഉദ്യോഗസ്ഥനാണെന്നുംഇതുവരെ വേറെ കേസുകളിലൊന്നും ഉൾപ്പെട്ടിട്ടില്ലഎന്നും ആളൂർ കോടതിയിൽ വാദിച്ചു.പോലീസ് കള്ളക്കേസിൽ കുടുക്കുകയാണെന്നും സമാനമായ ആത്മഹത്യകളിൽ പോലീസ് ഇത്രയും ശുഷ്‌കാന്തി കാണിച്ചിട്ടില്ലെന്നും ഈ കേസിൽ ഇത്രയും ആവേശം കാണിക്കുന്നത് അമിതാവേശമാണെ ന്നും ആളൂർ വാദിച്ചിരുന്നു.

എന്നാൽ ആളൂരിന്റെ വാദം ഖണ്ഡിച്ച അസിസ്റ്റന്റ് പബ്ലിക് പ്രോസിക്യൂട്ടർ കാവ്യാ നായർ മരണത്തിൽ ദുരൂഹതയുള്ളതിനാൽ അന്വേഷിച്ച് കൂടുതൽ വകുപ്പുകൾ ചുമത്തേണ്ടി വരുമെന്നും അതിനാൽ ജാമ്യം നൽകരുതെന്നും വാദിച്ചു.

നേരത്ത മൂന്ന് ദിവസത്തേക്കാണ് കിരണിനെ പോലീസ് കസ്റ്റഡിയിൽ വിട്ടത്.ബുധനാഴ്ച തിരികെ ഹാജരാക്കാനിരിക്കെയാണ് കോവിഡ് സ്ഥിരീകരിച്ചത്.തുടർന്ന് നെയ്യാറ്റിൻകര സബ് ജയിലിലേക്ക് മാറ്റുകയായിരുന്നു.

അത്കൊണ്ട് വിസ്മയയയുടെ വീട്ടിലെത്തിച്ചുള്ള തെളിവെടുപ്പ് നടന്നിരുന്നില്ല.എങ്കിലും പരമാവധി തെളിവുകൾ ശേഖരിച്ചിട്ടുണ്ടെന്ന് പോലീസ് പറഞ്ഞു.കോവിഡ് ഭേദമായാൽ വീണ്ടും കസ്റ്റഡിയിൽ വാങ്ങാനാണ് പോലീസ് തീരുമാനം.

L A T E S T |ON AIR

കണ്ണൂർ: കണ്ണൂരിലെ 9 വയസുകാരി കുഞ്ഞിന്റെ മരണം കൊലപാതകമെന്ന് പോലീസ്.

സംഭവുമായി ബന്ധപ്പെട്ട് അമ്മ വഹീദയെ പോലീസ് കസ്റ്റഡിയിലെടുത്തിട്ടുണ്ട്.കണ്ണൂർ ചാലാട് കുഴിക്കുന്നിലെ വീട്ടിൽ ഇന്ന് രാവിലെയാണ് കുട്ടിയെ അബോധാവസ്ഥയിൽ കണ്ടത്.തുടർന്ന് കണ്ണൂരിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.

അച്ഛൻ രാജേഷിന്റെ പരാതിയിലാണ് പോലീസ് വാഹീദയെ കസ്റ്റഡിയിലെടുത്തത്.വീട്ടിൽ വഴക്കുണ്ടായിരുന്നു എന്നും വഴക്കിനിടയിൽ വാഹീദ വീട് പൂട്ടിയിട്ടതിനെ തുടർന്ന് രാജേഷ് നാട്ടുകാരെ വിളിച്ചുകൂട്ടി വാതിൽ വെട്ടിപ്പൊളിച്ചപ്പോഴാണ് കുട്ടിയെ അബോധാവസ്ഥയിൽ കണ്ടത് എന്നും രാജേഷ് പൊലീസിന് മൊഴി നൽകി.

ഈ സംഭവങ്ങൾ രാജേഷ് പോലീസിനെ അറിയിച്ചപ്പോഴാണ് പോലീസ് വാഹിദയെ വിശദമായി ചോദ്യം ചെയ്തത്.വാഹിദയ്ക്ക് കടുത്ത പ്രമേഹം ഉണ്ടായിരുന്നു എന്നും പല മരുന്നുകളും കഴിക്കുന്നുണ്ടായിരുന്നു എന്നും തനിക്ക് എന്തെങ്കിലും സംഭവിച്ചാൽ കുട്ടിക്ക് ആരും ഇല്ലാതായിപ്പോകും എന്ന തോന്നലാണ് കടും കൈ ചെയ്യാൻ ഇവരെ പ്രേരിപ്പിച്ചതെന്നും പോലീസ് പറഞ്ഞു.ഇവർക്ക് കടുത്ത മാനസിക അസ്വാസ്ഥ്യം ഉണ്ടായിരുന്നതായും സംശയിക്കുന്ന തായി പോലീസ് അറിയിച്ചു.

വാഹിദയെ കസ്റ്റഡിയിൽ എടുത്തെങ്കിലും അറസ്റ്റ് രേഖപ്പെടുത്തി യിട്ടില്ല.കുട്ടിയുടെ മൃതദേഹം പരിയാരം കണ്ണൂർ മെഡിക്കൽ കോളേജിൽ.

L I V E |

തിരുവനന്തപുരം: കെ പി സി സി അധ്യക്ഷൻ കെ സുധാകരനെതിരെ വിജിലൻസ് പ്രാഥമിക അന്വേഷണത്തിന് വിജിലൻസ് ഡയറക്ടർ ഉത്തരവിട്ടു.സാമ്പത്തിക അഴിമതിയും അനധികൃത സ്വത്ത് സമ്പാദനവും സംബന്ധിച്ച പരാതിയിലാണ് ഉത്തരവ്.

കെ കരുണാകരൻ ട്രസ്റ്റ്, ഡി സി സി ഓഫീസ് നിർമ്മാണം എന്നിവയിൽ സാമ്പത്തിക ക്രമക്കേട് നടത്തി എന്ന മുൻ ഡ്രൈവർ പ്രശാന്ത് ബാബുവിന്റെ പരാതിയിലാണ് അന്വേഷണം.കോഴിക്കോട് വിജിലൻസ് എസ് പി അന്വേഷിക്കും.പ്രാഥമിക അന്വേഷണത്തിൽ കഴമ്പുണ്ടെന്ന് കണ്ടെത്തിയാൽ കേസെടുക്കുമെന്ന് വിജിലൻസ് അറിയിച്ചു.

പ്രശാന്ത് ബാബുവിന്റെ പരാതിയിൽ സുധാകരൻ സ്വത്ത് സമ്പാദിച്ച് കൂട്ടിയിട്ടുണ്ടെന്നും ബിനാമിയായാണ് ഇതിൽ പലതെന്നും പറയുന്നുണ്ട്.അടുത്തിടെ കണ്ണൂരിൽ നിർമ്മിച്ച വീടിന് 6 കോടിയോളം ചിലവഴിച്ചെന്നും ബിനാമി ബിസിനെസ്സുകൾ മരുമകന്റെ പേരിൽ ഉണ്ടെന്നും കേരളത്തിന് പുറത്തും സ്വത്തുക്കൾ ഉണ്ടെന്നും ഒന്നിലധികം ആഡംബര കാറുകൾ ഉപയോഗിക്കുന്നുണ്ടെന്നും പറയുന്നുണ്ട്.

കൊച്ചി: കേരളത്തിലെ പ്രത്യേക രാഷ്ട്രീയ സാഹചര്യത്തിൽ നിരവധി പ്രതിസന്ധികൾ നേരിടുന്നു എന്ന ആക്ഷേപമുന്നയിക്കുന്ന കിറ്റെക്സ് ഗ്രൂപ്പിന് തമിഴ്നാട് സർക്കാരിന്റെ ഔദ്യോഗിക ക്ഷണം.

തമിഴ്‌നാട്ടിൽ വ്യവസായം തുടങ്ങാൻ തമിഴ്നാട് സർക്കാരിൽനിന്നും അനുകൂല നിലപാട് ഉണ്ടായി എന്നാണ് കിറ്റെക്സ് മാനേജ്‌മന്റ് നൽകുന്ന സൂചന.

നിക്ഷേപ സൗഹൃദപരമായ അന്തരീക്ഷം ലഭ്യമാകുകയാണെങ്കിൽ അത്തരത്തിലുള്ള തീരുമാനമെടുക്കുമെന്നും കിറ്റെക്സ് മാനേജ്‌മന്റ് തീരുമാനിച്ചു എന്നറിയുന്നു. തമിഴ്‌നാട്ടിൽ വ്യവസായം തുടങ്ങുകയാണെങ്കിൽ എല്ലാ ആനുകൂല്യങ്ങളും നൽകുമെന്നും തമിഴ്നാട് സർക്കാർ വാഗ്ദാനം നൽകിയതായി കിറ്റെക്സ് മാനേജ്‌മന്റ് അറിയിച്ചു.

3500 കോടിയുടെ നിക്ഷേപത്തിന് 1200 കോടിയോളം സബ്‌സിഡിയും തമിഴ്നാട് വാഗ്ദാനം ചെയ്തു എന്നും തൊഴിലാളികൾക്ക് ശമ്പളം നല്കുന്നതിനടക്കമുള്ള സഹായങ്ങൾ സർക്കാർ വാഗ്‌ദാനം ചെയ്തിട്ടുണ്ടെന്നും മാനേജ്‌മെന്റ്റ് പറയുന്നു.

കഴിഞ്ഞവർഷം ജനുവരിയിൽ നടന്ന അസെൻഡ്‌ കേരളയിൽ സംസ്ഥാന സർക്കാരുമായി ഒപ്പുവെച്ച 3500 കോടിയുടെ പദ്ധതിയിൽ നിന്ന് കിറ്റെക്സ് പിന്മാറുന്നു എന്ന് കമ്പനിയുടെ അറിയിച്ചിരുന്നു. നിരന്തരമായ റെയ്ഡിലൂടെ ഉപദ്രവിച്ചുകൊണ്ട് രാഷ്ട്രീയ പകപോക്കൽ നടത്തുന്നു എന്ന് കിറ്റെക്സ് ആരോപിച്ചുകൊണ്ടാണ് വൻ പദ്ധതിയിൽനിന്ന് പിന്മാറുന്നതായി അവർ അറിയിച്ചത്.

എന്നാൽ കിറ്റെക്സ് ഉന്നയിച്ച പ്രശ്നങ്ങൾ ഗൗരവത്തിൽ പരിശോധിക്കുമെന്ന് വ്യവസായ മന്ത്രി പി രാജീവ് വ്യക്തമാക്കിയിരുന്നെങ്കിലും നടപടികൾ ഉണ്ടായിട്ടില്ല.

നിലവിൽ കിറ്റക്സിന്റെ ഭാഗത്തുനിന്ന് പരാതികളൊന്നും ലഭിച്ചിട്ടില്ലെന്ന് അദ്ദേഹം പറഞ്ഞിരുന്നു. വ്യവസായ വകുപ്പിന്റെ പരിശോധനകളൊന്നും അവിടെ നടന്നിട്ടില്ലെന്നും മറ്റ് വകുപ്പുകളുടെ പരിശോധനയാണ് നടന്നതെന്നും മന്ത്രി പി രാജീവ് വ്യക്തമാക്കിയിരുന്നു.

വ്യവസായ വകുപ്പിൽ ഉണർവിന്റെ അന്തരീക്ഷമാണുള്ളത് അത് ഉപയോഗപ്പെടുത്താൻ എല്ലാവരുടെയും സഹകരണം വേണം. എന്തെങ്കിലും പ്രശ്നങ്ങളുണ്ടായാൽ അത് പരിഹരിക്കാനുള്ള ശ്രമമാണ് ഉണ്ടാകേണ്ടത് എന്ന് മന്ത്രി രാജീവ് പ്രതികരിച്ചിരുന്നെങ്കിലും അനുകൂല നിലപാടുകൾ ഉണ്ടായിട്ടില്ലെന്നാണ് കിറ്റെക്സ് മാനേജ്‌മന്റ് പറയുന്നത്.

തിരുവനന്തപുരം: മൃഗശാല ജീവനക്കാരൻ രാജവെമ്പാലയുടെ കടിയേറ്റ് മരിച്ചു.തിരുവനന്തപുരം മൃഗശാലയിലെ ജീവനക്കാരനായ അർഷാദി(44 )നാണ് ദാരുണാന്ത്യം.

കാട്ടാക്കട സ്വദേശിയാണ്.ഉരഗ വിഭാഗത്തിലെ ജീവനക്കാരനായ അർഷാദ് കൂട് വൃത്തിയാക്കാൻ കയറിയതായിരുന്നു എന്നാണ് പ്രാഥമിക നിഗമനമെന്ന് മൃഗശാല ഡയറക്ടർ അറിയിച്ചു.

പാമ്പുകൾ കൂട്ടിനുള്ളിൽ ഉള്ളപ്പോൾ തന്നെ വൃത്തിയാക്കുന്നതിൽ വൈദഗ്ധ്യമുള്ള ജീവനക്കാരനായിരുന്നു അർഷാദ് എന്ന് സഹപ്രവർത്തകർ പറയുന്നു. അർഷാദ് വൃത്തിയാക്കാൻ കയറിയപ്പോൾ കൂടിന്റെ പിൻ ഭാഗത്തായിരുന്നു പാമ്പുകൾ എന്നും പറയുന്നു.

തിരുവനന്തപുരം മൃഗശാലയിൽ മൂന്ന് രാജവെമ്പാലകളാണ് ഉള്ളത്.മംഗലാപുരത്തുനിന്നാണ് അടുത്തിടെ ഒന്നിനെ ഇവിടേക്ക് കൊണ്ട് വന്നത്.നിരവധി തവണ പാമ്പുകടിയേറ്റ അർഷാദിനെ ഉടൻ മെഡിക്കൽ കോളേജ് ആശുപത്രിയിലെത്തിച്ചെങ്കിലും രക്ഷിക്കാനായില്ല.

താൽക്കാലിക ജീവനക്കാരനായിരുന്ന അർഷാദ്, സ്ഥിരപ്പെടുത്താത്ത തിന്റെ പേരിൽ നേരത്തെ പാമ്പിൻ കൂട്ടിൽ കയറി പ്രതിഷേധിച്ചിരുന്നു എന്നും സഹപ്രവർത്തകർ പറയുന്നു.

കൊച്ചി: കിറ്റെക്സ് ഉന്നയിച്ച പ്രശ്നങ്ങൾ ഗൗരവത്തിൽ പരിശോധിക്കുമെന്ന് വ്യവസായ മന്ത്രി പി രാജീവ് വ്യക്തമാക്കി.

നിലവിൽ കിറ്റക്സിന്റെ ഭാഗത്തുനിന്ന് പരാതികളൊന്നും ലഭിച്ചിട്ടില്ലെന്ന് അദ്ദേഹം ഫേസ്ബുക് കുറിപ്പിലൂടെ അറിയിച്ചു. വ്യവസായ വകുപ്പിന്റെ പരിശോധനകളൊന്നും അവിടെ നടന്നിട്ടില്ലെന്നും മറ്റ് വകുപ്പുകളുടെ പരിശോധനയാണ് നടന്നതെന്നും മന്ത്രി പി രാജീവ് വ്യക്തമാക്കി.

വ്യവസായ വകുപ്പിൽ ഉണർവിന്റെ അന്തരീക്ഷമാണുള്ളത് അത് ഉപയോഗപ്പെടുത്താൻ എല്ലാവരുടെയും സഹകരണം വേണം. എന്തെങ്കിലും പ്രശ്നങ്ങളുണ്ടായാൽ അത് പരിഹരിക്കാനുള്ള ശ്രമമാണ് ഉണ്ടാകേണ്ടത്.

കഴിഞ്ഞവർഷം ജനുവരിയിൽ നടന്ന അസെൻഡ്‌ കേരളയിൽ സംസ്ഥാന സർക്കാരുമായി ഒപ്പുവെച്ച 3500 കോടിയുടെ പദ്ധതിയിൽ നിന്ന് കിറ്റെക്സ് പിന്മാറുന്നു എന്ന കമ്പനിയുടെ അറിയിപ്പിന് പിന്നാലെയാണ് മന്ത്രിയുടെ പ്രതികരണം.

നിരന്തരമായ റെയ്ഡിലൂടെ ഉപദ്രവിച്ചുകൊണ്ട് രാഷ്ട്രീയ പകപോക്കൽ നടത്തുന്നു എന്ന് കിറ്റെക്സ് ആരോപിച്ചുകൊണ്ടാണ് വൻ പദ്ധതിയിൽനിന്ന് പിന്മാറുന്നതായി അവർ അറിയിച്ചത്.

തിരുവനന്തപുരം: അധ്യാപക നിയമന ഉത്തരവ് ലഭിച്ചവർക്ക് ഉടനെ ജോലിയിൽ പ്രവേശിപ്പിക്കാമെന്ന് സർക്കാർ.

അധ്യാപക നിയമനവുമായി ബന്ധപ്പെട്ട കാര്യങ്ങൾ ചർച്ച ചെയ്യാൻ മുഖ്യമന്ത്രിയുടെ നേതൃത്വത്തിൽ വിളിച്ച ഉന്നതതല യോഗത്തിലാണ് തീരുമാനം.

അധ്യാപക നിയമന ഉത്തരവ് ലഭിച്ചവർക്ക് സ്കൂൾ തുറന്നാലേ ജോലിയിൽ പ്രവേശിക്കാൻ കഴിയു എന്ന നേരത്തെയുള്ള സർക്കാർ തീരുമാനം പുനഃപരിശോധിക്കുകയായിരുന്നു.അധ്യാപക നിയമനം സംബന്ധിച്ച് ആശങ്കകൾ പരിഹരിക്കുമെന്ന് മുഖ്യമന്ത്രി നിയമസഭയിൽ പറഞ്ഞിരുന്നു.

ഇന്ന് ചേർന്ന ഉന്നതതല യോഗത്തിൽ പൊതു വിദ്യാഭ്യാസ മന്ത്രി വി ശിവൻ കുട്ടി,ചീഫ് സെക്രട്ടറി വി പി ജോയ്,ധന വകുപ്പ് അഡിഷണൽ ചീഫ് സെക്രട്ടറി ആർ കെ സിങ്,പൊതു വിദ്യാഭ്യാസ സെക്രട്ടറി മുഹമ്മദ് ഹനീഷ്,ഡയറക്ടർ ജനറൽ ഓഫ് എഡ്യൂക്കേഷൻ കെ ജീവൻ ബാബു എന്നിവർ പങ്കെടുത്തു.

L I V E |ON AIR

കൊച്ചി: കരിപ്പൂർ സ്വർണ്ണക്കടത്ത് കേസിലെ പ്രതി അർജുൻ ആയങ്കിയെ കസ്റ്റംസ് അറസ്റ്റ് ചെയ്തു.

9 മണിക്കൂറുകൾ നീണ്ട ചോദ്യം ചെയ്യലിന് ശേഷമാണ് അറസ്റ്റ് രേഖപ്പെടുത്തിയത്.അർജുൻ ആയങ്കിയുടെ അറസ്റ്റിലേക്ക് നയിച്ചത് ഷെഫീക്കിന്റെ നിർണ്ണായക മൊഴി.

സ്വർണ്ണം അർജുൻ ആയങ്കിക്ക് കൈമാറാനായിരുന്നു നിർദേശമെന്നാണ് ഷെഫീക്കിന്റെ മൊഴി.ചൊവ്വാഴ്ച ഷഫീഖിന്റെ കൂടെ ഇരുത്തി അർജുൻ ആയങ്കിയെ കസ്റ്റംസ് ചോദ്യം ചെയ്യും. ഷഫീക്കുമായി സംഭാഷണം നടത്തിയതിന്റെ ഫോൺ രേഖകളും വഴിത്തിരിവായി.നാളെ മജിസ്ട്രേട്ടിന് മുന്നിൽ ഹാജരാക്കി കസ്റ്റഡിയിൽ വാങ്ങും.

സ്വർണ്ണക്കടത്തിൽ അർജുൻ ആയങ്കിക്ക് നേരിട്ട് പങ്കുണ്ടെന്നാണ് കസ്റ്റംസ് വിലയിരുത്തൽ.സ്വർണ്ണം വാങ്ങാൻ അർജുൻ ആയങ്കി നേരിട്ട് കരിപ്പൂർ വിമാനത്താവളത്തിൽ എത്തിയെന്ന് കസ്റ്റംസിന് തളിവുകൾ ലഭിച്ചിട്ടുണ്ട്.

photo | srlakshmi/jginewsknr

L I V E |

കണ്ണൂർ: സ്വർണ്ണക്കടത്ത് കേസിൽ ഉൾപ്പെട്ടു എന്ന് കരുതുന്ന കാർ കണ്ണൂരിനടുത്ത് ആളൊഴിഞ്ഞ പറമ്പിൽ ഉപേക്ഷിച്ച നിലയിൽ കണ്ടെത്തി.

അർജുൻ ആയങ്കി ഉപയോഗിച്ച കാറാണ് ഇതെന്ന് സംശയമുണ്ടെന്ന് പോലീസ് അറിയിച്ചു.പരിശോധനകൾക്കായി കാർ പോലീസ് പിടിച്ചെടുത്തു.

കണ്ണൂർ പരിയാരം ആയുർവേദ ആശുപത്രിക്ക് സമീപം കുളപ്പുറത്ത് എന്ന സ്ഥലത്ത് പൊന്തക്കാട്ടിലേക്ക് ഒളിപ്പിച്ച നിലയിലാണ് കണ്ടെത്തിയത്.ചുവന്ന സ്വിഫ്റ്റ് കാറിന്റെ നമ്പർ പ്ലേറ്റ് അഴിച്ച് മാറ്റിയ നിലയിലാണ്.

കാർ ഇപ്പോൾ പരിയാരം പോലീസ് സ്റ്റേഷനിലേക്ക് മാറ്റിയിട്ടുണ്ട്.കാർ കണ്ടെത്തി എന്ന വാർത്തയെ തുടർന്ന് കസ്റ്റംസ് സംഘവും പരിയാരത്തേക്ക് തിരിച്ചിട്ടുണ്ട്.കാർ കസ്റ്റംസ് പിടിച്ചെടുക്കാനാണ് സാധ്യത.

കൊച്ചി: നാവിക സേന ആസ്ഥാനത്ത് വൻ സുരക്ഷാ വീഴ്ച്ച.സൈനിക വേഷത്തിൽ സംശയാസ്പദമായ സാഹചര്യത്തിൽ കണ്ട യുവാവിനെ നാവിക സേന ഉദ്യോഗസ്ഥർ പിടികൂടി പോലീസിൽ ഏൽപിച്ചു.

നാവിക സേന ആസ്ഥാനത്ത് പ്രതിരോധ മന്ത്രി രാജ്‌നാഥ് സിങ് പങ്കെടുത്ത് മടങ്ങിയ ശേഷമാണ് നാവിക സൈനികർ അപരിചിതനായ യുവാവിനെ ശ്രദ്ധയിൽ പെട്ടത്.

ഉടൻ തന്നെ ഇയാളെ പിടികൂടി ഉന്നത ഉദ്യോഗസ്ഥർ ചോദ്യം ചെയ്തു.വിവരങ്ങൾ ശേഖരിച്ച ശേഷം പൊലീസിന് കൈമാറുകയായിരുന്നു.ചിറയിൻകീഴ് സ്വദേശിയയായ യുവാവാണ് നാവിക ആസ്ഥാനത്ത് അതിക്രമിച്ച് കയറിയതെന്ന് സൂചനകളുണ്ട്.

എന്നാൽ ഇയാളുടെ ഉദ്ദേശം എന്തെന്ന് വ്യക്തമല്ല.ഇയാൾ ഇപ്പോൾ പോലീസ് കസ്റ്റഡിയിലാണ്.കൂടുതൽ വിവരങ്ങൾ ലഭ്യമായിട്ടില്ല.

L I V E |

കൊച്ചി: മാവേലിക്കര ജില്ലാ ആശുപത്രിയിലെ ഡോക്ടറെ മർദ്ദിച്ച പോലീസുകാരന് മുൻ‌കൂർ ജാമ്യം. സിവിൽ പോലീസ് ഓഫീസർ അഭിലാഷ് ചന്ദ്രനാണ് ഹൈക്കോടതി മുൻ‌കൂർ ജാമ്യം അനുവദിച്ചത്.

കോവിഡ് ഡ്യൂട്ടിയിലിരിക്കെ മാവേലിക്കര ജില്ലാ ആശുപത്രിയിലെ ഡോക്ടർ രാഹുൽ മാത്യുവിനെ മർദ്ദിച്ച സംഭവത്തിൽ പോലീസുകാരനെ അറസ്റ്റ് ചെയ്യാത്തതിൽ പ്രതിഷേധിച്ച് ഇന്ന് ഡോക്ടർമാർ ഒ പി ബഹിഷ്കരിച്ച് സമരം നടത്തുകയാണ്.

കോവിഡ് ഡ്യൂട്ടി ചെയ്യുന്നതിനിടയിൽ പോലീസുകാരൻ മർദ്ദിച്ച സംഭവത്തിലെ നീതി നിഷേധത്തിൽ മനം മടുത്ത് ജോലി രാജി വെക്കാൻ തീരുമാനിച്ചു എന്ന യുവ ഡോക്ടരുടെ ഫേസ്ബുക് കുറിപ്പാണ് കെ ജി എം ഒ യെ പ്രത്യക്ഷ സമരത്തിലേക്ക് നയിച്ചത്.ഡോക്ടർക്ക് നീതി നിഷേധിച്ചുകൊണ്ട് പോലീസുകാരന് ഉന്നത ഉദ്യോഗസ്ഥർ സംരക്ഷണം ഒരുക്കുന്നു എന്ന് ആരോപണം ഉയർന്നിരുന്നു.

L I V E |ON AIR

കൊച്ചി : രാജ്യദ്രോഹക്കേസിൽ നിയമ നടപടി നേരിടുന്ന ലക്ഷദ്വീപ് സ്വദേശിനി ഐഷ സുൽത്താനയ്ക്ക് മുൻ‌കൂർ ജാമ്യം.അൽപ സമയം മുൻപാണ് മുൻ‌കൂർ ജാമ്യ ഹർജിയിൽ ഹൈക്കോടതി അന്തിമ വിധി പുറപ്പെടുവിച്ചത്.

മുൻ‌കൂർ ജാമ്യാപേക്ഷയിന്മേലുള്ള ഇടക്കാല ഉത്തരവിൽ ഐഷ സുൽത്താന പൊലീസിന് മുന്നിൽ ചോദ്യം ചെയ്യലിന് ഹാജരാകണമെന്ന് വിധി പറഞ്ഞിരുന്നു.ഹൈക്കോടതി ഇടക്കാല ഉത്തരവിന്റെ പശ്ചാത്തലത്തിൽ ഐഷ സുൽത്താനയെ കവരത്തി പോലീസ് 15 മണിക്കൂറോളം ചോദ്യം ചെയ്തിരുന്നു.

മുൻ‌കൂർ ജാമ്യം ലഭിച്ചതിൽ സന്തോഷമുണ്ടെന്നും തന്റെ നാടിന് വേണ്ടിയുള്ള പ്രവർത്തനങ്ങൾ ഇനിയും തുടരുമെന്നും കവരത്തി പോലീസ് ആസ്ഥാനത്തെ പോലീസ് ഉദ്യോഗസ്ഥർ അവരുടെ ജോലി മാത്രമാണ് ചെയ്തതെന്നും മറ്റ് പരാതികളില്ലെന്നും ഐഷ സുൽത്താന വ്യക്തമാക്കി.മുൻകൂർ ജാമ്യം അനുവദിച്ചുകൊണ്ടുള്ള ഹൈക്കോടതി വിധി പകർപ്പ് ലഭ്യമായിട്ടില്ല.

തിരുവനന്തപുരം: ചാനൽ ചർച്ചയിലെ വിവാദ പരാമർശത്തിൽ വനിത കമ്മീഷൻ അധ്യക്ഷ എം സി ജോസഫൈൻ ഖേദം പ്രകടിപ്പിച്ചു.

പരാതി പറയാൻ വിളിച്ച സ്ത്രീയോട് പരുഷമായ ഭാഷയിൽ സംസാരിച്ച സംഭവത്തിൽ പ്രതിഷേധം വ്യാപകമായതോടെ ഖേദ പ്രകടനം.

പരാമർശം തെറ്റായിപ്പോയെന്ന് പിന്നീട് തോന്നിയെന്നും അവർ പറഞ്ഞു.ആത്മരോഷം കൊണ്ടുണ്ടായ പ്രതികരണമായിരുന്നു അത്.പോലീസിൽ പോയി പരാതി പറയാൻ പറഞ്ഞത് അമ്മയുടെ സ്വാതന്ത്ര്യത്തോടെ.വാക്കുകൾ മുറിവേൽപ്പിച്ചെങ്കിൽ ഖേദം പ്രകടിപ്പിക്കുന്നുവെന്നും അവർ പറഞ്ഞു.

സി പി എമ്മിന് അതൃപ്തി വിഷയം നാളെ സെക്രെട്ടറിയേറ്റ് ചർച്ച ചെയ്യും

തിരുവനന്തപുരം: വനിത കമ്മീഷൻ അധ്യക്ഷ എം സി ജോസഫൈന്റെ വിവാദ പരാമർശത്തിൽ പ്രതിഷേധം ശക്തമായ പശ്ചാത്തലത്തിൽ സി പി എമ്മിൽ അതൃപ്തി.

വിഷയം സിപിഎം സംസ്ഥാന സെക്രെട്ടറിയേറ്റ് നാളെ ചർച്ച ചെയ്യും.ജോസഫൈൻ ഇതിന് മുൻപും നടത്തിയ പരാമർശങ്ങളടക്കം വിവാദങ്ങൾ ഉണ്ടാക്കിയ പശ്ചാത്തലത്തിലാണ് സിപിഎം സംസ്ഥാന സെക്രെട്ടറിയേറ്റ് യോഗത്തിൽ വിവാദങ്ങൾ പ്രത്യേകം അജണ്ടയായി ചർച്ച ചെയ്യുക.

ജോസഫൈന്റെ ഭാഗം കൂടി കേട്ട ശേഷമായിരിക്കും പാർട്ടിയുടെ പ്രതികരണം എന്നറിയുന്നു.സിപിഐ കൂടി വിഷയത്തിൽ പ്രതിഷേധവുമായി രംഗത്തെത്തിയിട്ടുണ്ട്.

| ക്വാറന്റൈൻ ലംഘനത്തിന് കേസെടുത്തേക്കും |

L I V E |

കൊച്ചി:രാജ്യദ്രോഹക്കേസിൽ ലക്ഷദ്വീപ് സ്വദേശിനി ഐഷ സുൽത്താനയെ കവരത്തി പോലീസ് വീണ്ടും ചോദ്യം ചെയ്യുന്നു.

ഇത് മൂന്നാം തവണയാണ് രാജ്യദ്രോഹക്കേസിൽ ഐഷ സുൽത്താനയെ ചോദ്യം ചെയ്യുന്നത്.കവരത്തി പോലീസ് അസ്ഥാനത്തുള്ള ചോദ്യം ചെയ്യൽ രണ്ട് മണിക്കൂർ പിന്നിട്ടു.

