breaking news

സത്യപ്രതിജ്ഞ പന്തൽ ഇനി മെഗാ വാക്‌സിനേഷൻ ക്യാമ്പ് ആകും

തിരുവനന്തപുരം: സെൻട്രൽ സ്റ്റേഡിയത്തിൽ രണ്ടാം പിണറായി മന്ത്രിസഭ സത്യപ്രതിജ്ഞ ചെയ്ത പന്തൽ ഇനി ആരോഗ്യ വകുപ്പിന്റെ മെഗാ വാക്‌സിനേഷൻ ക്യാമ്പ് ആകും.

500 പേർ പങ്കെടുക്കുന്ന ചടങ്ങിനായി വലിയ പന്തൽ നിർമ്മിച്ചത് വിവാദങ്ങൾ ഉണ്ടാക്കിയിരുന്നെങ്കിലും ചില കോണുകളിൽ നിന്നുയർന്ന ആശയമാണ് ഇത്തരത്തിൽ ഒരു ചിന്തയിലേക് സർക്കാരിനെ എത്തിച്ചത്.

വിശാലമായ പന്തൽ തല്ക്കാലം പൊളിച്ചു നീക്കാതെ വാക്‌സിനേഷൻ ക്യാമ്പ് ആക്കിമാറ്റാനുള്ള ഉത്തരവ് അൽപസമയത്തിനകം ഇറങ്ങും.

80000 അടി ചതുരശ്ര വിസ്തീർണ്ണമുള്ള പന്തലിൽ 5000 പേർക്ക് ഇരിക്കാവുന്നതും വായു സഞ്ചാരമുള്ളതും വാക്‌സിനേഷൻ കേന്ദ്രമാക്കുന്നതിനുള്ള അനുകൂല ഘടകമായി മാറി.

തിരുവനന്തപുരത്തെ ജിമ്മി ജോർജ് ഇൻഡോർ സ്റ്റേഡിയത്തിലാണ് നിലവിൽ വാക്‌സിനേഷൻ ക്യാമ്പ്.ഇവിടെ വലിയ തിരക്കിൽ സാമൂഹിക അകലം പാലിക്കാനാവാത്തത് ചർച്ചയായിരുന്നു.