breaking news

Top Stories

ബംഗളുരുവിൽ മയക്കുമരുന്ന് നിശാ പാർട്ടി, മലയാളി യുവതികളടക്കം 28 പേർ അറസ്റ്റിൽ

L I V E |

ബംഗളുരു: ബംഗളുരു തമിഴ് നാട് അതിർത്തിയോട് ചേർന്ന അനേക്കൽ മേഖലയിലെ റിസോർട്ട് കേന്ദ്രീകരിച്ച് നടത്തിയ മയക്കു മരുന്ന് നിശാ പാർട്ടിയിൽ പങ്കെടുത്ത 28 പേരെ പോലീസ് അറസ്റ്റ് ചെയ്തു.

അറസ്റ്റിലായ 28 പേരിൽ 4 മലയാളി യുവതികളും ആഫ്രിക്കൻ പൗരന്മാരും ഗോവ സ്വദേശികളും ഉണ്ട്.ഇലക്രോണിക്‌സ് സിറ്റിയിലെയും ബംഗലൂരുവിലെയും ഐ ടി ജീവനക്കാരും മലയാളികളായ വിദ്യാർത്ഥികളും സംഘത്തിൽ ഉണ്ടായിരുന്നുവെന്ന് പോലീസ് അറിയിച്ചു.ഇവരിൽ നിന്ന് ലഹരി മരുന്നുകളും പിടിച്ചെടുത്തിട്ടുണ്ട്.

7 ബൈക്കുകളും 21 കാറുകളും സംഭവ സ്ഥലത്തുനിന്ന് പിടിച്ചെടുത്തി ട്ടുണ്ടെന്നും പോലീസ് അറിയിച്ചു.പിടിച്ചെടുത്തത്തിൽ കേരളാ റജിസ്ട്രേഷൻ ഉള്ള വാഹനങ്ങളും ഉണ്ട്.ഇന്നലെ വൈകുന്നേരം തുടങ്ങിയ പാർട്ടി ഇന്ന് പുലരും വരെ നീണ്ടു.

റിസോർട്ടിൽ പതിവിൽ കവിഞ്ഞ ആൾക്കൂട്ടവും ബഹളവും കേട്ടതിനെ തുടർന്ന് സമീപ വാസികൾ നൽകിയ രഹസ്യ വിവരത്തിന്റെ അടിസ്ഥാനത്തിലാണ് പോലീസ് എത്തിയത്.

ചാത്തമംഗലത്തെ പഴങ്ങളിൽ നിപ വൈറസ് സാന്നിധ്യമില്ല

L I V E |

കോഴിക്കോട് : നിപ വൈറസ് ബാധയുണ്ടായിരുന്ന പ്രദേശത്തുനിന്ന് ശേഖരിച്ച പഴങ്ങളുടെ സാമ്പിളുകളിൽ നിപ വൈറസ് സാന്നിധ്യമില്ല.

കോഴിക്കോട് ചാത്തമംഗലം പ്രദേശത്തുനിന്ന് ശേഖരിച്ച പഴങ്ങളുടെ സാമ്പിളുകളാണ് ആശ്വാസ ഫലം നൽകിയത്.പുണെ വൈറോളജി ഇൻസ്റ്റിറ്റ്യൂട്ടിൽ ൽ നടത്തിയ പരിശോധന ഫലമാണ് പുറത്തു വന്നത്.റംബൂട്ടാൻ,അടയ്ക്ക തുടങ്ങിയ പഴങ്ങളുടെ സാമ്പിളുകളാണ് അയച്ചത്.

പഴങ്ങളിൽ നിപ വൈറസ് സാന്നിധ്യമില്ലാതായതോടെ നിപ ഉറവിടം സംബന്ധിച്ച് പുതിയ ഗവേഷണങ്ങൾ നടത്തേണ്ടി വരുമെന്ന് ആരോഗ്യ വകുപ്പ് വ്യക്തമാക്കി.

പ്ലസ് വൺ പരീക്ഷകൾ നേരിട്ട് നടത്താൻ സുപ്രീം കോടതി അനുമതി

L I V E | ON AIR

ന്യൂഡൽഹി : പ്ലസ് വൺ പരീക്ഷകൾ നേരിട്ട് നടത്താൻ സുപ്രീം കോടതി അനുമതി.

സർക്കാർ വിശദീകരണം തൃപ്തികരമാണെന്നും പരീക്ഷകൾ നടത്തുന്നതിൽ എല്ലാ മുൻകരുതലും സർക്കാർ എടുക്കുമെന്നും കരുതുന്നതായി സുപ്രീം കോടതി വ്യക്തമാക്കി.

സംസ്ഥാനത്ത് നേരത്തെ നടത്തിയ പരീക്ഷകളിൽ സർക്കാർ ഏർപ്പെടുത്തിയ ക്രമീകരണങ്ങൾ തൃപ്തികരമാണെന്ന് സുപ്രീം കോടതി നിരീക്ഷിച്ചു.അധികൃതർ മുൻ കരുതലുകൾ എടുക്കുമെന്നും സുപ്രീം കോടതി പ്രത്യാശ പ്രകടിപ്പിച്ചു.

പ്ലസ് വൺ പരീക്ഷകൾ നടത്തുന്നതിനെതിരെയുള്ള 48 ഓളം ഹർജികൾ പരിഗണിക്കുന്നതിനിടെയാണ് സുപ്രീം കോടതി കൃത്യമായ നിരീക്ഷണങ്ങൾ നടത്തിയത്.

തീരദേശ മേഖലയിലടക്കം കൃത്യമായി ഡിജിറ്റൽ ക്ലാസുകളടക്കം ലഭിച്ചില്ല തുടങ്ങിയ കാര്യങ്ങൾ ഹർജിക്കാർ ഉന്നയിച്ചിരുന്നെങ്കിലും കോടതി അംഗീകരിച്ചില്ല. ലക്ഷങ്ങൾ പങ്കെടുത്ത നീറ്റ് പരീക്ഷകളും കേരളത്തിൽ നടന്ന മറ്റ് പരീക്ഷകളും കാര്യക്ഷമമായി നടന്ന കാര്യവും വിലയിരുത്തിയായിരുന്നു ഇത്.

പരീക്ഷ നേരിട്ട് നടത്താൻ സുപ്രീം കോടതി അനുവദിച്ച പശ്ചാത്തലത്തിൽ പ്ലസ് വൺ പരീക്ഷകൾ കോവിഡ് മാനദണ്ഡങ്ങൾ പാലിച്ചുകൊണ്ട് കൃത്യമായി നടത്തുമെന്നും ചോദ്യ പേപ്പറുകൾ സ്കൂളുകളിൽ എത്തിച്ചിട്ടുണ്ടെന്നും അണു നശീകരണം ഉടൻ നടത്തുമെന്നും വിദ്യാഭ്യാസ മന്ത്രി വി ശിവൻ കുട്ടി പറഞ്ഞു.

കാസർഗോഡ് ചെങ്കളയിലെ അഞ്ച് വയസുകാരിയുടെ മരണം: നിപ പരിശോധന ഫലം നെഗറ്റിവ്

L I V E |

കാസർഗോഡ് : നിപ ലക്ഷണങ്ങളോടെ കാസർഗോഡ് ചെങ്കള പഞ്ചായത്തിലെ അഞ്ച് വയസുകാരി മരിച്ചതിനെ തുടർന്ന് നടത്തിയ നിപ പരിശോധനാഫലം നെഗറ്റിവ്. പുണെ വൈറോളജി ഇൻസ്ടിട്യൂട്ടിൽ നടത്തിയ ആർ ടി പി സി ആർ പരിശോധന ഫലമാണ് നെഗറ്റീവായത്.

കഴിഞ്ഞ ദിവസമാണ് കണ്ണൂരിലെ സ്വകാര്യ ആശുപത്രിയിൽ ചികിത്സയിലായിരുന്ന കുട്ടി മരിച്ചത്.തുടർന്ന് കോഴിക്കോട് മെഡിക്കൽ കോളേജിലെ പ്രത്യേക ലാബിൽ നടത്തിയ ട്രൂനാറ്റ് പരിശോധനയിൽ നെഗറ്റിവ് ആയിരുന്നെങ്കിലും പുണെയിലേക്ക് ആർ ടി പി സി ആർ പരിശോധനയ്ക്കായി അയക്കുകയിരിക്കുന്നു.

ആശുപത്രിയിൽ പ്രവേശിപ്പിച്ച ഘട്ടത്തിൽ നടത്തിയ പരിശോധനയിൽ കോവിഡ് നെഗറ്റിവ് ആയിരുന്നെങ്കിലും നിപ ലക്ഷണങ്ങൾ ഉള്ളതിനാൽ ഐസൊലേഷനിലായിരുന്നു.

എന്നാൽ നിപ പരിശോധന ഫലം നെഗറ്റിവ് ആയതിനാൽ എന്താണ് മരണകാരണം എന്ന് കണ്ടെത്താനുള്ള ശ്രമത്തിലാണ് ആരോഗ്യ വകുപ്പ്.കുട്ടിയുടെ വീടിനടുത്തുള്ള 60 വീടുകളിൽ പനി പരിശോധന നടത്തിയിരുന്നു.ഇന്ന് മൂന്ന് കിലോമീറ്റർ ചുറ്റളവിലുള്ള പ്രദേശങ്ങളിൽ പനി പരിശോധന നടത്തുന്നുണ്ട്.

സംഭവത്തെ തുടർന്ന് ചെങ്കള പശ്ചാത്തലത്തിൽ ജാഗ്രത നിർദേശം പുറപ്പെടുവിച്ചിരുന്നു. എല്ലാ പൊതു പരിപാടികളും റദ്ദാക്കാൻ ജില്ലാ ഭരണകൂടം നിർദേശിച്ചിരുന്നു .ചെങ്കള പഞ്ചായത്തിലെ എല്ലാ വാക്‌സിനേഷൻ ക്യാമ്പുകളും നിർത്തിയിരുന്നു.കൂടുതൽ വ്യകതത ലഭിയ്ക്കുന്നതുവരെ ചെങ്കള വാർഡിലും ജാഗ്രത തുടരും.

മഞ്ചേശ്വരം തിരഞ്ഞെടുപ്പ് കോഴക്കേസിൽ കെ സുരേന്ദ്രനെ ചോദ്യം ചെയ്യുന്നു

L I V E |

കാസർഗോഡ് : മഞ്ചേശ്വരം തിരഞ്ഞെടുപ്പ് കോഴക്കേസിൽ ബിജെപി സംസ്ഥാന അധ്യക്ഷൻ കെ സുരേന്ദ്രനെ ക്രൈം ബ്രാഞ്ച് ചോദ്യം ചെയ്യുന്നു.

രാവിലെ 11 മണിയോടെയാണ് കാസർഗോഡ് സർക്കാർ അതിഥി മന്ദിരത്തിൽ സുരേന്ദ്രൻ ഹാജരായത്.

മഞ്ചേശ്വരത്തെ സ്ഥാനാർത്ഥിയായിരുന്ന കെ സുന്ദരയ്ക്ക് സ്ഥാനാർത്ഥിത്വം പിൻവലിക്കാൻ കോഴ നൽകി എന്ന കേസിലാണ് ചോദ്യം ചെയ്യൽ.മണ്ഡലത്തിലെ ഇടത് സ്ഥാനാർഥി വി വി രമേശന്റെ പരാതിയിലാണ് ക്രൈം ബ്രാഞ്ച് കേസ്.

അന്വേഷണം മന്ദഗതിയിലാണെന്ന പരാതി ഉയർന്നതിനാലാണ് പോലീസ് നടപടികൾ.കെ സുന്ദരയിൽ നിന്ന് രണ്ട് ലക്ഷം രൂപയും സമ്മാനമായി കിട്ടിയ മൊബൈൽ ഫോണും പോലീസ് പിടിച്ചെടുത്തിരുന്നു.പണം നൽകിയ ആളുകളുടേതടക്കം നിരവധിപേരുടെ മൊഴികളും പോലീസ് രേഖപ്പെടുത്തിയിരുന്നു.

PREVIOUS STORY |

http://www.jginews.in/crime-branch-given-notice-to-k-surendran-bjp-president-to-attend-questioning-regarding-mancheswaram-election-bribery-case/

സോളാർ പീഡനക്കേസിൽ പരാതിക്കാരി കെ സി വേണുഗോപാലിനെതിരെ ഡിജിറ്റൽ തെളിവുകൾ കൈമാറി

L A T E S T |

തിരുവനന്തപുരം : സോളാർ കേസിലെ ലൈംഗിക പീഡന പരാതിയിൽ കോൺഗ്രസ് നേതാവ് കെ സി വേണുഗോപാലിനെതിരെയുള്ള ഡിജിറ്റൽ തെളിവുകളുമായി പരാതിക്കാരി.

2012 മെയ് മാസം ഔദ്യോഗിക വസതിയായ റോസ് ഹൗസിൽ നടന്ന ദൃശ്യങ്ങളാണ് പരാതിക്കാരി സിബിഐയ്ക്ക് കൈമാറിയത്.കഴിഞ്ഞ മൂന്ന് ദിവസമായി നടക്കുന്ന തെളിവെടുപ്പ് പൂർത്തിയായതിനെ തുടർന്നാണ് പരാതിക്കാരി സിബിഐയ്ക്ക് ഡിജിറ്റൽ തെളിവുകൾ നൽകുന്നത്.തൃശൂരിലെ സ്വകാര്യ ആശുപത്രിയിൽ ചികിത്സ തേടിയതിന്റെ വിവരങ്ങളും കൈമാറിയിട്ടുണ്ടെന്നാണ് സൂചന.

ഡിജിറ്റൽ തെളിവുകൾ കൈവശമുണ്ടെന്നും എന്നാൽ ക്രൈം ബ്രാഞ്ചിനെ വിശ്വാസമില്ലാത്തതിനാൽ കൈമാറില്ലെന്നും പരാതിക്കാരി നേരത്തെ വ്യക്തമാക്കിയിരുന്നു.കേസ് സിബിഐയ്ക്ക് കൈമാറിയതിന് പിന്നാലെയാണ് ഡിജിറ്റൽ തെളിവുകൾ നൽകിയത്.

photo credit | the print.in

കെ പി അനിൽ കുമാർ കോൺഗ്രസ് വിട്ടു :ഇനി സിപിഎമ്മിലേക്ക്, നീതി നിഷേധിച്ച നേതൃത്വത്തിനെതിരെ രൂക്ഷ വിമർശനം

L I V E |

തിരുവനന്തപുരം : കോൺഗ്രസ് നേതാവ് കെ പി അനിൽ കുമാർ കോൺഗ്രസ് വിട്ടു.ഇനി സി പി എമ്മിൽ പ്രവർത്തിക്കും. തിരുവനന്തപുരത്ത് നടത്തിയ വാർത്താ സമ്മേളനത്തിലാണ് അദ്ദേഹം ഇക്കാര്യം പ്രഖ്യാപിച്ചത്. നേതൃത്വത്തിന്റെ ഏകാധിപത്യ പ്രവണതകൾക്കെതിരെയുള്ള നിലപാടുകളിൽ ഉറച്ചു നിക്കുന്നതായി അറിയിച്ചുകൊണ്ടാണ് അനിൽ കുമാർ പാർട്ടി വിട്ടത്.

പാർട്ടിക്ക് വിശദീകരണം നൽകിയിട്ട് ദിവസങ്ങൾ കഴിഞ്ഞെങ്കിലും നേതൃത്വത്തിൽനിന്ന് ഒരു മറുപടിയും ലഭിച്ചിട്ടില്ല. പാർട്ടിക്കകത്ത് നീതി നിഷേധിക്കപ്പെടും എന്ന ഉത്തമ ബോധ്യം ഉള്ളത്കൊണ്ട് 43 വർഷത്തെ കോൺഗ്രെസ്സുമായുള്ള ബന്ധം ഉപേക്ഷിക്കുന്നതായി അനിൽ കുമാർ പ്രഖ്യാപിക്കുകയായിരുന്നു.

ഇന്നത്തോട് കൂടി ഇന്ത്യൻ നാഷണൽ കോൺഗ്രെസ്സുമായുള്ള എല്ലാ ബന്ധവും ഉപേക്ഷിക്കുന്നു.കോൺഗ്രസ് ദേശീയ അധ്യക്ഷ സോണിയ ഗാന്ധിക്കും സംസ്ഥാന അധ്യക്ഷൻ കെ സുധാകരനും രാജിക്കത്ത് മെയിൽ ചെയ്തിട്ടുണ്ടെന്നും അദ്ദേഹം പറഞ്ഞു.

അച്ചടക്ക നടപടിയുടെ ഭാഗമായി കോൺഗ്രസ് നേതൃത്വം അനിൽ കുമാറിനെ പാർട്ടിയിൽ നിന്ന് സസ്‌പെൻഡ് ചെയ്തിരുന്നു.ഈ നടപടി പിൻവലിക്കാത്ത സാഹചര്യത്തിലാണ് പ്രതിഷേധിച്ച് പാർട്ടി വിടുന്നതെന്ന് ഇന്നലെ മുതൽ പ്രചരണം ഉണ്ടായിരുന്നു.അച്ചടക്ക നടപടി സംബന്ധിച്ച് അനിൽ കുമാർ നൽകിയ വിശദീകരണം പാർട്ടി നേതൃത്വം തള്ളിയിരുന്നു.

പാർട്ടി വിടുമെന്ന സൂചന അനിൽകുമാറുമായി ബന്ധമുള്ള കേന്ദ്രങ്ങളിൽ നിന്നും സൂചനയുണ്ടായിരുന്നു ഏതെങ്കിലും പാർട്ടിയുമായി സഹകരിച്ച് പ്രവർത്തിക്കുമോ എന്ന ചോദ്യത്തിന് താൻ പൊതു പ്രവർത്തന രംഗത്ത് തന്നെയുണ്ടാകുമെന്നാണ് പ്രതികരണം.

കോൺഗ്രസിൽ വഹിച്ച ചുമതലകളും പാർട്ടി പ്രവർത്തനത്തിന്റെ നാൾ വഴികളും സംഘടനാ പുനഃസംഘടന നടക്കാത്തത് മുതലുള്ള അതൃപ്തിയും അറിയിച്ചു കൊണ്ടായിരുന്നു അനിൽ കുമാർ സംസാരിച്ചു തുടങ്ങിയത്. ഗ്രൂപ്പില്ലാതെ പാർട്ടിയിൽ പ്രവർത്തിച്ച തനിക്ക് സ്ഥാനമൊന്നും ലഭിച്ചില്ല.പദയാത്രകളിൽ കേരളത്തിലെ ചെറുപ്പക്കാരെ കോൺഗ്രസിനൊപ്പം നിർത്തുവാൻ സാധിച്ചു. പരാതിയും പരിഭവങ്ങളും ഇല്ലാതെയാണ് നാളിതുവരെ പാർട്ടിയിൽ പ്രവർത്തിച്ചത്.

എല്ലാ കോൺഗ്രസ് പ്രസിഡണ്ടുമാരുടെ കാലഘട്ടത്തിലും പരാതികളില്ലാതെ എല്ലാം സഹിച്ച് ജനറൽ സെക്രട്ടറിയായി പാർട്ടി പ്രവർത്തനം നടത്തി.2016ൽ കൊയിലാണ്ടിയിൽ സീറ്റ് നിഷേധിച്ചു.2011 മുതൽ 16 വരെ കൊയിലാണ്ടിയിലെ ജനങ്ങളുടെ കൂടെ നിന്നിട്ടും ഇതായിരുന്നു ഫലം.നിർവാഹക സമിതിയിൽ ഉൾപ്പെടുത്താതിരിഞ്ഞിട്ടും പ്രതികരിച്ചില്ല.

ഗ്രൂപ് രാഷ്ട്രീയത്തോട് താൽപര്യമില്ലാത്തതിനാൽ കോൺഗ്രെസ്സുകാരനായി മാത്രം പ്രവർത്തിച്ചു.കോൺഗ്രസിന്റെ അസ്തിത്വം നഷ്ടപ്പെട്ടു.ദേശീയ തലത്തിൽ പകച്ചു നിൽക്കാനല്ലാതെ കോൺഗ്രസിന് ഒന്നും ചെയ്യാൻ സാധിക്കുന്നില്ല.കോൺഗ്രസിൽ ജനാധിപത്യമില്ല.സംഘടനാ തിരഞ്ഞെടുപ്പ് നടത്തണം എന്ന് നിരന്തരം പറഞ്ഞു നടന്നിരുന്ന കെ പി സി സി പ്രസിഡണ്ട് ഇപ്പോൾ പ്രതികരിക്കുന്നില്ല കെ പി അനിൽ കുമാർ പറഞ്ഞു.

കെ എസ് ബ്രിഗേഡ് എന്ന പേരിൽ സ്വന്തംകാര്യങ്ങൾക്കായി ഫ്ലക്സ് ബോർഡുകൾ വെച്ച് പ്രവർത്തനം നടത്തുന്ന കെ സുധാകരനാണോ അച്ചടക്കം പഠിപ്പിക്കുന്നതെന്നും അനിൽ കുമാർ ചോദിച്ചു.സംഘ പരിവാർ മനസുള്ള കെ പി സി സി അധ്യക്ഷന്റെ മുന്നിൽ കോൺഗ്രസ് പാർട്ടി എങ്ങിനെ രക്ഷപ്പെടുമെന്നും അനിൽ കുമാർ ചോദിച്ചു.

മംഗളൂരുവിൽ ഒരാൾക്ക് നിപ ലക്ഷണം: കർണാടകത്തിൽ ജാഗ്രത നിർദേശം

L I V E | ON AIR

മംഗളുരു : മംഗളുരുവിൽ ഒരാൾക്ക് നിപ രോഗ ലക്ഷണത്തെ തുടർന്ന് കർണാടകത്തിൽ ജാഗ്രത നിർദേശം.

മംഗളുരുവിലെ പ്രമുഖ സ്വകാര്യ ആശുപത്രിയിലെ ലാബ് ടെക്‌നീഷ്യനാണ് നിപ ലക്ഷണമുള്ളത്.രോഗ ലക്ഷണമുള്ളതിനാൽ ലക്ഷണം പ്രകടിപ്പിച്ചയാളെ ഐസൊലേഷനിലേക്ക് മാറ്റി.

കൂടെ ജോലി ചെയ്തവരെയും നിരീക്ഷണത്തിലാക്കി.രോഗ ലക്ഷണം കാണിച്ച ലാബ് ടെക്‌നീഷ്യന്റെ സ്രവം പുണെ വൈറോളജി ലാബിൽ പരിശോധനയ്ക്കായി അയച്ചിട്ടുണ്ട്.

മംഗളൂരുവിൽ നിപ ലക്ഷണം കണ്ട പശ്ചാത്തലത്തിൽ കർണാടകത്തിൽ ജാഗ്രത നിർദേശം പുറപ്പെടുവിച്ചു.സർക്കാർ ആശുപത്രിയിലോ സ്വാകാര്യ ആശുപത്രിയിലോ സമാന ലക്ഷണങ്ങൾ ഉള്ള കേസുകൾ റിപ്പോർട്ട് ചെയ്താൽ അറിയിക്കാൻ ആരോഗ്യ വകുപ്പ് നിർദേശം നൽകി.

നടൻ റിസ ബാവ അന്തരിച്ചു

BREAKING | LIVE

കൊച്ചി: പ്രശസ്ത നടൻ റിസ ബാവ അന്തരിച്ചു.വൃക്ക സംബന്ധമായ അസുഖത്തെ തുടർന്ന് കൊച്ചിയിലെ സ്വകാര്യ ആശുപത്രിയിൽ ചികിത്സയിലായിരുന്നു.55 വയസായിരുന്നു.

നാടകത്തിലൂടെ സിനിമയിലെത്തി സ്വഭാവ നടനായും വില്ലൻ വേഷങ്ങളിലും തിളങ്ങിയ റിസ ബാവ മികച്ച ഡബ്ബിങ് ആർട്ടിസ്റ്റ് കൂടിയായിരുന്നു.

നാടക നടനായിരിക്കെ 1984ൽ പുറത്തിറങ്ങിയ വിഷു പക്ഷി എന്ന സിനിമയിൽ ചെറിയ വേഷത്തിൽ മുഖം കാണിച്ചെങ്കിലും ആദ്യ മുഴുനീള സിനിമയായ ഡോക്ടർ പശുപതി റിസ ബാവയുടെ അഭിനയ ജീവിതത്തിലെ ബ്രേക്ക് ആയി മാറി .

സിദ്ദിഖ് ലാൽ സിനിമയായ റാംജി റാവ് സ്പീക്കിങ് എന്ന സിനിമയിലൂടെ മലയാള സിനിമയിൽ ചുവടുറപ്പിച്ചു.റാംജിറാവ് സ്പീക്കിങ് എന്ന സിനിമയിലെ 'ജോൺ ഹോനായ് 'എന്ന വില്ലൻ കഥാപാത്രം ശ്രദ്ധേയമായി.

ഒരേ സമയം സ്വഭാവ നടനായും വില്ലൻ കഥാപാത്രങ്ങളെയും സിനിമയിൽ ചുവടുറപ്പിച്ച ശേഷം കൂടുതൽ വില്ലൻ വേഷങ്ങളാണ് അദ്ദേഹത്തെ തേടിയെത്തിയത്.നൂറിലധികം സിനിമകളിൽ അഭിനയിച്ചിട്ടുണ്ട്.

റാംജി റാവ് സ്പീക്കിങ് ,ഡോക്ടർ പശുപതി,അനിയൻ ബാവ ബാവ,ചമ്പക്കുളം തച്ചൻ,നിറം, ഭൂതക്കണ്ണാടി,ഫസ്റ്റ് ബെൽ,ഭൂതക്കണ്ണാടി,പോക്കിരി രാജ എന്നി സിനിമകളിൽ ശ്രദ്ധേയമായ വേഷങ്ങളിൽ അഭിനയിച്ചിട്ടുണ്ട്.

സാങ്കേതിക തകരാർ : തിരുവനന്തപുരം ഷാർജ വിമാനം തിരിച്ചിറക്കി

പ്രതീകാത്മക ചിത്രം
L A T E S T |

തിരുവനന്തപുരം : തിരുവനന്തപുരം വിമാനത്താവളത്തിൽനിന്ന് പുറപ്പെട്ട തിരുവനന്തപുരം-ഷാർജ വിമാനം സാങ്കേതിക തകരാർ കാരണം തിരിച്ചിറക്കി.

എയർ ഇന്ത്യ എക്സ്പ്രസ് വിമാനമാണ് 170 യാത്രക്കാരുമായി തിരിച്ചിറക്കിയത്.

യാത്രക്കാരെ മറ്റൊരു വിമാനത്തിൽ ഷാർജയിലേക്ക് എത്തിക്കാനുള്ള ശ്രമം നടത്തുന്നതായി എയർ ഇന്ത്യ അറിയിച്ചു.തിരിച്ചിറക്കിയ വിമാനം എയർ ഇന്ത്യ സാങ്കേതിക വിദഗ്ധർ പരിശോധിക്കുന്നു.

കരിപ്പൂർ വിമാന ദുരന്തം : അപകട കാരണം പൈലറ്റിന്റെ പിഴവെന്ന് അന്വേഷണ റിപ്പോർട്ട്

L I V E | ON AIR

ന്യൂഡൽഹി : കരിപ്പൂർ വിമാനദുരന്തം അപകട കാരണം പൈലറ്റിന്റെ പിഴവ് കാരണമെന്ന അന്വേഷണ റിപ്പോർട്ട് പുറത്ത്.

എയർ ക്രാഫ്റ്റ് ആക്സിഡന്റ് ഇൻവെസ്റ്റിഗേഷൻ ബ്യുറോ കേന്ദ്ര വ്യോമയാന മന്ത്രാലയത്തിന് സമർപ്പിച്ച റിപ്പോർട്ടിന്റെ ഉള്ളടക്കമാണ് പുറത്തുവന്നത്.വിശദമായ റിപ്പോർട്ട് വരും മണിക്കൂറുകളിൽ .

എയർ ട്രാഫിക് കൺട്രോളിന്റെ നിർദേശങ്ങൾ പൈലറ്റ് അവഗണിച്ചു എന്നതാണ് റിപ്പോർട്ടിലെ പ്രധാന പരാമർശം.കാലാവസ്ഥ മോശമായ പശ്ചാത്തലത്തിൽ സിഗ്നൽ ലഭിക്കുന്നത് വരെ ആകാശത്ത് വട്ടമിട്ട് പറക്കാനാണ് എ ടി സി നിർദേശം നൽകിയതെന്നും എന്നാൽ ഇത് പൈലറ്റ് അവഗണിച്ച് വിമാനം ലാൻഡിങ്ങിന് ശ്രമിക്കുകയായിരുന്നു എന്നുമാണ് റിപ്പോർട്ടിലെ കണ്ടെത്തൽ.

എ ടി സി നിർദേശം അവഗണിച്ച് നിലത്തിറക്കുമ്പോൾ വിമാനം അമിത വേഗതയിലായിരുന്നു.അമിത വേഗതയിലായിരുന്ന വിമാനം റൺവേയുടെ തുടക്കത്തിൽ ലാൻഡ് ചെയ്യാതെ പകുതിക്കാണ് ലാൻഡ് ചെയ്തത്.ടേബിൾ ടോപ് റൺവേ ആയതിനാൽ വിമാനത്തിന് പകുതി റൺവേ ദൂരം പിന്നിട്ട് നിയന്ത്രണ വിധേയമാക്കാൻ കഴിഞ്ഞില്ല.

അമിത വേഗതയിൽ റൺവേയുടെ പകുതിയിൽ ഇറങ്ങിയ വിമാനം പലവട്ടം റൺവേയിൽനിന്ന് തെന്നിമാറിക്കൊണ്ടാണ് ടേബിൾ ടോപ് റൺവെയുടെ അറ്റത്തെ ഗർത്തത്തിലേക്ക് പതിച്ചത്.ഇതിനിടയിലോ അതോ ആദ്യ ഘട്ടത്തിലോ വിമാനത്തിന് ഇന്ധന ചോർച്ചയുണ്ടായി എന്നും റിപ്പോർട്ടിൽ പറയുന്നു.

കരിപ്പൂർ വിമാന ദുരന്തം നടന്ന് ഒരു വർഷം കഴിഞ്ഞാണ് റിപ്പോർട്ട് പുറത്തു വരുന്നത്.നിരവധി പേർ മരിക്കുകയും നിരവധി യാത്രക്കാർക്ക് പരിക്കേൽക്കുകയും ചെയ്ത സംഭവത്തിൽ യാത്രക്കാർക്ക് അർഹതപ്പെട്ട നഷ്ട പരിഹാരം പോലും ലഭിച്ചില്ല എന്ന് പരാതി ഉയർന്നിരുന്നു.

ഗുജറാത്ത് മുഖ്യമന്ത്രി വിജയ് രൂപാണി രാജിവെച്ചു

L I V E |

അഹമ്മദാബാദ് : ഗുജറാത്ത് മുഖ്യമന്ത്രി വിജയ് രൂപാണി രാജി വെച്ചു.നിയമസഭയുടെ കാലാവധി അവസാനിക്കാൻ ഒരു വർഷം കൂടി ബാക്കിയിരിക്കെയാണ് രൂപാണിയുടെ അപ്രതീക്ഷിത രാജി പ്രഖ്യാപനം.

അദ്ദേഹം ഗവർണറെ കണ്ട് രാജിക്കത്ത് കൈമാറി.അടുത്ത വർഷമാണ് ഗുജറാത്തിൽ നിയമസഭാ തിരഞ്ഞെടുപ്പ് നടക്കേണ്ടത്.2016 ആഗസ്ത് മുതൽ മുഖ്യമന്ത്രി സ്ഥാനത്തുള്ള രൂപാണിയുടെ രാജിയുടെ കാരണം വ്യക്തമായിട്ടില്ല.പാർട്ടിയുടെ ദേശീയ ചുമതലകളിലേക്ക് മാറുന്നതിന്റെ ഭാഗമായാണ് രാജിയെന്നാണ് ലഭ്യമാകുന്ന വിവരം.

ആനന്ദി ബെൻ പട്ടേലിന്റെ പിൻഗാമിയായാണ് രൂപാണി ഗുജറാത്ത് മുഖ്യമന്ത്രി പദത്തിലെത്തിയത്.നേരത്തെ പട്ടേൽ മന്ത്രിസഭയിൽ മന്ത്രിയായിരുന്ന രൂപാണി ബിജെപി അധ്യക്ഷനായും പ്രവർത്തിച്ചിട്ടുണ്ട്.രാജ്കോട്ട് വെസ്റ്റ് മണ്ഡലത്തിൽനിന്നാണ് നിയമസഭയിലെത്തിയത്.

എയർ ഇന്ത്യ വിമാനത്തിനും ഡൽഹി വിമാനത്താവളത്തിനും ബോംബ് ഭീഷണി,ഡൽഹി വിമാനത്താവളത്തിൽ ജാഗ്രത നിർദേശം

BREAKING | L I V E

ന്യൂ ഡൽഹി : ന്യൂഡൽഹിയിൽനിന്ന് പുറപ്പെടേണ്ടിയിരുന്ന എയർ ഇന്ത്യ വിമാനത്തിനും വിമാനത്താവളത്തിനും ബോംബ് ഭീഷണി. ഡൽഹി ഇന്ദിരാഗാന്ധി അന്തരാഷ്ട്ര വിമാനത്താവളത്തിൽ ജാഗ്രത നിർദേശം.

വെള്ളിയാഴ്ച രാത്രി വൈകിയാണ് വിമാനത്താവളത്തിലെ സുരക്ഷാ ഉദ്യോഗസ്ഥർക്ക് ഭീഷണി സന്ദേശം ലഭിച്ചതെന്ന് ഡൽഹി പോലീസ് അറിയിച്ചു.സമാനമായ ഭീഷണി ഔട്ടർ ഡൽഹിയിലെ റൻഹോള പോലീസ് സ്റ്റേഷനിലേക്കാണ് വന്നത്.ലാൻഡ് ലൈനിൽ നിന്നായിരുന്നു ഇതെന്ന് പോലീസ് അറിയിച്ചു.

രണ്ട് ഭീഷണി സന്ദേശങ്ങളാണ് വിമാനത്താവളത്തിൽ ലഭിച്ചത്.ഇന്നലെ രാത്രി പുറപ്പെടേണ്ടിയിരുന്ന ലണ്ടൻ എയർ ഇന്ത്യ വിമാനത്തിനുള്ളി ൽ ബോംബ് വെച്ചിട്ടുണ്ട് എന്നാണ് ആദ്യ സന്ദേശം ലഭിച്ചത്.തുടർന്ന് നടത്തിയ വിശദമായ പരിശോധനയിൽ ഒന്നും കണ്ടെത്താനാകാതെ വിമാനം പുറപ്പെട്ടു.

രണ്ടാമത്തെ ഭീഷണി സന്ദേശം ശനിയാഴ്ച്ച രാവിലെയാണ് ലഭിച്ചതെന്ന് ഡൽഹി പോലീസ് അറിയിച്ചു.ഡൽഹി വിമാനത്താവളം ബോംബ് വെച്ച് തകർക്കും എന്നാണ് ഭീഷണി.തുടർന്നാണ് വിമാനത്താവളത്തിൽ അതീവ ജാഗ്രത നിർദേശം പുറപ്പെടുവിച്ചത്.

അതീവ ജാഗ്രത നിദേശം പുറപ്പെടുവിച്ചതിനാൽ ശനിയാഴ്ച്ച ഇന്ദിരാഗാന്ധി അന്താരാഷ്ട്ര വിമാനത്താവളത്തിൽനിന്ന് പുറപ്പെടേണ്ടുന്ന യാത്രക്കാർ സുരക്ഷാ പരിശോധനകൾക്കായി നിർദേശിക്കപ്പെട്ട സമയത്തിന് മുൻപ് എത്തിച്ചേരണമെന്ന് ഡൽഹി പോലീസ് കമ്മീഷണർ പ്രതാപ് സിങ് അറിയിച്ചു.

photo credit | india.com

ഡൽഹിയിലെ മാധ്യമ സ്ഥാപനങ്ങളിൽ ആദായനികുതി റെയ്ഡ്

L I V E |

ന്യൂഡൽഹി : ഡൽഹിയിലെ വിവിധ മാധ്യമ സ്ഥാപനങ്ങളിൽ ആദായ നികുതി വകുപ്പിന്റെ റെയ്ഡ് .ന്യൂസ് ക്ലിക്ക് ,ന്യൂസ് ലൗണ്ടറി എന്നി മാധ്യമ സ്ഥാപനങ്ങളിലാണ് റെയ്ഡ് നടക്കുന്നത്.

രണ്ട് സ്ഥാപനങ്ങളിലെയും ജീവനക്കാരുടെ ഫോണുകൾ പിടിച്ചു വെച്ചിരിക്കുന്നതിനാൽ കൂടുതൽ വിവരങ്ങൾ ലഭ്യമായിട്ടില്ല.ആദായ നികുതി റെയ്ഡ് നടക്കുന്നതായി ഇന്ത്യൻ എക്സ്പ്രസ്സ്,ദി വയർ എന്നി മാധ്യമങ്ങൾ റിപ്പോർട്ട് ചെയ്തിട്ടുണ്ട്.

കോഴിക്കോട് മിഠായി തെരുവിന് സമീപം വൻ തീപിടുത്തം

L A T E S T |

കോഴിക്കോട് :കോഴിക്കോട് മിഠായി തെരുവിന് സമീപം വൻ തീപിടുത്തമുണ്ടായി.ആളപായമില്ല.

മൊയ്തീൻ പള്ളി റോഡിലെ വി കെ എം ബിൽഡിങ് ഷോപ്പിംഗ് കോംപ്ലെക്സിലെ ചെരിപ്പ് കടയ്ക്കാണ് തീപിടിച്ചത്.

തീയും പുകയും ഉയരുന്നത് കണ്ട സമീപത്തെ കടയിലുള്ളവരാണ് ആദ്യം സ്ഥലത്തെത്തിയത്.കടയിലുണ്ടായിരുന്ന രണ്ട് സ്ത്രീകളെ രക്ഷപ്പെടുത്തി.

ഓടിയെത്തിവർ കൂടുതൽ പേരെ വിളിച്ചു വരുത്തി തീയണയ്ക്കാനുള്ള ശ്രമങ്ങൾ തുടങ്ങി.അപ്പോഴേക്കും അഗ്നി രക്ഷാ സേനയുടെ എട്ടോളം യൂണിറ്റുകൾ സ്ഥലത്തെത്തി തീ നിയന്ത്രണ വിധേയമാക്കി.ഇപ്പോൾ സ്ഥിതിഗതികൾ നിയന്ത്രണ വിധേയമാണെന്ന് സിറ്റി പോലീസ് കമ്മിഷണർ എ വി ജോർജ് അറിയിച്ചു.

photo credit | navakeralanews.com

ഞായറാഴ്ച്ച ലോക്ക് ഡൗണും രാത്രികാല കർഫ്യുവും പിൻവലിച്ചു

L I V E |ON AIR

തിരുവനന്തപുരം: കോവിഡ് വ്യാപന പശ്ചാത്തലത്തിൽ ഏർപ്പെടുത്തിയ നിയന്ത്രണങ്ങളിൽ ഇളവ്.ഞായറാഴ്ച്ചകളിലെ ലോക്ക് ഡൗണും രാത്രികാല കർഫ്യുവും പിൻവലിച്ചു. മുഖ്യമന്ത്രി പിണറായി വിജയനാണ് ഇക്കാര്യം അറിയിച്ചത്.

സംസ്ഥാനത്തെ 18 വയസിന് മുകളിലുള്ളവർ പഠിക്കുന്ന ഉന്നത വിദ്യാഭ്യാസ സ്ഥാപനങ്ങൾക്ക് ഒക്ടോബർ 4 മുതൽ പ്രവർത്തിക്കാം. മെഡിക്കൽ,പൊളി ടെക്‌നിക് കോളേജുകളും ഉന്നത വിദ്യാഭ്യാസ സ്ഥാപനങ്ങളും പ്രവർത്തിക്കാൻ അനുമതി നൽകും.ഒരു ഡോസ് വാക്‌സിൻ എങ്കിലും എടുത്തവരായിരിക്കണം വിദ്യാർത്ഥികളും അധ്യാപകരും.

ബിരുദ ബിരുദാനന്തര അവസാന വർഷ വിദ്യാർത്ഥികളും ഉന്നത വിദ്യാഭ്യാസ സ്ഥാപനങ്ങളിലെ കുട്ടികൾക്കും വാക്‌സിനേഷന് മുൻഗണന നൽകും.കോവിഷീൽഡ്‌ വാക്‌സിന്റെ രണ്ടാം ഡോസ് കാലയളവ് സംബന്ധിച്ച കാര്യത്തിൽ ഹൈക്കോടതി വിധിയിൽ സംസ്ഥാന സർക്കാരിന് യോജിപ്പാണ്.ഇത് കേന്ദ്ര സർക്കാരിനെ അറിയിക്കും.മുഴുവൻ സ്കൂൾ അധ്യാപകരും ഈ ആഴ്ച്ച തന്നെ വാക്‌സിനേഷൻ പൂർത്തിയാക്കണം.സ്കൂൾ അധ്യാപകർക്ക് വാക്‌സിനേഷൻ കേന്ദ്രങ്ങളിൽ മുൻഗണന നൽകും.

കോവിഡിനെതിരായ പ്രതിരോധ പ്രവർത്തനങ്ങൾക്കിടെയാണ് നിപ വന്നത്.പ്രതിരോധ പ്രവർത്തനങ്ങൾ ഉടൻ സ്വീകരിക്കാൻ തുടങ്ങി. ആരോഗ്യമന്ത്രിയുടെ നേതൃത്വത്തിൽ ആക്ഷൻ പ്ലാൻ രൂപീഖരിച്ചു. ഇതിനായി 16 കമ്മറ്റികൾ രൂപീകരിച്ച് പ്രവർത്തിക്കുന്നു.

ഗുരുതരാവസ്ഥയിൽ ആരുമില്ല.മന്ത്രിമാരുടെ ഇടപെടലിലൂടെ ഒറ്റ രാത്രികൊണ്ട് സജ്ജീകരണം പൂർത്തിയാക്കി.ആരോഗ്യമന്ത്രിക്ക് പുറമെ മന്ത്രിമാരായ എകെ ശശീന്ദ്രൻ,അഹമ്മദ് ദേവർകോവിൽ, മുഹമ്മദ് റിയാസ് എന്നിവർ പ്രവർത്തനങ്ങൾക്ക് ഏകോപനം നൽകിയെന്നും മുഖ്യമന്ത്രി പറഞ്ഞു.

നിത്യം..ഹരിതം…നടന വിസ്‌മയത്തിന് പിറന്നാൾ ദിനം..ഉത്സവമാക്കി മലയാളം

S P E C I A L E D I T I O N |

കൊച്ചി: മലയാളത്തിന്റെ നടന വിസ്മയത്തിന്റെ പിറന്നാൾ സുദിനം ഉത്സവാക്കി മലയാള മണ്ണ്.ജനകീയമായ സമൂഹ മാധ്യമങ്ങൾ മുതൽ അന്താരാഷ്ട്ര മാധ്യമങ്ങൾ വരെ പ്രിയ താരത്തിന്റെ പിറന്നാൾ ആഘോഷമാക്കുകയാണ്.വാർത്താ ചാനലുകളിലും വിനോദ ചാനലുകളിലും പ്രിയപ്പെട്ട നടൻ മമ്മൂട്ടിക്ക് പിറന്നാൾ ആശംസ അർപ്പിച്ചുകൊണ്ടുള്ള പരിപാടികൾ നിറഞ്ഞിരിക്കയാണ്.

ഓർമ്മകൾ അയവിറക്കുകയാണ് മമ്മൂട്ടി ജനിച്ചു വളർന്ന വൈക്കത്തെ ചെമ്പ് ഗ്രാമം..ചെമ്പിലെ ഇസ്മായിൽ ഫാത്തിമ ദമ്പതികളുടെ മകനായി ജനിച്ച് ലോകത്തിന്റെ നെറുകയിലെത്തിയ പ്രിയ നടന്റെ ജീവിതം തുടങ്ങിയ ഗ്രാമം.

സൈക്കിളിൽ അതിവേഗം ഗ്രാമം മുഴുവൻ സുഹൃത്തുക്കളോടൊപ്പം കറങ്ങുന്ന, ചെമ്പിലെ വൈകുന്നേരങ്ങളെ സമ്പന്നമാക്കിയ സുഹൃദ് സംഘങ്ങളിലെ നിറ സാന്നിധ്യമായും ചായക്കടകളിലും ബസ് സ്റ്റോപ്പുകളിലും ജനകീയനായും ക്ലാസ് മുറികളിൽ മിടുക്കനും 'ഷോലെ' യിലെ അമിതാഭ് ബച്ചനെ അനുകരിക്കുന്ന മിമിക്രിക്കാരനാ യും തിളങ്ങിയ മമ്മൂട്ടിയെ പിറന്നാൾ ആശംസകളാൽ നിറയ്ക്കുകയാണ് ഇവിടം.

കോട്ടയം വൈക്കത്തെ ചെമ്പ് കുലശേഖര മംഗളം സ്കൂളിലും എറണാകുളം എസ് എച്ച് , മഹാരാജാസ് കോളേജ് എന്നിവിടങ്ങളിൽ കോളേജ് വിദ്യാഭ്യാസവും പൂർത്തിയാക്കിയ മമ്മൂട്ടി 1971 ൽ പുറത്തിറങ്ങിയ അനുഭവങ്ങൾ പാളിച്ചകൾ എന്ന ചിത്രത്തിലൂടെ യായാണ് മലയാള സിനിമയിൽ അരങ്ങേറ്റം കുറിച്ചത്.

സജിൻ എന്ന പേരിൽ ആദ്യ സിനിമ വന്നെങ്കിലും സ്വന്തം വ്യക്തിത്വത്തിൽ അടിയുറച്ച വിശ്വാസക്കാരനായ മഹാ നടൻ മമ്മൂട്ടി എന്ന പേരിൽ പിന്നീട് തിളങ്ങുകയായിരുന്നു.

എം ടി വാസുദേവൻ നായരുടെ 'ദേവലോക'മാണ് ആദ്യം അഭിനയിച്ചതെങ്കിലും 1980ൽ പുറത്തിറങ്ങിയ 'വിൽക്കാനുണ്ട് സ്വപ്‌നങ്ങൾ' എന്ന സിനിമയാണ് മമ്മൂട്ടിയുടെ ജീവിതത്തിൽ വഴിത്തിരിവായി മാറിയ ആദ്യ സിനിമ.കെ ജി ജോർജിന്റെ 'മേള'യാണ് മുഴുനീള നായക നടാനായി ആദ്യമായി അഭിനയിച്ച സിനിമ.

നിയമ ബിരുദ ധാരിയായി അഭിഭാഷകനായി പ്രാക്ടീസ് തുടങ്ങിയെങ്കിലും സിനിമയാണ് തന്റെ വഴിയെന്ന് സ്വയം തിരഞ്ഞെടുത്ത നിശ്ചയദാർഢ്യമായിരുന്നു മമ്മൂട്ടിയെന്ന പ്രതിഭാശാലിയെ മലയാള സിനിമയ്ക്ക് സമ്മാനിച്ചത്.

1981ൽ മികച്ച സഹ നടനുള്ള സംസ്ഥാന ചലച്ചിത്ര പുരസ്‌കാരം നേടി. ഐ വി ശശിയുടെ 'അഹിംസ' യിലൂടെയായിരുന്നു ഇത്. 'അടിയൊഴുക്കുകൾ' സിനിമയിലൂടെ മികച്ച നടനുള്ള ആദ്യ സംസ്ഥാന ചലച്ചിത്ര അവാർഡ് നേടി.പിന്നീട് മലയാളത്തിലെ മികച്ച സംവിധായകരോടൊപ്പം പ്രവർത്തിക്കാൻ തുടങ്ങിയ മമ്മൂട്ടി 1980 കാലഘട്ടത്തിൽ തന്നെ 150 സിനിമകൾ പൂർത്തിയാക്കിയിരുന്നു.

1987ൽ പുറത്തിറങ്ങിയ ജോഷിയുടെ 'ന്യൂഡൽഹി' മമ്മൂട്ടിയെന്ന നടന വിസ്മയത്തെ മലയാള സിനിമ ഹൃദയത്തിൽ പ്രതിഷ്ഠിച്ചു. 'ന്യൂഡൽഹി'യിലെ 'ജി കെ' എന്ന പത്രപ്രവർത്തകന്റെ വേഷം മലയാള സിനിമ നെഞ്ചിലേറ്റി.അടൂർ ഗോപാലകൃഷ്ണന്റെ സിനിമയിലൂടെ രാജ്യാന്തര പ്രശസ്തനായി വളർന്നു.'മതിലുകളും' 'വിധേയനും' മമ്മൂട്ടിയെ സിനിമ ചരിത്രത്തിൽ അടയാളപ്പെടുത്തി.

1989ൽ 'ഒരു വടക്കൻ വീര ഗാഥ' 'മതിലുകൾ' എന്നി സിനിമകളിലൂടെ ദേശീയ പുരസ്‌കാരം. 'മൃഗയ' , 'മഹായാനം' എന്നി സിനിമകളിലൂടെ വീണ്ടും സംസ്ഥാന പുരസ്‌കാരം, 'പൊന്തൻ മാട' , 'വിധേയൻ ' എന്നിവയിലൂടെ മികച്ച നടനുള്ള ദേശീയ പുരസ്‌കാരം എന്നിവ നേടി.

മികച്ച നടനുള്ള ദേശീയ പുരസ്‌കാരം മൂന്ന് തവണ,മികച്ച നടനുള്ള സംസ്ഥാന പുരസ്‌കാരം ഏഴ് തവണ എന്നിങ്ങനെ അവാർഡുകൾ വാരിക്കൂട്ടി.അംബേദ്കർ സിനിമയിലൂടെ രജ്യാന്തര പ്രശസ്തി യിലേക്ക്.മുഴുനീള ഇംഗ്ലീഷ് ഭാഷ സിനിമയിൽ ആദ്യമായി അഭനയിക്കുന്ന മലയാളിയായി മമ്മൂട്ടി മാറി.

നാല് പതിറ്റാണ്ടുകൾ നീണ്ട കരിയറിൽ 400ൽ അധികം സിനിമകളിൽ അഭിനയിച്ച അപൂർവ പ്രതിഭാശാലിയാണ് മമ്മൂട്ടി എന്ന മഹാ നടൻ.
തമിഴിൽ രജനികാന്തിനൊപ്പം അഭിനയിച്ച ആദ്യ സിനിമ 'ദളപതി' സൂപ്പർ ഡ്യൂപ്പർ ഹിറ്റായിൽ തമിഴകവും മലയാളവും നെഞ്ചിലേറ്റി. തമിഴിൽ 16 സിനിമകളിലും തെലുങ്കിൽ 4 സിനിമകളിലും ഒരു കന്നഡ സിനിമയിലും മമ്മൂട്ടി അഭിനയിച്ചു.

ഏത് ഭാഷയിലും അനായാസമായി സ്വന്തം ശബ്ദം കൊടുത്ത് അഭിനയിച്ച് കയ്യടി നേടാൻ കഴിഞ്ഞു എന്നത് മമ്മൂട്ടിയെ വ്യത്യസ്തനാക്കി.ഹിന്ദിയിൽ നായക നടനയായി ധർത്തി പുത്ര എന്ന സിനിമയിൽ കരുത്തുറ്റ പോലീസ് വേഷം ചെയ്തു.

സ്കൂൾ ബസിലും ക്ലാസ് മുറികളിലും അന്നത്തെ വലിയ താരങ്ങളെ അനുകരിച്ച് നടന്ന മുഹമ്മദ് കുട്ടിയായി ,കൂട്ടുകാരുടെ സ്വന്തം ചെമ്പിന്റെ മമ്മൂഞ്ഞായി സിനിമ ലോകം കീഴടക്കിയ അക്ഷരാർത്ഥത്തിൽ വിസ്മയങ്ങളൊരുക്കിയ മഹാ നടന് പിറന്നാൾ ആശംസകൾ.

രണ്ട് ആരോഗ്യപ്രവർത്തകർക്ക് നിപ ലക്ഷണം: 20 പേരെ മെഡിക്കൽ കോളേജിലേക്ക് മാറ്റി,കേന്ദ്ര സംഘം കോഴിക്കോട്ട്

കേന്ദ്ര സർക്കാർ അയച്ച വിദഗ്ധ സംഘം കോഴിക്കോട് പരിശോധന നടത്തുന്നു

L A T E S T |

കോഴിക്കോട് : കോഴിക്കോട് നിപ വൈറസ് ബാധിച്ച് 12 വയസുകാരൻ മരിച്ചതിന് തുടർച്ചയായി രോഗ ലക്ഷണങ്ങളോടെ 2 ആരോഗ്യപ്രവർത്തകരെ നിരീക്ഷണത്തിലാക്കി.

കുട്ടിയെ ആദ്യം ചികിൽസിച്ച സ്വകാര്യ ആശുപത്രികളിലെയും കോഴിക്കോട് മെഡിക്കൽ കോളേജിലെയും പിന്നീട് പ്രവേശിപ്പിച്ച സ്വകാര്യ ആശുപത്രിയിലെയും ആരോഗ്യപ്രവർത്തകർ ഉൾപ്പെടെയുള്ളവരാണ് നിരീക്ഷണത്തിൽ ഉള്ളതെന്ന് ആരോഗ്യമന്ത്രി വീണ ജോർജ് അറിയിച്ചു.

കുട്ടിയുമായി നേരിട്ട് സമ്പർക്കമുണ്ടായ 188 പേരെ തിരിച്ചറിഞ്ഞിട്ടു ണ്ട്.ഇതിൽ 100 പേരും ആരോഗ്യപ്രവർത്തകരാണ്.കുട്ടിക്ക് പനി വന്നപ്പോൾ ആദ്യം പോയ സ്വകാര്യ ആശുപത്രി ഉൾപ്പെടെ മെഡിക്കൽ കോളേജിലേക്ക് മാറ്റുന്നതിന് മുൻപ് പോയ മൂന്ന് സ്വകാര്യ ആശുപത്രിയിലെയും ഉൾപ്പെടെ 16 പേർ നേരിട്ടുള്ള സമ്പർക്ക പട്ടികയിലുണ്ട്.

പിന്നീട് കോഴിക്കോട് മെഡിക്കൽ കോളേജിലും വീണ്ടും സ്വകാര്യ ആശുപത്രിയിലുമായി പ്രവേശിപ്പിക്കപ്പെട്ട സന്ദർഭങ്ങളിലുള്ളവരാണ് 188 പേർ.ഇതിൽ ഹൈ റിസ്ക് വിഭാഗത്തിലുള്ള 20 പേരിൽ രണ്ടുപേർക്കാണ് ഇപ്പോൾ രോഗ ലക്ഷണങ്ങൾ ഉള്ളത്.

ഹൈ റിസ്ക് വിഭാഗത്തിലുള്ള 20 പേരെ 4 മണിയോടെ മെഡിക്കൽ കോളേജിലെ നിപ വാർഡിലേക്ക് മാറ്റി.മെഡിക്കൽ കോളേജിലെ പേ വാർഡാണ് നിപ വാർഡാക്കി മാറ്റിയത്.പോസിറ്റീവ് കേസ് ഉണ്ടാവുകയാണെങ്കിൽ ആദ്യ നിലയിലും നിരീക്ഷണത്തിലുളളവരെ മറ്റ് രണ്ട് നിലകളിലുമാണ് പാർപ്പിക്കുകയെന്ന് ആരോഗ്യമന്ത്രി വീണ ജോർജ് അറിയിച്ചു.

ഇതിനിടയിൽ കേന്ദ്രസർക്കാർ അയച്ച സെന്റർ ഫോർ ഡിസീസ് കൺട്രോളിലെ ഉന്നത ഉദ്യോഗസ്ഥർ കുട്ടിയുടെ വീടിന്റെ പരിസരങ്ങൾ സന്ദർശിച്ച് വിവര ശേഖരണം നടത്തി.

ചാത്തമംഗലത്തെ വീടിരിക്കുന്ന 3 കിലോമീറ്റർ ചുറ്റളവിൽ കടുത്ത നിയന്ത്രണങ്ങളാണ് ഏർപ്പെടുത്തിയിരിക്കുന്നത്.മലപ്പുറം,കണ്ണൂർ ജില്ലകളിലും നിയന്ത്രണങ്ങൾ ഉണ്ട്.നിരീക്ഷണത്തിലുള്ളവർക്കായി പോയിന്റ് ഓഫ് കെയർ ( ട്രൂനാറ്റ് ) പരിശോധന നാളെ വൈകുന്നേരത്തിനുള്ളിൽ നടത്തും.

പോയിന്റ് ഓഫ് കെയർ പരിശോധനയിൽ പോസിറ്റീവ് ആകുന്നവരുടെ സ്രവം പുണെ വൈറോളജി ഇൻസ്ടിട്യൂട്ടിൽ അയക്കും.ഫലം വേഗത്തിൽ ലഭ്യമാക്കാൻ വൈറോളജി ഇൻസ്റ്റിട്യൂട്ടിൽ നിന്നുള്ള പ്രത്യേക സംഘം കോഴിക്കോട് എത്തിയേക്കും.12 മണിക്കൂറിനുള്ളിൽ സ്രവ പരിശോധനാ ഫലം ലഭ്യമാക്കാനുള്ള നടപടികൾ സ്വീകരിക്കുമെന്ന് ആരോഗ്യമന്ത്രി അറിയിച്ചു.

നിപ കൺട്രോൾ റൂം നമ്പർ : 0495 2382500 ,0495 2382800

നിപ : കോഴിക്കോട് അതീവ ജാഗ്രത, കണ്ണൂർ- മലപ്പുറം ജില്ലകളും ആരോഗ്യ വകുപ്പ് നിരീക്ഷണത്തിൽ

L A T E S T |ON AIR

കോഴിക്കോട്: നിപ വൈറസ് ബാധ സ്ഥിരീകരിച്ച കോഴിക്കോട് ജില്ലയിൽ അതീവ ജാഗ്രതയും കടുത്ത നിയന്ത്രങ്ങളും ഏർപ്പെടുത്തി. നിപ ബാധിച്ചതിനെ തുടർന്ന് ചികിത്സയിലായിരുന്ന 12 വയസുകാരൻ മരിച്ച പശ്ചാത്തലത്തിലാണ് നിയതന്ത്രണങ്ങൾ.

കോഴിക്കോടിന് പുറമെ മലപ്പുറം,കണ്ണൂർ ജില്ലകളും ആരോഗ്യ വകുപ്പിന്റെ നിരീക്ഷണത്തിൽ ആയിരിക്കുമെന്നും കടുത്ത ജാഗ്രത വേണമെന്നും ആരോഗ്യ വകുപ്പ് അറിയിച്ചു.

കേന്ദ്ര ആരോഗ്യ മന്ത്രാലയ ഉന്നത ഉദ്യോഗസ്ഥരുടെയും സംസ്ഥാന മന്ത്രിമാരും ഉൾക്കൊള്ളുന്ന ഉന്നത തല യോഗം ഉച്ചയ്ക്ക് 12 മണിക്ക് കോഴിക്കോട് മെഡിക്കൽ കോളേജിൽ ചേരും.കോഴിക്കോട് അടിയന്തിര സാഹചര്യം നേരിടാനായി 6 ആശുപത്രികളിൽ ക്രമീകരണം ഏർപ്പെടുത്തി.മെഡിക്കൽ കോളേജിലെ പേ വാർഡ് നിപ വാർഡാക്കി മാറ്റിയിട്ടുണ്ട്.

മരിച്ച കുട്ടിയുടെ വീട് ഉൾകൊള്ളുന്ന ചാത്തമംഗലം പ്രദേശത്തെ മൂന്ന് കിലോമീറ്റർ ചുറ്റളവിൽ ഗതാഗത നിയന്ത്രണം ഏർപ്പെടുത്തി. മൃതദേഹം സംസ്കരിക്കുന്ന കണ്ടമ്പറമ്പ് ഖബർ സ്ഥാനിന് ചുറ്റളവിലെ 1 കിലോമീറ്റർ റോഡ് അടച്ചു.2018ൽ കേന്ദ്ര ആരോഗ്യ മന്ത്രാലയം പുറത്തിറക്കിയ മാനദണ്ഡങ്ങൾ പ്രകാരമായിരിക്കും സംസ്കാര ചടങ്ങുകൾ നടക്കുകയെന്ന് ആരോഗ്യ വകുപ്പ് അറിയിച്ചു.

മന്ത്രിമാരായ വീണ ജോർജ്,മുഹമ്മദ് റിയാസ്,ഉന്നത ഉദ്യോഗസ്ഥർ എന്നിവർ കോഴിക്കോട്ടേക്ക് തിരിച്ചു.മന്ത്രി എ കെ ശശീന്ദ്രൻ കോഴിക്കോട് സ്ഥിതിഗതികൾ വിലയിരുത്തുന്നു.സെന്റർ ഫോർ ഡിസീസ് കൺട്രോൾ കേന്ദ്രസംഘം 11 മണിയോടെ കോഴിക്കോട് എത്തും.

P R E V I O U S S T O R Y |

http://www.jginews.in/nipah-virus-presence-found-in-kozhikkode-again-twelve-years-old-child-died/

ആനി രാജയെ തള്ളി കാനം : കേരളത്തിലെ പോലീസിനെക്കുറിച്ച് സിപിഐക്ക് പരാതി ഇല്ല

തിരുവനന്തപുരം : കേരളത്തിലെ പോലീസിനെക്കുറിച്ച് സിപിഐക്ക് പരാതിയില്ലെന്ന് കാനം രാജേന്ദ്രൻ.

കേരളത്തിലെ പോലീസിനെതിരെ സിപിഐ ദേശീയ നേതാവ് ആനി രാജ ഉയർത്തിയ വിമർശനങ്ങളെ തള്ളിയാണ് സിപിഐ സംസ്ഥാന സെക്രട്ടറി കാനം രാജേന്ദ്രൻ നിലപാടെടുത്ത്.

ആനി രാജ ഉന്നയിച്ച വിമർശനങ്ങളോട് സമാനമായ നിലപാടുകളല്ല സംസ്ഥാന സിപിഐ നേതൃത്വത്തിനുള്ളത്.ഇക്കാര്യം ആനി രാജയെ അറിയിച്ചിട്ടുമുണ്ടെന്ന് കാനം രാജേന്ദ്രൻ പറഞ്ഞു.ഇത് പാർട്ടിയുടെ ആഭ്യന്തര കാര്യമാണെന്നും കൂടുതൽ ചർച്ചയുടെ ആവശ്യമില്ലെന്നും കാനം രാജേന്ദ്രൻ പറഞ്ഞു.

സ്ത്രീ സുരക്ഷയുമായി ബന്ധപ്പെട്ട സർക്കാർ നയങ്ങൾക്കെതിരെ ബോധപൂർവമായ ഇടപെടൽ പോലീസ് സേനയിൽ നടക്കുന്നുണ്ട്. പോലീസിന്റെ അനാസ്ഥമൂലം മരണങ്ങൾ വരെ നടക്കുന്നത് സംസ്ഥാനത്തിന് നാണക്കേടുണ്ടാക്കുന്നു.പോലീസിനുള്ളിൽ ആർ എസ് എസ് ഗ്യാങ് പ്രവർത്തിക്കുന്നു.സ്ത്രീ സുരക്ഷയ്ക്കായി സംസ്ഥാനത്തിന് പ്രത്യേകം ഒരു മന്ത്രിയും വകുപ്പും വേണമെന്നായിരുന്നു ആനി രാജയുടെ വിമർശനം.

സംസ്ഥാനത്തിന്റെ കാര്യങ്ങളിൽ പാർട്ടി നേതൃത്വത്തോട് ആലോചിക്കാതെ മാധ്യമങ്ങളോട് പരസ്യ നിലപാടെടുത്തതിൽ സംസ്ഥാന നേതൃത്വത്തിന്റെ പരസ്യ അതൃപ്തി അറിയിച്ചുകൊണ്ട് കേന്ദ്ര നേതൃത്വത്തിന് കാനം രാജേന്ദ്രൻ നേരത്തെ കത്ത് നൽകിയിരുന്നു.

പിങ്ക് പോലീസിന്റെ പരസ്യ വിചാരണ : പട്ടിക ജാതി കമ്മീഷൻ പോലീസിനോട് റിപ്പോർട്ട് തേടി

L I V E |

തിരുവനന്തപുരം : മോഷണം ആരോപിച്ച് 8 വയസുകാരിയെയും അച്ഛനെയും പരസ്യ വിചാരണ ചെയ്ത് അപമാനിച്ച സംഭവത്തിൽ സംസ്ഥാന പട്ടിക ജാതി കമ്മിഷൻ ഡിജിപിയിൽനിന്ന് റിപ്പോർട്ട് തേടി.

15 ദിവസത്തിനകം വിശദമായ റിപ്പോർട്ട് കമ്മീഷന് കൈമാറണം എന്നാണ് പോലീസ് മേധാവിയോട് കമ്മീഷൻ ആവശ്യപ്പെട്ടിരിക്കുന്ന ത്. പിങ്ക് പോലീസ് ഉദ്യോഗസ്ഥയ്ക്കെതിരെ നടപടി ശുപാർശയും സംഭവത്തിൽ എന്ത് നടപടിയാണ് പോലീസ് മേധാവി സ്വീകരിച്ചിട്ടുള്ളത് എന്നും കമ്മീഷൻ വിശദീകരണം ചോദിച്ചിട്ടുണ്ട്.

കഴിഞ്ഞ ദിവസമാണ് തിരുവനന്തപുരം ആറ്റിങ്ങലിൽ അച്ഛന്റെ കൂടെ പുറത്തുപോയ 8 വയസുകാരിയെയും അച്ഛനെയും ആറ്റിങ്ങൽ മൂന്നു മുക്കിൽ ഇല്ലാത്ത മോഷണക്കുറ്റം ആരോപിച്ച് പിങ്ക് പൊലീസിലെ രജിത എന്ന പൊലീസുകാരി ജനമധ്യത്തിൽ അപമാനിച്ചത്.

പിങ്ക് പോലീസ് വാഹനത്തിലെ മൊബൈൽ മോഷ്ടിച്ച് എന്നായിരുന്നു ആരോപണം. കുട്ടിയും അച്ഛനും കരഞ്ഞുകൊണ്ട് കേണപേക്ഷിച്ചിട്ടും പൊലീസുകാരി ഇവരെ ആക്ഷേപിക്കുകയായിരുന്നു.

ഐ എസ് ആർ ഒയിലേക്ക് വന്ന വലിയ ഉപകരണം വാഹനത്തിൽ കൊണ്ടുപോകുന്നത് കാണാനാണ് അച്ഛനും മകളും വീട്ടിൽനിന്ന് ഇറങ്ങിയത്.വീട്ടിലേക്ക് മടങ്ങുന്നതിനിടെയാണ് ഈ പോലീസ് ഉദ്യോഗസ്ഥ ഇവർക്കെതിരെ ആക്രോശിച്ച് വന്നതെന്ന് അച്ഛൻ ജയചന്ദ്രൻ പറഞ്ഞു.

സംഭവം വലിയ വിവാദമായതോടെ പോലീസ് ഉദ്യോഗസ്ഥയ്ക്കെതിരെ പേരിന് മാത്രം ഒരു സ്ഥലം മാറ്റം നൽകി എന്ന്
വ്യാപക പരാതി ഉയർന്നിരുന്നു.ശിക്ഷ നടപടി എന്ന പേരിൽ സ്വന്തം വീട്ടിനടുത്തേക്കാണ് അവർക്ക് സ്ഥലം മാറ്റം നൽകിയത് എന്നും ആക്ഷേപമുണ്ട്.

നിയന്ത്രണങ്ങളില്ലാതെ വെബ് പോർട്ടലുകളും യൂട്യൂബ് ചാനലുകളും വ്യാജ വാർത്തകൾ പ്രചരിപ്പിക്കുന്നു : സുപ്രീം കോടതി

ന്യൂഡൽഹി : നിയന്ത്രണങ്ങളില്ലാതെ വെബ് പോർട്ടലുകളും യൂട്യൂബ് ചാനലുകളും സമൂഹ മാധ്യമങ്ങളും വ്യാജ വാർത്തകൾ പ്രചരിപ്പിക്കുന്നതായി സുപ്രീം കോടതി ചീഫ് ജസ്റ്റിസ് എൻ വി രമണ.

ഇത്തരത്തിലുള്ള മാധ്യമങ്ങൾ മിക്കതും വർഗീയ ചുവയോടെയാണ് വാർത്തകൾ നൽകുന്നത്.ഇത് രാജ്യത്തിൻറെ പേര് തന്നെ മോശമാക്കു മെന്നും അദ്ദേഹം ആശങ്ക രേഖപ്പെടുത്തി.

നിസാമുദ്ദീനിൽ നടന്ന തബ്‌ലീഗ് ജമാ അത്ത് സമ്മേളനവുമായി ബന്ധപ്പെട്ട വ്യാജ വാർത്തകൾ സംബന്ധിച്ച ഹർജികളിന്മേൽ പ്രതികരിക്കുകയായിരുന്നു ചീഫ് ജസ്റ്റിസ്. ആരോടും ഉത്തരവാദിത്തമില്ലാതെ പ്രവർത്തിക്കുന്ന യൂട്യൂബ് ചാനലുകളും വെബ് പോർട്ടലുകളും ആർക്കും തുടങ്ങാമെന്ന അവസ്ഥയാണ്.

കോടതികളെയോ സാധാരണക്കാരെയോ മാനിക്കാത്ത സമൂഹ മാധ്യമങ്ങൾ വമ്പൻ മാരെ മാത്രമാണ് കേൾക്കുന്നത്.ഇവരെ നിയന്ത്രിക്കാൻ സർക്കാർ എന്ത് നടപടിയെടുത്തു എന്ന് കോടതി സോളിസിറ്റർ ജനറലിനോട് ചോദിച്ചു.

നിലവിൽ സർക്കാർ കൊണ്ടുവന്ന ചട്ടങ്ങൾ വഴി ഇവയെ നിയന്ത്രിക്കാമെങ്കിലും നിരവധി കോടതികളിൽ ഇതുസംബന്ധിച്ച കേസുകൾ ഉള്ളതിനാൽ സാങ്കേതികമായ തടസങ്ങൾ നിലനിൽക്കുന്നു. ഈ കേസുകളെല്ലാം സുപ്രീം കോടതിയിലേക്ക് മാറ്റാൻ ട്രാൻസ്ഫർ ഹരജികൾ നൽകിയിട്ടുണ്ടെന്ന് സോളിസിറ്റർ ജനറൽ കോടതിയെ അറിയിച്ചു.

കോഴിക്കോട് മെഡിക്കൽ കോളേജിൽ ഓക്സിജൻ ക്ഷാമം, താൽക്കാലിക പരിഹാരം

L I V E |

കോഴിക്കോട് : കോഴിക്കോട് മെഡിക്കൽ കോളേജിൽ ഓക്സിജൻ ക്ഷാമം.ചൊവ്വാഴ്ച്ച വൈകുന്നേരത്തോടെയാണ് ഓക്സിജൻ ക്ഷാമം നേരിട്ടത്.

എന്നാൽ അടിയന്തിര ഇടപെടലിനെ തുടർന്ന് ക്ഷാമത്തിന് താൽക്കാലിക പരിഹാരമായതായി മെഡിക്കൽ കോളേജ് അധികൃതർ അറിയിച്ചു.

പാലക്കാട് കഞ്ചിക്കോട് നിന്ന് ഓക്സിജൻ എത്തിച്ചാണ് പ്രശ്നം പരിഹരിച്ചത്.അല്പം മുൻപാണ് കഞ്ചിക്കോട് നിന്ന് ഇവിടേക്ക് ഓക്സിജൻ എത്തിച്ചത്.

എന്നാൽ ഇത് നാളെ രാവിലെ വരെയുള്ള ആവശ്യത്തിന് മാത്രമേ തികയു എന്നാണ് മെഡിക്കൽ കോളേജ് അധികൃതർ പറയുന്നത്. കൂടുതൽ ഓക്സിജൻ സിലിണ്ടറുകൾ എത്തിക്കാനുള്ള ശ്രമം തുടങ്ങിയതായി അധികൃതർ അറിയിച്ചു.

കോവിഡിലും അതിജീവനത്തിന്റെ പാതയിൽ മുന്നേറ്റം : 20.1 ശതമാനം വളർച്ച രേഖപ്പെടുത്തി ഇന്ത്യ

ന്യൂഡൽഹി: നടപ്പ് സാമ്പത്തിക വർഷത്തിന്റെ ആദ്യ പാദത്തിൽ കോവിഡിനെ അതിജീവിച്ച് ഇന്ത്യ മുന്നേറ്റത്തിന്റെ പാതയിൽ.

രാജ്യത്തെ മൊത്ത ആഭ്യന്തര ഉല്പാദനത്തിൽ ഇന്ത്യ മികച്ച വളർച്ച രേഖപ്പെടുത്തി.മുൻ വർഷത്തെ ഇതേ കാലയളവിൽ നിന്ന് 20.1 ശതമാനമാണ് ഇന്ത്യയുടെ വളർച്ച.

വ്യാവസായിക ഉത്പാദനം,നിർമാണ,കാർഷിക മേഖലകളിലെ മുന്നേറ്റമാണ് രാജ്യത്തെ സമ്പദ് ഘടനയെ വളർച്ചയുടെ പാതയിലേക്ക് നയിച്ചത്.

ദേശീയ സ്റ്റാറ്റിസ്റ്റിക്കൽ ഓഫീസ്പുറത്തുവിട്ട കണക്ക് പ്രകാരം 2021-22 സാമ്പത്തിക വർഷത്തെ ജൂണിലാവസാനിപ്പിച്ച പാദത്തിൽ 20.1 ശതമാനം വളർച്ചയാണ് രേഖപ്പെടുത്തിയത്.മുൻ വർഷം ഇതേ പാദത്തിൽ 24.4 ശതമാനം ഇടിവാണ് രേഖപ്പെടുത്തിയത്.

വലിയ കുതിപ്പാണ് നിർമാണ മേഖലയിൽ ഉണ്ടായത്.68.3 ശതമാനമാണ് വളർച്ചാ നിരക്ക്.വ്യവസായ ഉത്പാദനം,ഖനനം തുടങ്ങിയ മേഖലകളും കുതിപ്പിന്റെ പാതയിലാണ്.49.6,18.6 എന്നിങ്ങനെയാണ് വളർച്ചാ നിരക്ക്.വാണിജ്യം ,ഹോട്ടൽ വ്യവസായം,റിയൽ എസ്റ്റേറ്റ് ലേഖലകളിലും വളർച്ച ഉണ്ടായതായാണ് സാമ്പത്തിക വിദഗ്ധരുടെ വിലയിരുത്തൽ.

എന്നാൽ കോവിഡിന് മുൻപുള്ള കാലഘട്ടത്തിന്‌ലേക്ക് വളർച്ചാ നിരക്ക് എത്തിയിട്ടുമില്ല.2019 ഏപ്രിൽ-ജൂൺ കാലയളവിൽ 35.7 ശതമാനമായിരുന്നു വളർച്ച.

മൈസൂരു കൂട്ട ബലാത്സംഗ കേസിൽ പിടിയിലായത് 5 തിരുപ്പൂർ സ്വദേശികൾ

L I V E |

മൈസൂരു :മൈസൂരു കൂട്ട ബലാത്സംഗ കേസിലെ പിടിയിലായ 5 പ്രതികളും തിരുപ്പൂർ സ്വദേശികൾ.

തമിഴ്നാട്ടിൽനിന്നാണ് പ്രതികളെ കർണ്ണാടക പോലീസ് കസ്റ്റഡിയിലെടുത്തതെന്നാണ് വിവരം. പിടിയിലായവർ തിരുപ്പൂർ സ്വദേശികളാണെന്ന് കർണാടക ഡി ജി പി പ്രവീൺ സൂദ് വാർത്താ സമ്മേളനത്തിൽ പറഞ്ഞു.

പിടിയിലായവർ അഞ്ചു പേരും തമിഴ് നാട്ടിൽ നിന്ന് മൈസൂരുവിലെത്തിയ നിർമ്മാണ തൊഴിലാളികളാണ്.ഇവരുടെ അറസ്റ്റ് സ്ഥിരീകരിച്ചിട്ടുണ്ട്.സംഭവത്തിന് ശേഷം ഇവർ തമിഴ്‌നാട്ടിലേക്ക് രക്ഷപ്പെടുകയായിരുന്നു.

ഇതുസംബന്ധിച്ച കൂടുതൽ വിവരങ്ങൾ കർണാടക ആഭ്യന്തര മന്ത്രി അരഗ ജ്ഞാനേന്ദ്ര ഉച്ചയ്ക്ക് 2 മണിക്ക് മാധ്യമങ്ങളെ അറിയിക്കുമെന്ന് നേരത്തെ പറഞ്ഞിരുന്നെങ്കിലും പോലീസ് മേധാവി പത്രസമ്മേളനം വിളിക്കുയയായിരുന്നു.

മൈസൂരു ചാമുണ്ഡിക്കുന്നിൽ എം ബി എ വിദ്യാർത്ഥിനിയായ ഉത്തരേന്ത്യൻ യുവതിയെ കൂട്ട ബാലസംഗത്തിനിരയാക്കിയ സംഭവത്തിലെ പ്രതികൾ കേരളത്തിൽനിന്നുള്ളവരാണെന്ന് സംശയിക്കുന്നതായി പോലീസ് നേരത്തെ പറഞ്ഞിരുന്നു.മൊബൈൽ ടവർ ലൊക്കേഷൻ നോക്കിയാണ് പോലീസ് ഇത് പറഞ്ഞതെന്ന് ഡി ജി പി വ്യക്തമാക്കി.

കോവിഷീൽഡ്‌: 84 ദിവസത്തെ ഇടവേള കൂടുതൽ ഫലപ്രാപ്തിക്ക് വേണ്ടി,വാക്‌സിൻ ക്ഷാമമല്ല കാരണമെന്ന് കേന്ദ്രസർക്കാർ

BREAKING | LIVE

കൊച്ചി: കോവിഷീൽഡ്‌ വാക്‌സിൻ രണ്ടാം ഡോസ് നൽകുന്നതിലെ ഇടവേള 84 ദിവസമാക്കിയത് കൂടുതൽ ഫലപ്രാപ്തിക്ക് വേണ്ടിയാണെന്ന് കേന്ദ്രസർക്കാർ ഹൈക്കോടതിയിൽ സത്യവാങ്മൂലം നൽകി.വാക്‌സിൻ ക്ഷാമമല്ല കാരണമെന്നും കേന്ദ്രസർക്കാർ ഹൈക്കോടതിയിൽ വ്യക്തമാക്കി.