ഇന്നലെ ഏഴര മണിക്കൂർ ചോദ്യം ചെയ്ത് വിട്ടയക്കുമ്പോൾ ഇന്ന് ഹാജരാകാൻ അറിയിച്ചിരുന്നു.ഇന്നലത്തെ ചോദ്യം ചെയ്യലിൽ വിവരങ്ങൾ എല്ലാം ധരിപ്പിച്ചതാണെന്നും ഇന്ന് എന്തിനാണ് വിളിപ്പിച്ചതെന്ന് അറിയില്ലെന്നും ഐഷ സുൽത്താന പറഞ്ഞു. അവരുടെ ബാങ്ക് അക്കൗണ്ടുകളും ഫോൺ വിളി രേഖകളും പോലീസ് പരിശോധിക്കുന്നുണ്ട്.

ഇതിനിടയിൽ ഐഷ സുൽത്താന ദ്വീപിൽ ചില യോഗങ്ങളിൽ പങ്കെടുത്തു എന്നും യോഗങ്ങൾ വിളിച്ചുകൂട്ടി എന്നും കവരത്തി പൊലീസിന് വിവരം ലഭിച്ചിട്ടുണ്ട്.ഇതിലും പോലീസ് വിശദീകരണം തേടും.കൂടാതെ ക്വാറന്റൈൻ ലംഘിച്ചതിന് വേറെയും കേസെടുക്കാനും സാധ്യതയുണ്ട്.

കഴിഞ്ഞ ദിവസം കവരത്തി പോലീസ് ആസ്ഥാനത്ത് ഐഷ സുൽത്താനയെ ചോദ്യം ചെയ്തിരുന്നു.മൂന്ന് മണിക്കൂർ നീണ്ട ചോദ്യം ചെയ്യലിന് ശേഷം പോലീസ് വിട്ടയയ്ക്കുമ്പോൾ ലക്ഷദ്വീപ് വിട്ടുപോകരുതെന്ന് കർശന നിർദേശം നൽകിയിരുന്നു.

തിരുവനന്തപുരം:കർണാടക സംഗീതത്തിലെ കുലപതിമാരിൽ ഒരാളായ പാറശാല പൊന്നമ്മാൾ അന്തരിച്ചു.96 വയസായിരുന്നു.

വാർധക്യസഹജമായ അസുഖങ്ങളെ തുടർന്ന് വിശ്രമത്തിലായിരുന്നു. വലിയശാലയിലെ വസതിയിലായിരുന്നു അന്ത്യം.

തമിഴ്നാട്ടിലെയും കേരളത്തിലെയും നിറഞ്ഞ സംഗീതസദസുകളിൽ കച്ചേരി അവതരിപ്പിക്കാറുള്ള പാറശാല പൊന്നമ്മാൾ വലിയ ശിഷ്യ സമ്പത്തിന്റെ ഉടമമായിരുന്നു.കോട്ടയ്ക്കകം നവരാത്രി മണ്ഡപത്തിൽ ആദ്യമായി കച്ചേരി അവതരിപ്പിച്ച വനിത എന്ന നിലയിൽ പ്രശസ്തയായിരുന്നു.2017ൽ രാജ്യം പത്മശ്രീ നൽകി ആദരിച്ചിട്ടുണ്ട്.

പാറശാല ഗ്രാമത്തിൽ പ്രധാനാധ്യാപകനായിരുന്ന മഹാദേവ അയ്യരുടെയും ഭഗവതി അമ്മാളുടെയും മകളായി 1924ലാണ് ജനനം.ഏഴാം വയസിൽ സംഗീത പഠനം ആരംഭിച്ചു.താൻ ഇപ്പോഴും സംഗീതം പഠിച്ചുകൊണ്ടിരിക്കയാണെന്ന് അവർ പറയാറുണ്ട്. പാറശ്ശാലയിലും അടൂരിലുമായിരുന്നു പ്രാഥമിക സംഗീത പഠനം.

തിരുവനന്തപുരം സ്വാതി തിരുനാൾ സംഗീത അക്കാദമിയിൽനിന്ന് ഗാനപ്രവീണും ഗാനഭൂഷണവും ഒന്നാം റാങ്കോടെ പാസായി.പ്രസിദ്ധ സംഗീതജ്ഞൻ പാപനാശം ശിവനിൽനിന്ന് സംഗീതം അഭ്യസിച്ചിട്ടുണ്ട്.

18 ആം വയസിൽ തിരുവനന്തപുരം കോട്ടൺ ഹിൽസ് ഗേൾസ് സ്കൂളിൽ സംഗീതാധ്യാപികയായി ചേർന്നു.സ്വാതി തിരുനാൾ സംഗീത കോളേജിൽ ലക്ച്ചറായും പ്രൊഫസറായും സേവനം അനുഷ്ഠിച്ചിട്ടുണ്ട്.

കൊച്ചി: സി പി ഐ സംസ്ഥാന സെക്രട്ടറി കാനം രാജേന്ദ്രന് കോവിഡ് സ്ഥിരീകരിച്ചു.അദ്ദേഹത്തെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കയാണ്.

കോവിഡ് 19 സ്ഥിരീകരിച്ചു എന്നും ആശുപത്രിയിൽ അഡ്മിറ്റായി എന്നും സമ്പർക്കത്തിൽ ഏർപ്പെട്ടവർ നിരീക്ഷണത്തിൽ പോകണമെന്നും അദ്ദേഹം തന്നെ ഫേസ്ബുക് പോസ്റ്റിലൂടെയും അറിയിച്ചിട്ടുണ്ട്.

L A T E S T |

പത്തനംതിട്ട: സംസ്ഥാനത്ത് കോവിഡ് പുതിയ വകഭേദമായ ഡെൽറ്റ പ്ലസ് (SARS-CoV-2. ) സ്ഥിരീകരിച്ചു.

പത്തനംതിട്ടയിലും പാലക്കാടുമാണ് ഡെൽറ്റ പ്ലസ് സ്ഥിരീകരിച്ചതായി ആരോഗ്യ വകുപ്പ് അറിയിച്ചത്.പത്തനംതിട്ട കടപ്ര പഞ്ചായത്തിലാണ് ഡെൽറ്റ പ്ലസ് സ്ഥിരീകരിച്ചത്.

പത്തനംതിട്ട കടപ്ര പഞ്ചായത്തിലെ നാല് വയസുകാരനിലാണ് ഡെൽറ്റ പ്ലസ് വൈറസ് ബാധ സ്ഥിരീകരിച്ചത്.കുട്ടി ഇപ്പോൾ കോവിഡ് നെഗറ്റിവ് ആയെന്ന് ആരോഗ്യവകുപ്പ് അറിയിച്ചു.കടപ്ര പഞ്ചായത്ത് പതിനാലാം വാർഡിൽ ജാഗ്രതാ നിർദേശം നൽകിയിട്ടുണ്ട്.

മെയ് 24നാണ് കുട്ടിയെ കോവിഡ് ബാധിച്ചതിനെ തുടർന്ന് ആശുപത്രിയിൽ പ്രവേശിപ്പിച്ചത്.ഡോക്ടർമാർക്കുണ്ടായ സംശയത്തെ തുടർന്ന് ഡൽഹിയിൽ നടത്തിയ പരിശോധനയിലാണ് ജനിതക വകഭേദം കണ്ടെത്തിയത്.പാലക്കാട് കോവിഡ് ഭേദമായ രണ്ടുപേരിലും ഡെൽറ്റ പ്ലസ് സ്ഥിരീകരിച്ചിട്ടുണ്ട്.

പത്തനംതിട്ട കടപ്ര പതിനാലാം വാർഡിൽ ജാഗ്രത നിർദേശം നൽകിയതായി ജില്ലാ കളക്ടർ നരസിംഹുഗാരി തേജ് ലോഹിത് റെഡി പറഞ്ഞു.ഇവിടെ കോവിഡ് ടെസ്റ്റ് പോസിറ്റിവിറ്റി നിരക്ക് 18.42 ശതമാനമാണ്.

L I V E |

കൊച്ചി: രാജ്യദ്രോഹക്കേസിൽ ലക്ഷദ്വീപ് സ്വദേശിനി ഐഷ സുൽത്താനയെ കവരത്തി പോലീസ് ആസ്ഥാനത്ത് ചോദ്യം ചെയ്യുന്നു.

രാജ്യദ്രോഹ പരാമർശത്തിലാണ് ചോദ്യം ചെയ്യൽ.ചോദ്യം ചെയ്യൽ ഇപ്പോൾ ഒരു മണിക്കൂർ പിന്നിട്ടു.ഉന്നത പോലീസ് ഉദ്യോഗസ്ഥർ പോലീസ് ആസ്ഥാനത്ത് എത്തിയിട്ടുണ്ട്.കൊച്ചിയിൽനിന്നുള്ള അഭിഭാഷകനൊപ്പമാണ് ഐഷ സുൽത്താന ചോദ്യം ചെയ്യലിന് ഹാജരായത്.

ചോദ്യം ചെയ്യലിനായി ഇന്ന് പൊലീസിന് മുന്നിൽ ഹാജരാകണമെന്ന് ഹൈക്കോടതി ഇടക്കാല ഉത്തരവിൽ നിർദേശിച്ചിരുന്നു.

രാജ്യദ്രോഹക്കേസിൽ അറസ്റ്റിലാവുകയാണെങ്കിൽ ഇടക്കാല ജാമ്യം അനുവദിക്കാനും കോടതി നിർദേശിച്ചിട്ടുണ്ട്.50000രൂപയുടെ രണ്ട് ആൾജാമ്യത്തിൽ വിട്ടയക്കണം.അറസ്റ്റ് ആവശ്യമെങ്കിൽ കോടതിയെ അറിയിക്കണം.

തന്റെ ഭാഗത്തു നിന്നുണ്ടായ തെറ്റ് ആവേശത്തിൽ സംഭവിച്ചു പോയതാണെന്ന് ഐഷ കോടതിയിൽ ബോധിപ്പിരുന്നു.

തിരുവനന്തപുരം: പ്രകൃതി ചികിത്സകൻ മോഹനൻ വൈദ്യർ കുഴഞ്ഞു വീണ് മരിച്ചു.

തിരുവനന്തപുരം കാലടിയിലെ ബന്ധു വീട്ടിലാണ് മോഹനൻ വൈദ്യരെ മരിച്ച നിലയിൽ കണ്ടെത്തിയത്.

ആധുനിക വൈദ്യ ശാസ്ത്രത്തെയും അലോപ്പതി ചികിത്സയെയും നിരന്തരം എതിർക്കുകയും സ്വന്തമായ ചികിത്സ മാർഗ്ഗങ്ങൾ കണ്ടെത്തുകയും ചെയ്യുന്നതിലൂടെ ശ്രദ്ധേയനായ മോഹനൻ വൈദ്യർക്കെതിരെ വ്യാജ ചികിത്സ നടത്തിയതിന് നിരവധി കേസുകൾ നിലനിൽക്കുന്നുണ്ട്.

കോവിഡിന് ചികിത്സ നടത്തിയതിന്റെ പേരിൽ കേസെടുക്കുകയും അറസ്റ്റ് ചെയ്യുകയും ചെയ്തിരുന്നു.രാവിലെ മുതൽ ഇദ്ദേഹത്തിന് പനിയും ശ്വാസ തടസവും നേരിട്ടതായി ബന്ധുക്കൾ പറഞ്ഞു എന്ന് പോലീസ് അറിയിച്ചു.മൃതദേഹം തിരുവനന്തപുരം മെഡിക്കൽ കോളേജിൽ.

തിരുവനന്തപുരം: കെ പി സി സി അധ്യക്ഷൻ കെ സുധാകരനെതിരെ ഗുരുതര ആരോപണവുമായി മുഖ്യമന്ത്രി പിണറായി വിജയൻ.

തന്റെ മക്കളെ തട്ടിക്കൊണ്ടുപോകാൻ സുധാകരൻ പദ്ധതിയിട്ടിരുന്നതായി സുധാകരനുമായി അടുത്ത ഒരാളിൽനിന്നുംതനിക്ക് വിവരം ലഭിച്ചിരുന്നതായി മുഖ്യമന്ത്രി വെളിപ്പെടുത്തി.

ഇന്നത്തെ വാർത്താ സമ്മേളനത്തിലാണ് മുഖ്യമന്ത്രി സുധാകരനെതിരെ വെളിപ്പെടുത്തലുകളും വിമർശനങ്ങളും നടത്തിയത്.

ഒരു ദിവസം രാവിലെ ഫൈനാൻസറായ സുധാകരന്റെ സുഹൃത്ത് മുഖ്യമന്ത്രിയെ കാണാൻ വന്നു എന്നും വളരെ ശ്രദ്ധിക്കണമെന്നും പറഞ്ഞു.നിങ്ങളുടെ കുട്ടികളെ തട്ടിക്കൊണ്ടുപോകാൻ സുധാകരൻ പദ്ധതിയിട്ടിരുന്നു എന്നും വലിയ പദ്ധതികളുമായിട്ടാണ് സുധാകരൻ നിൽക്കുന്നതെന്നും പറഞ്ഞപ്പോൾ വരുന്നിടത്തു വെച്ച് കാണാമെന്ന് പറഞ്ഞതായി മുഖ്യമന്ത്രി പറയുന്നു.

രണ്ട് കുട്ടികളെയും കയ്യും പിടിച്ച് ഭാര്യ സ്കൂളിൽ പോകുന്ന കാലത്താണ് സംഭവം.അത്കൊണ്ട് തന്നെ ഭാര്യയോടുപോലും ഇക്കാര്യം പറഞ്ഞില്ല.കാരണം അവർക്ക് മനസമാധാനം ഉണ്ടാകില്ല. ഞാനും ആരോടും പറയാനും പോയില്ല എന്നും മുഖ്യമന്ത്രി പറഞ്ഞു.

മോഹങ്ങൾ പലതും ഉണ്ടാകാമെന്നും പക്ഷെ വിജയനെ വീഴ്ത്താൻ കഴിയില്ലെന്നതും സുധാകരന്റെ അനുഭവമാണെന്ന് മുഖ്യമന്ത്രി പറഞ്ഞു.കോളേജ് പഠനകാലത്ത് തന്നെ ചവിട്ടി വീഴ്ത്തിയെന്ന കെ സുധാകരന്റെ പരാമർശത്തെക്കുറിച്ച് മാധ്യമങ്ങൾ ചോദിച്ചപ്പോൾ മറുപടിയായാണ് മുഖ്യമന്ത്രിയുടെ വെളിപ്പെടുത്തൽ.

കൊച്ചി: കവിയും ഗാനരചയിതാവുമായ എസ് രമേശൻ നായർ അന്തരിച്ചു.73 വയസായിരുന്നു.കാൻസർ ബാധിതനായ അദ്ദേഹത്തിന് കോവിഡ് സ്ഥിരീകരിച്ചിരുന്നു.രണ്ട് ദിവസം മുൻപുള്ള പരിശോധനയിൽ കോവിഡ് നെഗറ്റീവ് ആയിരുന്നു.

അഞ്ഞൂറോളം ചലച്ചിത്ര ഗാനങ്ങളും ഭക്തി ഗാനങ്ങളും എഴുതിയിട്ടുണ്ട്.1948 മെയ് മൂന്നിന് ഷഡാനനൻ തമ്പിയുടെയും പാർവ്വതിയുടെയും മകനായി കന്യാകുമാരി ജില്ലയിലെ കുമാരപുറത്തായിരുന്നു ജനനം.കേരളാ ഭാഷ ഇൻസ്റ്റിട്യൂട്ടിലും ആകാശവാണിയിലും പ്രവർത്തിച്ചിട്ടുണ്ട്.റിട്ട അധ്യാപികയും സാഹിത്യകാരിയുമായ രമയാണ് ഭാര്യ.ഏക മകൻ മനു രമേശൻ സംഗീത സംവിധായകനാണ്.

ചലച്ചിത്ര ഗാനങ്ങൾക്ക് പുറമെ ഭക്തി ഗാനങ്ങളും എഴുതിയിട്ടുണ്ട്. തിരുക്കുറലിന്റെയും ചിലപ്പതികാരത്തിന്റെയും മലയാള വിവർത്തനം ചെയ്തിട്ടുണ്ട്.1985ൽ പുറത്തിറങ്ങിയ പത്താമുദയം എന്ന സിനിമയിലൂടെയാണ് മലയാള സിനിമയിലേക്ക് രംഗപ്രവേശം ചെയ്തത്.

2010ലെ കേരള സാഹിത്യ അക്കാദമിയുടെ സമഗ്ര സംഭാവനയ്ക്കുള്ള പുരസ്‌കാരം,ആശാൻ പുരസ്‌കാരം എന്നിവ ലഭിച്ചിട്ടുണ്ട്.ഗുരു പൗർണ്ണമി എന്ന കാവ്യസമാഹാരത്തിന് 2018ലെ കേന്ദ്രസാഹിത്യ അക്കാദമി പുരസ്‌കാരം നേടിയിട്ടുണ്ട്.ഗുരു,അനിയത്തി പ്രാവ്, മയിൽപ്പീലിക്കാവ്,പഞ്ചാബി ഹൗസ് എന്നി ചിത്രങ്ങൾക്ക് ഗാനങ്ങൾ എഴുതിയിട്ടുണ്ട്.

കണ്ണൂർ: ഹയർ സെക്കൻ്ററി പ്രായോഗിക പരീക്ഷ ചുമതലയുള്ള അധ്യാപകർക്ക് സെക്ടറൽ മജിസ്ട്രേറ്റുമാരായി നിയമന ഉത്തരവ് വരുന്നത് പരീക്ഷ നടത്തിപ്പിനെ ബാധിക്കുമെന്ന് പരാതി ഉയരുന്നു.

പരീക്ഷ നടത്തിപ്പ് സംബന്ധിച്ച വിജ്ഞാപനം വന്ന ശേഷവും ഹയർ സെക്കന്ററി വിഭാഗം അധ്യാപകർക്ക് സെക്ടറൽ മജിസ്‌ട്രേറ്റ് ചുമതല വന്നിട്ടുണ്ട്.വ്യാഴാഴ്ച്ച ഇത് സംബന്ധിച്ച അറിയിപ്പ് കിട്ടിയ പല അധ്യാപകരും പ്രായോഗിക പരീക്ഷ ചുമതലയുള്ളവരാണ്.

ഇവരോട് വെള്ളിയാഴ്ച മുതൽ സെക്ടറൽ മജിസ്‌ട്രേറ്റ് ചുമതല ഏറ്റെടുക്കാനാണ് സ്കൂളികളിൽ അറിയിപ്പ് വന്നിട്ടുള്ളത്.സർക്കാർ നിർദേശമനുസരിച്ച് പ്രായോഗിക പരീക്ഷയ്ക്കായി സ്കൂളുകളിൽ ഒരുക്കങ്ങൾ നടന്നുകൊണ്ടിരിക്കെയാണ് കോവിഡ് ചുമതലകൾ വരുന്നത്.

പരീക്ഷയ്ക്ക് തയ്യാറെടുക്കുന്ന കുട്ടികളെ പരിശീലിപ്പിക്കേണ്ട വരെ ഡ്യൂട്ടിയിൽ നിന്ന് ഒഴിവാക്കി പരീക്ഷാ ഡ്യൂട്ടി ഇല്ലാത്ത മറ്റ് അധ്യാപകരെ നിയമിക്കാനുള്ള ഇടപെടൽ നടത്തണമെന്നാണ് അധ്യാപകരുടെ ആവശ്യം.

ഇതുസംബന്ധിച്ച പ്രായോഗിക ബുദ്ധിമുട്ടുകൾ സ്കൂൾ മേലധികാരികളുടെ ശ്രദ്ധയിൽ പെടുത്തിയതായി അധ്യാപകർ പറഞ്ഞു.

L I V E |

തിരുവനന്തപുരം: ലോക്ക് ഡൗൺ പൂർണ്ണമായി പിൻവലിക്കില്ല. നിയന്ത്രണങ്ങൾ തുടരുമെന്ന് മുഖ്യമന്ത്രി പിണറായി വിജയൻ പറഞ്ഞു.മറ്റന്നാൾ മുതൽ കൂടുതൽ ഇളവുകൾ നൽകും.ശനി,ഞായർ ദിവസങ്ങളിൽ സമ്പൂർണ ലോക്ക് ഡൗൺ തുടരും.

മറ്റന്നാൾ മുതൽ നടപ്പാക്കുന്ന പുതിയ ഇളവുകളിൽ ആവശ്യവസ്തുക്കൾ വിൽക്കുന്ന കടകൾ എല്ലാ ദിവസവും തുറക്കാം.രാവിലെ ഏഴ് മുതൽ വൈകുന്നേരം ഏഴ് വരെയായിരിക്കും സമയം.മറ്റ് കടകൾ തിങ്കൾ,ബുധൻ,വെള്ളി ദിവസങ്ങളിൽ തുറക്കാം.പൊതുഗതാഗതം മിതമായ നിലയിൽ നടപ്പാക്കും.

സ്വകാര്യ സ്ഥാപനങ്ങളിൽ 50 ജീവനക്കാരുമായി പ്രവർത്തിക്കാം. ഹോട്ടലുകളിൽ ഇരുന്ന് ഭക്ഷണം കഴിക്കാൻ അനുമതി ഇല്ല.പൊതു പരീക്ഷകൾ നടത്താം.ഷോപ്പിംഗ് മാളുകൾ തുറക്കില്ല.ടൂറിസം മേഖല അടഞ്ഞുതന്നെ കിടക്കും.അക്ഷയ കേന്ദ്രങ്ങൾ തിങ്കൾ മുതൽ വെള്ളി വരെ തുറക്കാം.ബാറുകളും ബെവ്‌കോയും തുറക്കും.ബെവ്‌കോ വിൽപ്പന ആപ്പ് വഴി നിയന്ത്രിക്കുമ്പോൾ മദ്യശാലകളിൽ പാർസൽ മാത്രം.

സർക്കാർ ഓഫീസുകളിൽ 25 ശതമാനം ഹാജർ നിലയിൽ പ്രവർത്തിക്കാം.പ്രിന്റിങ് പ്രസ്സുകൾ തുറക്കാം.ലോട്ടറി വിൽപ്പന നടത്താം. തദ്ദേശ സ്ഥാപനങ്ങളെ നാലായി തിരിച്ചായിരിക്കും നിയന്ത്രണങ്ങൾനടപ്പാക്കുക. ടെസ്റ്റ് പോസിറ്റിവിറ്റി നിരക്ക് 20-30 ശതമാനം ഉള്ള സ്ഥലങ്ങളിൽ സമ്പൂർണ്ണ ലോക്ക് ഡൗൺ ഏർപ്പെടുത്തും.

ഇവിടങ്ങളിൽ അവശ്യ വസ്തുക്കൾ വിൽക്കുന്ന കടകൾക്ക് തുറക്കാം.ലോക്ക് ഡൗൺ ഫലപ്രദമായി നടപ്പാക്കുന്നത് വിജയപ്രദമാണെന്നതിന്റെ വലിയ തെളിവാണ് എറണാകുളം ചെല്ലാനത്തെ ടി പി ആർ നിരക്ക് ഗണ്യമായി കുറഞ്ഞതെന്നും മുഖ്യമന്ത്രി പറഞ്ഞു.

മൂന്നാം തരംഗം വലിയ തോതിൽ കുട്ടികളെ ബാധിക്കും എന്ന തരത്തിൽ പേടി വേണ്ട.ഇക്കാര്യത്തിൽ പ്രചരണം നടക്കുന്നത് ശ്രദ്ധയിൽ പെട്ടിട്ടുണ്ട്.മാധ്യമങ്ങൾ ഇക്കാര്യത്തിൽ ജാഗ്രതയോടെ വാർത്തകളെ സമീപിക്കണമെന്നും മുഖ്യമന്ത്രി പറഞ്ഞു.

തിരുവനന്തപുരം: മുട്ടിൽ മരം കൊള്ള അന്വേഷിക്കുന്ന പ്രത്യേക സംഘം നാളെ വയനാട് മുട്ടിൽ സന്ദർശിച്ച് തെളിവെടുപ്പ് നടത്തും. എ ഡി ജി പി എസ് ശ്രീജിത്തിന്റെ നേതൃത്വത്തിലുള്ള സംഘമാണ് വയനാട് സന്ദർശിക്കുക.

സംസ്ഥാനത്തെ മുഴുവൻ മരം കൊള്ളയും അന്വേഷിക്കുമെന്ന് എസ് ശ്രീജിത്ത് പറഞ്ഞു.മോഷണക്കുറ്റത്തിനടക്കം കേസെടുക്കുംമരം മുറിച്ചു കടത്തുന്നത് മോഷണമാണ്.വനം വകുപ്പിന് സമാനമായി ക്രൈം ബ്രാഞ്ചും അന്വേഷണം നടത്തുമെന്ന് അദ്ദേഹം അറിയിച്ചു.

പ്രത്യേക അന്വേഷണ സംഘം വനം വകുപ്പിന്റെയും പോലീസിന്റെയും സംയുക്ത കൺട്രോൾ റൂം തിരുവനതപുരത്ത് തുറന്നു.പരാതികൾ ഇ മെയിലായും അയക്കാമെന്ന് അധികൃതർ അറിയിച്ചിട്ടുണ്ട്.

ഫോറസ്റ്റ് ,ക്രൈം ബ്രാഞ്ച്,വിജിലൻസ് എന്നി വകുപ്പുകളെ ഏകോപിപ്പിച്ചുകൊണ്ട് സംയുക്ത സംഘമാണ് അന്വേഷിക്കുന്നത്. മരം മുറിക്ക് അനുമതി നൽകിയത് ആലോചിച്ച് എടുത്ത തീരുമാനമാണ് എന്നാൽ അതിന്റെ മറവിൽ ചിലർ നിയമ വിരുദ്ധമായ കാര്യങ്ങൾ നടത്തുകയായിരുന്നു.കർശനമായ നടപടികൾ സ്വീകരിക്കുമെന്നും മുഖ്യമന്ത്രി വ്യക്തമാക്കിയിരുന്നു.

| പാലും തേനും നൽകിയാലും ബന്ധനം ബന്ധനം തന്നെയെന്ന് വനിത കമ്മിഷൻ |

നെന്മാറ(പാലക്കാട്) : യുവതിയെ പത്ത് വർഷം പൂട്ടിയിട്ട പാലക്കാട് നെന്മാറയിലേത് അസാധാരണവും അവിശ്വസനീയവുമായ സംഭവമാണെന്ന് വനിത കമ്മീഷൻ അധ്യക്ഷ എം സി ജോസഫൈൻ. പാലും തേനും നൽകിയാലും ബന്ധനം ബന്ധനം തന്നെയെന്ന് വനിത കമ്മിഷൻ പറഞ്ഞു.

നെന്മാറയിലെ റഹ്മാൻ എന്നയാൾ തന്റെ പ്രണയിനിയായ യുവതിയെ പത്ത് വർഷം ഒറ്റമുറിയിൽ പൂട്ടിയിട്ട സംഭവത്തിൽഎന്തൊക്കെയോ അവിശ്വസനീയ കാര്യങ്ങൾ ഉണ്ടെന്ന് വിശ്വസിക്കുന്നതായി അവർ പറഞ്ഞു.

പോലീസിനെതിരെ വിമർശനവും വനിത കമ്മീഷൻ ഉന്നയിച്ചു.യുവതിയെ കാണാതായ പരാതിയിൽ പോലീസ് അലംഭാവം കാണിച്ചതായും കമ്മീഷൻ പ്രതികരിച്ചു. കേരളത്തിൽ ആദ്യമായാണ് ഇത്തരം ഒരു സംഭവം.അതുകൊണ്ട്തന്നെ അസാധാരണ സംഭവമായാണ് ഇതിനെ കാണുന്നത്.

ജീവിതത്തിൽ പ്രശ്നങ്ങൾ ഒന്നും ഉണ്ടാകാത്ത സ്ഥിതിക്ക് അവർ ഇനിയും സുഖമായി ജീവിക്കട്ടെയെന്ന് കമ്മീഷൻ അധ്യക്ഷ പറഞ്ഞു.

വർത്തകളിലൂടെയാണ് കമ്മീഷൻ വിഷയത്തിൽ ഇടപെട്ടത്.ദൈനംദിന ആവശ്യങ്ങൾപോലും നിറവേറ്റാൻ രാത്രിവരെ കാത്തിരിക്കേണ്ട അവസ്ഥയിലുള്ള സ്ത്രീയുടെ അവസ്ഥയാണ് കമ്മിഷൻ പരിഗണിച്ചത്. യുവാവിനും യുവതിക്കും പ്രണയിക്കാം ,ഒരുമിച്ച് ജീവിക്കാം പക്ഷെ അതിന് റഹ്മാൻ തിരഞ്ഞെടുത്ത മാർഗം തെറ്റായ സന്ദേശമാണ് സമൂഹത്തിന് നൽകുന്നത്.

റഹ്മാന്റെ രീതിയെ മഹത്വവൽക്കരിക്കുന്ന അവസ്ഥ ഉണ്ടാകാൻ പാടില്ലെന്നും കമ്മീഷൻ പ്രതിനിധി പ്രതികരിച്ചു.പോലീസ് റിപ്പോർട്ട് മാത്രം പരിഗണിച്ച് പ്രവർത്തിക്കാൻ കഴിയില്ലെന്നും സംഭവത്തിൽ അന്വേഷണം തുടരുമെന്നും വനിത കമ്മീഷൻ അറിയിച്ചു.

photo credit | asianetnews.com

L I V E |

തൃശൂർ: തൃശ്ശൂരിലെ സ്വകാര്യ അപ്പാർട്ട്മെന്റിലെ വാക്‌സിനേഷൻ കേന്ദ്രത്തിൽ കോവിഡ് വാക്‌സിന് അധിക വില ഈടാക്കുന്നത് ആരോഗ്യവകുപ്പ് തടഞ്ഞു.

സ്വകാര്യ അപ്പാർട്ട്മെന്റ്റ് റെസിഡൻഷ്യൽ അസ്സോസിയേഷനാണ് വാക്‌സിനേഷൻ ഒരുക്കിയതെന്നാണ് റിപ്പോർട്ടുകൾ.
കോവിഷീൽഡ്‌ വാക്‌സിന് 1400 -1450 രൂപയാണ് അധികമായി വാങ്ങിയത്.

യഥാർത്ഥത്തിൽ കോവിഷീൽഡ്‌ വാക്‌സിന് 750 രൂപയാണ് സർക്കാർ നിശ്ചയിച്ച നിരക്ക്.അധിക തുക ഈടാക്കി സ്വകാര്യ അപ്പാർട്ട്മെന്റ് വാക്‌സിനേഷൻ നടത്തുന്നു എന്ന വിവരത്തെ തുടർന്ന് തൃശൂർ ജില്ലാ മെഡിക്കൽ ഓഫീസറുടെ നേതൃത്വത്തിൽ ആരോഗ്യ പ്രവർത്തകരുടെ സംഘം ഇവിടെ എത്തി വാക്‌സിനേഷൻ തടയുകയായിരുന്നു.

ഇവിടെ വാക്‌സിനേഷന് അധിക തുക ഈടാക്കാക്കിയിരുന്നതായി ഡി എം ഒ സ്ഥിരീകരിച്ചിട്ടുണ്ട്.വാക്‌സിനേഷൻ കേന്ദ്രത്തിൽ കോവിഡ് പ്രോട്ടോക്കോളും ലംഘിക്കപ്പെട്ടിരുന്നു.

കോഴിക്കോട്ടുനിന്നുള്ള സ്വകാര്യ ആശുപത്രിയിലെ ഒരു സംഘമാണ് വാക്‌സിനേഷൻ സൗകര്യങ്ങൾ ഒരുക്കുന്നത് എന്നും അവർക്കുള്ള ചിലവുകളും മറ്റുമായി ചെറിയ ഒരു സർവീസ് ചാർജ് മാത്രമാണ് ഈടാക്കാൻ ഉദ്ദേശിച്ചിരുന്നത് എന്ന് വാക്‌സിനേഷൻ സംഘാടകർ ഡി എം ഒ യെ ധരിപ്പിച്ചു.

