breaking news

Main News

ഐഷ സുൽത്താനയ്‌ക്കെതിരെയുള്ള രാജ്യദ്രോഹക്കേസ് ഹൈക്കോടതി വ്യാഴാഴ്ച്ച പരിഗണിക്കും

കൊച്ചി:ലക്ഷദ്വീപ് സ്വദേശിനി ഐഷ സുൽത്താനയ്ക്കെതിരെയുള്ള രാജ്യദ്രോഹക്കേസിൽ മുൻകൂർ ജാമ്യഹർജി ഹൈക്കോടതി വ്യാഴാഴ്ച്ച പരിഗണിക്കും.

വിഷയത്തിൽ കേന്ദ്രസർക്കാരിന്റെയും ലക്ഷദ്വീപ് ഭരണകൂടത്തിന്റെയും വിശദീകരണംകൂടി കേൾക്കേണ്ട സാഹചര്യത്തിൽ ഹർജി പരിഗണിക്കുന്നത് വ്യാഴഴ്ചത്തേക്ക് മാറ്റുകയായിരുന്നു.

20 ആം തിയ്യതി കവരത്തി പോലീസ് സ്റ്റേഷനിൽ ഹാജരാകാൻ അറിയിച്ചിട്ടുള്ളതിനാൽ ജാമ്യാപേക്ഷ വേഗം പരിഹഗണിക്കണമെന്ന ഹർജിക്കാരിയുടെ ആവശ്യംകൂടി കോടതി പരിഗണിച്ചു.

ഹൈക്കോടതിയിലെ മുതിർന്ന അഭിഭാഷകൻ വിജയഭാനു മുഖേനയാണ് മുൻ‌കൂർ ജാമ്യാപേക്ഷ നൽകിയത്.കവരത്തി ദ്വീപിലെത്തിയാൽ അറസ്റ്റ് ചെയ്യാൻ സാധ്യതയുണ്ടെന്നാണ് ജാമ്യാപേക്ഷയിൽ പറഞ്ഞിരിക്കുന്നത്.

ചാനൽ ചർച്ചയിലെ ‘ബയോ വെപ്പൺ’ പരാമർശത്തിലാണ് ഇവർക്കെതിരെ രാജ്യദ്രോഹ കേസെടുത്തത്.ലക്ഷദ്വീപ് ബിജെപി അധ്യക്ഷന്റെ പരാതിയിലാണ് കവരത്തി പോലീസ് കേസെടുത്തത്. 124 A ,153 B എന്നി ദേശവിരുദ്ധ വകുപ്പുകളിലാണ് കേസ്.

ചാനൽ ചർച്ചയ്ക്കിടെയാണ് ലക്ഷദ്വീപ് അഡ്മിനിസ്ട്രേറ്ററെ ‘ബയോ വെപ്പണാ’യി അവർ വിശേഷിപ്പിച്ചത്.എന്നാൽ അബദ്ധം മനസ്സിലാക്കിയതോടെ ഫേസ്ബുക് വഴിയും വിവിധ ചാനലുകൾ വഴി പരാമർശത്തിൽ ഖേദ പ്രകടനം നടത്തി നിഷേധിച്ചെങ്കിലും കേസുമായി മുന്നോട്ട് പോകാൻ കവരത്തി പോലീസ് തീരുമാനിക്കുകയായിരുന്നു.

10 കോടി നഷ്ടപരിഹാരം: കടൽക്കൊലക്കേസ് നടപടികൾ സുപ്രീം കോടതി അവസാനിപ്പിച്ചു

ന്യൂഡൽഹി: കടൽക്കൊലക്കേസിലെ ഇന്ത്യയിലെ എല്ലാ നിയമനടപടികളും സുപ്രീം കോടതി അവസാനിപ്പിച്ചു.

ഇറ്റലി കെട്ടിവെച്ച പത്ത് കോടി രൂപ മത്സ്യതൊഴിലാളികൾക്കും ബോട്ട് ഉടമയ്ക്കും നല്കാൻ സുപ്രീം കോടതി കേരള ഹൈക്കോടതിയെ ചുമതലപ്പെടുത്തി.

ഇറ്റലിയിൽ നടക്കുന്ന വിചാരണ നടപടികളിൽ സഹകരിക്കാൻ കേന്ദ്രസർക്കാറിനോടും കേരള സർക്കാരിനോടും സുപ്രീം കോടതി നിർദേശിച്ചു.2012 ഫെബ്രുവരി 15നാണ് രണ്ട് മത്സ്യത്തൊഴിലാളികളെ ഇറ്റാലിയൻ നാവികർ വെടിവെച്ച് കൊന്നത്.

ഈ കേസിലെ നടപടികളാണ് കേന്ദ്ര സർക്കാർ അഭ്യർത്ഥനയിൽ സുപ്രീം കോടതി അവസാനിപ്പിച്ചത്.കേസ് നടപടികളെ അവസാനിപ്പിക്കുന്നതിന് കേരളവും കോടതിയിൽ എതിർത്തില്ല.

നാവികർക്കെതിരെ ഇറ്റലിയിൽ നടക്കാൻ പോകുന്ന വിചാരണ നടപടികൾ ഉടൻ തുടങ്ങാനും കോടതി നിർദേശിച്ചു.നാവികരുടെ വെടിയേറ്റ് മരിച്ച മൽസ്യത്തൊഴിലാളികളായ ജസ്റ്റലിൻ,അജേഷ് പിങ്കി എന്നിവരുടെ കുടുംബങ്ങൾക്ക് നാല് കോടി വീതവും ബോട്ടുടമ ഫ്രഡിയ്ക്ക് രണ്ട് കൊടിയും നൽകാനാണ് സുപ്രീം കോടതി നിർദേശം. ഹൈക്കോടതി ചീഫ് ജസ്റ്റിസ് നിയമിക്കുന്ന ജഡ്ജിയായിരിക്കും ഇത് വിതരണം ചെയ്യുക.

സുപ്രീം കോടതി ഉത്തരവ് വന്നതോടെ കടൽക്കൊലയുമായി ബന്ധപ്പെട്ട് സുപ്രീം കോടതിയിലും ഡൽഹി പട്യാല ഹൗസ് കോടതിയിലും ഉണ്ടായിരുന്ന എല്ലാ കേസുകളിലെയും നടപടികൾ അവസാനിച്ചു.

രാജ്യദ്രോഹ കേസിൽ മുൻ‌കൂർ ജാമ്യാപേക്ഷയുമായി ഐഷ സുൽത്താന ഹൈക്കോടതിയിൽ

L I V E |ON AIR

കൊച്ചി: രാജ്യദ്രോഹ പരാമർശത്തിൽ നിയമ നടപടി നേരിടുന്ന ലക്ഷദ്വീപ് സ്വദേശിയും ചലച്ചിത്ര പ്രവർത്തകയുമായ ഐഷ സുൽത്താന മുൻ‌കൂർ ജാമ്യാപേക്ഷയുമായി ഹൈക്കോടതിയെ സമീപിച്ചു.ഹർജി നാളെ പരിഗണിക്കാനാണ് സാധ്യത.

ഹൈക്കോടതിയിലെ മുതിർന്ന അഭി ഭാഷകൻ മുഖേനയാണ് മുൻ‌കൂർ ജാമ്യാപേക്ഷ നൽകിയത്.കവരത്തി ദ്വീപിലെത്തിയാൽ അറസ്റ്റ് ചെയ്യാൻ സാധ്യതയുണ്ടെന്നാണ് ജാമ്യാപേക്ഷയിൽ പറഞ്ഞിരിക്കുന്നത്.

ചാനൽ ചർച്ചയിലെ 'ബയോ വെപ്പൺ' പരാമർശത്തിലാണ് ഇവർക്കെതിരെ രാജ്യദ്രോഹ കേസെടുത്തത്.ലക്ഷദ്വീപ് ബിജെപി അധ്യക്ഷന്റെ പരാതിയിലാണ് കവരത്തി പോലീസ് കേസെടുത്തത്. 124 A ,153 B എന്നി ദേശവിരുദ്ധ വകുപ്പുകളിലാണ് കേസ്.

ചാനൽ ചർച്ചയ്ക്കിടെയാണ് ലക്ഷദ്വീപ് അഡ്മിനിസ്ട്രേറ്ററെ 'ബയോ വെപ്പണാ'യി അവർ വിശേഷിപ്പിച്ചത്.എന്നാൽ അബദ്ധം മനസ്സിലാക്കിയതോടെ ഫേസ്ബുക് വഴിയും വിവിധ ചാനലുകൾ വഴിയും മലക്കം മറിച്ചിലുകൾ നടത്തി നിഷേധിച്ചെങ്കിലും കേസുമായി മുന്നോട്ട് പോകാൻ കവരത്തി പോലീസ് തീരുമാനിക്കുകയായിരുന്നു.

മുട്ടിൽ മരം മുറി : അന്വേഷണസംഘം വയനാട്ടിൽ,രേഖകൾ പരിശോധിക്കുന്നു

L I V E |

മേപ്പാടി(വയനാട് ) : മുട്ടിൽ മരം മുറിക്കേസിൽ അന്വേഷണ സംഘം വയനാട്ടിൽ.

ഡി എഫ് ഓ ഷാന്റി ടോമിന്റെ നേതൃത്വത്തിലുള്ള അന്വേഷണ സംഘം വയനാട്ടിൽ എത്തി.മേപ്പാടി ഫോറസ്റ്റ് റേഞ്ച് ഓഫീസിൽ എത്തിയ അന്വേഷക സംഘം രേഖകൾ പരിശോധിക്കുന്നു.

മരം മുറിക്കേസിലെ ഉന്നത തല അന്വേഷണം എ ഡി ജി പി എസ് ശ്രീജിത്തിന്റെ നേതൃത്വത്തിലാണ് അന്വേഷിക്കുന്നത്.ഇതുസംബന്ധിച്ച സർക്കാർ ഉത്തരവ് പുറത്തിറങ്ങിയിട്ടുണ്ട്.സംഭവത്തിലെ ഗൂഢാലോചനയടക്കം വിശദമായി അന്വേഷിക്കാനാണ് ഉത്തരവിൽ പറയുന്നത്.

മരം മുറിക്കേസിൽ ഉന്നതതല അന്വേഷണം നടത്തുമെന്ന് മുഖ്യമന്ത്രി പിണറായി വിജയൻ ഇന്നലെ പറഞ്ഞിരുന്നു.ഫോറസ്റ്റ് ,ക്രൈം ബ്രാഞ്ച്,വിജിലൻസ് എന്നി വകുപ്പുകളെ ഏകോപിപ്പിച്ചുകൊണ്ട് സംയുക്ത സംഘം അന്വേഷിക്കും.

മരം മുറിക്ക് അനുമതി നൽകിയത് ആലോചിച്ച് എടുത്ത തീരുമാനമാണ് എന്നാൽ അതിന്റെ മറവിൽ ചിലർ നിയമ വിരുദ്ധമായ കാര്യങ്ങൾ നടത്തുകയായിരുന്നു. കർശനമായ നടപടികൾ സ്വീകരിക്കുമെന്നും മുഖ്യമന്ത്രി വ്യക്തമാക്കി.

ഇതിനിടയിൽ അന്വേഷണ സംഘത്തിൽനിന്ന് അഴിച്ചുപണിയിലൂടെ മാറ്റിയ ഡി എഫ് ഒ പി ധനേഷ് കുമാറിനെ വളരെ നാടകീയമായി വീണ്ടും അന്വേഷണ സംഘത്തിൽ ഉൾക്കൊള്ളിച്ചത് ശ്രദ്ധേയമായി. കൂടുതൽ ചുമതലകൾ നൽകിയാണ് വടക്കൻ മേഖലയിലെ 8 ജില്ലകളുടെ അന്വേഷണ മേൽനോട്ട ചുമതല ധനേഷ് കുമാറിന് നൽകിയത്.

മരം മുറി വിഷയം കത്തിപ്പടരുന്നതിനിടയിൽ ഡി എഫ് ഒ ധനേഷ് കുമാറിനെ അന്വേഷണ സംഘത്തിൽ നിന്ന് മാറ്റിയത് വിവാദമായിരുന്നു.അന്വേഷണ ചുമതലയുള്ള ഉന്നതോദ്യോഗസ്ഥനെ ഒഴിവാക്കിയത് തനിക്ക് അറിയില്ലെന്ന് വനം മന്ത്രി എ കെ ശശീന്ദ്രൻ പറഞ്ഞതും വലിയ വാർത്താ പ്രാധാന്യം നേടിയിരുന്നു.

യുവതിയെ പൂട്ടിയിട്ട സംഭവം വിവാദത്തിലേക്ക്: യുവജന കമ്മീഷനും വനിതാ കമ്മീഷനും ഇടപെടൽ ശക്തമാക്കുന്നു

| അനശ്വര പ്രണയ കാവ്യമല്ല പാടിപ്പുകഴ്ത്തേണ്ട കഥയുമല്ല . . .

നെന്മാറ( പാലക്കാട് ) : പാലക്കാട് നെന്മാറയിൽ യുവതിയെ പത്ത് വർഷം പൂട്ടിയിട്ട സംഭവം അനശ്വര പ്രണയകാവ്യമായി പാടി പുകഴ്ത്തേണ്ട സംഭവം അല്ലെന്നും തികഞ്ഞ മനുഷ്യാവകാശ ലംഘനമാണെന്നും വ്യക്തമാക്കി സംസ്ഥാന യുവജന കമ്മീഷനും വനിതാ കമീഷനും ഇടപെടൽ ശക്തമാക്കുന്നു

സംസ്ഥാന യുവജന കംമീഷൻ അംഗം ടി മഹേഷ് ദമ്പതിമാരുടെയും മാതാപിതാക്കളുടെയും മൊഴി ഉടൻ എടുക്കും.മൊഴി രേഖപ്പെടുത്തിയ ശേഷം നെന്മാറ പോലീസിനോട് സംഭവത്തിന്റെ വിശദമായ റിപ്പോർട്ട് ആവശ്യപ്പെടും. വിഷയത്തിൽ നിലപാട് കടുപ്പിച്ച് സംസ്ഥാന വനിത കമ്മീഷനും ഇടപെടുന്നു എന്നാണ് ലഭ്യമാകുന്ന വിവരം.

മനുഷ്യ മനസാക്ഷിയെ ഞെട്ടിക്കുന്ന കടുത്ത മനുഷ്യാവകാശ ലംഘനമാണ് നടന്നതെന്ന് വനിത കമ്മീഷൻ ഇന്നലെ തന്നെ വ്യക്തമാക്കിയിരുന്നു.കമ്മീഷൻ അംഗം ഷിജി ശിവജി ഉടൻ സ്ഥലം സ്ഥലം സന്ദർശിച്ച് തെളിവെടുപ്പ് നടത്തും.

അയൽവാസിയായ സജിത എന്ന യുവതിയോടൊപ്പം റഹ്മാൻ എന്ന യുവാവ് പത്ത് വർഷം ഒരാളുടെയും ശ്രദ്ധയിൽ പെടാതെ കഴിഞ്ഞു എന്ന് പറയുന്നത് അവിശ്വസനീയമെന്നാണ് വിലയിരുത്തപ്പെടുന്നത്.

ഒരു സ്ത്രീയെന്ന നിലയിൽ സജിത അനുഭവിക്കേണ്ടിവന്നത് കൊടും പീഡനമാണെന്നും റഹ്മാൻ ചെയ്തത് കടുത്ത മനുഷ്യാവകാശ ലംഘനമാണെന്നും റഹ്മാനെതിരെ നിയമ നടപടി സ്വീകരിക്കണമെന്നും സംഭവത്തിലെ ദുരൂഹത പുറത്തുകൊണ്ടുവരണം എന്നുമാവശ്യപ്പെട്ട് നിരവധി കോണുകളിൽനിന്ന് ആവശ്യമുയർന്നിട്ടുണ്ട്.

റഹ്മാന്റെ മാതാപിതാക്കൾതന്നെ ദുരൂഹത ഉണ്ടെന്ന് പറയുന്നുണ്ട്. അടുത്തിടെ വീട് വൃത്തിയാക്കിയപ്പോൾ മുറി തുറന്നിരുന്നു എന്നും അപ്പോൾ ആരെയും കണ്ടില്ലെന്നും റഹ്മാന്റെ അച്ഛൻ പറഞ്ഞിട്ടുണ്ട്.

അത്പോലെ തന്നെ പ്രാഥമിക ആവശ്യങ്ങൾക്കായി പുറത്തിറങ്ങി എന്ന് യുവതി അവകാശപ്പെടുന്ന ചെറിയ ജനലിന്റെ അഴികൾ അടുത്തിടെയാണ് അഴിച്ചു മാറ്റിയത് എന്നും പറയുന്നു.അപ്പോൾ രാത്രി കാലങ്ങളിൽ ഇതുവഴി യുവതി പുറത്തിറങ്ങി എന്ന് പറയുന്നത് കള്ളക്കഥയാണോ എന്നും അന്വേഷിക്കും.

പുറം ലോകവുമായി ബന്ധമില്ലാതെ പത്ത് വർഷം കഴിയേണ്ടി വന്ന യുവതിയുടെ ശാരീരിക മാനസികാവസ്ഥയും പരിശോധിക്കപ്പെടേണ്ട താണെന്ന് വിദഗ്ധർ അഭിപ്രായപ്പെട്ടിട്ടുണ്ട്. പ്രത്യക്ഷത്തിൽ തന്നെ യുവതിയുടെ ആരോഗ്യം പോഷകാഹാര കുറവുള്ളതിന്റെ ലക്ഷണങ്ങൾ കാണിക്കുന്നുണ്ട് എന്നും പറയപ്പെടുന്നു.ഇവർക്ക് കൗൺ സിലിങ് അടക്കമുള്ള സഹായങ്ങൾ വേണ്ടിവരും സാധാരണ നിലയിലേക്ക് എത്തിക്കാൻ എന്നും വിദഗ്ധർ പറയുന്നു.

വാതിലിൽ വൈദ്യുതി കടത്തിവിട്ട് പുറത്തിറങ്ങാൻ അനുവദിക്കാതെ പുരുഷന്റെ ആവശ്യങ്ങൾ മാത്രം നിറവേറ്റാൻ വിധിക്കപ്പെട്ട അടിമയായ സ്ത്രീയുടെ ഗതികേടാണ് സംഭവമെന്ന് കമ്മീഷൻ വിലയിരുത്തിയിട്ടുണ്ട്.

കാമുകി,കാമുകൻ,പ്രണയം എന്നിങ്ങനെയുള്ള നിസാര പദങ്ങളിലൂടെ സംഭവത്തിന്റെ ഗൗരവം കുറച്ചു കാട്ടാനുള്ള ചില മാധ്യമങ്ങളുടെ ശ്രമം പൗര ബോധമുള്ള സമൂഹത്തിന് യോജിച്ചതല്ലെന്ന് കമ്മിഷൻ വിലയിരുത്തി.

photo credit | nie.com

മരം മുറി കേസ് അന്വേഷിക്കുന്ന ഉദ്യോഗസ്ഥനെ മാറ്റി,അറിഞ്ഞില്ലെന്ന് മന്ത്രി ശശീന്ദ്രൻ

കോഴിക്കോട്: മുട്ടിൽ മരം മുറി കേസ് അന്വേഷിക്കുന്ന സംഘത്തിൽ അഴിച്ചു പണി.മരം മുറിക്കേസിലെ ഉദ്യോഗസ്ഥ വീഴ്ച്ച കണ്ടെത്തിയ ഡി എഫ് ഒ പി ധനേഷ് കുമാറിനെ മാറ്റി.

എന്നാൽ ഇത് അറിഞ്ഞില്ലെന്ന് വനം മന്ത്രി എ കെ ശശീന്ദ്രൻ.സ്ഥലം മാറ്റത്തെക്കുറിച്ച് അന്വേഷിച്ച് പ്രതികരിക്കാമെന്ന് മന്ത്രി അറിയിച്ചു.

അന്വേഷണ സംഘത്തിൽനിന്ന് പി ധനേഷ് കുമാറിനെ മാറ്റിയതിന് പുറമെ വയനാടിന്റെ ചുമതലയുള്ള ഷാനവാസിനെ നീക്കുകയും ചെയ്തിട്ടുണ്ട്.തൃശ്ശൂരിനെയും എറണാകുളത്തിന്റെയും ചുമതലയുള്ള ഉദ്യോഗസ്ഥനായിരുന്നു ധനേഷ് കുമാർ.ഭരണപരമായ കാരണങ്ങളാലാണ് മാറ്റിയതെന്നാണ് ഔദ്യോഗിക വിശദീകരണം.

കേസിലെ പ്രതികൾ എന്ന് സംശയിക്കപ്പെടുന്നവർ കഴിഞ്ഞദിവസം ചില അഴിമതി ആരോപണം ഉന്നയിച്ചിരുന്നു.ഇത് അന്വേഷണ സംഘത്തെ സമ്മർദ്ദത്തിലാക്കാനാണെന്നാണ് വിലയിരുത്തൽ.പരിസ്ഥിതി പ്രവർത്തകരും ഇത് തന്നെയാണ് പറയുന്നത്.പരിസ്ഥിതി പ്രവർത്തകരുടെ ആശങ്കകൾ കൂടി പരിഗണിച്ചാണ് സർക്കാരിന്റെ അന്വേഷണം.

അഴിമതി ആരോപണം ഉന്നയിക്കപ്പെട്ടവരുടെ കാലത്താണ് വയനാട്ടിൽ ഏറ്റവും കൂടുതൽ രജിസ്റ്റർ ചെയ്യപ്പെട്ടിട്ടുള്ളത്.43ഓളം മരം മുറി കേസുകൾ രജിസ്റ്റർ ചെയ്തിട്ടുണ്ട്.റവന്യു വകുപ്പ് നൽകിയ 13 പാസുകളും തടി കടത്താൻ ശ്രമിച്ചവരുടെ രജിസ്‌ട്രേഷനും റദ്ദാക്കിയിട്ടുണ്ട്.

ഇത്തരത്തിൽ മികച്ച രീതിയിൽ പ്രവർത്തിച്ച ഉദ്യോഗസ്ഥരെയാണ് ഇപ്പോൾ സ്ഥലം മാറ്റുന്നതുപോലുള്ള നടപടികളിലൂടെ സർക്കാർ നടത്തുന്നത് എന്ന ആരോപണവും ഉയർന്നിട്ടുണ്ട്.

ഇന്ത്യൻ ഐ ടി നിയമങ്ങൾ അനുസരിക്കാൻ തയ്യാറെന്ന് ട്വിറ്റർ,സാവകാശം വേണമെന്ന് അഭ്യർത്ഥന

L I V E |

ന്യൂഡൽഹി: ഒടുവിൽ ട്വിറ്റർ രാജ്യത്തെ നിയമങ്ങൾ അനുസരിക്കാൻ തങ്ങൾ ബാധ്യസ്ഥരാണെന്ന് കേന്ദ്രസർക്കാരിനെ അറിയിച്ചു.

നിയമങ്ങൾ അനുസരിച്ച് ഇന്ത്യയിൽ പ്രവർത്തിക്കാൻ സന്നദ്ധമാണെന്നറിയിച്ച ട്വിറ്റർ ഐ ടി നിയമങ്ങൾ നടപ്പിലാക്കാൻ സാവകാശം വേണമെന്ന് കേന്ദ്ര സർക്കാരിനോട് അഭ്യർത്ഥിച്ചു.

ഇന്ത്യൻ നിയമങ്ങൾ പാലിക്കുന്നതിനുള്ള അന്ത്യശാസനം കഴിഞ്ഞദിവസം ട്വിറ്ററിന് കേന്ദ്രസർക്കാർ നൽകിയിരുന്നു . ഐ ടി നിയമം ഉടൻ നടപ്പിലാക്കണം,അല്ലെങ്കിൽ കർശന നടപടിയെടുക്കുമെ ന്ന അന്ത്യശാസനമാണ് കേന്ദ്രസർക്കാർ ഐ ടി മന്ത്രാലയം ട്വിറ്ററിന് നൽകിയത്.

രാജ്യത്തെ നിയമങ്ങൾ അനുസരിക്കാൻ ട്വിറ്റർ ബാധ്യസ്ഥരാണെന്നും കേവലമായ ഒരു സാമൂഹ മാധ്യമ പ്ലാറ്റ്‌ഫോം ആയ ട്വിറ്ററിന് ഇന്ത്യയുടെ നിയമ ഘടന എന്തായിരിക്കണമെന്ന് പറയാൻ അവകാശമില്ലെന്നാണ് കേന്ദ്രസർക്കാർ അന്ത്യശാസനം നൽകിയത്.

ഇന്ത്യയിലെ ഐ ടി നിയമം നടപ്പാക്കുന്നതിനും അനുസരിക്കുന്നതിനും ഇന്ത്യയിൽ ഒരു ഉദ്യോഗസ്ഥനെ നിയമിച്ചില്ലെങ്കിൽ അതിന്റെ പ്രത്യാഖാതം വലുതായിരിക്കുമെന്ന് ഐ ടി മന്ത്രാലയം അന്ത്യശാസനം നൽകി.ഇതു പ്രകാരം ഐ ടി ആക്ട് സെക്ഷൻ 79 പ്രകാരമുള്ള നോട്ടീസ് ട്വിറ്ററിന് നൽകിയിരുന്നു.

കഴിഞ്ഞ ഫെബ്രുവരി മുതലാണ് ഇന്ത്യൻ ഐ ടി നിയമങ്ങളെ പുല്ലുവില കൽപ്പിച്ച് ട്വിറ്റർ നിലകൊള്ളുന്നത്.കർഷക പ്രക്ഷോഭമെന്ന പേരിൽ ഡൽഹിയിലും ചെങ്കോട്ടയിലും അതിക്രമിച്ച് കയറി അക്രമങ്ങൾ കാണിച്ച സംഭവങ്ങളുടെ പേരിൽ ട്വിറ്റർ നിലപാടിനെ തുടർന്നായിരുന്നു ഇത്.

കേന്ദ്രസർക്കാർ പലവട്ടം മുന്നറിയിപ്പ് നൽകിയിട്ടും ട്വിറ്റർ നിലപാട് തിരുത്താൻ തയ്യാറാവാത്തതും ഏറെ ചർച്ചയായിരുന്നു.ഒരു രാജ്യത്ത് പ്രവർത്തിക്കുമ്പോൾ ആ രാജ്യത്തെ നിയമം അനുസരിക്കാൻ ബാധ്യസ്ഥരായ ഒരു ഐ ടി സ്ഥാപനം ധിക്കാരപരമായ നിലപാടെടുക്കുന്നത് വച്ചുപൊറുപ്പിക്കില്ല എന്ന് കേന്ദ്രസർക്കാരും വ്യക്തമാക്കിയിരുന്നു.

http://www.jginews.in/information-technology-and-electronic-ministry-asked-to-twitter-to-follow-indian-laws/

രാജ്യത്ത് എല്ലാവർക്കും സൗജന്യ വാക്‌സിൻ, കുട്ടികൾക്ക് ഉടൻ: പ്രധാനമന്ത്രി നരേന്ദ്ര മോദി

B R E A K I N G | LIVE

ന്യൂഡൽഹി: രാജ്യത്തെ എല്ലാ ജനങ്ങൾക്കും സൗജന്യമായി വാക്‌സിൻ നൽകുമെന്ന് പ്രധാനമന്ത്രി നരേന്ദ്ര മോദി പ്രഖ്യാപിച്ചു.

രാജ്യത്തെ വാക്‌സിൻ നയത്തിൽ സുപ്രധാന മാറ്റമെന്ന് പ്രധാനമന്ത്രി നരേന്ദ്ര മോദി പറഞ്ഞു.ജൂൺ 21 മുതൽ പുതിയ വാക്‌സിൻ നയം പ്രാബല്യത്തിൽ വരും.

എല്ലാവർക്കും സൗജന്യമായി വാക്‌സിൻ നൽകാനാണ് പുതിയ വാക്‌സിൻ നയത്തിലൂടെ പദ്ധതിയെന്ന് അദ്ദേഹം പറഞ്ഞു. രാജ്യത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.

നിർമ്മാതാക്കളിൽനിന്ന് 75 ശതമാനം വാക്‌സിനും കേന്ദ്രസർക്കാർ നേരിട്ട് വാങ്ങും.കേന്ദ്രസർക്കാർ നേരിട്ട് വാങ്ങി സംസ്ഥാനങ്ങൾക്ക് നൽകും.25 ശതമാനം വാക്‌സിൻ സ്വകാര്യ ആശുപത്രികൾക്ക് വാങ്ങാം.വാക്‌സിൻ വിലയേക്കാൾ 150 രൂപ മാത്രമേ അധികമായി ആളുകളിൽനിന്ന് ഈടാക്കാൻ പാടുള്ളു.

കഴിഞ്ഞ 100 വർഷത്തിനിടെ കാണാത്ത മഹാമാരിയിലൂടെ രാജ്യം കടന്നുപോകുന്നു.എങ്കിലും രാജ്യം കോവിഡിനെതിരെയുള്ള പോരാട്ടം തുടരും.രാജ്യം ഒറ്റക്കെട്ടായാണ് മഹാമാരിയെ നേരിടുന്നത്.
കോവിഡ് നേരിടാനുള്ള ഏറ്റവും വലിയ ആയുധമാണ് പ്രോട്ടോകോൾ പാലിക്കൽ.ഏറ്റവും വലിയ സുരക്ഷാ കവചം വാക്‌സിനേഷനാണെന്ന് പ്രധാനമന്ത്രി പറഞ്ഞു.

കോവിഡിന്റെ വിവിധ തരംഗ കലയളവിൽ ഓക്സിജന്റെ വലിയ തോതിലുള്ള ആവശ്യം നേരിട്ടു.അത്കൊണ്ട് തന്നെ ഓക്സിജൻ ഉത്പാദനം പത്തിരട്ടി കൂട്ടി.ഓക്സിജൻ രാജ്യത്തിൻറെ ഓരോ കോണിലും എത്തിക്കാൻ അടിയന്തിര നടപടികൾ എടുത്തു.ലോകത്ത് എല്ലായിടത്തും ഓക്സിജൻ നിർമ്മാണ പ്ലാന്റുകൾ ഉണ്ട്.എന്നാൽ ഉത്പാദനം കുറവാണ്.ലോകത്ത് എല്ലായിടത്തും വാക്‌സിൻ ആവശ്യമാണ്.ഇന്ത്യ വാക്‌സിൻ നിർമിച്ചില്ലെങ്കിൽ എന്തായിരിക്കുമായിരുന്നു സ്ഥിതി? പ്രധാനമന്ത്രി ചോദിച്ചു.

വാക്‌സിൻ കമ്പനികൾക്ക് എല്ലാ പിന്തുണയും നൽകുന്നു.23 കോടി വാക്‌സിൻ വിതരണം ചെയ്തു.കുട്ടികൾക്കായുള്ള പുതിയ വാക്‌സിനുകളുടെ ട്രയൽ നടക്കുന്നുമുണ്ട്.നാസൽ വാക്‌സിനുകൾക്കായുള്ള ഗവേഷണം തുടങ്ങിക്കഴിഞ്ഞു.വരും വർഷങ്ങളിലും വാക്‌സിൻ ഉൽപ്പാദിപ്പിക്കും.ഏഴ് കമ്പനികൾ വാക്‌സിൻ ഉത്പാദനം നടത്തുന്നുണ്ട്.

കോവിഡ് പ്രതിരോധം സംബന്ധിച്ച് ഒരിക്കലും ഏകപക്ഷീയ തീരുമാനം എടുത്തില്ല.വിവിധ സംസ്ഥാനങ്ങളിലെ മുഖ്യമന്ത്രിമാരുടെയും രാഷ്ട്രീയ പാർട്ടികളുടെയും അഭിപ്രായം കേട്ടു .നമ്മൾ ആത്മവിശ്വാസം കൈവിടരുതെന്നും പ്രധാനമന്ത്രി നരേന്ദ്ര മോദി പറഞ്ഞു.

പത്രിക പിൻവലിക്കാൻ കോഴ :കെ സുരേന്ദ്രനെതീരെ കേസെടുക്കാൻ കോടതി അനുമതി

BREAKING | LIVE

കാസർഗോഡ്: പത്രിക പിൻവലിക്കാൻ കോഴ നൽകിയെന്ന കെ സുന്ദരയുടെ വെളിപ്പെടുത്തലിന്റെ അടിസ്ഥാനത്തിൽ ബിജെപി അധ്യക്ഷൻ കെ സുരേന്ദ്രനെതിരെ കേസെടുക്കാൻ കോടതി അനുമതി.

മഞ്ചേശ്വരത്തെ എൽ ഡി എഫ് സ്ഥാനാർഥി വി വി രമേശന്റെ പരാതിയിൽ കാസർഗോഡ് ജുഡീഷ്യൽ ഒന്നാം ക്ലാസ് കോടതിയുടേതാണ് ഉത്തരവ്.ഐ പി സി 171 ബി വകുപ്പ് പ്രകാരമുള്ള കേസെടുക്കാൻ നടപടികൾ തുടരാം.എന്നാൽ വാറണ്ട് ഇല്ലാതെ അറസ്റ്റ് ഉൾപ്പെടെയുള്ള നടപടികൾ പാടില്ലെന്ന് കോടതി വ്യക്തമാക്കി.

സുന്ദരയുടെ വെളിപ്പെടുത്തലിന് പിന്നാലെ വി വി രമേശൻ പോലീസിൽ പരാതി നൽകുകയും ,ബദിയടുക്ക പോലീസ് നടപടികൾ തുടങ്ങുകയും ചെയ്തിരുന്നു.എന്നാൽ കേസെടുക്കാൻ കോടതി അനുമതി വേണമെന്ന സാങ്കേതിക പ്രശ്നങ്ങൾ കാരണം കോടതിയെ സമീപിച്ചു.

നടപടികളുമായി മുന്നോട്ട് പോകാമെന്ന് കോടതി വ്യക്തമാക്കി.തിരഞ്ഞെടുപ്പ് അട്ടിമറിക്കൽ,കൈക്കൂലി നൽകൽ തുടങ്ങിയ കുറ്റങ്ങളിലും നടപടി സ്വീകരിക്കാമെന്ന് കോടതി വ്യക്തമാക്കി.

കുഴൽപ്പണക്കേസിൽ 1.12 കോടി രൂപയും സ്വർണ്ണവും പിടികൂടിയെന്ന് മുഖ്യമന്ത്രി,നിയമസഭയിൽ ബഹളം

L I V E |

തിരുവനന്തപുരം : കൊടകര കുഴൽപ്പണ കേസുമായി ബന്ധപ്പെട്ട് നിയമസഭയിൽ വാക്‌പോര്.സഭ നിർത്തി വെച്ച് വിഷയം ചർച്ച ചെയ്യണമെന്ന ആവശ്യം അംഗീകരിച്ചില്ല.

കുഴൽപ്പണക്കേസിൽ അന്വേഷണം പുരോഗമിക്കുകയാണെന്നും സംഭവവുമായി ബന്ധപ്പെട്ട് 1.12 കോടി രൂപയും സ്വർണ്ണവും പിടികൂടിയെന്നും 96 സാക്ഷികളുടെ മൊഴിയെടുത്തെന്നും മുഖ്യമന്ത്രി പിണറായി വിജയൻ നിയമസഭയിൽ പറഞ്ഞു.

കേസിൽ പ്രത്യേക അന്വേഷണ സംഘം അന്വേഷണം തുടരുകയാണെന്നും തൃശൂർ റേഞ്ച് ഐ ജി യുടെ നേതൃത്വത്തിലാണ് അന്വേഷണം നടത്തുന്നതെന്നും മുഖ്യമന്ത്രി പറഞ്ഞു.20 പ്രതികളെ ഇതിനകം അറസ്റ്റ് ചെയ്തു.

ഇ ഡി കേരള പോലീസിനോട് ആവശ്യപ്പെട്ട വിവരങ്ങൾ കൈമാറിയിട്ടുണ്ട്.കേസുമായി ബന്ധപ്പെട്ട അന്വേഷണം ഊർജിതമായി നടക്കുകയാണെന്നും അത്കൊണ്ട് തന്നെ സഭ നിർത്തിവെച്ച് ചർച്ച ചെയ്യേണ്ട കാര്യമില്ലെന്നും മുഖ്യമന്ത്രി പറഞ്ഞു.

കൊച്ചിയിൽ ബിജെപി കോർ കമ്മറ്റി യോഗം തടഞ്ഞ് പോലീസ്, ഹോട്ടലിന് നോട്ടീസ്

കൊച്ചിയിലെ ഹോട്ടലിലേക്ക് നേതാക്കൾ എത്തുന്നു photto credit | mbionline/youtube

L I V E | ON AIR

കൊച്ചി: ബിജെപി കോർ കമ്മറ്റി യോഗം ചേരാനിരുന്ന കൊച്ചിയിലെ ഹോട്ടലിന് പോലീസ് നോട്ടീസ് നൽകി.ലോക്ക് ഡൗൺ മാനദണ്ഡങ്ങൾ ലംഘിച്ച് മീറ്റിംഗ് നടത്താനാകില്ലെന്നറിയിച്ചാണ് പോലീസ് നോട്ടീസ് നൽകിയത്.

യോഗത്തിൽ എത്രപേർ പങ്കെടുക്കും എന്നും മറ്റുമുള്ള വിശദാംശങ്ങൾ പോലീസ് പരിശോധിച്ച് വരികയാണ്.നിരവധി വിവാദ വിഷയങ്ങളിൽ പ്രതിസന്ധി നേരിടുന്ന ബിജെപി, ഇന്നത്തെ കോർ കമ്മറ്റി യോഗത്തിൽ വിഷയം ചർച്ച ചെയ്യാനിരിക്കെയാണ് പോലീസ് യോഗം തടഞ്ഞത്.

നേതാക്കൾ യോഗത്തിനായി എത്തിക്കൊണ്ടിരിക്കുന്നതിനിടയിലാണ് പോലീസ് ഹോട്ടലിൽ എത്തി നോട്ടീസ് നൽകിയത്.എന്നാൽ പന്ത്രണ്ടോളം നേതാക്കൾ മാത്രമാണ് ഇപ്പൊൾ എത്തിയിട്ടുള്ളതെന്ന് നേതാക്കൾ അറിയിച്ചു.നിയന്ത്രണങ്ങൾ നിലനിൽക്കുന്ന പശ്ചാത്തലത്തിൽ യോഗം നടത്താൻ പറ്റില്ലെന്ന് തന്നെയാണ് പോലീസ് നിലപാടെന്നറിയുന്നു.

ട്വിറ്ററിന് അന്ത്യശാസനം: ഐ ടി നിയമം ഉടൻ നടപ്പാക്കണം

BREAKING | LIVE

ന്യൂഡൽഹി: ട്വിറ്ററിന് അന്ത്യശാസനവുമായി കേന്ദ്രസർക്കാർ . ഐ ടി നിയമം ഉടൻ നടപ്പിലാക്കണം,അല്ലെങ്കിൽ കർശന നടപടിയെടുക്കുമെ ന്ന അന്ത്യശാസനമാണ് കേന്ദ്രസർക്കാർ ഐ ടി മന്ത്രാലയം ട്വിറ്ററിന് നൽകിയത്.

രാജ്യത്തെ നിയമങ്ങൾ അനുസരിക്കാൻ ട്വിറ്റർ ബാധ്യസ്ഥരാണെന്നും കേവലമായ ഒരു സാമൂഹ മാധ്യമ പ്ലാറ്റ്‌ഫോം ആയ ട്വിറ്ററിന് ഇന്ത്യയുടെ നിയമ ഘടന എന്തായിരിക്കണമെന്ന് പറയാൻ അവകാശമില്ലെന്ന് കേന്ദ്രസർക്കാർ അന്ത്യശാസനം നൽകിയിരുന്നു.

ഇന്ത്യയിലെ ഐ ടി നിയമം നടപ്പാക്കുന്നതിനും അനുസരിക്കുന്നതിനും ഇന്ത്യയിൽ ഒരു ഉദ്യോഗസ്ഥനെ നിയമിച്ചില്ലെങ്കിൽ അതിന്റെ പ്രത്യാഖാതം വലുതായിരിക്കുമെന്ന് ഐ ടി മന്ത്രാലയം അന്ത്യശാസനം നൽകി.ഇതു പ്രകാരം ഐ ടി ആക്ട് സെക്ഷൻ 79 പ്രകാരമുള്ള നോട്ടീസ് ട്വിറ്ററിന് നൽകിക്കഴിഞ്ഞു.

കഴിഞ്ഞ ഫെബ്രുവരി മുതലാണ് ഇന്ത്യൻ ഐ ടി നിയമങ്ങളെ പുല്ലുവില കൽപ്പിച്ച് ട്വിറ്റർ നിലകൊള്ളുന്നത്.കർഷക പ്രക്ഷോഭമെന്ന പേരിൽ ഡൽഹിയിലും ചെങ്കോട്ടയിലും അതിക്രമിച്ച് കയറി അക്രമങ്ങൾ കാണിച്ച സംഭവങ്ങളുടെ പേരിൽ ട്വിറ്റർ നിലപാടിനെ തുടർന്നായിരുന്നു ഇത്.

കേന്ദ്രസർക്കാർ പലവട്ടം മുന്നറിയിപ്പ് നൽകിയിട്ടും ട്വിറ്റർ നിലപാട് തിരുത്താൻ തയ്യാറാവാത്തതും ഏറെ ചർച്ചയായിരുന്നു.ഒരു രാജ്യത്ത് പ്രവർത്തിക്കുമ്പോൾ ആ രാജ്യത്തെ നിയമം അനുസരിക്കാൻ ബാധ്യസ്ഥരായ ഒരു ഐ ടി സ്ഥാപനം ധിക്കാരപരമായ നിലപാടെടുക്കുന്നത് വച്ചുപൊറുപ്പിക്കില്ല എന്ന് കേന്ദ്രസർക്കാരും വ്യക്തമാക്കിയിരുന്നു.

N E X T S T O R Y

http://www.jginews.in/information-technology-and-electronic-ministry-asked-to-twitter-to-follow-indian-laws/

കെ സുരേന്ദ്രന്റെ അപരൻ മത്സരിക്കാതിരിക്കാൻ 15 ലക്ഷം ചോദിച്ചു, 2.5 ലക്ഷം കിട്ടിയെന്ന് വെളിപ്പെടുത്തൽ

കാസർഗോഡ്: മഞ്ചേശ്വരത്ത് ബിജെപി അധ്യക്ഷൻ കെ സുരേന്ദ്രന്റെ അപരനായി മത്സരിക്കാനായി പത്രിക നൽകിയ സുന്ദരയ്ക്ക് മത്സരത്തിൽനിന്ന് പിന്മാറാൻ രണ്ടര ലക്ഷം കിട്ടി എന്ന് വെളിപ്പെടുത്തൽ.15 ലക്ഷം രൂപയാണ് വാഗ്ദാനം ചെയ്തതെന്ന് സുന്ദര പ്രമുഖ മാധ്യമത്തോട് വെളിപ്പെടുത്തി.

ജയിച്ചു കഴിഞ്ഞാൽ ബാക്കി നൽകാമെന്ന് കെ സുരേന്ദ്രൻ വാഗ്ദാനം ചെയ്തതായും സുന്ദരയുടെ വെളിപ്പെടുത്തൽ. സുരേന്ദ്രൻ ഫോണിൽ സംസാരിച്ചുവെന്നും എന്നാൽ പ്രാദേശിക ബിജെപി നേതാക്കളാണ് പണം വീട്ടിലെത്തിച്ചതെന്നും പറയുന്നു.

നിയമസഭാ തിരഞ്ഞെടുപ്പിൽ ബി എസ് പി സ്ഥാനാർഥിയായ സുന്ദര പിന്നീട് പത്രിക പിൻവലിക്കുകയായിരുന്നു.പത്രിക പിൻവലിക്കുന്ന തിന് തലേ ദിവസം ഇയാളെ കാണാനില്ലെന്ന് പാർട്ടി പ്രവർത്തകർ പരാതി നൽകിയിരുന്നു.

പോലീസ് അന്വേഷണം നടത്തുന്നതിനിടയിൽ മഞ്ചേശ്വരത്തെ ബിജെപി തിരഞ്ഞെടുപ്പ് കമ്മറ്റി ഓഫീസിൽ പ്രത്യക്ഷപ്പെട്ട സുന്ദര പിന്മാറുന്നകാര്യം പ്രഖ്യാപിക്കുകയായിരുന്നു.

2016 ലും തിരഞ്ഞെടുപ്പിൽ മത്സരിച്ച സുന്ദര 467 വോട്ടുകൾ നേടിയിരുന്നു.അന്ന് കെ സുരേന്ദ്രൻ 89 വോട്ടുകൾക്കാണ് പരാജയപ്പെട്ടത്.

ബജറ്റ് അവതരണം ഇന്ന്, വിവിധ മേഖലകളിൽ ഉത്തേജനത്തിന് ഊന്നൽ

L I V E |

തിരുവനന്തപുരം: ബജറ്റ് അവതരണം അൽപ്പസമയത്തിനകം ,വിവിധ മേഖലകളിൽ ഉത്തേജനത്തിന് ഊന്നൽ

രണ്ടാം പിണറായി സർക്കാരിന്റെ ആദ്യ ബജറ്റ് അൽപസമയത്തിനകം ധനമന്ത്രി കെ എൻ ബാലഗോപാൽ അവതരിപ്പിക്കും.വിവിധ മേഖലകളിൽ ഉത്തേജനത്തിന് ഊന്നൽ നൽകുന്ന ബജറ്റ് ആരോഗ്യ സാമ്പത്തിക മേഖലകൾക്ക് ഉത്തേജനം നൽകുമെന്നാണ് സൂചന.

കഴിഞ്ഞ ജനുവരിയിൽ അവതരിപ്പിച്ച അവസാന ബജറ്റിൽ നിന്ന് നയപരമായ മാറ്റങ്ങൾ ഉണ്ടാവില്ല.ആരോഗ്യ സാമ്പത്തിക മേഖലകളെ ഉത്തേജിപ്പിക്കുന്ന ബജറ്റിൽ വാക്‌സിനേഷനുവേണ്ട വകയിരുത്തലുകൾ ഉണ്ടായേക്കും.പുതിയ നികുതി നിർദേശങ്ങൾക്കും സാധ്യത.

കോവിഡ് പ്രതിസന്ധികാലത്ത് ജനങ്ങൾ ഏറ്റവും ആഗ്രഹിക്കുന്ന വാക്‌സിനേഷനും സൗജന്യ ഭക്ഷ്യ കിറ്റും അടക്കമുള്ള ജനങ്ങളുടെ ക്ഷേമ പ്രവർത്തനങ്ങൾക്കാകും മുൻ‌തൂക്കം.ജനപ്രിയ ബജറ്റ് പ്രാബല്യത്തിലാക്കാൻ പണം കണ്ടെത്തുക എന്നതായിരിക്കും ധനമന്ത്രി കെ എൻ ബാലഗോപാലിന് വലിയ വെല്ലുവിളി ആവുക.

കഴിഞ്ഞ ബജറ്റ് പ്രഖ്യാപനങ്ങൾക്കൊപ്പം പുതിയ കാലഘട്ടത്തിന് ആവശ്യമായ പ്രഖ്യാപനങ്ങളിൽ വാക്‌സിനേഷൻ ആയിരിക്കും മുൻഗണന എന്നാണ് സൂചന.പുതിയ സർക്കാർ എന്ന നിലയിൽ ജനങ്ങൾക്കുമേൽ അധിക നികുതി ഭാരം ഏൽപ്പിക്കാനുള്ള സാദ്ധ്യതകൾ ഉണ്ടാകില്ല.

എന്നാൽ അടുത്ത മൂന്ന് വർഷത്തേക്ക് തിരഞ്ഞെടുപ്പുകൾ വരാനില്ലാത്തതിനാൽ വരുമാനം കണ്ടെത്താനായി നികുതി നിർദേശങ്ങൾക്കുള്ള സാധ്യത ഉണ്ട്.ജി എസ് ടി ക്ക് മുൻപുള്ള നികുതി പിരിച്ചെടുക്കൽ,മദ്യത്തിന് കോവിഡ് സെസ് തുടങ്ങിയവയാണ് സാധ്യതകൾ .ഇന്ധനവിലയിൽ കൂടി സെസ് ചുമത്താനുള്ള സാഹസം ബാലഗോപാൽ കാണിക്കുമോ എന്ന് ഇപ്പോൾ പ്രവചിക്കാൻ പറ്റില്ല.

photo credit | manoramanews.com

വാക്‌സിൻ നയത്തിൽ സുപ്രീം കോടതി ഇടപെടൽ

ന്യൂഡൽഹി: കേന്ദ്രസർക്കാരിന്റെ വാക്‌സിൻ നയത്തിൽ സുപ്രീം കോടതിയുടെ സുപ്രധാന ഇടപെടൽ.

18 നും 44നും ഇടയിൽ പ്രായമുള്ളവർ പണം കൊടുത്ത് വാക്‌സിൻ വാങ്ങണമെന്ന നയം ഏകപക്ഷീയവും വിവേചനപരവുമാണെന്ന് സുപ്രീം കോടതി വ്യക്തമാക്കി.

കേന്ദ്ര ബജറ്റിൽ നീക്കിവെച്ച 35000 കോടി രൂപ ഇതിനായി വിനിയോഗിച്ചുകൂടെയെന്നും സുപ്രീം കോടതി കേന്ദ്രസർക്കാരിനോട് ചോദിച്ചു.വാക്‌സിനേഷനുമായി ബന്ധപ്പെട്ട എല്ലാ രേഖകളും ഹാജരാക്കാനും കോടതി സർക്കാരിനോട് ആവശ്യപ്പെട്ടു.

സംസ്ഥാനങ്ങൾ വാക്‌സിൻ സൗജന്യമായി നൽകിയാൽ ജനങ്ങൾക്ക് ബുദ്ധിമുട്ട് ഉണ്ടാവില്ലെന്നാണ് കേന്ദ്രസർക്കാർ സുപ്രീം കോടതിയെ അറിയിച്ചത്.ഈ കാര്യത്തിലും സ്‌ക്രീം കോടതി വ്യക്തത തേടും.

കേന്ദ്രസർക്കാർ ഇതുവരെയായി വാങ്ങിയ വാക്‌സിൻ സംബന്ധിച്ച മുഴുവൻ കാര്യങ്ങളും സുപ്രീംകോടതിയെ അറിയിക്കണം. കോവിഷീൽഡ്‌,കോവാക്‌സിൻ,സ്പുട്നിക് വാക്‌സിനുകൾ വാങ്ങിയതിന്റെ വിശദാംശങ്ങളാണ് കോടതി ആവശ്യപ്പെട്ടത്.

ഡിസംബറോടെ രാജ്യം പൂർണമായും ലോക്ക് ഡൗൺ പിൻവലിക്കും: വാക്‌സിൻ രണ്ട് ഡോസും സ്വീകരിക്കണം

L I V E |

ന്യൂഡൽഹി: രാജ്യം ഡിസംബറോടെ പൂർണമായും അൺലോക്ക് ചെയ്യാൻ സാധിക്കുമെന്ന് കേന്ദ്ര ആരോഗ്യമന്ത്രലായം അറിയിച്ചു.

രാജ്യത്ത് മെയ് ഏഴ് മുതൽ 28 വരെയുള്ള ദിവസങ്ങളിൽ കോവിഡ് കേസുകൾ കുറഞ്ഞുവരാൻ തുടങ്ങിയിട്ടുണ്ട്.

ഈ ദിവസങ്ങളിൽ 69 ശതമാനത്തോളം കേസുകൾ കുറഞ്ഞിട്ടുണ്ടെന്ന് ആരോഗ്യമന്ത്രാലയം ജോയിന്റ് സെക്രട്ടറി ലവ് അഗർവാൾ അറിയിച്ചു.

കോവിഡ് കേസുകൾ കുറഞ്ഞുവരുന്ന ഘട്ടത്തിൽ നിയന്ത്രണങ്ങൾ വളരെ ശ്രദ്ധയോടെ വേണം.ഏഴ് ദിവസത്തെ ശരാശരി ടെസ്റ്റ് പോസിറ്റിവിറ്റി നിരക്ക് 5 ശതമാനത്തിൽ താഴെ എത്തുകയും മൊത്തം ജനസംഖ്യയുടെ 70 ശതമാനം പേരെങ്കിലും വാക്‌സിൻ സ്വീകരിക്കുകയും ചെയ്താൽ മാത്രമേ പൂർണമായി നിയന്ത്രണങ്ങൾ ഒഴിവാക്കാൻ പറ്റുകയുള്ളുവെന്ന് ഐ സി എം ആർ ഡയറക്ടർ ജനറൽ ബൽറാം ഭാർഗവ് വ്യക്തമാക്കി.

കോവിഷീൽഡ്‌ വാക്‌സിനേഷൻ ഷെഡ്യൂളിൽ ഒരു മാറ്റവും വരുത്തിയിട്ടില്ലെ. രണ്ട് ഡോസ് വാക്‌സിനും സ്വീകരിക്കണം.ആദ്യ ഡോസിന് ശേഷം 12 ആഴ്ചകൾക്ക് ശേഷം രണ്ടാം ഡോസ് സ്വീകരിക്കണം.കോവാസിനും നിശ്ചയിക്കപ്പെട്ട ഷെഡ്യൂളിൽ രണ്ടാം ഡോസ് സ്വീകരിക്കണം.

രാജ്യത്ത് വാക്‌സിൻ ക്ഷാമം ഇല്ലെന്നും ആഗസ്ത് ആകുമ്പോഴേക്ക് പ്രതിദിനം ഒരു കോടി ആളുകൾക്ക് വാക്‌സിൻ നൽകാനാകുമെന്നും ആരോഗ്യ മന്ത്രാലയം വ്യക്തമാക്കി.ഡിസംബറോടെ മുഴുവൻ ആളുകൾക്കും വാക്‌സിൻ നല്കാൻ കഴിയുമെന്നും ഐ സി എം ആർ ഉറപ്പുനൽകി.

സ്വർണ്ണക്കടത്ത് കേസിൽ നിർണ്ണായക നീക്കം: അറ്റാഷെയും കോൺസൽ ജനറലും പ്രതികളാകും

തിരുവനന്തപുരം: സ്വർണ്ണക്കടത്ത് കേസിൽ നിർണ്ണായക നീക്കവുമായി കസ്റ്റംസ്.യു എ ഇ അറ്റാഷെയും കോൺസൽ ജനറലും പ്രതികളാകും.

കസ്റ്റംസ് യു എ ഇ കോൺസൽ ജനറലിന് ഇതുസംബന്ധിച്ച നോട്ടീസ് അയച്ചു.

നോട്ടീസിൽ മറുപടി കിട്ടിയാലും ഇല്ലെങ്കിലും ഇവർ പ്രതികളാകും. ഇവരെ പ്രതികളാക്കാനുള്ള അപേക്ഷ ആറ് മാസം മുൻപാണ് കസ്റ്റംസ് വിദേശകാര്യ മന്ത്രാലയത്തിന് നൽകിയത്.എന്നാൽ കഴിഞ്ഞദിവസമാ ണ് വിദേശകാര്യമന്ത്രലായ അനുമതി ലഭിച്ചത്.

യു എ ഇ കോൺസൽ ജനറലായിരുന്ന ജമാൽ ഹുസൈൻ അൽസാബിയും അറ്റാഷെ റഷീദ് ഖമീസ് അലിയും സ്വർണ്ണം പിടിച്ചതിന് പിന്നാലെ രാജ്യം വിട്ടിരുന്നു.

ഇരുവർക്കുമുള്ള നയതന്ത്ര പരിരക്ഷയും ഇന്ത്യയും യു എ ഇ യുമായുള്ള നയതന്ത്ര ബന്ധവും കണക്കിലെടുത്താണ് കേന്ദ്ര സർക്കാരിന്റെയും വിദേശകാര്യ മന്ത്രാലയത്തിന്റെയും അനുമതിക്കായി കസ്റ്റംസ് കാത്തുനിന്നത്.

ചീഫ് സെക്രട്ടറി ഹാജരായില്ല: മമത കേന്ദ്രസർക്കാരുമായി തുറന്ന പോരിലേക്ക്

BREAKING | ON AIR

കൊൽക്കത്ത: ബംഗാൾ ചീഫ് സെക്രട്ടറിയെ ഡൽഹിക്ക് വിളിപ്പിച്ച് അസാധാരണ നടപടിയുമായി മുന്നോട്ട് നീങ്ങിയ കേന്ദ്രസർക്കാർ നടപടികൾ ബംഗാളിന്റെ നീക്കങ്ങളോടെ പുതിയ വഴിത്തിരിവിലേക്ക്.

കേന്ദ്ര സർക്കാരുമായി തുറന്ന പോരിനെന്ന സൂചന നൽകി ചീഫ് സെക്രട്ടറി ആലാപൻ ബന്തോപധ്യായ തിങ്കളാഴ്ച്ച ഡൽഹിയിൽ റിപ്പോർട്ട് ചെയ്തേക്കില്ല എന്ന് സൂചനകൾ.ഒടുവിൽ ലഭ്യമാകുന്ന വിവരം അനുസരിച്ച് ഡൽഹിയിൽ സിവിൽ സർവീസ് ആസ്ഥാനത്ത് അദ്ദേഹം ഹാജരാകില്ല.മുഖ്യമന്ത്രി മമത ബാനർജിയുടെ നിർദേശത്തെ തുടർന്നാണ് ഇതെന്നാണ് റിപോർട്ടുകൾ.

കേന്ദ്രസർക്കാരിനോട് ധിക്കാരപരമായ നിലപാടെടുക്കുന്ന ബംഗാൾ മുഖ്യമന്ത്രി മമത ബാനർജിയുടെ ശീതസമരം നിലനിൽക്കുന്നതിനിടെ യാണ് പശ്ചിമ ബംഗാൾ ചീഫ് സെക്രട്ടറിയെ കേന്ദ്രസർക്കാർ അടിയന്തിരമായി ഡൽഹിക്ക് വിളിപ്പിച്ചത് .

ബംഗാൾ ചീഫ് സെക്രട്ടറി ആലാപൻ ബന്തോപധ്യായയോട് അടിയന്തിരമായി ഡൽഹി സിവിൽ സർവീസ് ആസ്ഥാനത്ത് റിപ്പോർട്ട് ചെയ്യാനാണ് കേന്ദ്ര സർക്കാർ അറിയിച്ചത്.ഡെപ്യൂട്ടേഷൻ നിയമനം നൽകാനാണ് ചീഫ് സെക്രട്ടറിയെ വിളിപ്പിച്ചത് എന്നാണ് ലഭ്യമാകുന്ന വിവരം.ചീഫ് സെക്രട്ടറി സ്ഥാനത്തുനിന്ന് വിടുതൽ വാങ്ങി തിങ്കളാഴ്ച്ച ഡൽഹിയിൽ റിപ്പോർട്ട് ചെയ്യാനാണ് കേന്ദ്രസർക്കാർ ഉത്തരവ്.

ബംഗാളിൽ യാസ് ചുഴലിക്കാറ്റ് വിതച്ച നാശനഷ്ടങ്ങൾ വിലയിരുത്താനെത്തിയ പ്രധാനമന്ത്രി വെള്ളിയാഴ്ച്ച വിളിച്ച യോഗത്തിൽ നിന്ന് മമതയും ചീഫ് സെക്രട്ടറിയും വിട്ടു നിന്നത് വലിയ വാർത്തയായിരുന്നു.

പ്രധാനമന്ത്രിയെ കാണാൻ വിസമ്മതിച്ച ഇവർ വിമാനത്താവളത്തിൽ വെച്ച് പ്രധാനമന്ത്രിയെക്കണ്ട് നിവേദനം കൊടുക്കുക മാത്രമാണ് ചെയ്തത്.പ്രധാനമന്ത്രിയെ അര മണിക്കൂർ കാത്ത് നിർത്തിച്ചത് മമതയുടെ അഹങ്കരമാണെന്ന് രൂക്ഷമായ ഭാഷയിൽ കേന്ദ്രസർക്കാർ വിമർശിച്ചതിന് പിന്നാലെയാണ് ചീഫ് സെക്രട്ടറിയെ ഡൽഹിക്ക്‌ വിളിപ്പിച്ചത്.

photo | nie.com

നക്ഷത്ര ഹോട്ടലുകളിലെ വാക്‌സിനേഷൻ വേണ്ട: കേന്ദ്രസർക്കാർ

ന്യൂഡൽഹി: നക്ഷത്ര ഹോട്ടലുകളിൽ കോവിഡ് വാക്‌സിനേഷൻ വേണ്ടെന്ന് കേന്ദ്ര ആരോഗ്യ മന്ത്രാലയം കർശന നിർദേശം നൽകി.

ഹോട്ടലുകളിൽ വാക്‌സിനേഷൻ ഒരുക്കുന്നത് ചട്ട വിരുദ്ധമാണെന്നും കേന്ദ്ര സർക്കാർ അറിയിച്ചു.കോവിഡ് വാക്‌സിനേഷൻ മാനദണ്ഡങ്ങൾ ലംഘിച്ചാൽ കർശന നടപടിയെടുക്കുമെന്ന് കേന്ദ്ര ആരോഗ്യമന്ത്രാലയം അറിയിച്ചു.

ഹോട്ടലുകളിൽ വാക്‌സിനേഷൻ സൗകര്യം ഒരുക്കുന്നത് സംബന്ധിച്ച വിവരങ്ങൾ ലഭ്യമായതിനെ തുടർന്നാണ് കേന്ദ്രസർക്കാർ നീക്കമെന്നറിയുന്നു.ചില സ്വകാര്യ ആശുപത്രികളാണ് ഇത്തരത്തിൽ ഹോട്ടലുകളിൽ വാക്‌സിനേഷൻ സൗകര്യം ഏർപ്പെടുത്തി പുതിയ കച്ചവട തന്ത്രം രൂപീകരിച്ചതെന്നാണ് റിപോർട്ടുകൾ.

മലപ്പുറത്തെ ട്രിപ്പിൾ ലോക്ക് ഡൗൺ പിൻവലിച്ചു,സംസ്ഥാനത്ത് ലോക്ക് ഡൗണിൽ കൂടുതൽ ഇളവുകൾ

L I V E |

തിരുവനന്തപുരം:സംസ്ഥാനത്ത് അടച്ചിടൽ ജൂൺ 9 വരെ നീട്ടിയെങ്കിലും കൂടുതൽ ഇളവുകൾ പ്രഖ്യാപിച്ചു. മലപ്പുറത്തെ ട്രിപ്പിൾ ലോക്ക് ഡൗൺ പിൻവലിച്ചു.

ജൂൺ 15നകം പരമാവധി വാക്‌സിൻ നൽകും.ജൂൺ ആദ്യവാരം കൂടുതൽ വാക്‌സിൻ കിട്ടിയേക്കും.വാക്‌സിൻ ലഭ്യമായിക്കഴിഞ്ഞാൽ വാക്‌സിനേഷൻ വേഗത്തിലാക്കാമെന്ന് മുഖ്യമന്ത്രി പിണറായി വിജയൻ പറഞ്ഞു.

ബാങ്കുകളുടെ പ്രവർത്തനം വൈകുന്നേരം അഞ്ച് മണിവരെയാക്കി. സംസ്ഥാനത്തെ വ്യവസായ സ്ഥാപനങ്ങൾ 50 ശതമാനം ജീവനക്കാരെ വെച്ച് പ്രവർത്തിക്കാം.പി എസ് സി നിയമന ഉത്തരവ് ലഭിച്ചവർക്ക് ജോലിയിൽ പ്രവേശിക്കാം.വ്യവസായ മേഖലകളിലേക്ക് കെ എസ് ആർ ടി സി ബസുകൾ സർവീസ്സ് നടത്തും.

ആർ ഡി കളക്ഷൻ ഏജന്റുമാർക്ക് ആഴ്ചയിൽ രണ്ട് ദിവസം പ്രവർത്തിക്കാം. ജ്വല്ലറി,തുണിക്കടകൾ ,പുസ്തകശാലകൾ എന്നിവ തിങ്കൾ,ബുധൻ,വെള്ളി എന്നി ദിവസങ്ങളിൽ വൈകുന്നേരം അഞ്ച് വരെ തുറക്കാം.കള്ള് ഷാപ്പുകളിൽനിന്ന് പാഴ്സലുകൾ വാങ്ങാം.

ഇപ്പോൾ ലോക്ക് ഡൗൺ പിൻവലിച്ചാൽ മരണ സംഖ്യ ഉയരുമെന്ന് മുഖ്യമന്ത്രി പറഞ്ഞു.കഴിഞ്ഞ മൂന്ന് ദിവസത്തെ ടെസ്റ്റ് പോസിറ്റിവിറ്റി നിരക്ക് 18 ശതമാനമായിട്ടുണ്ട്. ഇത് 15 ശതമാനത്തിലെങ്കിലും എത്തണം.ഐ സി യു കിടക്കയുടെ ഉപയോഗം 60 ശതമാനത്തിൽ താഴെ എത്തണം.മുഖ്യമന്ത്രി വ്യക്തമാക്കി.വാർത്താ സമ്മേളനം തുടരുന്നു.

പൃഥ്വിരാജിനെതിരെയുള്ള സൈബർ ആക്രമണങ്ങളെ അപലപിച്ച് സുരേഷ് ഗോപി

L I V E | ON AIR

തിരുവനന്തപുരം: ലക്ഷദ്വീപ് വിഷയത്തിൽ അനാവശ്യ പ്രതികരണങ്ങൾ നടത്തിയത്തിന്റെ പേരിൽ സൈബർ അക്രമണങ്ങൾ നേരിടുന്ന പൃഥ്വിരാജിനെ പിന്തുണച്ച് നടൻ സുരേഷ്‌ഗോപി.

സൈബറിടങ്ങളിലെ പ്രതികരണങ്ങൾ മാന്യമായിരിക്കണമെന്ന് സുരേഷ് ഗോപി പറഞ്ഞു അച്ഛനും അമ്മയും സഹോദരങ്ങളും എല്ലാർക്കും ഉണ്ടെന്ന് അദ്ദേഹം ഫേസ്ബുക് പോസ്റ്റിൽ പറഞ്ഞു.

അഭിപ്രായ സ്വാതന്ത്ര്യം എന്ന് പറയുന്നത് ജീവിതം അഭിമുഖീകരിച്ച് കൊണ്ടിരിക്കുന്ന ഒരു വ്യക്തിയുടെ സ്വാതന്ത്ര്യമാണ്. അതിൽ സത്യമുണ്ടാകാംസത്യമില്ലായിരിക്കാം.വിവരമുണ്ടാകാം,വിവരമില്ലാതിരിക്കാം.പ്രചരണവും കുപ്രചരണവും ഉണ്ടായേക്കാം.പക്ഷെ അതിനെ പ്രതിരോധിക്കുമ്പോൾ ആരായാലും ഏത് പക്ഷത്തായാലും പ്രതികരണം മാന്യമായിരിക്കണമെന്ന് സുരേഷ് ഗോപിയുടെ ഫേസ്ബുക്കിൽ പറയുന്നു.എന്നാൽ ഫേസ്ബുക് പോസ്റ്റിൽ എവിടെയും പൃഥ്വിരാജിന്റെ പേരെടുത്ത് പറയുന്നില്ല.

ഇത് ഒരു വ്യക്തിക്കും പക്ഷത്തിനുമുള്ള ഐക്യദാർഢ്യമല്ല. ഇത് തീർച്ചയായിട്ടും ഇന്ത്യൻ ജനതയ്ക്കുള്ള ഐക്യദാർഢ്യമാണ്. അവർ തിരഞ്ഞെടുത്ത സർക്കാരിനുള്ള ഐക്യദാർഢ്യമാണ് എന്നും സുരേഷ് ഗോപി ഫേസ്ബുക് പോസ്റ്റിലൂടെ പറയുന്നുണ്ട്.

നടൻ പൃഥ്വിരാജിനെതിരെയുള്ള സൈബർ അക്രമങ്ങളിൽ സമ്മിശ്ര പ്രതികരണങ്ങൾ ഉണ്ട്.സാംസ്‌കാരിക നായകന്മാരും സിനിമ നടന്മാരും സമൂഹത്തിലുണ്ടാകുന്ന എല്ലാ പ്രശ്നങ്ങളിലും ഇടപെടുകയും പ്രതികരിക്കുകയും വേണമെന്ന കമന്റുകളും വരുന്നുണ്ട്.അഭിപ്രായ പ്രകടനങ്ങളും രോഷം കൊള്ളലിലും സങ്കടങ്ങളിലും താരങ്ങൾ സെലെക്ടിവ് ആകുന്നതിനെയും സൈബറിടങ്ങളിൽ ചോദ്യം ചെയ്യുന്നുണ്ട്.

ഗവർണ്ണറുടെ നയപ്രഖ്യാപന പ്രസംഗത്തിൽ കേന്ദ്ര സർക്കാരിന് വിമർശനം

തിരുവനന്തപുരം: വികനത്തിനും ക്ഷേമത്തിനും മുൻഗണന നൽകുന്നതായി രണ്ടാം പിണറായി സർക്കാരിന്റെ നയ പ്രഖ്യാപനം.

ജനക്ഷേമ പ്രവർത്തനങ്ങൾ തുടരുമെന്നും കഴിഞ്ഞ സർക്കാർ തുടങ്ങിവെച്ച പദ്ധതികൾ തുടരുമെന്നും നയപ്രഖ്യാപന പ്രസംഗത്തിൽ ഗവർണർ ആരിഫ് മുഹമ്മദ് ഖാൻ.

കോവിഡ് പ്രതിരോധ പ്രവർത്തനങ്ങൾ ശക്തമായി തുടരും. ജനാധിപത്യത്തിലും മതനിരപേക്ഷതയിലും അധിഷ്ഠിതമായി പ്രവർത്തിക്കും.സ്ത്രീ സമത്വത്തിന് പ്രാധാന്യം നൽകുമെന്നും നയപ്രഖ്യാപന പ്രസംഗത്തിൽ ഗവർണർ വ്യക്തമാക്കി.

കേന്ദ്ര സർക്കാരിനെ വിമർശിക്കുന്ന ഭാഗം ഒഴിവാക്കാതെ തയ്യാറാക്കിയായ്‌ പ്രസംഗം ഗവർണർ സഭയിൽ വായിച്ചതും ശ്രദ്ധേയമായി.

സംസ്ഥാനത്തിന്റെ വായ്പ പരിധി ഉയർത്തണമെന്ന ആവശ്യം കേന്ദ്രസർക്കാർ അംഗീകരിക്കുന്നില്ല.ഇത് ഫെഡറലിസത്തിന് ചേരാത്തതാണെന്നും സഹകരണ മേഖലയിലെ കേന്ദ്ര നയങ്ങൾ ആശങ്ക ഉണ്ടാക്കുന്നതാണെന്നും ഗവർണർ നയപ്രഖ്യാപന പ്രസംഗത്തിൽ പറഞ്ഞു.

കഴിഞ്ഞ തവണ സംസ്ഥാന സർക്കാരുമായി വിവിധ വിഷയങ്ങളിൽ കൊമ്പുകോർത്ത ഗവർണർ കേന്ദ്രസർക്കാരിനെതിരായുള്ള ഭാഗങ്ങൾ പ്രസംഗത്തിൽ നിന്നൊഴിവാക്കിയിരുന്നു.എന്നാൽ ഇത്തവണ നയപ്രഖ്യാപന പ്രസംഗത്തിലെ ഒരു ഭാഗവും ഒഴിവാകാതെയാണ് ഗവർണർ വായിച്ചത്.

രാവിലെ 9 മണിയോടെ നിയമസഭയിലെത്തിയ ഗവർണറെ സ്പീക്കർ എം ബി രാജേഷും മുഖ്യമന്ത്രി പിണറായി വിജയനും ചേർന്ന് സ്വീകരിച്ചു.നയപ്രഖ്യാപന പ്രസംഗം രണ്ട് മണിക്കൂർ നീണ്ടു നിന്നു.

ലക്ഷദ്വീപിൽ നടക്കുന്നത് വികസനം, നുണ പ്രചാരണത്തിന് പിന്നിൽ നിയമ വിരുദ്ധ പ്രവർത്തനങ്ങൾ നടത്തുന്ന സ്ഥാപിത താൽപര്യക്കാർ: കളക്ടറുടെ വാർത്താ സമ്മേളനത്തിൽ പ്രതിഷേധം

L I V E |

കൊച്ചി: എറണാകുളം പ്രസ് ക്ലബ്ബിൽ പത്രസമ്മേളനത്തിനെത്തിയ ലക്ഷദ്വീപ് കളക്ടർ എസ് അസ്‌കർ അലിക്ക് നേരെ ഒരു സംഘം ആളുകളുടെ പ്രതിഷേധം.കളക്ടർ ഗോ ബാക്ക് വിളികളുമായി ഡി വൈ എഫ് ഐ,സിപിഐ പ്രവർത്തകർ പ്രതിഷേധിക്കുന്നു.

ലക്ഷദ്വീപിൽ നടക്കുന്നത് വികസന പ്രവർത്തനങ്ങൾ മാത്രമാണെന്നും എന്നാൽ ഇപ്പോൾ നുണ പ്രചാരണങ്ങൾ നടത്തുന്നത് നിയമ വിരുദ്ധ പ്രവർത്തനങ്ങളിൽ ഏർപ്പെട്ട സ്ഥാപിത താൽപര്യക്കാർ മാത്രമാണെന്നും അദ്ദേഹം പറഞ്ഞു.

സത്യത്തിന്റെ കണികയില്ലാത്ത വ്യാപക നുണ പ്രചാരണങ്ങളാണ് നടക്കുന്നത്.ദ്വീപുകളിലെ സാധാരണക്കാർ വികസന പ്രവർത്തനങ്ങൾ നടത്തുന്ന ഭരണകൂടത്തിനൊപ്പമാണ്. അനധികൃത കയ്യേറ്റക്കാരെയാണ് അവിടെ ഒഴിപ്പിച്ചത്.

വർഷങ്ങളായിട്ടും വിനോദ സഞ്ചാര ,ആരോഗ്യ,കാർഷിക മേഖലകളിൽ പുരോഗതി ഇല്ല.അതിനുള്ള ശ്രമങ്ങളാണ് നടത്തുന്നത്. മിനിക്കോയ്,കവരത്തി,അഗത്തി ദ്വീപുകളിൽ ഓക്സിജൻ പ്ലാന്റ് സ്ഥാപിച്ചു.

ഇന്റർനെറ്റ് സംവിധാനങ്ങൾ ശക്തിപ്പെടുത്തുന്നു.സ്ത്രീ ശാക്തീകരണത്തിനായി ദ്വീപിലെ വനിതകളുടെ സ്വാശ്രയ സംഘങ്ങൾ പ്രവർത്തനങ്ങൾ തുടങ്ങി.മാംസാഹാരത്തിന് ദ്വീപിൽ വിലക്കില്ല. എന്നാൽ ദ്വീപുകളിൽ ലഭ്യത കുറഞ്ഞ തിനാൽ സ്കൂൾ കുട്ടികൾക്ക് മുട്ടയും മീനും നൽകുന്നുണ്ട്.അത് നയപരമായ തീരുമാനമാണ്.

ടൂറിസം മേഖലയിൽ തിരക്കുള്ളപ്പോൾ താൽക്കാലിക ജോലിക്കാരെ എടുക്കുന്നതും സീസൺ കഴിഞ്ഞാൽ പിരിച്ചു വിടുന്നതും സ്വാഭാവിക നടപടി ക്രമങ്ങൾ മാത്രമാണ്.കളക്ടർ എസ് അസ്‌കർ അലി പറഞ്ഞു.

കോവിഡ് വാക്‌സിന്റെ ജി എസ് ടി ഒഴിവാക്കിയേക്കും: തീരുമാനം ഉടൻ

ന്യൂഡൽഹി : കോവിഡ് വാക്‌സിന് നികുതി ഒഴിവാക്കുന്നത് സംബന്ധിച്ച് ജി എസ് ടി കൗൺസിൽ തീരുമാനം ഉടൻ.കോവിഡ് പ്രതിരോധ ഉപകരണങ്ങളുടെ നികുതി ഒഴിവാക്കലും പരിഗണനയിലുണ്ട്.

നിലവിൽ അഞ്ച് ശതമാനം നികുതിയാണ് കോവിഡ് വാക്‌സിന് ഏർപ്പെടുത്തിയിരിക്കുന്നത്.നികുതി ഒഴിവാക്കുന്നതോ കുറച്ച് 0.1 ശതമാനം ആക്കുന്നതോ സംബന്ധിച്ച തീരുമാനം വെള്ളിയാഴ്‌ച്ച ചേരുന്ന ജി എസ് ടി കൌൺസിൽ യോഗത്തിൽ ധനമന്ത്രാലയം അവതരിപ്പിക്കും.

സ്വന്തമായി വാക്‌സിൻ വാങ്ങുന്ന സംസ്ഥാനങ്ങൾക്ക് വലിയ സാമ്പത്തിക ബാധ്യത ഉണ്ടാക്കുന്നുണ്ട് എന്ന് വിവിധ സംസ്ഥാനങ്ങൾ പരാതി ഉന്നയിച്ചിരുന്നു.

ലക്ഷദ്വീപ് വിഷയത്തിൽ നടക്കുന്നത് വ്യാജ പ്രചാരണം: കെ സുരേന്ദ്രൻ

തിരുവനന്തപുരം: ലക്ഷദ്വീപ് വിഷയത്തിൽ നടക്കുന്നത് വ്യാജ പ്രചാരണമാണെന്ന് ബിജെപി അധ്യക്ഷൻ കെ സുരേന്ദ്രൻ പറഞ്ഞു.മാധ്യമങ്ങളോട് സംസാരിക്കുകയായിരുന്നു അദ്ദേഹം.

അടിസ്ഥാന രഹിതമായ ആരോപണങ്ങളിൽ ഏർപെടുന്നവരെ തിരിച്ചറിയണമെന്ന് അദ്ദേഹം പറഞ്ഞു.

ഇപ്പോൾ ഉയർന്നുവന്ന വിവാദങ്ങൾ ടൂൾ കിറ്റ് അജണ്ടയാണെന്ന് സുരേന്ദ്രൻ പറഞ്ഞു.ബേപ്പൂർ തുറമുഖത്തിന്റെ പേരിലും വലിയ തോതിൽ കള്ള പ്രചാരണങ്ങൾ നടക്കുന്നു.ലോക പ്രശസ്തമായ അമുൽന്റെ ഒരു ചെറിയ ഔട്ട് ലെറ്റ് അവിടെ വരുന്നതിന് പോലും എതിർക്കുന്നു.

ലക്ഷദ്വീപ് നിവാസികൾക്ക് ഗുണത്തിന് വേണ്ടിയുള്ള പ്രവർത്തനങ്ങളാണ് അഡ്മിനിസ്ട്രേറ്റർ അവിടെ നടത്തുന്നത്.കോടതികളുടെ വിമർശനം നേരിടേണ്ടിവന്ന സർക്കാരുകൾ എത്രയോ രാജ്യത്ത് ഉണ്ടായിട്ടുണ്ടെന്നും സുരേന്ദ്രൻ പറഞ്ഞു.

ഇല്ലാക്കഥകൾ മെനയുന്നു: അബ്ദുള്ളക്കുട്ടി

കണ്ണൂർ: ലക്ഷദ്വീപ് വിഷയത്തിൽ ആളുകൾ കേരളത്തിൽ ഇരുന്നുകൊണ്ട് ഇല്ലാക്കഥകൾ മെനയുകയാണെന്ന് ബിജെപി ദേശീയ ഉപാധ്യക്ഷനും ലക്ഷദ്വീപിന്റെ ചുമതലയുള്ള നേതാവുമായ എ പി അബ്ദുള്ളക്കുട്ടി പറഞ്ഞു.ആരും ദ്വീപുകാരുടെ ഭക്ഷണ കാര്യത്തിൽ ഇടപെട്ടിട്ടില്ല.ലക്ഷദ്വീപിന്റെ വികസനമാണ് ബിജെപി ലക്‌ഷ്യം.ലക്ഷദ്വീപിൽ പോയി സിനിമയെടുത്തു എന്നല്ലാതെ മറ്റെന്താണ് സിനിമക്കാർ ലക്ഷദ്വീപിന് വേണ്ടി ചെയ്തതെന്നും അബ്ദുള്ളക്കുട്ടി ചോദിച്ചു.

ട്വിറ്റർ ഓഫീസുകളിൽ പരിശോധന: ടൂൾ കിറ്റു മായി ബന്ധമില്ലെന്ന് പോലീസ്

L I V E | ON AIR

ന്യൂഡൽഹി : ട്വിറ്ററിന്റെ വിവിധ ഓഫീസുകളിൽ പോലീസ് പരിശോധന.ടൂൾ കിറ്റുമായി ബന്ധമില്ലെന്ന് പോലീസ് അറിയിച്ചു.

ഗുരുഗ്രമിലെയും ലഡോ സാരയിലെയും ഓഫീസുകളിലാണ് പോലീസ് പരിശോധന നടത്തിയത്.

പ്രധാനമന്ത്രി നരേന്ദ്ര മോദിയെ അപകീർത്തിപ്പെടുത്താൻ കോൺഗ്രസ് ടൂൾ കിറ്റ് ഉണ്ടാക്കിയെന്ന ബിജെപി വക്താവും പാർട്ടി ഐ ടി സെൽ മേധാവിയുമായ സാംബിത് പത്ര ട്വിറ്ററിലൂടെ തന്നെ ആരോപണം ഉന്നയിച്ചിരുന്നു. ഇതുസംബന്ധിച്ച കാര്യങ്ങൾക്കല്ല എത്തിയതെന്നാണ് പോലീസ് വിശദീകരണം.

രാജ്യത്ത് യെല്ലോ ഫംഗസ് ബാധയും റിപ്പോർട്ട് ചെയ്തു

L I V E | EXCLUSIVE

ലക്‌നൗ: ബ്ലാക്ക് ഫംഗസ്,വൈറ്റ് ഫംഗസ് ബാധിച്ച രോഗികളുടെ എണ്ണം കൂടുന്നതിനിടയിൽ രാജ്യത്ത് ആദ്യമായി യെല്ലോ ഫംഗസ് ബാധയും റിപ്പോർട്ട് ചെയ്തു.ഉത്തര്പ്രദേശിലെ ഗാസിയാബാദ് ജില്ലയിലാണ് യെല്ലോ ഫംഗസ് ആദ്യമായി റിപ്പോർട്ട് ചെയ്തത്.

ക്ഷീണം,ശരീരഭാരം കുറയൽ വിശപ്പില്ലായ്മ എന്നിവയാണ് രോഗ ലക്ഷണങ്ങൾ.ബ്ലാക്ക് ഫംഗസ് ബാധയേക്കാൾ ഗുരുതര സ്വഭാവമുള്ളതാണ് ഇതെന്ന് ആരോഗ്യ വകുപ്പ് നിഗമനം.

രാജ്യത്ത് തുടർച്ചയായി വിവിധ ഫംഗസ് ബാധ റിപ്പോർട്ട് ചെയ്യപ്പെടുന്ന പശ്ചാത്തലത്തിൽ കൂടുതൽ പഠനങ്ങൾ ആവശ്യമായി വരുമെന്ന് കേന്ദ്ര ആരോഗ്യമന്ത്രാലയം വ്യക്തമാക്കി.കൂടുതൽ ആന്തരികാവയവങ്ങളെ ബാധിക്കുമെന്നതാണ് യെല്ലോ ഫംഗസിനെ കൂടുതൽ അപകടകാരിയാകുന്നത്.

ബ്ലാക്ക് ഫംഗസ് ബാധ പോലെ തന്നെ വൃത്തിയില്ലാത്ത പ്രതലത്തിൽനിന്നും, സ്റ്റീറോയ്ഡുകളുടെ അമിത ഉപയോഗത്തിൽനിന്നും ചികിത്സയ്‌ക്കിടയിലെ അശാസ്ത്രീയയമായ ഓക്സിജൻ ഉപയോഗത്തിൽ നിന്നും പൂപ്പൽ ബാധ ഉണ്ടായേക്കാം . ബ്ലാക്ക് ഫംഗസ് ലക്ഷണങ്ങൾപോലെ തന്നെ കണ്ണിലെ ചുവപ്പ്, മറ്റ് അസ്വസ്ഥതകൾ,ദഹനക്കുറവ് ,വിശപ്പില്ലായ്‌മ തുടങ്ങിയ ലക്ഷണങ്ങളോടെ പ്രത്യക്ഷപ്പെട്ടേക്കാം.