കോവിഷീൽഡ്‌ രണ്ടാം ഡോസിന് 84 ദിവസത്തെ ഇടവേള എന്തിനെന്ന് ഹൈക്കോടതി കഴിഞ്ഞ ദിവസം ചോദിച്ചിരുന്നു.വാക്‌സിൻ ലഭ്യതയാണോ ഫലപ്രാപ്തിയാണോ മാനദണ്ഡമെന്ന് കേന്ദ്രസർക്കാർ വ്യക്തമാക്കണമെന്ന് ഹൈക്കോടതി ആവശ്യപെട്ടിരുന്നു.ഇതിന്റെ മറുപടിയാണ് കേന്ദ്രസർക്കാർ നൽകിയത്.

കിറ്റെക്സ് കമ്പനി നൽകിയ ഹർജിയിലാണ് ഹൈക്കോടതി വിശദീകരണം തേടിയത്.ജീവനക്കാർക്ക് വേണ്ട വാക്‌സിൻ സൂക്ഷിച്ചിട്ടുണ്ടെന്നും ഒന്നാം ഡോസ് എടുത്ത് 45 ദിവസം കഴിഞ്ഞ് രണ്ടാം ഡോസ് എടുക്കാൻ സർക്കാരിനോട് അനുമതി ചോദിച്ചെങ്കിലും 84 ദിവസത്തെ ഇടവേള വേണമെന്നാണ് മറുപടി കിട്ടിയതെന്നും കമ്പനി നൽകിയ ഹർജിയിൽ പറഞ്ഞിരുന്നു.

തുടർന്നാണ് കമ്പനി കോടതിയെ സമീപിച്ചത്.വാക്‌സിൻ നയത്തിൽ കേന്ദ്രസർക്കാരാണ് തീരുമാനം എടുക്കേണ്ടത് എന്നാണ് സംസ്ഥാന സർക്കാർ കോടതിയെ അറിയിച്ചത്.തുടർന്നാണ് കേന്ദ്ര സർക്കാരിനോട് വിശദീകരണം തേടിയത്.

സ്വന്തം നിലയിൽ വാക്‌സിൻ വാങ്ങി ശേഖരിച്ചിരിക്കുന്നവർക്ക് ഇടവേള കുറയ്ക്കാമോ എന്നും ഹൈക്കോടതി ചോദിച്ചിരുന്നു. ഇക്കാര്യത്തിൽ കേന്ദ്രസർക്കാർ നിലപാട് വ്യക്തമാക്കുകയായിരുന്നു ഇന്ന്.

PREVIOUS STORY |

http://www.jginews.in/high-court-of-kerala-involved-in-covid-vaccine-second-dose-duration/

യോഗി ആദിത്യനാഥിനെതിരെയുള്ള പരാമർശത്തിൽ ഉദ്ധവ് താക്കറെക്കെതിരെ കേസെടുത്തേക്കും

L A T E S T | ON AIR

ന്യൂഡൽഹി :ഉത്തർപ്രദേശ് മുഖ്യമന്ത്രി യോഗി ആദിത്യനാഥിനെതിരെയുള്ള പരാമർശത്തിൽ മഹാരാഷ്ട്ര മുഖ്യമന്ത്രി ഉദ്ധവ് താക്കറെക്കെതിരെ കേസെടുത്തേക്കും.

മൂന്ന് വർഷം മുൻപ് ഉദ്ധവ് താക്കറെ യു പി മുഖ്യമന്ത്രി യോഗി ആദിത്യനാഥിനെതിരെ നടത്തിയ പരാമർശത്തിൽ കേസെടുക്കാൻ ആവശ്യപ്പെട്ട് ബിജെപി നാസിക് പോലീസിൽ പരാതി നൽകി.

ഉദ്ധവ് താക്കറെ,രശ്മി താക്കറെ,വരുൺ സർദേശായി എന്നിവർ ക്കെതിരെ മൂന്ന് പരാതികളാണ് ബിജെപി നൽകിയിരിക്കുന്നത്.

2018 ൽ ശിവജിയുടെ പ്രതിമയിൽ യോഗി ആദിത്യനാഥ്‌ ചെരിപ്പ് ധരിച്ചുകൊണ്ട് ഹാരാർപ്പണം നടത്തിയ സംഭവത്തിനെതിരെയായി രുന്നു ഉദ്ദവിന്റെ പരാമർശം.ചെരിപ്പ് ധരിച്ചുകൊണ്ട് ഹാരാർപ്പണം നടത്തിയ ആളെ ചെരിപ്പ് കൊണ്ട് അടിക്കണം എന്നായിരുന്നു പരാമർശം.ഇതിന്റെ വീഡിയോ അടക്കമാണ് ബിജെപി നേതാക്കൾ പരാതി നൽകിയത്.

രണ്ടാമത്തെ പരാതിയിൽ ഉദ്ദവിന്റെ ഭാര്യയും ശിവസേന മുഖപത്രമായ സാമ്‌നയുടെ പത്രാധിപരുമായ രശ്മി താക്കറെ ക്കെതിരെയാണ് .സാമ്‌നയിൽ വന്ന ലേഖനത്തിൽ നാരായൺ റാണെ ക്കെതിരെ അപകീർത്തിപരമായ പരാമർശം നടത്തി എന്നാണ് പരാതി.

മറ്റൊരു പരാതിയിൽ യുവസേന നേതാവ് വരുൺ സർദേശായി നാരായൺ റാണെക്കെതിരെ മോശം പരാമർശം നടത്തി എന്നാണ്.മഹാരാഷ്ട്ര മുഖ്യമന്ത്രിയാകുന്നതിന് മുൻപാണ് ഉദ്ദവ് താക്കറെ യോഗി ആദിത്യനാഥിനെതിരെ പ്രസംഗിച്ചത്.

യോഗി ആയ ആൾക്ക് എങ്ങിനെ മുഖ്യമന്ത്രിയാകാൻ പറ്റും? യോഗി എല്ലാം വെടിഞ്ഞ് ഗുഹയിൽ കഴിയേണ്ട ആളല്ലേ? യു പി യില്നിന്ന് ഒരു പുരോഹിതൻ ശിവജിയുടെ കിരീടധാരണത്തിനായി വന്നു.വായു നിറച്ച ബലൂൺ പോലെയാണ് യോഗി എത്തിയത്.

ശിവജി യുടെ പ്രതിമയിൽ ഹാരാർപ്പണം നടത്തിയത് ചെരിപ്പിട്ടു കൊണ്ടാണ്.ആ ചെരിപ്പുകൊണ്ട് നല്ലൊരു അടികൊടുക്കാനാണ് എനിക്ക് തോന്നിയത് എന്നായിരുന്നു ഉദ്ദവിന്റെ വാക്കുകൾ.

കഴിഞ്ഞ ദിവസം ഉദ്ദവിനെതിരെയുള്ള കേന്ദ്രമന്ത്രി നാരായൺ റാണെയുടെ പരാമർശത്തിൽ മന്ത്രിയെ മഹാരാഷ്ട്ര പോലീസ് അറസ്റ്റ് ചെയ്തിരുന്നു.കോടതി ജാമ്യം അനുവദിച്ചതിനെ തുടർന്നാണ് കേന്ദ്രമന്ത്രിക്ക് പുറത്തിറങ്ങാൻ കഴിഞ്ഞത്.ഈ സംഭവങ്ങളുടെ പശ്ചാത്തലത്തിലാണ് ഉദ്ദവ് താക്കറെക്കെതിരെയുള്ള ബിജെപി പരാതി.

കേന്ദ്രമന്ത്രി നാരായൺ റാണെയ്ക്ക് ജാമ്യം

L I V E | ON AIR

മുംബൈ : മഹാരാഷ്ട്ര പോലീസ് അറസ്റ്റ് ചെയ്ത കേന്ദ്രമന്ത്രി നാരായൺ റാണെയ്ക്ക് ജാമ്യം ലഭിച്ചു.

റായ്ഗഡ് മഹാദ് ഒന്നാം ക്ലാസ് മജിസ്‌ട്രേറ്റ് കോടതിയാണ് അൽപ്പം മുൻപ് ജാമ്യം അനുവദിച്ചത്.ഏഴ് ദിവസത്തെ കസ്റ്റഡിയിൽ വേണമെന്ന മഹാരാഷ്ട്ര പോലീസിന്റെ ആവശ്യം മജിസ്‌ട്രേറ്റ് തള്ളി.

മുഖ്യമന്ത്രി ഉദ്ധവ് താക്കറെക്കെതിരെ വിവാദ പരാമർശം നടത്തിയതിനാണ് നാരായൺ റാണെയെ മഹാരാഷ്ട്ര പോലീസ് കസ്റ്റഡിയിലെടുത്തത്.തുടർന്ന് അറസ്റ്റ് രേഖപ്പെടുത്തുകയായിരുന്നു. മണിക്കുറുകൾ നീണ്ട അനിശ്ചിതത്വത്തിനൊടുവിലാണ് രാത്രി വൈകി റാണെയ്ക്ക് ജാമ്യം ലഭിക്കുന്നത്.

ശിവസേന പ്രവർത്തകരുടെ പരാതിയിൽ നാസിക് പോലീസ് റാണെയ്‌ക്കെതിരെ കേസ് രജിസ്റ്റർ ചെയ്ത് അറസ്റ്റ് വാറണ്ട് പുറപ്പെടുവിച്ചിരുന്നു.എന്നാൽ റാണെ അറസ്റ്റ് തടയണം എന്നാവശ്യപ്പെട്ട് മുംബൈ ഹൈക്കോടതിയെ സമീപിച്ചിരുന്നെങ്കിലും അതിനു മുൻപേ മഹാരാഷ്ട്ര പോലീസ് കസ്റ്റഡിയിലെടുക്കുകയായിരു ന്നു.

റായ്‌ഗഡിൽ ‘ജന ആശിർവാദ്’ യാത്രയിൽ പങ്കെടുക്കാനെത്തിയ പ്പോഴായിരുന്നു റാണെ ഉദ്ധവിനെതിരെ വിവാദ പരാമർശം നടത്തിയത്.ആഗസ്ത് 15ന് നടത്തിയ പ്രസംഗത്തിനിടെ ഉദ്ധവ് സ്വാതന്ത്ര്യം ലഭിച്ച വർഷം മറന്ന് പോവുകയും സഹായികളോട് ചോദിച്ചാണ് വര്ഷം മനസിലാക്കിയത് എന്നും ആരോപണമുണ്ടായി രുന്നു.ആ സമയത്ത് താൻ അവിടെ ഉണ്ടായിരുന്നെങ്കിൽ ഉദ്ധവിന്റെ കരണത്ത് അടിച്ചേനെ എന്നും റാണെ പറഞ്ഞു എന്നാണ് പരാതി.

വിവാദ പരാമർശങ്ങളുടെ പേരിൽ ബിജെപി-ശിവസേന പ്രവർത്തകർ പലയിടത്തും ഏറ്റുമുട്ടിയിരുന്നു.കേസിൽ റാണെയെ അറസ്റ്റ് ചെയ്ത് കോടതിയിൽ ഹാജരാക്കുമെന്നും കോടതി നിർദേശം അനുസരിച്ച് മുന്നോട് പോകുമെന്നും നാസിക് പോലീസ് മേധാവി ദീപക് പാണ്ഡെ നേരത്തെ വ്യകത്മാക്കിയിരുന്നു.

P R E V I O U S S T O R Y |

http://www.jginews.in/union-minister-narayan-rane-in-maharashtra-police-custody-on-behalf-of-controversial-statement-against-udhav-thakkare/

അഫ്ഘാനിസ്ഥാനിലെ ഒഴിപ്പിക്കൽ ദൗത്യത്തിന് ഇന്ത്യയ്ക്ക് സഹായവുമായി കൂടുതൽ രാജ്യങ്ങൾ

L A T E S T |

ന്യൂഡൽഹി :അഫ്ഘാനിസ്ഥാനിലെ ഇന്ത്യൻ പൗരന്മാരെ ഒഴിപ്പിക്കാനുള്ള ഇന്ത്യയുടെ ദൗത്യത്തിന് കൂടുതൽ രാജ്യങ്ങളുടെ സഹായം.

ആറോളം വിദേശ രാജ്യങ്ങൾ അവരുടെ സ്ഥാപനങ്ങൾ വഴി ഇന്ത്യയുടെ ദൗത്യത്തിൽ പങ്ക് ചേരും.അമേരിക്ക,ബ്രിട്ടൻ,ഫ്രാൻസ് ,ജർമ്മനി,ഐക്യ അറബ് എമിറേറ്റ്സ്, ഖത്തർ ഇനി രാജ്യങ്ങളാണ് ഇന്ത്യയെ സഹായിക്കുക.

ഇന്ത്യയ്ക്ക് സഹായം വാഗ്ദാനം ചെയ്ത രാജ്യങ്ങൾ ഇന്ത്യൻ പൗരന്മാരെ കാബൂളിൽനിന്നും രക്ഷപ്പെടുത്തി അതാത് രാജ്യങ്ങളിലേക്ക് കൊണ്ടുപോകും.തുടർന്ന് വിദേശകാര്യ മന്ത്രാലയത്തിന്റെ സഹായത്തോടെ ഇന്ത്യയിലെത്തിക്കാനുള്ള നടപടികൾ സ്വീകരിക്കും.

ആഗസ്ത് 31 മുൻപ് മുഴുവൻ ഇന്ത്യക്കാരെയും ഒഴിപ്പിക്കാനാണ് ഇന്ത്യയുടെ തീരുമാനം.

കേന്ദ്രമന്ത്രി പശുപതി പരസിന് നേരെ സ്വന്തം മണ്ഡലത്തിലെ പരിപാടിയിൽ മഷിയെറിഞ്ഞു

L I V E | LATEST

ഹാജിപുർ: കേന്ദ്രമന്ത്രി പശുപതി കുമാർ പരസിന് നേരെ മഷിയെറിഞ്ഞ് പ്രതിഷേധം.

മന്ത്രിയുടെതന്നെ മണ്ഡലമായ ഹാജിപൂരിൽ ലോക് ജനശക്തി പാർട്ടി ( എൽ ജെ പി )യുടെ ഒരു പരിപാടിയിൽ പങ്കെടുക്കാനെത്തിയപ്പോഴാ ണ് കേന്ദ്രമന്ത്രിക്ക് നേരെ മഷിയെറിഞ്ഞത്.

ചിരാഗ് പാസ്വാൻ അനുകൂലിയായ ഒരു സ്ത്രീയാണ് കേന്ദ്രമന്ത്രിക്ക് നേരെ മഷിയെറിഞ്ഞതെന്ന് പറയപ്പെടുന്നു.പശുപതി കുമാർ പരസ് പിന്നീട് വസ്ത്രം മാറി അതെ പരിപാടിയിൽ പ്രസംഗിച്ചു.

ഹാജിപൂരിൽനിന്നുള്ള പാർലമെന്റ് അംഗമായ പശുപതി പരസ് നരേന്ദ്രമോദി മന്ത്രിസഭയിലെ ഭക്ഷ്യ സംസ്കരണ വ്യവസായ വകുപ്പിന്റെ ചുമതലയുള്ള ക്യാബിനറ്റ് മന്ത്രിയാണ്.

ആദായ നികുതി പോർട്ടലിൽ തകരാർ: ഇൻഫോസിസ് സി ഇ ഒ ഹാജരാകണമെന്ന് കേന്ദ്രസർക്കാർ

LATEST |

ന്യൂഡൽഹി :ആദായനികുതി റിട്ടേൺ സമർപ്പിക്കാനുള്ള പോർട്ടലിൽ തകരാർ സംഭവിക്കുന്നതിലെ പരിഹാരം സംബന്ധിച്ച് ഇൻഫോസിസിനോട് കേന്ദ്രസർക്കാർ വിശദീകരണം തേടി.

വിഷയത്തിൽ ഇൻഫോസിസ് എം ഡി യും സി ഇ ഒ യുമായ സലിൽ പരേഖ് നേരിട്ട് വിശദീകരണം നൽകണമെന്ന് കേന്ദ്രസർക്കാർ വ്യക്തമാക്കി.

പോർട്ടൽ പ്രവർത്തനം തുടങ്ങി രണ്ട് മാസം കഴിഞ്ഞിട്ടും തകരാർ പരിഹരിക്കാത്തത് സംബന്ധിച്ചാണ് കേന്ദ്രസർക്കാർ വിശദീകരണം തേടിയത്.സലീൽ പരേഖിനോട് നാളെ നേരിട്ട് എത്തി വിശദീകരണം നൽകാനാണ് ധനമന്ത്രി നിർമല സീതാരാമൻ ആവശ്യപ്പെട്ടത്.

പോർട്ടലിൽ നികുതി റിട്ടേൺ ഫയൽ ചെയ്യാൻ പറ്റാതെ ചാർട്ടേഡ് അക്കൗണ്ടന്റുമാരും നികുതി ദായകരും പ്രയാസം നേരിടുന്നതായി പരാതി ഉയർന്നിരുന്നു.സെപ്റ്റംബർ 30ന് മുൻപേ നികുതി റിട്ടേണുകൾ സമർപ്പിക്കണമെന്നിരിക്കെപോർട്ടലിൽ തകരാറുകൾ പരിഹരിക്കാത്തത് വലിയ പരാതിക്കിടയായ സാഹചര്യത്തിലാണ് കേന്ദ്രസർക്കാർ ഇടപെടൽ.

ജൂൺ 7ന് പ്രവർത്തനം തുടങ്ങിയ www.incometax.gov.in എന്ന പോർട്ടൽ രാജ്യത്തെ വിവര സാങ്കേതിക മേഖലയിലെ മികച്ച കമ്പനിയായ ഇൻഫോസിസിനെ ഏൽപ്പിച്ചത് പോലും പരാതികൾ ഇല്ലാതാക്കാനാണെന്നാണ് കേന്ദ്രസർക്കാർ പറയുന്നത്.

ലോഗിൻ ചെയ്യൽ,ആധാർ മൂല്യ നിർണ്ണയം,ഒ ടി പി ജനറേഷനിലെ പ്രശനങ്ങൾ തുടങ്ങിയവയാണ് പ്രായോഗിക തലത്തിൽ നേരിട്ട പ്രയാസങ്ങൾ എന്നാണ് പരാതി.ഇതുമായി ബന്ധപ്പെട്ട് സമൂഹ മാധ്യമങ്ങളിലടക്കം പരാതികൾ ഉയർന്ന സാഹചര്യത്തിലാണ് കേന്ദ്രസർക്കാർ ഇടപെടൽ.

രക്ഷാ ദൗത്യം തുടരുന്നു: അഫ്‌ഗാനിൽ കുടുങ്ങിയ 222 ഇന്ത്യക്കാരെ തിരികെയെത്തിച്ചു

L A T E S T |ON AIR

കാബൂൾ : അഫ്ഘാനിസ്ഥാനിൽ കുടുങ്ങിയ ഇന്ത്യക്കാരെ തിരികെയെത്തിക്കാനുള്ള തീവ്ര ശ്രമം ഇന്ത്യ തുടരുന്നു.രണ്ട് വിമാനങ്ങളിലായി 222 ഇന്ത്യക്കാരെ തിരികെയെത്തിച്ചു.

ഒരു വിമാനം താജിക്കിസ്ഥാൻ വഴിയും മറ്റൊരു വിമാനം ദോഹ വഴിയുമാണ് ന്യൂഡൽഹിയിലെത്തിയത്‌.ദോഹ വഴി വന്ന വിമാനത്തിൽ 135 ഇന്ത്യൻ പൗരന്മാരും തജിക്കിസ്ഥാൻ വഴി വന്ന വിമാനത്തിൽ 87 ഇന്ത്യക്കാരും 2 നേപ്പാൾ പൗരന്മാരുമാണ് ഉണ്ടായിരുന്നത്.രക്ഷാ ദൗത്യം ഇന്ത്യ ഞായറാഴ്ചയും തുടരും.

ശ്രമകരമായ രക്ഷാ ദൗത്യത്തിൽ വിജയം കണ്ട ഇന്ത്യയെ പ്രകീർത്തിച്ച് 'ഭാരത് മാത കി ജയ് ' വിളിച്ചുകൊണ്ടാണ് വിമാനത്തിൽ കയറിയത്.യാത്രക്കാരുടെ സന്തോഷം പങ്കുവെച്ച വീഡിയോ വിദേശകാര്യ മന്ത്രാലയം വക്താവ് അരിന്ദം ബക്ച്ചി ട്വിറ്ററിൽ പോസ്റ്റ് ചെയ്തിട്ടുണ്ട്.

https://twitter.com/ANI/status/1429178823199760389?ref_src=twsrc%5Etfw%7Ctwcamp%5Etweetembed%7Ctwterm%5E1429178823199760389%7Ctwgr%5E%7Ctwcon%5Es1_c10&ref_url=https%3A%2F%2Fwww.mathrubhumi.com%2Fnews%2Findia%2Fover-two-hundred-indian-nationals-brough-back-home-from-afghanistan-1.5933360
https://twitter.com/ANI/status/1429175332045611010?ref_src=twsrc%5Etfw%7Ctwcamp%5Etweetembed%7Ctwterm%5E1429175332045611010%7Ctwgr%5E%7Ctwcon%5Es1_c10&ref_url=https%3A%2F%2Fwww.mathrubhumi.com%2Fnews%2Findia%2Fover-two-hundred-indian-nationals-brough-back-home-from-afghanistan-1.5933360

ഉത്തർപ്രദേശ് മുൻ മുഖ്യമന്ത്രി കല്യാൺ സിങ് അന്തരിച്ചു

L I V E |ON AIR

ലക്‌നൗ : ഉത്തർപ്രദേശ് മുൻ മുഖ്യമന്ത്രി കല്യാൺ സിങ് അന്തരിച്ചു. 89 വയസായിരുന്നു. ലക്‌നൗവിലെ സഞ്ജയ് ഗാന്ധി ആശുപത്രിയി ലായിരുന്നു അന്ത്യം.

വാർധക്യ സഹജമായ അസുഖങ്ങളെ തുടർന്ന് ദീർഘനാളായി ആശുപത്രിയിലായിരുന്നു.ബാബരി മസ്ജിദ് തകർക്കെപ്പുടുമ്പോൾ യു പി മുഖ്യമന്ത്രിയായിരുന്നു.

ഉത്തർ പ്രദേശിൽ ആദ്യമായി ബിജെപിയെ അധികാരത്തിലെത്തിച്ച നേതാവെന്ന നിലയിൽ പ്രശസ്തനായിരുന്നു.രാജസ്ഥാൻ മുൻ ഗവർണ്ണറായിരുന്നു.

https://twitter.com/ANINewsUP/status/1429114586381176833?ref_src=twsrc%5Etfw%7Ctwcamp%5Etweetembed%7Ctwterm%5E1429114586381176833%7Ctwgr%5E%7Ctwcon%5Es1_c10&ref_url=https%3A%2F%2Fwww.mathrubhumi.com%2Fnews%2Findia%2Fkalyan-singh-passes-away-1.5933339

മമ്മൂട്ടിക്കും മോഹൻലാലിനും യു എ ഇ ഗോൾഡൻ വിസ പ്രഖ്യാപിച്ചു

ദുബായ് : മലയാളത്തിന്റെ സൂപ്പർ താരങ്ങളായ മമ്മൂട്ടിക്കും മോഹൻലാലിനും യു എ ഇ സർക്കാർ ഗോൾഡൻ വിസ പ്രഖ്യാപിച്ചു. 10 വർഷ കാലാവധിയുള്ള ഗോൾഡൻ വിസയാണ് താരങ്ങൾക്ക് നൽകുക.

ആദ്യമായാണ് മലയാള സിനിമ താരങ്ങൾക്ക് ഗോൾഡൻ വിസ ലഭിക്കുന്നത്.വരും ദിവസങ്ങളിൽത്തന്നെ ഇരുവരും ഗോൾഡൻ വിസ സ്വീകരിക്കും.ബോളിവുഡ് താരങ്ങളായ ഷാരൂഖ്ഖാനും സഞ്ജയ് ദത്തിനും ഗോൾഡൻ വിസ ലഭിച്ചിരുന്നു.

2019 ലാണ് യു എ ഇ ഗോൾഡൻ വിസ എന്ന ആശയം അവതരിപ്പിച്ചത്. ദേശീയമായ അംഗീകാരമായിട്ടാണ് ഗോൾഡൻ വിസ നൽകുന്നത്.

ഗോൾഡൻ വിസ ലഭിക്കുന്നവർക്ക് സ്പോൺസർ മാരില്ലാതെ യു എ ഇ റസിഡന്റ് ആകാം എന്നതാണ് പ്രത്യേകത. മലയാളത്തിന്റെ പ്രിയ താരങ്ങൾ ഷൂട്ടിങ് തിരക്ക് കഴിഞ്ഞാൽ യു എ ഇ ഗോൾഡൻ വിസ സ്വീകരിക്കുമെന്നാണ് റിപോർട്ടുകൾ.

സുന്ദന്ദ പുഷ്കർ കേസിൽ ശശി തരൂരിനെ കുറ്റവിമുക്തനാക്കി

BREAKING |LIVE

ന്യൂഡൽഹി : സുനന്ദ പുഷ്കറിന്റെ മരണവുമായി ബന്ധപ്പെട്ട കേസിൽ കോൺഗ്രസ് നേതാവ് ശശി തരൂരിനെ കുറ്റവിമുക്തനാക്കി. ഡൽഹി റോസ് അവന്യു കോടതിയുടേതാണ് വിധി.ജഡ്ജി ഗീതാഞ്ജലി ഗോയലാണ് വിധി പ്രസ്താവിച്ചത്.

പ്രതിപ്പട്ടികയിൽനിന്ന് തരൂരിനെ ഒഴിവാക്കിയതായാണ് ലഭ്യമാകുന്ന വിവരം.വിധിപ്പകർപ്പ് ലഭ്യമായിട്ടില്ല.

2014ലാണ് ശശി തരൂരിന്റെ ഭാര്യ സുനന്ദ പുഷ്കർ ഹോട്ടൽ മുറിയിൽ മരിച്ചു കിടക്കുന്നതായി കണ്ട സംഭവം ഉണ്ടായത്.സുനന്ദ പുഷ്‌കറിന്റെ മരണത്തിൽ സംശയം പ്രകടിപ്പിച്ച ഡൽഹി പോലീസ് ആത്മഹത്യാ പ്രേരണാ കുറ്റമോ കൊലപാതക കുറ്റമോ ചുമത്താൻ തെളിവുകളുണ്ടെന്നാണ് വാദിച്ചത്.

എന്നാൽ സുനന്ദ പുഷ്കറിന് അസുഖങ്ങൾ ഉണ്ടായിരുന്ന്നുവെന്നും സ്വാഭാവിക മരണമാണ് സംഭവിച്ചത് എന്നും ശശി തരൂർ വാദിച്ചു.

2014ൽ ഡൽഹിയിലെ ആഡംബര ഹോട്ടലിൽ നടന്ന സുനന്ദ പുഷ്‌കറിന്റെ മരണം വലിയ വീവാദങ്ങൾക്ക് വഴിവെച്ചിരുന്നു.ശശി തരൂരിന് പങ്കുണ്ടെന്ന ആരോപണം ശക്തമായതിനെ തുടർന്നാണ് ദൽഹി പോലീസിന്റെ പ്രത്യേക അന്വേഷണ സംഘം കേസ് അന്വേഷിച്ചത്.

ജനക്കൂട്ടം വിമാനത്താവളത്തിലേക്ക് ഇരച്ചു കയറി,കാബൂളിൽ വെടിവെപ്പിൽ നിരവധി മരണം

കാബൂളിൽ ദുരിതക്കാഴ്ചകൾ . . . പലായനം . . .

L A T E S T |LIVE

കാബൂൾ : കാബൂൾ നഗരംകൂടി താലിബാൻ പിടിച്ചെടുത്തതോടെ രക്ഷ തേടി പലായനം ചെയ്യുന്ന ജനക്കൂട്ടം വിമാനത്താവളത്തിലേക്ക് ഇരച്ചു കയറി.വെടിവെപ്പിലും തിരക്കിലും പെട്ട് നിരവധി പേർ മരിച്ചു.

അഫ്ഘാൻ ഭരണകൂടത്തിലെ ഉദ്യോഗസ്ഥരും താലിബാൻ ഭരണകൂടത്തിന് അനഭിമതമായി പ്രവർത്തിച്ച ആളുകളും ഉൾക്കൊള്ളുന്ന ജനക്കൂട്ടമാണ് കാബൂളിലെ ഹമീദ് കർസായി വിമാനത്താവളത്തിലേക്ക് ഇരച്ചു കയറിയത്.

ഏത് രാജ്യത്തേക്കാണ് പറക്കുന്നതെന്ന് പോലും വ്യക്തതയില്ലാത്ത അഫ്ഘാൻ സൈനിക വിമാനത്തിലേക്ക് കയറിപ്പറ്റാനാണ് ജനക്കൂട്ടം സകല നിയന്ത്രണവും വിട്ട് വിമാനത്താവളത്തിലേക്ക് ഓടിയെ ത്തിയത്.വീടുകളിൽ നിന്ന് കിട്ടിയ സാധനങ്ങളും കുടുംബങ്ങളുമാ യാണ് പലായനം ചെയ്യുന്നത്.

അതീവ സുരക്ഷാ മേഖലയിലെ എല്ലാ നിയന്ത്രണങ്ങളും ഭേദിച്ചു വിമാനത്താവളത്തിലേക്ക് ഇരച്ചു കയറിയവർക്ക് നേരെയാണ് താലിബാൻ വെടിവെപ്പ് നടത്തിയതെന്ന് അഫ്ഘാൻ മാധ്യമം റിപ്പോർട്ട് ചെയ്തു.വിമാനത്താവളത്തിലെ റൺവേ മുഴുവൻ പലായനം ചെയ്യുന്നവരെക്കൊണ്ട് നിറഞ്ഞിരിക്കയാണ്.

ബസുകളിലേക്ക് ആളുകൾ കയറുന്ന പ്രതീതിയിലാണ് ഏപ്രണിൽ നിർത്തിയിട്ട സി-17 സൈനിക വിമാനത്തിലേക്കുള്ള ലാഡറിലൂടെ ജനക്കൂട്ടംവിമാനത്തിനുള്ളിലേക്ക് ഇരച്ചു കയറിയത്.കണക്കൂട്ടത്തെ നിയന്ത്രിക്കാൻ പറ്റാതായതോടെയാണ് വെടിവെപ്പുണ്ടായത്.

അഫ്ഘാൻ പ്രസിഡണ്ട് അഷ്‌റഫ് ഗനി രാജ്യം വിട്ടതോടെയാണ് പ്രശ്നങ്ങൾ രൂക്ഷമായത്.അഫ്ഘാൻ മുൻ പ്രസിഡണ്ട് ഹമീദ് കർസായിയുടെ നേതൃത്വത്തിൽ മൂന്നംഗ കൗൺസിൽ രാജ്യത്തെ ജനങ്ങളോട് പരിഭ്രാന്തരാകരുത് എന്നറിയിച്ചിട്ടുണ്ട്.

എന്നാൽ യുദ്ധം അവസാനിച്ചെന്നും അന്തരാഷ്ട്ര സമൂഹവുമായി നല്ല ബന്ധം സൂക്ഷിക്കുമെന്നും പ്രഖ്യാപിച്ച താലിബാൻ ആക്രമണങ്ങളുടെ വാർത്തകൾ തന്നെയാണ് പുറത്തു വരുന്നത്.

https://twitter.com/ahmermkhan/status/1427122053212098560?ref_src=twsrc%5Etfw%7Ctwcamp%5Etweetembed%7Ctwterm%5E1427122053212098560%7Ctwgr%5E%7Ctwcon%5Es1_c10&ref_url=https%3A%2F%2Fwww.mathrubhumi.com%2Fnews%2Fworld%2Fchaos-at-kabul-airport-as-people-try-to-flee-country-after-taliban-takeover-1.5917847
http://www.jginews.in/thaliban-entered-kabool-and-catch-reports-came-and-president-ashraf-ghani-leaves-afghanisthan/

താലിബാൻ കാബൂൾ പിടിച്ചു: അഫ്ഘാൻ പ്രസിഡണ്ട് അഷ്‌റഫ് ഗനി രാജ്യം വിട്ടു, താജികിസ്താനിലേക്കെന്ന് സൂചന

BREAKING NEWS |ON AIR

കാബൂൾ : താലിബാൻ കാബൂൾ നഗരം പിടിച്ചടക്കിയതായുള്ള വാർത്തകൾക്ക് പിന്നാലെ അഫ്ഘാൻ പ്രസിഡണ്ട് അഷ്‌റഫ് ഗനി രാജ്യം വിട്ടതായി സൂചന.പ്രമുഖ അഫ്ഘാൻ മാധ്യമമാണ് വാർത്ത പുറത്തു വിട്ടത്.

അവസാന നിമിഷം വരെ താലിബാനെ പ്രതിരോധിക്കുമെന്ന് ഇന്നലെ അഷ്‌റഫ് ഗനി പറഞ്ഞിരുന്നു.എന്നാൽ താലിബാൻ വിവിധ നഗരങ്ങൾ പിടിച്ചു തുടങ്ങിയതോടെ ഗത്യന്തരമില്ലാതെയാണ് രാജ്യം വിട്ടതെന്നാണ് റിപോർട്ടുകൾ.

അടുത്ത അനുയായികളോടൊപ്പമാണ് അദ്ദേഹം രാജ്യം വിട്ടത് എന്നാണ് അഫ്ഘാൻ മാധ്യമം റിപ്പോർട്ട് ചെയ്തത്.രാജ്യം വിടുന്നതിന് മുൻപ് പ്രസിഡണ്ട് പദം രാജി വെച്ചതായും താജിക്കിസ്ഥാനിലേക്കാണ് ഗനി പോയത് എന്നുമാണ് ലഭ്യമാകുന്ന വിവരം.ഇക്കാര്യം പ്രസിഡണ്ടിന്റെ ഓഫീസ് സ്ഥിരീകരിച്ചിട്ടുണ്ടെ ങ്കിലും സുരക്ഷാ കാരണങ്ങളാൽ കൂടുതൽ വിവരങ്ങൾ പുറത്തുവിടാൻ കഴിയില്ലെന്ന് പ്രസിഡണ്ട് ഓഫീസിൽനിന്നറിയിച്ചു.

താലിബാൻ ഭീകരർ കാബൂളിലേക്ക് പ്രവേശിച്ച ഉടൻ തന്നെ രാജി വെക്കാൻ തയ്യാറാണെന്ന് ഗനി അറിയിച്ചതായും റിപ്പോർട്ടുകളുണ്ട്. അധികാരക്കൈമാറ്റം സമാധാനപരമായിരിക്കുമെന്നും ജനങ്ങൾ പരിഭ്രാന്തരാകരുതെന്നും അഫ്ഘാൻ ആഭ്യന്തരമന്ത്രി അബ്ദുൽ സത്താർ മിർസഖ്വൽ പറഞ്ഞു.

താലിബാൻ കാബൂൾ പിടിച്ചതായുള്ള വാർത്തകൾ വന്നതോടെ താലിബാൻ കമാൻഡർ മുല്ല അബ്ദുൽ ഗാനി ബർദാർ ദോഹയിൽനിന്ന് കബൂളിലേക്ക് തിരിച്ചു.ബർദാർ അഫ്ഘാൻ പ്രസിഡണ്ടായേക്കുമെ ന്നും വാർത്തകൾ പുറത്തുവരുന്നുണ്ട്.

തിരുവനന്തപുരത്ത് വനിത ഡോക്ടർക്ക് നേരെ വീണ്ടും അതിക്രമം :രണ്ടു പേർ അറസ്റ്റിൽ

തിരുവനന്തപുരം : തിരുവനന്തപുരം ജില്ലയിൽ ഡോക്ടർക്ക് നേരെ വീണ്ടും ആക്രമണം.രണ്ടു പേർ അറസ്റ്റിൽ.

ആറ്റിങ്ങൽ ഗോകുലം മെഡിക്കൽ സെന്ററിലെ ഡോക്ടർ ജയശാലിനിയാണ് ശനിയാഴ്ച്ച അർധരാത്രിയോടെ ആക്രമിക്കപ്പെട്ടത്. സംഭവുമായി ബന്ധപ്പെട്ട് രണ്ടുപേരെ പോലീസ് അറസ്റ്റ് ചെയ്തു.ആറ്റിങ്ങൽ സ്വദേശികളായ അനസ്,സെബിൻ എന്നിവരെയാണ് പോലീസ് അറസ്റ്റ് ചെയ്തത്.

ചികിത്സക്കെത്തിയ രണ്ടുപേരാണ് വനിത ഡോക്ടറെ അസഭ്യം പറയുകയും ചെരിപ്പ് എറിയുകയും ചെയ്തത്.അർധരാത്രി 12 മണിയോടെ രണ്ടുപേർ കൈക്ക് പരിക്കേറ്റ നിലയിൽ ഡോക്ടറെ കാണാൻ എത്തിയത്.പരിശോധനാ മുറിയിലേക്ക് ചെരിപ്പ് ധരിച്ച് പ്രവേശിക്കരുത് എന്ന് പറഞ്ഞതാണ് പ്രകോപനത്തിന് കാരണമായതെന്ന് പറയുന്നു.

ഡോക്ടറെ അസഭ്യം പറഞ്ഞതായും ചെറിപ്പറിഞ്ഞതായുമാണ് പരാതി.ചെരിപ്പേറ് ഡോക്ടമാരുടെ സമീപത്തുണ്ടായിരുന്ന നഴ്സിന്റെ ദേഹത്താണ് പതിച്ചത്.സുരക്ഷാ ജീവനക്കാരെത്തിയാണ് ആശുപത്രി ജീവനക്കാരെ രക്ഷിച്ചത്.

സംസ്ഥാനത്ത് ആരോഗ്യപ്രവർത്തകർക്കും ഡോക്ടർമാർക്കുമെതിരെ യുണ്ടാകുന്ന തുടർച്ചയായ ആക്രമണങ്ങളിൽ ഐ എം എ ചിറയിൻകീഴ് ഘടകം പ്രതിഷേധിച്ചു.

തിരുവനന്തപുരം മെഡിക്കൽ കോളേജിൽ കോവിഡ് ചികിത്സയിലിരിക്കെ പുഴുവരിച്ച രോഗി മരിച്ചു

L A T E S T |

തിരുവനന്തപുരം : മെഡിക്കൽ കോളേജിൽ കോവിഡ് ചികിത്സയിലിരിക്കെ പുഴുവരിച്ച രോഗി മരിച്ചു.വട്ടിയൂർക്കാവ് സ്വദേശി അനിൽകുമാർ (56 ) ആണ് മരിച്ചത്.

കഴിഞ്ഞ സെപ്റ്റംബറിൽ കോവിഡ് ബാധിതനായി തിരുവനന്തപുരം മെഡിക്കൽ കോളേജിൽ അനിൽകുമാറിനെ പ്രവേശിപ്പിച്ചിരുന്നു. എന്നാൽ വേണ്ടത്ര പരിചരണം ലഭിച്ചിരുന്നില്ല എന്ന് ആക്ഷേപം ഉയർന്നിരുന്നു.

ഡിസ്ചാർജ് ചെയ്ത് വീട്ടിൽ എത്തിയപ്പോഴാണ് പുഴുവരിച്ചത് ശ്രദ്ധയിൽ പെട്ടത്.ഇത് പിന്നീട് വലിയ വാർത്താ പ്രാധാന്യം നേടിയ സംഭവമായി മാറിയിരുന്നു.വീട്ടുകാർ പരാതി ഉന്നയിച്ചതിനെ തുടർന്ന് ജീവനക്കാരെ സസ്‌പെൻഡ് ചെയ്തിരുന്നു.

പുഴുവരിച്ച സംഭവത്തിന് ശേഷം അദ്ദേഹം ആരോഗ്യവാനായിരുന്നി ല്ല എന്ന് ബന്ധുക്കൾ പറഞ്ഞു.പുഴുവരിച്ചതിന് ശേഷമുള്ള മുറിവുകൾ ഉണങ്ങിയിരുന്നില്ലെന്നും ബന്ധുക്കൾ പറയുന്നു.

ക്രയോജനിക് ഘട്ടത്തിൽ തകരാർ : ഇ ഒ എസ് -3 വിക്ഷേപണം പരാജയം

L I V E |ON AIR

ശ്രീഹരിക്കോട്ട : ഇന്ത്യയുടെ ഭൗമ നിരീക്ഷണ ഉപഗ്രഹമായ ഇ ഒ എസ് -3 വിക്ഷേപണം പരാജയം.

വിക്ഷേപണത്തിലെ ആദ്യ രണ്ട് ഘട്ടങ്ങൾ വിജയകരമായിരുന്നെങ്കി ലും ക്രയോജനിക് ഘട്ടത്തിൽ തകരാർ സംഭവിക്കുകയായിരുന്നു. ദൗത്യം പൂർണ വിജയമായിരുന്നില്ലെന്ന് ഐ എസ് ആർ ഒ അറിയിച്ചു.

ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽനിന്ന് ഇന്ന് പുലർച്ചെ 5.43 നായിരുന്നു വിക്ഷേപണം. ജി എസ് എൽ വി -എഫ് 10 ആയിരുന്നു വിക്ഷേപണ വാഹനം.

മൂന്നാം ഘട്ടത്തിലെ തകരാറുകളായിരുന്നു പരാജയത്തിന് കാരണമെന്ന പ്രാഥമിക നിഗമനത്തിലാണ് ശാസ്ത്രജ്ഞർ എങ്കിലും കൂടുതൽ വിവരങ്ങൾ ഉടൻ അറിയിക്കുമെന്നും ഐ എസ് ആർ ഒ അറിയിച്ചു.

പ്രകൃതി ദുരന്തം മുതൽ കാലാവസ്ഥ മാറ്റങ്ങൾ വരെ ലഭ്യമാക്കാവുന്ന ഇന്ത്യയുടെ ഭൗമ നിരീക്ഷണ ഉപഗ്രഹമാണ് ഇ ഒ എസ് -3.

https://twitter.com/ANI/status/1425615816335118336?ref_src=twsrc%5Etfw%7Ctwcamp%5Etweetembed%7Ctwterm%5E1425615816335118336%7Ctwgr%5E%7Ctwcon%5Es1_c10&ref_url=https%3A%2F%2Fwww.mathrubhumi.com%2Fnews%2Findia%2Findia-s-gslv-rocket-carrying-the-eos-03-earth-observation-satellite-suffered-a-catastrophic-failure-1.5905996

എൻഫോഴ്‌സ്‌മെന്റിനെതിരായ ജുഡീഷ്യൽ അന്വേഷണത്തിന് ഇടക്കാല സ്റ്റേ

L I V E |

കൊച്ചി : സ്വർണ്ണക്കടത്ത് കേസിൽ കേന്ദ്ര ഏജൻസികൾക്കെതിരെയുള്ള അന്വേഷണത്തിന് ജുഡീഷ്യൽ കമ്മീഷനെ നിയമിച്ച സംസ്ഥാന സർക്കാരിന് തിരിച്ചടി.ഇ ഡി ക്കെതിരെയുള്ള ജുഡീഷ്യൽ അന്വേഷണം ഇടക്കാലത്തേക്ക് സ്റ്റേ ചെയ്ത് ഹൈക്കോടതി ഉത്തരവിറക്കി.

ജുഡീഷ്യൽ അന്വേഷണം ചോദ്യം ചെയ്ത് എൻഫോഴ്‌സ്‌മെന്റ് സമർപ്പിച്ച ഹർജിയിലാണ് ഹൈക്കോടതി സിംഗിൾ ബെഞ്ചിന്റെ ഇടക്കാല ഉത്തരവ്.ഹർജി ഹൈക്കോടതി ഫയലിൽ സ്വീകരിച്ചു.കേസിൽ ചീഫ് സെക്രട്ടറി ഉൾപ്പെടെയുള്ള എതിർകക്ഷികൾക്ക് നോട്ടീസ് അയക്കും.പിന്നീട് വിശദമായ വാദം കേൾക്കും.

കേന്ദ്ര ഏജൻസികൾക്കെതിരേ ജുഡീഷ്യൽ അന്വേഷണം നടത്താൻ സംസ്ഥാന സർക്കാരിന് അധികാരമില്ലെന്ന് ഇ ഡി ഹർജിയിൽ വ്യക്തമാക്കിയിരുന്നു.സ്വര്ണക്കടത്തിലെ അന്വേഷണം അട്ടിമറിക്കാനാണ് ജുഡീഷ്യൽ അന്വേഷണം പ്രഖ്യാപിച്ചതെന്നും മുഖ്യമന്ത്രി പിണറായി വിജയൻ അധികാര ദുർവിനിയോഗം നടത്തിയെന്നും ഇ ഡി ഹർജിയിൽ ആരോപിച്ചിരുന്നു.

എന്നാൽ ജുഡീഷ്യൽ കമ്മീഷനെതിരായ ഇ ഡിയുടെ ഹർജി നിലനിൽക്കില്ലെന്നായിരുന്നു സംസ്ഥാന സർക്കാർ വാദം.ഇത് തള്ളിയാണ് ഹൈക്കോടതി ഇടക്കാല ഉത്തരവിറക്കിയത്.

സിനിമ ചിത്രീകരണത്തിനിടെ സ്റ്റണ്ട് താരം ഷോക്കേറ്റ് മരിച്ചു

ബംഗളുരു: സിനിമ ചിത്രീകരണത്തിനിടെ സ്റ്റണ്ട് താരം ഷോക്കേറ്റ് മരിച്ചു.കന്നഡ സിനിമ ചിത്രീകരണത്തിനിടയിൽ വൈദ്യുതാഘാതമേറ്റ വിവേക് (28) ആണ് മരിച്ചത്.

തിങ്കളാഴ്ച്ച ഉച്ചയോടെയാണ് സംഭവം. രാമനഗരത്തിലെ ജൊഗന പാളയം ഗ്രാമത്തിൽ ' ലവ് യു രച്ചു ' എന്ന സിനിമയുടെ ചിത്രീകരണത്തിനിടയിൽ 11 കെ വി വൈദ്യുത ലൈനിന് സമീപത്ത് ക്രെയിനിൽ നിൽക്കുകയായിരുന്ന വിവേകിന് അപ്രതീക്ഷിതമായി ഷോക്കേൽക്കുകയായിരുന്നു എന്നാണ് ചിത്രീകരണ സംഘത്തിലുള്ള വർ പറയുന്നത്.

താഴെ വീണ വിവേകിനെ രാജരാജേശ്വര മെഡിക്കൽ കോളേജിൽ എത്തിച്ചെങ്കിലും രക്ഷിക്കാനായില്ല.പരിക്കേറ്റ മറ്റൊരു സ്റ്റണ്ട് താരത്തെ ആശുപത്രിയിൽ പ്രവേശിപ്പിച്ചിരിക്കുകയാണ്.

സംഭവവുമായി ബന്ധപ്പെട്ട് സിനിമയുടെ സംവിധായകൻ ശങ്കർ, സംഘട്ടന സംവിധായകൻ വിനോദ്,നിർമാതാവ് ദേശ് പാണ്ഡെ എന്നിവർക്കെതിരെ പോലീസ് കേസെടുത്തു.കന്നഡ താരങ്ങളായ അജയ് റാവുവും രചിത റാമും അഭിനയിക്കുന്ന സിനിമയായിരുന്നു ഇത്.

അപകടകരമായ സിനിമ ചിത്രീകരണം കന്നഡ സിനിമയിൽ വ്യാപകമാണെന്ന പരാതികൾ ഉയരുന്നതിനിടയിലാണ്
ഈ സംഭവം.2016ൽ ' മസ്തിഗുഡി ' എന്ന കന്നഡ സിനിമയുടെ ചിത്രീകരണത്തിനിടയിൽ ഹെലികോപ്റ്ററിൽ നിന്ന് ചാടുന്ന രംഗം അഭിനയിക്കുകയായിരുന്നു രണ്ട് ജൂനിയർ ആർട്ടിസ്റ്റുകൾ തീപ്പനഗോണ്ടഹള്ളി തടാകത്തിൽ വീണ് മരിച്ചിരുന്നു.

സഭയിൽ മാസ്ക് ധരിക്കാത്തതിന് എ എൻ ഷംസീർ എം എൽ എയ്ക്ക് സ്പീക്കറുടെ വിമർശനം

L A T E S T |

തിരുവനന്തപുരം: സഭയിൽ മാസ്ക് ധരിക്കാത്തതിന് എ എൻ ഷംസീർ എം എൽ എയ്ക്ക് സ്‌പീക്കറുടെ വിമർശനം.

സഭയിൽ ഷംസീർ മാസ്ക് ഉപേക്ഷിച്ചതായി തോന്നുന്നു എന്നും മാസ്ക് തീരെ ഉപയോഗിക്കുന്നതായി കാണുന്നില്ല എന്നുമാണ് ഭരണപക്ഷ എം എൽ എ ആയ ഷംസീറിനെ വിമർശിച്ചുകൊണ്ട് സ്പീക്കർ എം ബി രാജേഷ് പറഞ്ഞത്.

അടിയന്തിര പ്രമേയത്തിന് മറുപടി പറയുന്നതിനിടയിലാണ് സ്പീക്കറുടെ വിമർശനം .പലരും മാസ്ക് തടിയിലാണ് ധരിക്കുന്നതിനും എല്ലാവർക്കും ഇത് ബാധകമാണെന്നും സ്പീക്കർ ഓർമിപ്പിച്ചു.സഭയിൽ മാസ്ക് ശരിയായി ധരിക്കാത്ത കുറുക്കോളി മൊയ്തീൻ അടക്കമുള്ള പ്രതിപക്ഷ എം എൽ എ യുടെ ജാഗ്രതക്കുറവിനെയും സ്പീക്കർ വിമർശിച്ചു.

ഹോക്കിയിൽ ഇന്ത്യയ്ക്ക് ചരിത്ര നേട്ടം: വിജയതാരമായി ശ്രീജേഷ്

ON AIR |

ടോക്യോ: നാല് പതിറ്റാണ്ടിന് ശേഷം ഇന്ത്യ വീണ്ടും ഹോക്കിയിൽ മെഡലണിഞ്ഞു.ഇന്ത്യയുടെ മലയാളി ഗോൾ കീപ്പർ ശ്രീജേഷ് ഉജ്ജ്വല സേവുകളിലൂടെ കളിയിലെ വിജയതാരമായി.

ജർമനിയെ നാലിനെതിരെ അഞ്ച് ഗോളുകൾക്ക് തകർത്താണ് ഇന്ത്യൻ പുരുഷ ടീം വെങ്കലത്തിൽ ചരിത്ര നേട്ടം കൊയ്തത്.ഒരു ഘട്ടത്തിൽ കളിയിൽനിന്ന് പിന്നോട്ട് പോയ ഇന്ത്യ ശക്തമായ തിരിച്ചുവരവ് നടത്തുകയായിരുന്നു.

1980ൽ മോസ്കോ ഒളിമ്പിക്സിൽ സ്വർണ്ണം നേടിയ ശേഷം ഇതാദ്യമായാണ് ഇന്ത്യ ഒളിമ്പിക്സിൽ ഹോക്കിയിൽ മെഡൽ നേടുന്നത്.ഒളിമ്പിക്സ് ചരിത്രത്തിലെ ഇന്ത്യയുടെ മൂന്നാമത്തെ വെങ്കലം.ഇതുവരെയായി 8 സ്വർണ്ണവും ഒരു വെള്ളിയും മൂന്ന് വെങ്കലവുമാണ് ഇന്ത്യൻ സമ്പാദ്യം.

ഇന്ത്യക്ക് വേണ്ടി സിമ്രാൻ സിങ് ഇരട്ട ഗോളുകൾ നേടി.രൂപീന്ദർ പാൽ സിങ്,ഹർദിക് സിങ് ,ഹർമൻ പ്രീത് സിങ് എന്നിവരും മികച്ച ഫോമിൽ കളിച്ചു.ജർമനിയുടെ ടീമീർ ഓറസ്,ബെനഡിക്ട് ഫെർക്ക്,നിക്കോളാസ് വെ ലൻ ,ലൂക്കസ് വിൻഡ് ഫെഡർ എന്നിവർ സ്കോർ ചെയ്തു.

നിര്ണായകമായേക്കാവുന്ന അവസാന നിമിഷം ജർമനിക്ക് അനുകൂലമായി ലഭിച്ച പെനാൽറ്റി ഇന്ത്യൻ ഗോൾ കീപ്പർ പി ആർ ശ്രീജേഷ് അത്ഭുതകരമായി രക്ഷപെടുത്തി ഇന്ത്യൻ രക്ഷകനായി.1968 , 1972 വർഷങ്ങളിലാണ് ഒളിമ്പിക്സിൽ ഇന്ത്യ വെങ്കല മെഡൽ നേടിയത്.

മത്സരത്തിന്റെ ആദ്യ ഘട്ടത്തിൽ മികച്ച പാസിലൂടെയും മുന്നേറ്റത്തിലൂടെയും ജർമ്മനി ആക്രമണങ്ങൾ നടത്തി ഇത് ഫലം കണ്ടത് ടീമീർ ഓറസിന്റെ സ്കോറിങ്ങിലൂടെയായിരുന്നു.ആദ്യ ലീഡ് വഴങ്ങിയതോടെ ഇന്ത്യ ഒരേ സമയം പ്രതിരോധത്തിലും ആക്രമണത്തിലും ശ്രദ്ധിച്ചുകൊണ്ട് മുന്നേറി.

പിന്നാലെ ഇന്ത്യയ്ക്ക് പെനാൽറ്റി ലഭിച്ചെങ്കിലും ഉപയോഗപ്പെടുത്താൻ രുപീന്ദർ പൽ സിങ്ങിന് സാധിച്ചില്ല.മികച്ച മുന്നേറ്റങ്ങൾ ജർമനി നടത്തിക്കൊണ്ടിരുന്നെങ്കിലും പി ആർ ശ്രീജേഷ് രക്ഷകനായി അവതരിച്ചു.

പതിനേഴാം മിനുട്ടിൽ സമനില ഗോൾ നേടിയ ഇന്ത്യ പ്രത്യാക്രമണങ്ങൾ നടത്തി മുന്നേറി.സിമ്രാൻ ജിത്ത് സിങാണ് ഗോൾ നേടിയത്.എന്നാൽ 24 ആം മിനുട്ടിൽ നിക്കോളാസ് വെല്ലനിലൂടെ രണ്ടാം ഗോളും 25 ആം മിനുട്ടിൽ ബെനഡിക്ട് ഫർക്കിലൂടെ മൂന്നാം ഗോളും ജർമ്മനി സ്വന്തമാക്കി.തൊട്ടു പിന്നാലെ ഇന്ത്യ സമനില ഗോൾ നേടി മുന്നേറ്റത്തിന് തുടക്കം കുറിക്കുകയായിരുന്നു.

കോവിഡ് നിയന്ത്രണങ്ങളിൽ പൊളിച്ചെഴുത്ത്: അടച്ചിടൽ ഞായറാഴ്ച്ചകളിൽ മാത്രം

|ഔദ്യോഗിക പ്രഖ്യാപനം നാളെ മുഖ്യമന്ത്രി നിയമസഭയിൽ നടത്തും|

L I V E |ON AIR

തിരുവനന്തപുരം: സംസ്ഥാനത്തെ കോവിഡ് മാനദണ്ഡങ്ങളിലും ലോക്ക് ഡൗണിലും പൊളിച്ചെഴുത്ത്.

ടെസ്റ്റ് പോസിറ്റിവിറ്റി നിരക്കനുസരിച്ചുള്ള ലോക്ക് ഡൗൺ സംവിധാനം മാറ്റി.ലോക്ക് ഡൗൺ ഇനി ഞായറാഴ്ചകളിൽ മാത്രം.
കോവിഡ് അവലോകന യോഗത്തിലാണ് തീരുമാനങ്ങൾ.

ഞായറാഴ്ച്ച ഒഴികെയുള്ള എല്ലാ ദിവസവും കടകൾ തുറക്കാം. രോഗികളുടെ എണ്ണം നോക്കി മേഖലകൾ തിരിച്ചായിരിക്കും ഇനി നിയന്ത്രണങ്ങൾ.കൂടുതൽ രോഗികൾ ഉള്ള പ്രദേശങ്ങളിൽ കടുത്ത നിയന്ത്രണം ഏർപ്പെടുത്തും.

അൽപസമയം മുൻപ് അവസാനിച്ച കോവിഡ് അവലോകന യോഗത്തിൽ ഉരുത്തിരിഞ്ഞ തീരുമാനങ്ങൾ മുഖ്യമന്ത്രി നാളെ ഔദ്യോഗികമായി നിയമ സഭയിൽ പ്രഖ്യാപിക്കും.പുതിയ സംവിധാനങ്ങൾ അടുത്തയാഴ്ച മുതൽ പ്രാബല്യത്തിൽ വരും.

പി എസ് സി റാങ്ക് പട്ടിക കാലാവധി നീട്ടിയ ഉത്തരവ് ഹൈക്കോടതി റദ്ദാക്കി

പി എസ് സി ഉദ്യോഗാർത്ഥികൾക്ക് തിരിച്ചടി

L I V E |

കൊച്ചി : പി എസ് സി റാങ്ക് ലിസ്റ്റ് കാലാവധി നീട്ടിയ അഡ്മിനിസ്‌ട്രേറ്റീവ് ട്രിബുണൽ ഉത്തരവ് ഹൈക്കോടതി റദ്ദാക്കി.

ഹൈക്കോടതി ഉത്തരവ് സമരം നടത്തുന്ന ഉദ്യോഗാർത്ഥികൾക്ക് തിരിച്ചടിയായി.അഡ്മിനിസ്ട്രേറ്റിവ് ട്രിബുണലിന്റെ തിരുവനന്തപുരം ബെഞ്ചാണ് എൽ ജി എസ് റാങ്ക് പട്ടിക നീട്ടാനുള്ള ഇടക്കാല ഉത്തരവ് പുറപ്പെടുവിച്ചിരുന്നത്. ഇതിനെ എതിർത്തുകൊണ്ടുള്ള പി എസ് സി സമർപ്പിച്ച ഹർജിയിലാണ് ഹൈക്കോടതി വിധി.

എന്നാൽ ഒഴിവുകൾ കൃത്യമായി റിപ്പോർട്ട് ചെയ്യണമെന്നും ട്രിബുണൽ ഹർജി വേഗത്തിൽ തീർപ്പാക്കാനും ഹൈക്കോടതി നിർദേശിച്ചു.ഇടക്കാല ഉത്തരവായതിനാൽ അഡ്മിനിസ്‌ട്രേറ്റീവ് ട്രിബുണൽ ഇൻ കേസിൽ ഇടപെടുമോ എന്ന കാര്യത്തിൽ നിലവിൽ വ്യക്തത ഇല്ല.

പി എസ് സി ലിസ്റ്റുകളിൽ തീരുമാനമെടുക്കാനുള്ള അന്തിമ അവകാശം പി എസ് സിക്ക് തന്നെയാണെന്ന് ചെയർമാൻ ഹൈക്കോടതി ഉത്തരവിന് പിന്നാലെ പ്രതികരിച്ചു.ഹൈക്കോടതി ഉത്തരവ് നിർഭാഗ്യകരമാണെന്നും ഉത്തരവിനെതിരെ നിയമ പോരാട്ടം തുടരുമെന്ന് ഉദ്യോഗാര്ഥികളും പ്രതികരിച്ചു.

വാരാന്ത്യ ലോക്ക് ഡൗൺ ഞായറാഴ്ച്ച മാത്രമാക്കാൻ ശുപാർശ ,കോവിഡ് നിയന്ത്രണങ്ങളിൽ മാറ്റം വന്നേക്കും

L A T E S T |ON AIR

തിരുവനന്തപുരം: കോവിഡ് നിയന്ത്രണങ്ങളിൽ മാറ്റം വന്നേക്കും. വാരാന്ത്യ ലോക്ക് ഡൗൺ ഞായറാഴ്ച്ച മാത്രമാക്കാനും സാധ്യത.

മുഖ്യമന്ത്രി പിണറായി വിജയൻറെ അധ്യക്ഷതയിൽ ഇന്ന് വൈകുന്നേരം ചേരുന്ന കോവിഡ് അവലോകന യോഗത്തിൽ അന്തിമ തീരുമാനം പ്രഖ്യാപിക്കും.

തദ്ദേശ സ്ഥാപനങ്ങൾ ടി പി ആറിന്റെ അടിസ്ഥാനത്തിൽ നടപ്പാക്കുന്ന നിയന്ത്രണങ്ങൾ പ്രായോഗികമല്ലെന്നാണ് വിലയിരുത്തപ്പെടുന്നത്. ആരോഗ്യവിദഗ്ധരടങ്ങിയ സംഘവും ചീഫ് സെക്രട്ടറി തല വിദഗ്ധസമിതിയും തയ്യാറാക്കിയ റിപ്പോർട്ടിന്റെ അടിസ്ഥാനത്തിലാണ് ശുപാർശകൾ തയ്യാറാക്കിയിരിക്കുന്നത്.

ടി പി ആർ അടിസ്ഥാനമാക്കിയുള്ള നിയന്ത്രണങ്ങൾ പൊതുവായി നടപ്പാക്കുന്നതിന് പകരം രോഗികൾ കൂടുതലുള്ള മൈക്രോ കണ്ടയ്ന്മെന്റ് സോണുകൾ കണ്ടെത്തി അവിടെ കൂടുതൽ നിയന്ത്രണങ്ങൾ നടപ്പാക്കുക എന്നതാണ് പുതിയ നിർദേശം.

ആഴ്ചയിൽ ആറ് ദിവസം കടകൾ തുറക്കാൻ അനുമതി നൽകുന്നതിലൂടെ ആളുകൾക്ക് കൂടുതൽ സമയം ലഭിക്കുമെന്നും സാമൂഹിക അകലം പാലിക്കാൻ കഴിയുമെന്നുമാണ് വിലയിരുത്തൽ.

അഞ്ച് ദിവസം തുറന്നിട്ട ശേഷം ആറാം ദിവസം ലോക്ക് ഡൗൺ നടപ്പാക്കുന്നത്കൊണ്ട് പ്രത്യേക ഗുണമില്ലെന്ന വിവിധ കോണുകളിനിന്ന് ഉയർന്ന വിമര്ശനങ്ങളുടെ അടിസ്ഥാനത്തിലാണ് വിദഗ്ധ സമിതി വിലയിരുത്തൽ.അതുകൊണ്ട്തന്നെ ലോക്ക് ഡൗൺ ഞായറാഴ്ചത്തേക്ക് മാത്രമാക്കിയേക്കും.

രോഗം സ്ഥിരീകരിക്കുന്നവർക്ക് വീടുകളിലെ ചികിത്സയും ഐസൊലേഷനും ഫലപ്രദമല്ലെന്ന കേന്ദ്ര സംഘത്തിന്റെ റിപ്പോർട്ട് കൂടി വിദഗ്ധ സമിതിയുടെ മുന്നിലെത്തിയിട്ടുണ്ട്.അതുകൊണ്ട്തന്നെ രോഗം സ്ഥിരീകരിക്കുന്നവരെ ആശുപത്രിയിലേക്ക് മാറ്റാനും നിർദേശം വന്നേക്കും.എന്നാൽ നിലവിലെ ആരോഗ്യ സംവിധാന ങ്ങളുടെ ശേഷി പരിഗണിച്ചായിരിക്കും ഇത്.

ഗായിക കല്യാണി മേനോൻ അന്തരിച്ചു

L A T E S T |

ചെന്നൈ: പ്രശസ്ത തെന്നിന്ത്യൻ ഗായിക കല്യാണി മേനോൻ അന്തരിച്ചു.80 വയസായിരുന്നു.പക്ഷാഘാതത്തെ തുടർന്ന് ചികിത്സയിലായിരുന്നു. തമിഴിലും മലയാളത്തിലുമായി നൂറിലേറെ പാട്ടുകൾ പാടിയിട്ടുണ്ട്.

യേശുദാസിനൊപ്പം പാടിയ 'ഋതുഭേദ കൽപ്പന ചാരുത നൽകിയ', 'പവനരച്ചെഴുതുന്നു കോലങ്ങളെന്നും', 'ജല ശയ്യയിൽ','നിനക്കും നിലാവിൽ' എന്നി ഗാനങ്ങൾ ശ്രദ്ധേയമായിരുന്നു.

എറണാകുളം കരയ്ക്കാട്ട് മറയിൽ ബാലകൃഷ്‌ണ മേനോന്റെയും രാജമ്മയുടെയും ഏകമകളായ കല്യാണി മേനോൻ യുവജനോത്സവ ങ്ങളിലൂടെയാണ് സംഗീത രംഗത്തേക്ക് കടന്നുവന്നത്.

എ ആർ ശിവരാമൻ നായരുടെ ശിക്ഷണത്തിൽ ശാസ്ത്രീയ സംഗീതം അഭ്യസിച്ച അവർ 1973ൽ തോപ്പിൽ ഭാസിയുടെ 'അബല' എന്ന സിനിമയിൽ പാടി അരങ്ങേറ്റം കുറിച്ചു.1977ൽ പുറത്തിറങ്ങിയ രാമു കാര്യാട്ടിന്റെ 'ദ്വീപ്' എന്ന ചിത്രത്തിലെ 'കണ്ണീരിൻ മഴയത്ത്' എന്ന എം എസ് ബാബുരാജ് സംഗീതം പകർന്ന ഗാനം ശ്രദ്ധേയമായി.

കെ ബാലാജിയുടെയും ഇളയരാജയുടെയും കൂടെ തമിഴിലും അരങ്ങേറ്റം കുറിച്ച കല്യാണി മേനോൻ പിന്നീട് നിരവധി തമിഴ് സിനിമകളിൽ പാടി.എ ആർ റഹ്മാന്റെ കൂടെ ആൽബങ്ങൾ ചെയ്തിട്ടുണ്ട്.തമിഴിലെയും മലയാളത്തിലെയും പ്രമുഖ സംവിധായകരുടെ സിനിമകളിൽ പാടാൻ അവസരം ലഭിച്ചു.

പ്രശസ്ത സംവിധായകനും ഛായാഗ്രാഹകനുമായ രാജീവ് മേനോൻ മകനാണ്.രാജീവ് മേനോൻ സംവിധാനം ചെയ്ത 'കണ്ടുകൊണ്ടേൻ കണ്ടുകൊണ്ടേൻ' എന്ന ചിത്രത്തിൽ അഭിനയിച്ചിട്ടുണ്ട്. 2018ൽ പുറത്തിറങ്ങിയ '96' ആണ് അവസാന ചിത്രം.

കോവിഡ് വ്യാപനം:കേരളത്തിലേക്കുള്ള ബസ് സർവീസുകൾ നിർത്തി ദക്ഷിണ കന്നഡ ജില്ലാ ഭരണകൂടം

L A T E S T |ON AIR

മംഗളുരു: കോവിഡ് വ്യാപന പശ്ചാത്തലത്തിൽ കേരളത്തിലേക്കുള്ള ബസ് സർവിസുകൾ ദക്ഷിണ കന്നഡ ജില്ലാ ഭരണകൂടം താൽകാലിക മായി നിർത്തി.

നാളെ മുതൽ ഒരാഴ്ചത്തേക്ക് കാസറഗോഡേക്കുള്ള ബസ് സർവിസുകൾ നിർത്തി ദക്ഷിണ ജില്ലാ ഭരണകൂടം ഉത്തരവിറക്കി. സർക്കാർ- സ്വകാര്യ ബസുകൾ ഒരാഴ്ചത്തേക്ക് കേരളത്തിലേക്ക് സർവീസ് നടത്തേണ്ട എന്നാണ് ഉത്തരവിൽ പറയുന്നത്.

അതേസമയം കർണ്ണാടകത്തിലേക്ക് പ്രവേശിക്കാൻ 72 മണിക്കൂറിനുള്ളിൽ എടുത്ത ആർ ടി പി സി ആർ പരിശോധനാഫലം നെഗറ്റിവ് സർട്ടിഫിക്കറ്റ് ഉള്ളവർക്ക് പ്രവേശിക്കാൻ അനുമതി ഉണ്ടെന്നിരിക്കെ ദക്ഷിണ ജില്ലാ ഭരണകൂടം ഇറക്കിയ പുതിയ ഉത്തരവ് ആശയക്കുഴപ്പങ്ങൾ ഉണ്ടാക്കുന്നുണ്ട്.

അതിർത്തി പ്രദേശങ്ങളായതിനാൽ കേരളത്തിലെയും കർണാടകത്തിലെയും ആളുകൾ അങ്ങോട്ടും ഇങ്ങോട്ടും നിരന്തര സമ്പർക്കം പുലർത്തുന്ന സാഹചര്യത്തിൽ ബസ് സർവീസ് നിർത്തിയതാണ് പ്രതിസന്ധികൾ സൃഷ്ടിച്ചത്.

ആർ ടി പി സി ആർ പരിശോധന നടത്തി നെഗറ്റിവ് സർട്ടിഫിക്കറ്റ് ഉള്ളവർക്ക് കർണ്ണാടകത്തിലേക്ക് പ്രവേശിക്കാമെന്നിരിക്കെ ബസ് സർവീസ് നിർത്തിയതാണ് ആശയക്കുഴപ്പം ഉണ്ടാക്കുന്നത്.
എന്നാൽ സ്വകാര്യ വാഹനങ്ങളിളിലും കേരളത്തിൽനിന്നുള്ള ബസുകളിലും കർണ്ണാടകത്തിലേക്ക് പ്രവേശിക്കുന്നവർ കർണാടകം നിർദേശിച്ച മാനദണ്ഡങ്ങൾ പാലിക്കണം എന്നുതന്നെയാണ് ദക്ഷിണ ജില്ലാ ഭരണകൂടം വ്യക്തമാകുന്നത്.

ജില്ലാ ആശുപത്രിയിലെ ഓക്സിജൻ പ്ലാന്റ് മന്ത്രി എം വി ഗോവിന്ദൻ ഉത്ഘാടനം ചെയ്തു

ON AIR |

കണ്ണൂർ ജില്ലാ ആശുപത്രിയിൽ സ്ഥാപിച്ച ഓക്സിജൻ പ്ലാന്റ് മന്ത്രി എം വി ഗോവിന്ദൻ ഉത്ഘാടനം ചെയ്തു.

6000 ലിറ്റര്‍ ഓക്സിജന്‍ സംഭരണ ശേഷിയുള്ള ലിക്വിഡ് മെഡിക്കല്‍ ഓക്സിജന്‍ ടാങ്ക്, കോവിഡ് പശ്ചാത്തലത്തിൽ യുദ്ധകാലാടിസ്ഥാന ത്തിലാണ് പൂർത്തിയാക്കിയതെന്ന് ജില്ലാ പഞ്ചായത്ത് പ്രസിഡണ്ട് പി വി ദിവ്യ പറഞ്ഞു.

കോവിഡ് രണ്ടാം തരംഗത്തിന്റെ തുടക്കത്തിൽ ഓക്സിജൻ ക്ഷാമം രൂക്ഷമായ ഘട്ടത്തിലാണ് പ്ലാന്റ് സ്ഥാപിക്കുന്നത് സംബന്ധിച്ച പ്രവർത്തനങ്ങൾ തുടങ്ങിയത്.

ജില്ലാ കലക്ടറുടെ നേതൃത്വത്തില്‍ ജില്ലാ പഞ്ചായത്തും കെയര്‍ ഇന്ത്യ എന്ന സന്നദ്ധ സംഘടനയും ചേര്‍ന്നാണ് ഓക്സിജന്‍ ടാങ്ക് സ്ഥാപിക്കുന്നതിനുള്ള പദ്ധതി തുടങ്ങിയത്.കെയര്‍ ഇന്ത്യയാണ് ടാങ്ക് സംഭാവന ചെയ്തത്. ടാങ്കിന് ചുറ്റിലുമുള്ള ഇരുമ്പ് വേലിക്കും മറ്റ് അനുബന്ധ പ്രവര്‍ത്തനങ്ങള്‍ക്കുമായി 30 ലക്ഷം രൂപ ജില്ലാ പഞ്ചായത്ത് അനുവദിച്ചിരുന്നു.

കണ്ണൂർ ജില്ലാ ആശുപത്രിയില്‍ നടന്ന ചടങ്ങില്‍ രാമചന്ദ്രന്‍ കടന്നപ്പള്ളി എംഎല്‍എ, ജില്ലാ പഞ്ചായത്ത് പ്രസിഡന്റ് പി പി ദിവ്യ, ജില്ലാ കലക്ടര്‍ ടി വി സുഭാഷ്, ജില്ലാ പഞ്ചായത്ത് വൈസ് പ്രസിഡണ്ട് ബിനോയ് കുര്യന്‍, സ്ഥിരം സമിതി അധ്യക്ഷന്‍മാരായ അഡ്വ. കെ കെ രത്‌നകുമാരി, യു പി ശോഭ, വി കെ സുരേഷ് ബാബു, തോമസ് വക്കത്താനം ,എൻ.പി ശ്രീധരൻ ഡിഎംഒ ഡോ. കെ നാരായണ നായിക്, ഡിപി എം ഡോ. പി കെ അനില്‍ കുമാര്‍, ജില്ലാ ആശുപത്രി സൂപ്രണ്ട് ഡോ. വി കെ രാജീവ്, ജില്ലാ പഞ്ചായത്ത് സെക്രട്ടറി വി ചന്ദ്രന്‍ തുടങ്ങിയവര്‍ പങ്കെടുത്തു.

കോതമംഗലത്ത് മെഡിക്കൽ വിദ്യാർത്ഥിനിയെ വെടിവെച്ചുകൊന്ന് യുവാവ് സ്വയം വെടി വെച്ച് മരിച്ചു

BREAKING |LIVE

കോതമംഗലം: കോതമംഗലത്ത് മെഡിക്കൽ വിദ്യാർത്ഥിനിയെ വെടി വെച്ച് കൊന്ന യുവാവ് സ്വയം വെടിവെച്ച് മരിച്ചു.

കോതമംഗലം ഇന്ദിരാഗാന്ധി ഡെന്റൽ കോളേജിലെ ബി ഡി എസ് വിദ്യാർത്ഥിനിയായ കണ്ണൂർ നാറാത്ത് സ്വദേശിനി മാനസ (24 ) യ്ക്കാണ് ദാരുണാന്ത്യം.കണ്ണൂർ സ്വദേശിയായ രാഖിൽ എന്ന യുവാവാണ് മാനസയെ വെടിവെച്ചത്.

കോതമംഗലം നെല്ലിക്കുഴി ഇന്ദിരാഗാന്ധി ഡെന്റൽ കോളേജിന് സമീപത്തുവെച്ചാണ് സംഭവം.മാനസയുടെ താമസ സ്ഥലത്ത് എത്തിയ രാഖിൽ തലയ്ക്ക് പിന്നിൽ വെടി വെക്കുകയായിരുന്നു എന്ന് ദൃക്‌സാക്ഷികൾ പറഞ്ഞു.വെടിയൊച്ച കേട്ട് പരിഭ്രാന്തരായ മാനസയുടെ സുഹൃത്തുക്കൾ നിലവിളിച്ചപ്പോഴേക്കും രാഖിൽ സ്വയം വെടി വെക്കുകയായിരുന്നു.

രാഖിൽ നിരന്തരം മാനസയെ ശല്യം ചെയ്തിരുന്നതായി പോലീസ് പറയുന്നു.ഇയാൾ കണ്ണൂരിൽ നിന്ന് എത്തിയാണ് ആക്രമണം നടത്തിയതെന്നും പോലീസ് വ്യക്തമാക്കി.നേരത്തെയും ഇയാൾ ശല്യം ചെയ്തതുമായി ബന്ധപ്പെട്ട് പ്രശ്നങ്ങൾ ഉണ്ടായിരുന്നു എന്നും കോളേജ് അധികൃതരും പോലീസും പറഞ്ഞു.

രണ്ടുപേരെയും ഉടൻ കോതമംഗലം ബസേലിയസ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.ഉന്നത പോലീസ് ഉദ്യോഗസ്ഥർ സ്ഥാലത്തേക്ക് തിരിച്ചിട്ടുണ്ട്.മൃതദേഹങ്ങൾ കോതമംഗലം ബസേലിയസ് ആശുപത്രി മോർച്ചറിയിൽ.

സിന്ധു സെമി ഫൈനലിൽ:ബാഡ്മിന്റണിൽ മെഡൽ പ്രതീക്ഷ

OLYMPICS DESK |

ടോക്യോ: ടോക്യോ ഒളിമ്പിക്സിൽ ഇന്ത്യയുടെ മെഡൽ പ്രതീക്ഷയായ പി വി സിന്ധു ബാഡ്മിന്റൺ വനിത വിഭാഗം സിംഗിൾസിൽ സെമി ഫൈനലി ൽ പ്രവേശിച്ചു.ജപ്പാന്റെ അകാനെ യമാഗുച്ചിയെ തോൽപിച്ചാണ് സെമിയിൽ കടന്നത്.

നേരിട്ടുള്ള ഗെയിമുകൾക്കാണ് സിന്ധുവിന്റെ ജയം.മത്സരം 56 മിനുട്ട് നീണ്ടുനിന്നു.ആദ്യമായാണ് ഒരു ഇന്ത്യൻ താരം രണ്ട് ഒളിമ്പിക്സ് ബാഡ്മിന്റൺ മത്സരത്തിൽ സെമി ഫൈനലിൽ പ്രവേശിക്കുന്നത്. കഴിഞ്ഞ ഒളിമ്പിക്സിൽ ഇതേ ഇനത്തിൽ സിന്ധു വെള്ളി മെഡൽ നേടിയിരുന്നു.

ലോക റാങ്കിൽ സിന്ധുവിനേക്കാൾ മുന്നിലുള്ള യമാഗുച്ചിക്കെതിരെ മികച്ച പ്രകടനമാണ് സിന്ധു കാഴ്ച്ച വെച്ചത്.ആദ്യ ഗെയിം സിന്ധു അനായാസം സ്വന്തമാക്കി.രണ്ടാം ഗെയിമിൽ യമാഗുച്ചി തിരിച്ചടിക്കാൻ തുടങ്ങിയതോടെ കളി ആവേശഭരിതമായി.

സെമി ഫൈനലിലും വിജയം സ്വന്തമാക്കിയാൽ തുടർച്ചയായി രണ്ടാം ഒളിമ്പിക്സിലും ഫൈനലിൽ എത്തുന്ന ആദ്യ ഇന്ത്യൻ ബാഡ്മിന്റൺ താരമെന്ന ചരിത്ര നേട്ടം പി വി സിന്ധുവിന് സ്വന്തമാകും.ഇതേ നിലവാരത്തിൽ കളി തുടർന്നാൽ ബാഡ്മിന്റണിൽ ഇന്ത്യയുടെ സ്വർണ്ണ പ്രതീക്ഷ പൂവണിയും എന്നാണ് വിലയിരുത്തപ്പെടുന്നത്.

ഒളിമ്പിക്സിലെ ഇന്ത്യൻ പ്രതീക്ഷ മേരികോമിന് പരാജയം

L I V E |ON AIR

ടോക്യോ: ഇന്ത്യക്ക് കനത്ത തിരിച്ചടിയായി ടോക്യോ ഒളിമ്പിക്സിലെ ഇന്ത്യൻ പ്രതീക്ഷയായിരുന്ന ബോക്സിങ് താരം മേരികോമിന് പരാജയം.

