breaking news

പെഗാസസ് ഫ്രഞ്ച് പ്രസിഡന്റിന്റെയടക്കം 14 ലോക നേതാക്കളുടെ ഫോൺ ചോർത്തി

പാരീസ്: ചാര സോഫ്റ്റ്‌വെയർ പെഗാസസ് ഉപയോഗിച്ചുള്ള ഫോൺ ചോർത്തലുകൾ ആഗോളതലത്തിൽ തന്നെ വ്യാപകമായി നടന്നു എന്നതിന് കൂടുതൽ തെളിവുകൾ പുറത്ത്.

10 പ്രധാനമന്ത്രിമാർ ഉൾപ്പെടെ 14 ഓളം ലോക നേതാക്കളുടെ ഫോൺ ചോർത്തിയതായാണ് ഒടുവിൽ വന്ന റിപോർട്ടുകൾ.ഫ്രഞ്ച് പ്രസിഡണ്ട് ഇമ്മാനുവേൽ മക്രോണിന്റെ ഫോൺ ഉൾപ്പെടെ ചോർത്തിയതായാണ് പുറത്തു വരുന്ന മാധ്യമ വാർത്തകൾ.

മക്രോണിന്റെ ഫോൺ ചോർത്തിയത് മൊറോക്കോ ആണെന്നാണ് സൂചന.ഫ്രഞ്ച് സർക്കാരിലെ പ്രമുഖരുടെയും ഫോൺ ചോർത്തിയിട്ടുണ്ട്. ഫ്രാൻസിലെ തന്നെ 15 മാധ്യമ പ്രവർത്തകരുടെ ഫോണും ചോർത്തി. ഫോൺ ചോർത്തലിൽ ഫ്രാൻസ് അന്വേഷണം പ്രഖ്യാപിച്ചിട്ടുണ്ട്.

ദക്ഷിണാഫ്രിക്കൻ പ്രസിഡണ്ട് സിറിൽ റമഫോസയുടെ ഫോണും ചോർത്തി.കൂടുതൽ ലോക നേതാക്കളുടെ പട്ടിക പുറത്തിറങ്ങും എന്നാണ് അറിയുന്നത്.34 ഓളം രാജ്യങ്ങളിലെ നയതന്ത്ര പ്രതിനിധികൾ,സൈനിക മേധാവികൾ എന്നിവരും ഫോൺ ചോർത്തലിൽ പെട്ടു .