ഗുസ്തി താരത്തിന്റെ കൊലപാതകം: ഒളിമ്പ്യൻ സുശീൽ കുമാർ പഞ്ചാബിൽ അറസ്റ്റിൽ

BREAKING |

ചണ്ഡീഗഡ്: ഗുസ്തി താരത്തിന്റെ കൊലപാതകവുമായി ബന്ധപ്പെട്ട് ഒളിവിൽ പോയ ഒളിമ്പ്യൻ സുശീൽ കുമാറിനെ പഞ്ചാബിൽ നിന്ന് അറസ്റ്റ് ചെയ്തു.

ഡൽഹി പൊലീസാണ് സുശീൽ കുമാറിനെ അറസ്റ്റ് ചെയ്തത്.കേസിലെ കൂട്ട് പ്രതിയായ അജയ് കുമാറിനൊപ്പം ജലന്ധറിൽ നിന്നാണ് അറസ്റ്റ്.

മുൻ ദേശീയ ജൂനിയർ ഗുസ്തി ചാമ്പ്യൻ സാഗർ കുമാറിന്റെ കൊലപാതകവുമായി ബന്ധപ്പെട്ടാണ് സുശീൽ കുമാർ ഒളിവിൽ പോയത്.ഇയാൾ പഞ്ചാബിലുണ്ടെന്ന വിവരത്തിന്റെ അടിസ്ഥാനത്തിലാണ് ഡൽഹി പോലീസ് ജലന്ധറിൽ എത്തിയത്. സുശീൽ കുമാറിന്റെ മുൻ‌കൂർ ജാമ്യാപേക്ഷ ഡൽഹി ഹൈക്കോടതി തള്ളിയിരുന്നു.

ഇതേ തുടർന്ന് ലൂക്ക് ഔട്ട് നോട്ടീസും ജാമ്യമില്ലാ വാറണ്ടും പുറപ്പെടുവിച്ചിരുന്നു.മെയ് നാലിനാണ് ദേശീയ ജൂനിയർ ഗുസ്തി ചാമ്പ്യനായ സാഗർ കുമാർ കൊല്ലപ്പെട്ടത്.ഛത്രസാൽ സ്റ്റേഡിയത്തിലെ പാർക്കിലുണ്ടായ അടിപിടിയിലാണ് സാഗർ കൊല്ലപ്പെട്ടത്.

സുശീൽ കുമാറിനെതിരെ ഒന്നിലധികൾ ആളുകളുടെ സാക്ഷി മൊഴികൾ ഉണ്ടെന്ന് പോലീസ് അറിയിച്ചു.

പുതിയ കെ പി സി സി അധ്യക്ഷൻ ഒരു മാസത്തിനകം:തലമുറ മാറ്റത്തിന് സ്വാഗതം, മാറാൻ തയ്യാറെന്ന് മുല്ലപ്പള്ളി

തിരുവനന്തപുരം: പുതിയ കെ പി സി സി അധ്യക്ഷൻ ഒരു മാസത്തിനകം ഉണ്ടാകുമെന്ന് സൂചന.തലമുറ മാറ്റമെന്ന ഹൈ കമാൻഡ് തീരുമാനത്തെ കെ പി സി സി അധ്യക്ഷൻ മുല്ലപ്പള്ളി രാമചന്ദ്രൻ സ്വാഗതം ചെയ്തു.നേതൃത്വം ആവശ്യപ്പെട്ടാൽ താനും മാറാൻ തയാറാണെന്ന് മുല്ലപ്പള്ളി രാമചന്ദ്രൻ പറഞ്ഞു.

കോൺഗ്രസിന്റെ തോൽവിയുടെ ഉത്തരവാദിത്തത്തിൽനിന്ന് ഒളിച്ചോടില്ല.നേതൃത്വം ആവശ്യപ്പെട്ടാൽ ആ നിമിഷം മാറും.ഇക്കാര്യം നേതൃത്വത്തെ അറിയിച്ചിട്ടുണ്ടെന്നും മുല്ലപ്പള്ളി രാമചന്ദ്രൻ പറഞ്ഞു.

പ്രതിപക്ഷ നേതാവായി തിരഞ്ഞെടുക്കപ്പെട്ട വി ഡി സതീശനെ രമേശ് ചെന്നിത്തല അഭിനന്ദിച്ചു.നേതൃത്വത്തിന്റെ തീരുമാനത്തെ സ്വാഗതം ചെയ്യുന്നുവെന്ന് രമേശ് ചെന്നിത്തല പറഞ്ഞു.

ഗുണപരമായ സമൂലമായ മാറ്റത്തിന് തുടക്കമാകട്ടെയെന്നും പാർട്ടി താൽപര്യത്തിന് മുൻ‌തൂക്കം ലഭിച്ചു എന്നും വി എം സുധീരൻ പറഞ്ഞു.തിരുവഞ്ചൂർ രാധാകൃഷ്ണൻ,കെ സുധാകരൻ,ഡൊമിനിക് പ്രസന്റേഷൻ,പി ജെ കുര്യൻ പുതു തലമുറയിലെ നേതാക്കൾ തുടങ്ങിയവരും കോൺഗ്രസ് ഹൈ കമാൻഡ് തീരുമാനത്തെ സ്വാഗതം ചെയ്തു.

അവസാന നിമിഷം വരെയും കേരളത്തിലെ മുതിർന്ന നേതാക്കൾ ഹൈ കമാൻഡ് തീരുമാനത്തെ എതിർത്തു എന്നാണ് റിപോർട്ടുകൾ. എന്നാൽ സമൂലമായ മാറ്റം എന്ന നിലപാടിൽ ഉറച്ചു നിൽക്കുന്നതായി ഹൈ കമാൻഡ് അറിയിച്ചതായാണ് ലഭ്യമാകുന്ന വിവരം.

നേതൃമാറ്റം സംബന്ധിച്ച നിർണ്ണായകമായ തീരുമനത്തിന് പിന്നിൽ രാഹുൽ ഗാന്ധിയുടെ ഉറച്ച നിലപാടായിരുന്നു എന്നാണ് സൂചന.കെ സി വേണുഗോപാലും പിന്തുണച്ചു.വരും ദിവസങ്ങളിൽ കെ പി സി സി നേതൃത്വത്തിലും മാറ്റം വരുമെന്ന് സൂചന നൽകിയ മല്ലികാർജുൻ ഖാർഗെ തീരുമാനത്തിൽ ഇനി മാറ്റമില്ലെന്ന് അറിയിച്ചു.

എന്നാൽ കഴിഞ്ഞ അഞ്ച് വർഷം മികച്ച പ്രതിപക്ഷ നേതാവായി തിളങ്ങിയ രമേശ് ചെന്നിത്തലയ്ക്ക് അപ്രതീക്ഷിത പ്രഹരമായി ഹൈ കമാൻഡ് തീരുമാനം. ഇങ്ങനെ ഉറച്ച നിലപാടുമായി പോകുന്നതായി സൂചനകൾ ഹൈ കമാൻഡ് തന്നിരുന്നെങ്കിൽ ഒരു മത്സര മനോഭാവത്തോടെ കടിച്ചുതൂങ്ങി നിന്ന് എന്ന പേര് ദോഷം ഒഴിവാക്കാമായിരുന്നു എന്നാണ് രമേശ് ചെന്നിത്തലയുമായി അടുത്ത വൃത്തങളിൽനിന്ന് ലഭ്യമാകുന്ന വിവരം.

ലോക്ക് ഡൗൺ 30 വരെ നീട്ടി: ട്രിപ്പിൾ ലോക്ക് മലപ്പുറത്ത് മാത്രം

തിരുവനന്തപുരം: കോവിഡ് വ്യപനം തുടരുന്ന പശ്ചാത്തലത്തിൽ സംസ്ഥാനത്തെ ലോക്ക് ഡൗൺ മെയ് 30 വരെ നീട്ടാൻ തീരുമാനിച്ചതായി മുഖ്യമന്ത്രി പിണറായി വിജയൻ അറിയിച്ചു,ട്രിപ്പിൾ ലോക്ക് ഡൗൺ മലപ്പുറത്ത് തുടരും.

മലപ്പുറത്ത് ട്രിപ്പിൾ ലോക്ക് ഡൗൺ കൊണ്ട് വലിയ ഗുണമുണ്ടായില്ല എന്നാണ് വിലയിരുത്തൽ.ഇവിടെ രോഗ വ്യാപനം കുറയാത്ത സാഹചര്യത്തിൽ കണിശമായ നിലപാടുകൾ സ്വീകരിക്കും.പോലീസ് നടപടികൾ കൂടുതൽ കാര്യക്ഷമമാക്കാൻ എ ഡി ജി പി ( ലോ ആൻഡ് ഓർഡർ ) മലപ്പുറത്തെത്തി കാര്യങ്ങൾ അവലോകനം ചെയ്യും.

ആരോഗ്യ വകുപ്പ് ഇനി കൂടുതൽ കരുത്തുറ്റ കരങ്ങളിൽ: കഴിഞ്ഞത് സംഭവ ബഹുലമായ 5 വർഷങ്ങൾ- കെ കെ ശൈലജ

തിരുവനന്തപുരം: ആരോഗ്യ വകുപ്പ് ഇനി കൂടുതൽ കരുത്തുറ്റ കരങ്ങളിലാണെന്ന് മുൻ മന്ത്രി കെ കെ ശൈലജ.

ആരോഗ്യമന്ത്രി എന്ന നിലയിൽ കഴിഞ്ഞ അഞ്ച് വർഷങ്ങളിൽ ചെയ്ത കാര്യങ്ങൾ പരാമർശിച്ചുകൊണ്ടും എല്ലാവർക്കും നന്ദി അറിയിച്ചുകൊണ്ടുമുള്ള ഫേസ്ബുക് പോസ്റ്റിലാണ് ശൈലജ പ്രതികരിച്ചത്.

പുതിയ സർക്കാർ അധികാരം ഏറ്റെടുത്തതിന് ശേഷം ഫേസ്ബുക്കിലൂടെ പങ്കുവെച്ച കുറിപ്പിലാണ് കഴിഞ്ഞുപോയത് സംഭവ ബഹുലമായ അഞ്ച് വര്ഷങ്ങളായിരുന്നുവെന്ന് ടീച്ചർ വ്യക്തമാക്കിയത്.

ഫേസ്ബുക് പോസ്റ്റിന്റെ പൂർണരൂപം വായിക്കാം

സംഭവബഹുലമായ 5 വർഷങ്ങളാണ് കഴിഞ്ഞു പോയത്. സഖാവ് പിണറായി വിജയൻ്റെ നേതൃത്വത്തിലുള്ള ഇടതു സർക്കാരിൻ്റെ ഭാഗമാകാൻ കഴിഞ്ഞത് ജീവിതത്തിലെ ഏറ്റവും അഭിമാനിക്കാവുന്ന ഒരദ്ധ്യായമായി കരുതുന്നു. നിപ വൈറസും ഓഖിയും, കോവിഡും എല്ലാം ചേർന്ന് കോളിളക്കമുണ്ടാക്കിയ കാലഘട്ടങ്ങളിൽ ആരോഗ്യവകുപ്പിൻ്റെ ചുമതല വഹിക്കുക എന്നത് ഏറെ ദുഷ്കരമായ പ്രക്രിയ ആയിരുന്നു. എന്നാൽ മുഖ്യമന്ത്രിയുടെ നേതൃത്വത്തിൽ ഉണ്ടാക്കിയ കൂട്ടായ്മയും സഹമന്ത്രിമാരും വകുപ്പ് ഉദ്യോഗസ്ഥരുടെയും നിസീമമായ സഹകരണവും ഉത്തരവാദിത്വങ്ങൾ നിർവഹിക്കുന്നതിന് ഏറെ സഹായകരമായി. ലോകത്തിൻ്റെ മറ്റു പല ഭാഗങ്ങളെയും അപേക്ഷിച്ച് കോവിഡിൻ്റെ ആഘാതം കുറച്ചു കൊണ്ടുവരുന്നതിന് കഴിഞ്ഞു. ഗവൺമെൻറ് പ്രഖ്യാപിച്ച നാല് മിഷനുകളായ ഹരിത കേരളം, ലൈഫ്, പൊതുവിദ്യാഭ്യാസം, ആർദ്രം എന്നിവ ജനജീവിതത്തിൽ ഉണ്ടാക്കിയ മാറ്റങ്ങൾ ആശാവഹമാണ്. കേരളത്തിൻ്റെ ആരോഗ്യ രംഗത്ത് വിപ്ലവകരമായ അനുഭവങ്ങൾ ഉണ്ടാക്കാൻ കഴിഞ്ഞത് ഗവൺമെൻറ് നയത്തിൻ്റെയും ഇച്ഛാശക്തിയുടെയും ഫലമായിട്ടാണ്.
1957ലെ ഒന്നാം ഇടത് ഗവൺമെൻ്റിൻ്റെ കാലത്ത് തുടങ്ങിയ പരിഷ്കാരങ്ങൾ കേരളത്തിൻ്റെ ആരോഗ്യമേഖലയെ മറ്റ് സംസ്ഥാനങ്ങളിൽ നിന്ന് തികച്ചും വ്യത്യസ്തമാക്കിയിരിക്കുന്നു. വളരെ വിപുലമായ പൊതുജനാരോഗ്യ ശൃംഖലയായിരുന്നു വലിയ പ്രത്യേകത. 2016ൽ പിണറായി ഗവൺമെൻറ് അധികാരത്തിൽ വരുമ്പോൾ പി എച്ച് സി കൾ ഇല്ലാത്ത പഞ്ചായത്തുകൾ ഉണ്ടായിരുന്നില്ല. 5000 ജനസംഖ്യ ഒന്ന് എന്ന നിലയിൽ സബ്സെൻറുകൾ ഉണ്ടായിരുന്നു. സി എച്ച് സി കൾ താലൂക്ക് ജില്ല ജനറൽ ആശുപത്രികൾ എന്നിവ ഓരോ ജില്ലയിലുമുണ്ട്. ശിശുമരണനിരക്ക് മാതൃമരണനിരക്ക് കുറവും രാജ്യത്തിന് മാതൃകയായിരുന്നു. അടിയന്തരമായി പരിഹരിക്കേണ്ട ചില പ്രശ്നങ്ങളും ആരോഗ്യമേഖലയിൽ ഉണ്ടായിരുന്നു. 2016 പരിശോധിക്കുമ്പോൾ കേരള ജനതയുടെ 67 ശതമാനവും സ്വകാര്യമേഖലയെയാണ് ആരോഗ്യസംരക്ഷണത്തിന് ആശ്രയിക്കുന്നത് എന്നാണ് കണ്ടത്. ചികിത്സാ ചെലവ് താങ്ങാനാവാതെ ഇടത്തരം കുടുംബങ്ങൾ പോലും പാപ്പരാകുമെന്ന സ്ഥിതി.
പലവിധത്തിലുള്ള പകർച്ചവ്യാധികളും ജീവിതശൈലി രോഗങ്ങളും വൻതോതിൽ സമൂഹത്തെ ഗ്രഹിച്ചിരുന്നു. ഇന്ത്യയുടെ പ്രമേഹ തലസ്ഥാനം എന്നാണ് കേരളം അറിയപ്പെട്ടിരുന്നത്. ഉയർന്ന രക്തസമ്മർദ്ദം, കാൻസർ, തൈറോയ്ഡ് തുടങ്ങിയ രോഗങ്ങൾക്ക് കീഴ്പ്പെടാത്തവരുടെ എണ്ണം വിരളമായിരുന്നു. ഈയൊരു ദുരവസ്ഥയിൽ നിന്ന് കര കയറാതെ കേരളത്തിൻറെ ആരോഗ്യമേഖല മെച്ചപ്പെട്ടു എന്ന് പറയാൻ കഴിയുമായിരുന്നില്ല. നിരവധി സ്ഥാപനങ്ങളും ഉപകരണങ്ങളും ഉണ്ടായിട്ട് കാര്യമില്ല. അവയുടെ വിന്യാസത്തിലും ജനങ്ങൾക്ക് പ്രാപ്യമായ രീതിയിൽ അവ ഉപയോഗിക്കപ്പെടെണ്ടതിലുമാണ് ശ്രദ്ധിക്കേണ്ടത് എന്ന് തോന്നി. വിദഗ്ധദ്ധരുടെ ഉപദേശങ്ങളും വിവിധ വകുപ്പുകളുടെ കൂട്ടായ്മയും വഴി പിണറായി ഗവൺമെൻറ് ആരോഗ്യമേഖലയിൽ നടത്തിയ ഇടപെടലുകൾ ചരിത്ര നേട്ടങ്ങളിലേക്കാണ് വഴിതെളിച്ചത്.
ആർദ്രം മിഷൻ വഴി പ്രാഥമികാരോഗ്യകേന്ദ്രങ്ങൾ കുടുംബാരോഗ്യ കേന്ദ്രങ്ങളായി. തങ്ങളുടെ ഗ്രാമത്തിലെ ആശുപത്രിയിൽ മികച്ച ലാബുകൾ ഉൾപ്പെടെയുള്ള ആധുനിക ആശുപത്രിയായി മാറുന്നത് ജനങ്ങൾ
വിസ്മയത്തോടെ കണ്ടു നിൽക്കുക മാത്രമല്ല പൊതുജനാരോഗ്യമേഖലയെ വിശ്വാസത്തിലെടുത്ത് നേരത്തെ തന്നെ രോഗങ്ങൾ കണ്ടുപിടിച്ച് ചികിത്സ തേടുന്നതിലേക്ക് തിരിയുകയും ചെയ്തു. 33 ശതമാനത്തിൽനിന്ന് ഗവൺമെൻറ് ആശുപത്രിയിൽ എത്തുന്നവരുടെ എണ്ണം 51 ശതമാനമായി ഉയർന്നു. ശിശുമരണനിരക്ക് 2016 ആയിരം പ്രസവത്തിൽ 12 ആയിരുന്നത് 6 ആയി കുറഞ്ഞു. മാതൃമരണനിരക്ക് 67 നിന്ന് 30 ആയി കുറഞ്ഞു.
കിഫ്ബിയുടെ സഹായത്തോടെ നമ്മുടെ താലൂക്ക് ആശുപത്രികളും ജില്ലാ ആശുപത്രികളും ഏതു കോർപ്പറേറ്റ് ആശുപത്രിയേയും വെല്ലുന്ന ആധുനിക സൗകര്യങ്ങളോടെ ഉയർന്നുവരികയാണ്. ചിലത് പൂർത്തിയായിക്കഴിഞ്ഞു. മഹാഭൂരിപക്ഷം ആശുപത്രികളുടെയും നിർമ്മാണം നടന്നു കൊണ്ടിരിക്കുകയാണ്. വിദഗ്ധദ്ധ സമിതി രൂപീകരിച്ചു നിരവധി തവണ പരിശോധിച്ച് ഉറപ്പുവരുത്തിയാണ് ഓരോ ആശുപത്രിയുടെയും മാസ്റ്റർ പ്ലാൻ തയ്യാറാക്കിയത്. പ്രതിപക്ഷത്തിന് ഒന്നും നടക്കുന്നില്ലെന്ന് ആക്ഷേപിക്കാൻ അവസരം കൊടുക്കാതെ ഓരോ പ്രദേശത്തും ജനങ്ങളുടെ കണ്മുൻപിൽ ആധുനിക ആശുപത്രി ഉയർന്നുവരികയാണ്. രണ്ടുവർഷത്തിനകം അവ മിക്കതും പൂർത്തിയാകുമ്പോൾ ലോകത്തിനുതന്നെ വിസ്മയമാകുന്ന ഒന്നായിരിക്കും നമ്മളുടെ പൊതുജനാരോഗ്യ മേഖല. ഇപ്പോൾ തന്നെ നിരവധി പേർ ഈ സംവിധാനം പഠിക്കാൻ ആഗ്രഹിച്ച് എത്തുന്നുണ്ട്. നമ്മളുടെ മെഡിക്കൽ കോളേജുകൾ ആധുനിക കാലഘട്ടത്തിനനുസരിച്ച് സൗകര്യങ്ങളുടെ അപര്യാപ്തത മൂലം അസ്വസ്ഥമായിരുന്നു. അവയെ മികവിൻ്റെ കേന്ദ്രമാക്കി മാറ്റാനുള്ള സദുദ്ദേശ പ്രവർത്തനമാണ് നടന്നത്. വിശദമായ പദ്ധതി രൂപരേഖ എല്ലായിടത്തും തയ്യാറാക്കപ്പെട്ടു.
അത്യാധുനിക ഉപകരണങ്ങൾ അടങ്ങിയ മികച്ച സംവിധാനങ്ങളോടെ മികവിൻ്റെ കേന്ദ്രമായി മെഡിക്കൽകോളേജ് മാറുന്നത് ആർക്കും നിഷേധിക്കാനാവാത്ത കാഴ്ചയാണ്. മാസ്റ്റർ പ്ലാനുകൾ അനുസരിച്ച് തുടങ്ങിയ ഈ നിർമ്മാണ പ്രക്രിയ പൂർത്തിയാകുമ്പോൾ നാം ആരോഗ്യ മേഖലയിൽ നടത്തിയ നിക്ഷേപം എത്രവലുതാണെന്ന് എല്ലാവർക്കും മനസ്സിലാകും. മെഡിക്കൽ കോളേജിനെ പഠന മികവിൻ്റെയും ഗവേഷണത്തിൻ്റെയും കേന്ദ്രങ്ങൾ ആക്കാനുള്ള തുടക്കവും കുറിച്ചു. കൊറോണ വൈറസിൻ്റെ ജനിതക മാറ്റത്തെക്കുറിച്ച് കേരളം നടത്തിയ പഠനം ശ്രദ്ധേയമായിരുന്നു. അത്യാഹിതങ്ങൾക്കുള്ള ചികിത്സയുടെ കാര്യങ്ങളിൽ നാം പിറകിലായിരുന്നു. റോഡ് അപകടങ്ങളും മറ്റും കൂടുതലാവാൻ അത് കാരണമായി. കഴിഞ്ഞ ഗവൺമെൻ്റിൻ്റെ കാലത്ത് സമ്പൂർണ്ണ ട്രോമാ കെയർ പദ്ധതി തുടങ്ങിയത് ഈ പശ്ചാത്തലത്തിലാണ്. മികച്ച ട്രെയാജ് സംവിധാനവും ഓപ്പറേഷൻ തിയേറ്ററുകളും അടക്കമുള്ള അടിയന്തര ചികിത്സാ വിഭാഗം എല്ലാ മെഡിക്കൽ കോളേജുകളിലും ജില്ലാ താലൂക്ക് ആശുപത്രികളിലും ആരംഭിച്ചു. നിലവിലുള്ള കാഷ്വാലിറ്റി കൾ പരിഷ്കരിക്കുകയോ പുതുതായി നിർമിക്കുകയോ ആണ് ചെയ്തത്. ചില ഇടങ്ങളിൽ നിർമ്മാണം നടന്നു വരികയാണ്.
315 ബി എൽ എസ് ആംബുലൻസുകൾ കേരളത്തിൽ വിന്യസിച്ചു ഓരോ 30 കിലോമീറ്ററുകൾക്കുള്ളിലും 108 ആംബുലൻസുകൾ ഇപ്പോൾ ലഭ്യമാണ്. കോവിഡ് കാലത്തെ കൃത്യസമയത്ത് രോഗികളെ ആശുപത്രികളിൽ എത്തിച്ച് പതിനായിരങ്ങളുടെ ജീവൻ രക്ഷിക്കാൻ ഈ ആംബുലൻസുകൾ കാരണമായിട്ടുണ്ട്. തിരുവനന്തപുരത്ത് നിലവിൽ വന്ന അപ്പക്സ് ട്രെയിനിങ് ആൻഡ് റിസർച്ച് സെൻ്റർ അഭിമാനകരമായ നേട്ടമാണ്.
ആശുപത്രികളിലെ ക്യൂ നിയന്ത്രിക്കുന്നതിനും ആശുപത്രി ഭരണം സുഗമമാക്കുന്നതിനും രോഗികൾക്ക് കാലതാമസമില്ലാതെ ചികിത്സ കിട്ടുന്നതിനും കാരണമാകുന്ന ഇ ഹെൽത്ത് സംവിധാനം വിപുലമായി നടപ്പിലാക്കിവരുന്നു. രോഗികൾക്ക് ഇലക്ട്രോണിക് ഹെൽത്ത് കാർഡ് നൽകി വരികയാണ് മുന്നൂറിലേറെ ആശുപത്രികളിൽ നടപ്പിലാക്കിയ പദ്ധതി മുഴുവൻ ആശുപത്രികളിലേക്കും വ്യാപിപ്പിക്കുകയാണ് ലോകത്ത് തന്നെ അപൂർവ്വമാണ് പൊതുജനാരോഗ്യ രംഗത്ത് ഈ ആധുനികവൽക്കരണം.
ഹീമോ ഗ്ലോപ്പിനോപതീസ് എന്നറിയപ്പെടുന്ന ഗുരുതര രോഗങ്ങൾക്ക് പരിഹാരം കാണാൻ വയനാട്ടിൽ സ്ഥാപിക്കുന്ന ചികിത്സാ ഗവേഷണകേന്ദ്രം ഭാവിയിൽ വലിയ ആശ്വാസമാകും. സിക്കിൾസെൽ അനീമിയ തലസേമിയ ഹീമോഫീലിയ തുടങ്ങിയ രോഗമുള്ളവരുടെ പ്രതീക്ഷയാണ് ഈ കേന്ദ്രം.
സമ്പൂർണ ആരോഗ്യ രക്ഷാപദ്ധതി പ്രഖ്യാപിച്ച് 42 ലക്ഷം കുടുംബങ്ങളെ അതിൻ്റെ പരിധിയിൽ കൊണ്ടുവന്നു. ഇൻഷുറൻസ് കമ്പനികളെ ഒഴിവാക്കി കാരുണ്യ ആരോഗ്യ സുരക്ഷാ പദ്ധതി ആരോഗ്യവകുപ്പ് നേരിട്ട് നടത്താൻ തുടങ്ങി. ഇതിനായി സ്റ്റേറ്റ് ഹെൽത്ത് അതോറിറ്റി എസ് എച്ച് എ രൂപീകരിച്ചു. കൊവിഡ് കാലത്ത് നിരവധി സ്വകാര്യ ആശുപത്രികളെ കാസ്പിന് കീഴിൽ കൊണ്ടുവരാനും നിരവധി പേർക്ക് ഗവൺമെൻറ് ചെലവിൽ ചികിത്സ കൊടുക്കാനും എസ് എച്ച് എ വഴി ഇടപെട്ടു.
ഹൃദയത്തിന് ജനിതക തകരാർ ഉള്ള കുട്ടികളുടെ ജീവൻ രക്ഷിക്കാനുള്ള ഹൃദ്യം പദ്ധതി, മുഴുവൻ ജനതയുടെയും ജീവിതശൈലിരോഗങ്ങൾ കണ്ടെത്താനുള്ള അമൃതം ആരോഗ്യം പദ്ധതി, ക്ഷയരോഗ നിർമ്മാർജ്ജനത്തിന് അശ്വമേധം, കുഷ്ഠരോഗ നിർമാർജന പദ്ധതി, പകർച്ചവ്യാധി നിയന്ത്രണത്തിനുള്ള ആരോഗ്യജാഗ്രത പ്രോഗ്രാം, കാൻസർ ചികിത്സ ഉറപ്പുവരുത്താൻ സമ്പൂർണ്ണ കാൻസർ നിയന്ത്രണ രൂപരേഖയും പ്രായോഗിക പ്രവർത്തനങ്ങളും തുടങ്ങി. നിരവധി പദ്ധതികൾ നടന്നുകൊണ്ടിരിക്കുന്നു. മുഖ്യമായ ആരോഗ്യശീലങ്ങളും വ്യായാമ ശീലങ്ങളും ഉറപ്പുവരുത്താനുള്ള പദ്ധതികളും ആരംഭിച്ചു.

ആയുഷ് വിഭാഗത്തിൽ അന്താരാഷ്ട്ര നിലവാരത്തിലുള്ള ഗവേഷണകേന്ദ്രത്തിൻ്റെ നിർമ്മാണം തുടങ്ങി. കാരുണ്യ ഫാർമസികൾ, ഡയാലിസിസ് സെൻററുകൾ, സ്ട്രോക്ക് യൂണിറ്റുകൾ, കാത്ത് ലാബുകൾ എന്നിവ വ്യാപകമാക്കാൻ കഴിഞ്ഞു. പുതിയ ആശുപത്രികളുടെ പ്ലാനിൽ ഓക്സിജൻ നിർമ്മാണ പ്ലാന്റുകളും ഉണ്ട്. 125 ലേറെ ആശുപത്രികൾക്ക് നാഷണൽ ക്വാളിറ്റി അക്രെഡിറ്റേഷൻ അവാർഡ് ലഭ്യമായത് ചരിത്രനേട്ടമാണ്.
രോഗം വന്നിട്ട് ചികിത്സിക്കുന്നതിനേക്കാൾ അല്ല രോഗപ്രതിരോധശേഷി വർധിപ്പിക്കുന്നതിനാണ് നാം ശ്രദ്ധിക്കേണ്ടത്. ഓരോ വ്യക്തികളുടെയും മാനസിക ശാരീരിക ആരോഗ്യ പ്രശ്നങ്ങൾ വിലയിരുത്തിയുള്ള ഇടപെടലുകളാണ് ലക്ഷ്യമാക്കുന്നത്. ഈ ലക്ഷ്യം വെച്ച് തുടങ്ങിയ നൂറുകണക്കിന് പ്രവർത്തനങ്ങൾ ലക്ഷ്യസ്ഥാനത്ത് എത്തിക്കുന്നതിനോടൊപ്പം പുതിയ പുതിയ സംവിധാനങ്ങൾ ആരംഭിക്കുന്നതിനും നമുക്ക് കഴിയണം. ആരോഗ്യമേഖലയിൽ ചരിത്ര നേട്ടമുണ്ടാക്കാൻ കഴിഞ്ഞത് കൂട്ടായ്മയുടെ വിജയമാണ്. ബഹുമാനപ്പെട്ട മുഖ്യമന്ത്രിയും ഓരോ ജില്ലയിലും തദ്ദേശസ്വയംഭരണസ്ഥാപനങ്ങളുടെ ഇടപെടലുകൾ ശക്തമാക്കിയ തദ്ദേശസ്വയംഭരണ വകുപ്പ് മന്ത്രിയും സാമ്പത്തിക സഹായം നൽകിയ ധനകാര്യ മന്ത്രിയും എംഎൽഎമാരും നഗരസഭ അധ്യക്ഷൻമാരും പഞ്ചായത്ത്
പ്രസിഡണ്ടുമാരും ഡിഎംഒ ഡി പി എം മറ്റ് ജില്ലാതല ഉദ്യോഗസ്ഥർ, മെഡിക്കൽ ഓഫീസർമാർ, നഴ്സുമാർ ആശാവർക്കർമാർ, ലാബ് ടെക്നീഷ്യന്മാർ, ഫാർമസിസ്റ്റുകൾ, ആശുപത്രിയിലെ ശുചീകരണ ജീവനക്കാർ അടക്കമുള്ള ആരോഗ്യ മേഖലയിലെ പ്രവർത്തകരും ഒറ്റക്കെട്ടായി പ്രവർത്തിച്ചു. അവരോടുള്ള കടപ്പാടും നന്ദിയും രേഖപ്പെടുത്തുന്നു. ആരോഗ്യവകുപ്പിലെ സെക്രട്ടറിമാർ, ഡയറക്ടർമാർ, മെഡിക്കൽ സർവീസ് കോർപ്പറേഷൻ്റെ ഭാരവാഹികൾ തുടങ്ങിയവരോടുള്ള സ്നേഹവും നന്ദിയും പറഞ്ഞറിയിക്കാനാവാത്തതാണ്.
വിശ്രമമില്ലാതെ കൂടെ നിന്ന് പ്രവർത്തിച്ച ഓഫീസിലെ ജീവനക്കാർ എനിക്ക് കുടുംബാംഗങ്ങളെ പോലെയാണ്. പ്രതിസന്ധിഘട്ടങ്ങളിൽ എന്തിനും താങ്ങായി നിന്നവർ കഠിനപ്രയത്നം നടത്തിയ അവരുടെയൊക്കെ പരിശ്രമത്തിന് നന്ദി പറഞ്ഞു തീർക്കാൻ കഴിയില്ല. എല്ലാറ്റിലുമുപരി മുഖ്യമന്ത്രിയും മന്ത്രിസഭയിലെ മറ്റ് മന്ത്രിമാരും, പാർട്ടിയും എൽഡിഎഫ് മുന്നണിയും നൽകിയ പിന്തുണയുമാണ് ആരോഗ്യവകുപ്പിലെ പ്രവർത്തനങ്ങൾക്ക് കരുത്തുപകർന്നത്. കൂടുതൽ കരുത്തുറ്റ കരങ്ങളിലാണ് ആരോഗ്യവകുപ്പ് എന്ന ആശ്വാസത്തോടെ സംതൃപ്തിയോടെ ഒരിക്കൽ കൂടി എല്ലാവർക്കും നന്ദി.

ചരിത്രം കുറിച്ചു..കേരളത്തിന്റെ ആരവങ്ങളിൽ രണ്ടാമൂഴം..പിണറായി വിജയൻ മുഖ്യമന്ത്രിയായി സത്യപ്രതിജ്ഞ ചെയ്തു

B R E A K I N G L I V E |

തിരുവനന്തപുരം: സെൻട്രൽ സ്റ്റേഡിയത്തിൽ ആരവങ്ങളില്ലായിരുന്നു.പക്ഷെ കേരളത്തിന്റെ മുഴുവൻ ആരവങ്ങളും ആവാഹിച്ച നിമിഷങ്ങളായി മാറി അത്.അതെ,ചരിത്രം കുറിച്ച നിമിഷങ്ങൾ.പിണറായി വിജയൻ കേരളത്തിന്റെ മുഖ്യമന്ത്രിയായി രണ്ടാം തവണയും സത്യപ്രതിജ്ഞ ചെയ്തു.

നടൻ മമ്മൂട്ടി അവതരിപ്പിച്ച ഗാനഗന്ധർവൻ യേശുദാസ് അടക്കം മലയാളത്തിന്റെ കലാകാരന്മാർ ഒന്നടങ്കം അണിനിരന്ന നവ കേരള ഗീതാഞ്ജലിയുടെ സംഗീത സാന്ദ്രമായ നിമിഷങ്ങളായിരുന്നു തുടക്കം.

വയലാറും ഒ എൻ വി യും വരച്ചിട്ട കേരള ചരിത്രത്തിന്റെ വിപ്ലവ ഏടുകളിലൂടെ ഒഴുകിയെത്തിയ ചരിത്രവും വിപ്ലവ ഗാനങ്ങളും കോർത്തിണക്കിയ മനോഹരമായ നിമിഷങ്ങളിൽ പിണറായി വിജയൻ എന്ന ചരിത്ര പുരുഷൻ രണ്ടാം ഊഴത്തിനായി കേരളത്തിന്റെ ചരിത്രത്തിലേക്ക് നടന്നു കയറിയ നിമിഷങ്ങൾ.

രണ്ട് മണി മുതൽ തന്നെ ക്ഷണിക്കപ്പെട്ട അതിഥികളും നിയുക്ത മന്ത്രിമാരും മുൻ മന്ത്രിമാരും സെൻട്രൽ സ്റ്റേഡിയത്തിലെ വേദിയിലേക്ക് എത്തിയിരുന്നു.അൽപസമയത്തിനകം തന്നെ പിണറായി വിജയനും ഭാര്യ കമലയും ചെറുമകനും വേദിയിലെത്തി.

മഹാമാരിയിലെ ചരിത്രം തിരുത്തിയ സത്യപ്രതിജ്ഞ ചടങ്ങ് സകല പ്രോട്ടോക്കോളും പാലിച്ചായിരുന്നു.എങ്കിലും കേരളീയ സമൂഹത്തിന്റെ ഒരു ചെറിയ ഏട് തന്നെയായിരുന്നു സെൻട്രൽ സ്റ്റേഡിയത്തിൽ ഉണ്ടായിരുന്നത്.

കൃത്യം 03.22 ഗവർണർ ആരിഫ് മുഹമ്മദ് ഖാൻ രാജ്ഭവനിൽനിന്ന് പുറപ്പെട്ടു.03.27ന് ഗവർണ്ണറുടെ വാഹന വ്യൂഹം സെൻട്രൽ സ്റ്റേഡിയത്തിലേക്ക് കടന്നുവന്നു.03.30 ന് എല്ലാവരും വേദിയിലേക്ക് കയറി.03.32 ന് ദേശീയ ഗാനം.0333 ന് ഗവർണർ മുഖ്യമന്ത്രിയെ ക്ഷണിച്ചു.0334 ന് ആ ചരിത്ര നിമിഷം യാഥാർഥ്യമായി.

തുടർന്ന് മന്ത്രിമാരായി കെ രാജൻ,റോഷി അഗസ്റ്റിൻ,കെ കൃഷ്ണൻ കുട്ടി,എ കെ ശശീന്ദ്രൻ,അഹമ്മദ് ദേവർകോവിൽ ,ആന്റണി രാജു,വി അബ്ദുൽറഹ്മാൻ ,ജി ആർ അനിൽ,കെ എൻ ബാലഗോപാൽ,ആർ ബിന്ദു,ജെ ചിഞ്ചു റാണി,എം വി ഗോവിന്ദൻ,മുഹമ്മദ് റിയാസ്,പി പ്രസാദ്,കെ രാധാകൃഷ്ണൻ,പി രാജീവ്,വി ശിവൻകുട്ടി,സജി ചെറിയാൻ,എ കെ ശശീന്ദ്രൻ,വി എൻ വാസവൻ,വീണ ജോർജ് തുടങ്ങിയവർ സത്യപ്രതിജ്ഞ ചെയ്തു.തുടർന്ന് മുഖ്യമന്ത്രിയും മന്ത്രിമാരും രാജ്ഭവനിലെ ചായ സൽക്കാരത്തിനായി പോയി.ചായ സൽക്കാരത്തിന് ശേഷം മന്ത്രിസഭാ യോഗം ചേരും.

സത്യപ്രതിജ്ഞയ്‌ക്കൊരുങ്ങി തിരുവനന്തപുരം, പിണറായി വിജയനും നിയുക്ത മന്ത്രിമാരും വയലാർ രക്തസാക്ഷി മണ്ഡപത്തിൽ പുഷ്പാർച്ചന നടത്തി

ON AIR |

തിരുവനന്തപുരം/ചേർത്തല : രണ്ടാം പിണറായി മന്ത്രിസഭയുടെ സത്യപ്രതിജ്ഞയ്ക്കായി തിരുവനന്തപുരം ഒരുങ്ങി.കോവിഡ് മാനദണ്ഡങ്ങൾ പാലിച്ചുകൊണ്ട് ഹൈക്കോടതി നിർദേശപ്രകാരം പ്രവേശനം കർശനമായി നിയന്ത്രിക്കും.

അത്യന്താധുനിക പ്രൊഫഷണൽ ടച്ചുള്ള ചുവപ്പൻ പന്തലാണ് സെൻട്രൽ സ്റ്റേഡിയത്തിൽ ഒരുങ്ങിയിരിക്കുന്നത്.കൂറ്റൻ എൽ ഇ ഡി സ്‌ക്രീനികളും സത്യപ്രതിജ്ഞാ ചടങ്ങിന്റെ തത്സമയ സംപ്രേഷണത്തിനായി ഒരുക്കിയിട്ടുണ്ട്.പന്തലിന്റെ ഏത് വശത്തിരുന്നാലും കൃത്യമായ കാഴ്ച ഒരുക്കുന്ന തരത്തിലാണ് സ്ക്രീനുകൾ ക്രമീകരിച്ചിരിക്കുന്നത്.

ചുവന്ന പരവതാനി വിരിച്ച പന്തലിൽ വെള്ള വിരിയിട്ട ഇരിപ്പിടങ്ങൾ പോലും കൃത്യമായി അളന്നാണ് അകലം പാലിച്ച് വെച്ചിരിക്കുന്നത്.മന്ത്രിമാരുടെയും മുൻ മന്ത്രി മാരുടെയും പേരുകൾ ഇരിപ്പിടങ്ങളിൽ ആലേഖനം ചെയ്തിട്ടുണ്ട്.

പാർക്കിംഗ് ഏരിയ മുതൽ ഇരിപ്പിടം വരെ ഓരോ മന്ത്രിയെയും വി ഐ പി യെയും എത്തിക്കാൻ പ്രത്യേകം സംവിധാനം ഒരുക്കിയിട്ടുണ്ട്.വൻ സുരക്ഷാ സന്നാഹമാണ് തിരുവനന്തപുരം നഗരത്തിലും സത്യപ്രതിജ്ഞ പന്തലിലും.ഓരോ ഇരിപ്പിടങ്ങൾ അടക്കം ഡോഗ് സ്‌ക്വാഡ് പരിശോധിക്കുന്നുണ്ട്.

മുഖ്യമന്ത്രിയാണ് ആദ്യം സത്യപ്രതിജ്ഞ ചെയ്യുക.സത്യവാചകം ചൊല്ലിക്കൊടുക്കുന്നതിന് പത്ത് മിനുട്ട് മുൻപ് മാത്രമാണ് ഗവർണർ ആരിഫ് മുഹമ്മദ് ഖാൻ വേദിയിലെത്തുക.

സത്യപ്രതിജ്ഞ ചടങ്ങിനെ സംഗീത സാന്ദ്രമാക്കാൻ സംവിധായകൻ ടി കെ രാജീവ് കുമാർ ഒരുക്കിയ നടൻ മമ്മൂട്ടി അവതരിപ്പിക്കുന്ന യേശുദാസും സംഘവും ആലപിച്ച നവ കേരള ഗാനമായ ഗീതാഞ്ജലിയോടെയായിരിക്കും പരിപാടിയുടെ തുടക്കം

സത്യപ്രതിജ്ഞയ്ക്ക് മുൻപ് പിണറായി വിജയനും നിയുക്ത മന്ത്രിമാരും വയലാർ രക്തസാക്ഷി മണ്ഡപത്തിൽ പുഷ്പാർച്ചന നടത്തി.രാവിലെ 9 മണിക്ക് തന്നെ സി പി എമ്മിലെയും സിപി ഐ യിലെയും നിയുക്ത മന്ത്രിമാരും മുഖ്യമന്ത്രിയോടൊപ്പം പുഷ്പാർച്ചന നടത്തി.

മുദ്രാവാക്യം വിളിയാൽ മുഖരിതമായ അന്തരീക്ഷത്തിൽ മുഖ്യമന്ത്രിയാണ് ആദ്യം പുഷ്പാർച്ചന നടത്തിയത് തുടർന്ന് നിയുക്ത മന്ത്രിമാരും നിയുക്ത സ്പീക്കറും എൽ ഡി എഫ് കൺവീനറും പുഷ്പാർച്ചന നടത്തി.തുടർന്ന് വലിയ ചുടുകാട്ടിലും രക്തസാക്ഷികൾക്ക് ആദരാജ്ഞലികൾ അർപ്പിച്ചതിന് ശേഷം തിരുവനന്തപുരത്തേക്ക് മടങ്ങി.

photo | englishmbi.com

വീണ ആരോഗ്യമന്ത്രി , പൊതുമരാമത്ത്- ടൂറിസം മുഹമ്മദ് റിയാസ്, വകുപ്പുകളിൽ മുഖ്യമന്ത്രിയുടെ പ്രഖ്യാപനം അൽപസമയത്തിനകം

L I V E |

തിരുവനന്തപുരം : പിണറായി മന്ത്രിസഭയിൽ മന്ത്രിമാരുടെ വകുപ്പുകൾ സംബന്ധിച്ച ചർച്ചകൾ സിപിഎം സംസ്ഥാന സെക്രട്ടേറിയറ്റ് യോഗത്തിൽ പുരോഗമിക്കുമ്പോൾ മന്ത്രിമാരുടെ വകുപ്പുകൾ സംബന്ധിച്ച് കൂടുതൽ വ്യക്തത വന്നു.

കേരളം ഉറ്റുനോക്കിയ ആരോഗ്യവകുപ്പ് വീണ ജോർജ് കൈ കാര്യം ചെയ്യും.തദ്ദേശ സ്വയംഭരണവും എക്സ്സൈസും എം വി ഗോവിന്ദൻ കൈകാര്യം ചെയ്യുമ്പോൾ കെ എൻ ബാലഗോപാൽ ധനമന്ത്രിയാകും. പി രാജീവ് വ്യവസായം കൈകാര്യം ചെയ്യും. പി എ മുഹമ്മദ് റിയാസ് പൊതുമരാമത്ത് വകുപ്പും ടൂറിസവും ഏറ്റെടുത്തു.

ആർ ബിന്ദു ആയിരിക്കും ഉന്നത വിദ്യാഭ്യാസ വകുപ്പ് മന്ത്രി.കെ രാധാകൃഷ്ണൻ ദേവസ്വം പാർലമെന്ററി പിന്നാക്ക ക്ഷേമ കാര്യ മന്ത്രിയാകും.വി ശിവൻകുട്ടി വിദ്യാഭ്യാസ തൊഴിൽ മന്ത്രിയാകും.വി എൻ വാസവൻ സഹകരണ റജിസ്ട്രഷൻ കൈകാര്യം ചെയ്യും.ആന്റണി രാജു ഗതാഗത മന്ത്രിയാകും.

അഹമ്മദ് ദേവർകോവിൽ തുറമുഖം,വി അബ്ദുറഹ്മാൻ ന്യുനപക്ഷ ക്ഷേമം പ്രവാസി കാര്യം, സജി ചെറിയാൻ ഫിഷറീസ് സാംസ്കാരിക മന്ത്രിയാകും.കെ കൃഷ്ണൻകുട്ടി വൈദ്യുതി മന്ത്രിയാകും.എ കെ ശശീന്ദ്രൻ വനം വകുപ്പ്,റോഷി അഗസ്റ്റിൻ ജലവിഭവം,ജെ ചിഞ്ചുറാണി ക്ഷീരം,മൃഗ സംരക്ഷണം,കെ രാജൻ റവന്യു,പി പ്രസാദ് കൃഷി ,ജി ആർ അനിൽ സിവി സപ്ലൈസ്.

എന്നിങ്ങനെയാണ് മന്ത്രിമാരും അവർ കൈകാര്യം ചെയ്യാൻ പോകുന്ന വകുപ്പുകളും.സി പി എം സംസ്ഥാന സെക്രട്ടേറിയറ്റ് യോഗത്തിൽ തീരുമാനമായത്.മന്ത്രിമാരും അവരുടെ വകുപ്പുകളും സംബന്ധിച്ച ഔദ്യോഗിക പ്രഖ്യാപനം മുഖ്യമന്ത്രി അൽപസമയത്തിനകം നടത്തും.

വ്യക്തികൾക്ക് പ്രാധാന്യമില്ല, പാർട്ടി മന്ത്രിയാക്കി, തികഞ്ഞ സംതൃപ്തി :കെ കെ ശൈലജ

തിരുവനന്തപുരം: കമ്മ്യൂണിസ്റ്റ് പാർട്ടിയിൽ വ്യക്തികൾക്ക് പ്രാധാന്യമില്ലെന്നും പാർട്ടിയാണ് തന്നെ മന്ത്രിയാക്കിയതെന്നും മന്ത്രിയാക്കിയത്കൊണ്ടാണ് നന്നായി പ്രവർത്തിക്കാൻ സാധിച്ചതെന്നും കെ കെ ശൈലജ പ്രതികരിച്ചു.

പാർട്ടി തീരുമാനിച്ചതുകൊണ്ടാണ് താൻ മന്ത്രിയായത്. കഴിയാവുന്നിടത്തോളം ഉത്തരവാദിത്തം നിർവഹിച്ചിട്ടുണ്ട്.അതിൽ സംതൃപ്തിയും ഉണ്ട്.പുതിയതായി വരുന്നതും നല്ല ടീം ആണ്. അവർക്കും നന്നായി പ്രവർത്തിക്കാൻ സാധിക്കും.

മന്ത്രിസ്ഥാനത്തുനിന്ന് മാറുന്നത് കോവിഡ് പ്രതിരോധ പ്രവർത്തനങ്ങളെ ഒരു തരത്തിലും ബാധിക്കില്ല.കാരണം ഇതൊരു സംവിധാനമാണ്.വ്യക്തിയല്ല, ഒരു സംവിധാനമാണ് ഇതെല്ലം നിർവഹിക്കുന്നത്. മുഖ്യമന്ത്രിയുടെ നേതൃത്വത്തിൽ ഒരു വലിയ ടീം ആണ്.

കോവിഡ് പ്രതിരോധത്തിലും വ്യക്തി എന്ന നിലയിലല്ല പ്രവർത്തിച്ചത്.സർക്കാരിന്റെ ഭാഗമായിട്ട് മാത്രമാണ്.ഒരുപാട് ഉദ്യോഗസ്ഥരും നാട്ടുകാരും ചേർന്നുകൊണ്ടാണ് .ആരോഗ്യമന്ത്രി ആയിരുന്നത്കൊണ്ട് അതിന്റെ ഉത്തരവാദിത്തം നിറവേറ്റി എന്നത് മാത്രമാണ്.

മാധ്യമങ്ങൾക്ക് നന്ദി പറഞ്ഞ ശൈലജ ഇനി വരുന്ന മന്ത്രിസഭയ്ക്കും അതെ പിന്തുണ നൽകണമെന്ന് അവർ അഭ്യർത്ഥിച്ചു.

കെ കെ ശൈലജയ്ക്ക് മന്ത്രിസ്ഥാനമില്ല: സിപിഎം മന്ത്രിമാരിൽ എല്ലാവരും പുതുമുഖങ്ങൾ

തിരുവനന്തപുരം: രണ്ടാം പിണറായി മന്ത്രിസഭയിൽ മന്ത്രി കെ കെ ശൈലജയ്ക്ക് മന്ത്രിസ്ഥാനമില്ല . മുഖ്യമന്ത്രി പിണറായി വിജയൻ ഒഴികെ എല്ലാവരും പുതുമഖങ്ങളായിരിക്കുമെന്ന് സിപിഎം സംസ്ഥാന സെക്രട്ടേറിയറ്റ് പത്രക്കുറിപ്പിൽ വ്യക്തമാക്കി.

പിണറായി വിജയൻ ഒഴികെ എല്ലാവരും പുതു മുഖങ്ങൾ ആയിരിക്കട്ടെ എന്ന തീരുമാനം വന്നതോടെയാണ് അപ്രതീക്ഷിത ട്വിസ്റ്റ് ഉണ്ടായത്.എന്നാൽ ആരോഗ്യമന്ത്രിയായി മികച്ച പ്രവർത്തനം കാഴ്ച വെച്ച കെ കെ ശൈലജയെ പരിഗണിക്കണം എന്ന ആവശ്യം ഉയർന്നു വന്നെങ്കിലും പൊതു അഭിപ്രായം പരിഗണിക്കപ്പെടുകയായിരുന്നു.

സംസ്ഥാന സമിതിയിലെ 80 അംഗങ്ങളിൽ 7 അംഗങ്ങൾ ശൈലജ മന്ത്രിയായി തുടരണമെന്ന് ആവശ്യം ഉന്നയിച്ചെങ്കിലും പുതുമുഖങ്ങൾ വരട്ടെ എന്ന പൊതു നിലപാടിൽ എത്തുകയായിരുന്നു.കോടിയേരി ബാലകൃഷ്ണനാണ് പുതുമുഖങ്ങൾ വരട്ടെ എന്ന ആശയം ഇന്നത്തെ സംസ്ഥാന സമിതിയിൽ മുന്നോട്ട് വെച്ചത്.എന്നാൽ കെ കെ ശൈലജ പാർട്ടി വിപ്പ് ആയിരിക്കും.

എം വി ഗോവിന്ദൻ,കെ രാധാകൃഷ്ണൻ,കെ എൻ ബാലഗോപാൽ, സജി ചെറിയാൻ, വി ശിവൻ കുട്ടി, പി രാജീവ് ,വി എൻ വാസവൻ, വി അബ്ദുറഹിമാൻ, പി എ മുഹമ്മദ് റിയാസ് ,വീണ ജോർജ് ,ആർ ബിന്ദു,എന്നിവരും മന്ത്രിയാകും.എം ബി രാജേഷ് സ്പീക്കറായിരിക്കും.

കെ കെ ശൈലജയ്ക്ക് രണ്ടാമൂഴം: പുതുമുഖങ്ങൾ നിറഞ്ഞ പിണറായി മന്ത്രിസഭയിൽ 21 മന്ത്രിമാർ

തിരുവനന്തപുരം : രണ്ടാം പിണറായി മന്ത്രിസഭയിൽ പുതുമുഖങ്ങൾക്ക് അവസരം നൽകും. കെ കെ ശൈലജയ്ക്ക് രണ്ടാമൂഴം.

പ്രമുഖരായ പുതുമുഖങ്ങളിൽ എം വി ഗോവിന്ദൻ,സജി ചെറിയാൻ, വി ശിവൻ കുട്ടി, പി രാജീവ് ,കെ രാധാകൃഷ്ണൻ,വി എൻ വാസവൻ, കെ എൻ ബാലഗോപാൽ,പി നന്ദകുമാർ എന്നിവർ മന്ത്രിമാരാകും. പി എ മുഹമ്മദ് റിയാസും എം ബി രാജേഷും വീണ ജോർജും ഉണ്ടാകും.

മന്ത്രിസ്ഥാനങ്ങൾ എങ്ങിനെ വീതം വെക്കണമെന്ന കാര്യത്തിൽ എൽ ഡി എഫ് യോഗത്തിൽ ധാരണയായി.സിപിഎമ്മിന് ഇത്തവണ 12 മന്ത്രിമാർ മാത്രമായിരിക്കും.കഴിഞ്ഞതവണ 13 മന്ത്രിമാരായിരുന്നു.

സിപിഐയ്ക്ക് നാല് മന്ത്രിസ്ഥാനവും ഡെപ്യൂട്ടി സ്പീക്കർ സ്ഥാനവും ലഭിക്കും.കേരള കോൺഗ്രസ് എമ്മിന് ഒരു മന്ത്രി സ്ഥാനവും ചീഫ് വിപ്പ് സ്ഥാനവും, ജെ ഡി എസ്, എൻ സി പി എന്നിവർക്ക് ഒരു മന്ത്രിസ്ഥാനവും എന്ന തരത്തിലാണ് നിലവിൽ തീരുമാനമായത്.ശേഷിക്കുന്ന രണ്ട് മന്ത്രിസ്ഥാനങ്ങൾ നാല് ചെറു കക്ഷികൾക്കായി രണ്ടര വര്ഷം വീതം എന്ന നിലയിൽ വീതം വെക്കാനും ധാരണയായിട്ടുണ്ട്.

കേരള കോൺഗ്രസ് എമ്മിന് വൈദ്യുത വകുപ്പ് നൽകിയേക്കും എന്നാണ് സൂചന.റോഷി അഗസ്റ്റിനായിരിക്കും മന്ത്രിയാവുക. എൻ ജയരാജിന് ചീഫ് വിപ്പ് സ്ഥാനം നൽകും.കഴിഞ്ഞ തവണത്തെ വകുപ്പുകൾ വിട്ടു നൽകില്ല എന്നതാണ് സിപിഐ തീരുമാനം.ഇത് സിപിഎമ്മിനെ അറിയിച്ചിട്ടുണ്ട്.അനുകൂല നിലപാടാണ് ഇക്കാര്യത്തിൽ സിപിഎമ്മിന് എന്നറിയുന്നു.

നാളെ എൽ ഡി എഫ് പാർലമെന്ററി പാർട്ടി യോഗം ചേരും.മന്ത്രിമാരുടെ വകുപ്പ് മുഖ്യമന്ത്രി തീരുമാനിക്കുമെന്നും എല്ലാ വിഭാഗത്തിനും പ്രാധാന്യമുണ്ടാകുമെന്നും സിപിഎം സംസ്ഥാന സെക്രട്ടറി എ വിജയരാഘവൻ പറഞ്ഞു.

“സൗമ്യ ഇസ്രയേലിന്റെ മാലാഖ “, കുടുംബത്തെ സംരക്ഷിക്കും: ഇസ്രയേൽ കോൺസൽ ജനറൽ ജോനാഥൻ സഡ്ക

ഇടുക്കി: ഇസ്രയേലിൽ തീവ്രവാദി ആക്രമണത്തിൽ കൊല്ലപ്പെട്ട സൗമ്യ സന്തോഷിന് ആദരാജ്ഞലികൾ അർപ്പിക്കാൻ എത്തിയ ഇസ്രായേൽ കോൺസൽ ജനറൽ ജോനാഥൻ സഡ്ക സൗമ്യയുടെ കുടുംബത്തെ സംരക്ഷിക്കുമെന്ന് വ്യക്തമാക്കി.

സൗമ്യ തീവ്രവാദത്തിന്റെ ഇരയാണെന്നും , അവരെ ഇസ്രയേലിന്റെ മാലാഖയായി കാണുന്നുവെന്നും കുടുംബത്തെ സംരക്ഷിക്കുമെന്നും അദ്ദേഹം പറഞ്ഞു.

ഇടുക്കി കീരിത്തോട്ടെ സൗമിയുടെ വീട്ടിലെത്തി ആദരാജ്ഞലികൾ അർപ്പിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

സൗമ്യയുടെ അന്ത്യയാത്ര ഇന്ന്, ഇസ്രായേൽ കോൺസൽ ജനറൽ ആദരാഞ്ജലി അർപ്പിക്കാൻ വീട്ടിൽ

L I V E |

കീരിത്തോട് (ഇടുക്കി ) : ഇസ്രായേലിൽ ഹമാസ് റോക്കറ്റ് ആക്രമണത്തിൽ കൊല്ലപ്പെട്ട സൗമ്യ സന്തോഷിന്റെ മൃതദേഹം ഇന്ന് ഉച്ചയ്ക്ക് സംസ്കരിക്കും.ആദരാജ്ഞലികൾ അർപ്പിക്കാൻ ഇസ്രായേൽ സൗത്ത് ഇന്ത്യ കോൺസൽ ജനറൽ സൗമ്യയുടെ വീട്ടിൽ എത്തി.

ഉച്ചയ്ക്ക് 12 മണിയോടെ കീരിത്തോട് നിത്യസഹായ മാതാ പള്ളിയിലാണ് സംസ്കാര ശുശ്രൂഷകൾ നടക്കുക എന്ന് ബന്ധുക്കൾ അറിയിച്ചു.കോവിഡ് പ്രോട്ടോകോൾ പാലിച്ചുകൊണ്ട് നൂറുകണക്കിന് ആളുകൾ ആദരാജ്ഞലികൾ അർപ്പിക്കുന്നു.

സൗമ്യയുടെ വീട് സന്ദർശിക്കുന്ന ഇസ്രായേൽ കോൺസൽ ജനറൽ അവരുടെ വീടിന്റെ അവസ്ഥ നേരിൽ കണ്ട് മനസിലാക്കി.നാട്ടുകാർ ഉയർന്ന ഉദ്യോഗസ്ഥർ നാട്ടുകാരുമായും സംസാരിച്ച് കാര്യങ്ങൾ മനസിലക്കിയിട്ടുണ്ട്.കുടുംബത്തിന് വേണ്ട സഹായം ലഭ്യമാക്കുമെന്ന സൂചനകൾ നൽകിയ കോൺസൽ ജനറൽ അൽപ സമയത്തിനകം മാധ്യമങ്ങളെ കാണും.

NEXT STORY

http://www.jginews.in/soumya-the-angel-of-is-israel-says-israel-south-india-consul-general-jonathan-sadka-today/

സൗമ്യയുടെ മൃതദേഹം നെടുമ്പാശ്ശേരിയിൽ എത്തിച്ചു,ബന്ധുക്കൾ ഏറ്റുവാങ്ങി

കൊച്ചി: ഇസ്രായേലിൽ ഹമാസിന്റെ റോക്കറ്റ് ആക്രമണത്തിൽ കൊല്ലപ്പെട്ട സൗമ്യ സന്തോഷിന്റെ മൃതദേഹം നെടുമ്പാശ്ശേരി വിമാനത്താവളത്തിൽ എത്തിച്ചു.ബന്ധുക്കൾ ഏറ്റുവാങ്ങി, വികാര നിർഭരമായ രംഗങ്ങൾ .

ഇന്ന് പുലർച്ചയോടെ ഇസ്രായേലിൽ നിന്നുള്ള പ്രത്യേക വിമാനത്തിൽ ഡൽഹി അന്താരാഷ്ട്ര വിമാനത്താവളത്തിൽ എത്തിച്ച മൃതദേഹം കേന്ദ്ര വിദേശകാര്യ സഹമന്ത്രി വി മുരളീധരൻ ഏറ്റുവാങ്ങി.

ഇന്ത്യയിലെ ഇസ്രായേൽ എംബസ്സി പ്രതിനിധികളും ആദരാജ്ഞലികൾ അർപിപ്പിക്കാൻ എത്തിയിരുന്നു.ഉച്ചയ്ക്ക് ശേഷമുള്ള എയർ ഇന്ത്യ വിമാനത്തിലാണ് മൃതദേഹം കൊച്ചിയിലെത്തിച്ചത്.

സൗമ്യയുടെ ഭർതൃ സഹോദരനും ഭാര്യയും കുടുംബാംഗങ്ങളും നാട്ടുകാരും വിമാനത്താവളത്തിൽ എത്തിയിരുന്നു.വികാര നിർഭരമായ രംഗങ്ങളാണ് വിമാനത്താവളത്തിൽ ഉണ്ടായത്. ബന്ധുക്കളും നാട്ടുകാരും പൊട്ടിക്കരയുന്ന കാഴ്ച കാണാമായിരുന്നു.ഡീൻ കുര്യാക്കോസ് എം പി യും പി ടി തോമസ് എം എൽ എ യും വിമാനത്താവളത്തിൽ എത്തിയിരുന്നു.

മൃതദേഹം അല്പസമയം മുൻപ് സൗമ്യയുടെ സ്വദേശമായ ഇടുക്കി കീഴിത്തോടെക്ക് കൊണ്ടുപോയി.സംസ്കാരം നാളെ ഉച്ചയ്ക്ക് നടക്കും.

കേന്ദ്രസർക്കാർ സംസ്ഥാനങ്ങൾക്ക് നൽകിയ വെന്റിലേറ്ററുകളുടെ കണക്കെടുപ്പ് ഉടൻ നടത്തണമെന്ന് പ്രധാനമന്ത്രി

ന്യൂഡൽഹി: കേന്ദ്രസർക്കാർ സംസ്ഥാനങ്ങൾക്ക് നൽകിയ വെന്റിലേറ്ററുകളുടെ കണക്കെടുപ്പ് ഉടൻ നടത്തണമെന്ന് പ്രധാനമന്ത്രി നരേന്ദ്ര മോദി.

രാജ്യത്തെ കോവിഡ് വ്യാപനം വിലയിരുത്താൻ ചേർന്ന ഉന്നതതല യോഗത്തിലാണ് പ്രധാനമന്ത്രിയുടെ നിർദേശം.ഗ്രാമീണ മേഖലയിൽ കോവിഡ് പരിശോധനയും ഓക്സിജൻ വിതരണവും കാര്യക്ഷമമാക്കണമെന്ന് പ്രധാനമന്ത്രി പറഞ്ഞു.

സംസ്ഥാനങ്ങൾക്ക് നൽകിയ വെന്റിലേറ്ററുകൾ ചില സംസ്ഥാനങ്ങൾ ഉപയോഗിക്കാതെ വെച്ചിരിക്കയാണെന്ന റിപ്പോർട്ടുകളുടെ അടിസ്ഥാനത്തിലാണ് പ്രധാനമന്ത്രിയുടെ ഇടപെടൽ. അവശ്യം വേണ്ടുന്ന സംസ്ഥാനങ്ങൾക്ക് ഇത് ഉപയോഗിക്കാം എന്നാണ് കണക്ക് കൂട്ടൽ.വെന്റിലേറ്ററുകൾ ഉപയോഗിക്കുന്നത് സംബന്ധിച്ച് ആരോഗ്യപ്രവർത്തകർക്ക് പരിശീലനം നൽകണമെന്നും പ്രധാനമന്ത്രി നിർദേശിച്ചു.

ടെസ്റ്റ് പോസിറ്റിവിറ്റി നിരക്ക് കൂടുതലുള്ള പ്രദേശങ്ങളിൽ പരിശോധനകൾ കൂട്ടണം.പ്രാദേശികമായി കണ്ടൈൻമെൻറ് സോണുകൾ ആക്കുക എന്ന രീതി അവലംബിക്കുന്നതാണ് നല്ലത്.വീടുകളിലെത്തി പരിശോധന നടത്തുന്നതും ഉചിതമായിരിക്കും.

ക്യാബിനറ്റ് സെക്രട്ടറി ഉൾപ്പെടെയുള്ള ഉന്നതോദ്യോഗസ്ഥർ പ്രധാനമന്ത്രി വിളിച്ചു ചേർത്ത യോഗത്തിൽ പങ്കെടുത്തു.വിവിധ വകുപ്പുകളുടെയും മന്ത്രാലയങ്ങളുടെയും പ്രതിനിധികൾ പങ്കെടുത്തു.രാജ്യത്തെ വാക്‌സിനേഷൻ നടപടികൾ അംബന്ധിച്ച കാര്യങ്ങളും യോഗത്തിൽ വിലയിരുത്തി.

സൗമ്യയുടെ മൃതദേഹവുമായി പ്രത്യേക വിമാനം ടെൽ അവീവിൽനിന്ന് പുറപ്പെട്ടു

L I V E |

ടെൽ അവീവ് :ഇസ്രായേലിൽ ഹമാസ് റോക്കറ്റ് ആക്രമണത്തിൽ കൊല്ലപ്പെട്ട മലയാളി സൗമ്യ സൗമ്യ സന്തോഷിന്റെ മൃതദേഹം വഹിച്ചുകൊണ്ടുള്ള ഇസ്രായേൽ പ്രത്യേക വിമാനം ടെൽ അവീവിൽനിന്ന് പുറപ്പെട്ടു.

ടെൽ അവീവിലെ ഇന്ത്യൻ എംബസിയും ഇസ്രായേൽ വിദേശകാര്യ മന്ത്രാലയവുമാണ് ദ്രുതഗതിയിൽ നടപടികൾ പൂർത്തിയാക്കിയത്.

വിമാനം ഡൽഹി അന്താരാഷ്ട്ര വിമാനത്താവളത്തി ൽ രാവിലെ 6 മണിക്ക് ഇറങ്ങും. കേന്ദ്ര വിദേശകാര്യ സഹമന്ത്രി വി മുരളീധരൻ വിമാനത്താവളത്തിലെത്തി മൃതദേഹം ഏറ്റുവാങ്ങും.

ശനിയാഴ്ച ഉച്ചയ്ക്ക് എയർ ഇന്ത്യ വിമാനത്തിൽ മൃതദേഹം കൊച്ചിയിലെത്തിക്കും.നെടുമ്പാശ്ശേരി വിമാനത്താവളത്തിൽ മൃതദേഹം ബന്ധുക്കൾക്ക് കൈമാറുമെന്നും മന്ത്രി വി മുരളീധരൻ അറിയിച്ചു.

ഇന്ത്യൻ വിദേശകാര്യ മന്ത്രാലയത്തിന്റെയും ടെൽ അവീവിലെ ഇന്ത്യൻ എംബസ്സിയുടെയും ഇടപെടലിനെ തുടർന്നാണ് ഇസ്രായേൽ ആരോഗ്യമന്ത്രാലയത്തിന്റെ നടപടി ക്രമങ്ങളും എംബാമിങ്ങും വേഗത്തിൽ പൂർത്തിയാക്കിയത്.

കഴിഞ്ഞ ദിവസമാണ് ഇസ്രായേലിലെ അഷ്കലോണിൽ ഹമാസ് റോക്കറ്റ് ആക്രമണത്തിൽ സൗമ്യ കൊല്ലപ്പെട്ടത്.

കോവിഡ് ജുഡീഷ്യറിയെ രൂക്ഷമായി ബാധിക്കുന്നു: ചീഫ് ജസ്റ്റിസ് എൻ വി രമണ

ന്യൂഡൽഹി: വലിയ കോവിഡ് പ്രതിസന്ധിയിലൂടെയാണ് രാജ്യത്തെ ജുഡീഷ്യറി കടന്നു പോകുന്നതെന്ന് ചീഫ് ജസ്റ്റിസ് എൻ വി രമണ പറഞ്ഞു.

കോവിഡ് ജുഡിഷ്യറിയെക്കൂടി ഗുരുതരമായി ബാധിച്ചിരിക്കയാണെ ന്ന് അദ്ദേഹം പറഞ്ഞു.രാജ്യത്തെ കോടതികളിൽ ജഡ്ജിമാരും ജീവനക്കാരും കോവിഡിന്റെ പിടിയിലായത് ആശങ്കയുണർത്തുന്നു.

2768 വിചാരണ കോടതികളിലെ ജഡ്ജിമാർ കോവിഡ് ബാധിതനാണ്. 34 വിചാരണ കോടതി ജഡ്ജിമാരും 3 ഹൈക്കോടതി ജഡ്ജിമാരും കോവിഡ് ബാധിച്ച് മരിച്ചു.

രാജ്യത്തെ 106 ഹൈക്കോടതി ജഡ്ജിമാർ കോവിഡ് ചികിത്സയിലാണ്. 800ൽ അധികം കോടതി ജീവനക്കാരും ചികിത്സയിലാണ്. സുപ്രീം കോടതിയിലെ 6 റജിസ്ട്രാർമാരും 10 അഡിഷണൽ റജിസ്ട്രാർമാറും കോവിഡ് പോസിറ്റീവാണ്. ചീഫ് ജസ്റ്റിസ് പറഞ്ഞു.

വൈറസ് വകഭേദങ്ങൾക്ക് രാജ്യങ്ങളുടെ പേര് നൽകാറില്ല: വിശദീകരണവുമായി ലോകാരോഗ്യ സംഘടന

ജനീവ: വൈറസ് വകഭേദങ്ങൾക്ക് സാധാരണയായി രാജ്യങ്ങളുടെ പേര് നൽകാറില്ലെന്ന് ലോകാരോഗ്യ സംഘടന വ്യക്തമാക്കി.വൈറസ് വകഭേദങ്ങൾക്ക് ശാസ്ത്രീയനാമങ്ങൾ മാത്രമാണ് നൽകാറുള്ളത് എന്നും WHO അറിയിച്ചു.

B.1.617 കൊറോണ വൈറസ് വകഭേദത്തെ ഇന്ത്യൻ വകഭേദമെന്ന് ലോകാരോഗ്യസംഘടന വിശേഷിപ്പിച്ചിട്ടില്ലെന്ന് കേന്ദ്രസർക്കാർ വ്യക്തമാക്കിയതിന് പിന്നാലെയാണ് ലോകാരോഗ്യ സംഘടന ഇക്കാര്യം വ്യക്തമാക്കിയത്.

കൊറോണ വൈറസിന്റെ ഇന്ത്യൻ വകഭേദം എന്ന തരത്തിൽ വ്യാപകമായ പ്രചാരണങ്ങൾ നടക്കുന്നതായും ഇത് അടിസ്ഥാന രഹിതമാണെന്നും കേന്ദ്രസർക്കാർ അറിയിച്ചു.

B.1.617 കൊറോണ വൈറസ് വകഭേദം സംബന്ധിച്ച ലോകാരോഗ്യ സംഘടനയുടെ 32 പേജുള്ള പഠന റിപ്പോർട്ടിൽ ' ഇന്ത്യൻ വാരിയന്റ് ' എന്ന് എവിടെയും വിശേഷിപ്പിച്ചിട്ടില്ല.എന്നാൽ വൈറസ് വകഭേദം ആഗോള ഉൽക്കണ്ഠയിൽപ്പെടുന്ന വൈറസ് ആണെന്ന് ലോകാരോഗ്യ സംഘടന പറഞ്ഞിട്ടുണ്ട്.ലോകത്ത് ഇരുപതോളം രാജ്യങ്ങളിൽ ഈ വൈറസ് വകഭേദം കണ്ടെത്തിയിട്ടുണ്ട്.

കോവിഡ് വ്യാപനം വിലയിരുത്താൻ കേന്ദ്ര ആരോഗ്യമന്ത്രി യോഗം വിളിച്ചു

ന്യൂഡൽഹി: വിവിധ സംസ്ഥാനങ്ങളിലെ കോവിഡ് വ്യാപനം വിലയിരുത്താൻ കേന്ദ്ര ആരോഗ്യമന്ത്രി ഡോ.ഹർഷവർധൻ ആരോഗ്യമന്ത്രിമാരുടെ അടിയന്തിര യോഗം വിളിച്ചു.

കോവിഡ് വ്യാപനം രൂക്ഷമായ 8 സംസ്ഥാനങ്ങളിലെ ആരോഗ്യമന്ത്രിമാർ പങ്കെടുക്കും.കോവിഡ് വ്യാപനം , പ്രതിരോധം,വാക്‌സിനേഷൻ സംബന്ധിച്ച കാര്യങ്ങൾ യോഗത്തിൽ ചർച്ച ചെയ്യുമെന്ന് കേന്ദ്ര ആരോഗ്യമന്ത്രിയുടെ ഓഫീസ് അറിയിച്ചു.

കാസർഗോഡ് വീണ്ടും ഓക്സിജൻ ക്ഷാമം: രോഗികളെ മംഗളൂരുവിലേക്ക് മാറ്റി

കാസർഗോഡ്: കാസർഗോഡ് ഇ കെ നായനാർ ആശുപത്രിയിലെ ഓക്സിജൻ ക്ഷാമം രൂക്ഷമായി.2 മണിക്കൂർ നേരത്തെ ഉപോയോഗത്തിന് മാത്രമുള്ള ഓക്സിജൻ മാത്രമാണ് ആശുപത്രിയിൽ ഉള്ളത്.

ഗുരുതരാവസ്ഥയായിലുള്ളതും ഓക്സിജൻ ആവശ്യമുള്ളതുമായ മൂന്ന് രോഗികളെ മംഗളൂരുവിലേക്ക് മാറ്റി.
ഇന്നലെ മുതൽ കാസർഗോഡ് കിംസ് സൺറൈസ് ആശുപത്രിയിലും ഇ കെ നായനാർ ആശുപത്രിയിലും ഓക്സിജൻ ക്ഷാമം തുടങ്ങിയത് വലിയ വാർത്തയായിരുന്നു.

രണ്ട് ആശുപത്രികളും ഇന്നലത്തെ ഉപയോഗത്തിനായി കണ്ണൂരിൽ നിന്നും തളിപ്പറമ്പിൽ നിന്നും ഓക്സിജൻ സംഘടിപ്പിച്ച് പ്രതിസന്ധി പരിഹരിച്ചിരുന്നു.എന്നാൽ ഇന്ന് വീണ്ടും ക്ഷാമം നേരിടുകയായിരുന്നു.

മംഗളൂരുവിൽനിന്നുള്ള ഓക്സിജൻ ലഭ്യത നിലച്ചതാണ്‌ ക്ഷാമത്തിന് കാരണമായതെന്ന് ആശുപത്രി വൃത്തങ്ങൾ അറിയിച്ചു.

തിരക്കഥാകൃത്ത് ഡെന്നിസ് ജോസെഫ് അന്തരിച്ചു

BREAKING |

കോട്ടയം: പ്രശസ്ത തിരക്കഥാകൃത്തും സംവിധായകനുമായ ഡെന്നിസ് ജോസഫ് അന്തരിച്ചു.കോട്ടയത്തെ സ്വകാര്യ ആശുപത്രിയിലായിരുന്നു അന്ത്യം.

വീട്ടിൽ കുഴഞ്ഞു വീണതിനെ തുടർന്ന് ആശുപത്രിയിലെത്തിച്ചെങ്കിലും രക്ഷിക്കാനായില്ല.

മലയാളത്തിന്റെ സൂപ്പർ താരങ്ങളെ സൃഷ്‌ടിച്ച പ്രിയ കഥാകാരനായ ഡെന്നിസ് ജോസഫ് എക്കാലത്തെയും സൂപ്പർ ഹിറ്റുകളുടെ തിരക്കഥാകൃത്തായിരുന്നു.

5 സിനിമകൾ സംവിധാനം ചെയ്തിട്ടുണ്ട്.രാജാവിന്റെ മകൻ,ന്യൂഡൽഹി,ഭൂമിയിലെ രാജാക്കന്മാർ,അഥർവം,മനു അങ്കിൾ,തുടർക്കഥ,നിറക്കൂട്ട്,നായർ സാബ്,നമ്പർ 20 മദ്രാസ് മെയിൽ,അപ്പു,ആകാശദൂത്,അഗ്രജൻ തുടങ്ങിയവയാണ് ഡെന്നിസ് തിരക്കഥയെഴുതിയ സൂപ്പർ ഹിറ്റുകൾ

1985 ജേസി സംവിധാനം ചെയ്ത ഈറൻ സന്ധ്യ സിനിമയ്ക്ക് തിരക്കഥയെഴുതിയാണ് തുടക്കം.പിന്നീട് തിരിഞ്ഞു നോക്കേണ്ടി വന്നില്ല ഡെന്നിസ് ജോസെഫ് എന്ന തിരക്കഥ കൃത്തിന്റെ ഇന്ദ്രജാലമായിരുന്നു മലയാള സിനിമ കണ്ടത്.ഈറൻ സന്ധ്യയും നിറക്കൂട്ടും ശ്യാമയും സൂപ്പർ ഹിറ്റുകളായതോടെ സൂപ്പർ താരങ്ങളെ സൃഷ്ടിക്കുന്ന അവിഭാജ്യ ഘടകമായി മാറി ഡെന്നിസ് ജോസെഫ് എന്ന തിരക്കഥ കൃത്ത്.

1986ൽ പുറത്തിറങ്ങിയ ഡെന്നിസ് തിരക്കഥയെഴുതിയ രാജാവിന്റെ മകൻ മോഹൻലാൽ എന്ന താരത്തിന്റെ ജീവിതത്തിലെ വഴിത്തിരിവായി മാറിയപ്പോൾ തൊട്ടടുത്ത വർഷം 1987 ൽ പുറത്തിറങ്ങിയ ന്യൂഡൽഹി മമ്മൂട്ടി എന്ന മെഗാസ്റ്റാറിന്റെ സിനിമ ജീവിതത്തെയും മാറ്റി മറിച്ചു.

1957 ഒക്ടോബർ 20ന് കോട്ടയം ഏറ്റുമാനൂരിൽ എം എൻ ജോസഫിന്റെയും ഏലിയാമ്മയുടെയും മകനായി ജനിച്ച ഡെന്നിസ് ഏറ്റുമാനൂർ സർക്കാർ ഹൈസ്കൂളിൽനിന്ന് പ്രാഥമിക വിദ്യാഭ്യാസവും കുറവിലങ്ങാട് ദേവമാതാ കോളേജിൽനിന്ന് ബിരുദവും നേടി.

വളരെ പെട്ടന്ന് തന്റെ തന്റെ കരിയർ സിനിമയാണെന്ന് തിരിച്ചറിഞ്ഞ ഡെന്നിസ് ജോസെഫ് ആദ്യമായി സംവിധാനം ചെയ്ത മമ്മൂട്ടി ചിത്രം മനു അങ്കിൾ ദേശീയ പുരസ്‌കാരം നേടിയിരുന്നു.

കോവിഡ് രോഗിയിൽനിന്ന് അധിക ചാർജ് വാങ്ങിയ ആശുപത്രിക്കെതിരെ കേസെടുത്തു

LIVE |

കൊച്ചി: കോവിഡ് രോഗിയിൽനിന്ന് അധിക ചികിത്സാ ഫീസ് ഈടാക്കിയ സ്വകാര്യ ആശുപത്രിക്കെതിരെ കേസെടുത്തു.

ആലുവയിലെ അൻവർ മെമ്മോറിയൽ ആശുപത്രിക്കെതിരെയാണ് പോലീസ് കേസെടുത്തത്.സ്വകാര്യ ആശുപത്രികളുടെ കോവിഡ് കൊള്ളക്കെതിരെ ഹൈക്കോടതിയും ഇടപെട്ടു.വിധി അൽപസമയത്തിനകം.

ആലുവയിലെ അൻവർ മെമ്മോറിയൽ ആശുപത്രിയിൽ ചികിത്സ തേടിയ പത്ത് ദിവസം ആശുപത്രിയിൽ കിടന്ന രോഗിയിൽനിന്ന് 44000 രൂപ ഈടാക്കിയെന്നാണ് പരാതി.ഇതിൽ 37352 രൂപ പി പി ഇ കിറ്റിന് ചാർജ് വാങ്ങി എന്നും രോഗി തന്നെ പരാതി ഉന്നയിച്ചിരുന്നു.മൊത്തം ഒരു ലക്ഷത്തിലധികമാണ് ഇദ്ദേഹത്തിന് ബിൽ വന്നത്.

പരാതി പരിശോധിക്കാൻ ജസ്റ്റിസ് ദേവൻ രാമചന്ദ്രൻ ഇന്നലെ ഉത്തരവിട്ടു.ഐ എം എ ഭാരവാഹികളും ആശുപത്രി സന്ദർശിച്ച് ഹൈക്കോടതിക്ക് റിപ്പോർട്ട് സമർപ്പിച്ചിട്ടുണ്ട് .ഇതുസംബന്ധിച്ച ഹൈക്കോടതി വിധി അൽപ സമയത്തിനകം വരും.

സംഭവത്തിൽ അന്വേഷണത്തിന് എറണാകുളം ജില്ലാ കലക്ടർ എസ് സുഹാസും ഉത്തരവിട്ടിരുന്നു.ഹൈക്കോടതി ഇടപെടലിന്റെ പശ്ചാത്തലത്തിലാണ് ആശുപത്രിക്കെതിരെ പോലീസ് കേസെടുത്തത്.

സംസ്ഥാനം അടച്ചുപൂട്ടലിൽ,നിയന്ത്രണങ്ങൾ കടുപ്പിച്ച് പോലീസ്

തിരുവനന്തപുരം: കോവിഡ് വ്യാപന പശ്ചാത്തലത്തിൽ സംസ്ഥാനത്ത് പ്രഖ്യാപിച്ച ലോക്ക് ഡൗൺ പ്രാബല്യത്തിൽ.നിലവിൽ മെയ് 16 വരെയാണ് സംസ്ഥാനം അടച്ചുപൂട്ടുക.

അനാവശ്യയമായി പുറത്തിറങ്ങുന്നവരെ തിരിച്ചയച്ചും, കേസെടുത്തും വാഹനങ്ങൾ പിടിച്ചെടുത്തും നിയന്ത്രണങ്ങൾ കടുപ്പിച്ചിരിക്കയാണ് പോലീസ്.

ലോക്ക് ഡൗണിൽഏർപ്പെടുത്തിയ ഇളവുകൾ അപ്രായോഗികമാണെന്ന് ഇന്നലെ സംസ്ഥാന പോലീസ് സർക്കാരിന് റിപ്പോർട്ട് നൽകിയിരുന്നെങ്കിലും നേരത്തെ പ്രഖ്യാപിക്കപ്പെട്ട ഇളവുകൾ സർക്കാർ പിൻവലിക്കാത്ത സാഹചര്യത്തിലാണ് പോലീസ് നിലപാട് കടുപ്പിച്ചത്.

തിരുവനന്തപുരത്തും എറണാകുളത്തും കോഴിക്കോടും രാവിലെ സ്വകാര്യ സ്ഥാപനങ്ങളിലേക്കുള്ള ജീവനക്കാരുടെ ഒഴുക്ക് ഉണ്ടായതൊഴിച്ചാൽ സംസ്ഥാനത്ത് ആളുകൾ ലോക്ക് ഡൗണിനോട് മികച്ച സഹകരണം കാണിക്കുന്നുണ്ട്.

ടെസ്റ്റ് പോസിറ്റിവിറ്റി നിരക്ക് 30.77ൽ എത്തിയ കൊച്ചിയിൽ സ്ഥിതി അതീവ ഗുരുതരമായതിനാൽ ജില്ലാ ഭരണകൂടത്തിന്റെ നേരിട്ടുള്ള നിയന്ത്രണത്തിൽ.