പ്രീ ക്വാർട്ടർ മത്സരത്തിൽ കൊളംബിയൻ താരം വലൻസിയയോടാണ് മേരികോം പരാജയപ്പെട്ടത്. ആദ്യ റൗണ്ടിലെ പ്രകടനം തന്നെ മേരികോമിന് തിരിച്ചടിയാവുകയായിരുന്നു. അഞ്ച് വിധികർത്താക്കളിൽ നാല് പേരും കൊളമ്പിയൻ താരം വലൻസിയയ്ക്ക് അനുകൂലമായ തീരുമാനം എടുക്കുകയായിരുന്നു.

നിലവിലെ വെങ്കല ജേതാവാണ് വിജയിച്ച കൊളംബിയൻ താരം വലൻസിയ. ലണ്ടൻ ഒളിമ്പിക്സിലെ വെങ്കല ജേതാവായിരുന്നു മേരികോം. മേരികോമിന്റെ വിടവാങ്ങൽ ഒളിമ്പിക് സാണ് ഇത്.

വാക്‌സിൻ ക്ഷാമത്തിന് താത്ക്കാലിക പരിഹാരം 9.73 ലക്ഷം ഡോസ് എത്തി,വാക്‌സിനേഷൻ തുടരും

L A T E S T |

തിരുവനന്തപുരം: സംസ്ഥാനത്തെ വാക്‌സിൻ ക്ഷാമത്തിന് താത്കാലിക പരിഹാരമായി.

9,72,590 ഡോസ് വാക്‌സിൻ കൂടി ലഭ്യമായതായി ആരോഗ്യമന്ത്രി വീണ ജോർജ് അറിയിച്ചു.74720 ഡോസ് കോവാക്‌സിൻ , 8,97870 ഡോസ് കോവിഷീൽഡ്‌ വാക്‌സിനുകളുമാണ് സംസ്ഥാനത്ത് എത്തിയത്.

എറണാകുളം,തിരുവനന്തപുരം, കോഴിക്കോട് ജില്ലകളിലാണ് വാക്‌സിൻ എത്തിയത്.ഇത് എത്രയും പെട്ടന്ന് വാക്‌സിനേഷൻ കേന്ദ്രങ്ങളിൽ എത്തിക്കുമെന്ന് ആരോഗ്യവകുപ്പ് അറിയിച്ചു.

എന്നാൽ സംസ്ഥാനത്തിന് ഇപ്പോൾ ലഭിച്ച വാക്‌സിൻ മൂന്ന് നാല് ദിവസത്തേക്ക് മാത്രമേ തികയുകയുള്ളു.അതിനാൽ കൂടുതൽ ഡോസ് വാക്‌സിനായി വീണ്ടും ആവശ്യപ്പെടുമെന്നും മന്ത്രി അറിയിച്ചു.

വാക്‌സിൻ ക്ഷാമത്തെക്കുറിച്ച് കേരള എംപിമാർ കേന്ദ്ര ആരോഗ്യമന്ത്രിയുടെ ശ്രദ്ധയിൽപ്പെടുത്തിയിരുന്നു.ഇതിന്റെ പശ്ചാത്തലത്തിൽ കൂടുതൽ വാക്‌സിൻ ലഭ്യമാകുമെന്നാണ് സംസ്ഥാനത്തിന്റെ പ്രതീക്ഷ.

കേരളത്തിന് കൂടുതൽ കോവിഡ് വാക്‌സിൻ അനുവദിക്കുമെന്ന് കേന്ദ്ര ആരോഗ്യമന്ത്രി മൻസൂഖ് മാണ്ഡവ്യ ഇന്നലെ അറിയിച്ചതിന് പിന്നാലെയാണ് കേരളത്തിന് കൂടുതൽ വാക്‌സിൻ അനുവദിച്ചത്.

N E X T S T O R Y |

http://www.jginews.in/kerala-may-get-more-covid-vaccine-says-union-health-minister/

കേരളത്തിന് കൂടുതൽ വാക്‌സിൻ ഉടൻ:കേന്ദ്ര ആരോഗ്യമന്ത്രി

L I V E |

ന്യൂഡൽഹി: കേരളത്തിന് കൂടുതൽ കോവിഡ് വാക്‌സിൻ അനുവദിക്കുമെന്ന് കേന്ദ്ര ആരോഗ്യമന്ത്രി മൻസൂഖ് മാണ്ഡവ്യ അറിയിച്ചു.

കേരളത്തിലെ വാക്‌സിൻ ക്ഷാമം സംബന്ധിച്ച് ഇടത് എംപിമാർ കേന്ദ്ര ആരോഗ്യമന്ത്രിയുടെ ശ്രദ്ധയിൽ പെടുത്തിയിരുന്നു.ഇതിന്റെ പശ്ചാത്തലത്തിലാണ് അധിക വാക്‌സിൻ ഉടൻ അനുവദിക്കുമെന്ന് മന്ത്രി അറിയിച്ചതെന്ന് എം പി മാർ വ്യക്തമാക്കി.

N E X T S T O R Y |

http://www.jginews.in/vaccine-stock-almost-finished-in-state-says-health-minister-veena-george/

സംസ്ഥാനത്തെ വാക്‌സിൻ സ്റ്റോക്ക് തീർന്നു: ആരോഗ്യമന്ത്രി

ON AIR |
തിരുവനന്തപുരം: സംസ്ഥാനത്തെ കോവിഡ് വാക്‌സിൻ സ്റ്റോക്ക് തീർന്നതായി ആരോഗ്യമന്ത്രി വീണ ജോർജ്.

തിരുവനന്തപുരം ഉൾപ്പെടെയുള്ള പല ജില്ലകളിലും വാക്‌സിൻ തീർന്നു.നാളെ മിക്ക ജില്ലകളിലും വാക്‌സിൻ വിതരണം ചെയ്യാൻ പറ്റാത്ത അവസ്ഥയാണെന്ന് ആരോഗ്യമന്ത്രി പറഞ്ഞു.

ദേശീയ ശരാശരിയുമായി താരതമ്യം ചെയ്യുമ്പോൾ കേരളത്തിന്റെ വാക്‌സിനേഷൻ നിരക്ക് ഉയർന്നു തന്നെയാണ്. ജനസംഖ്യാടിസ്ഥാനത്തിൽ നോക്കിയാലും രണ്ട് ഡോസ് വാക്‌സിൻ നൽകിയ കാര്യത്തിലും കേരളം മുന്നിലാണെന്നും മന്ത്രി പറഞ്ഞു.

കാസർഗോഡും വയനാട്ടിലും 45 വയസിന് മുകളിലുള്ളവർക്ക് ഒന്നാമത്തെ ഡോസ് 100 ശതമാനം നൽകി.വയനാട്ടിൽ 272333 പേർക്കും കാസർഗോഡ് 350648 പേർക്കും വാക്‌സിൻ നൽകി. ജൂലൈ 18ന് ശേഷം സംസ്ഥാനത്തിന് കുറച്ച് അധികം വാക്‌സിൻ ലഭിച്ചിരുന്നു.

വാക്‌സിൻ ലഭ്യത സംബന്ധിച്ച വിവരങ്ങൾ ആരോഗ്യമന്ത്രിയുടെ ഓഫീസ് വഴി അറിയിക്കുന്നുണ്ടായിരുന്നു.വാക്‌സിൻ ലഭ്യമായതിന്റെ പശ്ചാത്തലത്തിൽ ഈ ആഴ്ച്ച നല്ല രീതിയിൽ വാക്‌സിൻ ചെയ്യാനായി എന്നും മന്ത്രി അറിയിച്ചു.

നടി യാഷിക കാറപകടത്തിൽ ഗുരുതരാവസ്ഥയിൽ, സുഹൃത്ത് മരിച്ചു

L A T E S T |

ചെന്നൈ: തമിഴ് സിനിമാതാരം യാഷിക ആനന്ദിന് കാറപകടത്തിൽ ഗുരുതര പരിക്ക്.കൂടെയുണ്ടായിരുന്ന മൂന്ന് സുഹൃത്തുക്കളിൽ ഒരാൾ മരിച്ചു.മറ്റ് രണ്ട് പേരുടെ നീല ഗുരുതരമാണ്.

ഇന്ന് പുലർച്ചെയാണ് മഹാബലിപുരത്തിനടുത്ത് അപകടമുണ്ടായത്. നിയന്ത്രണം വിട്ട കാർ ഡിവൈഡറിൽ ഇടിച്ച് മറിയുകയായിരുന്നു. യാഷികയും മൂന്ന് സുഹൃത്തുക്കളുമാണ് കാറിൽ ഉണ്ടായിരുന്നത്.

ഉടൻ തന്നെ ആശുപത്രിയിൽ എത്തിച്ചുവെങ്കിലും സുഹൃത്ത് ഭവാനി (28 ) മരിച്ചു.ഹൈദരാബാദ് സ്വദേശിനിയായ ഇവർ അമേരിക്കയിൽ എഞ്ചിനീയറാണ്.

തീവ്ര പരിചരണ വിഭാഗത്തിൽ ചികിത്സയിലുള്ള യാഷികയുടെ നില ഗുരുതരമായി തുടരുന്നു.

കരുവന്നൂർ ബാങ്ക് തട്ടിപ്പ്: തട്ടിയത് 46 വായ്പകളിൽനിന്ന് 50 കോടി,പ്രതികൾ ഒളിവിൽ

L A T E S T |

തൃശൂർ: കരുവന്നൂർ ബാങ്ക് തട്ടിപ്പിൽ പ്രതികൾ ഒളിവിൽ.46 വായ്പകളിൽനിന്നായി തട്ടിയെടുത്തത് 50 കോടിയോളം രൂപ.ബാങ്ക് മുൻ മാനേജർ ബിജു കരീമും ബാങ്ക് കലക്ഷൻ ഏജൻറ് ബിജോയിയും ചേർന്നാണ് കോടികളുടെ തട്ടിപ് നടത്തി ഒളിവിൽ പോയതെന്ന് പോലീസ് അറിയിച്ചു.

ബാങ്കിൽ ജോലി കിട്ടിയ ശഷം ഇരുവർക്കും ഉണ്ടായ ഞെട്ടിക്കുന്ന സാമ്പത്തില വളർച്ചയിൽ നാട്ടുകാർ തന്നെ സംശയിച്ചിരുന്നതായി പറയുന്നു.തട്ടിപ്പു നടത്തിയ പണം കൊണ്ട് ആഡംബര ജീവിതം നയിച്ച ഇവർ വിവിധ സംരംഭങ്ങളിൽ നിക്ഷേപം നടത്തിയതായി പോലീസ് സംശയിക്കുന്നു.തേക്കടിയിൽ റിസോർട്ട് നിർമാണവും തുടങ്ങിയിരുന്നു.

വളരെ മോശം സാമ്പത്തിക സ്ഥിതിയിൽ ആയിരുന്ന ബിജു കരീം പുതിയ സ്ഥലം വാങ്ങുകയും വലിയ വീട് വെക്കുകയും ചെയ്തു. ആഡംബര കാറുകളും വാങ്ങി.തേക്കടി റിസോർട്സ് പ്രൈവറ്റ് ലിമിറ്റഡ് എന്ന പേരിൽ 2014 ലാണ് ഇവർ നിർമാണത്തിനായി കുമളി പഞ്ചായത്തിൽ അപേക്ഷ നൽകിയത്.നിർമാണം തുടങ്ങിയെങ്കിലും പിന്നീട് നിലച്ചു.

പ്രതികൾ ഒളിവിലാണെന്നും ഇവരുടെ ഫോണുകൾ സ്വിച്ച് ഓഫ് ആണെന്നും പോലീസ് പറയുന്നു.ഓഡിറ്റ് റിപ്പോർട്ടിൽ ക്രമക്കേടുകൾ കണ്ടെത്തിയപാടെ പ്രതികൾ മുങ്ങിയെന്നും ആ ഘട്ടത്തിൽ പോലീസ് നിസ്സംഗത പാലിക്കുകയായിരുന്നു എന്നും നാട്ടുകാർ ആരോപിച്ചു.

ഒരു തരത്തിലുള്ള പാർട്ടി സംരക്ഷണവും പ്രതികൾക്ക് ലഭിക്കില്ലെന്നും ഗുരുതരമായ കുറ്റകൃത്യം വെച്ചുപൊറുപ്പിക്കില്ലെന്നും മന്ത്രിമാരായ എം വി ഗോവിന്ദനും വി എൻ വാസവനും പറഞ്ഞു.

ഒളിമ്പിക്സ് ദീപം തെളിഞ്ഞു, ഇനി 16 നാൾ വിശ്വ കായിക മാമാങ്കം

OLYMPICS DESK |

ടോക്യോ: ടോക്യോയിൽ ഒളിമ്പിക് ദീപം തെളിഞ്ഞു.ഇനി വിശ്വ കായിക മാമാങ്കത്തിന്റെ 16 നാളുകൾ.

ജപ്പാന്റെ ടെന്നീസ് താരം നയോമി ഒസാക്കയാണ് ദീപം തെളിയിച്ചത്. ജപ്പാന്റെ വൈവിധ്യത്തിനുള്ള വലിയ ഉദാഹരണമാണ് തന്റെ നിയോഗമെന്ന് ഒസാക്ക പറഞ്ഞു.ഒസാക്കയുടെ അച്ഛൻ ഹെയ്തി വംശജനും അമ്മ ജപ്പാൻ കാരിയുമാണ്.

മഹാമാരിക്കാലത്ത് ഒരുമയുടെ സന്ദേശമുയർത്തിയായിരുന്നു ഉത്ഘാടന ചടങ്ങുകൾ.കോവിഡ് മുന്നണി പോരാളിയായി പ്രവർത്തിച്ച ജപ്പാന്റെ മിഡ് വെയ്റ്റ് ബോക്സറായ അരിസ സുബാട്ട ചടങ്ങിൽ പങ്കെടുത്തു.

കോവിഡ് മഹാമാരിയിൽ ജീവൻ നഷ്‌ടമായ ലോകത്തിലെ മുഴുവൻ ആളുകൾക്കും ആദരാഞ്ജലികൾ അർപ്പിച്ചുകൊണ്ടായിരുന്നു ചടങ്ങുകൾ നടന്നത്.ജാപ്പനീസ് സംഗീതത്തോടൊപ്പം വർണ്ണാഭമായ വെടിക്കെട്ടുകളും നടന്നു.ഒളിമ്പിക്സ് 2020യുടെ ഭാഗ്യ ചിഹ്നം വിവിധ വർണ്ണങ്ങളായി വാനിൽ തെളിഞ്ഞപ്പോൾ കായിക താരങ്ങൾ ആർപ്പുവിളിച്ചു.

ഇന്ത്യൻ സംഘത്തിൽനിന്ന് 26 പേർ ഉത്ഘാടന ചടങ്ങിൽ പങ്കെടുത്തു. ബോക്സിങ് താരം മേരികോമും ഹോക്കി താരം മൻപ്രീത് സിങ്ങും ഇന്ത്യൻ പതാകയേന്തി.ആധുനിക യുഗത്തിലെ 32ആമത്തെ ഒളിമ്പിക്സിൽ 33 മത്സര ഇനങ്ങൾ ഉണ്ട്.42 വേദികളിലായി 339 മെഡൽ ഇനങ്ങളിൽ 11000 മത്സരാർത്ഥികൾ പങ്കെടുക്കുന്നു.

photo credit | ap/tie

സ്ത്രീപീഡന പരാതിയാണെന്ന് അറിഞ്ഞില്ല,അറിഞ്ഞ നിമിഷം സംസാരം നിർത്തിയെന്ന് മന്ത്രി എ കെ ശശീന്ദ്രൻ

കോഴിക്കോട്: പീഡന പരാതി ഒത്തു തീർക്കാൻ ഇടപെട്ടു എന്ന ആരോപണത്തിൽ വിശദീകരണവുമായി മന്ത്രി എ കെ ശശീന്ദ്രൻ.

പാർട്ടി പ്രശ്നം എന്ന രീതിയിലാണ് പാർട്ടി ഭാരവാഹിയെ വിളിച്ചതെന്നും എന്നാൽ വിളിച്ചതിന് ശേഷമാണ് കാര്യങ്ങൾ അറിയുന്നതെന്നും അറിഞ്ഞ ഉടൻ സംസാരം നിർത്തിയെന്നും മന്ത്രി പ്രതികരിച്ചു.

എൻ സി പി നേതാവ് മോശമായി പെരുമാറിയെന്ന പരാതിയിൽ ഒത്തു തീർപ്പിന് പെൺകുട്ടിയുടെ അച്ഛനെ മന്ത്രി വിളിച്ചു എന്ന തരത്തിലുള്ള ശബ്ദ രേഖ പുറത്തു വന്നിരുന്നു.

പ്രയാസമില്ലാതെ പ്രശ്നം തീർക്കണമെന്ന് മാത്രമേ വിചാരിച്ചുള്ളു. കുണ്ടറയിൽ പാർട്ടി പ്രശ്നം ഉണ്ടെന്നറിഞ്ഞിട്ടാണ് മണ്ഡലം പ്രസിഡണ്ടിനെ വിളിച്ചത്.അപ്പോഴാണ് കാര്യങ്ങൾ മനസിലായത്. പെൺകുട്ടിയുടെ അച്ഛനെ വിളിച്ച ശേഷം ഒരു ഇടപെടലും നടത്തിയിട്ടില്ലെന്ന് മന്ത്രി പറയുന്നു.കേസ് ഒത്തു തീർപ്പാക്കണമെന്നും പരാതി പിൻവലിക്കണം എന്നും പറഞ്ഞിട്ടില്ല.

എന്നാൽ തനിക്ക് വിഷയം അറിയാമെന്ന് മന്ത്രി ശബ്ദരേഖയിൽ പറയുന്നുണ്ട്.പരാതി പിൻവലിക്കാൻ ആവശ്യപ്പെട്ട് പല നേതാക്കളും വിളിച്ചു എന്നും അതിന് ശേഷമാണ് മന്ത്രി വിളിച്ചതെന്നും പരാതിക്കാരിയായ പെൺകുട്ടി പറയുന്നുണ്ട്.

P R E V I O U S S T O R Y

http://www.jginews.in/minister-ak-saseendran-involved-in-a-complaint-of-a-girl-voice-clip-leaked/

കെ കെ രമയുടെ മകനും ആർ എം പി നേതാവ് വേണുവിനും വധ ഭീഷണി

വടകര : ആർ എം പി നേതാവും വടകര എം എൽ എ യുമായ കെ കെ രമയുടെ മകനും ആർ എം പി സംസ്ഥാന സെക്രട്ടറി എൻ വേണുവിനും വധ ഭീഷണി.കോഴിക്കോട് എസ് എം സ്ട്രീറ്റിൽ നിന്നാണ് കത്ത് പോസ്റ്റ് ചെയ്തിരിക്കുന്നത്.

പോലീസിൽ പരാതി നല്കിയിട്ടുണ്ടെന്നനും എസ് എം സ്ട്രീറ്റിലെ സിസിടിവി ദൃശ്യങ്ങൾ പരിശോധിച്ചാൽ ആളെ പിടിക്കാമെന്നും കെ കെ രമ വടകരയിൽ പറഞ്ഞു.

ഭീഷണിക്കത്തിൽ, രാഷ്ട്രീയത്തിൽ ഇല്ലാത്ത തന്റെ മകനെ ഉദ്ദേശിച്ചത് തന്നെ ഉദ്ദേശിച്ചാണെന്നും രമ പറഞ്ഞു.ഇത്തരം ഭീഷണിക്കത്തുകൾ നേരത്തെയും ഉണ്ടായിട്ടുണ്ടെന്നും പോലീസിൽ പരാതിപ്പെട്ടാൽ നടപടി ഉണ്ടാകാറില്ലെന്നും അവർ പറഞ്ഞു.

ഭീഷണിക്കത്തിന് പിന്നിൽ സിപിഎം ആണെന്നും സിപിഎം ക്വോട്ടേഷൻ സംഘങ്ങൾക്കെതിരെ നിരന്തരമായി പ്രതികരിച്ചുകൊണ്ടിരിക്കുന്നത്കൊണ്ടാണ് ഭീഷണിയെന്നും ഇതൊന്നും കാട്ടി ഭയപ്പെടുത്താൻ നോക്കണ്ടെന്നും രമ പറഞ്ഞു.

ഫോൺ ചോർത്തൽ വിവരങ്ങൾ പുറത്ത്:അസംബന്ധമെന്ന് കേന്ദ്രസർക്കാർ

BIG BREAKING | ON AIR

ന്യൂഡൽഹി: വിവാദ കൊടുങ്കാറ്റുയർത്തി ഫോൺ ചോർത്തൽ വിവരങ്ങൾ പുറത്ത്.ഉന്നതരുടെ ഫോൺ രേഖകൾ ഇസ്രായേൽ ചാര സോഫ്റ്റ്‌വെയർ ആയ പെഗാസസ് ഉപയോഗിച്ച് ചോർത്തി എന്നാണ് വിവരം.

എന്നാൽ ശുദ്ധ അസംബന്ധമാണ് ഇതെന്നും സ്വകാര്യത സംരക്ഷിക്കാൻ സർക്കാർ പ്രതിജ്ഞാ ബദ്ധമാണെന്നും കേന്ദ്രസർക്കാർ വ്യക്തമാക്കി.

രണ്ട് കേന്ദ്രമന്ത്രിമാരുടെയും മൂന്ന് പ്രതിപക്ഷ നേതാക്കളുടെയും സുപ്രീം കോടതി ജഡ്ജിയുടേയും 40ൽ അധികം മാധ്യമ പ്രവർത്തക രുടെയും ഫോൺ ചോർത്തി എന്നാണ് വിവിധ മാധ്യമ സ്ഥാപനങ്ങൾ ചേർന്ന് നടത്തിയ അന്വേഷണത്തിൽ വ്യക്തമായത്.

17 മാധ്യമ സ്ഥാപനങ്ങൾ ഈ ഓപ്പറേഷനിൽ പങ്കെടുത്തു എന്നാണ് ലഭ്യമാകുന്ന വിവരം.80ൽ അധികം രാജ്യങ്ങളിൽ പെഗാസസ് ഉപയോഗിച്ച് ഇത്തരത്തിൽ വിവരങ്ങൾ ചോർത്തിയിട്ടുണ്ട് എന്നും അറിയുന്നു.

പെഗാസസ് ഫോൺ ചോർത്തൽ സംബന്ധിച്ച് രാജ്യസഭാ എം പി സുബ്രഹ്മണ്യൻ സ്വാമി ഇന്ന് ട്വീറ്റ് ചെയ്തിരുന്നു.അന്താരാഷ്‌ട്ര മാധ്യമങ്ങളായ വാഷിംഗ്‌ടൺ പോസ്റ്റ്,ഗാർഡിയൻ എന്നി മാധ്യമങ്ങളും കാര്യങ്ങൾ വെളിപ്പെടുത്തുമെന്ന് സുബ്രഹ്മണ്യൻ സ്വാമി വെളിപ്പെടുത്തിയിരുന്നു.

ഇസ്രായേൽ ആസ്ഥാനമായി പ്രവർത്തിക്കുന്ന സൈബർ കമ്പനിയായ എൻ എസ് ഒ വികസിപ്പിച്ച സോഫ്റ്റ്‌വെയർ പ്രോഗ്രാമാണ് പെഗാസസ്.മൊബൈൽ ഫോണിൽ നുഴഞ്ഞു കയറി സകല വിവരങ്ങളും ചോർത്താനുള്ള സംവിധാനമാണ് ഈ സോഫ്റ്റ്‌വെയ റിൽ ഉള്ളത്.

PREVIOUS STORY

http://www.jginews.in/spy-software-used-and-leak-phone-details-of-central-ministers-and-supreme-court-judges-rss-leaders-and-media-persons-says-subrahmanyan-swami-tweet/

കോവിഡ് അതിവേഗ വ്യാപനം നിലനിൽക്കുന്നു, ഇളവുകളിലും ജാഗ്രത കൈവിടരുത് : മുഖ്യമന്ത്രി

ട്രിപ്പിൾ ലോക്ക് ഡൗണിൽ തിങ്കളാഴ്ച്ച കടകൾ തുറക്കാം | വിശേഷ ദിവസങ്ങളിൽ ആരാധനാലയങ്ങളിൽ 40 പേർക്ക് പ്രവേശനം, ഒരു ഡോസ് വാക്‌സിൻ എടുത്തവർ പരിഗണിക്കപ്പെടണം |

L I V E |

തിരുവനന്തപുരം: കോവിഡ് അതിവേഗ വ്യാപനം നിലനിൽക്കുന്നു എന്നും ഇളവുകളിലും ജാഗ്രത കൈവിടരുതെന്നും മുഖ്യമന്ത്രി പിണറായി വിജയൻ പറഞ്ഞു. ഉന്നതതല അവലോകന യോഗത്തിനു ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

ബക്രീദുമായി ബന്ധപ്പെട്ട് ട്രിപ്പിൾ ലോക്ക് ഡൗൺ ഉള്ള പ്രദേശങ്ങളിലും തിങ്കളാഴ്ച്ച കടകൾ തുറക്കാം.വിശേഷ ദിവസങ്ങളിൽ ആരാധനാലയ ങ്ങളിൽ 40 പേർക്ക് പ്രവേശിക്കാം. ആരാധനാലയ ങ്ങളിൽ എത്തുന്നത് ഒരു ഡോസ് വാക്‌സിൻ സ്വീകരിച്ചവരായിരിക്കണം.എ ,ബി കാറ്റഗറി പ്രദേശങ്ങളിൽ സിനിമ ഷൂട്ടിങ്ങും നിയന്ത്രണങ്ങളോടെ നടത്താം. ഇവിടെയും ഒരു ഡോസ് വാക്‌സിൻ എടുത്തവർ ആയിരിക്കണം പരിഗണിക്കപ്പെടേണ്ടത്.

രണ്ടാം തരംഗത്തെ അതിജീവിക്കാനാണ് ശ്രമിച്ചു വരുന്നത്.കോവിഡ് പെരുമാറ്റ ചട്ടങ്ങൾ കർശനമായി പാലിച്ചാൽ മൂന്നാം തരംഗം ഒഴിവാക്കാൻ കഴിയും.നിലവിലുള്ള സാഹചര്യം മറികടക്കാൻ നിയന്ത്രണങ്ങൾ കൂടിയേ തീരു.

സംസ്ഥാനത്ത് ഒരു ഘട്ടത്തിൽ ടെസ്റ്റ് പോസിറ്റിവിറ്റി നിരക്ക് 28 ശതമാനം വരെ എത്തിയിരുന്നു.പ്രതി ദിന രോഗികളുടെ എണ്ണം 40000ന് മുകളിലും എത്തിയിരുന്നു.എന്നാൽ ഇപ്പോൾ ടി പി ആർ, രോഗികളുടെ എണ്ണം എന്നിവ കുറഞ്ഞെങ്കിലും രോഗ വ്യാപനം കുറഞ്ഞിട്ടില്ല.

മികച്ച ചികിത്സ ഉറപ്പാക്കാനും മരണങ്ങൾ തടയാനും സാധിച്ചു.90 ശതമാനത്തോളം പേർക്ക് സൗജന്യ ചികിത്സയാണ് നൽകുന്നത്. സ്വകാര്യ ആശുപത്രിയിൽ ഉള്ളവർക്ക് ആരോഗ്യ ഇൻഷുറൻസ് വഴി സൗജന്യ ചികിത്സ കിട്ടുന്നു.മറ്റ് സ്വകാര്യ ആശുപത്രികളിലെ നിരക്കുകളിലും ഗണ്യമായ കുറവ് വരുത്താൻ സർക്കാർ ഇടപെടൽ ഉണ്ടായിട്ടുണ്ട്.

ഡിജിറ്റൽ വിദ്യാഭ്യാസം കാര്യക്ഷമായി നടത്താനുള്ള ശ്രമങ്ങൾ തുടരുന്നു.ആദിവാസി മേഖലയിലെ വിദ്യാർഥികൾക്ക് സർക്കാരിന്റെ നേരിട്ടുള്ള മേൽനോട്ടത്തിൽ പരിശീലനം നൽകും.നെറ്റവർക്ക് പ്രശ്നങ്ങൾ ഇവിടങ്ങളിൽ പരിഹരിക്കും .ഊരുകളിലെ പഠന മുറികളിൽ ആയിരിക്കും പഠനം.

സ്വരാജിന്റെ തോൽ‌വിയിൽ പാർട്ടിക്ക് വീഴ്ചയുണ്ടായെന്ന് സിപിഎം അന്വേഷണ കമ്മീഷൻ

L A T E S T |

കൊച്ചി : തൃപ്പൂണിത്തുറയിലെ സിപിഎം സ്ഥാനാർഥി എം സ്വരാജ് തോറ്റത് പാർട്ടി പ്രാദേശിക നേതൃത്വത്തിന്റെ
വീഴ്ച്ച കാരണമെന്ന് സിപിഎം അന്വേഷണ കമ്മീഷൻ റിപ്പോർട്ട്.തൃക്കാക്കരയിലാണ് വീഴ്ച്ച സംഭവിച്ചതെന്ന് കമ്മീഷൻ റിപ്പോർട്ടിൽ പറയുന്നു.

യു ഡി എഫ് സ്ഥാനാർഥിയായ കെ ബാബുവിനോട് 992 വോട്ടുകൾക്കാണ് സിപിഎം സംസ്ഥാന കമ്മിറ്റി അംഗമായ എം സ്വരാജ് തോറ്റത്.തൃക്കാക്കരയ്ക്ക് പുറമെ പിറവം,പെരുമ്പാവൂർ മേഖലകളിലും പാർട്ടി പ്രാദേശിക നേതൃത്വത്തിന് വീഴ്ച്ച സംഭവിച്ചതായി നേതൃത്വത്തിന് സംശയമുണ്ട്.

പാർട്ടി പരമ്പരാഗത വോട്ടുകൾ സ്വരാജിന് നഷ്ടമായപ്പോൾ പുതിയായതായി വോട്ടുകൾ ലഭിച്ചു.എന്നാൽ പരമ്പരാഗത വോട്ടുകളിലെ വൻ ചോർച്ചയാണ് സ്വരാജിന്റെ തോൽവിയിലേക്ക് നയിച്ചത് എന്ന് കമ്മീഷൻ കണ്ടെത്തി.

പ്രാദേശികമായി പല മേഖലകളിലും വോട്ട് ചോർച്ച ഉണ്ടായി. ഏരൂർ,തെക്കുംഭാഗം,ഉദയം പേരൂർ പഞ്ചായത്തുകളിൽ പ്രാദേശിക നേതൃത്വത്തിന് വീഴ്ച്ച പറ്റി.ചിലർക്കുണ്ടായിരുന്ന സ്ഥാനാർഥി മോഹം വോട്ട് ചോർച്ചയ്ക്ക് കാരണമായി.

സിപിഎം സംസ്ഥാന കമ്മിറ്റി അംഗം ഗോപി കോട്ടമുറിക്കൽ,ജില്ലാ സെക്രെട്ടറിയേറ്റ് അംഗം കെജെ ജേക്കബ് എന്നിവരായിരുന്നു അന്വേഷണ കമ്മീഷൻ.റിപ്പോർട്ട് ഉടൻ പാർട്ടിക്ക് സമർപ്പിക്കും.

സ്വരാജിന്റെ തോൽവി പാർട്ടിക്ക് കനത്ത തിരിച്ചടിയായിരുന്നു. സംസ്ഥാനതലത്തിൽ ശ്രദ്ധേയനായ സ്വരാജിനൊപ്പം പാർട്ടിയും അതിരു കവിഞ്ഞ ആത്മവിശ്വാസത്തിലായിരുന്നു തിരഞ്ഞെടുപ്പ് നാളുകളിൽ.

കെ ബാബുവിനെതിരെ ഉയർന്നു വന്ന ആരോപണങ്ങളും സ്വരാജിനുള്ള സ്വീകാര്യതയും ആ ആത്മവിശ്വാസം വർധിപ്പിച്ചു. ആദ്യഘട്ടത്തിൽ സ്വയം ആശ്വസിക്കാനായി ബിജെപി വോട്ടുകൾ കോൺഗ്രസിലേക്ക് മറിഞ്ഞുവെന്നാണ് സിപിഎം വിശ്വസിച്ചതും പ്രചരിപ്പിച്ചതും.എന്നാൽ പാർട്ടി വോട്ടുകൾ തന്നെയാണ് ചോർന്നതെന്ന ഞെട്ടിക്കുന്ന കണ്ടെത്തലാണ് ഇപ്പോൾ പുറത്തു വന്നിരിക്കുന്നത്.

സ്വരാജിന്റെ തോൽവി സംബന്ധിച്ച് ഏതെങ്കിലും പാർട്ടി അംഗത്തിനെതിരെ നടപടി എടുക്കാൻ തല്ക്കാലം ആലോചനയില്ല. തൃക്കാക്കരയിൽ തന്നെയാണ് വലിയ വീഴ്ചകൾ ഉണ്ടായതെന്ന് കണ്ടെത്തിയിട്ടും കടുത്ത നടപടികളിലേക്ക് നേതൃത്വം പോകാത്തത് ശ്രദ്ധേയമാണ്.

കൊങ്കൺ പാതയിൽ പാളത്തിലേക്ക് മണ്ണിടിഞ്ഞു:തീവണ്ടി ഗതാഗതം മുടങ്ങി

L I V E |

മംഗളുരു: കനത്ത മഴ തുടരുന്നതിനിടയിൽ കൊങ്കൺ റെയിൽ പാതയിൽ മണ്ണിടിഞ്ഞു വീണ് തീവണ്ടി ഗതാഗതം തടസപ്പെട്ടു.

മംഗളുരു കൊങ്കൺ പാതയിൽ തോക്കുർ കുലശേഖര തുരങ്കത്തിനടുത്താണ് മണ്ണിടിഞ്ഞ് പാളത്തിൽ വീണത്.ദക്ഷിണ റയിൽവേയുടെ പാലക്കാട് ഡിവിഷനിൽ ഉൾക്കൊള്ളുന്ന പ്രദേശത്തെ പാളത്തിൽ മീറ്ററുകളോളം മണ്ണ് വീണുകിടക്കുകയാണ്.

ഇവിടെ ഇലക്ട്രിക്ക് കേബിൾ ലൈനുകളും തകർന്നിട്ടുണ്ട്.സമീപത്തുള്ള സുരക്ഷാ ഭിത്തിയും ഇടിഞ്ഞു പാളത്തിലേക്ക് വീണ നിലയിലാണ്.മണ്ണുമാന്തി ഉപയോഗിച്ച് ഗതാഗതം നേരെയാക്കാനുള്ള ശ്രമം തുടങ്ങി എന്ന് ദക്ഷിണ റെയിൽവേ അറിയിച്ചു.

ശക്തമായ മഴ മണ്ണ് നീക്കലിന് തടസ്സമാകുന്നതിനാൽ ശനിയാഴ്ച വൈകുന്നേരം മാത്രമേ ഗതാഗതം പുനഃസ്ഥാപിക്കാൻ സാധിക്കു എന്നാണ് വിവരം.

കട തുറക്കൽ സമരത്തിൽനിന്ന് വ്യാപാരികൾ പിന്മാറി:വെളിയാഴ്ച്ച ചർച്ച

L I V E |

തിരുവനന്തപുരം: വ്യാപാരികൾ നാളെ നടത്താനിരുന്ന കട തുറക്കൽ സമരം താൽക്കാലികമായി പിൻവലിച്ചു.

ലോക്ക് ഡൗൺ മാനദണ്ഡങ്ങൾ ലംഘിച്ചുകൊണ്ട് കടകൾ തുറക്കേണ്ടെന്ന് വ്യാപാരി വ്യവസായി ഏകോപന സമിതി തീരുമാനിച്ചു.

വ്യാപാരികളുടെ ആവശ്യങ്ങളെ അനുഭാവത്തോടെ പരിഗണിക്കാമെന്നുമുള്ള സർക്കാരിന്റെ ഉറപ്പിന്റെ പശ്ചാത്തലത്തിലാണ് സമരത്തിൽനിന്നുള്ള പിന്മാറ്റമെന്ന് വ്യാപാരികൾ അറിയിച്ചു.ഇത് സംബന്ധിച്ച് വെള്ളിയാഴ്ച്ച മുഖ്യമന്ത്രിയുമായി ചർച്ച നടക്കുമെന്നും വ്യാപാരികൾ പറഞ്ഞു.

കഴിഞ്ഞദിവസം കോഴിക്കോട് വ്യാപാരികൾ നടത്തിയ സമരം സംഘർഷത്തിനിടയാക്കിയിരുന്നു.ലോക്ക് ഡൗൺ മാനദണ്ഡങ്ങളിൽ ഇളവുകൾ വേണോ എന്ന കാര്യത്തിൽ സർക്കാരിന്റെ വിദഗ്ധ സമിതിയിലും അഭിപ്രായമുയർന്നിരുന്നു.

എന്നാൽ പടരുന്ന രോഗ പശ്ചാത്തലത്തിൽ ധിക്കാരപരമായ നിലപാടുകൾ സ്വീകരിക്കുകയാണെങ്കിൽ നേരിടുമെന്ന് മുഖ്യമന്ത്രി പിണറായി വിജയനും വ്യക്തമാക്കിയിരുന്നു.വെള്ളിയാഴ്ച മുഖ്യമന്ത്രിയുമായി നടത്തുന്ന ചർച്ചയിൽ പ്രതീക്ഷയുണ്ടെന്ന് വ്യാപാരികൾ അറിയിച്ചു.

ഡ്രോണും ലേസർ ബീമുകളും വിമാനങ്ങൾക്ക് ഭീഷണി: നെടുമ്പാശ്ശേരി വിമാനത്താവള കമ്പനി പോലീസിൽ പരാതി നൽകി

L A T E S T | ON AIR

കൊച്ചി: അനുമതി ഇല്ലാതെ പറക്കുന്ന ഡ്രോണുകളും പരസ്യങ്ങൾക്കായി ഉപയോഗിക്കുന്ന ലേസർ ബീമുകളും വ്യോമയാനത്തിനും വിമാനങ്ങൾക്കും ഭീഷണിയാണെന്നും കാണിച്ച് സിയാൽ (കൊച്ചിൻ ഇന്റർനാഷണൽ എയർപോർട്ട് ലിമിറ്റഡ്) പോലീസിൽ പരാതി നൽകി.

വിമാനത്താവളത്തിന് മൂന്ന് കിലോമീറ്റർ ചുറ്റളവിൽ ഡ്രോണുകൾ പറത്താൻ പാടില്ലെന്ന് നിയമമുണ്ടെന്നിരിക്കെയാണ് സിയാലിന്റെ പരാതി.മറ്റ് മേഖലകളിൽ ഡ്രോൺ പറത്തണമെങ്കിൽ ഡയറക്ടർ ജനറൽ സിവിൽ ഏവിയേഷൻ ( ഡി ജി സി എ ) ന്റെ അനുമതി വേണമെന്നും നിയമമുണ്ട്.

ജമ്മു കശ്മീരിൽ അടുത്തിടെയുണ്ടായ ഡ്രോൺ ആക്രമണത്തെ തുടർന്ന് 'അൺ മാൻഡ് എയർ ക്രാഫ്റ്റ് സിസ്റ്റം റൂൾ -2021' ചട്ടങ്ങൾ കർശനമായി പാലിക്കാൻ കേന്ദ്ര വ്യോമയാന മന്ത്രാലയം വിമാനത്തവാള ഓപ്പറേറ്റർമാർക്കും ജില്ലാ ഭരണകൂടങ്ങൾക്കും നിർദേശം നൽകിയിട്ടുണ്ട്.

ഇന്ത്യയിലേക്ക് ഡ്രോൺ ഇറക്കുമതി ചെയ്യുന്നതിനും നിർമ്മിക്കുന്നതിനും കച്ചവടം നടത്തുന്നതിനും ഡി ജി സി എ യുടെ അനുമതി ആവശ്യമാണ്.നിയമ ലംഘനങ്ങൾക്ക് 50000 രൂപ വരെ പിഴയുണ്ട്.

കൊച്ചി പോലുള്ള നഗരങ്ങളിൽ ലേസർ ബീം ഉപയോഗിക്കുന്നത് വ്യാപകമാണ്.ഉത്സവങ്ങൾക്കും ഉത്ഘാടനങ്ങൾക്കും ഇതിന്റെ ഉപയോഗം വ്യാപകമാണ്.

ജനശ്രദ്ധയാകർഷിക്കാൻ വേണ്ടി മിന്നിക്കുന്ന ലേസർ ബീമുകൾ വിമാനങ്ങളുടെ ലാൻഡിങ്ങിന് ഭീഷണി ഉണ്ടാക്കുന്നു എന്ന് നെടുമ്പാശേരിയിൽ വിമാനമിറക്കുന്ന പൈലറ്റ്മാർ നിരവധി തവണ എയർ ട്രാഫിക് കോൺട്രോളർക്ക് പരാതി നൽകിയിട്ടുണ്ട്.

നെടുമ്പാശേരി വിമാനത്താവളത്തിന്റെ 15 കിലോമീറ്റർ ചുറ്റളവിൽ ലേസർ ബീം പ്രകാശിപ്പിക്കുന്നത് അപകടം ക്ഷണിച്ചു വരുത്തുമെന്ന് സിയാൽ മുന്നറിയിപ്പ് നൽകിയിട്ടുണ്ട്.ഡ്രോൺ പറത്തുന്നതും ലേസർ ബീമുകൾ പ്രകാശിപ്പിക്കുന്നതും ശ്രദ്ധയിൽ പെട്ടാൽ 0484 2610001 എന്ന നമ്പറിൽ വിളിച്ചറിയിക്കാൻ സിയാൽ പൊതു ജനങ്ങളോട് അഭ്യർത്ഥിച്ചു.

മുഖ്യമന്ത്രി ഇന്ന് പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും

L A T E S T |

ന്യൂഡൽഹി: മുഖ്യമന്ത്രി പിണറായി വിജയൻ ഇന്ന് വൈകുന്നേരം പ്രധാനമന്ത്രി നരേന്ദ്ര മോദിയെ കാണും.വൈകുന്നേരം 4 മണിക്കാണ് കൂടിക്കാഴ്ച്ച.

ഭരണ തുടർച്ചയ്ക്ക് ശേഷം ആദ്യമായി ഡൽഹിയിലെത്തിയ മുഖ്യമന്ത്രിക്ക് കേരളാ ഹൗസ് ജീവനക്കാർ സ്വീകരണം നൽകി.

കോവിഡ് മൂന്നാം തരംഗം സംബന്ധിച്ച പ്രധാനമന്ത്രി വിളിച്ച മുഖ്യമന്ത്രിമാരുടെ യോഗങ്ങൾ നടക്കുന്ന പശ്ചാത്തലത്തിൽ സംസ്ഥാനത്തിന്റെ സ്ഥിതിഗതികൾ പ്രധാനമന്ത്രിയെ മുഖ്യമന്ത്രി ധരിപ്പിക്കും.

ഇന്ന് ഉച്ചയ്ക്ക് പെട്രോളിയം പ്രകൃതി വാതക ഭവന നഗരകാര്യ മന്ത്രി ഹർദീപ് സിങ് പുരിയുമായും മുഖ്യമന്ത്രി കൂടിക്കാഴ്ച നടത്തുന്നുണ്ട്.
കേന്ദ്രസർക്കാർ അടുത്തിടെ രൂപീകരിച്ച സഹകരണ മന്ത്രാലയം സംബന്ധിച്ചും മുഖ്യമന്ത്രി ചർച്ച നടത്തും.പ്രധാനമന്ത്രിയുമായുള്ള കൂടിക്കാഴ്ചയ്ക്ക് മുൻപ് അദ്ദേഹത്തിന്റെ പ്രിൻസിപ്പൽ സെക്രട്ടറി ഡോ. പി കെ മിശ്രയുമായി പിണറായി വിജയൻ കൂടിക്കാഴ്ച നടത്തുന്നുണ്ട്.

പ്രധാനമന്ത്രിയുമായി ചർച്ച ചെയേണ്ടുന്ന വിഷയങ്ങൾ ആദ്യം പ്രിൻസിപ്പൽ സെക്രട്ടറിയുമായി സംസാരിക്കും.കെ റെയിൽ പദ്ധതി സംബന്ധിച്ചും ഡൽഹിയിൽ ചർച്ചകൾ നടന്നന്നേക്കും.കേന്ദ്രമന്ത്രി രാജീവ് ചന്ദ്രശേഖറുമായും മുഖ്യമന്ത്രി കൂടിക്കാഴ്ച നടത്താൻ സാധ്യത.

കോവിഡ് മൂന്നാം തരംഗം ഉടൻ: മൂന്ന് മാസങ്ങൾ നിർണ്ണായകമെന്ന് ഐ എം എ

BREAKING |L I V E

ന്യൂഡൽഹി: കോവിഡ് മൂന്നാം തരംഗം ഉടൻ ഉണ്ടാകുമെന്നും വരുന്ന മൂന്ന് മാസങ്ങൾ നിർണ്ണായകമാണെന്നും ഇന്ത്യൻ മെഡിക്കൽ അസ്സോസിയേഷൻ മുന്നറിയിപ്പ് നൽകി.

കേന്ദ്ര സംസ്ഥാന സർക്കാരുകൾക്കാണ് ഐ എം എ മുന്നറിയിപ്പ് നൽകിയത്.

മൂന്നാം തരംഗത്തെ നേരിടാനായി വലിയ മുന്നൊരുക്കങ്ങളും ജാഗ്രതയും പാലിക്കണം .8 വടക്കു കിഴക്കൻ സംസ്ഥനങ്ങളിൽ സ്ഥിതിഗതികൾ രൂഷമാകാൻ സാധ്യതയെന്ന് മുന്നറിയിപ്പ്.

വാക്‌സിനേഷൻ ത്വരിതപ്പെടുത്തി പരമാവധി ആളുകൾക്ക് നൽകി എന്ന് ഉറപ്പു വരുത്തണം.കോവിഡ് മാനദണ്ഡങ്ങൾ പാലിക്കുന്നു എന്നും ആളുകൾ കൂടുതൽ ജാഗ്രത പുലർത്തണം എന്നും നിർദേശമുണ്ട് .ഉത്സവങ്ങളും ആഘോഷങ്ങളും മാറ്റി വെക്കണമെന്ന് ഐ എം എ റിപ്പോർട്ടിൽ ഉണ്ട്.

ഇതുസംബന്ധിച്ച മുന്നറിയിപ്പ് കേന്ദ്ര സംസ്ഥാന സർക്കാരുകൾക്ക് മുന്നറിയിപ്പ് നൽകിയിട്ടുണ്ടെന്ന് ഐ എം എ അറിയിച്ചു.വിനോദ സഞ്ചാര മേഖലകളിലും ആരാധനാലയങ്ങളിലും കർശന നിയന്ത്രണങ്ങൾ വേണമെന്നും ഐ എം എ ആവശ്യപ്പെട്ടിട്ടുണ്ട്.

N E X T S T O R Y

http://www.jginews.in/third-wave-of-covid-19-alert-prime-minister-may-meet-chief-ministers-and-discuss-further-actions/

സംസ്ഥാനത്ത് വ്യവസായ സംരക്ഷണ ബിൽ കൊണ്ടുവരും: മന്ത്രി പി രാജീവ്

L I V E |

തിരുവനന്തപുരം: വ്യവസായ സംരംഭകരുടെ പ്രശ്നങ്ങൾക്ക് പരിഹാരം കണ്ടെത്താനായി സംസ്ഥാനത്ത് വ്യവസായ സംരക്ഷണ ബിൽ കൊണ്ടുവരുമെന്ന് വ്യവസായമന്ത്രി പി രാജീവ് പറഞ്ഞു.

ബിൽ വരുന്നതോടെ വ്യവസായ രംഗത്തെ പ്രശ്നങ്ങൾക്ക് പരിഹാരമാകുമെന്ന് കരുതുന്നതായി മന്ത്രി പറഞ്ഞു.വരുന്ന നിയമസഭാ സമ്മേളനത്തിൽ തന്നെ ബിൽ കൊണ്ട് വരാനാകുമെന്നാണ് പ്രതീക്ഷയെന്നും മന്ത്രി അറിയിച്ചു.

വ്യവസായങ്ങൾക്ക് തടസം നിൽക്കുന്ന ഉദ്യോഗസ്ഥർക്കെതിരെ നടപടി അടക്കം ഉറപ്പാക്കുന്നതായിരിക്കും ഈ ബിൽ.പരാതികൾ പരിഹരി ക്കാൻ സംസ്ഥാന ജില്ലാതല സമിതികൾ രൂപീകരിക്കുമെന്നും മന്ത്രി പറഞ്ഞു.

ഈ സമിതി എടുക്കുന്ന എല്ലാ തീരുമാനങ്ങളും ബന്ധപ്പെട്ട എല്ലാ വകുപ്പുകളും അംഗീകരിക്കണം.വ്യവസായങ്ങൾക്ക് തടസം നിൽക്കുന്നവർക്കുള്ള ശിക്ഷ ഉറപ്പാക്കും.

കിറ്റെക്സ് കമ്പനി കേരളം വിട്ടുപോകാൻ എടുത്ത തീരുമാനങ്ങളോ ടെയാണ് കേരളത്തിലെ വ്യവസായ സൗഹൃദ അന്തരീക്ഷത്തെ കുറിച്ച് വലിയ ചർച്ചകൾ ഉണ്ടായത്.ഉദ്യോഗസ്ഥരുടെ ഉപദ്രവം കാരണം 3500 കോടിയുടെ നിക്ഷേപം പിൻ‌വലിക്കുന്നു എന്നും സംരംഭങ്ങൾക്കായി കിറ്റെക്സ് എം ഡി സാബു ജേക്കബ് തെലങ്കാന സർക്കാരുമായി ചർച്ച നടത്തിയതും വലിയ വിവാദമായ പശ്ചാത്തലത്തിലാണ് സംസ്ഥാനം വ്യവസായ സൗഹൃദമാണെന്ന് ഉറപ്പാക്കാൻ ബിൽ കൊണ്ടുവരാൻ ആലോചന തുടങ്ങിയത്.

ഇതിനിടയിൽ കിറ്റെക്സിന് തെലങ്കാനയിൽ കിട്ടിയ വാഗ്ദാനങ്ങൾ മാധ്യമങ്ങൾ അന്വേഷിക്കണമെന്ന് വ്യവസായമന്ത്രി പറഞ്ഞു. കിറ്റെക്സ് കേരളം വിടുന്നതിൽ മറ്റ് താല്പര്യങ്ങൾ ഉണ്ടാകാമെന്നും അദ്ദേഹം സൂചിപ്പിച്ചു.

സിക വൈറസ് പരിശോധന കേരളത്തിലും നടത്താൻ സംവിധാനം

L I V E |

തിരുവനന്തപുരം: സിക്ക വൈറസ് പരിശോധന ഇനി മുതൽ സംസ്ഥാനത്തും നടത്തും.

സിക പരിശോധന കിറ്റുകൾ സംസ്ഥാനത്തെ നാല് മെഡിക്കൽ കോളേജുകളിൽ എത്തി. കോഴിക്കോട്,തിരുവനന്തപുരം,തൃശൂർ, ആലപ്പുഴ മെഡിക്കൽ കോളേജുകളിലാണ് കിറ്റുകൾ എത്തിയത്.

നേരത്തെ പുണെ വൈറോളജി ഇൻസ്റ്റിട്യൂട്ടിൽ വെച്ചായിരുന്നു സാമ്പിളുകൾ പരിശോധിച്ചിരുന്നത്.സിക വൈറസ് സാന്നിധ്യം കേരളത്തിൽ റിപ്പോർട്ട് ചെയ്തതോടെ പരിശോധനഫലം വൈകുന്നത് ആശങ്കകൾ ഉണ്ടാക്കിയിരുന്നു.

പുണെ വൈറോളജി ഇൻസ്റ്റിട്യൂട്ടാണ് സംസ്ഥാനത്ത് ടെസ്റ്റുകൾ നടത്താനുള്ള അനുമതി നൽകിയത്.കിറ്റുകൾ ലഭ്യമാക്കിയതും ഇവിടെ നിന്ന് തന്നെയാണ്.പരിശോധന ഫലം ലഭ്യമാകാൻ 8 ദിവസമെങ്കിലും എടുക്കും എന്നാണ് സൂചന.

ബംഗളുരു പരപ്പന അഗ്രഹാര ജയിലിൽ റെയ്ഡ് : ആയുധങ്ങൾ കണ്ടെത്തി തടവുകാരെ ചോദ്യം ചെയ്യുന്നു

photo | indianexpress.com

L A T E S T |

ബംഗളുരു: പരപ്പന അഗ്രഹാര ജയിലിൽ പോലീസ് പരിശോധന. ആയുധങ്ങൾ പിടിച്ചെടുത്തു.

പരപ്പന അഗ്രഹാര ജയിലിൽ ബംഗളുരു സെൻട്രൽ ക്രൈം ബ്രാഞ്ച് നടത്തിയ റെയ്ഡിലാണ് ആയുധങ്ങൾ പിടിച്ചെടുത്തത്. സംഭവവുമായി ബന്ധപ്പെട്ട് തടവുകാരെ ചോദ്യം ചെയ്യുന്നു.

ആയുധങ്ങൾ കൂടാതെ മൊബൈൽ ഫോണുകളും ചാർജറുകളും സിം കാർഡുകളും സിഗററ്റുകളും പിടിച്ചെടുത്തിട്ടുണ്ട്.സെൻട്രൽ ക്രൈം ബ്രാഞ്ച് ജോയിന്റ് കമ്മിഷണർ സന്ദീപ് പാട്ടീലിന്റെ നേതൃത്വത്തി ലായിരുന്നു റെയ്ഡ്.

പുലർച്ചെ 5 മണിക്ക് തുടങ്ങിയ റെയ്‌ഡും ചോദ്യം ചെയ്യലും ഇപ്പോഴും തുടരുന്നു.കർണ്ണാടകത്തിലെ ഏറ്റവും വലിയ ജയിലായ പരപ്പന അഗ്രഹാര സെൻട്രൽ ജയിലിൽ 4000 തടവുകാരുണ്ട്. പരിശോധനയും അന്വേഷണവും തുടരുമെന്ന് ജോയിന്റ് കമ്മിഷണർ അറിയിച്ചു.

വൈദ്യ കുലപതി ഡോ.പികെ വാര്യർക്ക് അന്ത്യാഞ്ജലി

കോട്ടയ്ക്കൽ : വൈദ്യ കുലപതി ഡോ.പി കെ വാര്യർക്ക് അന്ത്യാഞ്ജലി.ആയുർ വേദത്തെ ലോകത്തിന്റെ നെറുകയിൽ എത്തിച്ച മഹാ വൈദ്യനുമായിരുന്നു ഡോ. പി കെ വാരിയർ.100 വയസായിരുന്നു.ശനിയാഴ്ച ഉച്ചയ്ക്ക് വസതിയായ കൈലാസ മന്ദിരത്തിലായിരുന്നു അന്ത്യം.ജൂൺ 8 നായിരുന്നു നൂറാം പിറന്നാൾ ആഘോഷം.

1999ൽ പത്മശ്രീയും 2011ൽ പത്മഭൂഷണും നൽകി രാജ്യം അദ്ദേഹത്തെ ആദരിച്ചിട്ടുണ്ട്.ആയുർവേദത്തിന്റെ മാനവികതയുടെയും പാരമ്പര്യത്തിന്റെയും മുഖം നൽകുകയും ആയുർവ്വേദം കേവലം ചികിത്സ രീതി മാത്രമല്ല അതിന് ജീവിതത്തിന്റെ പ്രകാശം കൂടിയുണ്ടെന്ന് വിശ്വസിച്ച അതുല്യ പ്രതിഭയായിരുന്നു.

ആയുർവേദത്തിൽ കേരളത്തിന്റെ ചികിത്സ പെരുമ ലോകം ലോകപ്രശസ്തമാക്കിയതും പി കെ വാരിയർ എന്ന പ്രതിഭാശാലിയിലൂടെയായിരുന്നു.

മലപ്പുറം ജില്ലയിലെ കോട്ടയ്ക്കലിൽ ഇടത്തരം കുടുംബത്തിൽ 1921 ജൂൺ 5നാണ് പന്ന്യംവീട്ടിൽ കൃഷ്ണൻകുട്ടി വാരിയർ ജനിക്കുന്നത് ശ്രീധരൻ നമ്പൂതിരിയുടെയും പന്ന്യംവീട്ടിൽ കുഞ്ഞി വാരസ്യാരുടെ യും മകനായിട്ടായിരുന്നു ജനിച്ചത്.

കോട്ടയ്ക്കൽ രാജാസ് ഹൈസ്കൂളിൽ വിദ്യാഭ്യാസം പൂർത്തിയാക്കി. വൈദ്യരത്നം പി എസ് വാരിയരുടെ ആയുർവേദ കോളേജിൽ ആയിരുന്നു ആയുർവേദ പഠനം. ആര്യവൈദ്യ പാഠശാല എന്നായിരുന്നു ഈ സ്ഥാപനം അറിയപ്പെട്ടിരുന്നത്.

1942ൽ സ്വാതന്ത്ര്യസമരത്തിൽ ആകൃഷ്ടനാവുകയും പങ്കാളിയാവുകയും ചെയ്തു.അദ്ദേഹത്തിന്റെ ആത്മകഥയായ സ്‌മൃതി പർവ്വം കേരളാ സാഹിത്യ അക്കാദമി അവാർഡ് നേടിയിട്ടുണ്ട്.ആയുർവേദത്തിൽ അദ്ദേഹത്തിന്റെ പ്രവർത്തനങ്ങളെ മാനിച്ചാണ് വൈദ്യ രത്നം ബഹുമതി നൽകി ആദരിച്ചത്.

“കേരളത്തിൽ നിന്ന് പോകുന്നതല്ല,ആട്ടിയോടിച്ചത്” തുറന്നടിച്ച സാബു ജേക്കബ് തെലങ്കാനയിലേക്ക്

കൊച്ചി: താൻ കേരളത്തിൽ നിന്ന് പോകുന്നതല്ല, തന്നെ ആട്ടിയോടിച്ചതും ചവിട്ടി പുറത്താക്കിയതുമാണെന്നും കിറ്റെക്സ് എം ഡി സാബു ജേക്കബ് തുറന്നടിച്ചു.

തെലങ്കാന സർക്കാരിന്റെ ക്ഷണം സ്വീകരിച്ച് അവിടേക്ക് പറക്കും മുൻപ് നെടുമ്പാശ്ശേരി വിമാനത്താവളത്തിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം.

കേരളം ഇനിയും മാറിയിട്ടില്ലെന്നും യാഥാസ്ഥിതികവും പഴഞ്ചനുമായ ചിന്താഗതികളാണ് നമ്മളിലെന്നും കേരളം ഇപ്പോഴും 50 വർഷം പിറകിലാണെന്നും അദ്ദേഹം പൊട്ടിത്തെറിച്ചു കൊണ്ട് പറഞ്ഞു.

കാലം മാറിയത് നാം മാത്രം അറിഞ്ഞിട്ടില്ല..ഇപ്പോൾ തന്നെ സ്വകാര്യ ജെറ്റ് വിമാനമാണ് അവർ തങ്ങൾക്ക് യാത്ര ചെയ്യാനായി അയച്ചത്.ഈ യാഥാസ്ഥിക ചിന്താഗതി മാറിയില്ലെങ്കിൽ ആപത്താണ്, "എനിക്കല്ല , എന്റെ കാര്യം ഞാൻ നോക്കിക്കോളും" വരും തലമുറയ്ക്ക് ആപത്താണെന്നും അദ്ദേഹം കൂട്ടിച്ചേർത്തു.

ഒരു മൃഗത്തെപോലെയാണ് തന്നെ വേട്ടയാടിയത്.3500 കോടി ഈ നാട്ടിൽ നിക്ഷേപിക്കാം എന്ന് പറഞ്ഞ എന്നെയാണ് വേട്ടയാടിയത്.ആ പദ്ധതി ഉപേക്ഷിക്കാൻ പോകുന്നു എന്ന് പറഞ്ഞപ്പോഴും ഒരാളും തിരിഞ്ഞു നോക്കിയില്ല.അങ്ങിനെ ഒരു പദ്ധതിയെ ഇല്ല എന്ന തരത്തിലാണ് ഇവിടെ ചിലർ പ്രചരിപ്പിച്ചതെന്നും സാബു ജേക്കബ് പറഞ്ഞു.

സംസ്ഥാനത്ത് ആദ്യ സീക്ക വൈറസ് സാന്നിധ്യം സ്ഥിരീകരിച്ചു : ജാഗ്രതാ നിർദേശം

L A T E S T |

തിരുവനന്തപുരം: സംസ്ഥാനത്ത് ആദ്യ സീക വൈറസ് സാന്നിധ്യം സ്ഥിരീകരിച്ചു.എല്ലാ ജില്ലകൾക്കും ജാഗ്രതാ നിർദേശം നൽകി.

തിരുവനന്തപുരത്ത് സ്വകാര്യ ആശുപത്രിയിൽ ചികിത്സയിലുള്ള പാറശാല സ്വദേശിനിയായ ഗർഭിണിയിലാണ് വൈറസ് സാന്നിധ്യം കണ്ടെത്തിയത്.

ജൂൺ 28നാണ് പനിയും തലവേദനയും ശരീരത്തിൽ ചുവന്ന പാടുകളുമായി യുവതി ആസ്പത്രയിലെത്തുന്നത്.ആശുപത്രിയിലെ ആദ്യ പരിശോധനയിൽ തന്നെ പോസിറ്റീവ് ആണെന്ന് സ്ഥിരീകരിച്ചെ ങ്കിലും സംശയ നിവാരണത്തിനായി പുണെ നാഷണൽ ഇൻസ്റ്റിറ്റ്യൂട്ട് ഓഫ് വൈറോളജിയിൽ അയക്കുകയായിരുന്നു.

തിരുവനന്തപുരം ജില്ലയിലെ 19 സംശയമുള്ള കേസുകളിൽ 13 എണ്ണം സീക പോസിറ്റീവ് ആണെന്ന് സംശയമുണ്ട്.യുവതിയുടെ ആരോഗ്യ നില ഇപ്പോൾ തൃപ്തികരമാണ്. ഒരാഴ്ച മുൻപ് ഇവരുടെ അമ്മയ്ക്കും സമാനമായ രോഗ ലക്ഷണങ്ങൾ ഉണ്ടായിരുന്നു.

സീക വൈറസ് സ്ഥിരീകരണം ഉണ്ടായതോടെ ആരോഗ്യവകുപ്പ് സർവൈലൻസ് സംഘം പാറശാല സന്ദർശിക്കുകയും നിയന്ത്രണ നടപടികൾ സ്വീകരിക്കുകയും ചെയ്തു.

ശിവഗിരി മുൻ മഠാധിപതി സ്വാമി പ്രകാശാനന്ദ സമാധിയായി

L A T E S T |ON AIR

തിരുവനന്തപുരം: വർക്കല ശിവഗിരി മുൻ മഠാധിപതി സ്വാമി പ്രകാശാനന്ദ സമാധിയായി.99 വയസായിരുന്നു.

വർക്കല ശ്രീനാരായണ മിഷൻ ആശുപത്രിയിലായിരുന്നു അന്ത്യം.വൈകുന്നേരം 5ന് സമാധിയിരുത്തൽ ചടങ്ങ് നടക്കും.

ശ്രീനാരായണ ധർമ്മ സംഘം ട്രസ്റ്റ് അധ്യക്ഷനായ ദീർഘകാലം രാഷ്ട്രീയ സാമൂഹിക മത നേതാക്കളുമായി മികച്ച ബന്ധം പുലർത്തുന്നതിൽ സ്വാമി ശ്രദ്ധേയനായിരുന്നു.പ്രധാനമന്ത്രി നരേന്ദ്ര മോദി അടക്കമുള്ള ദേശീയ നേതാക്കളെ മഠത്തിലേക്ക് സന്ദർശിക്കാനുള്ള മുൻകൈ എടുത്തത് സ്വാമി പ്രകാശാനന്ദയായിരുന്നു.

വാർധക്യ സഹജമായ അസുഖങ്ങളെ തുടർന്ന് രണ്ട് വർഷത്തോള മായി അദ്ദേഹം ചികിത്സയിലായിരുന്നു.സ്വാമി പ്രകാശാനന്ദയുടെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു.

സാമൂഹ്യ സുരക്ഷാ മിഷൻ എക്സിക്യൂട്ടീവ് ഡയറക്ടർ ഡോ.മുഹമ്മദ് അഷീലിനെ മാറ്റി

L I V E |

തിരുവനന്തപുരം: സാമൂഹ്യ സുരക്ഷാ മിഷൻ എക്സിക്യൂട്ടീവ് ഡയറക്ടർ സ്ഥാനത്തു നിന്ന് ഡോ.മുഹമ്മദ് അഷീലിനെ മാറ്റി.

അഞ്ച് വർഷത്തെ കാലാവധി തീരാൻ ഒരു മാസം ബാക്കിയിരിക്കെയാണ് സ്ഥാന ചലനം.ഡോ.മുഹമ്മദ് അഷീലിന്റെ ആവശ്യപ്രകാരമാണ് മാറ്റിയതെന്നാണ് സൂചന.അദ്ദേഹം ആരോഗ്യ വകുപ്പിലേക്ക് തന്നെ മടങ്ങിയേക്കും.

സാമൂഹ്യ സുരക്ഷാ മിഷൻ എക്സിക്യൂട്ടീവ് ഡയറക്ടർ ചുമതല സാമൂഹ്യ സുരക്ഷാ മിഷൻ ഡയറക്ടർ ഷീബ ജോർജ് ഐ എ എസ്സിനാണ് നൽകിയത്.

കൊച്ചി നാവികസേന ആസ്ഥാനത്ത് സുരക്ഷാ ജീവനക്കാരൻ വെടിയേറ്റ് മരിച്ച നിലയിൽ

L A T E S T |

കൊച്ചി: നാവികസേനാ ആസ്ഥാനത്ത് സുരക്ഷാ ജീവനക്കാരനെ വെടിയേറ്റ് മരിച്ച നിലയിൽ കണ്ടെത്തി.

വാത്തുരുത്തി മേഖലയിൽ സുരക്ഷാ ജോലിയിലായിരുന്ന യു പി സ്വദേശി തുഷാർ അത്രിയെയാണ്(19) ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയത്.

ആത്മഹത്യയാണെന്നാണ് പോലീസ് നിഗമനമെങ്കിലും നാവിക സേനയുടെ പ്രത്യേക അന്വേഷണ സംഘം അന്വേഷിക്കും. ഇതുസംബന്ധിച്ച് നാവികസേനാ ഉത്തരവ് വന്നിട്ടുണ്ട്.

ഇന്ന് പുലർച്ചെയാണ് അത്രിയെ മരിച്ച നിലയിൽ കണ്ടെത്തിയത്.12 മുതൽ 2 വരെയായിരുന്നു ഇദ്ദേഹത്തിന് ജോലി.ഓരോ രണ്ട് മണിക്കൂറിലും ചാർജ് ചെയ്ത ബാറ്ററി ഡ്യൂട്ടിയിലുള്ളവർക്ക് നൽകാൻ പോകുന്ന ജീവനക്കാരനാണ് അത്രിയെ മരിച്ചുകിടക്കുന്നത് കണ്ടത്.

എ കെ 47 തോക്ക് സമീപത്തുണ്ടായിരുന്നു.മൃതദേഹം ഇൻക്വസ്റ്റ് നടപടികൾ പൂർത്തിയാക്കി കളമശ്ശേരി മെഡിക്കൽ കോളേജിലേക്ക് മാറ്റി.

ഉത്തർപ്രദേശ് അലിഗഡ് സ്വദേശിയായ അത്രി ഒന്നര വർഷമായി സുരക്ഷാ ജോലിയിലുണ്ട്.ഇദ്ദേഹത്തിന്റെ അമ്മയ്ക്ക് ഗുരുതരമായ അസുഖങ്ങൾ ഉണ്ടായിരുന്നുവെന്ന് പറയപ്പെടുന്നു.ഇതിന്റെ മനോ വിഷമത്തിലാകാം ആത്മഹത്യയെന്ന് പോലീസ് അറിയിച്ചു.

ജീവന് ഭീഷണിയുണ്ടെന്ന് കിറ്റെക്സ് എം ഡി സാബു ജേക്കബ്

BREAKING |ON AIR

കൊച്ചി: ജീവന് ഭീഷണിയുണ്ടെന്ന് കിറ്റെക്സ് കമ്പനി എം ഡി സാബു ജേക്കബ് പറഞ്ഞു.ചാനൽ ചർച്ചയിലാണ് അദ്ദേഹം ഇത് വ്യക്തമാക്കിയത്.

സംസ്ഥാനത്ത് നിക്ഷേപ സൗഹൃദ അന്തരീക്ഷം ഇല്ലാത്തതിനാൽ 3500 കോടിയുടെ പദ്ധതി തമിഴ്‌നാട്ടിലേക്ക് മാറ്റുന്നു എന്ന സാബു ജേക്കബിന്റെ പ്രസ്താവന വലിയ ചർച്ചകൾക്ക് വഴി വെച്ചിരുന്നു.

സംസ്ഥാനത്തെ വിവിധ വകുപ്പുകൾ നിരന്തരമായ ഔദ്യോഗിക ഇടപെടലുകളിലൂടെ ഉപദ്രവിക്കുന്നു എന്ന ആരോപണവും സാബു ജേക്കബ് ഉന്നയിച്ചിരുന്നു.

വ്യവസായമന്ത്രി പി രാജീവ് പ്രശ്നം പരിശോധിക്കാമെന്ന് ഉറപ്പ് നൽകിയിരുന്നു.എന്നാൽ ഉദ്യോഗസ്ഥ തലത്തിൽ ഉപദ്രവം തുടരുന്നതാ യും തന്റെ ജീവന് ഭീഷണി ഉണ്ട് എന്നും സാബു ജേക്കബ് പറഞ്ഞു.

ഇന്നലെ വൈകുന്നേരം പോലും നോട്ടീസ് നൽകി എന്നാണ് അദ്ദേഹം പറയുന്നത്.നിലവിൽ 75ലധികം നോട്ടീസ് കിറ്റെക്സ് കമ്പനിക്ക് ലഭിച്ചിട്ടുണ്ടെന്നും അദ്ദേഹം പറഞ്ഞു.

വ്യവസായ വകുപ്പിന്റെ ഒരു സംഘം പ്രശ്നങ്ങൾ പഠിക്കാനായി ശനിയാഴ്ച്ച കിറ്റെക്സ് സന്ദർശിച്ചിരുന്നു.കിറ്റെക്സിനെതിരെ നിരന്തരം നടത്തുന്ന ഔദ്യോഗിക ആക്രമണങ്ങൾക്കെതിരെ വ്യാപക പ്രതിഷേധം ഉയർന്നിട്ടുണ്ട്.

എം എ യൂസഫലി അടക്കമുള്ള നിരവധി പ്രമുഖർ കിറ്റെക്സ് കമ്പനിയോട് കേരളം വിട്ടുപോകരുത് എന്ന് അഭ്യർത്ഥിച്ചിട്ടുണ്ട്.

അമിതാഭ് ബച്ചന്റെ ബംഗ്ലാവിന്റെ ഒരു ഭാഗം മുംബൈ കോർപറേഷൻ പൊളിച്ചു നീക്കും

മുംബൈ: അമിതാഭ് ബച്ചന്റെ മുംബൈയിലെ ബംഗ്ലാവ് 'പ്രതീക്ഷ' യുടെ ഒരു ഭാഗം മുംബൈ മുനിസിപ്പൽ കോർപറേഷൻ പൊളിച്ചു നീക്കിയേക്കും.

2017ൽ നൽകിയ നോട്ടീസിന്റെ തുടർച്ചയായാണ് നടപടികൾ.റോഡ് വീതി കൂട്ടുന്നതുമായി ബന്ധപ്പെട്ടാണ് നോട്ടീസ് നൽകിയിരുന്നത്. അമിതാഭ് ബച്ചനും രാജ്‌കുമാർ ഹിറാനിയും ഉൾപ്പെടെ നിരവധി പേർക്ക് നോട്ടീസ് നൽകിയിരുന്നെങ്കിലും ബച്ചനെതിരെ നടപടി എടുക്കുന്നില്ലെന്ന് ആരോപിച്ച് കോൺഗ്രസ് കൗൺസിലർ തുലിപ് ബ്രയാൻ മിറാൻഡയാണ് പ്രശ്നം ഉന്നയിച്ചത്.

പ്രശ്നത്തിൽ മുനിസിപ്പൽ കോർപറേഷൻ നടപടിയെടുക്കുന്നില്ലെന്ന് മിറാൻഡ ആക്ഷേപം ഉന്നയിച്ച പശ്ചാത്തലത്തിലാണ് നടപടി യെന്നാണ് സൂചന.

2017ൽ നോട്ടീസ് നൽകിയ വിഷയത്തിൽ അമിതാഭ് ബച്ചന്റെ കാര്യത്തിൽ മാത്രം നടപടി എടുത്തില്ലെന്നും ഒരു സാധാരണക്കാരനായിരുന്നെങ്കിൽ ഇങ്ങനെ ഇളവുകൾ നൽകുമായിരുന്നോ എന്നാണ് മിറാൻഡ വാർത്താ ഏജൻസിയായ എ എൻ ഐ യോട് പറഞ്ഞത്.

ഐഷ സുൽത്താനക്കെതിരെയുള്ള രാജ്യദ്രോഹക്കേസ് റദ്ദാക്കാനാകില്ലെന്ന് ഹൈക്കോടതി

L I V E |

കൊച്ചി: ലക്ഷദ്വീപ് സ്വദേശിനി ഐഷ സുൽത്താനയ്‌ക്കെതിരെയുള്ള രാജ്യദ്രോഹക്കേസ് റദ്ദാക്കാനാകില്ലെന്ന് ഹൈക്കോടതി വ്യക്തമാക്കി.

രാജ്യദ്രോഹക്കേസ് ഒറ്റയടിക്ക് റദ്ദാക്കാനാകില്ലെന്നും ഹൈക്കോടതി പറഞ്ഞു.കേസ് അന്വേഷണത്തിന് കൂടുതൽ സമയം ആവശ്യമാണ്. അത് അന്വേഷക സംഘത്തിന് കൊടുക്കേണ്ടിവരും.

കേസിൽ അന്വേഷണ പുരോഗതി അറിയിക്കാൻ ലക്ഷദ്വീപ് ഭരണകൂടത്തിന് ഹൈക്കോടതി നിർദേശം നൽകി.

വർക്കല ബീച്ചിൽ വിദേശ വനിതകൾക്കെതിരെ ആക്രമണം

തിരുവനന്തപുരം: വർക്കല ബീച്ചിൽ വിദേശ വനിതകൾക്ക് നേരെ ലൈംഗികാതിക്രമവും നഗ്നത പ്രദർശനവും.യു കെ, ഫ്രാൻസ് എന്നിവിടങ്ങളിൽനിന്നുള്ള വിദേശ വനിതകൾക്കാണ് ദുരനുഭവം.

മദ്യ ലഹരിൽ എത്തിയ ഒരു സംഘമാണ് തങ്ങളെ ആക്രമിച്ചതെന്ന് വനിതകൾ പോലീസിൽ പരാതി നൽകി.തിങ്കളാഴ്ച്ച രാത്രിയാണ് സംഭവം.

രാത്രി കടൽ തീരത്ത് നടക്കാൻ ഇറങ്ങിയപ്പോഴായിരുന്നു സംഭവം.ഇതുസംബന്ധിച്ച് വിദേശ വനിതകൾ വർക്കല പോലീസിൽ പരാതി നൽകിയിട്ടുണ്ട്.ഇവർക്കൊപ്പം താമസിച്ചിരുന്ന മുംബൈ സ്വദേശിനിയായ യുവതിക്കും കഴിഞ്ഞ ദിവസം സമാന അനുഭവം ഉണ്ടായിരുന്നതായി ഇവർ പോലീസിനെ അറിയിച്ചിട്ടുണ്ട്. സംഭവത്തിൽ അന്വേഷണം തുടങ്ങിയതായി വർക്കല പോലീസ് അറിയിച്ചു.

സംസ്ഥാനത്ത് കോവിഡ് നിയന്ത്രണങ്ങൾ ഒരാഴ്ച കൂടി തുടരും: മുഖ്യമന്ത്രി

L I V E |ON AIR

തിരുവനന്തപുരം: സംസ്ഥാനത്ത് കോവിഡ് നിയന്ത്രണങ്ങൾ ഒരാഴ്ച്ച കൂടി തുടരുമെന്ന് മുഖ്യമന്ത്രി പിണറായി വിജയൻ അറിയിച്ചു.

ടെസ്റ്റ് പോസിറ്റിവിറ്റി നിരക്ക് പ്രതീക്ഷിച്ച തരത്തിൽ കുറയാത്തതാണ് നിയന്ത്രണങ്ങൾ കടുപ്പിക്കാൻ കാരണമെന്ന് അദ്ദേഹം പറഞ്ഞു. കോവിഡ് അവലോകന യോഗത്തിലെ തീരുമാനങ്ങൾ വാർത്താ സമ്മേളനത്തിൽ അറിയിക്കുകയായിരുന്നു അദ്ദേഹം.

രോഗ വ്യാപന തോത് കുറഞ്ഞിട്ടില്ലാത്ത കൂടുതൽ പ്രദേശങ്ങളിലേക്ക് കടുത്ത നിയന്ത്രണങ്ങൾ തുടരും.ടെസ്റ്റ് പോസിറ്റിവിറ്റി നിരക്ക് ഇന്നത്തെ കണക്കിലും കൂടുതലാണ്.പത്ത് ശതമാനത്തിലായിരുന്ന ടി പി ആർ ഇന്ന് 11 ശതമാനത്തിലേക് കടന്നു.

എക്കാലത്തും ലോക്ക് ഡൗൺ പ്രായോഗികമല്ല എന്ന യാഥാർഥ്യം തിരിച്ചറിയേണ്ടിയിരിക്കുന്നു.അത്കൊണ്ട് തന്നെ രോഗ വ്യാപനം കൂടിയ പ്രദേശങ്ങളിൽ കടുത്ത നിയന്ത്രണങ്ങൾ തുടരും.ടെസ്റ്റ് പോസിറ്റിവിറ്റി നിരക്ക് എബിസിഡി എന്നി സോണുകളായി തിരിച്ച് നിയന്ത്രണങ്ങൾ ഏർപ്പെടുത്തും.

നിയന്ത്രണങ്ങൾ ഒന്നും വേണ്ട എന്ന നിലപാടിലേക്ക് പോകാറായിട്ടില്ല. ബസുകളിൽ പരിധിയിൽ കൂടുതൽ യാത്രക്കാർ ഉണ്ടാകാൻ പാടില്ല. കോവിഡ് ബാധിച്ച് മരിക്കുന്നവരുടെ ബാങ്ക് വായ്പ്പകളിൽ ജപ്തി നടപടി പാടില്ലെന്ന് നിർദേശം നൽകിയിട്ടുണ്ട്.

