breaking news

പോലീസിനെ ആക്രമിച്ചെന്ന്, സൈനികൻ അറസ്റ്റിൽ

തിരുവനന്തപുരം: പോലീസിനെ ആക്രമിച്ചെന്ന കേസിൽ സൈനികൻ അറസ്റ്റിൽ.പൂന്തുറ സ്വദേശിയായ സൈനികൻ കെൽ‌വിനാണ് അറസ്റ്റിലായത്.

വാഹന പരിശോധനക്കിടയിൽ വനിതാ പോലീസിനെ അപമാനിക്കാൻ ശ്രമിച്ച സംഭവത്തിൽ കസ്റ്റഡിയിലെടുക്കാൻ ശ്രമിക്കുന്നതിനിടെയാണ് സംഭവമെന്നാണ് പോലീസ് പറയുന്നത്.
പൂന്തുറ പെട്രോൾ പമ്പിനടുത്ത് വാഹന പരിശോധന നടക്കുന്നതിനിടെയാണ് സംഭവങ്ങളുടെ തുടക്കം.ഹെൽമെറ്റില്ലാതെ ബൈക്കിൽ വന്ന കെൽവിനെ കൈകാണിച്ച് നിർത്താൻ ശ്രമിക്കുന്നതിനിടെ വനിതാ പോലീസിനെതിരെ അശ്ളീല ആംഗ്യ കാണിച്ചു എന്നാണ് പോലീസ് പറയുന്നത്.

സംഭവത്തിൽ കസ്റ്റഡിയിലെടുക്കാൻ ശ്രമിക്കുന്നതിനിടെ അനൂപ് ചന്ദ്രൻ, വിഷ്ണു എന്നി പോലീസുകാർക്ക് പരിക്ക്പറ്റിയെന്നും പോലീസുകാർ പറയുന്നു.
എന്നാൽ കെൽവിനെ പോലീസ് അകാരണമായാണ് കസ്റ്റഡിയിലെടുത്തതെന്നും പോലീസ് മർദിച്ചുവെന്നും നാട്ടുകാരും ബന്ധുക്കളും ആരോപിച്ചു.തിടുക്കത്തിൽ കെൽവിനെ പോലീസ് ജീപ്പിൽ കയറ്റി കൊണ്ടുപോകാൻ ശ്രമിച്ച പോലീസിനെതിരെ നാട്ടുകാർ പോലീസ് ജീപ്പ് തടഞ്ഞു പ്രതിഷേധിച്ചു.