ജില്ലാ അതിർത്തികൾ മുതൽ നഗരത്തിലെ ചെറിയ റോഡുകൾ പോലും അടച്ച് പോലീസ് കാവൽ നിൽക്കുന്നുണ്ട്.സിറ്റി പോലീസ് കമ്മീഷണർ സി എച്ച് നാഗരാജുവിന്റെ നേരിട്ടുള്ള നിയന്ത്രണത്തിലാണ് ഇവിടെ പോലീസ് നടപടി.

ആഭ്യന്തര വകുപ്പ് റിപ്പോർട്ട് നൽകിയില്ല ,ബംഗാൾ ചീഫ് സെക്രട്ടറിയെ ഗവർണ്ണർ വിളിപ്പിച്ചു

L I V E |

കൊൽക്കത്ത: ബംഗാൾ ചീഫ് സെക്രട്ടറിയെ ഗവർണർ വിളിപ്പിച്ചു.

പശ്ചിമ ബംഗാൾ കലാപം സംബന്ധിച്ച റിപ്പോർട്ട് തേടിയ ഗവർണ്ണർക്ക് സംസ്ഥാന ആഭ്യന്തര വകുപ്പ് റിപ്പോർട്ട് നൽകാത്ത പശ്ചാത്തലത്തിലാണ് ഗവർണർ ജഗദീപ് ധനകർ ബംഗാൾ ചീഫ് സെക്രട്ടറിയെ വിളിപ്പിച്ചത്.

ഇന്ന് വൈകുന്നേരം 7 മണിക്ക് മുൻപായി രാജ് ഭവനിലെത്തി ഗവർണറെ കാണണം എന്നാണ് നിർദേശം.ഇത് ഗവർണർ പശ്ചിമ ബംഗാളിന്റെ ട്വിറ്റർ ഹാൻഡിലും പോസ്റ്റ് ചെയ്തിട്ടുണ്ട്.

സംസ്ഥാന പോലീസ് മേധാവിയും അഡിഷണൽ ചീഫ് സെക്രട്ടറിയും ബംഗാൾ കലാപം സംബന്ധിച്ച റിപ്പോർട്ട് ഗവർണ്ണർക്ക് കൈമാറിയിരുന്നില്ല.ഇതിന്റെ പശ്ചാത്തലത്തിലാണ് ചീഫ് സെക്രട്ടറിയെ വിളിപ്പിച്ചത്.

എന്നാൽ 48 മണിക്കൂറിനുള്ളിൽ റിപ്പോർട്ട് കൈമാറാൻ ആവശ്യപ്പെട്ട് കേന്ദ്ര ആഭ്യന്തര മന്ത്രാലയം അയച്ച ഉന്നത തല സംഘം ഇന്ന് ഗവർണ്ണർക്ക് റിപ്പോർട്ട് സമർപ്പിക്കും.

ബംഗാൾ മുഖ്യമന്ത്രി മമത ബാനർജിയുടെ സത്യപ്രതിജ്ഞ ചടങ്ങിൽ തന്നെ ഗവർണർ ജഗദീപ് ധനകർ സംസ്ഥാനത്തെ
ക്രമസമാധാന തകർച്ചയെക്കുറിച്ച് മുഖ്യമന്ത്രിയോട് നേരിട്ട് സൂചിപ്പിച്ചിരുന്നു.

photo credit | pti/republicworld

https://twitter.com/jdhankhar1/status/1390892847818182659/photo/1

കേന്ദ്ര മന്ത്രി വി മുരളീധരന്റെ വാഹനവ്യൂഹത്തിനെ നേരെ പശ്ചിമ ബംഗാളിൽ ആക്രമണം

കേന്ദ്രമന്ത്രി വി മുരളീധരന്റെ വാഹനവ്യഹത്തിന് നേരെ പാഞ്ഞടുക്കുന്ന അക്രമികൾ

BREAKING NEWS | L I V E

മിഡ്‌നാപുർ: കേന്ദ്ര വിദേശകാര്യ സഹമന്ത്രി വി മുരളീധരന്റെ വാഹന വ്യൂഹത്തിന് നേരെ ആക്രമണം.പശ്ചിമ ബംഗാളിലെ വെസ്റ്റ് മിഡ്നാപൂരിൽ വെച്ചാണ് മുരളീധരന് നേരെ ആക്രമണം ഉണ്ടായത്.

തിരഞ്ഞെടുപ്പിന് ശേഷം പശ്ചിമ ബംഗാളിലെ ബിജെപി പ്രവർത്തകർക്ക് നേരെ തൃണമൂൽ കോൺഗ്രസ് പ്രവർത്തകർ ആക്രമണം നടത്തിയിരുന്നു.ആക്രമണം നടന്ന പ്രദേശങ്ങളിൽ സന്ദർശനം നടത്തുകയായിരുന്നു,വി മുരളീധരനും ബിജെപി ദേശീയ അധ്യക്ഷൻ ജെ പി നദ്ദയുമടങ്ങുന്ന സംഘം.

മുരളീധരന് നേരെ നടന്ന ആക്രമണത്തിൽ വാഹനത്തിന്റെ ചില്ലുകൾ തകർന്നിട്ടുണ്ട്.വലിയ കല്ലുകളും വടിയും എടുത്താണ് ഒരു സംഘം ആളുകൾ മുരളീധരന്റെ വാഹനത്തിന്റെ നേരെ പാഞ്ഞടുത്തത്.

മുരളീധരൻ സുരക്ഷിതനാണെങ്കിലും അദ്ദേഹത്തിന്റെ പേഴ്‌സണൽ സ്റ്റാഫിലെ ഒരു അംഗത്തിനും ഡ്രൈവർക്കും പരിക്കേറ്റിട്ടിട്ടുണ്ട്. സംഭവത്തെ തുടർന്ന് മന്ത്രിയുടെ വാഹന വ്യൂഹം തിരിച്ചു പോകാൻ നിര്ബന്ധിതരായി.

കേന്ദ്ര ആഭ്യന്തര മന്ത്രലയത്തിലെ നാല് ഉദ്യോഗസ്ഥരുടെ സംഘവും പശ്ചിമ ബംഗാളിലെ അക്രമം നടന്ന പ്രദേശങ്ങളിൽ സ്ഥിതിഗതികൾ വിലയിരുത്താൻ സന്ദർശനം നടത്തുനിന്നുണ്ട്.

സംഭവം അതീവ ഗൗരവം ഉള്ളതാണെന്നും കേന്ദ്ര ആഭ്യന്തര മന്ത്രാലയത്തിന്റെ അടിയന്തിര ഇടപെടൽ ഉണ്ടാകുമെന്നാണ് ലഭ്യമാകുന്ന വിവരം.

സംസ്ഥാനത്ത് നാളെ മുതൽ ലോക്ക് ഡൗൺ

തിരുവനന്തപുരം: സംസ്ഥാനത്ത് നാളെ മുതൽ ലോക്ക് ഡൗൺ പ്രഖ്യാപിച്ചു.മെയ് 16 വരെയായിരിക്കും ലോക്ക് ഡൗൺ.

കോവിഡ് വ്യാപനം രൂക്ഷമായ പശ്ചാത്തലത്തിലാണ് അടച്ചിടൽ.മുഖ്യമന്ത്രിയുടെ ഓഫീസാണ് ഇക്കാര്യം അറിയിച്ചത്.

സംസ്ഥാനത്തെ കോവിഡ് സാഹചര്യം ഗുരുതരമാണെന്ന് മുഖ്യമന്ത്രി ഇന്നലെ പറഞ്ഞിരുന്നു.കോവിഡ് വ്യാപനം പിടിച്ചു നിർത്താൻ വേറെ ഒരു മാർഗവും ഇല്ലാത്ത പശ്ചാത്തലത്തിലാണ് തീരുമാനം.

കടുത്ത നിയന്ത്രണങ്ങളായിരിയ്ക്കും ഏർപ്പെടുത്തുക.കഴിഞ്ഞ വർഷത്തേതിന് സമാനമായ നിയന്ത്രണങ്ങൾ സംസ്ഥാനത്ത് ഏർപ്പെടുത്തും.മറ്റന്നാൾ രാവിലെ 6 മുതൽ മെയ് 16 വരെയായിരിക്കും ലോക്ക് ഡൗൺ

രാജ്യത്ത് കോവിഡ് മൂന്നാം തരംഗം ഉടൻ, കേരളത്തിൽ അതി തീവ്ര വ്യാപനമെന്ന് കേന്ദ്ര ആരോഗ്യ മന്ത്രാലയം

ന്യൂഡൽഹി: രാജ്യത്ത് കോവിഡ് മൂന്നാം തരംഗം ഉടൻ ഉണ്ടാകുമെന്ന് കേന്ദ്ര ആരോഗ്യമന്ത്രാലയത്തിന്റെ മുന്നറിയിപ്പ്.

വൈറസിന് തുടർ ജനിതകമാറ്റം ഉണ്ടാകും.അതുകൊണ്ട്തന്നെ കോവിഡ് വാക്‌സിൻ കാലാകാലങ്ങളിൽ പരിഷ്കരിക്കേണ്ടിവരും.

കേരളത്തിൽ കോവിഡ് വൈറസിന്റെ അതി തീവ്രവ്യപനം ഉണ്ടെന്നും കേന്ദ്ര ആരോഗ്യമന്ത്രാലയം വിലയിരുത്തി.

കോഴിക്കോട്,എറണാകുളം,മലപ്പുറം,തൃശൂർ,കോട്ടയം,ആലപ്പുഴ,കൊല്ലം,പാലക്കാട് ജില്ലകളിലെ സ്ഥിതി ആശങ്കാജനകമാണെന്നും കേന്ദ്ര ആരോഗ്യ മന്ത്രാലയം വിലയിരുത്തി.

മുല്ലപ്പള്ളിയെ മാത്രം ബലിയാടാക്കാൻ കഴിയില്ലെന്ന് കോൺഗ്രസ്, രാഷ്ട്രീയയകാര്യ സമിതി ഉടൻ

കോഴിക്കോട്: നിയമസഭാ തിരഞ്ഞെടുപ്പിലെ കോൺഗ്രസിന്റെ ദയനീയ പരാജയത്തിന്റെ പേരിൽ കെ പി സി സി അധ്യക്ഷൻ മുല്ലപ്പള്ളി രാമചന്ദ്രനെ മാത്രം ബലിയാടാക്കാൻ ആഗ്രഹിക്കുന്നില്ലെന്ന് കോൺഗ്രസിൽ നിന്നുതന്നെ അഭിപ്രായം ഉയർന്നു.

എന്നാൽ അധ്യക്ഷ പദത്തിൽനിന്ന് മുല്ലപ്പള്ളിയെ മാറ്റി നേതൃത്വത്തിൽ പുനഃസംഘടന വേണം എന്ന പൊതുവായ അഭിപ്രായമാണ് നിലനിൽക്കുന്നത്. പരാജയം വരുമ്പോൾ മാത്രം നേതൃത്വത്തിനെ പഴിക്കുന്ന രീതി ശരിയല്ലെന്നാണ് മുല്ലപ്പള്ളി രാമചന്ദ്രനെ അനുകൂലിക്കുന്നവർ പറയുന്നത്.

വർക്കിംഗ് പ്രസിഡണ്ട് കെ സുധാകരനെ രംഗത്തിറക്കാനുള്ള നീക്കങ്ങളും സജീവമായി നടക്കുന്നുണ്ട്.അസമിലെ പരാജയം ഏറ്റെടുത്ത് പി സി സി പ്രസിഡണ്ട് രാജിവെച്ചതും മുല്ലപ്പള്ളിയെ എതിർക്കുന്നവർ എടുത്തു പറയുന്നുണ്ട്.

കോൺഗ്രസ് നേതാക്കളായ കെ സി ജോസഫും,സണ്ണി ജോസഫും ജോസഫ് വാഴയ്ക്കനും അഴിച്ചുപണി വേണമെന്ന തരത്തിലുള്ള ആവശ്യം ഉന്നയിച്ചു. ഏതെങ്കിലും ഒരു വ്യക്തിയെയല്ല,താഴെ തട്ട് മുതൽ മാറ്റം ആവശ്യമാണെന്നാണ് ഇവരുടെയൊക്കെ പ്രതികരണം.

എന്നാൽ ഹൈക്കമാൻഡിന്റെ പിന്തുണയാണ് മുല്ലപ്പള്ളിക്ക് തുണയായുള്ളത്.കെ സി വേണുഗോപാലുമായും എ കെ ആന്റണിയുമായും അടുത്ത ബന്ധം പുലർത്തുന്ന മുല്ലപ്പള്ളി, കേരളത്തിൽ രമേശ് ചെന്നിത്തലയുമായും ഉമ്മൻ ചാണ്ടിയുമായും ആശയ വിനിമയം നടത്തിയാണ് ഓരോ നീക്കങ്ങളും നടത്തുന്നത്.

ബിജെപിയിലും കലാപം, നേതൃത്വത്തിനെതിരെ വിമർശനവുമായി സി കെ പത്മനാഭനും രാധാകൃഷ്ണനും

കണ്ണൂർ/ കൊച്ചി : ദയനീയ പരാജയത്തിന്റെ പശ്ചാത്തലത്തിൽ ബിജെപി നേതൃത്വത്തിനെതിരെ മുതിർന്ന നേതാവ് സി കെ പത്മനാഭൻ.

പിണറായി വിജയനെ പുകഴ്ത്തിയ സി കെ പി ,ഉത്തരേന്ത്യയിൽ പയറ്റി തെളിഞ്ഞ തന്ത്രങ്ങൾ കേരളത്തിൽ നടപ്പാക്കാൻ ശ്രമിക്കുന്നത് മൗഢ്യമാണെന്ന് പറഞ്ഞു.

പിണറായിയുടെ തുടർഭരണമെന്ന ജനവിധിയെ സ്വീകരിക്കണം. പിണറായി വിജയൻറെ നിശ്ചയ ദാർഢ്യത്തെയും ഉറച്ച നിലപാടുകളെയും അംഗീകരിക്കുന്ന വലിയൊരു വിഭാഗം ജനങ്ങളാണ് കേരളത്തിലുള്ളതെന്ന് മനസിലാക്കണം.പിണറായി വിജയൻ എന്ന വ്യക്തിക് കിട്ടിയ വലിയ അംഗീകാരമാണ് ഈ വിജയമെന്നും അദ്ദേഹം പറഞ്ഞു.

പല കാരണങ്ങളാലും കേരളം മാതൃകയാണ്.എന്നിട്ടും കേരളത്തെ ഇകഴ്ത്തിക്കാണിച്ചത് ജനം അംഗീകരിക്കില്ല.ബിജെപിയുടെ താഴെ തട്ടിലെ പ്രവർത്തകർ ആത്മാർഥമായി പ്രവർത്തിക്കുമെങ്കിലും വേണ്ടത്ര അംഗീകരം ലഭിക്കാറില്ല.അവരുടെ ആത്മാർത്ഥതയെ തന്നെ മുറിവേൽപ്പിക്കുന്ന ഇടപെടലുകൾ ഇത്തവണ ഉണ്ടായി.

സംസ്ഥാന അധ്യക്ഷൻ രണ്ട് മണ്ഡലങ്ങളിൽ മത്സരിച്ചത് വേണ്ടത്ര ആലോചനകൾ ഇല്ലാതെയാണ്.സംസ്ഥാന നേതൃത്വം തിരുത്തലുകൾക്ക് തയാറായില്ലെങ്കിൽ ബിജെപിക്ക് കേരളത്തിൽ വളർച്ച ഉണ്ടാകില്ലെന്നും പത്മനാഭൻ പറഞ്ഞു.

തൃപ്പൂണിത്തുറയിലെ ബിജെപി സ്ഥാനാർത്ഥിയും നേതൃത്വത്തിനെതിരെ രംഗത്ത് വന്നിട്ടുണ്ട്.ബിജെപി വോട്ട് യു ഡി എഫിന് കിട്ടി എന്നാണ് തൃപ്പൂണിത്തുറയിലെ ബിജെപി സ്ഥാനാർഥി കെ എസ് രാധാകൃഷ്ണൻ ആരോപിച്ചത്.ഇപ്പോൾ കിട്ടിയ വോട്ടുകൾ ഞാൻ സ്വന്തമായി തെണ്ടിപ്പെറുക്കി ഉണ്ടാക്കിയതാണെന്നും രാധാകൃഷ്ണൻ പറഞ്ഞു.സംസ്ഥാന അധ്യക്ഷൻ രണ്ടു മണ്ഡലങ്ങളിൽ മത്സരിച്ചതിനെതിരെയും അദ്ദേഹം പ്രതികരിച്ചു.

യുഡിഎഫിലെ പോലെ നേതൃത്വത്തിനെതിരെയുള്ള കലാപം ബിജെപിയിലും ഉണ്ടായേക്കുമെന്ന് സൂചനകളാണ് ഉയരുന്ന പ്രതിഷധനങ്ങൾ .

photo credit | englishmbi

മന്ത്രിമാരിൽ പുതുമുഖങ്ങൾക്ക് പ്രാധാന്യം :വൻ അഴിച്ചുപണിയെന്ന് സൂചന, സിപിഎം സംസ്ഥാന സെക്രട്ടേറിയറ്റ് ചേരുന്നു

E X C L U S I V E

തിരുവനന്തപുരം: സിപിഎം സംസ്ഥാന സെക്രട്ടേറിയറ്റ് യോഗം തിരുവനന്തപുരത്ത് ചേരുന്നു.രണ്ടാം പിണറായി മന്ത്രിസഭയിൽ പുതിയ തലമുറക്ക് പ്രാധാന്യം പുതിയ പരീക്ഷണങ്ങളുമായാണ് സിപിഎം മുന്നോട്ട് പോകാൻ സാധ്യതയെന്ന് സൂചനകൾ പുറത്ത് വരുന്നു.

മന്ത്രിസഭയിൽ പുതിയ തലമുറ പരീക്ഷണത്തിന് പിണറായി മന്ത്രിസഭയിൽ അരങ്ങൊരുങ്ങന്നതായാണ് സംസ്ഥാന സെക്രട്ടേറിയറ്റ് യോഗത്തിൽനിന്ന് പുറത്തുവരുന്ന വിവരങ്ങൾ.ഇതുസംബന്ധിച്ച ചർച്ചകളാണ് ഇപ്പോൾ നടക്കുന്നത്.

മന്ത്രിസഭയിലെ പഴയ മന്ത്രിമാർ പലരും മാറി നിൽക്കേണ്ടിവരും. എന്നാൽ മന്ത്രി കെ കെ ശൈലജയുടെ കാര്യത്തിൽ മാത്രം തീരുമാനത്തിൽ മാറ്റവുമുണ്ടാകും.കെ കെ ശൈലജ മന്ത്രിയായി തുടരും.

മന്ത്രിമാരായ കടകംപള്ളി സുരേന്ദ്രൻ,എം എം മണി,എ സി മൊയ്തീൻ,ടി പി രാമകൃഷ്‌ണൻ,കെ ടി ജലീൽ എന്നിവർക്ക് മന്ത്രിസ്ഥാനം ഉണ്ടാകില്ല എന്നാണ് സൂചന.

സിപിഐ യിലെ ആറ് ക്യാബിനറ്റ് മന്ത്രിമാരിൽ ഒന്ന് കുറഞ്ഞ് അഞ്ചായി മാറും.സിപിഐ ക്ക് ചില വകുപ്പുകൾ നഷ്ടമായേക്കും. ജനതാദൾ ഗ്രൂപ്പുകൾക്ക് ഒരു മന്ത്രിസ്ഥാനം മാത്രം. കെ ബി ഗണേഷ് കുമാറിന് മന്ത്രിസ്ഥാനം ഉണ്ടായിരിക്കും.

പുതുമുഖങ്ങളിൽ എംബി രാജേഷ്,വീണ ജോർജ്,ആർ ബിന്ദു,കാനത്തിൽ ജമീല ,പി രാജീവ് എ എൻ ഷംസീർ,മുഹമ്മദ് റിയാസ്,എം വി ഗോവിന്ദൻ ,വി എൻ വാസവൻ,കെ രാധാകൃഷ്‌ണൻ, വി ശിവൻ കുട്ടി,സജി ചെറിയാൻ,പി നന്ദകുമാർ,വി കെ പ്രശാന്ത്, എന്നിവരാണ് പരിഗണിക്കപ്പെടുന്നത് എന്നാണ് സൂചന.

സിപിഎം പോളിറ്റ് ബ്യുറോ അംഗങ്ങൾ,ജനറൽ സെക്രട്ടറി എന്നിവരുമായി ഇന്നലെ നടത്തിയ ചർച്ചകൾ കൂടി പരിഗണിച്ചാണ് സംസ്ഥാന സെക്രെട്ടറിയേറ്റ് തീരുമാനങ്ങളെടുക്കുക

മുഖ്യമന്ത്രി തിരുവനന്തപുരത്ത്:മന്ത്രിസഭായോഗം ചേരുന്നു,ഇന്ന് ഗവർണർക്ക് രാജി സമർപ്പിക്കും,സത്യപ്രതിജ്ഞ അടുത്തയാഴ്ച്ച

തിരുവനന്തപുരം: ചരിത്ര വിജയത്തിന് ശേഷം മുഖ്യമന്ത്രി പിണറായി വിജയൻ തിരുവനന്തപുരത്തെത്തി.ഉച്ചയ്ക്ക് 12 മണിയോടുകൂടി അദ്ദേഹം ഗവർണർ ആരിഫ് മുഹമ്മദ് ഖാന് രാജിക്കത്ത് കൈമാറും.

ഇപ്പോൾ മന്ത്രിസഭായോഗം ചേരുകയാണ്.പുതിയ മന്ത്രിസഭയുടെ സത്യപ്രതിജ്ഞ അടുത്തയാഴ്ച്ച നടക്കും.

നാളെ സിപിഎം സംസ്ഥാന സെക്രെട്ടറിയറ്റും കേരളത്തിലെ പോളിറ്റ്ബ്യുറോ അംഗങ്ങളുടെ യോഗവും ചേർന്നായിരിക്കും മന്ത്രിസഭങ്ങളെ തീരുമാനിക്കുക.

ഗവർണർ രാജിക്കത്ത് സ്വീകരിച്ചു കഴിഞ്ഞാൽ ഇതേ മന്ത്രിസഭ കാവൽ മന്ത്രിസഭയായി തുടരും.വിജയികളെ വിജ്ഞാപനം ചെയ്ത് പുതിയ നിയമസഭ രൂപീകരിക്കുന്നത് വരെയുള്ള നടപടികൾ സ്വീകരിക്കേണ്ടത് തിരഞ്ഞെടുപ്പ് കമ്മിഷനാണ്.അത് ചൊവ്വാഴ്ച്ച ഉണ്ടാകാന് സാധ്യത.

വിജയിച്ച മുന്നണി മുഖ്യമന്ത്രിയെ നിശ്ചയിച്ച് ഗവർണറെ അറിയിക്കുന്നതോടെ ഗവർണ്ണർ മന്ത്രിസഭ രൂപീകരിക്കാൻ ക്ഷണിക്കും.കോവിഡ് പശ്ചാത്തലത്തിൽ ലളിതമായ ചടങ്ങുകൾ മാത്രമായിരിക്കും സത്യപ്രതിജ്ഞ നടപടികൾ.പൊതുഭരണ വകുപ്പ് ഇതിനായുള്ള ഒരുക്കങ്ങൾ തുടങ്ങിക്കഴിഞ്ഞു.

അതുക്കും മേലെ…ഉറപ്പിച്ച് കേരളത്തിന്റെ ക്യാപ്റ്റൻ ….

തിരുവനന്തപുരം: സംസ്ഥാനത്ത് ഇടത് തരംഗം.. ഇടത് മുന്നേറ്റം …നൽകുന്നത് തുടർഭരണമെന്ന ഉറപ്പ്..മുഖ്യമന്ത്രി പിണറായി വിജയൻ കേളത്തിന്റെ ക്യാപ്റ്റനായി തുടരുമെന്ന് ഉറപ്പായി.

സംസ്ഥാനത്ത് തുടർഭരണ സൂചന നൽകി എല്ലാ ജില്ലകളിലും എൽ ഡി എഫ് മുന്നേറുന്ന കാഴ്ചയാണ് കാണുന്നത്.10 ജില്ലകളിൽ എൽ ഡി എഫിന് വ്യക്തമായ മുൻ‌തൂക്കം.

96സീറ്റുകളിൽ എൽ ഡി എഫ് മുന്നേറ്റം.എൽ ഡി എഫ് ക്യാമ്പുകളിൽ ആഹ്ലാദം പകർന്നുകൊണ്ടാണ് തിരഞ്ഞെടുപ്പ് ഫലം പുറത്തുവന്നു കൊണ്ടിരിക്കുന്നത്.തുടർഭരണം ഉറപ്പിച്ച് പിണറായി വിജയൻ ഇപ്പോൾ പിണറായിയിലെ കൺവെൻഷൻ സെന്ററിൽ തിരഞ്ഞെടുപ്പ് ഫലം നിരീക്ഷിച്ചുകൊണ്ടിരിക്കയാണ്.

എറണാകുളത്ത് യു ഡി എഫ് മുന്നിലാണ്.കുണ്ടറയിൽ പി സി വിഷ്ണുനാഥ് മുന്നേറുന്നു.പാലക്കാട് ഇ ശ്രീധരൻ മുന്നിലാണ്. പാലായിൽ കടുത്ത ആകാംഷ നിലനിർത്തിയ നിമിഷങ്ങൾക്കൊടുവിൽ മാണി സി കാപ്പൻ ജയിച്ചു.കോട്ടയം പുതുപ്പള്ളിയിൽ ഉമ്മൻ ചാണ്ടി മുന്നിലാണ്.ഭൂരിപക്ഷം വളരെ കുറവ്.

തൃശ്ശൂരിൽ സുരേഷ് ഗോപി മൂന്നാം സ്ഥാനത്ത്..മന്ത്രിമാരിൽ മേഴ്‌സിക്കുട്ടിയമ്മയും കെ ടി ജലീലും പിന്നിലാണ്.മന്ത്രി എം എം മണി ജയിച്ചു. എതിർ സ്ഥാനാർഥി ഇ എം അഗസ്തി തോൽവി സമ്മതിച്ചു എന്ന് ഫേസ് ബുക്ക് പോസ്റ്റ് ഇട്ടു.തല മൊട്ടയടിക്കും എന്നാണ് അഗസ്തിയുടെ പ്രതികരണം.വടകരയിൽ കെ കെ രമ വൻ മുന്നേറ്റം തുടരുന്ന അവസ്ഥയാണ്.പാലക്കാട് ഇ ശ്രീധരൻ മുന്നേറ്റം തുടരുന്നു.

കേരളം ആർക്കൊപ്പം…? വോട്ടെണ്ണൽ തുടങ്ങി

L I V E |

തിരുവനന്തപുരം: കേരളം ആർക്കൊപ്പം എന്നറിയാനുള്ള കാത്തിരിപ്പിന് ഇന്ന് വിരാമമാകുന്നു.

സംസ്ഥാനത്ത് വോട്ടെണ്ണൽ തുടങ്ങി.തപാൽ വോട്ടുകൾ എണ്ണുന്നു.ആദ്യ ഫല സൂചനകൾ ഉടൻ.വോട്ടിങ് മെഷിനുകൾ അൽപ സമയത്തിനകം തുറക്കും.ഇ വി എം മെഷിനുകളിലെ വോട്ടെണ്ണൽ അൽപസമയത്തിനകം.

രണ്ടര ലക്ഷത്തോളം കോ വാക്‌സിൻ നടുറോഡിൽ ട്രക്കിൽ ഉപേക്ഷിക്കപ്പെട്ട നിലയിൽ

മധ്യപ്രദേശിലെ നരസിംഗ്പൂർ ജില്ലയിലെ കരേലി ബസ് സ്റ്റാൻഡിന് എതിർവശത്ത് വാക്‌സിനുമായി നിർത്തിയിട്ടിരിക്കുന്ന ട്രക്ക് photo credit : ravish pal sing | india today

EXCLUSIVE DETAILS |

ഭോപ്പാൽ: രണ്ടര ലക്ഷത്തോളം വാക്‌സിൻ നടുറോഡിൽ ഉപേക്ഷിക്കപ്പെട്ട നിലയിൽ കണ്ടെത്തി.

മധ്യപ്രദേശിലാണ് വഴിയിൽ ഉപേക്ഷിക്കപ്പെട്ട നിലയിൽ ഒരു ട്രക്കിൽ വാക്‌സിനുകൾ കണ്ടെത്തിയത്.ട്രക്കിൽ കോ വാക്‌സിനാണ് ഉള്ളതെന്ന് പോലീസ് അറിയിച്ചു. ട്രക്കിന്റെ ഡ്രൈവറെ കണ്ടെത്താനായില്ലെന്നും പോലീസ് പറഞ്ഞു.

നരസിംഗ്പൂർ ജില്ലയിലെ കരേലി ബസ് സ്റ്റാൻഡിന് എതിർവശത്തായാണ് ട്രക്ക് നിർത്തിയിട്ടതായി കാണപ്പെട്ടത്.കരേലി പോലീസിന് കിട്ടിയ വിവരത്തെ തുടർന്നാണ് ട്രക്ക് നിർത്തിയിട്ടതായി കണ്ടെത്തിയത്.പോലീസ് പരിശോധനയിലാണ് ഭാരത് ബയോ ടെക്കിന്റെ 2,40000 കോ വാക്‌സിനാണ് ട്രക്കിന്റെ ഉളിലുള്ളതെന്ന് കണ്ടെത്തിയത്.

8 കോടി രൂപ വിലമതിക്കുന്നതാണ് ഈ വാക്‌സിൻ എന്ന് പോലീസ് പറഞ്ഞു.ഡ്രൈവറുടെ മൊബൈൽ ഫോൺ ട്രാക്ക് ചെയ്ത പൊലീസിന് അടുത്തുള്ള ദേശീയപാതയിലെ പൊന്തക്കാട്ടിൽ നിന്ന് ലഭിച്ചു.

ലോറിയിലെ എയർ കണ്ടിഷൻ പ്രവർത്തിച്ചുകൊണ്ടിരുന്നതിനാൽ വാക്‌സിൻ കേടായിട്ടില്ലെന്നാണ് നിഗമനം.ട്രക്കിന്റെ ഡ്രൈവറെയും സഹായിയെയും കണ്ടെത്തിയാലേ സംഭവത്തിലെ ദുരൂഹതയിൽ വ്യക്തത വരൂ എന്ന് കരേലി പോലീസ് സബ് ഇൻസ്‌പെക്ടർ ആശിഷ് ഭോപാഷെ പറഞ്ഞു.

ജനം സ്വയം ലോക്ക് ഡൗൺ ഏർപ്പെടുത്തണം: മുഖ്യമന്ത്രി

തിരുവനന്തപുരം: സംസ്ഥാനത്ത് കോവിഡ് വ്യാപനം കുതിച്ചുയരുന്ന പശ്ചാത്തലത്തിൽ ജനം സ്വയം ലോക്ക് ഡൗൺ ഏർപ്പെടുത്തണമെന്ന് മുഖ്യമന്ത്രി നിർദേശിച്ചു.

സംസ്ഥാനം ലോക്ക് ഡൗണിലേക്ക് പോകാത്തത് ജനങ്ങളിലുള്ള വിശ്വാസം കൊണ്ടാണെന്നും അദ്ദേഹം പറഞ്ഞു.

എല്ലായിടത്തും ജനം സ്വയം നിയന്ത്രണങ്ങൾ പാലിക്കണം. ചന്തകളിലും, പച്ചക്കറി,മീൻ മാർക്കറ്റുകളിലും ആളുകൾ രണ്ട് മീറ്റർ അകലം പാലിക്കണം.സംസ്ഥാനത്ത് ഓക്സിജൻ വാർ റൂമുകൾ തുറക്കും.മെഡിക്കൽ ഉപകരണങ്ങൾ കൊണ്ടുപോകുന്ന വാഹനങ്ങളിൽ വ്യക്തമായി കാണുന്ന വിധത്തിൽ സ്റ്റിക്കർ പതിപ്പിച്ചിരിക്കണം.

ചില സ്വകാര്യ ആശുപത്രികൾ മാനദണ്ഡങ്ങൾ ലംഘിച്ച് വാക്‌സിൻ നൽകുന്നതായി ശ്രദ്ധയിൽ പെട്ടിട്ടുണ്ടെന്നും അത്തരക്കാർക്കെതിരെ കർശന നടപടി ഉണ്ടാകുമെന്നും മുഖ്യമന്ത്രി പറഞ്ഞു.സിനിമാ സീരിയൽ ഷൂട്ടിങ്ങുകൾ നിർത്തിവെക്കണം.വോട്ടെണ്ണലിന് പിന്നാലെ സംസ്ഥാനത്ത് കടുത്ത നിയന്ത്രണങ്ങൾ ഏർപ്പെടുത്തും.മെയ് 4 മുതൽ 9 വരെയാണ് കടുത്ത നിയന്ത്രണങ്ങൾ ഉണ്ടാവുകയെന്നും മുഖ്യമന്ത്രി അറിയിച്ചു.

വിദേശ സഹായം വേണ്ടെന്ന നിലപാട് മാറ്റുന്നു,റഷ്യയിൽ നിന്ന് മരുന്നുകൾ എത്തി: ചൈനയുടെ സഹായം സ്വീകരിക്കും

സ്വന്തം ലേഖകൻ
ന്യൂഡൽഹി: കോവിഡ് വ്യാപന പശ്ചാത്തലത്തിൽ വിദേശ സഹായം സ്വീകരിക്കേണ്ടെന്ന ഇന്ത്യൻ നിലപാട് തൽക്കാലം പിൻവലിച്ചു.

റഷ്യയിൽ നിന്നുള്ള മരുന്നുകളും ഓക്സിജനും ഇന്ത്യയിൽ എത്തി.20 ഓക്സിജൻ നിർമ്മാണ യൂണിറ്റ് (ഓക്സിജൻ കോൺസെൻട്രേറ്റർസ്) , 75 വെന്റിലേറ്ററുകൾ,2 ലക്ഷം അവശ്യ മരുന്നുകൾ എന്നിവ ഉൾപ്പെടെ 22 ടൺ മെഡിക്കൽ കിറ്റുകളാണ് റഷ്യ ഇന്ത്യയിലേക്ക് അയച്ചത്.

പ്രധാനമന്ത്രി നരേന്ദ്ര മോഡി റഷ്യൻ പ്രസിഡണ്ട് വ്ലാഡിമിർ പുട്ടിനുമായി നടത്തിയ ടെലഫോൺ ചർച്ചയിലൂടെയാണ് റഷ്യൻ സഹായം അടിയന്തിരമായി എത്തിക്കാൻ തീരുമാനമായത്.

അമേരിക്ക,ബ്രിട്ടൻ,മിഡിൽ ഈസ്റ്റ് ,സ്വിറ്റ്‌സർലാൻഡ്,യൂറോപ്യൻ യൂണിയൻ,ജർമ്മനി,ചൈന തുടങ്ങിയ രാജ്യങ്ങളും ലോകാരോഗ്യ സംഘടനയും ഇന്ത്യയ്ക്ക് സഹായ വാഗ്ദാനങ്ങളുമായി രംഗത്തെത്തിയിട്ടുണ്ട് .

ഇന്ത്യ പ്രതിസന്ധി ഘട്ടത്തിൽ ലോക രാജ്യങ്ങളെ സഹായിച്ചവരാണെന്നും ഇപ്പോൾ ഇന്ത്യയെ സഹായിക്കേണ്ട സമയമാണെന്നും ചാൾസ് രാജകുമാരൻ പറഞ്ഞിരുന്നു.അമേരിക്കൻ പ്രസിഡണ്ട് ജോ ബൈഡനും ഇന്ത്യയെ സഹായിക്കാൻ സന്നദ്ധത അറിയിച്ചിട്ടുണ്ട്.

കോവിഡ് ഒന്നാം വ്യാപന സമയത്ത് ഇന്ത്യയാണ് അമേരിക്ക,ബ്രിട്ടൻ തുടങ്ങിയ ലോക രാജ്യങ്ങൾക്ക് ഹൈഡ്രോക്സി ക്ലോറോക്വിൻ മരുന്ന് വിതരണം ചെയ്തത്.

ചൈനയുടെ സഹായവും സ്വീകരിക്കാം എന്ന നിലപാടിലാണ് ഇന്ത്യൻ വിദേശകാര്യ മന്ത്രാലയം.റഷ്യൻ വിദേശകാര്യ മന്ത്രാലയം വിമാനങ്ങളിൽ ഇന്ത്യയിലേക്ക് മരുന്ന് കയറ്റി അയക്കുന്നതിന്റെ വീഡിയോ ട്വിറ്റെർ ഹാൻഡിൽ പങ്കു വെച്ചിട്ടുണ്ട്. ഇന്ത്യയിലെ റഷ്യൻ അംബാസഡർ നിക്കോളായ് കുഡ്‌ഷേവ് മുൻകൈ എടുത്തതും സഹായം വേഗത്തിൽ ലഭ്യമാക്കാൻ സഹായകമായി.

https://twitter.com/RusEmbIndia/status/1387606834303758345

സംസ്ഥാനത്ത് ലോക്ക് ഡൗൺ വേണ്ടെന്ന് മന്ത്രിസഭാ യോഗ തീരുമാനം

തിരുവനന്തപുരം: സംസ്ഥാനത്ത് ലോക്ക് ഡൗൺ വേണ്ടെന്ന് മന്ത്രിസഭായോഗം തീരുമാനിച്ചു.

എന്നാൽ ടെസ്റ്റ് പോസിറ്റിവിറ്റി നിരക്ക് 15 ശതമാനത്തിന് മുകളിലുള്ള ജില്ലകളിൽ ലോക്ക് ഡൗൺ നടപ്പിലാക്കണമെന്ന കേന്ദ്ര ആരോഗ്യ മന്ത്രാലയത്തിന്റെ നിർദേശം പരിഗണിക്കാതെയാണ് സംസ്ഥാനത്തിന്റെ തീരുമാനം.

ലോക്ക് ഡൗൺ വേണ്ട എന്ന കഴിഞ്ഞ ദിവസത്തെ സർവകക്ഷി യോഗത്തിൽ എടുത്ത തീരുമാനം തീരുമാനം നടപ്പാക്കാൻ തന്നെയാണ് മന്ത്രിസഭായോഗത്തിൽ തീരുമാനമെടുത്തത്. 18 വയസ് കഴിഞ്ഞവർക്കുള്ള വാക്‌സിനേഷനായി ഒരു കോടി ഡോസ് വാക്‌സിൻ വാങ്ങാനും തീരുമാനിച്ചു.

ലോക്ക് ഡൗൺ നടപ്പാക്കാൻ ഉദ്ദേശിക്കുന്നില്ല എന്ന മന്ത്രിസഭാ തീരുമാനം കേന്ദ്രസർക്കാരിനെ അറിയിക്കാനും തീരുമാനിച്ചു.

18 വയസിന് മുകളിലുള്ളവർക്കുള്ള വാക്‌സിനേഷൻ റജിസ്ട്രേഷൻ ഇന്ന് മുതൽ

തിരുവനന്തപുരം: 18 വയസിന് മുകളിലുള്ളവർക്കുള്ള വാക്‌സിനേഷൻ റജിസ്ട്രേഷൻ ഇന്ന് മുതൽ ആരംഭിക്കും.ബുധനാഴ്ച്ച വൈകുന്നേരം 4 മണി മുതൽ ബന്ധപ്പെട്ട പോർട്ടലുകളിൽ റജിസ്റ്റർ ചെയ്യാം.

www .cowin.gov.in , www.umang.gov.in , ആരോഗ്യ സേതു ആപ്പ് എന്നീ പോർട്ടലുകൾ വഴിയാണ് റജിസ്റ്റർ ചെയ്യേണ്ടത്.നേരത്തെ മുൻഗണനാ വിഭാഗത്തിൽ പെട്ടവർ ചെയ്ത അതെ മാതൃകയിലാണ് 18 വയസ് കഴിഞ്ഞവരും ചെയ്യേണ്ടത്.മെയ് 1 മുതൽ വാക്‌സിൻ ലഭിച്ചു തുടങ്ങും.

സ്വകാര്യ ആശുപത്രികളിൽ പണം നൽകേണ്ടി വരുമെങ്കിലും ലഭ്യതയ്ക്ക് അനുസരിച്ച് സർക്കാർ ആശുപത്രികളിൽ സൗജന്യമായി ലഭിക്കും.വാക്‌സിനേഷൻ കേന്ദ്രങ്ങൾ സൗകര്യപൂർവം തിരഞ്ഞെടുക്കാവുന്നതാണ്.

റജിസ്ട്രേഷൻ പൂർത്തീകരിക്കുമ്പോൾ ലഭ്യമാകുന്ന സമയത്ത് മാത്രമേ വാക്‌സിനേഷൻ കേന്ദ്രങ്ങളിൽ എത്താവു എന്ന് ആരോഗ്യവകുപ്പ് അറിയിച്ചിട്ടുണ്ട്.

N E X T S T O R Y

http://www.jginews.in/central-health-ministry-proposes-lock-down-to-one-fifty-district-in-country/


സ്പോട്ട് റജിസ്ട്രേഷൻ ഇല്ലാത്തതിനാൽ കൃത്യമായ സമയക്രമ പ്രകാരം വാക്‌സിനേഷൻ കേന്ദ്രങ്ങളിൽ എത്തിയാൽ ആൾകൂട്ടം ഒഴിവാക്കാൻ കഴിയുമെന്നതിനാലാണ് ആരോഗ്യ വകുപ്പ് നിർദേശം.കഴിഞ്ഞ ദിവസങ്ങളിൽ സമയക്രമം പാലിക്കാതെ ആളുകൾ വാക്‌സിനേഷൻ കേന്ദ്രങ്ങളിൽ എത്തിയത് വലിയ പ്രതിസന്ധി ഉണ്ടാക്കിയിരുന്നു.

സംസ്ഥാനത്ത് സമ്പൂർണ്ണ അടച്ചിടൽ വേണ്ടെന്ന് സർവ്വ കക്ഷി യോഗത്തിൽ തീരുമാനം

LIVE |

തിരുവനന്തപുരം: സംസ്ഥാനത്ത് സമ്പൂർണ്ണ അടച്ചിടൽ വേണ്ടെന്ന് സർവ കക്ഷി യോഗം തീരുമാനിച്ചു.

വാരാന്ത്യ അടച്ചിടൽ ഉണ്ടാകും.മുഖ്യമന്ത്രിയുടെ അധ്യക്ഷതയിലാണ് സർവ്വ കക്ഷി യോഗം ചേർന്നത്.

വോട്ടെണ്ണൽ ദിനത്തിൽ ആഹ്ലാദ പ്രകടനങ്ങൾ വേണ്ടെന്ന് എല്ലാ രാഷ്ട്രീയ പാർട്ടികളും ഒരേ സ്വരത്തിൽ തീരുമാനിച്ചു.എന്നാൽ ഈ തീരുമാനം അണികളെ പറഞ്ഞു മനസിലാക്കണം. രോഗ വ്യാപനം കൂടിയ സ്ഥലങ്ങളിൽ കടുത്ത നിയന്ത്രണങ്ങൾ നടപ്പാക്കും.

സമ്പൂർണ്ണ അടച്ചിടൽ വേണ്ടെന്ന പൊതു അഭിപ്രായമാണ് സർവ്വ കക്ഷി യോഗത്തിൽ ഉയർന്നുവന്നത്. അടച്ചിടൽ സംസ്ഥാനത്തെ സാമ്പത്തിക സ്ഥിതിയെയും ജനങ്ങളുടെ ജീവിതത്തെയും പ്രതികൂലമായി ബാധിക്കും എന്ന ഏകാഭിപ്രായമാണ് ഉയർന്നുവന്നത്.

യോഗം തുടങ്ങുന്നതിന് മുൻപേ തന്നെ ഇക്കാര്യത്തിൽ പ്രതിപക്ഷത്തിന്റെ അഭിപ്രായം രമേശ് ചെന്നിത്തല വ്യക്തമാക്കിയിരുന്നു.

മഹാമാരിയുടെ കാലത്ത് രാജ്യം ഒറ്റക്കെട്ടായി നിൽക്കേണ്ട സാഹചര്യത്തിൽ എല്ലാ കാര്യങ്ങൾക്കുംകേന്ദ്രസർക്കാരിനെ കാര്യം അറിയാതെ കുറ്റം പറയുന്ന സ്ഥിതി വിശേഷം സംസ്ഥാനത്ത് നിലനിൽക്കുന്നുണ്ട് എന്നും അതിൽനിന്ന് പിൻവലിയണമെന്നും ബിജെപി സംസ്ഥാന അധ്യക്ഷൻ യോഗത്തിൽ പറഞ്ഞു.

കോവിഡ് പ്രതിരോധത്തിൽ ഇന്ത്യയ്ക്ക്, യു എ ഇ പിന്തുണ:ത്രിവർണ്ണത്തിൽ നിറഞ്ഞ് ബുർജ് ഖലീഫ

N R I DESK | LIVE

ദുബായ്: കോവിഡ് പ്രതിരോധത്തിൽ ഇന്ത്യയ്ക്ക് പിന്തുണയുമായി ഐക്യ അറബ് എമിറേറ്റ്സ് .

യു എ ഇ പിന്തുണ അറിയിച്ചുകൊണ്ട് ദുബായ് ബുർജ് ഖലീഫ ഞായറാഴ്ച രാത്രി ഇന്ത്യൻ പതാകയുടെ ത്രിവർണത്തിൽ നിറഞ്ഞു നിന്നു.

കോവിഡ് പ്രതിരോധത്തിന് ഇന്ത്യയ്ക്കും ഇന്ത്യയിലെ ജനങ്ങൾക്കും എല്ലാ പിന്തുണയും അറിയിക്കുന്നുവെന്നും ബുർജ് ഖലീഫയുടെ ഒഫീഷ്യൽ ട്വിറ്റർ ഹാൻഡിൽ ട്വീറ്റ് ചെയ്തു. ത്രിവർണ്ണത്തിൽ കുളിച്ച ബുർജ് ഖലീഫ കാണാൻ നൂറുകണക്കിന് ഇന്ത്യക്കാർ എത്തിയിരുന്നു.

ഇന്ത്യയുടെ കോവിഡ് പ്രതിരോധത്തിന് പിന്തുണ അർപ്പിച്ചുകൊണ്ടുള്ള അക്ഷരങ്ങളും വാക്കുകളും ബുർജ് ഖലീഫയിൽ നിറഞ്ഞു നിന്നു. ' ഇന്ത്യാ…. ശക്തമായിരിക്കു….' എന്ന ഹാഷ് ടാഗിൽ വാചകങ്ങൾ ബുർജ് ഖലീഫയിൽ അണിനിരന്നപ്പോൾ കാണികൾ കരഘോഷം മുഴക്കി യു എ ഇ യ്ക്ക് നന്ദി അറിയിക്കുന്നുണ്ടായിരുന്നു.

"പ്രതീക്ഷകളും ,പ്രാർത്ഥനയും ,പിന്തുണയും ഇന്ത്യയ്ക്കായി " എന്നിങ്ങനെ ത്രിവർണ്ണങ്ങൾക്കിടയിൽ ഇന്ത്യയ്ക്ക് നൽകുന്ന സമാശ്വാസത്തിന്റെ വാക്കുകളായി മിന്നി മറിഞ്ഞപ്പോൾ അത് ഹൃദയത്തിൽ തൊടുന്നുണ്ടായിരുന്നു.

https://twitter.com/BurjKhalifa/status/1386353985351729152

കോവിഡ് വ്യാപനം രൂക്ഷം: എറണാകുളത്ത് നാളെ മുതൽ കടുത്ത നിയന്ത്രണം

കൊച്ചി: കോവിഡ് വ്യാപനം രൂക്ഷമായ സാഹചര്യത്തിൽ എറണാകുളത്ത് തിങ്കളാഴ്ച മുതൽ കടുത്ത നിയന്ത്രണം ഏർപ്പെടുത്തുന്നു.

കടകളും വാണിജ്യ സ്ഥാപനങ്ങളും രാവിലെ ഏഴു മുതൽ വൈകുന്നേരം അഞ്ച് മണിവരെ മാത്രമേ പ്രവർത്തിക്കാൻ പാടുള്ളു.ഹോട്ടലുകളിൽ പാഴ്സലിന് മാത്രമാണ് അനുമതി.രാവിലെ ഏഴ് മുതൽരാത്രി ഒൻപത് മണിവരെ പാർസൽ നൽകാം.

ജിംനേഷ്യം, അമ്യൂസ്മെന്റ് പാർക്കുകൾ എന്നിവ തുറക്കരുത്.സിനിമ ഷൂട്ടിങ്ങിനും തിയറ്ററുകൾക്കും വിലക്കുണ്ട്.വിവാഹത്തിന് 30 ആളുകൾക്കും മരണാന്തര ചടങ്ങുകൾക്കും 20 പേർക്ക് പങ്കെടുക്കാം.ഒരാഴ്ചത്തേക്കാണ് കടുത്ത നിയന്ത്രണം ഏർപ്പെടുത്തുക.

രാജ്യത്ത് 551 ഓക്സിജൻ പ്ലാന്റുകൾ സ്ഥാപിക്കാൻ പി എം കെയർ ഫണ്ട് അനുവദിച്ചു: ഉടൻ പ്രവർത്തനം തുടങ്ങും

ന്യൂഡൽഹി: രാജ്യത്തൊട്ടാകെയുള്ള പൊതു ജനാരോഗ്യ കേന്ദ്രങ്ങളിലേക്ക് 551 പ്രഷർ സ്വിങ്ങ് അഡ്സോർപ്ഷൻ ഓക്സിജൻ ഉൽപ്പാദന പ്ലാന്റുകൾ സ്ഥാപിക്കാൻ
പി എം കെയർസ് ഫണ്ടിൽനിന്ന് പണം അനുവദിച്ചു.

രാജ്യത്തെ പ്രത്യേക സാഹചര്യം പരിഗണിച്ചാണ് പ്രധാനമന്ത്രി നരേന്ദ്ര മോദിയുടെ പ്രത്യേക നിർദേശപ്രകാരം ഓക്സിജൻ പ്ലാന്റുകൾ സ്ഥാപിക്കാൻ അംഗീകാരം നൽകിയതെന്ന് പി എം ഓഫീസിൽ അറിയിച്ചു.

ഇതനുസരിച്ച് ഓരോ ജില്ലകളിലെയും പ്രധാന ആശുപത്രികളിൽ സ്ഥാപിക്കുന്ന പ്ലാന്റുകളിൽനിന്ന് നിർമിക്കുന്ന ഓക്സിജൻ അതാത് പ്രദേശങ്ങളിലേക്ക് തടസമില്ലാതെ ലഭ്യമാക്കും.

അനുവദിച്ച പ്ലാന്റുകൾ എത്രയും പെട്ടന്ന് പ്രവർത്തന ക്ഷമമാക്കാൻ പ്രധാനമന്ത്രി നിർദേശിച്ചിട്ടുണ്ട്.വിവിധ സംസ്ഥനങ്ങളിലെ തിരഞ്ഞെടുക്കപ്പെട്ട ആശുപത്രികളിലാണ് പ്ലാന്റ് സ്ഥാപിക്കുക. ആരോഗ്യ കുടുംബക്ഷേമ മന്ത്രാലയം വഴിയായിരിക്കും പദ്ധതി നടപ്പാക്കുക.

ഓക്സിജൻ കിട്ടാതെ ഡൽഹിയിലെ ഗോൾഡൻ ആശുപത്രിയിൽ 20 കോവിഡ് രോഗികൾക്ക് ദാരുണാന്ത്യം

photo | businessstandard.com

ന്യൂഡൽഹി: ഓക്സിജൻ ക്ഷാമത്തെ തുടർന്ന് ഡൽഹി ഗോൾഡൻ ആശുപത്രിയിലെ 20 കോവിഡ് രോഗികൾ മരിച്ചു.

200 ഓളം രോഗികൾ ഗുരുതരാവസ്ഥയിലാണെന്ന് ആശുപത്രി അധികൃതർ അറിയിച്ചതായുള്ള സ്ഥിരീകരിക്കാത്ത റിപോർട്ടുകൾ ഉണ്ട്.

രാജ്യ തലസ്ഥാനത്ത് സ്ഥിതി അതീവ ഗുരുതരമാണെന്നാണ് ലഭ്യമാകുന്ന വിവരങ്ങൾ.ന്യൂ ഡൽഹിയിലെ ബത്ര ആശുപത്രിയിൽ രോഗികളെ പ്രവേശിപ്പിക്കുന്നത് നിർത്തി എന്ന് ആശുപത്രി എം ഡി എസ് ഇ എൽ ഗുപ്ത പറഞ്ഞു.ഇനി ആശുപത്രിയിൽ 45 മിനുട്ട് നൽകാനുള്ള ഓക്സിജൻ മാത്രമാണുള്ളതെന്ന് ഡോക്ടർ ഗുപ്ത അറിയിച്ചു.

500 ലിറ്റർ ഓക്സിജൻ മാത്രമാണ് ലഭിച്ചതെന്നും ഗുരുതരാവസ്ഥയിലുള്ള കോവിഡ് രോഗികൾക്ക് നല്കാൻ ഇത് തികയില്ലെന്നും അദ്ദേഹം പറഞ്ഞു.

ഡൽഹിയിലെ മിക്ക ആശുപത്രികളിലും ഓക്സിജൻ ക്ഷാമം കാരണം കോവിഡ് രോഗികളെ പ്രവേശിപ്പിക്കുന്നില്ല എന്നാണ് വിവരം.

ഓക്സിജൻ ക്ഷാമത്തിൽ സുപ്രീം കോടതി: വേദാന്ത പ്ലാന്റിൽ ഓക്സിജൻ നിർമ്മിക്കുന്നതിന് തമിഴ്‌നാടിന് എതിർപ്പ്

സ്വന്തം ലേഖകൻ

ന്യൂഡൽഹി: ഓക്സിജൻ ക്ഷാമത്തിൽ സുപ്രീം കോടതി ഇടപെടൽ.

രാജ്യത്തെ ജനങ്ങൾ ഓക്സിജനായി പരക്കം പായുന്ന സാഹചര്യത്തിൽ തമിഴ്‌നാട്ടിലെ വേദാന്ത ഓക്സിജൻ പ്ലാന്റിൽ സർക്കാരിനായി ഓക്സിജൻ നിർമിക്കാൻ പറ്റുമോ എന്ന് സുപ്രീം കോടതി ചോദിച്ചു.

കോവിഡ് പ്രതിസന്ധിയിൽ സുപ്രീം കോടതി സ്വമേധയാ കേസെടുത്തിരുന്നു.ഇത് പരിഗണിക്കവെയാണ് സുപ്രീം കോടതിയുടെ ഓക്സിജൻ ക്ഷാമത്തെക്കുറിച്ചുള്ള വിലയിരുത്തൽ.

തമിഴ്‌നാട്ടിലെ തൂത്തുക്കുടിയിലെ വേദാന്ത പ്ലാന്റ് സജ്ജമാക്കണമെന്ന് വേദാന്തയും സുപ്രീം കോടതിയോട് ആവശ്യപ്പെട്ടിരുന്നു.എന്നാൽ ഹർജി പരിഗണിക്കവെ തമിഴ്‌നാടിന് വേണ്ടി ഹാജരായ അഭിഭാഷകൻ വേദാന്ത പ്ലാന്റിൽ ഓക്സിജൻ നിർമ്മാണം തുടങ്ങിയാൽ അത് ക്രമസമാധാന പ്രശ്നങ്ങൾ ഉണ്ടാക്കുമെന്ന് അറിയിച്ചു.

ഈ സന്ദർഭത്തിലാണ് നിങ്ങൾക്ക് ഈ പ്ലാന്റിൽ ഓക്സിജൻ നിർമ്മിച്ചുകൂടേയെന്ന് തമിഴ്നാട് സർക്കാരിനോട് സുപ്രീം കോടതി ചോദിച്ചത്.ഇത് സംബന്ധിച്ച സത്യവാങ്മൂലം നല്കാൻ സുപ്രീം കോടതി ആവശ്യപ്പെട്ടു.

രാജ്യത്തെ ജനങ്ങൾ ഓക്സിജനായി പരക്കം പായുമ്പോളാണ് ഒരു പ്ലാന്റ് അടച്ചിട്ടിരിക്കുന്നതെന്ന് സുപ്രീം കോടതി പറഞ്ഞു.ആര് ഓക്സിജൻ ഉണ്ടാക്കുന്നു എന്നതല്ല പ്രശ്നം അത് ജനങ്ങൾക്ക് ലഭ്യമാക്കുക എന്നതാണെന്ന് ചീഫ് ജസ്റ്റിസ് ചൂണ്ടിക്കാട്ടി.

രാജ്യവ്യാപക ലോക്ക് ഡൗൺ ഇല്ല, കൊടുങ്കാറ്റായി വന്ന കോവിഡ് രണ്ടാം തരംഗ വെല്ലുവിളിയെ നമ്മൾ അതിജീവിക്കും : പ്രധാനമന്ത്രി നരേന്ദ്ര മോദി

L I V E |
ന്യൂഡൽഹി: രാജ്യത്ത് ലോക്ക് ഡൗൺ തൽക്കാലം നടപ്പാക്കില്ലെന്ന് പ്രധാനമന്ത്രി നരേന്ദ്രമോദി പറഞ്ഞു.

കോവിഡിന്റെ രണ്ടാം തരംഗം രാജ്യത്ത് കൊടുങ്കാറ്റായി വന്നു എന്നും വലിയ വെല്ലുവിളിയെ നമ്മൾ അതിജീവിക്കുമെന്നും പ്രധാനമന്ത്രി നരേന്ദ്ര മോദി പറഞ്ഞു.രാജ്യത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.

കോവിഡ് മുന്നണിപ്പോരാളികൾ സ്വന്തം കുടുംബത്തെപ്പോലും മറന്നാണ് രാജ്യത്തിനുവേണ്ടി സേവനം ചെയ്യുന്നത്. ജീവൻപോലും പണയം വെച്ച് ജോലി ചെയ്യുന്നവരെ അഭിവാദ്യം ചെയ്യുന്നു.

ഇന്ത്യ തദ്ദേശീയമായ രണ്ട് വാക്‌സിനുകൾ വികസിപ്പിച്ചു കഴിഞ്ഞു. 12 കോടി ഡോസ് വരെ ഇതുവരെയായി നൽകിക്കഴിഞ്ഞു. ഏറ്റവും വില കുറഞ്ഞ വാക്‌സിൻ ഇന്ത്യയിലാണ് കിട്ടുന്നത്. സർക്കാർ ആശുപത്രിയിൽ ലഭിക്കുന്ന മരുന്നിന്റെ പ്രയോജനം സാധാരണക്കാർക്കും ഇടത്തരക്കാർക്കും ലഭിക്കുന്നു. മരുന്ന് ഉൽപ്പാദനം ഇപ്പോൾ കൂട്ടിയിട്ടുമുണ്ട്.

കഠിനമായ പ്രതിസന്ധിയിൽ എല്ലാവരും രാജ്യത്തോടൊപ്പം നിൽക്കണം.രാജ്യത്തെ മരുന്ന് കമ്പനികൾ മരുന്ന് ഉൽപ്പാദനം കൂട്ടിയിട്ടുണ്ട്.പ്രത്യേക കോവിഡ് ആശുപത്രികൾ നിർമ്മിക്കാനുള്ള ശ്രമങ്ങൾ തുടങ്ങിക്കഴിഞ്ഞു. ഓക്സിജൻ ക്ഷാമം പരിഹരിക്കാനുള്ള ശ്രമവും സർക്കാർ നടത്തുന്നുണ്ട്.വ്യാവസായിക ആവശ്യത്തിനുള്ള ഓക്സിജൻ ചികിത്സ രംഗത്തേക്ക് ഉപയോഗപ്പെടുത്തും.

ലോക്ക് ഡൗൺ തല്ക്കാലം ആവശ്യമില്ല.സംസ്ഥാനങ്ങളും പരമാവധി ഇത് പാലിക്കണം.മൈക്രോ കണ്ടൈൻമെൻറ് സോൺ നടപ്പാക്കി രോഗത്തെ നേരിടണം.കുടിയേറ്റ തൊഴിലാളികൾ ഇപ്പോൾ എവിടെയാണോ അവിടെ തന്നെ തുടരണം.

കോവിഡ് മാർഗ നിർദേശങ്ങൾ പാലിക്കാൻ പ്രാദേശിക തലത്തിൽ യുവജനങ്ങളുടെ കമ്മറ്റികൾ രൂപീകരിച്ച് പ്രവർത്തിച്ചാൽ കോവിഡ് മാനദണ്ഡങ്ങൾ പാലിക്കാനുള്ള ബോധവൽക്കരണം മികച്ചതാകുമെന്നും കുട്ടികളെ പരമാവധി പുറത്തിറക്കരുതെന്നുമു ള്ള നിർദേശങ്ങൾ പ്രധാനമന്ത്രി മുന്നോട്ട് വെച്ചു.

18 വയസ് കഴിഞ്ഞവർക്കും മെയ് ഒന്നുമുതൽ കോവിഡ് വാക്‌സിൻ നൽകും

ന്യൂഡൽഹി: മെയ് ഒന്ന് മുതൽ പതിനെട്ട് വയസ് കഴിഞ്ഞ എല്ലാവർക്കും കോവിഡ് വാക്‌സിൻ നൽകുമെന്ന് കേന്ദ്രസർക്കാർ വ്യക്തമാക്കി.

പ്രധാനമന്ത്രി നരേന്ദ്ര മോദി രാജ്യത്തെ പ്രമുഖരായ ഡോക്ടർമാരുമായി നടത്തിയ ചർച്ചയിലാണ് തീരുമാനം.

കോവിഡ് മുന്നണി പോരാളികൾക്കും 45 വയസ്സിന് മുകളിലുള്ളവർക്കുമാണ് നിലവിൽ കോവിഡ് വാക്‌സിൻ നൽകികൊണ്ടിരിക്കുന്നത്.രാജ്യത്ത് കോവിഡ് വ്യാപനം രൂക്ഷമായിക്കൊണ്ടിരിക്കുന്ന പശ്ചാത്തലത്തിലാണ് കേന്ദ്രസർക്കാരിന്റെ സുപ്രധാനമായ തീരുമാനം.

ചുരുങ്ങിയ സമയത്തിനുള്ളിൽ പരമാവധി ഇന്ത്യക്കാർക്ക് വാക്‌സിൻ ലഭിക്കുമെന്ന് ഉറപ്പുവരുത്താൻ കഴിഞ്ഞ ഒരു വർഷമായി കേന്ദ്രസർക്കാർ കഠിനമായി പരിശ്രമിച്ചുകൊണ്ടിരിക്കയായണെന്ന് പ്രധാനമന്ത്രി നരേന്ദ്ര മോദി പറഞ്ഞു.

വാക്‌സിനേഷൻ മൂന്നാം ഘട്ടത്തിന്റെ ഭാഗമായാണ് 18 വയസിന് മുകളിലുള്ളവർക്ക് വാക്‌സിൻ നല്കാൻ തീരുമാനിച്ചത്.

സംസ്ഥാനത്ത് നാളെ മുതൽ രാത്രികാല കർഫ്യു, കേരളം കടുത്ത നിയന്ത്രണങ്ങളിലേക്ക്

തിരുവനന്തപുരം: കോവിഡ് വ്യാപന പശ്ചാത്തലത്തിൽ സംസ്ഥാനത്ത് നാളെ മുതൽ രാത്രി കർഫ്യു നടപ്പാക്കും.

രാത്രി 9 മുതൽ രാവിലെ 5 വരെയാണ് കർഫ്യു നടപ്പാക്കുക.കോവിഡ് പ്രോട്ടോകോൾ കർശനമായി നടപ്പാക്കും. നിലവിൽ രണ്ടാഴ്ചത്തേക്കാണ് കർഫ്യു പ്രഖ്യാപിച്ചിരിക്കുന്നത്.

സാഹചര്യം നോക്കി കർഫ്യു തുടരണോ എന്ന കാര്യത്തിൽ തീരുമാനം എടുക്കും.പൊതുഗതാഗതത്തിന് നിയന്ത്രണമില്ല.വർക്ക് ഫ്രം ഹോം പദ്ധതി വീണ്ടും നടപ്പാക്കും.മാളുകളും തിയറ്ററുകളും രാത്രി ഏഴ് മണി വരെ മാത്രം പ്രവർത്തിക്കാൻ അനുമതി.

സ്വകാര്യ ട്യൂഷൻ സെന്ററുകൾ പാടില്ല എന്നാൽ ഓൺലൈൻ ക്‌ളാസുകൾ നടത്താം.ചടങ്ങുകൾ വെട്ടിക്കുറച്ച് തൃശൂർ പൂരം നടത്തും.

സംസ്ഥാനത്ത് സ്ഥിതി രൂക്ഷം, എറണാകുളത്ത് കനത്ത ജാഗ്രത,അടിയന്തിര യോഗം ചേർന്ന് ആരോഗ്യമന്ത്രി

| എറണാകുളത്ത് കനത്ത ജാഗ്രത .ഫോർട്ട് കൊച്ചി താലൂക്ക് ആശുപത്രിയെയും കളമശ്ശേരി മെഡിക്കൽ കോളേജിനെയും കോവിഡ് ആശുപത്രിയാക്കി മാറ്റും |

തിരുവനന്തപുരം: സംസ്ഥാനത്ത് കോവിഡ് വ്യാപനം രൂക്ഷമായ പശ്ചാത്തലത്തിൽ ആരോഗ്യമന്ത്രിയുടെ നേതൃത്വത്തിൽ അടിയന്തിര യോഗം ചേർന്നു.

എറണാകുളത്ത് കനത്ത ജാഗ്രത പാലിക്കാൻ തീരുമാനിച്ചു. എറണാകുളത്ത് കോവിഡ് ചികിത്സയ്ക്ക് പ്രത്യേക സംവിധാനം തന്നെ ഒരുക്കാൻ തീരുമാനമായി. ഇതിന്റെ ഭാഗമായി ഫോർട്ട് കൊച്ചി താലൂക്ക് ആശുപത്രി കോവിഡ് ആശുപത്രിയാക്കി മറ്റും.കളമശ്ശേരി മെഡിക്കൽ കോളേജിനെയും കോവിഡ് ആശുപത്രിയാക്കി മാറ്റും.

സർക്കാർ മേഖലയിൽ ആയിരം ഓക്സിജൻ കിടക്കകൾ ഒരുക്കും.വാളയാറിലും വിവിധ ജില്ലാ അതിർത്തികളിലും നാളെ മുതൽ പരിശോധന കർശനമാക്കും.ആരോഗ്യ ജാഗ്രത പോർട്ടലിൽ രജിസ്റ്റർ ചെയ്തവർക്ക് മാത്രമായിരിക്കും സംസ്ഥാനത്തേക്ക് പ്രവേശനം അനുവദിക്കൂ.ഇനിയുള്ള രണ്ടാഴ്ച്ചക്കാലം കനത്ത ജാഗ്രത പാലിക്കണമെന്നും വളരെ അത്യാവശ്യത്തിന് മാത്രമേ പുറത്തിറങ്ങാൻ പാടുള്ളു എന്നും മാനദണ്ഡങ്ങൾ പാലിക്കണമെന്നും ആരോഗ്യവകുപ്പ് മുന്നറിയിപ്പുണ്ട്.

കോവിഡ് പരിശോധിക്കാതെ യാത്രക്കാരെ കൊണ്ടുവന്ന വിമാനക്കമ്പനികൾക്കെതിരെ നടപടി

ന്യൂഡൽഹി: മഹാരാഷ്ട്രയിൽനിന്നുള്ള യാത്രക്കാരുടെ കോവിഡ് പരിശോധന നടത്താതെ കൊണ്ടുവന്ന വിമാന കമ്പനിക്കെതിരെ നടപടിയുമായി ഡൽഹി സർക്കാർ.

ഇൻഡിഗോ,വിസ്താര,സ്‌പൈസ് ജെറ്റ്,എയർ ഏഷ്യ എന്നി വിമാന കമ്പനികൾക്കെതിരെയാണ് നടപടി.സംഭവത്തിൽ ദുരന്ത നിവാരണ വകുപ്പ് പ്രകാരം എഫ് ഐ ആർ രജിസ്റ്റർ ചെയ്യാൻ ഡൽഹി സർക്കാർ ഉത്തരവിറക്കി.

ദേശീയ തലസ്ഥാനത്ത് കോവിഡ് രൂക്ഷമാകുന്ന പശ്ചാത്തലത്തിൽ കടുത്ത നടപടികളുമായി ഡൽഹി സർക്കാർ നീങ്ങുകയായിരുന്നു. ഏപ്രിൽ 10 മുതൽ തന്നെ നിയന്ത്രങ്ങൾ തുടങ്ങിയിരുന്നു.

ഇതനുസരിച്ച് മഹാരാഷ്ട്രയിൽനിന്നുള്ള യാത്രക്കാർക്ക് 72 മണിക്കൂറിനുള്ളിലുള്ള ആർ ടി പി സി ആർ നെഗറ്റിവ് സർട്ടിഫിക്കറ്റ് നിർബന്ധമാക്കിയിരുന്നു.ഇതാണ് വിമാനക്കമ്പനികൾ പാലിക്കാതിരുന്നത്.ഡൽഹിയിലെ സ്ഥിതി രൂക്ഷമാണെന്ന് മുഖ്യമന്ത്രി അരവിന്ദ് കെജ്‌രിവാൾ നേരത്ത വ്യക്തമാക്കിയിരുന്നു.

കെ എം ഷാജി എം എൽ എ യെ വിജിലൻസ് ചോദ്യം ചെയ്തു

കോഴിക്കോട്: അനധികൃതമായി സ്വത്ത് സമ്പാദിച്ചു എന്ന കേസിൽ കെ എം ഷാജി എം എൽ എ യെ വിജിലൻസ് ചോദ്യം ചെയ്തു.

ചോദ്യം ചെയ്യൽ നാല് മണിക്കൂറോളം നീണ്ടുനിന്നു.രേഖകൾ ഹാജരാക്കുമെന്ന് പറഞ്ഞിരുന്ന ഷാജി വീട്ടിൽ നിന്ന് പിടിച്ചെടുത്ത പണം തിരഞ്ഞെടുപ്പ് ആവശ്യങ്ങൾക്കായി ജനങ്ങളിൽനിന്ന് പിരിച്ചതാണെന്ന നിലപാടാണ് വിജിലൻസിനെ അറിയിച്ചത്,ഇത് സംബന്ധിച്ച രേഖകൾ ഹാജരാക്കാൻ വിജിലൻസ് ഷാജിയോട് ആവശ്യപ്പെട്ടിട്ടുണ്ട്.

തൊണ്ടയാടുള്ള വിജിലൻസ് ആൻഡ് ആന്റി കറപ്ഷൻ ബ്യുറോയിൽ രാവിലെ പത്ത് മണിയോടെയാണ് ഷാജി ചോദ്യം ചെയ്യലിനായി എത്തിയത്.ചോദ്യം ചെയ്യലിന് ഹാജരാകാൻ വിജിലൻസ് നോട്ടീസ് നൽകിയിരുന്നു.

ഷാജിയുടെ വീട്ടിൽനിന്ന് കഴിഞ്ഞ ദിവസം പിടിച്ചെടുത്ത പണത്തിന്റെയും സ്വർണത്തിന്റെയും ഉറവിടം തേടിയാണ് വിജിലൻസ് ചോദ്യം ചെയ്യൽ. 47,35,500 രൂപയാണ് ഷാജിയുടെ വീട്ടിൽ നിന്ന് പിടിച്ചെടുത്തത്.

ഇതുസംബന്ധിച്ച വിജിലൻസ് റിപ്പോർട്ട് കോഴിക്കോട്ടെ വിജിലൻസ് പ്രത്യേക കോടതിയിൽ സമർപ്പിച്ചിരുന്നു. ഇതിന്റെ അടിസ്ഥാനത്തി ലാണ് ചോദ്യം ചെയ്യൽ.

പിടിച്ചെടുത്ത 500 ഗ്രാമ സ്വർണ്ണവും വിദേശ കറൻസിയും അനധികൃതമല്ലെന്ന് കണ്ട് തിരിച്ചു നൽകിയിരുന്നു.ഭൂമിയിടപാടും സാമ്പത്തിക ഇടപാടുകളും സംബന്ധിച്ച 77 രേഖകളും വിജിലൻസ് കോടതിയിൽ ഹാജരാക്കും.

ഇ ഡി ക്കെതിരായ ക്രൈം ബ്രാഞ്ച് കേസ് ഹൈക്കോടതി റദ്ദാക്കി

BREAKING NEWS | LIVE

കൊച്ചി: എൻഫോഴ്‌സ്‌മെന്റിനെതിരായ ക്രൈം ബ്രാഞ്ച് കേസ് ഹൈക്കോടതി റദ്ദാക്കി.

ഇ ഡി ക്കെതിരെ ക്രൈം ബ്രാഞ്ച് രജിസ്റ്റർ ചെയ്ത രണ്ട് എഫ് ഐ ആറുകളും റദ്ദാക്കാൻ ഹൈക്കോടതി ഉത്തരവിട്ടു.ഇ ഡി യുടെ ഹർജിയിലാണ് ഹൈക്കോടതി നടപടി.

ഹൈക്കോടതി ഉത്തരവ് പ്രകാരം എൻഫോഴ്‌സ്‌മെന്റിനെതിരെയുള്ള അന്വേഷണവുമായി ഇനി ക്രൈം ബ്രാഞ്ചിന് മുന്നോട്ട് പോകാൻ കഴിയില്ല.പ്രതികളുടെ മൊഴി കണക്കിലെടുത്ത് ഈ കേസുമായി ക്രൈം ബ്രാഞ്ചിന് മുന്നോട്ടു പോകാൻ കഴിയില്ലെന്നും, ഇത്തരത്തിലുള്ള ഒരു കേസിൽ കേന്ദ്ര ഏജൻസികളെ പ്രതിക്കൂട്ടിൽ നിർത്തുന്ന തരത്തിലുള്ള അന്വേഷണവുമായി ഒരു സംസ്ഥാന സർക്കാർ ഏജൻസിക്ക് അന്വേഷിക്കാനാവില്ല എന്നും ഹൈക്കോടതി വ്യക്തമാക്കി.

ഹൈക്കോടതി ഉത്തരവിൽ വലിയ തിരിച്ചടി നേരിട്ട വിജിലൻസ് ഈ കേസിൽ അപ്പീൽ പോകുമോ എന്ന കാര്യത്തിൽ വ്യക്തത ഇല്ല.

ഒടുവിൽ ഗത്യന്തരമില്ലാതെ രാജി,ധാർമ്മികതയുടെ പേരിലെന്ന് കെ ടി ജലീൽ

തിരുവനന്തപുരം: അവസാന നിമിഷം വരെ കടിച്ചു തൂങ്ങി ഒടുവിൽ മന്ത്രി കെ ടി ജലീൽ പിണറായി മന്ത്രി സഭയിൽനിന്ന് രാജി വെച്ചത് രാഷ്ട്രീയ ധാർമ്മികതയുടെ പേരിൽ.ബന്ധു നിയമന വിവാദത്തിൽ ലോകായുക്ത വിധിയെ തുടർന്നാണ് പിണറായി മന്ത്രിസഭയിലെ അഞ്ചാമത്തെ മന്ത്രിയുടെ രാജി.

ബന്ധു നിയമന വിവാദത്തിൽ മന്ത്രി കെ ടി ജലീൽ കുറ്റ ക്കാരനാണെന്നും സത്യപ്രതിജ്ഞ ലംഘനം നടത്തിയെന്നും മന്ത്രി സ്ഥാനത്ത് തുടരാൻ പാടില്ലെന്നും ലോകായുക്ത ഡിവിഷൻ ബെഞ്ചിന്റെ സുപ്രധാന വിധിയിൽ പറഞ്ഞിരുന്നു.

ബന്ധു നിയമന കാര്യത്തിൽ മന്ത്രി അധികാര ദുർവിനിയോഗം നടത്തി,ബന്ധു അദീബിനെ ന്യൂന പക്ഷ വികസന കോർപറേഷനിൽ നിയമിച്ചത് ചട്ട ലംഘനമാണെന്നും ലോകായുക്ത കണ്ടെത്തിയിരുന്നു. അധികാര ദുർവിനിയോഗവും സ്വജനപക്ഷപാതവും കാണിച്ച മന്ത്രി തൽസ്ഥാനത്ത് തുടരാൻ അർഹനല്ലെന്നും ലോകായുക്ത വിധിയിൽ പറഞ്ഞിരുന്നു.

മുഖ്യമന്ത്രി പിണറായി വിജയനും സിപിഎമ്മും പരമാവധി സംരക്ഷിക്കാൻ ശ്രമിച്ചിരുന്നെങ്കിലും ഗത്യന്തരമില്ലാതെയാണ് ജലീലിന്റെ രാജി എന്നത് ശ്രദ്ധേയമാണ്.നിയമമന്ത്രി എ കെ ബാലൻ പരസ്യമായി ജലീലിനെ ന്യായീകരിച്ചത് വലിയ ചർച്ചകൾക്കിടനൽകി യിരുന്നു.

എന്നാൽ ബാലനെ തള്ളി ഇന്നലെ സിപിഎം പോളിറ്റ്ബ്യുറോ അംഗം എം എ ബേബിയും ജലീലിനെ തള്ളി മുതിർന്ന നേതാവ് ആനത്തലവട്ടം ആനന്ദനും ഇന്നലെ രംഗത്ത് വന്നിരുന്നു.മന്ത്രി ഇ പി ജയരാജന് കിട്ടാത്ത ആനുകൂല്യങ്ങൾ എന്തിന്റെ പേരിലാണ് ജലീലിന് ലഭിക്കുന്നത് എന്ന ചോദ്യം സി പി എമ്മിൽ തന്നെ ഉയർന്നിരുന്നു. അതിന്റെ പശ്ചാത്തലത്തിൽ കൂടിയാണ് രാജി.

ലോകായുക്ത വിധിക്കെതിരെ ജലീൽ ഹൈക്കോടതിയെ സമീപിക്കുമെന്ന് വ്യക്തമാക്കിയപ്പോൾ മുഖ്യമന്ത്രി പിണറായി വിജയൻ പരോക്ഷമായും സിപിഎം സംസ്ഥാന സെക്രട്ടറി എ വിജയരാഘവൻ പ്രത്യക്ഷത്തിലും ജലീലിന് ഹൈക്കോടതിയിൽ പോയി വരുന്നതുവരെ സമയം കൊടുക്കാം എന്ന നിലപാടിലായിരുന്നു.

എന്നാൽ ലോകായുക്ത പോലുള്ള ജുഡീഷ്യൽ അധികാരമുള്ള ഒരു സ്ഥാപനത്തിന്റെ വിധിക്കെതിരെ ഹൈക്കോടതിയിൽ പോയാൽ ഒരു രക്ഷയും കിട്ടില്ല എന്ന് നിയമ വിദഗ്ധർ നേരത്തെ തന്നെ വിലയിരുത്തിയിരുന്നു.എന്നാൽ അധികാരത്തിൽ കടിച്ചു തൂങ്ങാനുള്ള ജലീലിന്റെ അത്യാഗ്രഹത്തിന്റെ പുറത്താണ് ഹൈക്കോടതിയെ സമീപിക്കാൻ ജലീൽ തയ്യാറെടുത്തതും സിപിഎം മുൻപിൻ നോക്കാതെ പിന്താങ്ങിയതും.എന്നാൽ ഹൈ കോടതിയിൽ പോയാലും രക്ഷയില്ലെന്ന നിയമോപദേശത്തെ തുടർന്നാണ് ജലീൽ രാജി വെക്കാൻ നിർബന്ധിതമായത്.

കെ ടി ജലീലിന്റെ രാജി രാഷ്ട്രീയ ധാർമ്മികതയുടെ പേരിലല്ലെന്ന് പ്രതിപക്ഷം അഭിപ്രായപ്പെട്ടു.സ്റ്റേ കിട്ടില്ലെന്ന് ഉറപ്പായപ്പോഴാണ് രാജിയെന്ന് പി കെ ഫിറോസ് പറഞ്ഞു.രാഷ്ട്രീയ ധാർമ്മികതയുടെ പേരിലാണ് രാജിയെന്ന് സിപിഎം സംസ്ഥാന സെക്രട്ടറി എ വിജയരാഘവൻ പറഞ്ഞു.സിപിഎം പോളിറ്ബ്യുറോ അംഗം എം എ ബേബിയും ഇന്ന് ജലീലിന്റെ രാജി ധാർമ്മികതയുടെ പേരിലാണെന്ന് പറഞ്ഞു.നിൽക്കക്കള്ളിയില്ലാതെയാണ് രാജിയെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു.ജലീലിന്റെ ബന്ധു നിയമന ഉത്തരവിൽ ഒപ്പു വെച്ച മുഖ്യമന്ത്രിയും രാജി വെക്കണമെന്ന് കെ പി സി സി പ്രസിഡണ്ട് മുല്ലപ്പളി രാമചന്ദ്രൻ പറഞ്ഞു.പാർട്ടി തീരുമാനപ്രകാരമാണ് രാജിയെന്ന് സിപിഎം നേതാവ് കോടിയേരി ബാലകൃഷ്ണനും പ്രതികരിച്ചു.

ജലീലിന്റെ ബന്ധുവിന് അനധികൃത നിയമനം നൽകാൻ നിയമന ഉത്തരവിൽ ഒപ്പുവെച്ച മുഖ്യമന്ത്രി പിണറായി വിജയനും രാജിവെക്കണമെന്ന് ബിജെപിയും ആവശ്യപ്പെട്ടു.

സ്പുട്നിക്-5 വാക്‌സിൻ ഇന്ത്യയിൽ ഉപയോഗിക്കാൻ അനുമതി

LIVE |

സ്വന്തംലേഖകൻ

ന്യൂഡൽഹി: സ്പുട്നിക്- 5 വാക്‌സിൻ ഇന്ത്യയിൽ ഉപയോഗിക്കാൻ അനുമതി ലഭിച്ചു.

വിദഗ്ധ സമിതിയാണ് വാക്‌സിൻ ഉപയോഗത്തിനുള്ള അനുമതി നൽകിയത്.രാജ്യത്ത് അനുമതി ലഭിക്കുന്ന മൂന്നാമത്തെ വാക്‌സിനാണ് സ്പുട്നിക്.

കോ വാക്‌സിൻ,കോവിഷീൽഡ്‌ വാക്‌സിനുകൾക്കാണ് നേരത്തെ അനുമതി ലഭിച്ചതും ഇപ്പോൾ രാജ്യത്ത് കുത്തിവെക്കുന്നതും.

കോവിഡ് വ്യാപകമാകുന്ന പശ്ചാത്തലത്തിൽ സ്പുട്നിക്കിനുള്ള അനുമതി ഏറെ ഉപകാരപ്രദമാകുമെന്നാണ് ആരോഗ്യ വിദഗ്ധരുടെ വിലയിരുത്തൽ.കോവിഷീൽഡിനും കോ വാക്‌സിനും വിവിധ സംസ്ഥനങ്ങളിൽ ക്ഷാമം അനുഭവപ്പെടാൻ തുടങ്ങിയെന്ന് റിപോർട്ടുകൾ ഉണ്ടായിരുന്നു.

ലോകായുക്ത ഉത്തരവിനെതിരെ കെ ടി ജലീൽ ഹൈക്കോടതിയിൽ

കൊച്ചി:ബന്ധു നിയമന വിവാദത്തിലെ ലോകായുകത ഉത്തരവിനെതിരെ മന്ത്രി കെ ടി ജലീൽ ഹൈക്കോടതിയിൽ.

ലോകായുക്ത ഉത്തരവ് റദ്ദാക്കണമെന്നാണ് ആവശ്യം.ഹർജിയിൽ തീർപ്പാകും വരെ തുടർ നടപടികൾ സ്റ്റേ ചെയ്യണം എന്നും ആവശ്യം. കേസ് ഹൈക്കോടതിയുടെ അവധിക്കാല ബെഞ്ച് നാളെ പരിഗണിക്കും.