ടൂറിസം മേഖലയിൽ പ്രവർത്തിക്കുന്നവർക്കും ആയുഷ്,ഹോമിയോ വിഭാഗത്തിലുള്ള ജീവനക്കാർക്കും വാക്‌സിനേഷൻ വേഗത്തിലാക്കും. നേരത്തെ നിർദേശിക്കപ്പെട്ട കോവിഡ് മാനദണ്ഡങ്ങൾ കൃത്യമായി പാലിക്കണം.

പൊതുസ്ഥലങ്ങളെക്കാൾ കൂടുതൽ സ്വകാര്യ സ്ഥലങ്ങളിൽ രോഗ വ്യാപനം കൂടുന്നതായി കണക്കുകൾ സൂചിപ്പിക്കുന്നുണ്ട്.അത്കൊണ്ട് തന്നെ പൊതു സ്ഥലത്തെ നിയന്ത്രണങ്ങൾ സ്വകാര്യ സ്ഥലങ്ങളിലും തുടരണം.റെയിൽവേ സ്റ്റേഷനിലും ചെക്ക് പോസ്റ്റുകളിലും പരിശോധന കർശനമാക്കും.

കോവിഡ് ബാധിച്ച് മരിക്കുന്നവരുടെ സംസ്ക്കാര പ്രോട്ടോക്കോളിലും മാറ്റം വരുത്തിയിട്ടുണ്ട്.മൃതദേഹം ഒരു മണിക്കൂറിൽ താഴെ വീട്ടിൽ വെക്കാം എന്നും തീരുമാനമായി.

രോഗ വ്യാപന തോത് കുറഞ്ഞില്ല എന്ന ബോധ്യം ഓരോരുത്തരിലും ഉണ്ടാകേണ്ടതാണെന്നും വാർഡ് തല ജാഗ്രത സമിതികൾ കോവിഡ് നിയന്ത്രണങ്ങളുടെയും ക്വാറന്റൈനിന്റെയും കാര്യത്തിൽ കൂടുതൽ ഉണർന്ന് പ്രവർത്തിക്കണമെന്നും മുഖ്യമന്ത്രി വാർത്താ സമ്മേളനത്തിൽ പറഞ്ഞു

കേന്ദ്രസർക്കാർ കടുത്ത നിലപാടെടുത്തു :തെറ്റായ ഭൂപടം ട്വിറ്റർ പേജിൽനിന്ന് നീക്കി

L I V E |

ന്യൂഡൽഹി: ഇന്ത്യയുടെ തെറ്റായ ഭൂപടം ട്വിറ്റർ നീക്കം ചെയ്തു. കേന്ദ്രസർക്കാർ നിലപാട് കടുപ്പിച്ചതോടെയാണ് ട്വിറ്റെർ തെറ്റായ ഭൂപടം നീക്കം ചെയ്തത്.ഇത് രണ്ടാം തവണയാണ് ട്വിറ്റർ ഇന്ത്യയുടെ ഭൂപടം തെറ്റായി പ്രസ്ദ്ധീകരിക്കുന്നത്.

ട്വിറ്റർ വെബ്സൈറ്റിലെ കരിയർ പേജിലാണ് ഇന്ത്യയുടെ തെറ്റായ ഭൂപടം പ്രത്യക്ഷപ്പെട്ടത്.കാശ്മീരും ലഡാക്കും ഇല്ലാതെയാണ് ഇന്ത്യയുടെ ഭൂപടം പ്രസിദ്ധീകരിച്ചത്.കാശ്മീരും ലഡാക്കും പ്രത്യക രാജ്യമായാണ് രേഖപ്പെടുത്തിയിരിക്കുന്നത്.

എന്നാൽ വിഷയത്തിൽ കേന്ദ്രസർക്കാർ കടുത്ത നിലപാടെടുത്തതോടെ യാണ് ട്വിറ്റർ തെറ്റായ ഭൂപടം പിൻവലിച്ചത്.പുതിയ ഐ ടി നിയമത്തിൽ ധിക്കാരപരമായ നിലപാടെടുക്കുന്ന ട്വിറ്ററിനെതിരെ കടുത്ത നടപടികളിലേക്ക് കേന്ദ്രസർക്കാർ പോകുമെന്ന സൂചന ലഭിച്ചതോടെയാണ് ഇത്.

കേവലം സമൂഹ മാധ്യമ കമ്പനിയായ ട്വിറ്റർ ഒരു രാജ്യത്തിൻറെ നിയമങ്ങളെ വെല്ലുവിളിച്ചുകൊണ്ട് നിരന്തരം ധിക്കാരപരമായ നിലപട് സ്വീകരിക്കുന്നതിനെതിരെ വ്യാപക പ്രതിഷേധവും ഉണ്ടായിരുന്നു.

https://twitter.com/PMuralidharRao/status/1409485491544616962

ട്വിറ്റർ ഇടക്കാല പരാതി പരിഹാര ഉദ്യോഗസ്ഥൻ രാജിവെച്ചു

ന്യൂഡൽഹി: പുതിയ ഐ ടി നിയമപ്രകാരം ട്വിറ്റർ അടുത്തിടെ ഇന്ത്യയിൽ നിയമിച്ച പരാതി പരിഹാര ഉദ്യോഗസ്ഥൻ സ്ഥാനമൊഴിഞ്ഞു.ട്വിറ്റർ ഔദ്യോഗികമായി ഇത് സ്ഥിരീകരിച്ചിട്ടില്ല.

ട്വിറ്ററിന്റെ ഇന്ത്യയിലെ ഇടക്കാല റെസിഡൻഷ്യൽ ഗ്രിവെൻസ് ഓഫീസർ ധർമേന്ദ്ര ചാതുറാണ് രാജിവെച്ചത്.ഇന്ത്യൻ ഐ ടി നിയമങ്ങളെ വെല്ലുവിളിക്കുന്ന സമീപനം സ്വീകരിക്കുന്ന ട്വിറ്ററിനെതിരെ കേന്ദ്രസർക്കാർ കടുത്ത നിലപാടിലേക്ക് നീങ്ങുന്ന പശ്ചാത്തലത്തിലാണ് രാജി എന്നത് ശ്രദ്ധേയമാണ്.

മെയ് 25 മുതൽ ഇന്ത്യയിൽ നിലവിൽ വന്ന ഐ ടി നിയമ പ്രകാരം ഉപഭോക്താക്കളിൽനിന്നടക്കം ലഭിക്കുന്ന പരാതികൾ പരിഹരിക്കുന്ന തിന് ഒരു സംവിധാനം വേണമെന്ന് നിഷ്കർഷിച്ചിരുന്നു.

സമൂഹമാധ്യമങ്ങൾക് ബാധകമായ നിയമത്തിൽ ട്വിറ്റർ മാത്രമാണ് ധിക്കാരപരമായ നിലപാടെടുത്തത്.ഇന്ത്യയിൽ 50 ലക്ഷത്തിലധികൾ ഉപഭോക്താക്കളുള്ള ട്വിറ്റർ പുതിയ ഐ ടി നിയമങ്ങൾ നടപ്പാക്കുന്നതിൽ അലംഭാവം കാട്ടിയത്.

പരാതി പരിഹാര ഉദ്യോഗസ്ഥൻ ഇന്ത്യയിൽ തന്നെ താമസിക്കുന്ന ആളായിരിക്കണം എന്നും ഐ ടി നിയമത്തിൽ നിബന്ധന ഉണ്ട്.ജൂൺ 5ന് ഉദ്യോഗസ്ഥ നിയമനം സംബന്ധിച്ച അന്ത്യശാസനം കേന്ദ്രസർക്കാർ നൽകിയപ്പോൾ മാത്രമാണ് ഉദ്യോഗസ്ഥനെ നിയമിക്കാൻ ഉദ്ദേശിക്കുന്നു വെന്ന് ട്വിറ്റർ മറുപടി നൽകിയത്.

തുടർന്നാണ് ധർമേന്ദ്ര ചതൂറിനെ ഇടക്കാലത്തേക്ക് നിയമിച്ചത്. എന്നാൽ അമേരിക്കലയിലെ വിലാസമാണ് സർക്കാരിന് നൽകിയത്. ഇതിന്റെ പശ്ചാത്തലത്തിൽ ട്വിറ്ററിന് ഇന്ത്യയിൽ നിയമ പരിരക്ഷ ലഭിക്കുന്നതിനുള്ള അവസരം നഷ്ടമായിരുന്നു.

പരിരക്ഷ നഷ്‌ടമായ സ്ഥിതിക്ക് നിയമ വിരുദ്ധമായ ഉള്ളടക്കം ആരെങ്കിലും പോസ്റ്റ് ചെയ്താൽ ഇന്ത്യൻ ശിക്ഷ നിയമപ്രകാരം ട്വിറ്ററിനെതിരെ കേസെടുക്കാൻ പറ്റും.ഉത്തർപ്രദേശിലെ ചില സംഭവങ്ങളുമായി ബന്ധപ്പെട്ട് ട്വിറ്ററിനെതിരേ ഇതിനകം നിയമ നടപടികൾ സ്വീകരിച്ചിട്ടുണ്ട്.

സംസ്ഥാനത്ത് ലോക്ക് ഡൗണിൽ കൂടുതൽ ഇളവുകളില്ല

L I V E |ON AIR
തിരുവനന്തപുരം: സംസ്ഥാനത്ത് ലോക്ക് ഡൗണിൽ കൂടുതൽ ഇളവുകളില്ല.നിലവിലുള്ള നിയന്ത്രണങ്ങളും വാരാന്ത്യ ലോക്ക് ഡൗണും തുടരും.

ടെസ്റ്റ് പോസിറ്റിവിറ്റി നിരക്ക് കുറയാത്തതിനാലാണ് കൂടുതൽ ഇളവുകൾ അനുവദിക്കാത്തത്.നിലവിൽ 10.66ശതമാനമാണ് സംസ്ഥാനത്തെ ടി പി ആർ. ടെസ്റ്റ് പോസിറ്റിവിറ്റി നിരക്കിൽ കുറവ് വന്നിട്ടില്ല എന്ന് മാത്രമല്ല പ്രതിദിന രോഗികളുടെ എന്നത്തിൽ കാര്യമായ കുറവ് സംഭവിച്ചിട്ടില്ല എന്നും യോഗം വിലയിരുത്തി.

കോവിഡ് അവലോകന യോഗത്തിലാണ് വിദഗ്ധ സമിതി തീരുമാനം. ടെസ്റ്റ് പോസിറ്റിവിറ്റി നിരക്ക് വിലയിരുത്തി വരും ദിവസങ്ങളിൽ ഇളവുകൾ പ്രഖ്യാപിച്ചേക്കും.കോവിഡ് അവലോകന യോഗം ചൊവ്വാഴ്ച്ചവീണ്ടും ചേരുന്നുണ്ട്.ടെസ്റ്റ് പോസിറ്റിവിറ്റി നിരക്ക് 5 ശതമാനത്തിൽ താഴെ എത്തിയാൽ മാത്രമേ കൂടുതൽ ഇളവുകൾ സംബന്ധിച്ച സർക്കാർ തീരുമാനം ഉണ്ടാകു.

ഞായറാഴ്ച്ച പ്രാർത്ഥനയ്ക്കായി കൂടുതൽ ഇളവ് വേണമെന്ന് ക്രൈസ്തവ സംഘടനകൾ ആവശ്യപ്പെട്ടിരുന്നെങ്കിലും വാരാന്ത്യ ലോക്ക് ഡൗൺ നിലനിൽക്കുന്നതിനാൽ അനുമതി ലഭ്യമായിട്ടില്ല.

നിയമസഭാ കയ്യാങ്കളി കേസ് പിൻവലിക്കാൻ സംസ്ഥാനം സുപ്രീം കോടതിയിൽ

L A T E S T |

ന്യൂഡൽഹി: നിയമസഭാ കയ്യാങ്കളി കേസ് പിൻവലിക്കാൻ സംസ്ഥാനം നൽകിയ ഹർജി സുപ്രീം കോടതിയിൽ.

ബാഹ്യ ഇടപെടലുകൾ ഇല്ലാതെ ഉത്തമ ബോധ്യത്തോടെയാണ് കേസ് പിൻവലിക്കുന്നത് സംബന്ധിച്ച ഹർജി നൽകുന്നതെന്ന് കേരളം സുപ്രീം കോടതിയിൽ നൽകിയ ഹർജിയിൽ വ്യക്തമാക്കി. സ്പീക്കറുടെ അനുമതി ഇല്ലാതെ നിയമസഭാ സെക്രട്ടറി നൽകിയ കേസ് നിലനിൽക്കില്ലെന്നും ഹർജിയിൽ പറയുന്നുണ്ട്. സംസ്ഥാനത്തിനു വേണ്ടി സ്റ്റാന്റിംഗ് കോൺസൽ ജനറൽ ജി പ്രകാശാണ് ഹർജി സമർപ്പിച്ചത്.

എന്നാൽ സംസ്ഥാനത്തിന്റെ ഹർജിയിൽ ഇടക്കാല ഉത്തരവ് പുറപ്പെടുവിക്കുന്നതിന് മുൻപ് തന്റെ വാദം കൂടി കേൾക്കണമെന്ന് കോൺഗ്രസ് നേതാവ് രമേശ് ചെന്നിത്തല സുപ്രീം കോടതിയിൽ തടസഹർജി നൽകി.നിയമസഭയുടെ അന്തസ് കെടുത്തുന്ന സംഭവത്തിൽ പൊതു മുതൽ നശിപ്പിച്ച കേസ് പിൻവലിക്കരുത് എന്നാണ് അഡ്വക്കേറ്റ് എം ആർ രമേശ് ബാബു മുഖേന നൽകിയ തടസ ഹർജിയിൽ പറയുന്നത്.

2015ൽ യു ഡി എഫ് ഭരണ കാലത്ത് ധനമന്ത്രിയായിരുന്ന കെ എം മാണി ബജറ്റ് അവതരിപ്പിക്കുന്നതിനിടയിലുണ്ടായ പ്രതിഷേധമാണ് കയ്യാങ്കളിയിലും പൊതു മുതൽ നശിപ്പിക്കലി ലും അവസാനിച്ചത്

എം സി ജോസഫൈൻ വനിതാ കമ്മീഷൻ അധ്യക്ഷ സ്ഥാനം രാജി വെച്ചു

BREAKING | LIVE

തിരുവനന്തപുരം: എം സി ജോസഫൈൻ വനിതാ കമ്മീഷൻ അധ്യക്ഷ സ്ഥാനം രാജി വെച്ചു.

തത്സമയ ചാനൽ ചർച്ചയിൽ പരാതിക്കാരിയോട് പരുഷമായി സംസാരിച്ച സംഭവത്തിൽ പാർട്ടി പിന്തുണ നഷ്ടപ്പെട്ട പശ്ചാത്തലത്തിലാണ് രാജി.

സി പി എം സംസ്ഥാന സെക്രെട്രിയേറ്റ് യോഗത്തിൽ എം സി ജോസഫൈനെതിരെ രൂക്ഷ വിമർശനം ഉയർന്നു.സെക്രെട്ടറിയേറ്റ് യോഗത്തിൽ നേതാക്കളാരും ജോസഫൈനെ പിന്തുണച്ചില്ല .വിഷയം വലിയ ചർച്ചയായ ഇന്നലെയും സി പി എം നേതാക്കളാരും വനിതാ കമ്മീഷൻ അധ്യക്ഷയെ പിന്തുണച്ചിരുന്നില്ല.

നിരവധി സംഭവങ്ങളിൽ വനിതാ കമ്മീഷൻ അധ്യക്ഷ എം സി ജോസഫൈൻ പരാതിക്കാരോട് ഇത്തരം പരുഷ സമീപനം സ്വീകരിച്ചതിനെതിരെ പരാതി ഉയർന്നിരുന്നു.

പതനം തിട്ടയിലെ വയോധികയുടെ ബന്ധുവിനെയടക്കം പരുഷമായ ഭാഷയിൽ ജോസഫൈൻ തട്ടിക്കേറിയ സംഭവത്തിലടക്കം അവരുടെ നിലപാടുകളോട് യോജിക്കാത്ത നിലപാടിലായിരുന്നു പാർട്ടി. കാലാവധി തീർക്കാൻ 8 മാസം ബാക്കിയിരിക്കെയാണ് പാർട്ടി തീരുമാനപ്രകാരം വനിത കമ്മീഷൻ അധ്യക്ഷ സ്ഥാനം രാജിവെച്ചത്.

എന്നാൽ “അനുഭവിച്ചോളു” എന്ന് പരാതിക്കാരിയോട് പറഞ്ഞത് ദുരുദ്ദേശത്തോടെയല്ലെന്നും സത്യസന്ധമായി പറഞ്ഞ കാര്യങ്ങൾ ദുർ വ്യാഖ്യാനം ചെയ്യുകയായിരുന്നു എന്നും എം സി ജോസഫൈൻ മാധ്യമങ്ങളോട് പറഞ്ഞു.

നിരവധി കോളുകൾ ദിവസേന വനിതാ കമ്മീഷനെ തേടി എത്തുന്നു എന്നും എല്ലായിടത്തും കമ്മീഷന് നേരിട്ട് എത്തിച്ചേരാൻ പറ്റാത്തതിനാലാണ് പോലീസിനെ ഏൽപ്പിക്കുന്നതെന്നും അവർ പറഞ്ഞിരുന്നു. പരാതി പ്രവാഹം കൊണ്ട് വനിത കമ്മീഷൻ പോലും കടുത്ത മാനസിക സമ്മർദ്ദങ്ങളിലൂടെയാണ് കടന്ന് പോകുന്നത്.

എന്തെങ്കിലും വാക്കോ വാചകമോ അടർത്തിയെടുത്ത് വനിതാ കമ്മീഷൻ പോലുള്ള സ്ഥപനങ്ങളെ കുറ്റം പറയുന്ന ശീലം മാറേണ്ടതാണെന്നും അവർ ഇന്നലെ പറഞ്ഞിരുന്നു.

വനിത കമ്മീഷൻ അധ്യക്ഷ എം സി ജോസഫൈനെതിരെ പ്രതിഷേധം

കൊല്ലം: വനിത കമ്മീഷൻ അധ്യക്ഷ എം സി ജോസഫൈൻ പരാതി പറയാൻ വിളിച്ച സ്ത്രീയോട് പരുഷമായ ഭാഷയിൽ സംസാരിച്ചെന്ന ആരോപണത്തിൽ വ്യാപക പ്രതിഷേധം.

എന്നാൽ താൻ അത്തരത്തിൽ പെരുമാറിയിട്ടില്ല എന്നാണ് എം സി ജോസഫൈൻ പറയുന്നത്.

തത്സമയ ചാനൽ ചർച്ചയ്ക്കിടെയാണ് വനിതാ കമ്മീഷൻ അധ്യക്ഷ പരാതിക്കാരിയോട് കയർത്തു സംസാരിച്ചത് എന്നാണ് ആക്ഷേപം. വനിത കമ്മീഷൻ അധ്യക്ഷ അപക്വമായി പെരുമാറി എന്നാക്ഷേപി ച്ചാണ് പ്രമുഖർ രംഗത്തിറങ്ങിയിട്ടുണ്ട്.

കെ പി സി സി അധ്യക്ഷൻ കെ സുധാകരൻ,കോൺഗ്രസ് നേതാവ് ബിന്ദു കൃഷ്ണ ,സിപിഎം നേതാവ് പി കെ ശ്രീമതി എന്നിവരാണ് വിമർശനവുമായി എത്തിയത്.

എന്നാൽ "അനുഭവിച്ചോളു" എന്ന് പരാതിക്കാരിയോട് പറഞ്ഞത് ദുരുദ്ദേശത്തോടെയല്ലെന്നും സത്യസന്ധമായി പറഞ്ഞ കാര്യങ്ങൾ ദുർ വ്യാഖ്യാനം ചെയ്യുകയായിരുന്നു എന്നും എം സി ജോസഫൈൻ മാധ്യമങ്ങളോട് പറഞ്ഞു.

നിരവധി കോളുകൾ ദിവസേന വനിതാ കമ്മീഷനെ തേടി എത്തുന്നു എന്നും എല്ലായിടത്തും കമ്മീഷന് നേരിട്ട് എത്തിച്ചേരാൻ പറ്റാത്തതിനാലാണ് പോലീസിനെ ഏൽപ്പിക്കുന്നതെന്നും അവർ പറഞ്ഞു. പരാതി പ്രവാഹം കൊണ്ട് വനിത കമ്മീഷൻ പോലും കടുത്ത മാനസിക സമ്മർദ്ദങ്ങളിലൂടെയാണ് കടന്ന് പോകുന്നത്.

എന്തെങ്കിലും വാക്കോ വാചകമോ അടർത്തിയെടുത്ത് വനിതാ കമ്മീഷൻ പോലുള്ള സ്ഥപനങ്ങളെ കുറ്റം പറയുന്ന ശീലം മാറേണ്ടതാണെന്നും അവർ പറഞ്ഞു.

സേലം ജില്ലയിൽ ചെക്ക് പോസ്റ്റിൽ കർഷകനെ പോലീസ് അടിച്ച് കൊന്നു

photo credit | lakshmi narayanan/the hindu

B R E A K I N G |

സേലം: സേലം ജില്ലയിലെ ചെക്ക് പോസ്റ്റിൽ തമിഴ്നാട് പോലീസ് 47 വയസുള്ള കർഷകനെ അടിച്ചു കൊന്നു.

എടയാപ്പട്ടി സ്വദേശി മുരുകേശനെയാണ് പോലീസ് ചെക്ക് പോസ്റ്റിൽ അടിച്ചു കൊന്നത്.സംഭവവുമായി ബന്ധപ്പെട്ട് ഒരു എസ് ഐ യെ സസ്‌പെൻഡ് ചെയ്തിട്ടുണ്ട്.

സേലം പോലീസ് സ്റ്റേഷൻ അതിർത്തിയിലെ പാപ്പിനായിക്കൻപട്ടി ചെക്‌പോസ്റ്റിൽ ഇന്നലെയാണ് ക്രൂരമായ സംഭവം അരങ്ങേറിയത്. വീട്ടിലേക്ക് സാധനങ്ങൾ വാങ്ങാൻ പോയ മുരുകേശനെ പോലീസ് മർദിക്കുകയായിരുന്നു.

വീട്ടുസാധനങ്ങൾ വാങ്ങാൻ പോയതാണ് എന്ന് പോലീസിനെ ബോധിപ്പിക്കാൻ ശ്രമിക്കുന്നതിനിടയിൽ ലാത്തികൊണ്ട് ക്രൂരമായി മർദ്ദിക്കുകയായിരുന്നു.ലാത്തിയടിയേറ്റ് മുരുകേശൻ നിലത്തു വീണതോടെയാണ് പോലീസ് അടി നിർത്തിയത്.

മുരുകേശന്റെ കൂടെയുണ്ടായിരുന്ന സുഹൃത്താണ് സംഭവം മൊബൈൽ വിഡിയോയിൽ പകർത്തിയത്.ഈ വീഡിയോ സമൂഹ മാധ്യമങ്ങളിൽ പ്രചരിച്ചതോടെയാണ് സംഭവം പുറം ലോകമറിഞ്ഞ ത്.

പോലീസിനെതിരെനടപടിയെടുക്കണമെന്നാവശ്യപ്പെട്ട് നാട്ടുകാർ പോലീസ് സ്റ്റേഷൻ ഉപരോധിച്ചതോടെ ഒരു എസ് ഐ യെ സസ്‌പെൻഡ് ചെയ്തിട്ടുണ്ട്.

സംഭവം നടക്കുമ്പോൾ മൂന്ന് പോലീസുകാർ ചെക്ക് പോസ്റ്റിൽ ഉണ്ടായിരുന്നു.മുരുകേശൻ മർദ്ദനമേറ്റ് ബോധമറ്റ് വീണതോടെ പോലീസുകാർ അവിടെനിന്ന് മാറിപ്പോവുകയായിരുന്നു.

ഉടൻ സുഹൃത്തുക്കളും നാട്ടുകാരും ചേർന്ന് തുമ്പൽ പ്രാഥമികാരോഗ്യ കേന്ദ്രത്തിലും, സ്ഥിതി ഗുരുതരമായതിനെ തുടർന്ന് ആറ്റൂർ ജില്ലാ ആശുപത്രിയിലേക്ക് മാറ്റുകയായിരുന്നു.

ബുധനാഴ്ച്ച രാവിലെ മുരുകേശന്റെ ആരോഗ്യനില അതീവ ഗുരുതരമായതിനെ തുടർന്ന് മോഹൻ കുമരമംഗലം മെഡിക്കൽ കോളേജ് ആശുപത്രിയിൽ പ്രവേശിപ്പിക്കുകയായിരുന്നു. അവിടെനിന്നാണ് മരണം സംഭവിച്ചത്.

മുരുകേശന്റെ മരണവാർത്ത ഗ്രാമത്തിൽ പരന്നതോടെ നാട്ടുകാർ യേതാപൂർ പോലീസ് സ്റ്റേഷൻ ഉപരോധിക്കുകയും പോലീസുകാർ ക്കെതിരെ നടപടിയെടുക്കണമെന്ന് ആവശ്യപ്പെടുകയും ചെയ്തിരുന്നു.

വൈകുന്നേരം 3 മണിക്ക് വീട്ടിൽ നിന്ന് സാധനങ്ങൾ വാങ്ങാനായാണ് മുരുകേശൻ പുറത്തേക്ക് പോയതെന്ന് അദ്ദേഹത്തിന്റെ ഭാര്യ അന്നക്കിളി മാധ്യമങ്ങളോട് പറഞ്ഞു.ഭാര്യയും രണ്ട് പെൺ കുട്ടികളും ഒരു ആൺകുട്ടിയുമടങ്ങുന്നതാണ് മരിച്ച മുരുകേശന്റെ കുടുംബം.

കഴിഞ്ഞ വർഷം ഇതേ മാസമാണ് തൂത്തുക്കുടി ജില്ലയിലെ സട്ടം കുളം പോലീസ് സ്റ്റേഷനിൽ കച്ചവടക്കാരനായ ജയരാജനെയും മകൻ ജെ ബെന്നക്സിനെയും പോലീസ് മർദ്ദിച്ച് കൊന്നത്.

അപകടത്തിൽപെട്ട വാഹനത്തിൽ ഈത്തപ്പഴവും,പാൽപ്പൊടിയും:രാമനാട്ട്കര അപകടത്തിൽ ദുരൂഹതയേറുന്നു

L A T E S T |

കോഴിക്കോട്: രാമനാട്ട്കരയിൽ അഞ്ചുപേരുടെ മരണത്തിനിടയാക്കിയ വാഹനാപകടത്തിൽ ദുരൂഹതയേറുന്നു.

കരിപ്പൂർ വിമാനത്താവളത്തിൽനിന്ന് സ്വർണ്ണം കൊണ്ടുപോകാനെ ത്തിയ കൊടുവള്ളി സംഘത്തെ പിന്തുടർന്നവരാണ് മരിച്ചതെന്ന് പോലീസ് പറയുന്നു.

എന്നാൽ ഇവരുടെ വാഹനത്തിൽ ദുരൂഹത ഉണ്ടാക്കി ഈത്തപ്പഴവും നിഡോ പാൽപ്പൊടിയും എങ്ങിനെ എത്തി എന്ന ചോദ്യം ബാക്കിയാവുകയാണ്.8 പേര് സംഭവവുമായി ബന്ധപ്പെട്ട് പോലീസ് കസ്റ്റഡിയിലാണ്.ഈ കേസിൽ പരാതിക്കാർ ആരുമില്ല.

മരിച്ച ക്വട്ടേഷൻ സംഘങ്ങൾ ലക്ഷ്യമിട്ട രണ്ട് കിലോയിലധികം സ്വർണ്ണം കസ്റ്റംസ് പിടിച്ചതോടെയാണ് ഇവരുടെ പദ്ധതി പാളിയതെന്ന് പോലീസ് സംശയിക്കുന്നു.സ്വർണ്ണത്തിനായി കൊടുവള്ളി സംഘത്തെ ആക്രമിച്ച ഈ സംഘവും ചെർപ്പുളശ്ശേരി സംഘവും സ്വർണ്ണം കസ്റ്റംസ് പിടിച്ചത് അറിഞ്ഞിരുന്നില്ല എന്നും പോലീസ് അനുമാനിക്കുന്നു.

കൊടുവള്ളി സംഘത്തെക്കുറിച്ച് നിലവിൽ വിവരങ്ങൾ ഒന്നുമില്ലാത്തതിനാൽ വേറെയും സ്വർണ്ണക്കടത്ത് നടന്നിട്ടുണ്ടോ എന്നും പോലീസ് അന്വേഷിക്കും.കഴിഞ്ഞദിവസം കരിപ്പൂർ വിമാനത്താവളത്തിൽനിന്നും 1.33 കോടി വിലമതിക്കുന്ന സ്വർണ്ണം എയർ ഇന്റലിജൻസ് പിടികൂടിയിരുന്നു.

സംഭവവുമായി ബന്ധപ്പെട്ട് മലപ്പുറം മൂർക്കനാട് സ്വദേശി മുഹമ്മദ് ഷഫീക്കി(23) നെതിരെ കേസെടുത്ത് കസ്റ്റഡിയിൽ വെച്ചിട്ടുണ്ട്. തിങ്കളാഴ്‌ച രാത്രി 2.30നാണ് ഇയാൾ കരിപ്പൂർ വിമാനത്താവളത്തിൽ ഇറങ്ങിയത്.ഈ സ്വർണ്ണം അന്വേഷിച്ചാണോ വിവിധ സംഘങ്ങൾ എത്തിയതെന്നും പോലീസ് അന്വേഷിക്കും.

രാജ്യദ്രോഹക്കേസിൽ ഐഷ സുൽത്താനയെ വീണ്ടും ചോദ്യം ചെയ്യും:പോലീസ് നോട്ടീസ് നൽകി

L I V E | ON AIR

കൊച്ചി:രാജ്യദ്രോഹക്കേസിൽ ഐഷ സുൽത്താനയെ വീണ്ടും ചോദ്യം ചെയ്യും.പോലീസ് നോട്ടീസ് നൽകി.കവരത്തി പോലീസ് ആസ്ഥാനത്ത് വ്യാഴാഴ്ച്ച ഹാജരാകാൻ അറിയിച്ചാണ് പോലീസ് നോട്ടീസ് നൽകിയത്.

കഴിഞ്ഞ ദിവസം കവരത്തി പോലീസ് ആസ്ഥാനത്ത് ഐഷ സുൽത്താനയെ ചോദ്യം ചെയ്തിരുന്നു.മൂന്ന് മണിക്കൂർ നീണ്ട ചോദ്യം ചെയ്യലിന് ശേഷം പോലീസ് വിട്ടയയ്ക്കുമ്പോൾ ലക്ഷദ്വീപ് വിട്ടുപോകരുതെന്ന് കർശന നിർദേശം നൽകിയിരുന്നു.

ഐഷ സുൽത്താന 20ന് പൊലീസിന് മുന്നിൽ ചോദ്യം ചെയ്യലിന് ഹാജരാകണമെന്ന് ഹൈക്കോടതി ഇടക്കാല ഉത്തരവിൽ നിർദേശിച്ചിരുന്നു. ഇതിന്റെ അടിസ്ഥാനത്തിൽ പോലീസ് അവരെ വിശദമായി ചോദ്യം ചെയ്തിരുന്നു. രാജ്യദ്രോഹക്കേസിൽ അറസ്റ്റിലാവുകയാണെങ്കിൽ ഇടക്കാല ജാമ്യം അനുവദിക്കാണ് ഹൈ കോടതി നിർദേശിച്ചിരുന്നു. 50000രൂപയുടെ രണ്ട് ആൾജാമ്യത്തിൽ വിട്ടയക്കണം.അറസ്റ്റ് ആവശ്യമെങ്കിൽ കോടതിയെ അറിയിക്കണം എന്നും ഹൈക്കോടതി വ്യക്തമാക്കിയിരുന്നു.

എന്നാൽ ആദ്യഘട്ട ചോദ്യം ചെയ്യലിൽ വ്യക്തത ലഭിക്കാത്ത ഉത്തരങ്ങൾ തേടിയാണ് പോലീസ് വീണ്ടും അവരെ വിളിപ്പിച്ചത് എന്നാണ് സൂചനകൾ.വ്യാഴാഴ്ചത്തെ ചോദ്യം ചെയ്യൽ തൃപ്തികരമല്ലെങ്കിൽ അറസ്റ്റ് അടക്കമുള്ള നടപടികളിലേക്ക് പോലീസ് കടന്നേക്കും.ഞായറാഴ്ചത്തെ ചോദ്യം ചെയ്യലിന് ഐഷ സുൽത്താന അഭിഭാഷകന്റെ സാന്നിധ്യത്തിലാണ് കവരത്തി പോലീസ് ആസ്ഥാനത്ത് എത്തിയത്.

തൃശൂർ മുള്ളൂർക്കരയിൽ ക്വാറിയിൽ വൻ സ്ഫോടനം :ഒരാൾ മരിച്ചു,5 പേർക്ക് ഗുരുതര പരിക്ക്

L I V E |

തൃശൂർ: തൃശൂർ മുള്ളൂക്കരയിലെ വാഴക്കോട് പ്രവർത്തനമില്ലാത്ത ക്വാറിയിലുണ്ടായ വൻ സ്ഫോടനത്തിൽ ഒരാൾ മരിച്ചു.5പേർക്ക് ഗുരുതര പരിക്ക്.

ക്വാറിയുടെ ഉടമയ്ക്കും പരിക്കേറ്റിട്ടുണ്ട്.ക്വാറി ഉടമയുടെ സഹോദരനായ നൗഷാദ് (45) എന്നയാളാണ് മരിച്ചത് എന്നാണ് ലഭ്യമാകുന്ന വിവരം.പരിക്കേറ്റവരെ തൃശ്ശൂർ മെഡിക്കൽ കോളേജ് ആശുപത്രിയിലേക്ക് മാറ്റി.അഗ്നി രക്ഷാ സേനയും പോലീസും സ്ഥലത്തേക്ക് തിരിച്ചിട്ടുണ്ട്.

ഒന്നര വർഷമായി പ്രവർത്തിക്കാത്ത ക്വാറിയിലാണ് സ്ഫോടനമുണ്ടായത്.സംഭവത്തിൽ ദുരൂഹതയുണ്ടെന്നാണ് സൂചന.

വൻ സ്ഫോടനം ഉണ്ടായതിനെ തുടർന്ന് സമീപത്തെ വീടുകളിലെ ആളുകൾ പരിഭ്രാന്തരായി പുറത്തേക്കോടി എന്ന് നാട്ടുകാർ പറഞ്ഞു.ഭൂചലനമാണ് എന്നാണ് ആദ്യം കരുതിയതെന്ന് നാട്ടുകാർ പറഞ്ഞു.തൃശ്ശൂരിലെ മാധ്യമ സ്ഥാപനങ്ങളിലേക്ക് മുള്ളൂക്കരയിൽ ഭൂചലനം ഉണ്ടായി എന്നറിയിച്ചുകൊണ്ടുള്ള കോളുകളാണ് വന്നത്.

കുന്നം കുളം ഡി വൈ എസ് പി യുടെ നേതൃത്വത്തിലുള്ള പോലീസ് സംഘം സ്ഥലത്തെത്തിയിട്ടുണ്ട്.തൃശൂർ ജില്ലാ കളക്ടറും അല്പസമയത്തിനകം സംഭവ സ്ഥലത്തെത്തും.

ലക്ഷദ്വീപ് അധികാര പരിധി കർണ്ണാടക ഹൈക്കോടതിലേക്ക് മാറ്റും എന്ന വാർത്ത അടിസ്ഥാനരഹിതമെന്ന് കലക്ടർ

കൊച്ചി: ലക്ഷദ്വീപ് അധികാര പരിധി കേരളത്തിൽനിന്ന് കർണ്ണാടക ഹൈക്കോടതിയിലേക്ക് മാറ്റിയേക്കുമെന്ന് പ്രചരിക്കുന്ന റിപോർട്ടുകൾ അടിസ്ഥാന രഹിതമാണെന്ന് ലക്ഷദ്വീപ് കലക്ടർ അസ്‌കർ അലി പറഞ്ഞു.

ഇതുസംബന്ധിച്ച് കേന്ദ്രസർക്കാരിന്റെ അനുമതി തേടി ലക്ഷദ്വീപ് ഭരണകൂടം ശുപാർശ ചെയ്തു എന്ന തരത്തിൽ പ്രചരിക്കുന്ന വാർത്തകൾ അടിസ്ഥാനരഹിതമാണ്.അത്തരത്തിൽ ഒരു തീരുമാനവും ലക്ഷദ്വീപ് ഭരണകൂടം എടുത്തിട്ടില്ലെന്നും അസ്‌കർ അലി പറഞ്ഞു.

കേന്ദ്രഭരണ പ്രദേശങ്ങൾ ഏത് ഹൈക്കോടതിയുടെ പരിധിയിലാണ് വരികയെന്ന് തീരുമാനിക്കുന്നത് പാർലമെന്റാണ്.നിലവിൽ ലക്ഷദ്വീപുമായി ബന്ധപ്പെട്ട നിയമ വ്യവഹാരങ്ങളെല്ലാം കേരളാ ഹൈക്കോടതിയിലാണ്.ഇത് കർണ്ണാടക ഹൈക്കോടതിയുടെ കീഴിലാക്കാനാണ് ദ്വീപ് ഭരണകൂടം ശുപാർശ ചെയ്തത് എന്നാണ് റിപോർട്ടുകൾ പ്രചരിച്ചത്.

ലക്ഷദ്വീപ് ഭരണ പരിഷ്കാരത്തിനെതിരെയുള്ള വിവിധ കേസുകളും ഹർജികളും കേരളാ ഹൈക്കോടതിയിലാണ്.എന്നാൽ കേന്ദ്രഭരണ പ്രദേശങ്ങളിലെ കോടതി മാറ്റം പാർലമെന്റ് തീരുമാനിക്കുന്ന നടപടിക്രമം സാധാരണം മാത്രമാണെന്നാണ് ലക്ഷദ്വീപ് ഭരണകൂടത്തിന്റെ അഭിപ്രായം.

എന്നാൽ ഇത്തരത്തിൽ പ്രചരിക്കുന്ന വാർത്തകൾ അടിസ്ഥാന രഹിതമാണെന്ന് ലക്ഷദ്വീപ് കളക്ടർ അസ്‌കർ അലി അറിയിച്ചു.

രാജ്യദ്രോഹക്കേസിൽ ഐഷ സുൽത്താനയെ ഇന്ന് ചോദ്യം ചെയ്യും

L A T E S T |

കൊച്ചി: ലക്ഷദ്വീപ് സ്വദേശിനി ഐഷ സുൽത്താനയെ ഇന്ന് കവരത്തി പോലീസ് ചോദ്യം ചെയ്യും.രാജ്യദ്രോഹ പരാമർശത്തിലാണ് ചോദ്യം ചെയ്യൽ.

ഐഷ സുൽത്താന 20ന് പൊലീസിന് മുന്നിൽ ചോദ്യം ചെയ്യലിന് ഹാജരാകണമെന്ന് ഹൈക്കോടതി ഇടക്കാല ഉത്തരവിൽ നിർദേശിച്ചിരുന്നു.

രാജ്യദ്രോഹക്കേസിൽ അറസ്റ്റിലാവുകയാണെങ്കിൽ ഇടക്കാല ജാമ്യം അനുവദിക്കാനും കോടതി നിർദേശിച്ചിട്ടുണ്ട്.50000രൂപയുടെ രണ്ട് ആൾജാമ്യത്തിൽ വിട്ടയക്കണം.അറസ്റ്റ് ആവശ്യമെങ്കിൽ കോടതിയെ അറിയിക്കണം.

തന്റെ ഭാഗത്തു നിന്നുണ്ടായ തെറ്റ് ആവേശത്തിൽ സംഭവിച്ചു പോയതാണെന്ന് ഐഷ കോടതിയിൽ ബോധിപ്പിരുന്നു. ചോദ്യം ചെയ്യലിന് ഹാജരാകാൻ തയ്യാറാണെന്നും ഐഷ സുൽത്താനയുടെ
അഭിഭാഷകൻ കോടതിയെ അറിയിച്ചിരുന്നു .വിദ്വേഷമുണ്ടാക്കാൻ ശ്രമിച്ചിട്ടില്ലെന്നും രാജ്യദ്രോഹകുറ്റം നിലനിൽക്കില്ലെന്നും അഭിഭാഷകൻ കോടതിയിൽ വ്യക്തമാക്കിയിരുന്നു.

എന്നാൽ മുൻകൂർ ജാമ്യാപേക്ഷയെ ഹൈക്കോടതിയിൽ എതിർത്ത കേന്ദ്രസർക്കാർ ഐഷയുടെ “ബയോ വെപ്പൺ” പരാമർശം വിഘടന ചിന്തയും വിഭാഗീയത ഉണ്ടാക്കുന്നതുമാണെന്നും നടപടികളുമായി മുന്നോട്ട് പോകണമെന്നും വാദിച്ചു.

പരാമർശം നടത്തി ചാനലുകളിലും സമൂഹ മാധ്യമങ്ങളിലും മാപ്പ് പറഞ്ഞതിൽ കാര്യമില്ലെന്നും ജാമ്യ ഹർജിയെ എതിർത്തുകൊണ്ട് കേന്ദ്രസർക്കാർ കോടതിയിൽ വാദിച്ചു.

photo | opindia.com

സ്ഥാനങ്ങളില്ലെങ്കിലും പാർട്ടിയിൽ പ്രവർത്തിക്കും:പൂർണ്ണ സംതൃപ്തനെന്ന് ചെന്നിത്തല

ന്യൂഡൽഹി : സ്ഥാനമാനങ്ങളില്ലെങ്കിലും പാർട്ടിയിൽ പ്രവർത്തിക്കുമെന്നും താൻ പൂർണ സംതൃപ്തനാണെന്നും രാഹുൽ ഗാന്ധിയുമായുള്ള കൂടിക്കാഴ്ചയ്ക്ക് ശേഷം രമേശ് ചെന്നിത്തല പറഞ്ഞു.

പാർലമെന്ററി പാർട്ടി തിരഞ്ഞെടുപ്പുമായി ബന്ധപ്പെട്ട് ചില ആശങ്കകൾ താനും ഉമ്മൻചാണ്ടിയും പ്രകടിപ്പിച്ചിരുന്നു എന്നും അത് രാഹുൽ ഗാന്ധിയുമായി സംസാരിച്ചു എന്നും തിരഞ്ഞെടുപ്പ് പരാജയത്തിന്റെ കരണങ്ങൾ സംബന്ധിച്ചും ചർച്ച ചെയ്‌തെന്നും രമേശ് ചെന്നിത്തല പറഞ്ഞു.

എന്നും കോൺഗ്രസ് ഹൈ കമാൻഡുമായി ചേർന്ന് നിന്നിട്ടുണ്ട് താനും ഉമ്മൻ ചാണ്ടിയുമെന്നും കോൺഗ്രസ് എടുക്കുന്ന ഏത് തീരുമാനത്തെയും അംഗീകരിക്കുകയും അതിനനുസരിച്ച് പ്രവർത്തിക്കുകയും ചെയ്തിട്ടുള്ളവരാണ് ഞങ്ങൾ എന്നും ചെന്നിത്തല പറഞ്ഞു.

അത് നാളെയും അങ്ങിനെത്തന്നെയായിരിക്കും.സോണിയാഗാന്ധി എടുക്കുന്ന ഏത് തീരുമാനത്തിലും കോൺഗ്രസിന് ഒപ്പം ഉണ്ടാകുമെന്നും ചെന്നിത്തല പറഞ്ഞു.

രാഹുൽ ഗാന്ധിയോട് മനസിലുള്ളതെലാം തുറന്നു പറഞ്ഞപ്പോൾ മനസിന് ആശ്വാസമായി.എ ഐ സി സി ജനറൽ സെക്രെട്ടറിയാകുന്നത് സംബന്ധിച്ച് രാഹുൽ ഗാന്ധി ഒന്നും പറഞ്ഞിട്ടില്ലെന്നും ഒരു സ്ഥാനവും ഇല്ലെങ്കിലും സോണിയയുടെയും രാഹുലിന്റെയും നേതൃത്വത്തിൽ സാധാരണ പ്രവർത്തകനായി നിലകൊള്ളുമെന്നും പ്രഥമ പരിഗണന കേരളത്തിൽ പ്രവർത്തിക്കുന്നതിനായിരിക്കുമെന്നും ചെന്നിത്തല പറഞ്ഞു.

ട്വിറ്റർ ഇന്ത്യ മേധാവിക്ക് പൊലീസിന് മുന്നിൽ ഹാജരാകാൻ നോട്ടീസ്

L I V E |

ന്യൂഡൽഹി: ട്വിറ്റർ ഇന്ത്യ മേധാവിക്ക് പോലീസിൽ ഹാജരാകാൻ നോട്ടീസ്.ഉത്തർ പ്രദേശിലെ ഗാസിയാബാദിലുണ്ടായ സംഭവത്തിൽ വ്യാജ വീഡിയോ പ്രചരിപ്പിച്ച കേസിലാണ് നോട്ടീസ്.

ഏഴ് ദിവസത്തിനകം ഉത്തർ പ്രദേശിലെ ലോണി ബോർഡർ പോലീസ് സ്റ്റേഷനിൽ ആവശ്യമായ രേഖകളുമായി ഹാജരാകാനാണ് ട്വിറ്റർ ഇന്ത്യ മാനേജിങ് ഡയറക്ടർ മനീഷ് മഹേശ്വരിക്ക് നോട്ടീസ് നൽകിയിരിക്കുന്നത്.

ഉത്തർപ്രദേശിലെ ഗാസിയാബാദിലുണ്ടായ ഒരു സംഭവവുമായി ബന്ധപ്പെട്ട് തെറ്റിദ്ധരിപ്പിക്കുന്ന ഉള്ളടക്കമുള്ള വീഡിയോ ട്വീറ്റുകൾ പ്രചരിച്ചപ്പോൾ അത് പിൻവലിക്കാനായി ട്വിറ്റർ തയ്യാറായില്ല എന്നാണ് കേസ്.

കേന്ദ്രസർക്കാരിന്റെ പുതിയ ഐ ടി നിയമം നടപ്പാക്കുന്നതിൽ ധിക്കാരപരമായ നിലപാടുകൾ സ്വീകരിക്കുന്ന ട്വിറ്ററിന് ഇന്ത്യയിൽ ലഭ്യമായിരുന്ന നിയമ പരിരക്ഷ നഷ്ടമായതായ പശ്ചാത്തലത്തിൽ യു പി സർക്കാർ നടപടികൾക്ക് ഏറെ പ്രാധാന്യമുണ്ട്.

പുതിയ ഐ ടി നിയമമനുസരിച്ച് ഇന്ത്യയിൽ സ്റ്റാറ്റ്യുട്ടറി ഓഫീസറെ നിയമിക്കാത്തതിനെത്തുടർന്നാണ് നിയമ പരിരക്ഷ നഷ്ടമായത്.

ട്വിറ്ററിനെതിരെ ഉത്തർപ്രദേശിൽ ഫയൽ ചെയ്ത കേസിൽ ഐ ടി മന്ത്രാലയം ഇത് വ്യക്തമാക്കിയതായാണ് റിപോർട്ടുകൾ.ജൂൺ 5ന് ഗാസിയാബാദിലുണ്ടായ ഒരു സംഭവവുമായി ബന്ധപ്പെട്ട് തെറ്റിദ്ധരിപ്പിക്കുന്ന ഉള്ളടക്കമുള്ള ട്വീറ്റുകൾ പ്രചരിച്ചപ്പോൾ അത് പിൻവലിക്കാനായി ട്വിറ്റർ തയ്യാറായില്ല എന്നാണ് കേസ്.

ഗാസിയാബാദിൽ നടന്ന സംഭവത്തിന്റെ യാഥാർഥ്യമറിയാതെയാണ് വിദ്വേഷം പ്രചരിപ്പിക്കുന്ന ട്വീറ്റുകൾ പ്രചരിച്ചതെന്ന് പോലീസ് പറഞ്ഞു. ഇതാണ് പിൻവലിക്കാൻ ആവശ്യപ്പെട്ടത്.

ഇന്ത്യയിലെ നിയമ പരിരക്ഷ നഷ്ടപ്പെട്ടതിനാൽ ഗാസിയാബാദ് സംഭവത്തിന്റെ വീഡിയോ പ്രചരിപ്പിപ്പിച്ചതിലടക്കം ട്വിറ്റർ നിയമ നടപടി നേരിടേണ്ടിവരും.ഇന്ത്യൻ ഐ ടി നിയമം അനുശാസിക്കുന്ന നിയമ പരിരക്ഷ നഷ്ടപ്പെട്ട ഏക അമേരിക്കൻ കമ്പനി എന്ന നിലയിൽ കമ്പനിയുടെ ഇന്ത്യയിലെ ഉന്നത ഉദ്യോഗസ്ഥർക്കെതിരെ ചോദ്യം ചെയ്യാനും നിയമനടപടികൾ സ്വീകരിക്കാനും സാധിക്കും.

പുതിയ ഐ ടി ചട്ടത്തിന്റെ അടിസ്ഥാനത്തിൽ ഇന്ത്യയിൽ പുതിയ ഉദ്യോഗസ്ഥനെ നിയമിക്കാൻ എല്ലാ കമ്പനികൾക്കും മെയ് 25 വരെ സമയം നൽകിയിരുന്നു.ചില കമ്പനികൾ കോവിഡ് പശ്ചാത്തലത്തിൽ ഇതിന് സാവകാശം ചോദിച്ചിരുന്നു.

എന്നാൽ ട്വിറ്റർ ധിക്കാരപരമായ നിലപാടുകൾ സ്വീകരിച്ച് ഇത് അനുസരിച്ചില്ല.നിയമ പരിരക്ഷ നഷ്ടപ്പെടും എന്നത് സംബന്ധിച്ച അവസാന അന്ത്യശാസനം ജൂൺ അഞ്ചിന് അവസാനിച്ചിട്ടും ട്വിറ്റർ നിയമങ്ങൾ അനുസരിക്കാൻ തയ്യാറായില്ല.

കേവലം സമൂഹ മാധ്യമ കമ്പനി മാത്രമായ ട്വിറ്ററിന്റെ ഇന്ത്യൻ നിയമങ്ങളോടുള്ള സമീപനം വിശ്വസിക്കാൻ സാധിക്കാത്തതും വിചിത്രവുമാണെന്ന് കേന്ദ്ര ഇലക്ട്രോണിക്സ്-ഐ ടി മന്ത്രാലയം വ്യക്തമാക്കി.

http://www.jginews.in/twiter-not-ready-to-obey-the-new-indian-it-rule-and-company-may-not-get-the-legal-support-from-india/

ട്വിറ്ററിന് ഇനി ഇന്ത്യയിൽ നിയമ പരിരക്ഷയില്ല:നിയമ വിരുദ്ധ ട്വീറ്റുകൾക്ക് ഉത്തരവാദിത്തം ഏൽക്കണം

ന്യൂഡൽഹി: കേന്ദ്രസർക്കാരിന്റെ പുതിയ ഐ ടി നിയമം നടപ്പാക്കാൻ അലംഭാവം കാട്ടിയ ട്വിറ്ററിന് ഇന്ത്യയിൽ ലഭ്യമായിരുന്ന നിയമ പരിരക്ഷ നഷ്ടമായതായി സൂചന.

പുതിയ ഐ ടി നിയമമനുസരിച്ച് ഇന്ത്യയിൽ സ്റ്റാറ്റ്യുട്ടറി ഓഫീസറെ നിയമിക്കാത്തതിനെത്തുടർന്നാണിത്.

ട്വിറ്ററിനെതിരെ ഉത്തർപ്രദേശിൽ ഫയൽ ചെയ്ത കേസിൽ ഐ ടി മന്ത്രാലയം ഇത് വ്യക്തമാക്കിയതായാണ് റിപോർട്ടുകൾ.ജൂൺ 5ന് ഗാസിയാബാദിലുണ്ടായ ഒരു സംഭവവുമായി ബന്ധപ്പെട്ട് തെറ്റിദ്ധരിപ്പിക്കുന്ന ഉള്ളടക്കമുള്ള ട്വീറ്റുകൾ പ്രചരിച്ചപ്പോൾ അത് പിൻവലിക്കാനായി ട്വിറ്റർ തയ്യാറായില്ല എന്നാണ് കേസ്.

ഗാസിയാബാദിൽ നടന്ന സംഭവത്തിന്റെ യാഥാർഥ്യമറിയാതെയാണ് വിദ്വേഷം പ്രചരിപ്പിക്കുന്ന ട്വീറ്റുകൾ പ്രചരിച്ചതെന്ന് പോലീസ് പറഞ്ഞു. ഇതാണ് പിൻവലിക്കാൻ ആവശ്യപ്പെട്ടത്.

ഇന്ത്യയിലെ നിയമ പരിരക്ഷ നഷ്ടപ്പെട്ടതിനാൽ ഗാസിയാബാദ് സംഭവത്തിന്റെ വീഡിയോ പ്രചരിപ്പിപ്പിച്ചതിലടക്കം ട്വിറ്റർ നിയമ നടപടി നേരിടേണ്ടിവരും.ഇന്ത്യൻ ഐ ടി നിയമം അനുശാസിക്കുന്ന നിയമ പരിരക്ഷ നഷ്ടപ്പെട്ട ഏക അമേരിക്കൻ കമ്പനി എന്ന നിലയിൽ കമ്പനിയുടെ ഇന്ത്യയിലെ ഉന്നത ഉദ്യോഗസ്ഥർക്കെതിരെ ചോദ്യം ചെയ്യാനും നിയമനടപടികൾ സ്വീകരിക്കാനും സാധിക്കും.

പുതിയ ഐ ടി ചട്ടത്തിന്റെ അടിസ്ഥാനത്തിൽ ഇന്ത്യയിൽ പുതിയ ഉദ്യോഗസ്ഥനെ നിയമിക്കാൻ എല്ലാ കമ്പനികൾക്കും മെയ് 25 വരെ സമയം നൽകിയിരുന്നു.ചില കമ്പനികൾ കോവിഡ് പശ്ചാത്തലത്തിൽ ഇതിന് സാവകാശം ചോദിച്ചിരുന്നു.

എന്നാൽ ട്വിറ്റർ ധിക്കാരപരമായ നിലപാടുകൾ സ്വീകരിച്ച് ഇത് അനുസരിച്ചില്ല.നിയമ പരിരക്ഷ നഷ്ടപ്പെടും എന്നത് സംബന്ധിച്ച അവസാന അന്ത്യശാസനം ജൂൺ അഞ്ചിന് അവസാനിച്ചിട്ടും ട്വിറ്റർ നിയമങ്ങൾ അനുസരിക്കാൻ തയ്യാറായില്ല.

കേവലം സമൂഹ മാധ്യമ കമ്പനി മാത്രമായ ട്വിറ്ററിന്റെ ഇന്ത്യൻ നിയമങ്ങളോടുള്ള സമീപനം വിശ്വസിക്കാൻ സാധിക്കാത്തതും വിചിത്രവുമാണെന്ന് കേന്ദ്ര ഇലക്ട്രോണിക്സ്-ഐ ടി മന്ത്രാലയം വ്യക്തമാക്കി.

യുവതിയെ പത്ത് വർഷം പൂട്ടിയിട്ട സംഭവത്തിന് പോലീസിന്റെ ക്ലീൻ ചീട്ട്

| കാമുകി,കാമുകൻ,പ്രണയം എന്നിങ്ങനെയുള്ള നിസാര പദങ്ങളിലൂടെ സംഭവത്തിന്റെ ഗൗരവം കുറച്ചു കാട്ടാനുള്ള ചില മാധ്യമങ്ങളുടെ ശ്രമം പൗര ബോധമുള്ള സമൂഹത്തിന് യോജിച്ചതല്ലെന്ന് കമ്മിഷൻ വിലയിരുത്തി.... |

L A T E S T |

നെന്മാറ(പാലക്കാട്) : യുവതിയെ പത്ത് വർഷം പൂട്ടിയിട്ട സംഭവത്തിൽ നെന്മാറ പോലീസിന്റെ ക്ലീൻ ചീട്ട്.സംസ്ഥാന വനിതാ കമ്മീഷനും യുവജന കമ്മീഷനും സംഭവത്തിൽ അടിയന്തിര റിപ്പോർട്ട് തേടിയ പശ്ചാത്തലത്തിൽ തയ്യാറാക്കിയ റിപ്പോർട്ടിലാണ് സംഭവത്തിൽ അസ്വാഭാവികതകൾ ഇല്ലെന്ന് പോലീസ് പറയുന്നത്.

വനിതാ കമ്മീഷൻ ആവശ്യപ്പെട്ട റിപ്പോർട്ടിലാണ് സംഭവത്തിൽ ദുരൂഹത ഇല്ലെന്ന് പോലീസ് റിപ്പോർട്ട്.റഹ്മാന്റേയും സജിതയുടെയും മൊഴിയെടുത്തതിന്റെ പശ്ചാത്തലത്തിലാണ് റിപ്പോർട്ട് എന്നാണ് പോലീസ് പറയുന്നത്.

ഞെട്ടിപ്പിച്ച സംഭവത്തിന് പോലീസ് ക്ലീൻ ചീട്ട് നൽകിയെങ്കിലും റഹ്മാന്റെ മാതാപിതാക്കൾ സംഭവത്തിൽ ഇപ്പോഴും ദുരൂഹത ഉണ്ടെന്ന് പറയുന്നു.റഹ്മാന്റെ പിതാവ് ,സജിത അവിടെ താമസിച്ചിട്ടില്ല എന്ന് പറയുമ്പോഴും അദ്ദേഹത്തിന്റെ മൊഴി പോലീസ് മുഖവിലയ്‌ക്കെടുക്കുന്നില്ല എന്നത് ശ്രദ്ധേയമാണ്.

അതേസമയം വനിതാ കമ്മിഷൻ ഇവരുടെ വീട്ടിലെത്തി ഇന്ന് മൊഴിയെടുക്കും.യുവതിയെ പത്ത് വർഷം പൂട്ടിയിട്ടത് കടുത്ത മനുഷ്യാവകാശ ലംഘനം തന്നെയാണെന്നാണ് വനിതാ കമ്മീഷൻ നിലപാട്.

പുറം ലോകവുമായി ബന്ധമില്ലാതെ പത്ത് വർഷം കഴിയേണ്ടി വന്ന യുവതിയുടെ ശാരീരിക മാനസികാവസ്ഥയും പരിശോധിക്കപ്പെടേണ്ട താണെന്ന് വിദഗ്ധർ അഭിപ്രായപ്പെട്ടിട്ടുണ്ട്. പ്രത്യക്ഷത്തിൽ തന്നെ യുവതിയുടെ ആരോഗ്യം പോഷകാഹാര കുറവുള്ളതിന്റെ ലക്ഷണങ്ങൾ കാണിക്കുന്നുണ്ട് എന്നും പറയപ്പെടുന്നു.ഇവർക്ക് കൗൺ സിലിങ് അടക്കമുള്ള സഹായങ്ങൾ വേണ്ടിവരും സാധാരണ നിലയിലേക്ക് എത്തിക്കാൻ എന്നും വിദഗ്ധർ പറയുന്നു.

വാതിലിൽ വൈദ്യുതി കടത്തിവിട്ട് പുറത്തിറങ്ങാൻ അനുവദിക്കാതെ പുരുഷന്റെ ആവശ്യങ്ങൾ മാത്രം നിറവേറ്റാൻ വിധിക്കപ്പെട്ട അടിമയായ സ്ത്രീയുടെ ഗതികേടാണ് സംഭവമെന്ന് കമ്മീഷൻ വിലയിരുത്തിയിട്ടുണ്ട്.

കാമുകി,കാമുകൻ,പ്രണയം എന്നിങ്ങനെയുള്ള നിസാര പദങ്ങളിലൂടെ സംഭവത്തിന്റെ ഗൗരവം കുറച്ചു കാട്ടാനുള്ള ചില മാധ്യമങ്ങളുടെ ശ്രമം പൗര ബോധമുള്ള സമൂഹത്തിന് യോജിച്ചതല്ലെന്ന് കമ്മിഷൻ വിലയിരുത്തി.

photo credit | nie.com

ജോലിയോ വരുമാനമോ ഇല്ലാതെ എച് ഐ വി ബാധിത കുടുംബം ദുരിതത്തിൽ

പ്രതീകാത്മക ചിത്രം photo | unicef.org

കേളകം(കണ്ണൂർ ) : എച് ഐ വി ബാധിതയുടെ കുടുംബം ജോലിയോ വരുമാനമോ ഇല്ലാത്ത ദുരിതത്തിൽ.

കണ്ണൂർ കേളകം കൊട്ടിയൂരിലെ വീട്ടമ്മയും മക്കളുമാണ് ദുരിതമനുഭവിക്കുന്നത്.18 കൊല്ലമായി ദുരിതമനുഭവിക്കുകയാണെന്ന് വീട്ടമ്മ പറഞ്ഞു.പലവിധ അവഗണനകൾ നേരിട്ട് ജീവിതം വഴിമുട്ടിയെന്നും അവർ പറയുന്നു.കോവിഡ് കാലമായതോടെ ദുരിതം ഇരട്ടിയായി.

18 വർഷം മുൻപ് എയ്ഡ്സ് ബാധിച്ച് മരിച്ച മരിച്ച ഷാജിയുടെ കുടുംബത്തിന്റെ ദുരിത കഥ ശ്രദ്ധേയമായിരുന്നു.അവരുടെ മക്കൾക്ക് വിദ്യാഭ്യാസം നിഷേധിച്ചതോടെയായിരുന്നു വാർത്ത അന്ന് പുറം ലോകമറിഞ്ഞത്.എന്നാൽ കാലം മറന്ന ഈ കുടുംബത്തിന്റെ കഥ ഇപ്പോഴും ദുരിതത്തിൽ തുടരുന്നു.

അവരുടെ രണ്ട് മക്കളും ബിരുദ പഠനം പൂർത്തിയാക്കിയെങ്കിലും വിദ്യാഭ്യാസ കാലത്ത് ഉടനീളം അവഗണന എല്ലാ തരത്തിലും നേരിടേണ്ടി വന്നു .സർക്കാരിന്റെ ഭാഗത്തുനിന്ന് ഒരു സഹായവും ലഭിച്ചിട്ടില്ലെന്ന് മകൾ പറഞ്ഞു.ഹോസ്റ്റലിൽ പഠിക്കുമ്പോൾ പോലും അവഗണന നന്നായി നേരിട്ടു എന്ന് ഇവരുടെ മക്കൾ പറയുന്നു.മനുഷ്യ സ്നേഹികൾ ആരെങ്കിലും വല്ലപ്പോഴും അയച്ചു കൊടുക്കുന്ന ചെറിയ വരുമാനം കൊണ്ടാണ് ഇവർ ജീവിക്കുന്നത്.

എച് ഐ വി ബാധിതയെ സ്വീകരിക്കാനുള്ള വിമുഖത നിറഞ്ഞ സമൂഹത്തിന്റെ മനസ് കാരണം പണി ഒന്നും ഇല്ല.

കോവിഡ് കാലത്ത് ഇവരുടെ ദുരിതം വീണ്ടും വാർത്തയായതോടെ വിവിധ കേന്ദ്രങ്ങളിൽനിന്ന് സഹായ വാഗ്ദാനം വന്നിട്ടുണ്ട്.എ ഡി ജി പി എസ് ശ്രീജിത്തിന്റെ നിർദേശപ്രകാരം കേളകം ജനമൈത്രി പോലീസ് ഇവരുടെ വീട്ടിലെത്തി സഹായങ്ങൾ വാഗ്ദാനം ചെയ്തിട്ടുണ്ട്.മന്ത്രി ആർ ബിന്ദുവും ഇവരുടെ കാര്യങ്ങളിൽ ഇടപെടുമെന്ന് അറിയിച്ചിട്ടുണ്ട്.

എന്നാൽ ഓരോ തവണയും ഇവരുടെ ദുരിത കഥ വർത്തയാകുമ്പോൾ സർക്കാർ സംവിധാനങ്ങളടക്കം പലരും സഹായങ്ങൾ വാഗ്ദാനം ചെയ്ത് വാർത്തകളിൽ ഇടം നേടാൻ വരാറുണ്ടെന്നും വർത്തകളോടൊപ്പം ഇവരെയും വിസ്മരിക്കാറാണ് പതിവെന്നും ഇവരുടെ അനുഭവങ്ങൾ സാക്ഷ്യപ്പെടുത്തുന്നു.

വൈറസ് ചോർന്നത് വുഹാനിൽനിന്ന് തന്നെ:ഇന്ത്യൻ ശാസ്ത്രജ്ഞ

ന്യൂഡൽഹി: കൊറോണ വൈറസിന്റെ ആവിർഭാവം ചൈനയിലെ പരീക്ഷണ ശാലയിൽ നിന്ന് തന്നെയെന്ന് ഉറപ്പിച്ച് ഇന്ത്യൻ ശാസ്ത്രജ്ഞ.

സാഹചര്യ തെളിവുകൾ ചൈനയ്ക്ക് എതിരാണെന്നും പരീക്ഷണ ശാലയിൽ സൂക്ഷിച്ചിരുന്ന SARS- CoV2 വൈറസ് അവിചാരിതമായി ചോർന്ന് കോവിഡ്-19 ന് കാരണമായി എന്നാണ് ഇന്ത്യൻ ശാസ്ത്രജ്ഞ പറയുന്നത്.

കോവിഡ് 19 ആവിർഭാവത്തെക്കുറിച്ച് ആഗോളതലത്തിൽ ഗവേഷണങ്ങളും പരീക്ഷണങ്ങളും നടക്കുന്നതിനിടയിലാണ് ഇന്ത്യൻ ശാസ്ത്രജ്ഞയുടെ സുപ്രധാന വെളിപ്പെടുത്തൽ.

കോവിഡ് വൈറസ് ആവിർഭാവം പ്രകൃത്യാ ഉണ്ടായതാണെന്ന് വിശ്വസിക്കാൻ പ്രയാസമാണ് എന്നാണ് പുണെ അഗർക്കാർ റിസർച്ച് ഇൻസ്റ്റിട്യൂട്ടിലെ ബയോ എനർജി ഗ്രൂപ്പ് ശാസ്ത്രജ്ഞയായ മൊണാലി രഹൽകർ പറയുന്നത്.

സാഹചര്യ തെളിവുകൾ മുഴുവൻ ചൈനയ്ക്ക് എതിരാണെകിലും അവരുടെ ഭാഗത്തു നിന്നുണ്ടായ ഗുരുതര വീഴ്ച മറച്ചു വെക്കുന്ന കാര്യത്തിൽ അവർ ഏറെക്കുറെ വിജയിച്ചു എന്ന് ഡോക്ടർ മൊണാലി പറയുന്നു.

ഡോക്ടർ മൊണാലിയും ഭർത്താവ് ഡോക്ടർ ബഹുലിക്കരും ചേർന്ന് കോവിഡ് 19 നുകാരണമായ കൊറോണ വൈറസ് സംബന്ധിച്ച് നിരവധി പഠനങ്ങൾ നടത്തുന്നുണ്ട്.

മുട്ടിൽ മരം മുറിയിൽ കേന്ദ്ര ഇടപെടൽ: വനം പരിസ്ഥിതി മന്ത്രാലയം റിപ്പോർട്ട് തേടി

ന്യൂഡൽഹി: മുട്ടിൽ മരംമുറി വിവാദത്തിൽ കേന്ദ്രസർക്കാർ ഇടപെടൽ.വിഷയത്തിൽ കേന്ദ്ര വനം പരിസ്ഥിതി മന്ത്രാലയം റിപ്പോർട്ട് തേടി.

മരം മുറിച്ചു കടത്തിയതുമായി ബന്ധപ്പെട്ട മുഴുവൻ വിവരങ്ങളും കേന്ദ്ര വനം പരിസ്ഥിതി മന്ത്രലയത്തെ അടിയന്തിരമായി അറിയിക്കാനാണ് നിർദേശം.കേന്ദ്ര വനം പരിസ്ഥിതി മന്ത്രി പ്രകാശ് ജാവദേക്കറാണ് അടിയന്തിര റിപ്പോർട്ട് തേടിയത്.

കേന്ദ്ര മന്ത്രി വി മുരളീധരൻ,ബിജെപി സംസ്ഥാന അധ്യക്ഷൻ കെ സുരേന്ദ്രൻ എന്നിവർ മന്ത്രിയെ സന്ദർശിച്ച് വിവാദങ്ങൾ സംബന്ധമായ കാര്യങ്ങൾ പ്രകാശ് ജാവദേക്കറുമായി ചർച്ച നടത്തിയിരുന്നു.

അഞ്ച് വയസിൽ താഴെയുള്ള കുട്ടികൾക്ക് മാസ്ക് വേണ്ടെന്ന് ഡി ജി എച്ച് എസ് നിർദേശം

ന്യൂഡൽഹി: അഞ്ച് വയസിന് താഴെയുള്ള കുട്ടികൾക്ക് മാസ്ക് വേണ്ടെന്ന് ഡയറക്ടർ ജനറൽ ഓഫ് ഹെൽത്ത് സർവിസ് നിർദേശം.

ഇതുസംബന്ധിച്ച ഉത്തരവ് ഉടൻ ഇറങ്ങുന്നെന്നറിയുന്നു.കുട്ടികളിൽ റെംഡെസിവേർ മരുന്ന് ഉപയോഗിക്കരുതെന്നും ഡി ജി എച് എസ് നിർദേശം നൽകി.കോവിഡ് ചികിത്സയ്ക്കുള്ള ഡി ജി എച് എസ് മാർഗ്ഗനിർദേശങ്ങളിലാണ് ഇക്കാര്യം വ്യക്തമാക്കിയത്.

മലയാളത്തിന് വിലക്ക്: വിവാദ സർക്കുലറിൽ ആശുപത്രി സൂപ്രണ്ട് മാപ്പ് പറഞ്ഞു

L I V E |

ന്യൂഡൽഹി : ഡൽഹിയിലെ ജി ബി പന്ത് ആശുപത്രിയിൽ മലയാളിത്തിന് വിലക്കേർപ്പെടുത്തിയ വിവാദ ഉത്തരവിൽ നഴ്സിംഗ് സൂപ്രണ്ട് മാപ്പ് പറഞ്ഞു.

ആരെയെങ്കിലും വേദനിപ്പിക്കാനോ അപമാനിക്കാനോ ഉദ്ദേശിച്ചിരുന്നില്ലെന്ന് സൂപ്രണ്ട് ആശുപത്രി മേലധികാരികൾക്ക് നൽകിയ കത്തിൽ പറയുന്നു.മേലിൽ ജാഗ്രത പുലർത്തുമെന്നും ആശുപത്രി സൂപ്രണ്ട് വ്യക്തമാക്കി.

ജോലി സമയത്തോ അല്ലാതെയോ നഴ്സുമാരും ഡോക്ടർമാരും മലയാളത്തിൽ സംസാരിക്കരുത്‍ എന്നായിരുന്നു വിവാദ സർക്കുലർ.വലിയ പ്രതിഷേധങ്ങൾ ഉണ്ടാക്കിയതിനെ തുടർന്ന് ഡൽഹി സർക്കാരും വിഷയത്തിൽ ഇടപെട്ടിരുന്നു.

എന്നാൽ മലയാളികളായ നഴ്സുമാർ മലയാളത്തിൽ സംസാരിക്കുമ്പോൾ രോഗികൾക്ക് ആശയക്കുഴപ്പം ഉണ്ടാക്കുന്നു എന്ന ഒരു പരാതിയെ തുടർന്നാണ് വിഷയത്തിൽ ഇടപെട്ടതെന്നും മേലിൽ ഇത്തരം സംഭവങ്ങളിൽ ജാഗ്രത പുലർത്തുമെന്നും സൂപ്രണ്ടിന്റെ മാപ്പപേക്ഷയിൽ പറഞ്ഞു.

കെ സുധാകരൻ കെ പി സി സി അധ്യക്ഷൻ

L I V E |

ന്യൂഡൽഹി: കെ സുധാകരൻ കെ പി സി സി അധ്യക്ഷനാകും.

കോൺഗ്രസ് ഹൈക്കമാൻഡ് ഇപ്പോൾ അറിയിച്ചതാണ് ഇക്കാര്യം. ഔദ്യോഗിക പ്രഖ്യാപനം അൽപ സമയത്തിനകം.തീരുമാനം രാഹുൽ ഗാന്ധി കെ സുധാകരനെ അറിയിച്ചു.

കണ്ണൂർ എടക്കാട് നടാൽ സ്വദേശിയായ കെ സുധാകരൻ കെ എസ് യു വിലൂടെയാണ് രാഷ്ട്രീയത്തിൽ എത്തുന്നത്.1991 ൽ കണ്ണൂർ ഡി സി സി പ്രസിഡണ്ടായിരുന്നു. 2001-2004 കാലഘട്ടത്തിൽ വനം മന്ത്രിയായിരുന്നു.കെ പി സി സി വർക്കിംഗ് പ്രസിഡണ്ടായും പ്രവർത്തിച്ചിട്ടുണ്ട്. നിലവിൽ കണ്ണൂരിൽനിന്നുള്ള ലോക്സഭാംഗമാണ്.

കോൺഗ്രസ് രാഷ്ട്രീയത്തിന്റെ പരമ്പരാഗത സാത്വിക- സമാധാന നയത്തിൽ നിന്നും വ്യത്യസ്തമായി കണ്ണൂർ രാഷ്ട്രീയത്തിന്റെ ഊർജം ഉൾക്കൊണ്ടുകൊണ്ട് വളർന്ന സുധാകരൻ നേതൃത്വത്തിൽ എത്തുന്നത് കോൺഗ്രസിന് പുതിയ ഊർജം പകരുമെന്നാണ് വിലയിരുത്തപ്പെടുന്നത്.

പാർട്ടിയെ നയിക്കാൻ കടുത്ത നിലപാടുകൾ വേണം എന്ന് എല്ലാ കാലത്തും ഉറച്ച നിലപാടെടുത്ത കെ സുധാകരൻ എപ്പോഴും സി പി എമ്മിന്റെ ശക്തനായ എതിരാളിയായി നിലകൊണ്ട കോൺഗ്രസ്സുകാരനാണ്.

നിയമസഭാ തിരഞ്ഞെടുപ്പിലെ പരാജയം മുതൽ നേതൃമാറ്റം സജീവമായ ചർച്ചയായ കോൺഗ്രസിൽ ആദ്യ ഘട്ടത്തിൽ തന്നെ കെ സുധാകരന്റെ പേര് മുൻ നിരയിൽ ഉണ്ടായിരുന്നു.ഇതുസംബന്ധിച്ച ചർച്ചകൾ വ്യാപകമായപ്പോൾ തന്നെ താരിഖ് അൻവർ കേരളത്തിലെ മുതിർന്ന കോൺഗ്രസ് നേതാക്കളുമായി ആശയ വിനിമയം നടത്തിയിരുന്നു.കേരളത്തിലെ വിവിധ മേഖലയിലുള്ളവരായ കോൺഗ്രസ് നേതാക്കളടക്കം 70 ശതമാനത്തോളം ആളുകൾ സുധാകരന്റെ നേതൃത്വത്തെ അനുകൂലിച്ചു എന്നാണ് സൂചന.

ഒരു ഘട്ടത്തിൽ കെ പി സി സി അധ്യക്ഷ സ്ഥാനത്തേക്ക് തന്നെ പരിഗണിക്കുന്നുണ്ട് എന്ന് സുധാകരൻ തന്നെ പറഞ്ഞെങ്കിലും പിന്നീട് മറ്റ് പല പേരുകളും ഉയർന്നുവന്നപ്പോൾ സുധാകരൻ മൗനം പാലിക്കുകയായിരുന്നു.കോൺഗ്രസ്സ് പാരമ്പര്യ ശൈലിയിൽനിന്ന് മാറി വി ഡി സതീശനെ പ്രതിപക്ഷ നേതാവാക്കിയത് മുതൽ തലമുറ മാറ്റം എന്ന പേരിൽ സുധാകരന്റെ പേര് അധ്യക്ഷ സ്ഥാനത്തേക്ക് വീണ്ടും കേൾക്കാൻ തുടങ്ങിയിരുന്നു.

തിരഞ്ഞെടുപ്പ് പരാജയം ഉൾക്കൊണ്ടുകൊണ്ട് അധ്യക്ഷ സ്ഥാനം രാജിവെക്കാൻ സന്നദ്ധനാണ് എന്ന് പരസ്യമായി മുല്ലപ്പള്ളി രാമചന്ദ്രനും പ്രഖ്യാപിച്ചതോടെ ഇനിയങ്ങോട്ടുള്ള കേരള രാഷ്ട്രീയത്തിൽ കോൺഗ്രസിന് സുധാകരനെപ്പോലെ മൂർച്ചയുള്ള നേതാവ് വേണമെന്ന ആവശ്യം പല കോണുകളിൽനിന്നും ഉയർന്നതും ശ്രദ്ധേയമായിരുന്നു.

ഗ്രൂപ്പിന് അതീതമായ കോൺഗ്രസ് എന്നൊക്കെ പറയുന്നുണ്ടെങ്കിലും കോൺഗ്രസിൽ നിലകൊള്ളുന്ന ഗ്രൂപ് രാഷ്ട്രീയത്തെ മാനേജ് ചെയ്യലും സംഘടനാ സംവിധാനം ശക്തിപ്പെടുത്തലുമാകും കെ സുധാകരനെ കാത്തിരിക്കുന്ന വെല്ലുവിളികൾ.

ഗ്രൂപ്പിനതീതമായ കോൺഗ്രസ് രാഷ്ട്രീയം യാഥാർഥ്യമാകുമെന്നും രാഷ്ട്രീയ നിരീക്ഷകർ സുധാകരന്റെ അധ്യക്ഷ സ്ഥാനത്തെ വിലയിരുത്തുന്നു.എല്ലാ വിഭാഗത്തിന്റെയും പിന്തുണ തനിക്കുണ്ടെന്നും പാർട്ടിയെ ഒറ്റകെട്ടായി നയിക്കുമെന്നും കെ സുധാകരൻ പറഞ്ഞു.

ഹൃദയപൂർവം നന്ദി,പ്രധാനമന്ത്രി പ്രഖ്യാപിച്ച വാക്‌സിൻ നയം സ്വാഗതം ചെയ്ത് മുഖ്യമന്ത്രി

തിരുവനന്തപുരം: കേന്ദ്ര സർക്കാരിന്റെ പ്രധാനമന്ത്രി പ്രഖ്യാപിച്ച കേന്ദ്രീകൃത വാക്‌സിൻ നയം സ്വാഗതം ചെയ്ത് മുഖ്യമന്ത്രി പിണറായി വിജയൻ.

