breaking news

ഇസ്രായേലിലെ യു എ ഇ എംബസ്സി പ്രവർത്തനം തുടങ്ങി

ON AIR |

ടെൽ അവീവ്: ഇസ്രായേലിലെ ഐക്യ അറബ് എമിറേറ്റ്സ് (യു എ ഇ) എംബസി പ്രവർത്തനം തുടങ്ങി.

ഇതോടെ ഇസ്രായേലിൽ എംബസ്സി തുറക്കുന്ന ആദ്യ ഗൾഫ് രാഷ്ട്രമായി മാറി യു എ ഇ . നയതന്ത്ര സൗഹൃദം സംബന്ധിച്ച ഇരു രാജ്യങ്ങൾ ക്കിടയിലെയും ചർച്ചകളുടെ തുടർച്ചയായിരുന്നു എംബസ്സി തുടങ്ങാനുള്ള തീരുമാനം.

ടെൽ അവീവ് സ്റ്റോക്ക് എക്സ്ചേഞ്ച് കെട്ടിട സമുച്ചയത്തിലാണ് യു എ ഇ എംബസി പ്രവർത്തിക്കുക.ഇസ്രായേൽ പ്രസിഡണ്ട് ഐസക് ഹെർസോഗ് അനൗപചാരികമായി ഉത്ഘാടനം ചെയ്തു. ഇസ്രായേലിലെ യു എ ഇ അംബാസിഡർ മൊഹമ്മദ് മഹമൂദ് അൽ കാജാ പങ്കെടുത്തു.

മഹത്തായ സുദിനമാണ് ഇതെന്നും മാസങ്ങൾക്ക് മുൻപ് ഇരു രാജ്യങ്ങളും നടത്തിയ ചർച്ചകളാണ് ഇത്തരത്തിലുള്ള സുദിനത്തിന് വഴി വെച്ചതെന്നും ഇരു രാജ്യങ്ങൾക്കുമിടയിൽ അന്തസ്സും സമൃദ്ധിയും സമാധാനവും കത്ത് സൂക്ഷിക്കപ്പെടുമെന്നും ഇത് വെറും തുടക്കം മാത്രമാണെന്നും ഉത്ഘാടന പ്രസംഗത്തിൽ മഹമൂദ്‌ കാജാ പറഞ്ഞു.

ഐക്യ അറബ് എമിറേറ്റീസിന്റെ സുപ്രധാന ചുവട് വെപ്പാണ് ഇതെന്ന് ഐസക് ഹെർസോഗ് പറഞ്ഞു.കഴിഞ്ഞ മാസം ഇസ്രായേൽ വിദേശകാര്യ മന്ത്രി യർ ലാപിഡ് യു എ ഇ യിലേക്ക് ആദ്യ ഔദ്യോഗിക സന്ദർശനം നടത്തിയിരുന്നു.ഗൾഫ് മേഖലയിലേക്ക് നടത്തിയ ഔദ്യോഗിക സന്ദർശനത്തിലാണ് അബുദാബിയിലെ ഇസ്രേയേൽ എംബസിയും ദുബായിലെ ഇസ്രായേൽ കോൺസുലേറ്റ് ഓഫീസും തുറന്നത്.