ബന്ധു നിയമന വിവാദത്തിൽ മന്ത്രി കെ ടി ജലീൽ കുറ്റ ക്കാരനാണെന്നും സത്യപ്രതിജ്ഞ ലംഘനം നടത്തിയെന്നും മന്ത്രി സ്ഥാനത്ത് തുടരാൻ പാടില്ലെന്നും ലോകായുക്ത ഡിവിഷൻ ബെഞ്ചിന്റെ സുപ്രധാന വിധിയിൽ പറഞ്ഞിരുന്നു.

ബന്ധു നിയമന കാര്യത്തിൽ മന്ത്രി അധികാര ദുർവിനിയോഗം നടത്തി,ബന്ധു അദീബിനെ ന്യൂന പക്ഷ വികസന കോർപറേഷനിൽ നിയമിച്ചത് ചട്ട ലംഘനമാണെന്നും ലോകായുക്ത കണ്ടെത്തിയിരുന്നു. അധികാര ദുർവിനിയോഗവും സ്വജനപക്ഷപാതവും കാണിച്ച മന്ത്രി തൽസ്ഥാനത്ത് തുടരാൻ അർഹനല്ലെന്നും ലോകായുക്ത വിധിയിൽ പറഞ്ഞിരുന്നു.

ഡോളർ കടത്ത് കേസിൽ സ്പീക്കർ പി ശ്രീരാമകൃഷ്ണനെ കസ്റ്റംസ് ചോദ്യം ചെയ്തു

BREAKING NEWS | LIVE

തിരുവനന്തപുരം: ഡോളർ കടത്ത് കേസിൽ സ്പീക്കർ പി ശ്രീരാമകൃഷ്ണനെ കസ്റ്റംസ് ചോദ്യം ചെയ്തു.

തിരുവനതപുരത്തെ വസതിയിൽ ഇന്നലെയായിരുന്നു ചോദ്യം ചെയ്യൽ എന്നാണ് ലഭ്യമാകുന്ന സൂചന.ചോദ്യം ചെയ്യൽ അഞ്ച് മണിക്കൂർ നീണ്ടു നിന്നു .കസ്റ്റംസ് സൂപ്രണ്ട് സലീലിൻറെ നേതൃത്വത്തിലായിരുന്നു ചോദ്യം ചെയ്യൽ.

കഴിഞ്ഞ രണ്ട് മാസമായി സ്പീക്കറെ ചോദ്യം ചെയ്യാൻ കസ്റ്റംസ് പലതവണയായി നോട്ടീസ് നൽകിയിട്ടും ഹാജരായിരുന്നില്ല.പല കാരണങ്ങൾ പറഞ്ഞ് ശ്രീരാമകൃഷ്ണൻ ചോദ്യം ചെയ്യലിൽനിന്ന് ഒഴിഞ്ഞുമാറിയത് വലിയ ചർച്ചയായിരുന്നു.

രണ്ടാമത്തെ കസ്റ്റംസ് നോട്ടീസ് ലഭിച്ചപ്പോൾ തനിക്ക് തിരഞ്ഞെടുപ്പിന്റെ തിരക്കാണെന്നായിരുന്നു ശ്രീരാമകൃഷ്ണൻ കസ്റ്റംസിനെ അറിയിച്ചത്.എന്നാൽ തിരഞ്ഞെടുപ്പ് കഴിഞ്ഞപ്പോൾ കസ്റ്റംസ് വീണ്ടും നോട്ടീസ് നൽകിയപ്പോൾ തനിക്ക് സുഖമില്ല എന്ന് പറഞ്ഞ് ഒഴിഞ്ഞു മാറുകയായിരുന്നു.ഇതിന്റ പശ്ചാത്തലത്തിലാണ് കൊച്ചിയിലെ കസ്റ്റംസ് പ്രിവന്റീവ് സൂപ്രണ്ട് ചോദ്യം ചെയ്യാൻ തിരുവന്തപുരത്തെ വസതിയിൽ നേരിട്ടെത്തിയത്.

നിരന്തരം ചോദ്യം ചെയ്യലിൽ നിന്ന് ഒഴിഞ്ഞുമാറിയാലുള്ള പ്രത്യാഘാതങ്ങൾ കസ്റ്റംസ് ശ്രീരാമകൃഷ്ണനെ കൃത്യമായി പറഞ്ഞു മനസിലാക്കിയതിനെ തുടർന്നാണ് ചോദ്യം ചെയ്യലിന് ശ്രീരാമകൃഷ്ണൻ വഴങ്ങിയതെന്ന് സൂചനയുണ്ട്.കസ്റ്റംസ് കടുത്ത നടപടികളിലേക്ക് നീങ്ങുമെന്ന കൃത്യമായ സൂചന ലഭിച്ചതിനെ തുടർന്നാണ് ശ്രീരാമകൃഷ്ണൻ ചോദ്യം ചെയ്യലിന് വശംവദനായത്.

| ചോദ്യം ചെയ്യൽ സ്ഥിരീകരിച്ച് സ്പീക്കറുടെ ഓഫീസ് |

തിരുവനന്തപുരം :

സ്പീക്കർ പി ശ്രീരാമകൃഷ്ണനെ കസ്റ്റംസ് ചോദ്യം ചെയ്തതായി സ്പീക്കറുടെ ഓഫീസ് സ്ഥിരീകരിച്ചു.കസ്റ്റംസ് ചോദ്യങ്ങൾക്ക് സ്പീക്കർ നിലപാടുകൾ വിശദീകരിച്ചതായി സ്പീക്കറുടെ ഓഫീസ് അറിയിച്ചു.

http://www.jginews.in/relative-posting-case-minister-k-t-jaleel-culprit-says-lokayuktha-court/

ബന്ധു നിയമന വിവാദം : മന്ത്രി കെ ടി ജലീൽ കുറ്റക്കാരൻ,സത്യപ്രതിജ്ഞ ലംഘനം നടത്തി,തുടരാൻ പാടില്ലെന്ന് ലോകായുകത

LIVE |

കൊച്ചി: ബന്ധു നിയമന വിവാദത്തിൽ മന്ത്രി കെ ടി ജലീൽ കുറ്റ ക്കാരനാണെന്നും സത്യപ്രതിജ്ഞ ലംഘനം നടത്തിയെന്നും മന്ത്രി സ്ഥാനത്ത് തുടരാൻ പാടില്ലെന്നും യോഗയുക്ത ഡിവിഷൻ ബെഞ്ചിന്റെ സുപ്രധാന വിധി.

ബന്ധു നിയമന കാര്യത്തിൽ മന്ത്രി അധികാര ദുർവിനിയോഗം നടത്തി.ബന്ധു അദീബിനെ ന്യൂന പക്ഷ വികസന കോർപറേഷനിൽ നിയമിച്ചത്.ചട്ട ലംഘനമാണെന്നും ലോകായുക്ത കണ്ടെത്തി.

കെ ടി ജലീൽ അധികാര ദുർവിനിയോഗം നടത്തി, സത്യപ്രതിജ്ഞ ലംഘനം നടത്തിയ മന്ത്രി തൽ സ്ഥാനത്ത് തുടരാൻ പാടില്ലെന്നും ലോകായുക്ത വ്യക്തമാക്കി.

തുടർ നടപടി മുഖ്യമന്ത്രി കൈക്കൊള്ളണമെന്നും ലോകായുക്ത വിധി.കെ ടി ജലീൽ സ്വജന പക്ഷപാതം കാട്ടിയ സംഭവത്തിൽ നടപടിയെടുക്കാൻ മുഖ്യമന്ത്രിക്ക് ലോകായുക്ത വിധി പകർപ്പ് കൈമാറണമെന്നും നടപടി എടുക്കണമെന്നും ഉത്തരവിലുണ്ട്.

കർണ്ണാടകത്തിൽ ഏപ്രിൽ പത്ത് മുതൽ രാത്രി കർഫ്യു പ്രഖ്യാപിച്ചു

ബംഗളുരു: കോവിഡ് വ്യാപനത്തിന്റെ പശ്ചാത്തലത്തിൽ നിയന്ത്രണങ്ങൾ കടുപ്പിച്ച് കർണ്ണാടകം .

വിവിധ ജില്ലകളിൽ രാത്രി കർഫ്യു പ്രഖ്യാപിച്ചു. ബംഗളുരു, തുംകൂർ ,മൈസൂരു,മംഗളുരു, ഉഡുപ്പി,ബിദാർ എന്നിവിടങ്ങളിലാണ് രാത്രി കർഫ്യു പ്രഖ്യാപിച്ചത്.

ഏപ്രിൽ 10 മുതൽ 20 വരെയാണ് കർഫ്യു പ്രഖ്യാപിച്ചത്.രാത്രി പത്ത് മുതൽ പുലർച്ചെ അഞ്ച് വരെയാണ് കർഫ്യു.നിയന്ത്രണങ്ങൾ കർശനമായിരിക്കുമെന്നും ജനങ്ങൾ സഹകരിക്കണമെന്നും പോലീസ് അറിയിച്ചു.

കേരളത്തിൽനിന്നുള്ള വിദ്യാർഥികൾ ,വിവിധ മേഖലയിൽ ജോലി ചെയ്യുന്നവർ ഉൾപ്പെടയുള്ള ആളുകൾക്ക് കർണാടകത്തിന്റെ തീരുമാനം വലിയ തിരിച്ചടിയാകും.

കോവിഡ് വ്യാപനം: സംസ്ഥാനം കടുത്ത നിയന്ത്രണങ്ങളിലേക്ക്,നാളെ മുതൽ പോലീസ് പരിശോധന കർശനമാക്കുന്നു

തിരുവനന്തപുരം: കോവിഡ് വ്യാപനം വർധിക്കുന്ന സാഹചര്യത്തിൽ സംസ്ഥാനം കടുത്ത നിയന്ത്രണങ്ങളിലേക്ക്.

നാളെ മുതൽ പോലീസ് പരിശോധന കർശനമാക്കാൻ ചീഫ് സെക്രട്ടറി വിളിച്ച കോർ കമ്മറ്റി യോഗത്തിൽ തീരുമാനമായി.കോവിഡ് രണ്ടാം തരംഗം തുടങ്ങുന്നതിന്റെ പശ്ചാത്തലത്തിലാണ് തീരുമാനം.

ഒരു ഘട്ടത്തിൽ കോവിഡ് കേസുകളുടെ എണ്ണത്തിൽ ഗണ്യമായ കുറവ് സംഭവിച്ചിരുന്നെങ്കിലും കഴിഞ്ഞ കുറച്ച് ദിവസങ്ങളായി ടെസ്റ്റ് പോസിറ്റീവ് നിരക്ക് വർധിക്കുന്നതായാണ് കണക്കുകൾ സൂചിപിപ്പിക്കുന്നത്.തിരഞ്ഞെടുപ്പ് പ്രചാരണ ഘട്ടങ്ങളിൽ വ്യാപകമായ തോതിൽ കോവിഡ് മാനദണ്ഡങ്ങൾ ലംഘിക്കപ്പെട്ട പശ്ചാത്തലത്തിലാണ് കോർ കമ്മറ്റി യോഗം അടിയന്തിരമായി ചേർന്നത്.

കോവിഡ് വ്യാപനത്തിന്റെ ആദ്യ ഘട്ടങ്ങളിൽ പാലിച്ച കർശന പരിശോധനകളിലേക്ക് സംസ്ഥാനം കടക്കും.പൊതു ഇടങ്ങളിൽ കോവിഡ് മാനദണ്ഡങ്ങൾ പാലിക്കുന്നു എന്നുറപ്പാക്കാൻ പൊലീസിന് കർശന നിർദേശം നൽകി.ഇതിനായി നേരത്തെ ചെയ്തതു പോലെ സെക്ടറൽ മജിസ്‌ട്രേറ്റുമാരെ കൂടി നിയമിക്കും.

ആർ ടി പി സി ആർ ടെസ്റ്റ് വ്യാപകമാക്കാനും വാക്‌സിനേഷൻ അളവ് കൂട്ടാനും തീരുമാനമായിട്ടുണ്ട്.അന്യ സംസ്ഥാനങ്ങളിൽനിന്നും വിദേശത്തുനിന്നും വരുന്നവർക്ക് ഒരാഴ്ചത്തെ ക്വാറന്റൈൻ നിർബന്ധമാക്കും.

ബന്ദിയാക്കപ്പെട്ട ജവാൻ വെടിയേറ്റ് ചികിത്സയിലെന്ന് മാവോ വാദികൾ

ബിജാപൂർ: ഛത്തീസ്ഗഡിൽ ബന്ദിയാക്കപ്പെട്ട ജവാൻ വെടിയേറ്റ് ചികിത്സയിലാണെന്ന് മാവോവാദികൾ വ്യക്തമാക്കി.

ഇതുസംബന്ധിച്ച വിഡിയോയും ഫോട്ടോകളും ഉടൻ പുറത്തുവിടുമെന്ന് മാവോവാദികൾ അറിയിച്ചു.
സർക്കാരുമായി ചർച്ചയ്ക്ക് തയ്യാറാണെന്നറിയിച്ച മാവോവാദികൾ ഇതിനായി മധ്യസ്ഥത വേണമെന്നും സർക്കാരിനെ അറിയിച്ചു.

ബന്ദിയാക്കപ്പെട്ട ജവാനെ മോചിപ്പിക്കുന്നതിന് ഉപാധികളൊന്നും മാവോവാദികൾ വെച്ചിട്ടില്ല.ഛത്തീസ്ഗഡിൽ സൈന്യവുമായുണ്ടായ ഏറ്റുമുട്ടലിൽ 22 ജവാന്മാർ വീരമൃത്യു വരിച്ചിരുന്നു. സംഭവത്തിൽ തങ്ങളുടെ നാല് പേർ കൊല്ലപ്പെട്ടതായി മാവോവാദികൾ അറിയിച്ചു.

ഓപ്പറേഷനിൽ പങ്കെടുത്ത കോബ്ര ബെറ്റാലിയനിലെ കോൺസ്റ്റബിൾ രാകേസ്വർ സിങ് മൻഹാസിനെയാണ് ഏറ്റുമുട്ടലിനിടയിൽ കാണാതായത്.

എന്നാൽ ഏറ്റുമുട്ടലിൽ 24 സൈനികർ കൊല്ലപ്പെട്ടതായി സിപിഐ മാവോവാദികളുടെ പേരിൽ ഇറങ്ങിയ പത്രക്കുറിപ്പിൽ പറഞ്ഞിരുന്നു.രണ്ട് പേജുള്ള പത്രക്കുറിപ്പിൽ ദണ്ഡകാരുണ്യ സ്പെഷ്യൽ സോൺ കമ്മറ്റി വക്താവ് വികൽപ്പിന്റെ പേരാണുള്ളത്.

ആവേശ പ്രകടനങ്ങൾ കണ്ട് നിലപാടുകൾ മാറ്റില്ല , ക്യാപ്റ്റൻ വിവാദത്തിൽ മറുപടിയുമായി മുഖ്യമന്ത്രി

കണ്ണൂർ: ക്യാപ്റ്റൻ വിവാദങ്ങളിൽ മറുപടിയുമായി മുഖ്യമന്ത്രി പിണറായി വിജയൻ.

ആവേശ പ്രകടനങ്ങൾ കണ്ട് തന്റെ രീതികൾ മാറില്ലെന്നും പാർട്ടിയിലെ വ്യക്തി ആരാധനക്ക് താൻ എതിരാണെന്നും അദ്ദേഹം പറഞ്ഞു.നാട്ടുകാരുടെ സ്നേഹ പ്രകടനങ്ങൾ ആരും സൃഷ്ടിച്ചതല്ല. സ്നേഹപ്രകടനം പാർട്ടിയോടും പാർട്ടി നേതാവിനോടുമാണ് അല്ലാതെ വ്യക്തിയോടല്ല.

എൽ ഡി എഫിന് സ്വീകാര്യത കൂടിയതിൽ വലതു പക്ഷത്തിന് അസ്വസ്ഥതയുണ്ട്.എൽ ഡി എഫിനോട് ജനങ്ങൾക്ക് അഭിനിവേശമാണ്.മാധ്യമങ്ങളെ ആരോ വിലക്കെടുത്തിരിക്കുന്നു വെന്നും അത് നല്ലതല്ലെന്നും പിണറായി വിജയൻ പറഞ്ഞു.പി ജയരാജന്റെ ഫേസ്ബുക് പോസ്റ്റിൽ പറഞ്ഞ കാര്യങ്ങളെല്ലാം ശരിയാണെന്നും അദ്ദേഹം പറഞ്ഞു.

600 രൂപ മുടക്കിയവരാണോ 6000 രൂപ കൊടുക്കാൻ പോകുന്നത് എന്നും യു ഡി എഫിന്റെ ന്യായ് പദ്ധതിക്കെതിരെ മുഖ്യമന്ത്രി പരാമർശിച്ചു.കോൺഗ്രസ് ഭരിക്കുന്ന സംസ്ഥാനങ്ങളിൽ വലിയ വില കൊടുത്താണ് വൈദ്യുതി വാങ്ങുന്നതെന്നും കെ എസ് ഇ ബി കരാർ സംബന്ധിച്ച ചോദ്യങ്ങൾക്ക് മറുപടിയായി മുഖ്യമന്ത്രി പറഞ്ഞു.

ഇരട്ട വോട്ട് ചെയ്താൽ ക്രിമിനൽ കേസ്, കർശന നടപടി: തിരഞ്ഞെടുപ്പ് കമ്മീഷൻ

തിരുവനന്തപുരം: ഇരട്ട വോട്ട് ചെയ്താൽ കർശന നടപടിയെന്ന മുന്നറിയിപ്പുമായി തിരഞ്ഞെടുപ്പ് കമ്മീഷൻ.

ഇരട്ട വോട്ട് ചെയ്യുന്നവർക്കെതിരെ ക്രിമിനൽ നടപടി പ്രകാരം കേസെടുക്കുമെന്ന് തിരഞ്ഞടുപ്പ് കമ്മിഷണർ പത്രക്കുറിപ്പിൽ വ്യക്തമാക്കി.

ഇരട്ട വോട്ടിൽ ഹൈക്കോടതി ഇടപെടലിന്റെ പശ്ചാത്തലത്തിലാണ് കമ്മീഷൻ നടപടി.ഇരട്ട വോട്ടുള്ളവരുടെ പേരുകൾ വരണാധികാരികൾക്ക് കൈമാറും.ജില്ലാ വരണാധികാരികൾക്കും ഉപ വരണാധികാരികൾക്കുമായിരിക്കും ഇരട്ട വോട്ട് തടയുന്നതിനുള്ള ചുമതല.ഇത് സംബന്ധിച്ച കാര്യങ്ങൾ നോക്കേണ്ടത് പ്രെസിഡിങ് ഓഫീസർമാരാണ്.

ഇരട്ട വോട്ട് ചെയ്യുന്ന സാഹചര്യമുണ്ടായാൽ ഇന്ത്യൻ ശിക്ഷാ നിയമത്തിലെ 171 D വകുപ്പ് പ്രകാരം കേസെടുക്കണം. സാധാരണഗതിയിൽ ഇരട്ട വോട്ടുള്ള ആൾ വോട്ട് ചെയ്യാനെത്തുകയാണെങ്കിൽ ഹൈക്കോടതി നിർദേശ പ്രകാരം വിരാടയാള ശേഖരണം മുതൽ സത്യവാങ്മൂലം വാങ്ങുന്നതുവരെയുള്ള ജോലികൾ പ്രെസിഡിങ് ഓഫീസർമാർ പൂർത്തിയാക്കണം.

വോട്ട് ചെയ്ത കഴിഞ്ഞാൽ വിരലിലെ മഷി ഉണങ്ങുന്നതുവരെ ബൂത്തിൽ നിൽക്കണം.ഹൈക്കോടതി മാനദണ്ഡങ്ങൾ കർശനമായി പാലിക്കുന്നു എന്നുറപ്പാക്കാൻ തിരഞ്ഞെടുപ്പ് കമ്മീഷൻ ജില്ലാ കളക്ടർമാർക്കും നിർദേശം നൽകിയിട്ടുണ്ട്.

കേരളത്തിന്റെ രാഷ്ട്രീയ ചിത്രം മാറുന്നു :ശരണം വിളിച്ച് പ്രധാനമന്ത്രി കോന്നിയിൽ

പത്തനംതിട്ട: കേരളത്തിന്റെ രാഷ്ട്രീയ ചിത്രം മാറുന്നുവെന്നും ,എൽ ഡി എഫ്,യു ഡി എഫ് മുന്നണികൾ വോട്ട് ബാങ്ക് രാഷ്ട്രീയത്തിന് മുൻഗണന നല്കുന്നവവരാണെന്നും പ്രധാനമന്ത്രി നരേന്ദ്ര മോദി.

കോന്നിയിൽ എൻ ഡി എ തിരഞ്ഞെടുപ്പ് റാലിയിൽ സംസാരിക്കുകയായിരുന്നു അദ്ദേഹം.ശരണം വിളിച്ചുകൊണ്ടാണ് പ്രധാനമന്ത്രി പ്രസംഗം തുടങ്ങിയത്.

കേരളത്തിലെ ഇരു മുന്നണികളും മത്സരിച്ച് അഴിമതി നടത്തുമ്പോൾ ഭരണത്തെ ബാക്ക് ബെഞ്ചിലാക്കി.സോളാർ,സ്വർണ്ണക്കടത്ത്,ബാർ കോഴ എന്നിവ ഉന്നയിച്ചുകൊണ്ട് പ്രധാനമന്ത്രി പറഞ്ഞു.ഇരു മുന്നണികളും എല്ലാ മേഖലയെയും കൊള്ളയടിച്ചു.

കുടുംബാധിപത്യത്തെ ഇരു മുന്നണികളും പ്രോത്സാഹിപ്പിക്കുന്നു. എന്നാൽ ഇരു മുന്നണികൾക്കും പരസ്പരം ശത്രുതയും അസൂയയുമാണ്.ഇരു കൂട്ടരും ദുരഭിമാനത്തിന്റെയും ദാർഷ്ട്യത്തിന്റെയും പ്രതീകമാണ്.

കമ്മ്യൂണിസം കാട്ടുതീപോലെ ഒരു വിഭാഗത്തിന്റെ വിശ്വാസങ്ങളെ ഇല്ലാതാക്കാൻ ശ്രമിക്കുന്നു.വ്രതമെടുത്ത് അയ്യപ്പന്മാർ എത്തുന്ന പുണ്യഭൂമിയാണ് ഇത്.ആ അയ്യപ്പന്മാരെ ഇടത് സർക്കാർ എതിരേറ്റത് ലാത്തിയടികൊണ്ട്.എൻ ഡി എയും ഇ ശ്രീധരനെപ്പോലുള്ളവരും ഈ നാടിന്റെ വികസന ഗതിയെ മാറ്റി മറിക്കുമെന്നും പ്രധാനമന്ത്രി പറഞ്ഞു.

രമേശ് ചെന്നിത്തല വോട്ടർമാരുടെ വിവരങ്ങൾ ചോർത്തിയെന്ന ഗുരുതര ആരോപണവുമായി എം എ ബേബി

| LIVE

തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലക്കെതിരെ ഗുരുതര ആരോപണവുമായി സിപിഎം പോളിറ്റ്ബ്യുറോ അംഗവും നേതാവുമായ എം എ ബേബി.

വോട്ടർമാരുടെ സ്വകാര്യ വിവരങ്ങൾ ചെന്നിത്തല ചോർത്തി എന്നാണ് ബേബി ആരോപണം ഉന്നയിച്ചിരിക്കുന്നത്.വിവരങ്ങൾ പ്രസിദ്ധീകരിച്ചത് സിംഗപ്പൂരിൽ സെർവറുള്ള വെബ്സൈറ്റിലാണെന്നും എം എ ബേബി ആരോപിച്ചു. ഡാറ്റ ചോർത്തൽ ഗൗരവമുള്ള നിയമ പ്രശ്നമാണ് എന്നും എം എ ബേബി പറയുന്നു.

N E X T S T O R Y

http://www.jginews.in/chief-minister-pinarayi-vijayan-in-press-conference/

എന്നാൽ രാഷ്ട്രീയ പാർട്ടികൾക്കും വ്യക്തികൾക്കും ലഭ്യമാകുന്ന വിവരങ്ങളാണ് വോട്ടർ പട്ടിക സംബന്ധിച്ചതെന്നാണ് പ്രതിപക്ഷ നേതാവുമായി ബന്ധപ്പെട്ട വൃത്തങ്ങളിൽനിന്ന് ലഭ്യമാകുന്ന സൂചന.വിഷയത്തിൽ രമേശ് ചെന്നിത്തലയുടെ പ്രതികര ലഭ്യമായിട്ടില്ല.

രജനീകാന്തിന് ദാദാസാഹേബ് ഫാൽക്കെ പുരസ്‌കാരം

നടൻ രജനികാന്ത്

ന്യൂഡൽഹി: ചലച്ചിത്ര മേഖലയിലെ സമഗ്ര സംഭാവനയ്ക്കുള്ള ബഹുമതിയായ ദാദസാഹേബ് ഫാൽക്കെ പുരസ്‌കാരം രജനീകാന്തിന്.

ഇന്ത്യൻ ചലച്ചിത്ര മേഖലയിലെ ആജീവനാന്ത സംഭാവനകൾ മാനിച്ച് ഭാരത സർക്കാർ നൽകുന്ന പരമോന്നത ചലച്ചിത്ര പുരസ്‌കാരമാണ് ദാദാസാഹേബ് ഫാൽക്കെ പുരസ്‍കാരം.

കേന്ദ്ര വാർത്താ വിതരണ വകുപ്പ് മന്ത്രി പ്രകാശ് ജാവദേക്കറാണ് 51ആമത് പുരസ്‌കാര പ്രഖ്യാപനം നടത്തിയത്.

ഇന്ത്യൻ സിനിമയുടെ പിതാവായി അറിയപ്പെടുന്ന ദാദാസാഹേബ് ഫാൽകെയുടെ നൂറാം ജന്മ വാർഷികമായ 1969 മുതലാണ് പുരസ്‌കാരം നൽകിത്തുടങ്ങിയത്.2018ൽ അമിതാഭ് ബച്ചൻ ദാദാസാഹേബ് പുരസ്‌കാരത്തിന് അർഹനായിട്ടുണ്ട്.

തിരഞ്ഞെടുപ്പ് രാഷ്രീയം അവസാനിപ്പിക്കുന്നു, ഇനി പാർട്ടി പറഞ്ഞാലും മത്സരിക്കില്ല : ഇ പി ജയരാജൻ

LIVE |

| പിണറായി വിജയൻ പ്രത്യേക ശക്തിയും ഊർജവുമുള്ള മഹാനായ മനുഷ്യനാണെന്നും,അത്പോലെ ആകാൻ പറ്റാത്തതിലാണ് വിഷമമെന്നും ജയരാജൻ പറഞ്ഞു |

കണ്ണൂർ: തിരഞ്ഞെടുപ്പ് രാഷ്ട്രീയം അവസാനിപ്പിക്കുന്നതായി സിപിഎം നേതാവ് ഇ പി ജയരാജൻ പ്രഖ്യാപിച്ചു.

ഇനി പാർട്ടി പറഞ്ഞാൽ പോലും മത്സരിക്കില്ലെന്ന് ജയരാജൻ മാധ്യമങ്ങൾക്ക് മുൻപിൽ പ്രഖ്യാപിച്ചു.കാര്യം പാർട്ടിയെ ബോധ്യപ്പെടുത്തും.

കാണുന്നത്പോലെയല്ല കുറച്ച് ആരോഗ്യ പ്രശ്നങ്ങളൊക്കെയുണ്ട്, പ്രായവും കൂടി .പഴയതുപോലെ ജനങ്ങൾക്കിടയിൽ ഇറങ്ങി പ്രവർത്തിക്കാനാവില്ല. കാര്യങ്ങൾ പറഞ്ഞാൽ പാർട്ടിക്ക് ബോധ്യപ്പെടുമെന്നും ഇ പി ജയരാജൻ തിരഞ്ഞെടുപ്പ് രാഷ്ട്രീയം ഉപേക്ഷിച്ചുകൊണ്ടുള്ള പ്രഖ്യാപനവുമായി മാധ്യമങ്ങളോട് പറഞ്ഞു.

മട്ടന്നൂർ മണ്ഡലത്തിൽ മത്സരിക്കാൻ കഴിയാത്തതിലുള്ള നിരാശയാണോ ഇതിന് കാരണമെന്ന മാധ്യമങ്ങളുടെ ചോദ്യങ്ങൾക്ക് "എന്ത് വ്യാഖ്യാനങ്ങളും നിങ്ങൾക്ക് നൽകാമെന്നും എന്റെ കാര്യങ്ങൾ പാർട്ടിയെ ബോധ്യപ്പെടുത്തു" മെന്നും എപി ജയരാജൻ പറഞ്ഞു.

പുറമെ കാണുന്നത്പോലെയല്ല. വയസ്സായി,ആരോഗ്യ പ്രശ്നങ്ങളൊക്കെയുണ്ട് എന്ന് ജയരാജൻ പറഞ്ഞപ്പോൾ മുഖ്യമന്ത്രി ഈ പ്രായത്തിലും ഊർജസ്വലനായി പ്രവർത്തിക്കുന്നില്ലേ എന്ന ചോദ്യത്തിന് അദ്ദേഹത്തെയും എന്നെയും താരതമ്യം ചെയ്യാൻ കഴിയില്ലെന്നും പിണറായി വിജയൻ പ്രത്യേക ശക്തിയും ഊർജവുമുള്ള മഹാനായ മനുഷ്യനാണെന്നും,അത്പോലെ ആകാൻ പറ്റാത്തതിലാണ് വിഷമമെന്നും ജയരാജൻ പറഞ്ഞു.

എന്റെ നിരപരാധിത്വം ബോധ്യപ്പെടുത്തണമെന്ന് ആഗ്രഹമുണ്ടായിരുന്നു.അത് തെളിയിക്കാൻ രണ്ടാമത് തിരിച്ചു വന്നതിലൂടെ സാധിച്ചുവെന്നും ഇ പി ജയരാജൻ പറഞ്ഞു.

ഇരട്ട വോട്ട് വിവാദത്തിൽ ഹൈക്കോടതി ഇടപെടൽ,ഒന്നിലേറെ വോട്ട് ചെയ്യുന്നില്ലെന്ന് ചെയ്യുന്നില്ലെന്ന് ഉറപ്പാക്കാൻ കർശന നിർദേശം

LIVE |

കൊച്ചി: ഇരട്ട വോട്ട് വിവാദത്തിൽ നിർണ്ണായകമായ ഹൈക്കോടതി ഇടപെടൽ.

ഒരാൾ ഒന്നിൽ കൂടുതൽ വോട്ട് ചെയ്യുന്നില്ലെന്ന് ഉറപ്പാക്കാൻ ഹൈക്കോടതി തിരഞ്ഞെടുപ്പ് കമ്മീഷന് കർശന നിർദേശം നൽകി. തിരഞ്ഞെടുപ്പ് അടുക്കുംതോറും ഇരട്ട വോട്ട് വിവാദം കൂടുതൽ സങ്കീർണ്ണമായ ചർച്ചയായി മാറിയ പശ്ചാത്തലത്തിലാണ് ഹൈക്കോടതി ഇടപെടൽ.

സംസ്ഥാനത്ത് നാല് ലക്ഷത്തിലധികം ഇരട്ട വോട്ടുകൾ ഉണ്ടെന്ന പ്രതിപക്ഷ നേതാവ് രമേശ് ചെന്നിത്തല വെളിപ്പെടുത്തുകയും ഇതിൽ നടപടി സ്വീകരിക്കണമെന്നാവശ്യപ്പെട്ട് ഹൈക്കോടതിയെ സമീപിക്കുകയുമായിരുന്നു.

ചീഫ് ഉൾപ്പെടുന്ന ഡിവിഷൻ ബെഞ്ചാണ് ഹർജിയിൽ ഇടപെട്ട്ഇടക്കാല ഉത്തരവിറക്കിയത്.സംഭവത്തിൽ തിരഞ്ഞെടുപ്പ് കമ്മീഷൻ ഇന്ന് ഹൈക്കോടതിയിൽ നിലപാട് വ്യക്തമാക്കി.ഒരാൾക്ക് ഒന്നിലധികം വോട്ട് പാടില്ല എന്ന് ഉറപ്പാക്കണമെന്ന തിരഞ്ഞെടുപ്പ് കമ്മിഷൻ നിർദേശം കർശനമായി പാലിക്കണമെന്ന ഹൈക്കോടതി നിർദേശം ഉറപ്പാക്കുമെന്ന് തിരഞ്ഞെടുപ്പ് കമ്മീഷൻ സത്യവാങ്മൂലം സമർപ്പിച്ചു.

അതെ സമയം ഇരട്ട വോട്ട് വിഷയത്തിൽ കൃത്യമായ തെളിവുകളുമായി രംഗത്തുള്ള പ്രതിപക്ഷത്തിന്റെ നിലപാടുകളും നിർണ്ണായകമാകുമെന്നാണ് വിലയിരുത്തൽ.തിരഞ്ഞെടുപ്പ് കമ്മീഷൻ ഹൈക്കോടതിയിലെടുക്കുന്ന നിലപാടുകളുടെ ശേഷമായിരിക്കും ഇത് എന്നാണ് സൂചനകൾ.വിഷയത്തിൽ കോൺഗ്രസ് പാർട്ടി നടത്തിയ അന്വേഷണത്തിന് നേതൃത്വം കൊടുത്ത വ്യക്തി കൂടുതൽ തെളിവുകളുമായി രംഗത്തിറങ്ങുമെന്നാണ് ലഭ്യമാകുന്ന വിവരം.

ശ്രീറാം വെങ്കിട്ടരാമനെയും ആസിഫ് കെ യൂസഫിനെയും തിരഞ്ഞെടുപ്പ് നിരീക്ഷക സ്ഥാനത്ത് നിന്നും തിരിച്ചുവിളിച്ചു

ചെന്നൈ: കേരളത്തിൽനിന്നുള്ള രണ്ട് ഐ എ എസ് ഉദ്യോഗസ്ഥരെ തിരഞ്ഞെടുപ്പ് നിരീക്ഷക സ്ഥാനത്തുനിന്നും തിരിച്ചു വിളിച്ചു.കേരളാ കേഡർ ഐ എ എസ് ഉദ്യോഗസ്ഥരായ ശ്രീറാം വെങ്കിട്ടരാമൻ,ആസിഫ് കെ യുസഫ് എന്നിവരെയാണ് പരാതിയെ തുടർന്ന് തിരഞ്ഞെടുപ്പ് കമ്മീഷൻ തിരിച്ചുവിളിച്ചത്.

മാധ്യമ പ്രവർത്തകനായ കെ എം ബഷീറിന്റെ മരണവുമായി ബന്ധപ്പെട്ട കേസിലെ ഒന്നാം പ്രതിയാണ് ശ്രീറാം വെങ്കിട്ടരാമൻ.ഇയാൾ മദ്യപിച്ച് കാർ ഓടിച്ചതിനെ തുടർന്നുണ്ടായ അപകടത്തിലാണ് ബഷീർ മരിച്ചത്.ഇക്കാര്യം ചൂണ്ടിക്കാട്ടി ബഷീർ ജോലി ചെയ്തിരുന്ന മാധ്യമ സ്ഥാപനം തിരഞ്ഞെടുപ്പ് കമ്മീഷന് പരാതി നൽകിയിരുന്നു.

സിവിൽ സർവീസ് ലഭിക്കാൻ വ്യാജ വരുമാന സർട്ടിഫിക്കറ്റ് ഉണ്ടാക്കിയ കേസിലെ അന്വേഷണം നേരിടുന്നയാളാണ് ആസിഫ് കെ യുസഫ്.തിരിച്ചു വിളിക്കപ്പെട്ട ഇവർക്ക് പകരമായി ജാഫർ മാലിക്കിനെയും ഷർമിള മേരി ജോസഫിനെയും നിരീക്ഷകരായി നിയമിച്ചിട്ടുണ്ട്.

ഇരട്ടവോട്ടിൽ ഹൈക്കോടതി തിരഞ്ഞെടുപ്പ് കമ്മീഷനോട് വിശദീകരണം തേടി

LIVE |

സ്വന്തം ലേഖകൻ
കൊച്ചി : ഇരട്ടവോട്ട് വിവാദത്തിൽ തിരഞ്ഞെടുപ്പ് കമ്മീഷനോട് ഹൈക്കോടതി വിശദീകരണം തേടി. നിലപാട് വ്യക്തമാക്കാൻ കോടതി തിങ്കളാഴ്ച്ചവരെ സമയം നൽകി.

പ്രതിപക്ഷ നേതാവ് രമേശ് ചെന്നിത്തലയുടെ ഹർജിയിലാണ് ഹൈക്കോടതി നടപടി.

വോട്ടർപട്ടികയിൽ ക്രമക്കേട് ചൂണ്ടിക്കാട്ടി അഞ്ച് തവണ പരാതി നൽകിയിട്ടും തിരഞ്ഞെടുപ്പ് കമ്മീഷൻ പരിഗണിക്കാത്ത പശ്ചാത്തലത്തിലാണ് പ്രതിപക്ഷ നേതാവ് കോടതിയെ സമീപിച്ചത്.

ഇ രട്ടവോട്ട് നീക്കം ചെയ്യാൻ സാങ്കേതിക തടസ്സങ്ങൾ ഉണ്ടെന്നാണ് തിരഞ്ഞെടുപ്പ് കമ്മിഷൻ വ്യക്തമാക്കിയത്.

ഹർജിയിൽ അടിയന്തിര പരിഗണന വേണമെന്ന രമേശ് ചെന്നിത്തലയുടെ അഭ്യർത്ഥനയിൽ ചീഫ് ജസ്റ്റിസിന്റെ അഭാവത്തിൽ ജസ്റ്റിസ് രവികുമാറാണ് ഹർജി പരിഗണിച്ചത്.

അന്തർ സംസ്ഥാന യാത്ര തടയരുതെന്ന് കേന്ദ്രത്തിന്റെ പുതിയ മാർഗ നിർദ്ദേശം

ന്യൂഡൽഹി: കോവിഡ് പശ്ചാത്തലത്തിൽ അന്തർ സംസ്ഥാന യാത്രകൾക്കുൾപ്പെടെ കൂടുതൽ മാർഗ്ഗ നിർദേശങ്ങൾ പുറപ്പെടുവിച്ച് കേന്ദ്രസർക്കാർ.

കോവിഡ് വ്യാപന തോത് വിവിധ സംസ്ഥാനങ്ങളിൽ വ്യത്യസ്തമാണെങ്കിലും അന്തർ സംസ്ഥാന യാത്രകൾ തടയരുതെന്ന് കേന്ദ്രം മാർഗ നിർദേശം പുറപ്പെടുവിച്ചു.ഏപ്രിൽ ഒന്ന് മുതൽ 30 വരെ പാലിക്കേണ്ടവയാണ് പുതിയ നിർദേശങ്ങൾ.

പരിശോധനയിലും കോവിഡ് കേസ് കണ്ടെത്തുന്നതിലും ചികിത്സ നൽകുന്നതിലും സംസ്ഥാനങ്ങളും കേന്ദ്രഭരണ പ്രദേശങ്ങളും ശ്രദ്ധ ചെലുത്തണം.രോഗ വ്യാപനമുള്ള സംസ്ഥാനങ്ങൾക്ക് ആവശ്യമായ മേഖലകളിൽ ലോക്ക് ഡൗൺ ഉൾപ്പെടെയുള്ള നടപടികൾ എടുക്കാം.

അന്തർ സംസ്ഥാന യാത്രകളോ സാധങ്ങൾ കൊണ്ടുപോകുന്നതോ തടയാൻ പാടില്ല.മാർഗ നിർദേശങ്ങൾ കർശനമായി പാലിക്കണം. അയൽ രാജ്യങ്ങളുമായുള്ള വ്യാപാര കരാറിന്റെ അടിസ്ഥാനത്തിലുള്ള പ്രവർത്തനങ്ങളും തടസ്സപ്പെടുത്തരുതെന്ന് കേന്ദ്ര ആഭ്യന്തര മന്ത്രാലയം നിർദേശിച്ചിട്ടുണ്ട്.

ഏപ്രിൽ ഒന്ന് മുതൽ 45 വയസ് കഴിഞ്ഞവർക്കും കോവിഡ് വാക്‌സിൻ നൽകും കേന്ദ്രമന്ത്രി പ്രകാശ് ജാവദേക്കർ

ന്യൂഡൽഹി: രാജ്യത്ത് കോവിഡ് വാക്‌സിനേഷൻ മൂന്നാം ഘട്ടത്തിലേക്ക് കടക്കുന്നു.

ഏപ്രിൽ ഒന്ന് മുതൽ 45 വയസ്സിനും അതിന് മുകളിലുള്ളവർക്കും കോവിഡ് വാക്‌സിൻ നൽകുമെന്ന് കേന്ദ്രമന്ത്രി പ്രകാശ് ജാവദേക്കർ അറിയിച്ചു.

രാജ്യത്ത് പല സംസ്ഥാനങ്ങളിലും കോവിഡ് വ്യാപനം വർധിക്കുന്ന സാഹചര്യത്തിൽ പ്രതിരോധ പ്രവർത്തനങ്ങൾ ഊര്ജിതമാക്കാനും വാക്‌സിനേഷൻ കാര്യക്ഷമമായി നടത്താനും കേന്ദ്ര സർക്കാർ സംസ്ഥാനങ്ങൾക്ക് നിർദേശം നൽകിയിട്ടുണ്ട്.

എൻ ഡി എയ്ക്ക് കനത്ത തിരിച്ചടി,പത്രിക തള്ളിയ ഹർജികളിൽ ഇടപെടാനാകില്ലെന്ന് ഹൈക്കോടതി

LIVE | ബിജെപിയെയും എൻ ഡി എ യെയും അക്ഷരാർത്ഥത്തിൽ പ്രതിസന്ധിയിലാക്കിയ വിഷയത്തിൽ എന്ത് തീരുമാനം ഉണ്ടാകും എന്ന് രാഷ്ട്രീയ കേരളം ഉറ്റു നോക്കുകയാണ്.

കൊച്ചി : നാമനിർദേശ പത്രിക തള്ളിയ ഹർജികളിൽ എൻ ഡി എ യ്ക്ക് കനത്ത തിരിച്ചടി. പത്രിക തള്ളിയ ഹർജികളിൽ ഇടപെടാനാകില്ലെന്ന് ഹൈക്കോടതി വ്യക്തമാക്കിയതോടെയാണ് ഇത്.

തലശ്ശേരിലെ എൻ ഡി എ സ്ഥാനാർഥി എൻ ഹരിദാസ്, ഗുരുവായൂരിലെ എൻ ഡി എ സ്ഥാനാർഥി അഡ്വ. നിവേദിത, ദേവികുളത്ത് എൻ ഡി എ മുന്നണിയുടെ ഭാഗമായ മത്സരിക്കാനിരുന്ന എ ഐ എ ഡി എം കെ സ്ഥാനാർത്ഥി ആർ ധനലക്ഷ്മി എന്നിവരുടെ നാമനിർദേശ പത്രികകളാണ് തള്ളിയത്.

എന്നാൽ ദേവികുളത്തെ സ്ഥാനാർത്ഥിത്വം സംബന്ധിച്ച പ്രശ്നങ്ങൾ എൻ ഡി എ പരിഹരിച്ചിരുന്നു എന്ന് പറയുന്നു. ഈ പശ്ചാത്തലത്തിൽ തലശ്ശേരിയിലെയും ഗുരുവായൂരിലെയും സ്ഥാനാര്ഥികളാണ് ഹൈക്കോടതിയെ സമീപിച്ചത്.

തിരഞ്ഞെടുപ്പ് പ്രഖ്യാപനത്തിന് ശേഷം ഇത്തരം സംഭവങ്ങളിൽ കോടതികൾക്ക് ഇടപെടാനാകില്ല എന്ന തിരഞ്ഞെടുപ്പ് കമ്മീഷൻ വാദം കോടതി അംഗീകരിക്കുകയായിരുന്നു.തിരഞ്ഞെടുപ്പ് പ്രക്രിയ തുടങ്ങിക്കഴിഞ്ഞാൽ പിന്നെ കമ്മീഷന്റേതാണ് അന്തിമ തീരുമാനം എന്നതാണ് തിരഞ്ഞെടുപ്പ് കമ്മീഷൻ വാദം.

തിരഞ്ഞെടുപ്പുമായി ബന്ധപ്പെട്ട് എന്തെങ്കിലും പരാതി ഉണ്ടെങ്കിൽ തിരഞ്ഞെടുപ്പ് കമ്മീഷന് മാത്രമേ കോടതിയെ സമീപിക്കാൻ കഴിയു എന്നും ഹൈക്കോടതി വ്യക്തമാക്കി. ഇടപെടാനാകില്ലെന്ന് ഹൈക്കോടതി വ്യക്തമാക്കിയ സാഹചര്യത്തിൽ എൻ ഡി എയ്ക്ക് തലശ്ശേരിയിലും ഗുരുവായൂരിലും സ്ഥാനാർത്ഥികൾ ഇല്ലാതായി.

ബിജെപിയെയും എൻ ഡി എ യെയും അക്ഷരാർത്ഥത്തിൽ പ്രതിസന്ധിയിലാക്കിയ വിഷയത്തിൽ എന്ത് തീരുമാനം ഉണ്ടാകും എന്ന് രാഷ്ട്രീയ കേരളം ഉറ്റു നോക്കുകയാണ്.

അഞ്ച് വർഷം കൂടുമ്പോൾ ഭരണമാറ്റമെന്ന കാലം കഴിഞ്ഞു,സംസ്ഥാനത്ത് മൂന്നാം ശക്തി വളരുന്നു: കെ സുധാകരൻ

കണ്ണൂർ: യു ഡി എഫിനെ സംബന്ധിച്ചിടത്തോളം ഇത് നിർണ്ണായകമായ തിരഞ്ഞെടുപ്പാണെന്ന് കോൺഗസ് നേതാവ് കെ സുധാകരൻ കണ്ണൂരിൽ പറഞ്ഞു.

കോൺഗ്രസ് പരാജയപ്പെട്ടാൽ അത് ബിജെപിയെ ശക്തിപ്പെടുത്തലാകു മെന്നും കെ സുധാകരൻ പറഞ്ഞു. ഇരിക്കൂറിൽ യു ഡി എഫ് തിരഞ്ഞെടുപ്പ് കൺവെൻഷനിൽ സംസാരിക്കുകയായിരുന്നു അദ്ദേഹം.

" നിർണ്ണായകമാണ് ഈ തിരഞ്ഞെടുപ്പ്, എല്ലാ കാലവും ഞാനും നിങ്ങളും പറയും അഞ്ച് വർഷം യുഡി എഫ് അഞ്ച് വർഷം എൽ ഡി എഫ് എന്ന് .ഇക്കുറി അങ്ങിനെ കരുതരുത്.കേരളാ രാഷ്ട്രീയത്തിന്റെ സ്വഭാവം മാറിക്കൊണ്ടിരിക്കുകയാണ്.മൂന്നാമതൊരു പ്രസ്ഥാനം ഇവിടെ വളർന്നു വരുന്നുണ്ട്.പക്ഷെ അവർ ശക്തരല്ല.എന്നാൽ അവരെ ശക്തരാക്കുന്ന നടപടിയിലേക്ക് യു ഡി എഫിന്റെ പരാജയം നയിക്കുമെന്ന ഓർമ്മ ഓരോരുത്തർക്കും വേണം.അത്കൊണ്ട് ജയിക്കണം.അധികാരത്തിലേക്ക് തിരിച്ചു വരണം." സുധാകരൻ പറഞ്ഞു

പത്രിക തള്ളിയ കേസ് നാളത്തേക്ക് മാറ്റി,കോടതിക്ക് ഇടപെടാനാകില്ലെന്ന് തിരഞ്ഞെടുപ്പ് കമ്മീഷൻ


കൊച്ചി: എൻ ഡി എ സ്ഥാനാർത്ഥികളുടെ നാമനിർദേശ പത്രിക തള്ളിയ കേസിലെ ഹർജികൾ പരിഗണിക്കുന്നത് ഹൈക്കോടതി നാളത്തേക്ക് മാറ്റി.

കേസിൽ എതിർ സത്യവാങ്മൂലം നൽകാൻ ഹൈക്കോടതി തിരഞ്ഞെടുപ്പ് കമ്മീഷനോട് നിർദേശിച്ചു.അതേസമയം തലശ്ശേരിയിലെ കോൺഗ്രസ് സ്ഥാനാർഥി കേസിൽ കക്ഷി ചേരാൻ അപേക്ഷ നൽകി.

എന്നാൽ ഗുരുവായൂരിലെ എൻ ഡി എ സ്ഥാനാർത്ഥിയുടെ പത്രിക തള്ളിയ കേസ് കോടതി ഇന്ന് പരിഗണിക്കുമെന്ന് ആദ്യം പറഞ്ഞിരുന്നെങ്കിലും പിന്നീട് രണ്ട് ഹർജികളും പരിഗണിക്കുന്നത് നാളത്തേക്ക് മാറ്റുകയായിരുന്നു.

തലശ്ശേരിലെ എൻ ഡി എ സ്ഥാനാർഥി എൻ ഹരിദാസ്, ഗുരുവായൂരിലെ എൻ ഡി എ സ്ഥാനാർഥി അഡ്വ. നിവേദിത, ദേവികുളത്ത് എൻ ഡി എ മുന്നണിയുടെ ഭാഗമായ മത്സരിക്കാനിരുന്ന എ ഐ എ ഡി എം കെ സ്ഥാനാർത്ഥി ആർ ധനലക്ഷ്മി എന്നിവരുടെ നാമനിർദേശ പത്രികകളാണ് തള്ളിയത്.

എന്നാൽ തിരഞ്ഞെടുപ്പ് പ്രക്രിയയിൽ കോടതിക്ക് ഇടപെടാനാകില്ലെ ന്ന് തിരഞ്ഞെടുപ്പ് കമ്മീഷൻ വ്യക്തമാക്കി. തിരഞ്ഞെടുപ്പ് കമ്മീഷൻ നിലപാട് സംഭവത്തിന് പുതിയ മാനങ്ങൾ നൽകുമെന്നാണ് വിലയിരുത്തൽ.തിരഞ്ഞെടുപ്പ് ഫലം വരുന്നതിന് മുൻപുള്ള കോടതി ഇടപെടൽ സ്വതന്ത്രമായ തിരഞ്ഞെടുപ്പിനെ ബാധിക്കുമെന്നും തിരഞ്ഞെടുപ്പ് കമ്മീഷൻ വ്യക്തമാക്കി.

തലശ്ശേരിയിലും ഗുരുവായൂരും ദേവികുളത്തും എൻ ഡി എ സ്ഥാനാർത്ഥികളുടെ പത്രിക തള്ളി,ബിജെപിയിൽ പ്രതിസന്ധി

കണ്ണൂർ: തലശ്ശേരിയിലും ഗുരുവായൂരും ദേവികുളത്തും എൻ ഡി എ സ്ഥാനാർത്ഥികളുടെ നാമനിർദേശ പത്രിക തള്ളിയത് മുന്നണിയിൽ വലിയ പ്രതിസന്ധി ഉണ്ടാക്കുന്നു.

തലശ്ശേരിലെ എൻ ഡി എ സ്ഥാനാർഥി എൻ ഹരിദാസ്,ഗുരുവായൂരിൽ എൻ ഡി എ സ്ഥാനാർഥി അഡ്വ. നിവേദിത,ദേവികുളത്ത് എൻ ഡി എ മുന്നണിയുടെ ഭാഗമായ മത്സരിക്കാനിരുന്ന എ ഐ എ ഡി എം കെ സ്ഥാനാർത്ഥി ആർ ധനലക്ഷ്മി എന്നിവരുടെ നാമനിർദേശ പത്രികകളാണ് തള്ളിയത്.

തലശ്ശേരിലെ എൻ ഡി എ സ്ഥാനാർഥി എൻ ഹരിദാസിന്റെ പത്രികയാണ് തള്ളിയത്.ബിജെപി കണ്ണൂർ ജില്ല പ്രസിഡണ്ടാണ് ഹരിദാസ്.നാമനിർദേശ പത്രികയിൽ ദേശീയ അധ്യക്ഷന്റെ ഒപ്പ് ഇല്ലാത്തതാണ് പത്രിക തള്ളാൻ കാരണം.ഇതോടെ ജില്ലയിൽ ബിജെപിക്ക് ഏറ്റവും കൂടുതൽ വോട്ടുള്ള തലശ്ശേരിയിൽ എൻ ഡി എ യ്ക്ക് സ്തനാർത്ഥി ഇല്ലാതായി.2016ൽ തലശ്ശേരിയിൽ ബിജെപി 22,125 വോട്ട് നേടിയിരുന്നു.

ഗുരുവായൂരിൽ എൻ ഡി എ സ്ഥാനാർഥി അഡ്വ. നിവേദിതയുടെ പത്രികയും തള്ളി.മഹിളാ മോർച്ച സംസ്ഥാന അധ്യക്ഷയാണ് നിവേദിത.സംസ്ഥാന അധ്യക്ഷന്റെ പേരില്ലാത്തതാണ് പത്രിക തള്ളാൻ കാരണം.ഇവിടെയും എൻ ഡി എ യ്ക്ക് ഡമ്മി സ്ഥാനാർഥിയില്ല.

ദേവികുളത്ത് എൻ ഡിഎ മുന്നണിയുടെ ഭാഗമായി മത്സരിക്കാനിരുന്ന എ ഐ എ ഡി എം കെ സ്ഥാനാർത്ഥി ആർ ധനലക്ഷ്മിയുടെ പത്രികയും തള്ളി.ഫോറം 26 പൂർണമായി പൂരിപ്പിക്കാത്തതിനാലാണ് ഇവരുടെ പത്രിക ദേവികുളം സബ് കളക്ടർ തള്ളിയത്.

ഇതിനിടെ അഴീക്കോട് മത്സരിക്കുന്ന യു ഡി എഫ് സ്ഥാനാർത്ഥി കെ എം ഷാജിക്കെതിരെ എൽ ഡി എഫ് പരാതിയുമായി രംഗത്തെത്തി.ഷാജിയെ ആറ് വർഷം തിരഞ്ഞെടുപ്പിൽ മത്സരിക്കുന്നത് അയോഗ്യനാക്കിയ ഹൈക്കോടതി വിധി ചൂണ്ടിക്കാട്ടിയാണ് ഇത്.

photo | englishmathrubhumi

ശബരിമല ആചാര സംരക്ഷണത്തിന് പ്രത്യേക നിയമം,ക്ഷേമ പെൻഷൻ, കിറ്റ്, യു ഡി എഫ് പ്രകടന പത്രിക

തിരുവനന്തപുരം: മികച്ച വാഗ്ദാനങ്ങളുമായി യു ഡി എഫ് പ്രകടന പത്രികയും പുറത്തിറങ്ങി.

ക്ഷേമ പെൻഷൻ 3000 രൂപയാകും.ക്ഷേമ കമ്മീഷൻ രൂപീകരിക്കും, പാവപെട്ട കുടുംബങ്ങൾക്ക് മാസം തോറും 6000 രൂപ,40നും 60നും മധ്യേയുള്ള വീട്ടമ്മമാർക്ക് പ്രതിമാസം 2000 രൂപ,അഞ്ച് ഏക്കർ വരെ ഭൂമിയുള്ള കർഷകരുടെ പ്രളയത്തിന് മുൻപുള്ള 2 ലക്ഷം വരെയുള്ള കടം എഴുതിത്തള്ളും,ഓട്ടോ,ടാക്സി,മൽസ്യബന്ധന ബോട്ടുകൾ എന്നിവയ്ക്ക് സംസ്ഥാന നികുതിയിൽനിന്ന് ഇന്ധന സബ്‌സിഡി.

എല്ലാ ഉപഭോക്താക്കൾക്കും 100 യൂണിറ്റ് സൗജന്യ വൈദ്യുതി,ബിൽ രഹിത ആശുപത്രികൾ,കൂടുതൽ വിഭവങ്ങളോട് സൗജന്യ കിറ്റ്,അഞ്ച് ലക്ഷം പേർക്ക് വീട്,കാരുണ്യ പദ്ധതിയുടെ പുനരാരംഭം,ശബരിമല ആചാര സംരക്ഷണത്തിനായി പ്രത്യേക നിയമം,വെള്ള കാർഡിന് അഞ്ച് കിലോ അരി സൗജന്യം,വനാവകാശ നിയമം നടപ്പാക്കൽ.

പട്ടിക ജാതി-പട്ടിക വർഗ മൽസ്യ തൊഴിലാളികൾക്ക് ഭവന നിർമ്മാണത്തിനുള്ള തുക 4 ലക്ഷത്തിൽനിന്ന് 6 ലക്ഷമാക്കും,ഭിന്ന ശേഷിക്കാർക്ക് വാഹനം വാങ്ങാൻ പ്രത്യേക ധനസഹായ, വായ്പ, സമാധാന അന്തരീക്ഷം നില നിർത്താനായി പ്രത്യേക വകുപ്പ്. കാർഷിക ബജറ്റ്,റബറിന് 250 രൂപയും നെല്ലിന് 30 രൂപയും തേങ്ങയ്ക്ക് 40 രൂപയും താങ്ങുവില നിശ്ചയിക്കും.

തിരുവനന്തപുരം,കോഴിക്കോട് ലൈറ്റ് മെട്രോ,700 രൂപ മിനിമം കൂലി എന്നിങ്ങനെയാണ് പ്രകടന പത്രികയിലെ യു ഡി എഫ് വാഗ്‌ദാനങ്ങൾ. പ്രകടന പത്രിക .വാഗ്ദാനങ്ങൾ നടപ്പാക്കാൻ തങ്ങൾക്ക് ബാധ്യതയുണ്ടെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു.

വാട്സാപ്പ്, ഇൻസ്റ്റഗ്രാം പ്രവർത്തനം നിലച്ചു

ന്യൂഡൽഹി: വാട്സ്ആപ്, ഇൻസ്റ്റാഗ്രാം പ്രവർത്തനം നിലച്ചു.54 മിനുട്ടിന് ശേഷം പ്രശ്നം പരിഹരിച്ചു.

വെള്ളിയാഴ്ച രാത്രി 10.50 ഓടെയാണ് ജനപ്രിയ ആപ്പ്ളിക്കേഷനുകളായ വാട്സ്ആപ്,ഇൻസ്റ്റാഗ്രാം സേവനങ്ങൾ നിലച്ചത്.ലോകത്തിന്റെ വിവിധ ഭാഗങ്ങളിൽ സേവനങ്ങൾ തകരാറിലായതായി വിലയിരുത്തപ്പെടുന്നു.സെർവർ തകരാറെന്നാണ് നിഗമനം.

photo | mytimes.com

കോവിഡ് രണ്ടാം വ്യാപനം തടയൽ നിർണ്ണായകമെന്ന് പ്രധാനമന്ത്രി

ന്യൂഡൽഹി: കോവിഡ് മഹാമാരിയുടെ രണ്ടാം വ്യാപനം തടയുക എന്നത് നിർണ്ണനായകമാണെന്ന് പ്രധാനമന്ത്രി നരേന്ദ്ര മോഡി പറഞ്ഞു. രാജ്യത്തെ കോവിഡ് വ്യാപനത്തിന്റെ പശ്ചാത്തലത്തിൽ മുഖ്യമന്ത്രിമാർക്കായി വിളിച്ചു ചേർത്ത യോഗത്തിൽ സംസാരിക്കുകയായിരുന്നു അദ്ദേഹം.

രോഗികളെ കണ്ടെത്താനായി ആർ ടി പി സി ആർ ടെസ്റ്റുകൾ നിർബന്ധമായി നടത്തണം.മൈക്രോ കൺടൈന്മെന്റ് സോണുകൾ , പരിശോധനകളുടെ എണ്ണം,മാസ്കുകളുടെ ഉപയോഗം തുടങ്ങിയ കോവിഡ് പ്രോട്ടോകോൾ പാലിച്ചുകൊണ്ട് വ്യാപനം തടയണമെന്ന് പ്രധാനമന്ത്രി പറഞ്ഞു.

കോവിഡിനെ ഇപ്പോൾ തടഞ്ഞില്ലെങ്കിൽ രാജ്യവ്യാപകമായി വീണ്ടും പടർന്നേക്കാമെന്നും പ്രധാനമന്ത്രി പറഞ്ഞു.കടുത്ത നടപടികളിലൂടെ കോവിഡിന്റെ രണ്ടാം ഘട്ട വ്യാപനം തടയണം.

കോവിഡിനെതിരെയുള്ള പോരാട്ടത്തിൽ നമ്മൾ ആർജിച്ച വിശ്വാസം അമിത ആത്മവിശ്വാസമാകരുത്.നമ്മുടെ വിജയം അശ്രദ്ധയ്ക്ക് കാരണമാകരുത്.ജനങ്ങൾക്കിടയിൽ പരിഭ്രാന്തി ഉണ്ടാകാതെ മുൻകരുതൽ നടപടി സ്വീകരിക്കുകയാണ് വേണ്ടത്.

രോഗികളെ കണ്ടെത്തുന്നതിനും ട്രാക്ക് ചെയ്യുന്നതിനും ആർ ടി പി സി ആർ ടെസ്റ്റ് വർധിപ്പിക്കുമ്പോൾ ചെറു നഗരങ്ങൾക്ക് കൂടി പരിഗണന കൊടുക്കണം.70 ശതമാനത്തിലധികം ആർ ടി പി സി ആർ പരിശോധനകളാണ് നടത്തേണ്ടത്.ആന്റിജൻ പരിശോധനകളെ ആശ്രയിക്കരുതെന്ന് കേരളം,ഒഡിഷ,ഛത്തീസ്ഗഡ്,ഉത്തർപ്രദേശ് എന്നി സംസഥാനങ്ങളെ പരാമർശിച്ചുകൊണ്ട് അദ്ദേഹം പറഞ്ഞു.

ആദ്യ തരംഗം കാര്യമായി ബാധിക്കാത്ത നഗരങ്ങളെ ഇത്തവണ കോവിഡ് ബാധിച്ചേക്കാൻ സാധ്യതയുണ്ട്.നഗരങ്ങളിൽനിന്ന് ഗ്രാമങ്ങളിലേക്ക് വൈറസ് പടരാൻ അധിക സമയം വേണ്ട.ഇത് രാജ്യത്തിൻറെ ആരോഗ്യ പരിരക്ഷ സംവിധാനത്തെ തകിടം മറിച്ചേക്കും. ചില സംസ്ഥാനങ്ങൾ വാക്‌സിൻ പാഴാക്കുന്നതിനെ ക്കുറിച്ചും പ്രധാനമന്ത്രി പരാമർശിച്ചു.

ഇനി ഏകീകൃത സിവിൽ കോഡ്, വാഗ്ദാനങ്ങൾ നടപ്പാക്കാൻ സർക്കാർ പ്രതിജ്ഞാബദ്ധമെന്ന് രാജ്‌നാഥ്‌സിങ്

| ഒരു മതത്തിനും വിശ്വാസത്തിനും എതിരായിരിക്കില്ല ഏകികൃത സിവിൽ കോഡ്.ഹിന്ദുവിനോ,മുസ്ലിമിനോ,ക്രിസ്ത്യാനിക്കോ എതിരല്ല അത്.ഞങ്ങളുടെ രാഷ്ട്രീയം മനുഷ്യനും മനുഷ്യത്വത്തിനും വേണ്ടിയുള്ളതാണ് |

ലക്‌നൗ: ജനങ്ങൾക്ക് നൽകിയ വാഗ്ദാനങ്ങൾ നടപ്പാക്കാൻ സർക്കാർ തയ്യാറാണെന്നും രാമക്ഷേത്ര വാഗ്ദാനം പൂർത്തീകരിച്ചപോലെ രാജ്യത്ത് ഏകീകൃത സിവിൽ കോഡ് നടപ്പാക്കാനും ബിജെപി സർക്കാർ പ്രതിജ്ഞാബദ്ധമാണെന്നും കേന്ദ്ര പ്രതിരോധ മന്ത്രി രാജ്നാഥ്സിങ്.

ലക്‌നൗവിൽ ബിജെപി സംസ്ഥാന എക്സിക്യൂട്ടീവ് യോഗത്തിൽ സംസാരിക്കുകയായിരുന്നു അദ്ദേഹം.രാമക്ഷേത്രമെന്നപോലെ മുതലാഖും പൂർത്തീകരിച്ച വാഗ്ദാനങ്ങളാണ്.അടുത്തതായി ഏകീകൃത സിവിൽ കോഡിനെക്കുറിച്ച് ഞങ്ങൾ ജനങ്ങൾക്ക് നൽകിയ വാഗ്ദാനവും നടപ്പാക്കും.രാജ്നാഥ്സിങ് പറഞ്ഞു.

ഒരു മതത്തിനും വിശ്വാസത്തിനും എതിരായിരിക്കില്ല ഏകികൃത സിവിൽ കോഡ്.ഹിന്ദുവിനോ,മുസ്ലിമിനോ,ക്രിസ്ത്യാനിക്കോ എതിരല്ല അത്.ഞങ്ങളുടെ രാഷ്ട്രീയം മനുഷ്യനും മനുഷ്യത്വത്തിനും വേണ്ടിയുള്ളതാണെന്നും അദ്ദേഹം പറഞ്ഞു.

2019 ലെ പൊതുതിരഞ്ഞെടുപ്പിലെ ബിജെപി പ്രകടന പത്രികയിലെ പ്രധാന വാഗ്ദാനങ്ങളിലൊന്നായിരുന്നു അത്.വാഗ്ദാനങ്ങൾ നിറവേറ്റിയില്ലെങ്കിൽ ജനങ്ങളുടെ വിശ്വാസത്തെ അത് ബാധിക്കുമെന്നും രാജ്നാഥ്സിങ് പറഞ്ഞു.

ഐ എസ് കേസുകൾ : കണ്ണൂരും മലപ്പുറത്തും പത്ത് കേന്ദ്രങ്ങളിൽ എൻ ഐ എ റെയ്ഡ്

എൻ ഐ എ റെയ്ഡ് ഫയൽ ചിത്രം photo | indiatoday.in

ന്യൂഡൽഹി / കണ്ണൂർ :

ഐ എസ്സുമായി ബന്ധപ്പെട്ട കേസുകളിൽ കേരളത്തിലും കർണാടകത്തിലും എൻ ഐ എ റെയ്ഡ്.

കേരളത്തിൽ കണ്ണൂർ താണയിലെ വീട്ടിലും മലപ്പുറം ചേളാരി പോപ്പുലർ ഫ്രണ്ട് നേതാവിന്റെ വീട്ടിലുമാണ് കമാണ്ടോകൾ ഉൾക്കൊള്ളുന്ന വൻ സംഘം റെയ്ഡിനെത്തിയത്.റെയ്ഡ് ഇപ്പോഴും തുടരുകയാണ്.

രണ്ട് ദിവസം മുൻപ് എൻ ഐ എ രജിസ്റ്റർ ചെയ്ത കേസുകളുമായി ബന്ധപ്പെട്ടാണ് രാജ്യത്തെ വിവിധ കേന്ദ്രങ്ങളിലെ റെയ്ഡ്.മലപ്പുറം ചേളാരിയിലെ പോപ്പുലർ ഫ്രണ്ട്‌ നേതാവിന്റെ വീട്ടിലാണ് റെയ്ഡ് നടക്കുന്നത്.ഡൽഹി ജാഫറാബാദിലും ബംഗളൂരുവിൽ രണ്ട് കേന്ദ്രങ്ങളിലും റെയ്ഡ് നടക്കുന്നുണ്ട് എന്നാണ് ലഭ്യമാകുന്ന വിവരം.ഒരേ സമയത്താണ് കേരളത്തിലേതടക്കമുള്ള റെയ്‌ഡുകൾ.ഏഴുപേർ നിരീക്ഷണത്തിലാണെന്നും അഞ്ചുപേരെ അറസ്റ്റ് ചെറുതെന്നും സൂചനയുണ്ട്.

മുഖ്യമന്ത്രി പിണറായി വിജയൻ നാമനിർദേശ പത്രിക സമർപ്പിച്ചു

| മുഖ്യമന്ത്രി പിണറായി വിജയൻ നാമനിർദേശ പത്രിക സമർപ്പിക്കാനെത്തിയപ്പോൾ |

കണ്ണൂർ: ധർമ്മടം മണ്ഡലത്തിലെ എൽ ഡി എഫ് സ്ഥാനാർഥിയായ മുഖ്യമന്ത്രി പിണറായി വിജയൻ നാമനിർദേശ പത്രിക സമർപ്പിച്ചു.

തിങ്കളാഴ്ച രാവിലെ 11 മണിയോടെയാണ് അദ്ദേഹം നാമനിർദേശപത്രിക സമർപ്പിച്ചത്. വരണാധികാരി ബെവിൻ ജോൺ വർഗീസിന് മുൻപാകെയാണ് പത്രിക സമർപ്പണം നടത്തിയത്.
സിപിഎം കണ്ണൂർ ജില്ലാ സെക്രട്ടറി എം വി ജയരാജനൊപ്പമാണ് മുഖ്യമന്ത്രി പത്രിക സമർപ്പണത്തിനെത്തിയത്.രണ്ട് സെറ്റ് പത്രികകൾ സമർപ്പിച്ചു.സിപിഎം നേതാക്കളായ സി എൻ ചന്ദ്രൻ ,പി ബാലൻ എന്നിവർ മുഖ്യമന്ത്രിയെ പിന്തുണച്ചു.

photo | malayalamie.com

സുരേന്ദ്രൻ രണ്ടിടത്ത് മത്സരിക്കും,കുമ്മനം നേമത്ത്, സുരേഷ് ഗോപി തൃശ്ശൂരിൽ: ബിജെപി പട്ടിക വന്നു

തിരുവനന്തപുരം: നിയമസഭാ തിരഞ്ഞെടുപ്പിനുള്ള സ്ഥാനാർത്ഥികളെ ബിജെപി പ്രഖ്യാപിച്ചു.115 മണ്ഡലങ്ങളിൽ ബിജെപി മത്സരിക്കും. 12 സീറ്റുകളിലെ സ്ഥാനാർത്ഥികളെയാണ് കേന്ദ്ര നേതൃത്വം ഇപ്പോൾ പ്രഖ്യാപിച്ചത്.

ബിജെപി അധ്യക്ഷൻ കെ സുരേന്ദ്രൻ മഞ്ചേശ്വരത്തും കോന്നിയിലും മത്സരിക്കും. തിരുവനന്തപുരത്ത്‌ നടൻ കൃഷ്ണകുമാറും വട്ടിയൂർക്കാവിൽ വി വി രാജേഷും നേമത്ത് കുമ്മനം രാജശേഖരനും മത്സരിക്കും.

മെട്രോ മാൻ ഇ ശ്രീധരൻ പാലക്കാട്ടും നടൻ സുരേഷ്‌ഗോപി തൃശ്ശൂരിലും ജനവിധി തേടുമ്പോൾ മുൻ ഡിജിപി ജേക്കബ് തോമസ് ഇരിങ്ങാലക്കുടയിലാണ് മത്സരിക്കുക. എം ടി രമേശ് കോഴിക്കോടും, സി കെ പത്മനാഭൻ ധർമ്മടത്തും, പി കെ കൃഷ്ണദാസ് കാട്ടാക്കടയിലും കോഴിക്കോട് സർവകലാശാല മുൻ വിസി ഡോക്ടർ അബ്ദുൽ സലാം തിരൂരിലും മത്സരിക്കും. എന്നാൽ കേന്ദ്ര നേതൃത്വം പ്രഖ്യാപിച്ച പട്ടികയിൽ വി മുരളീധരന്റെയും ശോഭ സുരേന്ദ്രന്റെയും പേരുകളില്ല.

അംബാനിയുടെ വീടിന് മുന്നിലെ സ്ഫോടകവസ്തു: പോലീസ് ഉദ്യോഗസ്ഥൻ അറസ്റ്റിൽ

മുംബൈ: റിലയൻസ് ചെയർമാൻ മുകേഷ് അംബാനിയുടെ വീടിന് മുന്നിൽ സ്ഫോടക വസ്തു നിറച്ച കാർ കണ്ടെത്തിയ സംഭവവുമായി ബന്ധപ്പെട്ട് ഒരു പോലീസ് ഉദ്യോഗസ്ഥനെ എൻ ഐ എ അറസ്റ്റ് ചെയ്തു.

മുംബൈ പൊലീസിലെ അസിസ്റ്റന്റ് ഇൻപെക്ടറായ സച്ചിൻ വാസെയാണ് അറസ്റ്റിലായത്.എൻ ഐ എ ആസ്ഥാനത്ത് വിളിച്ചുവരുത്തി 12 മണിക്കൂർ ചോദ്യം ചെയ്തശേഷമാണ് അറസ്റ്റ്.

സ്ഫോടക വസ്തുക്കളുമായി കണ്ടെത്തിയ വാഹനത്തിന്റെ ഉടമ മൻസൂക് ഹിരൻ സംഭവത്തിന് ശേഷം കൊല്ലപ്പെട്ടിരുന്നു.ഈ കേസിൽ മഹാരാഷ്ട്ര എ ടി എസ്സും ഇയാളെ ചോദ്യം ചെയ്തിരുന്നു. പോലീസുകാരൻ മൻസൂക്കിനെ കൊന്നതാണെന്ന് അദ്ദേഹത്തിന്റെ ഭാര്യ ആരോപിച്ചിരുന്നു.സംഭവത്തിൽ വാസേ സമർപ്പിച്ച മുൻ‌കൂർ ജാമ്യാപേക്ഷ കഴിഞ്ഞദിവസം താനെ സെഷൻസ് കോടതി തള്ളിയിരുന്നു.

ആരോപണ വിധേയനായതിനെ തുടർന്ന് ഇയാളെ സർവീസിൽനിന്ന് നീക്കിയിരുന്നു.അറസ്റ്റ് ചെയ്യണമെന്ന് പ്രതിപക്ഷ നേതാവ് ദേവേന്ദ്ര ഫട്നവിസ് ആവശ്യപ്പെട്ടിരുന്നെങ്കിലും മുഖ്യമന്ത്രി ഉദ്ധവ് താക്കറെ ഇയാളെ ന്യായീകരിച്ചത് ഏറെ വിവാദമായിരുന്നു.

ഇതിന് മുൻപും കൊലക്കേസിൽ ആരോപണ വിധേയനായിരുന്നു ഇയാളെ സർവീസിൽനിന്ന് മാറ്റി നിർത്തിയിരുന്നു.2003ൽ ക്വജാ യുനൂസ്‌ എന്ന കസ്റ്റഡിയിലുള്ള പ്രതി മരിച്ച സംഭവത്തിൽ പ്രതിയാണ്.ശിവസേനാ പ്രവർത്തകനായതിനാൽ ഉദ്ദവ് താക്കറെ വാസെയെ സംരക്ഷിക്കുകയാണെന്നും ആക്ഷേപമുന്നയർന്നിരുന്നു.

photo | india.com

ബിജെപി നേതാവ് യശ്വന്ത് സിൻഹ തൃണമൂലിൽ ചേർന്നു

ന്യൂഡൽഹി: ബിജെപി നേതാവും മുൻ കേന്ദ്രമന്ത്രിയുമായ യശ്വന്ത് സിൻഹ തൃണമൂൽ കോൺഗ്രസിൽ ചേർന്നു.

പശ്ചിമ ബംഗാൾ നിയമസഭാ തിരഞ്ഞെടുപ്പിന് മുന്നോടിയായാണ് യശ്വന്ത് സിൻഹ തൃണമൂലിൽ ചേർന്നതെന്നത് ശ്രദ്ധേയമാണ്.അടൽ ബിഹാരി വാജ്‌പേയ് മന്ത്രിസഭയിലെ ധനകാര്യമന്ത്രിയും മുതിർന്ന ബിജെപി നേതാവുമായിരുന്നു.

കൊൽക്കത്തയിലെ തൃണമൂൽ ഭവനിൽ ഡെറിക് ഒബ്രിയൻ,സുധീപ് ബന്ദോപാധ്യായ, സുബ്രത മുഖർജി എന്നിവരുടെ സാന്നിധ്യത്തിലാണ് സിൻഹയുടെ ബിജെപി വിട്ടുള്ള ചുവടുമാറ്റം.1960 ബാച്ച് ഐ എ എസ് ഉദ്യോഗസ്ഥനായ യശ്വന്ത് 1984 മുതൽ സിവിൽ സർവീസ് ഉപേക്ഷിച്ച് സജീവരാഷ്ട്രീയ രംഗത്താണ്.

photo | economic times.indiatimes.com

പുതുപ്പള്ളിയിൽ ഉമ്മൻചാണ്ടിയുടെ വാഹനം തടഞ്ഞ് പ്രതിഷേധം

ഉമ്മൻചാണ്ടിയുടെ വീടിന് മുന്നിൽ പ്രതിഷേധിക്കുന്ന പ്രവർത്തകർ photo courtesy | manorama

പുതുപ്പള്ളി(കോട്ടയം ):
കോട്ടയം പുതുപ്പള്ളിയിൽ ഉമ്മൻചാണ്ടിയുടെ വാഹനം തടഞ്ഞിട്ട് പ്രവർത്തകരുടെ പ്രതിഷേധം.ഉമ്മൻ‌ചാണ്ടി പുതുപ്പള്ളി വിട്ട് പോകരുതെന്നാണ് പ്രവർത്തകരുടെ ആവശ്യം.

നെടുമ്പാശ്ശേരിയിൽ വിമാനമിറങ്ങി പുതുപ്പള്ളി പള്ളിയിലേക്കാണ് ഉമ്മൻ‌ചാണ്ടി ആദ്യം പോയത്.തുടർന്ന് വീട്ടിലേക്ക് വരുന്നതിനിടയിലാണ് പ്രതിഷേധമുണ്ടായത്.പ്രവർത്തകർ ഇപ്പോഴും ഉമ്മൻ ചാണ്ടിയുടെ വീടിന് മുന്നിൽ പ്രതിഷേധിക്കുന്നു. ഉമ്മൻചാണ്ടിയുടെ വീടിന് മുകളിൽ കയറി ഒരു പ്രവർത്തകൻ കോൺഗ്രസ് പതാക ഉയർത്തി ആത്മഹത്യാ ഭീഷണിയും മുഴക്കി.

കോൺഗ്രസ് സ്ഥാനാർഥി പട്ടിക പുറത്തുവരാൻ മണിക്കൂറുകൾ ബാക്കിയിരിക്കെയാണ് പ്രവർത്തകരുടെ പ്രതിഷേധം.ഉമ്മൻ ചാണ്ടി പുതുപ്പള്ളി ഉപേക്ഷിച്ച് നേമത്തേക്ക് പോകുമെന്ന് അഭ്യുഹങ്ങളുടെ പശ്ചാത്തലത്തിലാണ് പ്രവർത്തകരുടെ പ്രതിഷേധം.ഉമ്മൻ ചാണ്ടിയുടെ വീടിന് മുന്നിലും വഴിയിലുടനീളവും പ്രവർത്തകർ പ്രതിഷേധിക്കുകയാണ്. ഉമ്മൻ ചാണ്ടി നേതാവേ നേമത്തേക്ക് വിട്ടു തരില്ല തുടങ്ങിയ മുദ്രാവാക്യങ്ങളാണ് പ്രവർത്തകർ വിളിക്കുന്നത്.

നിയമസഭ തിരഞ്ഞെടുപ്പിൽ കോൺഗ്രസ് 91സീറ്റുകളിൽ മത്സരിക്കും.ഇതിൽ 81 സീറ്റുകളുടെ കാര്യത്തിൽ തീരുമാനമായി 10 സീറ്റിന്റെ കാര്യത്തിൽ തീരുമാനമായില്ല. നേമം മണ്ഡലകാര്യത്തിലും തീരുമാനമായില്ല.

പ്രതിപക്ഷ നേതാവ് രമേശ് ചെന്നിത്തല, കെ പി സി സി പ്രസിഡണ്ട് മുല്ലപ്പള്ളി രാമചന്ദ്രൻ,ഉമ്മൻ‌ചാണ്ടി എന്നിവരാണ് ഇന്നലെ മാധ്യമങ്ങളെ കണ്ടത്.എം പി മാർ ആരും തിരഞ്ഞെടുപ്പിൽ മത്സരിക്കില്ലെന്ന് കോൺഗ്രസ് നേതാക്കൾ വ്യക്തമാക്കി.

ഇന്നലെ സോണിയ ഗാന്ധിയുടേ നേതൃത്വത്തിൽ നടന്ന തിരഞ്ഞെടുപ്പ് സമിതി യോഗത്തിന് ശേഷമാണ് കേരള നേതാക്കൾ മാധ്യമങ്ങളെ കണ്ടത്.
കോൺഗ്രസ് സ്ഥാനാർത്ഥികൾ ആരൊക്കെയാണെന്ന് ഞായറഴ്ച്ച ഡൽഹിയിൽ പ്രഖ്യാപിക്കുമെന്ന് മുല്ലപ്പള്ളി രാമചന്ദ്രൻ പറഞ്ഞു.നേമം സ്ഥാനാർത്ഥിത്വം സംബന്ധിച്ച തീരുമാനംകൂടി ആയാൽ പട്ടിക പ്രഖ്യാപിക്കുമെന്നും മുല്ലപ്പള്ളി രാമചന്ദ്രൻ പറഞ്ഞു.

എസ് എസ് എൽ സി പ്ലസ് ടു പരീക്ഷകൾ മാറ്റി

തിരുവനന്തപുരം: എസ് എസ് എൽ സി, പ്ലസ് ടു പരീക്ഷകൾ മാറ്റി വെച്ചു.പുതുക്കിയ തിയ്യതി ഏപ്രിൽ 8.

മാർച്ച് 17 ന് ആരംഭിക്കേണ്ടതായിരുന്നു പരീക്ഷകൾ.തിരഞ്ഞെടുപ്പ് പശ്ചാത്തലത്തിൽ മാറ്റുകയായിരുന്നു. തിരഞ്ഞെടുപ്പ് ഏപ്രിൽ 6ന് അവസാനിച്ചശേഷം 8ന് പരീക്ഷ തുടങ്ങും.സംസ്ഥാന സർക്കാരിന്റെ ആവശ്യപ്രകാരമാണ് കേന്ദ്ര തിരഞ്ഞെടുപ്പ് കമ്മീഷന്റെ തീരുമാനം.

പരീക്ഷകൾ മാറ്റിയത് സംബന്ധിച്ച നിർദേശം കേന്ദ്ര തിരഞ്ഞെടുപ്പ് കമ്മീഷനിൽനിന്നും മുഖ്യ തിരഞ്ഞെടുപ്പ് കമ്മീഷണർക്ക് ലഭിച്ചു.സംസ്ഥാന തിരഞ്ഞെടുപ്പ് കമ്മീഷൻ ഇത് സംസ്ഥാന സർക്കാരിനെയും അറിയിച്ചിട്ടുണ്ട്.

കഴിഞ്ഞദിവസമാണ് സംസ്ഥാന സർക്കാരിന്റെ ആവശ്യം മുഖ്യ തിരഞെടുപ്പ് കമ്മീഷണറെ അറിയിച്ചത്.ഇത് കേന്ദ്ര തിരഞ്ഞെടുപ്പ് കമ്മീഷനെ അറിയിക്കുകയായിരുന്നു.

17ന് തുടങ്ങാനിരുന്ന 10-12 ക്ലാസ്സുകളിലെ പരീക്ഷകൾക്കുവേണ്ട എല്ലാ തായ്യാറെടുപ്പുകളും പൂർത്തിയായിരുന്നു.ഹാൾടിക്കറ്റ് വിതരണം ഈ ആഴ്ചതന്നെ ഉണ്ടാകുമെന്ന പ്രതീക്ഷയിലായിരുന്നു വിദ്യാർത്ഥികളും രക്ഷിതാക്കളും.

