breaking news

അതിവേഗം പകരുന്ന കൊറോണ വൈറസ് വകഭേദം വിയറ്റ്നാമിൽ കണ്ടെത്തി,അത്യന്തം അപകടകാരിയെന്ന് ശാസ്ത്രജ്ഞർ

BREAKING | L I V E

ഹാനോയ്:കൊറോണ വൈറസിന്റെ അത്യന്തം അപകടകാരിയായ വൈറസ് വകഭേദത്തെ വിറ്റ്നാമിൽ കണ്ടത്തിയതായി ശാസ്ത്രജ്ഞർ.

ബ്രിട്ടനിലും ഇന്ത്യയിലും കണ്ടെത്തിയ വൈറസ് വകഭഭേദമാണ് ഇതെന്ന് സംശയിക്കുന്നതായി വിയറ്റ്നാം ആരോഗ്യമന്ത്രി ന്യുയെൻ താങ്‌ലോങ് പറഞ്ഞു.

ജനിതകമാറ്റം വന്ന ഈ വൈറസ് ചില രോഗികളിൽ കണ്ടെത്തിയെന്ന് അദ്ദേഹം പറഞ്ഞു.അതിവേഗം പടരുന്ന വൈറസ് വകഭേദമാണ് ഇതെന്നാണ് ലബോറട്ടറി പരിശോധനഫലങ്ങൾ വ്യക്തമാക്കുന്നതെന്നും അദ്ദേഹം പറഞ്ഞു.

കഴിഞ്ഞ ഏപ്രിൽ മാസത്തോടെ നിയന്ത്രണ വിധേയമായ കോവിഡ് കേസുകൾ വിറ്റ്നാമിനെ അപകടകരമായി ബാധിച്ചിരുന്നില്ല.എന്നാൽ പുതിയ വൈറസ് വകഭേദങ്ങൾ കണ്ടെത്തിയത് ആശങ്കകൾ ഉണ്ടാക്കുന്നു,

പുതിയതായി കണ്ടെത്തിയ വൈറസ് വകഭേദം സംബന്ധിച്ച് ജീനോം ഡാറ്റ ഉടൻ പ്രസിദ്ധീകരിക്കുമെന്നും അദ്ദേഹം മാധ്യമങ്ങളെ അറിയിച്ചു.