breaking news

സുന്ദരയുടെ വെളിപ്പെടുത്തലിൽ ബിജെപി അധ്യക്ഷൻ കെ സുരേന്ദ്രനെതിരെ കേസെടുത്തു

L I V E |

കാസർഗോഡ്: ബിജെപി സംസ്ഥാന അധ്യക്ഷൻ കെ സുരേന്ദ്രനെതിരെ കേസെടുത്തു.എൽ ഡി എഫ് സ്ഥാനാർഥി വി വി രമേശൻ നൽകിയ പരാതിയിലാണ് കേസെടുത്തത്.

മഞ്ചേശ്വരത്ത് ബിജെപി അധ്യക്ഷൻ കെ സുരേന്ദ്രന്റെ അപരനായി മത്സരിക്കാനായി പത്രിക നൽകിയ സുന്ദരയ്ക്ക് മത്സരത്തിൽനിന്ന് പിന്മാറാൻ രണ്ടര ലക്ഷം കിട്ടി എന്ന് വെളിപ്പെടുത്തലിലാണ് കേസെടുത്തത്.പ്രാദേശിക ബിജെപി നേതാക്കൾക്കെതിരെയും കേസുണ്ട്.15 ലക്ഷം രൂപയാണ് വാഗ്ദാനം ചെയ്തതെന്നും രണ്ടര ലക്ഷം കിട്ടിയെന്നും സുന്ദര ശനിയാഴ്ച വെളിപ്പെടുത്തിയിരുന്നു.

ജയിച്ചു കഴിഞ്ഞാൽ ബാക്കി നൽകാമെന്ന് കെ സുരേന്ദ്രൻ വാഗ്ദാനം ചെയ്തതായും സുന്ദരയുടെ വെളിപ്പെടുത്തൽ. സുരേന്ദ്രൻ ഫോണിൽ സംസാരിച്ചുവെന്നും എന്നാൽ പ്രാദേശിക ബിജെപി നേതാക്കളാണ് പണം വീട്ടിലെത്തിച്ചതെന്നും പറയുന്നു.

നിയമസഭാ തിരഞ്ഞെടുപ്പിൽ ബി എസ് പി സ്ഥാനാർഥിയായ സുന്ദര പിന്നീട് പത്രിക പിൻവലിക്കുകയായിരുന്നു.പത്രിക പിൻവലിക്കുന്ന തിന് തലേ ദിവസം ഇയാളെ കാണാനില്ലെന്ന് പാർട്ടി പ്രവർത്തകർ പരാതി നൽകിയിരുന്നു.

പോലീസ് അന്വേഷണം നടത്തുന്നതിനിടയിൽ മഞ്ചേശ്വരത്തെ ബിജെപി തിരഞ്ഞെടുപ്പ് കമ്മറ്റി ഓഫീസിൽ പ്രത്യക്ഷപ്പെട്ട സുന്ദര പിന്മാറുന്നകാര്യം പ്രഖ്യാപിക്കുകയായിരുന്നു.

2016 ലും തിരഞ്ഞെടുപ്പിൽ മത്സരിച്ച സുന്ദര 467 വോട്ടുകൾ നേടിയിരുന്നു.അന്ന് കെ സുരേന്ദ്രൻ 89 വോട്ടുകൾക്കാണ് പരാജയപ്പെട്ടത്.

N E X T S T O R Y