സംസ്ഥാനങ്ങൾക്ക് സൗജന്യമായി വാക്‌സിൻ നൽകാനുള്ള പ്രധാനമന്ത്രിയുടെ പ്രഖ്യാപനത്തെ സ്വാഗതം ചെയ്യുന്നു എന്നും ഉചിതമായ തീരുമാനം കൈക്കൊണ്ടതിൽ ഹൃദയപൂർവം നന്ദി എന്നും മുഖ്യമന്ത്രി ഫേസ്ബുക്കിൽ കുറിച്ചു.

പൂർണ്ണ രുപം വായിക്കാം ..

ജൂൺ 21 മുതൽ സംസ്ഥാനങ്ങൾക്ക് സൗജന്യമായി വാക്സിൻ നൽകുമെന്ന പ്രധാനമന്ത്രി നരേന്ദ്ര മോഡിയുടെ ഇന്നത്തെ പ്രഖ്യാപനത്തെ സഹർഷം സ്വാഗതം ചെയ്യുന്നു. സംസ്ഥാനങ്ങൾക്ക് സൗജന്യമായി വാക്സിൻ നൽകണമെന്നത് കേരളം ഏറെ നാളായി ഉന്നയിച്ചു വരുന്ന ആവശ്യമാണ്.
രാജ്യത്ത് കോവിഡ് മഹാമാരിക്കെതിരെ സാമൂഹിക പ്രതിരോധം സൃഷ്ടിക്കുന്നതിന് ഈ പുതിയ നയം വലിയ തോതിൽ സഹായകമാകും. വാക്സിൻ വാങ്ങുന്നതിനായി സംസ്ഥാനങ്ങൾ വലിയ തുക ചെലവഴിക്കേണ്ട സാഹചര്യവും ഇതുവഴി ഒഴിവാക്കാൻ സാധിക്കും.
കോവിഡ്-19 മാനദണ്ഡങ്ങൾ ശക്തമായി പാലിച്ചുകൊണ്ട് രോഗപ്രതിരോധത്തിൻ്റെ മുൻ നിരയിൽ കേരളം ഉണ്ടാകുമെന്ന് ഈ അവസരത്തിൽ ഒരിക്കൽ കൂടി ഉറപ്പു നൽകുകയാണ്. ഉചിതമായ തീരുമാനം കൈക്കൊണ്ടതിൽ പ്രധാനമന്ത്രിയോട് ഹൃദയപൂർവം നന്ദി പറയുന്നു.

I wholeheartedly welcome the statement made by the Prime Minister that Covid-19 vaccine will be supplied to the States free of cost from June 21. This has been the consistent demand of Kerala. We are extremely happy to note that the new policy will go a long way in building herd immunity against the pandemic. This will also alleviate the need for the States to spend substantial amount towards purchase of vaccine.
I assure that we will be in the forefront of ensuring that Covid-19 protocols are followed. I once again thank the Prime Minister for the highly appreciable response.

സംസ്ഥാനത്ത് ലോക്ക് ഡൗൺ നീട്ടി, ജൂൺ 16 വരെ തുടരും

L I V E |

തിരുവനന്തപുരം: സംസ്ഥാനത്ത് ലോക്ക് ഡൗൺ നീട്ടി.ജൂൺ 16 വരെ തുടരാനാണ് വിദഗ്ധ സമിതി യോഗത്തിലെ തീരുമാനം.

നിലവിലെ നിയന്ത്രണങ്ങൾ തുടരും.രോഗ വ്യാപനം കുറഞ്ഞു വരുന്നുണ്ടെങ്കിലും മരണ നിരക്ക് കുറഞ്ഞിട്ടില്ലാത്തതിനാലും ടെസ്റ്റ് പോസിറ്റിവിറ്റി നിരക്ക് വലിയതോതിൽ കുറഞ്ഞിട്ടില്ലാത്തതിനാലു മാണ് ലോക്ക് ഡൗൺ നീട്ടാൻ കാരണം.

പ്രധാനമന്ത്രി നരേന്ദ്ര മോദി വൈകുന്നേരം അഞ്ച് മണിക്ക് രാജ്യത്തെ അഭിസംബോധന ചെയ്യും

ന്യൂഡൽഹി: പ്രധാനമന്ത്രി നരേന്ദ്ര മോദി ഇന്ന് വൈകുന്നേരം അഞ്ച് മണിക്ക് രാജ്യത്തെ അഭിസംബോധന ചെയ്ത് സംസാരിക്കും. പ്രധാനമന്ത്രിയുടെ ഓഫീസ് അറിയിച്ചതാണ് ഇക്കാര്യം.

വാക്‌സിനേഷൻ ,അൺലോക്ക് പ്രക്രിയകൾ സംബന്ധിച്ച് പ്രധാനമന്ത്രിയുടെ പ്രസംഗത്തിൽ പരാമർശിക്കപ്പെടുമെന്നാണ് സൂചന.

ഡൽഹി ജി ബി പന്ത് ആശുപത്രിയിൽ മലയാളത്തിന് വിലക്ക്,വ്യാപക പ്രതിഷേധം

BREAKING | L I V E

സ്വന്തം ലേഖകൻ
ന്യൂഡൽഹി: ന്യൂഡൽഹിയിലെ ജി ബി പന്ത് ആശുപത്രിയിൽ മലയാളം ഭാഷയ്ക്ക് വിലക്ക്.നഴ്സുമാരും ഡോക്ടർമാരും ഉൾപ്പെടെ നിരവധി മലയാളികളായ ജീവനക്കാരുള്ള ആശുപത്രിയാണ് മലയാളത്തിന് വിലക്കേർപ്പെടുത്തിയ വിചിത്രമായ സർക്കുലർ ഇറക്കിയത്.

ആശുപത്രി സൂപ്രണ്ടാണ് ഇത്തരത്തിൽ ഒരു സർക്കുലർ ഇറക്കിയതെന്നാണ് മലയാളികളായ നഴ്സുമാരും ഡോക്ടർമാരും പറയുന്നത്.ഡ്യൂട്ടിയിൽ ഉള്ളപ്പോഴും ഡ്യൂട്ടി ഇല്ലാത്ത സമയങ്ങളിലും മലയാളത്തിന് പകരം ഹിന്ദിയോ ഇംഗ്ലീഷോ ഉപയോഗിക്കണമെന്നാണ് സർക്കുലറിൽ പറയുന്നത്.

നിരവധി കേരളീയർ ജോലി ചെയ്യുന്ന സ്ഥാപനമായതിനാൽ ഡ്യൂട്ടി ഉള്ളപ്പോഴും ഇല്ലാത്തപ്പോഴും മലയാളികൾ കണ്ടുമുട്ടുമ്പോൾ മലയാളത്തിൽ തന്നെയാണ് സംസാരിക്കുന്നത്. മറ്റ് സംസ്ഥാനങ്ങളിലുള്ളവർ അവരുടെ പ്രാദേശിക ഭാഷയാണ് ഉപയോഗിക്കുന്നത്.എന്നാൽ വിലക്ക് മലയാള ഭാഷയ്ക്ക് മാത്രമാണുള്ളതെന്ന് മലയാളികളായ ജീവനക്കാർ പറയുന്നു.

ഭാഷാ വിലക്കേർപ്പെടുത്തിയതിനെതിരെ ദേശീയ തലത്തിൽ തന്നെ വ്യാപക പ്രതിഷേധം ഉയർന്നിട്ടുണ്ട്.നിരവധി പ്രമുഖർ വിഷയത്തിൽ പ്രതികരണവും പ്രതിഷേധവുമായി രംഗത്തിറങ്ങിയിട്ടുണ്ട്.സമൂഹ മാധ്യമങ്ങളിൽ ഹാഷ് ടാഗ് ക്യാമ്പയിനും തുടങ്ങിയിട്ടുണ്ട്. സംഭവത്തിൽ സംസ്ഥാന സർക്കാർ ഇടപെടൽ വേണമെന്നാണ് സമൂഹ മാധ്യമ ക്യാമ്പയിനുകളിൽ പറയുന്നത്.

കോവാക്‌സിന് ശേഷം മെയ്ഡ് ഇൻ ഇന്ത്യ : ഇന്ത്യയുടെ അടുത്ത വാക്‌സിൻ തയ്യാർ

L A T E S T |

ന്യൂഡൽഹി: ഭാരത് ബയോ ടെക്കിന്റെ കോവാക്‌സിന് ശേഷം ഇന്ത്യയുടെ അടുത്ത വാക്‌സിനും തയ്യാറായി .ഇന്ത്യ തദ്ദേശീയമായി വികസിപ്പിച്ചെടുത്ത കോവിഡ് പ്രതിരോധ വാക്‌സിൻ മെയ്ഡ് ഇൻ ഇന്ത്യ വിതരണത്തിന് തയ്യാറെടുക്കുന്നു.

ഹൈദരാബാദ് ആസ്ഥാനമായ ബയോളജിക്കൽ-ഇ യുടെ കോവിഡ് വാക്‌സിനുവേണ്ടിയുള്ള കരാറിൽ രാജ്യം ഒപ്പുവെച്ചു.വാക്‌സിൻ മൂന്നാം ഘട്ട പരീക്ഷണം തുടരുന്നതിനിടെയാണിത്.
വാക്‌സിൻ ലഭ്യമാക്കുന്നതിനായി 1500 കോടി രൂപ മുൻകൂറായി നൽകുമെന്ന് ആരോഗ്യമന്ത്രലയം അറിയിച്ചു.

ആദ്യ രണ്ട് ഘട്ട പരീക്ഷണങ്ങളിൽ വാക്‌സിൻ മികച്ച പ്രതികരണമാണ് നൽകിയതെന്ന്ആരോഗ്യമന്ത്രാലയത്തിന്റെ പറയുന്നു.വാക്‌സിൻ വരും മാസങ്ങളിൽ ലഭ്യമായി തുടങ്ങും.

കോവാക്‌സിൻ,കോവിഷീൽഡ്‌,സ്പുട്നിക്-V തുടങ്ങിയ വാക്‌സിനുകളാണ് നിലവിൽ രാജ്യത്ത് ലഭ്യമായത്.വൈകാതെ തന്നെ വിദേശ വാക്‌സിനുകളായ ഫൈസറും മോഡേണായും ലഭ്യമാക്കാനുള്ള നടപടികൾ തുടങ്ങിയതായി കേന്ദ്ര സർക്കാർ അറിയിച്ചു.

കോവിഡ് രണ്ടാം തരംഗത്തിന്റെ തീവ്രഘട്ടം അവസാനിച്ചു:കേന്ദ്ര ആരോഗ്യമന്ത്രാലയം

L A T E S T

ന്യൂഡൽഹി: രാജ്യത്തെ കോവിഡ് രണ്ടാം തരംഗത്തിന്റെ അതി തീവ്ര ഘട്ടം അവസാനിച്ചുവെന്ന് കേന്ദ്ര ആരോഗ്യമന്ത്രാലയം വ്യക്തമാക്കി.

ഇന്ത്യയിൽ പകുതിയോളം പ്രദേശത്ത് ടെസ്റ്റ് പോസിറ്റിവിറ്റി നിരക്ക് അഞ്ച് ശതമാനത്തിൽ താഴെയാണ്.രണ്ടാം കോവിഡ് ഘട്ടത്തിന്റെ അതി തീവ്ര ഘട്ടം അവസാനിച്ചതായും രോഗം പകരുന്ന അവസ്ഥയിൽ സ്ഥിരത കൈവരിച്ചതായും കേന്ദ്രസർക്കാർ വ്യക്തമാക്കി.

ലോകാരോഗ്യ സംഘടനയുടെ മാനദണ്ഡങ്ങൾ അനുസരിച്ച് ഒരു പ്രദേശത്ത് ടെസ്റ്റ് പോസിറ്റിവിറ്റി നിരക്ക് രണ്ടാഴ്ചയായി തുടർച്ചയായി അഞ്ച് ശതമാനത്തിൽ കുറവാണെങ്കിൽ കോവിഡ് വ്യാപന തോത് സ്ഥിരത കൈവരിച്ചതായി കണക്കാക്കാമെന്ന് ഐ സി എംഎം ആർ ഡയറക്ടർ ജനറൽ ഡോ.ബൽറാം ഭാർഗവ പറഞ്ഞു.

നമ്മൾ ശരിയായ ദിശയിലാണ് നീങ്ങുന്നത് എന്നതിന്റെ തെളിവാണിത്.കൃത്യമായ പരിശോധനകളും നിയന്ത്രണങ്ങളും കാര്യങ്ങൾ എളുപ്പമാക്കി.എന്നാൽ ലോക്ക് ഡൗൺ അടക്കമുള്ള നിയന്ത്രണങ്ങളും ലഘൂകരിക്കുന്നതിനുള്ള മാർഗ്ഗങ്ങൾ നാം കണ്ടെത്തേണ്ടതുണ്ട്.അത് ക്രമേണയും കൃത്യമായ ആ ലോചനയോട്കൂടി ചെയ്യേണ്ടതുമാണെന്ന് ഡോ.ഭാർഗവ പറഞ്ഞു.

ആശങ്ക വേണ്ട കുട്ടികൾക്ക് നേരിട്ട് ആശയവിനിമയം നടത്താൻ സംവിധാനമൊരുക്കും: മുഖ്യമന്ത്രി

തിരുവനന്തപുരം: ഓൺലൈൻ ക്ലാസ് ആയത്കൊണ്ട് ഉത്സാഹം കുറക്കേണ്ടെന്നും കുട്ടികൾക്ക് നേരിട്ട് ആശയ വിനിമയം നടത്താനുള്ള സംവിധാനം ഒരുക്കുമെന്നും മുഖ്യമന്ത്രി പിണറായി വിജയൻ പറഞ്ഞു.

പ്രവേശനോത്സവം സംസ്ഥാനതല ഉത്ഘാടനം ഓൺലൈനിൽ നിർവഹിച്ച് സംസാരിക്കുകയായിരുന്നു അദ്ദേഹം.പഠനം ഇപ്പോൾ തന്നെ തുടങ്ങണമെന്നും ക്രിയാത്മകമായ പ്രവർത്തനങ്ങൾ വീട്ടിലിരുന്ന് ചെയ്യണമെന്നും പ്രതിസന്ധികളെ അവസരങ്ങളാക്കണമെന്നും മുഖ്യമന്ത്രി പറഞ്ഞു.

ഇത് പുതിയ ലോകം കെട്ടിപ്പടുക്കാനുള്ള ശ്രമമാണ്.പുതിയ ലോകം കുഞ്ഞുങ്ങളുടേതാണ്.പുതിയവിജ്ഞാനത്തിന്റെ,ആശയങ്ങളുടെ,കലയുടെ ഉറവിടമാകേണ്ട കുഞ്ഞുങ്ങളാണ് നാളെയുടെ പ്രതീക്ഷകൾ എന്നും അദ്ദേഹം കൂട്ടിച്ചേർത്തു.

മുഖ്യമന്ത്രിയുടെ ഉത്ഘാടന പ്രസംഗ ശേഷം തിരുവനന്തപുരം കോട്ടൺ ഹിൽ ഗവണ്മെന്റ് ഗേൾസ് ഹയർ സെക്കന്ററി സ്കൂളിൽ വിദ്യാഭ്യാസ മന്ത്രി വി ശിവൻ കുട്ടി അക്ഷര ദീപം തെളിയിച്ചു.

രാജ്യത്തെ നിയമങ്ങൾ അനുസരിക്കുക: ട്വിറ്ററിനോട് കേന്ദ്രസർക്കാർ

ന്യൂഡൽഹി: സമൂഹ മാധ്യമങ്ങളെ നിയന്ത്രിക്കാനുള്ള സർക്കാർ തീരുമാനത്തിൽ ട്വിറ്ററിന്റെ പ്രതികരണത്തിനെതിരെ കേന്ദ്രസർക്കാർ.

രാജ്യത്തെ നിയമങ്ങൾ അനുസരിക്കാൻ തയ്യാറാകണമെന്ന് കേന്ദ്രസർക്കാർ ആവശ്യപ്പെട്ടു.അഭിപ്രായ സ്വാതന്ത്ര്യത്തിന് തടസമാകുന്ന നിയന്ത്രണങ്ങൾ പിൻവലിക്കണമെന്ന് ട്വിറ്റർ പ്രതികരിച്ചിരുന്നു.

രാജ്യത്തെ നിയമ നിർമ്മാണവും നയ രൂപവൽക്കരണവും രാജ്യത്തിൻറെ സവിശേഷ അധികാരമാണ്.കേവലം ഒരു സമൂഹ മാധ്യമ പ്ലാറ്റ്‌ഫോം മാത്രമായ ട്വിറ്ററിന് ഇന്ത്യയുടെ നിയമ ഘടന എന്തായിരിക്കണമെന്ന് നിര്ദേശിക്കാനാവില്ല.

ട്വിറ്ററിന്റെ നിലപാടുകൾ അടിസ്ഥാന രഹിതവും ഇന്ത്യയെ അപകീർത്തിപ്പെടുത്തുന്നതുമാണെന്ന് ഇലക്ട്രോണിക് ആൻഡ് ഐ ടി മന്ത്രാലയം പത്രക്കുറിപ്പിൽ വ്യക്തമാക്കി.

അഭിപ്രായ സ്വാതന്ത്ര്യം സംരക്ഷിക്കുക എന്നത് ലാഭം മാത്രം ലക്ഷ്യമാക്കി പ്രവർത്തിക്കുന്ന വിദേശ സ്വകാര്യ കമ്പനിയായ ട്വിറ്ററിന്റെ സവിശേഷാധികാരമല്ല.

അഭിപ്രായ സ്വാതന്ത്ര്യത്തിന്റേതായ മഹത്തായ ജനാധിപത്യ പാരമ്പര്യമാണ് ഇന്ത്യക്കുള്ളത്.ജനങ്ങളുടെ അഭിപ്രായ സ്വാതന്ത്ര്യവും സ്വകാര്യതയും സർക്കാർ വിലമതിക്കുന്നു.എന്നാൽ ട്വിറ്ററിന്റെ സുതാര്യമല്ലാത്ത നയങ്ങളാണ് അഭിപ്രായ സ്വാതന്ത്ര്യത്തിന് തടസ്സം.അതിന്റെ ഫലമായി ഉപയോക്താക്കളുടെ അക്കൗണ്ടുകൾ നീക്കം ചെയ്യപ്പെടുകയും ഡിലീറ്റ് ചെയ്യപ്പെടുകയും ചെയ്യുന്നു.

ഇന്ത്യയിൽ കണ്ടെത്തിയ കൊറോണ വൈറസ് വകഭേദത്തെ ഇന്ത്യൻ വകഭേദമെന്ന് നിരന്തരം വിശേഷിപ്പിക്കുന്ന ട്വീറ്റുകളും വാക്‌സിനേഷന് എതിരായ പോസ്റ്റുകളും നീക്കം ചെയ്യാൻ ട്വിറ്റർ തയ്യാറായിട്ടില്ലെന്ന് കേന്ദ്രസർക്കാർ പ്രസ്താവനയിൽ വ്യക്തമാക്കി.

അധ്യയന വർഷം ജൂൺ ഒന്ന് മുതൽ,ക്ലാസുകൾ ഓൺലൈനിൽ

തിരുവനന്തപുരം: കോവിഡ് സാഹചര്യത്തിൽ പുതിയ അധ്യയന വർഷവും ക്ലാസുകൾ ഓൺലൈനായി നടത്താൻ സർക്കാർ തീരുമാനിച്ചു.ജൂൺ ഒന്നിന് തന്നെ അധ്യയന വർഷം തുടങ്ങും.

കഴിഞ്ഞ അധ്യയന വർഷത്തെപ്പോലെ വിക്‌ടേഴ്‌സ് ചാനൽ വഴി ക്ലാസുകൾ നടത്തും.ജൂൺ 2 മുതൽ 10 വരെ റിവിഷൻ ക്ലാസുകളായിരിക്കും.ഒന്നാം ക്ലാസ്സിൽ പ്രവേശനം നേടിയ കുട്ടികൾക്കായുള്ള പ്രവേശനോത്സവവും ഓൺലൈനായി നടക്കും.

“സഹായം ചോദിക്കും,പിന്നെ തള്ളിപ്പറയും” വി ഡി സതീശനെതിരെ ആഞ്ഞടിച്ച് എൻ എസ് എസ്

പെരുന്ന ( ചങ്ങനാശ്ശേരി ) : പ്രതിപക്ഷ നേതാവിനെതിരേ ആഞ്ഞടിച്ച് എൻ എസ് എസ്.

പ്രതിപക്ഷ നേതാവിന്റേത് വിലകുറഞ്ഞ പരാമർശങ്ങളാണെന്നും പ്രതിപക്ഷ നേതാവായത് മുതൽ അദ്ദേഹം സാമുദായിക സംഘടനകളെ നിലവാരം കുറഞ്ഞ ഭാഷയിൽ വിമർശിക്കുകയാണെ ന്നും ജനറൽ സെക്രട്ടറി ജി സുകുമാരൻ നായർ.

പ്രത്യേക പ്രസ്തവാനയിലൂടെയാണ് അദ്ദേഹം വി ഡി സതീശനെ വിമർശിച്ചത്.തന്റെ സ്ഥാനം ഉറപ്പായി എന്ന് തോന്നിയത് മുതൽ ഇപ്പോഴത്തെ പ്രതിപക്ഷ നേതാവ് സാമുദായിക സംഘടനകളെ വിമർശിക്കാൻ തുടങ്ങി.

ദേശീയ പാർട്ടിയായ കോൺഗ്രസിന്റെ പാരമ്പര്യം അതാണോ എന്ന് നേതൃത്വം ചിന്തിക്കേണ്ടിയിരിക്കുന്നു.രാഷ്ട്രീയ പാർട്ടികളുടെ ആഭ്യന്തര കാര്യങ്ങളിൽ സാമുദായിക സംഘടനകൾ ഇടപെടേണ്ട കാര്യമില്ല.എന്നാൽ അവരുടെ പ്രവർത്തനങ്ങൾ വിലയിരുത്താനും അഭിപ്രായം പറയാനും വ്യക്തികൾക്കെന്നപോലെ സംഘടനകൾക്കും അവകാശമുണ്ട്.

പാർട്ടിയുടെ നയപരമായ കാര്യങ്ങൾ തീരുമാനിക്കേണ്ടത് കെ പി സി സി യാണ്.അല്ലാതെ പ്രതിപക്ഷ നേതാവല്ല.ശബരിമല വിഷയം സംബന്ധിച്ച് കെ പി സി സി നിലപാട് എന്താണെന്ന് വ്യക്തമാക്കണം. ആവശ്യം വരുമ്പോൾ സാമുദായിക സംഘടനകളെ ആശ്രയിക്കുകയും ആവശ്യം കഴിഞ്ഞ തള്ളിപ്പറയുകയും ചെയ്യുന്ന ശീലം ആർക്കും യോജിയച്ചതല്ല.

പ്രതിപക്ഷ നേതാവും സഹായം അഭ്യർത്ഥിച്ച് എൻ എസ് എസ് ആസ്ഥാനത്തു വന്നിട്ടുണ്ട്.താലൂക്ക് യൂണിയൻ നേതാക്കളെയും കരയോഗം ഭാരവാഹികളെയും കണ്ട് സഹായം അഭ്യർത്ഥിച്ചു. എന്നിട്ടാണ് സ്ഥാനലബ്ധിക്ക് ശേഷം മതി മറന്ന് പുതിയ പ്രസ്താവനകൾ നടത്തുന്നത്.

എൻ എസ് എസ്സിനെ സംബന്ധിച്ചിടത്തോളം ഒരേ നിലപാട് മാത്രമാണ് ഉള്ളത്.സർക്കാർ ചെയ്യുന്ന നല്ല കാര്യങ്ങളെ അംഗീകരിക്കും.തെറ്റായ കാര്യങ്ങളെ വിമർശിക്കുകയും ചെയ്യും.എൻ എസ് എസ് പ്രസ്താവനയിൽ പറഞ്ഞു.

സഭാ സമ്മേളനത്തിന് തുടക്കം:അംഗങ്ങൾ സത്യപ്രതിജ്‌ഞ ചെയ്തു

തിരുവനന്തപുരം: പതിനഞ്ചാം കേരള നിയമസഭയുടെ ആദ്യ സമ്മേളനം തുടങ്ങി.ആദ്യ അജണ്ടയായ എം എൽ എ മാരുടെ സത്യപ്രതിജ്ഞ നടപടിക്രമങ്ങൾ അവസാനിച്ചു..സഭയിൽ 53 പുതുമുഖങ്ങൾ ഉണ്ട്.
പ്രൊടെം സ്പീക്കർപി ടി എ റഹീമിന് മുന്പാകെയാണ് അംഗങ്ങളുടെ സത്യപ്രതിജ്ഞ.അക്ഷരമാല ക്രമത്തിലാണ് അംഗങ്ങളെ വിളിച്ച തും സത്യപ്രതിജ്‌ഞ ചെയ്തതും.സാമൂഹിക അകലം പാലിച്ചാണ് സഭയിൽ അംഗങ്ങൾ ഇരിക്കുന്നത്.

കോവിഡ് ചികിത്സയിലുള്ളവരും ക്വാറന്റൈനിൽ ഉള്ളവരുമായി ചില അംഗങ്ങൾക്ക് ഇന്ന് സത്യപ്രതിജ്ഞ ചെയ്യാൻ കഴിയില്ല.കെ ബാബു,എ വിൻസെന്റ് എന്നിവർ എത്താനാവില്ലെന്ന് അറിയിച്ചിട്ടുണ്ട്.ഇവർ പിന്നീട് സത്യപ്രതിജ്‌ഞ ചെയ്യും.

സ്പീക്കർ തിരഞ്ഞെടുപ്പ് ചൊവ്വാഴ്ച്ച നടക്കും.ഭരണ പക്ഷത്തുനിന്ന് എം ബി രാജേഷ് സ്പീക്കർ സ്ഥാനാർത്ഥി.പ്രതിപക്ഷത്തുനിന്ന് പി സി വിഷ്ണുനാഥും മത്സരിക്കും.28 ന് ഗവർണർ ആരിഫ് മുഹമ്മദ് ഖാൻ നയപ്രഖ്യാപന പ്രസംഗം നടത്തും.പുതുക്കിയ ബജറ്റ് ധനമന്ത്രി കെ എൻ ബാലഗോപാൽ ജൂൺ 4 ന് അവതരിപ്പിക്കും.

ഹമാസ് ആക്രമണത്തിൽ കൊല്ലപ്പെട്ട സൗമ്യ സന്തോഷിന് ഇസ്രായേൽ ഓണററി സിറ്റിസൺഷിപ് നൽകും

ന്യൂഡൽഹി : ഇസ്രായേലിൽ ജോലി ചെയ്യവേ ഹമാസ് റോക്കറ്റ് ആക്രമണത്തിൽ കൊല്ലപ്പെട്ട മലയാളി സൗമ്യ സന്തോഷിന് ഇസ്രായേൽ ആദരസൂചക പൗരത്വം(ഓണററി സിറ്റിസൺഷിപ് ) നൽകും.

ഇസ്രായേലിലെ ജനങ്ങൾ വിശ്വസിക്കുന്നത് സൗമ്യ ആദരിക്കപ്പെടേണ്ട പൗരത്വം ആണെന്നാണ്.തങ്ങളിൽ ഒരാളായാണ് ഇസ്രായേൽ അവരെ കാണുന്നതെന്ന് ഇന്ത്യയിലെ ഇസ്രായേൽ എംബസ്സിയിലെ ഉന്നത ഉദ്യോഗസ്ഥനായ റോണി യദിദിയ മാധ്യമങ്ങളോട് പറഞ്ഞു.

ആദരസൂചക പൗരത്വം നല്കാൻ തീരുമാനിച്ച ഇസ്രായേൽ നടപടികളെ സൗമ്യയുടെ കുടുംബം സ്വാഗതം ചെയ്തു. വലിയ അംഗീകാരമായി കാണുന്നതായി സൗമ്യയുടെ ഭർത്താവ് സന്തോഷ് പറഞ്ഞു.മകൻ അഡോണിന്റെ സംരക്ഷണം സംബന്ധിച്ച കാര്യങ്ങളും ഇസ്രായേൽ എംബസ്സി സംസാരിച്ചിട്ടുണ്ടെന്ന് കുടുംബം അറിയിച്ചു.

സത്യപ്രതിജ്ഞ പന്തലിൽ വാക്‌സിനേഷൻ ക്യാമ്പ് തുടങ്ങി

L I V E |

തിരുവനന്തപുരം: മന്ത്രിസഭാ സത്യപ്രതിജ്ഞയ്ക്ക് വേദിയായ സെൻട്രൽ സ്റ്റേഡിയത്തിലെ പന്തലിൽ ആരോഗ്യ വകുപ്പിന്റെ വാക്‌സിനേഷൻ ക്യാമ്പ് തുടങ്ങി.

150 പേർക്ക് ഇന്ന് ഇവിടെ വാക്‌സിൻ നൽകുമെന്ന് അധികൃതർ അറിയിച്ചു.18 മുതൽ 44 വയസ് വിഭാഗത്തിലെ മുന്നണിപ്പോരാളികൾ ക്കാണ് വാക്‌സിനേഷൻ നൽകുന്നത്.

80000 അടി ചതുരശ്ര വിസ്തീർണ്ണമുള്ള പന്തലിൽ 5000 പേർക്ക് ഇരിക്കാവുന്നതും വായു സഞ്ചാരമുള്ളതും വാക്‌സിനേഷൻ കേന്ദ്രമാക്കുന്നതിനുള്ള അനുകൂല ഘടകമായി മാറി.

തിരുവനന്തപുരത്തെ ജിമ്മി ജോർജ് ഇൻഡോർ സ്റ്റേഡിയത്തിലാണ് നിലവിൽ വാക്‌സിനേഷൻ ക്യാമ്പ്.ഇവിടെ വലിയ തിരക്കിൽ സാമൂഹിക അകലം പാലിക്കാനാവാത്തത് ചർച്ചയായിരുന്നു.

സെക്രെട്ടറിയേറ്റ്- നോർത്ത് ബ്ലോക്ക്, 141 നമ്പർ മുറി വീണ്ടും സജീവം..

തിരുവനന്തപുരം: സെക്രെട്ടറിയേറ്റിലെ നോർത്ത് ബ്ലോക്കിലെ മൂന്നാം നിലയിലെ 141ആം നമ്പർ മുറി വീണ്ടും സജീവമായി.

ജീവിതത്തിൽ ഒരു നിമിഷം പോലും പാഴാക്കാത്ത മുഖ്യമന്ത്രി പിണറായി വിജയൻ ,സത്യപ്രതിജ്ഞ കഴിഞ്ഞ് ഗവർണറുടെ ചായ സൽക്കാരത്തിന് ശേഷം അദ്ദേഹത്തിന്റെ ഓഫീസിൽ എത്തി ചുമതല ഏറ്റെടുത്തു.

ഇനി വിളക്കണയാത്ത നോർത്ത് ബ്ലോക്കിലെ മുഖ്യമന്ത്രിയുടെ ഓഫീസ് വീണ്ടും തിരക്കുപിടിച്ച നാളുകളിലേക്ക്.ആദ്യ മന്ത്രിസഭാ യോഗത്തിൽ തന്നെ മുഖ്യമന്ത്രി മന്ത്രിമാർക്ക് വേണ്ട നിർദേശങ്ങൾ നൽകി.

എല്ലാവരും മികച്ച അനുഭവ പാരമ്പര്യവും അക്കാദമിക നിലവാരവുമുള്ളവരായതിനാൽ വകുപ്പുകളിൽ മികച്ച ഗൃഹപാഠം ചെയ്ത് ഉചിതമായ തീരുമാനമെടുക്കാൻ മുഖ്യമന്ത്രി നിർദേശിച്ചു. ജനങ്ങൾക്ക് വികസനത്തിലാണ് താൽപര്യമെന്നും വിവാദത്തിൽ അല്ലെന്നും മുഖ്യമന്ത്രി പറഞ്ഞു.

തുടർച്ചയായി രണ്ടാം തവണയും അധികാരത്തിലെത്തുന്ന മുഖ്യമന്ത്രി പിണറായി വിജയനെ പ്രധാനമന്ത്രി നരേന്ദ്ര മോദി അഭിനന്ദിച്ചു.ട്വിറ്ററിലൂടെയാണ് പ്രധാനമന്ത്രി മുഖ്യമന്ത്രിയെ അഭിനന്ദിച്ചത്.

https://twitter.com/narendramodi/status/1395334552910958598

ബംഗളുരുവിൽ ഓക്സിജനുമായി ബി എം ടി സി ബസുകൾ

ബംഗളുരു: കോവിഡ് വ്യാപനത്തിൽ ദുരിതമനുഭവിക്കുന്ന ബംഗളുരു നഗരത്തിൽ ആശ്വാസവുമായി ബി എം ടി സി (ബാംഗ്ലൂർ മെട്രോപൊളിറ്റൻ ട്രാൻസ്‌പോർട്ട് കോർപറേഷൻ ) ബസുകൾ .

കർണ്ണാടക സർക്കാർ ഏർപ്പെടുത്തിയ പദ്ധതി ഓക്സിജൻ ഓൺ വീൽ എന്ന പേരിൽ വ്യപക ജനശ്രദ്ധ നേടിത്തുടങ്ങി.

ബംഗളുരു വിക്ടോറിയ ആശുപത്രിയുടടെയും വിവിധ എൻ ജി ഒ കളുടെയും നേതൃത്വത്തിലാണ് പദ്ധതി.ഫൌണ്ടേഷൻ ഓഫ് ഇന്ത്യയാണ് ബസുകളിൽ ഓക്സിജൻ പാർലർ ഒരുക്കിയത്.

രൂപമാറ്റം വരുത്തിയ ബസിലെ ഓക്സിജൻ ബാങ്കിൽ 2 ഓക്സിജൻ കോൺസെൻട്രേറ്ററുകളും 4 സിലിണ്ടറുകളും ഉണ്ട്.4 രോഗികൾക്ക് ഒരേ സമയം ഓക്സിജൻ സ്വീകരിക്കാൻ സൗകര്യമുണ്ട്.

രാവിലെ മുതൽ വൈകുന്നേരം വരെ വിക്ടോറിയ ആശുപത്രിയ്ക്ക് മുന്നിൽ സേവനം ലഭ്യമാകും.വരും ദിവസങ്ങളിൽ കൂടുതൽ ബസുകൾ രൂപമാറ്റം വരുത്തി ഓക്സിജൻ പാർലറുകളാക്കാൻ ബി എം ടി സി പദ്ധതിയുണ്ട്.

കേന്ദ്ര സർക്കാർ അയച്ച 118 മെട്രിക് ടൺ ഓക്സിജനുമായി ഓക്സിജൻ എക്സ്പ്രസ്സ് കൊച്ചിയിൽ

photo credit | nie

കൊച്ചി: കേന്ദ്രസർക്കാർ അയച്ച ഓക്സിജൻ എക്സ്പ്രസ്സ് കൊച്ചിയിലെത്തി.

ആറ് ക്രയോജനിക് കണ്ടൈനറുകളിലായി 118 മെട്രിക് ടൺ ഓക്സിജൻ വഹിച്ച എക്സ്പ്രസ്സ് തീവണ്ടി ഇന്ന് പുലർച്ചെയാണ് വല്ലാർപാടം കണ്ടൈനർ ടെർമിനലിൽ എത്തിയത്.

ഒഡിഷയിലെ ടാറ്റ സ്റ്റീൽ പ്ലാന്റിൽ നിന്നാണ് ഓക്സിജൻ എക്സ്പ്രസ്സ് എത്തിയത്.കോവിഡ് ദുരിതമനുഭവിക്കുന്ന കേരളത്തിന് ആശ്വാസമായി കലിംഗ നഗറിൽനിന്നുള്ള മെഡിക്കൽ ഓക്സിജൻ കേരളത്തിലെത്തിച്ചതെന്ന് കേന്ദ്ര റെയിൽവേ മന്ത്രി പിയുഷ് ഗോയൽ ട്വിറ്ററിലൂടെ അറിയിച്ചു.

ഇതുവരെയായി 8700 മെട്രിക് ടൺ ലിക്വിഡ് മെഡിക്കൽ ഓക്സിജൻ 540 ടാങ്കറുകളിലായി രാജ്യത്തിൻറെ വിവിധ ഭാഗങ്ങളിൽ എത്തിച്ചിട്ടുണ്ടെന്ന് റെയിൽവേ അറിയിച്ചു.139 ഓക്സിജൻ എക്സ്പ്രസ്സ് ഇതിനായി സേവനം ചെയ്യുന്നുണ്ട്.

സംസ്ഥാനത്ത് ഏഴ് പേർക്ക് ബ്ലാക്ക് ഫംഗസ് സ്ഥിരീകരിച്ചു

L I V E |

തിരുവനന്തപുരം: കോവിഡ് ബാധിതരിൽ കാണപ്പെടുന്ന ബ്ലാക്ക് ഫംഗസ് എന്ന ഫംഗസ് ബാധ സംസ്ഥാനത്ത് ഏഴ് പേരിൽ സ്ഥിരീകരിച്ചു.

തിരുവനന്തപുരം മെഡിക്കൽ കോളേജിൽ ചികിത്സയിലുള്ള കോവിഡ് രോഗികളിലാണ് ഫംഗസ് ബാധ കണ്ടെത്തിയത്.

എന്നാൽ സംസ്ഥാനത്ത് കണ്ടെത്തിയ 'മൈക്കോ മ്യൂക്കോസിസ് ' എന്ന ഫംഗസ് ബാധ ആശങ്കൾ സൃഷ്ടിക്കുന്നില്ലെന്ന് ആരോഗ്യ വകുപ്പ് അറിയിച്ചു. ആന്റി ഫംഗൽ മരുന്നുകൾ ഉപയോഗിക്കാമെന്നും ഇത് കോവിഡ് ചികിത്സ പ്രോട്ടോകോളിൽ ഉൾപ്പെടുത്തിയതായും ആരോഗ്യവകുപ് അറിയിച്ചു.

അന്തരീക്ഷ വായുവിൽനിന്നുള്ള 'മൈക്കോ മ്യൂക്കോസിസ് 'എന്ന ഫംഗസാണ് പൂപ്പൽ ബാധ ഉണ്ടാക്കുന്നത്.വായുവിലും മണ്ണിലും ഭക്ഷണത്തിലും കാണപ്പെടുന്ന പൂപ്പൽ ബാധ കോവിഡ് രോഗികളിലും പ്രതിരോധ ശേഷി കുറഞ്ഞവരിലും കാണപ്പെടുന്നതാണ്. മാരകമായതല്ലെങ്കിലും സങ്കീർണ്ണതകൾ ഉണ്ടാക്കിയേക്കാം എന്ന് വിലയിരുത്തപ്പെട്ടിട്ടുണ്ട്.

കോവിഡ് ബാധിതരിൽ വലിയ തോതിൽ ഇത് കാണപ്പെടുന്നതായി എയിംസ് മേധാവി ഡോ.രൺദീപ് ഗുലേറിയ കഴിഞ്ഞദിവസം അറിയിച്ചിരുന്നു.ഡൽഹിയിൽ 23 കേസുകൾ റിപ്പോർട്ട് ചെയ്തിട്ടുണ്ട്.

കണ്ണൂരിൽ പാചകവാതക ലോറി മറിഞ്ഞു,വാതക ചോർച്ച ഇല്ല

കണ്ണൂർ: കണ്ണൂർ മേലെ ചൊവ്വ ഇറക്കത്തിൽ പാചക വാതക ലോറി മറിഞ്ഞു,വാതക ചോർച്ച ഇല്ല.

പുലർച്ചെയാണ് സംഭവം.അമിത വേഗതയിൽ വന്ന ലോറി മറിഞ്ഞ് മൺതിട്ടയിൽ തട്ടി നിൽക്കുകയായിരുന്നു.നാട്ടുകാരും അഗ്നി രക്ഷാ സേനയും സ്ഥലത്തെത്തി.

അഗ്നിരക്ഷാ സേന വാതക ചോർച്ച ഇല്ലെന്ന് ഉറപ്പിച്ച ശേഷം ഖലാസികളുടെ നേതൃത്വത്തിൽ ക്രെയിൻ ഉപയോഗിച്ച് റോഡിലേക്ക് ഉയർത്തി വെച്ചിട്ടുണ്ട്.മംഗലാപുരത്തുനിന്ന് കോഴിക്കോട് ഭാഗത്തേക്ക് പോകുകയായിരുന്നു ലോറി

സൗമ്യയുടെ മൃതദേഹം ഡൽഹിയിൽ എത്തിച്ചു

ന്യൂഡൽഹി: ഇസ്രായേലിൽ ഹമാസ് റോക്കറ്റ് ആക്രമണത്തിൽ കൊല്ലപ്പെട്ട മലയാളി സൗമ്യ സന്തോഷിന്റെ മൃതദേഹം ഡൽഹിയിൽ എത്തിച്ചു.

ഇസ്രയേലിൽനിന്നുള്ള പ്രത്യേക വിമാനത്തിലാണ് മൃതദേഹം ഡൽഹിയിൽ എത്തിച്ചത്.പുലർച്ചെ ഡൽഹി വിമാനത്താവളത്തിൽ കേന്ദ്ര വിദേശകാര്യ സഹമന്ത്രി വി മുരളീധരനാണ് കേന്ദ്രസർക്കാരിനു വേണ്ടി മൃതദേഹം എറ്റുവാങ്ങിയത്.ഇസ്രായേൽ നയതന്ത്ര പ്രതിനിധികളും കൂടെയുണ്ടായിരുന്നു.

ഇസ്രായേൽ എംബസ്സിയിലെ ചാർജ് ഓഫ് ദി അഫയേഴ്സ് റോണി യദിദിയയും കേന്ദ്രമന്ത്രി മുരളീധരനോടൊപ്പം ആദരാജ്ഞലികൾ അർപ്പിച്ചു.

വൈകുന്നേരത്തോടെ എയർ ഇന്ത്യ വിമാനത്തിൽ കൊച്ചിയിലെത്തിക്കും.ഞായറാഴ്ച്ച നടക്കുന്ന സംസ്കാര ശുശ്രൂഷകളിൽ ഇസ്രായേൽ നയതന്ത്ര പ്രതിനിധികളും പങ്കെടുക്കും.

സംസ്ഥാനത്ത് ലോക്ക് ഡൗൺ മെയ് 23 വരെ നീട്ടി

BREAKING | L I V E

തിരുവനന്തപുരം: സംസ്ഥാനത്തെ ലോക്ക് ഡൗൺ മെയ് 23 വരെ നീട്ടി. മുഖ്യമന്ത്രി പിണറായി വിജയനാണ് ഇക്കാര്യം അറിയിച്ചത്. രോഗ വ്യാപനം കുറയാത്ത പശ്ചാത്തലത്തിൽ വിദഗ്ധ സമിതി ശുപാർശയെ തുടർന്നാണ് നടപടി.

മുഖ്യമന്ത്രിയുടെ അധ്യക്ഷതയിൽ തിരുവനന്തപുരത്ത് അവസാനിച്ച ഉന്നത തല യോഗത്തിലാണ് തീരുമാനമായത്. ആരോഗ്യ വകുപ്പിന്റെയും മറ്റ് വിവിധ വകുപ്പുകളുടെയും വിദഗ്ധ സമിതിയുടെയും ശുപാർശ ഇക്കാര്യത്തിൽ ഉണ്ടായിരുന്നു.

നിലവിലുള്ള നിയന്ത്രണങ്ങൾ അതേപടി തുടരാനാണ് സാധ്യതയെങ്കിലും രോഗം അതി തീവ്രമായി തുടരുന്ന സാഹചര്യത്തിൽ അത്തരം ജില്ലകളിൽ ട്രിപ്പിൾ കണ്ടൈൻമെൻറ് സോൺ ആയി പ്രഖ്യാപിക്കും.

ഇതനുസരിച്ച് നാല് ജില്ലകളിൽ ട്രിപ്പിൾ ലോക്ക് ഡൗൺ ഏർപ്പെടുത്തും. തിരുവനന്തപുരം,തൃശൂർ,എറണാകുളം, മലപ്പുറം ജില്ലകളിലായിരിക്കും ട്രിപ്പിൾ ലോക്ക് ഡൗൺ നടപ്പാക്കുക.

മെയ് മാസം വളരെ നിർണ്ണായകമായതിനാൽ ജാഗ്രത കൈവിടാൻ പാടില്ല.ഉത്തരേന്ത്യൻ സംസ്ഥാനങ്ങളിലൊക്കെ ഇപ്പോൾ കാണുന്ന അവസ്ഥവരെ ഇവിടെയും എത്തിയേക്കാം.

ചെറുപ്പക്കാരിൽ കൂടുതലായി രോഗ ബാധ കാണുന്നതിനാൽ ജീവിത ശൈലി രോഗങ്ങൾ ഉള്ളവർ ജാഗ്രത പാലിക്കണം.വാക്‌സിനേഷൻ സെന്ററുകളിൽ ആളുകൾ തിരക്ക് കൂട്ടരുത്.എല്ലാവർക്കും വാക്‌സിൻ ലഭ്യമാക്കുമെന്നും മുഖ്യമന്ത്രി പറഞ്ഞു.

N E X T S T O R Y

http://www.jginews.in/vaccination-in-kannur-district-cancelled-tomorrow-due-to-the-red-alert/

ഉത്തർപ്രദേശിൽ ജയിലിൽ വെടിവെയ്പ്പ്, മൂന്ന് തടവുകാർ കൊല്ലപ്പെട്ടു

ലക്‌നൗ: ഉത്തർപ്രദേശിലെ ചിത്രകൂട് ജയിലിൽ വെടിവെയ്പ്പ്.മൂന്ന് തടവുകാർ കൊല്ലപ്പെട്ടു.

കിഴക്കൻ ഉത്തർപ്രദേശിലെ ഗുണ്ടാ തലവൻ മുകീം കാലയും മിറാജ് അലി എന്ന സഹ തടവുകാരുമാണ് കൊല്ലപ്പെട്ടത്.

വിചാരണ തടവുകാരനാണ് വെടിവെയ്പ്പ് നടത്തിയതെന്നും ഇയാളെ പോലീസ് വെടിവെച്ച് കൊന്നതായും ജയിൽ അധികൃതർ പറഞ്ഞു.വെള്ളിയാഴ്ച രാവിലെ 11 മണിയോടെയാണ് സംഭവം.അൻഷു ദീക്ഷിത് എന്ന സഹതടവുകാരനാണ് വെടിവെച്ചതെന്ന് സ്ഥിരീകരിക്കാത്ത റിപോർട്ടുകൾ ഉണ്ട്

മുകീം കാലയെ യു പി യിലെ സാഹരൻപൂർ ജയിലിൽനിന്ന് മെയ് 7 നാണ് ചിത്രകൂട് ജയിലിലേക്ക് കൊണ്ടുവന്നത്.

ജില്ലാ പോലീസ് മേധാവിയും ജില്ലാ മജിസ്‌ട്രേട്ടും സ്ഥലത്തെത്തിയിട്ടു ണ്ട്.ജയിൽ ഡി ജി പി പ്രയാഗ് രാജ് രംഗ അന്വേഷണത്തിന് ഉത്തരവിട്ടു. photo |toi.indiatimes.com

വിടവാങ്ങി,കനൽ വഴികൾ താണ്ടിയ വിപ്ലവനായിക

തിരുവനന്തപുരം: വിപ്ലവ നായിക കെ ആർ ഗൗരിയമ്മ അന്തരിച്ചു.101 വയസായിരുന്നു.തിരുവന്തപുരത്തെ സ്വകാര്യ ആശുപത്രിയിൽ ചികിത്സയിലായിരുന്നു.ഇടയ്ക്ക് ആരോഗ്യം മെച്ചപ്പെട്ടതിനെ തുടർന്ന് മുറിയിലേക്കു മാറ്റിയിരുന്നെങ്കിലും വീണ്ടും തീവ്ര പരിചരണ വിഭാഗത്തിലേക്ക് മാറ്റിയിരുന്നു.

കനൽ വഴികളിലൂടെ കടന്നുപോയ വിപ്ലവ നായികയായിരുന്നു ഗൗരിയമ്മ.ത്യാഗങ്ങൾ മാത്രം സഹിച്ച പഴയ കമ്മ്യൂണിസ്റ്റ്കാരി ഇനി ചരിത്രത്തിൽ ജ്വലിക്കുന്ന ഓർമയായി നിലനിൽക്കും.

വിപ്ലവ പ്രസ്ഥാനത്തിന്റെ പടനിലങ്ങളിൽ ചരിത്രം തിരുത്തിക്കുറിച്ച,സാധാരണക്കാരുടെയും കർഷകന്റെയും ഉന്നമനത്തിനായി ഒരു ജീവിതകാലം ഉഴിഞ്ഞുവെച്ച കേരള രാഷ്ട്രീയത്തിലെ പെൺ കരുത്തായിരുന്നു.

കടുത്ത പനീയും ശ്വാസ തടസവുമായി കഴിഞ്ഞ ആഴ്ചയാണ് അവരെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചത്. ഗൗരിയമ്മയ്ക്ക് കോവിഡ് ഇല്ലെന്ന് ആശുപത്രി അധികൃതർ സ്ഥിരീകരിച്ചിരുന്നു.ശനിയാഴ്ച അവർ മരുന്നുകളോട് പ്രതികരിച്ചിരുന്നെങ്കിലും ഞായറാഴ്ച ഉച്ചയോടെ നില വഷളാവുകയും ആന്തരികാവയവങ്ങളിൽ അണുബാധ ഉണ്ടാവുകയും മരുന്നുകളോട് പ്രതികരിക്കാതെ മരണം സംഭവിക്കുകയുമായിരുന്നു.

കേരളാ രാഷ്ട്രീയത്തിന്റെ പെൺ ശബ്ദമായും കമ്മ്യൂണിസത്തിനും പുരോഗമന പ്രസ്ഥാനങ്ങൾക്കും വേണ്ടി ത്യാഗപൂർണ്ണമായ ജീവിതം നയിക്കുകയും ചെയ്ത ഗൗരിയമ്മയുടെ വിടവാങ്ങലിലൂടെ  ഒരു കാലഘട്ടത്തിന്റെ ചരിത്ര സ്മരണകൾക്ക് അന്ത്യം കുറിക്കുകയാണ്.കമ്യൂണിസത്തിന് വേണ്ടി ഉഴിഞ്ഞുവെച്ച ആ ജീവിതം ത്യാഗോജ്വലം തന്നെയായിരുന്നു എന്ന്  വിസ്മരിക്കാൻ പറ്റാത്ത ചരിത്ര രേഖകളായി ഓരോ കമ്മ്യൂണിസ്റ്റുകാരന്റെയും മനസ്സിൽ കുറിച്ചിവെച്ചിട്ടുണ്ട്.

1957 ലെ ഐക്യ കേരളാ സംസ്ഥാന രൂപീകരണ ശേഷം ഇ എം എസ് ന്റെ നേതൃത്വത്തിൽ അധികാരത്തിൽ വന്ന ആദ്യ കമ്മ്യൂണിസ്റ്റ്  മന്ത്രിസഭയിലെ അംഗമായിരുന്ന മുതിർന്ന നേതാവായിരുന്നു ഗൗരിയമ്മ.1919 ജൂലൈ 14 നായിരുന്നു ജനനം.1957,1960ലും കേരളാ നിയമസഭയിൽ ചേർത്തലയിൽനിന്നുള്ള അംഗമായി.1965 മുതൽ 1977 വരെയും 1980 മുതൽ 2006 വരെയും ആലപ്പുഴ അരൂരിൽനിന്ന് നിയമസഭാംഗമായി തിരഞ്ഞെടുക്കപ്പെട്ടു.

ചേർത്തല താലൂക്കിലെ പട്ടണക്കാട് അന്ധകാരനഴി  ഗ്രാമത്തിൽ കളത്തിപറമ്പിൽ കെ എ രാമന്റെയും പാർവ്വതി അമ്മയുടെയും മകളായി ജനനം.തിരൂർ,ചേർത്തല എന്നിവിടങ്ങളിലെ പ്രാഥമിക വിദ്യാഭ്യാസത്തിന് ശേഷം എറണാകുളം മ ഹാരാജാസ്‌ കോളേജിൽനിന്ന് ബിരുദവും  തിരുവനന്തപുരം ലോ കോളേജിൽനിന്ന് നിയമ ബിരുദവും നേടി.

ഗൗരിയമ്മ എന്ന വിപ്ലവം ഉള്ളിലുറങ്ങിയ കമ്മ്യൂണിസ്റ്റ്കാരി യുടെ ജീവിതത്തിലെ നാഴികക്കല്ലായിരുന്നു ജേഷ്ഠ സഹോദരൻ സുകുമാരന്റെ കൂടെയുള്ള രാഷ്ട്രീയ പ്രവർത്തനം.വിദ്യാർത്ഥി രഷ്ട്രീയത്തിലൂടെയായിരുന്ന് അത്.അവരുടെ രാഷ്ട്രീയ പ്രവർത്തനം ചെന്നെത്തിയത് ലോകത്ത് ആദ്യമായി ബാലറ്റിലൂടെ അധികാരത്തിലെത്തിയ ആദ്യ കമ്മ്യൂണിസ്റ്റ് മന്ത്രിസഭയിൽ അംഗമാവുന്നിടത്താണ്.1957 ൽ തന്നെ അതെ മന്ത്രിസഭയിൽ അംഗമായിരുന്ന ടി വി തോമസുമായുള്ള ഗൗരിയമ്മയുടെ വിവാഹം നടന്നു.എന്നാൽ 1964ൽ കമ്മ്യൂണിസ്റ്റ് പാർട്ടി രണ്ടായി പിളർന്നപ്പോൾ തോമസ് സി പി ഐ യിലും ഗൗരിയമ്മ സിപിഎമ്മിലും നിലകൊണ്ടു.

കേരള കർഷക സംഘം, മഹിളാ സംഘം,സിപിഎം സംസ്ഥാന സെക്രെട്ടറിയേറ്റ് അംഗം, മന്ത്രി എന്നി നിലകളിൽ തിളങ്ങിയായ വ്യക്തിത്വമായിരുന്ന ഗൗരിയമ്മ പല കാരണങ്ങളാൽ  പാർട്ടിയോട് പിണങ്ങിയതും പിന്നീട് പാർട്ടി വിട്ടതും മറ്റൊരു ചരിത്രമായി മാറി.1994ൽ സിപിഎം ഗൗരിയമ്മയെ പാർട്ടിയിൽനിന്ന് പുറത്താക്കി.ആ കാലത്ത് അത് പലർക്കും അവിശ്വസനീയമായ വാർത്തയായിരുന്നു.1994ൽ തന്നെ ജനാധിപത്യ സംരക്ഷണ സമിതി( ജെ എസ് എസ് ) എന്ന പാർട്ടി രൂപീകരിച്ച് അതിന്റെ ജനറൽ സെക്രെട്ടറിയായി.1994ൽ തന്നെ യു ഡി എഫിന്റെ ഘടക കക്ഷിയായി  ഗൗരിയമ്മ ഒരേ സമയം കമ്മ്യൂണിസ്റ്റ് കേരളത്തെയും യു ഡി എഫിനെപ്പോലും  അമ്പരപ്പിച്ചു.യു ഡി എഫ് തട്ടകങ്ങളിലും ഗൗരിയമ്മ മന്ത്രിയായി കഴിവ് തെളിയിച്ചു.വീണ്ടും കമ്മ്യൂണിസ്റ്റ് പാർട്ടിയോട് അടുക്കുന്ന ഗൗരിയമ്മയുടെ വേറിട്ട മുഖമാണ് കേരള ജനത കണ്ടത്.

കോവിഡ് ചികിത്സ: സ്വകാര്യ ആശുപത്രികളുടേത് കൊള്ള: ഹൈക്കോടതി

കൊച്ചി: കോവിഡ് സാഹചര്യത്തിലും സ്വകാര്യ ആശുപത്രികൾ നടത്തുന്നത് കൊള്ളയാണെന്ന് കേരള ഹൈക്കോടതി.

ഒരു തരത്തിലും നീതീകരിയ്ക്കാനാകാത്ത നിരക്കാണ് സ്വകാര്യ ആശുപത്രികൾ രോഗികളിൽനിന് ഈടാക്കുന്നത്.ഇതുസംബന്ധിച്ച ഹർജികൾ പരിഗണിക്കുമ്പോഴാണ് ഹൈക്കോടതി സ്വകാര്യ ആശുപത്രി മാനേജ്മെന്റുകൾക്കെതിരെ രൂക്ഷ വിമർശനം ഉന്നയിച്ചത്.

ഒരു കഞ്ഞിക്ക് 1350 രൂപയും ഒരു രൂപയുടെ പാരാസെറ്റമോൾ , ഡോളോ ഗുളികകൾക്ക് 25 രൂപ മുതൽ 45 രൂപവരെയും വാങ്ങിയ ആശുപത്രികളുണ്ടെന്ന് കോടതി പറഞ്ഞു.

സാധാരണക്കാരും ചികിത്സ തേടി സ്വകാര്യ ആശുപത്രിയിലെത്തുന്ന സാഹചര്യത്തിൽ ജനങ്ങൾക്കൊപ്പം നിൽക്കേണ്ട നിങ്ങൾ നീതികരിക്കാത്ത ചാർജ് ഈടാക്കി രോഗികളിൽനിന്ന് വലിയ തുക വാങ്ങുന്നത് തെറ്റ് തന്നെയെന്ന് കോടതി പറഞ്ഞു.1000 രൂപ കൂലിയുള്ള ഒരാൾക്ക് രണ്ടര ലക്ഷം രൂപയുടെ ബില്ല് കൊടുക്കുന്നത് നീതീകരിക്കാനാവില്ലെന്നും ഹൈക്കോടതി പറഞ്ഞു.

കേസുമായി ബന്ധപ്പെട്ട് കോവിഡ് ചികിത്സയ്ക്കായി സ്വകാര്യ ആശുപത്രികൾക്കായി ചികിത്സാ പ്രത്യേക നിരക്ക് നിശ്ചയിച്ചതായി സർക്കർ ഹൈക്കോടതിയെ അറിയിച്ചു.

കാസർഗോഡ് രണ്ട് ആശുപത്രികളിൽ ഓക്സിജൻ ക്ഷാമം

L I V E |ON AIR

കാസർഗോഡ്: കാസർഗോഡ് രണ്ട് ആശുപത്രികളിൽ ഓക്സിജൻ ക്ഷാമം.

ഗുരുതരാവസ്ഥയിലുള്ള രോഗികളെ മറ്റ് ആശുപത്രികളിലേക്ക് മാറ്റുന്നു.കിംസ് സൺറൈസ് ആശുപത്രിയിലും ഇ കെ നായനാർ ആശുപത്രിയിലുമാണ് ഓക്സിജൻ ക്ഷാമം.

കിംസ് ആശുപത്രിയിൽ ഉച്ചവരെയുള്ള ആവശ്യത്തുനുള്ള ഓക്സിജൻ മാത്രമാണുള്ളത്. ഇ കെ നായനാർ ആശുപത്രിയിൽ മൂന്ന് മണിക്കൂർ നേരത്തേക്കുള്ള ഓക്സിജൻ മാത്രമാണ് അവശേഷിക്കുന്നതെന്ന് ആശുപത്രി വൃത്തങ്ങൾ വ്യക്തമാക്കി.മംഗളുരുവിൽനിന്നുള്ള ഓക്സിജൻ വരവ് നിലച്ചതാണ്‌ പ്രതിസന്ധിക്ക് കാരണം.

എന്നാൽ കിംസ് സൺറൈസ് ആശുപത്രിയിൽ കണ്ണൂരിൽനിന്നും 15 സിലിണ്ടറുകൾ എത്തിക്കാൻ നടപടി തുടങ്ങിയതായി ആശുപത്രി ആർ എം ഒ അറിയിച്ചു.

ഓക്സിജൻ വഹിച്ചുകൊണ്ടുള്ള വാഹനം കണ്ണൂരിൽനിന്ന് പുറപ്പെട്ടിട്ടുണ്ടെന്നാണ് ലഭ്യമാകുന്ന വിവരം. കാസർഗോഡ് ജില്ലയിൽ എവിടെയും ഓക്സിജൻ പ്ലാന്റ് ഇല്ലാത്തതിനാൽ ഓക്സിജൻ ക്ഷാമം വലിയ പ്രതിസന്ധികൾ ഉണ്ടാക്കിയേക്കും.

ഗവർണർ നിലപാട് കടുപ്പിച്ചു, ബംഗാൾ ചീഫ് സെക്രട്ടറിയും പോലീസ് മേധാവിയും ഗവർണറെ കാണും

BREAKING L I V E |

കൊൽക്കത്ത: പശ്ചിമ ബംഗാൾ ചീഫ് സെക്രട്ടറിയും സംസ്ഥാന പോലീസ് മേധാവിയും ഇന്ന് വൈകുന്നേരം ഗവർണറെ കാണും.

ബംഗാൾ അക്രമങ്ങൾ സംബന്ധിച്ച് ആഭ്യന്തര വകുപ്പ് റിപ്പോർട്ട് ആവശ്യപ്പെട്ട ഗവർണ്ണർക്ക് റിപ്പോർട്ട് നൽകാത്തതിനെ രൂക്ഷമായി വിമർശിച്ച് ഗവർണർ ജഗദീപ് ധനകർ നിലപാടുകൾ കടുപ്പിച്ചതോടെയാണ് ഇത്.

ഇന്ന് വൈകുന്നേരം 7 മണിക്ക് മുൻപായി രാജ്ഭവനിലെത്തണമെന്ന് ചീഫ് സെക്രട്ടറിക്ക് അന്ത്യശാസനം നൽകിയിരുന്നു.നിലപാട് കടുപ്പിച്ച ഗവർണ്ണർ പരസ്യമായ വിമർശനം നടത്തുകയും ചീഫ് സെക്രട്ടറിയോട് ഹാജരാകാൻ ആവശ്യപ്പെട്ട വിവരം ട്വീറ്റ് ചെയ്യുകയും ചെയ്തു.

http://www.jginews.in/west-bengal-governer-jagdepp-dhankar-summoned-chief-secretary-on-behalf-of-the-failure-of-report-submitting/

ഗവർണറെ കാണാൻ പറ്റില്ലെന്ന നിലപാടെടുത്ത ചീഫ് സെക്രട്ടറി മുഖ്യമന്ത്രി മമത ബാനർജിയുടെ ഇടപെടലിനെ തുടർന്ന് തീരുമാനം മാറ്റുകയായിരുന്നു.ഗവർണ്ണറുടെ രൂക്ഷ വിമർശനത്തിന്റെ പശ്ചാത്തലത്തിലാണ് മമത നിലപാട് മാറ്റാൻ നിർബന്ധിതയായത്. ചീഫ് സെക്രെട്ടറിയോടൊപ്പം പോലീസ് മേധാവിയും ഗവർണറെ കാണും.

ലോക്ക് ഡൗൺ ഇളവുകളിൽ പൊലീസിന് അതൃപ്തി

തിരുവനന്തപുരം: സംസ്ഥാന സർക്കാർ പുറത്തിറക്കിയ ലോക്ക് ഡൗൺ മാർഗ്ഗരേഖകളിൽ പൊലീസിന് അതൃപ്തി.

സർക്കാർ പ്രഖ്യാപിച്ച മാർഗ്ഗരേഖകളിൽ അനുവദിച്ചിട്ടുള്ള ഇളവുകളിലാണ് പൊലീസിന് അതൃപ്തി.

ഇളവുകൾ നൽകിയാൽ നടപടികൾ പൊലീസിന് ഫലപ്രദമായി നടപ്പാക്കാനാവില്ല എന്നതാണ് പോലീസ് നയം.യാത്രകൾ അനുവദിക്കുന്നത് അപ്രായോഗികം.ഇത് വീണ്ടും റോഡിൽ ജനങ്ങളുമായുള്ള സംഘർഷത്തിന് കാരണമാകും.

സഹകരണ മേഖലയിലും നിർമ്മാണമേഖലയിലും നൽകിയിട്ടുള്ള ഇളവുകൾ അപ്രായോഗികമാണെന്നാണ് പോലീസ് പറയുന്നത്.നിർമ്മാണ മേഖലയിലെയും സഹകരണ മേഖലയിലെയും ഇളവുകൾ കൂടുതൽ ആളുകൾ റോഡിൽ ഇറങ്ങുന്നതിന് കാരണമാകും.ഇത് പഴയ ലോക്ക് ഡൗൺ കാലത്തെപോലെ വാക്കേറ്റങ്ങൾക്ക് ഇടയാക്കിയേക്കും..

നിർമാണ മേഖലയിൽ കൂടുതലായും ഉള്ളത് ഇതര സംസ്ഥാന തൊഴിലാളികളായതിനാൽ പ്രായോഗിക ബുദ്ധിമുട്ടുകൾ ഉണ്ട്.സത്യവാങ്മൂലത്തിന്റെയും മറ്റും കാര്യത്തിലാണ് ഇത്.നിർമ്മാണ പ്രവർത്തനങ്ങളുടെ പേരിൽ ആളുകൾ ഇറങ്ങുന്ന സ്ഥിതി ഉണ്ടാകാൻ സാധ്യതയുണ്ട്.

മാർഗ്ഗരേഖകളിൽ അടിയന്തര സർക്കാർ ശ്രദ്ധ വേണമെന്നും പോലീസിന്റെ പുതിയ നിർദേശങ്ങൾ കൂടി പരിഗണിക്കണം എന്നുമാണ് ആവശ്യം.

കേന്ദ്രമന്ത്രി വി മുരളീധരനെ ആക്രമിച്ച 8 പേർ കസ്റ്റഡിയിൽ,മൂന്ന് പോലീസുകർക്ക് സസ്പെൻഷൻ

L I V E |

മിഡ്നാപൂർ: പശ്ചിമ ബംഗാളിലെ മിഡ്നാപൂരിൽ കേന്ദ്ര വിദേശകാര്യ സഹമന്ത്രി വി മുരളീധരനെ ആക്രമിച്ച സംഭവത്തിൽ 8 പേരെ പോലീസ് കസ്റ്റഡിയിലെടുത്തു.മൂന്ന് പൊലീസുകാരെ സസ്‌പെൻഡ് ചെയ്തിട്ടുണ്ട്.

പശ്ചിമ മേദ്‌നിപൂർ എസ് പി പശ്ചിമ ബംഗാൾ ഡി ജി പി ക്ക് സംഭവവുമായി ബന്ധപ്പെട്ട വിശദമായ റിപ്പോർട്ട് നൽകി.

പശ്ചിമ ബംഗാളിൽ തിരഞ്ഞെടുപ്പിന് ശേഷം ഉണ്ടായ അക്രമ സംഭവങ്ങളും കേന്ദ്രമന്ത്രി പോലും അക്രമിക്കപ്പെട്ടതും കേന്ദ്ര ആഭ്യന്തര മന്ത്രാലയം അതീവ ഗൗരവത്തോടെയാണ് കാണുന്നത് എന്നാണ് സൂചനകൾ.

കേന്ദ്ര മന്ത്രിയെ ആക്രമിച്ച സംഭവത്തിൽ ആഭ്യന്തര മന്ത്രാലയം റിപ്പോർട്ട് തേടിയിട്ടുണ്ട്.വി മുരളീധരൻ ആക്രമിക്കപ്പെടുമ്പോൾ ഇടപെടാതിരുന്ന പോലീസുകാരെയാണ് സസ്‌പെൻഡ് ചെയ്തത് എന്നാണ് റിപോർട്ടുകൾ.

മുരളീധരൻ ആക്രമിക്കപ്പെടുമ്പോൾ ബംഗാൾ പോലീസ് വണ്ടി സമീപത്ത് നിർത്തിയിട്ടിരുന്നു.അക്രമി സംഘം ഓടിയടുത്തപ്പോൾ മുരളീധരന്റെ വാഹന വ്യൂഹത്തിലെ സുരക്ഷാ ചുമതലയിൽ ഉണ്ടായിരുന്ന പോലീസുകാരാണ് ഇടപെട്ടത് എന്നും സംഭവ സ്ഥലത്തുണ്ടായിരുന്ന പോലീസുകാർ ഇടപെട്ടില്ല എന്നും ദൃക്‌സാക്ഷികളെ ഉദ്ധരിച്ച് മാധ്യമങ്ങൾ റിപ്പോർട്ട് ചെയ്തിരുന്നു.

ആക്രമണ സംഭവ പരമ്പരകൾ അരങ്ങേറുന്ന ബംഗാളിൽ മമതാ ബാനർജിയുടെ സത്യപ്രതിജ്ഞ ചടങ്ങിനിടയിൽ ക്രമസമാധാന പാലനത്തിലെ പാളിച്ചകൾ ഗവർണ്ണർ ചൂണ്ടിക്കാട്ടിയപ്പോൾ തിരഞ്ഞെടുപ്പ് കമ്മീഷനാണ് ഉത്തരവാദി എന്നായിരുന്നു മമത ബാനർജിയുടെ പ്രതികരണം.

മുൻ കേന്ദ്രമന്ത്രി അജിത് സിങ് കോവിഡ് ബാധിച്ച് മരിച്ചു

ന്യൂഡൽഹി: ആർ ജെ ഡി തലവനും മുൻ കേന്ദ്രമന്ത്രിയുമായ അജിത് സിങ് അന്തരിച്ചു.കോവിഡ് ബാധിതനായി ചികിത്സയിലായിരുന്നു.

82 വയസായിരുന്നു.ഏപ്രിൽ 20 നാണ് കോവിഡ് ബാധിച്ചതിനെ തുടർന്ന് ആശുപത്രിയിൽ പ്രവേശിപ്പിച്ചത്.തുടർന്ന് ശ്വാസകോശത്തിലെ അണുബാധയെ തുടർന്ന് ഗുരു ഗ്രാമിലെ ആശുപത്രിയിൽ ചികിത്സയിൽ കഴിയുന്നതിനിടെയാണ് മരണം.

മുൻ പ്രധാനമന്ത്രി ചൗധരി ചരൺ സിംഗിന്റെ മകനാണ് ചൗധരി അജിത് സിങ്.ഖോരക്പൂർ ഐ ഐ ടീയിൽ നിന്ന് പഠിച്ചിറങ്ങിയ അജിത് സിങ് ചിക്കാഗോയിലാണ് ഉപരി പഠനം നടത്തിയത്.15 വർഷത്തോളം ഐ ടി മേഖലയിൽ ജോലി ചെയ്ത ശേഷമാണ് രാഷ്ട്രീയത്തിൽ പ്രവേശിച്ചത്.

തൃപ്പൂണിത്തുറയിൽ കെ ബാബുവിനെതിരെ കോടതിയെ സമീപിക്കും സിപിഎം

കൊച്ചി: തൃപ്പൂണിത്തുറയിൽ വിജയിച്ച നിയുക്ത എം എൽ എ കെ ബാബുവിനെതിരെ കോടതിയെ സമീപിക്കുമെന്ന് സിപിഎം വ്യക്തമാക്കി.

നിയമസഭാ തിരഞ്ഞെടുപ്പിൽ ശബരിമല വിഷയം ദുരുപയോഗം ചെയ്തു എന്നാണ് പരാതി.പോസ്റ്റൽ വോട്ടുകളിലും ക്രമക്കേട് നടന്നു.ഉദയം പേരൂർ,പള്ളുരുത്തി,ഏരൂർ മേഖലകളിലെ വോട്ട് ചോർച്ചയും പരിശോധിക്കും.

ശബരിമല തിരഞ്ഞെടുപ്പിൽ വിഷയമാക്കരുതെന്ന് തിരഞ്ഞെടുപ്പ് കമ്മീഷൻ വ്യക്തമാക്കിയിട്ടും ബാബു മത വിഷയങ്ങൾ തിരഞ്ഞെടുപ്പിൽ ഉൾപ്പെടുത്തി കള്ള പ്രചാരണം നടത്തി.

അതേസമയം തിരഞ്ഞെടുപ്പ് വേളയിൽ ശബരിമലയുമായി ബന്ധപ്പെട്ട് എൽ ഡി എഫ് സ്ഥാനാർഥി സ്വരാജ് നടത്തിയ പ്രസംഗം വളച്ചൊടിച്ച് മതപരമായി ജനങ്ങളെ ഭിന്നിപ്പിക്കാൻ ശ്രമിച്ചു.

1700ൽ അധികം പോസ്റ്റൽ വോട്ടുകൾ അസാധുവായി കണക്കാക്കി മാറ്റിവെച്ചിട്ടുണ്ട്.80 വയസ് കഴിഞ്ഞവരും ക്വാറന്റൈനിൽ കഴിയുന്നവരും രേഖപ്പെടുത്തിയ വോട്ടുകൾ ഉദ്യോഗസ്ഥരുടെ അനാസ്ഥയാലാണ് അസാധുവായത്.ഇതും കോടതിയിൽ ചൂണ്ടിക്കാട്ടുമെന്ന് സിപിഎം വ്യക്തമാക്കി.

ഡോ.ഫിലിപ്പോസ് മാർ ക്രിസ്റ്റോസ്റ്റം തിരുമേനി കാലം ചെയ്തു

ക്രിസ്റ്റോസ്റ്റം തിരുമേനി പിറന്നാൾ ആഘോഷ വേളയിൽ photo |deccanchronicle.com

കോട്ടയം: മലങ്കര മാർത്തോമ്മാ സഭ വലിയ മെത്രാപ്പോലീത്ത ഡോ.ഫിലിപ്പോസ് മാർ ക്രിസ്റ്റോസ്റ്റം തിരുമേനി കാലം ചെയ്തു.

104 വയസായിരുന്നു.കുമ്പനാട്ടെ സ്വകാര്യ ആശുപത്രിയിൽ പുലർച്ചെ 1.15 നായിരുന്നു അന്ത്യം.

വാർധക്യ സഹജമായ അസുഖങ്ങളെ തുടർന്ന് കഴിഞ്ഞ മൂന്ന് വർഷങ്ങളായി കുമ്പനാട്ടെ ആശുപത്രിയിൽ ചികിത്സയിലും വിശ്രമത്തിലുമായിരുന്നു.ചിരിയുടെ മെത്രാപ്പോലീത്ത എന്നറിയപ്പെട്ട തിരുമേനിയുടെ 104ആം പിറന്നാൾ കഴിഞ്ഞ ആഴ്ചയായിരുന്നു ആഘോഷിച്ചത്.

ഇരവിപേരൂർ കലികമണ്ണിൽ കെ ഇ ഉമ്മൻ കശീശയുടെയും ശോശാമ്മയുടെയും മകനായി 1918 ഏപ്രിൽ 28 നായിരുന്നു ജനനം.2018 ൽ രാജ്യം പത്മഭൂഷൺ നൽകി ആദരിച്ചിട്ടുണ്ട്.

മാരാമൺ,കോഴഞ്ചേരി,ഇരവിപേരൂർ എന്നിവിടങ്ങളിലെ വിദ്യാഭ്യാസത്തിന് ശേഷം യു സി കോളേജ് ആലുവയിൽനിന്ന് ബിരുദ പഠനം പൂർത്തിയാക്കിയ ശേഷം ബംഗളുരു,കാന്റർബറി എന്നിവിടങ്ങളിൽനിന്ന്ന് വേദശാസ്ത്രത്തിൽ പാണ്ഡിത്യം നേടി.

1944 ലാണ് ശെമ്മാശ്ശപ്പട്ടം നേടിയത്.അതെ വർഷം തന്നെ ജൂൺ 30 ന് കശീശാ പട്ടവും നേടി.1953 മെയ് 20 ന് റമ്പാനായി നിയുക്തനായ അദ്ദേഹം 1999 ഒക്ടോബർ 23ന് മാർത്തോമ്മാ സഭയുടെ പരമാധ്യക്ഷനായി.എന്നാൽ 2007 ഒക്ടോബർ ഒന്ന് മുതൽ ആരോഗ്യ കാരണങ്ങളാൽ സ്ഥാനത്യാഗം ചെയ്തു.ഒക്ടോബർ 2ന് വലിയ മെത്രാപ്പോലീത്തയായി.

സ്വർണ്ണ നാവിന്റെ ഉടമ എന്നറിയപ്പെടുന്ന തിരുമേനി ലോകത്തെ ഏറ്റവും പ്രായം കൂടിയ ബിഷപ്പായിരുന്നു.

കണ്ണൂർ ഇരിട്ടിക്കടുത്ത് പടിക്കച്ചാലിൽ ബോംബ് സ്ഫോടനത്തിൽ രണ്ട് കുട്ടികൾക്ക് പരിക്ക്

BREAKING | LIVE

മട്ടന്നൂർ (കണ്ണൂർ ) : കണ്ണൂർ ഇരിട്ടിക്കടുത്ത പടിക്കച്ചാലിൽ ബോംബ് സ്ഫോടനത്തിൽ രണ്ട് കുട്ടികൾക്ക് പരിക്കേറ്റു.ഒരു കുട്ടിയുടെ പരിക്ക് ഗുരുതരം.

ആളൊഴിഞ്ഞ പറമ്പിൽ നിന്ന് കിട്ടിയ ഐസ്ക്രീം ബോൾ വീട്ടിൽ കൊണ്ടുവന്ന് കളിക്കുമ്പോൾ പൊട്ടി സ്ഫോടനമുണ്ടായാണ് കുട്ടികൾക്ക് പരിക്കേറ്റതെന്ന് പോലീസ് അറിയിച്ചു.

സഹോദരങ്ങളായ അഞ്ച് വയസുകാരൻ മുഹമ്മദ് അമീൻ, ഒന്നര വയസുകാരൻ മുഹമ്മദ് റഷീദ് എന്നി കുട്ടികൾക്കാണ് പരിക്കേറ്റത്.

ഗുരുതരമായി പരിക്കേറ്റ 5 വയസുകാരൻ മുഹമ്മദ് അമീനിന്റെ പരിക്ക് ഗുരുതരമായതിനാൽ കണ്ണൂർ പരിയാരം മെഡിക്കൽ കോളേജിലേക്ക് മാറ്റി.

ഉഗ്ര സ്ഫോടനത്തെ തുടർന്ന് വീടിന്റെ ജനൽ ചില്ലുകളും മറ്റും പൊട്ടിയിട്ടുണ്ട്.വലിയ ശബ്ദം ഉണ്ടായതായി പരിസരവാസികൾ അറിയിച്ചു. സംഭവത്തിൽ അന്വേഷണം തുടങ്ങിയതായി പോലീസ് അറിയിച്ചു.

താരങ്ങൾക്ക് കോവിഡ്: ഐ പി എൽ മത്സരങ്ങൾ അനിശ്ചിതകാലത്തേക്ക് നിർത്തിവെച്ചു

BREAKING NEWS | LIVE

ന്യൂഡൽഹി: ഇന്ത്യൻ പ്രീമിയർ ലീഗ് ( ഐ പി എൽ ) ക്രിക്കറ്റ് ഈ സീസണിലെ മുഴുവൻ മത്സരങ്ങളും അനിശ്ചിതകാലത്തേക്ക് നിർത്തിവെച്ചു.

താരങ്ങളിൽ പലർക്കും കോവിഡ് സ്ഥിരീകരിച്ചതിനാലാണ് തീരുമാനമെന്ന് ഇന്ത്യൻ പ്രീമിയർ ലീഗ് സംഘാടകർ( ബി സി സി ഐ ) അറിയിച്ചു. ഈ സീസണിലെ മുഴുവൻ മത്സരങ്ങളും നിർത്തിയെന്ന് ബി സി സി ഐ പ്രസിഡണ്ട് രാജീവ് ശുക്ല അറിയിച്ചു.