എന്നാൽ സർക്കാർ നിശ്ചയിച്ച നിരക്കിൽ മാത്രമേ വാക്‌സിനേഷൻ പാടുള്ളു എന്ന ഡി എം ഒ യുടെ നിർദേശത്തെ തുടർന്ന് സർക്കാർ നിരക്കിൽ തന്നെ വാക്‌സിനേഷൻ ചെയ്യാൻ സംഘാടകർ ഇപ്പോൾ തയ്യാറായിട്ടുണ്ട്.ഇപ്പോൾ ഇവിടെ വാക്‌സിനേഷൻ സർക്കാർ നിരക്കിൽ തന്നെ തുടരുന്നു.കോവിഡ് നിയന്ത്രണങ്ങൾ പാലിക്കാനും ജില്ലാ മെഡിക്കൽ ഓഫീസർ നിർദേശിച്ചിട്ടുണ്ട്.

L A T E S T |

തിരുവനന്തപുരം: മുട്ടിൽ മരം മുറി പ്രത്യേക അന്വേഷണ സംഘം അന്വേഷിക്കുമെന്ന് മുഖ്യമന്ത്രി പിണറായി വിജയൻ പറഞ്ഞു.

ഫോറസ്റ്റ് ,ക്രൈം ബ്രാഞ്ച്,വിജിലൻസ് എന്നി വകുപ്പുകളെ ഏകോപിപ്പിച്ചുകൊണ്ട് സംയുക്ത സംഘം അന്വേഷിക്കും.മരം മുറിക്ക് അനുമതി നൽകിയത് ആലോചിച്ച് എടുത്ത തീരുമാനമാണ് എന്നാൽ അതിന്റെ മറവിൽ ചിലർ നിയമ വിരുദ്ധമായ കാര്യങ്ങൾ നടത്തുകയായിരുന്നു.കർശനമായ നടപടികൾ സ്വീകരിക്കുമെന്നും മുഖ്യമന്ത്രി വ്യക്തമാക്കി.

ഇതിനിടയിൽ അന്വേഷണ സംഘത്തിൽനിന്ന് അഴിച്ചുപണിയിലൂടെ മാറ്റിയ ഡി എഫ് ഒ പി ധനേഷ് കുമാറിനെ വളരെ നാടകീയമായി വീണ്ടും അന്വേഷണ സംഘത്തിൽ ഉൾക്കൊള്ളിച്ചത് ശ്രദ്ധേയമായി. കൂടുതൽ ചുമതലകൾ നൽകിയാണ് വടക്കൻ മേഖലയിലെ 8 ജില്ലകളുടെ അന്വേഷണ മേൽനോട്ട ചുമതല ധനേഷ് കുമാറിന് നൽകിയത്.

മരം മുറി വിഷയം കത്തിപ്പടരുന്നതിനിടയിൽ ഡി എഫ് ഒ ധനേഷ് കുമാറിനെ അന്വേഷണ സംഘത്തിൽ നിന്ന് മാറ്റിയത് വിവാദമായിരുന്നു.അന്വേഷണ ചുമതലയുള്ള ഉന്നതോദ്യോഗസ്ഥനെ ഒഴിവാക്കിയത് തനിക്ക് അറിയില്ലെന്ന് വനം മന്ത്രി എ കെ ശശീന്ദ്രൻ പറഞ്ഞതും വലിയ വാർത്താ പ്രാധാന്യം നേടിയിരുന്നു.

L I V E |

തിരുവനന്തപുരം: സംസ്ഥാനത്തെ കോവിഡ് രണ്ടാം തരംഗ ഭീഷണി പതിയെ ഒഴിയാൻ തുടങ്ങിയെന്ന് മുഖ്യമന്ത്രി പിണറായി വിജയൻ പറഞ്ഞു.

എങ്കിലും ജാഗ്രത കൈവിടാൻ സമയമായിട്ടില്ലെന്നും അദ്ദേഹം കൂട്ടിച്ചേർത്തു.ഇപ്പോൾ എങ്ങിനെയാണോ നാം ജാഗ്രത പാലിക്കുന്നത് അത് ഇനിയും തുടരണം.ഇരട്ട മാസ്ക് നിർബന്ധമാണ്‌.

മൂന്നാം തരംഗത്തെക്കുറിച്ച് ഇപ്പോൾ ആശങ്ക വേണ്ട.മൂന്നാം തരംഗത്തെ നേരിടാനുള്ള ഒരുക്കങ്ങൾ നടത്തേണ്ടതുണ്ട്.രണ്ടാം തരംഗം നിലനിൽക്കാൻ കാരണം ഡെൽറ്റ വൈറസാണ്.ഇത് ഒരാളിൽ നിന്ന് പത്താളുകളിലേക്ക് പടരാം.

ടെസ്റ്റ് പോസിറ്റിവിറ്റി നിരക്ക് പത്തിൽ താഴെ എത്തിക്കുകയാണ് ലക്‌ഷ്യം.ടി പി ആർ നിരക്ക് കൂടുതലുള്ള ജില്ലകളിൽ പരിശോധനകളുടെ എണ്ണം കൂട്ടും.ടെസ്റ്റ് പോസിറ്റിവിറ്റി നിരക്ക് കുറയാത്തതിനാലാണ് ലോക്ക് ഡൗൺ നീട്ടേണ്ടി വരുന്നതെന്നും മുഖ്യമന്ത്രി പറഞ്ഞു.

സ്കൂൾ കുട്ടികളുടെ ഓൺലൈൻ പഠനത്തിലെ പ്രതിസന്ധികൾ പരിഹരിക്കും.ഇന്റർനെറ്റ് ലഭ്യതയും വേഗതയും ഉറപ്പാക്കുന്നതിന് പുറമെ അധ്യാപകരുമായി നേരിട്ട് സംവദിക്കാനുള്ള പരിപാടി ആസൂത്രണം ചെയ്യുന്നുണ്ട്.

സ്മാർട്ട് ഫോൺ വാങ്ങുന്നതിനുള്ള വായ്പ പദ്ധതികൾ ആസൂത്രണം ചെയ്യുന്നുണ്ട്.പലിശ രഹിത വായ്പയായിരിക്കും ഇത്.സ്കൂൾ കുട്ടികൾക്ക് ഭക്ഷ്യ കിറ്റ് വിതരണം ചെയ്യുമെന്നും മുഖ്യമന്ത്രി കൂട്ടിച്ചേർത്തു.

തിരുവനന്തപുരം: നിയമന ഉത്തരവ് ലഭിച്ച അധ്യാപകർക്ക് ഉടൻ ജോലിയിൽ ചേരാൻ പറ്റുമോയെന്ന കാര്യം പരിശോധിക്കുമെന്ന് മുഖ്യമന്ത്രി നിയമസഭയിൽ പറഞ്ഞു.

ലോക്ക് ഡൗൺ കാലത്ത് അനിശ്ചിതാവസ്ഥയിലായ അധ്യാപക നിയമനം സംബന്ധിച്ചുള്ള ആശങ്കകൾ കഴിഞ്ഞ അധ്യയന വർഷം തന്നെ വാർത്തയായിരുന്നു.അടച്ചിടലിൽ സ്കൂളുകൾ തുറക്കാത്തതിനെ പേരിൽ സർക്കാർ എയ്ഡഡ് മേഖലകളിൽ അധ്യാപക നിയമനങ്ങൾ നടന്നിരുന്നില്ല.

മറ്റ് മേഖലകളിലെല്ലാം നിയമനം നടക്കുമ്പോൾ സ്കൂൾ തുറക്കാത്തതിനെ പേരിലാണ് അധ്യാപക നിയമനം മാത്രം വൈകുന്നത്.നിയമന ഉത്തരവ് ലഭിച്ചിട്ടും ജോലിയിൽ പ്രവേശിക്കാൻ പറ്റാത്ത സാങ്കേതിക വിഷയം ഉദ്യോഗാർത്ഥി കൾക്കിടയിൽ വലിയ ആശങ്കകൾ സൃഷ്ടിച്ചിരുന്നു.

മേഖലയിലെ എയ്ഡഡ് വിദ്യാലയങ്ങളിലും സമാനമായ പ്രതിസന്ധി നിലനിൽക്കുന്നുണ്ട്.എയ്ഡഡ് മേഖലകളിൽ മാനേജ്മെന്റുകൾ നിയമനം നടത്തുകയും എന്നാൽ ജോലിയിൽ പ്രവേശിക്കാൻ കഴിയാതെയും ആയിരക്കണക്കിന് അധ്യാപകർ വേതനമില്ലാതെ ഓൺലൈൻ ക്ലാസുകളിലും മറ്റ് സ്കൂൾ പ്രവർത്തനങ്ങളിലും പങ്കാളികളായി പ്രവർത്തിക്കുന്നുണ്ട്.

വിഷയത്തിൽ സർക്കാർ ഇടപെടൽ ഉണ്ടാകുന്നതോടെ എയ്ഡഡ് മേഖലയിലെയും പ്രശ്നങ്ങൾ പരിഹരിക്കപ്പെടുമെന്ന പ്രതീക്ഷയിലാണ് ഉദ്യോഗാർത്ഥികൾ.

തിരുവനന്തപുരം: സംസ്ഥാനത്തെ കിടപ്പ് രോഗികൾക്കും വയോജങ്ങൾക്കും വീടുകളിൽ വാക്‌സിൻ നൽകിയേക്കും.

ആരോഗ്യവകുപ്പ് അഡിഷണൽ സെക്രട്ടറിയുടെ ഉത്തരവിന്റെ പശ്ചാത്തലത്തിൽ ഇതുസംബന്ധിച്ച വിവര ശേഖരണം നടത്താൻ സംസ്ഥാന പോലീസ് മേധാവി എസ് എച് ഒ മാർക്ക് നിർദേശം നൽകി.

ഓരോ പ്രദേശത്തെയും വയോജനങ്ങളുടെയും കിടപ്പ് രോഗികളുടെയും വിവരങ്ങൾ പോലീസ് ശേഖരിക്കുകയും ആരോഗ്യ വകുപ്പിന് കൈമാറുകയും ചെയ്യും.തുടർനടപടികൾ ആരോഗ്യവകുപ്പ് സ്വീകരിക്കും.

കോവിഡ് പ്രതിരോധ പ്രവർത്തനങ്ങളുടെ ഭാഗമായി ആരോഗ്യ വകുപ്പ് അഡിഷണൽ സെക്രെട്ടറി ഇറക്കിയ ഉത്തരവ് പ്രകാരം വാക്‌സിനേഷൻ കേന്ദ്രങ്ങളിൽ എത്തിച്ചേരാനുള്ള വയോജനങ്ങളുടെയും കിടപ്പ് രോഗികളുടെയും പ്രയാസങ്ങൾ പരിഹരിക്കപ്പെടും.

സംസ്ഥാന സർക്കാർ പദ്ധതി ആലോചിക്കുന്നതിന് മുൻപേ തന്നെ കണ്ണൂർ ജില്ലാ പഞ്ചായത്ത് കിടപ്പ് രോഗികൾക്ക് വീടുകളിൽ വാക്‌സിൻ നൽകുന്ന പദ്ധതി തുടങ്ങിയിരുന്നു.

കൊച്ചി: ബിജെപി അധ്യക്ഷൻ കെ സുരേന്ദ്രനെ ഒറ്റ തിരിഞ്ഞ് ആക്രമിക്കാൻ അനുവദിക്കില്ലെന്ന് സംസ്ഥാന ബിജെപി നേതൃത്വം ഒറ്റക്കെട്ടായി തീരുമാനിച്ചു.ബിജെപി കോർ കമ്മറ്റിയിലാണ് തീരുമാനം.

സംസ്ഥാന അധ്യക്ഷനെ ജനമധ്യത്തിൽ പരിഹാസ പാത്രമാക്കാൻ അനുവദിക്കില്ല എന്നും നേതാക്കളെ ആക്രമിച്ച് പാർട്ടിയെ ചിന്നഭിന്നമാക്കാമെന്നുമുള്ള സി പി എമ്മിന്റെയും കോൺഗ്രസിന്റെയും ശ്രമം വിലപ്പോകില്ലെന്നും പാർട്ടി ഒറ്റക്കെട്ടായി നേരിടുമെന്നും കുമ്മനം രാജശേഖരൻ പറഞ്ഞു.

കൊടകര കുഴൽപ്പണ കേസിൽ ഏകപക്ഷീയ നിലപാടാണ് സ്വീകരിക്കപ്പെടുന്നത്.സംഭവത്തിൽ ബന്ധപ്പെട്ട മുഴുവൻ പേരുടെയും കോൾ ലിസ്റ്റ് പരിശോധിക്കാൻ തയ്യാറാകുന്നില്ല.പോലീസും ഭരണകൂടവും മുൻവിധിയോടെ പെരുമാറുന്നു.

കവർച്ച കേസിലെ പ്രതികളായ സി പി എമ്മുകാരുടെയും സി പി ഐ ക്കാരുടെയും വിവരങ്ങൾ പുറത്തുവിടുന്നില്ല.സംഭവത്തിലെ യഥാർത്ഥ ഗൂഢാലോചന പുറത്തുകൊണ്ടുവരാൻ സർക്കാരിന് ബാധ്യത ഇല്ലേയെന്നും കുമ്മനം ചോദിച്ചു.

ബിജെപി സംസ്ഥാന കോർ കമ്മറ്റി യോഗം ഹോട്ടലിൽ ചേരുന്നതിനെ വിലക്കിയതിന്റെ രാഷ്ട്രീയത്തെയും കുമ്മനം ചോദ്യം ചെയ്തു. കോവിഡ് മാനദണ്ഡങ്ങൾ പാലിച്ച് അനുവാദം വാങ്ങിയാണ് യോഗം നടത്താൻ തീരുമാനിച്ചത്.

നാട്ടിലെ എല്ലാ കീഴ്വഴക്കങ്ങളും നിയമങ്ങളും പാലിച്ച് പ്രവർത്തിക്കുന്ന രാഷ്ട്രീയ പാർട്ടികളുടെ അവകാശങ്ങളെപോലും ലംഘിച്ചുകൊണ്ടാണ് കേരളം സർക്കാർ നീചമായ നീക്കങ്ങൾ നടത്തുന്നത്.

കഴിഞ്ഞ കുറച്ചു മാസങ്ങളായി ചില മാധ്യമങ്ങളും സി പി എമ്മും കോൺഗ്രസ്സും ചില തല്പര കക്ഷികളും ബിജെപിയെ കൊത്തിക്കീറി വലിക്കുകയും വളഞ്ഞിട്ട് ആക്രമിക്കുകയും ചെയ്യുന്നു.ഏത് വിധേനയും ബിജെപിയെ തച്ചു തകർത്ത് എതിർ ശബ്ദങ്ങളെ ഇല്ലാതാക്കാനുള്ള സി പി എം നിലപാട് ഫാസിസമാണ് എന്നും അദ്ദേഹം പറഞ്ഞു.

L A T E S T |

തിരുവനന്തപുരം: കോവിഡ് സാഹചര്യത്തിലെ ഓൺലൈൻ പഠനം സുഗമമാക്കാൻ മുഖ്യമന്ത്രി പിണറായി വിജയൻ ഇന്റർനെറ്റ് സേവനദാതാക്കളുടെ യോഗം വിളിച്ചു.

ഇന്റർനെറ്റ് വേഗതയുടെയും ലഭ്യതയുടെയും പേരിൽ ഓൺലൈൻ പഠനം പലയിടത്തും പ്രതിസന്ധി നേരിടുന്നു എന്ന വാർത്തകളുടെ പശ്ചാത്തലത്തിലാണ് മുഖ്യമന്ത്രിയുടെ ഇടപെടൽ.

വ്യാഴാഴ്ച്ച രാവിലെ 11.30 ന് ഓൺലൈൻ ആയാണ് യോഗം ചേരുകയെന്ന് മുഖ്യമന്ത്രിയുടെ ഓഫീസ് അറിയിച്ചു.സംസ്ഥാനത്തെ മുഴുവൻ ഇന്റർനെറ്റ് സേവനദാതാക്കളെയും യോഗത്തിലേക്ക് ക്ഷണിച്ചിട്ടുണ്ട്.

ഇന്റർനെറ്റ് വേഗത സംബന്ധിച്ച പരാതികൾക്ക് യോഗത്തിൽ തീരുമാനമുണ്ടായേക്കും എന്നാണ് സൂചന.പലയിടത്തും ഇന്റർനെറ്റ് ലഭ്യതയും വേഗതക്കുറവും ഓൺലൈൻ പഠനത്തെ ബാധിക്കുന്നു എന്ന് വ്യാപക പരാതി ഉയർന്നിരുന്നു.

തിരുവനന്തപുരം: 40 വയസിന് മുകളിലുള്ള എല്ലാവർക്കും ജൂലൈ 15നകം ആദ്യ ഡോസ് വാക്‌സിൻ നൽകുമെന്ന് മുഖ്യമന്ത്രി പിണറായി വിജയൻ പറഞ്ഞു.ഇതുസംബന്ധിച്ച നിർദേശം മുഖ്യമന്ത്രി ആരോഗ്യവകുപ്പിന് നൽകി.

45 വയസിന് മുകളിലുള്ള 50 ലക്ഷത്തോളംപേരാണ് ആദ്യ ഡോസ് കോവിഡ് വാക്‌സിൻ സ്വീകരിക്കാനുള്ളത്.സംസ്ഥാനത്തിന് ഈ മാസം 38 ലക്ഷം ഡോസ് വാക്‌സിൻ ലഭിക്കും.കോവിഡ് മൂന്നാം തരംഗത്തെ നേരിടാനുള്ള എല്ലാ പ്രവർത്തനങ്ങളും എല്ലാ വകുപ്പുകളുടെയും സഹകരണത്തോടെ നടപ്പാക്കാൻ മുഖ്യമന്ത്രി നിർദേശിച്ചു.

കണ്ണൂർ: ബിജെപി ദേശീയ ഉപ അധ്യക്ഷൻ എ പി അബ്ദുള്ളക്കുട്ടിയുടെ വീട്ടിൽ വിജിലൻസ് പരിശോധന.അബ്ദുള്ളക്കുട്ടിയുടെ പള്ളിക്കുന്നിലെ വീട്ടിലാണ് പരിശോധന നടന്നത്.

കണ്ണൂർ കോട്ടയിൽ ലൈറ്റ് ആൻഡ് സൗണ്ട് ഷോ തയ്യാറാക്കിയതുമായി ബന്ധപ്പെട്ടാണ് പരിശോധന എന്നാണ് സൂചന.ഒരു കോടി രൂപയിലധികം സംസ്ഥാന ഖജനാവിൽനിന്ന് ചിലവാക്കി ദുർവ്യയം നടത്തി എന്ന ആരോപണത്തിലാണ് റെയ്ഡ്.

2016ൽ എം എൽ എ ആയിരുന്നപ്പോഴാണ് പദ്ധതി ഡി ടി പി സി യുടെ സഹായത്തോടെ നടപ്പാക്കിയത്.ഇതിന്റെ തുടർ പദ്ധതികളും വിഭാവനം ചെയ്തിരുന്നു.യു ഡി എഫ് സർക്കാർ അധികാരം ഒഴിയുന്നതിന് തൊട്ടു മുൻപാണ് ധൃതി പിടിച്ച് പദ്ധതി ഉത്ഘാടനം ചെയ്തത്.

എന്നാൽ ഒരു ദിവസം ലൈറ്റ് ആൻഡ് സൗണ്ട് ഷോ നടത്തി എന്നല്ലാതെ പിന്നീട് ഒന്നും ഉണ്ടായില്ല.പദ്ധതിക്ക് പിന്നിൽ വലിയ സാമ്പത്തിക അഴിമതി നടത്തി എന്നാണ് സൂചനകൾ.ഇതുമായി ബന്ധപ്പെട്ട് കഴിഞ്ഞ ദിവസം ഡി ടി പി സി യിലും റെയ്ഡ് നടന്നിരുന്നു.

എന്നാൽ റെയ്ഡ് അല്ല നടന്നതെന്നും പ്രാഥമിക അന്വേഷണം മാത്രമാണ് നടന്നതെന്നും എ പി അബ്ദുള്ളക്കുട്ടി പ്രതികരിച്ചു. വിഷയത്തിൽ സാമ്പത്തിക അഴിമതി നടന്നതായി സംശയമുണ്ടെന്നും താൻ അതിൽ പങ്കാളി അല്ലെന്നും അബ്ദുള്ളക്കുട്ടി പ്രതികരിച്ചു.

L I V E |

തിരുവനന്തപുരം:കൊടകര കുഴൽപ്പണ കേസിൽ ബിജെപി അധ്യക്ഷൻ കെ സുരേന്ദ്രന്റെ മൊഴിയെടുക്കാൻ പോലീസ്. ബിജെപിയെ തകർക്കാനുള്ള ഗൂഢ ലക്ഷ്യം രാഷ്ട്രീയമായി നേരിടുമെന്ന് കെ സുരേന്ദ്രൻ പറഞ്ഞു.

സ്വർണക്കടത്തിന് സമാനമായ കേസ് കെട്ടിച്ചമയ്ക്കാനുള്ള ശ്രമമാണിത്.ബിജെപി നേതാക്കളാരും മറ്റ് ചില ആളുകളെപ്പോലെ തലയിൽ മുണ്ടിട്ട് പോയിട്ടില്ല.പോലീസിനോട് ബിജെപി നേതാക്കൾ കാര്യങ്ങൾ വ്യക്തമായി പറഞ്ഞിട്ടുണ്ട്. അന്വേഷണത്തോട് സഹകരിക്കുന്നുമുണ്ട്. രാഷ്ട്രീയമായി തകർക്കാനാണ് ശ്രമമെങ്കിൽ രാഷ്ട്രീയമായി തന്നെ നേരിടുമെന്നും കെ സുരേന്ദ്രൻ വ്യക്തമാക്കി.

അടുത്ത ആഴ്ച്ച തന്നെ കെ സുരേന്ദ്രനെ വിളിച്ചു വരുത്തി മൊഴിയെടുക്കുമെന്നാണ് സൂചന.കെ സുരേന്ദ്രന് പുറമെ മറ്റ് ചില സംസ്ഥാന ബിജെപി നേതാക്കളെയും വിളിപ്പിക്കാൻ സാധ്യതയുണ്ടെ ന്നും പോലീസ് സൂചന നൽകി.വിഷയത്തിൽ ബിജെപി നേതാക്കളുടെ മൊഴികളിൽ വൈരുധ്യം ഉണ്ടെന്നും പോലീസ് പറയുന്നു.

സി കെ ജാനുവിന് പണം കൊടുത്തിട്ടില്ല, ആരോപണങ്ങൾ നിഷേധിച്ച് സുരേന്ദ്രൻ

കോഴിക്കോട്: സി കെ ജാനുവിന് ഒരു രൂപപോലും കൊടുത്തിട്ടില്ലെന്നും അവർ പൈസ ചോദിച്ചിട്ടിലെന്നും കെ സുരേന്ദ്രൻ പറഞ്ഞു.കോഴിക്കോട് മാധ്യമങ്ങളോട് സംസാരിക്കുകയായിരുന്നു അദ്ദേഹം.ആദിവാസി നേതാവായതുകൊണ്ടാണോ ജാനുവിനെ അവഹേളിക്കുന്നതെന്ന് അറിയില്ലെന്നും സുരേന്ദ്രൻ പറഞ്ഞു.

എന്നെ ആക്ഷേപിക്കാനാണെങ്കിൽ വേറെ വഴികൾ നോക്കണം.നിങ്ങൾ ആക്ഷേപിക്കുന്നത് കേരളത്തിലെ ആയിരക്കണക്കിന് ദളിതർക്കും ആദിവാസികൾക്കും വേണ്ടി പ്രവർത്തിച്ച സാമൂഹ്യ പ്രവർത്തകയെയാണെന്നും സുരേന്ദ്രൻ പറഞ്ഞു.

തിരുവനന്തപുരം:സംസ്ഥാനത്തെ കോവിഡ് മരണ നിരക്ക് കുറച്ചുകാട്ടുന്നതായി ആരോപിച്ച് പ്രതിപക്ഷം രംഗത്തിറങ്ങിയത് സഭയിൽ വാക്കേറ്റത്തിന് കാരണമായി.

പ്രതിപക്ഷ ആരോപണങ്ങളെ ശക്തമായി എതിർത്ത ആരോഗ്യമന്ത്രി വീണ ജോർജ് ആരോഗ്യവകുപ്പിന്റെ ഇകഴ്ത്തിക്കാട്ടാനുള്ള ശ്രമമാണ് ഇതെന്ന് തിരിച്ചടിച്ചു.

പ്രതിപക്ഷ ഉപനേതാവ് എം കെ മുനീർ അവതരിപ്പിച്ച അടിയന്തിര പ്രമേയത്തിന് മറുപടി പറയവെയാണ് ആരോഗ്യമന്ത്രിയും പ്രതിപക്ഷവും വാക്കേറ്റമുണ്ടായത്.ആഗോളതലത്തിൽ ഏറ്റവും കുറഞ്ഞ മരണ നിരക്കാണ് കേരളത്തിലേത് എന്ന് ആരോഗ്യമന്ത്രി പറഞ്ഞപ്പോൾ കണക്കുകൾ വിശ്വസനീയമല്ലെന്ന് പ്രതിപക്ഷം തുറന്നടിച്ചതോടെയാണ് സഭ ബഹളമയമായി മാറിയത്.

പ്രതിപക്ഷ നോട്ടീസിൽ പറയുന്നത് വാസ്തവമല്ല.രണ്ടാം തരംഗത്തെ നേരിടാനാണ് സർക്കാർ ശ്രമിച്ചത് എന്ന് പറഞ്ഞുകൊണ്ടാണ് വീണ ജോർജ് പ്രതിപക്ഷത്തെ നേരിട്ടത്.അടിയന്തിര പ്രമേയ നോട്ടീസിലെ പ്രധാന വിഷയം കോവിഡ് മരണ നിരക്കായിരുന്നു.

കോവിഡ് മരണങ്ങളാണോ എന്ന് തീരുമാനിക്കേണ്ടത് മാനേജ്‌മന്റ് കമ്മറ്റിയല്ല ഡോക്ടർമാരാണ് എന്നാണ് പ്രതിപക്ഷം പറഞ്ഞത്. കോവിഡ് മരണങ്ങൾ ഒളിച്ചിവെക്കുമ്പോൾ പലർക്കും കിട്ടേണ്ട സഹായം കിട്ടാതെ വരുമെന്നും പ്രതിപക്ഷം ആരോപിച്ചു.

നേരത്തെ നടത്തിയതുപോലെയല്ല കുറച്ചുകൂടി മികച്ച പ്രവർത്തനങ്ങൾ നടത്തണമെന്ന് ഡോക്ടർ എം കെ മുനീർ പറഞ്ഞു.കോവിഡ് മരണങ്ങൾപോലെ തന്നെ പോസ്റ്റ് കോവിഡ് മരണങ്ങളും കണക്കിൽ ഉൾപ്പെടുത്തണമെന്ന് മുനീർ പറഞ്ഞു.

പ്രതിപക്ഷ ആരോപണങ്ങളോട് വൈകാരികമായി പ്രതികരിച്ച രോഗ്യമന്ത്രി വീണ ജോർജ് മികച്ച രീതിയിൽ പ്രവർത്തിക്കുന്ന വകുപ്പിനെ ഇകഴ്ത്തികാട്ടാനുള്ള ശ്രമമാണ് നടക്കുന്നതെന്ന് പ്രതികരിച്ചു.

തിരുവനന്തപുരം: ദേവികുളം എം എൽ എ എ രാജ വീണ്ടും സത്യപ്രതിജ്‌ഞ ചെയ്തു.സ്‌പീക്കറുടെ ചേംബറിലായിരുന്നു സത്യപ്രതിജ്ഞ.

എം എൽ എ മാരുടെ സത്യപ്രതിജ്‌ഞാ വേളയിൽ ദൈവനാമത്തിൽ എന്നോ സഗൗരവത്തിൽ എന്നോ തമിഴിൽ സത്യപ്രതിജ്‌ഞ രാജ പറഞ്ഞിരുന്നില്ല എന്നതാണ് സാങ്കേതിക പിഴവായി മാറിയത്. രാജയുടെ സത്യപ്രതിജ്‌ഞ നിയമവകുപ്പ് മൊഴിമാറ്റിയപ്പോഴാണ് സാങ്കേതിക പിഴവ് കണ്ടെത്തിയത്.ഇതിന്റെ അടിസ്ഥാനത്തിലായിരു ന്നു വീണ്ടും സത്യപ്രതിജ്ഞ ചെയ്യേണ്ടി വന്നത്.

ആദ്യ സത്യപ്രതിജ്ഞ പ്രൊടെം സ്പീക്കർ പി ടി എ റഹീമിനുമുൻപാകെ നടത്തിയ രാജ ഇന്ന് സ്പീക്കർ എം ബി രാജേഷിന് മുൻപാകെയാണ് സത്യപ്രതിജ്ഞ ചെയ്തത്.

L A T E S T |

കൊച്ചി: എം പിമാർക്ക് ലക്ഷദ്വീപ് സന്ദർശിക്കാൻ അനുമതി നിഷേധിച്ചു.

യു ഡി എഫ് എം പിമാരാണ് ലക്ഷദ്വീപ് സന്ദർശിക്കാൻ അനുമതി തേടിയത്.ലക്ഷദ്വീപ് ഭരണകൂടമാണ് അനിമതി നിഷേധിച്ചത്. കാരണം വ്യക്തമാക്കിയിട്ടില്ലെങ്കിലും കോവിഡ് പശ്ചാത്തലത്തിലാണ് അനുമതി നിഷേധിച്ചത് എന്നാണ് സൂചന.

ലക്ഷദ്വീപിലേക്ക് ഇന്ന് യാത്ര ചെയ്യാനായിരുന്നു എം പി മാരുടെ പദ്ധതി.അനുമതി നിഷേധിച്ചാൽ യാത്ര റദ്ദാക്കി.യാത്രാനുമതി നിഷേധിച്ചത് ജനാധിപത്യ വിരുദ്ധ നടപടിയാണെന്ന് എൻ കെ പ്രേമചന്ദ്രൻ എം പി ആരോപിച്ചു.വിഷയം പാർലമെന്റിൽ ഉന്നയിക്കുമെന്ന് അദ്ദേഹം പ്രതികരിച്ചു.

തിരുവനന്തപുരം: ലക്ഷദ്വീപ് വിഷയത്തിൽ നിയമസഭ പ്രമേയം പാസായി.

ലക്ഷദ്വീപ് നിവാസികളുടെ തനത് ജീവിത രീതി ഇല്ലാതാകുന്ന കോർപ്പറേറ്റ് താൽപര്യങ്ങളാണ് അവിടെ നടക്കുന്നതെന്ന് പ്രമേയം അവതരിപ്പിച്ച് കൊണ്ട് മുഖ്യമന്ത്രി പിണറായി വിജയൻ പറഞ്ഞു.

സമാധാനപരമായി ജീവിക്കുകയും അതിഥികളെ സ്നേഹപൂർവ്വം പരിപാലിക്കുകയും ചെയ്യുന്ന രീതിയാണ് ദ്വീപ് ജനതയ്ക്കുള്ളത്. കുറ്റകൃത്യങ്ങൾ തീരെ കുറഞ്ഞ ലക്ഷദ്വീപിൽ ഗുണ്ടാ നിയമവും കൊണ്ടുവരാൻ നടപടി തുടങ്ങി.പ്രതിഷേധങ്ങൾ വന്നാൽ അത് നേരിടാനുള്ള മുൻകൂട്ടിയുള്ള ആസൂത്രമാണിത്.

