breaking news

ഹൃദയ ദിനത്തിൽ മട്ടന്നൂർ ലയൺസ്‌ ക്ലബ് ബോധ വൽക്കരണ പ്രഭാത സവാരി നടത്തി

photo | p ramdas

WORLD HEART DAY |

മട്ടന്നൂർ : ലോക ഹൃദയ ദിനത്തിൽ വ്യായാമത്തിന്റെ ആവശ്യകതയിൽ ബോധ വൽക്കരണം നടത്തുന്നതിനായി മട്ടന്നൂർ ലയൺസ്‌ ക്ലബ് അംഗങ്ങൾ പ്രഭാത സവാരി നടത്തി.

ബോധ വൽക്കരണ സന്ദേശങ്ങൽ ഉൾക്കൊള്ളുന്ന പ്ലക്കാർഡുകളും ബാനറുകളുമായി നഗരം ചുറ്റിയ സന്ദേശയാത്ര ലയൺസ്‌ ഫസ്റ്റ് ഡിസ്ട്രിക്‌ട് ഗവർണർ ഡോ. പി സുധീർ നയിച്ചു.

മാറിയ കാലഘട്ടത്തിൽ വ്യായാമത്തിന്റെ ആവശ്യകത വർധിച്ചു വരികയാണെന്ന് ഡോ. പി സുധീർ പറഞ്ഞു.ഓരോ വ്യക്തിയും വ്യായാമത്തിലൂടെ ശരീര കോശങ്ങളെ സജീവമാക്കി നിലനിർത്തി ശരീരത്തെ രോഗങ്ങളിൽനിന്ന് അകറ്റി നിർത്തണമെന്ന് അദ്ദേഹം പറഞ്ഞു.ലയൺസ്‌ മുൻ ഡിസ്ട്രിക്‌ട് ഗവർണർ ഡോ.സുചിത്ര സുധീർ നേതൃത്വം നൽകി.

ലയൺ ലേഡീസ് ഫോറം ജില്ലാ പ്രസിഡണ്ട് ഷീന രാജീവ്,സോൺ ചെയർ പേഴ്സൺ പി കെ പവിത്രൻ,പ്രസിഡണ്ട് കെ വി പ്രസാദ്, സെക്രട്ടറി സി കെ ശ്രീജിത്ത്,ട്രഷറർ പി രാംദാസ് എന്നിവർ നേതൃത്വം നൽകി.

ക്ലബ് അംഗങ്ങളായ കെ കെ ഗോവിന്ദൻ,രാജശ്രീ ഗോവിന്ദൻ,രാജീവ് തോമസ്,ജിംനാ ചന്ദ്രൻ,എ രാമചന്ദ്രൻ,ഷൈനിത്ത് കുമാർ,കെ എം ദേവരാജ്,ഷെറീന പ്രസാദ്,ദേവ് നാരായൺ,ലക്ഷ്മി പ്രസാദ് എന്നിവർ പങ്കെടുത്തു.