breaking news

ബയോ ബബിളിൽ വിരസത: ക്രിസ് ഗെയിൽ ഐ പി എൽ വിടുന്നു

ipl desk |exclusive

സി കെ ശ്രീജിത്ത്

ദുബായ്: ഇന്ത്യൻ പ്രീമിയർ ലീഗ് ടി ട്വൻറിയുടെ സുരക്ഷാ മുഴുവൻ കിടക്കുന്നത് ബയോ ബബിൾ കവചത്തിലാണ്. എന്നാൽ ലോകം മുഴുവൻ ക്രിക്കറ്റ് കളിയുമായി പറന്ന് നടക്കുന്ന ക്രിക്കറ്റർമാർക്ക് ബയോ ബബിൾ സുരക്ഷയിൽ പഴയ സ്വാതന്ത്ര്യമില്ല.

ഈ അവസ്ഥ അസഹ്യമാണെന്ന് പറഞ്ഞ് നാട്ടിലേക്ക് മടങ്ങാൻ ഒരുങ്ങുകയാണ് വിൻഡീസ് ബാറ്റ്സ് മാനും പഞ്ചാബ് കിങ്‌സ് ന്റെ ആവേശവുമായ ക്രിസ് ഗെയ്‌ൽ.പുനരാരംഭിച്ച ഐ പി എൽ മത്സരങ്ങളിൽ രണ്ടെണ്ണത്തിൽ മാത്രമാണ് ഗെയ്‌ൽ കളിച്ചത്.

കഴിഞ്ഞ ഏതാനും മാസങ്ങളായി വിവിധ ബബിളുകളിൽ കഴിയുന്ന ഗെയ്‌ൽ മടുത്താണ് മടങ്ങാൻ ഒരുങ്ങുന്നത് എന്നാണ് ഐ പി എൽ കേന്ദ്രങ്ങളിൽനിന്ന് വരുന്ന വാർത്തകൾ.ആദ്യം ക്രിക്കറ്റ് വെസ്റ്റിൻഡീസ് ബബിൾ പിന്നെ സി പി എൽ ബബിൾ തുടർന്ന് ഐ പി എൽ ബബിൾ.

മനസ് ഒന്ന് റീചാർജ് ചെയ്യണമെന്നും ട്വന്റി ട്വന്റി ലോക കപ്പിൽ വിൻഡീസ് ടീമിന് കരുത്ത് പകരുകയും വേണമെന്നുമാണ് ക്രിസ് ഗെയ്‌ൽ പറയുന്നത്.അത്കൊണ്ടാണ് ബ്രേക്ക് എടുത്ത് ദുബായിൽനിന്നും പറക്കുന്നത്.പഞ്ചാബ് കിങ്‌സ് ടീമിനോട് നന്ദിയുണ്ട്.ഗെയ്‌ലിന്റെ വാക്കുകൾ പഞ്ചാബ് ടീം പത്രക്കുറിപ്പിൽ അറിയിച്ചു.

നേരത്തെ ബാംഗളൂർ റോയൽ ചലഞ്ചേഴ്‌സ് താരമായിരുന്ന ഗെയ്‌ൽ 140 ഐ പി എൽ മത്സരങ്ങളിൽനിന്നായി 6 സെഞ്ച്വറികളടക്കം 4950 റണ്ണുകൾ നേടിയിട്ടുണ്ട്.പുറത്താകാതെ കരസ്ഥമാക്കിയ 175 റണ്ണുകളാണ് ഏറ്റവും ഉയർന്ന സ്കോർ.