അധ്യാപകരുടെ തിരഞ്ഞെടുപ്പ് ജോലികളും വോട്ടെണ്ണൽ കേന്ദ്രങ്ങളായ സ്കൂളുകളുടെ ആവശ്യങ്ങൾ സംബന്ധിച്ചുമുള്ള വിഷയങ്ങളായിരുന്നു സംസ്ഥാന സർക്കാർ തിരഞ്ഞെടുപ്പ് കമ്മീഷനെ അറിയിച്ചത്.പരീക്ഷ മാറ്റിവെക്കാൻ ഇടത് അധ്യാപക സംഘടനകൾ വാശി പിടിച്ചപ്പോൾ പ്രതിപക്ഷ സംഘടനകൾ മാറ്റേണ്ട എന്ന നിലപാടെടുക്കുകയായിരുന്നു.

കോവിഡ് താളം തെറ്റിച്ച അദ്ധ്യായന വർഷത്തിൽനിന്നും ഓൺലൈൻ ക്ലാസിലൂടെ കരകയറി പരീക്ഷക്ക് തയ്യാറെടുത്തിരുന്ന ലക്ഷക്കണക്കിന് വിദ്യാർത്ഥികൾക്ക് തിരിച്ചടിയായി പുതിയ തീരുമാനം.

ശബരിമല സംഭവങ്ങളിൽ ഖേദം പ്രകടിപ്പിച്ച് ദേവസ്വം മന്ത്രി കടകംപള്ളി സുരേന്ദ്രൻ

| ശബരിമല വിഷയം " 2018 ലെ ഒരു പ്രത്യേക സംഭവം " എന്നാണ് കടകംപള്ളി സുരേന്ദ്രന്റെ വിശേഷണം." 2018ൽ ഉണ്ടായ ഒരു പ്രത്യേക സംഭവമാണിത്.അതിൽ എല്ലാവര്ക്കും ഖേദമുണ്ട്.സുപ്രീം കോടതി വിധിയും അതുമായി ബന്ധപ്പെട്ട പ്രശ്നങ്ങളിലുമൊക്കെ ഞങ്ങൾക്കും വിഷമമുണ്ട്.എന്നാൽ അതൊന്നും ജനങ്ങളുടെ മനസ്സിൽ ഇല്ലെന്നാണ് കരുതുന്നത് |

തിരുവനന്തപുരം: ശബരിമല യുവതി പ്രവേശനവുമായി ബന്ധപ്പെട്ട സംഭവ വികാസങ്ങളിൽ ദേവസ്വം മന്ത്രി കടകംപള്ളി സുരേന്ദ്രന്റെ ഖേദ പ്രകടനം.

2018ൽ നടന്ന ശബരിമല സംഭവങ്ങളിലാണ് ദേവസ്വം മന്ത്രി ഖേദം പ്രകടിപ്പിച്ചത്.സുപ്രീം കോടതിയുടെ വിശാല ബെഞ്ചിന് മുന്നിലുള്ള വിധി എന്ത് തന്നെയായായലും വിശ്വാസികളുമായി ചർച്ച ചെയ്ത് മാത്രമേ തീരുമനമെടുക്കു എന്ന് കടകംപള്ളി സുരേന്ദ്രൻ പറഞ്ഞു.

തിരഞ്ഞെടുപ്പ് പശ്ചാത്തലത്തിലാണ് യുവതികളെ പ്രവേശിപ്പിച്ച സംഭവത്തിൽ സർക്കാരിന് തെറ്റുപറ്റിയെന്ന് ദേവസ്വം മന്ത്രിയുടെ തുറന്നു പറച്ചിൽ.സ്ഥാനാർഥി കൂടിയാണ് ദേവസ്വം മന്ത്രി കടകംപള്ളി എന്നത് ശ്രദ്ധേയമാണ്.

വരാൻ പോകുന്ന നിയമസഭാ തിരഞ്ഞെടുപ്പിലും ശബരിമല വിഷയം ചർച്ചയാകുമെന്ന് പ്രതിപക്ഷ പാർട്ടികൾ പ്രഖ്യാപിച്ച പശ്ചാത്തലത്തിലാണ് ദേവസ്വം മന്ത്രിയുടെ ഏറ്റുപറച്ചിലെന്നത് ശ്രദ്ധേയമാണ്.സിപിഎമ്മിന്റെ അടിത്തറ ഇളക്കിയ ശബരിമല സംഭവങ്ങൾ പ്രതിപക്ഷ പാർട്ടികൾക്കൊപ്പം വിശ്വാസികളുംകൂടി ഏറ്റെടുത്തിട്ടുണ്ട്.

ശബരിമല വിഷയം " 2018 ലെ ഒരു പ്രത്യേക സംഭവം " എന്നാണ് കടകംപള്ളി സുരേന്ദ്രന്റെ വിശേഷണം." 2018ൽ ഉണ്ടായ ഒരു പ്രത്യേക സംഭവമാണിത്.അതിൽ എല്ലാവര്ക്കും ഖേദമുണ്ട്.സുപ്രീം കോടതി വിധിയും അതുമായി ബന്ധപ്പെട്ട പ്രശ്നങ്ങളിലുമൊക്കെ ഞങ്ങൾക്കും വിഷമമുണ്ട്.എന്നാൽ അതൊന്നും ജനങ്ങളുടെ മനസ്സിൽ ഇല്ലെന്നാണ് കരുതുന്നത്.സുപ്രീം കോടതിയുടെ വിശാലാബെഞ്ചിലുള്ള വിശ്വാസികളുമായി ചർച്ച ചെയ്തു മാത്രമേ തീരുമാനങ്ങളെടുക്കു. അന്നെടുത്ത കേസുകൾ എല്ലാംതന്നെ പിൻവലിച്ചു.അതെല്ലാം ഒരു സന്ദേശം തന്നെയാണ്." കടകംപള്ളി സുരേന്ദ്രൻ പറഞ്ഞു.

സ്ഥാനാർഥി നിർണ്ണയത്തിൽനിന്ന് പിന്നോട്ടില്ല,പ്രതിഷേധങ്ങൾ സ്വാഭാവികം : എം വി ഗോവിന്ദൻ

തിരുവനന്തപുരം: പ്രതിഷേധങ്ങൾ ഭയന്ന് സ്ഥാനാർഥി നിർണ്ണയത്തിൽ നിന്ന് പിന്നോട്ടില്ലെന്നും സിപിഎമ്മിൽ പ്രതിഷേധങ്ങൾ ഉണ്ടാകാറുണ്ടെന്നും സിപിഎം കേന്ദ്ര കമ്മിറ്റി അംഗം എം വി ഗോവിന്ദൻ പറഞ്ഞു.

പ്രശ്നങ്ങൾ സംഘടനാപരമായി പരിഹരിക്കാവുന്നതേയുളൂവെന്നും അദ്ദേഹം പറഞ്ഞു.പാർട്ടി തീരുമാനമെടുത്തുകഴിഞ്ഞാൽ ആ തീരുമാനവുമായി മുന്നോട്ട്പോകും.

പൊന്നാനിയിൽ സ്ഥാനാർഥി നിർണ്ണയവുമായി ബന്ധപ്പെട്ട് നേരത്തെയും പ്രതിഷേധങ്ങൾ ഉണ്ടായിട്ടുണ്ട്.അതുകൊണ്ട്തന്നെ സ്ഥാനാർഥി നിർണ്ണയത്തിൽനിന്ന് പിന്നോട്ടില്ല.

പൊന്നാനിയിലും പാലക്കാട് തരൂരും സ്ഥാനാർഥി നിര്ണയത്തെക്കുറിച്ച് പ്രതിഷേധങ്ങൾ ഉണ്ടായതിനെക്കുറിച്ച് പ്രതികരിക്കുകയായിരുന്നു എം വി ഗോവിന്ദൻ.

വാക്‌സിൻ ക്ഷാമത്തിന് പരിഹാരമാകുന്നു,48960 ഡോസ് വാക്‌സിൻ എത്തി: 10 ലക്ഷത്തിലധികം പേർ സ്വീകരിച്ചു

| സർക്കാർ ആശുപത്രികൾ മുതൽ തിരഞ്ഞെടുക്കപ്പെട്ട സ്വകാര്യ ആശുപത്രികളും പൊതു കേന്ദ്രങ്ങളും ഉൾപ്പെടെ 1000 കേന്ദ്രങ്ങളിൽ കുത്തിവെയ്പ്പ് നടക്കുന്നുണ്ട്.വാക്‌സിനേഷൻ സംബന്ധമായ സംശയങ്ങൾക്ക് ദിശ ഹെൽപ് ലൈൻ നമ്പറായ 1056,0471 2552056 എന്നി നമ്പറുകളിലേക്ക് വിളിക്കാവുന്നതാണ് |

തിരുവനന്തപുരം: സംസ്ഥാനത്ത് വാക്‌സിൻ ക്ഷാമത്തിന് പരിഹാരമാകുന്നു.48960 ഡോസ് വാക്‌സിൻ എത്തിയതായി ആരോഗ്യവകുപ്പ് അറിയിച്ചു.

ഭാരത് ബയോ ടെക്കിന്റെ കോ വാക്‌സിനാണ് എത്തിയത്. തിരുവനന്തപുരത്തേക്ക് 16640 ഡോസ് വാക്‌സിനും എറണാകുളത്തിന് 19220 ഡോസും,കോഴിക്കോടിന് 13120 ഡോസുമാണ് എത്തിയത്.വരും ദിവസങ്ങളിൽ കൂടുതൽ വാക്‌സിനുകൾ സംസ്ഥാനത്തിന് ലഭ്യമാക്കുമെന്ന് കേന്ദ്ര ആരോഗ്യ മന്ത്രാലയം അറിയിച്ചിട്ടുണ്ട്.

സംസ്ഥാനത്ത് ആകെ 10,19,525 ആളുകൾ വാക്‌സിൻ സ്വീകരിച്ചു.3,65,942 ആരോഗ്യപ്രവർത്തകരാണ് ആദ്യ ഡോസ് സ്വീകരിച്ചത്.ഇതിൽ 1,86,421 ആരോഗ്യപ്രവർത്തകർ രണ്ടാം ഡോസും സ്വീകരിച്ചു.

സർക്കാർ ആശുപത്രികൾ മുതൽ തിരഞ്ഞെടുക്കപ്പെട്ട സ്വകാര്യ ആശുപത്രികളും പൊതു കേന്ദ്രങ്ങളും ഉൾപ്പെടെ 1000 കേന്ദ്രങ്ങളിൽ കുത്തിവെയ്പ്പ് നടക്കുന്നുണ്ട്.വാക്‌സിനേഷൻ സംബന്ധമായ സംശയങ്ങൾക്ക് ദിശ ഹെൽപ് ലൈൻ നമ്പറായ 1056,0471 2552056 എന്നി നമ്പറുകളിലേക്ക് വിളിക്കാവുന്നതാണ്.

സംസ്ഥാനത്ത് വാക്‌സിൻ ക്ഷാമം:താൽക്കാലിക പ്രതിസന്ധിയെന്ന് ആരോഗ്യവകുപ്പ്

തിരുവനന്തപുരം: സംസ്ഥാനത്ത് കോവിഡ് വാക്‌സിൻ ക്ഷാമം രൂപപ്പെടുന്നതായി ആക്ഷേപം. രണ്ടാം ഘട്ട വാക്‌സിനേഷൻ തുടങ്ങി ദിവസങ്ങൾക്കകമാണ് ക്ഷാമം അനുഭവപ്പെട്ടത്.

60 വയസിനു മുകളിലുള്ള മുതിർന്ന പൗരന്മാർക്കും 45 വയസിന് മുകളിലുള്ള മറ്റ് അസുഖമുള്ളവർക്കുമാണ് രണ്ടാം ഘട്ടത്തിൽ വാക്‌സിനേഷൻ നിർദേശിച്ചത്.എന്നാൽ ഇതിനിടയിൽ തിരഞ്ഞെടുപ്പ് ഡ്യുട്ടി ഉള്ള ജീവനക്കാർക്ക് കൂടി വാക്‌സിനേഷൻ കൊടുക്കാൻ തുടങ്ങിയതും പ്രതിസന്ധി ഉണ്ടാക്കി.

മുതിർന്ന പൗരന്മാർക്കും ജീവനക്കാർക്കും ഉള്ള വാക്‌സിനേഷൻ പ്രവർത്തനങ്ങൾക്കിടയിൽ അനർഹർ പലരും വാക്‌സിൻ സ്വീകരിക്കാൻ എത്തിയതും ക്ഷാമത്തിന് കാരണമായി എന്ന് ആരോപമണമുണ്ട്.തിരുവന്തപുരത്താണ് ഇത് കൂടുതലായി സംഭവിച്ചത്.

കോഴിക്കോട് 400 ഡോസിന് പകരം നൽകുന്നത് വെറും 100 ഡോസാണ്.വയനാട് 25 കേന്ദ്രങ്ങളിൽ ക്ഷാമം കാരണം വാക്‌സിനേഷൻ നിർത്തിയിട്ടുണ്ട്. ഇപ്പോൾ 11 കേന്ദ്രങ്ങളിൽ മാത്രമാണ് വാക്‌സിൻ കുത്തിവെപ്പ് നടക്കുന്നത്. തൃശ്ശൂരിൽ ക്ഷാമം കാരണം സ്പോട്ട് രജിസ്‌ട്രേഷൻ നിർത്തിയിരിക്കയാണ്. മറ്റ് ജില്ലകളിൽ വലിയ പ്രതിസന്ധി അനുഭവപ്പെടുന്നില്ല.ഞായറാഴ്ച ആയതിനാൽ സർക്കാർ ആശുപത്രികളിൽ ഇന്ന് കുത്തിവെപ്പില്ല. അതുകൊണ്ടുതന്നെ സ്വകാര്യ ആശുപത്രികളിൽ തിരക്ക് കൂടി.പലയിടത്തും നിയന്ത്രണങ്ങൾ ഏർപ്പെടുത്തി.

എന്നാൽ വാക്‌സിൻ ക്ഷാമം താൽക്കാലികമാണെന്നും ചൊവ്വാഴ്ച മുതൽ കൂടുതൽ വാക്‌സിനുകൾ സംസ്ഥാനത്ത് എത്തുമെന്നും ആരോഗ്യവകുപ്പ് അറിയിച്ചു.

എട്ട് സംസ്ഥാനങ്ങളിൽ കോവിഡ് വ്യാപനം രൂക്ഷം: പ്രതിരോധം ശക്തമാക്കാൻ കേന്ദ്ര നിർദേശം

ന്യൂഡൽഹി: രാജ്യത്ത് എട്ട് സംസ്ഥാനങ്ങളിൽ കോവിഡ് വ്യാപനം രൂക്ഷമായ പശ്ചാത്തലത്തിൽ പ്രതിരോധം ശക്തമാക്കാൻ കേന്ദ്ര സർക്കാർ നിർദേശം നൽകി.

രോഗബാധ നിയന്ത്രണ വിധേയമാക്കുന്നതിന് ടെസ്റ്റ്-ട്രാക്ക്-ട്രീറ്റ് എന്ന സമീപനം സ്വീകരിക്കാൻ കേന്ദ്രം നിർദേശം നൽകി.ഗോവ,ആന്ധ്ര പ്രദേശ്,ഒഡിഷ,ഹിമാചൽ പ്രദേശ്, ഹരിയാന,ഉത്തരാഖണ്ഡ്, ഡൽഹി, ചണ്ഡീഗഡ് എന്നിവിടങ്ങളിലാണ് കോവിഡ് വ്യാപനം രൂക്ഷമായത്.

ഈ സംസ്ഥാനങ്ങളിലെ ആരോഗ്യ സെക്രെട്ടറിമാരുമായി കേന്ദ്ര ആരോഗ്യ സെക്രട്ടറി രാജേഷ് ഭൂഷൺ,നീതി ആയോഗ് അംഗം ഡോ.വിനോദ് പോൾ എന്നിവർ ആശയ വിനിമയം നടത്തി.കൂടുതൽ രോഗബാധ റിപ്പോർട്ട് ചെയ്യപ്പെടുന്ന ജില്ലകളിൽ വാക്‌സിനേഷനും വേഗത്തിലാക്കാൻ നിർദേശിച്ചിട്ടുണ്ട്.സ്വകാര്യ ആശുപത്രികളെക്കൂടി ഇതിനായി ഉപയോഗിക്കണം.ആർ ടി പി സി ആർ ടെസ്റ്റ് വർധിപ്പിക്കണം.നിരീക്ഷണം ശക്തമാക്കുകയും കണ്ടൈൻമെന്റ് ഏർപ്പെടുത്തുകയും വേണം.

കോവിഡ് പരിശോധനയുടെ കാര്യത്തിൽ ചില സംസ്ഥാനങ്ങളിൽ കുറവ് കാണുന്നുണ്ടെന്ന് കേന്ദ്രസർക്കാർ വിലയിരുത്തി.ഇത് മറ്റ് സംസ്ഥാനങ്ങൾക്ക് ഭീഷണിയാണ്.പരിശോധന ശക്തമാക്കാനും ചികിത്സ നടപടികൾ കാര്യക്ഷമമാക്കാനും കേന്ദ്രസർക്കാർ നിർദേശിച്ചു.

തെറ്റായ ആരോപണങ്ങളുമായി ആക്രമിക്കാൻ വന്നാൽ കീഴടങ്ങില്ല: എൻഫോഴ്‌സ്‌മെന്റിനെതിരെ മുഖ്യമന്ത്രി

തിരുവനന്തപുരം: കിഫ്‌ബി വിഷയത്തിൽ എൻഫോഴ്‌സ്‌മെന്റിനെതിരെ ആഞ്ഞടിച്ച് മുഖ്യമന്ത്രി പിണറായി വിജയൻ.

തെറ്റായ ആരോപണങ്ങളുമായി ആക്രമിക്കാൻ വന്നാൽ കീഴടങ്ങില്ലെന്ന് അദ്ദേഹംവാർത്താ സമ്മേളനത്തിൽ പറഞ്ഞു.
ജനങ്ങളോടുള്ള ഉത്തരവാദിത്തം നിറവേറ്റുന്നത് തടസ്സപ്പെടുത്താൻ വരുന്ന ഒരു ശക്തിക്ക് മുന്നിലും വഴങ്ങില്ലെന്നും അദ്ദേഹം പറഞ്ഞു.

അധികാര ദുർവിനിയോഗത്തിന് മുന്നിൽ മുട്ടുമടക്കുന്നവരെ ബിജെപിയും കേന്ദ്ര ഏജൻസികളും കണ്ടിട്ടുണ്ടാകും.ഭയപ്പെടുത്തി വരുതിയിലാക്കിയ കുറെ കോൺഗ്രസ് നേതാക്കളെയും കണ്ടിട്ടുണ്ടാവാംപക്ഷെ ആ പരിപ്പൊന്നും ഇവിടെ വേവില്ല.ഇത് കേരളമാണ്.ഇവിടെ അത്തരം വിരട്ടലുകൾകൊണ്ട് നിങ്ങളുദ്ദേശിക്കുന്ന കാര്യം നടക്കില്ലെന്നും മുഖ്യമന്ത്രി പറഞ്ഞു.

തിരഞ്ഞെടുപ്പ് പെരുമാറ്റ ചട്ടം നിലനിൽക്കെ അതിന് വിരുദ്ധമായ കാര്യങ്ങളാണ് സംഭവിച്ചത്.കേന്ദ്ര ധനമന്ത്രി കേരളത്തിൽ വന്ന് കേരളത്തിന്റെ വികസനത്തിന് മുൻകൈയ്യെടുക്കുന്ന കിഫബിക്കെതിരെ അടിസ്ഥാനരഹിതമായ ആരോപണങ്ങൾ ഉന്നയിച്ചു.കേന്ദ്ര ധനമന്ത്രിയുടെ ലക്‌ഷ്യം നടപ്പാക്കുന്നതിനായി ചില കേന്ദ്ര അന്വേഷണ ഉദ്യോഗസ്ഥർ അതിരുവിട്ട വ്യഗ്രത കാട്ടി.മുൻപും കേന്ദ്ര ഏജൻസികളുടെ ഭാഗത്തുനിന്ന് ഇത്തരം നീക്കങ്ങൾ ഉണ്ടായിട്ടുണ്ട്.
ഫെഡറൽ സംവിധാനത്തിൽ ഭരണഘടനാ ചുമതല നിർവഹിക്കുന്ന സർക്കാരിന്റെ ഭാഗമാണ് ഉദ്യോഗസ്ഥർ.ഇത്തരം ഉദ്യോഗസ്ഥരെ പാർലമെന്റ് പാസാക്കിയ നിയമം നൽകുന്ന അധികാരം ദുർവിനിയോഗം ചെയ്ത് പീഡിപ്പിക്കാനാണ് ശ്രമിക്കുന്നതെന്നും മുഖ്യമന്ത്രി പറഞ്ഞു.

കോവിഡ് മഹാമാരി 2021ൽ അവസാനിക്കുമെന്ന് കരുതാനാകില്ല: ലോകാരോഗ്യ സംഘടന

ജനീവ: 2021 അവസാനത്തോടെ കോവിഡ് മഹാമാരി ഇല്ലാതാകുമെന്ന നിഗമനവും പ്രചരണവും യാഥാർഥ്യബോധമില്ലാത്തതും അപക്വവുമാണെന്നും ലോകാരോഗ്യ സംഘടന മുന്നറിയിപ്പ് നൽകി.

എന്നാൽ മഹാമാരിക്കെതിരെയുള്ള വാക്‌സിനുകളുടെ വരവ് രോഗികളുടെ എണ്ണവും മരണ സംഖ്യയും കുറക്കാനുതകുമെന്ന് WHO എമർജൻസിസ് പ്രോഗ്രാം ഡയറക്ടർ മൈക്കൽ റയാൻ പറഞ്ഞു.
കോവിഡ് വ്യാപനം പരമാവധി പിടിച്ചു നിർത്താനാണ് ലോകം ഇപ്പോൾ ശ്രമിക്കുന്നത്.വിഷയത്തിൽ വാക്‌സിനുകളുടെ വരവ് നിർണ്ണായകമായി.എന്നാൽ നമ്മൾ മിടുക്കരാണെങ്കിൽ ഒരുപക്ഷെ ഈ വർഷാവസാനത്തോടെ രോഗത്തെ പിടിച്ചുകെട്ടാൻ സാധിച്ചേക്കുമെന്ന് അദ്ദേഹം വാർത്താ സമ്മേളനത്തിൽ പറഞ്ഞു.

ഇപ്പോൾ നിയന്ത്രണ വിധേയമെങ്കിലും വികസിച്ചുകൊണ്ടിരിക്കുന്ന വിചിത്രസ്വഭാവമുള്ള വൈറസ് എന്ന നിലയിൽ ഈ മഹാമാരിയെക്കുറിച്ച് ഒരു ഉറപ്പും നൽകാനാവില്ലെന്നും അദ്ദേഹം മുന്നറിയിപ്പ് നൽകി.

വികസ്വര രാജ്യങ്ങളിലെ ആളുകൾക്ക് വാക്‌സിൻ ലഭ്യമാക്കും മുൻപ് ചില വികസിത രാജ്യങ്ങൾ അവരുടെ രാജ്യങ്ങളിലെ ആരോഗ്യവാന്മാരായ ചെറുപ്പക്കാർക്ക് വാക്‌സിൻ നൽകിയത് ഖേദകരമാണെന്ന് WHO ഡയറക്ടർ ജനറൽ റ്റെഡ്‌റോസ് അഥനോം ഗബ്രിയേസ് പറഞ്ഞു.

ഇത് രാജ്യങ്ങൾ തമ്മിലുള്ള മത്സരമല്ല, മഹാമാരിയെ പിടിച്ചു കെട്ടാനുള്ള പോരാട്ടമാണ്.എല്ലാവരും ഒരുമിച്ച് നിന്നുവേണം ഇത് ചെയ്യാൻ.വൈറസിനെ തുടച്ചു നീക്കാനുള്ള പ്രയത്നത്തിൽ എല്ലാ രാജ്യങ്ങളും പങ്കാളികളാകണം. ലോകാരോഗ്യസംഘടന നിലപാട് വ്യക്തമാക്കി.

ഇന്ധന വില പിടിച്ചു നിർത്താൻ കേന്ദ്രം: എക്സ്‌സൈസ് നികുതി വെട്ടിച്ചുരുക്കാൻ ആലോചന

ന്യൂഡൽഹി: ഇന്ധന വില വർധനവ് പിടിച്ചു നിർത്താൻ എക്സ്‌സൈസ് നികുതി വെട്ടിച്ചുരുക്കാൻ കേന്ദ്രസർക്കാർ ഗൗരവത്തോടെ ആലോചന നടത്തുന്നതായി സൂചന.

കേന്ദ്ര ധനകാര്യ മന്ത്രാലയം ഇടപെടുമെന്നാണ് ലഭ്യമായ വിവരം.
കഴിഞ്ഞ സാമ്പത്തിക വർഷത്തിൽ എണ്ണവിലയിൽ കാര്യമായ കുറവുണ്ടായിരുന്നു.എന്നാൽ കോവിഡ് പ്രതിസന്ധി മറികടക്കുന്നതിനായി എക്സ്‌സൈസ് നികുതി വർധിപ്പിച്ചിരുന്നു.
എന്നാൽ അന്താരാഷ്ട്ര വിപണിയിൽ എണ്ണവിലയിലുണ്ടായ കുറവിന്റെ ഗുണം ഉപഭോക്താക്കൾക്ക് കോവിഡ് കാലത്തെ ഈ വർദ്ധനവ് കാരണം തടയപ്പെട്ടു എന്നാണ് സാമ്പത്തിക വിദഗ്ധരുടെ വിശകലനം.

ഇപ്പോൾ അന്താരാഷ്ട്ര വിപണിയിൽ എണ്ണ വില ഉയരുകയാണ്.ഇതിന് ആനുപാതികമായി എക്സ്‌സൈസ് നികുതി ഉയരുന്ന സാഹചര്യത്തിലാണ് ഇപ്പോൾ നികുതി വെട്ടിച്ചുരുക്കാൻ കേന്ദ്രസർക്കാർ ആലോചന.

കേന്ദ്രസർക്കാർ പൊതുമേഖലാ എണ്ണക്കമ്പനികളുമായും ചില സംസ്ഥാനങ്ങളോടും ഇതുസംബന്ധിച്ച് ചർച്ച നടത്തിയെന്നാണ് റിപോർട്ടുകൾ.എന്നാൽ ഏതെല്ലാം സംസ്ഥാനങ്ങളുമായാണ് ചർച്ച നടന്നതെന്ന് വ്യക്തമല്ല.എണ്ണവില കുറയ്ക്കണമെങ്കിൽ സംസ്ഥാനസർക്കാരുകൾകൂടി നികുതി കുറയ്ക്കണമെന്ന് നേരത്തെ ധനമന്ത്രി നിർമല സീതാരാമൻ പറഞ്ഞിരുന്നു.

തിരഞ്ഞെടുപ്പ് പെരുമാറ്റച്ചട്ടം നിലനിൽക്കുന്നതിനാൽ കേന്ദ്രസർക്കാരിന് ഈ തീരുമാനം നടക്കാൻ പറ്റുമോ എന്ന കാര്യത്തിൽ ആശങ്ക നിലനിൽക്കുന്നുണ്ട്.എന്നാൽ ഇക്കാര്യത്തിൽ കേന്ദ്ര ധനകാര്യ മന്ത്രാലയത്തിന്റെ ഭാഗത്തുനിന്ന് നിർണ്ണായകമായ ചുവടുവെപ്പുകൾക്ക് സാധ്യതയുണ്ടെന്ന് വാർത്ത ഏജൻസിയായ റോയിട്ടേഴ്സും റിപ്പോർട്ട് ചെയ്തിട്ടുണ്ട്.

‘വലുത് വരാനിരിക്കുന്നു’ അംബാനിക്ക് ഭീഷണി സന്ദേശവുമായി ജെയ്ഷെ

| ഞങ്ങൾ നേരത്തെ പറഞ്ഞ പണം ബിറ്റ്കോയിനായി കൈമാറണമെന്നും അല്ലാത്തപക്ഷം ഞങ്ങളുടെ വാഹനം നിങ്ങളുടെ കുട്ടികളുടെ വാഹനത്തിലേക്കായിരിക്കും പാഞ്ഞു കയറുക എന്നും മുകേഷ് അംബാനിക്കും ഭാര്യ നിത അംബാനിക്കുമായി വന്ന ഭീഷണി സന്ദേശത്തിൽ പറയുന്നു |

മുംബൈ: റിലയൻസ് ചെയർമാൻ മുകേഷ് അംബാനിയുടെ വസതിക്ക് സമീപം സ്ഫോടകവസ്തു നിറച്ച വാഹനം ഉപേക്ഷിച്ച സംഭവത്തിന്റെ ഉത്തരവാദിത്തം ഇസ്ലാമിക തീവ്രവാദ സംഘടനയായ ജെയ്ഷെ അൽ ഹിന്ദ് ഏറ്റെടുത്തു.ടെലിഗ്രാം ആപ്പ് വഴിയാണ് ഇക്കാര്യം അറിയിച്ചത്.

സ്ഫോടകവസ്തു നിറച്ച വാഹനത്തിൽ ഭീഷണി സന്ദേശവും ഉണ്ടായിരുന്ന പശ്ചാത്തലത്തിൽ മുംബൈ പോലീസ് ഭീകര സംഘടനകളുമായുള്ള ബന്ധം സംശയിച്ചിരുന്നു.ഇതിന് പിന്നാലെയാണ് ജെയ്ഷെ അൽ ഹിന്ദ് ഉത്തരവാദിത്തം ഏറ്റെടുത്തതായി അറിയിച്ചത്.

"അംബാനിയുടെ വീടിനടുത്ത് വാഹനം കൊണ്ട നിർത്തിയ ഞങ്ങളുടെ സഹോദരൻ സുരക്ഷിതനായി വീട്ടിലെത്തി,ഇത് ട്രെയ്‌ലർ മാത്രമാണെന്നും വലുത് വരാനിരിക്കുന്നു" എന്നാണ് ജെയ്ഷെ ഭീഷണി സന്ദേശത്തിൽ ഉള്ളത്. ഈ സന്ദേശത്തിൽ ബിറ്റ്‌കോയിൻ വഴി പണവും ആവശ്യപ്പെട്ടിട്ടുണ്ട്.ഞങ്ങൾ നേരത്തെ പറഞ്ഞ പണം ബിറ്റ്കോയിനായി കൈമാറണമെന്നും അല്ലാത്തപക്ഷം ഞങ്ങളുടെ വാഹനം നിങ്ങളുടെ കുട്ടികളുടെ വാഹനത്തിലേക്കായിരിക്കും പാഞ്ഞു കയറുക എന്നും മുകേഷ് അംബാനിക്കും ഭാര്യ നിത അംബാനിക്കുമായി വന്ന ഭീഷണി സന്ദേശത്തിൽ പറയുന്നു.

കഴിഞ്ഞ ദിവസമാണ് ദക്ഷിണ മുംബൈയിലെ മുകേഷ് അംബാനിയുടെ വസതിയായ ആന്റില യുടെ അടുത്ത് കാർമൈക്കേൽ റോഡിൽ സംശയാസ്പദമായ നിലയിൽ കണ്ടെത്തിയ സ്കോർപിയോ കാറിൽനിന്ന് ഇരുപതോളം ജെലാറ്റിൻ സ്റ്റിക്കുകൾ കണ്ടെത്തിയത്. സൗത്ത് മുംബൈ റോഡിൽ ഉപേക്ഷിക്കപ്പെട്ട നിലയിൽ കാർ കണ്ടതോടെ പോലീസിൽ വിവരം അറിയിക്കുകയായിരുന്നു.മുംബൈ പോലീസും ഡോഗ് സ്‌ക്വാഡും ഉടൻ സ്ഥലത്തെത്തി പരിശോധിച്ചപ്പോഴാണ് സ്ഫോടക വസ്തുക്കൾ കണ്ടെത്തിയത്.

നാഗ്പൂരിൽ നിർമിച്ച ജെലാറ്റിൻ സ്റ്റിക്കുകൾ ഉഗ്ര പ്രഹര ശേഷിയുള്ളതാണെന്ന് വിദഗ്ധർ വിലയിരുത്തിയിട്ടുണ്ട്.രണ്ടര കിലോഗ്രാം ഭാരമുള്ള ഇത്തരം ജെലാറ്റിൻ സ്റ്റിക്കുകൾ ഉപയോഗിച്ച 3000 ചതുരശ്ര അടിയിൽ സ്ഫോടനം ഉണ്ടാക്കാൻ കഴിയുമെന്നത് ആശങ്ക വർധിപ്പിക്കുന്നു.ജെലാറ്റിൻ സ്റ്റിക്കുകൾ ഡിറ്റണേറ്ററുമായി ഘടിപ്പിച്ചിട്ടില്ലാത്തതിനാൽ സ്ഫോടനം നടത്തുകയല്ല, ഭീഷണിപ്പെടുത്തുകയാണ് ലക്ഷ്യമെന്ന് കരുതുന്നു.

സ്ഫോടക വസ്തു നിറച്ച കാറിനൊപ്പം കണ്ടെത്തിയ ഇന്നോവ കാറിനുവേണ്ടിയുള്ള തിരച്ചിൽ തുടരുകയാണ്.വ്യാജ രെജിസ്ട്രേഷനിലുള്ളതാണ് ഇത്.സ്ഫോടകവസ്തു നിറച്ച കാർ താനെ സ്വദേശിയായ വ്യവസായിയുടെ മോഷ്ടിക്കപ്പെട്ട കാറാണ് .

അതീവ ഗൗരവമുള്ള വിഷയമായതിനാൽ മുംബൈ ക്രൈം ബ്രാഞ്ചിനൊപ്പം എൻ ഐ എ കൂടി അന്വേഷിക്കും.മഹാരാഷ്ട്ര ആഭ്യന്തരമന്ത്രി അനിൽ ദേശ്മുഖ് സംഭവത്തിൽ അന്വേഷണത്തിന് ഉത്തരവിട്ടിരുന്നു

photo | architecturaldigest.in

മക്കൾക്ക് നീതി വേണം : വാളയാർ പെൺകുട്ടികളുടെ അമ്മ തലമുണ്ഡനം ചെയ്തു

പാലക്കാട് : സംസ്ഥാന സർക്കാരിന്റെ നീതി നിഷേധത്തിനെതിരെ പ്രതിഷേധിച്ച് വാളയാറിൽ പീഡനത്തിനിരയായ പെൺകുട്ടികളുടെ അമ്മ തലമുണ്ഡനം ചെയ്തു.

അമ്മയ്ക്ക് ഐക്യദാർഢ്യം പ്രഖ്യാപിച്ച് സാമൂഹ്യ പ്രവർത്തകരായ ബിന്ദു കമലനും സലീന പ്രക്കാനവും തല മുണ്ഡനം ചെയ്തു.
ആലത്തൂർ എം പി രമ്യ ഹരിദാസ്,മഹിളാ കോൺഗ്രസ് നേതാവ് ലതിക സുഭാഷ് എന്നിവരും ഐക്യദാർഢ്യവുമായി സമരപ്പന്തലിൽ എത്തിയിട്ടുണ്ട്

പെൺകുട്ടികൾക്ക് നീതി കിട്ടാൻ വേണ്ടി നടത്തിയ സമരങ്ങളൊന്നും സർക്കാർ കണ്ടില്ല.ഒട്ടേറെ സാമൂഹ്യ പ്രവർത്തകരും സമരം നടത്തിഎന്നാൽ ഒന്നും സർക്കാർ കണ്ടതായി നടിച്ചില്ലെന്ന് അമ്മ പറഞ്ഞു.

നീതി നിഷേധിച്ച സർക്കാരിനെതിരെ സംസ്ഥാനത്തുടനീളം എല്ലാ ജില്ലകളിലും പ്രതിഷേധ സമരം നടത്തുമെന്നും അവർ അറിയിച്ചു.ഡി വൈ എസ് പി സോജനെയും എസ് ഐ ചാക്കോയേയും ശിക്ഷിക്കണമെന്നാണ് അമ്മയുടെ ആവശ്യം.

തിരഞ്ഞെടുപ്പ് പ്രഖ്യാപനം: പ്രതീക്ഷകളും അവകാശ വാദങ്ങളുമായി മുന്നണികൾ

തിരുവനന്തപുരം: കേരളമുൾപ്പെടെയുള്ള അഞ്ച് സംസ്ഥാനങ്ങളിൽ തിരഞ്ഞെടുപ്പ് പ്രഖ്യാപിച്ചതോടെ സംസ്ഥാനത്തെ രാഷ്ട്രീയപാർട്ടികൾ അക്ഷരാർത്ഥത്തിൽ തിരഞ്ഞെടുപ്പിന് ഒരുങ്ങിയ പ്രതീതിയിൽ.

മുന്നണികൾ തിരഞ്ഞെടുപ്പിന് ഒരുങ്ങി എന്ന് മാത്രമല്ല, വ്യത്യസ്തമായ അവകാശവാദങ്ങളുമായി തിരഞ്ഞടുപ്പ് പ്രഖ്യാപന ദിവസം തന്നെ രംഗത്തെത്തിയത് ശ്രദ്ധേയമായി.
തുടർഭരണം ഉറപ്പാണെന്ന് സിപിഎം സംസ്ഥാന സെക്രട്ടറി എ വിജയരാഘവനും നേട്ടങ്ങളുടെ അവകാശികൾ ജനങ്ങളാണെന്നും കേരളത്തിൽ നടക്കില്ല എന്ന് പറഞ്ഞ കാര്യങ്ങളൊക്കെ നടപ്പാക്കിയെന്ന് മുഖ്യമന്ത്രി പിണറായി വിജയനും അഞ്ചു വർഷത്തെ അഴിമതി ഭരണത്തിന് ജനങ്ങൾ മറുപടി പറയുമെന്ന് യു ഡി എഫും പറയുന്നു.ഗോദയിൽ ഇറങ്ങിക്കഴിഞ്ഞെന്ന് ആത്മവിശ്വാസത്തോടെ ഉമ്മൻ ചാണ്ടിയും പറഞ്ഞു.വരുന്ന നിയമസഭാ തിരഞ്ഞെടുപ്പിൽ നിർണ്ണായക ശക്തിയാകുമെന്ന് ബിജെപി യും അവകാശവാദം ഉന്നയിച്ചു.
കേരളത്തിൽ ഏപ്രിൽ 6ന് ഒറ്റ ഘട്ടമായി തിരഞ്ഞെടുപ്പ് നടത്തുമെന്ന് മുഖ്യ തിരഞ്ഞെടുപ്പ് കമ്മിഷണർ സുനിൽ അറോറ പ്രഖ്യാപിച്ച പശ്ചാത്തലത്തിലാണ് മുന്നണികലും നേതാക്കളും ഉണർന്നത്.മെയ് രണ്ടിനാണ് കേരളത്തിലെ വോട്ടെണ്ണൽ.

കുഞ്ഞാലിക്കുട്ടി രാജിവെച്ചതോടെ ഒഴിവുവന്ന മലപ്പുറം ലോകസഭാ മണ്ഡലത്തിലെ ഉപതിരഞ്ഞെടുപ്പും ഇതിനോടൊപ്പം നടക്കും.സംസ്ഥാനത്ത് ഇന്നുമുതൽ പെരുമാറ്റച്ചട്ടം നിലവിൽവന്നു. കോവിഡ് സാഹചര്യത്തിൽ കർശന നിയന്ത്രണങ്ങളോടെയാണ് തിരഞ്ഞെടുപ്പ് പ്രക്രിയ നടക്കുകയെന്ന് മുഖ്യ തിരഞ്ഞെടുപ്പ് കമ്മിഷണർ സുനിൽ അറോറ അറിയിച്ചു.

കവി വിഷ്ണു നാരായണൻ നമ്പൂതിരി അന്തരിച്ചു

| കവിതകളുടെ താത്വിക ദാർശനിക കാൽപനിക ഭാവങ്ങളിലൂടെ മലയാള ഭാഷക്കും സാഹിത്യത്തിനും മികച്ച സംഭാവന നൽകിയ,ഋഷി തുല്യനായ ജീവിതം നയിച്ച അനുഗ്രഹീത പ്രതിഭയായിരുന്നു |

തിരുവനന്തപുരം: കവി വിഷ്ണുനാരായണൻ നമ്പൂതിരി അന്തരിച്ചു. 81 വയസായിരുന്നു.വാർധക്യ സഹജമായ അസുഖങ്ങളെ തുടർന്ന് തിരുവനന്തപുരം തൈക്കാട് ശ്രീവല്ലി ഇല്ലത്തുവെച്ചായിരുന്നു അന്ത്യം.

കവിതകളുടെ താത്വിക ദാർശനിക കാൽപനിക ഭാവങ്ങളിലൂടെ മലയാള ഭാഷക്കും സാഹിത്യത്തിനും മികച്ച സംഭാവന നൽകിയ,ഋഷി തുല്യനായ ജീവിതം നയിച്ച അനുഗ്രഹീത പ്രതിഭയായിരുന്നു.ഭാരതീയ ദാർശനിക പാരമ്പര്യം ഉയർത്തിപ്പിടിച്ച കവിതകളുടെഒഴുക്ക് തന്നെയായിരുന്നു അദ്ദേഹത്തിന്റെ ജീവിതം.കവിതകളെയും കഥകളിയെയും അകമഴിഞ്ഞ് സ്നേഹിച്ച അപൂർവ വ്യക്തിത്വത്തിന്റെ ഉടമയായിരുന്നു.

രാജ്യം പത്മശ്രീ നൽകി ആദരിച്ചിട്ടുണ്ട്.കേന്ദ്ര -കേരള സാഹിത്യ അക്കാദമി അവാർഡുകൾ ലഭിച്ചിട്ടുണ്ട്.എഴുത്തച്ഛൻ പുരസ്‌കാരം,വയലാർ അവാർഡ്,വള്ളത്തോൾ പുരസ്‌കാരം,ഓടക്കുഴൽ അവാർഡ്, കേന്ദ്ര സാഹിത്യ അക്കാദമി ഫെല്ലോഷിപ് എന്നിവ നേടിയിട്ടുണ്ട്.ഇംഗ്ലീഷ്,മലയാള ,സംസ്‌കൃത ഭാഷകളിൽ അഗാധമായ പാണ്ഡിത്യം ഉണ്ടായിരുന്നു.ഭാഷാ പണ്ഡിതൻ അധ്യാപകൻ എന്നി നിലകളിൽ ശ്രദ്ധേയനായി.

1939 ജൂൺ 2ന് തിരുവല്ലയിൽ ഇരിങ്ങോലിലാണ് ജനനം.ഇംഗ്ലീഷ് ഭാഷയിൽ അഗാധമായ പ്രാവീണ്യമുള്ള മഹാകവി കോഴിക്കോട് , കൊല്ലം,പട്ടാമ്പി,എറണാകുളം,തൃപ്പുണിത്തുറ,ചിറ്റൂർ,തിരുവനതപുരം,തലശ്ശേരി ബ്രണ്ണൻ തുടങ്ങിയ ഗവണ്മെന്റ് കോളേജുകളിൽ അധ്യാപകനായിരുന്നു.തിരുവനന്തപുരം യൂണിവേഴ്സിറ്റി കോളേജിൽ നിന്നും ഇംഗ്ലീഷ് വകുപ്പ് മേധാവിയായി വിരമിച്ച ശേഷവും കുടുംബ ക്ഷത്രത്തിലെ ശാന്തിക്കാരനായി.

ഇന്ത്യ എന്ന വികാരം,ആരണ്യകം,അതിർത്തിയിലേക്ക് ഒരു യാത്ര,ഉജ്ജയിനിലെ രാപ്പകലുകൾ,മുഖമെവിടെ,ഭൂമി ഗീതങ്ങൾ,പ്രണയ ഗീതങ്ങൾ,സ്വാതന്ത്ര്യത്തെക്കുറിച്ച് ഒരു ഗീതം,ചാരുലത എന്നിവയാണ് പ്രധാന കവിത സമാഹാരങ്ങൾ.
ഭാര്യ സാവിത്രി,മക്കൾ അദിതി,അപർണ്ണ

സംസ്കാരം പൂർണ ഔദ്യോഗിക ബഹുമതികളോടെ നാളെ ഉച്ചയ്ക്ക് തൈക്കാട് ശാന്തി കവാടത്തിൽ

നടിയെ ആക്രമിച്ച കേസ്: ദിലീപിന്റെ ജാമ്യം റദ്ദാക്കില്ല

കൊച്ചി: നടിയെ ആക്രമിച്ച കേസിൽ നടൻ ദിലീപിന്റെ ജാമ്യം റദ്ദാക്കില്ല.

ജാമ്യം റദ്ദാക്കണമെന്ന പ്രോസിക്യൂഷൻ ഹർജി കോടതി തള്ളി.ജാമ്യ വ്യവസ്ഥകൾ ലംഘിച്ചു, സാക്ഷികളെ ഭീഷണിപ്പെടുത്തി മൊഴി അനുകൂലമാക്കാൻ ശ്രമിച്ചു തുടങ്ങിയവയായിരുന്നു പ്രോസിക്യൂഷൻ വാദങ്ങൾ.ജാമ്യ വ്യവസ്ഥകൾ ലംഘിച്ചു എന്നുതന്നെയായിരുന്നു പ്രധാന പ്രോസിക്യൂഷൻ വാദം.

കോവിഡ്: കേരളത്തിനിന്നുള്ള യാത്രക്കാർക്ക് കർണാടകം ഉൾപ്പെടെ നാല് സംസ്ഥാനങ്ങൾ യാത്രാ നിയന്ത്രണം ഏർപ്പെടുത്തി

മംഗളുരു: കേരളത്തിലെ കോവിഡ് വ്യാപനത്തിന്റെ പശ്ചാത്തലത്തിൽ കർണാടകം ഉൾപ്പെടെ നാല് സംസ്ഥാനങ്ങൾ കേരളത്തിൽനിന്നുള്ള യാത്രക്കാർക്ക് നിയന്ത്രണമേർപ്പെടുത്തി.

കർണാടക,മഹാരാഷ്ട്ര,ഉത്തരാഖണ്ഡ്,മണിപ്പുർ സംസ്ഥാനങ്ങളാണ് നിയന്ത്രണങ്ങൾ കടുപ്പിച്ചത്.അയൽ സംസ്ഥാനമെന്ന നിലയിൽ കർണാടകം നിയന്ത്രണങ്ങളിൽ അയവ് വരുത്തുമെന്ന് ചൊവ്വാഴ്ച രാവിലെ സൂചന നൽകിയിരുന്നെങ്കിലും പിന്നീട് നിലപാട് മാറ്റിയത് വലിയ തിരിച്ചടിയായി.
കോവിഡ് പരിശോധനാഫലം നെഗറ്റീവ് ഉള്ളവർക്ക് മാത്രമാണ് നിലവിൽ ഈ സംസ്ഥാനങ്ങളിലേക്ക് പ്രവേശനമുള്ളൂ എന്നതാണ് ഒടുവിൽ ലഭിക്കുന്ന വിവരം.ആർ ടി പി സി ആർ ടെസ്റ്റ് നെഗറ്റീവ് ഉള്ളവരെ മാത്രമേ ദക്ഷിണ കന്നഡ ജില്ലയിലേക്ക് പ്രവേശിപ്പിക്കു. ഇതേ നിയന്ത്രണങ്ങൾ കുടക് ജില്ലയിലേക്ക് പ്രവേശിക്കാനും ഉണ്ടാകും.ഇന്ന് മുതൽ കർശനമാക്കും എന്നും റിപ്പോർട്ടുകളുണ്ട്.


ഒരിക്കൽ മാത്രം യാത്ര ചെയ്യുന്നവർ 72 മണിക്കൂറിനുള്ളിലുള്ള ടെസ്റ്റ് റിസൾട്ട് ഹാജരാക്കണം.ദിവസേന യാത്ര ചെയ്യുന്നവർ 15 ദിവസത്തിലൊരിക്കൽ നടത്തിയ റിപ്പോർട്ടും എവിടേക്ക് യാത്ര ചെയ്യുന്നു എന്ന രേഖയും കരുതണം.മംഗലാപുരത്തേക്ക് ആംബുലൻസിൽ രോഗികളുമായി പോകുന്നവർ ആശുപത്രിയിൽ എത്തിയാൽ ഉടൻ കോവിഡ് ടെസ്റ്റ് ചെയ്യണം.


മഹാരാഷ്ട്ര,ഒഡിഷ,ജമ്മു കശ്മീർ തുടങ്ങി ഒട്ടുമിക്ക വടക്കു കിഴക്കൻ സംസ്ഥാനങ്ങളും നിയന്ത്രണങ്ങൾ കടുപ്പിച്ചു.ആർ ടി പി സി ആർ ടെസ്റ്റ് നെഗറ്റീവ് റിപ്പോർട്ടുകളാണ് സംസ്ഥാനങ്ങൾ ആവശ്യപ്പെടുന്നത്.

തിങ്കളാഴ്ച മുതൽ നിയന്ത്രണം ഏർപ്പെടുത്തിയ കർണാടകം കേരള അധികൃതരുമായി നടത്തിയ അനൗദ്യോഗിക ചർച്ചകളിൽ അയവ് വരുത്താൻ ഇന്നലെ തീരുമാനിച്ചിരുന്നെങ്കിലും നിലപാട് മാറ്റുകയായിരുന്നു.

അതിർത്തിയിലെ തടയൽ: കർണാടക തീരുമാനങ്ങളിൽ അനിശ്ചിതത്വം, മുഖ്യമന്ത്രി പ്രധാനമന്ത്രിക്ക് കത്തയച്ചു

തിരുവനന്തപുരം: കേന്ദ്രസർക്കാരിന്റെ അൺലോക്ക് മാനദണ്ഡങ്ങൾ ലംഘിച്ച് കേരള അതിർത്തിയിൽ വാഹനങ്ങൾ തടഞ്ഞ കർണാടക നിലപാടിൽ അടിയന്തിരമായി ഇടപെടാൻ മുഖ്യമന്ത്രി പ്രധാനമന്ത്രിക്ക് കത്തയച്ചു.

വിഷയത്തിൽ കർണാടക തീരുമാനങ്ങളിലെ ആശയക്കുഴപ്പം കടുത്ത അനിശ്ചിതാവസ്ഥ സൃഷ്‌ടിച്ച പശ്ചാത്തലത്തിലാണ് മുഖ്യമന്ത്രിയുടെ ഇടപെടൽ.
കേരള-കർണാടക പോലീസ് മേധാവികൾ നടത്തിയ ചർച്ചയിൽ വരുന്ന രണ്ട് ദിവസങ്ങളിൽ കോവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കില്ലെന്ന നിലപാട് സ്വീകരിച്ചെങ്കിലും വിവിധ ചെക്ക് പോസ്റ്റുകളിൽ വാഹനങ്ങൾ തടയുന്ന അവസ്ഥ ഉണ്ടായി.അവശ്യ വസ്തുക്കളുമായി വരുന്ന വാഹനങ്ങൾ തടയില്ലെന്ന് പറഞ്ഞിരുന്നെങ്കിലും അതും ലംഘിക്കപ്പെട്ടു എന്ന് പരാതിയുണ്ട്.

പ്രധാന കേന്ദ്രമായ തലപ്പാടി ചെക്ക് പോയിന്റുകളിൽ ഉൾപ്പെടെ പ്രധാന കേന്ദ്രങ്ങളിൽ ആന്റിജൻ ടെസ്റ്റ് നടത്താനുള്ള സംവിധാനം കർണ്ണാടകം തന്നെ ഏർപ്പെടുത്തും,ഇവിടെ സാമ്പിളുകൾ ശേഖരിച്ച് യാത്രക്കാരെ കടത്തിവിടാം എന്നതാണ് കർണാടകത്തിന്റെ നിർദേശമെന്നും കർണാടകത്തിൽ പഠിക്കുന്ന വിദ്യാർത്ഥികൾക്ക് അവരുടെ കോളേജുകളിൽത്തന്നെ ഈ സൗകര്യം ലഭ്യമാക്കുമെന്നുമൊക്കെ ചൊവ്വാഴ്ച്ച രാവിലെ കർണാടക ഭാഗത്തുനിന്ന് നിർദേശങ്ങൾ വന്നെങ്കിലും പ്രായോഗിക തലത്തിൽ സർവത്ര ആശയക്കുഴപ്പമായിരുന്നു.

അതിർത്തിയിൽ കർണാടക ഏർപ്പെടുത്തിയ നിയന്ത്രണം പിൻവലിച്ചു

തലപ്പാടി(കാസർഗോഡ്) :
കേരളത്തിലെ കോവിഡ് വ്യാപന പശ്ചാത്തലത്തിൽ കേരള അതിർത്തികളിൽ കർണാടകം ഏർപ്പെടുത്തിയ നിയന്ത്രണങ്ങൾ താല്കാലികളുമായി പിൻവലിച്ചു.

കോവിഡ് നെഗറ്റീവ് സർട്ടിഫിക്കറ്റ് വേണമെന്ന നിയന്ത്രണത്തിലാണ് ഇളവ് ലഭിച്ചിരിക്കുന്നത്.ആർ ടി പി സി ആർ ടെസ്റ്റ് നെഗറ്റീവ് റിസൾട്ട് വേണമെന്ന നിലപാടെടുത്ത കർണാടക സർക്കാർ തീരുമാനം വലിയ പ്രതിസന്ധികൾ ഉണ്ടാക്കിയിരുന്നു.പ്രധാന ചെക്ക് പോസ്റ്റുകളിൽ റോഡ് അടച്ചത് പ്രതിഷേധനങ്ങൾക്കിടയാക്കി.

രണ്ട് ദിവസത്തേക്ക് കോവിഡ് സർട്ടിഫിക്കറ്റ് നിർബന്ധമില്ലെന്ന നിലപാടാണ് ഇന്ന് സ്വീകരിച്ചിരിക്കുന്നത്.പ്രധാന കേന്ദ്രമായ തലപ്പാടി ചെക്ക് പോയിന്റുകളിൽ ഉൾപ്പെടെ പ്രധാന കേന്ദ്രങ്ങളിൽ ആന്റിജൻ ടെസ്റ്റ് നടത്താനുള്ള സംവിധാനം കർണ്ണാടകം തന്നെ ഏർപ്പെടുത്തും.

ഇവിടെ സാമ്പിളുകൾ ശേഖരിച്ച് യാത്രക്കാരെ കടത്തിവിടാം എന്നതാണ് കർണാടകത്തിന്റെ പുതിയ നിർദേശം.കർണാടകത്തിൽ പഠിക്കുന്ന വിദ്യാർത്ഥികൾക്ക് അവരുടെ കോളേജുകളിൽത്തന്നെ ഈ സൗകര്യം ലഭ്യമാക്കും.
കേന്ദ്രസർക്കാരിന്റെ അൺലോക്ക് മാനദണ്ഡങ്ങൾ മറികടന്ന് കർണ്ണാടകം അതിർത്തികൾ അടച്ചത് വലിയ പ്രതിഷേധങ്ങൾക്കിടയാക്കിയിരുന്നു.

photo | thehindu.com

കർണാടകം അതിർത്തി അടച്ച പ്രശ്നം കേന്ദ്ര ശ്രദ്ധയിൽപ്പെടുത്തും: മുഖ്യമന്ത്രി

ഫയൽ ചിത്രം

തിരുവനന്തപുരം: കേന്ദ്രസർക്കാർ നിർദേശിച്ച അൺലോക്ക് മാനദണ്ഡങ്ങൾ ലംഘിച്ച് കേരള അതിർത്തികൾ അടച്ച കർണാടക നടപടി കേന്ദ്രത്തിന്റെ ശ്രദ്ധയിൽപ്പെടുത്തുമെന്ന് മുഖ്യമന്ത്രീ പിണറായി വിജയൻ പറഞ്ഞു.
അന്തർസംസ്ഥാന യാത്രകൾക്ക് ഒരു സംസ്ഥാനവും ഒരു നിയന്ത്രണവും വരുത്താൻ പാടില്ലെന്ന നിർദേശമാണ് ലംഘിക്കപ്പെട്ടിരിക്കുന്നത്.
ആർ ടി പി സി ആർ പരിശോധനയുടെ നെഗറ്റീവ് സർട്ടിഫിക്കറ്റ് ഉള്ളവർക്ക് മാത്രമേ പ്രവേശനമുള്ളൂ എന്ന നിലപാടാണ് അതിർത്തികളിൽ കണ്ടത്.

ഇക്കാര്യം സംസ്ഥാന പോലീസ് മേധാവി വഴി കർണാടക ഡി ജി പി യെ അറിയിച്ചിട്ടുണ്ട്.ആവശ്യസാധനങ്ങളുമായി വരുന്ന വാഹനങ്ങളുടെ കാര്യത്തിൽ തൽകാലം നടപടികൾ ഒന്നും ഉണ്ടാകില്ല എന്ന ഉറപ്പ് കിട്ടിയിട്ടുണ്ട്.കർണാടക സർക്കാരുമായി വിഷയം സംസാരിക്കും അതിന് പുറമെ കേന്ദ്രത്തിന്റെ ശ്രദ്ധയും ക്ഷണിക്കും.

കർണാടക അതിർത്തി കടന്നുവരുന്ന അവശ്യ സാധനങ്ങൾ വഹിച്ചുള്ള വാഹനങ്ങൾ തടയാതിരിക്കാൻ കർണാടക ഡി ജി പി പ്രവീൺ സൂദുമായി സംസ്ഥാന ഡി ജി പി ചർച്ച നടത്തിയതിന്റെ പശ്ചാത്തലത്തിൽ കർണാടക ആരോഗ്യമന്ത്രിയുമായി സംസാരിച്ച് നടപടികൾ സ്വീകരിക്കാമെന്ന് ഉറപ്പ് കിട്ടിയിട്ടുണ്ട്.

ആഴക്കടൽ മൽസ്യബന്ധനം: ധാരണാപത്രം ഒപ്പിട്ട ഉദ്യോഗസ്ഥൻ സർക്കാരിനെ അറിയിച്ചില്ലെന്ന് മുഖ്യമന്ത്രി

തിരുവനന്തപുരം: ആഴക്കടൽ മൽസ്യബന്ധന വിവാദത്തിൽ മുഖ്യമന്ത്രി പിണറായി വിജയൻ പ്രതികരിച്ചു.കോർപറേഷനുമായി ഏതെങ്കിലും കരാർ ഒപ്പിട്ട കാര്യം കെ എസ് ഐ എൻ സി യുടെ എം ഡി സർക്കാരിനെ അറിയിച്ചിട്ടില്ലെന്ന് അദ്ദേഹം പറഞ്ഞു.

കമ്പനി നൽകിയ നിവേദനത്തിന്റെ കോപ്പിയാണ് പ്രതിപക്ഷ നേതാവിന് കിട്ടിയത് ഇത് എങ്ങിനെ കിട്ടി എന്ന് അദ്ദേഹം വ്യക്തമാക്കണമെന്നും അദ്ദേഹം പറഞ്ഞു.

കെ എസ് ഐ എൻ സി ഒരു പൊതുമേഖലാ സ്ഥാപനമാണ്.സംസ്ഥാന സർക്കാരോ സർക്കാരിന്റെ ഏതെങ്കിലും വകുപ്പോ ഒരു എംഒ യുവും ഒപ്പിട്ടിട്ടില്ല.ഏതെങ്കിലും പൊതുമേഖലാ സ്ഥാപനമോ കമ്പനിയോ അങ്ങിനെ ചെയ്താൽ സർക്കാർ പരിഗണനയിൽ പിന്നീടാണ് വരിക.സർക്കാരാണ് തീരുമാനമെടുക്കുക.എന്നാൽ സർക്കാരിനെ അറിയിച്ചേ ഒപ്പിടാവു എന്നില്ല.
ഇത്തരമൊരു ധാരണപാത്രത്തെപ്പറ്റി സർക്കാരിനെയോ മന്ത്രിയെയോ കോർപറേഷന്റെ ചുമതലയുള്ള ഉദ്യോഗസ്ഥനെയോ അറിയിച്ചിട്ടില്ലെന്നും മുഖ്യമന്ത്രി പറഞ്ഞു.

2011 ഫെബ്രുവരി 11നാണ് കമ്പനി പ്രതിനിധികൾ വ്യവസായ മന്ത്രിയുടെ ഓഫീസിലെത്തി ഒരു നിവേദനം നൽകിയത്.ഫിഷറീസ് ആൻഡ് റീസർച്ച് ഡെവലപ്പ്മെന്റിൽ സർക്കാരുമായി സഹകരിച്ച് പ്രവർത്തിക്കാൻ ധാരണാപത്രം ഒപ്പ് വെച്ചിട്ടുണ്ടെന്നും അതിന് മന്ത്രിസഭയുടെ അംഗീകാരം ലഭിക്കാൻ ആവശ്യമായ നടപടികൾ സ്വീകരിക്കണമെന്നാവശ്യപ്പെട്ടായിരുന്നു നിവേദനം.ഇത് പ്രിൻസിപ്പൽ സെക്രട്ടറിക്ക് കൈമാറുകയും ചെയ്തു.
ഈ നിവേദനത്തിന്റെ ഉള്ളടക്കമാണ് പ്രതിപക്ഷ നേതാവ് കരാർ എന്ന രീതിയിൽ പ്രചരിപ്പിക്കുന്നത്.ഇത് പ്രതിപക്ഷ നേതാവിന് എങ്ങിനെ കിട്ടി എന്ന് അദ്ദേഹം വ്യക്തമാക്കണം.സ്ഥാപനത്തിന്റെ എം ഡി ആയ ഉദ്യോഗസ്ഥൻ നേരത്തെ ചെന്നിത്തലയുടെ പ്രൈവറ്റ് സെക്രട്ടറിയായിരുന്നു എന്നും മുഖ്യമന്ത്രി പറഞ്ഞു.

പ്രതിപക്ഷ നേതാവ് തരം താഴരുത്,ആരോപണങ്ങൾ അസംബന്ധമെന്ന് മന്ത്രി മേഴ്‌സികുട്ടിയമ്മ

തിരുവനന്തപുരം: ഇ എം സി സി വിവാദത്തിൽ മന്ത്രി മേഴ്‌സിക്കുട്ടിയമ്മയുടെ പ്രതികരണം.രമേശ് ചെന്നിത്തലയുടെ ആരോപണം മന്ത്രി തള്ളി.

പ്രതിപക്ഷ നേതാവ് ഇത്രയും തരംതാഴരുതെന്നും ആരോപണം അസംബന്ധമാണെന്നും അമേരിക്കയിൽ ചർച്ച നടത്തിയിട്ടില്ലെന്നും മന്ത്രി മേഴ്‌സിക്കുട്ടിയമ്മ പറഞ്ഞു.എന്നാൽ കമ്പനി പ്രതിനിധികൾ ഓഫീസിൽ എത്തി കൂടിക്കാഴ്ച നടത്തിയിട്ടുണ്ടാവാം.

അമേരിക്കയിൽ പോയത് യു എൻ പരിപാടിയിൽ പങ്കെടുക്കാൻ. സർക്കാരിന്റേത് സുതാര്യമായ നയമാണ് അത് കമ്പനികൾക്ക് വേണ്ടി മാറ്റം വരുത്തില്ല.സർക്കാർ നയത്തിന് വിരുദ്ധമായ ഒരു കാര്യവും നടക്കില്ല.സർക്കാർ നയത്തെ വെല്ലുവിളിക്കാൻ ഒരു ഉദ്യോഗസ്ഥനെയും അനുവദിക്കില്ല.

മുഖ്യമന്ത്രിക്ക് വേണ്ടി പറയുന്നു,ഈ അഭ്യാസം കേരളത്തിൽ നടക്കില്ല.വ്യവസായ വകുപ്പിന് മുന്നിൽ വന്നാലും ഇത്തരം നിർദേശങ്ങൾ ഫിഷറീസ് വകുപ്പ് അംഗീകരിക്കില്ല.വ്യവസായ വകുപ്പിനെ സംശയത്തിന്റെ നിഴലിൽ നിർത്തിയിട്ടില്ല. ആരോപണങ്ങൾ ശക്തമായി നിഷേധിച്ചുകൊണ്ട് മന്ത്രി മാധ്യമങ്ങളോട് സംസാരിക്കുകയായിരുന്നു.

മെട്രോമാൻ ഇ ശ്രീധരൻ ബി ജെ പിയിലേക്ക്

കോഴിക്കോട്: മെട്രോമാൻ ഇ ശ്രീധരൻ ബി ജെ പിയിലേക്ക്. ബിജെപി അധ്യക്ഷൻ കെ സുരേന്ദ്രനാണ് ഇക്കാര്യം അറിയിച്ചത്.

ബിജെപിയുടെ വിജയയാത്രയിൽ അദ്ദേഹം ഔദ്യോഗികമായി അംഗത്വമെടുത്ത് പാർട്ടിയിൽ ചേരുമെന്നും സുരേന്ദ്രൻ .വരും ദിവസങ്ങളിൽ സംസ്ഥാനത്തെ പ്രമുഖരായ ആളുകൾ പാർട്ടിയിൽ ചേരുമെന്നും സുരേന്ദ്രൻ പറഞ്ഞു.
ബിജെപി യിൽ ചേരുന്നു എന്ന കാര്യം ഇ ശ്രീധരൻ സ്ഥിരീകരിച്ചു. കേരളത്തിന് നീതി ഉറപ്പാക്കാൻ ബിജെപിക്ക് മാത്രമേ കഴിയു എന്നും കേരളത്തിലെ ഒൻപത് വർഷത്തെ തന്റെ അനുഭവത്തിൽനിന്നാണ് ഇത് പറയുന്നതെന്നും ഇ ശ്രീധരൻ പറഞ്ഞു.കെ സുരേന്ദ്രൻ നയിക്കുന്ന വിജയയാത്രയിൽ ബിജെപിയിൽ ചേരുമെന്നും പാർട്ടി പറഞ്ഞാൽ മത്സരിക്കുമെന്നും ഇ ശ്രീധരൻ പറഞ്ഞു.

കേരളത്തിൽനിന്നുള്ളവർക്ക് ആർ ടി-പി സി ആർ ടെസ്റ്റ് നിർബന്ധമാക്കി കർണാടക

പ്രതീകാത്മക ചിത്രം | thefederal.com

ബംഗളുരു: കേരളത്തിൽനിന്നുള്ള യാത്രക്കാർക്ക് കർണ്ണാടക നിയന്ത്രണമേർപ്പെടുത്തി. ബംഗളുരുവിൽ പുതിയ കോവിഡ് ക്ലസ്റ്ററുകൾ രൂപപ്പെട്ടതിനെ തുടർന്നാണിത്.

ബംഗളുരു കെ ടി നഗറിലെ ഒരു നഴ്സിംഗ് കോളേജാണ് കോവിഡ് ക്ലസ്റ്ററായി രൂപപ്പെട്ടത്.ഇവിടെയുള്ള വിദ്യാർത്ഥികളിൽ 70ശതമാനത്തോളം കേരളത്തിൽനിന്നുള്ളവരാണ്.
കേരളത്തിൽനിന്ന് വരുന്ന എല്ലാവരും 72 മണിക്കൂർ അധികമാകാത്ത നെഗറ്റീവ് ആർ ടി-പി സി ആർ സർട്ടിഫിക്കറ്റ് നിർബന്ധമായും കരുതണമെന്നാണ് കർണ്ണാടക സർക്കാർ നിർദേശിച്ചിരിക്കുന്നത്.

ഹോട്ടലുകളിലും റിസോർട്ടുകളിലും ഹോസ്റ്റലുകളിലും താമസിയ്ക്കാൻ വരുന്നവർക്കും ഇത് ബാധകമായിരിക്കും.കഴിഞ്ഞ രണ്ടാഴ്ചക്കുള്ളിൽ കേരളത്തിൽനിന്നെത്തിയവരെ നിർബന്ധമായും ആർ ടി-പി സി ആർ പരിശോധനക്ക് വിധേയമാക്കണം.
ഹോസ്റ്റലുകളിൽ താമസിക്കുന്ന വിദ്യാർഥികൾ നാട്ടിലേക്കുള്ള യാത്രകൾ ഒഴിവാക്കണം.മൾട്ടി നാഷണൽ കമ്പനികൾ മുതൽ ഹോട്ടലുകളിലും ലോഡ്ജുകളിലും ജോലി ചെയ്യുന്നവർവരെ സ്വന്തം ചിലവിൽ ആർ ടി പി സി ആർ പരിശോധന നടത്തണമെന്നും കർണാടക ഉത്തരവിൽ പറയുന്നുണ്ട്.

https://twitter.com/ANI/status/1361657446964494343

ഉദ്യോഗാർത്ഥികൾക്ക് മുന്നിൽ മുട്ടിലിഴയേണ്ടത് ഉമ്മൻചാണ്ടിയെന്ന് മുഖ്യമന്ത്രി

സ്വന്തംലേഖകൻ
തിരുവനന്തപുരം: ഉദ്യോഗാർഥികളുടെ സമരത്തിൽ പ്രതികരണവുമായി മുഖ്യമന്ത്രി പിണറായി വിജയൻ.

ഉമ്മൻചാണ്ടിയാണ് ഉദ്യോഗാർത്ഥികൾക്ക് മുന്നിൽ മുട്ടിലിഴയേണ്ടതെന്ന് മുഖ്യമന്ത്രി പറഞ്ഞു.കഴിഞ്ഞ ദിവസം സെക്രെട്ടറിയേറ്റിന് മുന്നിൽ ഒരു കാലുപിടി രംഗം കണ്ടെന്നും യഥാർത്ഥത്തിൽ ആരുടെ കാലാണോ പിടിച്ചത് അദ്ദേഹമാണ് ഉദ്യോഗാർഥികളുടെ കാലിൽ വീഴേണ്ടത്,എന്നിട്ട് പറയണം എല്ലാറ്റിനും ഉത്തരവാദി താനാണെന്ന്.അവരോട് അത്തരമൊരു തുറന്നു പറച്ചിലുണ്ടായാൽ നീതി നടത്തി എന്ന് പറയാൻ പറ്റും.മുട്ടിലിഴയേണ്ടത് മറ്റാരുമല്ല. മുഖ്യമന്ത്രി പറഞ്ഞു.

യുവജനങ്ങളെ തെറ്റിദ്ധരിപ്പിക്കാനും വഞ്ചിക്കാനുമുള്ള നടപടികളാണ് യു ഡി എഫ് ബോധപൂർവം സ്വീകരിച്ചുവരുന്നത്. സ്വജനപക്ഷപാതവും അഴിമതിയും നടത്തി താൽക്കാലിക നിയമനവും സ്ഥിരപ്പെടുത്താലും എന്ന രീതിയിൽ ഭരണം കയ്യാളിയവരാണ് ഇപ്പോൾ കുപ്രചാരണവുമായി ഇറങ്ങിയിരിക്കുന്നതെന്നും മുഖ്യമന്ത്രി പറഞ്ഞു.പ്രതിപക്ഷ രാഷ്ട്രീയത്തിന്റെ കൃത്യമായ ഉദ്ദേശം മനസിലാക്കാൻ ഉദ്യോഗാർത്ഥികൾക്ക് കഴിയണമെന്നും അദ്ദേഹം പറഞ്ഞു

ബി പി സി എൽ പ്ലാന്റ് രാജ്യത്തിന് സമർപ്പിച്ചു, സ്വയം പര്യാപ്തത ഇന്ത്യയെ ശക്തിപ്പെടുത്തുമെന്ന് പ്രധാനമന്ത്രി

സ്വന്തം ലേഖകൻ

കൊച്ചി: ബി പി സി എൽ പ്ലാന്റ് പ്രധാനമന്ത്രി രാജ്യത്തിന് സമർപ്പിച്ചു.സ്വയം പര്യാപ്തത ഇന്ത്യയെ ശക്തിപ്പെടുത്തുമെന്ന് പ്രധാനമന്ത്രി പറഞ്ഞു.ഇന്ത്യയുടെ വികസനത്തിനായി എല്ലാവർക്കും ഒരുമിച്ച് പ്രവർത്തിക്കാമെന്നും വികസന പദ്ധതികൾ നാടിന് സമർപ്പിച്ചുകൊണ്ട് പ്രധാനമന്ത്രി നരേന്ദ്ര മോഡി പറഞ്ഞു.

കേരളത്തിന് ഗുണം ചെയ്യുന്ന ഒരുപാട് പദ്ധതികൾ കേന്ദ്ര ബജറ്റിൽ പ്രഖ്യാപിച്ചിട്ടുണ്ട്.കൊച്ചി മെട്രോയുടെ രണ്ടാം ഘട്ടം പ്രഖ്യാപിച്ചത് ഇതിന്റെ ഭാഗമായാണ്.സമുദ്ര മേഖലയിലെ വികസനവും ലക്ഷ്യമിടുന്നുണ്ട്.
കൊച്ചിയിൽ ഇപ്പോൾ പ്രഖ്യാപിക്കപ്പെട്ട വികസന പദ്ധതികളുടെ ഗുണങ്ങൾ ഏറ്റവും ലഭ്യമാകുന്നത് കേരളത്തിന് തന്നെയെന്ന് റോറോ യാനങ്ങളെ ഉദാഹരിച്ചുകൊണ്ട് പ്രധാനമന്ത്രി പറഞ്ഞു.റോറോ യാനങ്ങൾ വഴി 30 കിലോമീറ്റർ യാത്ര 3.5 കിലോമീറ്ററായി കുറക്കാൻ കഴിഞ്ഞു.

ഗൾഫിലുള്ള പ്രവാസികളുടെ ജീവിതം നേരിൽ കാണാൻ കഴിഞ്ഞതും അവരുടെ പ്രശ്നങ്ങളിൽ ഇടപെടാൻ കഴിഞ്ഞതും അവരുടെ കൂടെ ഭക്ഷണം കഴിക്കാൻ കഴിഞ്ഞതും പ്രധാനമന്ത്രി അനുസ്മരിച്ചു. മഹാമാരിക്കാലത്ത് വന്ദേ ഭാരത് മിഷൻ വഴി ലക്ഷക്കണക്കിന് പ്രവാസികളെ നാട്ടിലെത്തിക്കാൻ കഴിഞ്ഞ കാര്യവും പ്രധാനമന്ത്രി ഓർത്തു.

കേന്ദ്രത്തിന്റെ വികസന പദ്ധതികളും നേട്ടങ്ങളും പ്രധാനമന്ത്രി ഓരോന്നായി എണ്ണി പറഞ്ഞു.കേന്ദ്രം കേരളത്തെ അവഗണിക്കുന്നു എന്ന കേരളത്തിന്റെ സ്ഥിരം പരാതിക്കുള്ള മറുപടി കൂടിയായിരുന്നു പ്രധാനമന്ത്രിയുടെ പ്രസംഗം.മുഖ്യമന്ത്രി പിണറായി വിജയനും കേന്ദ്ര മന്ത്രിമാരും പരിപാടിയിൽ പങ്കെടുത്തു.

photo credit |h vibhu.the hindu

ലോകാരോഗ്യ സംഘടനയ്ക്ക് കോവിഡ് വിവരങ്ങൾ കൈമാറാൻ ചൈന വിസമ്മതിച്ചു

photo | theguardian.com

ബെയ്‌ജിങ്‌:കോവിഡിന്റെ ഉത്ഭവം സംബന്ധിച്ച വിവരങ്ങൾ അന്വേഷിക്കുന്ന ലോകാരോഗ്യ സംഘടനയ്ക്ക് വിവരങ്ങൾ കൈമാറാൻ ചൈന വിസമ്മതിച്ചു.

വിദഗ്ധ സംഘത്തിന് വിവരങ്ങൾ കൈമാറാൻ വിസമ്മതിച്ച ചൈനയുടെ നടപടി മഹാമാരിയുടെ ഉത്ഭവം സംബന്ധിച്ച് ലോകത്തിന് മനസിലാക്കാനുള്ള ശ്രമങ്ങളെ സങ്കീർണ്ണമാക്കുമെന്ന് അന്വേഷണ സംഘത്തിലെ ഒരാൾ അന്താരാഷ്ട്ര വാർത്താ ഏജൻസി റോയിട്ടേഴ്സിനോട് പറഞ്ഞു.
2019 ജനുവരിയിൽ ചൈനീസ് നഗരമായ വുഹാനിൽ പൊട്ടിപ്പുറപ്പെട്ട മഹാമാരി ലോകത്ത് നാശം വിതച്ചുകൊണ്ട് ഇപ്പോഴും നിലനിൽക്കുകയാണ്.എന്നാൽ ആദ്യഘട്ടത്തിൽ വുഹാനിൽ റിപ്പോർട്ട് ചെയ്യപ്പെട്ട 174 കേസുകളുടെ വിവരം സംഘം ആവശ്യപ്പെട്ടിരുന്നു. രോഗ ഉറവിടം സംബന്ധിച്ച വിവരങ്ങളടക്കം സംഘത്തിന് ലഭ്യമാകേണ്ടതുണ്ട്.എന്നാൽ പൂർണ്ണ വിവരങ്ങൾ ചൈനീസ് അധികൃതരിൽനിന്ന് ലഭ്യമായിട്ടില്ല.

ആദ്യം റിപ്പോർട്ട് ചെയ്ത 174 കേസുകളും വുഹാൻ മാർക്കറ്റുമായി നേരിട്ട് ബന്ധമുള്ളതാണ്.അത്കൊണ്ട് തന്നെ വിവരങ്ങൾ ലഭിക്കേണ്ടത് സുപ്രധാനമായ ആവശ്യമാണ്.പക്ഷെ എന്ത്കൊണ്ട് ചൈന വിവരങ്ങൾ കൈമാറുന്നില്ല,അതിന്റെ പിന്നിലെ രാഷ്ട്രീയമെന്ത്, വേറെ എന്തെങ്കിലും കാരണമുണ്ടോ എന്ന് പറയാൻ സാധിക്കില്ലെന്ന് സംഘത്തിലെ അംഗമായ ഓസ്‌ട്രേലിയൻ പകർച്ച വ്യാധി വിദഗ്ധൻ ഡൊമിനിക് ഡ്വയർ പറഞ്ഞു.
ജനുവരിയിൽ ചൈനയിലെത്തി വിദഗ്ധ സംഘം നാലാഴ്ച ചിലവഴിച്ചിരുന്നു.കോവിഡ് ഉത്ഭവം മുതൽ ചൈന വിവരങ്ങൾ മറച്ചുവെയ്ക്കുന്നുഎന്ന ആക്ഷേപം നിലനിൽക്കുന്നുണ്ട്.

ട്വിറ്റർ നിയമത്തിന് വഴങ്ങി, സംശയകരമായ 97 ശതമാനം അക്കൗണ്ടുകൾ മരവിപ്പിച്ചു

ന്യൂഡൽഹി: ഒടുവിൽ ട്വിറ്റർ രാജ്യത്തിൻറെ നിയമങ്ങൾക്ക് വഴങ്ങി.കേന്ദ്രം സംശയകരമായ പ്രവർത്തനങ്ങളിലേർപ്പെട്ടുവെന്ന് കണ്ടെത്തിയ 97 ശതമാനം അക്കൗണ്ടുകളും മരവിപ്പിക്കാൻ ട്വിറ്റർ നിർബന്ധിതരായി.കേന്ദ്രസർക്കാരിന്റെ അതിശക്തമായ ഇടപെടലുകളിനെ തുടർന്നാണിത്.
1398 ട്വിറ്റർ അക്കൗണ്ടുകൾ ഇതിന്റെ ഭാഗമായി മരവിപ്പിച്ചു കഴിഞ്ഞു.സംശയകരമായ പ്രവർത്തനങ്ങളിലേർപ്പെട്ട ബാക്കി അക്കൗണ്ടുകൾ സംബന്ധിച്ചുള്ള നടപടികളും ട്വിറ്റർ തുടങ്ങി എന്നാണ് ലഭ്യമാകുന്ന വിവരം.കേന്ദ്ര സർക്കാരിനെതിരെ അനാവശ്യമായ ശീത സമരത്തിലേർപ്പെട്ട മുതിർന്ന ഉദ്യോഗസ്ഥരെ നീക്കുമെന്നും ട്വിറ്റർ അധികൃതർ കേന്ദ്ര സർക്കാരിനെ അറിയിച്ചു.
റിപ്പബ്ലിക്ക് ദിനത്തിൽ ചെങ്കോട്ടയിൽ ആക്രമണം നടത്താൻ ആഹ്വാനം ചെയ്തും തുടർന്ന് പ്രത്യേക ലക്ഷ്യങ്ങളോടെയുള്ള ഹാഷ് ടാഗിൽ രാജ്യത്ത് കലാപം ഉണ്ടാക്കാൻ ശ്രമിച്ച 257 അക്കൗണ്ടുകൾ ബ്ലോക്ക് ചെയ്യണമെന്നാണ് കേന്ദ്രം അതി ശക്തിമായി ആവശ്യപ്പെട്ടത്.ഇതിൽ 227 അക്കൗണ്ടുകൾ മരവിപ്പിച്ചതായി കേന്ദ്ര സർക്കാരിനെ ട്വിറ്റർ അറിയിച്ചു.
ഇതിൽ 1178 അകൗണ്ടുകൾ നേരിട്ട് ഖലിസ്ഥാൻ ബന്ധം പുലർത്തിയിരുന്നതായി കേന്ദ്ര സർക്കാർ കണ്ടെത്തിയിരുന്നു. കാര്യങ്ങൾ ബോധ്യപ്പെട്ടതിനെ അടിസ്ഥാനത്തിൽ ഇതിലെ ഭൂരിപക്ഷം അക്കൗണ്ടുകളും മരവിപ്പിച്ചു കഴിഞ്ഞതായി ട്വിറ്റർ സർക്കാരിനെ അറിയിച്ചു.
മറ്റ് രാജ്യങ്ങളിൽ നിയമങ്ങൾ അനുസരിച്ച് പഞ്ച പുച്ഛമടക്കി പ്രവർത്തിക്കുന്ന സമൂഹ മാധ്യമങ്ങൾ ഇന്ത്യയിൽ കലാപകാരികളുടെ കൂടെ ചേർന്ന് പ്രവർത്തിക്കുന്നത് അംഗീകരിക്കാനാവില്ലെന്ന് കേന്ദ്ര വാർത്താ വിതരണ പ്രക്ഷേപണ വകുപ്പ് മന്ത്രി രവിശങ്കർ പ്രസാദ് ഇന്നലെ രാജ്യസഭയിൽ ആഞ്ഞടിച്ചിരുന്നു.

സമൂഹമാധ്യമങ്ങളുടെ നയങ്ങളിൽ ഇരട്ടത്താപ്പ് പാടില്ലെന്നും ഇവിടെ പ്രവർത്തിക്കണമെങ്കിൽ ഇവിടത്തെ നിയമങ്ങൾ അനുസരിക്കണമെന്നും കേന്ദ്രമന്ത്രി താക്കീത് ചെയ്തിരുന്നു.ഇതിന്റെ പശ്ചാത്തലത്തിലാണ് ട്വിറ്റർ നടപടികൾ വേഗത്തിലാക്കിയത്.
കേന്ദ്രസർക്കാരുമായുള്ള ആശയ വിനിമയം ദൃഢമാക്കാൻ ഉദ്യോഗസ്ഥ തലത്തിൽ വൻ അഴിച്ചുപണി നടത്താൻ തങ്ങൾ തയ്യാറാണ് എന്ന് ട്വിറ്റർ കേന്ദ്രസർക്കാരിനെ അറിയിച്ചു. ട്വിറ്റർ ഗ്ലോബൽ പബ്ലിക് പോളിസി വൈസ് പ്രസിഡണ്ട് കേന്ദ്ര ഐ ടി സെക്രട്ടറിയുമായി നടത്തിയ കൂടിക്കാഴ്ചയിലാണ് ഇക്കാര്യം വ്യക്തമാക്കിയത്.

സമൂഹ മാധ്യമങ്ങൾ ഇന്ത്യൻ നിയമങ്ങൾ അനുസരിക്കണം, ഇരട്ടത്താപ്പ് പാടില്ല: രവിശങ്കർ പ്രസാദ്


ന്യൂഡൽഹി: ഇന്ത്യയിൽ പ്രവർത്തിക്കുമ്പോൾ ഇന്ത്യൻ നിയമങ്ങൾ അനുസരിക്കണമെന്നും ഇരട്ടത്താപ്പ് പാടില്ലെന്നും കേന്ദ്ര വാർത്താവിതരണ പ്രക്ഷേപണ വകുപ്പ് മന്ത്രി രവിശങ്കർ പ്രസാദ് പറഞ്ഞു.
വ്യാജവാർത്തകൾ പ്രചരിപ്പിക്കാനും ആക്രമണങ്ങൾ പ്രോത്സാഹിപ്പിക്കാനും സാമൂഹിക മാധ്യമങ്ങൾ ഉപയോഗിക്കപ്പെട്ടാൽ കർശന നടപടി എടുക്കുമെന്ന് അദ്ദേഹം പറഞ്ഞു.

