breaking news

യു.എ.ഇയില്‍ സന്ദര്‍ശക ടൂറിസ്റ്റ് വീസകള്‍ക്ക് നിലവില്‍ വന്ന നിയന്ത്രണങ്ങള്‍ ഒഴിവാക്കി

യുഎഇയില്‍ സന്ദര്‍ശക ടൂറിസ്റ്റ് വീസകള്‍ക്ക് തിങ്കളാഴ്ച നിലവില്‍ വന്ന നിയന്ത്രണങ്ങള്‍ മലയാളികളടക്കമുള്ള പ്രവാസികളില്‍ ആശങ്ക ഉണ്ടാക്കിയിരുന്നു. തൊഴില്‍ തേടി സന്ദര്‍ശക വീസയില്‍ വരുന്നവര്‍ക്ക് ഏറെ പ്രയാസം സൃഷ്ടിക്കുമായിരുന്ന നിയന്ത്രണങ്ങള്‍ അധികൃതര്‍ ഒഴിവാക്കി. ആളുകള്‍ അനധികൃതമായി രാജ്യത്ത് തങ്ങുന്നത് ഒഴിവാക്കുന്നതിനാണ് ദുബായില്‍ സന്ദര്‍ശക വീസയ്ക്ക് നിയന്ത്രണങ്ങള്‍ ഏര്‍പ്പെടുത്തിയത്.

യുഎഇ സന്ദര്‍ശക വീസയില്‍ എത്തുന്നയാള്‍ തിരിച്ചുപോകും എന്ന് വ്യക്തമാക്കുന്ന വാഗ്ദാന പത്രം, ബാങ്ക് സ്റ്റേറ്റ്‌മെന്റ്, മടക്കയാത്ര ടിക്കറ്റ്, താമസിക്കുന്ന ഹോട്ടലിന്റെ റിസര്‍വേഷന്‍ തെളിവ് എന്നിവ കൂടി ഉണ്ടായിരിക്കണമെന്ന് ജനറല് ഡയറക്ടറേറ്റ് ഓഫ് റസിഡന്‍സി ആന്‍ഡ് ഫോറിന്‍ അഫയേഴ്‌സ് വെബ്‌സൈറ്റിലൂടെ അറിയിച്ചത്.

യുഎഇയില്‍ ബന്ധുക്കളോ സുഹൃത്തുക്കളോ ഉണ്ടെങ്കില്‍ അവരുടെ മേല്‍വിലാസം, എമിറേറ്റ്‌സ് ഐഡിയുടെ പകര്‍പ്പ്, എന്നിവയും ബന്ധപ്പെട്ട അധികാരികള്‍ക്ക് നല്‍കണമെന്ന നിര്‍ദേശവുമുണ്ടായിരുന്നു. എന്നാല്‍ ഇതെല്ലാം ഒഴിവാക്കി അപേക്ഷ പൂര്‍വ സ്്ഥിതിയിലാക്കിയത് മലയാളി പ്രവാസികള്‍ക്ക് ഏറെ ആശ്വാസകരമാണ്.