ഐകകണ്ഠമായാണ് പ്രമേയം പാസാക്കിയത്.ചില ഭേദഗതികൾ പ്രതിപക്ഷം ഉന്നയിച്ചു.ഇത് സർക്കാർ അംഗീകരിച്ചു.

കഴക്കൂട്ടം: ലക്ഷദ്വീപ് വിഷയത്തിൽ സി പി എമ്മും കോൺഗ്രസ്സും കാണിക്കുന്ന അമിതാവേശം രാഷ്ട്രീയ താൽപര്യമാണെന്ന് കേന്ദ്രമന്ത്രി വി മുരളീധരൻ.

സംഭവത്തിൽ ലക്ഷദ്വീപ് കളക്ടറുടെ വ്യക്തമായ വിശദീകരണം വന്നിട്ടുണ്ട്. നടക്കുന്നത് വികസന പ്രവർത്തനം മാത്രമാണെന്ന് അദ്ദേഹം വ്യക്തമാക്കിയിട്ടുണ്ട്.

സ്കോളർഷിപ്പ് വിധി സ്വാഗതാർഹമാണെന്നും വോട്ടുബാങ്ക് രാഷ്ട്രീയം അവസാനിപ്പിക്കണമെന്നും മുരളീധരൻ പറഞ്ഞു. ക്രൈസ്തവ വിഭാഗത്തിനുകൂടി അർഹമായ ആനുകൂല്യം ലഭിക്കുന്നതിന് സർക്കാർ ഇടപെടണം.

ക്രൈസ്തവ വിഭാഗത്തിന്റെ പിന്നോക്കാവസ്ഥ പഠിക്കാതെ ഒരു പ്രത്യേക മതവിഭാഗത്തിന്റെ പിന്നോക്കാവസ്ഥ മാത്രം പറഞ്ഞുകൊണ്ട് അവർക്ക് മാത്രം ആനുകൂല്യങ്ങൾ നൽകുന്നത് ഭരണഘടനാ വിരുദ്ധമാണെന്നും മുരളീധരൻ വ്യക്തമാക്കി

E X C L U S I V E | ON AIR

തിരുവനന്തപുരം: സംസ്ഥാനത്ത് ലോക്ക് ഡൗൺ ജൂൺ 9 വരെ നീട്ടിയെങ്കിലും വിവിധ മേഖലകളിൽ ഇളവുകൾ നൽകിയേക്കും എന്ന് സൂചന.ഇളവുകൾ സംബന്ധിച്ച് ശനിയാഴ്ച വൈകുന്നേരം മുഖ്യമന്ത്രി പ്രഖ്യാപിക്കും.

ചെറുകിട വ്യവസായ സ്ഥാപനങ്ങൾക്ക് ഇളവുകൾ ഉണ്ടാകും.തുണിക്കടകളും ചെരിപ്പ് കടകൾക്കും ആഴ്ചയിൽ മൂന്ന് ദിവസം തുറക്കാൻ അനുമതി ഉണ്ടാകും.കയർ,കശുവണ്ടി ഫാക്ടറികൾ നിയന്ത്രണത്തോടെ തുറക്കാം.

വ്യവസായ മേഖലകളിലേക്ക് കെ എസ് ആർ ടി സി ബസുകൾ സർവീസ്സ് നടത്തും.50 ശതമാനം ജീവനക്കാരെ അനുവദിച്ചാകും പ്രവർത്തന സമയം.കള്ളുഷാപ്പുകളിൽനിന്ന് പാർസൽ ലഭിച്ചേക്കുമെങ്കിലും മദ്യശാലകൾ ഉടൻ തുറക്കില്ല.ഉന്നത തലയോഗത്തിലാണ് ഇളവുകൾ സംബന്ധിച്ച തീരുമാനമായത് . മുഖ്യമന്ത്രിയുടെ പ്രഖ്യാപനം അൽപ സമയത്തിനകം

തിരുവനന്തപുരം: സംസ്ഥാന തല സ്കൂൾ പ്രവേശനോത്സവ സമയത്തിൽ മാറ്റം.

ജൂൺ ഒന്നിന് നടക്കുന്ന സംസ്ഥന തല വെർച്വൽ സ്കൂൾ പ്രവേശനോത്സവം തിരുവനന്തപുരം കോട്ടൺ ഹിൽസ് ഗവണ്മെന്റ് ഗേൾസ് ഹയർ സെക്കന്ററി സ്കൂളിൽ രാവിലെ 8.30 നാണ് നടക്കുകയെന്ന് സമഗ്ര ശിക്ഷാ കേരളം സംസ്ഥാന പ്രൊജക്റ്റ് ഡയറക്ടർ അറിയിച്ചു. ജൂൺ ഒന്നിന് രാവിലെ 10 മണിക്ക് നടക്കുമെന്നായിരുന്നു നേരത്തെ അറിയിച്ചിരുന്നത്.

photo | nie.com

കോഴിക്കോട്: ബ്ലാക്ക് ഫംഗസിനുള്ള മരുന്ന് കോഴിക്കോട് മെഡിക്കൽ കോളേജിൽ എത്തി.

50 വിയൽ മരുന്നുകളാണ് മെഡിക്കൽ കോളേജിൽ എത്തിയതെന്ന് ആരോഗ്യ വകുപ്പ് അധികൃതർ അറിയിച്ചു.തിങ്കളാഴ്ച മുതൽ മെഡിക്കൽ കോളേജിൽ ബ്ലാക്ക് ഫംഗസിനുള്ള മരുന്ന് ഉണ്ടായിരുന്നില്ല.

BREAKING | ON AIR

തിരുവനന്തപുരം: ദേവികുളം എം എൽ എ എ രാജ നിയമസഭയിൽ വീണ്ടും സത്യപ്രതിജ്ഞ ചെയ്യും.സാങ്കേതികമായ പിഴവുകളുടെ അടിസ്ഥാനത്തിലാണ് വീണ്ടും സത്യപ്രതിജ്ഞ.

കഴിഞ്ഞ ദിവസം നിയമസഭയിൽ നടന്ന നിയമസഭാ സാമാജികരുടെ സത്യപ്രതിജ്ഞ ചടങ്ങിൽ എ രാജയും സത്യപ്രതിജ്‌ഞ ചെയ്തിരുന്നു.

തമിഴിൽ സത്യപ്രതിജ്‌ഞ ചെയ്ത രാജ ദൈവനാമത്തിൽ എന്നോ സഗൗരവത്തിൽ എന്നോ പറയാതെയാണ് സത്യപ്രതിജ്ഞ ചെയ്തത്.

എന്നാൽ ഇത് കീഴ് വഴക്കങ്ങളുടെ ലംഘനമായാണ് വിലയിരുത്തപ്പെടുന്നത്.ഇതിന്റെ പശ്ചാത്തലത്തിലാണ് എ രാജ വീണ്ടും സത്യപ്രതിജ്‌ഞ ചെയ്യാൻ നിർബന്ധിതനായത്.സിപിഎം എം എൽ എ യാണ് എ രാജ.

L I V E |

തിരുവനന്തപുരം: കേരള നിയമസഭയുടെ ഇരുപത്തി മൂന്നാം സ്‌പീക്കറായി എം ബി രാജേഷിനെ തിരഞ്ഞെടുത്തു.

സ്പീക്കർ തിരഞ്ഞെടുപ്പിൽ രാജേഷിന് 96 വോട്ടുകൾ ലഭിച്ചു.എതിർ സ്ഥാനാർഥി പി സി വിഷ്ണുനാഥിന് 40 വോട്ടുകളും ലഭിച്ചു.

മുഖ്യമന്ത്രി പിണറായി വിജയനാണ് ആദ്യ വോട്ട് ചെയ്തത്.എം ബി രാജേഷ് വിജയിച്ച ശേഷം മുഖ്യമന്ത്രി പിണറായി വിജയൻ സ്‌പീക്കറെ അനുമോദിച്ച് സംസാരിച്ചു.ഇപ്പോൾ പ്രതിപക്ഷ നേതാവ് വി ഡി സതീശൻ സംസാരിക്കുന്നു.

തൃത്താലയിൽനിന്നുള്ള എം എൽ എ യാണ് എം ബി രാജേഷ്.പി സി വിഷ്ണുനാഥ് കുണ്ടറയിൽനിന്നാണ് വിജയിച്ചത്.

അസം മരിഗാവോൻ ജില്ലയിലെ ലാഹോരിഘട്ട് മേഖലയിൽ കുടുങ്ങിയ കേരളത്തിൽനിന്നുള്ള ബസ് ഡ്രൈവർമാരുടെ സംഘം photo credit | f sheldon fernands/thetelegraphonline

തിരുവനന്തപുരം / ഗുവഹട്ടി: കഴിഞ്ഞ ലോക്ക് ഡൗൺ കാലത്ത് ഉത്തരേന്ത്യൻ തൊഴിലാളികളുമായി ആസാമിലേക്കും ബംഗാളിലേയ്ക്കും പോയി മാസങ്ങളായി അവിടെ കുടുങ്ങിക്കിടക്കുന്ന കേരളത്തിൽനിന്നുള്ള ബസുകളും ഡ്രൈവർമാരെയും നാട്ടിലെത്തിക്കാനുള്ള ശ്രമം തുടങ്ങി.

അസം സർക്കാർ തലത്തിൽ ഇതിനായുള്ള ഊർജിത ശ്രമം തുടങ്ങിയതിന് പിന്നാലെ കേരളവും വിഷയത്തിൽ ഇടപെട്ടു.

എറണാകുളത്ത് മോട്ടോർ വാഹന വകുപ്പ് ഇതിനായി കണ്ട്രോൾ റൂം തുറക്കും.ഗതാഗത വകുപ്പ് സെക്രട്ടറി നേരിട്ട് മറ്റ് സംസ്ഥാനങ്ങളിലെ ഗതാഗത വകുപ്പ് ഉന്നത ഉദ്യോഗസ്ഥരുമായി ബന്ധപ്പെട്ട് നാട്ടിലേക്ക് ബസുമായി വരാനുള്ള പ്രത്യേക അനുമതി കൊടുക്കും. ഇതുസംബന്ധിച്ച് ഗതാഗത വകുപ്പ് മന്ത്രി ആന്റണി രാജു നിർദേശം നൽകിയിട്ടുണ്ട്.

കഴിഞ്ഞ ആഴ്ചമുതൽ അസമിൽ ഇതിനായുള്ള പ്രവർത്തനങ്ങൾ തുടങ്ങി എന്നറിയുന്നു.അസം മുഖ്യമന്ത്രിയുടെ ഓഫീസും ജില്ലാ പോലീസ് മേധാവിയും ജില്ലാ ഭരണകൂടവുമാണ് അവിടെ കുടുങ്ങിപ്പോയ ഡ്രൈവർമാരെ കേരളത്തിലേക്ക് തിരിച്ചയക്കാൻ ശ്രമം തുടങ്ങിയത്.

കേരളത്തിൽ നിന്ന് ആസാമിലേക്കും ബംഗാളിലേക്കും പോയി തൊഴിലാളികളുമായി തിരികെ മടങ്ങാം എന്ന പ്രതീക്ഷയിലാണ് ബസുകാർ അവിടെ തന്നെ തങ്ങിയത്.എന്നാൽ പല ജില്ലകളും അടച്ചിടലും കണ്ടൈൻമെൻറ് സോണുകളുമൊക്കെ ആയതോടെ ഇവിടെനിന്നു പോയ പല തൊഴിലാളികളും തിരിച്ചു വരാൻ തയ്യാറായില്ല.

അതോടെയാണ് ബസുകാരുടെ കണക്ക് കൂട്ടലുകൾ തെറ്റിയത്. പലരും ഭക്ഷണത്തിന് പോലും വകയില്ലാതെ പട്ടിണിയിലായി.ഇതിനിടയിൽ പ്രാദേശിക ഗുണ്ടകൾ വന്ന് പാർക്കിംഗ് ഫീസ് ബലമായി വാങ്ങിച്ചതായും ഭീഷണിപ്പെടുത്തുന്നതായും വാർത്തകൾ വന്നിരുന്നു.

അസമിൽ കുടുങ്ങിയ മലയാളി ഡ്രൈവർമാരിൽ പലർക്കും കോവിഡ് ബാധിച്ചതിനെ തുടർന്ന് അവിടെ ചികിത്സയിലാണ്.ഇവരുടെ ദുരിത ജീവിതം സംബന്ധിച്ച വാർത്തകളെ തുടർന്ന് ആസാം സർക്കാരും സംസ്ഥാന പോലീസ് മേധാവിയുടെ ഓഫീസും ഇവർക്കുള്ള സഹായത്തിനായി ഇടപെട്ടിട്ടുണ്ട്.

അസമിലെ മൊറിഗാവോൻ ജില്ലയിൽ കുടുങ്ങിയ ബസ് തൊഴിലാളികൾക്കും കോവിഡ് ബാധിച്ചതിനെ തുടർന്ന് ഇന്സ്ടിട്യൂഷണൽ ക്വാറന്റൈനിലാണ്.അസം പോലീസ് മേധാവി ബി ജെ മഹന്ത അത്യാവശ്യ സഹായങ്ങൾ ചെയ്യാനും നാട്ടിലേക്ക് മടങ്ങുന്നതിനുള്ള നടപടി സ്വീകരിക്കുമെന്നും വാർത്തകൾ ഉണ്ടായിരുന്നു.

അസം സർക്കാരിന്റെ ഇടപെടലിന്റെ പശ്ചാത്തലത്തിൽ നാഗാവോൻ ജില്ലാ പോലീസ് സൂപ്രണ്ട് ആനന്ദ് മിശ്ര തിരിച്ചു പോകാനുള്ള പ്രത്യേക അനുമതിയും പ്രത്യേക പെർമിറ്റും അടക്കമുള്ള സഹായങ്ങൾ ഡ്രൈവർമാർക്ക് നേരിട്ട് വാഗ്ദാനം ചെയ്തിട്ടുണ്ട് എന്നറിയുന്നു.ടോൾ പ്ലാസകളിലും മറ്റും ഈ സ്പെഷ്യൽ പെർമിറ്റ് ഉപയോഗിക്കാമെന്നും അദ്ദേഹം ഡ്രൈവർമാർക്ക് ഉറപ്പ് നൽകിയതായാണ് സൂചന.

L I V E |

തിരുവനന്തപുരം: പ്രതിപക്ഷ നേതാവെന്ന നിലയിൽ കഴിയാവുന്ന കാര്യങ്ങൾ എല്ലാം ചെയ്ത് പ്രതിപക്ഷ ധർമം പുലർത്തി എന്നും തന്റെ പ്രവർത്തനത്തിന് പിണറായി വിജയൻറെ സർട്ടിഫിക്കറ്റ് വേണ്ട എന്നും രമേശ് ചെന്നിത്തല പറഞ്ഞു.

വി ഡി സതീശന് പൂർണ പിന്തുണ വാഗ്ദാനം ചെയ്ത ചെന്നിത്തല പ്രതിപക്ഷ നേതൃസ്ഥാനം കിട്ടാത്തതിൽ വിഷമമില്ലെന്നും പറഞ്ഞു. സതീശനെ തിരഞ്ഞെടുത്തതിൽ സന്തോഷം.ഹൈ കമാൻഡ് തീരുമാനം അംഗീകരിക്കുന്നു.കെ പി സി സി യിലെ അഴിച്ചുപണി സംബന്ധിച്ച് ഹൈ കമാൻഡ് തീരുമാനിക്കും.

സ്ഥാനമാന ങ്ങൾക്ക് പിന്നാലെ പോയിട്ടില്ലെന്നും അദ്ദേഹം പറഞ്ഞു.താൻ ഒഴിയാൻ തീരുമാനിച്ചതായിരുന്നു എന്നും എന്നാൽ നേതാക്കൾ പറഞ്ഞത്കൊണ്ട് തുടർന്നതാണെന്നും രമേശ് ചെന്നിത്തല വ്യക്തമാക്കി.ഏത് പ്രതിസന്ധി ഘട്ടത്തിലും സതീശന് ശക്തമായി പ്രവർത്തിക്കാൻ സാധിക്കട്ടെ എന്നും ചെന്നിത്തല ആശംസിച്ചു.

തിരുവനന്തപുരം: മഹിളാ കോൺഗ്രസ് മുൻ അധ്യക്ഷ ലതിക സുഭാഷ് എൻ സി പി യിൽ ചേരും.

എൻ സി പി സംസ്ഥാന അധ്യക്ഷൻ പി സി ചാക്കോയുമായി ലതിക സുഭാഷ് ചർച്ച നടത്തി.അവർ തന്നെയാണ് ഇക്കാര്യം അറിയിച്ചത്.

നിയമസഭാ തിരഞ്ഞെടുപ്പിൽ ഏറ്റുമാനൂരിൽ സീറ്റ് നിഷേധിച്ചതിനെ തുടർന്ന് പ്രതിഷേധിച്ച് തലമുണ്ഡനം ചെയ്തിരുന്നു.ഏറ്റുമാനൂരിൽ സ്വതന്ത്ര സ്ഥാനാർത്ഥിയായി മത്സരിച്ചെങ്കിലും പാർട്ടി വിരുദ്ധ പ്രവർത്തനങ്ങൾക്ക് കോൺഗ്രസിൽ നിന്ന് പുറത്താക്കി.

എൻ സി പി യുടെ സംസ്ഥാന അധ്യക്ഷ പദവി ഏറ്റെടുത്ത ശേഷം കോൺഗ്രെസ്സുമായി ഇടഞ്ഞു നിൽക്കുന്ന നേതാക്കളെ എൻ സി പി യിലേക്ക് ആകർഷിക്കാനുള്ള നീക്കങ്ങൾ പിസി ചാക്കോ നടത്തുന്നതായാണ് സൂചനകൾ.അടുത്തിടെയാണ് തന്നെ പാർട്ടി അവഗണിക്കുന്നു എന്ന പരാതിയിൽ അദ്ദേഹം കോൺഗ്രസ് വിട്ടത്.

L I V E |

തിരുവനന്തപുരം: കോൺഗ്രസിലും തലമുറ മാറ്റമെന്ന സൂചന നൽകി വി ഡി സതീശനെ പ്രതിപക്ഷ നേതാവാക്കാൻ കോൺഗ്രസ് ഹൈ കമാൻഡ് തീരുമാനിച്ചു.

ഹൈ കമാൻഡ് തീരുമാനം കേരളത്തിലെ മുതിർന്ന നേതാക്കളെ അറിയിച്ചു.ഗ്രൂപ്പിനതീതമായി മാറ്റത്തിന് കേരളത്തിലെ കോൺഗ്രസ് തയ്യാറാവണമെന്ന് കോൺഗ്രസ് നേതൃത്വം വ്യക്തമാക്കി.മല്ലികാർജുൻ ഖാർഗെ ഇക്കാര്യം മാധ്യമങ്ങളെ അറിയിച്ചു.ഔദ്യോഗിക പ്രഖ്യാപനം ഉടൻ.

ഹൈ കമാൻഡ് തീരുമാനം മല്ലികാർജുൻ ഖാർഗെ ഉമ്മൻ ചാണ്ടി,രമേശ് ചെന്നിത്തല,മുല്ലപ്പള്ളി രാമചന്ദ്രൻ എന്നിവരെ നേരിട്ട് അറിയിച്ചിട്ടുണ്ട്.കെ പി സി സി യിലും വൻ അഴിച്ചു പണിയും മാറ്റവും വരും ദിവസങ്ങളിൽ ഉണ്ടാകുമെന്ന് മല്ലികാർജുൻ ഖാർഗെ സൂചന നൽകി.

SPECIAL CORRESPONDENT

തിരുവനന്തപുരം: തുടർ ഭരണം വികസന തുടർച്ചയ്ക്കായി വിനിയോഗിക്കുമെന്നും അടുത്ത അഞ്ച് വർഷത്തിനകം സംസ്ഥാനത്തെ അതി ദാരിദ്ര്യം ഇല്ലാതാക്കി ജനങ്ങളുടെ ജീവിത നിലവാരം ഉയർത്തുമെന്നും മുഖ്യമന്ത്രി പിണറായി വിജയൻ പറഞ്ഞു.

രണ്ടാം എൽ ഡി എഫ് മന്ത്രിസഭയുടെ ആദ്യ മന്ത്രിസഭാ യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു മുഖ്യമന്ത്രി. ദാരിദ്ര്യത്തിൽ കഴിയുന്ന ഓരോ കുടുംബത്തെയും കണ്ടെത്തി ദാരിദ്ര്യ രേഖയ്ക്ക് മുകളിൽ എത്തിക്കാനുള്ള പദ്ധതികൾ കൊണ്ടുവരും.

സാമൂഹ്യ ക്ഷേമം,സാമൂഹ്യ നീതി,ലിംഗ നീതി,സ്ത്രീ സുരക്ഷ എന്നിവയെ കൂടുതൽ ശാക്തീകരിക്കും.ശാസ്ത്രം,സാങ്കേതിക വിദ്യ,നൂതന നൈപുണി തുടങ്ങിയവയെ പ്രയോജനപ്പെടുത്തി കൃഷി,അനുബന്ധ മേഖലകൾ,നൂതന വ്യവസായം,അടിസ്ഥാന സൗകര്യ വികസനം,വരുമാന ഉൽപാദന സേവനങ്ങൾ എന്നിവയെ മെച്ചപ്പെടുത്തുമെന്നും അദ്ദേഹം പറഞ്ഞു.

ഉന്നത വിദ്യാഭ്യാസ മേഖലയെ വളർത്താനും നവീകരിക്കാനും പ്രത്യേകം നയം രൂപീകരിക്കും.അതിലൂടെ പുതിയ തൊഴിലവസരങ്ങൾ സൃഷ്ടിക്കും.അടുത്ത 25 വർഷം കൊണ്ട് സംസ്ഥാനത്തിന്റെ ജീവിത നിലവാരം അന്താരാഷ്ട്ര നിലവാരത്തിൽ ഉയർത്തും.

ആരെയും ഒഴിച്ച് നിർത്താത്ത വികസന കാഴ്ചപ്പാട് ഉയർത്തിപ്പിടിക്കും.കാർഷിക മേഖലയിലെ ഉൽപാദന ക്ഷമത,ലാഭ സാധ്യത,സുസ്ഥിരത എന്ന മുദ്രാവാക്യം നടപ്പിലാക്കും.അഞ്ച് വര്ഷം കൊണ്ട് നെല്ലിന്റെയും പച്ചക്കറിയുടെയും ഉത്പാദനം ഇരട്ടിപ്പിക്കാനുള്ള ശേഷി നമുക്കുണ്ടെന്നും മുഖ്യമന്ത്രി വ്യക്തമാക്കി.

BREAKING |L I V E

തിരുവനന്തപുരം: തിരുവനന്തപുരം എസ് പി ഫോർട്ട് ആശുപത്രിയിൽ തീപിടുത്തം.രോഗികളെ ഒഴിപ്പിക്കുന്നു.അഗ്നി രക്ഷാ സേന തീ അണയ്ക്കാൻ ശ്രമിക്കുന്നു.ആളപായമില്ല.

ഗുരുതരാവസ്ഥയിലുള്ള രോഗികളെ മറ്റ് ആശുപത്രിയിലേക്ക് അടിയന്തിരമായി മാറ്റുന്നു.അഗ്നി രക്ഷാ സേന സ്ഥലത്തെത്തി രോഗികളെ പുറത്ത് ഇരുത്തിയിരിക്കയാണ്.

ആശുപത്രി ക്യാന്റീനിൽ നിന്നാണ് തീ പടർന്നതെന്നാണ് പ്രാഥമിക നിഗമനം.ആശുപത്രിയിലേക്ക് വ്യാപകമായ തോതിൽ പുക ഉയരുന്നതിനാലാണ് മുഴുവൻ ആളുകളെയും ഒഴിപ്പിക്കാൻ തീരുമാനിച്ചത്.ഗുരുതരാവസ്ഥയിലുള്ള 12 രോഗികളെ മറ്റ് ആശുപത്രിയിലേക്ക് മാറ്റിയിട്ടുണ്ട്.

ക്യാന്റീനിൽ നിന്ന് തീപടർന്ന് എക്സ്ഹോസ്റ്റ് ഫാനിലേക്ക് പടർന്നതാണ് കാരണമെന്ന് ആശുപത്രി അധികൃതർ പറഞ്ഞതായി നിയുക്ത മന്ത്രി ആന്റണി രാജു പറഞ്ഞു.ആശുപത്രിയിലെ തന്നെ അഗ്നിരക്ഷാ വിഭാഗത്തിലെ 8 ഓളം ആളുകൾ സ്ഥലത്തുണ്ടായിരുന്നതിനാൽ തീ പടരുന്നത് ഒഴിവായെന്നും ആശുപത്രി അധികൃതർ പറഞ്ഞതായി ആന്റണി രാജു പറഞ്ഞു.

തിരുവനന്തപുരം: കോടിയേരി ബാലകൃഷ്ണൻ സംഘടനാ രംഗത്തേക്ക് തിരിച്ചു വരുന്നു.ദേശാഭിമാനി ചീഫ് എഡിറ്റർ ചുമതല ഏറ്റെടുത്തേക്കും.

നിലവിൽ ചീഫ് എഡിറ്റർ ചുമതലയിൽ ഉള്ള പി രാജീവ് മന്ത്രിയാകു ന്ന പശ്ചാത്തലത്തിലാണ് കോടിയേരി ബാലകൃഷ്ണൻ ചീഫ് എഡിറ്റർ സ്ഥാനത്തേക്ക് വരുന്നത്.

സംസ്ഥാന സെക്രട്ടറി സ്ഥാനത്തുനിന്ന് മാറി നിൽക്കുന്ന കോടിയേരി ബാലകൃഷ്ണൻ സംഘടനയിലേക്ക് തിരിച്ചു വരുന്നതിന്റെ സൂചനയാണ് ദേശാഭിമാനി ചീഫ് എഡിറ്റർ സ്ഥാനത്തേക്കുള്ള വരവെന്ന് വിലയിരുത്തപ്പെടുന്നു.ആരോഗ്യ കാരണങ്ങളും ചകിത്സയും കാരണമാണ് കോടിയേരി സംസ്ഥാന സെക്രട്ടറി സ്ഥാനത്ത് നിന്ന് മാറി നിന്നത് എന്നതായിരുന്നു ഔദ്യോഗിക വിശദീകരണം.

ബിനീഷ് കൊടിയേരിയുമായി ബന്ധപ്പെട്ട കേസുകളുടെ പശ്ചാത്തലത്തിലാണ് കോടിയേരി ബാലകൃഷ്ണൻ സംസ്ഥാന സെക്രട്ടറി സ്ഥാനത്തു നിന്ന് മാറി നിന്നത് എന്ന രഷ്ട്രീയ ആരോപണങ്ങൾ ശക്തമായിരുന്നു.എന്നാൽ ഇപ്പോൾ അദ്ദേഹത്തിന്റെ ആരോഗ്യ നില മെച്ചപ്പെട്ടതാണ് തിരിച്ചു വരവിന്റെ കാരണമായി പറയപ്പെടുന്നത്.

പാർട്ടി തുടർ ഭരണത്തിലെത്തിയതും കേരളത്തിൽ വട്ടമിട്ട് പറന്നിരുന്ന കേന്ദ്ര ഏജൻസികൾ നിർജീവാവസ്ഥ പ്രാപിച്ചതും സംസ്ഥാനത്തെ മാറിയ രാഷ്ട്രീയ സാഹചര്യങ്ങളും സി പി എമ്മിന് പകർന്നു നൽകിയ ഊർജം വളരെ വലുതാണെന്നാണ് വിലയിരുത്തപ്പെടുന്നത്.

തിരുവനന്തപുരം: പിണറായി മന്ത്രിസഭയിൽ മന്ത്രിമാരുടെ വകുപ്പുകൾ സംബന്ധിച്ച ചർച്ചകൾ സിപിഎം സംസ്ഥാന സെക്രട്ടേറിയറ്റ് യോഗത്തിൽ പുരോഗമിക്കുന്നു.

അജണ്ടയിൽ ആദ്യ ഇനം സിപിഎം മന്ത്രിമാരുടെ വകുപ്പ് നിശ്ചയിക്കലാണ്.തുടർന്ന് ഘടക കക്ഷികളുടെ വകുപ്പുകൾ തീരുമാനിക്കും.

കേരളാ കോൺഗ്രസ് എമ്മിനും ജനാധിപത്യ കേരളാ കോൺഗ്രസിനും ഐ എൻ എല്ലിനും വകുപ്പുകൾ കണ്ടെത്തേണ്ടതുണ്ട്.കടന്നപ്പള്ളി രാമചന്ദ്രൻ ആദ്യ ടേമിൽ ഇല്ലാത്തതിനാൽ അദ്ദേഹത്തിന് പരിഗണന കിട്ടുന്ന തരത്തിലും വകുപ്പ് സംബന്ധിച്ച് ആദ്യമേ ധാരണ ഉണ്ടാക്കണം.

മന്ത്രിമാരുടെ വകുപ്പുകൾ സംബന്ധിച്ച് സിപിഎം സെക്രെട്ടറിയേറ്റിൽ ഉരുത്തിരിയുന്ന നിർദേശങ്ങൾ ,സാധ്യത പട്ടിക ഇങ്ങനെയൊക്കെയാണ്: കെ എൻ ബാലഗോപാൽ ധനവകുപ്പ്, ആരോഗ്യം വീണാ ജോർജ്ജിനോ ആർ ബിന്ദുവിനോ സാധ്യത, വ്യവസായം പി രാജീവ്,എക്സൈസ് വി എൻ വാസവൻ,റോഷി അഗസ്റ്റിൻ ജലവിഭവം,മുഹമ്മദ് റിയാസ് ടൂറിസം ,ദേവസ്വം വി ശിവൻ കുട്ടി, എം വി ഗോവിന്ദൻ തദ്ദേശ സ്വയം ഭരണം അല്ലെങ്കിൽ സഹകരണം , കെ രാധാകൃഷ്ണൻ പട്ടിക ജാതി പട്ടിക വർഗ ക്ഷേമം, വി അബ്ദുറഹിമാൻ ന്യുനപക്ഷ ക്ഷേമം,സജി ചെറിയാൻ വൈദ്യുതി.

കെ കെ ശൈലജയ്ക്ക് മന്ത്രിസ്ഥാനം നൽകുന്നത് സംബന്ധിച്ച തീരുമാനത്തിൽ മാറ്റമില്ലെന്ന് സിപിഎം സംസ്ഥാന സെക്രട്ടറി എ വിജയരാഘവൻ പ്രതികരിച്ചു.ശൈലജയ്ക്ക് വേണ്ടി സമൂഹ മാധ്യമ ക്യാമ്പയിൻ നടക്കുന്ന കാര്യം അറിയില്ലെന്നും വിജയരാഘവൻ പ്രതികരിച്ചു.

L I V E |

കൊച്ചി: കോവിഡ് സാഹചര്യത്തിൽ പിണറായി മന്ത്രിസഭയുടെ സത്യപ്രതിജ്ഞ വിപുലമായി നടത്തുന്നതിനെതിരെ ഹൈക്കോടതിയിൽ പരാതി.

സത്യപ്രതിജ്ഞ രാജ്ഭവനിൽ നടത്താൻ നിർദേശം നൽകണമെന്നാണ് പരാതിക്കാരുടെ ആവശ്യം.

