breaking news

തിരഞ്ഞെടുപ്പിന് മുൻപേ ശമ്പളം, പെൻഷൻ: അവധി ദിവസങ്ങളിൽ ട്രഷറി പ്രവർത്തിക്കും

തിരുവനന്തപുരം: തിരഞ്ഞെടുപ്പ് നടക്കുന്ന ഏപ്രിൽ 6ന് മുൻപേ ജീവനക്കാർക്ക് ശമ്പളവും പെൻഷനും നൽകും.

അവധി ദിവസങ്ങളായ ദുഃഖവെള്ളി, ഈസ്റ്റർ ദിവസങ്ങളിൽ (ഏപ്രിൽ 2,4) ട്രഷറികൾ തുറന്ന് പ്രവർത്തിക്കും. തിരഞ്ഞെടുപ്പ് കാലത്ത് ശമ്പളവും പെൻഷനും മുടങ്ങാതിരിക്കാനാണ്സംസ്ഥാന സർക്കാർ തീരുമാനം.

പതിനൊന്നാം ശമ്പള കമ്മീഷന്റെ പരിഷ്കരിച്ച ശമ്പളവും പെൻഷനും ജീവനക്കാർക്ക് ലഭ്യമാക്കുന്നതിന് വേണ്ടിയാണ് പൊതു അവധി ദിവസങ്ങൾ പ്രവൃത്തി ദിനമാക്കിയതെന്നാണ് സർക്കാർ ഉത്തരവിൽ പറയുന്നത്.അവധിദിവസങ്ങളിൽ ഹജരാകുന്ന ജീവനക്കാർക്ക് മറ്റൊരു ദിവസം അവധി അനുവദിക്കും.എന്നാൽ ക്രൈസ്തവ വിഭാഗത്തിൽപെട്ട ജീവനക്കാർക്ക് നിയന്ത്രിത അവധിയായിരിക്കും.