breaking news

മട്ടന്നൂരിൽ ആവേശത്തുടക്കം, കെ കെ ശൈലജ പ്രചരണം തുടങ്ങി

| രക്തസാക്ഷി മണ്ഡപത്തിൽ പുഷ്പാർച്ചന നടത്തി കെ കെ ശൈലജ പ്രചാരണത്തിന് തുടക്കം കുറിക്കുന്നു |

മട്ടന്നൂർ: മട്ടന്നൂർ മണ്ഡലം എൽ ഡി എഫ് സ്ഥാനാർഥി കെ കെ ശൈലജ പ്രചരണം തുടങ്ങി.

ബുധനാഴ്ച്ച രാവിലെ തില്ലങ്കേരി രക്തസാക്ഷി മണ്ഡപത്തിലെത്തി പുഷ്പാർച്ചന നടത്തിയാണ് പ്രചരണ പരിപാടികൾക്ക് തുടക്കം കുറിച്ചത്.തില്ലങ്കേരിയിൽ പര്യടനത്തിന്റെ തുടക്കത്തിൽ ആവേശകരമായ മുദ്രാവാക്യം വിളികളോടെയാണ് പ്രവർത്തകർ ടീച്ചറെ സ്വീകരിച്ചത്.

സ്ത്രീകളടക്കമുള്ള നിരവധി നിരവധി പ്രവർത്തകരും നാട്ടുകാരും പങ്കെടുത്തു.സിപിഎം കണ്ണൂർ ജില്ലാ കമ്മറ്റി അംഗം ടി കൃഷ്ണൻ, എൻ വി ചന്ദ്രബാബു, വി കെ സുരേഷ്ബാബു, അണിയേരി ചന്ദ്രൻ, പി സുരേഷ് ബാബു, മുഹമ്മദ്‌ സിറാജ് തുടങ്ങിയവർ പങ്കെടുത്തു.

തുടർന്ന് തില്ലങ്കേരിയിലെ ബിജുട്ടി രക്തസാക്ഷി മണ്ഡപത്തിൽ പുഷ്പ്പാർചന നടത്തി.തില്ലങ്കേരിയിലെ വിവിധ രക്തസാക്ഷി കുടീരങ്ങളിൽ പര്യടനം നടത്തുകയും വോട്ടർമാരെ നേരിൽ കാണുകയും ചെയ്തു. കട്ടൻ രാജു, കുരിയാക്കോസ്, ഓണിയൻ പ്രേമൻ, പാറാലി പവിത്രൻ, മുസ്തഫ, വിജേഷ്, ശ്രീജിത്ത്‌, യു കെ കുഞ്ഞിരാമൻ എന്നിവരുടെ സ്‌മൃതി കുടീരങ്ങളിലും പഴശ്ശി രക്തസാക്ഷി മന്ദിരം, സജീവൻ രക്തസാക്ഷി മന്ദിരം തുടങ്ങിയ മട്ടന്നൂർ മണ്ഡലത്തിലെ വിവിധ പ്രദേശങ്ങളിലും രക്തസാക്ഷി മണ്ഡപങ്ങളിലും പര്യടനം നടത്തി.ആദ്യ ദിന പ്രചാരണ പരിപാടിയുടെ സമാപനത്തിൽ മട്ടന്നൂർ ടൗണിൽ റോഡ് ഷോയിലും കെ കെ ശൈലജ പങ്കെടുത്തു.