ഹൈക്കോടതി ചീഫ് ജസ്റ്റിസിനും മറ്റൊരു മുതിർന്ന ജഡ്ജിക്കുമാണ് പരാതി നൽകിയിരിക്കുന്നത്.വിഷയത്തിന്റെ ഗൗരവം കണക്കിലെടുത്ത് ഹൈക്കോടതി സ്വമേധയാ കേസെടുത്ത് വിഷയത്തിൽ ഇടപെടണമെന്നും ആവശ്യം.അഭിഭാഷകനായ അനിൽ തോമസ്,ജോർജ് സെബാസ്റ്റ്യൻ എന്നിവരാണ് പരാതി നൽകിയത്.

തിരുവനന്തപുരം: രണ്ടാം പിണറായി വിജയൻ മന്ത്രിസഭയുടെ സത്യപ്രതിജ്ഞ ചടങ്ങിൽ 500 പേർക്ക് പങ്കെടുക്കാം.പ്രവേശനം പാസ് മൂലം നിയന്ത്രിക്കും.

അൻപതിനായിരം പേർക്ക് ഇരിക്കാവുന്ന പന്തലിൽ 500 പേരെ ഇത്തരമൊരു കാര്യത്തിൽ പങ്കെടുപ്പിക്കുന്നതിൽ തെറ്റില്ലെന്ന് മുഖ്യമന്ത്രി പിണറായി വിജയൻ വ്യകത്മാക്കി.

തിരുവനന്തപുരം സെൻട്രൽ സ്റ്റേഡിയത്തിൽ ഒരുക്കുന്ന വിശാലമായ പന്തലിലായിരിക്കും മുഖ്യമന്ത്രിയും മന്ത്രിമാരും ഗവർണ്ണർക്ക് മുൻപാകെ സത്യപ്രതിജ്ഞ ചെയ്യൂക.

ജനങ്ങളാൽ തിരഞ്ഞെടുക്കപ്പെട്ടവരുടെ സത്യപ്രതിജ്ഞ ജനങ്ങളുടെ മുൻപിൽ ആഘോഷമായിട്ട് തന്നെ നടക്കേണ്ടതാണ്.അതാണ് ജനാധിപത്യത്തിന്റെ കീഴ്വഴക്കവും.എന്നാൽ നിർഭാഗ്യവശാൽ കോവിഡ് പശ്ചാത്തലത്തിൽ ജനങ്ങളുടെ ആഘോഷമായി ഇത് നടത്താൻ പറ്റില്ല.അത്കൊണ്ടാണ് പരിമിതമായ ചടങ്ങായി സത്യപ്രതിജ്ഞ നടക്കുക.

അഞ്ച് വര്ഷം മുൻപ് ഇതേ വേദിയിൽ ഇത്ര വലിയ പന്തലിൽ നാൽപതിനായിരം ആളുകളുടെ സാന്നിധ്യത്തിൽ നടത്തിയ പരിപാടിയാണ് പ്രത്യേക സാഹചര്യത്തിൽ 500 പേരാക്കി ചുരുക്കിയത്.ഇക്കാര്യത്തിൽ 500 എന്നത് ഒരു വലിയ സംഖ്യയല്ല.140 എം എൽ എ മാരും 29 എം പി മാരുംതന്നെയുണ്ട്.

ജനാധിപത്യത്തിന്റെ അടിത്തൂണുകളാണ് ലെജിസ്ലേറ്റീവും , എക്സിക്യൂട്ടീവും, ജുഡീഷ്യറിയും.അവരെ ഒഴിവാക്കുന്നത് ജനാധിപത്യത്തിൽ ഉചിതമായ കാര്യമല്ല.ഈ സാഹചര്യത്തിലാണ് ന്യായാധിപന്മാരെയും ഉദ്യോഗസ്ഥരെയും ഈ പരിപാടിയിലേക്ക് ക്ഷണിക്കുന്നത്.ജനാധിപത്യത്തിന്റെ നാലാം തൂണാണ് മാധ്യമങ്ങൾ അത്കൊണ്ട് മാധ്യമങ്ങളെയും ഒഴിവാക്കാൻ കഴിയില്ല.മുഖ്യമന്ത്രി കൂട്ടിച്ചേർത്തു.

ട്രിപ്പിൾ ലോക്ക് ഡൗണിലെ എൽ ഡി എഫ് യോഗത്തിനെതിരെ ആക്ഷേപം

തിരുവനന്തപുരം: ട്രിപ്പിൾ ലോക്ക് ഡൗൺ നിലവിലുള്ള തിരുവനന്തപുരത്ത് എ കെ ജി സെന്ററിൽ എൽ ഡി എഫ് യോഗം ചേർന്നതും കേക്ക് മുറിച്ചതും മാനദണ്ഡങ്ങൾ ലംഘിച്ചാണെന്ന് പരക്കെ ആക്ഷേപമുയർന്നു.എല്ലാ നിയന്ത്രണങ്ങളും ലംഘിച്ചുകൊണ്ടാണ് എൽ ഡി എഫ് യോഗം നടന്നതെന്നാണ് സമൂഹ മാധ്യമങ്ങളിലടക്കം വിമർശനങ്ങൾ ഉയർന്നത്.

കീരിത്തോട്( ഇടുക്കി ) : നാട് തേങ്ങി..സൗമ്യ യാത്രയായി..ഇനി നിത്യസഹായമാതാ പള്ളി സെമിത്തേരിയിൽ യുദ്ധങ്ങളില്ലാത്ത ലോകത്ത് അന്ത്യവിശ്രമം.

ഇസ്രായേലിൽ ഹമാസ് റോക്കറ്റ് ആക്രമണത്തിൽ മരിച്ച ഇടുക്കി കീരിത്തോട് കാഞ്ഞിരന്താനം സൗമ്യ സന്തോഷ് (31 ) ന്റെ മൃതദേഹം ഉച്ചയ്ക്ക് രണ്ടരയോടെയാണ് വീട്ടിലെ അന്ത്യകർമ്മങ്ങൾക്ക് ശേഷം പള്ളിയിലെ സംസ്കാര ശുശ്രൂഷകൾക്കായി കൊണ്ടുപോയത്.ഇന്നലെ അർദ്ധരാത്രിമുതൽ നൂറ് കണക്കിന് ആളുകൾ അന്ത്യോപചാരമർപ്പി ക്കാൻ എത്തിയിരുന്നു.

ഇസ്രയേലിൽ തീവ്രവാദി ആക്രമണത്തിൽ കൊല്ലപ്പെട്ട സൗമ്യ സന്തോഷിന് ആദരാജ്ഞലികൾ അർപ്പിക്കാൻ ഇസ്രായേൽ സൗത്ത് ഇന്ത്യൻ കോൺസൽ ജനറൽ ജോനാഥൻ സഡ്ക എത്തിയിരുന്നു. സൗമ്യയുടെ കുടുംബത്തെ സംരക്ഷിക്കുമെന്ന് അദ്ദേഹം പറഞ്ഞു.

സൗമ്യ തീവ്രവാദത്തിന്റെ ഇരയാണെന്നും , അവരെ ഇസ്രയേലിന്റെ മാലാഖയായി കാണുന്നുവെന്നും കുടുംബത്തെ സംരക്ഷിക്കുമെന്നും അദ്ദേഹം പറഞ്ഞു.ആദരാജ്ഞലികൾ അർപ്പിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

സൗമ്യയുടെ വീട് സന്ദർശിച്ച ഇസ്രായേൽ കോൺസൽ ജനറൽ അവരുടെ വീടിന്റെ അവസ്ഥ നേരിൽ കണ്ട് മനസിലാക്കിയതിന്റെ പശ്ചാത്തലത്തിലാണ് സഹായവാഗ്ദാനം നടത്തിയത്.

L I V E | ON AIR

തിരുവനന്തപുരം: ട്രിപ്പിൾ ലോക്ക് ഡൗൺ ഏർപ്പെടുത്തിയിട്ടുള്ള ജില്ലകളിൽ ഇളവുകളിൽ മാറ്റം.

പാലും പത്രവും മീനും വിതരണം രാവിലെ 8 മണിവരെയാകാം. മുഖ്യമന്ത്രിയുടെ ഓഫീസാണ് ഇക്കാര്യം അറിയിച്ചത്.

നേരത്തെ ഇത് 6 മണി എന്നതായിരുന്നു.എന്നാൽ പത്ര വിതരണത്തിലെയും മറ്റും അസൗകര്യം മുഖ്യമന്ത്രിയുടെ ശ്രദ്ധയിൽപെട്ടതിനെ തുടർന്നാണ് സമയക്രമത്തിൽ മാറ്റം വരുത്തിയത്.

തിങ്കൾ,ബുധൻ,വെള്ളി ദിവസങ്ങളിൽ ബാങ്കുകളും പ്രവർത്തിക്കും.തിരുവനന്തപുരം,എറണാകുളം ,തൃശൂർ ,മലപ്പുറം ജില്ലകളിലാണ് നിലവിൽ ട്രിപ്പിൾ ലോക്ക് ഡൗൺ.

തിരുവനന്തപുരം: സംസ്ഥാന സർക്കാരിന്റെ സത്യപ്രതിജ്ഞ ചടങ്ങ് ഓൺലൈനായി നടത്തണമെന്ന് ഇന്ത്യൻ മെഡിക്കൽ അസോസിയേഷൻ ആവശ്യപ്പെട്ടു.

സംസ്ഥാന സർക്കാരിന്റെ സത്യപ്രതിജ്ഞ ഓൺലൈൻ പ്ലാറ്റ്‌ഫോമിലേക്ക് മാറ്റുന്നത് പ്രതിരോധത്തിന്റെ വലിയ സന്ദേശംകൂടി നൽകുമെന്നും ഐ എം എ പത്രക്കുറിപ്പിലൂടെ അറിയിച്ചു.

ലോക്ക് ഡൗൺ നീട്ടിയ സർക്കാരിനെ അഭിനന്ദിക്കുന്നു.ലോക്ക് ഡൗണിന്റെ ഫലപ്രദമായ വിന്യാസവും വാക്‌സിനേഷനും സോഷ്യൽ വാക്‌സിനേഷനുമാണ് കോവിഡിനെ അതിജീവിക്കാനുള്ള ഏക മാർഗമെന്നും ഐ എം എ പത്രക്കുറിപ്പിൽ പറയുന്നു.

ജനപിന്തുണ നേടി വീണ്ടും അധികാരത്തിലെത്തുന്ന സർക്കാരിനെ ആത്മാർഥമായി അഭിനന്ദിക്കുകയും പിന്തുണ വാഗ്ദാനം ചെയ്യുകയും ചെയ്യുന്നു.കഴിഞ്ഞ തിരഞ്ഞെടുപ്പ് കാലത്ത് സാമൂഹിക അകലം പാലിക്കാതെയും മാസ്കുകൾ കൃത്യമായി ഉപയോഗിക്കാതെ പ്രചാരണങ്ങളിൽ ഏർപ്പെട്ടതുമാണ് കോവിഡ് രണ്ടാം തരംഗത്തിന്റെ പല കരണങ്ങളിലൊന്നായി കേരളം ചർച്ച ചെയ്തതെന്നും ഐ എം എ പ്രസ്താവനയിൽ പറയുന്നു.

L I V E |

തിരുവനതപുരം: സംസ്ഥാനത്തെ ലോക്ക് ഡൗൺ ഒരാഴ്ചത്തേക്ക് കൂടി നീട്ടാൻ ശുപാർശ. സർക്കാർ തീരുമാനം ഉടൻ. രോഗ വ്യാപനം കുറയാത്ത പശ്ചാത്തലത്തിലാണ് വിദഗ്ധസമിതി ശുപാർശ.

മുഖ്യമന്ത്രിയുടെ അധ്യക്ഷതയിൽ അൽപം മുൻപ് തിരുവനന്തപുരത്ത് അവസാനിച്ച ഉന്നത തല യോഗത്തിലാണ് ആലോചനകൾ നടന്നത്. ഔദ്യോഗിക പ്രഖ്യാപനം മുഖ്യമന്ത്രി വൈകുന്നേരത്തെ പത്രസമ്മേളനത്തിൽ നടത്തിയേക്കും.നിലവിലുള്ള നിയന്ത്രണങ്ങൾ അതേപടി തുടരാനാണ് സാധ്യത.

L I V E |

തിരുവനന്തപുരം: അറബിക്കടലിൽ രൂപപ്പെട്ട ന്യുനമർദ്ദം അതി തീവ്ര മഴയോടൊപ്പം ചുഴലിക്കാറ്റായി മാറുമെന്ന് കാലാവസ്ഥാ മുന്നറിയിപ്പ്.

ചുഴലിക്കാറ്റിന്റെ സഞ്ചാരപഥം കേരളതീരത്തോട് ഏറ്റവും അടുത്തയതിനാൽ ദുരന്ത നിവാരണത്തിനായി മുന്നൊരുക്കങ്ങൾ നടത്താൻ ജില്ലാ ഭരണകൂടങ്ങൾക്ക് സർക്കാർ നിർദേശം നൽകി. ദുരന്ത നിവാരണ സേനയുടെ 9 സംഘത്തെ സംസ്ഥാനത്ത് വിന്യസിച്ചിട്ടുണ്ട്.

തിരുവനന്തപുരം,കൊല്ലം,പത്തനംതിട്ട ജില്ലകളിലും ലക്ഷദ്വീപിലും വെളിയാഴ്ച്ച റെഡ് അലർട്ട് പ്രഖ്യാപിച്ചിട്ടുണ്ട് .ശനിയാഴ്ച്ച അഞ്ച് ജില്ലകളിലും റെഡ് അലർട്ട് പ്രഖ്യാപിച്ചിട്ടുണ്ട്

കാസർഗോഡ്: ജില്ലയിലെ ഓക്സിജൻ ക്ഷാമത്തിന് താൽക്കാലിക പരിഹാരമായി.

290 ഓക്സിജൻ സിലിണ്ടറുകൾ സംസ്ഥാനത്തിന്റെ വിവിധ ഭാഗങ്ങളിൽനിന്ന് കാസർഗോഡ് എത്തി.

കാസർഗോഡ് ജില്ലാ കളക്ടറുടെ ഓക്സിജൻ ചലഞ്ച് ആഹ്വാനത്തെ തുടർന്നാണ് കോഴിക്കോട്,മലപ്പുറം ,ധർമ്മശാല എന്നിവിടങ്ങളിൽ നിന്നാണ് കാസർഗോഡ് ജില്ലയിലേക്ക് ഓക്സിജൻ ലഭിച്ചത്.

എന്നാൽ മംഗളുരുവിൽനിന്ന് നിലവിലെ കോവിഡ് സാഹചര്യത്തിൽ ഇനി ഓക്സിജൻ ലഭിക്കില്ലെന്ന് ഔദ്യോഗിക അറിയിപ്പ് കിട്ടി.

കോവിഡ് രോഗികളിലൂടെ എണ്ണത്തിൽ കാര്യമായ വർദ്ധനവ് ഉണ്ടായിരുണ്ടെന്ന് ദക്ഷിണ കന്നഡ ജില്ലാ അധികാരികൾ അറിയിച്ചു.മംഗളുരുവിൽനിന്നുള്ള ഓക്സിജൻ ലഭ്യത നിലച്ചതാണ്‌ കാസർഗോഡ് പ്രതിസന്ധികൾ ഉണ്ടാക്കിയത്.

L I V E |

തിരുവനന്തപുരം : സംസ്ഥാനത്ത് അതിശക്തമായ മഴയ്ക്ക് സാധ്യതയെന്ന് കാലാവസ്ഥ മുന്നറിയിപ്പ്.

അറബിക്കടലിൽ ചുഴലിക്കാറ്റിന് സാധ്യതയുള്ളതിനാൽ വെള്ളിയാഴ്ചയോടെ ന്യൂനമർദ്ദം രൂപപ്പെടുമെന്ന് കാലാവസ്ഥാ വകുപ്പ് അറിയിച്ചു.

ന്യുന മർദ്ദംചുഴലിക്കാറ്റാകാൻ സാധ്യതയുള്ളതിനാൽ ജാഗ്രത പാലിക്കാൻ നിർദേശം.വെള്ളിയാഴ്ച തിരുവനന്തപുരം കൊല്ലം ജില്ലകളിൽ ഓറഞ്ച് അലർട്ട്,ഇടുക്കി മലപ്പുറം ജില്ലകളിൽ ബുധനാഴ്ച ഓറഞ്ച് അലർട്ട്.തിരുവനന്തപുരം,കൊല്ലം,പത്തനംതിട്ട,ആലപ്പുഴ ജില്ലകളിൽ ശനിയാഴ്ച ഓറഞ്ച് അലർട്ട് എന്നിങ്ങനെ പ്രഖ്യാപിച്ചിട്ടുണ്ട്.മൽസ്യത്തൊഴിലാളികൾ കടലിൽ പോകാൻ പാടില്ലെന്നും മുന്നറിയിപ്പുണ്ട്.

LIVE |

കൊല്ലം: കോവിഡ് ചികിത്സയ്ക്ക് 5 ലക്ഷത്തിലധികം ബില്ല് നൽകിയ കൊല്ലം മെഡിട്രിന ആശുപത്രിയിൽനിന്ന് ജില്ലാ കലക്ടർ വിശദീകരണം തേടി.

കോവിഡ് ചികിത്സ കഴിഞ്ഞ് ഡിസ്ചാർജ് ചെയ്ത കൊല്ലത്തെ വീട്ടമ്മയ്ക്കാണ് അഞ്ച് ലക്ഷത്തിന് മേലെ ബില്ല് നൽകിയത്.
ആശുപത്രിയിൽ പ്രവേശനം തേടുമ്പോൾ തന്നെ 40,000 രൂപ വാങ്ങിച്ചിരുന്നുവെന്നും തുടർന്ന് ചികിത്സയ്ക്കിടെ രണ്ട് ലക്ഷത്തിൽപരം ബില്ല് വന്നെന്നും ഡിസ്ചാർജ് സമയത്താണ് എല്ലാം ചേർത്ത് അഞ്ച് ലക്ഷം രൂപയുടെ ബില്ല് നൽകിയതെന്നും രോഗിയുടെ കൂടെയുള്ള ബന്ധുക്കൾ പറഞ്ഞു.

ഭീമമായ തുക കൊടുക്കാനില്ലാതെ വീട്ടമ്മ പോകാൻ കഴിയാതെ ആശുപത്രിയിൽ തുടരുകയാണ്.ബന്ധുക്കൾ ഡി എം ഒയ്ക്ക് ഇതുസംബന്ധിച്ച് പരാതി നൽകാനിരിക്കയാണ്.

സ്വകാര്യ ആശുപത്രികളുടെ കോവിഡ് കൊള്ളയിലെ ഹൈക്കോടതി ഇടപെടലിന്റെ പശ്ചാത്തലത്തിൽ സർക്കാർ നിശ്ചയിച്ച തുക നൽകുന്നത് സംബന്ധിച്ച് തീരുമാനം ഉണ്ടാകുമെന്ന പ്രതീക്ഷയിലാണ് വീട്ടമ്മയുടെ ബന്ധുക്കൾ.

പ്രതീകാത്മക ചിത്രം

തിരുവനന്തപുരം: കോവിഡ് ചികിത്സയിലിരിക്കെ രോഗി മരിച്ചാൽ ബിൽ തുക അടയ്ക്കും വരെ മൃതദേഹം വിട്ടുകൊടുക്കാൻ വിസമ്മതിക്കുന്ന സ്വകാര്യ ആശുപത്രികൾക്കെതിരെ നടപടി.

സ്വകാര്യ ആശുപത്രികളുടെ മനുഷ്യത്വ രഹിതമായ പ്രവൃത്തികൾക്കെതിരെ തിരുവനന്തപുരം ജില്ലാ കലക്ടർ നവജോത് ഖോസ്ലയാണ് അതിശക്തമായ നടപടിയെടുക്കുമെന്ന ഉത്തരവിറക്കിയത്.

മൃതദേഹങ്ങൾ വിട്ടുകൊടുത്തില്ലെങ്കിൽ ദുരന്ത നിവാരണ നിയമമനുസരിച്ചുള്ള വകുപ്പുകളടക്കം ചേർത്തായിരിക്കും നടപടികൾ ഉണ്ടാവുക.തിരുവന്തപുരത്തെ സ്വകാര്യ ആശുപത്രിയിൽ ഇത്തരത്തിലുള്ള സംഭവം റിപ്പോർട്ട് ചെയ്യപ്പെട്ട പശ്ചാത്തലത്തിലാണ് കളക്ടറുടെ നടപടി.

കോവിഡ് സാഹചര്യത്തിൽ ചികിത്സയുടെയോ വെന്റിലേറ്ററിന്റെയോ ലഭ്യതയനുസരിച്ച് സ്വകാര്യ ആശുപത്രിയിൽ സാധാരണക്കാരും എത്തിപ്പെടാനുള്ള സാഹചര്യം കണക്കിലെടുത്താണ് നടപടി.

രോഗിയുടെ ആരോഗ്യസ്ഥിതിയും രോഗത്തിന്റെ ഗുരുതരാവസ്ഥയുണ്ടെങ്കിൽ അതും ചികിത്സാ ചിലവും രോഗിയുടെ ബന്ധുക്കളെ ആദ്യമേ ബോധ്യപ്പെടുത്തണമെന്നും കളക്ടർ അറിയിച്ചു.

സ്വകാര്യ ആശുപത്രികൾ കോവിഡ് ചികിത്സയ്ക്ക് അമിത ചാർജ് ഈടാക്കുന്നത് സംബന്ധിച്ച് ഇന്ന് ഹൈക്കോടതി ഇടപെടൽ ഉണ്ടായ സാഹചര്യത്തിൽ സ്വകര്യ ആശുപത്രികളുടെ പ്രവർത്തനങ്ങൾ സർക്കാർ ജാഗ്രതയോടെ വീക്ഷിക്കും എന്നാണ് സൂചനകൾ.

LIVE | ON AIR

കൊച്ചി: കോവിഡ് രോഗികളിൽനിന്ന് സ്വകാര്യ ആശുപത്രികൾ കഴുത്തറപ്പൻ ഫീസ് ഈടാക്കുന്നത് ശ്രദ്ധയിൽപ്പെട്ടതിനെ തുടർന്ന് വിഷയത്തിൽ ഹൈക്കോടതി ഇടപെടുന്നു.

ആലുവയിലെ അൻവർ മെമ്മോറിയൽ ആശുപത്രിയിൽ ചികിത്സ തേടിയ, പത്ത് ദിവസം ആശുപത്രിയിൽ കിടന്ന രോഗിയിൽനിന്ന് 44,000 രൂപ ഈടാക്കിയെന്നാണ് പരാതി.ഇതിൽ 37,352 രൂപ പി പി ഇ കിറ്റിന് ചാർജ് വാങ്ങി എന്നും രോഗി തന്നെ പരാതി ഉന്നയിച്ചിരുന്നു.

പരാതി പരിശോധിക്കാൻ ജസ്റ്റിസ് ദേവൻ രാമചന്ദ്രൻ ഉത്തരവിട്ടു. ഐ എം എ ഭാരവാഹികൾ നാളെ ആശുപത്രി സന്ദർശിച്ച് റിപ്പോർട്ട് സമർപ്പിക്കണം.സംഭവത്തിൽ അന്വേഷണത്തിന് എറണാകുളം ജില്ലാ കലക്ടർ എസ് സുഹാസും ഉത്തരവിട്ടിട്ടുണ്ട്.

സംസ്ഥാനത്തെ സ്വകാര്യ ആശുപത്രി ഉടമകളുടെ സംഘടനയും അധിക ചാർജ് ഈടാക്കിയ നടപടിയെ ന്യായീകരിച്ചില്ല. ദുരിത കാലത്ത് രോഗികളെ കഷ്ടത്തിലാക്കുന്ന നടപടികൾ ന്യായീകരിക്കാൻ കഴിയില്ലെന്നും അൻവർ മെമ്മോറിയൽ ആശുപത്രി സംഘടനയിൽ അംഗമല്ലെന്നും ഭാരവാഹികൾ അറിയിച്ചു.

തിരുവനന്തപുരം: ലോക്ക് ഡൗൺ പശ്ചാത്തലത്തിൽ അത്യാവശ്യം വേണ്ടുന്ന മരുന്നുകൾക്കായി 112,101 നമ്പറുകളിൽ വിളിച്ചാൽ മരുന്ന് വീട്ടിലെത്തും.

112 ൽ വിളിച്ചാൽ ഹൈവേ പോലീസും 101 ൽ വിളിച്ചാൽ അഗ്നി രക്ഷാ സേനയുമാണ്‌ മരുന്ന് എത്തിക്കുക.

ഏറ്റവും അത്യാവശ്യ ഘട്ടത്തിൽ ഈ സൗകര്യങ്ങൾ പ്രയോജനപ്പെടുത്താമെന്ന് ദക്ഷിണ മേഖല ഐ ജി ഹർഷിത അട്ടല്ലൂരി പറഞ്ഞു.ഈ നമ്പറുകളിൽ വിളിച്ചാൽ മരുന്നുകളുടെ പ്രിസ്ക്രിപ്ഷൻ സംബന്ധിച്ച വിവരങ്ങളോ ഡോക്ടറുടെ കുറിപ്പോ വാട്സാപ്പ് വഴി കൈമാറണം.

ചികില്സിക്കുന്ന ഡോക്ടറുടെ ഉപദേശപ്രകാരമായിരിക്കണം മരുന്ന് കഴിക്കുന്ന കാര്യത്തിൽ രോഗിയോ വീട്ടുകാരോ തീരുമാനിക്കേണ്ടത്. അതിനു ശേഷമായിരിക്കണം പ്രസ്തുത നമ്പറുകളിലേക്ക് വിളിക്കേണ്ടത്.

കഴിഞ്ഞ ലോക്ക് ഡൗൺ കാലത്തേ മികച്ച അനുഭവം മുതൽക്കൂട്ടായതിനാൽ വലിയ പ്രയാസങ്ങൾ നേരിടില്ലെന്ന് കരുതുന്നതായി ഐ ജി അറിയിച്ചു.

photo credit | anil

സി കെ ശ്രീജിത്ത്

കണ്ണൂർ : മഹാമാരിക്കിടയിൽ സി പി എം വിജയദിനം വീടുകളിലെ വിളക്കായ് ആഘോഷിക്കപ്പെട്ടു.

ഉറപ്പുള്ള , തിളക്കമാർന്ന വിജയം വീടുകളിൽ ആഘോഷിക്കപ്പെട്ടപ്പോൾ അത് ഉത്തരവാദിത്ത ബോധത്തിന്റെ വ്യത്യസ്തതകൾ നിറഞ്ഞ മധുരം വിളമ്പലായി മാറി.

മഹാനഗരങ്ങളെ പ്രകമ്പനങ്ങളാക്കി മാറ്റേണ്ടിയിരുന്ന മഹാ വിജയം അങ്ങിനെ വീടുകളിലെ വിളക്കുകളായി ചരിത്രത്തിൽ എഴുതിച്ചേർക്കപ്പെട്ടു.

പിണറായി വിജയൻ സർക്കാരിന്റെ രണ്ടാം വരവ് കോവിഡ് പശ്ചാത്തലത്തിൽ വീടുകളിൽ ദീപം തെളിയിച്ച് ആഘോഷിക്കാൻ സിപിഎം സംസ്ഥാന കമ്മറ്റി ആഹ്വാനം ചെയ്തിരുന്നു.

മെയ് 7ന് രാത്രി 7 മണിക്ക് ദീപം തെളിയിച്ച് വിജയദിനം ആഘോഷിക്കണമെന്നാണ് സംസ്ഥാന സെക്രട്ടറി എ വിജയരാഘവൻ കഴിഞ്ഞദിവസം ആഹ്വാനം ചെയ്തത്.

രാഷ്ട്രീയ ഭേദമന്യേയാണ് കേരളം ഇന്ന് വിജയ ദിനം ആഘോഷിച്ചത്. മുഖ്യമന്ത്രി പിണറായി വിജയൻ മുതൽ മന്ത്രിമാരും എം എൽ എ മാരും നിയുക്ത മന്ത്രിമാരും എം എൽ എ മാരും കേരള ജനതയോടൊ പ്പം വിജയ ദിനം ആഘോഷിച്ചു.

തിരുവനന്തപുരം എ കെ ജി സെന്ററിലും എല്ലാ ജില്ലാ കമ്മറ്റി ഓഫീസുകളും ദീപങ്ങളാൽ അലങ്കരിക്കപ്പെട്ടു.വീടുകളിൽ പടക്കം പൊട്ടിച്ചും മധുരം കൈമാറിയും വിജയദിനം ആഘോഷങ്ങളില്ലാത്ത ആഘോഷരാവായി മാറി.

| ആർ ടി പി സി ആർ പരിശോധന നിരക്ക് 500 രൂപയായി തുടരും |

കൊച്ചി: ആർ ടി പി സി ആർ നിരക്ക് കുറച്ച സർക്കാർ ഉത്തരവിന് സ്റ്റേ ഇല്ല. സർക്കാർ ഉത്തരവ് ഹൈക്കോടതി സ്റ്റേ ചെയ്യാത്തതിനാൽ ആർ ടി പി സി ആർ നിരക്ക് 500 രൂപതന്നെയായിരിക്കും.

നേരത്തെ 1700 രൂപയായിരുന്ന ആർ ടി പി സി ആർ കോവിഡ് പരിശോധന നിരക്ക് സംസ്ഥാന സർക്കാർ 500 രൂപയാക്കി കുറച്ചിരുന്നു.ഇതിനെയാണ് സ്വകാര്യ ലാബുകൾ ഹൈക്കോടതിയിൽ ചോദ്യം ചെയ്തത്.

എന്നാൽ മഹാമാരികാലത്ത് പരിശോധന നിരക്ക് കുറച്ച സർക്കാർ നടപടിയെ ഹൈക്കോടതി പ്രശംസിക്കുകയാണ് ചെയ്തത്.സർക്കാർ ഉത്തരവുണ്ടായിട്ടും സ്വകാര്യ ലാബുകൾ 1700 രൂപ ഈടാക്കിയത് വലിയ ചർച്ചകൾക്ക് കരണമായതിനെ തുടർന്ന് സംസ്ഥാന ദുരന്ത നിവാരണ അതോറിട്ടി പകർച്ച വ്യാധി നിയന്ത്രണ നിയമമനുസരിച്ച് കേസെടുക്കുമെന്ന് ഉത്തരവിട്ടതിനെ തുടർന്നാണ് സ്വകാര്യ ലാബുകൾ ഹൈക്കോടതിയെ സമീപിച്ചത്.

സർക്കാർ നിശ്ചയിച്ച 500 രൂപയ്ക്ക് ആർ ടി പി സി ആർ പരിശോധന നടത്തുന്നത് തങ്ങൾക്ക് നഷ്ടമാണെന്ന നിലപാടിലാണ് സ്വകാര്യ ലബോറട്ടറി ഉടമകൾ.നിരക്ക് വർധിപ്പിച്ചില്ലെങ്കിൽ ആർ ടി പി സി ആർ പരിശോധന നടത്തേണ്ടെന്ന് തീരുമാനിച്ച ലാബുകളും ഉണ്ട്.

തിരുവനന്തപുരം: ഒടുവിൽ ഗത്യന്തരമില്ലാതെയാണ് സംസ്ഥാന സർക്കാർ ലോക്ക് ഡൗൺ പ്രഖ്യാപിച്ചത്. തീരുമാനം വേറെ മാർഗ്ഗമില്ലാത്തിന്റെ പശ്ചാത്തലത്തിലെന്ന് സർക്കാർ .

