breaking news

കിറ്റെക്സ് കേരളം വിട്ടുപോകരുതെന്ന് ആഗ്രഹിക്കുന്നു:എം എ യുസഫലി

ദുബായ്: കിറ്റെക്സ് കമ്പനി കേരളം വിട്ടുപോകരുതെന്നാണ് ആഗ്രഹമെന്ന് വ്യവസായ പ്രമുഖൻ എം എ യൂസഫലി പറഞ്ഞു.

നിക്ഷേപം എത്ര ചെറുതായാലും വലുതായാലും അത് കേരളം വിട്ടുപോകുന്നത് തെറ്റായ സന്ദേശമാണ് നൽകുക. 3500 കോടി യുടേതായാലും ഒരു കോടിയുടേതായാലും അത് കേരളത്തിന് വലുതായിരിക്കണം.കിറ്റെക്സ് എം ഡി സാബു ജേക്കബുമായി വിഷയം സംസാരിക്കു മെന്നും യൂസഫലി പറഞ്ഞു.

കോവിഡ് ബാധിച്ച് മരിച്ച പ്രവാസികളുടെ കുടുംബത്തിന് സഹായം നൽകുന്ന കാര്യം നോർക്കയുമായി സംസാരിക്കുമെന്നും യൂസഫലി പറഞ്ഞു.

ഒക്ടോബർ ഒന്നിന് തുടങ്ങുന്ന ദുബായ് വേൾഡ് എക്സ്പോ വാണിജ്യ മേഖലയ്ക്ക് പുത്തനുണർവ് നൽകുമെന്നും ഇതിൽ ലുലു ഗ്രൂപ്പ് സഹകരിക്കുമെന്നും യൂസഫലി അറിയിച്ചു.

ഗൾഫ് രാജ്യങ്ങളിൽ കോവിഡ് ബാധിച്ച് മരിക്കുന്നവരുടെ പേര് വിവരങ്ങളും സംസ്ഥാന സർക്കാരിന്റെ കണക്കിൽ ഉൾപ്പെടുത്താൻ ശ്രമിക്കുമെന്നും ഇത് മുഖ്യമന്ത്രിയുടെ ശ്രദ്ധയിൽപ്പെടുത്തുമെന്നും യൂസഫലി പറഞ്ഞു.