ട്വിറ്റർ,ഫേസ്ബുക്,യുട്യൂബ്,ലിങ്ക്ഡ് ഇൻ എന്നിവയുടെ പേരെടുത്ത് പറഞ്ഞാണ് രവിശങ്കർ പ്രസാദ് സമൂഹ മാധ്യമങ്ങൾക്കെതിരെ രാജ്യസഭയിൽ ആഞ്ഞടിച്ചത്.
"നിങ്ങൾക്ക് ഇന്ത്യയിൽ ദശലക്ഷക്കണക്കിന് ഫോള്ളോവെഴ്‌സ് ഉണ്ടാകാം,ഇന്ത്യയിൽ വ്യാപാരം നടത്താം,പണം സമ്പാദിക്കാം.പക്ഷെ നിങ്ങൾ ഇന്ത്യൻ നിയമങ്ങളും ഭരണഘടനയും അനുസരിച്ചിരിക്കണം" രവിശങ്കർ പ്രസാദ് തുറന്നടിച്ചു.ചോദ്യോത്തരവേളയിൽ സമൂഹമാധ്യമങ്ങളുടെ ദുരുപയോഗത്തെക്കുറിച്ച് സംസാരിക്കവെ അദ്ദേഹം പറഞ്ഞു.
സമൂഹ മാധ്യമങ്ങളെ ഞങ്ങൾ ബഹുമാനിക്കുന്നു.ഡിജിറ്റൽ ഇന്ത്യയിൽ സമൂഹമാധ്യമങ്ങൾക്ക് വലിയ പങ്കുണ്ട് സാധാരണക്കാരനെ ശാക്തീകരിക്കുന്നതിൽ സമൂഹ മാധ്യമങ്ങൾ വലിയ പങ്ക് വഹിച്ചിട്ടുണ്ട്.എങ്കിലും വ്യാജ വാർത്തകൾ പരത്താനും അക്രമങ്ങൾ പ്രോത്സാഹിപ്പിക്കാനും സമൂഹ മാധ്യമങ്ങൾ ഉപയോഗിച്ചാൽ കടുത്ത നടപടികൾ സ്വീകരിക്കും.

രാജ്യത്തെ നിയമങ്ങളെപ്പോലും പുല്ലുവില കൽപ്പിച്ച് സർക്കാരിനെതിരെ നിഴൽ യുദ്ധം നടത്തുന്ന ട്വിറ്ററിനെതിരെ സർക്കാർ കടുത്ത നിലപാട് സ്വീകരിച്ചേക്കുമെന്നതിന്റെ പശ്ചാത്തലത്തിലാണ് കേന്ദ്രമന്ത്രിയുടെ പ്രസ്താവന എന്നത് ശ്രദ്ധേയമാണ്.

photo | indiatoday.in

തെക്കു കിഴക്കൻ പസഫിക് സമുദ്രത്തിൽ വൻ ഭൂചലനം, സുനാമി മുന്നറിയിപ്പ്

പ്രതീകാത്മക ചിത്രം | wallpapersafari

ഓസ്ട്രേലിയ : തെക്ക് കിഴക്കൻ പസഫിക് സമുദ്രത്തിൽ വൻ ഭൂചലനം. ഓസ്‌ട്രേലിയൻ തീരത്ത് സുനാമി മുന്നറിയിപ്പ്.

റിക്ടർ സ്കെയിലിൽ 7.7 രേഖപ്പെടുത്തിയ വൻഭൂചലനമാണ് ഉണ്ടായത്.രണ്ട് ഭൂചലനങ്ങൾ ഉണ്ടായി ആദ്യത്തേത് 5.6 റിക്ടർ സ്കെയിലിൽ രേഖപ്പെടുത്തി.
ഓസ്ട്രേലിയ കൂടാതെ ന്യൂസിലാൻഡ്,ഫിജി തീരങ്ങളിൽ സുനാമി മുന്നറിയിപ്പ് പുറപ്പെടുവിച്ചിട്ടുണ്ട്.ഓസ്‌ട്രേലിയൻ തീരങ്ങളിൽ സുനാമി ഉറപ്പാണെന്നും,തീരപ്രദേശങ്ങളിൽ ജാഗ്രത പാലിക്കണമെന്നും ഓസ്‌ട്രേലിയൻ കാലാവസ്ഥാ വകുപ്പ് മുന്നറിയിപ്പ് നൽകി.

ഉയരത്തിലുള്ള തിരമാലകൾ രൂപപ്പെടുമെന്നതിനാൽ ദുരന്ത നിവാരണ സേന തീരപ്രദേശങ്ങളിലുള്ളവരെ സുരക്ഷിത കേന്ദ്രങ്ങളിലേക്ക് മാറ്റുന്നു.

പ്രധാനമന്ത്രി ഞായറാഴ്ച്ച കേരളത്തിൽ, ബി പി സി എൽ പ്ലാന്റ് ഉൽഘാടനം ചെയ്യും

തിരുവനന്തപുരം: പ്രധാനമന്ത്രി നരേന്ദ്ര മോഡി ഞായറാഴ്ച്ച കേരളത്തിലെത്തും.ബി പി സി എൽ പ്ലാന്റ് ഉൽഘടനത്തിനാണ് പ്രധാനമന്ത്രി എത്തുന്നത്.ചെന്നൈയിൽനിന്നാകും പ്രധാനമന്ത്രി കൊച്ചിയിലെത്തുക.
ഔദ്യോഗിക പരിപാടികൾക്ക് ശേഷം അദ്ദേഹം ബിജെപി യോഗത്തിലും പങ്കെടുത്തേക്കും.
ഞായറാഴ്ച ബിജെപി കോർ കമ്മറ്റി യോഗം വിളിച്ചിട്ടുണ്ട്.ഈ യോഗത്തിലും പ്രധമനമന്ത്രി പങ്കെടുക്കുമെന്നാണ് റിപോർട്ടുകൾ.
മുതിർന്ന ബിജെപി നേതാക്കളുമായി കൂടിക്കാഴ്ചയും തിരഞ്ഞെടുപ്പ് അവലോകനവും നടത്തും.തിരഞ്ഞെടുപ്പ് ഒരുക്കങ്ങൾ നേതാക്കൾ പ്രധാനമന്ത്രിയെ ധരിപ്പിക്കും.തിരഞ്ഞെടുപ്പ് പ്രഖ്യാപിച്ചാൽ തിരുവനതപുരത്ത് പ്രധാനമന്ത്രി നേരിട്ടെത്തി പ്രചാരണ യോഗങ്ങളിൽ പങ്കെടുക്കുമെന്നും അറിയുന്നു.

പ്രധാനമന്ത്രിയുടെ നിർദേശം അംഗീകരിച്ചു,കർഷകർ ചർച്ചയ്ക്ക് തയ്യാർ: തിയ്യതി സർക്കാർ തീരുമാനിക്കും

ന്യൂഡൽഹി: സമരം നടത്തുന്ന കർഷകർ പ്രധാനമന്ത്രിയുടെ നിർദേശം പരിഗണിച്ച് സർക്കാരുമായി ചർച്ചയ്ക്ക് തയ്യാറാണെന്ന് അറിയിച്ചു.

സർക്കാർ തീരുമാനിക്കുന്ന തീയ്യതി ചർച്ചയ്ക്ക് തയാറാണെന്ന് കർഷക സംഘടനകളെ ഉദ്ധരിച്ച് വാർത്താ ഏജൻസി പി ടി ഐ റിപ്പോർട്ട് ചെയ്തു.ഇന്ന് ഉച്ചയ്ക്ക് പ്രധാനമന്ത്രിയുടെ നിർദേശം വന്നതിന് പിന്നാലെയാണ് കർഷകർ നിലപാട് മാറ്റിയതെന്ന് ശ്രദ്ധേയമാണ്.
സംയുക്ത കിസാൻ മോർച്ചയുടെ മുതിർന്ന നേതാവ് ശിവ് കുമാർ കക്കയാണ് സമാധാനത്തിന്റെ പാതയിൽ സർക്കാരുമായുള്ള സംഭാഷണത്തിന് തയ്യാറാണെന്ന് അറിയിച്ചത്.
സർക്കാർ വിളിച്ചപ്പോഴെല്ലാം ചർച്ചയ്ക്ക് വന്നിട്ടുണ്ട്.ഇനിയും തയ്യാറാണ്.അദ്ദേഹം പറഞ്ഞു.

സർക്കാർ ഇതുവരെയായി 11 തവണ ചർച്ചകൾ നടത്തിയിട്ടുണ്ട്. സുപ്രീം കോടതി നിയോഗിച്ച കമ്മീഷനെപ്പോലും അംഗീകരിക്കാതെ റിപ്പബ്ലിക്ക് ദിനത്തിൽ അക്രമണങ്ങൾ നടത്തിയതിനെ തുടർന്ന് മുഖം നഷ്ടപെട്ട കർഷക സമരത്തിൽനിന്ന് വിവിധ സംഘടനകൾ വിട്ടുപോയിരുന്നു.ഇപ്പോൾ പ്രധാനമന്ത്രിയുടെ അഭ്യർത്ഥന മാനിച്ചാണ് സമാധാനം ആഗ്രഹിക്കുന്ന കർഷകർ ചർച്ചകൾക്കായി മുന്നോട്ടവരുന്നതെന്ന സൂചനയാണ് ലഭ്യമാകുന്നത്.

കാർഷിക നിയമത്തിൽ പിഴവുകൾ ഉണ്ടെങ്കിൽ പരിഹരിക്കാം,ചർച്ചയ്ക്ക് തയ്യാറെന്നും സമരം അവസാനിപ്പിക്കണമെന്നും പ്രധാനമന്ത്രി

ന്യൂഡൽഹി: കാർഷിക നിയമത്തിൽ പിഴവുകളുണ്ടെങ്കിൽ പരിഹരിക്കാമെന്നും സർക്കാർ ചർച്ചയ്ക്ക് തയ്യാറാണെന്നും പ്രധാനമന്ത്രി പറഞ്ഞു.രാഷ്ട്രപതിയുടെ നയപ്രഖ്യാപന പ്രസംഗത്തിന്മേലുള്ള നന്ദി പ്രമേയത്തിൽ രാജ്യസഭയിൽ സംസാരിക്കുകയായിരുന്നു അദ്ദേഹം.

എന്നാൽ കർഷക സമരത്തെ ന്യായീകരിച്ചും പ്രതിപക്ഷത്തെ രൂക്ഷമായ ഭാഷയിൽ വിമർശിച്ചുമായിരുന്നു പ്രധാനമന്ത്രിയുടെ പ്രസംഗം.കർഷകരുമായി ചർച്ചയ്ക്ക് തയ്യാറാണെന്ന് പലവട്ടം പറഞ്ഞിട്ടുണ്ട്.ഇപ്പോൾ വീണ്ടും പറയുന്നു.പ്രതിഷേധക്കാരുടെ സംശയം മാറ്റിയെ മതിയാകു.രാജ്യത്ത് താങ്ങുവില നിലനിൽക്കുന്നുണ്ട്.
പാർലമെന്റിലുള്ള എല്ലാവരും കർഷക സമരത്തെക്കുറിച്ച് സംസാരിച്ചു.എന്നാൽ എന്താണ് സമരത്തിനുള്ള കാരണമെന്ന് സംസാരിച്ചില്ല.വെല്ലുവിളികളുണ്ടെങ്കിലും പ്രശ്നത്തിന്റെ ഭാഗമാകണോ പരിഹാരത്തിന്റെ മാധ്യമമാകണോ എന്ന് നാം ചിന്തിച്ചേ മതിയാകു.
കാർഷിക വായ്പ എഴുതിത്തള്ളുന്നത് കർഷകരോടുള്ള താൽപര്യം കൊണ്ടാണോ രാഷ്ട്രീയ താല്പര്യങ്ങൾ കൊണ്ടാണോ എന്ന് എല്ലാവർക്കും അറിയാം.ചെറുകിട കർഷകരുടെ അവസ്ഥ എല്ലാവര്ക്കും അറിയാം.പക്ഷെ അവരുടെ അവസ്ഥ ആരും ചിന്തിക്കുന്നില്ല.2014 ന് ശേഷം ചെറുകിട കർഷകരുടെ അവസ്ഥ മനസിലാക്കി ചില നടപടികൾ എടുത്തിട്ടുണ്ട്.കർഷകരെ ശാക്തീകരിക്കുക എന്നതായിരുന്നു ലക്ഷ്യം.അതിനായി വിള ഇൻഷുറൻസ് പദ്ധതി കൂടുതൽ കർഷക സൗഹൃദമാക്കി.പി കിസാൻ പദ്ധതി കൊണ്ടുവന്നു.ചെറുകിട കർഷകർക്ക് വേണ്ടി ഞങ്ങൾ പ്രവർത്തിച്ചു.

ഭരണ സംവിധാനം കാരണം പശ്ചിമ ബംഗാളിലെ കർഷകർ ദുരിതത്തിലാണെന്നും കർഷകരുമായി ഇനിയും ചർച്ചയ്ക്ക് തയ്യാറാണെന്നും പ്രധാനമന്ത്രി പറഞ്ഞു.
രാജ്യത്ത് ഒരു വിഭാഗം ആന്തോളൻ ജീവികൾ( സമര ജീവി ) ഉയർന്നുവന്നിട്ടുണ്ടെന്നും എവിടെയൊക്കെ സമരമുണ്ടോ അവിടെയൊക്കെ അവരെ കാണാമെന്നും അവർക്ക് സമരങ്ങളില്ലാതെ ജീവിക്കാൻ കഴിയില്ലെന്നും അക്കൂട്ടരെ തിരിച്ചറിയണമെന്നും അവരിൽനിന്നും രാജ്യത്തെ രക്ഷിക്കണമെന്നുംനരേന്ദ്ര മോഡി പറഞ്ഞു.

ഉത്തരാഖണ്ഡ് ദുരന്തം: 150 പേരെ കാണാതായി,പത്ത് മൃതദേഹങ്ങൾ കണ്ടെടുത്തു

photo | amarujala.com

ഡെറാഡൂൺ: ഉത്തരാഖണ്ഡിൽ ചമോലി ജോഷി മഠിൽ മഞ്ഞുമല ഇടിഞ്ഞുവീണ് ഉണ്ടായ ദുരന്തത്തിൽ 150 പേരെ കാണാതായി.ഇവർ മരിച്ചതായി സംശയിക്കുന്നതായി സംസ്ഥാന ചീഫ് സെക്രട്ടറി അറിയിച്ചു.

പത്ത് പേരുടെ മൃതദേഹം കണ്ടെത്തിയിട്ടുണ്ട്.അളകനന്ദ നദിയിലെ അണക്കെട്ട് പൂർണമായും തകർന്നു.16 തൊഴിലാളികളെ രക്ഷപ്പെടുത്താൻ സാധിച്ചു. അണക്കെട്ട് നിർമ്മാണത്തിനെത്തിയ എൻ ടി പി സി തൊഴിലാളികളെയാണ് കാണാതായത്.രണ്ട് ഗ്രാമങ്ങൾ പൂർണ്ണമായും ഒലിച്ചുപോയി.സ്ഥിതിഗതികൾ അതീവ ഗുതുതരമാണെന്നാണ് സൂചന.
കരസേന,ദേശീയ ദുരന്ത നിവാരണ സേന,ഐ ടി ബി പോലീസ് തുടങ്ങിയവർ രക്ഷ പ്രവർത്തനം നടത്തുന്നുണ്ട്.
മഞ്ഞുമല ഇടിഞ്ഞുവീണത് മിന്നൽ പ്രളയമായി മാറി. ഋഷികേശ്,ഹരിദ്വാർ എന്നിവിടങ്ങളിൽ അതി ജാഗ്രതാ നിർദേശം പുറപ്പെടുവിച്ചു.
ഉത്തരാഖണ്ഡിലെ തീർത്ഥാടന കേന്ദ്രങ്ങളിലൊന്നായ ജോഷിമഠിലാണ് വലിയ മഞ്ഞുമല ഇടിഞ്ഞു വീണത്.തപോവൻ റൈനി എന്ന പ്രദേശത്താണ് സംഭവം.അളകനന്ദ നദിയിലെ അണക്കെട്ട് പൂർണമായും തകർന്നിട്ടുണ്ട് .അളകനന്ദ,ധോളി ഗംഗാ നദിയിൽ ജലനിരപ്പ് ക്രമാതീതമായി ഉയരുകയാണ് എന്നും വിവരങ്ങളുണ്ട്.
മഞ്ഞുമല നദിയിലേക്ക് വീണതിനാൽ മിന്നൽ പ്രളയമെന്ന പ്രതിഭാസം ഉണ്ടാകാൻ സാധ്യത ഉണ്ടെന്ന് മുന്നറിയിപ്പ് നൽകിയിരുന്നു. സംസ്ഥാന ദുരന്ത നിവാരണ സേനയും അഗ്നിരക്ഷാ സേനയും സ്ഥലത്തേക്ക് ദുരന്തമുണ്ടായ ഉടൻ പോയിട്ടുണ്ട്.
മുഖ്യമന്ത്രി ത്രിവേന്ദ്ര സിങ് റാവത്ത് സ്ഥിഗതികൾ വിലയിരുത്തി. കേന്ദ്ര ആഭ്യന്തരമന്ത്രി അമിത്ഷാ ഉത്തരാഖണ്ഡിലേക്ക് പുറപ്പെട്ടു.
ആളുകളോട് ഉയർന്ന സ്ഥലങ്ങളിലേക്ക് മാറാൻ ദുരന്ത നിവാരണ അതോറിറ്റി ആവശ്യപ്പെട്ടിട്ടുണ്ട്.കേന്ദ്ര സംസ്ഥാന സർക്കാരുകളുടെ നിർദേശത്തെ തുടർന്ന് കൂടുതൽ ദുരന്ത നിവാരണ സേനംഗങ്ങളും 600 കരസേനാംഗങ്ങളും ഉത്തരാഖണ്ഡിലേക്ക് പുറപ്പെട്ടിട്ടുണ്ട്.

ഉത്തരാഖണ്ഡിൽ മഞ്ഞുമല ഇടിഞ്ഞുവീണ് അളകനന്ദ നദിയിലെ അണക്കെട്ട് തകർന്നു,മിന്നൽ പ്രളയ സാധ്യത

photo | shiv aroor

ഡെറാഡൂൺ: ഉത്തരാഖണ്ഡിൽ ജോഷി മഠിൽ മഞ്ഞുമല ഇടിഞ്ഞുവീണ് അളകനന്ദ നദിയിലെ അണക്കെട്ട് തകർന്നു.

മിന്നൽ പ്രളയത്തിന് സാധ്യതയുള്ളതിനാൽ ഋഷികേശ്,ഹരിദ്വാർ എന്നിവിടങ്ങളിൽ അതി ജാഗ്രതാ നിർദേശം പുറപ്പെടുവിച്ചു.
ഉത്തരാഖണ്ഡിലെ വലിയ തീർത്ഥാടന കേന്ദ്രങ്ങളിലൊന്നായ ജോഷിമഠിലാണ് വലിയ മഞ്ഞുമല ഇടിഞ്ഞു വീണത്.തപോവൻ റൈനി എന്ന പ്രദേശത്താണ് സംഭവം.അളകനന്ദ നദിയിലെ അണക്കെട്ട് പൂർണമായും തകർന്നിട്ടുണ്ട് എന്നാണ് ലഭ്യമാകുന്ന വിവരം.ധോളി ഗംഗാ നദിയിൽ ജലനിരപ്പ് ക്രമാതീതമായി ഉയരുകയാണ് എന്നും വിവരങ്ങളുണ്ട്.
മഞ്ഞുമല നദിയിലേക്ക് വീണതിനാൽ മിന്നൽ പ്രളയമെന്ന പ്രതിഭാസം ഉണ്ടാകാൻ സാധ്യത ഉള്ളതിനാൽ സംസ്ഥാന ദുരന്ത നിവാരണ സേനയും അഗ്നിരക്ഷാ സേനയും സ്ഥലത്തേക്ക് പോയിട്ടുണ്ട്.ഇതുവരെ ആളപായം റിപ്പോർട്ട് ചെയ്യപ്പെട്ടിട്ടില്ല.

മുഖ്യമന്ത്രി ത്രിവേന്ദ്ര സിങ് റാവത്ത് സ്ഥിഗതികൾ വിലയിരുത്തി. വലിയ മഞ്ഞുമല ഇടിഞ്ഞു വീഴുകയായിരുന്നു എന്നാണ് റിപോർട്ടുകൾ.ജോഷിമഠിൽ ഋഷിഗംഗ പദ്ധതിക്കും വലിയ കേടുപാടുകൾ സംഭവിച്ചേക്കാമെന്നാണ് റിപോർട്ടുകൾ.ആളുകളോട് ഉയർന്ന സ്ഥലങ്ങളിലേക്ക് മാറാൻ ദുരന്ത നിവാരണ അതോറിറ്റി ആവശ്യപ്പെട്ടിട്ടുണ്ട്.കേന്ദ്ര സംസ്ഥാന സർക്കാരുകളുടെ നിർദേശത്തെ തുടർന്ന് ദുരന്ത നിവാരണ സേനകൾ പുറപ്പെട്ടിട്ടുണ്ട്.

https://twitter.com/ShivAroor/status/1358311945686769664

‘ഇന്ത്യ ഒറ്റക്കെട്ട്’ പ്രചാരണത്തിന് വൻ പിന്തുണ,ഏറ്റെടുത്ത് ബോളിവുഡ്-ക്രിക്കറ്റ് താരങ്ങൾ

സ്വന്തം ലേഖകൻ
മുംബൈ: കർഷക സമരത്തിന്റെ പേരിൽ നടക്കുന്ന പ്രക്ഷോഭങ്ങൾക്ക് അന്താരാഷ്ട്രതലത്തിൽ പിന്തുണ വർധിപ്പിക്കാൻ ബോധ പൂർവ്വം നടത്തുന്ന ശ്രമങ്ങൾക്ക് മറുപടിയുമായി തുടങ്ങിയ 'ഇന്ത്യ ഒറ്റക്കെട്ട്'ക്യാമ്പയിന് വൻ ജനപിന്തുണ.
ആഭ്യന്തര മന്ത്രി അമിത്ഷായാണ് 'ഇന്ത്യ ഒറ്റക്കെട്ട്' പ്രചാരണത്തിന് തുടക്കം കുറിച്ചത്.ഇന്ത്യയിൽ കർഷക സമരത്തിന്റെ പേരിൽ നടക്കുന്ന ആക്രമണങ്ങൾ പ്രത്യേകിച്ച് റിപ്പബ്ലിക്ക് ദിനത്തിൽ നടന്ന ആക്രമണങ്ങൾ രാജ്യത്തിന് വലിയ നാണക്കേടായ പശ്ചാത്തലത്തിൽ തുടങ്ങിയ പ്രചാരണം ബോളിവുഡ് താരങ്ങൾകൂടി ഏറ്റെടുത്തതോടെയാണ് വൻ ഹിറ്റായി മാറിയത്.
പ്രചാരണത്തിന് സിനിമ ക്രിക്കറ്റ് മേഖലയിലെ പ്രമുഖരുടെ സാന്നിധ്യം കൂടിയായതോടെ സമൂഹ മാധ്യമങ്ങളിൽ ജനപിന്തുണയേറിയെന്നാണ് വിലയിരുത്തപ്പെടുന്നത്. ബോളിവൂഡിൽനിന്ന് അക്ഷയ്കുമാർ,അജയ് ദേവ്ഗൺ,കരൺ ജോഹർ,സുനിൽ ഷെട്ടി എന്നിവരും ക്രിക്കറ്റ് ലോകത്തുനിന്ന് സച്ചിൻ തെണ്ടുൽക്കർ,വിരാട് കൊഹ്‌ലി, അനിൽ കുംബ്ലെ എന്നിവരുമാണ് പിന്തുണയുമായി എത്തിയത്.
കർഷക പ്രക്ഷോഭം ഇന്ത്യയുടെ ആഭ്യന്തര വിഷയമാണെന്നും അതിൽ പുറത്തുനിന്നുള്ള ഇടപെടൽ വേണ്ടെന്നും വിദേശകാര്യ മന്ത്രാലയം നേരത്തെ വ്യക്തമാക്കിയിരുന്നു.

എന്നാൽ റിപ്പബ്ലിക്ക് ദിനത്തിലെ അക്രമ സംഭവങ്ങളോടെ മുഖം നഷ്ടപെട്ട സമരാനുകൂലികൾ അന്താരാഷ്ട്ര മാനം കൈവരിക്കുന്നതിനായി പുതിയ മാർഗ്ഗങ്ങൾ തേടിയ പശ്ചാത്തലത്തിലാണ് 'ഇന്ത്യ ഒറ്റക്കെട്ട്' പ്രചാരണത്തിന്തുടക്കം കുറിച്ചത്.
പോപ്പ് താരം റിഹാനയും പരിസ്ഥിതി പ്രവർത്തക ഗ്രിൽ ത്യുൻബെയുമാണ് ആദ്യം അന്താരാഷ്ട്ര തലത്തിൽ ഇന്ത്യക്കെതിരെ രംഗത്തിറങ്ങിയത്. ഇതിന്റെ പേരിൽ പോപ്പ് താരം റിഹാനയെ നടി കങ്കണ രൂക്ഷമായ ഭാഷയിൽ വിമർശിച്ച് ട്വീറ്റ് ചെയ്തിരുന്നു.
ഇന്ത്യയുടെ നയങ്ങൾക്കെതിരെയുള്ള പ്രചാരണങ്ങൾക്കെതിരെ നിലകൊള്ളാനാണ് പ്രമുഖർ രംഗത്തിറങ്ങിയിട്ടുള്ളത്.ഇന്ത്യയ്ക്കോ ഇന്ത്യക്കെതിരെയുള്ള പ്രചാരണങ്ങളിലോ വീണുപോകരുതെന്നാണ് നടൻ അക്ഷയ് കുമാർ പ്രതികരിച്ചത്.ഇന്ത്യയുടെ പരമാധികാരത്തിൽ പുറത്തു നിന്നുള്ള ഒരു ശക്തിയും ഇടപെടേണ്ടെന്നായിരുന്നു ക്രിക്കറ്റ് താരം സച്ചിൻ ട്വീറ്റ് ചെയ്തത്.നമ്മളെ ഭിന്നിപ്പിക്കാൻ ആരെയും അനുവദിക്കരുതെന്ന് കരൺ ജോഹറും കാര്യങ്ങൾ മനസിലാക്കാതെ അർദ്ധ സത്യങ്ങളെ വെച്ച് വീക്ഷിക്കരുതെന്ന് സുനിൽ ഷെട്ടിയും പറഞ്ഞു.

ഐക്യത്തോടെ നിലകൊള്ളേണ്ടതിന്റെ ആവശ്യകത വിരാട് കോഹ്‌ലിയും ആഭ്യന്തര പ്രശ്നങ്ങൾക്ക് പരിഹാരം കാണാൻ ഇന്ത്യക്ക് കഴിയുമെന്നും ഇടപെടലുകൾ ആവശ്യമില്ലെന്ന് കുംബ്ലെയും പ്രതികരിച്ചു.

photo courtesy | TOI

ഇടതു വലതു മുന്നണികൾ ഒരേ നാണയത്തിന്റെ വശങ്ങൾ: ജെ പി നദ്ദ

ജെ പി നദ്ദ ഫയൽ ചിത്രം |photo hindustantimes.com

തിരുവനന്തപുരം: കേരളത്തിൽ എൽ ഡി എഫും യു ഡി എഫും ഒരേ നാണയത്തിന്റെ വശങ്ങളാണെന്ന് ബിജെപി ദേശീയ അധ്യക്ഷൻ ജെപി നദ്ദ. തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം.

അഴിമതിയുടെ കാര്യത്തിലാണ് കേരളത്തിലെ ഈ ഐക്യം.ഉമ്മൻ ചാണ്ടിയും രമേശ് ചെന്നിത്തലയും കേസുകളിൽ ഉൾപെട്ടവരാണ്.
മുഖ്യമന്ത്രി പിണറായി വിജയനെതിരെയും നദ്ദ രൂക്ഷമായ വിമർശനങ്ങൾ ഉന്നയിച്ചു.മുഖ്യമന്ത്രി പിണറായി വിജയൻ ഭരണഘടനയെ കടന്നാക്രമിക്കുന്നു. സി എ ജി ക്കെതിരെയുള്ള സഭാ പ്രമേയം നൽകുന്നത് അപകടകരമായ സൂചനകൾ.

ശബരിമല വിഷയത്തിൽ വിശ്വാസികളെ പിന്നിൽ നിന്ന് കുത്തിയ കോൺഗ്രസ് ഇപ്പോൾ വോട്ട് നേടാനായി ശബരിമല പ്രശ്‌നം ഉന്നയിക്കുന്നത് വിചിത്രമാണ്.കേരളത്തിൽ ഏറ്റുമുട്ടുന്ന മുന്നണികൾ ബംഗാളിൽ കൈകോർക്കുന്ന കാഴ്ചയാണ് കാണുന്നത്.
കോവിഡ് നേരിടുന്നതിൽ സംസ്ഥാന സർക്കാർ പരാജയപ്പെട്ടു.പി എസ് സി നിയമനങ്ങളിലും അഴിമതി ഉണ്ടെന്ന് നദ്ദ പറഞ്ഞു. സിപിഎമ്മുകാരെ നിയമിക്കാനുള്ള ഏജൻസി മാത്രമായി പി എസ് സി മാറി.
സംസ്ഥാന ബിജെപിയിൽ പ്രശ്നങ്ങളില്ലെന്നും ശോഭ സുരേന്ദ്രൻ പ്രശ്നം പരിഹരിക്കുമെന്നും നദ്ദ പറഞ്ഞു.വികാരങ്ങൾ വ്രണപ്പെട്ടിട്ടുണ്ടാകാം,പക്ഷെ പ്രശ്നങ്ങൾ പരിഹരിക്കപ്പെടും. ബിജെപിയിൽ എല്ലാവർക്കും അവസരങ്ങളുണ്ടാകുമെന്നും അദ്ദേഹം പറഞ്ഞു.
നരേന്ദ്രമോദിയെപ്പോലെ നിശ്ചയ ദാർഢ്യമുള്ള ഭരണാധികാരിയെയാണ് രാജ്യത്തിന് ആവശ്യമെന്നും അദ്ദേഹം പറഞ്ഞു.പുറ്റിങ്ങൽ വെടിക്കെട്ട് ദുരന്തമുണ്ടായപ്പോൾ മൂന്ന് മണിക്കൂർകൊണ്ട് കേരളത്തിൽ മെഡിക്കൽ സംഘത്തെയുംകൊണ്ട് പ്രധാനമന്ത്രി ഓടിയെത്തിയ സംഭവം അദ്ദേഹം അനുസ്മരിച്ചു.

ഡോളർ കടത്ത് കേസിൽ എം ശിവശങ്കറിന് ജാമ്യം, ഇന്ന് പുറത്തിറങ്ങും

കൊച്ചി: മുൻ പ്രിൻസിപ്പൽ സെക്രട്ടറി എം ശിവശങ്കറിന് ഡോളർ കടത്ത് കേസിൽകൂടി ജാമ്യം ലഭിച്ചു.കൊച്ചി സാമ്പത്തിക കുറ്റവിചാരണക്കോടതിയാണ് ജാമ്യം അനുവദിച്ചത്.

ശിവശങ്കർ ഉൾപ്പെട്ട മറ്റ് രണ്ട് കേസുകളിൽ കഴിഞ്ഞ ദിവസം ജാമ്യം ലഭിച്ചിരുന്നു.അതുകൊണ്ട്തന്നെ ഇന്ന് ഉച്ചയോടെ ശിവശങ്കർ ജയിൽ മോചിതനാകും.രണ്ട് ലക്ഷം രൂപയും തുല്യ തുകയ്ക്കുള്ള രണ്ട് ആൾ ജാമ്യത്തിലുമാണ് ശിവശങ്കറിന് ജാമ്യം അനുവദിച്ചത്. എല്ലാ തിങ്കളാഴ്ചയും അന്വേഷണ ഉദ്യോഗസ്ഥനുമുന്പിൽ ഹാജരാകണം. 98 ദിവസത്തിന് ശേഷമാണ് ശിവ ശങ്കറിന് ജാമ്യം ലഭിച്ചത്.

നയതന്ത്ര പ്രതിനിധികളുടെ സുരക്ഷ ഉറപ്പാക്കിയതിന് മോദിക് നന്ദി പറഞ്ഞ് നെതന്യാഹു

ബെഞ്ചമിൻ നെതന്യാഹു പ്രധാനമന്ത്രി നരേന്ദ്ര മോദിയോടൊപ്പം | photo:thenationalnews.com

ന്യൂഡൽഹി: ഇസ്രായേൽ നയതന്ത്ര പ്രതിനിധികൾക്ക് സുരക്ഷ ഉറപ്പാക്കുന്നതിൽ ഇന്ത്യ സ്വീകരിച്ച നടപടിയിൽ നന്ദി അറിയിച്ച് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു.

ഇസ്രേയൽ എംബസിക്ക് സമീപം സ്ഫോടനമുണ്ടായതിന്റെ പശ്ചാത്തലത്തിൽ പ്രധാനമന്ത്രി നരേന്ദ്രമോദിയെ ഫോണിൽ വിളിച്ചാണ് നെതന്യാഹു നന്ദി അറിയിച്ചത്.വിഷയത്തിൽ ഇരു നേതാക്കളും ടെലിഫോണിൽ ചർച്ച നടത്തി.
ഇന്ത്യയുടെ കോവിഡ് പ്രതിരോധ നടപടികളെയും നെതന്യാഹു അഭിനന്ദിച്ചു.കോവിഡ് വാക്‌സിൻ വേഗത്തിൽ നിർമ്മിച്ച് രാജ്യത്തെ ജനങ്ങൾക്ക് ലഭ്യമാക്കിയ നടപടിയാണ് അഭിനന്ദിക്കപ്പെട്ടത്. വാക്‌സിൻ നിർമാണം,വിതരണം,അംഗീകാരം തുടങ്ങിയ വിഷയങ്ങൾ സംബന്ധിച്ചും ചർച്ചയുണ്ടായി. ഇസ്രയേലിന്റെ കോവിഡ് പ്രതിരോധ പ്രവർത്തനങ്ങളെയും വാക്‌സിൻ വിതരണത്തെയും പ്രധാനമന്ത്രി നരേന്ദ്ര മോദിയും അഭിനന്ദിച്ചു.

കേന്ദ്ര ബജറ്റ്: ദേശീയ പാത വികസനത്തിന് 65000 കോടി,കൊച്ചി മെട്രോയ്ക്ക് 1957 കോടി,കേരളത്തിന് വൻ പ്രഖ്യാപനങ്ങൾ

സ്വന്തംലേഖകൻ
ന്യൂഡൽഹി: കേന്ദ്ര ബജറ്റിൽ കേരളത്തിന് വൻ പ്രഖ്യാപനങ്ങൾ.

ദേശീയ പാത വികസനത്തിന് 65000 കോടിയും,കൊച്ചി മെട്രോ 11.5 കിലോമീറ്റർ നീട്ടുന്നതടക്കമുള്ള വികസന പ്രവർത്തനങ്ങൾക്കായി 1957 കോടി രൂപയും വകയിരുത്തി.600 കിലോമീറ്റർ മുംബൈ കന്യാകുമാരി ഇടനാഴിയുടെ നിർമാണവും ഇതിൽ പെടും.
തമിഴ്നാട്ടിലെ ദേശീയ പാതകളുടെ നിർമ്മാണത്തിനായി 1.03 ലക്ഷം കോടി രൂപ അനുവദിച്ചു.കൊല്ലം മധുര ദേശീയ ഇടനാഴികൂടി ഇതിൽ പെടും.നിർമാണം അടുത്ത വര്ഷം തുടങ്ങും.
വിവിധ സംസ്ഥാനങ്ങളിലെ ദേശീയ പാത വികസനത്തിന് മികച്ച നേട്ടങ്ങൾ ലഭിക്കും വിധത്തിൽ ബജറ്റിൽ വകയിരുത്തലുകൾ ഉണ്ടായിട്ടുണ്ട്.പശ്ചിമ ബംഗാളിന് 25000 കോടി അനുവദിച്ചിട്ടുണ്ട്.കൊൽക്കത്ത സിലിഗുഡി പാതയുടെ നവീകരണം ഇതിൽ ഉൾപ്പെടും. ഗതാഗത മന്ത്രാലയത്തിന് 1.18 ലക്ഷം കോടി രൂപയാണ് ബജറ്റിൽ നീക്കിവെച്ചിരിക്കുന്നത്.

റിപ്പബ്ലിക്ക് ദിനത്തിലെ അക്രമ സംഭവങ്ങൾ വേദനിപ്പിച്ചു: പ്രധാനമന്ത്രി

ന്യൂഡൽഹി: റിപ്പബ്ലിക്ക് ദിനത്തിലെ അക്രമ സംഭവങ്ങളും ദേശീയ പതാകയെ അപമാനിച്ചതും തന്നെ വേദനിപ്പിച്ചെന്ന് പ്രധാനമന്ത്രി നരേന്ദ്ര മോഡി പറഞ്ഞു.പ്രതിമാസ റേഡിയോ പ്രക്ഷേപണ പരിപാടിയായ മൻ കി ബാത്തിൽ സംസാരിക്കുകയായിരുന്നു അദ്ദേഹം.
റിപ്പബ്ലിക്ക് ദിനത്തിൽ ദേശീയ പതാകയെ അപമാനിച്ചത് ഞെട്ടിച്ചു.അക്രമ സംഭവങ്ങൾ വേദനിപ്പിച്ചെന്നും ചെങ്കോട്ട അക്രമ സംഭവങ്ങളെ പരാമർശിച്ച് പ്രധാനമന്ത്രി പറഞ്ഞു.

വെറും 15 ദിവസങ്ങൾ കൊണ്ട് 30 ലക്ഷംപേർക്ക് വാക്‌സിൻ വിതരണം ചെയ്യാൻ ഇന്ത്യക്ക് സാധിച്ചു.വികസിത രാജ്യങ്ങളായ യു എസ്,യു കെ എന്നി രാജ്യങ്ങൾക്ക് ഇതിനായി 18-36 ദിവസങ്ങൾ വേണ്ടി വന്നതായും പ്രധാനമന്ത്രി പറഞ്ഞു.
മരുന്നുകളുടെയും വാക്‌സിനുകളുടെയും കാര്യത്തിൽ രാജ്യത്തിനുള്ള സ്വയം പര്യാപ്തിയാണ് മറ്റ് രാജ്യങ്ങളെ സഹായിക്കാൻ ഇന്ത്യയെ പ്രേരിപ്പിച്ചത്.ലോകത്തിലെ ഏറ്റവും വലിയ വാക്‌സിൻ വിതരണം മാത്രമല്ല ഏറ്റവും വേഗത്തിലുള്ള വാക്‌സിനേഷൻ കൂടിയാണെന്നും നരേന്ദ്ര മോഡി പറഞ്ഞു.

എംബസിക്ക് സമീപത്തെ സ്ഫോടനം, ഇറാൻ ബന്ധം സംശയിച്ച് അന്വേഷണ സംഘം

photo | zeenews.india.com

സ്വന്തം ലേഖകൻ
ന്യൂഡൽഹിഃ ഇസ്രായേൽ എംബസിക്ക് സമീപമുണ്ടായ സ്ഫോടനം സംബന്ധിച്ച് നിർണ്ണായക വിവരങ്ങൾ വിവിധ അന്വേഷണ ഏജൻസികൾക്ക് ലഭിച്ചതായി സൂചന.

ദേശീയ അന്വേഷണ ഏജൻസി,ദേശീയ സുരക്ഷാ സേന,ഭീകര വിരുദ്ധ സ്‌ക്വാഡ് എന്നി ഏജൻസികളുടെ ഏകോപനത്തോടെയാണ് സംഭവത്തിൽ അന്വേഷണം നടക്കുന്നത്.
സ്ഫോടനത്തിൽ ടെഹ്‌റാൻറെ പങ്ക് വ്യക്തമാണെന്ന് ഭീകര വിരുദ്ധ ഉദ്യോഗസ്ഥൻ പറഞ്ഞു.എന്നാൽ ബോംബ് വെച്ചയാളെ തിരിച്ചറിയാൻ കഴിഞ്ഞിട്ടില്ല.ഇറാന്റെ നിർദേശ പ്രകാരം നടത്തിയ ആക്രമണത്തിന് പിന്നിൽ പ്രവർത്തിച്ചവരെ മറച്ചു പിടിക്കാനുള്ള ബോധ പൂർവമായ ശ്രമം നടന്നിട്ടുണ്ടെന്ന് പേര് വെളിപ്പെടുത്താൻ ആഗ്രഹിക്കാത്ത ഉന്നത ഉദ്യോഗസ്ഥൻ പ്രമുഖ ദേശീയ മാധ്യമത്തോട് പറഞ്ഞു.ഇസ്രായേൽ സ്ഥാപനങ്ങൾക്ക് നേരെയുള്ള സംഘടിത ആക്രമണത്തിന്റെ ഭാഗമാണ് ഇതെന്നും സൂചനയുണ്ട്.
ഇന്ത്യയിൽ തങ്ങുന്ന ഇറാൻ സ്വദേശികളെ ശനിയാഴ്ച ചോദ്യം ചെയ്തിരുന്നു.വിസ കാലാവധി കഴിഞ്ഞിട്ടും ഇന്ത്യയിൽ തങ്ങുന്ന വിദേശികളുടെ വിവരങ്ങൾ എൻ ഐ എ ശേഖരിച്ചു വരികയാണ്.സംഭവത്തിൽ എൻ ഐ എ കേസ് രജിസ്റ്റർ ചെയ്ത് അന്വേഷണം തുടങ്ങുമെന്നാണ് റിപോർട്ടുകൾ.
വെള്ളിയാഴ്ച വൈകുന്നേരം 5 മണിയോടെയാണ് ഇസ്രായേൽ എംബസിക്ക് സമീപം അബ്ദുൽ കലാം റോഡിൽ സ്ഫോടനം നടന്നത്.സ്ഫോടനത്തിൽ സമീപത്ത് നിർത്തിയ മൂന്ന് കാറുകളുടെ ചില്ല് തകർന്നിരുന്നു.പ്ലാസ്റ്റിക് കവറിൽ പൊതിഞ്ഞ നിലയിലായിരുന്ന സ്ഫോടക വസ്തുവിനടുത്ത് തന്നെ ചുവന്ന തുണിയുടെ കത്തിയ ഭാഗങ്ങളും കണ്ടെത്തിയിരുന്നു.സ്ഫോടനത്തിന്റെ ഉത്തരവാദിത്തം ജെയ്‌ഷെ ഉൽ ഹിന്ദ് എന്ന സംഘടന ഏറ്റെടുത്തിരുന്നു.

ചോദ്യം ചെയ്യൽ മാധ്യമ സൃഷ്ടി ,അന്വേഷണ ഏജൻസികൾ സമീപിച്ചിട്ടില്ലെന്ന് സ്പീക്കർ

കോഴിക്കോട്: തന്നെ കസ്റ്റംസ് വിളിച്ചു വരുത്തി ചോദ്യം ചെയ്യുമെന്ന പ്രചരണം വെറും മാധ്യമ സൃഷ്ടിയാണെന്നും ഒരു അന്വേഷണ ഏജൻസിയും തന്നെ സമീപിച്ചിട്ടില്ലെന്നും സ്പീക്കർ പി ശ്രീരാമകൃഷ്ണൻ പറഞ്ഞു.
തെറ്റുകാരനല്ലെന്ന ഉറച്ച ബോധ്യമുള്ളതിനാൽ പൊതു പ്രവർത്തന രംഗത്തുനിന്ന് മാറി നിൽക്കേണ്ട കാര്യമില്ലെന്നും അദ്ദേഹം പറഞ്ഞു.
കേരളാ മദ്രസാധ്യാപക ക്ഷേമനിധി ബോർഡ് ന്യൂനപക്ഷ ക്ഷേമ വകുപ്പുമായി ചേർന്ന് നടത്തുന്ന മദ്രസാധ്യാപക പരിശീലന പരിപാടിയിൽ പങ്കെടുക്കാനെത്തിയതായിരുന്നു അദ്ദേഹം.

മന്ത്രി കെ ടി ജലീലാണ് പരിപാടി ഉൽഘാടനം ചെയ്തത്.അധ്യാപക നിയമനത്തിൽ പരാതി ഉയർന്നിട്ടില്ലെന്നും എ എൻ ഷംസീറിന്റെ ഭാര്യക്ക് ജെ ആർ എഫ് യോഗ്യത ഉണ്ടെന്നും മന്ത്രി കെ ടി ജലീലും പ്രതികരിച്ചു.സേവ് യൂണിവേഴ്സിറ്റി ക്യാമ്പയിൻ ചെയ്യുന്നവർ യൂണിവേഴ്സിറ്റികളിൽ നടക്കുന്ന നല്ല കാര്യങ്ങളെ എതിർക്കുന്നവരാണെന്നും ജലീൽ പറഞ്ഞു.

എം വി ഡി വാഹന പരിശോധനയിൽ ഫോട്ടോ എടുക്കും, തടഞ്ഞാൽ നടപടി

തിരുവനന്തപുരം: മോട്ടോർ വാഹന വകുപ്പ് വാഹന പരിശോധനക്കിടയിൽ നിയമലംഘനങ്ങൾ മൊബൈൽ ഫോണിൽ പകർത്തി ഇ ചലാൻ വഴി പിഴ ഈടാക്കാൻ മൊബൈൽ എൻഫോഴ്‌സ്‌മെന്റ് ഉദ്യോഗസ്ഥർക്ക് അധികാരമുണ്ടെന്ന് മോട്ടോർവാഹന വകുപ്പ് അറിയിച്ചു.

ഉദ്യോഗസ്ഥരെ തടയുന്നത് കുറ്റകരമാണെന്നും നിയമലംഘനത്തിന് പോലീസ് കേസെടുക്കുമെന്നും അധികൃതർ അറിയിച്ചു. നിലവിൽ ഇ- ചലാൻ സംവിധാനം പോലീസിനും മോട്ടോർ വാഹന വകുപ്പിനുമാണുള്ളത്.

കഴിഞ്ഞ ദിവസം വൈക്കത്ത് ഹെൽമെറ്റില്ലാതെ ബൈക്കിൽ യാത്ര ചെയ്ത ദമ്പതിമാരെ തടഞ്ഞു ഫോട്ടോ എടുത്ത മോട്ടോർ വാഹന വകുപ്പ് ഉദ്യോഗസ്ഥർക്കെതിരെ പ്രതിഷേധം ഉണ്ടാവുകയും തുടർന്ന് പോലീസ് കേസെടുക്കുകയും ചെയ്തിരുന്നു.
നിയമലംഘനം നടത്തുന്ന വാഹനങ്ങൾക്ക് പിഴ ചുമത്തണമെങ്കിൽ വാഹനത്തിന്റെ നമ്പർ പ്ലേറ്റ് കാണുന്ന വിധത്തിൽ ഫോട്ടോ എടുക്കേണ്ടതുണ്ട്.ഉടൻ തന്നെ ഈ ചിത്രം വാഹൻ-സാരഥി വെബ്സൈറ്റിൽ അപ്‌ലോഡ് ചെയ്താൽ മാത്രമേ പിഴ ചുമത്തുന്നത് സംബന്ധിച്ച പ്രവർത്തനം പൂർത്തിയായി വാഹന ഉടമയുടെ ഫോണിൽ എസ് എം എസ് വരികയുള്ളു.

അതുകൊണ്ട്തന്നെ ഔദ്യോഗിക കൃത്യ നിർവഹണത്തിന്റെ ഭാഗമായാണ് വാഹനങ്ങളുടെ നമ്പർ പ്ലേറ്റിന്റെ ഫോട്ടോ എടുക്കുന്നതെന്നും ജനങ്ങളുടെ സഹകരണം ഉണ്ടാകണമെന്നും മോട്ടോർ വാഹന വകുപ്പ് അറിയിച്ചു.

പോലീസ് നടപടി,കണ്ണീർവാതക പ്രയോഗം സിംഘു അതിർത്തിയിൽ സംഘർഷാവസ്ഥ

photo | s.lakshmi jginews

ന്യൂഡൽഹി: കർഷക സമരത്തിന്റെ പേരിൽ റിപ്പബ്ലിക്ക് ദിനത്തിൽ പ്രക്ഷോഭങ്ങളുണ്ടാക്കിയ സമരക്കാരുടെ പന്തലിൽ സംഘർഷാവസ്ഥ.സമരത്തെ എതിർക്കുന്ന ഒരു വിഭാഗമാളുകൾ സമരപ്പന്തലിൽ എത്തിയതാണ് സംഘർഷാവസ്ഥക്ക് കാരണം.

ഇവർ നാട്ടുകാരാണെന്ന് പറയപ്പെടുന്നു.നടക്കുന്നത് കർഷക സമരമല്ല, റിപ്പബ്ലിക്ക് ദിനത്തിൽ കലാപമുണ്ടാക്കിയവരാണ് ഇവർ എന്നാരോപിച്ചാണ് ഈ സംഘം സമരപ്പന്തലിൽ എത്തിയത്. സമരക്കാരെ പന്തലിൽനിന്ന് ഒഴിപ്പിക്കണം എന്നാണ് നാട്ടുകാരുടെ ആവശ്യം.പ്രതിഷേധത്തെ ചെറുക്കാൻ സമരക്കാരും ഇറങ്ങിയതോടെ വലിയ സംഘർഷാവസ്ഥയാണ് നിലവിലുള്ളത്.പോലീസ് കണ്ണീർ വാതകം പ്രയോഗിക്കുന്നു.പ്രദേശത്ത് വലിയ സംഘർഷാവസ്ഥ നിലനിൽക്കുന്നു.

ജില്ലാ മജിസ്‌ട്രേറ്റ് സന്ദർശിച്ചു: ഗാസിപൂരിൽ ഒഴിപ്പിക്കൽ നടപടി ഇന്നില്ല

ന്യൂഡൽഹി : ഗാസിപൂരിൽ ഒഴിപ്പിക്കൽ നടപടി ഇന്നുണ്ടാകില്ല എന്നാണ് ഒടുവിൽ കിട്ടുന്ന റിപോർട്ടുകൾ.

കർഷക സമരത്തിന്റെ പേരിൽ റിപ്പബ്ലിക്ക് ദിനത്തിൽ കലാപമുണ്ടാക്കാൻ ശ്രമിച്ചതിന്റെ പേരിൽ പോലീസ് നടപടി നേരിടുന്ന സമരക്കാർക്ക് പോലീസും ജില്ലാ ഭരണകൂടവും നൽകിയ അന്ത്യശാസന സമയം കഴിഞ്ഞു.രാത്രി 11 മണിക്കുള്ളിൽ ഒഴിയണമെന്നായിരുന്നു അന്ത്യശാസനം നൽകിയിരുന്നതെങ്കിലും ഒഴിപ്പിക്കൽ നടപടി ഇന്നുണ്ടാവില്ല എന്നാണ് ജില്ലാ മജിസ്‌ട്രേറ്റ് നൽകുന്ന സൂചന.

സമരപന്തലിൽ എത്തിയ ജില്ല മജിസ്‌ട്രേറ്റ് അല്പം മുൻപ് സമരപ്പന്തൽ സന്ദർശിച്ച് മടങ്ങുമ്പോഴാണ് മാധ്യമങ്ങൾക്ക് ഇത്തരം ഒരു സൂചന നൽകിയത്. രണ്ട് തവണ ജില്ലാ ഭരണകൂടത്തിന്റെ നോട്ടീസ് സമര പന്തലിൽ ഒട്ടിച്ചിരുന്നു.എങ്കിലും സമരക്കാർ ഒഴിയാൻ തയ്യാറായിട്ടില്ലാത്ത പശ്ചാത്തലത്തിലാണ് സാവകാശം നൽകിയത് എന്നാണ് റിപോർട്ടുകൾ.

നാളെ പാർലമെന്റ് സമ്മേളനം തുടങ്ങുന്ന പശ്ചാത്തലത്തിലുള്ള രാഷ്ട്രീയമായ തീരുമാനം കൂടിയായി സർക്കാർ തീരുമാനത്തെ വിലയിരുത്തപ്പെടുന്നു. കേന്ദ്ര സേനയെയും സ്ഥലത്ത് വിന്യസിച്ചിട്ടുണ്ട്.പ്രദേശത്തെ സംഘർഷാവസ്ഥക്ക് അയവ് വന്നിട്ടുണ്ട്.ഇതിനിടയിൽ കൂടുതൽ സമരാനുകൂലികൾ സമരപ്പന്തലിൽ എത്തിയിട്ടുണ്ട്

സമരക്കാർക്ക് അന്ത്യശാസനം,ഒഴിപ്പിക്കാൻ നീക്കം നടക്കുന്നു: മുൾ മുനയിൽ ഗാസിപൂർ

ന്യൂഡൽഹി : കർഷക സമരത്തിന്റെ പേരിൽ റിപ്പബ്ലിക്ക് ദിനത്തിൽ കലാപമുണ്ടാക്കാൻ ശ്രമിച്ചതിന്റെ പേരിൽ പോലീസ് നടപടി നേരിടുന്ന സമരക്കാർക്ക് പോലീസും ജില്ലാ ഭരണകൂടവും നൽകിയ അന്ത്യശാസന സമയം കഴിഞ്ഞു.രാത്രി 11 മണിക്കുള്ളിൽ ഒഴിയണമെന്നായിരുന്നു അന്ത്യശാസനം നൽകിയിരുന്നത്.രണ്ട് തവണ ജില്ലാ ഭരണകൂടത്തിന്റെ നോട്ടീസ് സമര പന്തലിൽ ഒട്ടിച്ചിരുന്നു.എങ്കിലും സമരക്കാർ ഒഴിയാൻ തയ്യാറായിട്ടില്ല. കേന്ദ്ര സേനയെയും സ്ഥലത്ത് വിന്യസിച്ചിട്ടുണ്ട്.പ്രദേശത്ത് സംഘർഷാവസ്ഥ നിലനിൽക്കുന്നു.

സമരകേന്ദ്രം ഒഴിയണമെന്ന് ജില്ലാ ഭരണകൂടം,നിഷേധിച്ച് പ്രക്ഷോഭകർ:ഗാസിപൂരിൽസംഘർഷാവസ്ഥ

സ്വന്തം ലേഖകൻ

ന്യൂഡൽഹി: ഗാസിപൂരിലെ കർഷക സമരത്തിന്റെ പേരിൽ പ്രക്ഷോഭം നടത്തുന്ന സമരക്കാരെ ഒഴിപ്പിക്കാനൊരുങ്ങി ജില്ലാ ഭരണകൂടം.15 മിനുട്ടിനുള്ളിൽ സമര വേദി ഒഴിയണമെന്ന് പോലീസും ജില്ലാ ഭരണകൂടവും അന്ത്യശാസനം നൽകി.ഇതുസംബന്ധിച്ച് ജില്ലാ ഭരണകൂടം സമരവേദിയിൽ നോട്ടീസ് പതിച്ചു,എന്നാൽ സമരക്കാർ ബലം പ്രയോഗിച്ചാലും തങ്ങൾ പോകില്ല എന്ന നിലപാടെടുത്തതോടെ സ്ഥലത്ത് സംഘർഷാവസ്ഥ നിലനിൽക്കുകയാണ്.
പോലീസ് നടപടികളുടെ ഭാഗമായി ഗാസിപൂരിലേക്കുള്ള ഗതാഗതം തടഞ്ഞു.പ്രക്ഷോഭകർ പ്രകോപനമുണ്ടാക്കി മുദ്രാവാക്യം വിളിക്കുകയും വേദി വളയുകയും ചെയ്യുന്ന കാഴ്ചയാണ് ഇപ്പോൾ കാണുന്നത്.തങ്ങൾ വിചാരിച്ചാൽ ഇപ്പോൾ 20000 ട്രാക്ടറുകൾ ഗാസിപൂരിലെത്തിക്കും എന്ന വെല്ലുവിളി ഉയർത്തുകയും ചെയ്യുന്നത് കാണാമായിരുന്നു.
ഇതിനിടയിൽ ട്രാക്ടർ റാലിയോടനുബന്ധിച്ചുള്ള അക്ര സംഭവങ്ങളിൽ നേരിട്ട് പങ്കെടുത്തവർക്കെതിരെ യു എ പി എ ചുമത്തി.

ആദ്യഘട്ടത്തിൽ സമരവേദി ഒഴിഞ്ഞുപോകാൻ തയ്യാറാണെന്നും കീഴടങ്ങാമെന്നും പറഞ്ഞ സമര നേതാവ് രാകേഷ് ടിക്കായത്ത് നിലപാട് മാറ്റി.വെടിവെപ്പുണ്ടായാലും സമരവേദി വിടില്ല എന്ന നിലപാടെടുത്തതോടെ പോലീസ് സമരപന്തലിൽ വീണ്ടും ജില്ലാ ഭരണകൂടത്തിന്റെ രണ്ടാമത്തെ നോട്ടീസും പതിച്ചിരിക്കയാണ്. ദ്രുത കർമ്മ സേനകൂടി ഇപ്പോൾ സ്ഥലത്തെത്തിയിട്ടുണ്ട്.സ്ഥലത്ത് കടുത്ത സംഘർഷാവസ്ഥ നിലനിൽക്കുകയാണ് ഇപ്പോൾ.

ചെങ്കോട്ടയിൽ ആക്രമണം നടത്തിയവരെ നീക്കണമെന്നാവശ്യപ്പെട്ട് പ്രതിഷേധം

ന്യൂഡൽഹി: സിംഗുവിലെ സമരക്കാരുടെ കൂട്ടത്തിലുള്ള അക്രമകാരികളെ നീക്കണമെന്നാവശ്യപ്പെട്ട് പ്രതിഷേധം.റിപ്പബ്ലിക്ക് ദിനത്തിൽ അക്രമം നടത്തിയവരെ നീക്കണമെന്നാവശ്യപ്പെട്ട് ഒരു വിഭാഗമാളുകൾ പ്രതിഷേധിക്കുന്നു.റോഡ് ഗതാഗതം നേരേയാക്കണമെന്നാണ് ആവശ്യം.
ഇതിനിടയിൽ സമരഭൂമിയിലേക്കുള്ള ജല വിതരണം പോലീസ് തടഞ്ഞു.ഇന്നലെ ഇവിടേക്കുള്ള വൈദ്യുതി ബന്ധവും വിച്ഛേദിച്ചിരുന്നു.എന്നാൽ ഗാസിപൂരിലേക്കുള്ള വൈദ്യുതി കുടിവെള്ള ബന്ധം പുനഃസ്ഥാപിച്ചില്ലെങ്കിൽ വൈകുന്നേരം പോലീസ് സ്റ്റേഷനിലേക്ക് മാർച്ച് നടത്തുമെന്നാണ് ഒരു വിഭാഗത്തിന്റെ ഭീഷണി.സ്ഥലത്ത് വൻ പോലീസ് സന്നാഹം നിലയുറപ്പിച്ചിട്ടുണ്ട്.

കർഷക സമരത്തിൽനിന്ന് ഒരു യൂണിയൻ പിന്മാറി: പാർലമെന്റ് മാർച്ച് റദ്ദാക്കിയേക്കും

ന്യൂഡൽഹി: കർഷക സമരത്തിൽ നിന്ന് ഒരു യൂണിയൻ പിന്മാറി.കിസാൻ സംഘർഷ് കോ ഓർഡിനേഷൻ കമ്മറ്റിയിലെ യൂണിയനാണ് സമരത്തിൽനിന്ന് പിന്മാറിയത്.

എന്നാൽ സമരത്തിൽനിന്ന് ഇവരെ നേരത്തെ മാറ്റി നിർത്തിയതായി കിസാൻ മോർച്ച അറിയിച്ചു.ഇവർ കേന്ദ്ര സർക്കാർ അനുകൂല നിലപാടായിരുന്നു നേരത്തെ മുതൽ സ്വീകരിച്ചിരുന്നതെന്നും ഇവർ പറയുന്നു.

അതെ സമയം ഡൽഹിയെ കലാപഭൂമിയാക്കിയ ട്രാക്ടർമാർച്ചിൽ ജന പിന്തുണ നഷ്ടപെട്ട പശ്ചാത്തലത്തിൽ ബജറ്റ് ദിവസം പാർലമെൻറ് മാർച്ച് നടത്താൻ നിശ്ചയിച്ചിരുന്ന മാർച്ച് പിൻവലിച്ചേക്കും. ഇതുസംബന്ധിച്ച ഔദ്യോഗിക പ്രസ്താവന കർഷക സംഘടനാ പുറത്തിറക്കും.
കഴിഞ്ഞ രണ്ട് മാസമായി സമാധാനപരമായി നടന്നിരുന്ന സമരം വൻ ജന പിന്തുണ നേടിയെങ്കിലും റിപ്പബ്ലിക്ക് ദിനത്തിലെ ട്രാക്ടർ റാലിയോടെ ജന പിന്തുണ നഷ്ടപെട്ട അവസ്ഥയിലാണ്.കർഷക നേതാക്കൾതന്നെ ആക്രമണത്തിന് ആഹ്വാനം നൽകുന്ന വീഡിയോ കൂടി പുറത്തു വന്നതോടെ നിൽക്കക്കള്ളി ഇല്ലാത്ത അവസ്ഥയായതിനാലാണ് പാർലമെന്റ് മാർച്ച് അടക്കം പിൻവലിക്കാൻ തീരുമാനിച്ചത്.

കൂടാതെ ചെങ്കോട്ടയിൽ കോടി നാട്ടിയതടക്കമുള്ള അതീവ ഗൗരവമുള്ള കേസുകളിൽ സർക്കാർ നടപടി തുടങ്ങിയിരിക്കയുമാണ്. ഇന്നലത്തെ അക്രമ സംഭവങ്ങളുമായി ബന്ധപ്പെട്ട് 200ൽ അധികം പ്രക്ഷോഭകാരികൾക്കെതിരെ കേസെടുത്തിട്ടുണ്ട്.ഇവരെ ഉടൻ അറസ്റ്റ് ചെയ്യുമെന്നാണ് സൂചന.

കൂടാതെ പോലീസുമായി സമാധാനപരമായ ട്രാക്ടർ റാലിക്ക് അനുമതി ഉടമ്പടിയിൽ ഒപ്പിട്ട് സർക്കാരിനെ വഞ്ചിച്ചു എന്ന കേസിലും കർഷക നേതാക്കൾ നടപടി നേരിടേണ്ടി വരും.ഇതിനെയൊക്കെ പശ്ചാത്തലത്തിൽ ജന പിന്തുണ അടക്കം നഷ്ടപെട്ട സമരത്തിന് നിലിൽപ്പില്ല എന്നതിന്റെ അടിസ്ഥാനത്തിലാണ് പുതിയ തീരുമാനം എന്നാണ് ലഭ്യമായ വിവരം.

ഡൽഹിയിൽ അധിക സുരക്ഷാ വിന്യസിച്ചു: പ്രക്ഷോഭക്കാർ സിംഘുവിലേക്ക് മടങ്ങി

ന്യൂസ് ഡൽഹി : ഡൽഹിയിൽ അധിക സുരക്ഷാ വിന്യാസത്തിന് ആഭ്യന്തര മന്ത്രി അമിത് ഷാ ഉത്തരവിട്ടു.ഇതിനായി 15 കമ്പനി അർദ്ധ സൈനികരെ അധികമായി വിന്യസിച്ചു.അതെ സമയം ചെങ്കോട്ട പരിസരത്തേക്ക് കൂടുതൽ ട്രാക്ടറുകൾ എത്തികൊണ്ടിരിക്കുന്നുണ്ട്. എന്ത് പോലീസ് നടപടി ഉണ്ടാകുമെന്ന് പ്രവചനാതീതമാണ്.

കർഷകർ പൊലീസിന് നൽകിയ ഉറപ്പ് ലംഘിച്ച് ഡൽഹിയിൽ യുദ്ധ സമാനമായ അന്തരീക്ഷ ഉണ്ടാക്കുകയും ചെങ്കോട്ടയിൽ കോടി കെട്ടുകയും ചെയ്ത പശ്ചാത്തലത്തിലാണ് സുരക്ഷാ വിന്യാസം .
ഇന്നത്തെ പ്രക്ഷോഭങ്ങളുടെ പശ്ചാത്തലത്തിൽ കേന്ദ്ര ആഭ്യന്തര മന്ത്രി അമിത് ഷാ വിളിച്ചു ചേർത്ത യോഗത്തിലാണ് നടപടി.ആഭ്യന്തര സെക്രട്ടറി അജയ് ഭല്ല, ഇന്റലിജൻസ് ബ്യുറോ മേധാവി, ദൽഹി പോലീസ് കമ്മീഷണർ എന്നിവർ പങ്കെടുത്തു.

കർഷകരുടെ ട്രാക്ടർ റാലി രാജ്യം ഇതുവരെ കണ്ടിട്ടില്ലാത്തത്ര സംഘർഷമുണ്ടാക്കിയാണ് അവസാനിച്ചത്.ആറ് മണിക്കൂർ നീണ്ടുനിന്ന അനിശ്ചിതാവസ്ഥ അവസാനിച്ച് ഡൽഹി ഇപ്പോൾ ശാന്തമായി.സംഘർഷം ഉണ്ടാക്കിയ ശേഷം കർഷകർ എന്ന് പറയുന്ന സംഘം സിംഘുവിലേക്ക് മടങ്ങി.
ഈ സംഘം പോലീസുമായി പ്രശ്നങ്ങൾ ഉണ്ടാക്കിയ ഐ ടി ഓ, ഗാസിപുർ,നാംഗ്ലോയി എന്നിവിടങ്ങളിലാണ് അധിക സുരക്ഷാ വിന്യാസം നടത്തിയത്.ആഭ്യന്തര മന്ത്രാലയത്തിന്റെ നിർദേശത്തിൽ സിംഘു അടക്കമുള്ള പ്രദേശങ്ങളിൽ ഇന്റർനെറ്റ് വിച്ഛേദിച്ചിട്ടുണ്ട്.

കർഷക സമരക്കാരല്ല സംഘർഷമുണ്ടാക്കിയതെന്നും നുഴഞ്ഞുകയറിയവരാണെന്നും കർഷകർ പറഞ്ഞു.പ്രക്ഷോഭകർ നേരത്തെ നിശ്ചയിച്ച റൂട്ടിൽനിന്ന് മാറിയാണ് ട്രാക്ടർ റാലി നടത്തിയത്.ഈ സംഘം തന്നെയാണ് ചെങ്കോട്ടയിൽ അതിക്രമിച്ച് കയറി കോടി കെട്ടിയത്.
സംഘർഷങ്ങൾക്കിടെ ഒരു കർഷകൻ കൊല്ലപ്പെട്ടിരുന്നു. ഈ സംഭവം പോലും മുതലെടുക്കാൻ സമരത്തിൽ നുഴഞ്ഞു കയറിയവർ ശ്രമിച്ചു.ആദ്യഘട്ടത്തിൽ ഈ കർഷകന്റെ മൃതദേഹം ദേശീയ പതാക പുതപ്പിച്ച് കിടത്തി അവിടെ നിന്ന് മാറ്റാൻ പോലും അനുവദിച്ചില്ല. പിന്നീട് മൃതദേഹം അവിടെനിന്നു മാറ്റി.
പതിനെട്ടിലധികം പോലീസുകാർക്ക് സംഘർഷത്തിൽ പരിക്കേറ്റിട്ടുണ്ട്.ഇവർ ചികിത്സയിലാണ്.ഒരു പോലീസുകാരന്റെ നില ഗുരുതരമാണ്.

കടന്നുകയറ്റ ശ്രമം ചെറുത്ത് ഇന്ത്യൻ സൈന്യം, 20 ചൈനീസ് പട്ടാളക്കാർക്ക് പരിക്ക്

പ്രതീകാത്മക ചിത്രം | photo: tibet.net

ന്യൂഡൽഹി: അതിർത്തിയിൽ ചൈനീസ് പട്ടാളത്തിന്റെ കടന്നു കയറ്റ ശ്രമത്തെ ചെറുത്ത് ഇന്ത്യൻ സൈന്യം.തുടർന്ന് ഇന്ത്യ ചൈന സൈനികർ തമ്മിൽ നടന്ന ഏറ്റുമുട്ടലിൽ 20 ചൈനീസ് പട്ടാളക്കാർക്ക് പരിക്കേറ്റു.

സിക്കിമിലെ നാകുലയിലാണ് സംഭവങ്ങൾ നടന്നത്.കടന്നു കയറ്റത്തെ ശക്തമായി ചെറുക്കുന്നതിനിടയിൽ 4 ഇന്ത്യൻ സൈനികർക്കും പരിക്കേറ്റതായി കരസേനാ വൃത്തങ്ങൾ അറിയിച്ചു.
ചൈനീസ് പട്രോളിംഗ് സംഘം നിയന്ത്രണ രേഖ മുറിച്ചു കടന്നതോടെയാണ് പ്രശ്നമാണ് തുടങ്ങിയത്.ഇന്ത്യൻ സൈന്യം ചെറുത്ത് നിൽപ് തുടങ്ങിയതോടെ ചൈനീസ് സംഘം പിന്മാറുകയായിരുന്നു.

സായുധ ഏറ്റുമുട്ടൽ നടന്നില്ല എന്നാണ് സൂചനകൾ.സ്ഥിതിഗതികൾ നിയന്ത്രണ വിധേയമാണെന്നും മേഖലയിൽ പട്രോളിംഗ് ശക്തമാക്കി എന്നും ഇന്ത്യൻ കരസേന വ്യക്തമാക്കി.സമുദ്ര നിരപ്പിൽനിന്ന് 19000 അടി ഉയരത്തിലുള്ള നാകുല പ്രദേശത്ത് കഴിഞ്ഞ വര്ഷം മെയ് മാസത്തിലും സമാന സംഭവങ്ങൾ ഉണ്ടായിരുന്നു.

ട്രാക്ടർ റാലിയിൽ പ്രശ്നങ്ങളുണ്ടാക്കാൻ പാകിസ്താനിൽനിന്നുള്ള ട്വിറ്റർ അക്കൗണ്ടുകൾവഴി ശ്രമം:ഡൽഹി പോലീസ്

ന്യൂഡൽഹി: കേന്ദ്ര സർക്കാരിന്റെ കാർഷിക നിയമങ്ങൾക്കെതിരെ സമരം നടത്തുന്ന കർഷകർ ജനുവരി 26 ന് നടത്തുമെന്ന് പ്രഖ്യാപിച്ചിട്ടുള്ള ട്രാക്ടർ റാലിയിൽ വലിയ പ്രശ്നങ്ങൾ ഉണ്ടാക്കാൻ ശ്രമിക്കുന്ന പാകിസ്താനിൽനിന്നുള്ള 308 ട്വിറ്റർ അക്കൗണ്ടുകൾ തിരിച്ചറിഞ്ഞതായി ദൽഹി പോലീസ്.
ഈ ട്വിറ്റർ അക്കൗണ്ടുകളിൽനിന്ന് നിരന്തരമായി റിപ്പബ്ലിക്ക് ദിനത്തിലെ ട്രാക്ടർ റാലിയിൽ കുഴപ്പങ്ങൾ സൃഷ്ടിക്കാൻ ശ്രമങ്ങൾ നടത്തുന്നു എന്ന വളരെ ഗുരുതരമായ കണ്ടെത്തലാണ് ഡൽഹി പോലീസ് കണ്ടെത്തിയിരിക്കുന്നത്.തെറ്റിദ്ധാരണ ജനകമായ വിവരങ്ങൾ ഈ അക്കൗണ്ടുകൾ വഴി പ്രചരിപ്പിക്കുന്നുണ്ട്.വിവിധ രഹസ്യാന്വേഷണ ഏജൻസികൾ ഇതുസംബന്ധിച്ച വിവരങ്ങൾ ശേഖരിച്ചു വരികയാണ്.
ജനുവരി 13 നും 18നും ഇടയിൽ പാകിസ്ഥാനിൽ തുടങ്ങിയ ട്വിറ്റർ അക്കൗണ്ടുകളാണ് ഇവയെല്ലാമെന്ന് ഡൽഹി പോലീസ് ഇന്റലിജൻസ് വിഭാഗം കമ്മീഷണർ ദേബേന്ദ്ര പഥക് പറഞ്ഞു.

ട്രാക്ടർ റാലിയിൽ ഖാലിസ്ഥാൻ തീവ്രവാദികൾ കടന്നുകൂടി പ്രശ്നങ്ങൾ ഉണ്ടാക്കുമെന്ന് കേന്ദ്ര രഹസ്യാന്വേഷണ ഏജൻസികളുടെ റിപോർട്ടുകൾ ഉണ്ടായിരുന്നു.റാലിയുടെ അനുമതി സംബന്ധിച്ച് തന്നെ അനിശ്ചിതാവസ്ഥ നിലനിന്നിരുന്ന പശ്ചാത്തലത്തിൽ നിരവധി തവണ കർഷക സംഘടനകളുമായി പോലീസ് നടത്തിയ ചർച്ചയിലാണ് അനുമതി നൽകിയത് തന്നെ.

റാലിക്ക് കർശന വ്യവസ്ഥകളോടെടെയാണ് അനുമതി നൽകിയത്.
ട്രാക്ടർ റാലിക്ക് ഡൽഹിയിൽ പ്രവേശിക്കാമെന്നും എന്നാൽ റിപ്പബ്ലിക്ക് ദിന പരേഡിന് തടസ്സമുണ്ടാക്കരുതെന്ന ഉപാധികളോടെയു മാണ് അനുമതി നൽകിയത്.റാലിയുടെ റൂട്ട് മാപ്പും പോലീസ് ശേഖരിച്ചുവെച്ചിട്ടുണ്ട്.

റാലി സമാധാനപരമായിരിക്കുമെന്ന് ഉറപ്പ് എഴുതി വാങ്ങുകയും ചെയ്തിട്ടുണ്ട്.ദൽഹി അതിർത്തിക്കുപുറത്ത് സമരം നടത്തുന്ന കർഷകർക്ക് നഗരത്തിൽ പ്രവേശിക്കാനും അനുമതിയുണ്ട്.റിപ്പബ്ലിക്ക് ദിന പരേഡുകൾ അവസാനിച്ച ശേഷം മാത്രമായിരിക്കും ഇത്.

വയനാട്ടിലെ റിസോർട്ടിൽ കാട്ടാനയുടെ ചവിട്ടേറ്റ് കണ്ണൂർ സ്വദേശിനി യുവതിക്ക് ദാരുണാന്ത്യം

പ്രതീകാത്മക ചിത്രം | deccanherald.com

മാനന്തവാടി: വയനാട് മേപ്പാടിഎളമ്പിലേരിയിലെ സ്വകാര്യറിസോർട്ടിൽ കാട്ടാനയുടെ ചവിട്ടേറ്റ് യുവതിക്ക് ദാരുണാന്ത്യം.കണ്ണൂർ സ്വദേശിനി ഷഹാന (26 ) നാണ് ദാരുണാന്ത്യം.

സ്വകാര്യ റിസോർട്ടിൽ താമസത്തിനെത്തിയ വിനോദ സഞ്ചാരികളുടെ ടെന്റിൽ കാട്ടാന ആക്രമണം നടത്തിയെന്നാണ് സൂചന.സംഘത്തിൽ 30 പേരുണ്ടായിരുന്നു എന്നും ഇവർ സുരക്ഷിതരാണ് എന്നും വനം വകുപ്പ് അറിയിച്ചു.സംഘത്തിലെ 30 പേരും ഒരേ ഗ്രൂപിലുള്ളവരാണോ എന്ന് വ്യക്തമല്ലെന്ന് ജില്ലാ ടൂറിസം പ്രൊമോഷൻ കൗൺസിൽ അറിയിച്ചു
കാട്ടാന യുവതിയെ ആക്രമിച്ചത് ടെന്റിനുള്ളിൽനിന്നാണോ പുറത്തുനിന്നാണോ എന്ന് ഔദ്യോഗിക സ്ഥിരീകരണം വന്നിട്ടില്ല. കാട്ടാന പ്രത്യക്ഷപ്പെട്ടതോടെ ടെന്റിലെ താമസക്കാർ ചിതറി ഓടി എന്ന് പറയപ്പെടുന്നു.

ഇന്ന് വൈകുന്നേരമാണ് ഷഹാന ഉൾപ്പെടെയുള്ള സംഘം റിസോർട്ടിലെത്തിയത്.പുറത്തെ ടെന്റിൽ താമസം ഒരുക്കാനുള്ള ലൈസെൻസ് റിസോർട്ടിന് ഇല്ലായിരുന്നു എന്നും പറയപ്പെടുന്നു. സ്ഥിരമായി കാട്ടാനയുടെ സാന്നിധ്യമുള്ള മേപ്പാടി മേഖലയിൽ വേണ്ടത്ര സുരക്ഷിതമല്ലാത്തതായിരുന്നു വിനോദ സഞ്ചാരികൾക്ക് വേണ്ടി ഒരുക്കിയ ടെന്റ്.

സംഭവം നടന്ന ഉടൻ യുവതിയെ മേപ്പടിയിലെ സ്വകാര്യ മെഡിക്കൽ കോളേജിൽ എത്തിച്ചെങ്കിലും രക്ഷിക്കാനായില്ല.കണ്ണൂരിലെ പാരലൽ കോളേജിൽ നിന്നെത്തിയ സംഘമാണിതെന്ന് സ്ഥിരീകരിക്കാത്ത റിപ്പോർട്ടുകളുണ്ട്.കാട്ടാനയുടെ സാന്നിധ്യം ഇപ്പോഴും അവിടെ ഉണ്ടോ എന്നറിയാനായി വനം വകുപ്പ് സംഘം മേപ്പടിയിലേക്ക് പോയിട്ടുണ്ട്.മൊബൈൽ നെറ്റ്‌വർക്ക് ഇല്ലാത്ത പ്രദേശമായതിനാൽ കൂടുതൽ വിവരങ്ങൾ ലഭ്യമായിട്ടില്ല.

കർഷക സമരം: പതിനൊന്നാം വട്ട ചർച്ചയും പരാജയം

ന്യൂഡൽഹി: സമരം നടത്തുന്ന കർഷകരുമായി സർക്കാർ നടത്തിയ പതിനൊന്നാം വട്ട ചർച്ചയും പരാജയപ്പെട്ടു.
ഡൽഹി വിജ്ഞാൻ ഭവനിൽ നടന്ന ചർച്ചയിൽ കേന്ദ്രകൃഷി മന്ത്രി നരേന്ദ്രസിംഗ് തോമർ,മന്ത്രിമാരായ പിയുഷ് ഗോയൽ,സോം പ്രകാശ് എന്നിവരാണ് സർക്കാരിനെ പ്രതിനിധീകരിച്ച് പങ്കെടുത്തത്.
നിയമം പിൻവലിക്കില്ല എന്ന ഉറച്ച നിലപാടിൽ കേന്ദ്ര സർക്കാർ ഉറച്ചു നിന്നു.

കാർഷിക നിയമങ്ങളിൽ അപാകതയില്ലെന്ന് കേന്ദ്രസർക്കാർ ആവർത്തിച്ചു.കേന്ദ്ര ഉപാധികളെക്കാൾ മികച്ച ഉപാധികളുണ്ടെങ്കിൽ അറിയിക്കാൻ നിർദേശിച്ചു.കാർഷിക നിയമങ്ങൾ ഒന്നരവർഷത്തേക്ക് പിൻവലിക്കാമെന്നും പുതിയ സമിതി രൂപീകരിക്കാമെന്നുമുള്ള സർക്കാർ നിർദേശം ഇന്നലെ കർഷകർ തള്ളിയിരുന്നു.
വിവാദ കാർഷിക നിയമങ്ങൾ പൂർണ്ണമായും പിൻവലിക്കണം എന്നാണ് ആവശ്യം.ജനുവരി 26ന് ദൽഹി ഔട്ടർ റിങ് റോഡിൽ കർഷകർ ട്രാക്ടർ റാലി ആഹ്വാനം ചെയ്തിട്ടുണ്ട്.

കർഷക സമരം: പതിനൊന്നാം വട്ട ചർച്ച ആരംഭിച്ചു

കർഷക നേതാക്കൾ ഡൽഹി വിജ്ഞാൻ ഭവനിൽ ചർച്ചക്ക് എത്തിയപ്പോൾ | photo: ANI

ന്യൂഡൽഹി: സമരം നടത്തുന്ന കർഷകരുമായി സർക്കാർ നടത്തുന്ന പതിനൊന്നാം വട്ട ചർച്ച അല്പം മുൻപ് ഡൽഹി വിജ്ഞാൻ ഭവനിൽ ആരംഭിച്ചു.
കേന്ദ്രകൃഷി മന്ത്രി നരേന്ദ്രസിംഗ് തോമർ,മന്ത്രിമാരായ പിയുഷ് ഗോയൽ,സോം പ്രകാശ് എന്നിവരാണ് സർക്കാരിനെ പ്രതിനിധീകരിച്ച് പങ്കെടുക്കുന്നത്. കാർഷിക നിയമങ്ങൾ ഒന്നരവർഷത്തേക്ക് പിൻവലിക്കാമെന്നും പുതിയ സമിതി രൂപീകരിക്കാമെന്നുമുള്ള സർക്കാർ നിർദേശം ഇന്നലെ കർഷകർ തള്ളിയിരുന്നു.
വിവാദ കാർഷിക നിയമങ്ങൾ പൂർണ്ണമായും പിൻവലിക്കണം എന്നാണ് ആവശ്യം.ജനുവരി 26ന് ദൽഹി ഔട്ടർ റിങ് റോഡിൽ കർഷകർ ട്രാക്ടർ റാലി ആഹ്വാനം ചെയ്തിട്ടുണ്ട്.

https://twitter.com/ANI/status/1352505403305680897?ref_src=twsrc%5Etfw%7Ctwcamp%5Etweetembed%7Ctwterm%5E1352505403305680897%7Ctwgr%5E%7Ctwcon%5Es1_&ref_url=https%3A%2F%2Fwww.mathrubhumi.com%2Fnews%2Findia%2F11th-round-of-talks-between-farmers-union-leaders-and-union-government-1.5378636

ജോ ബൈഡൻ അമേരിക്കൻ പ്രസിഡണ്ടായി സത്യപ്രതിജ്ഞ ചെയ്തു

വിദേശകാര്യ ലേഖകൻ

വാഷിംഗ്‌ടൺ : അമേരിക്കയുടെ നാല്പത്തിയാറാമത് പ്രസിഡണ്ടായി ജോ ബൈഡൻ സത്യപ്രതിജ്ഞ ചെയ്തു.സുപ്രീം കോടതി ചീഫ് ജസ്റ്റിസ് ജോൺ റോബേർട് സത്യപ്രതിജ്ഞ വാചകം ചൊല്ലിക്കൊടുത്തു.120 വർഷം പഴക്കമുള്ള ബൈബിൾ കയ്യിൽവെച്ചാണ് ബൈഡൻ സത്യപ്രതിജ്ഞ ചെയ്തത്.യുണൈറ്റഡ് സ്റ്റേറ്റ്സ് വാഷിംഗ്‌ടൺ ഡി സി യിൽ പ്രൗഢ ഗംഭീരമായി സ്ഥിതി ചെയ്യുന്ന യു എസ് പാർലമെന്റ് മന്ദിരമായ കാപിറ്റോളിന്റെ പടിഞ്ഞാറേ നടയിലാണ് ബൈഡന്റെ സത്യപ്രതിജ്ഞ ചടങ്ങുകൾ നടന്നത്.ദേശീയ ഗാനത്തിന് ശേഷം നടന്ന ചടങ്ങിൽ വൈസ് പ്രസിഡണ്ടായി കമല ഹാരിസും സത്യപ്രതിജ്ഞ ചെയ്തു.ജഡ്ജി സോണിയ സോട്ടോമേയർ സത്യവാചകം ചൊല്ലിക്കൊടുത്തു.
തന്റെ 78ആം വയസ്സിലാണ് ജോ ബൈഡൻ അമേരിക്കയുടെ അമരക്കാരനാകുന്നത് എന്നത് വലിയ പ്രത്യേകതയാണ്.അമേരിക്കൻ പ്രസിഡണ്ട് പദവിയിലെത്തുന്ന ഏറ്റവും പ്രായം കൂടിയായ വ്യക്തിയാണ് ബൈഡൻ.ജോ ബൈഡനും കമല ഹാരിസും നേരത്തെ തന്നെ ക്യാപിറ്റോളിൽ എത്തിയിരുന്നു.
സ്ഥാനമൊഴിയുന്ന പ്രസിഡണ്ട് ഡൊണാൾഡ് ട്രംപ് ബൈഡന്റെ സത്യപ്രതിജ്ഞക്ക് കാത്തു നിൽക്കാതെ ഫ്ളോറിഡയിലേക്ക് മടങ്ങി.ഏന്നാൽ മുൻ പ്രസിഡണ്ടുമാരായ ബരാക് ഒബാമയും ബിൽ ക്ലിന്റണും ക്യാപിറ്റോൾ ഹില്ലിൽ എത്തിയിട്ടുണ്ട്.
സത്യപ്രതിജ്ഞ ചടങ്ങുകളുടെ സുരക്ഷിതത്വം ഉറപ്പുവരുത്താനായി കൽ ലക്ഷത്തോളം സൈനികരെ വാഷിഗ്ടണിൽ മാത്രം വിന്യസിച്ചിട്ടുണ്ട്.ഇതിന് പുറമെ വിവിധ രഹസ്യാന്വേഷണ ഏജൻസികളും കമാണ്ടോകളും വാഷിംഗ്ടണിൽ ഉണ്ടെന്നാണ് വിവരം.അമേരിക്കയുടെ ചരിത്രത്തിലെ ആദ്യ വനിതാ വൈസ് പ്രസിഡണ്ട് എന്ന പേരിന് കമല ഹാരിസ് അർഹമാകുന്ന ദിവസം കൂടിയായിരിക്കും ഇന്ന്.