കോവിഡ് വ്യാപനം രൂക്ഷമായ പശ്ചാത്തലത്തിൽ പ്രഖ്യാപിച്ച ലോക്ക് ഡൗൺ സംബന്ധിച്ച സംസ്ഥാന സർക്കാർ ഉത്തരവ് ഉടൻ.

വിദഗ്ധ സമിതി ശുപാർശയെ തുടർന്നാണ് ലോക്ക് ഡൗൺ തീരുമാനിച്ചത്.സംസ്ഥാനത്തെ കോവിഡ് സാഹചര്യം ഗുരുതരമാണെന്ന് മുഖ്യമന്ത്രി ഇന്നലെ പ്രസ്താവിച്ചതിന് പിന്നാലെയാണ് തീരുമാനം വന്നത്.

അവശ്യ സാധനങ്ങൾ വാങ്ങാൻ ഏതാനും മണിക്കുറുകൾ കടകൾ തുറന്ന് പ്രവർത്തിക്കുന്നതിനാൽ സാധനങ്ങൾ വാങ്ങാൻ ആളുകൾ പരിഭ്രാന്തരായി തിരക്ക് കൂട്ടേണ്ടതില്ലെന്ന് മന്ത്രി തോമസ് ഐസക് പറഞ്ഞു.ആവശ്യം വേണ്ട മരുന്നുകൾ ആശാ വർക്കർമാരോ അടിയന്തിര ഘട്ടത്തിൽ പൊലീസോ എത്തിക്കും.കൺസ്യൂമർ ഫെഡ് സ്കീമുകളും ഉപയോഗപ്പെടുത്താം.

അനാവശ്യമായി പുറത്തിറങ്ങിയാൽ കേസെടുക്കും.കെ എസ് ആർ ടി സി ബസുകൾ സർവീസ് നടത്തില്ല.സ്വകാര്യ വാഹനങ്ങൾ പുറത്തിറങ്ങാൻ പാടില്ല.ട്രെയിൻ സർവീസുകൾ സംബന്ധിച്ച് സംസ്ഥാന സർക്കാർ ഉത്തരവ് വന്നാൽ തീരുമാനമെടുക്കുമെന്ന് ദക്ഷിണ റെയിൽവേ അറിയിച്ചു.ആശുപത്രി,കോവിഡ് പ്രതിരോധം , തുടങ്ങിയ അവശ്യ സർവീസുകൾക്കും മാധ്യമങ്ങൾക്കും ഇളവ് ലഭിക്കും.

നിലവിലെ ഭാഗിക ലോക്ക് ഡൗണിലും ജനങ്ങൾ പുറത്തിറങ്ങുകയും കാര്യങ്ങളെ ലാഘവ ബുദ്ധിയോടെ കാണുന്നതും സംബന്ധിച്ച് വലിയ ആശങ്കകൾ ഉണ്ടായിരുന്നു.ആരോഗ്യ വകുപ്പിന്റെയും വിദഗ്ധ സമിതിയുടെയും ശുപാര്ശയ്ക്ക് പുറമെ പോലീസ് റിപ്പോർട്ടും വൈകിയെങ്കിലും തിടുക്കത്തിലുള്ള ലോക്ക് ഡൗണിലേക്ക് കാര്യങ്ങൾ നീക്കുകയായിരുന്നു.

LIVE |

തിരുവനന്തപുരം: സംസ്ഥാനത്ത് കോവിഡ് സാഹചര്യം അതീവ ഗുരുതരമെന്ന് മുഖ്യമന്ത്രി പിണറായി വിജയൻ പറഞ്ഞു.

41,953 പേർക്കാണ് ഇന്ന് രോഗം സ്ഥിരീകരിച്ചത്.ഏറ്റവും ഉയർന്ന പ്രതിദിന വർദ്ധനയാണ് ഇത്. 48 കോവിഡ് മരണവും സ്ഥിരീകരിച്ചു. ടെസ്റ്റ് പോസിറ്റിവിറ്റി നിരക്ക് ഉയർന്നുതന്നെ നിൽക്കുന്നു.

എറണാകുളത്തും കോഴിക്കോടും പ്രതിദിന കേസുകളുടെ എണ്ണം ഉയർന്ന് നിൽക്കുന്നത് കടുത്ത ആശങ്ക ഉയർത്തുന്നു.ഫസ്റ്റ് ലൈൻ ട്രീറ്റ്മെന്റ് സെന്ററുകളുടെ എണ്ണം കൂട്ടാനുള്ള പ്രവർത്തനങ്ങൾ തുടങ്ങിയിട്ടുണ്ട്.ഇതിനായി ഹോസ്റ്റലുകളും ഹോട്ടലുകളും വേണ്ടിവരും.ഓക്സിജന്റെ കണക്ക് സൂക്ഷിക്കാൻ നിർദേശം നൽകിയിട്ടുണ്ട്.

ദുരിതാശ്വാസ പ്രവർത്തനങ്ങൾക്കായി സ്വദേശത്തും വിദേശത്തുമുള്ള സന്നദ്ധ സംഘടനകൾക്കും എൻ ജി ഓ കൾക്കും പ്രവർത്തിക്കാനുള്ള അനുമതി നൽകും.ഇതിൽ വിദേശ ഏജൻസികളുടെ വിവരങ്ങൾ നോർക്ക പരിശോധിച്ച് വിലയിരുത്തണം.

ദ്രവീകൃത ഓക്സിജൻ ഇറക്കുമതിസംബന്ധിച്ച് പ്രധാനമന്ത്രിക്ക് കത്തെഴുതിയിട്ടുണ്ട്.വിവിധ തരത്തിലുള്ള റിക്കവറി നടപടികൾ നിർത്തിവെക്കാൻ ബാങ്കുകൾക്ക് നിർദേശം നൽകിയിട്ടുണ്ടെന്നും മുഖ്യമന്ത്രി വാർത്താ സമ്മേളനത്തിൽ പറഞ്ഞു.

L I V E |

തിരുവനന്തപുരം: വോട്ട് കച്ചവടം നടന്നെന്ന മുഖ്യമന്ത്രി പിണറായി വിജയൻറെ ആരോപണം തെറ്റെന്ന് ബിജെപി അധ്യക്ഷൻ കെ സുരേന്ദ്രൻ പറഞ്ഞു.

സംസ്ഥാനത്ത് നടന്നത് ശക്തമായ വർഗീയ ധ്രുവീകരണമാണെന്നും തോൽവിയുടെ കാരണം പരിശോധിക്കുമെന്നും രാഷ്ട്രീയമായും സംഘടനാ പരവുമായും സംഭവിച്ച പിഴവുകളെ വിലയിരുത്തുമെന്നും സുരേന്ദ്രൻ പറഞ്ഞു.

വർഗീയ രാഷ്ട്രീയത്തിനെതിരെയുള്ള പ്രചാരണം ശക്തമാക്കും.മഞ്ചേശ്വരത്തും പാലക്കാട്ടും കൽപ്പറ്റയിലും സ്ഥാനാർത്ഥികൾ ജയിച്ചപ്പോൾ പ്രകടനം നടത്തിയത് യു ഡി എഫ് മാത്രമല്ല.ഈ തിരഞ്ഞെടുപ്പിൽ നടന്നത് ശക്തമായ വർഗീയ ധ്രുവീകരണം. ലീഗ് മത്സരിക്കാത്ത സ്ഥലത്ത് മുസ്‌ലിം വോട്ടുകൾ സിപിഎമ്മിന് പോയി.

തോൽവിയുടെ ഉത്തരവാദിത്തം തനിക്ക് മാത്രമായിരിക്കും. കാര്യങ്ങൾ കേന്ദ്ര നേതൃത്വത്തെ അറിയിച്ചിട്ടുണ്ട്.രണ്ട് മണ്ഡലങ്ങളിൽ മത്സരിക്കാൻ ആഗ്രഹിച്ചിരുന്നില്ല.അത് പാർട്ടി തീരുമാനമായിരുന്നു. ഘടക കക്ഷികൾ ശക്തമായി പ്രവർത്തിച്ചിരുന്നില്ല.സിപിഎമ്മിന് വോട്ട് കുറഞ്ഞത് വോട്ട് കച്ചവടം നടത്തിയിട്ടാണോ എന്നും എങ്കിൽ ആ പണം എ കെ ജി സെന്ററിലേക്കോ ധർമ്മടത്തെക്കോ ആണോ കൊണ്ടുപോയതെന്നും സുരേന്ദ്രൻ ചോദിച്ചു.

കൊച്ചി: ആർ ടി പി സി ആർ പരിശോധന നിരക്ക് കുറച്ച സംസ്ഥാന സർക്കർ നടപടിക്കെതിരെ സ്വകാര്യ ലാബുകൾ രംഗത്ത്.

ആർ ടി പി സി ആർ കോവിഡ് പരിശോധനയ്‌ക്ക്‌ 1700 രൂപയായിരുന്നത് സർക്കാർ 500 രൂപയാക്കി കുറച്ച നടപടിക്കെത്തിരെയാണ് സ്വകാര്യ ലാബുകൾ ഹൈക്കോടതിയെ സമീപിച്ചത്.

500 രൂപയ്ക്ക് ഈ പരിശോധന നടത്തുന്നത് വലിയ നഷ്ടമാണെന്നും ഏകപക്ഷീയമായാണ് സർക്കാർ നടപടി എന്നുമാണ് സ്വകാര്യ ലാബുകാരുടെ പരാതി.

എന്നാൽ കോവിഡ് പശ്ചാത്തലത്തിൽ ദുരിതമനുഭവിക്കുന്ന ആളുകൾക്ക് കനത്ത ഭാരമായിരുന്നു ആർ ടി പി സി ആർ നിരക്ക് എന്നതായിരുന്നു സർക്കാർ വിലയിരുത്തൽ.

സംസ്ഥാന സർക്കാർ ഉത്തരവ് വന്ന ശേഷവും സ്വകാര്യ ലാബുകൾ കോവിഡ് പരിശോധനയ്ക്ക് പഴയ നിരക്കായ 1700 രൂപ ഈടാക്കിയത് വലിയ പ്രതിഷേധങ്ങൾക്കിടയാക്കിയിരുന്നു.ഒരു വേള മുഖ്യമന്ത്രി പിണറായി വിജയൻ തന്നെ ലാബ് നടപടിക്കെതിരെ രംഗത്ത് വന്നിരുന്നു.

തുടർന്നും നിരക്ക് കുറക്കാത്ത പശ്ചാത്തലത്തിൽ ദുരന്ത നിവാരണ അതോറിറ്റി പകർച്ച വ്യാധി നിയന്ത്രണ നിയമമനുസരിച്ച് കേസെടുക്കുമെന്ന് ഉത്തരവിറക്കി യി രുന്നു. .

രാജിക്കത്ത് സമർപ്പിക്കാൻ മുഖ്യമന്ത്രി പിണറായി വിജയൻ രാജ്ഭവനിൽ എത്തിയപ്പോൾ ഗവർണർ ആരിഫ് മുഹമ്മെദ് ഖാനോടൊപ്പം |special arrangement from TH

LIVE |

തിരുവനന്തപുരം: മുഖ്യമന്ത്രി പിണറായി വിജയൻ ഗവർണ്ണർക്ക് രാജിക്കത്ത് കൈമാറി.മന്ത്രിസഭാ യോഗത്തിന് ശേഷമാണ് മുഖ്യമന്ത്രി രാജ്ഭവനിലെത്തി രാജിക്കത്ത് ഗവർണർ ആരിഫ് മുഹമ്മദ് ഖാന് കൈമാറിയത്.

പുതിയ മന്ത്രിസഭയുടെ സത്യപ്രതിജ്ഞ അടുത്തയാഴ്ച്ച നടക്കും.

നാളെ സിപിഎം സംസ്ഥാന സെക്രെട്ടറിയറ്റും കേരളത്തിലെ പോളിറ്റ്ബ്യുറോ അംഗങ്ങളുടെ യോഗവും ചേർന്നായിരിക്കും മന്ത്രിസഭങ്ങളെ തീരുമാനിക്കുക.

ഗവർണർ രാജിക്കത്ത് സ്വീകരിച്ചു കഴിഞ്ഞാൽ ഇതേ മന്ത്രിസഭ കാവൽ മന്ത്രിസഭയായി തുടരും.വിജയികളെ വിജ്ഞാപനം ചെയ്ത് പുതിയ നിയമസഭ രൂപീകരിക്കുന്നത് വരെയുള്ള നടപടികൾ സ്വീകരിക്കേണ്ടത് തിരഞ്ഞെടുപ്പ് കമ്മിഷനാണ്.അത് ചൊവ്വാഴ്ച്ച ഉണ്ടാകാന് സാധ്യത.

വിജയിച്ച മുന്നണി മുഖ്യമന്ത്രിയെ നിശ്ചയിച്ച് ഗവർണറെ അറിയിക്കുന്നതോടെ ഗവർണ്ണർ മന്ത്രിസഭ രൂപീകരിക്കാൻ ക്ഷണിക്കും.കോവിഡ് പശ്ചാത്തലത്തിൽ ലളിതമായ ചടങ്ങുകൾ മാത്രമായിരിക്കും സത്യപ്രതിജ്ഞ നടപടികൾ.പൊതുഭരണ വകുപ്പ് ഇതിനായുള്ള ഒരുക്കങ്ങൾ തുടങ്ങിക്കഴിഞ്ഞു.

LIVE |

തിരുവനന്തപുരം: നിയമസഭാ തിരഞ്ഞെപ്പ് ഫലം ഞായറാഴ്ച്ച വരാനിരിക്കെ പുതിയ മന്ത്രിസഭയ്ക്ക് സത്യപ്രതിജ്ഞ ചെയ്യാനുള്ള ഒരുക്കങ്ങൾ തുടങ്ങി പൊതു ഭരണ വകുപ്പ്.

വോട്ടെണ്ണലിന് പിന്നാലെ സ്വീകരിക്കേണ്ട നടപടികളിലേക്കാണ് പൊതുഭരണ വകുപ്പ് കടന്നത്.

മുഖ്യമന്ത്രി പിണറായി വിജയൻ തിങ്കളാഴ്ച്ച ഉച്ചയ്ക്ക് ശേഷം ഗവർണ്ണർക്ക് രാജിക്കത്ത് കൈമാറിയേക്കും.പതിവിന് വ്യത്യസ്തമായി പുതിയ മന്ത്രിസഭയുടെ സത്യപ്രതിജ്ഞ മൂന്ന് ഘട്ടങ്ങളിലായി നടത്താനാണ് പൊതു ഭരണ വകുപ്പ് ആലോചിക്കുന്നത്.കോവിഡ് പശ്ചാത്തലത്തിലാണ് ഇത്.

ഇടത് മുന്നണിക്ക് ഭൂരിപക്ഷം കിട്ടുകയാണെങ്കിൽ പിണറായി വിജയൻ മുഖ്യമന്ത്രിയായി സത്യപ്രതിജ്ഞ ചെയ്യുന്നത് മെയ് 9ന് ശേഷമായിരിക്കുമെന്ന് സിപിഎം വൃത്തങ്ങൾ സൂചിപ്പിച്ചു.

അടുത്ത അഞ്ച് വർഷം കേരളം ആര് ഭരിക്കും എന്നറിയാൻ ഇനി മണിക്കൂറുകൾ മാത്രമാണ് ബാക്കി.ഞായറാഴ്ച്ച രാവിലെ 8 മുതൽ വോട്ടെണ്ണൽ ആരംഭിക്കും.മണിക്കൂറുകൾക്കകം ആദ്യ ഫല സൂചനകൾ ലഭ്യമായി തുടങ്ങും.തപാൽ വോട്ടിൽ വർദ്ധനവ് ഫലം വൈകിപ്പിക്കും എന്ന ആശങ്ക നിലനിർത്തുന്നുണ്ട്.

രാവിലെ 6 മണിക്ക് തന്നെ വോട്ടിംഗ് യന്ത്രങ്ങൾ സൂക്ഷിച്ചിരിക്കുന്ന സ്ട്രോങ്ങ് റൂമുകൾ തുറക്കും.നിരീക്ഷകരുടെയും രാഷ്ട്രീയ പാർട്ടികളുടെ ഏജന്റുമാരുടെയും മുന്നിലായിരിക്കും ഇത്.114 കേന്ദ്രങ്ങളിലെ 633 കൗണ്ടിംഗ് ഹാളുകളിലേക്ക് വോട്ടിങ് യന്ത്രങ്ങൾ മാറ്റും.

ആദ്യം എണ്ണി തുടങ്ങുക തപാൽ വോട്ടുകളായിരിക്കും.തുടർന്ന് ഇ വി എം വോട്ടുകൾ എന്നി തുടങ്ങും.ഒരു ഹാളിൽ ഏഴ് മേശകൾ ക്രമീകരിച്ചിട്ടുണ്ട്.ഒരു മണ്ഡലത്തിന് മൂന്ന് ഹാളുകൾ ഉണ്ട്.ഒരു റൗണ്ടിൽ 21 ബൂത്തുകളില് വോട്ടുകൾ എണ്ണും .

48 മണിക്കൂറിനിന്നുള്ളിൽ എടുത്ത ആർ ടി പി സി ആർ ,ആന്റിജൻ കോവിഡ് ടെസ്റ്റ് നടത്തി നെഗറ്റീവ് സർട്ടിഫിക്കറ്റ് ഉള്ളവർക്കും രണ്ട് ഡോസ് വാക്‌സിനേഷൻ സർട്ടിഫിക്കറ്റോ ഉള്ളവർക്ക് മാത്രമാണ് ഹാളിലേക്ക് പ്രവേശനം.

584238 തപാൽ വോട്ടുകൾ ഉള്ളതിനാൽ തിരഞ്ഞെടുപ്പ് ഫലം വൈകാൻ സാധ്യതയുണ്ടെന്നാണ് വിലയിരുത്തൽ.

തിരുവനന്തപുരം: ആർ ടി പി സി ആർ കോവിഡ് പരിശോധന നിരക്ക് കുറച്ച സർക്കാർ ഉത്തരവ് കാറ്റിൽ പറത്തി സംസ്ഥാനത്തെ സ്വകാര്യ ലാബുകൾ.

നേരത്തെ 1700 രൂപയായിരുന്ന ആർ ടി പി സി ആർ നിരക്ക് 500 രൂപയാക്കി കുറച്ചതിന് പിന്നാലെയാണ് സ്വകാര്യ ലാബുകളുടെ പകൽ കൊള്ള.

പരിശോധന നിരക്ക് കുറച്ചത് സംബന്ധിച്ച സർക്കാർ പ്രഖ്യാപനം വന്നത് വ്യാഴാച രാത്രിയാണെങ്കിലും ഉത്തരവ് വെള്ളിയാഴ്ച്ച രാവിലെ തന്നെ ഇറങ്ങി.എ ന്നാൽ വെള്ളിയാഴ്ച രാവിലെ സംസ്ഥാനത്ത് വിവിധ ജില്ലകളിൽ ആർ ടി പി സി ആർ പരിശോധനകൾക്ക് സ്വകാര്യ ലബോറട്ടറികൾ ഈടാക്കിയത് പഴയ നിരക്കായ 1700 രൂപ.

ലാബുകാരുടെ പകൽകൊള്ള ചോദ്യം ചെയ്ത് പലയിടത്തും വാക്കേറ്റമുണ്ടായി.എറണാകുളത്തും പാലക്കാടും പ്രതിഷേധം ഉണ്ടായി. ഡി വൈ എഫ് ഐ പ്രവർത്തകരും ലബോറട്ടറി നയങ്ങൾക്കെതിരെ പ്രതിഷേധിച്ചു.

അധിക ചാർജ് ഉപഭോക്താക്കളിൽനിന്ന് ഈടാക്കിയ ലാബുകാർ സർക്കാർ ഉത്തരവിന്റെ കോപ്പി കിട്ടിയില്ല എന്ന മുടന്തൻ ന്യായമാണ് ഉന്നയിച്ചത്.സർക്കാർ ഉത്തരവ് വന്ന ശേഷവും ഇത് തുടർന്നു.എന്നാൽ വൈകുന്നേരത്തെ പത്രസമ്മേളനത്തിൽ മുഖ്യമന്ത്രി അധിക നിരക്ക് ഈടാക്കാൻ പാടില്ലെന്ന കണിശമായ നിർദേശം നൽകിയിട്ടുണ്ട്.

L I V E |

തിരുവനന്തപുരം: സംസ്ഥാനത്തെ കോവിഡ് വ്യാപന തോത് അതി രൂക്ഷമാണെന്നും രോഗവ്യാപനം കൂടിയ ജില്ലകളിൽ സമ്പൂർണ്ണ ലോക്ക് ഡൗൺ പരിഗണിക്കേണ്ടിവരുമെന്നും മുഖ്യമന്ത്രി പിണറായി വിജയൻ പറഞ്ഞു.

സംസ്ഥാനത്തെ കോവിഡ് ടെസ്റ്റ് പോസിറ്റിവിറ്റി നിരക്ക് 24.88 ശതമാനമാണെന്നും മുഖ്യമന്ത്രി പറഞ്ഞു. 37199 പേർക്കാണ് ഇന്ന് രോഗം സ്ഥിരീകരിച്ചത്.ഇത് വളരെ ഗുരുതരമായ സാഹചര്യമാണ്. കൂടുതൽ നിയന്ത്രണങ്ങൾ ആവശ്യമാണെന്നും മുഖ്യമന്ത്രി പറഞ്ഞു.

രോഗ വ്യാപനം രൂക്ഷമായ ജില്ലകളിലാണ് സമ്പൂർണ്ണ ലോക്ക് ഡൗൺ പരിഗണിക്കേണ്ടി വരിക.എന്നാൽ തദ്ദേശ സ്ഥാപനങ്ങൾ ലോക്ക് ഡൗൺ പ്രഖ്യാപിക്കരുത്.കണ്ടൈൻമെൻറ് സോണുകളിൽ കർശന നിയന്ത്രണങ്ങൾ നടപ്പാക്കും.നാളെയും മറ്റന്നാളും ആളുകൾ അനാവശ്യമായി പുറത്തിറങ്ങരുത്.ഇരട്ട മാസ്ക് ധരിക്കണം.

ഇരു ചക്ര വാഹനങ്ങളിൽ ഒരാൾ മാത്രം യാത്ര ചെയ്യണം.ഒരേ കുടുംബത്തിൽ പെട്ടവരാണെങ്കിൽ മാത്രം രണ്ടുപേർ.സൗകര്യം കുറഞ്ഞ ആരാധനാലയങ്ങളിൽ പരമാവധി 50 പേർ മാത്രം. ചൊവ്വാഴ്ച മുതൽ ലോക്ക് ഡൗണിന് സമാനമായ നിയന്ത്രണങ്ങൾ നടപ്പാക്കും.

സംസ്ഥാനത്ത് ഓക്സിജൻ വാർ റൂമുകൾ തയ്യാറാക്കും.വ്യാജ വാർത്തകൾ പരത്തുന്നവർക്കെതിരെ കർശന നടപടിയുമായി പോലീസ് രംഗത്തിറങ്ങും.ഹോട്ടലുകളിൽ പാർസൽ മാത്രം,9 മണിക്ക് അടക്കണം.റേഷൻ കടകളും സപ്ലൈകോ വില്പന കേന്ദ്രങ്ങളും തുറക്കും.വാരാന്ത്യ നിയന്ത്രണങ്ങളിൽ പരിശോധന കർശനമാക്കുമെന്നും മുഖ്യമന്ത്രി പറഞ്ഞു.

LIVE |

തിരുവനന്തപുരം: സംസ്ഥാനത്ത് ആർ ടി പി സി ആർ ടെസ്റ്റ് നിരക്ക് കുറച്ചു.കോവിഡ് ആർ ടി പി സി ആർ പരിശോധനയ്ക്കുള്ള നിരക്കാണ് 500 രൂപയാക്കി കുറച്ചത്.നേരത്തെ ഇത് 1700 രൂപയായിരുന്നു.
സംസ്ഥാനത്തെ കോവിഡ് വ്യാപനം രൂക്ഷമായ സാഹചര്യത്തിലാണ് പരിശോധന നിരക്ക് കുറച്ചത്.

photo credit | praveen khanna ie

നിലമ്പൂർ: മലപ്പുറം ഡി സി സി പ്രസിഡണ്ടും നിലമ്പൂരിലെ യു ഡി എഫ് സ്ഥാനാർഥിയുമായ വി വി പ്രകാശ് അന്തരിച്ചു. 56 വയസായിരുന്നു.

ഇന്ന് പുലർച്ചെ ഹൃദയാഘാതത്തെ തുടർന്നായിരുന്നു അന്ത്യം. മഞ്ചേരിയിലെ ആശുപത്രിയിലെത്തിച്ചങ്കിലും രക്ഷിക്കാനായില്ല,

രാത്രി ഹൃദയാഘാതം ഉണ്ടായി എടക്കരയിലെ ആശുപത്രിയിലെത്തിച്ചിരുന്നു.ആരോഗ്യനില ഗുരുതരമായതിനെ തുടർന്ന് മഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.

നിലമ്പൂരിൽ നഷ്‌ടമായ സീറ്റ് പ്രകാശിലൂടെ തിരിച്ചു പിടിക്കാമെന്ന പ്രതീക്ഷയിലായിരുന്നു യു ഡി എഫ്.തിരഞ്ഞെടുപ്പ് ഫലം വരാൻ രണ്ട് ദിവസം മാത്രം ബാക്കി നിൽക്കെയാണ് അദ്ദേഹത്തിന്റെ അന്ത്യം.

കർഷക ദമ്പതികളായ കുന്നുമ്മൽ കൃഷ്ണൻ നായരുടെയും സരോജിനി അമ്മയുടെയും മകനായി എടക്കരയിലായിരുന്നു രാഷ്ട്രീയത്തിലെ സൗമ്യ സാന്നിധ്യമായ വി വി പ്രകാശിന്റെ ജനനം.സംസ്കാരം വൈകുന്നേരം മൂന്ന് മണിക്ക് എടക്കരയിൽ.

കോൺഗ്രസ്,യു ഡി എഫ് നേതാക്കൾ അനുശോചനം രേഖപ്പെടുത്തി.

LIVE |

തിരുവനന്തപുരം: ജിമ്മി ജോർജ് സ്റ്റേഡിയത്തിലെ വാക്‌സിനേഷൻ കേന്ദ്രത്തിലെ തിരക്ക് സംബന്ധിച്ച വാർത്തകൾ പുറത്ത് വന്നതോടെ
ആരോഗ്യമന്ത്രി കെ കെ ശൈലജയുടെ അടിയന്തിര ഇടപെടൽ.

വിഷയത്തിൽ അടിയന്തിരമായി ഇടപെടാൻ ആരോഗ്യമന്ത്രി ജില്ലാ മെഡിക്കൽ ഓഫീസർക്ക് നിർദേശം നൽകി.വയോജനങ്ങൾക്കും ഭിന്ന ശേഷിക്കാർക്കും കൂടുതൽ സൗകര്യങ്ങൾ ഏർപ്പെടുത്താനും മന്ത്രി നിർദേശം നൽകി.

ഓൺലൈൻ റജിസ്ട്രേഷൻ ചെയ്ത് വാക്‌സിനേഷൻ എത്തുന്നവർ സമയക്രമം പാലിക്കുന്നുണ്ടോ എന്ന് ഉറപ്പുവരുത്താനും മന്ത്രി നിർദേശം നൽകി.

തിരുവനന്തപുരം ജിമ്മി ജോർജ് സ്റ്റേഡിയത്തിലെ വാക്‌സിനേഷൻ കേന്ദ്രത്തിൽ വലിയ തിക്കും തിരക്കും ഉണ്ടായതും കോവിഡ് മാനദണ്ഡങ്ങൾ കാറ്റിൽ പറത്തപ്പെട്ടതും വലിയ വാർത്ത ആയതിന് ശേഷമാണ് ആരോഗ്യമന്ത്രിയുടെ ഇടപെടൽ.വാക്‌സിനേഷനെത്തിയ രണ്ട് വയോധികർ തളർന്നു വീണ് ആശുപത്രിയിലാണ്.

തിരുവനന്തപുരം: യു എ പി എ കേസിൽ ഉത്തർ പ്രദേശിൽ ജുഡീഷ്യൽ കസ്റ്റഡിയിൽ കഴിയവേ കോവിഡ് ബാധിതനായി ആശുപത്രിയിൽ കഴിയുന്ന മാധ്യമ പ്രവർത്തകൻ സിദ്ദിഖ് കാപ്പന്റെ കാര്യത്തിൽ ഇടപെടാൻ അഭ്യർത്ഥിച്ച് മുഖ്യമന്ത്രി പിണറായി വിജയൻ യു പി മുഖ്യമന്ത്രി യോഗി ആദിത്യനാഥിന് കത്തയച്ചു.

കാപ്പന്റെ കാര്യത്തിൽ ഇടപെടാൻ മുഖ്യമന്ത്രി പിണറായി വിജയന് പേടിയാണെന്ന സിദ്ദിഖ് കാപ്പന്റെ ഭാര്യയുടെ വിമർശനത്തിന് പിന്നാലെയാണ് മുഖ്യമന്ത്രി കത്തെഴുതിയത്.

കാപ്പന് വിദഗ്ധ ചികിത്സ നൽകാൻ മറ്റൊരു ആശുപത്രിയിലേക്ക് മാറ്റണമെന്നും കാപ്പന്റെ ചികിത്സയുടെ കാര്യത്തിൽ മാധ്യമസമൂഹത്തിന് ആശങ്കയുണ്ടെന്നും ഇടപെടണമെന്നും പിണറായി വിജയൻ യോഗി ആദിത്യ നാഥിനെഴുതിയ കത്തിൽ പറയുന്നു.

എന്നാൽ കാപ്പന്റെ കാര്യത്തിൽ മുഖ്യമന്ത്രി പിണറായി വിജയൻ ഇടപെടണമെന്നും മറ്റൊരു ആശുപത്രിയിലേക്ക് മാറ്റണമെന്നും അദ്ദേഹത്തിന്റെ ഭാര്യ റൈഹാനത്ത് മുഖ്യമന്ത്രിയോട് അഭ്യർത്ഥിച്ചിരുന്നു. മുഖ്യമന്ത്രി പിണറായി വിജയന് സിദ്ദിഖ് കാപ്പന്റെ കാര്യത്തിൽ ഇടപെടാൻ പേടിയാണെന്നും റൈഹാനത്ത് വിമർശിച്ചിരുന്നു.

L I V E |

തിരുവനന്തപുരം: തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിൽ കഴിയുന്ന മുൻ മന്ത്രിയും ജെ എസ് എസ് നേതാവുമായ കെ ആർ ഗൗരിയമ്മയുടെ ആരോഗ്യനില ഗുരുതരമായി തുടരുന്നുവെന്ന് മെഡിക്കൽ ബുള്ളറ്റിൻ.

ഗൗരിയമ്മ ചികിത്സയിൽ കഴിയുന്ന സ്വകാര്യ ആശുപത്രിയാണ് മെഡിക്കൽ ബുള്ളറ്റിൻ പുറത്തിയത്.ഗൗരിയമ്മ മരുന്നുകളോട് പ്രതികരിക്കുന്നില്ലെന്നും അവർക്ക് കടുത്ത അണുബാധയുണ്ടെന്നും തീവ്രപരിചരണ വിഭാഗത്തിൽ തുടരുകയാണെന്നും ആശുപത്രി മെഡിക്കൽ ബുള്ളറ്റിനിൽ പറയുന്നു.

