breaking news

സൗദിയാത്രാ വിലക്ക് നീങ്ങുന്നു:മാർച്ച് 31 മുതൽ എല്ലാ അന്താരാഷ്ട്ര വിമാന സർവീസുകളും തുടങ്ങും

റിയാദ്: ജനിതകമാറ്റം സംഭവിച്ച കൊറോണ വൈറസ് വ്യാപനത്തിന്റെ പശ്ചാത്തലത്തിൽ സൗദി അറേബിയ താൽക്കാലികമായി ഏർപ്പെടുത്തിയ യാത്രാവിലക്ക് നീക്കുന്നതായി റിപോർട്ടുകൾ.

മാർച്ച് 31 മുതൽ എല്ലാ അന്താരഷ്ട്ര വിമാന സർവീസുകളും പുനരാരംഭിക്കും എന്ന് ആഭ്യന്തര മന്ത്രാലയത്തെ ഉദ്ധരിച്ച് സൗദി പ്രസ് ഏജൻസി റിപ്പോർട്ട് ചെയ്തു.
ഇതനുസരിച്ച് സൗദി പൗരന്മാർക്ക് സൗദിക്ക് പുറത്തേക്ക് പോകാനും തിരികെ വരാനും അനുമതി ലഭിക്കും.എല്ലാ അന്താരാഷ്ട്ര വിമാന സർവീസുകളും പുനരാരംഭിക്കും.ഇതോടൊപ്പം എല്ലാ സമുദ്ര,കര അതിർത്തികളും തുറക്കും.