സൺ റൈസേഴ്സ് ഹൈദരാബാദ് താരങ്ങൾക്കാണ് കോവിഡ് സ്ഥിരീകരിച്ചത്.സൺ റൈസേഴ്സ് ഹൈദരാബാദ് മുംബൈ ഇന്ത്യൻസ് മത്സരം ഇന്ന് ഡൽഹിയിൽ നടക്കാനിരിക്കെയാണ് താരങ്ങൾക്ക് കോവിഡ് സ്ഥിരീകരിച്ചത്.

ഐ പി എൽ താരങ്ങളിൽ പലരും കോവിഡിന്റെ പിടിയിലാകുന്ന പശ്ചാത്തലത്തിൽ കൂടിയാണ് പാതി വഴിയിൽ താൽക്കാലികമായി മത്സരങ്ങൾ നിർത്താൻ കാരണം.

ചെന്നൈ സൂപ്പർ കിങ്‌സ് ടീം അംഗങ്ങളിൽ ചിലർക്ക് കോവിഡ് സ്ഥിരീകരിച്ചതിനെ ബി സി സി ഐ യെ അറിയിച്ചതിനെ തുടർന്ന് രാജസ്ഥാൻ റോയൽസുമായുള്ള അവരുടെ അടുത്ത മത്സരം നടത്തേണ്ടെന്ന് ബി സി സി ഐ നേരത്തെ പറഞ്ഞതിന് പിന്നാലെയാണ് ഐ പി എൽ മത്സരങ്ങൾ താൽക്കാലികമായി നിർത്താൻ തീരുമാനമായത്.

തിരുവനന്തപുരത്തും പാലക്കാടും കോവിഡ് രോഗികളുടെ മൃതദേഹം മാറി കൈമാറി

പ്രതീകാത്മക ചിത്രം

തിരുവനന്തപുരം:
തിരുവനന്തപുരം മെഡിക്കൽ കോളേജിലും പാലക്കാട് കരുണ മെഡിക്കൽ കോളേജിലും കോവിഡ് രോഗികളുടെ മൃതദേഹം മാറി നൽകി.

തിരുവനന്തപുരം മെഡിക്കൽ കോളേജിലും കോവിഡ് രോഗിയുടെ മൃതദേഹമാണ് മാറി നൽകിയത് .വെള്ളായണി സ്വദേശിയുടെ മൃതദേഹമാണ് മാറി നൽകിയത്.ആശുപത്രി അധികൃതർ നൽകിയ മൃതദേഹം ബന്ധുക്കൾ സംസ്കരിക്കുകയൂം ചെയ്തു.

ഞായറാഴ്ച്ച മരിച്ച രണ്ട് കോവിഡ് രോഗികളുടെ മൃതദേഹമാണ് പാലക്കാട് കരുണ മെഡിക്കൽ കോളേജിൽ നിന്ന് മാറി നൽകിയത്. മങ്കര സ്വദേശിക്ക് പകരം ആലത്തൂർ സ്വദേശിയുടെ മൃതദേഹമാണ് നൽകിയത്.ഇത് മോർച്ചറി ജീവനക്കാരന് പറ്റിയ തെറ്റാണെന്ന് ആശുപത്രി അധികൃതർ.

രണ്ട് ആശുപത്രികളിലെയും സമാന സംഭവങ്ങളിൽ ആശുപത്രി അധികൃതർ തെറ്റ് സംഭവിക്കുകയും ജീവനക്കാർക്കെതിരെ നടപടി എടുക്കുകയും ചെയ്തിട്ടുണ്ട്.

കോവിഡ് മരണമായതിനാൽ മൃതദേഹങ്ങളുടെ മുഖം നോക്കി തിരിച്ചറിയാൻ സംനിയമ നടപടികൾ സ്വീകരിക്കുമെന്ന് ബന്ധുക്കൾ അറിയിച്ചു.വിധാനമില്ലാത്തതിനാലാണ് ഇങ്ങനെ സംഭവിച്ചതെന്ന് കരുണ മെഡിക്കൽ കോളേജ് അധികൃതർ പറഞ്ഞു.

കേരള ജനതയുടെ വിജയം,പക്ഷെ ആഘോഷിക്കേണ്ട സമയമല്ല : മുഖ്യമന്ത്രി പിണറായി വിജയൻ

LIVE |

കണ്ണൂർ: തിളങ്ങുന്ന വിജയത്തിലും കോവിഡ് പശ്ചാത്തലത്തിന്റെ ഗൗരവം കൈവിടാതെ മുഖ്യമന്ത്രി പിണറായി വിജയൻ.

ഇത് മഹത്തായ വിജയമാണെന്നും ജനങളുടെ വിജയമാണെന്നും മുഖ്യമന്ത്രി പറഞ്ഞു,തിരഞ്ഞെടുപ്പ് പ്രഖ്യാപനം മുതൽ പല രീതിയിലുള്ള ആക്രമണങ്ങൾ നേരിടേണ്ടി വന്നു.കൂടാതെ വലിയ പ്രതിസന്ധികളും നേരിടേണ്ടി വന്നു. എന്നാൽ ജനങ്ങൾ എൽ ഡി എഫിനൊപ്പം നിന്നു.ജനവിധിയിലൂടെ ജനം പ്രഖ്യാപിച്ചത് അതാണ്.

കഴിഞ്ഞ അഞ്ച് വർഷത്തെ പ്രവർത്തനങ്ങളുടെ ഫലമാണ് വിജയം.കേരളത്തിന്റെ ഭാവിയെ കുറിച്ച് ചിന്തിക്കുമ്പോൾ എൽ ഡി എഫിന് മാത്രമേ എന്തെങ്കിലും ചെയ്യാൻ കഴിയു എന്ന ബോധ്യം ജനങ്ങൾക്കുണ്ട്.

നാട് ദുരന്തങ്ങൾ നേരിട്ടപ്പോൾ അതിനെ അതിജീവിക്കാൻ നടത്തിയ ശ്രമം ജനം കണ്ടതാണ്.അത്കൊണ്ട് തന്നെ ആപത് ഘട്ടത്തിൽ ജനത്തെ എങ്ങിനെ നയിക്കും എന്ന് ജനം കണ്ടു, നാടിന്റെ വികസനത്തിന് എൽ ഡി എഫിന്റെ തുടർ ഭരണം വേണമെന്ന് ജനം ചിന്തിച്ചു.

തൊഴിലില്ലായ്മ വലിയ പ്രശ്നമാണ്.എൽ ഡി എഫ് പ്രകടന പത്രികയിലൂടെ ഏതെല്ലാം രീതിയിൽ തൊഴിൽ സാധ്യത വർധിപ്പിക്കും എന്ന് വ്യക്തമാക്കി.അത് വെറും വാക്കല്ല എന്ന് ജനം മനസിലാക്കി.നടപ്പാക്കാൻ പറ്റുന്ന കാര്യങ്ങളെ പറയു. പറഞ്ഞ കാര്യങ്ങൾ നടപ്പാക്കും.അത് ഏതെങ്കിലും മാധ്യമങ്ങൾ പറഞ്ഞ് ഉണ്ടാക്കിയതല്ല.

നാടിന്റെ മത നിരപേക്ഷത വലിയ വെല്ലുവിളി നേരിടുന്ന സമയത്ത് വെല്ലുവിളികളെ നേരിടാൻ പറ്റിയ സർക്കാർ ഇവിടെ വേണമെന്ന് ജനങ്ങൾ ചിന്തിച്ചു.അവിടെ വിട്ടു വീഴ്ചകൾക്ക് തയ്യാറാകാത്ത ഒരു സർക്കാർ ഇവിടെ ഉണ്ടായതുകൊണ്ടാണ് ഒരു വർഗീയ ശക്തിക്കും ഇവിടെ വളരാൻ സാധിച്ചില്ല.അത്കൊണ്ട് തന്നെ നമ്മുടെ സമൂഹത്തിലെ മഹാ ഭൂരിപക്ഷവും എൽ ഡി എഫ് തുടർ ഭരണം ആവശ്യമാണെന്ന് ചിന്തിച്ചു.

നമ്മുടെ നാടിന്റെ ജീവിത നിലവാരം ആ രീതിയിൽ തന്നെ നില നിർത്തുന്നതിന് സർക്കാർ സ്വീകരിച്ച നിലപാടുകൾ കാരണം ദരിദ്ര വിഭാഗത്തിൽ പെട്ടവർക്ക് പോലും നല്ല ജീവിതം നയിക്കാൻ സാധിച്ചു. തങ്ങൾക്ക് ക്ഷേമത്തോടെ ജീവിക്കാൻ എൽ ഡി എഫിന്റെ തുടർ ഭരണം വേണമെന്ന ചിന്ത സാധാരണക്കാരിൽ ഉണ്ടാക്കി.

കേരളത്തിലെ ഇടതുപക്ഷ സർക്കാർ അധികാരത്തിൽ വന്നാൽ മാത്രമേ സാമൂഹിക നീതി നടപ്പാക്കു എന്ന് ജനങ്ങൾ മനസിലാക്കി അത്കൊണ്ട് വിജയം ജനങ്ങൾക്ക് സമർപ്പിക്കുന്നു.

മാറി മാറി ഭരണം മുന്നണികളെ ഏൽപ്പിക്കുന്ന പരമ്പരാഗത ചിന്താഗതികളും തിരുത്തപ്പെട്ടതിനാൽ ഈ വിജയത്തിന് ചരിത്ര പ്രാധാന്യമുണ്ട്.ബിജെപി അവകാശ വാദങ്ങൾ പൊളിഞ്ഞു. ഭൂരിപക്ഷം ആവശ്യമില്ലെങ്കിലും ഭരിക്കാൻ പോകുന്നു എന്ന ധാരണ അവർ സൃഷ്ടിച്ചു.

മാധ്യമങ്ങൾ മുഖേന അവർ വലിയ പ്രചാരണങ്ങൾ നടത്തി.ആ ഘട്ടത്തിലാണ് ഇപ്പോൾ അവർക്ക് ഉള്ള അക്കൗണ്ട് ക്ലോസ് ചെയ്യും എന്ന് പറഞ്ഞത്.അവർക്ക് ഇത് യഥാർത്ഥ സ്ഥിതി തിരിച്ചറിയാനുള്ള ശ്രമമാണ്.

കേരളം വർഗീയതയുടെ വില നിലമല്ല.അത് ഇവിടെ വിലപ്പോവില്ല.യു ഡി എഫ് കേരളത്തിലെ പ്രതിപക്ഷമായി പ്രവർത്തിച്ചു.എന്നാൽ അവർ നാടിന്റെയോ ജനങ്ങളുടെയോ ഭാഗമായി നിന്നില്ല.അത്കൊണ്ട് തന്നെ അവർ ഉയർത്തിയ മുദ്രാവാക്യങ്ങൾ ജനം തള്ളി.അവരുടെ നിലനിൽപ്പ് തന്നെ ചോദ്യം ചെയ്യപ്പെട്ട് കൊണ്ടിരിക്കയാണ്. മുഖ്യമന്ത്രി പറഞ്ഞു.

കേന്ദ്ര ഏജൻസികളുടെ വഴി വിട്ട പ്രവർത്തനങ്ങളെ സഹായിക്കുന്ന പ്രവർത്തനങ്ങൾ പ്രതിപക്ഷം ചെയ്തു.ക്ഷേമ പ്രവർത്തനങ്ങൾ സംബന്ധിച്ച തെറ്റായ ചിത്രം വരച്ചുകാട്ടി.ഇത്തരത്തിൽ വലതു പക്ഷ മാധ്യമങ്ങളും പ്രവർത്തിച്ചു.അത്തരം മാധ്യമങ്ങൾ എൽ ഡി എഫിനെ അപകീർത്തിപ്പെടുത്താനുള്ള ഗവേഷണനങ്ങളിൽ ഏർപ്പെട്ടു. രാഷ്ട്രീയ കാര്യങ്ങൾ തീരുമാനിക്കാനുള്ള മേലാളന്മാരല്ല മാധ്യമങ്ങൾ എന്ന് അവർ തന്നെ ചിന്തിക്കണം.മുഖ്യമന്ത്രി പറഞ്ഞു.

എൽ ഡി എഫ് തരംഗം, മുന്നേറ്റം : തുടർഭരണ സൂചന നൽകി സംസ്ഥാനം

തിരുവനന്തപുരം: സംസ്ഥാനത്ത് ഇടത് മുന്നേറ്റം നൽകുന്നത് തുടർഭരണ സൂചനകൾ.മുഖ്യമന്ത്രി പിണറായി വിജയന്റെ ലീഡ് ബഹുദൂരം മുന്നിലായി.

സംസ്ഥാനത്ത് തുടർഭരണ സൂചന നൽകി എല്ലാ ജില്ലകളിലും എൽ ഡി എഫ് മുന്നേറുന്ന കാഴ്ചയാണ് കാണുന്നത്.8 ജില്ലകളിൽ എൽ ഡി എഫിന് വ്യക്തമായ മുൻ‌തൂക്കം.എൽ ഡി എഫ് ക്യാമ്പുകളിൽ ആഹ്ലാദം പകർന്നുകൊണ്ടാണ് തിരഞ്ഞെടുപ്പ് ഫലം പുറത്തുവന്നു കൊണ്ടിരിക്കുന്നത്.

എറണാകുളത്ത് ഒപ്പത്തിനൊപ്പമാണ് ഇരു മുന്നണികളും.കുണ്ടറയിൽ പി സി വിഷ്ണുനാഥ് മുന്നേറുന്നു.പാലക്കാട് ഇ ശ്രീധരൻ മുന്നിലാണ്.പാലായിൽ കടുത്ത ആകാംഷ നിലനിൽക്കുന്നുണ്ടെങ്കിലും മാണി സി കാപ്പൻ മുന്നിലാണ്.കോട്ടയം പുതുപ്പള്ളിയിൽ ഉമ്മൻ ചാണ്ടി പിന്നിൽ.

തൃശ്ശൂരിൽ സുരേഷ് ഗോപി മുന്നേറ്റം തുടരുന്നു.മന്ത്രിമാരിൽ മേഴ്‌സിക്കുട്ടിയമ്മയും കെ യു ജലീലും പിന്നിലാണ്.മന്ത്രി എം എം മണിയുടെ ലീഡ് ഉയർന്നതോടെ എതിർ സ്ഥാനാർഥി ഇ എം അഗസ്തി തോൽവി സമ്മതിച്ചു എന്ന് ഫേസ് ബുക്ക് പോസ്റ്റ് ഇട്ടു.തല മൊട്ടയടിക്കും എന്നാണ് അഗസ്തിയുടെ പ്രതികരണം.വടകരയിൽ കെ കെ രമ വൻ മുന്നേറ്റം തുടരുന്ന അവസ്ഥയാണ്.

ആർ ടി പി സി ആർ: കൊള്ള തുടരുന്നു പരിശോധന നിർത്തി ലാബുകൾ, കോടതിയെ സമീപിക്കാൻ നീക്കം

LIVE |
സ്വന്തം ലേഖകൻ

തിരുവനന്തപുരം: കോവിഡ് വ്യാപനം രൂക്ഷമായ പ്രതിസന്ധി ഘട്ടത്തിലും സംസ്ഥാന സർക്കാരിനെയും ജനങ്ങളെയും വെല്ലുവിളിച്ച് സ്വകാര്യ ലാബുകൾ കോവിഡ് പരിശോധനനായ ആർ ടി പി സി ആർ പരിശോധനയ്ക്ക് ഉയർന്ന നിരക്ക് ഈടാക്കുന്നത് തുടരുന്നു.

ആർ ടി പി സി ആർ പരിശോധനയ്ക്കുള്ള നിരക്ക് 1700 രൂപയിൽനിന്ന് 500 രൂപയാക്കി കുറച്ച് സർക്കാർ ഉത്തരവിറക്കിയിരുന്നു.എന്നാൽ ഇന്നലെ മുതൽ ഉത്തരവ് പ്രാബല്യത്തിൽ വന്നിട്ടും ചില സ്വകാര്യലാബുകൾ ഉയർന്ന നിരക്ക് വാങ്ങിയത് പലയിടത്തും വാക്കേറ്റത്തിന് ഇടയാക്കിയിരുന്നു.

പാലക്കാടും എറണാകുളത്തും ഇതുമായി ബന്ധപ്പെട്ട തർക്കങ്ങൾ ഉണ്ടായിരുന്നു.എന്നാൽ ഇന്നലെ വൈകുന്നേരത്തെ പത്രസമ്മേളനത്തിൽ സർക്കാർ ഉത്തരവ് മറികടന്ന് ഉയർന്ന നിരക്ക് ഈടാക്കാൻ പാടില്ല എന്ന് മുഖ്യമന്ത്രി പ്രഖ്യാപിച്ചിട്ടും പലയിടത്തും ഇന്നും ഉയർന്ന നിരക്കുകൾ ഈടാക്കുന്നതായി പരാതി ഉയർന്നു.

ഇതുസംബന്ധിച്ച് ഇന്നും തർക്കങ്ങൾ ഉണ്ടായി. പാലക്കാടും എറണാകുളത്തും ഉള്ള ചില സ്വകാര്യ ലാബുകൾ 500 രൂപ നിരക്കിൽ ആർ ടി പി സി ആർ പരിശോധന നടത്താൻ പറ്റില്ല എന്ന നിലപാടെടുത്ത് പരിശോധന നിർത്തി.

500 രൂപ നിരക്കിൽ പരിശോധന നടത്തുന്നത് വലിയ നഷ്ടങ്ങൾ ഉണ്ടാകുന്നതിനാൽ കോടതിയെ സമീപിക്കാനാണ് ഒരു വിഭാഗം സ്വകാര്യ ലാബുകളുടെ നീക്കം.

ഇന്ത്യക്ക് സഹായവുമായി യു എ ഇയും ,ജപ്പാനും ,യു എസും : കോവിഡ് സാഹചര്യം വിലയിരുത്താൻ കേന്ദ്ര മന്ത്രിസഭാ യോഗം

ന്യൂഡൽഹി: ഇന്ത്യക്ക് സഹായവുമായി ലോകരാജ്യങ്ങൾ.ഐക്യ അറബ് എമിറേറ്റ്സും ജപ്പാനും അമേരിക്കയുമാണ് സഹായങ്ങൾ പ്രഖ്യാപിച്ചത്. അമേരിക്കയിൽനിന്നുള്ള സഹായവുമായി ആദ്യ വിമാനം ഡൽഹിയിൽ എത്തി.

ഇന്ത്യക്ക് സഹായം നേരത്തെ തന്നെ പ്രഖ്യാപിച്ച അമേരിക്ക 20 ദശലക്ഷം ഡോസ് കോവിഷീൽഡ് വാക്‌സിന് പുറമെ വാക്‌സിൻ നിർമ്മിക്കാനുള്ള അസംസ്‌കൃത വസ്തുക്കളും ഇന്ത്യക്ക് നൽകും.മെഡിക്കൽ ഓക്സിജൻ ഉൾപ്പെടെയുള്ള അവശ്യ വസ്തുക്കളാണ് ഇപ്പോൾ അമേരിക്ക എത്തിച്ചിട്ടുള്ളത്.

300 ഓക്സിജൻ കോൺസെൻട്രേറ്റുകളും അത്രതന്നെ വെന്റിലേറ്ററുകളും ജപ്പാൻ ഇന്ത്യക്ക് കൈമാറും.നേരത്തെ തന്നെ ഇന്ത്യക്ക് എല്ലാ സഹായങ്ങളും വാഗ്ദാനം ചെയ്ത യു എ ഇ 457 ശ്വസനോപകാരണങ്ങളും 157 വെന്റിലേറ്ററുകളും ഇന്ന് പുലർച്ചെ ഇന്ത്യയിൽ എത്തിച്ചിട്ടുണ്ട്.

കോവിഡ് വ്യാപനം രൂക്ഷമായ സാഹചര്യത്തിൽ വിദേശ സഹായം സ്വീകരിക്കുന്നതിനുള്ള ഇന്ത്യയുടെ നയത്തിൽ താൽക്കാലിക മാറ്റം വരുത്തുകയും ചൈനയിൽനിന്നുള്ളതടക്കമുള്ള സഹായം സ്വീകരിക്കുന്നതിന് തടസമില്ലെന്ന് വ്യക്തമാക്കുകയുമായിരുന്നു.

കോവിഡ് സ്ഥിതിഗതികൾ വിലയിരുത്തുന്നതിനായി കേന്ദ്ര മന്ത്രിസഭയുടെ സമ്പൂർണ്ണ യോഗം പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ ഇന്ന് ചേരുന്നുണ്ട്.

സംസ്ഥാനത്ത് അതീവ ഗുരുതര സാഹചര്യം: ലോക്ക് ഡൗൺ വേണമെന്ന് കെ ജി എം ഒ എ

LIVE |

തിരുവനന്തപുരം: സംസ്ഥാനത്ത് അതീവ ഗുരുതര സാഹചര്യമാണെന്നും ലോക്ക് ഡൗൺ വേണമെന്നും സർക്കാർ ഡോക്ടർമാരുടെ സംഘടനയായ കെ ജി എം ഓ എ സർക്കാരിനോട് ശുപാർശ ചെയ്തു.കോവിഡ് വ്യാപനം അതിരൂക്ഷമാണെന്നും ഉടൻ സർക്കാർ ഇടപെടൽ വേണമെന്നും സംഘടന ആവശ്യപ്പെട്ടു.

രോഗികളുടെ എണ്ണം കൂടിയത് നൽകുന്നത് വലിയ അപായ സൂചനയാണെന്നും കൂടുതൽ ആരോഗ്യ പ്രവർത്തകരെ ഉടൻ നിയമിക്കണമെന്നും കേരള ഗവണ്മെന്റ് മെഡിക്കൽ ഓഫീസഴ്സ് അസോസിയേഷൻ അറിയിച്ചു.സംസ്ഥാനമത്ത് രണ്ടാഴ്ചയെങ്കിലും ലോക്ക് ഡൗൺ നടപ്പിലാക്കണമെന്നാണ് ഡോക്ടർമാരുടെ സംഘടന ആവശ്യപ്പെടുന്നത്.

കോവിഡ് വ്യാപനം: 12 ജില്ലകളിൽ ലോക്ക് ഡൗണിന് സാധ്യത,കേന്ദ്ര നിർദേശം ഉടൻ

സ്വന്തംലേഖകൻ

ന്യൂഡൽഹി: സംസ്ഥാനത്തെ 12 ജില്ലകൾ ഉൾക്കൊള്ളുന്ന രാജ്യത്തെ 150 ജില്ലകളിൽ ലോക്ക് ഡൗൺ ഏർപ്പെടുത്താൻ സാധ്യത.

ടെസ്റ്റ് പോസിറ്റിവിറ്റി നിരക്ക് 15 ശതമാനത്തിൽ കൂടുതലുള്ള ജില്ലകളിലാണ് ലോക്ക് ഡൗൺ ഏർപ്പെടുത്താൻ കേന്ദ്ര ആരോഗ്യ മന്ത്രാലയം ഉന്നത തല യോഗം നിർദേശിച്ചത്.

അന്തിമ തീരുമാനം സംസ്ഥാനങ്ങളുമായി ചർച്ച ചെയ്ത ശേഷം മാത്രമായിരിക്കുമെന്നും എന്നാൽ കേന്ദ്ര ആരോഗ്യമന്ത്രാലയത്തിന്റെ തീരുമാനം നടപ്പാക്കുകയാണെങ്കിൽ സംസ്ഥാനത്ത് പത്തനംതിട്ട,കൊല്ലം ജില്ലകൾ ഒഴികെ എല്ലാ ജില്ലകളും അടച്ചിടേണ്ടി വരും.

സംസ്ഥാനത്തെ കോവിഡ് ടെസ്റ്റ് പോസിറ്റിവിറ്റി നിരക്ക് 23.24 ശതമാണെന്നിരിക്കെ ലോക്ക് ഡൗൺ ഏർപ്പെടുത്തുകയാണെങ്കിൽ ചുരുങ്ങിയത് ഒരാഴ്ച എങ്കിലും വേണ്ടിവരുമെന്ന് ഇന്ത്യൻ മെഡിക്കൽ അസോസിയേഷൻ നിർദേശിച്ചിട്ടുണ്ട്.

പോസിറ്റിവിറ്റി നിരക്ക് രാജ്യത്ത് കൂടുതലുള്ളത് 156 ജില്ലകളിലാണ്.ഇവിടെ സ്ഥിതി സങ്കീർണമാണെന്നിരിക്കെ രോഗ വ്യാപനം തടയുന്നതിന് നടപടികളിലേക്ക് കടക്കേണ്ടിവരുമെന്നാണ് കേന്ദ്ര ആരോഗ്യമന്ത്രാലയത്തിന്റെ വിലയിരുത്തൽ.

വോട്ടെണ്ണൽ ദിനത്തിലെ ആഹ്ലാദ പ്രകടനങ്ങൾ തിരഞ്ഞെടുപ്പ് കമ്മീഷൻ വിലക്കി

സ്വന്തംലേഖകൻ

ന്യൂഡൽഹി: വോട്ടെണ്ണൽ ദിനത്തിലെ ആഹ്ലാദ പ്രകടനങ്ങൾക്ക് തിരഞ്ഞെടുപ്പ് കമ്മീഷൻ വിലക്ക്.

മെയ് 2ന് വോട്ടെണ്ണൽ കേന്ദ്രത്തിന് സമീപത്തോ പുറത്തോ ഒരു തരത്തിലുള്ള ആഹ്ലാദ പ്രകടനങ്ങളും പാടില്ലെന്ന് തിരഞ്ഞെടുപ്പ് കമ്മീഷൻ നിർദേശിച്ചു.

കേരളം,തമിഴ്നാട് ,പശ്ചിമ ബംഗാൾ,ആസാം എന്നി സംസ്ഥാനങ്ങളിലും കേന്ദ്രഭരണ പ്രദേശമായ പുതുച്ചേരിയിലുമാണ് തിരഞ്ഞെടുപ്പ് ഫലം വരാനിരിക്കുന്നത്.രാജ്യത്തെ കോവിഡ് വ്യാപന പശ്ചാത്തലത്തിലാണ് വിലക്കെന്ന് തിരഞ്ഞെടുപ്പ് കമ്മീഷൻ വാർത്താക്കുറിപ്പ് ഇറക്കിയിട്ടുണ്ട്.

റിട്ടേണിങ് ഓഫീസറിൽനിന്ന് തിരഞ്ഞെടുപ്പ് സർട്ടിഫിക്കറ്റ് സ്വീകരിക്കാൻ വിജയിച്ച സ്ഥാനാർത്ഥിയെയോ അവരുടെ പ്രതിനിധിയെയോ അനുഗമിക്കാൻ രണ്ടിൽ കൂടുതൽ പേരെ അനുവദിക്കില്ലെന്ന് കമ്മീഷൻ അറിയിച്ചിട്ടുണ്ട്.

രാജ്യത്തെ കോവിഡ് വ്യാപനത്തിന് കാരണം തിരഞ്ഞെടുപ്പുകളാണെന്ന് കമ്മീഷനെ മദ്രാസ് ഹൈക്കോടതി വിമർശിച്ചതിന് പിന്നാലെയാണ് ആൾക്കൂട്ടങ്ങൾ ഒഴിവാക്കാനായി തിരഞ്ഞെടുപ്പ് കമ്മീഷൻ നടപടി.

വാക്‌സിനേഷൻ അവതാളത്തിൽ,തിരുവനന്തപുരം ജിമ്മി ജോർജ്‌ സ്റ്റേഡിയത്തിൽ വയോധികർ തളർന്നു വീണു

B R E A K I N G | LIVE

തിരുവനന്തപുരം: സംസ്ഥനത്തെ വാക്‌സിനേഷൻ പ്രവർത്തനങ്ങൾ അവതാളത്തിലായി.

തിരുവനന്തപുരം: ജിമ്മി ജോർജ് സ്റ്റേഡിയത്തിൽ വാക്‌സിൻ ചെയ്യാനെത്തിയ നൂറു കണക്കിന് ആളുകൾ ദുരിതത്തിൽ. രണ്ടുപേർ തളർന്നു വീണു. ഇവരെ ആംബുലൻസിലും പോലീസ് ജീപ്പിലുമായി ആശുപത്രിയിലേക്ക് കൊണ്ടുപോയിട്ടുണ്ട്.

കോവിഡ് മാനദണ്ഡങ്ങൾ കാറ്റിൽ പറത്തി വയോധികരടക്കം വാക്‌സിനേഷനായി കാത്ത് നിൽക്കുകയായാണ്.ജിമ്മി ജോർജ് സ്റ്റേഡിയത്തിൽ കടുത്ത തിക്കും തിരക്കും അനുഭവപ്പെടുകയാണ്.

കോവിഡ് മാനദണ്ഡങ്ങൾ ഒന്നും ഇവിടെ പാലിക്കപ്പെടുന്നില്ല. നിയന്ത്രിക്കാൻ ആദ്യ ഘട്ടത്തിൽ പോലീസും ഉണ്ടായിരുന്നില്ല,സംഭവം വലിയ വാർത്ത ആയപ്പോൾ മാത്രമാണ് പോലീസ് എത്തിയത്.

എത്തിയ പോലീസ് വാക്‌സിനേഷനായി രാവിലെ മുതൽ കാത്തുനിന്ന വയോധികരെയും കൂടെവന്നവരെയും ഭീഷണിപ്പെടുത്തി. സമയക്രമം പാലിക്കാതെ തിക്കും തിരക്കും ഉണ്ടാക്കുന്നവർക്കെതിരെ കേസെടുക്കും എന്നാണ് ഡി സി പി വൈഭവ് സക്‌സേന പറഞ്ഞത്.

ജില്ലാ ഭരണകൂടത്തിന്റെയോ സംസ്ഥാന ഭരണകൂടത്തിന്റെയോ ഇടപെടലില്ലാതെ താളം തെറ്റിയ അവസ്ഥയാണ് ഇവിടെ കാണാൻ കഴിയുന്നത്.

പലരും സമയക്രമം പാലിക്കാതെ വാക്‌സിൻ കേന്ദ്രങ്ങളിൽ എത്തിയതാണ് തിരക്ക് കൂടാൻ കാരണമായതെന്ന് ആരോഗ്യവകുപ്പ് അറിയിച്ചു.ജനങ്ങൾ സമയക്രമം പാലിക്കാത്തതാണ് കാരണമെന്ന് ജില്ലാ മെഡിക്കൽ ഓഫീസർ കെ എസ് ഷിനു അറിയിച്ചു.നാളെ മുതൽ സമയക്രമം പാലിക്കുന്നവർക്ക് മാത്രമേ പ്രവേശനം അനുവദിക്കൂ.

വാക്‌സിനേഷൻ അവതാളത്തിലായ സംഭവത്തിൽ കോൺഗ്രസ് നേതാവ് പന്തളം സുധാകരൻ രംഗത്തെത്തി സംസ്ഥാനത്ത് ഒരു ഭരണമുണ്ടോ എന്ന് സുധാകരൻ ചോദിച്ചു.ആരോഗ്യമന്ത്രി ഉടൻ ജിമ്മി ജോർജ് സ്റ്റേഡിയത്തിൽ എത്തി കാര്യങ്ങൾ വിലയിരുത്തണമെന്നും പന്തളം സുധാകരൻ പ്രതികരിച്ചു.

http://www.jginews.in/higher-secondary-practical-examination-postponed/

ഹയർ സെക്കണ്ടറി പ്രായോഗിക പരീക്ഷകൾ മാറ്റിവെച്ചു

തിരുവനന്തപുരം: സംസ്ഥനത്ത് കോവിഡ് വ്യാപനം രൂക്ഷമായ സാഹചര്യത്തിൽ ഹയർ സെക്കണ്ടറി പ്രായോഗിക പരീക്ഷകൾ മാറ്റിവെച്ചതായി അധികൃതർ അറിയിച്ചു.ബുധനാഴ്ച്ച മുതൽ നടത്താനിരുന്ന പരീക്ഷകളാണ് മാറ്റിവെച്ചത്.പുതുക്കിയ തിയ്യതി പിന്നീട് അറിയിക്കും.

കോവിഡ് ചികിത്സയിലെ സ്വകാര്യ ആശുപത്രി സഹകരണം: മുഖ്യമന്ത്രി ചർച്ച നടത്തുന്നു

L I V E |

തിരുവനന്തപുരം സ്വകാര്യ ആശുപത്രി മാനേജ്മെന്റുകളുമായുള്ള യോഗം മുഖ്യമന്ത്രിയുടെ അധ്യക്ഷതയിൽ ചേരുന്നു.

സംസ്ഥാനത്ത് കോവിഡ് വ്യാപനം രൂക്ഷമായ സാഹചര്യത്തിൽ ആവശ്യമെങ്കിൽ സ്വകാര്യ ആശുപത്രികളുടെ സഹകരണം അഭ്യർത്ഥിച്ചുകൊണ്ടുള്ളതാണ് യോഗം.

സ്വകാര്യ ആശുപത്രികളുടെ പങ്കാളിത്തംകൂടി കോവിഡ് ചികിത്സയിൽ ആവശ്യമായി വന്നേക്കും എന്ന് മുഖ്യമന്ത്രി കഴിഞ്ഞ ദിവസം പറഞ്ഞിരുന്നു.ഇതിന്റെ അടിസ്ഥാനത്തിലാണ് യോഗം ചേരുന്നത്.സ്വകാര്യ ആശുപത്രി മാനേജ്‌മെൻറ് പ്രതിനിധികൾ, ആരോഗ്യമന്ത്രി,ആരോഗ്യ സെക്രട്ടറി എന്നിവർ പങ്കെടുക്കുന്നു.

തൃശൂർ പൂരത്തിനിടെ മരം പൊട്ടിവീണ് രണ്ട് പേർ മരിച്ചു,നിരവധി പേർക്ക് പരിക്ക്

തൃശൂർ: തൃശൂർ പൂരത്തിനിടെ ആൽ മരത്തിന്റെ വലിയ ശിഖരം ആൾക്കൂട്ടത്തിന്റെ മേൽ പൊട്ടിവീണ് രണ്ട് പേർ മരിച്ചു.

തിരുവമ്പാടി ദേവസ്വം അംഗങ്ങളായ കുട്ടനെല്ലൂർ സ്വദേശി രമേശ്,പനയത്ത് രാധാകൃഷ്ണൻ എന്നിവരാണ് മരിച്ചത്.നിരവധി പേർ പരിക്കേറ്റ് വിവിധ ആശുപത്രിയിൽ ചികിത്സയിലാണ്.ഒരാളുടെ നില ഗുരുതരമാണ്.

തിരുവമ്പാടിയുടെ മഠത്തിൽ വരവ് പഞ്ചവാദ്യത്തിനിടെയാണ് അപകടം.പഞ്ചവാദ്യ സംഘത്തിന് മേലേക്ക് ആൽ മരത്തിന്റെ ശിഖരം പൊട്ടി വീഴുകയായിരുന്നു.രാത്രി 12.20 ഓടെ ബ്രഹ്മസ്വം മഠത്തിനടുത്തായി രുന്നു സംഭവം.

വലിയ ദുരന്തസമാനമായ സംഭവങ്ങളാണ് ഉണ്ടായത്.മരം വീണത് വൈദ്യുത കമ്പിയിലേക്കായിരുന്നു.പ്രദേശം മുഴുവൻ ഇരുട്ടായതും ആളുകളുടെ ബഹളവും കൂട്ടക്കരച്ചിലും കണ്ട ആന ഭയപെട്ട് ഓടിയെങ്കിലും പെട്ടന്ന് തളയ്ക്കാനായതും വൈദ്യുതി ബന്ധം വിച്ഛേദിച്ചതും വലിയ ദുരന്തം ഒഴിവാക്കി.

അഗ്നി രക്ഷാ സേനയും നാട്ടുകാരും രക്ഷാപ്രവർത്തനം നടത്തി.ജില്ലാ കലക്ടർ,പോലീസ് മേധാവി എന്നിവർ സ്ഥലത്തെത്തി നേതൃത്വം നൽകി.

ദുരന്ത പശ്ചാത്തലത്തിൽ ഇന്ന് നടക്കാനുള്ള വിവിധ ചടങ്ങുകൾ ഒഴിവാക്കി.പകൽപ്പൂരം ചടങ്ങ് മാത്രമായി നടത്തും.വെടിക്കെട്ട് ഉപേക്ഷിച്ചു.പതിനഞ്ച് ആനപ്പുറത്തുള്ള എഴുന്നള്ളിപ്പ് പാറമേക്കാവ് ഒഴിവാക്കി ചടങ്ങ് ഒരു ആനപ്പുറത്ത് മാത്രമായി നടത്തും.വെടിമരുന്ന് നിറച്ചതിനാൽ വെടികോപ്പുകൾ പൊട്ടിച്ച് നശിപ്പിച്ചു.

photo | mathrubhumi

കെ എം ഷാജി ഹാജരായി: വിജിലൻസ് രേഖകൾ പരിശോധിക്കുന്നു

കോഴിക്കോട്: കെ എം ഷാജി എം എൽ എ വിജിലൻസിന് മുന്നിൽ ഹാജരായി.വിജിലൻസ് രേഖകൾ പരിശോധിക്കുന്നു.

കോഴിക്കോട് വിജിലൻസ് ഓഫീസിലാണ് ഷാജി ഹാജരായത്. വിജിലൻസ് പരിശോധനയിൽ വീട്ടിൽ നിന്നും കണ്ടെത്തിയ പണത്തിന്റെ ഉറവിടം സംബന്ധിച്ച രേഖകൾ ഹാജരാക്കാനാണ് ഷാജി ഇന്ന് രാവിലെ കോഴിക്കോട് തൊണ്ടയാടുള്ള വിജിലൻസ് ആൻഡ് ആന്റി കറപ്ഷൻ ഓഫീസിൽ ഹാജരായത്.

വിജിലൻസ് റെയ്‌ഡിൽ പിടിച്ചെടുത്ത അരക്കോടിയോളം രൂപയുമായി ബന്ധപ്പെട്ട് വിജിലൻസ് ഷാജിയെ അഞ്ച് മണിക്കൂറോളം ചോദ്യം ചെയ്തിരുന്നു.അന്ന് രേഖകൾ ഹാജരാക്കാൻ കൂടുതൽ സമയം വേണമെന്ന് വിജിലൻസിനോട് ഷാജി ആവശ്യപ്പെട്ടിട്ടിരുന്നു.

വിജിലൻസ് റെയ്ഡിനിടയിൽ പിടിച്ചെടുത്ത വിദേശ കറൻസികളും സ്വർണ്ണവും അപ്പോൾ തന്നെ തിരിച്ചുകൊടുത്തിരുന്നു.മുസ്‌ലിം ലീഗ് സെക്രട്ടറി കൂടിയായ കെ എം ഷാജിയുടെ കണ്ണൂരിലെ വീട്ടിൽനിന്നാണ് 48 ലക്ഷത്തിലധികം രൂപ വിജിലൻസ് പിടിച്ചെടുത്തത്.

18 വയസ് കഴിഞ്ഞവർക്കുള്ള വാക്‌സിനേഷൻ റജിസ്ട്രേഷൻ ശനിയാഴ്‌ച്ച മുതൽ

സ്വന്തം ലേഖകൻ

ന്യൂഡൽഹി: കോവിഡ് വ്യാപനം രൂക്ഷമായ പശ്ചാത്തലത്തിൽ 18 വയസ് കഴിഞ്ഞവർക്കുള്ള വാക്‌സിനേഷൻ പദ്ധതി ഉടൻ തുടങ്ങുമെന്ന് കേന്ദ്ര ആരോഗ്യ മന്ത്രാലയം അറിയിച്ചു.

കുത്തിവെയ്പ്പ് നടത്താൻ ആഗ്രഹിക്കുന്ന 18 വയസിന് മുകളിലുള്ളവർക്കുള്ള റജിസ്ട്രേഷൻ ഏപ്രിൽ 24 ശനിയാഴ്ച്ച മുതൽ ആരംഭിക്കും.

കോവിൻ ആപ്പ് വഴിയാണ് റജിസ്ട്രേഷൻ ചെയ്യേണ്ടത്.നേരത്തെ മുൻഗണന വിഭാഗത്തിലുള്ളവർ റജിസ്ട്രേഷൻ ചെയ്ത അതെ രീതി തന്നയാണ് അവലംബിക്കേണ്ടത്.കോ വാക്‌സിൻ ,കോവിഷീൽഡ്‌ വാക്‌സിനുകൾക്ക് പുറമെ കേന്ദ്രസർക്കാർ അടുത്തിടെ അനുമതി നൽകിയ സ്പുട്നിക് വാക്‌സിനും ലഭ്യമായിരിക്കും.

കോവിൻ ആപ്പ് വഴി റജിസ്ട്രേഷൻ ചെയ്യുന്നതിലൂടെ വാക്‌സിനേഷൻ പ്രവർത്തനങ്ങൾ വേഗത്തിലും കോവിഡ് മാനദണ്ഡങ്ങൾ പാലിക്കുന്നതിന് ഗുണകരമാകുമെന്നും അനാവശ്യ ആൾകൂട്ടം ഒഴിവാക്കപ്പെടും എന്നുമാണ് വിലയിരുത്തപ്പെടുന്നത്.മെയ് ഒന്നുമുതലാണ് 18 വയസ്സ് കഴിഞ്ഞവർക്ക് വാക്‌സിനേഷൻ നൽകുക എന്ന് കേന്ദ്രസർക്കാർ നേരത്തെ വ്യക്തമാക്കിയിരുന്നു.

വാക്‌സിനേഷൻ കേന്ദ്രങ്ങളിൽ തിരക്ക് : തിരുവനന്തപുരം ജനറൽ ആശുപത്രിയിൽ പോലീസുമായി വാക്കേറ്റം

L I V E |

തിരുവനന്തപുരം: സംസ്ഥാനത്തെ വാക്‌സിനേഷൻ പ്രവർത്തനങ്ങൾ അവതാളത്തിലെന്ന സൂചന നൽകി തിരുവനന്തപുരം ജനറൽ ആശുപത്രിയിൽ വാക്‌സിനേഷന് എത്തിയവരും പോലീസും തമ്മിൽ വാക്കേറ്റം.

സ്പോട്ട് രജിസ്ട്രേഷൻ നിർത്തിയത് അറിയാതെ നൂറു കണക്കിന് ആളുകൾ എത്തിയതാണ് പ്രശ്നമായത്.ആളുകൾ കൂട്ടത്തോടെ എത്തിയതോടെ കോവിഡ് മാനദണ്ഡങ്ങൾ പാലിക്കാൻ പറ്റാതെ ആയതോടെയാണ് പോലീസ് ഇടപെട്ടത്.

എന്നാൽ വാക്‌സിൻ സ്വീകരിക്കാനായി ഓൺലൈനിൽ രജിസ്റ്റർ ചെയ്ത് എത്തിയവരും രണ്ട് മണിക്കൂറായി കാത്ത് നിൽക്കുകയാണ്. ആശയകുഴപ്പം ഉണ്ടായതോടെ ആരോഗ്യ വകുപ്പ് അധികൃതർ എന്തുചെയ്യണമെന്നറിയാത്ത അവസ്ഥയിലായി.രണ്ടാം ഡോസ് വാക്‌സിൻ എടുക്കാൻ എത്തിയവരും ആശങ്കയിലാണ്.

മഹാരാഷ്ട്രയിൽ ആശുപത്രിയിൽ ഓക്സിജൻ ചോർച്ച: 22 കോവിഡ് രോഗികൾ ശ്വാസം കിട്ടാതെ മരിച്ചു

മുംബൈ: മഹാരാഷ്ട്രയിലെ നാസിക്കിൽ ആശുപത്രിയിലെ ഓക്സിജൻ ടാങ്ക് ചോർന്നതിനെ തുടർന്ന് ശ്വാസം കിട്ടാതെ 22 കോവിഡ് രോഗികൾ മരിച്ചു.

നാസിക്കിലെ ഡോക്ടർ സക്കീർ ഹുസൈൻ ആശുപത്രിയിലാണ് ദാരുണ സംഭവം.ഓക്സിജൻ ടാങ്ക് നിറയ്ക്കുന്നതിനിടെയാണ് ചോർച്ച ഉണ്ടായത്.ഗുരുതരാവസ്ഥയിൽ വെന്റിലേറ്ററിൽ ഉണ്ടായിരുന്ന രോഗികളാണ് മരിച്ചതെന്നാണ് ലഭ്യമാകുന്ന വിവരം.

മഹാരാഷ്ട്ര ആരോഗ്യമന്ത്രി രാജേഷ് തൊപേ ഇത് സ്ഥിരീകരിച്ചിട്ടുണ്ട്.ടാങ്കിൽ ഓക്സിജൻ ചോർന്നപ്പോൾ രോഗികൾക്കുള്ള ഓക്സിജൻ വിതരണം തടസ്സപ്പെട്ടതാണ് മരണ കാരണമെന്ന് മന്ത്രി പറഞ്ഞു.

അര മണിക്കൂറോളം ഓക്സിജൻ വിതരണം തടസ്സപ്പെട്ടിരുന്നു.ഓക്സിജൻ പിന്തുണയോടെ ജീവൻ നിലനിർത്തിയിരുന്ന 80 രോഗികളിൽ 31 പേരെ ഉടൻ മറ്റ് ആശുപത്രിയിലേക്ക് മാറ്റി.

അഗ്നി രക്ഷ സേന ഉടൻ രക്ഷ പ്രവർത്തനത്തിനെത്തിയത് ദൗത്യം എളുപ്പമാക്കിയെന്ന് ദൃക്‌സാക്ഷികൾ പറഞ്ഞു.സംഭവത്തിൽ കേന്ദ്രസർക്കാർ അന്വേഷണത്തിന് ഉത്തരവിട്ടിട്ടുണ്ടെന്ന് കേന്ദ്ര മന്ത്രി രാജേന്ദ്ര ഷിൻഗെൻ പറഞ്ഞു.

കോടിയേരിക്ക് ഗുരുതരാവസ്ഥയെന്നും തന്റെ സാമീപ്യം വേണമെന്നും ബിനീഷ് കോടതിയിൽ

ബംഗളുരു: കള്ളപ്പണം വെളുപ്പിക്കൽ കേസിൽ അറസ്റ്റിലായ ബിനീഷ് കൊടിയേരി കോടതിയിൽ ജാമ്യാപേക്ഷ സമർപ്പിച്ചു.ജാമ്യാപേക്ഷ ബംഗളുരു ഹൈക്കോടതി ഇ മാസം 22 ന് പരിഗണിക്കും.

ചൊവ്വാഴ്ച ഈ കേസിൽ കോടതി വാദം കേട്ടു.ബിനീഷിന് വേണ്ടി അഭിഭാഷകനായ കൃഷ്ണൻ വേണുഗോപാൽ ഹാജരായി.വ്യാഴാഴ്ച്ച എൻഫോഴ്‌സ്‌മെന്റിന്റെ എതിർവാദവും കോടതി കേൾക്കുന്നുണ്ട്.

തന്റെ അച്ഛന്റെ ആരോഗ്യ പ്രശ്നങ്ങൾ ചൂണ്ടിക്കാട്ടിയാണ് ബിനീഷ് കോടതിൽ ജാമ്യാപേക്ഷ നൽകിയത്.കോടിയേരി ബാലകൃഷ്ണന് പാൻക്രിയാസ് കാൻസർ നാലാം സ്റ്റേജിലാണെന്നും താനടക്കമുള്ള അടുത്ത ബന്ധുക്കൾ അച്ഛനോടൊപ്പം വേണമെന്നും ബിനീഷ് കോടിയേരി കോടതിയിൽ അപേക്ഷ നൽകി.

കഴിഞ്ഞ ഫെബ്രുവരി മാസം ബിനീഷിൻറെ ജാമ്യാപേക്ഷ ബംഗളുരു പ്രത്യേക കോടതി തള്ളിയിരുന്നു.കള്ളപ്പണം വെളുപ്പിക്കൽ നിരോധന നിയമ പ്രകാരം ഒക്ടോബർ 29 നാണ് ബിനീഷിനെ ഇ ഡി അറസ്റ്റ് ചെയ്തത്.നവംബർ 11 ന് ശേഷം ബിനീഷ് ബംഗളുരു പരപ്പന അഗ്രഹാര സെൻട്രൽ ജയിലിൽ ജുഡീഷ്യൽ കസ്റ്റഡിയിലാണ്.

സംസ്ഥാനത്ത് രാത്രികാല കർഫ്യു നിലവിൽ വന്നു: വ്യാപക പോലീസ് പരിശോധന,തടയൽ

തിരുവനന്തപുരം: കോവിഡ് വ്യാപനത്തിന്റെ പശ്ചാത്തലത്തിൽ സംസ്ഥാനത്ത് രാത്രികാല കർഫ്യു നിലവിൽ വന്നു.രാത്രി 9 മണി മുതൽ പുലർച്ചെ 5 മണിവരെയാണ് കർഫ്യു.

എന്നാൽ കർഫ്യു സമയം നിലവിൽ വരുന്നതിന് മുൻപേ സംസ്ഥാനത്ത് വ്യാപക പോലീസ് പരിശോധനയും വാഹനങ്ങൾ തടയലും നടന്നതായി ആരോപണം ഉയർന്നിട്ടിട്ടുണ്ട്.

9 മണിക്ക് മുൻപ് വ്യപാര സ്ഥാപനങ്ങൾ അടയ്ക്കണമെന്ന നിർദേശം നൽകിയിരുന്നെങ്കിലും പലയിടത്തും നേരത്തെ പോലീസ് നടപടികൾ തുടങ്ങിയതായി വ്യാപാരികൾ പറഞ്ഞു.തിരുവനന്തപുരത്ത് പ്രഖ്യാപിത സമയത്തിന് മുൻപേ തന്നെ പോലീസ് കടകൾ അടപ്പിക്കാൻ ശ്രമിച്ചു.

ആദ്യ ദിവസമായതിനാൽ ഇളവ് ലഭിക്കുമെന്ന പ്രതീക്ഷയിൽ പുറത്തിറങ്ങിയ പലരും പ്രയാസങ്ങൾ നേരിട്ടു.അത്യാവശ്യ കാര്യങ്ങൾക്ക് ഇളവ് ലഭിക്കുമെന്ന് സംസ്ഥാന പോലീസ് മേധാവി ലോക്നാഥ് ബെഹ്‌റ ഇന്ന് വ്യക്തമാക്കിയിരുന്നു.

9 മണിക്ക് മുൻപ് വ്യാപാര സ്ഥാപനങ്ങൾ അടയ്ക്കണമെന്നും രാത്രി ഏഴരയ്ക്ക് ശേഷം ഹോട്ടലുകളിലും റെസ്റ്റോറന്റുകളിലും ഇരുന്ന് ഭക്ഷണം കഴിക്കാൻ പാടില്ല തുടങ്ങിയ നിർദേശങ്ങൾ നൽകുക മാത്രമാണ് ചെയ്തതെന്ന് പോലീസ് വ്യക്തമാക്കി.

അത്യാവശ്യത്തിന് പുറത്തിറങ്ങുന്നവർ യുക്തമായ കാരണം ബോധിപ്പിക്കണമെന്നും തിരിച്ചറിയൽ കാർഡ് കരുതണമെന്നും പോലീസ് അറിയിച്ചിട്ടുണ്ട്.

photo credit | mathrubhumi

കെ ടി ജലീലിന് വീണ്ടും തിരിച്ചടി: ലോകായുക്ത ഉത്തരവിൽ വീഴ്ചയില്ലെന്ന് ഹൈക്കോടതി

L I V E |

കൊച്ചി : കെ ടി ജലീലിന് വീണ്ടും തിരിച്ചടിയായി ഹൈക്കോടതി ഉത്തരവ്.

ബന്ധു നിയമന വിവാദത്തിൽ ലോകായുക്ത ഉത്തരവിൽ വീഴ്‌ച്ചയില്ലെന്ന് ഹൈക്കോടതി ഉത്തരവിട്ടു.ലോകായുക്ത ഉത്തരവ് റദ്ദാക്കണമെന്ന കെ ടി ജലീലിന്റെ ഹർജി ഹൈക്കോടതി തള്ളി.

കെ ടി ജലീലിന്റെ അധികാര ദുർവിനിയോഗം ഹൈക്കോടതി ശരിവെച്ചു.ജസ്റ്റിസ് പി ബി സുരേഷ്കുമാറും ജസ്റ്റിസ് കെ ബാബുവും അടങ്ങിയ ഡിവിഷൻ ബെഞ്ചാണ് വിധി പ്രസ്താവിച്ചത്.കഴിഞ്ഞ ചൊവ്വാഴ്ച ഹർജിയിൽ വാദം കേൾക്കുന്നതിനിടയിലാണ് ജലീൽ മന്ത്രി സ്ഥാനം രാജിവെച്ചത്.

ബന്ധു നിയമന വിവാദത്തിലാണ് മന്ത്രിയായിരിക്കെ കെ ടി ജലീലിനെതിരെ ലോകായുക്ത വിധി വന്നത്.ബന്ധുവായ അദീപിനെ പിന്നോക്ക വിഭാഗ കോർപറേഷനിൽ നിയമനം നൽകിയത് അധികാര ദുർവിനിയോഗം നടത്തിയാണെന്നും മന്ത്രി സ്വജന പക്ഷപാതം കാട്ടിയെന്നും ഉടൻ രാജിവെക്കണമെന്നും ലോകായുക്ത ഉത്തരവിട്ടിരുന്നു.

മുഖ്യമന്ത്രി പിണറായി വിജയനും സിപിഎമ്മും പ്രത്യക്ഷത്തിലും പരോക്ഷമായും ജലീലിനെ അനുകൂലിച്ചതിന്റെ പശ്ചാത്തലത്തിൽ ദിവസങ്ങളോളം അധികാരത്തിൽ കടിച്ചു തൂങ്ങിയ ജലീൽ പിന്നീട് രാജിവെക്കുകയായിരുന്നു.തുടർന്നാണ് ഹൈക്കോടതിയെ സമീപിച്ചത്.

വൈഗയെ കൊന്നത് സനു മോഹൻ തന്നെയെന്ന് പോലീസ്,അറസ്റ്റ് രേഖപ്പെടുത്തി

BREAKING NEWS | LIVE

കൊച്ചി: വൈഗയെ കൊലപ്പെടുത്തിയത് അച്ഛൻ സനു മോഹൻ തന്നെയെന്ന് പോലീസ്.

തിങ്കളാഴ്ച രാവിലെ എറണാകുളം സിറ്റി പോലീസ് കമ്മീഷണറുടെ ഓഫീസിൽ എത്തിച്ച സനു മോഹനന്റെ അറസ്റ്റ് രേഖപ്പെടുത്തി.സിറ്റി പോലീസ് കമ്മിഷണർ എച്ച് നാഗരാജുവാണ് ഇക്കാര്യം അറിയിച്ചത്.

കേസിൽ പല കാര്യങ്ങളിലും കൂടുതൽ വ്യക്തത വരുത്തേണ്ടതുണ്ടെന്ന് സിറ്റി പോലീസ് കമ്മിഷണർ മാധ്യമങ്ങളോട് പറഞ്ഞു.സനു മോഹൻ വൈഗയെ എങ്ങിനെ കൊലപ്പെടുത്തി എന്ന കാര്യത്തിൽ വ്യക്തത വേണം.താൻ മരിച്ചുപോയാൽ കുട്ടി ഒറ്റയ്ക്കാകുമെന്ന ആശങ്ക സനു മോഹനന് ഉണ്ടായിരുന്നു എന്ന് പോലീസ് പറഞ്ഞു.കട ബാധ്യതയാണ് സനു മോഹനനെ കൊലപാതകത്തിന് പ്രേരിപ്പിച്ചത്.

കൊലപാതകത്തിൽ സനു മോഹനന് അല്ലാതെ മറ്റാർക്കും പങ്കില്ല. എന്നാൽ മൊഴികളിൽ വൈരുധ്യങ്ങൾ ഉണ്ടെന്നും ഒരേ കാര്യങ്ങൾ തന്നെ സന്ദർഭങ്ങൾക്ക് അനുസരിച്ച് അയാൾ മാറ്റി പറയുന്നുണ്ടെന്നും തെളിവുകൾ നശിപ്പിക്കാൻ ശ്രമിച്ചിട്ടുണ്ടെന്നും സിറ്റി പോലീസ് കമ്മീഷണർ പറഞ്ഞു.

ഫ്ലാറ്റിൽ രക്തക്കറ ആരുടെതെന്ന് വ്യക്തമല്ല.വൈഗയുടെ പോസ്റ്റ് മോർട്ടം റിപ്പോർട്ടിൽ പറയുന്ന വയറ്റിലെ മദ്യത്തിന്റെ അംശം സംബന്ധിച്ചും മനസിലാക്കേണ്ടതുണ്ട്.ഇയാളുടെ സാമ്പത്തിക ഇടപാടുകളെക്കുറിച്ച് കൂടുതൽ മനസിലാക്കേണ്ടതുണ്ട്.

ആരെങ്കിലും ഭീഷണിപ്പെടുത്തിയിട്ടുണ്ടോ എന്ന് വ്യക്തമല്ല.അടുത്ത ബന്ധമുള്ളവരെ കൂടുതൽ ചെയ്യേണ്ടിവരും.ഒളിവിൽ പോയത് സംബന്ധിച്ചും കൂടുതൽ വ്യക്തത വേണം.രണ്ട് സംസ്ഥാനങ്ങളിലാണ് ഒളിവിൽ കഴിഞ്ഞത്.

കുറ്റസമ്മത മൊഴിയുടെ അടിസ്ഥാനത്തിലാണ് അറസ്റ്റ് രേഖപ്പെടുത്തിയത്.അൽപ സമയത്തിനുള്ളിൽ മജിസ്‌ട്രേറ്റിന് മുന്നിൽ ഹാജരാക്കുന്ന സനു മോഹനനെ കോടതിയിൽ ഹാജരാക്കുമെന്നും
കസ്റ്റഡിയിൽ വാങ്ങാൻ അപേക്ഷ നൽകുമെന്നും സിറ്റി പോലീസ് കമ്മിഷണർ അറിയിച്ചു.

സംശുദ്ധ രാഷ്ട്രീയ ജീവിതം നയിക്കുന്ന തനിക്കെതിരെയുള്ള പരാതിക്ക് പിന്നിൽ പൊളിറ്റിക്കൽ ക്രിമിനലുകളുടെ ഗ്യാങ് : മന്ത്രി ജി സുധാകരൻ

| ഭാര്യ വിരമിച്ച പ്രിൻസിപ്പൽ, അവർക്ക് നല്ലൊരു തുക പെൻഷനായി ലഭിക്കുന്നു.തനിക്ക് ഒന്നര ലക്ഷം ശമ്പളമുണ്ട് .മകന് 12 ലക്ഷത്തോളം ശമ്പളമായി ലഭിക്കുന്നു.എന്നാൽ അവനൊരു കമ്മ്യൂണിസ്റ്റ് രാഷ്ട്രീയ പ്രവർത്തകനല്ല,കമ്മ്യൂണിസ്റ്റ് ബോധ്യങ്ങളുണ്ട്|

ആലപ്പുഴ: സംശുദ്ധ രാഷ്ട്രീയ ജീവിതം നയിക്കുന്ന തനിക്കെതിരെ പരാതി നൽകിയതിന് പിന്നിൽ പൊളിറ്റിക്കൽ ക്രിമിനലുകളുടെ ഗ്യാങ് പ്രവർത്തിക്കുന്നതായി സംശയിക്കുന്നതായും ആരോപണം രഷ്ട്രീയ ധാർമ്മികത ഇല്ലാത്തതാണെന്നും മന്ത്രി ജി സുധാകരൻ.

പേഴ്‌സണൽ സ്റ്റാഫ് അംഗം പരാതി നൽകിയതിനെ കുറിച്ച് മാധ്യമങ്ങളോട് പ്രതികരിക്കുകയായിരുന്നു അദ്ദേഹം.

താനും തന്റെ കുടുംബവും ഒരു വിവാദവും ഉണ്ടാക്കുന്നില്ല.എന്നിട്ടും അവർ കുടുംബത്തെ വരെ ആക്ഷേപിക്കുന്നു.എന്റെ ഭാര്യയെ വിളിച്ച് ഭീഷണിപ്പെടുത്തി. താൻ ശരിയായ കമ്മ്യൂണിസ്റ്റാണെന്നും സംശുദ്ധമായ തന്റെ രാഷ്ട്രീയത്തെ അപമാനിക്കാനാണ് ശ്രമമെന്നും അദ്ദേഹം പറഞ്ഞു.

പരാതിക്ക് പിന്നിൽ ഒരു ഗ്യാങ് പ്രവർത്തിക്കുന്നുണ്ട്.അതിൽ എല്ലാ പാർട്ടിക്കാരുമുണ്ട്.പൊളിറ്റിക്കൽ ക്രിമിനലുകളെ പ്രോത്സാഹിപ്പിക്കരുതെന്നും ജി സുധാകരൻ പറഞ്ഞു.ആരോപണം ഉന്നയിച്ചവരെ തനിക്കെതിരെ ഉപയോഗിച്ചതാണ്.സംസ്ഥാന കമ്മറ്റി അംഗമായ തനിക്കെതിരെ ലോക്കൽ കമ്മറ്റി അംഗത്തിന്റെ പരാതി വന്നു.ആരോപണത്തിന് മുന്നിൽ വേറെ ചിലരാണ്.വിവാദങ്ങളോട് പ്രതികരിക്കവേ സുധാകരൻ കുറ്റപ്പെടുത്തി.

ഭാര്യ വിരമിച്ച പ്രിൻസിപ്പൽ,അവർക്ക് നല്ലൊരു തുക പെൻഷനായി ലഭിക്കുന്നു.തനിക്ക് ഒന്നര ലക്ഷം ശമ്പളമുണ്ട് .മകന് 12 ലക്ഷത്തോളം ശമ്പളമായി ലഭിക്കുന്നു.ജി സുധാകരന്റെ മകൻ എന്ന് എവിടെയും പറയാതെയാണ് അവൻ ജോലി വാങ്ങിയത്.ഇത്തവണ വോട്ട് ചെയ്യാൻ അവനും ഭാര്യയും എത്തിയത് രണ്ട് ലക്ഷം രൂപ മുടക്കിയാണ്.ലോക്സഭയിലേക്ക് ആരിഫിന് വോട്ട് ചെയ്യാനും വന്നിരുന്നു.

എന്നാൽ അവനൊരു കമ്മ്യൂണിസ്റ്റ് രാഷ്ട്രീയ പ്രവർത്തകനല്ല, കമ്മ്യൂണിസ്റ്റ് ബോധ്യങ്ങളുണ്ട്.അതാണ് ഞങ്ങളുടെ കുടുംബം.അങ്ങിനെയുള്ള കുടുംബത്തെപ്പറ്റി ആരോപണം ഉന്നയിക്കുന്നത് എന്തിനാണ്? സുധാകരൻ ചോദിച്ചു.

മരിക്കുന്നതുവരെ താൻ കമ്മ്യൂണിസ്റ്റ് ആയിരിക്കും.പേഴ്‌സണൽ സ്റ്റാഫിനെയോ ഭാര്യയെയോതാൻ ഒന്നും പറഞ്ഞിട്ടില്ല.പരാതി നൽകിയവർ നിരപരാധികളാണ്.അവരെ തനിക്കെതിരെ ഉപയോഗിച്ചതിൽ സഹതാപം മാത്രമേ ഉള്ളു എന്നും മന്ത്രി ജി സുധാകരൻ പറഞ്ഞു.

photo | sunoneta.com

തമിഴ് നടൻ വിവേക് അന്തരിച്ചു

ചെന്നൈ: പ്രശസ്ത തമിഴ് നടൻ വിവേക് അന്തരിച്ചു. 59 വയസ്സായിരുന്നു.ശനിയാഴ്ച്ച പുലർച്ചെ ചെന്നൈയിലെ സിംസ് ആശുപത്രിയിലായിരുന്നു അന്ത്യം.

കടുത്ത ഹൃദയാഘാതത്തെ തുടർന്ന് ഇന്നലെയാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്.

തമിഴ് സിനിമയിലെ ഹാസ്യ താര സങ്കൽപ്പങ്ങളെ മാറ്റിമറിച്ച അതുല്യ പ്രതിഭയായിരുന്നു.ഹാസ്യത്തെയും ഭാവാഭിനയത്തെയും സമന്വയിപ്പിച്ച വിവേകിന്റെ തനത് ശൈലി പെട്ടന്ന് തന്നെ തമിഴ് സിനിമ ലോകം ഏറ്റെടുക്കുകയായിരുന്നു.സൂപ്പർ താരങ്ങളുടെ സിനിമയിൽ വിവേകിന്റെ സാന്നിധ്യം കൂടിയേ തീരു എന്ന അവസ്ഥയിലായിരുന്നു പിന്നീട് തമിഴ് സിനിമ.

അന്യൻ,ഖുഷി,സാമി,ശിവാജി,റൺ,ഷാജഹാൻ തുടങ്ങി 200 ൽ അധികം സിനിമകളിൽ അഭിനയിച്ചു,തൊണ്ണൂറുകളിലെ സിനിമകളിൽ വിവേകിന്റെ സാന്നിധ്യം മികച്ചതായിരുന്നു.2009ൽ രാജ്യം പത്മശ്രീ നൽകി ആദരിച്ചിട്ടുണ്ട്.നാല് തവണ ഫിലിം ഫെയർ അവാർഡ് നേടിയിട്ടുണ്ട്.

തൂത്തുക്കുടി കോവിൽപെട്ടി സ്വദേശിയായ വിവേകാനന്ദനാണ് പിന്നീട് വിവേക് എന്ന നടനായി മാറിയത്.1980 കളിൽ സിനിമ മേഖലയിലെത്തിയ വിവേക് സംവിധായകൻ കെ ബാലചന്ദറിനൊപ്പം സഹ സംവിധായകനായും തിരക്കഥാകൃത്തായും പ്രതിഭ തെളിയിച്ചുകൊണ്ടായിരുന്നു തുടക്കം.1987ൽ പുറത്തിറങ്ങിയ " മാനതീൽ ഉരുതി വേണ്ടും" ആദ്യ ചിത്രം.

ബിഗിൽ,ധാരാള,പ്രഭു തുടങ്ങിയവയാണ് അവസാന കാലത്ത് അഭിനയിച്ച ചിത്രങ്ങൾ.ടെലിവിഷൻ അവതാരകനായും തിളങ്ങിയ വിവേക് രാഷ്‌ട്രപതി എ പി ജെ അബ്ദുൽ കലാമിനെയും നടൻ രജനികാന്തിനെയും അഭിമുഖം നടത്തിയത് ശ്രദ്ധേയമായി. ഭാര്യ: അരുൾ സെൽവി,മക്കൾ: അമൃത നന്ദിനി,തേജസ്വിനി,പരേതനായ പ്രസന്ന കുമാർ.

വിവേകിന്റെ അകാല വിയോഗത്തിൽ പ്രധാനമന്ത്രി നരേന്ദ്ര മോഡി അനുശോചിച്ചു. തമിഴ് സിനിമ മേഖലയിലെ പ്രമുഖർ അനുശോചനം രേഖപ്പെടുത്തി ,സൂപ്പർ താരം രജനികാന്ത് അനുശോചിച്ചു.നല്ല സുഹൃത്തിനെയാണ് നഷ്ടമായതെന്നും വിവേകിന്റെ കുടുംബത്തിന്റെ ദുഃഖത്തിൽ പങ്കുചേരുന്നു എന്നും രജനികാന്ത് പറഞ്ഞു.

മുഖ്യമന്ത്രിയുടേത് പ്രോട്ടോകോൾ ലംഘനമെന്ന വിവാദം മുറുകുന്നു, പിണറായി “കോവിഡിയറ്റ്” എന്ന് കേന്ദ്രമന്ത്രി വി മുരളീധരൻ

ന്യൂഡൽഹി: മുഖ്യമന്ത്രി പിണറായി വിജയൻ കോവിഡ് പ്രോട്ടോകോൾ പാലിച്ചില്ലെന്ന ചർച്ച മുറുകുന്നു.

കോവിഡ് പ്രോട്ടോകോൾ ലംഘിച്ചെന്ന വിവാദത്തിൽ മുഖ്യമന്ത്രി പിണറായി വിജയനെതിരെ കേന്ദ്ര വിദേശകാര്യ സഹമന്ത്രി വി മുരളീധരൻ.കേരള മുഖ്യമന്ത്രി പിണറായി വിജയൻ ഒരു "കോവിഡിയറ്റ്" ആണെന്നും ട്വീറ്റ് ചെയ്തു.

തുടർച്ചയായി കോവിഡ് പ്രോട്ടോകോൾ ലംഘിക്കുന്ന മുഖ്യമന്ത്രിയെ വിവരിക്കാൻ മറ്റൊരു വാക്കില്ലെന്നും മുരളീധരൻ ട്വീറ്റ് ചെയ്തു.

കോവിഡ് പോസിറ്റീവ് ആയി ആശുപത്രിയിലേക്ക് പോകുമ്പോഴും ഡിസ്ചാർജ് ആയി തിരിച്ച് വീട്ടിലേക്ക് വരുമ്പോഴും മുഖ്യമന്ത്രി കോവിഡ് പ്രോട്ടോകോൾ പാലിച്ചില്ലെന്നാണ് ആക്ഷേപം.പ്രതിപക്ഷ പാർട്ടികളായ ബിജെപിയും കോൺഗ്രസ്സും വിഷയം ഏറ്റെടുത്തു കഴിഞ്ഞു.ഇരു പാർട്ടികളും വിഷയത്തിൽ ഗവർണ്ണർക്ക് പരാതി കൊടുക്കും എന്നാണ് അറിയുന്നത്.

രാഷ്ട്രീയ നേതാക്കൾ പ്രതികരണവുമായി രംഗത്തിറങ്ങിക്കഴിഞ്ഞു. പ്രവാസികളെ മരണത്തിന്റെ വ്യപാരികളാക്കി ചിത്രീകരിച്ച പിണറായി വിജയൻ പൊതുജനത്തെ മുഴുവൻ വഞ്ചിക്കുന്ന തരത്തിൽ കോവിഡ് പരിശോധന പ്രോട്ടോകോൾ ലംഘിച്ചത് എന്തിനെന്ന് മറുപടി പറഞ്ഞെ മതിയാകു എന്ന് ആർ എസ് പി നേതാവ് ഷിബു ബേബി ജോൺ പറഞ്ഞു.

എത്രയെത്ര സാധാരണ ജനങ്ങളെയാണ് ഈ മുഖ്യമന്ത്രി കോവിഡ് കാലത്ത് ചാപ്പ കുത്തി ബഹിഷ്കരണ ആഹ്വാനം പ്രഖ്യാപിച്ച് മാറ്റിനിർത്തിയത്.ഇറ്റലിക്കാരായ പ്രവാസി കുടുംബത്തിൽനിന്ന് തുടങ്ങി കേരളത്തിന്റെ സാമ്പത്തിക ഉന്നമനത്തിന്റെ നട്ടെല്ലായി നിലകൊള്ളുന്ന നമ്മുടെ കുടുംബങ്ങളിലെ ഓരോ പ്രവാസിയെയും മരണത്തിന്റെ വ്യാപാരി എന്ന് വിളിച് അകറ്റി നിർത്തിയ പിണറായിക്ക് കോവിഡ് പ്രോട്ടോകോളിൽ അനുകൂല്യം വിധിക്കുന്നത് എങ്ങിനെ നീതികരിക്കാനാകും എന്നും ഷിബു ബേബി ജോൺ ചോദിച്ചു.

കാരണവർക്ക് എവിടെയും എന്തും ആകാമോ എന്നും വി മുരളീധരൻ തുറന്നടിച്ചു.കോവിഡ് സ്ഥിരീകരിക്കുന്ന ദിവസം തൊട്ട് പത്താം ദിവസമാണ് ടെസ്റ്റ് നടത്തി നെഗറ്റീവ് ആണോ എന്ന് സ്ഥിരീകരിക്കേണ്ടത്.എന്നാൽ ഇവിടെ പിണറായി വിജയൻ ആറാം ദിവസമാണ് ടെസ്റ്റ് നടത്തി ആശുപത്രി വിട്ടിരിക്കുന്നത്.

മെഡിക്കൽ കോളേജിലെ ഡോക്ടർമാർ പറയുന്നത് അനുസരിച്ചാണെങ്കിൽ നാലാം തിയതി അദ്ദേഹത്തിന് കോവിഡ് സ്ഥിരീകരിച്ചിട്ടുണ്ടെങ്കിൽ ബുധനാഴ്ചത്തേക്ക് പത്ത് ദിവസമായി.അങ്ങിനെ ആണെങ്കിൽ നാലാം തിയതി കോവിഡ് സ്ഥിരീകരിച്ച ആൾ പതിനായിരക്കണക്കിന് ആളുകളെ നിരത്തി റോഡ് ഷോ നടത്തിയത് പ്രോട്ടോകോൾ ലംഘനമല്ലേ? മുരളീധരൻ ചോദിച്ചു.

ഐ സി എം ആർ മാർഗനിർദേശം സംസ്ഥാന ആരോഗ്യമന്ത്രിക്ക് അറിയാത്തതല്ലല്ലോ.മുരളീധരൻ വസ്തുത വിരുദ്ധമായ ആരോപണം ഉന്നയിക്കുന്നു എന്ന് പറയുന്നവർ അതിനുള്ള മറുപടികൂടി പറയണമെന്ന് അദ്ദേഹം പറഞ്ഞു.

എന്നാൽ മുഖ്യമന്ത്രി കോവിഡ് പ്രോട്ടോകോൾ ലംഘിച്ചു എന്ന തരത്തിലുള്ള പ്രചാരണങ്ങ]ളും വിവാദങ്ങളും അനാവശ്യമാണെന്നും പ്രോട്ടക്കോൽ ലംഘനം ഉണ്ടായിട്ടില്ലെന്നും ആരോഗ്യമന്ത്രി കെ കെ ശൈലജ പറഞ്ഞു.ചിലർ അനാവശ്യ വിവാദങ്ങൾ സൃഷ്ടിക്കുകയാണ്.കോവിഡ് നെഗറ്റിവ് ആയി ആശുപത്രി വിട്ട മുഖ്യമന്ത്രി വീട്ടിൽ ക്വാറന്റൈനിൽ തുടരുകയാണ്.അല്ലാതെ പൊതു പരിപാടികളിൽ പങ്കെടുക്കാനല്ല പോയതെന്നും ചിലർ വിവാദങ്ങൾ ഉണ്ടാക്കുകയാണെന്നും കെ കെ ശൈലജ പറഞ്ഞു.

കോവിഡ് വ്യാപനം: സംസ്ഥാനം കൂടുതൽ നിയന്ത്രണങ്ങളിലേക്ക്,ഉത്തരവ് ഉടൻ


EXCLUSIVE | LIVE

തിരുവനന്തപുരം : കോവിഡ് വ്യാപന പശ്ചാത്തലത്തിൽ സംസ്ഥാനം കടുത്ത നിയന്ത്രണങ്ങളിലേക്ക്.

ചീഫ് സെക്രട്ടറിയുടെ നേതൃത്വത്തിൽ അൽപ സമയം മുൻപ് നടന്ന കോർ കമ്മറ്റിയുടെ ഓൺലൈൻ മീറ്റിങ്ങിലാണ് കടുത്ത നിയന്ത്രണങ്ങൾ ഏർപ്പെടുത്താൻ തീരുമാനമായത്.ഇതുസംബന്ധിച്ച ഉത്തരവ് ഉടൻ ഇറങ്ങും. ഉത്തരവ് ഇറങ്ങിയ ഉടൻ നട പ്പാക്കാനാണ് തീരുമാനം.

ലോക്ക് ഡൗൺ കാലത്ത് നടപ്പാക്കിയ അതെ മാതൃകയിലുള്ള നിയന്ത്രണങ്ങളെ അനുസ്മരിപ്പിക്കുന്ന തരത്തിലാണ് കോർ കമ്മറ്റി യോഗത്തിൽ എടുത്ത തീരുമാനങ്ങൾ.

പൊതു പരിപാടികളുടെ സമയം പരമാവധി രണ്ട് മണിക്കൂറായി നിജപ്പെടുത്തി.പരമാവധി 200 പേർക്ക് മാത്രമേ പരിപാടികളിൽ പങ്കെടുക്കാൻ പറ്റു.അടച്ചിട്ട മുറികളിൽ ആണെങ്കിൽ നൂറുപേർ മാത്രം.കൂടുതൽ പേരെ പങ്കെടുപ്പിക്കണമെങ്കിൽ ആർ ടി പി സി ആർ ടെസ്റ്റ് നടത്തണം.പൊതു പരിപാടികളിൽ സദ്യ പാടില്ല,പൊതിഞ്ഞ ഭക്ഷണം ആകാം.

ഷോപ്പിംഗ് ഫെസ്റ്റിവലുകൾ നിർത്തി വെച്ചു.ഹോട്ടലുകളും കടകളും രാത്രി 9 മണിവരെ മാത്രമേ തുറക്കാൻ പാടുള്ളു.ഹോട്ടലുകളിൽ പകുതി സീറ്റുകളിൽ മാത്രമെ ആളുകളെ ഇരുത്താൻ പാടുള്ളു തു ടങ്ങിയ നിയന്ത്രണങ്ങളാണ് ഉടൻ നടപ്പാക്കുക.

ഗുരുവായൂർ അമ്പലത്തിൽ വിഷുക്കണി ദർശനത്തിന് അനുമതി നൽകിയിട്ടുണ്ട്.പുലർച്ചെ 2.30 മുതൽ 4.30 വരെയാണ് കണി കാണാൻ അനുവദിച്ച സമയം.നാലമ്പലത്തിൽ ഭക്തർക്ക് പ്രവേശനമില്ല.തൃശൂർ പൂരം സംബന്ധിച്ച് കോർ കമ്മറ്റി യോഗത്തിൽ തീരുമാനമെടുത്തില്ല.

മുഖ്യമന്ത്രിയുടെ ആരോഗ്യ നില തൃപ്തികരമെന്ന് മെഡിക്കൽ ബുള്ളറ്റിൻ

കോഴിക്കോട്: കോവിഡ് ബാധിതനായി ചികിത്സയിൽ കഴിയുന്ന മുഖ്യമന്ത്രി പിണറായി വിജയൻറെ ആരോഗ്യ നില തൃപ്തികരം.

കോഴിക്കോട് മെഡിക്കൽ കോളേജ് പുറത്തിറക്കിയ മെഡിക്കൽ ബുള്ളറ്റിനിലാണ് ഇക്കാര്യം അറിയിച്ചത്.നിലവിൽ മുഖ്യമന്ത്രിക്ക് രോഗ ലക്ഷണങ്ങൾ ഒന്നുമില്ല.

