breaking news

ഇൻഡിഗോ വിമാനങ്ങൾക്കുള്ള വിലക്ക് യു എ ഇ പിൻവലിച്ചു

INTERNATIONAL DESK |

ദുബായ് : വിവിധ രാജ്യങ്ങളിൽനിന്നുള്ള ഇൻഡിഗോ വിമാനങ്ങൾക്ക് യു എ ഇ ഏർപ്പെടുത്തിയ വിലക്ക് പിൻവലിച്ചു.

കോവിഡ് മാനദണ്ഡങ്ങൾ ലംഘിച്ചതിനാണ് ഇൻഡിഗോ വിമാനങ്ങൾക്ക് യു എ ഇയിൽ വിലക്കേർപ്പെടുത്തിയത്.

വിലക്ക് പിൻവലിച്ച പശ്ചാത്തലത്തിൽ നാളെ ഉച്ചയ്ക്ക് 1.30 മുതൽ ഇൻഡിഗോ സേവനങ്ങൾ യു എ ഇയിലേക്ക് പുനരാരംഭിക്കുമെന്ന് ഇൻഡിഗോ വക്താവ് അറിയിച്ചു.

എന്നാൽ ഗുരുതരമായ കൃത്യവിലോപമാണ് ഇൻഡിഗോ എയർലൈൻസ് കാണിച്ചതെന്നും മേലിൽ അവർത്തിക്കരുതെന്നും യാതക്കാരുടെ ബുദ്ധിമുട്ടുകൾ പരിഗണിച്ച് മാത്രമാണ് വിലക്ക് പിൻ വ ലിക്കുന്നതെന്നും യു എ ഇ വ്യോമയാന-ആരോഗ്യ മന്ത്രാലയം വ്യക്തമാക്കി.

ആർ ടി പി സി ആർ പരിശോധന നടത്താതെ യാത്രക്കാരെ യു എ ഇ യിൽ എത്തിച്ചതിനാണ് ഇൻഡിഗോ എയർലൈൻസ് ഒരാഴ്ചത്തേക്ക് വിലക്ക് നേരിട്ടത്.