കടുത്ത പനിയും ശ്വാസ തടസ്സവും അനുഭവപ്പെട്ടതിനെ തുടർന്നാണ് ഗൗരിയമ്മയെ കഴിഞ്ഞ ദിവസം സ്വകാര്യ ആശുപത്രിയിൽ പ്രവേശിപ്പിച്ചത്.അവർക്ക് കോവിഡ് ബാധിച്ചിട്ടില്ലെന്ന് സ്ഥിരീകരിച്ചിരുന്നു.ഡോക്ടർമാരുടെ പ്രത്യേക സംഘമാണ് ചികിൽസിക്കുന്നത്.

| വാക്‌സിനേഷൻ കേന്ദ്രത്തിലെ തിരക്ക് .ഫയൽ ചിത്രം

കണ്ണൂർ: കണ്ണൂർ കേളകത്തും ചക്കരക്കല്ലിലും വാക്‌സിനേഷൻ കേന്ദ്രങ്ങളിൽ ആരോഗ്യപ്രവർത്തകരും വാക്‌സിൻ എടുക്കാൻ എത്തിയവരും തമ്മിൽ തർക്കം.

ഓൺലൈൻ റജിസ്ട്രേഷനിലുണ്ടായ സമയക്രമം സംബന്ധിച്ച സാങ്കേതിക തടസ്സങ്ങളും കഴിഞ്ഞ ദിവസങ്ങളിൽ ഉണ്ടായതുപോലുള്ള സ്പോട്ട് റജിസ്ട്രേഷനിലെ ആശയക്കുഴപ്പവുമാണ് തർക്കങ്ങൾക്കിടയാക്കിയത്.

ഇരു കേന്ദ്രങ്ങളിലും നൂറുകണക്കിനാളുകൾ വാക്‌സിൻ ചെയ്യാനെത്തിയിരുന്നു.ഒന്നാം ഡോസും രണ്ടാം ഡോസും എടുക്കാനെത്തിയവരും കൂട്ടത്തിൽ ഉണ്ടായിരുന്നു.

ഓൺലൈൻ റജിസ്റ്റർ ചെയ്തപ്പോൾ ലഭിച്ച സമയക്രമം പാലിക്കാൻ വാക്‌സിനേഷൻ കേന്ദ്രങ്ങളിലെ ആരോഗ്യപ്രവർത്തകർക്ക് സാധിക്കാത്തതാണ് കേളകത്ത് തർക്കത്തിനിടയാക്കിയത്.സെക്ടറൽ മജിസ്‌ട്രേറ്റുമാർ ഇടപെട്ടാണ് പ്രശ്നം പരിഹരിച്ചത്.

ചക്കരക്കല്ലിലും സമാനമായ സംഭവങ്ങൾ ഉണ്ടായി.സ്പോട്ട് റജിസ്ട്രേഷൻ ഇല്ല എന്നറിയാതെ എത്തിയവരും ഓൺലൈൻ റജിസ്ട്രേഷൻ ചെയ്ത് കൃത്യ സമയത്ത് വാക്‌സിനേഷൻ ചെയ്യാനെത്തിയവരും വാക്ക് തർക്കമുണ്ടായി.

ഓൺലൈൻ റജിസ്‌ട്രേഷൻ ആപ്പിലെ സാങ്കേതിക പിഴവാണ് ആശയക്കുഴപ്പങ്ങൾക്ക് കരണമായതെന്നാണ് വിവരം.കണ്ണൂർ ജൂബിലി ഹാളിൽ ശനിയാഴ്ചത്തെ നിയന്ത്രണങ്ങൾ മറികടന്നും നൂറുകണക്കിനാളുകൾ വാക്‌സിൻ ചെയ്യാനെത്തിയിട്ടുണ്ട്.

photo | indianexpress.com

തിരുവനന്തപുരം: മുൻ മന്ത്രിയും ജെ എസ് എസ് നേതാവുമായ കെ ആർ ഗൗരി അമ്മ ആശുപത്രിയിൽ.

കടുത്ത പനിയെ തുടർന്നാണ് അവരെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചത്.

തീവ്രപരിചരണ വിഭാഗത്തിലുള്ള അവർക്ക് ശ്വാസം മുട്ടൽ അനുഭവപ്പെടുന്നുണ്ടെങ്കിലും മരുന്നുകളോട് പ്രതികരിക്കുന്നുണ്ടെന്ന് അല്പം മുൻപ് ആശുപത്രി പുറപ്പെടുവിച്ച മെഡിക്കൽ ബുള്ളറ്റിനിൽ പറഞ്ഞു.

ഡോക്ടർമാരുടെ പ്രത്യേക സംഘത്തിന്റെ നിരീക്ഷണത്തിലാണ് അവരിപ്പോൾ. കോവിഡ് ഇല്ലെന്ന് സ്ഥിരീകരിച്ചിട്ടുണ്ട്.

photo | onmanorama.com

തിരുവനന്തപുരം: സിപിഎം സംസ്ഥാന സമിതി അംഗം പി ജയരാജനെ അപായപ്പെടുത്താൻ സാധ്യതയെന്ന് പോലീസ് ഇന്റലിജൻസ് മുന്നറിയിപ്പ്.

നിയമസഭാ തിരഞ്ഞെടുപ്പ് ഘട്ടത്തിൽ തന്നെ ഇത്തരത്തിലുള്ള സൂചന പൊലീസിന് ലഭിച്ചിരുന്നു.ഇതിന്റെ അടിസ്ഥാനത്തിൽ ജാഗ്രത പാലിക്കാൻ പോലീസ് ജയരാജന് മുന്നറിയിപ്പ് നൽകിയിരുന്നു. ഇന്റലിജൻസ് മുന്നറിയിപ്പ് പശ്ചാത്തലത്തിൽ ജയരാജന്റെ സുരക്ഷ കൂട്ടിയേക്കും.

മുസ്‌ലിം ലീഗ് പ്രവർത്തകൻ മൻസൂറിന്റെ കൊലപാതകത്തിന് ശേഷം ജയരാജനെ അപായപ്പെടുത്താൻ സാധ്യതയുണ്ടെന്ന റിപ്പോർട്ടാണ് പോലീസ് ഇന്റലിജൻസിന് ലഭിച്ചത്.ജയരാജന് സുരക്ഷ ഉറപ്പാക്കാൻ ഉത്തരമേഖലാ ഐ ജി അശോക് യാദവ് നിർദേശിച്ചിട്ടുണ്ടെങ്കിലും ജയരാജൻ സുരക്ഷാ നിരസിച്ചു എന്നാണ് സൂചന.

വടക്കൻ മേഖലയിലേക്കുള്ള ജയരാജന്റെ യാത്രകളിൽ കരുതൽ വേണമെന്ന് കാസറഗോഡ്,കണ്ണൂർ,കോഴിക്കോട് ജില്ലകളിലെ പോലീസ് മേധാവികൾക്ക് നിർദേശം നൽകിയിട്ടുണ്ട്.നിലവിൽ ജയരാജന്റെ സുരക്ഷയ്ക്കായി രണ്ട് പോലീസുകാർ ഉണ്ടെങ്കിലും തലശ്ശേരി പാട്യത്തെ അദ്ദേഹത്തിന്റെ വീട്ടിലും പോലീസ് കാവൽ ഏർപ്പെടുത്താൻ പോലീസ് ആലോചിക്കുന്നുണ്ട്.

തിരുവനന്തപുരം: കോവിഡ് വാക്‌സിനേഷൻ സുഗമമായ നടത്തിപ്പിന് ആരോഗ്യവകുപ്പ് മാർഗനിർദേശങ്ങൾ പുറപ്പെടുവിച്ചു.

സംസ്ഥാനത്ത് കോവിഡ് വ്യാപനം കൂടി വരുന്ന പശ്ചാത്തലത്തിൽ വാക്‌സിനേഷൻ കേന്ദ്രങ്ങളിലുള്ള തിരക്ക് കോവിഡ് മാനദണ്ഡങ്ങളുടെ ലംഘനമായി മാറുന്ന പശ്ചാത്തലത്തിലാണ് ആറ് മാർഗനിർദേശങ്ങൾ ആരോഗ്യവകുപ്പ് പുറപ്പെടുവിച്ചത്.

ഏപ്രിൽ 22 മുതൽ ഒന്നാമത്തേതും രണ്ടാമത്തേതുമായ വാക്‌സിനേഷന് ഓൺലൈൻ രജിസ്ട്രേഷൻ നിർബന്ധമാക്കി.സ്പോട് രജിസ്ട്രേഷൻ ഉണ്ടാവുകയില്ല.ഓൺലൈൻ രജിസ്ട്രേഷൻ ചെയ്തവർക്ക് മാത്രമേ വാക്‌സിനേഷൻ സെന്ററുകളിൽ ടോക്കൺ ലഭിക്കുകയുള്ളു.

വാക്‌സിനേഷനുള്ള മുൻഗണന പട്ടികയിൽ ഉള്ളവർക്ക് സർക്കാർ വകുപ്പുകൾ,അക്ഷയ കേന്ദ്രങ്ങൾ,സന്നദ്ധ സംഘടനകൾ എന്നിവ വഴി രജിസ്ട്രേഷൻ നടത്തുന്നതിന് ജില്ലകൾ മുൻകൈ എടുക്കേണ്ടതാണ്.

സർക്കാർ വാക്‌സിനേഷൻ കേന്ദ്രങ്ങൾ,സ്വകാര്യ വാക്‌സിനേഷൻ കേന്ദ്രങ്ങളിൽ വാക്‌സിൻ ലഭ്യതയെ അടിസ്ഥാനമാക്കി കോവിൻ വെബ്സൈറ്റിൽ സെഷനുകൾ മുൻകൂട്ടി ഷെഡ്യൂൾ ചെയ്യുന്നുവെന്ന് ജില്ലകൾ ഉറപ്പ് വരുത്തേണ്ടതാണ്.

വാക്സിനേഷൻ കേന്ദ്രങ്ങളിൽ കോവിഡ് പ്രോട്ടോകോൾ പാലിക്കേണ്ടതാണ്.വാക്‌സിനേഷൻ കേന്ദ്രങ്ങളിൽ കോ വാക്‌സിൻ,കോവിഷീൽഡ്‌ വാക്‌സിൻ ലഭ്യത അനുസരിച്ച് ആസൂത്രണം ചെയ്യുകയും ജനങ്ങളെ അറിയിക്കുകയും ചെയ്യേണ്ടതാണ്.ഒന്നാം ഡോസ് വാക്‌സിൻ സ്വീകരിച്ചവർക്ക് സമയബന്ധിതമായി അടുത്ത വാക്‌സിൻ നൽകണം.

തിരുവനന്തപുരം: രൂക്ഷമായ കോവിഡ് വ്യാപന പശ്ചാത്തലത്തിൽ ശനിയും ഞായറും ലോക്ക് ഡൗൺ ഉണ്ടാകില്ലെന്ന് മുഖ്യമന്ത്രി പിണറായി വിജയൻ പറഞ്ഞു.

എന്നാൽ കർശനമായ നിയന്ത്രണങ്ങൾ നടപ്പാക്കും.സംസ്ഥാനത്ത് വാക്‌സിൻ ക്ഷാമം രൂക്ഷമാണെങ്കിലും വാക്‌സിൻ സൗജന്യമായിരിക്കും. പ്രായമല്ല അടിസ്ഥാനം.

കോവിഡ് പ്രതിരോധത്തിന് സഹകരണം കൂട്ടാൻ സ്വകാര്യ ആശുപത്രികളുടെ സഹകരണം തേടും.രാഷ്ട്രീയ പാർട്ടി പ്രതിനിധികളുടെ യോഗം വിളിക്കും.ക്ലാസുകളും സമ്മർ ക്യാമ്പുകളും പാടില്ല. എന്നാൽ ഓൺലൈൻ ക്ലാസുകൾ നടത്താം.

വരുന്ന ശനിയാഴ്ച പൊതു അവധിയായിരിക്കും .ഹയർ സെക്കണ്ടറി പരീക്ഷകൾക്ക് മാറ്റമില്ല. സർക്കാർ ഓഫീസുകൾക്ക് ശനിയാഴ്ച്ച അവധി നൽകും.വാക്‌സിൻ വിതരണത്തിലെ തിരക്ക് കുറക്കാനുള്ള നടപടികൾ സ്വീകരിക്കുമെന്നും മുഖ്യമന്ത്രി പറഞ്ഞു.

കോവിഡ് പ്രോട്ടോകോൾ ലംഘിച്ചത് സംബന്ധിച്ച മാധ്യമങ്ങളുടെ ചോദ്യങ്ങൾക്ക് പ്രോട്ടോകോൾ ലംഘനമുണ്ടായിട്ടില്ലെന്നും ഭാര്യ ഒപ്പം യാത്ര ചെയ്തത് കുടുംബ ബന്ധങ്ങളുടെ കാര്യമാണെന്നും മുഖ്യമന്ത്രി പറഞ്ഞു.

അടച്ചിടലിന് സമാനമായ നിയന്ത്രണങ്ങൾ ഏർപ്പെടുത്താൻ മുഖ്യമന്ത്രിയുടെ അധ്യക്ഷതയിൽ ഇന്ന് രാവിലെ ചേർന്ന യോഗത്തിൽ തീരുമാനിച്ചിരുന്നു. ശക്തമായ നടപടികൾ സ്വീകരിക്കാൻ തീരുമാനിച്ചിരുന്നു ഇതുസംബന്ധിച്ച പ്രഖ്യാപനമാണ് ഔദ്യോഗികമായി മുഖ്യമന്ത്രി അൽപം മുൻപ് പ്രഖ്യാപിച്ചത്.

കോട്ടയം/ പാലക്കാട് : സംസ്ഥാനത്ത് വാക്‌സിൻ ക്ഷാമം രൂക്ഷം.പാലക്കാടും കോട്ടയത്തും വാക്‌സിൻ കേന്ദ്രങ്ങളിൽ സംഘർഷം.

കോവിഡ് വ്യാപനം രൂക്ഷമായ സാഹചര്യത്തിൽ പരിഭ്രാന്തരായി ആളുകൾ കൂട്ടത്തോടെ വാക്‌സിൻ കേന്ദ്രങ്ങളിൽ എത്തിയതാണ് ഉന്തും തള്ളിനും കാരണമായത്.

ആദ്യ ഡോസ് സ്വീകരിക്കാനെത്തിയവരും രണ്ടാം ഡോസ് സ്വീകരിക്കാനെത്തിയവരും ഒരു നിയന്ത്രണവുമില്ലാതെ വാക്‌സിനേഷൻ കേന്ദ്രങ്ങളിലെത്തി.പലയിടത്തും വാക്‌സിൻ ലഭിക്കാത്തതും പ്രതിസന്ധികൾ സൃഷ്ടിച്ചു.

കോട്ടയത്ത് മെഗാ വാക്‌സിനേഷൻ കേന്ദ്രത്തിൽ ടോക്കൺ കൊടുക്കുന്നതുമായി ബന്ധപ്പെട്ട വാക്ക് തർക്കമാണ് സംഘർഷത്തിൽ കലാശിച്ചത്.ബേക്കർ മെമ്മോറിയൽ എൽ പി സ്കൂളിലാണ് ടോക്കൺ ലഭിക്കാനായി ആളുകൾ തിരക്ക് കൂടിയതാണ് കാരണം.സാമൂഹ്യ അകലം പാലിച്ചില്ല ഇവിടെ.

രാവിലെ 6 മണി മുതൽ ഇവിടെ ആളുകൾ എത്തിയിരുന്നു.കോവിൻ ആപ്പ്ളിക്കേഷനിൽ രജിസ്റ്റർ ചെയ്തവരും ചെയ്യാത്തവരും തമ്മിലും വാക്കേറ്റമുണ്ടായി.ഓൺലൈനിൽ രജിസ്റ്റർ ചെയ്തവർക്ക് കൃത്യമായ സമയം നൽകിയിരുന്നു.ഇത് മനസിലാക്കാതെയാണ് പലരും ചോദ്യം ചെയ്തത്കഴിഞ്ഞ മൂന്ന് ദിവസങ്ങളായി ഇവിടെ വലിയ തിരക്ക് അനുഭവപ്പെട്ടിരുന്നു.

പാലക്കാട് മോയൻസ് സ്കൂളിലും വാക്‌സിനേഷൻ കേന്ദ്രത്തിൽ സമാന അനുഭവമുണ്ടായി.ആയിരത്തോളം ആളുകൾ ഇവിടെ എത്തിയിട്ടുണ്ട്.ഓൺലൈൻ റജിസ്ട്രഷൻ നടത്തിയാൽ തിരക്ക് ഒഴിവാക്കാം എന്നതാണ് ആരോഗ്യവകുപ്പ് ഉദ്യോഗസ്ഥർ പറയുന്നത്.

ന്യൂഡൽഹി: സംസ്ഥാന ജീവനക്കാരുടെ ശമ്പളവും പെൻഷനും വർധി പ്പിക്കുന്നത് തടയണമെന്നാവശ്യപ്പെട്ടുള്ള ഹർജി സുപ്രീം കോടതി തള്ളി.

ജീവനക്കാരുടെ ശമ്പള വർദ്ധനവ് സംബന്ധിച്ച തീരുമാനം എടുക്കേണ്ടത് കോടതി അല്ലെന്ന് ചീഫ് ജസ്റ്റിസ് എസ് എ ബോബ്‌ഡെ അധ്യക്ഷനായ ബെഞ്ച് വ്യക്തമാക്കി.ശമ്പള കമ്മീഷന്റെ ഉത്തരവിൽ എങ്ങിനെ കോടതിക്ക് ഇടപെടാനാകുമെന്നുള്ള ചോദ്യവുമായാണ് ഹർജി തള്ളിയത്.

ഔർ ഇൻഡിപെൻഡന്റ് ഓർഗനൈസേഷൻ ഓഫ് പീപ്പിൾ എന്ന സംഘടനയാണ് കേരളത്തിലെ ജീവനക്കാരുടെ ന്യായമായ ശമ്പള വർധനവിനെതിരെ സുപ്രീം കോടതിയിൽ ഹർജി നൽകിയത്.

അതീവ ഗുരുതരമായ സാമ്പത്തിക പ്രതിസന്ധിയിലൂട കടന്നുപോകുന്ന കേരളത്തിൽ പതിനൊന്നാം ശമ്പള കമ്മീഷൻ റിപ്പോർട്ട് നടപ്പിലാക്കരുത് എന്നായിരുന്നു ഹർജിയിലെ ആവശ്യം.ശമ്പള കമ്മീഷൻ ഉത്തരവ് നടപ്പാക്കരുതെന്നാവശ്യപ്പെട്ട് ഇതേ സംഘടനാ ഹൈക്കോടതിയിൽ നൽകിയ ഹർജിയും തള്ളിയിരുന്നു.

തൃശൂർ: പൂരം പ്രദർശന നഗരിയിൽ 18 പേർക്ക് കോവിഡ് സ്ഥിരീകരിച്ചു.

പ്രദർശന നഗരിയിലെ വ്യാപാരികൾക്കും തൊഴിലാളികൾക്കുമാണ് കോവിഡ് ബാധിച്ചത്.ഇന്നലെയാണ് ഇവരുടെ കോവിഡ് ടെസ്റ്റ് നടത്തിയത്.

ഇവരെ നിരീക്ഷണത്തിലാക്കിയിരിക്കയാണ്.രോഗം സ്ഥിരീകരിച്ച പശ്ചാത്തലത്തിൽ ആരോഗ്യവകുപ്പ് ഇവരുടെ സമ്പർക്ക പട്ടിക തയ്യാറാക്കി വരികയാണ്.ഇത്രയധികം ആളുകൾക്ക് രോഗം സ്ഥിരീകരിച്ചതിനാൽ പൂരം പ്രദർശന നഗരി കണ്ടെയ്‌ൻമെൻറ് സോണാകാൻ സാധ്യതയുണ്ട്.

LIVE |

തിരുവനന്തപുരം: തിരുവനന്തപുരം മെഡിക്കൽ കോളേജിൽ ചികിത്സയിൽ കഴിയുന്ന സ്പീക്കർ പി ശ്രീരാമകൃഷ്ണൻ കോവിഡ് നെഗറ്റീവായി. അദ്ദേഹം ഇന്ന് ആശുപത്രി വിട്ടേക്കും.

കോവിഡ് നെഗറ്റിവ് ആയെങ്കിലും ന്യുമോണിയ ഭേദമായിട്ടില്ലെന്ന് തിരുവനന്തപുരം മെഡിക്കൽ കോളേജ് അധികൃതർ അറിയിച്ചു. ഒരാഴ്ചത്തെ വിശ്രമം ഡോക്ടർമാർ നിർദേശിച്ചിട്ടുണ്ട്. ഔദ്യോഗിക വസതിയിലായിരിക്കും സ്പീക്കർ വിശ്രമത്തിൽ കഴിയുക.

തിരുവനന്തപുരം: കോവിഡ് വ്യാപന പശ്ചാത്തലത്തിൽ സംസ്ഥാനത്തെ വിവിധ സർവകലാശാല പരീക്ഷൾ മാറ്റി.ഗവർണ്ണറുടെ നിർദേശപ്രകാരമാണ് പരീക്ഷകൾ മാറ്റിയത്.

ഇത് പ്രകാരം നാളെ മുതൽ നടക്കേണ്ടിയിരുന്ന വിവിധ സർവകലാശാലളുടെ എല്ലാ പരീക്ഷകളും ഇനി ഒരു അറിയിപ്പ് ഉണ്ടാകും വരെ മാറ്റിവെച്ചിരിക്കുന്നു എന്നാണ് സർവ്വകലാശാലകൾ നൽകുന്ന വിവരം.എന്നാൽ ഓൺലൈൻ പരീക്ഷകൾക് മാറ്റമില്ല.
കോഴിക്കോട്, എംജി, കണ്ണൂർ, ആരോഗ്യ, മലയാള സർവകലാശാലകളുടെ പരീക്ഷകളാണ് നിലവിൽ മാറ്റിയത്.

പരീക്ഷകൾ മാറ്റിവെക്കാൻ സർവകലാശാലകളോട് ഗവർണർ നിർദേശിച്ചതിനെ തുടർന്നാണ് പരീക്ഷകൾ മാറ്റിയ വിവരം സർവകലാശാലകൾ അറിയിച്ചത്.മറ്റ് സർവ്വകലാശാലകൾ പരീക്ഷ മാറ്റിയ വിവരം ഇതുവരെയും അറിയിച്ചിട്ടില്ല.എന്നാൽ ഗവർണ്ണറുടെ നിർദേശമുള്ളതിനാൽ പരീക്ഷ മാറ്റിയേക്കും.

കോവിഡ് വ്യാപനം ആശങ്ക സൃഷ്‌ടിച്ച പശ്ചാത്തലത്തിൽ വിവിധ കോണിൽനിന്ന് പരീക്ഷകൾ മാറ്റണമെന്ന് ആവശ്യപ്പെട്ടിരുന്നു. ഇതിന്റെ പശ്ചാത്തലത്തിലാണ് ഗവർണ്ണറുടെ തീരുമാനം.പ്രതിപക്ഷ നേതാവ് രമേശ് ചെന്നിത്തലയും ഇക്കാര്യം ആവശ്യപ്പെട്ടിരുന്നു.

തിരുവനന്തപുരം: സംസ്ഥാനത്ത് കോവിഡ് വ്യാപനം കൂടിയ പശ്ചാത്തലത്തിൽ നിയന്ത്രണങ്ങൾ കടുപ്പിച്ചുകൊണ്ടുള്ള സർക്കാർ ഉത്തരവ് പുറത്തിറങ്ങി.

ആളുകൾ കൂടുന്ന ചടങ്ങുകൾ ജാഗ്രത പോർട്ടലിൽ രജിസ്റ്റർ ചെയ്യണമെന്നാണ് ഉത്തരവ്.ഇതനുസരിച്ച് വിവാഹം,പാലുകാച്ചൽ തുടങ്ങിയ ചടങ്ങുകൾ ജാഗ്രതാ പോർട്ടലിൽ രജിസ്റ്റർ ചെയ്യണം.

ഇൻഡോർ പരിപാടികൾക്ക് പരമാവധി 75 പേരെയും ഔട്ട്ഡോർ പരിപാടികളിൽ 150 പേരെയും പങ്കെടുപ്പിക്കാം.കോവിഡ് മാനദണ്ഡങ്ങൾ പാലിച്ചു കൊണ്ടായിരിക്കണം പരിപാടി നടത്തേണ്ടത്.കോവിഡ് മാനദണ്ഡങ്ങൾ പാലിക്കുന്നുണ്ടെന്ന് കോവിഡ് ഇൻസിഡന്റ് കമാണ്ടർമാർ വിലയിരുത്തും.നിയന്ത്രണങ്ങൾ കടുപ്പിക്കാൻ ചീഫ് സെക്രട്ടറി നിർദേശിച്ചു.

L I V E |

കോഴിക്കോട്: അനധികൃതമായി സ്വത്ത് സമ്പാദിച്ചു എന്ന കേസിൽ കെ എം ഷാജി എം എൽ എ യെ വിജിലൻസ് ചോദ്യം ചെയ്യുന്നു.

തൊണ്ടയാടുള്ള വിജിലൻസ് ആൻഡ് ആന്റി കറപ്ഷൻ ബ്യുറോയിൽ രാവിലെ പത്ത് മണിയോടെയാണ് ഷാജി ചോദ്യം ചെയ്യലിനായി എത്തിയത്.ചോദ്യം ചെയ്യലിന് ഹാജരാകാൻ വിജിലൻസ് നോട്ടീസ് നൽകിയിരുന്നു.

ഷാജിയുടെ വീട്ടിൽനിന്ന് കഴിഞ്ഞ ദിവസം പിടിച്ചെടുത്ത പണത്തിന്റെയും സ്വർണത്തിന്റെയും ഉറവിടം തേടിയാണ് വിജിലൻസ് ചോദ്യം ചെയ്യൽ. 47,35,500 രൂപയാണ് ഷാജിയുടെ വീട്ടിൽ നിന്ന് പിടിച്ചെടുത്തത്.

ഇതുസംബന്ധിച്ച വിജിലൻസ് റിപ്പോർട്ട് കോഴിക്കോട്ടെ വിജിലൻസ് പ്രത്യേക കോടതിയിൽ സമർപ്പിച്ചിരുന്നു. ഇതിന്റെ അടിസ്ഥാനത്തി ലാണ് ചോദ്യം ചെയ്യൽ.

പിടിച്ചെടുത്ത 500 ഗ്രാമ സ്വർണ്ണവും വിദേശ കറൻസിയും അനധികൃതമല്ലെന്ന് കണ്ട് തിരിച്ചു നൽകിയിരുന്നു.ഭൂമിയിടപാടും സാമ്പത്തിക ഇടപാടുകളും സംബന്ധിച്ച 77 രേഖകളും വിജിലൻസ് കോടതിയിൽ ഹാജരാക്കും.

തിരുവനന്തപുരം: കോവിഡ് വ്യാപനത്തിന്റെ പശ്ചാത്തലത്തിൽ സംസ്ഥാനത്ത് ലോക്ക് ഡൗൺ ഏർപ്പെടുത്തില്ല.

കൂട്ടപ്പരിശോധനയും കർശന നിയന്ത്രണങ്ങളും ഏർപ്പെടുത്തി രോഗ വ്യാപനം തടയാനാണ് ഉദ്ദേശിക്കുന്നതെന്ന് ചീഫ് സെക്രട്ടറി വി പി ജോയി പത്രസമ്മേളനത്തിൽ പറഞ്ഞു.

പൊതു ജനങ്ങൾ സ്വയം പ്രതിരോധവും നിയന്തണങ്ങളും വർധിപ്പിക്കണമെന്നും അദ്ദേഹം പറഞ്ഞു.കോവിഡ് പരിശോധന,വാക്‌സിനേഷൻ, എന്നി ക്യാമ്പയിനുകളാണ് കേരളം മുന്നോട്ട് വെക്കുന്നത്.അടുത്ത രണ്ട് ദിവസങ്ങളിൽ സംസ്ഥാനത്ത് കൂട്ടപ്പരിശോധന നടത്തും.

രണ്ടര ലക്ഷത്തോളം ആളുകളെ പരിശോധിക്കാനാണ് പദ്ധതി.മുൻഗണന പ്രകാരമായിരിക്കും പരിശോധന.ഹൈ റിസ്ക് വിഭാഗത്തിൽപ്പെട്ടവർക്ക് മുൻഗണന നൽകും.45 വയസിന് താഴെയുള്ളവർക്കും പരിശോധന കൂട്ടും.

പൊതു സ്ഥലങ്ങളിൽ കണിശമായ നിയന്ത്രണങ്ങൾ നടപ്പാക്കും.അടുത്ത രണ്ടാഴ്ചത്തേക്കുള്ള പരിപാടികൾ ജില്ലാ ഭരണകൂടത്തെ അറിയിക്കണം.പരമാവധി 150 പേർക്കാണ് പൊതു പരിപാടികളിൽ പങ്കെടുക്കാൻ പറ്റുകയുള്ളു.

ആൾക്കൂട്ടങ്ങൾ പരമാവധി ചുരുക്കണം.ഹോം ഡെലിവറി സംവിധാനം പരമാവധി പ്രോത്സാഹിപ്പിക്കണം.തിയറ്ററുകളിൽ നിലവിലുള്ള നിയന്ത്രണങ്ങൾ തുടരും.രാത്രി 9 മണിവരെ എന്ന പ്രവർത്തന സമയം ബാറുകൾക്കും തിയറ്ററുകൾക്കും ബാധകമായിരിക്കുമെന്ന് ചീഫ് സെക്രട്ടറി അറിയിച്ചു.

തൃശൂർ: തൃശൂർ പൂരം പ്രധാന ആകർഷണമായ വെടിക്കെട്ടിന് സ്ഫോടന സുരക്ഷാ വിഭാഗത്തിന്റെ അനുമതിയായി.

പെട്രോളിയം ആൻഡ് എസ്‌പ്ലോസീവ് സേഫ്റ്റി ഓർഗനൈസേഷനാണ് അനുമതി നൽകിയത്.പൂരം സാമ്പിൾ വെടിക്കെട്ടും പൂരം വെടിക്കെട്ടും മാനദണ്ഡങ്ങൾ അനുസരിച്ച് നടത്താം.

തിരുവനന്തപുരം: മന്ത്രി കെ ടി ജലീലിനെതിരായ ലോകായുക്ത വിധിക്കെതിരെ സംസ്ഥാന സർക്കാരിന് കോടതിയെ സമീപിക്കാമെന്ന് അഡ്വക്കറ്റ് ജനറലിന്റെ നിയമോപദേശം.

ലോകായുക്ത വിധിയിൽ സർക്കാരിന്റെ വാദം വിശദീകരിക്കാൻ അവസരം ലഭ്യമാകാത്ത പശ്ചാത്തലത്തിലാണ് കോടതിയെ സമീപിക്കാമെന്ന് എ ജി യുടെ ഉപദേശം.

ലോകായുക്ത നടപടിക്രമങ്ങളിൽ വീഴ്ചയുണ്ട്.സിവിൽ കോടതികൾ സ്വീകരിക്കേണ്ട നടപടിക്രമങ്ങളാണ് ലോകായുക്തയും പാലിക്കേണ്ടത്.മന്ത്രിയെ നീക്കണമെന്ന നിർദേശം അത്ര ലളിതമായി എടുക്കാവുന്ന കാര്യമല്ലെന്നും അഡ്വക്കറ്റ് ജനറൽ സർക്കാരിനെ അറിയിച്ചത്.