സഭാംഗങ്ങൾ മാസ്ക് ശരിയായ രീതിയിൽ ധരിക്കാൻ ഓർമ്മിപ്പിച്ച് മന്ത്രി ശൈലജ

തിരുവനന്തപുരം: നിയമ സഭയിൽ പോലും മാസ്ക് ശരിയായ രീതിയിൽ ധരിക്കാത്തതിനെതിരെ സഭയിൽ പരാമർശിച്ച് ആരോഗ്യ മന്ത്രി കെ കെ ശൈലജ.മാതൃകയാക്കേണ്ട സഭാംഗങ്ങൾ മാസ്ക് ശരിയായി ധരിക്കാത്തതിനെതിരെയായിരുന്നു മന്ത്രിയുടെ പരാമർശം.

പലരും സംസാരിക്കുമ്പോൾ മാസ്ക് താഴ്ത്തി വെച്ച് സംസാരിക്കുന്നു എന്നാണ് മന്ത്രി പ്രതികരിച്ചത്. സംസാരിക്കുമ്പോഴാണ് ശരിയായ രീതിയിൽ മാസ്ക് ധരിക്കേണ്ടതെന്ന് ഓർമിപ്പിച്ച മന്ത്രി മാതൃകയാകേണ്ടവർ ഇങ്ങനെ ചെയ്യുന്നത് ശരിയല്ല എന്നും പറഞ്ഞു.

സഭയിൽ സംസാരിക്കാൻ തുടങ്ങുമ്പോഴേക്കും പലരും മാസ്ക് താഴ്ത്തിവെക്കുന്നത് താൻ ശ്രദ്ധിച്ചു എന്നും മന്ത്രി പറഞ്ഞു.മന്ത്രി ശൈലജ ഇക്കാര്യം ഓർമ്മിപ്പിപ്പിച്ച് സംസാരിക്കുന്നതിനിടയിൽ സ്പീക്കർ ഉൾപ്പെടെ പലരും മാസ്ക് താഴ്ത്തി വെച്ചിരിക്കുകയായിരുന്നു.മന്ത്രിയുടെ സംസാരത്തിൽ മാസ്കിന്റെ ശരിയായ ഉപയോഗം പരാമര്ശിക്കപ്പെട്ടതോടെ പലരും തിടുക്കത്തിൽ മാസ്ക് ശരിയായ രീതിയിൽ വെക്കുന്നത് കാണാമായിയിരുന്നു.

photo:newsminute.com

ആരോഗ്യ പ്രവർത്തകർ മാതൃകയാവണം വാക്‌സിൻ എടുക്കാൻ മടിക്കരുത്:കേന്ദ്രസർക്കാർ

ന്യൂഡൽഹി: മഹാമാരിക്കെതിരെയുള്ള പോരാട്ടത്തിന്റെ അന്തിമ ഘട്ടത്തിൽ ഡോക്ടർമാരും നഴ്‌സ്മാരും ഉൾക്കൊള്ളുന്ന ആരോഗ്യ പ്രവർത്തകർ സമൂഹത്തിന് മാതൃകയാകേണ്ടവരാണെന്നും കോവിഡ് വാക്‌സിൻ സ്വീകരിക്കാൻ മടി കാണിക്കരുതെന്നും കേന്ദ്ര സർക്കാർ.

വാക്‌സിൻ സംബന്ധിച്ച് ചില കേന്ദ്രങ്ങൾ പ്രത്യേക താല്പര്യങ്ങളോടെ പ്രചരിപ്പിക്കുന്ന കിംവദന്തികളിൽ ആരോഗ്യ പ്രവർത്തകരും വീണുപോകരുതെന്നും നീതി ആയോഗ് അംഗം ഡോ.പോൾ അഭ്യർത്ഥിച്ചു.
രാജ്യം വലിയ പരിശ്രമങ്ങൾക്കൊടുവിലാണ് വാക്‌സിൻ നിർമ്മിച്ചത്. നമ്മുടെ വാക്‌സിൻ നമ്മുടെതന്നെ ഡോക്ടർമാരും നഴ്സുമാരും നിരസിച്ചാൽ അത് വലിയ പ്രതിസന്ധികൾ സൃഷ്ടിക്കും.ഈ മഹാമാരി എന്താകുമെന്നോ എവിടെയെത്തുമെന്നോ ആർക്കും അറിയില്ല. അത്കൊണ്ട് ആരോഗ്യ പ്രവർത്തകർ വാക്‌സിൻ സ്വീകരിക്കണം. കോവിഡ് മഹാമാരിയെ പ്രതിരോധിക്കാനുള്ള ഒരേയൊരു മാർഗം വാക്‌സിനേഷനാണ്.
ഏത് വാക്‌സിനുകളും ചിലർക്ക് പാർശ്വ ഫലങ്ങൾ ഉണ്ടാകുമെന്നത് സ്വാഭാവികമാണ്.അതുകൊണ്ട്തന്നെ ആർക്കെങ്കിലും എന്തെങ്കിലും തരത്തിലുള്ള പാർശ്വഫലങ്ങൾ ഉണ്ടായാൽത്തന്നെ അതിനാവശ്യമായ സൗകര്യങ്ങൾ സജ്ജമാണ്.അതുകൊണ്ട് വാക്‌സിൻ സ്വീകരിച്ച് ആരോഗ്യപ്രവർത്തകർ മറ്റുള്ളവർക്ക് മാതൃകയാവണം.അദ്ദേഹം പറഞ്ഞു.

സുപ്രീം കോടതി നിയോഗിച്ച സമിതി- കർഷക ചർച്ച മറ്റന്നാൾ

ഫയൽ ചിത്രം

ന്യൂഡൽഹി: സുപ്രീം കോടതി നിയോഗിച്ച സമിതി മറ്റന്നാൾ കർഷകരുമായി ചർച്ച നടത്തുമെന്ന് കേന്ദ്രസർക്കാർ വൃത്തങ്ങൾ അറിയിച്ചു.

സുപ്രീം കോടതി കാർഷിക നിയമം താത്കാലികമായി മരവിപ്പിച്ചതിന് ശേഷമുള്ള ചർച്ചയിൽ കർഷക സംഘടനകൾ വലിയ പ്രതീക്ഷ പുലർത്തുന്നുണ്ട് എന്നാണ് റിപോർട്ടുകൾ.ഇതുസംബന്ധിച്ച കേന്ദ്ര കൃഷി മന്ത്രിയുടെ പ്രസ്താവനയും കഴിഞ്ഞ ദിവസം ഉണ്ടായിരുന്നു.ഒരു വിഭാഗം കർഷക സംഘടനകൾ കാർഷിക നിയമങ്ങളെ അനുകൂലിക്കുന്നു എന്നായിരുന്നു കേന്ദ്ര കൃഷി മന്ത്രി നരേന്ദ്ര സിങ് തോമറിന്റെ പ്രസ്താവന.

സുപ്രീം കോടതി ഇടപെട്ട സ്ഥിതിക്ക് തല്ക്കാലം നിയമം നടപ്പാക്കാനാവില്ല.അതുകൊണ്ട്തന്നെ അടുത്ത ദിവസം നടക്കുന്ന ചർച്ചയിൽ നിയമത്തിലെ ഓരോ വകുപ്പും ചർച്ച ചെയ്യപ്പെടുമെന്നാണ് കരുതുന്നത്.നിയമങ്ങൾ ഒഴിവാക്കുക എന്നതൊഴിച്ചുള്ള നിർദേശം കർഷകരുടെ ഭാഗത്തുനിന്ന് വരും എന്നാണ് പ്രതീക്ഷിക്കുന്നത്.
മണ്ഢികൾ, വ്യാപാരികളുടെ റജിസ്ട്രേഷൻ തുടങ്ങിയ വിഷയങ്ങളിലെ കർഷകരുടെ ആശങ്കകൾ പരിഹരിക്കാൻ സർക്കാർ തയ്യാറാണ്.കാർഷികാവശിഷ്ടം കത്തിക്കുന്നതുമായി ബന്ധപ്പെട്ട വിഷയവും ചർച്ച ചെയ്യാമെന്ന് കർഷകരെ അറിയിച്ചിട്ടുണ്ടെന്ന് കൃഷി മന്ത്രി പറഞ്ഞിരുന്നു.

രണ്ട് വാക്‌സിനുകൾ ഏറ്റവും കുറഞ്ഞ സമയത്തിനുള്ളിൽ ഇന്ത്യ തയ്യാറാക്കി :പ്രധാനമന്ത്രി

ന്യൂഡൽഹി: ഒരു വാക്‌സിൻ വികസിപ്പിക്കാൻ തന്നെ വർഷങ്ങൾ എടുക്കുന്ന സാഹചര്യത്തിൽ മഹാമാരിക്കെതിരെ ഇന്ത്യ രണ്ട് 'മെയ്ഡ് ഇൻ ഇന്ത്യ' വാക്‌സിനുകൾ തയ്യാറാക്കികഴിഞ്ഞെന്ന് പ്രധാനമന്ത്രി വികാരാധീനനായി രാജ്യത്തോടായി പറഞ്ഞു.

രാജ്യവ്യാപകമായുള്ള കോവിഡ് വാക്‌സിനേഷൻ ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം.
വേറെയും കോവിഡ് വാക്‌സിനേഷൻ വികസിപ്പിക്കുന്ന തയ്യാറെടുപ്പിലാണ് രാജ്യം.

വാക്‌സിനേഷന്റെ രണ്ടു ഡോസുകളും വളരെ പ്രധാനപ്പെട്ടതാണെന്ന് പ്രധാനമന്ത്രി ഓർമ്മിപ്പിച്ചു.ഒരു മാസത്തെ ഇടവേളയിലാണ് വാക്‌സിൻ സ്വീകരിക്കേണ്ടത്. വാക്‌സിൻ സ്വീകരിച്ചാലും കോവിഡ് മാനദണ്ഡങ്ങൾ പാലിക്കണം.മാസ്ക് ധരിക്കലും സാമൂഹ്യ അകലം പാലിക്കലുമൊക്കെ പിന്തുടരണം.രണ്ടാമത്തെ ഡോസ് സ്വീകരിച്ചാൽ മാത്രമേ ശരീരത്തിൽ പ്രതിരോധ ശേഷി രൂപപ്പെടുകയുള്ളുവെന്ന് പ്രധാനമന്ത്രി പറഞ്ഞു.
ലോക ചരിത്രത്തിൽ ഇത്രയും വലിയ ഒരു വാക്‌സിനേഷൻ ദൗത്യം ഇതുവരെ ഉണ്ടായിട്ടില്ല.മൂന്ന് കോടിയിൽ താഴെ ജനസംഖ്യയുള്ള നൂറിലധികം രാജ്യങ്ങളുണ്ട്.എന്നാൽ ഇന്ത്യമഹാരാജ്യം ആദ്യഘട്ടത്തിൽ മാത്രം മൂന്ന് കോടി ജനങ്ങൾക്ക് വാക്‌സിനേഷൻ നൽകുക എന്ന ദൗത്യം ഏറ്റെടുക്കുകയാണ്.രണ്ടാം ഘട്ടത്തിൽ ഇത് 30 കോടി ആക്കേണ്ടതുണ്ട്.
സിറം ഇൻസ്റ്റിറ്റ്യൂട്ടിന്റെ കോവി ഷീൽഡ് വാക്‌സിനും ഭാരത് ബയോ ടെക്കിന്റെ കോ വാക്‌സിൻ എന്നിവാക്‌സിനുകൾക്കാണ് രാജ്യത്ത് അടിയന്തിര ഉപയോഗത്തിനായി അനുമതി നൽകിയിട്ടുള്ളത്. ആരോഗ്യ പ്രവർത്തകർക്കാണ് ആദ്യ ഘട്ടത്തിൽ വാക്‌സിനേഷൻ നൽകുക.

ബജറ്റ് :ക്ഷേമത്തിനും തൊഴിലിനും ഊന്നൽ നൽകിയ പ്രഖ്യാപനങ്ങൾ

തിരുവനന്തപുരം:

ധനമന്ത്രി തോമസ് ഐസക്കിന്റെ മൂന്ന് മണിക്കൂറിലധികം നീണ്ട ബജറ്റ് പ്രസംഗം അവസാനിച്ചു. പാലക്കാട് കുഴൽമന്ദം ജി എച് എസ്സിലെ ഏഴാം ക്‌ളാസ് വിദ്യാർത്ഥിനി സ്നേഹ എഴുതിയ കവിതയിലെ വരികൾ ചൊല്ലിയാണ് ധനമന്ത്രി തോമസ് ഐസക് ബജറ്റ് അവതരണം തുടങ്ങിയത്.ഇടുക്കി കണ്ണംപിടി ജി ടി എച് എസ് എസ്സിലെ കെ പി അമൽ എന്ന വിദ്യാർത്ഥിയുടെ കവിത ചൊല്ലി ധനമന്ത്രി ബജറ്റ് അവതരണം അവസാനിപ്പിച്ചു.

പിണറായി സർക്കാരിന്റെ ആറാം ബജറ്റ് കോവിഡാനന്തര കേരളത്തിന് ഉണർവേകുമെന്ന് ധനമന്ത്രി തോമസ് ഐസക് ബജറ്റ് അവതരണത്തിന് മുൻപ് മാധ്യമങ്ങളോട് പറഞ്ഞു.
സാമ്പത്തിക വളർച്ചയും സാമൂഹിക നീതിയും ഉറപ്പാക്കുന്നതായിരിക്കും ഈ സർക്കാരിന്റെ കാലത്തെ അവസാന ബജറ്റെന്നും ധനമന്ത്രി പറഞ്ഞു.നിരവധി ക്ഷേമ പദ്ധതികൾ പ്രഖ്യാപിച്ചിട്ടുണ്ട്. തിരഞ്ഞെടുപ്പ് കാലത്തേ കയ്യടി നേടാൻ മാത്രമായുള്ള ബജറ്റായിരിക്കില്ല,പകരം പാവപ്പെട്ടവരുടെ ക്ഷേമം വർധിപ്പിക്കാനുള്ള നടപടികൾക്കൊപ്പം ദീർഘകാലത്തേക്ക് കേരളത്തെ പരിവർത്തനം ചെയ്യുന്നതിന് അടിസ്ഥാനപരമായ നിർദേശങ്ങൾ മുന്നോട്ട് വെക്കുമെന്ന് മന്ത്രി ബജറ്റ് അവതരണത്തിന് മുൻപേ പ്രഖ്യാപിച്ചിരുന്നു.വിമർശകർക്ക് വലിയ അവസരങ്ങൾ നൽകാതെയാണ് ധനമന്ത്രിയുടെ ബജറ്റ് പ്രഖ്യാപനങ്ങൾ എന്നാണ് പൊതുവായ വിലയിരുത്തൽ.

സംസ്ഥാനത്തെ എല്ലാ വീടുകളിലും ഒരു ലാപ്ടോപ്പ് എങ്കിലും ഉറപ്പ് വരുത്താനുള്ള പദ്ധതി ധനമന്ത്രി തോമസ് ഐസക് ബജറ്റിൽ പ്രഖ്യാപിച്ചു.

സർക്കാർ പ്രഖ്യാപിച്ച ആദ്യ നൂറുദിന കർമ്മപദ്ധതി വിപുലീകരിച്ച് ഉദാരമാക്കും.പട്ടിക ജാതി,പട്ടിക വർഗ്ഗ, മത്സ്യത്തൊഴിലാളി വിഭാഗങ്ങൾ, അന്ത്യോദയ വീടുകൾ എന്നിവിടങ്ങളിൽ പഠിക്കുന്ന കുട്ടികൾക്ക് പകുതി വിലയിൽ ലാപ്ടോപ്പ് നൽകും.

ബി പി എൽ വിഭാഗങ്ങൾക് 25 ശതമാനം സബ്‌സിഡി അനുവദിക്കും. ഇതിനായുള്ള ചിലവ് ബന്ധപ്പെട്ട വകുപ്പുണ് തദ്ദേശ സ്ഥാപനങ്ങളും വഹിക്കും.
സബ്‌സിസി കഴിഞ്ഞുള്ള ബാക്കി തുക 3 വർഷം കൊണ്ട് കെ എഎസ് എഫ് ഇ വഴി തിരിച്ചടച്ചാൽ മതി. കുടുംബശ്രീ വഴി മൈക്രോ ചിട്ടിയിൽ ചേർന്നവർക്ക് മാർച്ച്-ഏപ്രിൽ മാസങ്ങളിൽ ലാപ്ടോപ്പ് ലഭ്യമാക്കും.

സംസ്ഥാന ബജറ്റിൽ സാംസകാരിക മേഖലയിൽ പദ്ധതികൾ പ്രഖ്യാപിച്ച് ധനമന്ത്രി തോമസ് ഐസക്.
അന്തരിച്ച കവയിത്രി സുഗതകുമാരിയുടെ ആറന്മുളയിലെ തറവാട് വീട് സംരക്ഷിത സ്മാരകമാക്കുമെന്ന് ധനമന്ത്രി പറഞ്ഞു.മലയാള കവിതയുടെ ദൃശ്യ, ശ്രാവ്യ ശേഖരവും മ്യൂസിയവും സുഗതകുമാരിയുടെ തറവാട് വീട്ടിൽ സ്ഥാപിക്കും.

എം പി വീരേന്ദ്രകുമാറിന് കോഴിക്കോട്ട് സ്മാരകം പണിയും.ഇതിനായി 5 കോടി രൂപ വകയിരുത്തി.മലയാളം മിഷന് 4 കോടി രൂപയും വകയിരുത്തി.കൂടാതെ വനിതാ സിനിമ സംവിധായകരുടെ പ്രോത്സാഹനത്തിനായി 3 കോടി രൂപയും വകയിരുത്തി.അമേച്ചർ നാടകങ്ങളെ പ്രോത്സാഹിപ്പിക്കാനായി 3 കോടി രൂപയും പ്രൊഫഷണൽ നാടക മേഖലക്ക് 2 കോടി രൂപയും വകയിരുത്തി.

എല്ലാ മേഖലയെയും സ്പർശിച്ചുകൊണ്ടുള്ള, ക്ഷേമത്തിനും തൊഴിലിനും ഊന്നൽ നൽകിയുള്ള ബജറ്റ് പ്രഖ്യാപനങ്ങൾ സമ്മിശ്ര പ്രതികരണങ്ങളാണ് രാഷ്ട്രീയ കേരളത്തിൽ സൃഷ്ടിച്ചതെങ്കിലും രാഷ്ട്രീയത്തിനതീതമായി പൊതുവായ പ്ലാറ്റ്‌ഫോമിൽ മികച്ച പ്രതികരണമാണ് ഉണ്ടാക്കുക എന്ന് വിലയിരുത്തപ്പെടുന്നു.

രാജ്യം കാത്തിരുന്ന സുദിനം… കോവിഡ് വാക്‌സിനേഷൻ പദ്ധതി പ്രധാനമന്ത്രി നാളെ ഉത്ഘാടനം ചെയ്യും

ന്യൂഡൽഹി: രാജ്യത്തെ കോവിഡ് വാക്‌സിനേഷൻ പദ്ധതി പ്രധാനമന്ത്രി നരേന്ദ്ര മോഡി ശനിയാഴ്ച ഉൽഘാടനം ചെയ്യും.

ലോകത്തിലെ ഏറ്റവും വലിയ വാക്‌സിനേഷൻ പദ്ധതിയാണ് ഇന്ത്യയിലേതെന്ന് ആരോഗ്യമന്ത്രാലയം അറിയിച്ചു.
വാക്‌സിനേഷൻ റജിസ്ട്രേഷൻ ആവശ്യങ്ങൾക്കും മറ്റുമായി കേന്ദ്രസർക്കാർ പുറത്തിറക്കിയ കോ-വിൻ മൊബൈൽ ആപ്പ്ളിക്കേഷനും പ്രധാനമന്ത്രി വാക്‌സിനേഷൻ ഉൽഘാടനത്തോടനുബന്ധിച്ച് ഓൺലൈനായി നിർവഹിക്കും.
നിലവിൽ രണ്ട് കോവിഡ് വാക്‌സിനുകൾക്ക് രാജ്യത്ത് അനുമതി നൽകിയിട്ടുണ്ട്.ഭാരത് ബയോ ടെക്കിന്റെ കോ വാക്‌സിനും സിറം ഇൻസ്റ്റിട്യൂട്ടിന്റെ കോവിഷിൽഡുമാണ് ഇത്.
മൂന്ന് കോടിയോളം വരുന്ന കോവിഡ് മുന്നണിപോരാളികൾക് ആദ്യഘട്ടത്തിൽ വാക്‌സിനേഷൻ നടത്തും.തുടർന്ന് 50 വയസ്സിന് മുകളിലുള്ളവർക്കും അതിന് ശേഷം 50 വയസ്സിന് താഴെയുള്ള ആരോഗ്യ പ്രശ്നങ്ങൾ ഉള്ളവർക്കുമായി നൽകും.

കാർഷിക നിയമഭദഗതിക്ക് സുപ്രീം കോടതി സ്റ്റേ: സഹകരിക്കില്ലെന്ന് സമരക്കാർ

ന്യൂഡൽഹി: വിവാദങ്ങൾ സൃഷ്‌ടിച്ച കാർഷിക നിയമ ഭേദഗതി സുപ്രീം കോടതി സ്റ്റേ ചെയ്തു.നിയമം നടപ്പാക്കുന്നത് സ്റ്റേ ചെയ്യാനും കാർഷിക നിയമങ്ങളെ കുറിച്ച് പഠിക്കാൻ സമിതി രൂപീകരിക്കാനും കോടതി വിധിച്ചു.

കാർഷിക നിയമ ഭേദഗതി തല്ക്കാലം നടപ്പാക്കരുതെന്ന് സുപ്രീം കോടതി സർക്കാരിനെ അറിയിച്ചു.
പാർലമെന്റ് പാസ്സാക്കിയ നിയമങ്ങൾ മരവിപ്പിച്ച് നിർത്തുമ്പോൾ ആരുടെയും വിജയമോ പരാജയമോ ആയി കാണേണ്ടതില്ലെന്നും സുപ്രീം കോടതി പറഞ്ഞു.പുതുതായി രൂപീകരിക്കുന്ന സമിതി വിഷയം സംബന്ധിച്ച് വിശദമായ പഠനം നടത്തണം.

സർക്കാരുമായും കർഷകരുമായും വിശദമായ ചർച്ചകൾ നടത്തണം.അശോക് ഗുലാത്തി,ഹർസിമ്രത് മാൻ,ഡോ പ്രമോദ് കുമാർ ജോഷി,അനിൽ ധൻവാത് തുടങ്ങിയവരാണ് സമിതി അംഗങ്ങൾ.

സമരം രാംലീല മൈതാനത്തേക്ക് മാറ്റുന്നതടക്കമുള്ള കാര്യങ്ങളിലുള്ള നിർദേശങ്ങൾ വിധിയിൽ ഉണ്ടെന്നാണറിയുന്നത്.
എന്നാൽ സ്റ്റേ സംബന്ധിച്ച വിശദാംശങ്ങൾ വന്നാൽ മാത്രമേ പ്രതികരിക്കാൻ കഴിയു എന്നാണ് കർഷക സംഘടനകളുടെ നേതാക്കൾ പറയുന്നത്.പൂർണമായും നിയമത്തെ എടുത്തു കളയാതെ കേവലമായ സ്റ്റേയിൽ തങ്ങൾ തൃപ്തരല്ല എന്ന സൂചനകളാണ് പുറത്തുവരുന്നത്.

ലൈഫിൽ സർക്കാരിന് തിരിച്ചടി:സിബിഐ അന്വേഷണം തുടരാമെന്ന് ഹൈക്കോടതി

കൊച്ചി: വടക്കാഞ്ചേരി ലൈഫ് മിഷൻ കേസിൽ സംസ്ഥാന സർക്കാരിന് തിരിച്ചടിയുമായി ഹൈക്കോടതി വിധി .കേസിൽ സിബിഐ അന്വേഷണം തുടരാമെന്ന് ഹൈക്കോടതി പറഞ്ഞു.
സിബിഐ എഫ് ഐ ആർ റദ്ദാക്കണമെന്ന ആവശ്യം തള്ളിയ കോടതി കേസിൽ കക്ഷി ചേരാനുള്ള സർക്കാരിന്റെ ഹർജിയും തള്ളി.
സിബിഐ എഫ് ഐ ആർ റദ്ദാക്കണമെന്നാവശ്യപ്പെട്ട് യൂണിടാക്ക് ഉടമ സന്തോഷ് ഈപ്പനും സംസ്ഥാന സർക്കാരുമാണ് ഹൈക്കോടതിയെ സമീപിച്ചത്.

ജസ്റ്റിസ് പി സോമരാജനാണ് വിധി പ്രസ്താവിച്ചത്.പദ്ധതിയുടെ നടപടി ക്രമങ്ങളിൽ പ്രഥമദൃഷ്ട്യാ പിഴവുണ്ടെന്ന് ഹൈക്കോടതി കണ്ടെത്തി.
കേസിന്റെ ആദ്യഘട്ടത്തിൽ സിബിഐ അന്വേഷണം രണ്ട് മാസത്തേക്ക് സ്റ്റേ ചെയ്തിരുന്നു. കാര്യങ്ങൾ മുന്നോട്ട് പോകാമെന്നാ യിരുന്നു അപ്പോൾ കോടതി പറഞ്ഞത്. എന്നാൽ സിബിഐ നൽകിയ അപ്പീലിൽ സ്റ്റേ അന്വേഷണത്തെ ബാധിക്കുമെന്ന സുപ്രധാനമായ വാദം അംഗീകരിച്ചാണ് ഇന്നത്തെ വിധി.
വടക്കാഞ്ചേരി ലൈഫ് മിഷൻ പദ്ധതിയുമായി ബന്ധപ്പെട്ട സിബിഐ രജിസ്റ്റർ ചെയ്ത എഫ് ഐ ആർ റദ്ദാക്കാനാവശ്യപ്പെട്ട് ലൈഫ് മിഷൻ സി ഇ ഒ യു വി ജോസാണ് ഹർജി നൽകിയത്.

കാർഷിക നിയമം മരവിപ്പിച്ചില്ലെങ്കിൽ ഇടപെടുമെന്ന് സുപ്രീം കോടതി

ന്യൂഡൽഹി : കാർഷിക നിയമ വിഷയത്തിൽ സുപ്രീം കോടതിയുടെ ഇടപെടൽ. കർഷക സമരത്തെ സർക്കാർ നേരിട്ട നടപടിയിൽ കടുത്ത അതൃപ്തി രേഖപ്പെടുത്തിയ സുപ്രീം കോടതി കാർഷിക നിയമങ്ങൾ തല്ക്കാലം നടപ്പിലാക്കരുതെന്ന നിരീക്ഷണം നടത്തി.

കാർഷിക നിയമങ്ങൾക്കെതിരെ സമർപ്പിക്കപ്പെട്ട ഹർജികൾ പരിഗണിക്കവെ ചീഫ് ജസ്റ്റിസ് എസ് എ ബോബ്‌ഡെയുടെതാണ് നിരീക്ഷണം.
കാർഷിക നിയമങ്ങൾ റദ്ദാക്കണമെന്നും അല്ലെങ്കിൽ കോടതി സ്റ്റേ ചെയ്യുമെന്നും കോടതി വാക്കാൽ പറഞ്ഞു.
കേന്ദ്രസർക്കാരിനെ രൂക്ഷമായ ഭാഷയിൽ വിമർശിച്ച സുപ്രീം കോടതി,ആവശ്യമായ കൂടിയാലോചനകൾ ഇല്ലാതെ നടപ്പാക്കിയതാണ് കാർഷിക നിയമം എന്നും അതാണ് സമരത്തിലേക്ക് നയിച്ചതെന്നും പറഞ്ഞു. കോടതിയിൽ വാദം ഇപ്പോഴും തുടരുകയാണ്.

കർഷക പ്രക്ഷോഭകർ വേദി അടിച്ചു തകർത്തു,സംഘർഷം മുഖ്യമന്ത്രിയുടെ പരിപാടി റദ്ദാക്കി

ഹരിയാന മുഖ്യമന്ത്രി പ്രസംഗിക്കാനിരുന്ന വേദി തകർത്ത നിലയിൽ

ചണ്ഡീഗഡ്: കർഷക സമരത്തിന്റെ പേരിൽ സംഘർഷം.ഹരിയാന മുഖ്യമന്ത്രി മനോഹർ ലാൽ ഖട്ടർ പ്രസംഗിക്കാനിരുന്ന വേദി കർഷക സമരത്തെ അനുകൂലിക്കുന്ന ഒരു വിഭാഗം ആളുകൾ അടിച്ചു തകർത്തു.
കാർഷിക നിയമങ്ങളുടെ ഗുണങ്ങളെക്കുറിച്ച് കർഷകരുമായി സംവദിക്കാനാണ് മഹാ കിസാൻ പഞ്ചായത്ത് നടത്താൻ തീരുമാനിച്ചത്.കർണലിന് സമീപത്തെ കെംല ഗ്രാമത്തിലായിരുന്നു പരിപാടിയുടെ വേദി.ഇവിടേക്ക് കടക്കാനുള്ള സമരാനുകൂലികളുടെ ശ്രമത്തെ പോലീസ് തടഞ്ഞിരുന്നു.
എന്നാൽ അതിക്രമിച്ചു കയറിയ സമരാനുകൂലികൾ വേദി അടിച്ചു തകർക്കുകയായിരുന്നു.കർഷക നിയമങ്ങളെ അനുകൂലിക്കുന്ന കര്ഷകരുമായും പ്രതിഷേധക്കാർ ഏറ്റുമുട്ടി.സ്ഥലത്ത് ഇപ്പോഴും സംഘർഷാവസ്ഥ നിലനിൽക്കുന്നു. പരിപാടി പിന്നീട് റദ്ദാക്കി
പ്രശ്ന സാധ്യത കണക്കിലെടുത്ത് വൻ പോലീസ് സന്നാഹത്തെ വിന്യസിച്ചിരുന്നു.നൂറോളം കർഷകരാണ് സ്ഥലത്തേക്ക് പ്രതിഷേധവുമായി എത്തിയത്.

ജനുവരി 16 മുതൽ രാജ്യത്ത് കോവിഡ് വാക്‌സിൻ വിതരണം

ന്യൂഡൽഹി: രാജ്യത്ത് ജനുവരി 16 മുതൽ കോവിഡ് വാക്‌സിൻ വിതരണം ചെയ്യും.ആദ്യഘട്ടത്തിൽ 3 കോടി ജനങ്ങൾക്ക് വാക്‌സിൻ വിതരണം ചെയ്യുമെന്ന് കേന്ദ്ര ആരോഗ്യ മന്ത്രാലയം അറിയിച്ചു.

കോവിഡ് മുന്നണി പോരാളികൾക്കാകും പ്രഥമ പരിഗണന ലഭിക്കുക.
തുടർന്ന് 50 വയസ്സിന് മുകളിൽ പ്രായമുള്ളവർക്കും അതിനെ ശേഷം 50 വയസ്സിൽ താഴെയുള്ള അസുഖ ബാധിതർക്കും മരുന്ന് ലഭ്യമാക്കും.ഈ ഘട്ടത്തിൽ 27 കോടിയോളം ആളുകളിലേക്ക് വാക്‌സിൻ എത്തിക്കും.

പ്രധാനമന്ത്രി പങ്കെടുത്ത ഉന്നതതല യോഗത്തിൽ
കോവിഡ് വ്യാപനം മുതൽ വാക്‌സിൻ വിതരണം വരെ അവലോകനം ചെയ്തു.ഈ യോഗത്തിലാണ് വാക്‌സിൻ വിതരണത്തിനായുള്ള തരുമാനമെടുത്തത് .
ആരോഗ്യ സെക്രട്ടറി, പ്രധാനമന്ത്രിയുടെ പ്രിൻസിപ്പൽ സെക്രട്ടറി,ക്യാബിനറ്റ് സെക്രട്ടറി എന്നിവർ യോഗത്തിൽ പങ്കെടുത്തു.
പുണെ സെറം ഇൻസ്റ്റിറ്റ്യൂട്ട് നിർമിക്കുന്ന കോവി ഷിൽഡ്,ഭാരത് ബയോ ടെക്കിന്റെ കോ വാക്‌സിൻ എന്നിവയ്ക്കാണ് അടിയന്തിര ഉപയോഗത്തിനായി രാജ്യത്ത് അനുമതി നൽകിയത്.

വാക്‌സിനേഷൻ നടത്തിപ്പിനായി രാജ്യത്തുടനീളം ഡ്രൈ റണ്ണുകൾ സംഘടിപ്പിച്ചിരുന്നു.

വി എസ് ഭരണപരിഷ്കാര കമ്മീഷൻ അധ്യക്ഷ സ്ഥാനം ഒഴിയുന്നു

തിരുവനതപുരം: വി എസ് അച്യുതാനന്ദൻ ഭരണ പരിഷ്കാര കമ്മീഷൻ അധ്യക്ഷസ്ഥാനം സ്ഥാനം ഒഴിയുന്നു.ഇതിന്റെ ഭാഗമായി അദ്ദേഹം കവടിയാറിലെ ഔദ്യോഗിക വസതി ഒഴിഞ്ഞു.

വി എസ് ബാർട്ടൺഹില്ലിലെ സ്വന്തം വസതിയിലേക്ക് താമസം മാറി.
പ്രായാധിക്യവും ചെറിയ ആരോഗ്യ പ്രശ്നങ്ങളുമാണ് വി എസ് സ്ഥാനമൊഴിയാൻ കാരണമെന്ന് വിലയിരുത്തപ്പെടുന്നു.കഴിഞ്ഞ തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിൽ ആരോഗ്യ കാരണങ്ങളാൽ വി എസ്സിന് വോട്ട് രേഖപ്പെടുത്താൻ പറ്റിയിരുന്നില്ല.

കോവിഡ് പശ്ചാത്തലത്തിൽ തിരുവനന്തപുരത്തുനിന്നും ആലപ്പുഴയിലേക്കുള്ള യാത്ര ഒഴിവാക്കാൻ വേണ്ടിയായിരുന്നു ഇത്.
സംസ്ഥാന സർക്കാരിന്റെ ഭരണ പരിഷ്കാര കമ്മീഷൻ അധ്യക്ഷൻ എന്ന നിലയിൽ വിവിധ വിഷയങ്ങളുമായി ബന്ധപ്പെട്ട ആറോളം റിപ്പോർട്ടുകൾ കമ്മീഷൻ സർക്കാരിന് സമർപ്പിച്ചിട്ടുണ്ട്.

ഏതാണ്ട് അത്രതന്നെ ഭരണ പരിഷ്കാര റിപ്പോർട്ടുകൾ തയ്യാറാക്കി ക്കൊണ്ടിരിക്കയാണ് വി എസ് സ്ഥാനമൊഴിയുന്നത്. 2016 ലാണ് അദ്ദേഹം ഭരണ പരിഷ്കാര കമ്മീഷൻ അധ്യക്ഷ സ്ഥാനം ഏറ്റെടുത്തത്.

കാർഷിക നിയമങ്ങളെയും കേന്ദ്ര ഏജൻസികളെയും വിമർശിച്ച് ഗവർണർ: നയപ്രഖ്യാപനം ബഹിഷ്കരിച്ച് പ്രതിപക്ഷം

തിരുവനന്തപുരം: കാർഷിക നിയമങ്ങളെയും കേന്ദ്ര ഏജൻസികളെയും വിമർശിച്ചും സംസ്ഥാന സർക്കാരിന്റെ നേട്ടങ്ങൾ ഓരോന്നായി എണ്ണിപ്പറഞ്ഞും പതിനാലാം നിയമസഭയുടെ ഇരുപത്തിരണ്ടാം സമ്മേളനത്തിൽ ഗവർണർ ആരിഫ് മുഹമ്മദ് ഖാൻ.സർക്കാരിനെതിരെ വൻ പ്രതിഷേധമുയർത്തിയ പ്രതിപക്ഷം സഭ ബഹിഷ്കരിച്ചു.
സംസ്ഥാന സർക്കാരിന്റെ നേട്ടങ്ങളെ ഒന്നൊഴിവാക്കാതെ പുകഴ്ത്തിയും എന്നാൽ കേന്ദ്രത്തിന്റെ വിമർശിക്കുന്ന ഭാഗങ്ങൾ ഒഴിവാക്കാതെയുമുള്ള ഗവർണ്ണറുടെ നയ പ്രഖ്യാപന പ്രസംഗം ശ്രദ്ധേയമായി.
സഭ ആരംഭിക്കുന്നത് മുതൽ പ്രതിപക്ഷം പ്രതിഷേധവുമായി രംഗത്തുണ്ടായിരുന്നു. ഗവർണറുടെ പ്രസംഗം ആരംഭിക്കുമ്പോഴും മുദ്രാവാക്യം വിളികളുമായെത്തിയ പ്രതിപക്ഷത്തോട് തന്റെ ജോലി തടസ്സപ്പെടുത്തരുതെന്ന അൽപം നീരസത്തോടെയുള്ള സംഭാഷണത്തോ ടെയായിരുന്നു ഗവർണറുടെ തുടക്കം.

പ്ലക്കാർഡുകളും ബാനറുകളുമായെത്തിയ പ്രതിപക്ഷം മുദ്രാവാക്യം വിളി തുടർന്നു.തുടർന്ന് സഭയിൽ നിന്നിനിറങ്ങിപ്പോയ പ്രതിപക്ഷം സഭ കവാടത്തിൽ കുത്തിയിരുന്നു.പ്രതിപക്ഷത്തിന് പിന്നാലെ പിസി ജോർജും സഭയിൽനിന്നിറങ്ങിപോയി. ബിജെപി അംഗം ഒ രാജഗോപാൽ സഭയിൽത്തന്നെ തുടർന്നു.

പ്രത്യേക നിയമസഭാ സമ്മേളനത്തിന് അനുമതി നിഷേധിച്ചത് മുതൽ സംസഥാന സർക്കാരും ഗവർണ്ണറുമുണ്ടായിരുന്ന ശീതസമരത്തിന്റെ മഞ്ഞുരുകുന്ന കാഴ്ചയാണ് ഇന്നത്തെ നിയമസഭാസമ്മേളനത്തിലെ നയപ്രഖ്യാപന പ്രസംഗത്തിലുടനീളം കണ്ടത്.

ഐ എസ് ബന്ധം: യു എ ഇ നാടുകടത്തിയ മലയാളികളെ ദേശീയ അന്വേഷണ ഏജൻസി ചോദ്യം ചെയ്തു

കാസർഗോഡ്: യു എ ഇ നാടുകടത്തിയ ഏഴ് മലയാളികളെ ഐ എസ് ബന്ധം ആരോപിച്ച് എൻ ഐ എ ചോദ്യംചെയ്തു.
കാസർഗോഡ്,തൃക്കരിപ്പൂർ,പടന്ന സ്വദേശികളായവരെയാണ് കൊച്ചി ഓഫീസിൽ വിളിച്ചുവരുത്തി ചോദ്യം ചെയ്തത്.

ഐ എസ്സിൽ ചേർന്ന കാസർഗോഡ് സ്വദേശികളുമായ ബന്ധമുണ്ടെന്ന ആരോപണത്തെത്തുടർന്ന് യു എ ഇ യിൽ അറസ്റ്റ് ചെയ്യപ്പെട്ടവരാണ് ഇവർ.ഇവരുടെ പാസ്പോർട്ട് അടക്കമുള്ള സുപ്രധാന രേഖകൾ എൻ ഐ എ പിടിച്ചെടുത്തിട്ടുണ്ട്.
സംഭവത്തിന്റെപേരിൽ യു എ ഇ യിൽ ജയിൽശിക്ഷ അനുഭവിച്ച ഇവരെ പിന്നീട് നാടുകടത്തിയിരുന്നു.തുടർന്ന് പോലീസും ഇന്റലിജൻസും ശേഖരിച്ച വിവരങ്ങളുടെ അടിസ്ഥാനത്തിലാണ് എൻ ഐ എ ചോദ്യം ചെയ്യൽ.

രാജ്യം സജ്ജം:കോവിഡ് വാക്‌സിൻ പത്ത് ദിവസത്തിനകം സംസ്ഥാനങ്ങളിൽ എത്തിക്കും

സ്വന്തം ലേഖകൻ
ന്യൂഡൽഹി: കോവിഡ് കുത്തിവെപ്പിന് രാജ്യം സജ്ജമായി.പത്ത് ദിവസങ്ങൾക്കുള്ളിൽ സംസ്ഥാനങ്ങളിൽ എത്തിക്കുമെന്ന് കേന്ദ്ര ആരോഗ്യമന്ത്രാലയം അറിയിച്ചു.

എന്നാൽ വാക്‌സിൻ കുത്തിവെപ്പ് എന്ന് തുടങ്ങുമെന്ന കൃത്യമായ തിയ്യതിയും മറ്റും ഔദ്യോഗിക പ്രഖ്യാപനമായി കേന്ദ്രസർക്കാർ പിന്നീട് നടത്തുമെന്ന് കേ ന്ദ്ര ആരോഗ്യ സെക്രട്ടറി രാജേഷ് ഭൂഷൺ മാധ്യമങ്ങളെ അറിയിച്ചു.
28000 കോൾഡ് സ്റ്റോറേജുകൾ വാക്‌സിൻ സംഭരിച്ച് സൂക്ഷിക്കാനായി തയ്യാറാക്കിവെച്ചിട്ടുണ്ട്.കർണാൽ,ചെന്നൈ,മുംബൈ,കൊൽക്കത്ത എന്നീ കേന്ദ്രങ്ങളിൽഎത്തിക്കുന്ന വാക്‌സിൻ പിന്നീട് 37 കേന്ദ്രങ്ങളിലേക്ക് എത്തിക്കും
വാക്‌സിൻ സ്വീകരിക്കേണ്ടവർക്ക് 'കോവിൻ' ആപ്പിൽ രജിസ്റ്റർ ചെയ്യാനുള്ള നടപടികൾ ഉടൻ തുടങ്ങും.ആരോഗ്യപ്രവർത്തകർ മുതൽ സൈനികർവരെയുള്ള കോവിഡ് പ്രതിരോധ പ്രവർത്തനങ്ങളിൽ മുൻനിരയിലുള്ളവർ ആപ്പ്ളിക്കേഷനിൽ രജിസ്റ്റർ ചെയ്യേണ്ടതില്ല എന്നും ആരോഗ്യമന്ത്രാലയം വ്യക്തമാക്കി.ഇത് സംബന്ധിച്ചുള്ള മുഴുവൻ വിവരങ്ങളും കേന്ദ്രസർക്കാരിന്റെ കയ്യിലുണ്ട്
അടിയന്തിര ഉപയോഗത്തിനായുള്ള രണ്ട് വാക്‌സിനുകളും പൂർണ്ണ സുരക്ഷിതമാണെന്ന് ഐ സി എം ആർ ഡയറക്ടർ ജനറൽ ബൽറാം ഭാർഗവ വാർത്താസമ്മേളനത്തിൽ അറിയിച്ചു.

https://twitter.com/ANI/status/1346422384065089537

നാല് കോവിഡ് വാക്‌സിനുകൾ ലഭ്യമാക്കുന്ന ആദ്യ രാജ്യമാകും ഇന്ത്യ: പ്രകാശ് ജാവദേക്കർ

ന്യൂഡൽഹി: ലോകത്തെ വിറങ്ങലിപ്പിച്ച കോവിഡ് 19 നെതിരായി 4 വാക്‌സിനുകൾ ലഭ്യമാക്കുന്ന രാജ്യമാകും ഇന്ത്യയെന്ന് കേന്ദ്രമന്ത്രി പ്രകാശ് ജാവദേക്കർ പറഞ്ഞു.രാജ്യത്ത് വാക്‌സിൻ അനുമതിക്ക് മുമ്പുള്ള ഡ്രൈ റൺ നടക്കുന്ന സാഹചര്യത്തിലായിരുന്നു മന്ത്രിയുടെ പ്രതികരണം.
ബ്രിട്ടനിലും അമേരിക്കയിലും ഓരോ കമ്പനികളുടെ വാക്‌സിനുകൾ ആദ്യ ഘട്ടത്തിൽ ലഭ്യമാകുമ്പോൾ ഇന്ത്യയിൽ 3 വാക്‌സിനുകളുടെ അപേക്ഷ ലഭിച്ചു കഴിഞ്ഞു.മറ്റൊരു വാക്‌സിൻ നിർമ്മാതാക്കളുടെ അപേക്ഷ ഉടൻ ലഭിക്കും.അടിയന്തിര സാഹചര്യത്തിൽ ഉപയോഗിക്കാനായി ഒന്നിലധികം വാക്‌സിനുകൾ ലഭ്യമാക്കുന്ന രാജ്യമായി ഇന്ത്യ മാറും.
ഓക്സ്ഫെഡും ആസ്ട്രനെക്കയും സെറം ഇൻസ്റ്റിട്യൂട്ടും ചേർന്ന് വികസിപ്പിക്കുന്ന കോവിഷീൽഡും,ഭാരത് ബയോടെക്കും ഐ സി എം ആറും ചേർന്ന് വികസിപ്പിക്കുന്ന കോവാക്‌സിൻ അടക്കം 6 വാക്‌സിനുകൾ നിലവിൽ ഇന്ത്യയിൽ വികസിപ്പിക്കുന്നുണ്ട്.

വാക്‌സിൻ വിരോധികളെ ബോധവൽക്കരിക്കാൻ കേന്ദ്ര കർമ്മ പദ്ധതി

ന്യൂഡൽഹി: പരമ്പരാഗത വാക്‌സിൻ-കുത്തിവെപ്പ് വിരോധികളെയും സ്ഥിരമായി എതിർക്കുകയും അതിനെതിരായി പ്രവർത്തിക്കുകയും ചെയ്യുന്ന വ്യക്തികളെയും സ്ഥാപിത താല്പര്യങ്ങളോടെ പ്രവർത്തിക്കുന്ന സ്ഥാപനങ്ങളെയും ബോധവൽ ക്കരിക്കാനായി കേന്ദ്രസർക്കാർ കർമ്മപദ്ധതി തയ്യാറായി.
മതമേലധ്യക്ഷന്മാർ മുതൽ പൊതുപ്രവർത്തകരും ആശാ വർക്കർമാർവരെയുള്ളതാണ് ബോധവൽക്കരണ സംഘം.

ഇതിനായി മത മേലധ്യക്ഷന്മാർക്ക് ശിൽപശാല നടത്തി ആവശ്യമായ ബോധവത്കരണം ആദ്യം നൽകും.വാക്‌സിനെതിരെ ഏതെങ്കിലും തരത്തിലുള്ള എതിർപ്പുകളോ വ്യാജ പ്രചാരണങ്ങളോ ഉണ്ടാവുകയാണെങ്കിൽ പ്രാദേശിക തലത്തിലുള്ള മത മേലധ്യക്ഷന്മാർക്കും ബോധവൽക്കരണ ക്‌ളാസുകൾ നടത്താൻ സംസ്ഥാന സർക്കാരിനെ ചുമതലപ്പെടുത്തിയിട്ടുണ്ട്. പൊതുപ്രവർത്തകർക്കൊപ്പം ഇവരുടെ പങ്കാളിത്തവും കൂടി ഉൾപ്പെടുത്താൻ ശ്രമിക്കണം.
വാക്‌സിനുകളോട് പരമ്പരാഗതമായി എതിർപ്പും എതിർ പ്രചരണങ്ങളും നടത്തുന്ന പ്രദേശങ്ങളെ കണ്ടെത്താനും സംസ്ഥാനങ്ങൾക്ക് നിർദേശമുണ്ട്.

ചുരുങ്ങിയ സമയത്തിനിനുള്ളിൽ അടിയന്തിര ഉപയോഗത്തിന് അനുമതി നല്കിയതിനാലുള്ള സ്വാഭാവിക സംശയങ്ങളും തീർക്കണം.കോവിഡ് വാക്‌സിൻ സംബന്ധിച്ച് ജനങ്ങൾക്കിടയിൽ ദൃഡ വിശ്വാസമുണ്ടാക്കാനുള്ള എല്ലാ നടപടികളും സംസ്ഥാന സർക്കാർ കൈക്കൊള്ളണം

ഇന്ത്യയിൽ അതി തീവ്ര കൊറോണ വൈറസ് വകഭേദം ബാധിച്ചവരുടെ എണ്ണം 29 ആയി

ന്യൂഡൽഹി: ബ്രിട്ടനിൽ കണ്ടെത്തിയ ജനിതക മാറ്റം സംഭവിച്ച അതി തീവ്ര കൊറോണ വൈറസ് വകഭേദം സംഭവിച്ചവരുടെ എണ്ണം ഇന്ത്യയിൽ 29ആയി. പുതിയ നാല് കേസുകൾകൂടി റിപ്പോർട്ട് ചെയ്യപ്പെട്ടതോടെയാണിത്.

കേന്ദ്ര ആരോഗ്യമന്ത്രാലയമാണ് ഏറ്റവും പുതിയ കണക്കുകൾ പുറത്തുവിട്ടത്.വൈറസ് വകഭേദം റിപ്പോർട്ട് ചെയ്തതിൽ 10 എണ്ണം ബംഗളൂരുവിലും 10 ഡൽഹിയിലും അഞ്ചെണ്ണം പുണെയിലും, മൂന്നെണ്ണം ഹൈദരാബാദിലും ഒന്ന് പശ്ചിമബംഗാളിലുമാണ്.
രോഗം സ്ഥിരീകരിച്ചതായി കണ്ടെത്തിയ 29 പേരെയും പ്രത്യേകം ഐസൊലേഷനിൽ പാർപ്പിച്ചിരിക്കയാണ്.വൈറസിന്റെ പുതിയ വകഭേദം കൂടുതൽ വ്യാപന ശേഷി ഉള്ളതാണെന്നാണ് കണ്ടെത്തൽ.

ഡെന്മാർക്ക്,നെതർലൻഡ്‌സ്‌,ഓസ്ട്രേലിയ,ഇറ്റലി,സ്വീഡൻ,ഫ്രാൻസ്,സ്പെയിൻ,സ്വിറ്റ്സർലൻഡ്,ജർമനി,കാനഡ,ജപ്പാൻ,ലബനൻ,സിംഗപ്പൂർ എന്നവിടങ്ങളിലും വൈറസിന്റെ പുതിയ വകഭേദം കണ്ടെത്തിയിട്ടുണ്ട്.

പുതുവത്സരാഘോഷങ്ങൾക്ക് കടുത്ത നിയന്ത്രണം: രാത്രി പത്ത് മണിവരെ മാത്രം

തിരുവനന്തപുരം:കോവിഡ് വ്യാപനം നിയന്ത്രണ വിധേയമാകാത്ത പശ്ചാത്തലത്തിൽ പുതുവത്സരാഘോഷങ്ങൾക്ക് നിയന്ത്രണമേർപ്പെടുത്താൻ തീരുമാനം.31 ന് രാത്രി കൂടുതൽ ആളെ പങ്കെടുപ്പിച്ചുകൊണ്ടുള്ള ആഘോഷങ്ങൾ പാടില്ല.എല്ലാ ആഘോഷങ്ങളും രാത്രി 10 ന്അവസാനിപ്പിക്കണം.
പരിമിതമായ ആഘോഷങ്ങൾ കോവിഡ് പ്രോട്ടോകോൾ പാലിച്ച് നടത്താം.മാസ്ക്,സാനിറ്റൈസർ എന്നിവ നിർബന്ധം.
കൊറോണ വൈറസിന്റെ ജനിതക വകഭേദം ഇന്ത്യയിലും കണ്ടെത്തിയ പശ്ചാത്തലത്തിൽ സംസ്ഥാനങ്ങളോട് നിയന്ത്രണങ്ങൾ ഏർപ്പെടുത്താൻ കേന്ദ്ര സർക്കാർ ആവശ്യപ്പെട്ടിരുന്നു.

ആവശ്യമെങ്കിൽ സംസ്ഥാനങ്ങൾക്ക് രാത്രികാല കർഫ്യൂ ഏർപ്പെടുത്താം.ഇന്ത്യയി ൽ കൊറോണ വൈറസ് വ്യാപനം കഴിഞ്ഞ മൂന്ന് മാസങ്ങളായി നിയന്ത്രണ വിധേയമാണെങ്കിലും യൂറോപ്പിലും അമേരിക്കയിലും മറ്റും വൈറസിന്റെ ജനിതക മാറ്റം കണ്ടെത്തിയ പശ്ചാത്തലത്തിലാണ് നടപടികൾ.

ശിവശങ്കറിന്റെ ജാമ്യാപേക്ഷ തള്ളി

കൊച്ചി : സ്വർണ്ണക്കടത്തുമായി ബന്ധപ്പെട്ട കസ്റ്റംസിന്റെ കേസിൽ എം ശിവശങ്കറിന്റെ ജാമ്യാപേക്ഷ എറണാകുളം സാമ്പത്തിക കുറ്റവിചാരണക്കോടതി തള്ളി.മുൻ പ്രിൻസിപ്പൽ സെക്രട്ടറി എം ശിവശങ്കറിന് കള്ളക്കടത്തിൽ സു പ്രധാന പങ്കുണ്ടെന്ന് കോടതി പറഞ്ഞു.
കോടതിയിൽ ശിവശങ്കറിന്റെ ജാമ്യാപേക്ഷയെ അതിശക്തമായി എതിർത്ത കസ്റ്റംസ്,മുതിർന്ന സിവിൽ സർവീസ് ഉദ്യോഗസ്ഥൻ എന്ന നിലയിൽ ശിവശങ്കർ പദവികൾ ദുരുപയോഗം ചെയ്തതായി വാദിച്ചു.നിയമവിരുദ്ധ പ്രവർത്തനങ്ങൾ നടക്കുന്നു എന്ന ശിവശങ്കർ സർക്കാർ ഏജൻസികളെ ഇക്കാര്യം അറിയിക്കാതിരുന്നത് ഗുരുതര കുറ്റമാണ്.
മുഖ്യമന്ത്രിയുടെ പ്രിൻസിപ്പൽ സെക്രട്ടറി എന്ന പദവിതന്നെ ദുരുപയോഗം ചെയ്തു.ഇത്തരത്തിലുള്ള ഒരാൾക്ക് ജാമ്യം നൽകിയാൽ തെളിവ് നശിപ്പിക്കാനും സാക്ഷികളെ സ്വാധീനിക്കാനും ഉന്നതതല ബന്ധം ഉപയോഗിക്കാനും സാധ്യതയുണ്ടെന്ന് കസ്റ്റംസ് കോടതിയിൽ പറഞ്ഞു.സ്വപ്ന,സരിത്ത്,സന്ദീപ് നായർ തുടങ്ങിയവരുടെ ജീവന് തന്നെ ഭീഷണിയായേക്കാം.ശിവശങ്കർ ഇപ്പോഴും അന്വേഷണവുമായി സഹകരിക്കുന്നില്ലെന്നും കസ്റ്റംസ് കോടതിയെ അറിയിച്ചു.

പോലീസിനെതിരെ നടപടി എടുക്കുമെന്ന കലക്ടറുടെ ഉറപ്പിൽ പ്രതിഷേധം അവസാനിപ്പിച്ചു: അമ്പിളിയുടെ മൃതദേഹം സംസ്കരിച്ചു

| നടപടിയെന്ന സ്ഥിരം പല്ലവിയിൽ അനാഥരായ കുഞ്ഞുങ്ങളെ കബളിപ്പിക്കാനാണ് പരിപാടിയെങ്കിൽ കടുത്ത നടപടികളിലേക്ക് നീങ്ങുമെന്ന് തടിച്ചുകൂടിയ നാട്ടുകാർ അറിയിച്ചു |

നെയ്യാറ്റിൻകര: നെയ്യാറ്റിൻകര സംഭവത്തിൽ പോലീസിനെതിരെ നടപടിയെടുക്കുമെന്ന ജില്ലാ കലക്ടറുടെ ഉറപ്പിൽ അമ്പിളിയുടെ മൃതദേഹം സംസ്കരിക്കാൻ മക്കളും വൻ പ്രതിഷേധമുയർത്തിയ നാട്ടുകാരും സമ്മതിച്ചു.ഇതോടെ നാട്ടുകാർ പ്രതിഷേധം അവസാനിപ്പിച്ച് അമ്പിളിയുടെ മൃതദേഹം വൻ ജനാവലിയുടെ സാന്നിധ്യത്തിൽ സംസ്ക്കരിച്ചു.
എന്നാൽ ഉന്നയിച്ച ആവശ്യങ്ങളിലുള്ള ഉറപ്പ് എഴുതി നൽകണമെന്ന ആവശ്യം നടന്നില്ല.കാര്യങ്ങൾ അന്വേഷിച്ച് തീരുമാനിക്കാം എന്ന ഒഴുക്കൻ നിലപാടിലാണ് ജില്ലാ കളക്ടർ മാധ്യമങ്ങളോട് സംസാരിച്ചത്.ജില്ലാ കളക്ടറുടെ വാക്കുകൾ വിശ്വസിക്കുന്നുവെന്ന് അനാഥരായി മാറിയ രാജന്റെയും അമ്പിളിയുടെയും മക്കൾ പറഞ്ഞു.

പ്രതിഷേധം ശക്തമായതിനെ തുടർന്ന് നെയ്യാറ്റിൻകര ഡി വൈ എസ് പി യും സംഘവും സ്ഥലത്തെത്തിയിരുന്നു . നാട്ടുകാരുമായി ചർച്ചകൾ നടക്കുന്നുണ്ടെങ്കിലും ആവശ്യങ്ങൾ അംഗീകരിച്ച് എഴുതി നൽകണമെന്നാണ് നാട്ടുകാരുടെ ആവശ്യപെട്ടിരുന്നു..
നെയ്യാറ്റിൻകര അതിയന്നൂർ പഞ്ചായത്തിൽ പൊങ്ങിൽ നേട്ടത്തോട്ടം ലക്ഷം വീട് കോളനിയിലെ രാജൻ,ഭാര്യ അമ്പിളി എന്നിവരാണ് പൊള്ളലേറ്റ് ഗുരുതരാവസ്ഥയിൽ ഇന്നലെ മരിച്ചത്.
രാജനും കുടുംബവും ഭക്ഷണം കഴിക്കുന്നതിനിടെയാണ് ഒഴിപ്പിക്കാനെത്തിയവരുടെ കൂട്ടത്തിലെ പോലീസുകാർ രാജന്റെ കഴുത്തിന്ന് പിടിച്ച് വലിച്ചിറക്കിയതെന്ന ഗുരുതര ആരോപണവും രാജന്റെ മക്കൾ ഉന്നയിച്ചിരുന്നു.ഭക്ഷണം കഴിച്ചിട്ട് സ്റ്റേഷനിൽ വന്നുകൊള്ളാം എന്ന് രാജൻ അപേക്ഷിച്ചിട്ടും പോലീസ് ചെവിക്കൊണ്ടില്ലെന്ന് മക്കൾ പറഞ്ഞു.ഇവരുടെ മക്കളായ രാഹുൽ പഠനശേഷം വർക്ഷോപ്പിൽ താൽക്കാലികമായി ജോലിക്ക് പോകുന്നുണ്ട് രഞ്ജിത്ത് പ്ലസ് ടു കഴിഞ്ഞ് വീട്ടിൽ നിൽക്കുന്നു.മാതാപിതാക്കളുടെ മരണ ശേഷം ഇവർ അനാഥരായി

പോലീസിനോടും ഔദ്യോഗിക സംവിധാനങ്ങളോടുമുള്ള വൻ പ്രതിഷധമാണ് നെയ്യാറ്റിൻകരയിൽ കണ്ടത്.നടപടിയെന്ന സ്ഥിരം പല്ലവിയിൽ അനാഥരായ കുഞ്ഞുങ്ങളെ കബളിപ്പിക്കാനാണ് പരിപാടിയെങ്കിൽ കടുത്ത നടപടികളിലേക്ക് നീങ്ങുമെന്ന് തടിച്ചുകൂടിയ നാട്ടുകാർ അറിയിച്ചു.

“എന്നോട് ക്ഷമിക്കുക ” രാഷ്ട്രീയത്തിലേക്കില്ല, രജനികാന്തിന്റെ സുപ്രധാന തീരുമാനം വന്നു

| കടുത്ത നിരാശയോടെ തീരുമാനം അറിയിക്കുന്നുവെന്ന് താരം |

ചെന്നൈ: ഒടുവിൽ നടൻ രജനികാന്തിന്റെ സുപ്രധാന തീരുമാനം വന്നു.രഷ്ട്രീയത്തിലേക്കില്ലെന്ന തീരുമാനം താരം ആരാധകരെ അറിയിച്ചു.ആരോഗ്യ കാരണങ്ങളാലാണ് പാർട്ടി പ്രഖ്യാപനങ്ങളിൽനിന്ന് പിന്മാറുന്നതെന്നാണ് വിശദീകരണം.എന്നാൽ കടുത്ത നിരാശയോടെയാണ് തീരുമാനമെന്ന് രജനികാന്ത് അറിയിച്ചു." എന്നോട് ക്ഷമിക്കുക"എന്നാണ് ട്വിറ്ററിലൂടെ അദ്ദേഹം അറിയിച്ചത്.ഈ മാസം 31 ന് പാർട്ടി പ്രഖ്യാപനം ഉണ്ടാകുമെന്ന് താരം നേരത്തെ അറിയിച്ചിരുന്നു.
ആരോഗ്യ പ്രശ്നങ്ങൾ കുറച്ചെങ്കിലും ഉണ്ടെന്ന് രജനികാന്ത് പറഞ്ഞു.120 ആളുകൾ മാത്രമുള്ള ഷൂട്ടിംഗ് സെറ്റിൽ കോവിഡ് പകർന്ന പശ്ചാത്തലത്തിൽ ആരോഗ്യ പ്രശ്നങ്ങൾ നേരിടേണ്ടിവന്ന തനിക്ക് എങ്ങിനെ ലക്ഷങ്ങളുടെ ഇടയിൽ ചെന്ന് പ്രവർത്തിക്കാനാകുമെന്ന ആശങ്കയും അദ്ദേഹം പങ്കുവെച്ചു.എന്നാൽ പാർട്ടി പ്രഖ്യാപനമില്ലാതെ എങ്ങിനെ ജനങ്ങൾക്കിടയിൽ പ്രവർത്തിക്കാൻ കഴിയുമെന്നതിനെക്കുറിച്ച് ചിന്തിക്കുമെന്നും അദ്ദേഹം പറഞ്ഞു.
അദ്ദേഹത്തിന്റെ പുതിയ സിനിമയായ അണ്ണാത്തെയുടെ ചിത്രീകരണത്തിനിടെ 8 പേർക്ക് കോവിഡ് ബാധിച്ചതിനെ തുടർന്ന് ഷൂട്ടിംഗ് നിർത്തുകയും തുടർന്ന് വിശ്രമത്തിനിടെ രക്തസമ്മർദ്ദത്തിലെ വ്യതിയാനത്തിനിടെ അദ്ദേഹത്തെ ഹൈദരാബാദ് അപ്പോളോ ആശുപത്രിയിൽ പ്രവേശിപ്പിക്കുകയും ചെയ്തിരുന്നു.ആരോഗ്യം ഭേദമായി ആശുപത്രി വിട്ട ശേഷമാണ് സുപ്രധാനമായ തീരുമാനം കൈക്കൊള്ളുന്നതായി അദ്ദേഹം അറിയിച്ചത്.
തമിഴകത്തെ രജനികാന്ത് ആരാധകർ കടുത്ത നിരാശയോടെയാണ് താരത്തിന്റെ തീരുമാനത്തോട് പ്രതികരിക്കുക എന്ന കാര്യത്തിൽ സംശയമില്ല.വർഷങ്ങളായുള്ള അദ്ദേഹത്തിന്റെയും ആരാധകരുടെയും ആഗ്രഹമായിരുന്നു രാഷ്ട്രീയ പാർട്ടി പ്രഖ്യാപനം എന്നത്.സംശുദ്ധ രാഷ്ട്രീയ പ്രവർത്തനം എന്ന രജനികാന്തിന്റെ സ്വകാര്യ ആഗ്രഹത്തിനും ഇതോടെ തിരിച്ചടിയാവുകയാണ്.

https://twitter.com/rajinikanth

എൻ ഐ എ വീണ്ടും സെക്രെട്ടറിയേറ്റിൽ:സിസിടിവി ദൃശ്യങ്ങൾ പരിശോധിക്കുന്നു

തിരുവനന്തപുരം: സ്വർണ്ണക്കടത്ത് കേസുമായി ബന്ധപ്പെട്ട് ദേശീയ അന്വേഷണ ഏജൻസി സംഘം വീണ്ടും സെക്രെട്ടറിയേറ്റിൽ എത്തി.ചീഫ് സെക്രട്ടറിയുടെ അനുമതിയോടെ രണ്ട് ഉദ്യോഗസ്ഥരും ഒരു സാങ്കേതിക വിദഗ്ധനുമാണ് എത്തിയത്.

സിസിടിവി ദൃശ്യങ്ങൾ പരിശോധിക്കുകയാണ് എന്നാണ് സൂചനകൾ.ഇത് രണ്ടാം തവണയാണ് എൻ ഐ എ സംഘം സിസിടിവി ദൃശ്യങ്ങൾക്കായി സെക്രെട്ടറിയേറ്റിൽ എത്തുന്നത്.
സ്വർണ്ണക്കടത്തുകേസുമായി ബന്ധപ്പെട്ട് കഴിഞ്ഞവർഷം ജൂൺ മുതൽ ഈ വർഷം ജൂലൈ വരെയുള്ള ദൃശ്യങ്ങൾ പൊതുഭരണവകുപ്പിനോട് ആവശ്യപ്പെട്ടിരുന്നെങ്കിലും അതിലെ സാങ്കേതിക വിഷമതകൾ സർക്കാർ എൻ ഐ എ യെ അറിയിക്കുകയായിരുന്നു

‘പപ്പയെ താമസിച്ച സ്ഥലത്ത് തന്നെ അടക്കണം,പോലീസുകാർക്കെതിരെ നടപടിവേണം’ മുഖ്യമന്ത്രിയോട് കേണപേക്ഷിച്ച് മരിച്ച രാജന്റെ മക്കൾ

തിരുവനന്തപുരം: പപ്പയെ താമസിച്ച സ്ഥലത്ത് തന്നെ അടക്കം ചെയ്യണമെന്നും മരണത്തിന് കാരണമായ പോലീസുകാരനെതിരെയും അയൽവാസിയായ വസന്തക്കെതിരെയും നടപടിയെടുക്കണമെന്നും ആത്മഹത്യാശ്രമത്തിനിടെ പൊള്ളലേറ്റ് മരിച്ച രാജന്റെ മക്കൾ മുഖ്യമന്ത്രിയോട് അഭ്യർത്ഥിച്ചു
കോടതി ഉത്തരവുമായി വീടൊഴിപ്പിക്കാനെത്തി യവർക്ക് മുൻപിൽ തീകൊളുത്തിയ രാജൻ ഇന്ന് പുലർച്ചെയാണ് മരിച്ചത്.
ഭാര്യയെ ചേർത്തുപിടിച്ചുകൊണ്ട് പെട്രോൾ തലയിലൂടെ ഒഴിച്ച രാജൻ ആത്മഹത്യാ ഭീഷണി മുഴക്കുന്നതിനിടെ പോലീസുകാരൻ ലൈറ്റർ തട്ടിമാറ്റാൻ ശ്രമിച്ചപ്പോൾ തീ പടരുകയായിരുന്നു.70 ശതമാനത്തിലധികംപൊള്ളലേറ്റ രാജൻ ഗുരുതരാവസ്ഥയിലിരിക്കെ യാണ് മരിച്ചത്.
രാജനും കുടുംബവും ഭക്ഷണം കഴിക്കുന്നതിനിടെയാണ് ഒഴിപ്പിക്കാനെത്തിയവരുടെ കൂട്ടത്തിലെ പോലീസുകാർ രാജന്റെ കഴുത്തിന്ന് പിടിച്ച് വലിച്ചിറക്കിയതെന്ന ഗുരുതര ആരോപണവും രാജന്റെ മക്കൾ ഉന്നയിച്ചിട്ടുണ്ട്.ഭക്ഷണം കഴിച്ചിട്ട് സ്റ്റേഷനിൽ വന്നുകൊള്ളാം എന്ന് രാജൻ അപേക്ഷിച്ചിട്ടും പോലീസ് ചെവിക്കൊണ്ടില്ലെന്ന് മക്കൾ പറഞ്ഞു. പൊള്ളലേറ്റ രാജന്റെ ഭാര്യ അമ്പിളിയും ഗുരുതരാവസ്ഥയിൽ ആശുപത്രിയിലാണ്.

photo courtesy:englishmathrubhumi.com

രജനികാന്ത് ആശുപത്രി വിട്ടു: പൂർണ്ണ വിശ്രമം വേണമെന്ന് നിർദേശം

| രാഷ്ട്രീയ പ്രവേശനം വൈകിയേക്കും |

ഹൈദരാബാദ്: രക്തസമ്മർദ്ദ വ്യതിയാനത്തെ തുടർന്ന് ഹൈദരാബാദിലെ അപ്പോളോ ആശുപത്രിയിൽ ചികിത്സയിലായിരുന്ന തമിഴ് സൂപ്പർ താരം രജനികാന്ത് ആശുപത്രി വിട്ടു.എന്നാൽ ഡോക്ടർമാർ അദ്ദേഹത്തിന് പൂർണ്ണ വിശ്രമം നിർദേശിച്ചു.

താരത്തിന്റെ ആരോഗ്യനിലയിൽ പുരോഗതി ഉണ്ടായിട്ടുണ്ടെന്നും രക്തസമ്മർദ്ദം സാധാരണ നിലയിലാണെന്നും അപ്പോളോ ആശുപത്രി പുറത്തിറക്കിയ മെഡിക്കൽ ബുള്ളറ്റിനിൽ പറയുന്നു.
ഹൈദരാബാദ് അപ്പോളോ ആശുപത്രിയിലെ വിവിധ ഡിപ്പാർട്ട്മെന്റുകളിലെ ഡോക്ടർമാരുടെ ഒരു സംഘമാണ് രജനികാന്തിനെ പരിശോധിച്ചത്.എല്ലാ മെഡിക്കൽ റിപ്പോർട്ടുകളും തൃപ്തികരമാണെന്നാണ് ഡോക്ടർമാരുടെ വിലയിരുത്തൽ.

കഴിഞ്ഞ 10 ദിവസമായി തന്റെ പുതിയ ചിത്രമായ അണ്ണാത്തെ യുടെ ചിത്രീകരണവുമായി ബന്ധപ്പെട്ട് താരം ഹൈദെരാബാദിലുണ്ട്.
കഴിഞ്ഞ ദിവസം സിനിമയുടെ അണിയറ പ്രവർത്തകരായ എട്ട് പേർക്ക് കോവിഡ് ബാധിച്ചതിനെ തുടർന്ന് ചിത്രീകരണം നിർത്തിവെച്ചിരുന്നു.അന്നുതന്നെ രജനികാന്ത് ചെന്നൈയിലേക്ക് മടങ്ങുമെന്ന് റിപോർട്ടുകൾ ഉണ്ടായിരുന്നെങ്കിലും അദ്ദേഹം ഹൈദരാബാദിൽ തുടരുകയായിരുന്നു.

വർഷങ്ങൾക്ക് മുൻപേ വൃക്ക മാറ്റിവെക്കൽ ശസ്ത്രക്രിയയ്ക്ക് വിധേയനായ അദ്ദേഹം ഹൈ റിസ്ക് വിഭാഗത്തിൽ പെടുന്നതിതിനാൽ കോവിഡ് ടെസ്റ്റ് നടത്തിയിരുന്നു.ഫലം നെഗറ്റിവ് ആണെങ്കിലും അദ്ദേഹം നിരീക്ഷണത്തിൽ തുടരുകയായിരുന്നു.അദ്ദേഹത്തിന്റെ ആരോഗ്യ നില തൃപ്തികരമാണെന്ന് അപ്പോളോ ആശുപത്രി പത്രക്കുറിപ്പിൽ അറിയിച്ചു.

ഒരാഴ്ചത്തെ വിശ്രമം നിര്ദേശിക്കപ്പെട്ടതിനാൽ അദ്ദേഹം ഹൈദരാബാദിൽ തന്നെ തുടരും എന്നാണ് റിപോർട്ടുകൾ.പൂർണ്ണ വിശ്രമം നിര്ദേശിക്കപ്പെട്ടതിനാൽ ഉടൻ പ്രതീക്ഷിച്ചിരുന്ന താരത്തിന്റെ രാഷ്ട്രീയ പ്രവേശനം വൈകാനിടയുണ്ട്. പുതുവർഷത്തിൽ രാഷ്ട്രീയ പ്രവേശനം സംബന്ധിച്ച സുപ്രധാന തീരുമാനങ്ങൾ ഉണ്ടാകുമെന്ന് വാർത്തകൾ ഉണ്ടായിരുന്നു.

തുറന്ന പോരിലേക്ക്:സർക്കാർ പിന്നോട്ടില്ല,സഭ ചേരാൻ വീണ്ടും ശുപാർശ

തിരുവനന്തപുരം: പ്രത്യേക നിയമസഭാസമ്മേളനം വിളിച്ചുചേർക്കുന്നതിന് ഗവർണർ അനുമതി നിഷേധിച്ചതുമായി ബന്ധപ്പെട്ട് തുടങ്ങിയ ഗവർണർ-സംസ്ഥാന സർക്കാർ ആശയക്കുഴപ്പം തുറന്ന പോരിലേക്ക്.ഭൂരിപക്ഷമുള്ള സർക്കാർ നിയമസഭാസമ്മേളനം വിളിച്ചു ചേർക്കാൻ ആവശ്യപ്പെട്ടാൽ അത് ഗവർണർ അംഗീകരിക്കുന്നതാണ് പാർലമെൻററി രീതിയെന്നും മുഖ്യമന്ത്രി പിണറായി വിജയൻ തുറന്നടിച്ചു.
എന്തിനാണ് സഭ സമ്മേളിക്കുന്നതെന്ന് ചോദിക്കേണ്ടതില്ല.ഇത് പാർലമെൻററി സംവിധാനത്തിൽ ഇല്ലാത്തതാണെന്നും മുഖ്യമന്ത്രി പറഞ്ഞു.കർഷക സമരത്തെക്കുറിച്ച് ചർച്ച ചെയ്യാൻ പ്രത്യേക സഭാ സമ്മേളനം വിളിക്കണമെന്ന കാര്യത്തിൽ സർക്കാർ ഉറച്ചു നിൽക്കുകയാണ്.ഇതിനായി ഡിസംബർ 31ന് സഭ വിളിച്ചുചേർക്കാൻ ഗവർണറോട് മന്ത്രിസഭ യോഗം ശുപാർശ ചെയ്തു.
ഗവർണർ രാഷ്ട്രീയം കളിക്കുകയാണോ എന്ന ചോദ്യത്തിന് മുഖ്യമന്ത്രി ഉത്തരം പറഞ്ഞില്ല.ഗവർണറിൽ അർപ്പിതമായ ഉത്തരവാദിത്തത്തിന നുസരിച്ച് അദ്ദേഹം പ്രവർത്തിക്കുന്നതിൽ എതിർപ്പില്ലെന്ന് മുഖ്യമന്ത്രി പറഞ്ഞു.സഭാസമ്മേളനം വിളിക്കുന്ന കാര്യത്തിൽ വിവേചനാധികാരം ഉപയോഗിക്കേണ്ട കാര്യമില്ല.മന്ത്രിസഭാ ശുപാർശ അംഗീകരിക്കുകയാണ് വേണ്ടത്.അതുണ്ടാകുമെന്നാണ് സർക്കാർ കരുതുന്നത്. മിഖ്യമന്ത്രി പറഞ്ഞു.
സർക്കാരിന് ഇക്കാര്യത്തിൽ വീഴ്ച സംഭവിച്ചിട്ടില്ല.എന്ത് ചർച്ച ചെയ്യണമെന്നത് സഭയുടെ അവകാശത്തിൽപെട്ടതാണ്.ഗവർണറുടെ രീതി പാർലമെൻററി രീതിക്ക് നിരക്കുന്നതല്ലെന്ന് ബോധ്യപ്പെടുത്താനാണ് ശ്രമിച്ചതെന്നും മുഖ്യമന്ത്രി പറഞ്ഞു.

മന്ത്രിമാരും ഗവർണറെ കാണും

തിരുവനന്തപുരം: പ്രത്യേക നിയമസഭാസമ്മേളനം വിളിച്ചു ചേർക്കുന്നതിന് ഗവർണറുടെ അനുമതി അഭ്യർത്ഥിച്ച് നിയമ മന്ത്രി എ കെ ബാലനും കൃഷി മന്ത്രി വി എസ് സുനിൽകുമാറും അൽപ്പസമയ ത്തിനകം ഗവർണറെക്കാണും.

സിസ്റ്റർ അഭയ: 28 വർഷം മുൻപേ തെളിയേണ്ട കേസ്,തെളിവ് നശിപ്പിച്ചത് എസ് പി മൈക്കിൾ |നടപടിയെടുക്കാൻ കോടതി ശുപാർശ |

| ഉടൻ നടപടിക്ക് കോടതി ശുപാർശ |

തിരുവനന്തപുരം: 28 വർഷം മുൻപേ തെളിയേണ്ടിയിരുന്ന സിസ്റ്റർ അഭയ കൊലക്കേസിൽ തെളിവുകൾ നശിപ്പിക്കുകയും അഭയയ്ക്ക് നീതി നിഷേധിക്കുകയും ചെയ്തതിൽ മുഖ്യ ആരോപണ വിധേയൻ റിട്ട.എസ് പി മൈക്കിളിനെതിരെ നടപടിയെടുക്കാൻ സംസ്ഥാന പോലീസ് മേധാവിയോട് കോടതി ഉത്തരവിട്ടു.
കൊല്ലപ്പെടുമ്പോൾ സിസ്റ്റർ അഭയ ധരിച്ചിരുന്ന വസ്ത്രങ്ങൾ,സ്വകാര്യ ഡയറി എന്നിവ സിബിഐ ക്ക് കൈമാറാതെ അന്വേഷണ ഉദ്യോഗസ്ഥനായ മൈക്കിൾ തെളിവ് നശിപ്പിച്ചു എന്നും കേസ് അട്ടിമറിച്ചു എന്നും കോടതി കണ്ടെത്തിയിരുന്നു.
അന്വേഷണത്തിന്റെ ആദ്യ ദിവസം പോലീസും ആർ ഡി ഒ യും ശേഖരിച്ച് കോടതിയിൽ സമർപ്പിച്ച തൊണ്ടി മുതലുകൾ മൈക്കിളിന്റെ നിർദേശത്തെ തുടർന്ന് അന്വേഷണ ഉദ്യോഗസ്ഥൻ ഡി ഡി വൈ എസ് പി കെ സാമുവൽ ഏറ്റുവാങ്ങുകയും സിബിഐ ക്ക് കൈമാറാതിരിക്കുകയും ചെയ്തു.
ആദ്യഘട്ടം മുതൽ സിസ്റ്റർ അഭയ കേസ് ആത്മഹത്യയാണെന്നും കൊലപാതകം അല്ലെന്നും വരുത്താൻ ശ്രമിച്ച മൈക്കിളിനെതിരെ വ്യാപക പരാതികൾ ഉയർന്നിരുന്നു.അഭയയ്ക്ക് മനസികരോഗമായിരുന്നു എന്നും കുടുംബത്തെയടക്കം അപമാനിക്കുന്ന തരത്തിൽ സംഭവം നേരിൽ കണ്ട ദൃക്‌സാക്ഷിയെപ്പോലെ ടെലിവിഷൻ ഇന്റർവ്യൂകളിൽ എസ് പി മൈക്കിൾ സംസാരിച്ചതും ഏറെ ചർച്ചയായിരുന്നു.

ഇപ്പോൾ നീണ്ട 28 വർഷങ്ങൾക്ക് ശേഷം സിസ്റ്റർ അഭയയെത്തേടി നീതി എത്തുമ്പോൾ പിന്നാമ്പുറങ്ങളിൽ നീതിക്കെതിരെ ചരടുവലികൾ നടത്തിയ വമ്പന്മാർ പലരും നിയമത്തിന് മുന്നിൽവരുമെന്നാണ് സൂചനകൾ.

photo courtesy:beta.madhyamam.com

ഇനിയില്ല രാത്രിമഴയുടെ നൊമ്പരം…

തിരുവനന്തപുരം: ഇനിയില്ല രാത്രിമഴയയുടെ നൊമ്പരം..ഇനിയില്ല അബലകളുടെ അത്താണി…ഇനിയില്ല മരങ്ങളുടെയും പെണ്ണിന്റെയും മനസ്സറിയാനുള്ള ആ വിശാല ഹൃദയം…ഇനി പ്രിയ ആൽമരത്തണലിലെ നിത്യ വിശ്രമത്തിലേക്ക്… മലയാളത്തിന്റെ പ്രിയ കവയിത്രി സുഗതകുമാരി വിടവാങ്ങി…തിരുവനന്തപുരം മെഡിക്കൽ കോളേജിലായിരുന്നു അന്ത്യം.കോവിഡ് ബാധിച്ച് ചികിത്സയിലായിരുന്നു.
ആറന്മുള വഴുവേലി തറവാട്ടിൽ കേരളാ നവോത്ഥാന പ്രസ്ഥാനങ്ങളുടെ അമരക്കാരിൽ ഒരാളായിരുന്ന ബോധേശ്വരന്റെയും അധ്യാപികയായ വി കെ കാർത്യായനി അമ്മയുടെയും മകളായി 1934 ജനുവരി 22നായിരുന്നു സുഗതകുമാരിയുടെ ജനനം.
തത്വ ശാസ്ത്രത്തിൽ തിരുവനന്തപുരം യൂണിവേഴ്സിറ്റി കോളജിൽനിന്നും ബിരുദാനന്തര ബിരുദമെടുത്തശേഷം മൂന്ന് വർഷം തത്വ ശാസ്ത്ര ഗവേഷണ പഠനം നടത്തിയെങ്കിലും ഗവേഷണ പഠനം പൂർത്തിയാക്കാതെ ഉപേക്ഷിച്ചു.
കേരളത്തിന്റെ സ്ത്രീവിമോചന ചിന്തകളുടെയും പ്രകൃതി സംരക്ഷണ മേഖലയിലും സജീവമായ ഇടപെടലുകളായി മാറിയിരുന്നു സുഗതകുമാരി ടീച്ചറുടെ ജീവിതം.
സാമൂഹിക സാംസ്‌കാരിക മേഖലകളിൽ മാതാപിതാക്കളുടെ ഇടപെടലുകളും ചെറുപ്പ കാലത്തുതന്നെ സുഗതകുമാരിയെന്ന വ്യക്തിത്വത്തെ സൃഷ്ടിച്ചിരുന്നു.
പ്രകൃതി സംരക്ഷണ സമിതി രൂപീകരിച്ചപ്പോൾ അതിന്റെ സ്ഥാപക സെക്രെട്ടറിയായി പ്രവർത്തിച്ചു.ഉപേക്ഷിക്കപ്പെട്ട സ്ത്രീകളുടെ ഉന്നമനത്തിനായി അഭയ എന്ന സംഘടന ആരംഭിച്ചു.സംസ്ഥാന വനിതാ കമ്മീഷന്റെ ആദ്യ ചെയർപേഴ്സൺ,സൈലന്റ് വാലി സംരക്ഷണ സമിതി പ്രവർത്തക എന്നി മേഖലകളിൽ പ്രവർത്തിച്ചു.

