breaking news

കാസര്‍ഗോഡ് ടാറ്റ നിര്‍മിച്ച കോവിഡ് ആശുപത്രി ഇന്ന് മുതല്‍ പ്രവര്‍ത്തനം ആരംഭിച്ചു

തിരുവനന്തപുരം:കോവിഡ് പ്രതിരോധത്തിനും ചികിത്സയ്ക്കും മാത്രമായി ഒരു ആശുപത്രി. കാസര്‍ഗോഡ് ടാറ്റ ഗ്രൂപ് കോവിഡ് പ്രതിരോധത്തിനും ചികിത്സക്കുമായി സൗജന്യമായി നിര്‍മ്മിച്ച് നല്‍കിയ ആശുപത്രി ഇന്ന് ഉദ്ഘാടനം ചെയ്ത് പ്രവര്‍ത്തനമാരംഭിച്ചു. കോവിഡ് രോഗ സ്ഥിരീകരണവും ചികിത്സയും മികച്ച രീതിയില്‍ നടപ്പാക്കാനായാണ് ടാറ്റ ഗ്രൂപ്പ് പുതിയ ആശുപത്രി ആരംഭിച്ചത്.

ആശുപത്രിയുടെ പ്രവര്‍ത്തനങ്ങള്‍ക്കായി അടുത്തിടെ 191 തസ്തികകള്‍ അഡ്മിനിസ്ട്രേറ്റീവ്,മെഡിക്കല്‍,പാരാ മെഡിക്കല്‍ വിഭാഗങ്ങളില്‍ സൃഷ്ടിച്ചിരുന്നു.ഇതില്‍ നിയമനങ്ങള്‍ നടന്നുവരികയാണ്.നിലവില്‍ കോവിഡ് ആശുപത്രിയാണെങ്കിലും രോഗവ്യാപനം നിയന്ത്രണവിധേയമായാല്‍ സാധാരണ ആശുപത്രിയായി തുടരുമെന്നും മന്ത്രി പറഞ്ഞു .കാസര്‍ഗോഡ് ജില്ലയിലെ ആരോഗ്യ പ്രവര്‍ത്തനങ്ങള്‍ക്ക് വലിയ നേട്ടമാകും ടാറ്റ ആശുപത്രി.

കോവിഡ് വ്യാപനം രൂക്ഷമായ ഒരു ഘട്ടത്തിലാണ് സംസ്ഥാന സര്‍ക്കാരിന്റെ സഹായത്തോടെ 553 കിടക്കകളുള്ള ആശുപത്രി ടാറ്റ ഗ്രൂപ് യുദ്ധകാലാടിസ്ഥാനത്തില്‍ നിര്‍മ്മിച്ച് സര്‍ക്കാരിന് കൈമാറിയത്. എന്നാല്‍ നിര്‍മ്മാണം പൂര്‍ത്തിയായിട്ടും പ്രവര്‍ത്തനം തുടങ്ങാത്തതില്‍ പ്രതിഷേധിച്ച് കാസര്‍ഗോഡ് എം പി രാജ്മോഹന്‍ ഉണ്ണിത്താന്‍ നവംബര്‍ ഒന്ന് മുതല്‍ നിരാഹാരം തുടങ്ങുമെന്ന് പ്രഖ്യാപിച്ചിരുന്നു.