breaking news

മാധ്യമപ്രവർത്തകൻ ഡാനിഷ് സിദ്ധിഖിയെ താലിബാൻ തിരഞ്ഞുപിടിച്ച് വധിച്ചതെന്ന് സൂചന

L A T E S T |

വാഷിംഗ്‌ടൺ: ഇന്ത്യൻ മാധ്യമ പ്രവർത്തകനും പുലിറ്റ്സർ പുരസ്‌കാര ജേതാവുമായ ഡാനിഷ് സിദ്ധിഖിയെ അഫ്‌ഗാനിസ്ഥാനിൽ താലിബാൻ തീവ്രവാദികൾ തിരഞ്ഞുപിടിച്ച് വധിച്ചതാണെന്ന് റിപ്പോർട്ട് പുറത്ത്.

അഫ്ഘാൻ സൈനികരും താലിബാനും തമ്മിലുള്ള സംഘർഷത്തിനിടയിൽ സിദ്ദിഖി കൊല്ലപ്പെട്ടു എന്നായിരുന്നു പുറത്തുവന്ന വാർത്തകൾ.

എന്നാൽ ഡാനിഷ് സിദ്ദിഖിയെ തിരിച്ചറിഞ്ഞ താലിബാൻ തീവ്രവാദികൾ ക്രൂരമായി വധിക്കുകയായിരുന്നുവെന്ന് പ്രമുഖ അമേരിക്കൻ മാസികയായ വാഷിംഗ്‌ടൺ എക്‌സാമിനർ വാർത്ത പുറത്ത് വിട്ടു.

അന്താരാഷ്ട്ര വാർത്ത ഏജൻസിയായ റോയിട്ടേഴ്സിന്റെ ഫോട്ടോ ജേർണലിസ്റ്റായിരുന്നു 38കാരനായ ഡാനിഷ് സിദ്ദിഖി .കാണ്ഡഹാർ നഗരത്തിലെ സ്പിൻ ബോൾഡാക് ജില്ലയിൽ അഫ്ഘാൻ-താലിബാൻ സംഘർഷം റിപ്പോർട്ട് ചെയ്യുന്നതിനിടെയാണ് അദ്ദേഹം കൊല്ലപ്പെട്ടത്.

സ്പിൻ ബോൾഡാക്കിൽ അഫ്ഘാൻ സൈന്യത്തോടൊപ്പം യാത്ര ചെയ്തായിരുന്നു മാധ്യമ സംഘത്തിന്റെ റിപ്പോർട്ടിങ്.എന്നാൽ സംഘർഷം രൂക്ഷമായപ്പോൾ ഡാനിഷ് സിദ്ദിഖി കൂട്ടം തെറ്റി തീവ്രവാദികളുടെ ഇടയിൽ പെട്ടുപോവുകയായിരുന്ന് എന്നാണ് വാഷിംഗ്‌ടൺ എക്‌സാമിനർ പുറത്തു വിട്ട വാർത്ത.

വെടിവെപ്പിൽ പരിക്കേറ്റ ഡാനിഷ് സിദ്ദിഖിയെ സമീപത്തെ മോസ്കിൽ പ്രഥമ ശുശ്രൂഷ നൽകാനായി പ്രവേശിപ്പിച്ചത് മനസിലാക്കിയ താലിബാൻ തീവ്രവാദികൾ മോസ്കിലേക്ക് ആക്രമണം അഴിച്ചുവിടുകയായിരു ന്നു.

ഡാനിഷ് മോസ്കിൽ ഉള്ളതുകൊണ്ടായിരുന്നു താലിബാൻ ആക്രമണമെന്ന് പ്രാദേശിക അന്വേഷണത്തിൽ വ്യക്തമായതായി താലിബാൻ സേന വ്യക്തമാക്കിയതായി റിപ്പോർട്ടിൽ പറയുന്നു.

താലിബാൻ പിടികൂടുമ്പോൾ ഡാനിഷിന് ജീവനുണ്ടായിരുന്നു എന്നും എന്നാൽ പിന്നീട് വധിക്കുകയായിരുന്നു എന്നും റിപ്പോർട്ടിൽ പറയുന്നു.ഡാനിഷിനെ രക്ഷപ്പെടുത്താൻ ശ്രമിക്കുന്നതിനിടയിലാണ് അഫ്ഘാൻ സൈനിക കമാണ്ടറും മറ്റ് സൈനികരും കൊല്ലപ്പെട്ടതെന്നും എക്‌സാമിനർ റിപ്പോർട്ടിൽ പറയുന്നുണ്ട്.