ജലീലിന്റെ നിർദേശപ്രകാരമാണെങ്കിലും ബന്ധുവിനെ നിയമിക്കാനുള്ള യോഗ്യതയിൽ ഇളവ് വരുത്തിയത് സർക്കാരാണ്.അതുകൊണ്ട്തന്നെ നടപടിക്രമങ്ങളിൽ സർക്കാരിന് കൂടി പങ്കുണ്ട്.സ്വാഭാവികമായും സർക്കറിന്റെ ഭാഗം കൂടി ലോകായുക്ത കേൾക്കണം.ഇക്കാര്യങ്ങൾ പരിഗണിക്കാതെയാണ് തിടുക്കത്തിൽ വിധി വന്നത്.

ലോകായുക്ത വിധിക്കെതിരെ സംസ്ഥാന സർക്കാരിന് റിട്ട് ഹർജിയുമായി മേൽക്കോടതിയെ സമീപിക്കാമെന്നാണ്‌ എ ജി യുടെ നിയമോപദേശം.ഇപ്പോൾ വ്യക്തിപരമായിട്ടാണ് കെ ടി ജലീൽ റിട്ട് ഹർജി നൽകിയിരിക്കുന്നത്.നിയമോപദേശം ലഭ്യമായ സാഹചര്യത്തിൽ സർക്കാരിനും റിട്ട് ഹർജി നൽകാവുന്നതാണ്.

നേരത്തെ മുതൽ ജലീലിന്റെ കാര്യത്തിൽ അമിതമായ താൽപ്പര്യമെടുക്കുന്ന സംസ്ഥാന സർക്കാർ സ്വാഭാവികമായും വരും ദിവസങ്ങളിൽ കോടതിയെ സമീപിക്കുമെന്നാണ് സൂചന.

ബന്ധു നിയമനത്തിന്റെ പേരിലാണ് ലോകായുക്ത വിധിയിൽ മന്ത്രി കെ ടി ജലീലിന് രാജി വെക്കേണ്ടിവന്നത്.സത്യപ്രതിജ്ഞ ലംഘനവും സ്വജന പക്ഷപാതവുമാണ് ബന്ധു നിയമനത്തിലൂടെ ജലീൽ നടത്തിയത് എന്നാണ് ലോകായുക്ത വിധിയിൽ പ്രസ്താവിച്ചത്.

LIVE |

തിരുവനന്തപുരം: ബന്ധു നിയമന വിവാദത്തിൽ മന്ത്രി കെ ടി ജലീലിനെതിരെയുള്ള ലോകായുക്ത ഉത്തരവ് മുഖ്യമന്ത്രിയുടെ ഓഫീസിന് കൈമാറി.

പ്രത്യേക ദൂതൻ വഴിയാണ് ലോകായുക്ത ഉത്തരവ് മുഖ്യമന്ത്രിയുടെ ഓഫീസിൽ എത്തിച്ചത്.ഇനി തീരുമാനമെടുക്കേണ്ടത് മുഖ്യമന്ത്രിയാണ്.

ബന്ധു നിയമന വിവാദത്തിൽ മന്ത്രി കെ ടി ജലീൽ കുറ്റ ക്കാരനാണെന്നും സത്യപ്രതിജ്ഞ ലംഘനം നടത്തിയെന്നും മന്ത്രി സ്ഥാനത്ത് തുടരാൻ പാടില്ലെന്നും ലോകായുക്ത ഡിവിഷൻ ബെഞ്ചിന്റെ സുപ്രധാന വിധിയിൽ പറഞ്ഞിരുന്നു.

ബന്ധു നിയമന കാര്യത്തിൽ മന്ത്രി അധികാര ദുർവിനിയോഗം നടത്തി,ബന്ധു അദീബിനെ ന്യൂന പക്ഷ വികസന കോർപറേഷനിൽ നിയമിച്ചത് ചട്ട ലംഘനമാണെന്നും ലോകായുക്ത കണ്ടെത്തിയിരുന്നു. അധികാര ദുർവിനിയോഗവും സ്വജനപക്ഷപാതവും കാണിച്ച മന്ത്രി തൽസ്ഥാനത്ത് തുടരാൻ അർഹനല്ലെന്നും ലോകായുക്ത വിധിയിൽ വ്യക്തമാക്കിയിട്ടുണ്ട്.

തിരുവനന്തപുരം : ബന്ധു നിയമന വിവാദത്തിൽ ലോകായുക്ത വിധിയെ തുടർന്ന് മന്ത്രി കെ ടി ജലീൽ രാജിവെക്കേണ്ടതില്ല എന്ന എ കെ ബാലന്റെ പരാമർശത്തെ തള്ളി സിപിഎം പി ബി അംഗം എം എ ബേബി.

മന്ത്രി ബാലന്റെ അഭിപ്രായ പ്രകടനം പാർട്ടി നിലപാടല്ല എന്നും നിയമ മന്ത്രി എന്ന നിലയിൽ ആയിരിക്കുമെന്നും ബേബി പറഞ്ഞു. ലോകായുക്ത ഉത്തരവ് അസാധാരണ രീതിയിലാണെന്നും അദ്ദേഹം അഭിപ്രായപ്പെട്ടു.

ജലീൽ വിഷയത്തിൽ പാർട്ടി നിലപാടൊന്നും എടുത്തിട്ടില്ല. പാർട്ടിയുടെ അഭിപ്രായം സെക്രട്ടറിയും കോടിയേരിയും പറഞ്ഞിട്ടുണ്ടെന്ന് എം എ ബേബി വ്യക്തമാക്കി.

കൊച്ചി: ഹെലികോപ്റ്റർ അപകടത്തിൽ തലനാരിഴയ്ക്ക് രക്ഷപ്പെട്ട് കൊച്ചിയിലെ സ്വകാര്യ ആശുപത്രിയിൽ നിരീക്ഷണത്തിലും ചികിത്സയിലുമായിരുന്ന വ്യവസായി എം എ യൂസഫലി ആശുപത്രി വിട്ടു.

ഇന്ന് രാവിലെ ആശുപത്രി വിട്ട യൂസഫലിയും ഭാര്യയും നെടുമ്പാശ്ശേരി വിമാനത്താവളത്തിൽനിന്ന് അബുദാബിയിലേക്ക് പറന്നു.അബുദാബി രാജകുടുംബം അയച്ച പ്രത്യേക വിമാനത്തിലായിരുന്നു യാത്ര.

ഇന്നലെരാവിലെയായിരുന്നു സാങ്കേതിക തകരാറിനെ തുടർന്ന് യൂസഫലി സഞ്ചരിച്ച ഹെലികോപ്റ്റർ കൊച്ചി പനങ്ങാട്ടെ ചതുപ്പിൽ ഇടിച്ചിറക്കിയത്.അത്ഭുതകരമായി രക്ഷപ്പെട്ട അദ്ദേഹവും സംഘവും ആശുപത്രിയിൽ നിരീക്ഷണത്തിലായിരുന്നു.സ്കാനിംഗ് നടത്തി ആരോഗ്യ പ്രശ്നങ്ങൾ ഒന്നുമില്ലെന്ന് കണ്ടെത്തിയതിനെ തുടർന്നാണ് ആശുപത്രി വിട്ടത്.

ഇതിനിടയിൽ ഹെലികോപ്റ്റർ ഇന്ന് പുലർച്ചെ നെടുമ്പാശ്ശേരിയിലേക്ക് മാറ്റി.ഔദ്യോഗിക പരിശോധനകൾക്ക് ശേഷമാണ് കോപ്റ്റർ മാറ്റിയത്.ഹെലികോപ്റ്റർ അപകടം സംബന്ധിച്ച് ഡയറക്ടർ ജനറൽ ഓഫ് സിവിൽ ഏവിയേഷനും അന്വേഷണം നടത്തും.

ഫയൽ ചിത്രം

കോഴിക്കോട്: കരിപ്പൂർ വിമാനത്താവളത്തിൽനിന്ന് ദുബായിലേക്ക് പോകേണ്ടിയിരുന്ന വിമാനം സാങ്കേതിക തകരാറുകൾ കാരണം റദ്ദാക്കി.യാത്രക്കാർ പ്രതിഷേധിക്കുന്നു.

സ്‌പൈസ് ജെറ്റ് വിമാനമാണ് റദ്ദാക്കിയത്.ഇന്നലെ രാത്രി 7.30 ന് പുറപ്പെടേണ്ടതായിരുന്നു ഈ വിമാനം.സാങ്കേതിക തകരാർ എന്ന വിശദീകരണം മാത്രമാണ് വിമാന കമ്പനിയും വിമാനത്താവള അധികൃതരും യാത്രക്കാരെ അറിയിച്ചിരിക്കുന്നത്.

എന്നാൽ ബദൽ യാത്ര സംവിധാനം ഒരുക്കുന്ന കാര്യത്തിൽ വിമാനത്താവള അധികൃതരോ വിമാന കമ്പനിയോ പ്രതികരിക്കാത്തതിൽ യാത്രക്കാർ വിമാനത്താവളത്തിൽ പ്രതിഷേധിക്കുന്നു.വിസ കാലാവധി തീരുന്നതും മറ്റ് ആവശ്യങ്ങൾക്കുമായി പോകേണ്ടുന്ന യാത്രക്കാർ ആശങ്കയിലാണ്.

തിരുവനന്തപുരം: സ്പീക്കർ പി ശ്രീരാമകൃഷ്ണന് കോവിഡ് സ്ഥിരീകരിച്ചു.തിരുവനന്തപുരത്തെ ഔദ്യോഗിക വസതിയിലാണ് ശ്രീരാമകൃഷ്ണൻ ഇപ്പോൾ ഉള്ളത്.ഫേസ്ബുക് ലൈവിലൂടെയാണ് ശ്രീരാമകൃഷ്ണൻ ഇക്കാര്യം വ്യക്തമാക്കിയത്.ഇന്നലെ ശ്രീരാമകൃഷ്ണനെ കസ്റ്റംസ് ചോദ്യം ചെയ്തിരുന്നു.

തിരുവനന്തപുരം: " ബന്ധുവിനെ നിയമിക്കാൻ പാടില്ല എന്ന് നിയമത്തിൽ പറയുന്നുണ്ടോ..?" ചോദ്യം ഉന്നയിച്ചത് മന്ത്രി എ കെ ബാലൻ.

ലോകായുക്ത റിപ്പോർട്ടിന്റെ അടിസ്ഥാനത്തിൽ മന്ത്രി കെ ടി ജലീൽ ഇപ്പോൾ രാജി വെക്കേണ്ട ആവശ്യമില്ല എന്ന് നിയമ മന്ത്രി എ കെ ബാലൻ പറഞ്ഞു.ബന്ധുവിനെ നിയമിക്കാൻ പാടില്ലെന്ന് എവിടെയും പറയുന്നില്ലെന്ന് ബാലൻ പറഞ്ഞു.

ജലീലിനെതിരെയുള്ള ലോകായുക്ത വിധിക്ക് ശേഷം ആദ്യമായാണ് ഒരു മന്ത്രിയുടെ പ്രതികരണം.ഏതെങ്കിലും ഒരു കീഴ് കോടതിയുടെ വിധിയുടെ അടിസ്ഥാനത്തിൽ അപ്പോൾ തന്നെ രാജിവെക്കുന്ന കീഴ്വഴക്കം കേരളത്തിൽ ഇല്ല.ജലീലിന്റെ ബന്ധുവിനെ ഡെപ്യൂട്ടേഷനിലാണ് നിയമിച്ചത്.ബന്ധു നിയമപരമായി അർഹനാണോ എന്നെ പരിശോധിക്കേണ്ടതുള്ളൂ.

ഡെപ്യൂട്ടേഷനിൽ ബന്ധു പറ്റില്ല എന്ന് നിയമത്തിൽ എവിടെയും പറഞ്ഞിട്ടില്ല.അങ്ങിനെ ആണെങ്കിൽ ഒരു ബന്ധുവിനെയും എവിടെയും നിയമിക്കാൻ പറ്റില്ല എന്ന സ്ഥിതിയിലേക്ക് എത്തും. മഞ്ഞളാംകുഴി അലിയും കെ എം മാണിയും ബന്ധുക്കളെ നിയമിച്ചിട്ടുണ്ട്.ബന്ധുക്കളെ നിയമിക്കാൻ പാടില്ല എന്നാണെങ്കിൽ അത് കോടതിയിൽ ചോദ്യം ചെയ്യപ്പെടേണ്ടതാണ്.ബാലൻ പറഞ്ഞു.

തിരുവനന്തപുരം : ബന്ധു നിയമന വിവാദത്തിൽ കുറ്റക്കാരനാണെന്ന് കണ്ടെത്തി ലോകായുക്ത വിധി എതിരായി മാറിയിട്ടും മന്ത്രി കെ ടി ജലീലിനെ സംരക്ഷിക്കാൻ സിപിഎം തീരുമാനം.

ലോകായുക്ത വിധിക്കെതിരെ ജലീലിന്റെ നിയമ പോരാട്ടത്തിന് പിന്തുണ നൽകാൻ സിപിഎം തീരുമാനിച്ചു.മന്ത്രി ജലീൽ രാജിവെക്കണമെന്ന പ്രതിപക്ഷത്തിന്റെ ആവശ്യം സ്വീകാര്യമല്ലെന്ന് സിപിഎം സംസ്ഥാന സെക്രട്ടറി എ വിജയരാഘവൻ വ്യക്തമാക്കി.

ഇന്നലെയാണ് ജലീലിനെതിരെ ലോകായുക്ത വിധി വന്നത്.തന്റെ ബന്ധുവായ അദീബിനെ പിന്നോക്ക വിഭാഗ കോർപറേഷനിൽ ചട്ടങ്ങൾ ലംഘിച്ച് നിയമനം നടത്തിയ ജലീൽ കുറ്റക്കാരനാണെന്ന് കണ്ടെത്തിയ ലോകായുക്ത മന്ത്രി അധികാര ദുർവിനിയോഗം നടത്തി എന്ന് കണ്ടെത്തിയിരുന്നു.മന്ത്രി സ്വജന പക്ഷപാതം കാട്ടിയതിലൂടെ സത്യപ്രതിജ്ഞ ലംഘനം നടത്തിയെന്നും അത്കൊണ്ട് മന്ത്രി സ്ഥാനത്ത് തുടരാൻ അർഹത ഇല്ലെന്നും ലോകായുക്ത വ്യക്തമാക്കിയിരുന്നു.

തുടർ നടപടി മുഖ്യമന്ത്രി കൈക്കൊള്ളണമെന്നും ലോകായുക്ത വിധിയിലുണ്ടായിരുന്നു .കെ ടി ജലീൽ സ്വജന പക്ഷപാതം കാട്ടിയ സംഭവത്തിൽ നടപടിയെടുക്കാൻ മുഖ്യമന്ത്രിക്ക് ലോകായുക്ത വിധി പകർപ്പ് കൈമാറണമെന്നും നടപടി എടുക്കണമെന്നും ഉത്തരവിലുണ്ട്.

തിരുവനന്തപുരം: മുൻ മുഖ്യമന്ത്രി ഉമ്മൻചാണ്ടിക്ക് കോവിഡ് സ്ഥിരീകരിച്ചു.

ലക്ഷണങ്ങളോടെ രണ്ട് ദിവസമായി തിരുവനന്തപുരത്തെ വസതിയിൽ വിശ്രമത്തിലായിരുന്നു അദ്ദേഹം.ഇന്ന് നടത്തിയ പരിശോധനയിലാണ് രോഗം സ്ഥിരീകരിച്ചത്.അദ്ദേഹത്തെ തിരുവന്തപുരത്തെ സ്വകാര്യ ആശുപത്രിയിലേക്ക് മാറ്റാനുള്ള ഒരുക്കങ്ങൾ നടക്കുകയാണ്.

നിരവധി തിരഞ്ഞെടുപ്പ് യോഗത്തിൽ പങ്കെടുത്തിരുന്നെങ്കിലും താനുമായി നേരിട്ട് സമ്പർക്കത്തിൽ ഏർപ്പെട്ടവർ നിരീക്ഷണത്തിൽ പോകണമെന്ന് ബന്ധപ്പെട്ടവർ അറിയിച്ചു.

കണ്ണൂർ: മുസ്ലിം ലീഗ് പ്രവർത്തകൻ മൻസൂറിന്റെ കൊലപാതകവുമായി ബന്ധപ്പെട്ട് അറസ്റ്റിലായ പ്രതി ഷിനോസിനെ റിമാൻഡ് ചെയ്തു.

തലശ്ശേരി ഒന്നാം ക്ലാസ് മജിസ്‌ട്രേറ്റ് കോടതിയാണ് 14 ദിവസത്തേക്ക് റിമാൻഡ് ചെയ്തത്.വൈദ്യ പരിശോധനയ്ക്ക് ശേഷമാണ് കോടതിയിൽ ഹാജരാക്കിയത്.

കേസിൽ 25 പ്രതികളുണ്ടെന്ന് റിമാൻഡ് റിപ്പോർട്ട്.കൊലയ്ക്ക് പിന്നിൽ രാഷ്ട്രീയ വിരോധം.ആക്രമണം കൊല്ലണമെന്ന ഉദ്ദേശത്തോടെയാണെന്നും 11 പേർ കൃത്യത്തിൽ നേരിട്ട് പങ്കെടുത്തുവെന്നും 14 പേർക്ക് പരോക്ഷ ബന്ധമെന്നും റിമാൻഡ് റിപ്പോർട്ട്.ബോംബെറിഞ്ഞു വീഴ്ത്തിയ ശേഷം വടിവാളുകൊണ്ട് വെട്ടി.പിന്നീടുണ്ടായ രക്തസ്രാവത്താൽ മരണം സംഭവിച്ചുവെന്നും വിശദമായ റിമാൻഡ് റിപ്പോർട്ടിൽ. പ്രതിയെ സബ്ജയിലിലേക്ക് മാറ്റി.

| ഷിനോസിന്റെ അറസ്റ്റ് രേഖപ്പെടുത്തി, സമാധാനയോഗം ഇന്ന് |

കണ്ണൂർ: കൊല്ലപ്പെട്ട മുസ്ലിം ലീഗ് പ്രവർത്തകൻ മൻസൂറിന്റെ വിലാപയാത്രയിൽ അക്രമങ്ങൾ ഉണ്ടാക്കിയതുമായി ബന്ധപ്പെട്ട് ലീഗ് പ്രവർത്തകർ പിടിയിൽ.

യൂത്ത് ലീഗ് പ്രവർത്തകരായ 12 പേരെ ചൊക്ലി പോലീസ് കസ്റ്റഡിയിലെടുത്തു. ഇരുപതോളം വാഹനങ്ങളും ഇതുമായി ബന്ധപ്പെട്ട് പോലീസ് പിടിച്ചെടുത്തിട്ടുണ്ട്.മേഖലയിൽ സമാധാനം പാലിക്കാൻ സിപിഎം പ്രവർത്തകർ സംയമനം പാലിക്കണമെന്ന് സ്ഥലം സന്ദർശിച്ച സിപിഎം നേതാക്കൾ ആഹ്വാനം ചെയ്തു.

അക്രമങ്ങളിൽ ജനാധിപത്യ വിശ്വാസികൾ പ്രതിഷേധിക്കണമെന്ന് സിപിഎം കണ്ണൂർ ജില്ലാ സെക്രട്ടറി എം വി ജയരാജൻ പറഞ്ഞു.ലീഗ് ആക്രമണം ആസൂത്രിതമാണെന്നും സിപിഎം ആരോപിച്ചു.
ഇതിനിടയിൽ മൻസൂറിന്റെ കൊലപാതകവുമായി ബന്ധപ്പെട്ട് പോലീസ് കസ്റ്റഡിയിലുണ്ടായിരുന്ന ഷിനോസിന്റെ അറസ്റ്റ് പോലീസ് രേഖപ്പെടുത്തി.

സമാധാനയോഗം ഇന്ന്
കണ്ണൂർ: മുസ്ലിം ലീഗ് പ്രവർത്തകന്റെ കൊലപാതകവുമായി ബന്ധപ്പെട്ട് പാനൂർ മേഖലയിലുണ്ടായ അക്രമ സംഭവങ്ങളുടെ പശ്ചാത്തലത്തിൽ കണ്ണൂർ ജില്ലാ കളക്ടർ വിളിച്ച സമാധാന യോഗം 11 മണിക്ക് കളക്ടറുടെ ചേംബറിൽ ചേരും.

വിലാപയാത്രയിൽ സിപിഎം ഓഫീസുകൾക്ക് നേരെ വ്യാപക ആക്രമണം ഉണ്ടായിരുന്നു.തിരഞ്ഞെടുപ്പുമായി ബന്ധപ്പെട്ട പ്രശ്നങ്ങളുടെ തുടർച്ചയാണ് ആക്രമണ സംഭവങ്ങളെന്നും മുസ്ലിം ലീഗ് ആസൂത്രിതമായാണ് അക്രമങ്ങൾ നടത്തിയതെന്നും സിപിഎം ആരോപണമുയർത്തിയിട്ടുണ്ട്.

പ്രദേശത്ത് ഇപ്പോഴും സംഘർഷാവസ്ഥ നിലനിൽക്കുന്നുണ്ട്.കളക്ടർ വിളിച്ച സമാധാനയോഗം അല്പസമയത്തിനകം കളക്ടറേറ്റിൽ ചേരും.

കണ്ണൂർ: കടവത്തൂർ പുല്ലൂക്കരയിലെ മുസ്ലിം ലീഗ് പ്രവർത്തകൻ മൻസൂറിന്റെ കൊലപാതകത്തിൽ പാർട്ടിക്ക് പങ്കില്ലെന്ന് സിപിഎം കണ്ണൂർ ജില്ലാ സെക്രട്ടറി എം വി ജയരാജൻ.

മൻസൂറിന്റെ കൊലപാതകത്തിനിടയായ സംഭവം ദൗർഭാഗ്യകരമാണെന്നും ജയരാജൻ പറഞ്ഞു.സിപിഎമ്മിന് സ്വാധീനമില്ലാത്ത മേഖലയിലാണ് സംഭവം നടന്നത്. സംഭവത്തിൽ സിപിഎം സംസ്ഥാന സെക്രട്ടറി എ വിജയരാഘവനും പ്രതികരിച്ചിട്ടുണ്ട്. മൻസൂറിന്റെത് രാഷ്ട്രീയ കൊലപാതകമല്ലെന്ന് വിജയരാഘവൻ പറഞ്ഞു.

കൊച്ചി: നടൻ മമ്മൂട്ടി വോട്ട് ചെയ്യാനെത്തിയപ്പോൾ ദൃശ്യങ്ങൾ പകർത്തിയതിനെ സ്ഥാനാർത്ഥിയുടെ ഭാര്യ ചോദ്യം ചെയ്തത് ബഹളത്തിനിടയാക്കി.

തൃക്കാക്കര പൊന്നുരുന്നി സി കെ എസ് സ്കൂളിലാണ് സംഭവം.ബിജെപി സ്ഥാനാർഥി എസ് സജിയുടെ ഭാര്യയാണ് പ്രതിഷേധവുമായി രംഗത്തെത്തിയത്.

കുറച്ച് മുൻപ് സജി വോട്ട് ചെയ്യാനെത്തിയ സമയം ദൃശ്യം പകർത്താൻ ശ്രമിച്ചപ്പോൾ പോളിംഗ് ഉദ്യോഗസ്ഥർ തടഞ്ഞെന്നും എന്നാൽ മമ്മൂട്ടി വോട്ട് ചെയ്യാനെത്തിയപ്പോൾ മാധ്യമ പ്രവർത്തകർ അടക്കം ദൃശ്യം പകർത്തിയപ്പോൾ ഉദ്യോഗസ്ഥർ തടയാത്തതിനെതിരെയാണ് സജിയുടെ ഭാര്യ പ്രതികരിച്ചത്.

മമ്മൂട്ടിയുടെ ഫോട്ടോയെടുക്കാൻ മാധ്യമ പ്രവർത്തകരെത്തിയപ്പോൾ ബിജെപി പ്രവർത്തകർ തടയാൻ ശ്രമിച്ചതും ബഹളത്തിന് കാരണമായി.ബഹളത്തിനിടയിൽ മമ്മൂട്ടിയും ഭാര്യ സുൽഫത്തും വോട്ട് ചെയ്ത് മടങ്ങി.

photo |twentyfournews.com

മന്ത്രി കെ കെ ശൈലജ വോട്ട് ചെയ്തതിന് ശേഷം മാധ്യമങ്ങളോട് സംസാരിക്കുന്നു photo |ANI

തിരുവനന്തപുരം: അക്ഷരാർത്ഥത്തിൽ ജനാധിപത്യത്തെ ഉത്സവമാക്കി വോട്ടെടുപ്പിന്റെ ആദ്യ മണിക്കൂറുകൾ കടന്നുപോകുന്നു.ആദ്യ മൂന്ന് മണിക്കൂറിൽ 20 ശതമാനം പോളിംഗ് രേഖപ്പെടുത്തി.

സംസ്ഥാനം ഉറ്റുനോക്കുന്ന മണ്ഡലങ്ങളായ കഴക്കൂട്ടം,നേമം, മഞ്ചേശ്വരം മണ്ഡലങ്ങളിൽ കനത്ത പോളിംഗ് പുരോഗമിക്കുന്നു.

മുഖ്യമന്ത്രി പിണറായി വിജയൻ,പ്രതിപക്ഷ നേതാവ് രമേശ് ചെന്നിത്തല എന്നിവർ കുടുംബസമേതം രാവിലെ തന്നെ വോട്ട് ചെയ്തു.എൻ എസ് എസ് ജനറൽ സെക്രട്ടറി ജി സുകുമാരൻ നായർ ഇന്ന് രാവിലെ ഉയർത്തിയ ശബരിമല വിഷയം പ്രതിപക്ഷ നേതാക്കൾ ഏറ്റെടുത്തുകൊണ്ടുള്ള പ്രസ്താവനകൾ പോളിംഗ് ദിനത്തിലെ വാക് പോരുകൾക്ക് വഴി വെച്ചപ്പോൾ ഭരണ നേട്ടങ്ങളാണ് എൽ ഡി എഫ് മേഖലകളിലെ ചർച്ചാ വിഷയം.

വൈക്കം: നടനും തിരക്കഥാകൃത്തുമായ പി ബാലചന്ദ്രൻ അന്തരിച്ചു. 70 വയസ്സായിരുന്നു.വൈക്കത്തെ വസതിയിലായിരുന്നു അന്ത്യം.

എട്ടു മാസത്തോളമായി അസുഖ ബാധിതനായിരുന്നു.സംസ്‍കാരം വൈകുന്നേരം 3 മണിക്ക് വീട്ടുവളപ്പിൽ.

മലയാള നാടക സിനിമ മേഖലകളിൽ മികച്ച സംഭാവനകൾ നൽകിയ വ്യക്തിത്വമായിരുന്നു.1972 മാതൃഭൂമി വിഷുപ്പതിപ്പ് നടത്തിയ കോളേജ് തല നാടക മത്സരത്തിൽ താമസി എന്ന അദ്ദേഹത്തിന്റെ നാടകത്തിന് ഒന്നാം സ്ഥാനം ലഭിച്ചു.സ്കൂൾ ഓഫ് ഡ്രാമയിൽ കുറച്ചു കാലം അധ്യാപകനായും എം ജി സർവകലാശാല സ്കൂൾ ഓഫ് ലെറ്റേഴ്സിൽ ലക്ചറർ ആയും സേവനമനുഷ്ഠിച്ചു.

മകുടി,പാവം ഉസ്മാൻ,മായാസീതങ്കം,നാടകോത്സവം എന്നി നാടകങ്ങൾ രചിച്ചു.ഏകാകി,ലഗോ,തിയറ്റർ തെറാപ്പി ,മധ്യ വേനൽ,പ്രണയ രാവ്ഗുഡ് വുമൺ ഓഫ് സെറ്റ്സ്വാൻ എന്നി നാടകങ്ങൾ സംവിധാനം ചെയ്തു.

ഉള്ളടക്കം,അങ്കിൾ ബൺ,തച്ചോളി വർഗീസ് ചേകവർ,അഗ്നിദേവൻ, മാനസം,പോലീസ്,കമ്മട്ടിപ്പാടം സിനിമകൾക്ക് തിരക്കഥയും സംഭാഷണവുമെഴുതി.വിവിധ സിനിമകളിൽ ശ്രദ്ധേയമായ വേഷങ്ങൾ കൈകാര്യം ചെയ്തു.2012ൽ കവി പി കുഞ്ഞിരാമൻ നായരുടെ ജീവിതത്തെ ആസ്പദമാക്കി ഇവാൻ മേഘരൂപൻ എന്ന എന്ന സിനിമ തിരക്കഥയെഴുതി സംവിധാനം ചെയ്തു.

|സമൂഹ മാധ്യമങ്ങളിൽ വൈറലായി സുരേഷ് ഗോപിയുടെ പ്രസംഗം|

തൃശൂർ: മാറി മാറി ഭരിച്ച ഇടത് വലത് മുന്നണികളെ കടന്നാക്രമിച്ച് തൃശൂരിലെ എൻ ഡി എ സ്ഥാനാർഥി സുരേഷ് ഗോപി.

ജയിച്ചാൽ ഒരു കോടി ചിലവഴിച്ച് ഇപ്പോൾ ശോച്യാവസ്ഥയിലുള്ള ശക്തൻ മാർക്കറ്റ് നവീകരിക്കുമെന്ന് അദ്ദേഹം പ്രഖ്യാപിച്ചു.
അഥവാ തോറ്റാൽ എം പി ഫണ്ടിൽനിന്നും അല്ലെങ്കിൽ വീട്ടിൽനിന്നും ഒരു കോടി കൊണ്ടുവന്ന് വാക്ക് പാലിക്കുമെന്നും സുരേഷ് ഗോപി പറഞ്ഞു.

തൃശൂർ ശക്തൻ മാർക്കറ്റിന്റെ അവസ്ഥ വിവരിച്ച് സുരേഷ് ഗോപി നടത്തിയ പ്രസംഗം ഇപ്പോൾ സമൂഹ മാധ്യമങ്ങളിൽ വൈറലാണ്.
ഈ അവസ്ഥ മാറ്റിത്തരുമെന്ന് അവിടെ ജോലി ചെയ്യുന്നവർക്കാണ് വാക്ക് നൽകിയത്. എന്നിട്ട് " ഇത്രയും നാൾ ഇവിടെ ഭരിച്ചവന്മാരെ നാണം കെടുത്തും.അങ്ങിനെ പറയാൻ കഴിയുമെങ്കിൽ എനിക്ക് അത് ചെയ്യാനുള്ള നട്ടെല്ലുറപ്പുണ്ട് എന്ന് മനസിലാക്കണം". സുരേഷ് ഗോപി പറഞ്ഞു.

"ആര് മനസിലാക്കണം..? നേരത്തെ പറഞ്ഞ അപമാനികൾ മനസിലാക്കണം.നിങ്ങൾ എന്നെ തോൽപ്പിക്കുകയാണെങ്കിലും ഞാൻ എം പി യാണ്. ഇവിടെ രണ്ടാം തവണയും തോറ്റതിന്റെ പശ്ചാത്തലത്തിൽ ഈ പണിക്ക് വേണ്ടെന്ന് പറഞ്ഞ് എന്നെ അവിടെനിന്ന് ഇറക്കി വിട്ടാൽ ഞാനെന്റെ കുടുംബത്തിൽനിന്നും കൊണ്ടുവരും ഒരു കോടി" സുരേഷ് ഗോപി പറഞ്ഞു.