1960 ൽ മാതൃഭൂമിയിൽ പ്രസിദ്ധീകരിച്ച മുത്തുച്ചിപ്പി ആയിരുന്നു ആദ്യ കവിതാ സമാഹാരം.തുടർന്ന് പാതിരാ പൂക്കൾ,പാവം മാനവഹൃദയം,പ്രണാമം,ഇരുൾചിറകുകൾ,രാത്രിമഴ,അമ്പലമണി,അഭിസാരിക,സുഗതകുമാരിയുടെ കവിതകൾ,മേഘം വന്നു തൊട്ട പ്പോൾ,പൂവഴി,,കാടിന്റെ കാവൽ,തുലാവർഷപ്പച്ച,മറുവഴി തുടങ്ങിയ എണ്ണമറ്റ കൃതികൾ മലയാളത്തിനായി ആ തൂലികയിൽനിന്നും പിറന്നു.

വിദ്യാഭ്യാസ വിചക്ഷകനും ചിന്തകനും നിരൂപകനുമായ പരേതനായ കെ വേലായുധൻ നായരായിരുന്നു ഭർത്താവ്.ലക്ഷ്മി ദേവി എസ് ഏക മകളാണ്. പരേതരായ ഡോ.ഹൃദയകുമാരി,ഡോ.സുജാതാദേവി എന്നിവരും പ്രിയ കവയിത്രിക്കൊപ്പം സാംസ്‌കാരിക മേഖലകളിൽ നിറഞ്ഞു നിന്നവരായിരുന്നു.സഹോദരി സുജാതാദേവി അസുഖബാധിതയായി മരിച്ചപ്പോഴാണ് 'സുജാത 'എന്ന കവിതയെഴുതിയത്.
കേരള-കേന്ദ്ര സാഹിത്യ അക്കാദമി അവാർഡ്,പത്മശ്രീ,എഴുത്തച്ഛൻ പുരസ്‌കാരം,സരസ്വതി സമ്മാൻ,മാതൃഭൂമി സാഹിത്യ പുരസ്‌കാരം, ബാലസാഹിത്യ സമഗ്ര സംഭാവനയ്ക്കുള്ള പുരസ്‌കാരം എന്നിവ നൽകി മലയാള സാഹിത്യ ലോകം ആദരിച്ചിട്ടുണ്ട്.

സിസ്റ്റർ അഭയ കൊലക്കേസിൽ ചരിത്ര വിധി : പ്രതികൾക്ക് ജീവപര്യന്തം

തിരുവനന്തപുരം:
പ്രമാദവും വർഷങ്ങൾ നീണ്ടതുമായ സിസ്റ്റർ അഭയ കേസിൽ വിധി പ്രസ്താവിച്ചു. സിസ്റ്റർ അഭയകൊലക്കേസ് പ്രതികളായ ഫാ.തോമസ് എം കോട്ടൂർ,സിസ്റ്റർ സെഫി എന്നിവർക്ക് ജീവപര്യന്തം തടവും അഞ്ച് ലക്ഷം രൂപ പിഴയും വിധിച്ചു.ഒന്നാം പ്രതിയായ ഫാ തോമസ് കോട്ടൂരിന് ഇരട്ട ജീവപര്യന്തവും മൂന്നാം പ്രതിയായ സിസ്റ്റർ സെഫിക്ക് ജീവപര്യന്തവുമാണ് ശിക്ഷ.

പ്രതികൾക്ക് പരമാവധി ശിക്ഷ നൽകണമെന്ന് പ്രോസിക്യൂഷൻ ഇന്നും കോടതിയിൽ വാദിച്ചു.പ്രതികൾ രണ്ടുപേരും ജഡ്ജിയുടെ ചേംബറിൽ എത്തി ശിക്ഷ കുറച്ചുതരണമെന്ന് അഭ്യർത്ഥിച്ചു.താൻ അർബുദ രോഗിയാണെന്നും കുടുംബത്തിന് മറ്റാരുമില്ലെന്നും ഫാ.തോമസ് കോട്ടൂർ ജഡ്ജിയോട് അഭ്യർത്ഥിച്ചുപ്രതിഭാഗം അഭിഭാഷകന് പുറമെ സിസ്റ്റർ സെഫിയും ജഡ്ജിയോട് പ്രത്യേകം അഭ്യർത്ഥന നടത്തിരുന്നു. തിരുവനന്തപുരം സിബിഐ കോടതി ജഡ്ജി കെ സനൽകുമാറാണ് ചരിത്രം രചിച്ച വിധി പ്രസ്താവിച്ചത്.
സിബിഐ പ്രത്യേക കോടതിയാണ് 28 വർഷത്തിന് ശേഷം സുപ്രധാന വിധി പ്രസ്താവിച്ചത്.

ലോക്കൽ പോലീസും ക്രൈം ബ്രാഞ്ച് മുതൽ ഉന്നതോദ്യോഗസ്ഥരും പോലീസുകാരും വരെ അട്ടിമറിക്കാൻ ശ്രമിച്ച കേസിൽ സിസ്റ്റർ അഭയയ്ക്ക് ഒടുവിൽ നീതി ലഭിച്ചെന്ന് സ്വന്തം ജീവിതം അഭയകേസിനുവേണ്ടി ഉഴിഞ്ഞുവെച്ച് പോരാടിയ ജോമോൻ പുത്തൻപുരയ്ക്കൽ പറഞ്ഞു.നിരവധി തവണ തേച്ചു മായ്ക്കാൻ ശ്രമിച്ചും ഫയലുകൾ പൂഴ്ത്തിയും ഒതുക്കാൻ ശ്രമിച്ച കൊലപാതകത്തെ തെളിയിക്കുകയും ഒടുവിൽ നീതി ലഭ്യമാക്കുകയും ചെയ്ത നല്ലവരായ സിബിഐ ഉദ്യോഗസ്ഥർക്കും പോലീസുകാർക്കും നീതിപീഠത്തിനും നന്ദിയുണ്ടെന്ന് ജോമോൻ പറഞ്ഞു. അൽപം മുൻപ് വിധി പ്രസ്താവിക്കുമ്പോൾ സിബിഐ സംഘവും പ്രതികളും കോടതിയിലെത്തിയിരുന്നു.പ്രതികളായ ഫാ.തോമസ് കോട്ടൂരും സിസ്റ്റർ സെഫിയും പൊട്ടിക്കരഞ്ഞുകൊണ്ടാണ് വിധി പ്രസ്താവന കേട്ടത്.
ദൃക്സാക്ഷികളില്ലാത്ത സിസ്റ്റർ അഭയ കേസ് ശാസ്ത്രീയമായ അന്വേഷണങ്ങളിലൂടെയാണ് സിബിഐ തെളിയിച്ചത്. എട്ടോളം സുപ്രധാന സാക്ഷികൾ കൂറുമാറുകയും ചെയ്തിരുന്നു.

ചരിത്രത്തിലാദ്യമായി പ്രത്യേക നിയമസഭാ സമ്മേളനത്തിന് ഗവർണർ അനുമതി നിഷേധിച്ചു

തിരുവനന്തപുരം: സംസ്ഥാനത്തിന്റെ ചരിത്രത്തിൽ ആദ്യമായി പ്രത്യേക നിയമസഭാസമ്മേളനം നടത്തുന്നതിന് ഗവർണർ അനുമതി നിഷേധിച്ചു.

കേന്ദ്രസർക്കാർ പാസ്സാക്കിയ പ്രത്യേക കാർഷിക നിയമനിയമ ഭേദഗതികൾ തള്ളിക്കളയുന്നതിന് വേണ്ടിയായിരുന്നു നാളെ പ്രത്യേക നിയമസഭാ സമ്മേളനം ചേരാനിരുന്നത്.
ഇതുസംബന്ധിച്ച സംസഥാന സർക്കാരിന്റെ വിശദീകരണം തൃപ്തികരമല്ലെന്ന കാരണത്താലാണ് ഗവർണർ ഫയൽ മടക്കിയത്.
സംസ്ഥാന നിയമസഭാ ചരിത്രത്തിലെ അപൂർവ സംഭവങ്ങളിലൊന്നാ യി ഇതോടെ വിഷയം മാറി.മുൻപൊരിക്കലും നിയമസഭാ സമ്മേളനം നടത്തുന്ന കാര്യത്തിൽ ഗവർണർ അനുമതി നിഷേധിയച്ചിരുന്നില്ല.
നേരത്തെയും കേന്ദ്ര സർക്കാർ നയങ്ങൾക്കെതിരെ നിയമസഭാ പ്രമേയമടക്കം പാസ്സാക്കിയത് വലിയ പ്രതിഷേധങ്ങൾക്ക് രാഷ്ട്രീയമായ മാനങ്ങൾ കൈവരിച്ചിരുന്നു.

കേന്ദ്രസർക്കാരിന്റെ നിയമങ്ങൾക്കെതിരെ സംസ്ഥാനങ്ങൾതന്നെ പ്രതിഷേധിക്കുകയും എതിർക്കുകയും ചെയ്യുന്നതിനെ ബിജെപി അടക്കം രൂക്ഷമായി വിമർശിച്ചിരുന്നു.നാളെ ചേരാനിരുന്ന നിയമസഭാ സമ്മേളനത്തിന്റെ കാര്യത്തിലും സർക്കാരിന്റെ പ്രമേയത്തിന്റെ ഉള്ളടക്കമാണ് ഗവർണർ പ്രശ്നമായി കാണുന്നതെന്നറിയുന്നു.

കേരളത്തിൽപ്രത്യേക സാഹചര്യങ്ങളിൽ പ്രതിപക്ഷവുമായി ചേർന്നുള്ള കേന്ദ്രസർക്കാരിനെ എതിർക്കുന്ന ഇത്തരം നീക്കങ്ങളെ രാഷ്ട്രീയമായി നേരിടാനുള്ള നീക്കത്തിന്റെ ഭാഗമാണ് ഇതെന്നും വിലയിരുത്തപ്പെടുന്നു.
നേരത്തെ പ്രമേയത്തിന്റെ ഉള്ളടക്കം സംബന്ധിച്ച് ഗവർണർ വിശദീകരണം തേടിയിരുന്നു.പ്രമേയം കേന്ദ്രസർക്കാർ വിരുദ്ധമാണെന്ന ആശങ്കയും ഗവർണറുടെ ഓഫീസ് പ്രകടിപ്പിച്ചിരുന്നു.
അടിയന്തിര സാഹചര്യമാണ്,കർഷകരെ ബാധിക്കുന്ന പ്രശ്നമാണ് തുടങ്ങിയ മറുപടികളാണ് സംസ്ഥാനം നൽകിയതെങ്കിലും ഗവർണർ തള്ളുകയായിരുന്നു.

പ്രതികൾ കുറ്റക്കാർ: സിസ്റ്റർ അഭയ കേസിൽ സുപ്രധാന വിധി

| ഉന്നതർ തേച്ചു മായ്ക്കാൻ ശ്രമിച്ചിട്ടും 28 വർഷങ്ങൾക്ക് ശേഷം സിസ്റ്റർ അഭയയ്ക്ക് നീതി |

തിരുവനന്തപുരം: പ്രമാദവും വർഷങ്ങൾ നീണ്ടതുമായ സിസ്റ്റർ അഭയ കേസിൽ വിധി പ്രസ്താവിച്ചു.ഫാ.തോമസ് എം കോട്ടൂരും സിസ്റ്റർ സെഫിയും കുറ്റക്കാർ.ഒന്നാം പ്രതിയാണ് ഫാ.തോമസ് കോട്ടൂർ.

തിരുവനന്തപുരം സിബിഐ പ്രത്യേക കോടതിയാണ് 28 വർഷത്തിന് ശേഷം സുപ്രധാന വിധി പ്രസ്താവിച്ചത്.ശിക്ഷ എന്തെന്ന് മറ്റന്നാൾ പ്രഖ്യാപിക്കും.

ലോക്കൽ പോലീസും ക്രൈം ബ്രാഞ്ച് മുതൽ ഉന്നതോദ്യോഗസ്ഥരും പോലീസുകാരും വരെ അട്ടിമറിക്കാൻ ശ്രമിച്ച കേസിൽ സിസ്റ്റർ അഭയയ്ക്ക് ഒടുവിൽ നീതി ലഭിച്ചെന്ന് സിസ്റ്റർ അഭയയുടെ സഹോദരൻ ബിജു മാധ്യമങ്ങളോട് പറഞ്ഞു.നിരവധി തവണ തേച്ചു മായ്ക്കാൻ ശ്രമിച്ചും ഫയലുകൾ പൂഴ്ത്തിയും ഒതുക്കാൻ ശ്രമിച്ച സഹോദരിയുടെ കൊലപാതകത്തെ തെളിയിക്കുകയും ഒടുവിൽ നീതി ലഭ്യമാക്കുകയും ചെയ്ത നല്ലവരായ സിബിഐ ഉദ്യോഗസ്ഥർക്കും പോലീസുകാർക്കും നീതിപീഠത്തിനും നന്ദിയുണ്ടെന്ന് ബിജു പറഞ്ഞു. അൽപം മുൻപ് വിധി പ്രസ്താവിക്കുമ്പോൾ സിബിഐ സംഘവും പ്രതികളും കോടതിയിലെത്തിയിരുന്നു.പ്രതികളായ ഫാ.തോമസ് കോട്ടൂരും സിസ്റ്റർ സെഫിയും പൊട്ടിക്കരഞ്ഞുകൊണ്ടാണ് വിധി പ്രസ്താവന കേട്ടത്.
ദൃക്‌സാക്ഷികളില്ലാത്ത സിസ്റ്റർ അഭയ കേസ് ശാസ്ത്രീയമായ അന്വേഷണങ്ങളിലൂടെയാണ് സിബിഐ തെളിയിച്ചത്. എട്ടോളം സുപ്രധാന സാക്ഷികൾ കൂറുമാറുകയും ചെയ്തിരുന്നു.

photo:onmanorama.com

സൗജന്യഭക്ഷ്യ കിറ്റ് ഏപ്രിൽവരെ തുടരാൻ ആലോചന


തിരുവനന്തപുരം: സൗജന്യ ഭക്ഷ്യ കിറ്റ് ഏപ്രിൽ മാസം വരെ തുടരാൻ ആലോചന.ക്ഷേമ പെൻഷനുകൾ അതാത് മാസം വിതരണം ചെയ്യാനുമുള്ള നിർദ്ദേശങ്ങൾ ബുധനാഴ്ച ചേർന്ന മന്ത്രിസഭായോഗത്തിൽ മുഖ്യമന്ത്രി മുന്നോട്ട് വെച്ചു.
എന്നാൽ ഭക്ഷ്യകിറ്റ് വിതരണം സർക്കാരിന് വലിയ സാമ്പത്തിക ബാധ്യത നൽകുമെങ്കിലും വരാൻപോകുന്ന നിയമസഭാ തിരഞ്ഞെടുപ്പും,തദ്ദേശ തിരഞ്ഞെടുപ്പിലെ അനുകൂല തരംഗവും മുനിർത്തിയാണ് കിറ്റ് വിതരണം തുടരാനുള്ള ആലോചന.

കഴിഞ്ഞ ദിവസം മുഖ്യമന്ത്രി പിണറായി വിജയൻ സൂചി പ്പിച്ച 100 ദിന കർമ്മ പദ്ധതിയിൽ ഇതുസംബന്ധിച്ച സൂചന അദ്ദേഹം നൽകിയിരുന്നു.ഇത് അടുത്ത മന്ത്രിസഭായോഗത്തിൽ ചർച്ചയായേക്കും.23 വരെ തിരഞ്ഞെടുപ്പ് പെരുമാറ്റ ചട്ടം നിലനിൽക്കുന്നതിനാൽ 24 ന് മാത്രമേ മന്ത്രിസഭായോഗം ചേരുകയും നയപരമായ തീരുമാനങ്ങൾ എടുക്കുകയും ചെയ്യൂ.ഉന്നത ഉദ്യോഗസ്ഥ തലത്തിലുള്ള ചില അഴിച്ചുപണികളും ഉണ്ടായേക്കും.
സർക്കാർ പദ്ധതികൾ ജനങ്ങൾ അംഗീകരിച്ചതിന്റെ തെളിവാണ് തദ്ദേശ തിരഞ്ഞെടുപ്പ് ഫലമെന്ന് മുഖ്യമന്ത്രി വ്യക്തമാക്കി. സർക്കാരിന്റെ കൂട്ടായ്മയുടെ വിജയംകൂടിയാണിത്.ഏറ്റെടുത്ത പദ്ധതികളെല്ലാം സമയബന്ധിതമായും വിജയകരമായും പൂർത്തിയാക്കിയതിന് അദ്ദേഹം മന്ത്രിമാരെ അഭിനന്ദിച്ചു.

എസ്.എസ്.എല്‍.സി, ഹയര്‍ സെക്കന്‍ററി പരീക്ഷകള്‍ മാര്‍ച്ച് 17 മുതല്‍

കോവിഡ് മാനദണ്ഡങ്ങൾ കർശനമായി പാലിക്കണം

തിരുവനന്തപുരം: എസ്.എസ്.എല്‍.സി, ഹയര്‍ സെക്കന്‍ററി, വൊക്കേഷണല്‍ ഹയര്‍ സെക്കന്‍ററി രണ്ടാം വര്‍ഷ പരീക്ഷകള്‍ കോവിഡ് മാനദണ്ഡങ്ങള്‍ കര്‍ശനമായി പാലിച്ച് മാര്‍ച്ച് 17 മുതല്‍ 30 വരെ നടത്താന്‍ തീരുമാനിച്ചു. മുഖ്യമന്ത്രി പിണറായി വിജയന്‍റെ അധ്യക്ഷതയില്‍ ചേര്‍ന്ന ഉന്നതതലയോഗമാണ് ഇതു സംബന്ധിച്ച തീരുമാനം എടുത്തത്.

പൊതുപരീക്ഷകള്‍ക്കുള്ള ക്രമീകരണം വിദ്യാഭ്യാസ വകുപ്പ് ഉടൻ നടത്തും. പൊതുപരീക്ഷയുടെ ഭാഗമായുള്ള പ്രായോഗിക പരീക്ഷകൾക്ക് തയ്യാറെടുക്കുന്നവര്‍ക്കുള്ള ക്ലാസുകള്‍ ജനുവരി ഒന്നു മുതല്‍ ആരംഭിക്കും. ജൂണ്‍ ഒന്നു മുതല്‍ ആരംഭിച്ച ഓണ്‍ലൈന്‍ ക്ലാസുകളുടെ ആർത്തനവും സംശയ നിവാരണവും ജനുവരി ഒന്നു മുതല്‍ സ്കൂള്‍തലത്തില്‍ നടത്തുന്നതിന് ക്രമീകരണമുണ്ടാക്കും. മാതൃകാപരീക്ഷകളും വിദ്യാര്‍ത്ഥികളുടെ മാനസിക സംഘര്‍ഷം ഒഴിവാക്കുന്നതിനുള്ള കൗണ്‍സിലിങ്ങും സ്കൂള്‍തലത്തില്‍ നടപ്പാക്കും.

എസ് എസ്എൽ സി, പ്ലസ് ടു വിദ്യാർത്ഥികൾക്ക് രക്ഷകര്‍ത്താക്ക ളു ടെ സമ്മതത്തോടെ സ്കൂളില്‍ പോകാം. നിലവിലുള്ള അധ്യാപകരുടെ സേവനം പ്രയോജനപ്പെടുത്തിക്കൊണ്ട് ഇക്കാര്യങ്ങള്‍ നിര്‍വഹിക്കും.

സ്കൂള്‍, ഹയര്‍സെക്കന്‍ററി തലത്തിലെ എല്ലാ ക്ലാസുകളും കോവിഡ്-19 ന്‍റെ പശ്ചാത്തലത്തില്‍ ജൂണ്‍ ഒന്നു മുതല്‍ ഓണ്‍ലൈനായി നടക്കുകയാണ്. അതു ഈ നിലയില്‍ തുടരും.

കോളേജ് തലത്തില്‍ അവസാന വര്‍ഷ ബിരുദക്ലാസുകളും ബിരുദാനന്തര ബിരുദ ക്ലാസുകളും ജനുവരി ആദ്യം മുതല്‍ ആരംഭിക്കും. പകുതി വീതം വിദ്യാര്‍ത്ഥികളെ വെച്ചാണ് ക്ലാസുകള്‍ നടത്തുക. ആവശ്യമെങ്കില്‍ കാലത്തും ഉച്ചയ്ക്കുശേഷവുമായി ഷിഫ്റ്റ് അടിസ്ഥാനത്തില്‍ ക്ലാസുകള്‍ ക്രമീകരിക്കും.

കാര്‍ഷിക സര്‍വകലാശാലയിലെയും ഫിഷറീസ് സര്‍വകലാശാല യിലെയും ക്ലാസുകളും വിദ്യാര്‍ത്ഥികളുടെ എണ്ണം ഭാഗിച്ച് പരിമിതപ്പെടുത്തി ജനുവരി ആദ്യം ആരംഭിക്കും. മെഡിക്കല്‍ കോളേജുകളില്‍ രണ്ടാം വര്‍ഷം മുതല്‍ ക്ലാസുകള്‍ ആരംഭിക്കാനാണ് തീരുമാനം.

യോഗത്തില്‍ മന്ത്രിമാരായ കെ.കെ. ശൈലജ, സി. രവീന്ദ്രനാഥ്, ഡോ. കെ.ടി. ജലീല്‍, വി.എസ്. സുനില്‍കുമാര്‍, ജെ. മേഴ്സിക്കുട്ടിയമ്മ, പൊതു വിദ്യാഭ്യാസ സെക്രട്ടറി എ. ഷാജഹാന്‍, ഉന്നതവിദ്യാഭ്യാസ പ്രിന്‍സിപ്പല്‍ സെക്രട്ടറി ഡോ. ഉഷ ടൈറ്റസ്, ആരോഗ്യവകുപ്പ് പ്രിന്‍സിപ്പല്‍ സെക്രട്ടറി രാജന്‍ ഖൊബ്രഗഡെ തുടങ്ങിയവര്‍പങ്കെടുത്തു.

സംസ്ഥാനത്ത് ഇടത് തരംഗം


തിരുവനന്തപുരം:

തദ്ദേശ തിരഞ്ഞെടുപ്പിലെ വോട്ടെണ്ണൽ പുരോഗമിക്കുമ്പോൾ സംസ്ഥാനത്ത് വ്യക്തമായ ഇടത് തരംഗമെന്ന് സൂചന.ജില്ലാ പഞ്ചായത്തുകളിൽ എൽ ഡി എഫ് മുന്നേറ്റം തുടരുന്നു.എല്ലാ ഗ്രാമ പഞ്ചായത്തുകളിലും ബ്ലോക്ക് പഞ്ചായത്തുകളിലും എൽ ഡി എഫ് ലീഡ് ചെയ്യുകയാണ്. എന്നാൽ മുനിസിപ്പാലിറ്റികളിൽ ഒപ്പത്തിനൊപ്പമാണ് ഇപ്പോഴത്തെ നില.കൊല്ലം,കോഴിക്കോട് കോർപറേഷനുകളിൽ എൽ ഡി എഫിന് വ്യക്തമായ മുന്നേറ്റം തുടരുന്നു

എന്നാൽ തൃശൂർ,എറണാകുളം കോർപ്പറേഷനുകളിൽ ചിത്രം വ്യകതമായിട്ടില്ല.തിരുവനന്തപുരം കോർപറേഷനിൽ എൻ ഡി യെ പിന്തള്ളി എൽ ഡി എഫ് മുന്നിൽ നിൽക്കുമ്പോൾ കണ്ണൂർ കോർപറേഷനിൽ യു ഡി എഫ്‌ മുന്നിൽത്തന്നെയാണ്.10 ജില്ലാ പഞ്ചായത്തുകളിൽ എൽ ഡി എഫ് മുന്നിലാണ്.
ഏറ്റവും ഒടുവിൽ വിവരം ലഭിക്കുമ്പോൾ തൃശൂർ കോർപ്പറേഷനിലും എൽ ഡി എഫ് ഇപ്പോൾ മുന്നിലെത്തിയിരിക്കുന്നു.എന്നാൽ തൃശൂർ കോർപറേഷനിൽ യു ഡി എഫ് തന്നെ വരുമെന്നാണ് കോൺഗ്രസ് നേതാക്കളുടെ വിശ്വാസം.പത്തനംതിട്ടയിൽ എൽ ഡി എഫിന്റെ ശക്തമായ മുന്നേറ്റം ഉണ്ടെന്നാണ് ലഭ്യമാകുന്ന വിവരം.
നിയമസഭാ തിരഞ്ഞെടുപ്പിന് മുന്നിൽ കോൺഗ്രസിന്റെ പരാജയ കാരണം പഠിച്ച് സർജറി വേണമെങ്കിൽ സർജറി നടത്തുമെന്ന് കോൺഗ്രസ് നേതാവ് ടി എൻ പ്രതാപൻ എം പി പറഞ്ഞു.

നടിയെ ആക്രമിച്ച കേസിൽ ജഡ്ജിയെ മാറ്റണമെന്ന ഹർജി സുപ്രീം കോടതി തള്ളി

ന്യൂഡൽഹി: നടിയെ ആക്രമിച്ച കേസിൽ വിചാരണക്കോടതി ജഡ്ജിയെ മാറ്റണമെന്ന സംസ്ഥാന സർക്കാരിന്റെ ഹർജി സുപ്രീം കോടതി തള്ളി.വിചാരണക്കോടതി ജഡ്ജിയുടെ മനോവീര്യം തകർക്കുന്നഹർജി ഉന്നയിക്കരുതായിരുന്നു എന്ന് സുപ്രീംകോടതി പറഞ്ഞു. നടി ആക്രമിക്കപ്പെട്ട കേസിൽ വിചാരണകോടതിയിൽ നീതി ലഭിക്കുന്നില്ല എന്ന ഗുരുതരമായ ആരോപണം ഉയർന്നിരുന്നതിന്റെ പശ്ചാത്തലത്തിലാണ് സംസ്ഥാന സർക്കാർ സുപ്രീം കോടതിയെ സമീപിച്ചത്.
വിചാരണക്കോടതി ജഡ്ജിയുടെ നടപടികളിലോ ഉത്തരവിലോ എന്തെങ്കിലും എതിർപ്പുകൾ ഉണ്ടെങ്കിൽ സംസ്ഥാന സർക്കാരിന് ഹൈക്കോടതിയെ സമീപിക്കാമെന്ന് സുപ്രീംകോടതി പറഞ്ഞു.
ഇതുസംബന്ധിച്ച കേരളാ ഹൈക്കോടതി ഉത്തരവ് സുപ്രീം കോടതി ശരിവെക്കുകയായിരുന്നു.കോടതി മാറ്റണമെന്ന ആവശ്യവുമായി ആക്രമിക്കപ്പെട്ട നടിയും സംസ്ഥാന സർക്കാരും ഹൈക്കോടതിയെ സമീപിച്ചിരുന്നു.
കേസിന്റെ വിചാരണ അന്തിമ ഘട്ടത്തിലേക്ക് കടക്കുന്ന സാഹചര്യ ത്തിൽ കോടതി മാറ്റണമെന്ന ആവശ്യം പ്രായോഗികമല്ല എന്ന നിലപിടിലാണ് സുപ്രീം കോടതി.ഏറെ മാധ്യമ ശ്രദ്ധ നേടിയ കേസായ തിനാൽ ജഡ്ജിക്ക് സമ്മർദ്ദമുണ്ടായിരുന്നേക്കാം.അതുകൊണ്ട്തന്നെ ഓരോ വിഷയങ്ങൾ മാത്രം എടുത്ത് ജഡ്ജി മുൻവിധിയോടെ പ്രവർത്തിക്കുന്നു എന്ന് പറഞ്ഞ് ജഡ്ജിയുടെ മനോവീര്യം തർക്കരുതെന്ന് സുപ്രീം കോടതി പറഞ്ഞു. കർത്തവ്യ നിർവഹണത്തിന് ജഡ്ജിയെ സഹായിക്കുകയാണ് സർക്കാർ ചെയ്യേണ്ടതെന്ന് കോടതി നിരീക്ഷിച്ചു.

നിലവിൽ കേസിൽ പബ്ലിക് പ്രോസിക്യൂട്ടർ രാജിവെച്ച സാഹചര്യത്തിൽ പുതിയ പബ്ലിക് പ്രോസിക്യൂട്ടറെ നിയമിക്കാൻ സുപ്രീം കോടതി സമയം അനുവദിച്ചു.പ്രോസിക്യൂട്ടർ രാജിവെച്ച കാര്യം സംസ്ഥാന സർക്കാർ സുപ്രീം കോടതിയെ അറിയിച്ചിരുന്നു.
എന്നാൽ വിചാരണകോടതി ജഡ്ജിക്കെതിരെയും ദിലീപിനെതിരെയും നിശിതമായ വിമർശനമാണ് സംസ്ഥാന സർക്കർ ഇന്നും കോടതിയിൽ ഉന്നയിച്ചത്.രഹസ്യ വിചാരണ എന്ന ഉത്തരവ് നിലനിൽക്കെ 20 ഓളം പ്രതിഭാഗം അഭിഭാഷകർ വിചാരണ ചെയ്‌തെന്നും ജഡ്‌ജിതന്നെ ഇരക്കെതിരെ മോശം പരാമർശം നടത്തി എന്നും ദിലീപ് മനഃപൂർവ്വം നടപടികൾ വൈകിപ്പിക്കുന്നു എന്നും സംസ്ഥാന സർക്കാർ ആർജ്ജവത്തോടെ ഇന്നും സുപ്രീം കോടതിയെ അറിയിച്ചിരുന്നു.
സംസ്ഥാനസർക്കാരിനുവേണ്ടി മുൻ സോളിസിറ്റർ ജനറൽ രഞ്ജിത്ത് കുമാർ, സ്റ്റാന്റിംഗ് കോൺസൽ ജി പ്രകാശ് എന്നിവർ ഹാജരായി. ദിലീപിന് വേണ്ടി സുപ്രീം കോടതിയിലെ മുതിർന്ന അഭിഭാഷകൻ മുകുൾ റോത്തഗി ഹാജരായിരുന്നെങ്കിലും സംസ്ഥാന സർക്കാർ വാദമേ ഇന്ന് കേൾക്കു എന്ന് കോടതി അറിയിക്കുകയായിരുന്നു.

വാക്‌സിൻ കുത്തിവെപ്പിന് വിപുലമായ സന്നാഹങ്ങൾ:പ്രതിദിന കുത്തിവെപ്പ് 100,അര മണിക്കൂർ നിരീക്ഷണം

സ്വന്തംലേഖകൻ
ന്യൂഡൽഹിഃ കോവിഡ് വാക്‌സിൻ ജനങ്ങളിലേക്കെത്തിക്കാൻ തയ്യാറായതിന്റെ പശ്ചാത്തലത്തിൽ കുത്തിവെപ്പിനായി വിപുലമായ സന്നാഹങ്ങളാണ് കേന്ദ്ര സർക്കാർ ഒരുക്കിയിരിക്കുന്നത്. ഇതുസംബ ന്ധിച്ച കൃത്യമായ മാർഗരേഖ സംസഥാനങ്ങൾക്ക് കൈമാറി.
ഓരോ വാക്‌സിൻ കേന്ദ്രങ്ങളിലും പ്രതിദിനം നൂറ് പേർക്ക് മാത്രമായിരിക്കും ആദ്യഘട്ടത്തിൽ കുത്തിവെപ്പ് നടത്തുക. ആരോഗ്യപ്രവർത്തകർ അഞ്ച് പേർ മാത്രമാണ് കുത്തിവെപ്പ് കേന്ദ്രത്തിൽ ഉണ്ടാവുക.

വാക്‌സിൻ കുത്തിവെപ്പ് കേന്ദ്രങ്ങൾ എങ്ങിനെ ആയിരിക്കണമെന്നു വരെ കൃത്യമായ മാർഗരേഖ കേന്ദ്രം പുറത്തിറക്കി.വാക്‌സിനേഷൻ കേന്ദ്രത്തിന് മൂന്ന് മുറികൾ ഉണ്ടായിരിക്കണം.ആദ്യത്തെ മുറിയിൽ വാക്‌സിൻ സ്വീകരിക്കാൻ വരുന്നവർക്കുള്ള കാത്തിരിപ്പ് കേന്ദ്രമാണ്.രണ്ടാമത്തെ മുറിയിലാണ് കുത്തിവെപ്പ്.ഒരു സമയം ഒരാൾക്ക് മാത്രം.മൂന്നാമത്തെ മുറി നിരീക്ഷണകേന്ദ്രമായി പ്രവർത്തിക്കും.അര മണിക്കൂർ വാക്‌സിൻ സ്വീകരിച്ചയാളെ നിരീക്ഷിക്കും.

കേന്ദ്രം മുഴുവനായും കോവിഡ് പ്രോട്ടോകോൾ പാലിച്ചുവേണം പ്രവർത്തിക്കാൻ.നിരീക്ഷണ സമയത്ത് എന്തെങ്കിലും പ്രയാസം അനുഭവപ്പെടുന്ന ആളെ ഉടൻ നേരത്തെ തയ്യാറാക്കിയ ആശുപത്രി യിലെത്തിക്കും.ഇത്തരം ആശുപത്രികളെക്കുറിച്ചും മാർഗ്ഗരേഖയുണ്ട്. ആശുപത്രികളുടെ പട്ടിക നേരത്തെ തയ്യാറാക്കി ഒരുങ്ങിയിരിക്കണം. കോവിഡ് വാക്‌സിനേഷൻതുടങ്ങിയ ബ്രിട്ടനിൽ 10 മിനുട്ട് മാത്രമാണ് കുത്തിവെച്ചവരെ നിരീക്ഷിച്ചത്.
കമ്മ്യൂണിറ്റി ഹാളുകൾക്കും ആരോഗ്യ കേന്ദ്രങ്ങൾക്കും പുറമെ പ്രത്യേകം തയ്യാറാക്കിയ ടെന്റുകളിലും വാക്‌സിൻ കേന്ദ്രങ്ങൾ ആരംഭിക്കാമെന്ന് ആലോചിക്കുന്നുണ്ട്.കേന്ദ്ര മാർഗ്ഗരേഖയുടെ അടിസ്ഥാനത്തിൽ സംസ്ഥാനങ്ങളാണ് ഒരുക്കങ്ങൾ നടത്തേണ്ടത്.

2014 ലെ തോൽവി: സോണിയയ്ക്കും മന്മോഹനും പ്രണബിന്റെ ഓർമ്മക്കുറിപ്പിൽ പഴി

സ്വന്തംലേഖകൻ
ന്യൂഡൽഹിഃ രാഷ്ട്രപതിയായുള്ള തന്റെ രംഗപ്രവേശനത്തിന് ശേഷം കോൺഗ്രസ് നേതൃത്വത്തിന് രാഷ്ട്രീയമായ ശ്രദ്ധ നഷ്ടപ്പെട്ടതായി മുൻ രാഷ്ട്രപതി പ്രണബ് മുഖർജിയുടെ ഓർമ്മക്കുറിപ്പുകളിൽ പറയുന്നു.ജനുവരിയിൽ പുറത്തിറങ്ങുന്ന അദ്ദേഹത്തിന്റെ ഓർമ്മക്കുറിപ്പുകളിലെ പ്രസക്തഭാഗങ്ങളിലാണ് ഇക്കാര്യങ്ങൾ സൂചിപ്പിച്ചി രിക്കുന്നത്.
2004 ലെ യുപി എ മന്ത്രിസഭയിൽ പ്രണബ് മുഖർജി പ്രധാനമന്ത്രിയായി വന്നിരുന്നുവെങ്കിൽ 2014 യു പി എ ഏറ്റുവാങ്ങിയ കനത്ത ആഘാതം ഒഴിവാക്കാമായിരുന്നു എന്ന് കോൺഗ്രസിലെ തന്നെ ചില നേതാക്കൾ കരുതിയിരുന്നതായും പറഞ്ഞിരുന്നതായും ഓർമ്മക്കുറിപ്പിൽ പറയുന്നുണ്ട്.
എന്നാൽ ആ കാഴ്ചപ്പാട് താൻ അംഗീകരിക്കുന്നില്ലെന്നും രാഷ്ട്രപതിയായുള്ള തന്റെ സ്ഥാനാരോഹണം കോൺഗ്രസിന് രാഷ്ട്രീയമായ ശ്രദ്ധ നഷ്ടപ്പെടുത്തി എന്ന് വിശ്വസിക്കുന്നതായും പറയുന്നു.സോണിയയ്ക്കാണെങ്കിൽ രാഷ്ട്രീയമായ കാര്യങ്ങൾ കൈകാര്യം ചെയ്യാൻ പറ്റുന്നുണ്ടായിരുന്നില്ല.മൻമോഹൻ സിംഗിന്റെ സഭയിലെ അസാന്നിധ്യം പാർലമെന്റ് അംഗങ്ങളുമായുള്ള വ്യക്തി ബന്ധങ്ങളെ നിലനിർത്താനും സാധിച്ചില്ല.രാഷ്ട്രീയ സഖ്യങ്ങൾ കാത്തുസൂക്ഷിക്കുന്നതിൽ കൂടുതൽ ശ്രദ്ധ വെച്ച മൻമോഹ സിംഗിന്റെ ഭരണത്തെ അത് ബാധിച്ചു.
എന്നാൽ കോൺഗ്രസിന് ഭരണം നഷ്ടപ്പെട്ടതിന്റെ ശേഷം മോഡി യുഗത്തിൽ വിവിധ സംസ്‌ഥാനങ്ങളിലെ കോൺഗ്രസിന്റെ പരാജയം സംബന്ധിച്ച് മുതിർന്ന നേതാക്കളടക്കം പരസ്യ പ്രതികരണം നടത്തിയിരുന്നു.ഇതിന്റെ പിന്നാലെയാണ് പ്രണബിന്റെ ഓർമ്മക്കുറിപ്പുകൾ പുറത്തിറങ്ങാൻ പോകുന്നത്.കഴിഞ്ഞ അഗസ്തിലാണ് പ്രണബ് മുഖർജി അന്തരിച്ചത്.

photo:times nownews.com

പുതിയ പാർലമെന്റ് മന്ദിരത്തിന് പ്രധാനമന്ത്രി തറക്കല്ലിട്ടു

ന്യൂഡൽഹി: പുതിയ പാർലമെൻറ് മന്ദിരത്തിന് പ്രധാനമന്ത്രി നരേന്ദ്ര മോഡി ഭൂമിപൂജ നടത്തി തറക്കല്ലിലിട്ടു.അത്യന്താധുനിക സൗകര്യങ്ങളോട്കൂടിയ ലോകത്തെ മികച്ച വാസ്തുശിൽപ്പങ്ങളിൽ ഒന്നാകാൻ പോകുന്ന പുതിയ പാർലമെന്റ് മന്ദിരത്തിന് 971 കോടി രൂപയാണ് ചിലവ് പ്രതീക്ഷിക്കുന്നത്.

64.500 ചതുരശ്ര വിസ്തീർണ്ണമുള്ള കെട്ടിടം വിസ്മയകരമായ കാഴ്ചയായി മാറുമെന്നാണ് വിലയിരുത്തപ്പെടുന്നത്.
പാർലമെന്റ് നിർമാണ പദ്ധതികളെ എതിർത്തുകൊണ്ടുള്ള ചില ഹർജികളിൻമേൽ നിർമ്മാണ പ്രവർത്തനങ്ങൾ ഉടൻ പാടില്ലെന്ന് സുപ്രീംകോടതി തിങ്കളാഴ്ച ഉത്തരവിട്ടിരുന്നു.എന്നാൽ ശിലാസ്ഥാപനത്തിനും മറ്റ്കടലാസുജോലികൾക്കും തടസ്സമില്ല.
കേന്ദ്രമന്ത്രിമാരായ അമിത്ഷാ,രാജ്നാഥ്സിങ്,രവിശങ്കർ പ്രസാദ്,ലോക്സഭാ സ്പീക്കർ ഓം ബിർള,രാജ്യസഭാ ഉപാധ്യക്ഷൻ ഹരിവംശ് നാരായൺ സിങ് ,ടാറ്റ ട്രസ്റ്റ് ചെയർമാൻ രത്തൻ ടാറ്റ,വിവിധ ആത്മീയ നേതാക്കൾ,വിദേശ പ്രതിനിധികൾ എന്നിവർ പങ്കെടുത്തു.
സെൻട്രൽ വിസ്ത എന്നറിയപ്പെടാൻപോകുന്ന പുതിയ പാർലമെന്റ് സമുച്ചയത്തിന് 20.000 കോടി രൂപയാണ് ചിലവ് പ്രതീക്ഷിക്കുന്നത്. ത്രികോണാകൃതിയിലുള്ള പാർലമെന്റ് മന്ദിരത്തിൽത്തന്നെയാവും പ്രാധാന മന്ത്രിയുടെ വസതിയും ഓഫീസും ഉൾപ്പെടുക. രാഷ്ട്രപതിഭവൻ ഇപ്പോഴുള്ള സ്ഥലത്ത് തന്നെ തുടരും.നിലവിലെ പാർലമെന്റ് മന്ദിരവും നോർത്ത്-സൗത്ത് ബ്ലോക്കുകളും പൈതൃകങ്ങളായി നിലനിർത്തും. പാർലമെന്റ് മന്ദിരത്തിന്റെ പദ്ധതി പൂർത്തിയായാൽ വിജയ് ചൗക്ക് ഉൾപ്പെടുന്ന ഏറ്റവും തന്ത്രപ്രധാന മേഖലയുടെ മുഖച്ഛായ മാറുകയും തന്ത്രപ്രധാനമായ എല്ലാ ഓഫീസുകളും അടുത്തടുത്തായി മാറുകയും ചെയ്യും.

ഫൈസർ വാക്‌സിൻ അലർജിയുള്ളവർ ഉപയോഗിക്കരുതെന്ന് ബ്രിട്ടൻ

ലണ്ടൺ: ഫൈസർ ബയോൺ ടെക്കിന്റെ കോവിഡ് പ്രതിരോധ വാക്‌സിൻ അലർജിയുള്ളവർ സ്വീകരിക്കരുതെന്ന് ബ്രിട്ടൻ മെഡിസിൻ റെഗുലേറ്ററി അതോറിറ്റിയുടെ മുന്നറിയിപ്പ്.വാക്‌സിൻ സ്വീകരിച്ച രണ്ടുപേർക്ക് കുത്തിവെപ്പിനെ തുടർന്ന് പാർശ്വ ഫലങ്ങൾ റിപ്പോർട്ട് ചെയ്യപ്പെട്ടതിന്റെ പശ്ചാത്തലത്തിലാണ് ഇത്.
ആദ്യഘട്ടത്തിൽ വാക്‌സിൻ സ്വീകരിച്ച ആരോഗ്യപ്രവർത്തകരിൽ രണ്ടുപേർ അലർജി പശ്ചാത്തലമുള്ളവരായിരുന്നു മൂന്നാംഘട്ട പരീക്ഷണ സമയത്ത് അലർജിയുള്ളവരെ പരീക്ഷണത്തിൽ ഉൾപ്പെടുത്തിയിരുന്നില്ല.ചൊവ്വാഴ്ചമുതലാണ് ബ്രിട്ടനിൽ കോവിഡ് പ്രതിരോധ വാക്‌സിൻ ജനങ്ങൾക്കായി നൽകിത്തുടങ്ങിയത്. ആരോഗ്യപ്രവർത്തകർക്കും കോവിഡ് പ്രതിരോധ പ്രവർത്തനങ്ങളിലേർപ്പെട്ടിരുന്നവർക്കും പ്രായമായവർക്കുമാണ് ആദ്യഘട്ടത്തിൽ പ്രതിരോധ വാക്‌സിൻ വിതരണം ചെയ്യുന്നത്.

പിന്നോട്ടില്ലെന്ന് കർഷകർ,അമിത്ഷാ നടത്തിയ ചർച്ച പരാജയം

ന്യൂഡൽഹി: കാർഷിക നിയമങ്ങൾ പിൻവലിക്കണം എന്നാവശ്യപ്പെട്ട് സമരം ചെയ്യുന്ന കർഷക സംഘടനാ നേതാക്കളുമായി കേന്ദ്ര ആഭ്യന്തര മന്ത്രി അമിത് ഷാ നടത്തിയ ചർച്ച പരാജയം..കർഷക സംഘടനകളുടെ 13 നേതാക്കൾ ചർച്ചയിൽ പങ്കെടുത്തിരുന്നു.

കാർഷിക നിയമങ്ങൾ പിൻവലിക്കില്ല, എന്നാൽ നിയമം ഒരു തരത്തിലും കർഷകരെ ബാധിക്കില്ല എന്ന അമിത്ഷായുടെ ഉറപ്പ് കർഷകർ അംഗീകരിച്ചില്ല.നിയമം പിൻവലിക്കാതെ പിന്നോട്ടില്ലെന്ന് പ്രഖ്യാപിച്ച കർഷകർ നാളത്തെ ചർച്ചയിലും പങ്കെടുക്കില്ല എന്നറിയിച്ചു.

തുടർ നടപടികൾ കർഷക സംഘടനകൾ നാളെ യോഗം ചേർന്ന് ആലോചിക്കുമെന്നും കർഷക നേതാക്കൾ പറഞ്ഞു.
അമിത്ഷായുടെ വസതിയിൽ ചർച്ച നടത്തുമെന്നാണ് ആദ്യം അറിയിച്ചതെങ്കിലും പിന്നീട് വേദി മാറ്റുകയായിരുന്നു.
ആഭ്യന്തര മന്ത്രിയുടെ വസതിയിൽനിന്ന് കിലോമീറ്ററുകൾ അകലെയുള്ള കാർഷിക കോളേജ് ക്യാമ്പസ്സിലേക്കാണ് വേദി മാറ്റിയത്.
നാളെ കർഷക സംഘടനകളുമായി ആറാം വട്ട ചർച്ച നടത്താനാണ് കേന്ദ്ര സർക്കാർ തീരുമാനിച്ചതെങ്കിലും പൊടുന്നനെ നിലപാട് മാറ്റുകയായിരുന്നു.ഒരുവിഭാഗം കർഷക സംഘടനാ നേതാക്കളെ അമിത്ഷാ ചർച്ചക്ക് വിളിക്കുകയായിരുന്നു.എന്നാൽ തങ്ങൾ വിട്ടുവീഴ്ചക്ക് തയ്യാറല്ലെന്നും കാർഷിക നിയമം പിൻവലിക്കുക എന്ന ഒറ്റ ആവശ്യം മാത്രമേ തങ്ങൾക്കുള്ളു എന്നാണ് കർഷക നിലപാട്.ഭാരത് ബന്ദിന് ലഭിച്ച ജനപിന്തുണയാണ് കേന്ദ്ര സർക്കറിനെ സംമ്മർദ്ദത്തിലാക്കിയതെന്ന് വിലയിരുത്തപ്പെടുന്നു.

സ്വർണ്ണക്കടത്ത് കേസ് വഴിത്തിരിവിൽ: ഞെട്ടിക്കുന്ന വിവരങ്ങൾ പുറത്ത്

കൊച്ചി: സ്വർണ്ണക്കടത്ത് കേസിൽ നിർണ്ണായക വഴിത്തിരിവ്. ഡിപ്ലോമാറ്റിക് ചാനൽ വഴി പ്രമുഖർ കോടികളുടെ കള്ളപ്പണം ഗൾഫിലേക്ക് കടത്തിയെന്ന ഞെട്ടിക്കുന്ന വിവരങ്ങളാണ് പുറത്തുവരുന്നത്.

ഡിപ്ലോമാറ്റിക് ബാഗേജ് വഴിതന്നെയാണ് കോടികളുടെ കള്ളപ്പണം ഗൾഫിലേക്ക് കടത്തിയത്.പല പ്രമുഖരും ഇതിൽ ഉണ്ടെന്നാണ് കസ്റ്റംസ് പറയുന്നത്.സ്വപ്നയും സരിത്തുമാണ് ഇതുസംബന്ധിച്ച വെളിപ്പെടുത്തലുകൾ കസ്റ്റംസിനോട് നടത്തിയത് എന്നാണ് വിവരം.യു എ ഇ കോൺസുലേറ്റ് മുൻ ഗൺമാൻ ജയഘോഷ്,ഡ്രൈവർ സിദ്ദിഖ് എന്നിവരെ കസ്റ്റംസ് ചോദ്യം ചെയ്യുകയാണ്.സ്വർണ്ണകടത്തു‌പോലെ ഡോളർ കടത്തും അതീവ ഗൗരവമുള്ള വിഷയമായിട്ടാണ് കസ്റ്റംസ് കരുതുന്നത്.
ഞെട്ടിക്കുന്ന വിവരങ്ങളാണ് പുറത്തുവരാൻ പോകുന്നത് എന്നാണ് സൂചന.പല പ്രമുഖരുടെയും പണം ഡിപ്ലോമാറ്റിക് ചാനലിലൂടെ വിദേശത്ത് എത്തി എന്നാണ് സ്വപ്നയുടെയും ശരത്തിന്റെയും മൊഴി എന്നറിയുന്നു.ഈ മൊഴിയുടെ അടിസ്ഥാനത്തിലാണ് സ്വപ്നയുടെയും സരിത്തിന്റെയും ജീവന് വരെ ഭീഷണി ഉണ്ടെന്നാണ് കസ്റ്റംസ് കോടതിയെ അറിയിച്ചത്.

വ്യാജ കോവിഡ് വാക്‌സിൻ വിപണിയിൽ എത്താൻ സാധ്യതയെന്ന് ഇന്റർപോൾ മുന്നറിയിപ്പ്

ന്യൂഡൽഹി:

ലോകം പ്രതീക്ഷയോടെ കാത്തുനിൽക്കുന്ന കോവിഡ് വാക്‌സിന്റെ വ്യാജൻ വരെ വിപണിയിലെത്താമെന്നും കരുതിയിരിക്കണമെന്നും ഇന്റർപോൾ മുന്നറിയിപ്പ്.യഥാർത്ഥ കോവിഡ് വാക്‌സിൻ വിപണിയിൽ ലഭ്യമാകുന്നതോടെ വ്യാജ മരുന്നിന്റെ വിപണന സാധ്യത ഉണ്ടെന്നാണ് ഇന്റർപോൾ പറയുന്നത്.ഇന്റർനെറ്റിൽ ഇതുസംബന്ധിച്ച പരസ്യങ്ങൾ നൽകാനും അതുവഴി വിൽക്കാനും സാധ്യതയുണ്ട്.
ഇതുസംബന്ധിച്ച് ഇന്റർപോൾ 194 രാജ്യങ്ങൾക്ക് മുന്നറിയിപ്പ് നൽകിക്കഴിഞ്ഞു.ഇതുമായി ബന്ധപ്പെട്ട് ഓറഞ്ച് നോട്ടീസും പുറപ്പെടുവിച്ചിട്ടുണ്ട്.പൊതുസുരക്ഷയ്ക്ക് ഭീഷണിയാകുന്ന വ്യക്തികളെക്കുറിച്ചും കാര്യങ്ങളെ ക്കുറിച്ചുംമുന്നറിയിപ്പ് നൽകാനാണ് ഓറഞ്ച് നോട്ടീസ് പുറപ്പെടുവിക്കുക.ഇന്റർപോൾ പുറപ്പെടുവിച്ച നോട്ടീസിൽ വ്യാജ കോവിഡ് വാക്‌സിൻ സംബന്ധിച്ച് കരുതിയിരിക്കാൻ പറയുന്നുണ്ട്.
കുറ്റവാളി സംഘങ്ങൾ സാഹചര്യങ്ങൾ മുതലാക്കി ഇത്തരം ചതികളിലേർപ്പെടുന്നത് ഗുരുതര പ്രത്യാഘാതങ്ങൾ ഉണ്ടാക്കും. യഥാർത്ഥ കോവിഡ് വാക്‌സിൻ വിതരണ ശ്രിംഖലയെവരെ ഇത് ബാധിച്ചേക്കുമെന്നാണ് മുന്നറിയിപ്പ്.കോവിഡ് വാക്‌സിന് ബ്രിട്ടൻ അനുമതി നൽകിയതിന് പിന്നാലെയാണ് ഇന്റർപോൾ ഇങ്ങനെയൊരു മുന്നറിയിപ്പ് പുറപ്പെടുവിച്ചത്.

|നയം വ്യക്തമാക്കുന്നു… രജനികാന്തിന്റെ പാർട്ടി ജനുവരിയിൽ| പ്രഖ്യാപനം 31 ന്

ചെന്നൈ: ഊഹാപോഹങ്ങൾക്കൊടുവിൽ 'തലൈവർ' നയം വ്യക്തമാക്കുന്നു.രാഷ്ട്രീയ പ്രവേശനം സംബന്ധിച്ച് നടൻ രജനീകാന്ത് മൗനം വെടിഞ്ഞു. ഈ മാസം അവസാനത്തോടെ പാർട്ടി പ്രഖ്യാപന തീരുമാനം ഉണ്ടാകുമെന്നും ജനുവരിയിൽ പാർട്ടി നിലവിൽ വരുമെന്നുമാണ് റിപോർട്ടുകൾ.
കഴിഞ്ഞ മാസം ആരാധകരുടെ സംഘടനയായ രജനി മക്കൾ മണ് ട്രത്തിന്റെ പ്രവർത്തകരുമായി അദ്ദേഹം കൂടിക്കാഴ്ച നടത്തിയിരുന്നു.താരത്തിന്റെ തീരുമാനം എന്തായാലും അതിനെ പിന്തുണക്കാനാണ് ആരാധകരുടെ തീരുമാനം.
വർഷങ്ങൾക്ക് മുൻപ് വൃക്ക മാറ്റിവെക്കൽ നടത്തിയ രജനികാന്ത് കോവിഡ് സാഹചര്യത്തിൽ വളരെ ശ്രദ്ധയോടെയാണ് കഴിയുന്നത്.അതുകൊണ്ട് തന്നെ താരം അധികം പുറത്തിറങ്ങാറില്ല.എന്നാൽ രാഷ്ട്രീയപ്രവേശം വൈകുന്നു എന്ന തരത്തിലും പിൻവാങ്ങുന്നു എന്ന തരത്തിലും വാർത്തകൾ വന്നിരുന്നു.താരത്തിന്റെ ആരോഗ്യനില സംബന്ധിച്ചും അഭ്യൂഹങ്ങൾ പ്രചരിച്ചിരുന്നു.എന്നാൽ വളരെ ആവേശത്തോടെ ആരോഗ്യവാനായ അദ്ദേഹം ആരാധകരെ കഴിഞ്ഞമാസം അഭിസംബോധന ചെയ്തിരുന്നു.അമിത്ഷാ ചെന്നൈ യിൽ വന്നപ്പോൾ രാഷ്ട്രീയ പ്രവേശനം സംബന്ധിച്ച ചർച്ചകൾക്കായി രജനികാന്തിനെ കാണാൻ ശ്രമിച്ചിരുന്നെങ്കിലും കൂടിക്കാഴ്ച്ച ഉണ്ടായിരുന്നില്ല.

മുഖ്യമന്ത്രിയുടെ ഉപദേഷ്ടാവ് രമൺ ശ്രീവാസ്തവക്കെതിരെ പാർട്ടിയിൽ പടയൊരുക്കം

തിരുവനന്തപുരം: മുഖ്യമന്ത്രിയുടെ പോലീസ് ഉപദേഷ്ടാവ് രമൺ ശ്രീവാസ്തവക്കെതിരെ സിപിഎമ്മിൽ പടയൊരുക്കം.കെ എസ് എഫ് ഇ റെയ്ഡ് അടക്കം സിപിഎമ്മിനേയും സർക്കാരിനെയും പ്രതിക്കൂട്ടിലാക്കുന്ന നടപടികൾ പോലീസ് ഉപദേശകന്റെ ഭാഗത്തുനിന്ന് ഉണ്ടായി എന്നാണ് ആരോപണം.

കഴിഞ്ഞ നാലര വർഷത്തിനിടയിൽ പാർട്ടിയെയും സർക്കാരിനെയും പ്രതിക്കൂട്ടിലാക്കിയ പല നടപടികളിലും ഉപദേഷ്ടാവിന് പങ്കുണ്ടെന്ന തരത്തിൽ കടുത്ത ആക്ഷേപങ്ങളാണ് ഉയർന്നിരിക്കുന്നത്.
മുഖ്യമന്ത്രി ഒഴികെ സിപിഎം നേതൃത്വത്തിൽ പലരും ഈ അപകടം നേരത്തെ ചൂണ്ടിക്കാണിച്ചതാണെന്ന് പറയപ്പെടുന്നു.കെ എസ് എഫ് ഇ റെയ്ഡിന് ശേഷം ധനമന്ത്രി തോമസ് ഐസക്കും സിപിഎം നേതാവ് ആനത്തലവട്ടം ആനന്ദനും ഇന്നലെ പരസ്യ പ്രതികരണം നടത്തുകയും ചെയ്തിട്ടുണ്ട്.മുഖ്യമന്ത്രിപോലും അറിയാതെ വിജിലൻസ് ഡയറക്ടർ സ്ഥലത്തില്ലാത്ത സമയത്ത് കെ എസ് എഫ് ഇ യിൽ നടത്തിയ റെയ്‌ഡ്‌ ഗൂഢാലോചന ആണെന്നാണ് വിലയിരുത്തപ്പെടുന്നത്.
ഒരു കാലത്ത് സിപിഎമ്മിന് അനഭിമതനായിരുന്ന രമൺ ശ്രീവാസ്ത വയെ പോലീസ് ഉപദേഷ്ടാവായി നിയമിക്കുന്നതിൽ പാർട്ടി നേതൃത്വ ത്തിന് അന്നേ വലിയ താൽപര്യമില്ലായിരുന്നു.എന്നാൽ മുഖ്യമന്ത്രി പിണറായി വിജയൻറെ പ്രത്യേക താൽപര്യത്തിന്റെ അടിസ്ഥാനത്തി ലായിരുന്നു നിയമനം.നിയമനത്തിന് ശേഷവും ഈ കാലമത്രയും രമൺ ശ്രീവാസ്വ മറ്റൊരു സ്വകാര്യ ധനകാര്യ സ്ഥാപനത്തിന്റെ ഉപദേഷ്ടാവായിരുന്നു.എന്നാൽ ഇത് സിപിഎം നേതൃത്വം അറിയാഞ്ഞിട്ടല്ല ഇപ്പോൾ ഉയർന്നുവന്ന സംഭവങ്ങളുടെ പശ്ചാത്തലത്തിൽ മാത്രമാണ് ഈ യുദ്ധ പ്രഖ്യാപനം എന്നും വിലയിരുത്തപ്പെടുന്നു.
കെ എസ എഫ് ഇ യിലെ റെയ്ഡ് വ്യക്തമായ ഉദ്ദേശ ലക്ഷ്യത്തോടെ രമൺ ശ്രീവാസ്തവ നടപ്പാക്കിയത് തന്നെയാണെന്നാണ് സിപിഎം ആക്ഷേപം.റെയ്ഡ് നടത്തിയതിലൂടെ സ്ഥാപനത്തെ താറടിച്ചു കാണിക്കുക എന്ന സ്ഥാപിത താൽപര്യം ഒരു പരിധിവരെ വിജയം കണ്ടു എന്നും നേതാക്കളിൽ ചിലർ പറയാൻ തുടങ്ങി.
വിവാദമായ പോലീസ് ഭേദഗതി നിയമം കൊണ്ടുവന്ന്,ഒടുവിൽ പിൻവലിക്കേണ്ടിവന്ന് പൊതുസമൂഹത്തിന്റെ മുന്നിൽ നാണംകെടേണ്ട സാഹചര്യം സൃഷ്ടിച്ചതും രമൺ ശ്രീവാസ്തവയുടെ ഉപദേശത്തിന്റെ ഫലമാണെന്ന് സിപിഎമ്മിൽ തന്നെ പടയൊരുക്കം നടന്നിരുന്നു.പോലീസ് ഉപദേഷ്ടാവിന് തെറ്റ് പറ്റിയെന്ന് മുഖ്യമന്ത്രിക്ക് തന്നെ പരസ്യമായി പറയേണ്ടിവന്നിരുന്നു.ഈ വിവാദങ്ങൾ കെട്ടടങ്ങും മുമ്പേയാണ് പാർട്ടിയെയും പാർട്ടിയെയും ഭരണത്തെയും സൂചിമുനയിൽ നിർത്താൻ കെ എസ് എഫ് ഇ റെയ്ഡ് വിവാദവും വന്നത്.

photo:malayalam indian express

കോവിഡ് വാക്‌സിൻ ആദ്യം ഇന്ത്യക്കാർക്ക് നൽകും:ലൈസൻസ് ഉടൻ- സെറം മേധാവി

പൂനെ: പൂനെ സെറം ഇൻസ്റ്റിറ്റ്യൂട്ട് വികസിപ്പിക്കുന്ന കോവിഡ് വാക്‌സിൻ ആദ്യം ഇന്ത്യക്കാർക്ക് തന്നെ ലഭ്യമാക്കുമെന്ന് സെറം ഇൻസ്റ്റിറ്റ്യൂട്ട് മേധാവി പറഞ്ഞു.വാക്‌സിൻ ലൈസൻസ് ഉടൻ നേടാനുള്ള ശ്രമം ആരംഭിച്ചു കഴിഞ്ഞതായി ഇൻസ്റ്റിറ്റ്യൂട്ട് മേധാവി ആദാർ പൂനവാലാ അറിയിച്ചു.സെറം ഇൻസ്റ്റിട്യൂട്ടിൽ പ്രധാനമന്ത്രി നരേന്ദ്ര മോഡി സന്ദർശനം നടത്തിയതിന് തൊട്ടു പിന്നാലെയാണ് ഇതുസംബന്ധിച്ച ഇൻസ്റ്റിറ്റ്യൂട്ട് മേധാവിയുടെ പ്രസ്താവന വന്നത്.
സ്ഥാപനം വികസിപ്പിക്കുന്ന ഓസ്‌ഫോഡ് വാക്‌സിന്റെ സവിഷേതക ൾ പ്രധാനമന്ത്രിയെ ബോധ്യപ്പെടുത്തിയതായി പൂനവാല പറഞ്ഞു.
വാക്‌സിൻ വിതരണം സംബന്ധിച്ചും പ്രധാനമന്ത്രിയോട് സംസാരിച്ചു. വാക്‌സിൻ ആദ്യം ഇന്ത്യക്കാർക്ക് നൽകണമെന്ന് പ്രധാനമന്ത്രി നിർദേശിച്ചു.തുടർന്നാകും മറ്റ് രാജ്യങ്ങൾക്ക് നൽകുക.
എന്നാൽ വൻതോതിലുള്ള നിർമ്മാണത്തിന് സൗകര്യംഒരുക്കിയതായി അദ്ദേഹം അറിയിച്ചു.
'കോവിഷീൽഡ്' എന്നപേരിലായിരിക്കും വാക്‌സിൻ പുറത്തിറക്കുക. ആദ്യഘട്ടമെന്ന നിലയിൽ ജനുവരി ഫെബ്രുവരി മാസങ്ങളിൽ 10-15 ദശലക്ഷം വാക്‌സിനുകൾ ഉൽപ്പാദിപ്പിക്കും.
ഏപ്രിൽ-മെയ് മാസത്തോടെ 100 ദശലക്ഷം ഡോസായി ഇത് വർധിപ്പിക്കും.ജൂൺ -ജൂലൈ മാസങ്ങളിൽ 200-300 ദശലക്ഷം ഡോസായി വർധിപ്പിക്കും.ഇത് മുഴുവൻ ഇന്ത്യക്ക് വേണ്ടിവരുമെന്ന് പൂനവാല അറിയിച്ചു.
സെറം ഇൻസ്റ്റിറ്റ്യൂട്ട് ഗവേഷക സംഘവുമായി വിശദമായി സംവദിച്ചതായി പ്രധാനമന്ത്രി പിന്നീട ട്വീറ്റ് ചെയ്തു.അഹമ്മദാബാദ് സൈഡസ് ബയോ ടെക് പാർക്ക്,ഹൈദരാബാദിലെ ഭാരത് ബയോ ടെക്,പൂനെ സെറം ഇൻസ്റ്റിറ്റ്യൂട്ട് എന്നിവിടങ്ങളിലാണ് പ്രധാനമന്ത്രി സന്ദർശനം നടത്തിയത്.

https://twitter.com/narendramodi/status/1332671849545797632?ref_src=twsrc%5Egoogle%7Ctwcamp%5Eserp%7Ctwgr%5Etweet

ആമസോൺ-ഫ്ലിപ്കാർട്ട് മാതൃകയിൽ സർക്കാരിന്റെ ഇ- കോമേഴ്‌സ് പ്ലാറ്റ്‌ഫോം വരുന്നു

ന്യൂഡൽഹി: ആമസോൺ ഫ്ലിപ്പ്കാർട്ട് മാതൃകയിൽ സർക്കാർ വകയിൽ ഇ കോമേഴ്‌സ് പ്ലാറ്റ്‌ഫോം വരുന്നു.ആഗോള ഭീമന്മാർ ഈ മേഖല കയ്യടക്കിക്കൊണ്ടിരിക്കുന്നതും ഗ്രാമങ്ങളിൽപോലും ഇ കോമേഴ്‌സ് സംവിധാനം ജനങ്ങൾ ഉപയോഗപ്പെടുത്തുന്നതുമായ അവസ്ഥയിലാണ് സർക്കാരിന്റെ നേതൃത്വത്തിൽ ഇത്തരമൊരു സംരംഭത്തെക്കുറിച്ച് ആലോചിക്കുന്നത്.
ഓൺലൈൻ വ്യാപാരം പ്രോത്സാഹിപ്പിക്കുന്നതിനായി ഒരു സമിതിയെ സർക്കാർ ഇതിനകം നിയമിച്ചു കഴിഞ്ഞു. കോൺഫെഡറേഷൻ ഓഫ് ഓൾ ഇന്ത്യ ട്രേഡേഴ്സ് ജനറൽ സെക്രട്ടറി പ്രവീൺ ഖണ്ഡേവാൾ ഉൾപ്പെടെ 11 അംഗ സമിതിയാണ് ഇതുസംബന്ധിച്ച പഠനം നടത്തുക.കേന്ദ്ര വാണിജ്യ മന്ത്രാലയമാണ് സമിതിയെ നിയന്ത്രിക്കുക.
നിലവിൽ ഇ കോമേഴ്‌സ് വ്യാപാര മേഖലയിൽ നടക്കുന്ന ചോദ്യം ചെയ്യപ്പെടാത്ത തട്ടിപ്പുകളെ നിയന്ത്രിക്കുക എന്നതാണ് സർക്കാർ ഇടപെടലിന്റെ ലക്‌ഷ്യം.ഇ കോമേഴ്‌സ് മേഖല കൂടുതൽ ജനകീയമായതോടെ തട്ടിപ്പുകളുടെ എണ്ണവും കൂടിയിട്ടുണ്ടെന്ന വ്യാപക പരാതിയുണ്ട്.സാധാരണക്കാർപോലും സാധനങ്ങൾക്ക് ഓർഡർ ചെയ്യുകയും ഈ കോമേഴ്‌സ് മേഖല ഉപയോഗിക്കുകയും ചെയ്യുന്ന പശ്ചാത്തലത്തിലാണ് ഇത്.

ഇന്റർനെറ്റ് ഉപയോഗം സർവ്വസാധാരണവാവുകയും എന്നാൽ ഉപഭോക്താക്കളുടെ അവകാശം സംബന്ധിച്ചോ ഇന്റർനെറ്റിൽ തന്നെയുള്ള പരാതി പരിഹാര സംവിധാനങ്ങളെക്കുറിച്ചോ ഉള്ള സാധാരണക്കാരന്റെ അറിവില്ലായ്മയാണ് ഈ മേഖലയിലെ ഭീമന്മാർ മുതലെടുക്കുന്നത്.ഡോർ ട്ടോ ഡോർ ഡെലിവറി വാഗ്ദാനം ചെയ്യുന്ന ആമസോൺ പോലെയുള്ള കമ്പനികൾ ഇ കോമേഴ്‌സ് മേഖല സാധാരണക്കാർ കൂടി ഉപയോഗിക്കാൻ തുടങ്ങിയതോടെ ഉപഭോക്‌തൃ അവകാശങ്ങൾ മാനിക്കുന്നില്ല എന്ന ആക്ഷേപമുണ്ട്. സാധനങ്ങൾ വീട്ടിലെത്തിക്കുന്നതിന് പകരം ചുമതലയുള്ള കൊറിയർ കമ്പനിക്കാരൻ ഉപഭോക്താക്കളെ വിളിച്ച് സാധനങ്ങൾ വന്ന് ശേഖരിക്കാൻ വരെ പറയുന്ന അവസ്ഥയുമുണ്ട്.ഇതുസംബന്ധിച്ച പരാതിയുമായി സമീപിക്കാൻ സാധാരണക്കാർക്ക് ഭാഷ അടക്കമുള്ള വലിയ പ്രശ്നങ്ങൾ നിലനിൽക്കുന്നുണ്ട്.ഉപഭോക്താക്കൾക്ക് ലഭിക്കേണ്ട മാന്യമായ പെരുമാറ്റംപോലും പലപ്പോഴും ഈ മേഖലയിലെ വമ്പൻമാർക്ക് ലഭിക്കുന്നില്ല എന്ന പരാതിയും ഉണ്ട്. അതുകൊണ്ട്തന്നെ സർക്കാർ സംരംഭം പരക്കെ സ്വാഗതം ചെയ്യപ്പെടുകയാണ്.

നടി ആക്രമിക്കപ്പെട്ട കേസ്: ‘വിചാരണക്കോടതിമാറ്റണം’ശക്തമായ ആവശ്യവുമായി സർക്കാർ സുപ്രിം കോടതിയിലേക്ക്

സ്വന്തംലേഖകൻ

കൊച്ചി: നടി ആക്രമിക്കപ്പെട്ട കേസിൽ വിചാരണക്കോടതി മാറ്റണമെന്ന ശക്തമായ ആവശ്യവുമായി സംസ്ഥാന സർക്കാർ സുപ്രീം കോടതിയിലേക്ക്.വിഷയത്തിൽ ഉറച്ച നിലപാടെടുത്ത സംസ്ഥാന സർക്കാർ സി ആർ പി സി 406 വകുപ്പ് പ്രകാരമാണ് വിചാരണ ക്കോടതി മാറ്റണമെന്ന ആവശ്യം ഉന്നയിക്കുക.
ഇതുസംബന്ധിച്ച് കഴിഞ്ഞ ദിവസമുണ്ടായ ഹൈക്കോടതി ഉത്തരവിനെതിരെയാണ് സർക്കാർ സുപ്രിം കോടതിയെ സമീപിക്കുന്നത്.ഹൈക്കോടതിയിൽ ഉന്നയിച്ച അതെ വാദമുഖങ്ങൾ തന്നെയാവും സർക്കാർ സുപ്രീം കോടതിയിലും വാദിക്കുക.എല്ലാ വാദങ്ങളും പരിശോധിച്ചായിരുന്നില്ല ഹൈക്കോടതി ഉത്തരവെന്നും സർക്കാർ സുപ്രീം കോടതിയെ അറിയിക്കും.നേരത്തെ കോടതിയിൽ നടന്ന എല്ലാ കാര്യങ്ങളും വിശദമായി ത്തന്നെ ഹൈക്കോടതിയെ അറിയിച്ചതാണ്.ഇക്കാര്യമെല്ലാം ഉന്നയിച്ചാണ് ഹൈക്കോടതി സിംഗിൾ ബെഞ്ച് വിധിക്കെതിരെ സർക്കാർ സുപ്രീം കോടതിയിലേക്ക് പോകുന്നത്.
സംസ്ഥാന സർക്കാരിനുവേണ്ടി സുപ്രീം കോടതിയിലെ മുതിർന്ന അഭിഭാഷകൻ തന്നെ ഹാജരാകും എന്നാണ് സൂചന.

കർഷക റാലിയിൽ സംഘർഷം:ബാരിക്കേഡുകൾ വലിച്ചെറിഞ്ഞു

പോലീസ് ജലപീരങ്കിയും കണ്ണീർവാതകവും പ്രയോഗിച്ചു

ന്യൂഡൽഹി: കാർഷിക നിയമങ്ങൾക്കെതിരെയുള്ള പ്രക്ഷോഭമായി മാറിയ കർഷക റാലിയിൽ സംഘർഷം.പഞ്ചാബിൽനിന്ന് ഡൽഹിയിലേക്കുള്ള കർഷക മാർച്ചാണ് സംഘർഷത്തിൽ കലാശിച്ചത്.

മാർച്ച് ഹരിയാന അതിർത്തിയിൽ പോലീസ് തടഞ്ഞതോടെയാണ് ഇത്.സംഘർഷത്തിലേക്ക് കാര്യങ്ങൾ നീങ്ങിയപ്പോൾ പോലീസ് കണ്ണീർ വാതകവും ജല പീരങ്കിയും പ്രയോഗിച്ചു.തുടർന്ന് പ്രകോപനം ഉണ്ടാക്കിയ ഒരു സംഘം പാലത്തിൽ പോലീസ് സ്ഥാപിച്ചിരുന്ന ബാരിക്കേഡുകൾ നദിയിലേക്ക് എറിഞ്ഞു.
മുഖ്യമന്ത്രി മനോഹർ ലാൽ ഘട്ടറിന്റെ നിർദേശപ്രകാരമാണ് അതിർത്തി പോലീസ് അടച്ചത്.കർഷക റാലിയിൽ കുഴപ്പങ്ങൾ ഉണ്ടാക്കാൻ ആളുകൾ കയറിക്കൂടിയിട്ടുണ്ടെന്ന വിവരത്തെ തുടർന്നാണ് അതിർത്തിയിൽ പോലീസ് ജലപീരങ്കിയും ബാരിക്കേഡു കളുമടക്കം സർവ സന്നാഹങ്ങളും ഒരുക്കിയത്.

https://twitter.com/ANI/status/1331833223324712961?ref_src=twsrc%5Etfw%7Ctwcamp%5Etweetembed%7Ctwterm%5E1331833223324712961%7Ctwgr%5E%7Ctwcon%5Es1_&ref_url=https%3A%2F%2Fwww.mathrubhumi.com%2Fnews%2Findia%2Ffarmers-marching-to-delhi-enter-haryana-1.5235521

photo:hindustantimes.com

ഇബ്രാഹിം കുഞ്ഞിന് ജാമ്യമില്ല :ചോദ്യം ചെയ്യാൻ അനുമതി

കൊച്ചി: പാലാരിവട്ടം പാലം അഴിമതിക്കേസിൽ അറസ്റ്റിലായ മുൻ മന്ത്രി ഇബ്രാഹിം കുഞ്ഞിന് ജാമ്യമില്ല.കൊച്ചിയിലെ സ്വകാര്യ ആശുപത്രിയിൽ കഴിയുന്ന ഇബ്രാഹിം കുഞ്ഞിനെ ചോദ്യം ചെയ്യാൻ വിജിലൻസിന് ഒരു ദിവസത്തെ അനുമതിയും നൽകി.
മൂവാറ്റുപുഴ വിജിലൻസ് കോടതിയുടേതാണ് ഉത്തരവ്.വിജിലൻസ് സംഘം ആശുപത്രിയില്വെച്ച് തന്നെ ഇബ്രാഹിം കുഞ്ഞിനെ ചോദ്യം ചെയ്യും.ജുഡീഷ്യൽ കസ്റ്റഡിയിലിരിക്കെത്തന്നെ നവംബർ 30 ന് ചോദ്യം ചെയ്യാനാണ് കോടതി അനുമതി.
രാവിലെ 9 മുതൽ ഉച്ചക്ക് 12 വരെയും 3 മുതൽ വൈകുന്നേരം 5 വരെയും ചോദ്യം ചെയ്യാം.

ചോദ്യം ചെയ്യലിനായി ഏഴ് നിർദേശങ്ങൾ കോടതി മുന്നോട്ട് വെച്ചിട്ടുണ്ട്.അന്വേഷണ ഉദ്യോഗസ്ഥർ കോവിഡ് ടെസ്റ്റ് നടത്തിയിരി ക്കണം,ചോദ്യം ചെയ്യൽ സംഘത്തിൽ മൂന്ന് പേരിൽ കൂടുതൽ പാടില്ല, തുടർച്ചയായി ഒരു മണിക്കൂറിൽ കൂടുതൽ ചോദ്യം ചെയ്യൽ പാടില്ല, ചികിത്സ തടസ്സപ്പെടുത്തരുത്,കോടതി ഉത്തരവ് ആശുപത്രി അധികൃതരെ ബോധ്യപ്പെടുത്തണം,ശാരീരികമായോ മാനസികമായോ പീഡിപ്പിക്കരുത് തുടങ്ങിയ നിബന്ധനകളാണ് കോടതി മുന്നോട്ട് വെച്ചത്.രണ്ടാഴ്ചത്തെ ജുഡീഷ്യൽ കസ്റ്റഡിയിലാണ് ഇബ്രാഹിം കുഞ്ഞുള്ളത്.

ഇതിഹാസമേ …..വിട

ബ്യുണസ് ഐറിസ്:

ഫുട്ബോൾ ഇതിഹാസം ഡീഗോ അർമാൻഡോ മറഡോണ അന്തരിച്ചു.60 വയസ്സായിരുന്നു.തലച്ചോറിൽ രക്തം കട്ടപിടിച്ചതിനെ തുടർന്ന് അദ്ദേഹത്തെ അടിയന്തിര ശസ്ത്രക്രിയയ്ക്ക് വിധേയനാക്കിയിരുന്നു.ഹൃദയാഘാതത്തെ തുടർന്ന് ട്രിഗേയിലെ വസതിയിലായിരുന്നു അന്ത്യം.
വിഷാദ രോഗത്തെ തുടർന്ന് ബ്യുണസ് ഐറിസിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു.വിദഗ്ധ പരിശോധനയിലാണ് തലച്ചോറിലെ രക്തസ്രാവം കണ്ടെത്തിയത്.മണിക്കൂറുകൾ നീണ്ടുനിന്ന ശാസ്ത്രക്രിയക്കൊടുവിലാണ് കട്ട പിടിച്ച രക്തം നീക്കം ചെയ്തത്.കഴിഞ്ഞമാസമാണ് താരം അറുപതാം പിറന്നാൾ ആഘോഷിച്ചത്.
1960 ഒക്ടോബറിൽ അർജന്റീനയിലെ ബ്യുണസ് ഐറിസിലെ വില്ല ഫിയോറിത്തൊയിലാണ് ജനനം.ഡോൺ ഡീഗോ ഡാൽമ സാൽവദോറ.ഫ്രാങ്കോ ദമ്പതികളുടെ എട്ടു മക്കളിൽ അഞ്ചാമനായിരുന്നു.ദാരിദ്ര്യം നിറഞ്ഞതായിരുന്നു കുട്ടിക്കാലം.ഫാക്ടറി ജീവനക്കാരനായിരുന്ന അച്ഛൻ ഡോണിന് കുടുംബം പുലർത്താൻ പാടുപെടേണ്ടിവന്നു.
മൂന്നാം പിറന്നാൾ ദിനത്തിൽ സമ്മാനമായി കിട്ടിയ ഒരു പന്തിൽനിന്നായിരുന്നു മറഡോണയുടെ ഫുട്ബോൾ ആഭിമുഖ്യം മാതാപിതാക്കൾ തിരിച്ചറിയുന്നത്.

ഒൻപതാം വയസാകുമ്പോഴേക്കും ഗ്രാമത്തിലെ അറിയപ്പെടുന്ന കളിക്കാരനായി മാറി.12 ആം വയസ്സിൽ ലിറ്റൽ ഒനിയൻ ക്ലബ്ബിലേക്ക് തിരഞ്ഞെടുക്കപ്പെട്ടു.തുടർന്ന് ലോസ് ആൻജെലസിലെ ഒരു ക്ലബ് മറഡോണയെ റാഞ്ചുകയായിരുന്നു.അവിടെനിന്ന് അർജന്റിനോ ജൂനിയർസിനായി നിരവധി മത്സരങ്ങൾ കളിച്ചു.19 ആം സ്ഥാനത്തായിരുന്ന ക്ലബ് മറഡോണയുടെ വരവോടെ 1980ൽരണ്ടാം സ്ഥാനത്തെത്തി. 1977 ൽ പതിനാറാം വയസ്സിൽ ദേശീയ ടീമിലെത്തി.ഹങ്കറിക്കെതിരെയായിരുന്നു ആദ്യ മത്സരം.പക്ഷെ പ്രായം കുറഞ്ഞു എന്നതിന്റെ പേരിൽ അർജന്റീനയുടെ ലോകകപ്പ് ടീമിൽ ഇടം നേടാൻ പറ്റിയില്ല.എന്നാൽ 1979 ജൂൺ 2 ന് സ്കോട്ട് ലണ്ടിനെതിരെ നടന്ന മത്സരത്തിൽ രാജ്യത്തിനായുള്ള ആദ്യ ഗോൾ മറഡോണ നേടി.
പിന്നീടങ്ങോട്ട് തിരിഞ്ഞു നോക്കേണ്ടി വന്നിട്ടില്ല മറഡോണ എന്ന ഇതിഹാസ താരത്തിന്.അടിച്ച ഗോളുകൾക്കും കളിച്ച കളിക്കളങ്ങൾക്കും കണക്കുണ്ടായിരുന്നില്ല.1984 നവംബർ 7 ന് മറഡോണയുടെ ജീവിതസഖിയായി ഏറെ നാളത്തെ പ്രണയത്തിനൊടുവിൽ ക്ലോഡിയ വില്ലഫേയ്‌നയെ വിവാഹം കഴിച്ചു.

1991 മാർച്ച് 17 ന് ഒരു ഫുട്ബോൾ മത്സരത്തിന് ശേഷം നടന്ന പരിശോധനയിൽ അദ്ദേഹം കൊക്കെയ്ൻ ഉപയോഗിച്ചതായി കണ്ടെത്തി. എന്നും വിവാദങ്ങൾക്കൊപ്പം നിലകൊണ്ട മറഡോണ 1994 ൽ മാധ്യമ പ്രവർത്തകർക്ക് നേരെ എയർ ഗണ്ണുപയോഗിച്ച് വെടിവെച്ചത് വിവാദമായി.ഇതിന്റെപേരിൽ നിയമ നടപടികളും നേരിട്ടു.1996 ൽ വീണ്ടും ഉത്തേജക മരുന്ന് പരിശോധനയിൽ പരാജിതനായി.1997 ലെ ഒരു പിറന്നാൾ ദിനത്തിൽ ഫുട്ബോൾ കരിയർ അവസാനിപ്പിച്ചു.

ഫുട്ബോൾ കളി അവസാനിപ്പിച്ചതിന് ശേഷം നിരവധി തവണ പലവിധ ആരോഗ്യപ്രശ്‌നങ്ങളും അദ്ദേഹത്തെ അലട്ടിയിരുന്നു. ഏറ്റവും ഒടുവിൽ തലച്ചോറിൽ രക്തം കട്ട പിടിച്ചപ്പോഴും അദ്ദേഹം ജീവിതത്തിലേക്ക് തിരിച്ചുവരുമെന്ന് ആരാധകർ പ്