breaking news

സിംഗപ്പൂരിൽ ബൂസ്റ്റർ ഡോസ് വാക്‌സിൻ സ്വീകരിച്ച രണ്ടുപേർക്ക് ഒമിക്രോൺ വകഭേദം സ്ഥിരീകരിച്ചു

സിംഗപ്പൂർ: ബൂസ്റ്റർ ഡോസ് സ്വീകരിച്ചിട്ടും സിംഗപ്പൂരിൽ രണ്ടുപേർക്ക് കോവിഡിന്റെ പുതിയ വകഭേദമായ ഒമിക്രോൺ സ്ഥിരീകരിച്ചു.

വാക്സിനെടുത്തവർ മാത്രം യാത്ര ചെയ്ത വിമാനത്തിൽ ജർമ്മനിയിൽനിന്നെത്തിയ ആൾക്കും റെയിൽവേ സ്റ്റേഷനിൽ പാർസൽ ജോലി ചെയ്യുന്ന 24 കാരിക്കുമാണ് ഒമിക്രോൺ സ്ഥിരീകരിച്ചത്.

ഇവർ രണ്ടുപേരും ബൂസ്റ്റർ ഡോസ് സ്വീകരിച്ചവരാണെന്ന് ആരോഗ്യ മന്ത്രാലയം അറിയിച്ചു.

രണ്ട് ഡോസ് വാക്‌സിൻ സ്വീകരിച്ചവരിലും ഒമിക്രോൺ വകഭേദം സ്ഥിരീകരിച്ച സ്ഥിതിക്ക് ബൂസ്റ്റർ ഡോസുകൾകൂടി അവശ്യമായെക്കുമെന്ന് ഫൈസർ,ഭാരത് ബയോടെക് പോലുള്ള കമ്പനികൾ നേരത്തെ പറഞ്ഞിരുന്നു.

ഒമിക്രോൺ വേഗത്തിൽ കൂടുതൽ രാജ്യങ്ങളിലേക്ക് പടരുന്നത് ആശങ്കകൾ ഉണ്ടാക്കുന്നുവെന്ന് സിംഗപ്പൂർ ആരോഗ്യ മന്ത്രാലയ വക്താവ് അറിയിച്ചു.

വാക്സിനേഷനിൽ പുരോഗതി കൈവരിച്ച സിംഗപ്പൂരിൽ 87 ശതമാനം പേരും വാക്‌സിൻ സ്വീകരിച്ചു കഴിഞ്ഞു.29 ശതമാനം ആളുകൾ ബൂസ്റ്റർ ഡോസും സ്വീകരിച്ചിട്ടുണ്ടെന്ന് ആരോഗ്യ മന്ത്രാലയം വ്യക്തമാക്കി.