breaking news

ചാലോട് ലയൺസ് ക്ലബ്ബ് സേവന പ്രവർത്തനങ്ങളുടെ ഉദ്ഘാടനം

ചാലോട്: ചാലോട് ലയണ്‍സ് ക്ലബ്ബിന്റെ സേവന പ്രവർത്തനങ്ങൾക്ക് തുടക്കമായി. ലയണ്‍സ് ക്ലബ്ബ് ഇന്റര്‍നാഷനല്‍ 318 ഇ ഫസ്റ്റ് വൈസ് ഡിസ്ട്രിക്ട് ഗവര്‍ണര്‍ യോഹന്നാൻ മറ്റത്തിൽപരിപാടി ഉദ്ഘാടനം ചെയ്തു.

ഹംഗർ റിലീഫ് പദ്ധതിയുമായി ബന്ധപ്പെട്ട ധാന്യക്കിറ്റ് വിതരണവും പരിസ്ഥിതി സംരക്ഷണ പദ്ധതിയുടെ ഭാഗമായുള്ള പച്ചക്കറി വിത്ത് വിതരണവും നടന്നു. അഡീഷണൽ ക്യാബിനറ്റ് സെക്രട്ടറിമാരായ സുധീഷ് , അഡ്വ.കെ.വി. സുരേന്ദ്രൻ , റിജിയണൽ ചെയർപെഴ്സൺ പി.കെ. മനോജ്, സോണൽ ചെയർപെഴ്സൺ സജിനി സുധീഷ് , മുൻ പ്രസിഡണ്ട് പി.വി.നാരായണൻ എന്നിവർ സംസാരിച്ചു.

പ്രസിഡണ്ട് പി.അജയൻ അദ്ധ്യക്ഷത വഹിച്ചു.സെക്രട്ടറി പവിത്രൻ മാവില സ്വാഗതവും എം.എം. വിജയകുമാരി നന്ദിയും പറഞ്ഞു. മട്ടന്നൂർ ഗ്രീൻ പ്ലാനറ്റ് ഓഡിറ്റോറിയത്തിൽ കോവിഡ് മാനദണ്ഡങ്ങൾ പാലിച്ചു നടത്തിയ പരിപാടിക്ക് എസ്.പി.മധുസൂദനൻ , ടി.സുരേഷ് ബാബു, കെ.സനിൽകുമാർ എന്നിവർ നേതൃത്വം നൽകി.