breaking news

മൽസ്യത്തൊഴിലാളിയെ പാക് സേന വെടിവെച്ചുകൊന്നു: 6 പേരെ തടഞ്ഞുവെച്ചതായി റിപ്പോർട്ട്

L A T E S T |

ന്യൂഡൽഹി : ഇന്ത്യൻ മൽസ്യത്തൊഴിലാളിയെ പാക് നാവികസേനാ വെടിവെച്ച് കൊന്നതായി റിപ്പോർട്ട്.ആറ് മത്സ്യത്തൊഴിലാളികളെ തടഞ്ഞുവെച്ചതായും ഗുജറാത്ത് പ്രാദേശിക മാധ്യമങ്ങൾ റിപ്പോർട്ട് ചെയ്തു.

ഗുജറാത്തിലെ ദ്വാരക തീരത്തിനടുത്തുള്ള അന്താരാഷ്ട്ര അതിർത്തിയിലാണ് പാക് നാവിക സേന ഇന്ത്യയിൽനിന്നുള്ള മൽസ്യത്തൊഴിലാളികൾക്ക് നേരെ വെടിവെച്ചത്.ശ്രീധർ എന്ന മൽസ്യത്തൊഴിലാളിയാണ് കൊല്ലപ്പെട്ടത് എന്നാണ് വിവരം.

ഇന്ത്യൻ മത്സ്യത്തൊഴിലാളികളുടെ ജൽപാരി എന്ന ബോട്ടിനു നേരെ അകാരണമായി പാക് നാവികസേനാ വെടി വെക്കുകയായിരുന്നു. തുടർന്ന് ബോട്ടിലുണ്ടായിരുന്ന മത്സ്യത്തൊഴിലാളികളെ തടഞ്ഞുവെച്ചു.ഇവരെ അജ്ഞാത കേന്ദ്രത്തിലേക്ക് കൊണ്ടുപോയതായും റിപോർട്ടുണ്ട്. സംഭവത്തിൽ ഇന്ത്യൻ കോസ്റ്റ് ഗാർഡോ സർക്കാരോ ഔദ്യോഗിക സ്ഥിരീകരണം നൽകിയിട്ടില്ല.

ദ്വാരക മേഖലയിൽ ഇതിന് മുൻപും പാക് നാവിക സേന പ്രകോപനം ഉണ്ടാക്കിയിട്ടുണ്ട്.2013ൽപാക് നാവികസേനാ നടത്തിയ വെടിവെപ്പിൽ രണ്ട് മത്സ്യത്തൊഴിലാളികൾക്ക് പരിക്കേറ്റിരുന്നു. കഴിഞ്ഞവർഷം 11 ഇന്ത്യൻ മത്സ്യത്തൊഴിലാളികളെ അറസ്റ്റ് ചെയ്യുകയും ചെയ്തു.