ആശുപത്രിയിൽ പ്രവേശിപ്പിച്ചത് മുതൽ കോവിഡ് ലക്ഷണങ്ങൾ ഒന്നും മുഖ്യമന്ത്രിക്ക് ഉണ്ടായിരുന്നില്ല.ഇപ്പോഴും മറ്റ് ആരോഗ്യ പ്രശ്നങ്ങളും അദ്ദേഹത്തിനില്ല.

പ്രത്യേക മെഡിക്കൽ സംഘമാണ് മുഖ്യമന്ത്രിയെ ചികിൽസിക്കുന്നത്. ആരോഗ്യമന്ത്രിയും ആരോഗ്യ സെക്രട്ടറിയും സ്ഥിതിഗതികൾ വിലയിരുത്തുന്നുമുണ്ട്.മുഖ്യമന്ത്രിയുടെ മകൾ വീണയ്ക്കും മരുമകനും മുഖ്യമന്ത്രിയുടെ ചെറുമകനും കോവിഡ് സ്ഥിരീകരിച്ചതിനാൽ അദ്ദേഹത്തിന്റെ ഭാര്യ കമല മെഡിക്കൽ കോളേജിൽ തന്നെ നിരീക്ഷണത്തിലാണ്.

വാക്‌സിനേഷനിൽ ക്രഷിങ് കർവ് നടപ്പാക്കും , ഏപ്രിൽ മാസം നിർണ്ണായകം: മന്ത്രി കെ കെ ശൈലജ

തിരുവനന്തപുരം: കോവിഡ് പ്രതിരോധ പ്രവർത്തനങ്ങൾ ശക്തമാക്കുമെന്നും വരും ദിവസങ്ങൾ, പ്രത്യേകിച്ച് ഏപ്രിൽ മാസം നിർണ്ണായകമെന്ന് ആരോഗ്യമന്ത്രി കെ കെ ശൈലജ.

വാക്‌സിനേഷൻ പരമാവധി നൽകാനാണ് ഉദ്ദേശിക്കുന്നത്. കോവിഡ് പ്രതിരോധത്തിന്റെ ഭാഗമായി ക്രഷിങ് കർവ് എന്ന മാസ് വാക്‌സിനേഷൻ പദ്ധതി നടപ്പാക്കുമെന്നും ആരോഗ്യമന്ത്രി പറഞ്ഞു.

യോഗ്യതയുള്ള എല്ലാവർക്കും വാക്‌സിൻ നൽകും.ഇതിനായി കൂടുതൽ വാക്‌സിൻ ലഭ്യമാക്കാൻ കേന്ദ്ര സർക്കാരിനോട് ആവശ്യപ്പെടും.വാക്‌സിനേഷൻ പ്രവർത്തനങ്ങൾ വേഗത്തിലാക്കും.60 വയസ്സിന് മുകളിലുള്ള നല്ല ശതമാനം ആളുകൾക്കും വാക്‌സിൻ നൽകിക്കഴിഞ്ഞു.ബാക്കിയുള്ളവർക്ക് വരും ദിവസങ്ങളിൽ വാക്‌സിൻ നൽകും.വാക്‌സിൻ നൽകാനുള്ള കേന്ദ്ര സർക്കാർ മാനദണ്ഡം പാലിച്ചുകൊണ്ടായിരിക്കും ഇത്.

സംസ്ഥാനത്ത് 11 ശതമാനം പേർക്ക് മാത്രമാണ് നിലവിൽ കോവിഡ് സ്ഥിരീകരിച്ചിട്ടുള്ളത്.എന്നാൽ രണ്ടാം തരംഗത്തിൽ ഇത് 89 ശതമാനം വരെയാകാം.അതുകൊണ്ട്തന്നെ പ്രതിരോധ പ്രവർത്തനങ്ങൾകൊണ്ട് മാത്രമേ വ്യാപനം തടയാൻ കഴിയു.ആശുപത്രികളിൽ സൗകര്യം വർധിപ്പിക്കും.ആവശ്യമെങ്കിൽ എഫ് എൽ ടി സി കൾ വീണ്ടും തുറക്കണോ എന്നും ആലോചിക്കും.

തിരഞ്ഞെടുപ്പ് കാലത്ത് വലിയ ആൾക്കൂട്ടങ്ങൾ ഉണ്ടായി,കോവിഡ് മാനദണ്ഡങ്ങൾ ശരിയായ രീതിയിൽ പാലിക്കപ്പെട്ടില്ല.അത്കൊണ്ട് തന്നെ ഏപ്രിൽ മാസം നിർണായകമാണ്. പ്രതിരോധ പ്രവർത്തനങ്ങൾ ശക്തമാക്കുമെന്നും വിട്ടു വീഴ്ചകൾ ചെയ്യില്ലെന്നും ആരോഗ്യമന്ത്രി വ്യക്തമാക്കി.

മുഖ്യ മന്ത്രിയുടെ ആരോഗ്യനില തൃപ്തികരമാണെന്നും അവർ പറഞ്ഞു.അദ്ദേഹത്തിന് നേരിയ ലക്ഷണങ്ങൾ മാത്രമാണുള്ളത്.മുൻ മുഖ്യമന്ത്രി ഉമ്മൻ ചാണ്ടിയുടെ ആരോഗ്യനിലയും തൃപ്തികരമാണെന്ന് ആരോഗ്യമന്ത്രി അറിയിച്ചു,

ഇ ഡി ക്കെതിരെ ക്രൈം ബ്രാഞ്ച് അന്വേഷണം തുടരാമെന്ന് ഹൈക്കോടതി

LIVE |

കൊച്ചി: ഇ ഡി ക്കെതിരെയുള്ള ക്രൈം ബ്രാഞ്ച് അന്വേഷണം തുടരാമെന്ന് ഹൈക്കോടതി.എന്നാൽ അറസ്റ്റ് അടക്കമുള്ള നടപടികളിലേക്ക് ക്രൈം ബ്രാഞ്ചിന് പോകാൻ കഴിയില്ലെന്ന് ഹൈക്കോടതി വ്യക്തമാക്കി.

ക്രൈം ബ്രാഞ്ച് അന്വേഷണം തടയണമെന്ന എൻഫോഴ്‌സ്‌മെന്റ് ആവശ്യം ഹൈക്കോടതി അംഗീകരിച്ചില്ല. സന്ദീപ് നായരുടെ രഹസ്യ മൊഴി രേഖപ്പെടുത്തണമെന്ന ക്രൈം ബ്രാഞ്ച് ആവശ്യവും ഹൈക്കോടതി അംഗീകരിച്ചില്ല.

നിയമ നടപടികൾ ക്രൈം ബ്രാഞ്ച് ദുരുപയോഗം ചെയ്യുന്നു എന്നായിരുന്നു പ്രധാനമായും ഇ ഡി ക്രൈം ബ്രാഞ്ചിനെതിരെ ഹൈക്കോടതിയിൽ ഉന്നയിച്ചത്.ഇ ഡി ക്കെതിരെ ക്രൈം ബ്രാഞ്ച് വ്യാജ തെളിവുകൾ ഉണ്ടാക്കുന്നുവെന്നും ഇ ഡി ഹൈക്കോടതിയിൽ വ്യക്തമാക്കി.

സന്ദീപ് നായരുടെ ഇ ഡി ക്കെതിരെയുള്ള കത്ത് മെനഞ്ഞെടുത്ത തെന്നും എൻഫോഴ്‌സ്‌മെന്റ് ഹൈക്കോടതിയിൽ വ്യക്തമാക്കി.ക്രൈം ബ്രാഞ്ചിന്റെ എഫ് ഐ ആർ അസാധാരണമായ പ്രതിസന്ധി സൃഷ്ടിച്ചു.ഇത് നിയമനടപടികളുടെ കടുത്ത ദുരുപയോഗമാണെന്ന് എൻഫോഴ്‌സ്‌മെന്റ് അതിശകതമായ വാദങ്ങൾ ഉന്നയിച്ചു. ക്രൈം ബ്രാഞ്ചിനെതിരെയുള്ള ഇ ഡി യുടെ ഹർജിയിൽ ഈ മാസം 16 ന് ഹൈക്കോടതി വിധി പറയും.

മുഖ്യമന്ത്രി പിണറായിക്ക് കോവിഡ് സ്ഥിരീകരിച്ചു, കോഴിക്കോട് മെഡിക്കൽ കോളേജിലേക്ക് മാറ്റും

കണ്ണൂർ: മുഖ്യമന്ത്രി പിണറായി വിജയന് കോവിഡ് സ്ഥിരീകരിച്ചു.

ആന്റിജൻ, ആർ ടി -പി സി ആർ ടെസ്റ്റുകൾ നടത്തിയതിന് ശേഷമാണ് രോഗം സ്ഥിരീകരിച്ചത്.അദ്ദേഹത്തിന്റെ ആരോഗ്യനിലയിൽ ആശങ്കകൾ ഇല്ലെങ്കിലും കൂടുതൽ കരുതലിന് വേണ്ടി കോഴിക്കോട് മെഡിക്കൽ കോളേജിലേക്ക് മാറ്റും.അതിനുള്ള ഒരുക്കങ്ങൾ നടത്തുന്നു.

പിണറായിലെ വീട്ടിൽ ഉള്ള അദ്ദേഹത്തെ അൽപ സമയത്തിനകം തന്നെ മെഡിക്കൽ കോളേജിലേക്ക് മാറ്റാനുള്ള ഒരുക്കങ്ങൾ തുടങ്ങി.ആരോഗ്യ വകുപ്പ് സെക്രട്ടറി അടിയന്തിര യോഗം വിളിച്ച് സ്ഥിതിഗതികൾ വിലയിരുത്തുന്നു.

കോഴിക്കോട്,തിരുവനന്തപുരം,കണ്ണൂർ മെഡിക്കൽ കോളേജുകളിലെ മേധാവികളുമായി ആരോഗ്യവകുപ്പ് സെക്രട്ടറി സംസാരിച്ചു. എന്തെങ്കിലും അവശ്യ സാഹചര്യം ഉണ്ടായാൽ മുഖ്യമന്ത്രിക്ക് ക്രിട്ടിക്കൽ കെയർ ചികിത്സ ലഭ്യമാക്കുന്നതിനായി തിരുവന്തപുരം മെഡിക്കൽ കോളേജിലും ഒരുക്കങ്ങൾ നടത്തും.തിരുവനതപുരം മെഡിക്കൽ കോളേജിലാണ് ക്രിട്ടിക്കൽ കെയർ വിദഗ്ധരായ ഡോക്ടർമാരുള്ളത്.

നേരത്ത മുഖ്യമന്ത്രിയുടെ മകൾ വീണ വിജയന് കോവിഡ് സ്ഥിരീകരിച്ച പശ്ചാത്തലത്തിലാണ് മുഖ്യമന്ത്രി ഇന്ന് ഉച്ചയോടെ കോവിഡ് ടെസ്റ്റിന് വി ധേയനായത്.

നിരവധി തിരഞ്ഞെടുപ്പ് യോഗങ്ങളിലും മറ്റും മുഖ്യമന്ത്രി പിണറായി വിജയൻ പങ്കെടുത്തിരുന്നെങ്കിലും നേരിട്ട് സമ്പർക്കത്തിലേർപ്പെട്ടവർ നിരീക്ഷണത്തിൽ പോകണമെന്ന് നിർദേശം വന്നിട്ടുണ്ട്.ഇതുസംബന്ധിച്ച പത്രക്കുറിപ്പ് ഉടൻ മുഖ്യമന്ത്രിയുടെ ഓഫീസിൽ പുറത്തിറക്കും.

മഞ്ചേശ്വരത്ത് സുരേന്ദ്രനെ ജയിപ്പിക്കാൻ മുഖ്യമന്ത്രിയുമായി ബിജെപി ധാരണയെന്ന ഗുരുതര ആരോപണവുമായി മുല്ലപ്പള്ളി

കോഴിക്കോട്: മഞ്ചേശ്വരത്ത് ബിജെപി -സിപിഎം നീക്കുപോക്ക് നടന്നതായും കെ സുരേന്ദ്രനെ ജയിപ്പിക്കാൻ മുഖ്യമന്ത്രിയുമായി ധാരണ ഉണ്ടാക്കിയതായും ഗുരുതര ആരോപണം ഉന്നയിച്ച് കോൺഗ്രസ് അധ്യക്ഷൻ മുല്ലപ്പള്ളി രാമചന്ദ്രൻ.

മഞ്ചേശ്വരത്തെ തിരഞ്ഞെടുപ്പ് ഫലത്തിൽ വലിയ ആശങ്കയുടെന്നും അദ്ദേഹം പറഞ്ഞു.മഞ്ചേശ്വരത്തെ സിപിഎം സ്ഥാനാർഥി ബിജെപിയുമായി അടുത്ത ബന്ധമുള്ള ആൾ.സിപിഎം ബിജെപി ബന്ധത്തിനിടയിലെ പാലമാണ് അദ്ദേഹം.

മണ്ഡലത്തിലെ സിപിഎം പ്രവർത്തകർ പ്രചാരണത്തിൽ നിർജീവമായിരുന്നു.തിരഞ്ഞെടുപ്പ് കാലത്ത് മുറിവേറ്റ നരിയെ പോലെ പ്രവർത്തിക്കുന്ന സിപിഎമ്മുകാർ ഇത്തവണ ഒരു വഴിപാടുപോലെയാണ് തിരഞ്ഞെടുപ്പ് രംഗത്ത് പ്രവർത്തിച്ചത്.

സിപിഎം വോട്ടുകൾ ബിജെപിക്ക് അനുകൂലമായി രേഖപ്പെടുത്തിയിട്ടുണ്ടാകുമെന്ന് ബലമായി സംശയിക്കുന്നതായും മുല്ലപ്പള്ളി രാമചന്ദ്രൻ പറഞ്ഞു.

കണ്ണൂരിൽ മുസ്ലിം ലീഗ് പ്രവർത്തകൻ വെട്ടേറ്റു മരിച്ചു, സഹോദരന് ഗുരുതര പരിക്ക്

കണ്ണൂർ: കണ്ണൂർ പാനൂരിൽ തിരഞ്ഞെടുപ്പുമായി ബന്ധപ്പെട്ട സംഘർഷത്തിൽ മുസ്ലിം ലീഗ് പ്രവർത്തകൻ വെട്ടേറ്റ് മരിച്ചു.

പുല്ലൂക്കര പാറാൽ മൻസൂർ( 22 ) ആണ് കൊല്ലപ്പെട്ടത്.സഹോദരൻ മുഹ്‌സിൻ പരിക്കേറ്റ് കോഴിക്കോട് സ്വകാര്യ ആശുപത്രിയിൽ ചികിത്സയിലാണ്.സംഭവത്തിന് പിന്നിൽ സിപിഎം- ഡി വൈ എഫ് ഐ പ്രവർത്തകരാണെന്ന് മുസ്ലിം ലീഗ് ആരോപിച്ചു.സംഭവവുമായി ബന്ധപ്പെട്ട് ഒരു സിപിഎം പ്രവർത്തകൻ പിടിയിലായിട്ടുണ്ടെന്നാണ് സൂചന.

പ്രദേശത്തെ 149,150 ബൂത്തുകളിൽ തിരഞ്ഞെടുപ്പ് ദിവസം രാവിലെ മുതൽ പ്രശ്നങ്ങൾ ഉണ്ടായിരുന്നു.ഓപ്പൺ വോട്ട് ചെയ്യിക്കുന്നതുമായി ബന്ധപ്പെട്ടായിരുന്നു പ്രശ്‍നം.വൈകുന്നേരമായതോടെ പ്രശ്നങ്ങൾ തീർന്നു എന്ന് കരുതിയെങ്കിലും രാത്രി ഏഴരയോടെ രൂക്ഷമാവുകയായിരുന്നു.

ഒളിച്ചിരുന്ന ഒരു സംഘം മൻസൂർ വീട്ടിൽനിന്ന് പുറത്തിറങ്ങുന്നത് നോക്കി ബോംബെറിഞ്ഞ ശേഷം വെട്ടുകയായിരുന്നു.സഹോദരൻ മുഹ്‌സിനും വെട്ടേറ്റു.

ഇരുവരെയും ആദ്യം തലശ്ശേരിയിലെ ഇന്ദിര ഗാന്ധി ആശുപത്രിയിൽ പ്രവേശിപ്പിച്ചെങ്കിലും പിന്നീട് കോഴിക്കോട്ടെ സ്വകാര്യ ആശുപത്രിയിലേക്ക് മാറ്റുകയായിരുന്നു.രാത്രി ഒരു മണിയോടെ മരണം സംഭവിച്ചു.

N E X T S T O R Y

http://www.jginews.in/cpm-not-involved-in-muslim-league-activists-murder-says-kannur-district-secretary/

മൻസൂറിന്റെ കൊലപാതകത്തിൽ പ്രതിഷേധിച്ച് കുത്തുപറമ്പ് നിയോജകമണ്ഡലത്തിൽ ഹർത്താൽ ആചരിക്കുകയാണ്.

photo |englishmbi.com

കഴക്കൂട്ടത്ത് ബിജെപി- സിപിഎം സംഘർഷം: പ്രവർത്തകർക്ക് പരിക്ക്, ശോഭ സുരേന്ദ്രൻ പ്രതിഷേധിക്കുന്നു |LIVE

തിരുവനന്തപുരം: കഴക്കൂട്ടം മണ്ഡലത്തിലെ കാട്ടായിക്കോണത്ത് സിപിഎം,ബിജെപി സംഘർഷത്തിൽ നാല് ബിജെപി പ്രവർത്തകർക്ക് പരിക്കേറ്റു.

പോലീസ് രാഷ്ട്രീയം കളിക്കുന്നു എന്നാരോപിച്ച് പരിക്കേറ്റ സ്‌ത്രീ കളടക്കമുള്ളവരെ ആശുപത്രിയിൽ കൊണ്ടുപോകാതെ ബിജെപി സ്ഥാനാർഥി ശോഭ സുരേന്ദ്രൻ പ്രതിഷേധിക്കുന്നു.

ബിജുകുമാർ,ജ്യോതി,അനാമിക,അശ്വതി വിജയൻ എന്നി ബിജെപി പ്രവർത്തകർക്കാണ് പരിക്കേറ്റത്.കടകംപള്ളിക്ക് വേണ്ടി രാഷ്ട്രീയം കളിക്കുന്ന പോലീസുകാരെയാണ് ഇവിടെ നിയോഗിച്ചിട്ടുള്ളതെന്നും കർശന നടപടി ഇല്ലാതെ പരിക്കേറ്റവരെ ആശുപത്രിയിൽ കൊണ്ടുപോകില്ലെന്ന നിലപാടിലാണ് ശോഭ സുരേന്ദ്രൻ.

ഇതിനകം മുഖ്യമന്ത്രി, തിരഞ്ഞെടുപ്പ് കമ്മീഷൻ,ഡി ജി പി തുടങ്ങിയവർക്ക് അഞ്ചോളം പരാതി നൽകിയെങ്കിലും ഫലമുണ്ടായില്ലെന്നും ശോഭ ആരോപിച്ചു.ബൂത്ത് ഏജന്റുമാരെ അസഭ്യം പറഞ്ഞും കൂകി വിളിച്ചും അപമാനിക്കുന്നുവെന്നും പ്രധാനമന്ത്രിയുടേതടക്കം എൻ ഡി എ പോസ്റ്ററുകൾ നശിപ്പിച്ചിട്ടും നടപടികൾ ഉണ്ടായില്ലെന്നും പറഞ്ഞാണ് ശോഭ സുരേന്ദ്രൻ പ്രതിഷേധിക്കുന്നത്.

കേരളം ഇന്ന് ബൂത്തിലേക്ക്: വോട്ടെടുപ്പ് രാവിലെ ഏഴ് മുതൽ വൈകുന്നേരം ഏഴ് വരെ

തിരുവനന്തപുരം: സംസ്ഥാനം ഇതുവരെ കണ്ടിട്ടില്ലാത്തത്ര വീറും വാശിയും നിറഞ്ഞ പ്രചാരണ പോരാട്ടത്തിനൊടുവിൽ കേരളം ഇന്ന് വിധിയെഴുതും.അടുത്ത അഞ്ച് വർഷം ആര് ഭരിക്കണമെന്ന് ജനം ഇന്ന് തീരുമാനിക്കും.

140 നിയോജക മണ്ഡലത്തിലേക്കുള്ള തിരഞ്ഞെടുപ്പും മലപ്പുറം ലോക്സഭാ മണ്ഡലത്തിലെ ഉപതെരഞ്ഞെടുപ്പുമാണ് ഇന്ന് നടക്കുക.കോവിഡ് പശ്ചാത്തലത്തിൽ ലോകം മുഴുവൻ അതിജീവനത്തിനായി പാടുപെട്ടുമ്പോൾ കേരളം ഇത് രണ്ടാം തവണയാണ് കോവിഡ് കാല തിരഞ്ഞെടുപ്പിനെ നേരിടുന്നത് എന്ന പ്രത്യേകതയും ഉണ്ട്.

പതിനഞ്ചാം കേരള നിയമസഭയിലേക്കുള്ള തിരഞ്ഞെടുപ്പിൽ 957 സ്ഥാനാർത്ഥികൾ നിയമസഭയിലേക്ക് മത്സരിക്കുന്നു.വോട്ടെടുപ്പ് രാവിലെ ഏഴ് മുതൽ വൈകിട്ട് ഏഴ് വരെ.

ഒരുക്കങ്ങൾ പൂർത്തിയായതായി തിരഞ്ഞെടുപ്പ് കമ്മീഷൻ അറിയിച്ചു.പ്രശ്ന ബാധിത ബൂത്തുകളിൽ വീഡിയോ ചിത്രീകരണമടക്കം സംവിധാനങ്ങളുണ്ട്.കേന്ദ്ര സേനയും രംഗത്തുണ്ട്.ഒന്നിലധികം വോട്ട് ചെയ്യാൻ ശ്രമിച്ചാൽ കർശന ഉണ്ടാകും.കോവിഡ് മാനദണ്ഡങ്ങൾ കൃത്യമായി എന്ന് ഉറപ്പുവരുത്തും.

കോവിഡ് ബാധിച്ചവർക്കും നിരീക്ഷണത്തിലുള്ളവർക്കുമായി വൈകുന്നേരം 6ന് ശേഷം വോട്ട് ചെയ്യാൻ സംവിധാനമൊരുക്കി യിട്ടുണ്ട്. മെയ് രണ്ടിനാണ് വോട്ടെണ്ണൽ.

തിരിച്ചറിയൽ കാർഡ്, പേന,സാനിറ്റൈസർ എന്നിവ വോട്ടർമാർ കരുതണം,സാമൂഹിക അകലം പാലിക്കണം,കുട്ടികളെ പോളിംഗ് കേന്ദ്രത്തിലേക്ക് കൊണ്ടു വരൻ പാടില്ല തുടങ്ങിയ നിർദേശങ്ങളും പാലിക്കണം.

കെ മുരളീധരന്റെ വാഹനം തടഞ്ഞു, നേമത്ത് കോൺഗ്രസ് ബിജെപി സംഘർഷം

തിരുവനന്തപുരം: നേമത്ത് കോൺഗ്രസ് ബിജെപി പ്രവർത്തകർ തമ്മിൽ നേരിയ സംഘർഷം.

യു ഡി എഫ് സ്ഥാനാർഥി കെ മുരളീധരന്റെ വാഹനം ഒരു സംഘമാളുകൾ തടഞ്ഞതോടെയാണ് തുടക്കം.നേമം സ്റ്റുഡിയോ കവലയിലാണ് വാഹനം തടഞ്ഞത്.

മുരളീധരനെ തടഞ്ഞത് ബിജെപി പ്രവർത്തകരാണെന്ന് കോൺഗ്രസ് പ്രവർത്തകർ ആരോപിച്ചെങ്കിലും ബിജെപി നിഷേധിച്ചു.യൂത്ത് കോൺഗ്രസ് പ്രവർത്തകൻ ഷജീറിന് പരിക്കേറ്റു.സ്ഥലത്ത് വൻ പോലീസ് സന്നാഹം.സ്ഥിതി ശാന്തമാണെന്ന് പോലീസ് അറിയിച്ചു.

കോവിഡ് പശ്ചാത്തലത്തിൽ കലാശക്കൊട്ടിന് തിരഞ്ഞെടുപ്പ് കമ്മീഷൻ വിലക്ക്

കലാശക്കൊട്ട് ഫയൽ ചിത്രം photo | mbi.com

തിരുവനന്തപുരം: കോവിഡ് പശ്ചാത്തലത്തിൽ തിരഞ്ഞെടുപ്പ് പ്രചാരണ കലാശക്കൊട്ടിന് തിരഞ്ഞെടുപ്പ് കമ്മിഷൻ അനുമതി നിഷേധിച്ചു.

ആൾക്കൂട്ടങ്ങൾ ഉണ്ടാകുന്ന കലാശക്കൊട്ട് പാടില്ല എന്നാണ് കമ്മീഷൻ നിർദേശം.കോവിഡ് മാനദണ്ഡങ്ങൾ കർശനമായി പാലിക്കണമെന്നും നിർദേശമുണ്ട്.കഴിഞ്ഞ തദ്ദേശ തിരഞ്ഞെടുപ്പിലും തിരഞ്ഞെടുപ്പ് കമ്മീഷൻ ഇത്തരത്തിൽ കൊട്ടിക്കലാശത്തിന് നിയന്ത്രണങ്ങൾ ഏർപ്പെടുത്തിയിരുന്നു.

നിയമസഭാ തിരഞ്ഞെടുപ്പിന്റെ പരസ്യ പ്രചാരണം ഞായറഴ്ചയാണ് അവസാനിക്കേണ്ടത്.കൊട്ടിക്കലാശത്തിന് വിലക്കും നിയന്ത്രണങ്ങളും വന്ന പശ്ചാത്തലത്തിൽ രാഷ്ട്രീയ പാർട്ടികൾ ഗൃഹ സന്ദർശനം പോലുള്ള മറ്റ് മാർഗങ്ങൾ തേടേണ്ടിവരും.തദ്ദേശ തിരഞ്ഞെടുപ്പ് സമയത്തും കൊട്ടിക്കലാശം വിലക്കിയിരുന്നെങ്കിലും പലയിടത്തും നിയന്ത്രണങ്ങൾ ലംഘിക്കപ്പെട്ടിരുന്നു.

അണിയറയിൽ അപവാദങ്ങളുടെ ആയുധങ്ങൾ ഒരുങ്ങുന്നു: കരുതിയിരിക്കാൻ മുഖ്യമന്ത്രി

LIVE | ആരോപണങ്ങൾ ഫലവത്താക്കാൻ പറ്റാത്തവരുടെ അവസാനത്തെ അടവാണ് അപവാദ പ്രചരണം.പല ആയുധനകളും അണിയറയിൽ തയ്യാറാവുന്നുണ്ട് |

തിരുവനന്തപുരം: അണിയറയിൽ അപവാദങ്ങളുടെ ആയുധങ്ങളും ശബ്ദാനുകരണങ്ങളും വ്യാജ സന്ദേശങ്ങളും ഒരുങ്ങുന്നതായും പ്രചരിപ്പിക്കുന്നതായും മുഖ്യമന്ത്രി പിണറായി വിജയൻ.

എൽ ഡി എഫ് സർക്കാരിനെതിരെ ഉന്നയിച്ച ഒരു ആരോപണവും തെളിയിക്കാൻ ഉന്നയിച്ചവർക്ക് സാധിക്കാൻ കഴിഞ്ഞിട്ടില്ലെന്നും അതിന്റെ പ്രതിഫലനമാണ് കേരളത്തിലുടനീളം കാണുന്നതെന്നും മുഖ്യമന്ത്രി പത്രസമ്മേളനത്തിൽ പറഞ്ഞു.

ആരോപണങ്ങൾ ഫലവത്താക്കാൻ പറ്റാത്തവരുടെ അവസാനത്തെ അടവാണ് അപവാദ പ്രചരണം.പല ആയുധനകളും അണിയറയിൽ തയ്യാറാവുന്നുണ്ട്.

വ്യാജ സന്ദേശങ്ങൾ,കൃത്രിമ രേഖകളുടെ പകർപ്പുകൾ, ശബ്ദാനുകരണ സംഭാഷണങ്ങൾ,എന്നിവ ഇപ്പോൾ തന്നെ പ്രചരിപ്പിക്കുന്നു.സംഘ പരിവാറിന്റെ കൈപിടിച്ച് കേന്ദ്ര ഏജൻസികളുടെ അകമ്പടികളോടെ കേരളത്തിൽ എൽ ഡി എഫിനെ തകർക്കാൻ ഒരുമ്പെട്ടിറങ്ങിയ യു ഡി എഫിന് കേരളത്തിൽ റോൾ ഇല്ലാതാകും" പിണറായി വിജയൻ പറഞ്ഞു.

N E X T S T O R Y

http://www.jginews.in/rajanikanth-will-get-fifty-one-dada-saheb-falke-award/

യു ഡി എഫിന്റെ നശീകരണ നശീകരണ രാഷ്ട്രീയത്തിന് ആയുധമാക്കാൻ കേന്ദ്ര അന്വേഷണ ഏജൻസികളെ ഇറക്കിവിടുകയാണ്.കേന്ദ്ര സർക്കാരിന്റെ ഔദ്യോഗിക ഏജൻസികളെ കേരളത്തിന്റെ വികസന പ്രവർത്തനങ്ങളെ അട്ടിമറിക്കുന്നതിന്റെ ഭാഗമാണ് കിഫ്ബിക്കെതിരെ ഒന്നിനുപിറകെ ഒന്നായി അന്വേഷണ ഏജൻസികളെ ഇറക്കുന്നത്.

നാട്ടിലെ അടിസ്ഥാന സൗകര്യ വികാസങ്ങൾ വികസന വിരോധികൾക്കുള്ള കൃത്യമായ മറുപടി ആയിരിക്കുമെന്നും പിണറായി വിജയൻ പറഞ്ഞു.

നാല് ലക്ഷത്തിലധികം ഇരട്ട വോട്ടുകളുടെ വിവരം പുറത്തുവിട്ട് രമേശ് ചെന്നിത്തല

തിരുവനന്തപുരം: സംസ്ഥാനത്തെ 140 നിയോജക മണ്ഡലങ്ങളിലെ 4,34000 ഇരട്ട വോട്ടർമാരുടെ വിവരം പുറത്തു വിട്ടതായി പ്രതിപക്ഷ നേതാവ് രമേശ് ചെന്നിത്തലയുടെ ഓഫീസ് അറിയിച്ചു.

www.operationtwins.com എന്ന വെബ്സൈറ്റിലൂടെയാണ് വിവരങ്ങൾ പുറത്തുവിട്ടത്.ഓരോ നിയോജക മണ്ഡലങ്ങളിലെയും വിവിധ ബൂത്തുകളിൽ ചേർത്ത ഇരട്ട വോട്ടർമാരുടെ വിവരങ്ങളും അതെ വോട്ടർമാരുടെ ഫോട്ടോ ഉപയോഗിച്ച് സമീപ നിയോജക മണ്ഡലങ്ങളിലെ ബൂത്തുകളിൽ വ്യത്യസ്ത പേരുകളിലും വിലാസങ്ങളിലും വോട്ടർ ഐ ഡി യിലും ചേർത്തവോട്ടർമാരുടെ വിവരങ്ങളാണ് വെബ്സൈറ്റിലൂടെ പുറത്തുവിട്ടത്.

നിയോജകമണ്ഡലത്തിന്റെ നമ്പർ,ബൂത്ത് നമ്പർ,സ്ഥാനാർത്ഥിയുടെ പേര്,ആ ബൂത്തിലെ വോട്ടറുടെ പേര്,വോട്ടർ ഐ ഡി നമ്പർ,അതെ വ്യക്തിക്ക് മറ്റ് ബൂത്തുകളിലുള്ള വോട്ടിന്റെ ഐ ഡി നമ്പർ, അവിടത്തെ പേര്,വിലാസം,അതെ വ്യക്തിക്ക് തന്നെ മറ്റൊരു നിയോജക മണ്ഡലത്തിലുള്ള വോട്ടിന്റെ ഐ ഡി നമ്പർ,വിലാസം എന്നിവയുടെ പട്ടികയാണ് വെബ്സൈറ്റിലുള്ളത്.

ഈ വെബ്സൈറ്റിലെ വിവരങ്ങൾ കൃത്യമായി അപ്ഡേറ്റ് ചെയ്ത്കൊണ്ടിരിക്കും.അപ്ഡേഷനിൽ ഫോട്ടോ ഉൾക്കൊള്ളുന്ന വിവരങ്ങൾ ഉണ്ടായിരിക്കും.തിരഞ്ഞെടുപ്പ് കഴിയുംവരെ ഈ വെബ്‌സൈറ്റിൽപുതുതായി ലഭിക്കുന്ന വിവരങ്ങൾ ഉൾക്കൊള്ളിച്ച് അപ്ഡേറ്റ് ചെയ്ത് കൊണ്ടിരിക്കും.

എല്ലാ വോട്ടർമാരും പൊതു പ്രവർത്തകരും ഈ സാധ്യത ഉപയോഗപ്പെടുത്തി കള്ളവോട്ടിനുള്ള സാധ്യത പരമാവധി തടയണമെന്ന് പ്രതിപക്ഷ നേതാവിന്റെ ഓഫീസ് അറിയിച്ചു.

ഇരട്ട വോട്ട് ആരോപണത്തിൽ ഉറച്ചു നിൽക്കുന്നു,കൂടുതൽ വിവരങ്ങൾ നാളെ പുറത്തു വിടുമെന്ന് രമേശ് ചെന്നിത്തല

ആലപ്പുഴ: വോട്ടർ പട്ടികയിൽ ക്രമക്കേടുണ്ടെന്ന ആരോപണത്തിൽ ഉറച്ചു നിൽക്കുന്നതായി പ്രതിപക്ഷ നേതാവ് രമേശ് ചെന്നിത്തല.

38000 ഇരട്ട വോട്ടുകളെ ഉള്ളു എന്ന തിരഞ്ഞെടുപ്പ് കമ്മീഷന്റെ കണ്ടെത്തൽ വാസ്തവത്തിൽ അതിശയിപിപ്പിക്കുന്നതും ഞെട്ടിപ്പിക്കുന്നതുമാണെന്ന് അദ്ദേഹം പറഞ്ഞു.

ഇരട്ട വോട്ടുകളുമായി ബന്ധപ്പെട്ട മുഴുവൻ തെളിവുകളും നാളെ പുറത്തു വിടും.തിരഞ്ഞെടുപ്പ് കമ്മീഷൻ പറയുന്നതാണോ താൻ പറയുന്നതാണോ ശരിയെന്ന് ജനങ്ങൾ വിലയിരുത്തട്ടെയെന്നും രമേശ് ചെന്നിത്തല പറഞ്ഞു.കേരളത്തിലെ തിരഞ്ഞെടുപ്പിനെ അട്ടിമറിക്കാൻ പറ്റാവുന്നത്ര ഇരട്ടവോട്ടുകൾ ചേർത്തിട്ടുണ്ട്.ഈ വ്യാജ വോട്ടർമാർ ഒരിക്കലും തിരഞ്ഞെടുപ്പിൽ പങ്കെടുക്കാൻ പാടില്ലെന്ന് അദ്ദേഹം പറഞ്ഞു.

കഴിഞ്ഞ ദിവസം ഹൈക്കോടതിയിൽ തിരഞ്ഞെടുപ്പ് കമ്മീഷൻ നൽകിയ സത്യവാങ്മൂലത്തിൽ 38000ൽ പരം ഇരട്ട വോട്ടുകളെ ഉള്ളുവെന്നും.വോട്ടർ പട്ടികയിൽ ഇനി മാറ്റങ്ങൾ വരുത്തുന്നത് സാധ്യമല്ലെന്നും വ്യക്തമാക്കിയിരുന്നു.

തലശ്ശേരിയിൽ സി ഒ ടി നസീറിനെ പിന്തുണയ്ക്കാൻ ബിജെപി തീരുമാനം

LIVE |

സ്വന്തം ലേഖകൻ
കണ്ണൂർ: നീണ്ടുനിന്ന അനിശ്ചിതാവസ്ഥക്കൊടുവിൽ തലശ്ശേരിയിൽ സ്വതന്ത്ര സ്ഥാനാർഥി സി ഒ ടി നസീറിനെ പിന്തുണയ്ക്കാൻ ബിജെപി തീരുമാനം.

ഇതുസംബന്ധിച്ച വിവിധ മേഖലകളിൽ വൻ ചർച്ചകൾ തന്നെ നടന്നിരുന്നു. ഒടുവിൽ ബിജെപി നേതൃത്വവും നസീറും തമ്മിൽ കൂടിക്കാഴ്ച്ച നടത്തിയതിന്റെ പശ്ചാത്തലത്തിലാണ് തീരുമാനം.

ബിജെപി പിന്തുണ വേണ്ടെന്ന് നസീർ ആദ്യ ഘട്ടത്തിൽ പറഞ്ഞിരുന്നെങ്കിലും ബിജെപി നേതൃത്വവുമായി നടന്ന ചർച്ചകളുടെ ഫലമായാണ് തീരുമാനം മാറ്റിയത്.ഇപ്പോൾ നസീർ തന്നെ പിന്തുണ സ്വീകരിക്കുമെന്ന് വ്യക്തമാക്കിയിട്ടുണ്ട്.

തലശേരിയിലും ഗുരുവായൂരിലും ദേവികുളത്തും ബിജെപി സ്ഥാനാർത്ഥികളുടെ നാമനിർദേശ പത്രിക തള്ളിയത് സംസ്ഥാന രാഷ്ട്രീയത്തിൽ വലിയ ചർച്ചകൾക്ക് വഴിവെച്ചിരുന്നു.ബിജെപി നേതൃത്വം ഹൈക്കോടതിയെ സമീപിച്ചിരുന്നെങ്കിലും അനുകൂലമായ വിധി ലഭിച്ചിരുന്നില്ല.തിരഞ്ഞെടുപ്പ് പ്രക്രിയ തുടങ്ങിക്കഴിഞ്ഞാൽ പിന്നെ കോടതികൾക്ക് ഇടപെടാനാകില്ല എന്ന തിരഞ്ഞെടുപ്പ് കമ്മീഷന്റെ അഭ്യർത്ഥന കോടതി അംഗീകരിക്കുകയായിരുന്നു.

എന്നാൽ വരണാധികാരികളുടെ വിവേചനാധികാരം സ്ഥാനാർത്ഥികൾക്ക് അവസരം നഷ്ടപ്പെടുത്തുന്നതിന് ഇടയാക്കരുതെന്നും,മാനദണ്ഡങ്ങൾ നിഷ്പക്ഷമായി പാലിക്കണമെന്നുമുള്ള സുപ്രധാന നിരീക്ഷണം കോടതി നടത്തിയിരുന്നു.വിഷയത്തിൽ സ്ഥാനാർത്ഥികൾക്ക് തിരഞ്ഞെടുപ്പ് കമ്മീഷനെ സമീപിക്കാമെന്ന് ഓടാതെ പറഞ്ഞിരുന്നെങ്കിലും ഫലം കണ്ടില്ല.

photo | deccancronicle.com

പാർലമെൻററി രാഷ്ട്രീയം ഉപേക്ഷിക്കുന്നുവെന്ന് എ കെ ആന്റണി

തിരുവനന്തപുരം: 2022ൽ പാർലമെൻററി രാഷ്ട്രീയം പൂർണ്ണമായും ഉപേക്ഷിക്കുമെന്ന് മുതിർന്ന കോൺഗ്രസ് നേതാവ് എ കെ ആന്റണി.

2004ൽ തന്നെ തിരഞ്ഞെടുപ്പ് രാഷ്ട്രീയം അവസാനിപ്പിച്ചതാണ്. 2022ഓടെ രാജ്യസഭാ കാലാവധി കഴിയും. അതോടെ പാർലമെന്റ് രാഷ്ട്രീയം പൂർണ്ണമായും അവസാനിപ്പിക്കുമെന്നും അദ്ദേഹം പറഞ്ഞു.

യു ഡി എഫിൽ മുഖ്യമന്ത്രി സ്ഥാനം സംബന്ധിച്ച് ആർക്കും വാക്ക് കൊടുത്തിട്ടില്ലെന്നും എ കെ ആന്റണി പറഞ്ഞു.തിരഞ്ഞെടുപ്പ് കഴിഞ്ഞാൽ ആ കാര്യത്തിൽ ഏകകണ്ഠമായ തീരുമാനം വരും.

ജനാധിപത്യത്തിൽ ചോദ്യം ചെയ്യാൻ പാടില്ലാത്ത നേതാവുണ്ടാകാൻ പാടില്ലെന്നും എന്നാൽ സി പി എം എന്നാൽ പിണറായി മാത്രമായി മാറിയെന്നും ആന്റണി പറഞ്ഞു.

കോൺഗ്രസ് മുൻപ് സമ്പന്നമായ പാർട്ടി ആയിരുന്നു.എന്നാൽ ഇപ്പോൾ സാമ്പത്തിക പ്രതിസന്ധി ഉണ്ട്.അത് തിരഞ്ഞെടുപ്പ് പ്രചാരണത്തിൽ കാണാനുണ്ട്.സാധാരണ തിരഞ്ഞെടുപ്പ് കഴിഞ്ഞാൽ കോൺഗ്രസിൽ മാത്രമായിരുന്നു പ്രശ്നങ്ങൾ.എന്നാൽ ഇത്തവണ സിപിഎമ്മിലും കലാപങ്ങൾ ഉണ്ടായി.ലതിക സുഭാഷിന്റെ കാര്യത്തിൽ സങ്കടമുണ്ട്.

അഭിപ്രായ സർവേകളെ പോസിറ്റിവാ യിട്ടാ ണ് കാണുന്നത്.കഴിഞ്ഞ അഞ്ച് വർഷത്തെക്കുറിച്ച് ഒരു വീണ്ടുവിചാരം ഉണ്ടാകാൻ വരുന്ന അഞ്ച് വർഷം പിണറായി പ്രതിപക്ഷത്ത് ഇരിക്കട്ടെയെന്നും ആന്റണി പറഞ്ഞു.

നേമം ബിജെപി ശക്തി കേന്ദ്രമൊന്നുമല്ല.അവിടെ ബിജെപി അല്ല ജയിച്ചത്.ഒ രാജഗോപാലാണ്. രാജഗോപാലിനോട് തിരുവനന്തപുരത്തുകാർക്ക് സഹതാപം തോന്നിയത്കൊണ്ടാണ് ജയിച്ചത്.ഇത്തവണ കെ കരുണാകരന്റെ മകൻ കെ മുരളീധരനാണ് മത്സരിക്കുന്നത്.നേമത്ത് കെ മുരളീധരൻ ജയിച്ചു കയറുമെന്നും എ കെ ആന്റണി പറഞ്ഞു.

photo | livemint.com

രാഷ്ട്രപതിക്ക് ദേഹാസ്വാസ്ഥ്യം: ആശുപത്രിയിൽ നിരീക്ഷണത്തിൽ

LIVE |

ന്യൂഡൽഹി: രാഷ്‌ട്രപതി രാംനാഥ് കോവിന്ദിനെ ദേഹാസ്വാസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിച്ചു.

ന്യൂഡൽഹിയിലെ സൈനിക ആശുപത്രിയിൽ നിരീക്ഷണത്തിലാണ് അദ്ദേഹമിപ്പോൾ.രാഷ്ട്രപതിയുടെ ആരോഗ്യ നിലയിൽ ആശങ്കപ്പെടാനില്ലെന്ന് സൈനിക ആശുപത്രി വൃത്തങ്ങൾ അറിയിച്ചു.

സാധാരണ രീതിയിലുള്ള പരിശോധനകൾക്കായി ആശുപത്രിയിൽ പോയതായിരുന്നു രാഷ്‌ട്രപതി.നെഞ്ചിൽ അസ്വസ്ഥതകൾ തോന്നിയതിനാൽ നിരീക്ഷണത്തിനായി ഡോക്ടർമാർ നിർദേശിക്കുകയായിരുന്നു.കൂടുതൽ വിവരങ്ങൾ ലഭ്യമല്ല.

photo | zeenewsindia.com

വിരട്ടാമെന്ന് വിചാരിക്കുന്നവർ മൂഢ സ്വർഗ്ഗത്തിലെന്ന് എൻ എസ് എസ്

ചങ്ങനാശ്ശേരി : വിരട്ടാൻ നോക്കുന്നവർ മൂഢ സ്വർഗ്ഗത്തിലാണെന്ന് മുഖ്യമന്ത്രിക്ക് മറുപടിയുമായി എൻ എസ് എസ് രംഗത്തെത്തി.

എൻ എസ് എസ് ആവശ്യങ്ങളിൽ പൊതു സമൂഹത്തിന് സംശയമില്ല.എൻ എസ് എസ് ഉന്നയിച്ചത് മൂന്ന് ആവശ്യങ്ങൾ. മന്നം ജയന്തി അവധി ആവശ്യം നിരസിച്ചു, മുന്നാക്ക സംവരണത്തിന്റെ കാര്യത്തിൽപ്രയോജനം കിട്ടിയില്ല,ശബരിമല വിഷയം എവിടെ നിൽക്കുന്നു എന്ന് എല്ലാവര്ക്കും അറിയാം.

എൻ എസ് എസ് ഉന്നയിച്ച ആവശ്യങ്ങളിൽ രാഷ്ട്രീയമില്ല. രാഷ്ട്രീയമായി ഇപ്പോഴും സമദൂരത്തിലാണെന്നുമാണ് എൻ എസ് എസ് പ്രതികരണം.

കഴിഞ്ഞ ദിവസങ്ങളിൽ എൻ എസ് എസ് ജനറൽ സെക്രട്ടറി ജി സുകുമാരൻ നായരുടെ പ്രസ്താവനകൾക്ക് പ്രതികരണവുമായി മുഖ്യമന്ത്രി പിണറായി വിജയനും മന്ത്രി കെ കെ ഷൈലജയും രംഗത്തെത്തിയിരുന്നു.

കെജ്‌രിവാളിന് തിരിച്ചടി: ഡൽഹിക്കുമേൽ കേന്ദ്ര സർക്കാരിന് കൂടുതൽ അധികാരം,ഡൽഹി ബിൽ ലോക്സഭ പാസ്സാക്കി

ന്യൂഡൽഹി : ഡൽഹിക്കുമേൽ കേന്ദ്രസർക്കാരിന് കൂടുതൽ അധികാരം നൽകുന്ന ഡൽഹി ബിൽ ലോക്സഭ പാസ്സാക്കി.

ലോക്സഭയിൽ പാസ്സായ ബിൽ ( ദേശീയ തലസ്ഥാന മേഖല(ഭേദഗതി ) ബിൽ ) രാജ്യസഭയിൽ കൂടി പാസായാൽ അത് ഡൽഹി മുഖ്യമന്ത്രി അരവിന്ദ് കെജ്‌രിവാളിന് വലിയ തിരിച്ചടിയാകുമെന്ന് വിലയിരുത്തപ്പെടുന്നു.

കേന്ദ്രസർക്കാർ നിയോഗിക്കുന്ന ലഫ്റ്റനന്റ് ഗവർണർക്ക് തിരഞ്ഞെടുക്കപ്പെട്ട സർക്കാരിനേക്കാൾ കൂടുതൽ അധികാരം നൽകുന്നതാണ് ബിൽ.കഴിഞ്ഞയാഴ്ചയാണ് ബിൽ പാർലമെന്റിൽ അവതരിപ്പിച്ചത്.

ഡൽഹി ആ ആദ്മി സർക്കാരും ലഫ്റ്റനന്റ് ഗവർണറും തമ്മിലുള്ള തർക്കത്തിൽ സുപ്രീം കോടതി ഇടപെട്ട് മൂന്ന് വർഷ ത്തിനുള്ളിലാണ് ബില്ല് പാസാക്കുന്നത്.ഡൽഹി സർക്കാരിന്റെയും ലഫ്റ്റനന്റ് ഗവർണറുടെയും അധികാരം കൃത്യമായി നിർവചിക്കുന്നതാണ് ബിൽ.

ഡൽഹിയിലെ ജനങ്ങളെ അപമാനിക്കുന്നതാണ് പുതിയ ബില്ലെന്ന് അരവിന്ദ് കെജ്‌രിവാൾ പ്രതികരിച്ചു.

photo | ie.com

ഭരണകക്ഷിക്കായി കുഴലൂത്ത് നടത്തുന്നു,മാധ്യമങ്ങൾക്കെതിരെ ആഞ്ഞടിച്ച് പ്രതിപക്ഷനേതാവ്

| മാധ്യമ അവതാരകർ തന്നെ സംസ്ഥാനത്ത് ഭരണ തുടർച്ച പ്രഖ്യാപിക്കുകയാണ്.മാധ്യമങ്ങൾ ഏകപക്ഷീയമായി പെരുമാറുന്നു.200 കോടിയുടെ പരസ്യം നൽകി മാധ്യമങ്ങളെ കയ്യിലെടുത്തു.പ്രതിപക്ഷത്തിന് പരസ്യം നൽകാൻ പണമില്ല |

തിരുവനന്തപുരം: സംസ്ഥാനത്ത് ചില മാധ്യമങ്ങൾ ഭരണകക്ഷിക്ക് അനുകൂലമായി കുഴലൂത്ത് നടത്തുന്നുവെന്നും ജനവിരുദ്ധ സർക്കാരിനെ മാധ്യമങ്ങൾ വെള്ളപൂശുന്നുവെന്നും പ്രതിപക്ഷ നേതാവ് രമേശ് ചെന്നിത്തല ആരോപിച്ചു.

മാധ്യമ അവതാരകർ തന്നെ സംസ്ഥാനത്ത് ഭരണ തുടർച്ച പ്രഖ്യാപിക്കുകയാണ്.മാധ്യമങ്ങൾ ഏകപക്ഷീയമായി പെരുമാറുന്നു.200 കോടിയുടെ പരസ്യം നൽകി മാധ്യമങ്ങളെ കയ്യിലെടുത്തു.പ്രതിപക്ഷത്തിന് പരസ്യം നൽകാൻ പണമില്ല.

മാധ്യമ സർവ്വേകൾക്കെതിരെയും പ്രതിപക്ഷ നേതാവ് ആഞ്ഞടിച്ചു.ജനഹിതം അട്ടിമറിക്കാൻ അഭിപ്രായ സർവേകൾ എന്നപേരിൽ പ്രചാരണം നടത്തുന്നു.എന്നാൽ ഒരു സർവേക്കും പ്രതിപക്ഷത്തെ തകർക്കാനാവില്ല.ലോക്സഭ തിരഞ്ഞെടുപ്പ് സമയത്തും ഇത്തരം സർവേകൾ ഉണ്ടായിരുന്നു.തിരഞ്ഞെടുപ്പ് ഫലം വന്നപ്പോൾ സർവ്വേ നടത്തിയവരെ കാണാനില്ലായിരുന്നു.

കിഫ്‌ബി മാത്രം മാധ്യമങ്ങൾക്ക് നൽകിയത് 57 കോടിയുടെ പരസ്യം.മാധ്യമങ്ങൾ ആഘോഷിക്കട്ടെയെന്നും ജനങ്ങൾ എല്ലാം തിരിച്ചറിയുമെന്നും രമേശ് ചെന്നിത്തല പറഞ്ഞു.തിരഞ്ഞെടുപ്പ് കമ്മീഷന് ഉടൻ പരാതി നൽകുമെന്നും അദ്ദേഹം പറഞ്ഞു.

photo | oneindia.com

സ്വർണ്ണക്കടത്ത് കേസ് അട്ടിമറിക്കുന്നു,ശിവശങ്കറിന്റെ ജാമ്യം റദ്ദാക്കാൻ ഇ ഡി സുപ്രീം കോടതിയിൽ

സ്വന്തം ലേഖകൻ
ന്യൂഡൽഹി: സ്വർണ്ണക്കടത്ത് കേസിൽ മുൻ പ്രിൻസിപ്പൽ സെക്രട്ടറി എം ശിവശങ്കറിന്റെ ജാമ്യം അടിയന്തിരമായി റദ്ദാക്കണമെന്നാവശ്യപ്പെട്ട് എൻഫോഴ്‌സ്‌മെന്റ് ഡയറക്ടറേറ്റ് സുപ്രീം കോടതിയിൽ അപേക്ഷ നൽകി.

ജാമ്യത്തിലിറങ്ങിയ ശേഷം സർക്കാർ സംവിധാനമുപയോഗിച്ച് ശിവശങ്കർ കേസ് അട്ടിമറിക്കാൻ ശ്രമിക്കുന്നു എന്ന് ഇ ഡി കോടതിയിൽ വ്യക്തമാക്കി.

എൻഫോഴ്‌സ്‌മെന്റ് ഉദ്യോഗസ്ഥർക്കെതിരെ കേസെടുക്കുമെന്ന് സംസ്ഥാന സർക്കാർ പറയുന്നത് നിയമവാഴ്ചയെ ഉറപ്പാക്കുന്നതിന് ബുദ്ധിമുട്ടുണ്ടാക്കുന്നുവെന്ന് ഇ ഡി സുപ്രീം കോടതിയിൽ സമർപ്പിച്ച അപേക്ഷയിൽ വിശദീകരിക്കുന്നു.

ശിവശങ്കറിന് ജാമ്യം അനുവദിച്ചുകൊണ്ടുള്ള ഹൈക്കോടതി ഉത്തരവിനെതിരെ ഇ ഡി നൽകിയ ഹർജി സുപ്രീം കോടതിയുടെ പരിഗണനയിലാണെങ്കിലും ജാമ്യത്തിലിറങ്ങിയ ശേഷമുള്ള ശിവശങ്കറിന്റെ ഇടപെടലുകളെ നിരീക്ഷിക്കുകയും എൻഫോഴ്‌സ്‌മെന്റ് ഡൽഹി ആസ്ഥാനത്തെ ഡെപ്യൂട്ടി ഡയറക്ടർ ജിതേന്ദ്ര കുമാർ ഗോഗിയ സുപ്രീം കോടതിയെ സമീപിക്കുകയായിരുന്നു.

എൽ ഡി എഫ് പ്രകടന പത്രിക പുറത്തിറക്കി: 50 ഇന പരിപാടികൾ, 900 നിർദേശങ്ങൾ

LIVE |

തിരുവനന്തപുരം: എൽ ഡി എഫ് പ്രകടന പത്രിക പുറത്തിറക്കി.സിപിഎം സംസ്ഥാന സെക്രട്ടറി എ വിജയരാഘവനാണ് പ്രകടന പത്രിക പ്രകാശനം ചെയ്തത്.

പ്രകടന പത്രികയിൽ അൻപതിന പരിപാടികളും 900 നിർദേശനങ്ങളുമുണ്ടെന്ന് വിജയരാഘവൻ പറഞ്ഞു.40 ലക്ഷം തൊഴിലവസരങ്ങൾ സൃഷ്ടിക്കും,മുഴുവൻ ആദിവാസി പട്ടികജാതി കുടുംബങ്ങൾക്കും വീട്,റബറിന്റെ തറവില അഞ്ച് വർഷത്തിനുള്ളിൽ 250 രൂപയാക്കും,വൈദ്യുതി ക്ഷാമം ഇല്ലാതാക്കും,തീരദേശത്തിന് 5000 കോടിയുടെ പാക്കേജ്,ക്ഷേമ പെൻഷനുകൾ അഞ്ച് വർഷത്തിനുള്ളിൽ 2500 രൂപയാക്കും, വീട്ടമ്മമാർക്ക് പെൻഷൻ,ദാരിദ്ര്യം ഇല്ലാതാക്കൻ വായ്പ,പ്രവാസി പുനരധിവാസത്തിന് പ്രത്യേകം പദ്ധതി തുടങ്ങിയ ജനപ്രിയ നിർദേശങ്ങളും പരിപാടികളുമാണ് എൽ ഡി എഫ് പ്രകടന പത്രികയിലുള്ളതെന്ന് ഇ വിജയരാഘവൻ പറഞ്ഞു.

ഏതെങ്കിലും മത വിശ്വാസത്തെ സംബന്ധിച്ച കാര്യങ്ങൾ പ്രകടന പത്രികയിൽ ഇല്ലെന്ന് അദ്ദേഹം പറഞ്ഞു.ശബരിമല സംബന്ധിച്ച ചോദ്യങ്ങൾക്കുള്ള മറുപടിയായാണ് അദ്ദേഹം ഇങ്ങനെ പ്രതികരിച്ചത്.സൗജന്യ കിറ്റുകൾ സംബന്ധിച്ച് നേരിട്ട് പത്രികയിൽ പറയുന്നില്ലെങ്കിലും ഭരണ തുടർച്ച ഉണ്ടായാൽ അതിനെപ്പറ്റി ചിന്തിക്കും എന്ന സൂചനയാണ് സിപിഎം സംസ്ഥാന സെക്രട്ടറി നൽകിയത്.

എയ്ഡഡ് സ്കൂൾ അധ്യാപകർ തിരഞ്ഞെടുപ്പിൽ മത്സരിക്കുന്നത് വിലക്കിയ ഉത്തരവ് സുപ്രീം കോടതി സ്റ്റേ ചെയ്തു

ന്യൂഡൽഹി: എയ്ഡഡ് സ്കൂൾ അധ്യാപകർ തിരഞ്ഞെടുപ്പിൽ മത്സരിക്കുന്നതിനും രാഷ്ട്രീയ പ്രവർത്തനം നടത്തുന്നതിനും വിലക്കേർപ്പെടുത്തിയ ഹൈക്കോടതി വിധി സുപ്രീം കോടതി സ്റ്റേ ചെയ്തു.ചീഫ് ജസ്റ്റിസ് എസ് എ ബോബ്‌ഡെ അധ്യക്ഷനായ ബെഞ്ചാണ് വിധി പ്രസ്താവിച്ചത്.

എയ്ഡഡ് സ്കൂൾ അധ്യാപകർ തിരഞ്ഞെടുപ്പിൽ മത്സരിക്കുന്നതും രാഷ്ട്രീയ പ്രവർത്തനം നടത്തുന്നതും ഭരണഘടനാവിരുദ്ധമാണെന്നായി രുന്നു ഹൈക്കോടതി വിധി.

ഈ ഉത്തരവിനെ ചോദ്യം ചെയ്ത് അധ്യാപകനും പൊതു പ്രവർത്തകനുമായ സലിം മടവൂരും എ എൻ അനുരാഗമാണ് സുപ്രീം കോടതിയെ സമീപിച്ചത്. സുപ്രീം കോടതി ഉത്തരവ് നിലവിൽ വന്നതോടെ നിയമസഭാ തിരഞ്ഞെടുപ്പിൽ എയ്ഡഡ് സ്കൂൾ അധ്യാപകർക്കും മത്സരിക്കാൻ സാധിക്കും.

സുധാകരൻ പിൻവാങ്ങി,ധർമ്മടത്ത് സി രഘുനാഥ് പത്രിക സമർപ്പിച്ചു

കണ്ണൂർ: ധർമടം മണ്ഡലത്തിലെ കോൺഗ്രസ് സ്ഥാനാർത്ഥിത്വം സംബന്ധിച്ച അനിശ്ചിതത്വം നീങ്ങി.കെ സുധാകരൻ മത്സരിക്കാനില്ല എന്ന് ഉറച്ച നിലപാടെടുത്തതോടെയാണിത്.സുധാകരൻ പിൻവാങ്ങിയ പശ്ചാത്തലത്തിൽ ഡി സി സി സെക്രട്ടറി സി രഘുനാഥ് ധർമടം മണ്ഡലത്തിൽ മത്സരിക്കും.

രഘുനാഥ് അല്പസമയം മുൻപ് പത്രികാ സമർപ്പണം നടത്തി. സ്ഥാനാർഥി പ്രഖ്യാപനം വൈകുന്നേരം കെ പി സി സി അധ്യക്ഷൻ മുല്ലപ്പള്ളി രാമചന്ദ്രൻ നടത്തും.

സുധാകരൻ ധർമ്മടത്തിൽ മത്സരിക്കുമെന്നും പ്രഖ്യാപനം ഉടൻ ഉണ്ടാകുമെന്നും വ്യാഴാഴ്ച ഉച്ചവരെ കടുത്ത അഭ്യൂഹങ്ങൾ ഉണ്ടായിരുന്നെങ്കിലും ഉച്ചയ്ക്ക് ശേഷം സുധാകരൻ നയം വ്യക്തമാക്കുകയായിരുന്നു.കെ പി സി സി യും ഹൈക്കമാന്റും മത്സരിക്കാൻ ആവശ്യപ്പെട്ടിരുന്നെങ്കിലും കണ്ണൂർ ജില്ലയിൽ യു ഡി എഫ് മത്സരിക്കുന്ന മണ്ഡലങ്ങളിൽ സജീവമാകേണ്ടുന്നതിന്റെ ആവശ്യകതയുണ്ട്.അത്കൊണ്ട് മത്സരിക്കാനാവില്ലെന്ന് നേതൃത്വത്തെ അറിയിച്ചിട്ടുണ്ട്.

ജില്ലയിലെ കോൺഗ്രസ് നേതൃത്വവുമായും ഈ വിഷയം സംസാരിച്ചു.വേണ്ടത്ര മുന്നൊരുക്കങ്ങളില്ലാതെഇത്തരം തീരുമാനങ്ങളിലേക്ക് പോകാനാവില്ലെന്നാണ് പൊതുവെയുള്ള വിലയിരുത്തൽ.സി രഘുനാഥിനെയാണ് ജില്ലാ നേതൃത്വം നിർദേശിച്ചത്.

ധർമ്മടത്ത് പിണറായി വിജയനെതിരെ അതി ശക്തനായ സ്ഥാനാർഥി വേണമെന്നും കെ സുധാകരൻ മത്സരിക്കണമെന്നാണ് പാർട്ടിയുടെ ആഗ്രഹമെന്നും കെ പി സി സി അധ്യക്ഷൻ മുല്ലപ്പള്ളി രാമചന്ദ്രൻ പറഞ്ഞിരുന്നു.സുധാകരന്റെ സമ്മതത്തിനായി കാത്തിരിക്കുക്കയാണെന്നും മുല്ലപ്പള്ളി രാമചന്ദ്രൻ പറഞ്ഞതിന് പിന്നാലെയായിരുന്നു സുധാകരന്റെ പ്രഖ്യാപനം.

എന്നാൽ വേണ്ടത്ര മുന്നൊരുക്കങ്ങളില്ലാതെ അവസാനഘട്ടത്തിൽ ധർമടം പോലുള്ള മണ്ഡലങ്ങളിൽ പെട്ടന്നായിരുന്നില്ല തീരുമാനമെടുക്കേണ്ടിയിരുന്നതെന്ന് കെ സുധാകരനും പ്രതികരിച്ചു. സുധാകരൻതന്നെ പിണറായി വിജയനെതിരെ മത്സരിക്കണമെന്ന ആവശ്യം ശക്തമായിരുന്നു.ഇതിന്റെ ഭാഗമായി ധർമടം മണ്ഡലത്തിലെ കോൺഗ്രസ് ഭാരവാഹികളെത്തി ചർച്ചയും നടത്തി. സുധാകരൻ മത്സരിക്കുന്നത് ഗുണം ചെയ്യുമെന്ന് കെ സി വേണുഗോപാലും പറഞ്ഞിരുന്നു.വിഷയത്തിൽ കെ പി സി സി ക്ക് തീരുമാനമെടുക്കാമെന്ന് കോൺഗ്രസ് ഹൈക്കമാൻഡും അറിയിച്ചിരുന്നെങ്കിലും സുധാകരൻ നിലപാടിൽ ഉറച്ചു നിന്നതോടെ സ്ഥാനാർത്ഥിത്വം രഘുനാഥിൽ എത്തുകയായിരുന്നു.

photo | mumbaimirror.indiatimes.com

ധർമ്മടത്ത് മത്സരിക്കാൻ തയ്യാറെന്ന് കെ സുധാകരൻ

കണ്ണൂർ: പിണറായി വിജയനെതിരെ ധർമ്മടത്ത് മത്സരിക്കാൻ തയ്യാറെന്ന് കെ സുധാകരൻ പറഞ്ഞതായി സൂചന.

പാർട്ടി ഹൈ കമാൻഡ് ആവശ്യപ്പെട്ടാൽ മത്സരിക്കും.താൻ ധർമ്മടത്ത് ജനവിധി തേടണമെന്ന ആവശ്യം പ്രാദേശികമായി ഉയർന്നിട്ടുണ്ട്. വിഷയം ഉമ്മൻ ചാണ്ടിയുമായി സംസാരിച്ചു കഴിഞ്ഞെന്നും കെ സുധാകരൻ പറഞ്ഞതായി റിപോർട്ടുകൾ പുറത്തുവന്നു.

ധർമടം മണ്ഡലത്തിൽ സ്ഥാനാർത്ഥിയെ പ്രഖ്യാപിച്ചില്ലെങ്കിലും മണ്ഡലത്തിൽ പിണറായി വിജയനെതിരെ മത്സരിക്കുന്ന സ്വതന്ത്ര സ്ഥാനാർഥി വാളയാർ പെൺകുട്ടികളുടെ അമ്മയെ യു ഡി എഫ് പിന്തുണയ്ക്കാനാണ് സാധ്യതയെന്ന് കെ പി സി അധ്യക്ഷൻ മുല്ലപ്പള്ളി രാമചന്ദ്രൻ ഇന്നലെ പറഞ്ഞിരുന്നു.അവർ മത്സരിക്കുന്ന സാഹചര്യത്തിൽ പിന്തുണയ്ക്കുന്ന കാര്യം ആലോചിക്കുമെന്നാണ് മുല്ലപ്പള്ളി രാമചന്ദ്രൻ പറഞ്ഞത്.

എന്നാൽ ആ കാര്യത്തിൽ പിന്നീട് പാർട്ടിയിലും മുന്നണിയിലും വലിയ ചർച്ചകൾ നടന്നില്ല എന്നാണ് സൂചന.അതിന്റെ പശ്ചാത്തലത്തിൽകൂടിയാവണം കെ സുധാകരൻ ധർമ്മടത്ത് മത്സരിക്കാൻ ആലോചിക്കുന്നതെന്ന് വിലയിരുത്തപ്പെടുന്നു.

എന്നാൽ ധർമ്മടത്ത് മത്സരിക്കുമെന്ന് താൻ ആരോടും പറഞ്ഞിട്ടും ആവശ്യപ്പെട്ടിട്ടും ഇല്ല.എവിടെ വേണമെങ്കിലും മത്സരിക്കാൻ താൻ തയ്യാറാണ്.ആവശ്യമെങ്കിൽ പാർട്ടിക്കുവേണ്ടി എന്ത് ത്യാഗവും ചെയ്യുമെന്നും സുധാകരൻ ഇന്നലെ പ്രതികരിച്ചിരുന്നു..ധർമ്മടത്തിൽ നിലവിൽ സ്ഥാനാർത്ഥിയുള്ള സ്ഥിതിക്ക് താൻ വേഷം കെട്ടേണ്ട കാര്യമൊന്നുമില്ല എന്നാണ് പറഞ്ഞതെങ്കിലും, മുഖ്യമന്ത്രിയുടെ മണ്ഡലത്തിന് നാല് ചിറകൊന്നുമില്ല എന്നും കോൺഗ്രസിന് പിണറായി ഒരു പ്രശ്‌നമല്ലെന്നും സുധാകരൻ ഇന്നലെ പ്രതികരിച്ചിരുന്നു

കോവിഡ് കേസുകൾ വീണ്ടും ഉയരുന്നു: മറ്റന്നാൾ മുഖ്യമന്ത്രിമാരുടെ യോഗം വിളിച്ച് പ്രധാനമന്ത്രി

ന്യൂഡൽഹി: രാജ്യത്ത് പല സംസ്ഥാനങ്ങളിലും കോവിഡ്-19 കേസുകൾ ഉയരുന്ന സാഹചര്യത്തിൽ പ്രധാനമന്ത്രി നരേന്ദ്ര മോദി മുഖ്യമന്ത്രിമാരുടെ യോഗം വിളിച്ചു.

കോവിഡ് വർധിക്കുന്ന സാഹചര്യം ചർച്ച ചെയ്യുന്നതിനാണ് പ്രധാനമന്ത്രി യോഗം വിളിച്ചത്. ബുധനാഴ്ച ഉച്ചക്ക് 12.30 ഓൺലൈനായി യോഗം നടക്കുമെന്ന് പ്രധാനമന്ത്രിയുടെ ഓഫീസ് അറിയിച്ചു.

ജനുവരി മാസത്തിൽ രാജ്യത്തെ കോവിഡ് കേസുകളിൽ ഗണ്യമായ കുറവ് രേഖപ്പെടുത്തിയിരുന്നെങ്കിലും ഇപ്പോൾ വീണ്ടും പല സംസ്ഥാനങ്ങളിലും കേസുകളുടെ എണ്ണം കൂടിയിട്ടുണ്ട്.ഈ വർഷം ആദ്യത്തിൽ പ്രതിദിന കോവിഡ് രോഗികളുടെ എണ്ണം 10000ൽ താഴെയായിരുന്നു.എന്നാൽ രാജ്യത്ത് ഇന്ന് 26291 കോവിഡ് കേസുകളാണ് റിപ്പോർട്ട് ചെയ്തത്.കഴിഞ്ഞ 85 ദിവസങ്ങൾക്കുള്ളിൽ ഏറ്റവും ഉയർന്ന നിരക്കാണിത്.

കോവിഡ് പ്രതിരോധത്തിൽ ജനങ്ങൾ കാണിക്കുന്ന അനാസ്ഥയാണ് കേസുകൾ ഉയരാൻ കാരണമെന്ന് കേന്ദ്ര ആരോഗ്യമന്ത്രി ഹർഷവർധൻ ഇന്ന് പറഞ്ഞിരുന്നു.ഏതാനും ചില സംസ്ഥനങ്ങളിൽ മാത്രമാണ് കോവിഡ് കേസുകൾ ഉയർന്ന് നിൽക്കുന്നത്.രാജ്യത്തെ കോവിഡ് കേസുകളിൽ 85ശതമാനവും റിപ്പോർട്ട് ചെയ്യപ്പെടുന്നത് അഞ്ച്-ആറ് സംസ്ഥാനങ്ങളിൽനിന്ന് മാത്രമാണ്.കോവിഡ് മാനദണ്ഡങ്ങൾ പാലിക്കാത്തതാണ് ഇവിടങ്ങളിലെ രോഗ വ്യാപനത്തിന് കാരണമെന്നും അദ്ദേഹം പറഞ്ഞിരുന്നു.

മഹാരാഷ്ട്ര,പഞ്ചാബ്.കർണാടക,ഗുജറാത്ത്,തമിഴ്നാട് എന്നിവിടങ്ങളിലാണ് പ്രതിദിന കോവിഡ് വ്യാപനം ഉയർന്ന തോതിലുള്ളതെങ്കിലും മുഴുവൻ സംസ്ഥാനങ്ങളിലെയും മുഖ്യമന്ത്രിമാരുമായി പ്രധാനമന്ത്രി സംസാരിക്കും.

ശോഭ സുരേന്ദ്രൻ മത്സരിക്കുമെന്ന് കെ സുരേന്ദ്രൻ

പത്തനംതിട്ട: നിയമസഭാ തിരഞ്ഞെടുപ്പിൽ ശോഭ സുരേന്ദ്രൻ സ്ഥാനാർത്ഥിയായി മത്സര രംഗത്തുണ്ടാകുമെന്ന് ബിജെപി അധ്യക്ഷൻ കെ സുരേന്ദ്രൻ പറഞ്ഞു.

അവശേഷിക്കുന്ന മണ്ഡലങ്ങളിലെ സ്ഥാനാർത്ഥികളെ കേന്ദ്ര നേതൃത്വം ഉടൻ പ്രഖ്യാപിക്കും.പത്തനംതിട്ടയിൽ മാധ്യമങ്ങളോട് സംസാരിക്കുകയായിരുന്നു കെ സുരേന്ദ്രൻ.മത്സരിക്കാൻ ശോഭ സുരേന്ദ്രനോട് പാർട്ടി നേരത്തെ ആവശ്യപ്പെട്ടതാണെന്നും എന്നാൽ വ്യക്തിപരമായ കാരണങ്ങളാൽ അസൗകര്യം പ്രകടിപ്പിക്കുകയായിരുന്നു.ഡൽഹിയിലേക്ക് പോകുന്നതിന് മുൻപ് താൻ അവരെ നേരിൽ വിളിച്ച് സംസാരിച്ചതാണെന്നും തെറ്റായ വാർത്തകളാണ് മാധ്യമങ്ങൾ നൽകുന്നതെന്നും സുരേന്ദ്രൻ പറഞ്ഞു.

കഥകളി ആചാര്യൻ ഗുരു ചേമഞ്ചേരിക്ക് അശ്രുപൂജ

കോഴിക്കോട്: കഥകളി ആചാര്യൻ ഗുരു ചേമഞ്ചേരിക്ക് അശ്രുപൂജ.
കൊയിലാണ്ടി ചേലിയയിലെ വസതിയിൽ ഇന്ന്പുലർച്ചെയായിരുന്നു അന്ത്യം.105 വയസ്സായിരുന്നു.

കഥകളിയിലും കേരളം നടനത്തിലും കഴിവ് തെളിയിച്ച , കേരളത്തിന്റെ സാഹിത്യ സാംസ്‌കാരിക മണ്ഡലങ്ങളിൽ നിറഞ്ഞു നിന്ന അസാമാന്യ പ്രതിഭയായിരുന്നു.ഉത്തര മലബാർ മേഖലയിൽ കഥകളിക്ക് പുനർജീവനം നൽകിയ എട്ട് പതിറ്റാണ്ടോളം സമർപ്പിച്ച കലാജീവിതത്തിന് തിരശീലയിട്ടുകൊണ്ടാണ് ഗുരു അരങ്ങൊഴിഞ്ഞത്.

100 വയസ്സിന് ശേഷവും ഊർജസ്വലതയോടെ കഥകളിയെ അരങ്ങിലെത്തിച്ച ഗുരുവിന്റെ കൃഷ്ണ,കുചേല വേഷങ്ങൾ വളരെ പ്രസിദ്ധമാണ്.കഥകളിയുടെ വടക്കൻ രൂപമായ കല്ലിക്കോടൻ ചിട്ടയുടെ പ്രചാരകരിൽ പ്രമുഖനായിരുന്നു.

1916 ജൂൺ 26ന് മടൻകണ്ടി ചാത്തുക്കുട്ടി നായരുടെയും അമ്മുക്കുട്ടി അമ്മയുടെയും മകനായി ജനനം.ചെറുപ്പകാലം മുതൽ കലാരൂപങ്ങളോടുള്ള പ്രിയം മാതാപിതാക്കളുടെ ശ്രദ്ധയിൽ പെട്ടിരുന്നു.കഥകളി മേഖലയ്ക്ക് പുറമെ കേരള നടനത്തിലും ശ്രദ്ധയൂന്നി.കേരള നടനത്തിന് പ്രചാരം നൽകുന്നതിൽ മുഖ്യ പങ്ക് വഹിച്ചു.

ഏത് കഥയിലും ഇഷ്ടവേഷം കൃഷ്ണനാണ്.കൃഷ്ണവേഷത്തിൽ കഥകളി ആസ്വാദകരുടെ പ്രിയങ്കരനായിമാറി.ദുര്യോധന വധം, കുചേല വൃത്തം,രുക്മിണി സ്വയംവരം,സന്താനഗോപാലം തുടങ്ങിയ കഥകളിൽ കൃഷ്ണനായി ഗുരു അവതരിച്ചു.

1983 ഏപ്രിലിൽ ചേലിയയിൽ കഥകളി വിദ്യാലയം സ്ഥാപിച്ചു
2017ൽ രാജ്യം അദ്ദേഹത്തിന് പത്മശ്രീ നൽകി ആദരിച്ചിട്ടുണ്ട്.കേരള സംഗീത നാടക അക്കാദമി അവാർഡ്, സംഗീത നാടക അക്കാദമി ഫെല്ലോഷിപ്പ്,കലാമണ്ഡലം അവാർഡ്,കലാദർപ്പണം നാട്യ കുലപതി പുരസ്‌കാരം,മയിൽ‌പീലി പുരസ്‌കാരം,കലാമണ്ഡലം കലാരത്നം പുരസ്‌കാരം എന്നിവ നൽകി ആദരിച്ചിട്ടുണ്ട്.

നൃത്തപഠനത്തിലൂടെ ജീവിതം തുടങ്ങി ഭാരത നാട്യത്തിലൂടെയും മോഹിനിയാട്ടത്തിലൂടെയും കഥകളിയാണ് തന്റെ വഴിയെന്ന് തിരിച്ചറിഞ്ഞ ഗുരു പിന്നീട് പൂർണ ശ്രദ്ധ കഥകളിയിലേക്ക് തിരിച്ചു.സംസ്ഥാന സർക്കാരിന്റെ നടന്ന ഭൂഷവും എക്സാമിനറായും തിരുവനന്തപുരം ദൂരദർശനിൽ നൃത്തവിഭാഗം ഓഡിഷൻ കമ്മറ്റി അംഗമായും പ്രവർത്തിച്ചു.കേരള സംഗീത നാടക അക്കാദമി ജനറൽ കൗൺസിൽ അംഗമായും പ്രവർത്തിച്ചു.
കഥകളിക്കുവേണ്ടി ജീവിതം ഉഴിഞ്ഞുവെച്ച കഥകളി ആചാര്യനായി വേഷമിടുന്ന ഗുരുവിനെ കേന്ദ്ര കഥാപാത്രമായി നിർമിച്ച മുഖം മൂടികൾ എന്ന സിനിമയിൽ കഥകളി ആചാര്യനായി വേഷമിട്ടു.

കോൺഗ്രസ് സ്ഥാനാർത്ഥികളെ പ്രഖ്യാപിച്ചു:പിന്നാലെ പ്രതിഷേധം,പൊട്ടിത്തെറി, ലതിക സുഭാഷ് തലമുണ്ഡനം ചെയ്തു

ന്യൂഡൽഹി:

മാരത്തോൺ ചർച്ചകൾക്കും വിവാദങ്ങൾക്കും അഭ്യൂഹങ്ങൾക്കുമൊടുവിൽ കെ പി സി സി അധ്യക്ഷൻ മുല്ലപ്പള്ളി രാമചന്ദ്രൻ ഡൽഹിയിൽ കോൺഗ്രസ് സ്ഥാനാർഥികളെ പ്രഖ്യാപിച്ചു .കോൺഗ്രസ് 92 സീറ്റുകളിൽ മത്സരിക്കും.86 സീറ്റുകളിലെ സ്ഥാനാർത്ഥികളെയാണ് ഇപ്പോൾ പ്രഖ്യാപിച്ചത്.

