breaking news

വീട്ടുമുറ്റത്തൊരു ഫല വൃക്ഷ തോട്ടം.. പരിസ്ഥിതി പ്രവർത്തനങ്ങളുമായി മട്ടന്നൂർ ലയൺസ്‌ ക്ലബ്ബ്

R E G I O N A L D E S K |

മട്ടന്നൂർ : വർഷങ്ങളായി മികച്ച സേവന പ്രവർത്തനങ്ങൾ കൊണ്ട് ശ്രദ്ധേയമായ നേട്ടങ്ങൾ കൊയ്ത മട്ടന്നൂർ ലയൺസ്‌ ക്ലബ് പുതിയ ലയൺ വർഷത്തിൽ പരിസ്ഥിതി സംരക്ഷണ പ്രവർത്തനങ്ങളുമായി മുന്നോട്ട്.

ഒരു വർഷം നീണ്ടു നിൽക്കുന്ന സേവന പ്രവർത്തനങ്ങളിൽ മുഴുവൻ പരിസ്ഥിതി അനുകൂല -സംരക്ഷണ പ്രവർത്തനങ്ങൾ കൂടി ഏറ്റെടുത്തു നടത്താൻ ഒരുങ്ങുകയാണ് ഭാരവാഹികൾ.

ഇതിനോടകം തന്നെ നിരവധി പരിസ്ഥിതി പ്രവർത്തനങ്ങൾ നടന്നു കഴിഞ്ഞു.പുതിയ ലയൺ വർഷം ആദ്യ ദിനത്തിൽ തന്നെ നഗരത്തിൽ ഇരിട്ടി റോഡിലെ ഓട്ടോ ഡ്രൈവർമാർക്ക് വൃക്ഷ തൈകൾ നൽകുകയുണ്ടായി.

കേവലമായി തൈകളും നടീൽ വസ്തുക്കളും നൽകൽ മാത്രമല്ല വളർച്ചയുടെ ഘട്ടങ്ങളെയും തൈകളുടെ പരിപാലനത്തെയും ക്ലബ്ബ് അവലോകനം ചെയ്യുന്നുമുണ്ട്.സ്വാതന്ത്ര്യ ദിനത്തിൽ ഔഷധ സസ്യങ്ങൾ നട്ടു പിടിപ്പിച്ചിരുന്നു.

വീട്ടുമുറ്റത്തൊരു ഫല വൃക്ഷ തോട്ടം എന്ന പ്രവർത്തന പദ്ധതി ക്ലബ് അംഗങ്ങളുടെയിടയിൽ തുടങ്ങി സമൂഹത്തിലേക്കും വ്യാപിപ്പിക്കും. വൃക്ഷത്തൈകൾ ലയൺസ്‌ ഫസ്റ്റ് വൈസ് ഡിസ്ട്രിക്ട് ഗവർണർ പി സുധീർ വിതരണം ചെയ്തു.ഈ പ്രവർത്തന വർഷം മുഴുവൻ പരിസ്ഥിതി സൗഹൃദ പ്രവർത്തനങ്ങൾ നടത്തുമെന്ന് ക്ലബ് ഭാരവാഹികൾ അറിയിച്ചു.