breaking news

മാധ്യമ പ്രവർത്തകൻ ഡാനിഷ് സിദ്ദിഖിയുടെ മൃതദേഹം ഇന്ത്യൻ എംബസിക്ക് കൈമാറി

EXCLUSIVE | LIVE

കാബൂൾ: താലിബാൻ തീവ്രവാദികളുടെ ആക്രമണത്തിൽ കൊല്ലപ്പെട്ട ഇന്ത്യൻ മാധ്യമ പ്രവർത്തകൻ ഡാനിഷ് സിദിഖിയുടെ മൃതദേഹം അഫ്ഗാനിസ്ഥാൻ അധികൃതർ ഇന്ത്യക്ക് കൈമാറി.അല്പം മുൻപാണ് അഫ്ഗാനിസ്ഥാൻ കാബൂളിലെ ഇന്ത്യൻ എംബസിക്ക് മൃതദേഹം കൈമാറിയത്.

നാളെ ഇന്ത്യയിലെത്തിക്കുമെന്ന് കാബൂളിലെ ഇന്ത്യൻ എംബസ്സി വക്താവ് അറിയിച്ചു.മൃതദേഹം എത്രയും വേഗത്തിൽ ഇന്ത്യയിൽ എത്തിക്കണമെന്ന ഡാനിഷിന്റെ കുടുംബത്തിന്റെ അഭ്യർത്ഥന മാനിച്ച് ഇന്ത്യൻ വിദേശകാര്യ മന്ത്രാലയം നടത്തിയ ഉന്നതതല ഇടപെടലുകളിലൂടെ യാണ് നടപടികൾ വേഗത്തിലാക്കിയത്.

ഇന്നലെയാണ് അഫ്ഗാൻ സൈന്യത്തിനൊപ്പം യാത്ര ചെയ്യുകയായിരുന്ന റോയിട്ടേഴ്‌സ് ഫോട്ടോ ജേർണലിസ്റ്റ് ഡാനിഷ് സിദ്ദിഖി താലിബാൻ തീവ്രവാദികളുടെ ആക്രമണത്തിൽ കൊല്ലപ്പെട്ടത്. ഏറ്റുമുട്ടലിനെക്കുറിച്ച് അറിയില്ലെന്ന് പ്രഖ്യാപിച്ച താലിബാൻ സിദ്ദിഖിയുടെ മൃതദേഹം ഇന്നലെതന്നെ റെഡ് ക്രോസിന് കൈമാറിയിരുന്നു.