breaking news

പിണറായി മന്ത്രിസഭ : 20 ന് സത്യപ്രതിജ്ഞ, സെൻട്രൽ സ്റ്റേഡിയം ഒരുങ്ങുന്നു

തിരുവനന്തപുരം: രണ്ടാം പിണറായി മന്ത്രിസഭ മെയ് 20ന് 3 മണിക്ക് സത്യപ്രതിജ്ഞ ചെയ്യും.ഗവർണർ ആരിഫ് മുഹമ്മദ് ഖാൻ സത്യവാചകം ചൊല്ലിക്കൊടുക്കും.

കോവിഡ് പശ്ചാത്തലത്തിൽ തിരുവനന്തപുരം സെൻട്രൽ സ്റ്റേഡിയത്തിൽ ക്ഷണിക്കപ്പെട്ട അതിഥികൾക്ക് മാത്രമാണ് പ്രവേശനം. പൊതുജനങ്ങൾക്ക് പ്രവേശനമില്ല. പൂർണ്ണമായും കോവിഡ് മാനദണ്ഡങ്ങൾ പാലിച്ചുകൊണ്ടായിരിക്കും ചടങ്ങുകൾ.

പുതുമുഖങ്ങൾക്ക് മന്ത്രിസഭയിൽ കൂടുതൽ പ്രാധാന്യം നൽകുമെന്നാണ് സൂചന.ഇതുസംബന്ധിച്ച ഉഭയകക്ഷി ചർച്ചകൾ തുടരുന്നു. സത്യപ്രതിജ്ഞയ്ക്കുള്ള ഒരുക്കങ്ങൾ പൊതുഭരണ വകുപ്പ് തുടങ്ങി.