breaking news

രണ്ട് ഡോസ് വാക്‌സിൻ സ്വീകരിച്ച യു എ ഇ താമസ വിസ ഉള്ളവർക്ക് പ്രവേശന അനുമതി

L I V E |

ദുബായ്: രണ്ട് ഡോസ് വാക്‌സിൻ സ്വീകരിച്ച യു എ ഇ യിലെ താമസ വിസ ഉള്ളവർക്ക് തിരിച്ചുപോകാനുള്ള അനുമതി. യു എ യിലേക്ക് യാത്ര വിലക്കുള്ള ഇന്ത്യയടക്കമുള്ള രാജ്യങ്ങളിലെ പ്രവാസികൾക്ക് ആശ്വാസമായാണ് യു എ ഇ തീരുമാനം.

ഈ മാസം അഞ്ച് മുതലാണ് അനുമതി പ്രാബല്യത്തിൽ വരികയെന്ന് യു എ ഇ അറിയിച്ചു. എന്നാൽ സന്ദർശന വിസയിൽ ഈ ഇളവ് ലഭ്യമല്ല. ഇന്ത്യ, ശ്രീലങ്ക, നേപ്പാൾ, പാകിസ്ഥാൻ, നൈജീരിയ, ഉഗാണ്ട എന്നി രാജ്യങ്ങളിൽനിന്നുള്ള താമസ വിസ ഉള്ളവർക്കാണ് ഇളവുകൾ അനുവദിച്ചിരിക്കുന്നത്.

ഐക്യ അറബ് എമിറേറ്റ്സ് ദുരന്ത നിവാരണ അതോറിറ്റിയാണ് ഇക്കാര്യം അറിയിച്ചത്.രണ്ടാം ഡോസ് വാക്‌സിൻ എടുത്ത് ചുരുങ്ങിയത് 14 ദിവസമെങ്കിലും പൂർത്തിയായിരിക്കണമെന്നും വാക്‌സിനേഷൻ സർട്ടിഫിക്കറ്റ് നിർബന്ധമാണെന്നും യു എ ഇ അറിയിച്ചു.