breaking news

പൊലീസിനുള്ള വാടക ഹെലികോപ്റ്റർ: കരാർ ചിപ്സൺ ഏവിയേഷന്

തിരുവനന്തപുരം: കേരളാ പൊലീസിനായി വാടകയ്ക്കെടുക്കുന്ന ഹെലികോപ്റ്റർ കരാർ ഡൽഹി ആസ്ഥാനമായി പ്രവർത്തിക്കുന്ന ചിപ്സൺ ഏവിയേഷന് ലഭിച്ചു.

ചിപ്സൺ ഏവിയേഷൻ, ഒ എസ് എസ് എയർ മാനേജ്‌മെന്റ്, ഹെലിവേ ചാർടേഴ്സ് എന്നീ കമ്പനികളായിരുന്നു ടെൻഡർ നടപടികളിൽ പങ്കെടുക്കാൻ യോഗ്യത നേടിയത്.

പോലീസ് മേധാവിയുടെ നേരിട്ടുള്ള മേൽനോട്ടത്തിലാണ് ടെൻഡർ നടപടികൾ നടന്നത്.ആറുപേർക്ക് യാത്ര ചെയ്യാവുന്ന ഹെലികോപ്റ്റർ മൂന്ന്‌ വർഷത്തേക്കാണ് പോലീസ് വാടകയ്കെടുക്കുന്നത്.

കഴിഞ്ഞ തവണ കരാർ നേടിയ പവൻ ഹാൻസ് ഇത്തവണ ടെൻഡറിൽ പകെടുത്തില്ല.ഹെലികോപ്റ്റർ വാടകയ്ക്കെടുക്കൽ ധൂർത്താണെന്ന പ്രതിപക്ഷ ആരോപണം നിലനിൽക്കെയാണ് സർക്കാർ നിലപാടിലുറച്ച് മുനോട്ട് നീങ്ങുന്നത്.