breaking news

ഇംഗ്ലണ്ടിനെതിരെ ഇന്ത്യയ്ക്ക് 157 റൺസ് ചരിത്ര വിജയം,തിളങ്ങി ബൗളർമാർ

s p o r t s d e s k |

ലണ്ടൻ : ഇംഗ്ലണ്ടിനെതിരെയുള്ള നാലാം ടെസ്റ്റിൽ ഇന്ത്യയ്ക്ക് 157 റൺസിന്റെ ചരിത്ര വിജയം.368 റൺസ് വിജയലക്ഷ്യവുമായി രണ്ടാം ഇന്നിങ്സിൽ ബാറ്റിംഗ് ആരംഭിച്ച ഇംഗ്ലണ്ട് 210 റൺസിന് ഓൾ ഔട്ടായി.

തകർപ്പൻ പ്രകടനം കാഴ്ച വെച്ച ഇന്ത്യൻ ബൗളർമാരുടേതായി ഇംഗ്ലണ്ടിലെ ഉന്നത വിജയം.സെഞ്ച്വറി നേടിയ രോഹിത് ശർമയുടെയും ഓൾ റൗണ്ട് മികവ് പുലർത്തിയ ശാർദൂൽ ഠാക്കൂറിന്റെയും മികച്ച പ്രകടനങ്ങൾ നാലാം ടെസ്റ്റിലെ വിജയത്തിന്റെ നിർണായക ഘടകമായി.സ്കോർ ഇന്ത്യ 191,466 ഇംഗ്ലണ്ട് 290,210

ഇതോടെ 5 ടെസ്റ്റുകൾ അടങ്ങിയ ടെസ്റ്റ് പരമ്പരയിൽ ഇന്ത്യ 2-1ന് മുന്നിലെത്തി.ആദ്യ ഇന്നിങ്സിൽ ലീഡ് നേടിയിട്ടും ഇംഗ്ലണ്ടിന് വിജയം നേടാനാകാതെ ഇന്ത്യയുടെ ദിവസമായി ഇന്ന്.രണ്ടാം ഇന്നിങ്സിൽ തകർപ്പൻ പ്രകടനം കാഴ്ചവെച്ച ഇന്ത്യൻ ചുണക്കുട്ടികൾ ഇംഗ്ലണ്ടിനെ മുട്ടുകുത്തിച്ചു.പരമ്പരയിലെ അവസാന മത്സരം ഈ മാസം 10ന് മാഞ്ചസ്റ്ററിൽ നടക്കും.