കെ പി സി സി അധ്യക്ഷൻ മുല്ലപ്പള്ളി രാമചന്ദ്രൻ ഡൽഹിയിൽ സ്ഥാനാർഥി പ്രഖ്യാപനം നടത്തിയ ഉടൻ കോൺഗ്രസിൽ പൊട്ടിത്തെറി.
വൈകാരികമായ പ്രസംഗത്തിനൊടുവിൽ മഹിളാ കോൺഗ്രസ് അധ്യക്ഷ ലതിക സുഭാഷ് തലമുണ്ഡനം ചെയ്തു. വനിതകൾ നേരിടുന്ന അവഗണനയിൽ കടുത്ത പ്രതിഷേധം ഉന്നയിച്ചുകൊണ്ടാണ് അപ്രതീക്ഷിതമായിഎല്ലാവരെയും ഞെട്ടിച്ചുകൊണ്ട് ലതിക സുഭാഷിന്റെ തല മുണ്ഡനം ചെയ്യാനുള്ള തീരുമാനം വന്നത്.

സ്ഥാനാർഥി നിർണ്ണയവുമായി ബന്ധപ്പെട്ട് സംസ്ഥാനത്ത് പലയിടത്തും കോൺഗ്രസിൽ പ്രതിഷേധം പുകയുകയാണ്. യു ഡി എഫ് കണ്ണൂർ ജില്ലാ ചെയർമാൻ പി ടി മാത്യു രാജിവെച്ചു.22 ഡി സി സി അംഗങ്ങളും രാജിവെച്ചു.13 മണ്ഡലം പ്രസിഡണ്ടുമാരും രാജിവെച്ച് കോൺഗ്രസ് മത്സരിക്കുന്ന മണ്ഡലങ്ങളിൽ സഹകരിക്കില്ലെന്നും ഇവർ അറിയിച്ചിട്ടുണ്ട്. കോൺഗ്രസ് സ്ഥാനാനാർത്ഥികൾക്കെതിരെ ലതിക സുഭാഷും രംഗത്തെത്തി.

കൽപറ്റ,നിലമ്പൂർ,വട്ടിയൂർക്കാവ്, കുണ്ടറ,തവന്നൂർ,പട്ടാമ്പി സീറ്റുകൾ പിന്നീട് പ്രഖ്യാപിക്കും.മുല്ലപ്പള്ളി രാമചന്ദ്രൻ പറഞ്ഞു.25നും 50 വയസിനും ഇടയിലുള്ള 46 പേർ,
51 മുതൽ 60 വരെ 22 പേർ,61 മുതൽ 70 വയസ്സുവരെയുള്ള 15 പേർ,70ന് മുകളിലുള്ള മൂന്ന് പേർ എന്നിങ്ങനെയാണ് കോൺഗ്രസ് സ്ഥാനാർത്ഥികളുടെ പ്രായം.

ഉമ്മൻ ചാണ്ടി പുതുപ്പള്ളിയിൽ തന്നെ ജനവിധി തേടുമെന്നാണ് ഒടുവിൽ ലഭ്യമാകുന്ന സൂചന.കഴിഞ്ഞ ദിവസം വരെ നേമത്ത് ഉമ്മൻ ചാണ്ടി മത്സരിക്കുമെന്ന അഭ്യൂഹങ്ങൾ ഉണ്ടായിരുന്നെങ്കിലും ഇന്നലെ സ്വന്തം തട്ടകമായ പുതുപ്പള്ളിയിൽ ഉമ്മൻ ചാണ്ടി വേണമെന്ന ആവശ്യം ശക്തമായ പ്രതിഷേധമായി മാറിയ പശ്ചാത്തലത്തിലാണ് ഉമ്മൻ ചാണ്ടി പുതുപ്പളിയിൽ തന്നെയെന്ന് ഉറപ്പിച്ചത്.

ഉമ്മൻ ചാണ്ടി നേമത്ത് മത്സരിക്കില്ല എന്നുറപ്പിച്ചതോടെയാണ് കെ മുരളീധരന്റെ പേര് വന്നത്.ഇതനുസരിച്ച് മുരളീധരനെ ഡൽഹിക്ക് വിളിപ്പിച്ചിരുന്നു .നിയമസഭാ തിരഞ്ഞെടുപ്പിൽ എം പി മാർ മത്സരിക്കേണ്ടെന്ന കോൺഗ്രസ് തീരുമാനത്തിൽ മുരളീധരന് ഇളവ് നൽകും.

കൊല്ലത്ത്ബിന്ദു കൃഷ്ണയും,തൃപ്പൂണിത്തുറയിൽ കെ ബാബുവും മത്സരിക്കും.ബാർ കോഴ കേസിൽ വിവാദങ്ങൾ നേരിട്ട കെ ബാബുവിന് ഉമ്മൻ ചാണ്ടിയുടെ കാര്യമായ ഇടപെടലിലൂടെയാണ് സീറ്റ് ലഭിച്ചത്.നേരത്തെ തൃപ്പൂണിത്തുറയിൽ സൗമിനി ജെയ്‌നിന്റെയും വേണു രാജാമണിയുടെയും പേരുകൾ കേട്ടെങ്കിലും കാര്യങ്ങൾ തിരിഞ്ഞു മറിഞ്ഞ് ഉമ്മൻചാണ്ടി വഴി ബാബുവിൽ എത്തുകയായിരുന്നു.

ബാർ കോഴക്കേസ് അവസാനിച്ചതാണെന്നും വിവാദങ്ങൾ തന്നെ ബാധിക്കില്ലെന്നും ഉമ്മൻ ചാണ്ടിയുടെ ഇടപെടലിലൂടെയാണ് തനിക്ക് സീറ്റ് ലഭിച്ചതെന്ന് കെ ബാബു തന്നെ വ്യക്തമാക്കി.കുണ്ടറയിൽ പി സി വിഷ്ണുനാഥ്‌ മത്സരിക്കുമെന്നാണ് സൂചന.എന്നാൽ ഇന്ന് പ്രഖ്യാപിക്കാതെ മാറ്റിവെച്ച ആറ് മണ്ഡലങ്ങളിൽ പെടുന്നതാണ് കുണ്ടറ.

കണ്ണൂർ: കെ പി സി സി അധ്യക്ഷൻ മുല്ലപ്പള്ളി രാമചന്ദ്രൻ ഡൽഹിയിൽ സ്ഥാനാർഥി പ്രഖ്യാപനം നടത്തിയ ഉടൻ സംസ്ഥാനത്ത് കോൺഗ്രസിൽ പൊട്ടിത്തെറി.യു ഡി എഫ് കണ്ണൂർ ജില്ലാ ചെയർമാൻ പി ടി മാത്യു രാജിവെച്ചു.22 ഡി സി സി അംഗങ്ങളും രാജിവെച്ചു.13 മണ്ഡലം പ്രസിഡണ്ടുമാരും രാജിവെച്ച് കോൺഗ്രസ് മത്സരിക്കുന്ന മണ്ഡലങ്ങളിൽ സഹകരിക്കില്ലെന്നും ഇവർ അറിയിച്ചിട്ടുണ്ട്. കോൺഗ്രസ് സ്ഥാനാനാർത്ഥികൾക്കെതിരെ ലതിക സുഭാഷും രംഗത്തെത്തി.

ഏന്നാൽ ഇത് താൽക്കാലികമായ വൈകാരിക പ്രകടനമാണെന്നും എല്ലാവർക്കും മികച്ച അവസരം ഉറപ്പാക്കുമെന്നും മുല്ലപ്പള്ളി രാമചന്ദ്രൻ പറഞ്ഞു.പിന്നാലെ അസംതൃപ്തി,പ്രതിഷേധം

നിയമസഭ കയ്യാങ്കളി കേസ് പിൻവലിക്കാനാകില്ലെന്ന് ഹൈക്കോടതി

കൊച്ചി: നിയമസഭ കയ്യാങ്കളി കേസ് പിൻവലിക്കാനാകില്ലെന്ന് ഹൈക്കോടതി.കേസ് പിൻവലിക്കണമെന്ന ആവശ്യവുമായി സംസ്ഥാന സർക്കാർ നൽകിയ ഹർജി കോടതി തള്ളി.മന്ത്രിമാരായ ഇ പി ജയരാജനും കെ ടി ജലീലും വിചാരണ നേരിടണമെന്ന് കോടതി വ്യക്തമാക്കി.

ബാർ കോഴ ആരോപണവുമായി ബന്ധപ്പെട്ട് കെ എം മാണിക്കെതിരെ ഉയർന്നുവന്ന ആരോപണങ്ങളെ തുടർന്നായിരുന്നു നിയമസഭയിൽ കയ്യാങ്കളി ഉണ്ടായത്.സംഭവത്തിൽ രണ്ടര ലക്ഷം രൂപയുടെ പൊതുമുതൽ നശിപ്പിക്കപ്പെട്ടതായി കുറ്റപത്രം സമർപ്പിച്ചിരുന്നു.

കയ്യാങ്കളിനടക്കുമ്പോൾ എം എൽ എ മാരായിരുന്ന കെ ടി ജലീൽ,ഇ പി ജയരാജൻ, വി ശിവൻകുട്ടി,സി കെ സദാശിവൻ എന്നിവരടക്കം പ്രതിപക്ഷത്തെ 6 പേർക്കെതിരെയായിരുന്നു കുറ്റപത്രം സമർപ്പിച്ചത്. വിചാരണക്കോടതിയിൽ ഇതുസംബന്ധിച്ചുള്ള നടപടികൾ തുടങ്ങിയതിന് പിന്നാലെയാണ് സർക്കാർ ഹൈക്കോടതിയെ സമീപിച്ചത്.

ഹർജി തള്ളിയ സാഹചര്യത്തിൽ മന്ത്രിമാരായ ഇ പി ജയരാജനും കെ ടി ജലീലും വിചാരണ നേരിടേണ്ടിവരും.പൊതുമുതൽ നശിപ്പിച്ച കേസ് നിലനിൽക്കുമെന്നും അത്കൊണ്ട് മന്ത്രിമാർ വിചാരണ നേരിടേണ്ടിവരുമെന്നും ഹൈക്കോടതി വ്യക്തമാക്കി.കേസ് പിൻവലിക്കരുതെന്ന് പ്രതിപക്ഷം ഹൈക്കോടതിയിൽ ആവശ്യപ്പെട്ടിട്ടിരുന്നു.എന്നാൽ കേസുമായി മുന്നോട്ട് പോകുമെന്നും ജയിലിൽ പോകാൻ മടിയില്ലെന്നും മന്ത്രി ഇ പി ജയരാജൻ പ്രതികരിച്ചു.

മുഖ്യമന്ത്രിയുടെ പേര് പറയാൻ ഇ ഡി നിർബന്ധിച്ചു: സ്വർണ്ണക്കടത്ത് കേസ് പ്രതി സന്ദീപ് നായരുടെ നിർണ്ണായക വെളിപ്പെടുത്തൽ

കൊച്ചി: സ്വർണ്ണക്കടത്ത് കേസിലെ മുഖ്യപ്രതി സന്ദീപ് നായരുടെ നിർണായക വെളിപ്പെടുത്തൽ.മുഖ്യമന്ത്രിയുടെ പേര് പറയാൻ ഇ ഡി ഉദ്യോഗസ്ഥർ നിർബന്ധിച്ചു എന്ന സന്ദീപ് നായർ എഴുതി എന്ന് പറയപ്പെടുന്ന കത്ത് പുറത്തായി.

ജില്ലാ ജഡ്ജിയെ അഭിസംബോധന ചെയ്തുകൊണ്ടുള്ളതാണ് കത്ത്.
മൂന്ന് പേജുള്ള കത്തിൽ ഉന്നതനായ ഒരു നേതാവിന്റെ മകന്റെ പേര് കൂടെ വെളിപ്പെടുത്തണമെന്നും പറയുന്നു.ഇത്തരത്തിൽ പേരുകൾ പറഞ്ഞാൽ ജാമ്യം ലഭിക്കുന്നതടക്കമുള്ള സഹായ വാഗ്ദാനങ്ങൾ ലഭിച്ചതായി കത്തിൽ വ്യക്തമക്കുന്നു.

നിലവിൽ കൊഫെപോസ പ്രകാരം തടവിലുള്ള സന്ദീപ് നായരെ കഴിഞ്ഞദിവസം ഡോളർ കടത്തിലും കസ്റ്റംസ് പ്രതി ചേർത്തിരുന്നു. അറസ്റ്റിനുള്ള അനുമതിയും ലഭിച്ചിരുന്നു.ഇ ഡി ക്കെതിരെ രണ്ട് പോലീസുകാരുടെ മൊഴിയും നിലനിൽക്കുന്നുണ്ട്.

കത്തിന് പിന്നിലെ ഗൂഢാലോചന അന്വേഷിക്കുമെന്ന് എൻഫോഴ്‌സ്‌മെന്റ്
കൊച്ചി: പുറത്തുവന്നു എന്ന് പറയപ്പെടുന്ന കത്തിന് പിന്നിൽ ഗൂഢാലോചന ഉണ്ടെന്നും വിശദമായ അന്വേഷണം നടത്തുമെന്നുമാണ് എൻഫോഴ്‌സ്‌മെന്റ് മുതിർന്ന ഉദ്യോഗസ്ഥർ പറയുന്നത്.

photo english mbi PTI

മഹാരാഷ്ട്ര നാഗ്പൂരിൽ മാർച്ച് 15 മുതൽ ലോക്ക്ഡൗൺ പ്രഖ്യാപിച്ചു

പ്രതീകാത്മക ചിത്രം

മുംബൈ: കോവിഡ് വ്യാപനം രൂക്ഷമായ പശ്ചാത്തലത്തിൽ മഹാരാഷ്ട്രയിലെ നാഗ്പൂരിൽ മാർച്ച് 15മുതൽ 21 വരെ ലോക്ക്ടൗൺ പ്രഖ്യാപിച്ചു.

അവശ്യസർവീസുകൾ മാത്രം പ്രവർത്തിക്കുമെന്ന് ജില്ലാ ഭരണകൂടം അറിയിച്ചു.നാഗ്പ്പൂർ പോലീസ് കമ്മീഷണറേറ്റിന് കീഴിലുള്ള പ്രദേശങ്ങളിലാണ് ലോക്ക് ഡൗൺ.

വരും ദിവസങ്ങളിൽ കൂടുതൽ പ്രദേശത്തേക്ക് ലോക്ക് ഡൗൺ വ്യാപിപ്പിക്കേണ്ടിവരുമെന്ന സംശയവും മുഖ്യമന്ത്രി ഉദ്ധവ് താക്കറെ തളളിയില്ല.

കഴിഞ്ഞ 24 മണിക്കൂറിനിടയിൽ മഹാരാഷ്ട്രയിൽ 13,659 പേർക്കാണ് രോഗം സ്ഥിരീകരിച്ചത്.ഇതിൽ 1,710 രോഗികളും നാഗ്പൂരിലാണ്. രാജ്യത്ത് 24 മണിക്കൂറിനിടെ സ്ഥിരീകരിച്ച കേസുകളിൽ 60 ശതമാനവും മഹാരാഷ്ട്രയിൽനിന്നാണ്.

ആയിരംവട്ടം ഗംഗയിൽ മുങ്ങിയാലും കടകംപള്ളിക്ക് മാപ്പില്ല: കെ സുരേന്ദ്രൻ

തിരുവനന്തപുരം: ശബരിമലയിൽ കാണിച്ച അനീതിക്കും ക്രൂരതക്കും ആയിരംവട്ടം ഗംഗയിൽ മുങ്ങിയാലും കടകംപള്ളി സുരേന്ദ്രന് മാപ്പില്ലെന്ന് ബിജെപി അധ്യക്ഷൻ കെ സുരേന്ദ്രൻ പറഞ്ഞു.

കടകംപള്ളി സുരേന്ദ്രന്റെ മലക്കം മറിച്ചിൽ പരിഹാസ്യമാണ്. ആയിരം തിരഞ്ഞെടുപ്പിൽ തോറ്റാലും നാല് വോട്ടിന് വേണ്ടി നിലപാട് മാറ്റില്ലെന്ന് പറഞ്ഞ കടകംപള്ളി സുരേന്ദ്രൻ നെഞ്ചത്തടിച്ച് നിലവിളിക്കുന്നത് തിരഞ്ഞെടുപ്പിൽ തോൽക്കുമെന്ന ഭയംകൊണ്ടാണ്. സുരേന്ദ്രൻ പറഞ്ഞു.കടകംപള്ളി സുരേന്ദ്രൻ ശബരിമല വിഷയത്തിൽ ഖേദം പ്രകടിപ്പിച്ച വാർത്തയിൽ പ്രതികരിക്കുകയായിരുന്നു ബിജെപി അധ്യക്ഷൻ.

ചെയ്തതിനെല്ലാം കടകംപള്ളി സുരേന്ദ്രൻ മാപ്പ് പറയണം.കടകംപള്ളി മന്ത്രി ആയതിന് ശേഷമാണ് ക്ഷേത്രങ്ങൾ ഓരോന്നായി തകർക്കാൻ ആസൂത്രിത ഗൂഢാലോചന തുടങ്ങിയതെന്ന ഗുരുതര ആരോപണവും സുരേന്ദ്രൻ ഉന്നയിച്ചു.

ശബരിമല മാത്രമല്ല ഗുരുവായൂരും പത്മനാഭപുരം ക്ഷേത്രവും തകർക്കാൻ കടകംപള്ളി ശ്രമിച്ചു.ക്ഷേത്രങ്ങളുടെ നില ഇത്രയും പരിതാപകരമാവാൻ കാരണം കടകംപള്ളി സുരേന്ദ്രന്റെ ഇടപെടലാണ്.അദ്ദേഹത്തിന്റെ കള്ളക്കരച്ചിൽ കേരളം വിശ്വസിക്കില്ലെന്നും സുരേന്ദ്രൻ പറഞ്ഞു.

ശബരിമലയുടെ കാര്യത്തിലും വിശ്വാസികളുടെ കാര്യത്തിലും ലോക്സഭാ തിരഞ്ഞെടുപ്പ് കഴിഞ്ഞപ്പോൾ മലക്കം മറിഞ്ഞ സിപിഎമ്മും കടകംപള്ളിയും ശബരിമല വിഷയത്തിൽ എന്ത്കൊണ്ട് സത്യവാങ്മൂലം മാറ്റിക്കൊടുക്കുന്നില്ല എന്നും കെ സുരേന്ദ്രൻ ചോദിച്ചു.

ഉത്തരാഖണ്ഡ് മുഖ്യമന്ത്രി ത്രിവേന്ദ്ര സിങ് റാവത്ത് രാജിവെച്ചു

ഉത്തരാഖണ്ഡ്: ഉത്തരാഖണ്ഡ് മുഖ്യമന്ത്രി ത്രിവേന്ദ്ര സിങ് റാവത്ത് രാജിവെച്ചു.ഉത്തരാഖണ്ഡിലെ രാഷ്ട്രീയ സംഭവവികാസങ്ങളുടെ പശ്ചാത്തലത്തിലാണ് രാജി.

പാർട്ടിയിൽ നിന്നുള്ള എതിർപ്പ് ശക്തമായതിനെ തുടർന്ന് അൽപ സമയം മുൻപ് രാജ്ഭവനിലെത്തി ഗവർണർ ബേബി റാണി മൗര്യക്ക് രാജിക്കത്ത് കൈമാറുകയുംതുടർന്ന് രാജി പ്രഖ്യാപിക്കുകയായിരു ന്നു.നിലവിലെ ഉന്നത വിദ്യാഭ്യാസ മന്ത്രി ധൻസിങ് റാവത്ത് മുഖ്യമന്ത്രി ആയേക്കുമെന്നാണ് സൂചനകൾ.ഇതുസംബന്ധിച്ച തീരുമാനം നാളെ ഉണ്ടായേക്കും.

നാല് വർഷത്തോളം മുഖ്യമന്ത്രിയായി പ്രവർത്തിക്കാൻ അവസരം തന്നതിന് ബിജെപിക്ക് നന്ദി അറിയിക്കുന്നതായി റാവത്ത് പിന്നീട് വാർത്താസമ്മേളനത്തിൽ പറഞ്ഞു.
ഉത്തരാഖണ്ഡിൽ ഭരണകക്ഷിയായ ബിജെപിയിൽ ആഭ്യന്തര കലാപം മുറുകുന്നതിനിടയിൽ കഴിഞ്ഞദിവസം റാവത്ത് ഡൽഹിയിലെത്തി ബിജെപി അധ്യക്ഷൻ ജെ പി നദ്ദയെ കണ്ടിരുന്നു.ഇതിന് പിന്നാലെയാണ് രാജിയെന്നത് ശ്രദ്ധേയമാണ്.

രാഷ്ട്രീയ പാർട്ടികളുടെ ഭീഷണി വിലപ്പോവില്ലെന്ന് കസ്റ്റംസ് കമ്മിഷണർ

കൊച്ചി: രാഷ്ട്രീയ പാർട്ടികളുടെ ഭീഷണി വിലപ്പോവില്ലെന്ന് കസ്റ്റംസ് കമ്മീഷണർ സുമിത് കുമാറിന്റെ ഫേസ്ബുക് പോസ്റ്റ്.

എൽ ഡി എഫ് കസ്റ്റംസ് പ്രതിഷേധ മാർച്ചിന്റെ പോസ്റ്ററുകൾ പങ്കുവെച്ചാണ് കസ്റ്റംസ് കമ്മീഷണറുടെ ഫേസ്ബുക് പോസ്റ്റ്.
ശനിയാഴ്ച രാവിലെ പ്രതിഷേധ മാർച്ച് ആരംഭിക്കുന്നതിന് തൊട്ടുമുൻപാണ് സുമിത്കുമാറിന്റെ പോസ്റ്റ്.സ്വർണ്ണക്കടത്ത്,ഡോളർ കടത്ത് കേസുകളുടെ അന്വേഷണ ചുമതലയുള്ള ഉദ്യോഗസ്ഥനായ സുമിത് കുമാർ കേസിന് പിന്നിലുള്ള ഉന്നതരുടെ പേരുകൾ പുറത്ത് വരുമെന്ന് നേരത്തെ വ്യക്തമാക്കിയിരുന്നു.
സംസ്ഥാനസർക്കാരിനെതിരെയുള്ള അന്വേഷണ ഏജൻസികളുടെ നീക്കം രാഷ്ട്രീയപ്രേരിതമാണെന്ന്ആരോപിച്ച് കേന്ദ്ര അന്വേഷണ ഏജൻസികൾക്കെതിരെയുള്ള സിപിഎം പ്രതിഷേധം ശക്മാക്കുന്നതോടെ കേന്ദ്ര ഏജൻസികളുമായുള്ള തുറന്നപോരിലേക്കാണ് വിരൽ ചൂണ്ടുന്നത്.

ഡോളർ കടത്ത് കേസിൽ സ്പീക്കർ പി ശ്രീരാമകൃഷ്ണന് കസ്റ്റംസ് നോട്ടീസ്,12 ന് ഹാജരാകണം

കൊച്ചി: ഡോളർ കടത്ത് കേസിൽ സ്പീക്കർ പി ശ്രീരാമകൃഷ്ണന് കസ്റ്റംസ് നോട്ടീസ്.മാർച്ച് 12 നേരിട്ട് ഹാജരാകാൻ ആവശ്യപ്പെട്ടാണ് നോട്ടീസ്.
കേരളാ ഹൈക്കോടതിയിൽ ഇന്ന് കസ്റ്റംസ് കമ്മിഷണർ നൽകിയ സത്യവാങ്മൂലത്തിൽ സ്പീക്കർ പി ശ്രീരാമകൃഷ്ണനും മുഖ്യമന്ത്രിയും മൂന്ന് മന്ത്രിമാരും ഡോളർ കടത്ത് കേസിൽ പങ്കാളികളാണെന്ന് സ്വർണ്ണക്കടത്ത് കേസിലെ പ്രതി സ്വപ്ന സുരേഷിന്റെ രഹസ്യമൊഴിയുടെ മൊഴിയുടെ അടിസ്ഥാനത്തിലുള്ള സത്യവാങ്മൂലത്തിൽ പറഞ്ഞിരുന്നു.ഇതിന്റെ പശ്ചാത്തലത്തിലാണ് ശ്രീരാമകൃഷ്ണനോട് കൊച്ചിയിലെ കസ്റ്റംസ് ഓഫീസിൽ നേരിട്ട് ഹാജരാകാൻ നോട്ടീസ് നൽകിയിരിക്കുന്നത്.ഈ കേസിൽ നേരത്തെ നാല് പേരെ കസ്റ്റംസ് അറസ്റ്റ് ചെയ്തിരുന്നു.

താൽക്കാലികക്കാരുടെ സ്ഥിരപ്പെടുത്തൽ ഹൈക്കോടതി സ്റ്റേ ചെയ്തു

കൊച്ചി: സ്വയംഭരണ സ്ഥാപനങ്ങളിലെ താൽക്കാലികക്കാരെ സ്ഥിരപ്പെടുത്തുന്ന സർക്കാർ നടപടി ഹൈക്കോടതി സ്റ്റേ ചെയ്തു.പത്ത് വർഷമായി ജോലിചെയ്യുന്ന താൽക്കാലികക്കാരെ സ്ഥിരപ്പെടുത്തിയ നടപടിയാണ് സ്റ്റേ ചെയ്തത്.


വിവിധ മേഖലകളിൽ ജോലിചെയ്യുന്ന 10 വര്ഷം പൂർത്തിയാക്കിയ താൽകാലിക ജീവനക്കാരെ സർക്കാർ സ്ഥിരപ്പെടുത്താൻ തീരുമാനിച്ചിരുന്നു.ഇതുസംബന്ധിച്ച ഉത്തരവ് ഇറങ്ങിയിരുന്നു.ഈ ഉത്തരവ് അടിസ്ഥാനമാക്കിയുള്ള പൂർത്തീകരിക്കാത്ത തുടർനടപടികളാണ് ഹൈക്കോടതി മരവിപ്പിച്ചത്.

പിഎസ് സി റാങ്ക് ഹോൾഡേഴ്‌സിന്റെതടക്കം 6 ഹർജികൾ കോടതി പരിഗണിച്ചു.ഹർജിയിൽ മാർച്ച് 12ന് ഹൈക്കോടതി വിശദമായ കേൾക്കും.അതുവരെ തുടർനടപടികൾ പാടില്ല.

സ്ഥിരപ്പെടുത്തലുമായി ബന്ധപ്പെട്ട തുടർനടപടികൾ സർക്കാർ പൂർത്തീകരിച്ചിട്ടുണ്ടെങ്കിൽ അതിന് ഈ ഉത്തരവ് ബാധകമല്ലെന്ന് ഹൈക്കോടതി വ്യക്തമാക്കിയിട്ടുണ്ട്.

മസാലബോണ്ടിൽ കിഫ്ബിക്കെതിരെ എൻഫോഴ്‌സ്‌മെന്റ് കേസ്

കൊച്ചി: കിഫ്‌ബിക്കെതിരെ എൻഫോഴ്‌സ്‌മെന്റ് കേസെടുത്തു. കിഫ്‌ബി ഫെമ നിയമം ലംഘിച്ചു എന്നാരോപിച്ചാണ് എൻഫോഴ്‌സ്‌മെന്റ് കേസ്.

കേന്ദ്രനുമതിയില്ലാതെ മസാലബോണ്ട് ഇറക്കി വിദേശ ഫണ്ട് സ്വീകരിച്ചെന്നാണ് കേസ്. കിഫ്‌ബി സി ഇ ഒ കെ എം ഏബ്രഹാമിനും ഡെപ്യൂട്ടി സി ഇ ഒയ്ക്കുമാണ് എൻഫോഴ്‌സ്‌മെന്റ് ഡയറക്ടറേറ്റ് നോട്ടീസ്.കിഫ്‌ബി അക്കൗണ്ടുള്ള ആക്സിസ് ബാങ്ക് മേധാവികൾക്കും ഇ ഡി നോട്ടീസ് അയച്ചു.അടുത്ത ആഴ്ച്ച ചോദ്യം ചെയ്യലിന് ഹാജരാകാനാണ് നോട്ടീസ്.

ടി വി രാജേഷും മുഹമ്മദ് റിയാസും റിമാൻഡിൽ

photo | asianetnews.com

കോഴിക്കോട്: സിപി എം നേതാക്കളായ ടി വി രാജേഷും പി ഐ മുഹമ്മദ് റിയാസും റിമാൻഡിൽ.

എയർ ഇന്ത്യ വിമാനങ്ങളിലെ ചാർജ് വർദ്ധനവിനെതിരെയും വിമാനങ്ങൾ റദ്ദ് ചെയ്യുന്നതിനെതിരെയും പ്രതിഷേധിച്ച കേസിലാണ് നടപടി.കോഴിക്കോട് സി ജെ എം കോടതിയാണ് ഇരുവരെയും 14 ദിവസത്തേക്ക് റിമാൻഡ് ചെയ്തത്.

2009 ലാണ് കേസിനാസ്പദമായ സംഭവം നടന്നത്.പ്രവാസികളുടെ യാത്രാസൗകര്യം സംബന്ധിച്ചായിരുന്നു സമരം.ഇതിന്റെ ഭാഗമായാണ് എയർ ഇന്ത്യ ഓഫീസിൽ ഉപരോധിച്ചത്.

ഡി വൈ എഫ് ഐ സംസ്ഥാന സെക്രട്ടറി ആയിരുന്ന ടി വി രാജേഷാണ് അന്ന് സമരം ഉത്ഘാടനം ചെയ്തത്.ഡി വൈ എഫ് ഐ സംസ്ഥാന ജോയിന്റ് സെക്രട്ടറിയായിരുന്നു മുഹമ്മദ് റിയാസ്.കേസിൽ സി പി എം നേതാവ് കെ കെ ദിനേശനെയും റിമാൻഡ് ചെയ്തിട്ടുണ്ട്.
നേരത്തെ ഈ കേസിൽ ജാമ്യത്തിലായിരുന്ന മൂന്ന്പേരും കാലാവധി തീർന്നശേഷം ജാമ്യമെടുക്കുന്നതിന്വേണ്ടി കോടതിയിലെത്തിയപ്പോൾ ജഡ്ജി റിമാൻഡ് ചെയ്യുകയായിരുന്നു.

ഷൂട്ടിങ്ങിനിടെ ആരോഗ്യം മോശമായി,അമിതാഭ് ബച്ചന് ശസ്ത്രക്രിയ

ഹൈദരാബാദ്: ഷൂട്ടിങ്ങിനിടയിൽ ആരോഗ്യം മോശമായ ബോളിവുഡ് താരം അമിതാഭ് ബച്ചൻ ശസ്ത്രക്രിയയ്ക്ക് തയ്യാറെടുക്കുന്നു.താരം തന്നെയാണ് ഇക്കാര്യം തന്റെ ബ്ലോഗിലൂടെ അറിയിച്ചത്.

" മെഡിക്കൽ കണ്ടിഷൻ-സർജറി,കൂടുതൽ എഴുതാനാവില്ല" എന്ന വൺലൈനാണ് ബച്ചൻ ബ്ലോഗിൽ കുറിച്ചത്.
താരത്തിന്റെ കുറിപ്പ് ബ്ലോഗിൽ വന്നതോടെ ആശങ്കയിലാണ് ആരാധകർ.സോഷ്യൽ മീഡിയയിൽ അന്വേഷണങ്ങളുടെ പ്രവാഹമാണെങ്കിലും കാര്യം എന്താണെന്ന് ബച്ചൻ വെളിപ്പെടുത്തിയിട്ടില്ല.

അജയ് ദേവ്ഗൺ,രാകുൽ പ്രീത് സിങ് എന്നിവർക്കൊപ്പം മെയ്ഡേ എന്ന സിനിമയുടെ ചിത്രീകരണ സെറ്റിൽ ഹൈദെരാബാദിലായിരുന്നു ബിഗ് ബി. ഇതിനിടയിലാണ് ആരോഗ്യപ്രശ്നങ്ങൾ വന്നത്.ഏഴ് വർഷത്തിന് ശേഷമാണ് ബച്ചൻ ദേവ്ഗൺ കൂട്ടുകെട്ട് ഒരുമിച്ചെത്തുന്നത്. ഏപ്രിലിൽ തിയറ്ററുകളിൽ എത്തുന്ന ചെഹ്‌റെ,ജുൻഡ് എന്നിവയാണ്.

photo | pinterest.com

ഒരു വിഭാഗം ഉദ്യോഗാർഥികളുടെ സമരം അവസാനിപ്പിച്ചു

തിരുവനന്തപുരം:സെക്രെട്ടറിയേറ്റ് നടയിൽ 34 ദിവസമായി നടന്നുവരുന്ന എൽ ജി എസ് ഉദ്യോഗാർഥികളുടെ സമരം അവസാനിപ്പിച്ചു.

മന്ത്രി എ കെ ബാലനുമായി നടത്തിയ ചർച്ചയിലെ അനുകൂല നിലപാടുകളാണ് സമരം അവസാനിപ്പിക്കുന്നതിലേക്ക് നയിച്ചതെന്ന് സമരം നയിക്കുന്ന ഉദ്യോഗാർഥികളുടെ നേതാക്കൾ പറഞ്ഞു.എന്നാൽ സമരം ശക്തമായി തുടരുമെന്ന് സി പി ഓ ഉദ്യോഗാർത്ഥികൾ അറിയിച്ചു.
നിലവിലെ റാങ്ക് ലിസ്റ്റിൽനിന്ന് ഒഴിവുകൾ നികത്തുമെന്നും തിരഞ്ഞെടുപ്പ് കമ്മിഷനുമായി ആലോചിച്ച് മറ്റുള്ള കാര്യങ്ങൾ അറിയിക്കാമെന്നും മന്ത്രി എ കെ ബാലൻ ഉറപ്പുനൽകിയതായി എൽ ജി എസ് ഉദ്യോഗാർത്ഥികൾ അറിയിച്ചു.പിന്തുണച്ച എല്ലാ സംഘടനകൾക്കും ഉദ്യോഗാർത്ഥികൾ നന്ദി അറിയിച്ചു.

കേരളത്തിൽ തുടർ ഭരണമെന്ന് അഭിപ്രായ വോട്ടെടുപ്പ് സർവ്വേ

തിരുവനന്തപുരം: കേരളത്തിൽ പിണറായി സർക്കാരിന്റെ തുടർ ഭരണമുണ്ടാകുമെന്ന് അഭിപ്രായ വോട്ടെടുപ്പ് സർവ്വേ .

എബിപി-സീ വോട്ടർ ഒപ്പീനിയൻ സർവ്വേ ഫലമാണ് 83-91 സീറ്റുകൾനേടി എൽ ഡി എഫ് അധികാരത്തിൽ എത്തുമെന്ന് പ്രവചിച്ചത്.യു ഡി എഫ് 47-55 സീറ്റ് നേടുമ്പോൾ ബിജെപി 0-2 സീറ്റ് നേടുമെന്നും സർവ്വേ പ്രവചിക്കുന്നു.
തമിഴ്‌നാട്ടിൽ യു പി എ സഖ്യത്തിനാണ് മുന്നേറ്റം പ്രവചിച്ചിരിക്കുന്നത്.പുതുച്ചേരിയിൽ ആദ്യമായി ബിജെപി അധികാരത്തിൽ വരുമെന്നും അസമിൽ ബിജെപി അധികാരത്തിൽ തിരിച്ചെത്തുമെന്നും ബംഗാളിൽ മമത ബാനർജി തുടർഭരണം നേടുമെന്നും അഭിപ്രായ സർവ്വേ പ്രവചിക്കുന്നുണ്ട്.

കൊടി സുനിയെ കോടതിയിൽ ഹാജരാക്കാൻ കൊണ്ടുപോയ പോലീസുകാരെ സസ്‌പെൻഡ് ചെയ്തു

ഫയൽ ചിത്രം | photo mathrubhumi

തിരുവനന്തപുരം: ടി പി ചന്ദ്രശേഖരൻ വധക്കേസ് പ്രതി കൊടി സുനിയെ കോടതിയിൽ ഹാജരാക്കാൻ കൊണ്ടുപോയ പൊലീസുകാരെ സസ്‌പെൻഡ് ചെയ്തു.

തിരുവനന്തപുരം നന്ദാവനം എ ആർ ക്യാമ്പിലെ പോലീസുകാർക്കെതിരെയാണ് നടപടി.വടകര കോടതിയിൽ ഹാജരാക്കാൻ കൊണ്ടുപോയ കൊടി സുനിയെ വീട്ടിൽ കൊണ്ടുപോയതിനും ഗുണ്ടാ നേതാവിന്റെ കാറിൽ സഞ്ചരിച്ചതിനുമാണ് മൂന്ന് പോലീസുകാർക്കെതിരെ അച്ചടക്ക നടപടി.

കോഴിക്കോട് സ്പെഷ്യൽ ബ്രാഞ്ചിന്റെ റിപ്പോർട്ട് പ്രകാരം നന്ദാവനം എ ആർ ക്യാമ്പിലെ എ എസ് ഐ ജോയിക്കുട്ടി സി പി ഒ മാരായ പ്രകാശ്,രഞ്ജിത്ത് കൃഷ്ണ എന്നിവരെയാണ് സസ്‌പെൻഡ് ചെയ്തത്.തിരുവനന്തപുരം സിറ്റി പോലീസ് കമ്മിഷണറാണ് നടപടിയെടുത്തത്.സംഭവത്തിൽ അന്വേഷണം നടത്താനും നിർദ്ദേശമുണ്ട്.
വടകര കോടതിയിൽ ഹാജരാക്കിയ കൊടി സുനിയെ വീട്ടിൽ കൊണ്ടുപോയി,മാഹിയിൽവെച്ച് ഗുണ്ടാ നേതാവിന്റെ കാറിൽ കയറ്റാൻ സൗകര്യമൊരുക്കി,കോഴിക്കോട് റെയിൽവേ സ്റ്റേഷനിൽ വഴക്കുണ്ടാക്കി തുടങ്ങിയ വിവരങ്ങളാണ് സ്പെഷ്യൽ ബ്രാഞ്ച് റിപ്പോർട്ടിലുള്ളത്.

മുകേഷ് അംബാനിയുടെ വീടിന് സമീപം സ്ഫോടകവസ്തു നിറച്ച കാർ

photo | nytimes

മുംബൈ: റിലയൻസ് ചെയർമാൻ മുകേഷ് അംബാനിയുടെ മുംബൈയിലെ വസതിക്ക് സമീപം സ്ഫോടകവസ്തു നിറച്ച കാർ കണ്ടെത്തി.
സംശയാസ്പദമായ നിലയിൽ കണ്ടെത്തിയ സ്കോർപിയോ കാറിൽനിന്ന് ഇരുപതോളം ജെലാറ്റിൻ സ്റ്റിക്കുകൾ കണ്ടെത്തി.സൗത്ത് മുംബൈ റോഡിൽ ഉപേക്ഷിക്കപ്പെട്ട നിലയിൽ കാർ കണ്ടതോടെ പോലീസിൽ വിവരം അറിയിക്കുകയായിരുന്നു.

മുംബൈ പോലീസും ഡോഗ് സ്‌ക്വാഡും ഉടൻ സ്ഥലത്തെത്തി പരിശോധിച്ചപ്പോഴാണ് സ്ഫോടക വസ്തുക്കൾ കണ്ടെത്തിയത്.
മഹാരാഷ്ട്ര ആഭ്യന്തരമന്ത്രി അനിൽ ദേശ്മുഖ് സംഭവത്തിൽ അന്വേഷണത്തിന് ഉത്തരവിട്ടിട്ടുണ്ട്.മുംബൈ ക്രൈം ബ്രാഞ്ച് അന്വേഷണം നടത്തും.സ്ഫോടകവസ്തുക്കൾ നിർവീര്യമാക്കിയിട്ടുണ്ടെന്ന് മുംബൈ പോലീസ് അറിയിച്ചു.

ആർ എസ് എസ് പ്രവർത്തകൻ വെട്ടേറ്റ് മരിച്ചു,ചേർത്തല വയലാറിൽ സംഘർഷം

പ്രതീകാത്മക ചിത്രം

ചേർത്തല: വയലാറിൽ എസ് ഡി പി ഐ, ആർ എസ് എസ് പ്രവർത്തകർ തമ്മിലുണ്ടായ സംഘർഷത്തിൽ ആർ എസ് എസ് പ്രവർത്തകൻ കൊല്ലപ്പെട്ടു.വയലാർ സ്വദേശി നന്ദുകൃഷ്ണ(22 )ആണ് കൊല്ലപ്പെട്ടത്.പ്രദേശത്ത് സംഘർഷാവസ്ഥ.

ഇന്ന് വൈകുന്നേരം മുതലാണ് ചേർത്തല നാഗം കുളങ്ങര കവലയിൽ സംഘർഷമുണ്ടായത്. ഇരുവിഭാഗങ്ങളും തമ്മിൽ സംഘർഷമുണ്ടായതെന്നും കാരണം വ്യക്തമല്ലെന്നും പോലീസ് പറഞ്ഞു.കടുത്ത സംഘർഷാവസ്ഥ നിലനിൽക്കുന്നതിനാൽ വൻ പോലീസ് സന്നാഹം സ്ഥലത്തെത്തിയിട്ടുണ്ട്.ആലപ്പുഴ ജില്ലയിൽ വ്യാഴ്ഴാഴ്ച ബിജെപി ഹർത്താലിന് ആഹ്വാനം ചെയ്തിട്ടുണ്ട്.

ശബരിമല-പൗരത്വ നിയമ കേസുകൾ പിൻവലിക്കാൻ തീരുമാനം

തിരുവനന്തപുരം: ശബരിമല-പൗരത്വ നിയമ കേസുകൾ പിൻവലിക്കാൻ മന്ത്രിസഭായോഗം തീരുമാനിച്ചു.

ശബരിമല യുവതി പ്രവേശനവുമായി ബന്ധപ്പെട്ട കേസുകളും പൗരത്വ നിയമത്തിനെതിരെയുള്ള പ്രതിഷേധവുമായി ബന്ധപ്പെട്ട കേസുകളുമായിരിക്കും പിൻവലിക്കുക.ഗുരുതര ക്രിമിനൽ സ്വഭാവമുള്ള കേസുകളൊഴികെയായിരിയ്ക്കും പിൻവലിക്കുക.

ശവബരിമല കേസുകൾ പിൻവലിക്കണമെന്ന് ബിജെപിയോടൊപ്പം എൻ എസ് എസ്സും ആവശ്യപ്പെട്ടിരുന്നു.നിയമസഭാ തിരഞ്ഞെടുപ്പ് അടുത്ത പശ്ചാത്തലത്തിലാണ് മന്ത്രിസഭാ തീരുമാനം.സർക്കാരിന് വൈകി വന്ന വിവേകമാണിതെന്ന് പ്രതിപക്ഷ നേതാവും ഗത്യന്തരമില്ലാതെ കൈക്കൊണ്ട തീരുമാനമാണെന്ന് മുസ്‌ലിം ലീഗും പ്രതികരിച്ചു.

ശബരിമല കേസുകൾ പിൻവലിക്കണമെന്ന് യു ഡി എഫും ആവശ്യപ്പെട്ടിരുന്നു.ശബരിമല കേസുകൾ പിൻവലിക്കാനുള്ള തീരുമാനം സ്വാഗതാർഹമാണെന്ന് ബിജെപിയും പ്രതികരിച്ചു.നിരപരാധികളായ നൂറു കണക്കിന് യുവാക്കളെ കേസിൽകുടുക്കിയതിനാൽ അവർക്ക് ജോലിപോലും ലഭിക്കുന്നതിന് തടസ്സമുണ്ടായിയെന്നും ബിജെപി പ്രതികരിച്ചു.

നിരപരാധികളായ ആളുകൾക്കെതിരെയുള്ള കേസുകൾ പിൻവലിക്കാൻ തീരുമാനിച്ച സർക്കാർ തീരുമാനം സ്വാഗതാർഹമാണെന്ന് എൻ എസ് എസ് ജനറൽ സെക്രട്ടറി ജി സുകുമാരൻ നായർ പറഞ്ഞു.ശബരിമല കേസുകൾ പിൻവലിക്കുന്ന കാര്യത്തിൽ സർക്കാർ ഔചിത്യപൂർവം പെരുമാറി എങ്കിലും ശബരിമല പ്രശ്നം തീരുമെന്ന് കരുതേണ്ടതില്ല എന്നും സുകുമാരൻ നായർ പറഞ്ഞു.

photo | telegraphindia.com

ലാസ്റ്റ് ഗ്രേഡ് ഉദ്യോഗാർത്ഥികൾ നിരാഹാരത്തിൽ

തിരുവനന്തപുരം: ലാസ്റ്റ് ഗ്രേഡ് ഉദ്യോഗാർത്ഥികൾ നിരാഹാര സമരം തുടങ്ങി.സർക്കാർ തീരുമാനം വൈകുന്നതിൽ പ്രതിഷേധമെന്ന് ഉദ്യോഗാർത്ഥികൾ.

സമരം കൂടുതൽ ശക്തമാക്കാനാണ് പരിപാടിയെന്ന് ഉദ്യോഗാർത്ഥികൾ അറിയിച്ചു.സർക്കാർ നിലപാടിൽ കടുത്ത പ്രതിഷേധമുണ്ടെന്നും ഉദ്യോഗാർത്ഥികൾ പറഞ്ഞു.മന്ത്രി കടകംപള്ളി സുരേന്ദ്രനെ കാണാൻ പോയപ്പോഴും തങ്ങൾക്ക് ദുരനുഭവമാണ് ഉണ്ടായതെന്ന് ഉദ്യോഗാർത്ഥികൾ നേരത്തെ ആരോപിച്ചിരുന്നു. എന്നാൽ മന്ത്രി കടകംപള്ളി സുരേന്ദ്രൻ ഇത് നിഷേധിക്കുകയും ചെയ്തിരുന്നു.
ഇതിനിടയിൽ സമരത്തോട് അനുഭവം പ്രകടിപിച്ച് നിരാഹാര സമരം നടത്തിയിരുന്ന കെ എസ് ശബരിനാഥൻ,ഷാഫി പറമ്പിൽ എന്നിവർ നിരാഹാര സമരം അവസാനിപ്പിച്ചു.

ആഴക്കടൽ മൽസ്യബന്ധനം: ഇ എം സി സി ധാരണാപത്രം റദ്ദാക്കാൻ മുഖ്യമന്ത്രി നിർദേശം നൽകി

തിരുവനന്തപുരം: ആഴക്കടൽ മൽസ്യബന്ധനവുമായി ബന്ധപ്പെട്ട വിവാദ ധാരണാപത്രം റദ്ദാക്കാൻ മുഖ്യമന്ത്രി നിർദേശം നൽകി.

ധാരണാപത്രം റദ്ദാക്കാനും കേരളാ ഷിപ്പിംഗ് ആൻഡ് ഇൻലാൻഡ് നാവിഗേഷൻ ഉദ്യോഗസ്ഥർക്കെതിരെ അന്വേഷണം നടത്താനും മുഖ്യമന്ത്രി ഉത്തരവിട്ടു.
കെ എസ് ഐ എൻ സി ഒരു പൊതുമേഖലാ സ്ഥാപനമാണ്.സംസ്ഥാന സർക്കാരോ സർക്കാരിന്റെ ഏതെങ്കിലും വകുപ്പോ ഒരു എംഒ യുവും ഒപ്പിട്ടിട്ടില്ല എന്ന് മുഖ്യമന്ത്രി പറഞ്ഞിരുന്നു.ഏതെങ്കിലും പൊതുമേഖലാ സ്ഥാപനമോ കമ്പനിയോ അങ്ങിനെ ചെയ്താൽ സർക്കാർ പരിഗണനയിൽ പിന്നീടാണ് വരിക.സർക്കാരാണ് തീരുമാനമെടുക്കുക.എന്നാൽ സർക്കാരിനെ അറിയിച്ചേ ഒപ്പിടാവു എന്നില്ല.
ഇത്തരമൊരു ധാരണപാത്രത്തെപ്പറ്റി സർക്കാരിനെയോ മന്ത്രിയെയോ കോർപറേഷന്റെ ചുമതലയുള്ള ഉദ്യോഗസ്ഥനെയോ അറിയിച്ചിട്ടില്ലെന്നും മുഖ്യമന്ത്രി ഇന്നലെ പറഞ്ഞിരുന്നു.

ആഴക്കടൽ മൽസ്യബന്ധന ആരോപണത്തിൽ പ്രതിപക്ഷ നേതാവും EMCC യും തമ്മിലുള്ള ഗൂഢാലോചനയെന്ന് മന്ത്രി ജെ മേഴ്‌സിക്കുട്ടിയമ്മയും പറഞ്ഞിരുന്നു.

ഇ എം സി സി പ്രതിനിധികൾ തന്നെ കണ്ടിരുന്നുവെന്നും എന്നാൽ തന്നോടൊപ്പം ഇ എം സി സി പ്രതിനിധികൾ മുഖ്യമന്ത്രിയെ കണ്ടു എന്ന ചെന്നിത്തലയുടെ ആരോപണം മേഴ്‌സിക്കുട്ടിയമ്മ തള്ളിയിരുന്നു.

സർക്കാർ ഒപ്പിട്ട ധാരണ പത്രവും.ഇ എം സി സി ക്ക് അനുവദിച്ച 4 ഏക്കർ ഭൂമിയുടെ രേഖകളും രമേശ് ചെന്നിത്തല പത്രസമ്മേളനത്തിൽ പുറത്തുവിട്ടിരുന്നു.കമ്പനി സി ഇ ഒ യെ മുഖ്യമന്ത്രി,ജെ മേഴ്‌സിക്കുട്ടിയമ്മയ്‌ക്കൊപ്പം ഗസ്റ്റ് ഹൗസിൽ വെച്ച് കണ്ടിരുന്നു എന്നാണ് തനിക്ക് ലഭിച്ച വിവരമെന്നും കൂടിക്കാഴ്ച്ച നടന്നില്ലെങ്കിൽ ഭൂമി അനുവദിച്ച കാര്യവും ധാരണ പത്രവും മുഖ്യമന്ത്രി റദ്ദാക്കുമോ എന്ന് ചെന്നിത്തല മുഖ്യമന്ത്രിയെ വെല്ലുവിളിച്ചതിന് പിന്നാലെയാണ് ധാരണാപത്രം റദ്ദാക്കാൻ മുഖ്യമന്ത്രി ഉത്തരവിട്ടത്.

ആഴക്കടൽ മൽസ്യബന്ധനം: ആരോപണത്തിന് പിന്നിൽ പ്രതിപക്ഷ നേതാവും EMCC യും തമ്മിലുള്ള ഗൂഢാലോചനയെന്ന് മന്ത്രി

തിരുവനന്തപുരം: ആഴക്കടൽ മൽസ്യബന്ധന ആരോപണത്തിൽ പ്രതിപക്ഷ നേതാവും EMCC യും തമ്മിലുള്ള ഗൂഢാലോചനയെന്ന് മന്ത്രി ജെ മേഴ്‌സിക്കുട്ടിയമ്മ.

ഇ എം സി സി പ്രതിനിധികൾ തന്നെ കണ്ടിരുന്നു.എന്നാൽ തന്നോടൊപ്പം ഇ എം സി സി പ്രതിനിധികൾ മുഖ്യമന്ത്രിയെ കണ്ടു എന്ന ചെന്നിത്തലയുടെ ആരോപണം മേഴ്‌സിക്കുട്ടിയമ്മ തള്ളി.

ആഴക്കടൽ മൽസ്യ ബന്ധന വിവാദത്തിൽ ആരോപണത്തിൽ ഉറച്ചു നിൽക്കുന്നതായി പ്രതിപക്ഷ നേതാവ് രമേശ് ചെന്നിത്തല. ന്യൂയോർക്കിൽവെച്ചും ഇ എം സി സി പ്രതിനിധികളുമായി ചർച്ച നടത്തി.കരാർ വ്യവസ്ഥ മുഖ്യമന്ത്രി മറച്ചു വെക്കുന്നതായി പറഞ്ഞ ചെന്നിത്തല രണ്ട് രേഖകൾ കൂടി പുറത്തുവിട്ടു.

സർക്കാർ ഒപ്പിട്ട ധാരണ പത്രവും.ഇ എം സി സി ക്ക് അനുവദിച്ച 4 ഏക്കർ ഭൂമിയുടെ രേഖകളുമാണ് പത്രസമ്മേളനത്തിൽ പുറത്തുവിട്ടത്.
കമ്പനി സി ഇ ഒ യെ മുഖ്യമന്ത്രി,ജെ മേഴ്‌സിക്കുട്ടിയമ്മയ്‌ക്കൊപ്പം ഗസ്റ്റ് ഹൗസിൽ വെച്ച് കണ്ടിരുന്നു എന്നാണ് തനിക്ക് ലഭിച്ച വിവരം. കൂടിക്കാഴ്ച്ച നടന്നില്ലെങ്കിൽ ഭൂമി അനുവദിച്ച കാര്യവും ധാരണ പത്രവും മുഖ്യമന്ത്രി റദ്ദാക്കുമോ എന്ന് ചെന്നിത്തല മുഖ്യമന്ത്രിയെ വെല്ലുവിളിച്ചു.

ഉദ്യോഗാർത്ഥികളുമായി മന്ത്രി തല ചർച്ച വേണം: സി പി എം സെക്രെട്ടറിയേറ്റ് | സ്വാഗതം ചെയ്ത് സമരക്കാർ |

തിരുവനന്തപുരം: സമരം ചെയ്യുന്ന ഉദ്യോഗാർത്ഥികളുമായി മന്ത്രിതല ചർച്ചകൾ ആവശ്യമാണെന്ന് സി പി എം സംസ്ഥാന സെക്രെട്ടറിയേറ്റ്.

ചർച്ച നടത്താനുള്ള മന്ത്രിമാരെ ഉടൻ തീരുമാനിക്കണം.സർക്കാർ ചെയ്ത കാര്യങ്ങൾ സമരക്കാരെ ബോധ്യപ്പെടുത്തണം തുടങ്ങിയ നിർദേശങ്ങളാണ് സി പി എം മുന്നോട്ട് വെച്ചത്. സർക്കാർ തീരുമാനം ഉടൻ ഉണ്ടായേക്കുമെന്നും നാളെ ചർച്ച നടന്നേക്കുമെന്നുമാണ് സൂചന.ഉദ്യോഗാർത്ഥികൾ സിപിഎം തീരുമാനത്തെ സ്വാഗതം ചെയ്തു.
എന്നാൽ ഉപാധികളില്ലാത്ത ചർച്ച ആണെങ്കിൽ പങ്കെടുക്കാമെന്ന് യൂത്ത് കോൺഗ്രസ് അറിയിച്ചു.നേരത്തെ ബിജെപി നേതാവ് ശോഭ സുരേന്ദ്രനൊപ്പം ഗവർണറെ കണ്ട ഉദ്യോഗാർത്ഥികൾ കൂടിക്കാഴ്ചയിൽ സന്തുഷ്ടി പ്രകടിപ്പിച്ചു.വിഷയത്തിൽ ഗവർണർ ഉടൻ ഇടപെടുമെന്നും സർക്കാരിന് കത്ത് നൽകുമെന്നും ശോഭ സുരേന്ദ്രൻ പറഞ്ഞു.

മന്ത്രി മേഴ്സിക്കുട്ടിയമ്മയ്‌ക്കെതിരെ അഴിമതി ആരോപണവുമായി രമേശ് ചെന്നിത്തല,അസംബന്ധമെന്ന് മന്ത്രി

തിരുവനന്തപുരം: ഫിഷറീസ് മന്ത്രി ജെ മേഴ്‌സിക്കുട്ടിയമ്മയ്‌ക്കെതിരെ അഴിമതി ആരോപണവുമായി പ്രതിപക്ഷ നേതാവ് രമേശ് ചെന്നിത്തല.

കേരള തീരത്ത് മത്സ്യബന്ധനത്തിനായി അമേരിക്കൻ കമ്പനിയായ ഇ എം സി സി ക്ക് 5000 കോടിയുടെ കരാറുണ്ടാക്കി അനുമതി നൽകിയെന്നും വലിയ അഴിമതി നടന്നുവെന്നും രമേശ് ചെന്നിത്തല ആരോപിച്ചു.
സംസ്ഥാനത്തെ തീര മേഖലയിലെ മൽസ്യ ബന്ധന തൊഴിലാളികളെ വഞ്ചിച്ചുകൊണ്ടാണ് അമേരിക്കൻ കുത്തക കമ്പനിക്ക് മല്യബന്ധനത്തിന് അനുമതി നല്കിയിരിക്കുന്നതെന്നും ചെന്നിത്തല പറഞ്ഞു.സംസ്ഥാന സർക്കാരും ഇ എം സി സി കമ്പനിയുമായി കഴിഞ്ഞയാഴ്ച്ച ധാരണാപത്രത്തിൽ ഒപ്പുവെച്ചു.ഇതുപ്രകാരം 400 ട്രോളറുകളും 2 മദർ ഷിപ്പുകളും കേരളതീരത്ത് മൽസ്യബന്ധനം നടത്തും.
സ്പ്രിങ്ക്ലർ,ഇ-മൊബിലിറ്റി പദ്ധതികളെക്കാൾ വലിയ അഴിമതിയാണ് നടന്നത്.കരാർ ഒപ്പിടും മുൻപ് എൽ ഡി എഫിലോ മന്ത്രിസഭയിലോ ചർച്ചകൾ നടത്തിയില്ല.മൽസ്യത്തൊഴിലാളികൾ സംഭവം അറിഞ്ഞേയില്ല.

2018ൽ ഇ എം സി സി കമ്പനിയുമായി മന്ത്രി ന്യൂയോർക്കിൽ ചർച്ച നടത്തി.പദ്ധതി നടപ്പാക്കുന്നതിന്റെ ഭാഗമായി 2019ൽ സംസ്ഥാനത്തിന്റെ മൽസ്യ നയം തന്നെ മാറ്റി.വിഷയത്തിൽ സമഗ്ര അന്വേഷണം വേണമെന്നും മുഖ്യമന്ത്രി കാര്യം വ്യക്തമാക്കണമെന്നും ചെന്നിത്തല പറഞ്ഞു.

എന്നാൽ പ്രതിപക്ഷ നേതാവിന്റെ മനോനില തകർന്നിരിക്കയാണെന്നും മൽസ്യ ബന്ധനത്തിന് വിദേശ രാജ്യങ്ങളുമായി ഒരു കരാറും ഇല്ലെന്നും ആരോപണം അസംബന്ധമാണെന്നും മന്ത്രി മേഴ്‌സിക്കുട്ടിയമ്മ പ്രതികരിച്ചു.

മാധ്യമ പ്രവർത്തകനെ വാഹനമിടിച്ച് കൊലപ്പെടുത്തിയ കേസിൽ പൊലീസിന് കോടതിയുടെ രൂക്ഷ വിമർശനം

തിരുവനന്തപുരം: മാധ്യമപ്രവർത്തകൻ കെ എം ബഷീറിനെ വാഹനമിടിച്ച് കൊലപ്പെടുത്തിയ കേസിൽ പോലീസ് നിലപാടിനെതിരെ കോടതിയുടെ രൂക്ഷ വിമർശനം.
കോടതിയിൽ ഹാജരാകാതിരുന്ന സൈബർ സെൽ ഡി വൈ എസ് പി യെയാണ് കോടതി രൂക്ഷമായി വിമർശിച്ചത്.
ഡി വൈ എസ് പി ഹാജരാകാത്ത സാഹചര്യത്തിൽ അപകട ദിവസത്തെ ദൃശ്യങ്ങളടങ്ങിയ രണ്ട് ഡി വി ഡികൾ കോടതിയിൽ പ്രദർശിപ്പിച്ച് പകർപ്പെടുക്കാനാവശ്യമായ ഉപകരണങ്ങൾ സഹിതം ഹൈടെക് സെൽ എസ് പിയോട് ഫെബ്രുവരി24 ഹാജരാകാൻ കോടതി ഉത്തരവിട്ടു.തിരുവനന്തപുരം മൂന്നാം ക്ലാസ് മജിസ്‌ട്രേറ്റ് കോടതിയാണ് ഉത്തരവിട്ടത്.
അന്വേഷണ സംഘം തെളിവായി ഹാജരാക്കിയ സി സി ടി വി ദൃശ്യങ്ങൾ കോടതിയിൽ പ്രദർശിപ്പിച്ച് പകർപ്പെടുക്കാൻ സിറ്റി സൈബർ ഡി വൈ എസ് പി യോട് ഫെബ്രുവരി 2 ന് ഉത്തരവിട്ടിരുന്നു.

എന്നാൽ ഇദ്ദേഹം ഹാജരാകാത്തതിനെക്കുറിച്ചായിരുന്നു കോടതിയുടെ രൂക്ഷ വിമർശനം.ഡി വൈ എസ് പി യുടെ നിഷ്ക്രിയത്വവും അലംഭാവവും ഗുരുതര കൃത്യ വിലോപവും കോടതിയുടെ നീതി നിർവഹണത്തെ തടയാൻ ലക്ഷ്യമിട്ടുള്ളതാണെന്ന് കോടതി നിരീക്ഷിച്ചു.
ഇദ്ദേഹം ഹാജരായില്ലെന്ന് മാത്രമല്ല ഹാരകാൻ പറ്റാത്തത് കോടതിയെ അറിയിക്കുകപോലും ചെയ്തില്ല.സംഭവത്തിലുള്ള കോടതിയുടെ അതൃപ്തി സർക്കാർ അഭിഭാഷകയോട് കോടതി അറിയിക്കുകയും ചെയ്തു.

ജനങ്ങൾക്ക് വലുത് സ്വകാര്യതയാണെന്ന് വാട്സ്ആപിനോട് സുപ്രീം കോടതി

കൊച്ചി:ഫേസ്ബുക്-വാട്സ്ആപ് കമ്പനികളുടെ മൂലധനത്തെക്കാളും വലുതാണ് ജനങ്ങളുടെ സ്വകാര്യതയെന്ന് സുപ്രീം കോടതി. ചീഫ് ജസ്റ്റിസ് എസ് എ ബോബ്‌ഡെ അധ്യക്ഷനായ ബെഞ്ചാണ് സ്വകാര്യത നയ വിഷയത്തിൽ സുപ്രധാന ചോദ്യം ചോദിച്ചത്.
വാട്സാപ്പിന്റെ സ്വകര്യതാ നയം ചോദ്യം ചെയ്തുകൊണ്ടുള്ള ഹർജിയിൽ സർക്കാരിനോടും ഫേസ്ബുക് -വാട്സ്ആപ് കമ്പനികളോടും നാലാഴ്ച്ച കൊണ്ട് നിലപാടറിയിക്കാൻ സുപ്രീം കോടതി നിർദേശിച്ചു.
വാട്സാപ്പിൽ അയക്കുന്ന മെസ്സേജുകൾ ഫേസ്ബുക്കുമായി പങ്ക് വെക്കുമെന്ന് മാധ്യമ വർത്തകളിൽനിന്നാണ് മനസിലാക്കുന്നത്. യൂറോപ്യൻ യൂണിയൻ രാജ്യങ്ങളിൽ വാട്സ്ആപ് നടപ്പിലാക്കുന്ന സ്വകാര്യത നയമല്ല ഇന്ത്യയിൽ സ്വീകരിക്കുന്നത്.ഇത് വിശദമായി പരിശോധിക്കേണ്ട നിയമ വിഷയമാണെന്നും ചീഫ് ജസ്റ്റിസ് പറഞ്ഞു.
എന്നാൽ യൂറോപ്യൻ യൂണിയനിലെ രാജ്യങ്ങളിൽ പ്രത്യേക നിയമമായതിനാലാണ് സ്വകാര്യത നയത്തിൽ മാറ്റമെന്ന് വാട്സ്ആപ്- ഫേസ്ബുക് എന്നിവർക്ക് വേണ്ടി ഹാജരായ അഭിഭാഷകൻ പറഞ്ഞു.ഇന്ത്യയിൽ പുതിയ നയം ഉണ്ടാവുകയാണെങ്കിൽ അത് പാലിക്കാൻ ബാധ്യസ്ഥരായിരിക്കുമെന്ന് കമ്പനികൾ അറിയിച്ചു.
സ്വകാര്യതാ നയ വിഷയത്തിൽ ആശങ്ക വ്യക്തികൾക്ക് മാത്രമല്ല,രാജ്യത്തിന് മുഴുവനുണ്ടെന്ന് സർക്കാരിനുവേണ്ടി ഹാജരായ സോളിസിറ്റർ ജനറൽ തുഷാർ മേത്ത അഭിപ്രായപ്പെട്ടു.

പ്രധാനമന്ത്രി കൊച്ചിയിൽ: കറുത്ത ബലൂണുമായി ഡി വൈ എഫ് ഐ പ്രതിഷേധം


സ്വന്തം ലേഖകൻ

കൊച്ചി: ബി പി സി എൽ പ്ലാന്റ് ഉത്ഘാടനത്തിനായി പ്രധാനമന്ത്രി കൊച്ചിയിലെത്തി.ബി പി സി എൽ അടക്കം വിവിധ പദ്ധതികൾ പ്രധാനമന്ത്രി ഉത്ഘാടനം ചെയ്യും.
കേന്ദ്ര നയങ്ങളിൽ പ്രതിഷേധിക്കാനായി പ്രധാനമന്ത്രിയുടെ സന്ദർശന വേളയിൽ ഡി വൈ എഫ് ഐ പ്രവർത്തകർ കറുത്ത ബലൂണുകളുമായി പ്രധിഷേധിക്കാനെത്തി.
പ്രധാനമന്ത്രി ബി പി സി എല്ലിലേക്ക് പോകുന്ന ഇരുമ്പനം സിഗ്നലിലാണ് പ്രതിഷേധം നിശ്ചയിച്ചിരുന്നത്.എന്നാൽ എസ് പി ജി നിർദേശമനുസരിച്ച് ഹിൽ പാലസിലേക്ക് മാറ്റി.500 ഓളം കറുത്ത ബലൂണുകൾ ഇതിനായി എത്തിച്ചിരുന്നു.

പ്രതീകാത്മക ചിത്രം |vectorstock.com

ദിശാബോധത്തോടെ ഭാവി കേരളം പടുത്തുയർത്താൻ ജനം തുടർ ഭരണം ആഗ്രഹിക്കുന്നു: മുഖ്യമന്ത്രി

| എൽ ഡി എഫിന്റെ വികസന മുന്നേറ്റയാത്രയ്ക്ക് തുടക്കം |

ഉപ്പള (കാസർഗോഡ്): ദിശാബോധത്തോടെ ഭാവി കേരളം പടുത്തുയർത്താൻ എൽ ഡി എഫിന് മാത്രമേ കഴിയു എന്ന് ജനങ്ങൾ തിരിച്ചറിഞ്ഞിരിക്കുന്നു.അത്കൊണ്ട് തന്നെ ജനം തുടർ ഭരണം ആഗ്രഹിക്കുന്നുവെന്ന് മുഖ്യമന്ത്രി പിണറായി വിജയൻ പറഞ്ഞു.സിപിഎം സംസ്ഥാന സെക്രട്ടറി എ വിജയരാഘവൻ നയിക്കുന്ന എൽ ഡി എഫ് വികസന മുന്നേറ്റ യാത്ര കാസറഗോഡ് ഉപ്പളയിൽ ഉത്ഘാടനം ചെയ്‌തുകൊണ്ട് സംസാരിക്കുകയായിരുന്നു അദ്ദേഹം.

യു ഡി എഫ് കാലത്തെ നിരാശയുടെ സ്ഥാനത്ത് പ്രതീക്ഷ വന്നു.കഴിഞ്ഞ അഞ്ച് കൊല്ലം കൊണ്ട് പൂർത്തിയാക്കാൻ കഴിഞ്ഞ പദ്ധതികളുടെ വിശദാംശങ്ങൾ പറഞ്ഞാൽ തീരില്ല.തിരഞ്ഞെടുപ്പിന്റെ മുന്നൊരുക്കങ്ങൾക്കായി ഭാവി കേരളം എങ്ങിനെ രൂപപ്പെടണമെന്ന അഭിപ്രായം അറിയുന്നതിനായി വിവിധ വിഭാഗങ്ങളുമായി സംവദിച്ചു.

ഇപ്പോൾ യൂണിവേഴ്സിറ്റി തല സംവാദം നടക്കുന്നു.ഇതിൽ എല്ലാവരും ഒരേ സ്വരത്തിൽ ഭരണ തുടർച്ച വേണമെന്ന് ആവശ്യം ഉന്നയിക്കുന്നു.ഇവിടുന്നങ്ങോട്ട് ഭാവി കേരളം ദിശ ബോധത്തോടെ പടുത്തുയർത്താൻ എൽ ഡി എഫിന് മാത്രമേ കഴിയൂ എന്നാണ് അഭിപ്രായം.എല്ലാ മേഖലകളിലും വികസനം എത്തിക്കുക എന്നത് വലിയ ആവശ്യമായിരുന്നു.അതിനിടയിൽ ഒരുപാട് ദുരന്തങ്ങളെ നേരിടേണ്ടിവന്നു.ഓഖി ,പ്രളയം,നിപാ,കോവിഡ് തുടങ്ങിയവ സൃഷ്ടിച്ചത് വലിയ പ്രതിസന്ധി ആയിരുന്നു.എന്നാൽ നാടിൻറെ വികസന കാര്യത്തിൽ ഈ പ്രതിസന്ധികളൊന്നും തടസ്സമായില്ല.

ഇവിടെ നടക്കാൻ പോകുന്നില്ല എന്ന് വിധിയെഴുതിയ കാര്യങ്ങൾ നടപ്പാക്കാൻ ശ്രമിച്ചു.അത് എൽ ഡി എഫ് സർക്കാരുമായി ജനങ്ങൾക്ക് വലിയ ആത്മ ബന്ധമുണ്ടാക്കി.ജനങ്ങൾ അവരുടെ സ്വന്തം അനുഭവമാണ് സാക്ഷ്യപ്പെടുത്തിയത്.

അടിവേരുകൾ ഇളകിപ്പോകുന്നു എന്ന അവസ്ഥ പ്രതിപക്ഷത്തിന് ഉണ്ടായപ്പോഴാണ് വലിയ നശീകരണ വാസനയോടെയുള്ള പ്രചരണം അവർ നടത്തിയത്.കേന്ദ്ര ഏജൻസികളും പ്രതിപക്ഷവും ചില മാധ്യമങ്ങളും അഴിച്ചുവിട്ട കഥകളുടെ മലവെള്ളപ്പാച്ചിൽ ജനങ്ങൾ വിശ്വസിച്ചില്ലെന്നും മുഖ്യമന്ത്രി പറഞ്ഞു.

ഫയൽ ചിത്രം |scroll.in

കസ്റ്റംസ് കമ്മീഷണറെ അപായപ്പെടുത്താൻ ശ്രമിച്ച സംഭവത്തിൽ പോലീസിന്റെ വിചിത്രവാദം,സമഗ്ര അന്വേഷണം വേണമെന്ന് ആവശ്യം

മലപ്പുറം: സ്വർണ്ണക്കടത്ത് കേസ് അന്വേഷിക്കുന്ന കസ്റ്റംസ് കമ്മീഷണർ സുമിത് കുമാറിനെ അപായപ്പെടുത്താൻ ശ്രമിച്ച സംഭവത്തിൽ പോലീസിന്റെ വിചിത്ര വാദത്തിനും ലാഘവ മനോഭാവത്തിനുമെതിരെ പ്രധിഷേധമുയരുന്നു.

സംഭവത്തിൽ സമഗ്രമായ അന്വേഷണം വേണമെന്ന് പരക്കെ ആവശ്യമുയർന്നിട്ടുണ്ട്.സംഭവത്തിൽ ദുരൂഹതയില്ലെന്നാണ് പോലീസ് പറയുന്നത്.

പിടിയിലായ യുവാക്കൾക്ക് ഹവാല,സ്വർണ്ണക്കടത്ത് സംഘങ്ങളുമായി ബന്ധമില്ല.യുവാക്കൾ ഇതുവരെയായി വിദേശയാത്ര നടത്തിയിട്ടില്ല, ഒരാൾ ഭിന്നശേഷിക്കാരനാണ് തുടങ്ങിയ വിചിത്രവാദങ്ങളാണ് ഡി വൈ എസ് പി കെ എം ദേവസ്യ ഉന്നയിക്കുന്നത്.

എന്നാൽ തനിക്ക് നേരിട്ടുണ്ടായ അനുഭവങ്ങൾ പരാതിയായി പോലീസിന് കൈമാറിയ കസ്റ്റംസ് കമ്മിഷണർ സുമിത് കുമാറിന്റെ പരാതി സംബന്ധിച്ച് ഗൗരവമുള്ള അന്വേഷണം പോലീസ് നടത്തുന്നില്ല എന്ന് പരക്കെ ആക്ഷേപമുയർന്നിട്ടുണ്ട്.കാറിൽ പിന്തുടർന്ന ആളുകൾ അപകടകരമായ തരത്തിൽ വാഹനം കസ്റ്റംസ് വാഹനത്തോട് അടുപ്പിച്ചതിനാൽ കസ്റ്റംസിന്റെ കാർ റോഡിൽനിന്ന് ഇറക്കേണ്ടി വന്നു തുടങ്ങിയ കാര്യങ്ങളും പരാതിയിൽ പറഞ്ഞിരുന്നു. കാറിനൊപ്പം ബൈക്കിൽ പിന്തുടർന്ന ആളുകളെപ്പറ്റിയും പരാതിയിൽ പറയുന്നുണ്ടെങ്കിലും കാര്യമായ അന്വേഷണങ്ങൾ നടന്നിട്ടില്ല. സംഭവത്തെ പോലീസ് ലാഘവത്തോടെയാണ് കാണുന്നതെന്ന് ബിജെപി നേതാവ് പികെ കൃഷ്ണദാസ് പറഞ്ഞു. കാര്യക്ഷമമായ അന്വേഷണം വേണമെന്ന് അദ്ദേഹം ആവശ്യപ്പെട്ടു.

എന്നാൽ കസ്റ്റംസ് വിഷയത്തെ അതീവ ഗൗരവത്തോടെയാണ് കാണുന്നതെന്നും പിടിയിലായവരെ വിശദമായി ചോദ്യം ചെയ്യുമെന്നും കസ്റ്റംസ് ഉന്നതോദ്യോഗസ്ഥരെ ഉദ്ധരിച്ച് റിപോർട്ടുകൾ ഉണ്ട്.

പ്രതീകാത്മക ചിത്രം | photo deccanherald.com

കസ്റ്റംസ് കമ്മീഷണർ സുമിത് കുമാറിനെ മലപ്പുറം എടവണ്ണപ്പാറയിൽ അപായപ്പെടുത്താൻ ശ്രമിച്ചു

കസ്റ്റംസ് കമ്മീഷണർ സുമിത് കുമാർ photo | expresskerala.com

കൊച്ചി : സ്വർണ്ണക്കടത്ത് കേസ് അന്വേഷണ സംഘ തലവൻ കസ്റ്റംസ് കമ്മീഷണർ സുമിത് കുമാറിനെ അപായപ്പെടുത്താൻ ശ്രമിച്ചു. കൽപറ്റയിൽ നിന്ന് മടങ്ങും വഴി മലപ്പുറം എടവണ്ണപ്പാറയിലെത്തിയ പ്പോൾ കാറിലും ബൈക്കിലും എത്തിയ സംഘം ആക്രമിക്കാൻ ശ്രമിക്കുകയായിരുന്നു.പോലീസിൽ പരാതി നൽകി.

ഫേസ്ബുക് പോസ്റ്റിലൂടെയാണ് അദ്ദേഹം ഇക്കാര്യം അറിയിച്ചത്. സ്വർണ്ണക്കടത്ത് കേസ് അന്വേഷണ സംഘ തലവനാണ് കസ്റ്റംസ് കമ്മീഷണർ സുമിത് കുമാർ എന്നത് സംഭവത്തിന്റെ ഗൗരവം വർദ്ധിപ്പിക്കുന്നു.

പരാതി കിട്ടിയിട്ടില്ലെന്ന് ആദ്യം പറഞ്ഞ കൊണ്ടോട്ടി പോലീസ് പിന്നീട് സുമിത് കുമാറിന്റെ പരാതിയിൽ കേസെടുത്തിട്ടുണ്ടെന്ന് അറിയിച്ചു. സംഭവത്തിൽ ഉൾപ്പെട്ടിട്ടുള്ള വാഹനങ്ങൾ തിരിച്ചറിഞ്ഞെന്ന് പോലീസ്.

മുക്കം സ്വദേശിയുടെ ഉടമസ്ഥതയിലുള്ളതാണ് വാഹനമെന്നും പോലീസ് പറഞ്ഞു.രണ്ട് കാറുകളും രണ്ട് ബൈക്കുകളുമാണ് സംഘത്തിൽ ഉണ്ടായിരുന്നത്. കസ്റ്റംസ് അതീവ ഗൗരവത്തോടെയാണ് സംഭവത്തെ കാണുന്നത് എന്നാണ് റിപോർട്ടുകൾ.

എം ശിവശങ്കറിന്റെ ജാമ്യം റദ്ദാക്കണം: എൻഫോഴ്‌സ്‌മെന്റ് സുപ്രീം കോടതിയിൽ

ന്യൂഡൽഹി: സ്വർണ്ണക്കള്ളക്കടത്തുമായി ബന്ധപ്പെട്ട കേസിൽ മുൻ പ്രിൻസിപ്പൽ സെക്രട്ടറി എം ശിവശങ്കറിന്റെ ജാമ്യം റദ്ദാക്കണമെന്ന ആവശ്യവുമായി ഇ ഡി സുപ്രീം കോടതിയെ സമീപിച്ചു.ശിവശങ്കർ ജാമ്യത്തിൽ കഴിയുന്നത് അന്വേഷണത്തെ പ്രതികൂലമായി ബാധിക്കും.ഹർജി എത്രയും വേഗം പരിഗണിക്കണമെന്നും ഇ ഡി സുപ്രീം കോടതിയിൽ സമർപ്പിച്ച ഹർജിയിൽ പറയുന്നുണ്ട്.
എൻഫോഴ്‌സ്‌മെന്റ് ഡയറക്ടറേറ്റ് കൊച്ചി സോണൽ ഓഫീസിലെ അസിസ്റ്റന്റ് ഡയറക്ടറാണ് അടിയന്തിര പ്രധാന്യത്തോടെയുള്ള ഹർജി സുപ്രീം കോടതിയിൽ നൽകിയത്.
തിരുവനന്തപുരം എസ് ബി ഐ ബ്രാഞ്ചിലെ ലോക്കറിൽ കണ്ടെത്തിയ കണക്കിൽപ്പെടാത്ത 64 ലക്ഷം രൂപയുമായി ബന്ധപ്പെട്ട അന്വേഷണം അന്തിമ ഘട്ടത്തിലാണ്.ശിവശങ്കർ ജാമ്യത്തിൽ കഴിയുന്നത് ഈ കേസിനെ പ്രതികൂലമായി ബാധിക്കും.കേസിൽ ശിവശങ്കറിനെതിരെ നിർണ്ണായകമായ തെളിവുകളുണ്ടെന്നും ഇ ഡി സുപ്രീം കോടതിയെ അറിയിച്ചു.ജാമ്യം അടിയന്തിരമായി സ്റ്റേ ചെയ്യണമെന്നാണ് ആവശ്യം.കേന്ദ്രസർക്കാർ അഭിഭാഷകനായ ബി വി ബൽറാം ദാസാണ് ഇ ഡി ക്കുവേണ്ടി ഹർജി ഫയൽ ചെയ്തത്.