breaking news

ഇനി പഴയ സന്ദേശങ്ങൾ വീണ്ടെടുക്കാനാവില്ല , വാട്സ്ആപ് സ്റ്റോറേജിലും ഏൻഡ് ടു ഏൻഡ് എൻക്രിപ്ഷൻ

സ്റ്റോറേജിലും ഏൻഡ് ടു ഏൻഡ് എൻക്രിപ്ഷൻ സംവിധാന മേർപ്പെടുത്താൻ ആലോചിച്ച് വാട്സ്ആപ്.ഇതോടെ പഴയ സന്ദേശങ്ങളും വിവരങ്ങളും വീണ്ടെടുക്കാൻ കഴിയാതെ വരുമെന്നാണ് സാങ്കേതിക വിദഗ്ധരുടെ അഭിപ്രായം.

സന്ദേശങ്ങളുടെ ബാക്ക് അപ്പ് സ്റ്റോറേജുകളിലും ഏൻഡ് റ്റു ഏൻഡ് എൻക്രിപ്ഷൻ നടപ്പാക്കുന്നതിലൂടെ രാജ്യത്തെ വിവിധ അന്വേഷണ, സുരക്ഷാ ഏജൻസികൾക്ക് ലഭ്യമായിക്കൊണ്ടിരിക്കുന്ന വിവരങ്ങൾ ലഭ്യമല്ലാതാകും.

വാട്സ്ആപ് ചീഫ് എക്സിക്യൂട്ടീവ് ഓഫീസർ വിൽ കത്കർട്ടാണ് സുപ്രധാന വിവരം ട്വിറ്ററിലൂടെ പങ്ക് വെച്ചത് .നിലവിൽ വാട്സ്ആപ് സന്ദേശങ്ങൾ മറ്റൊരാൾക്ക് കാണാൻ കഴിയില്ലെങ്കിലും ഏതെങ്കിലും ഏജൻസികൾക്ക് ആവശ്യമായ പക്ഷം സ്റ്റോറേജിൽനിന്ന് വീണ്ടെടുക്കാൻ കഴിയുമായിരുന്നു.സ്റ്റോറേജിലും ഏൻഡ് റ്റു ഏൻഡ് എൻക്രിപ്ഷൻ നടപ്പാക്കുന്നതിലൂടെ അന്വേഷണ ഏജൻസികൾക്ക് വിവരങ്ങൾ ലഭ്യമല്ലാതാകും.

പുതിയ സേവനം നടപ്പാക്കുന്നതിലൂടെ അന്വേഷണ ഏജൻസികൾക്കും മറ്റും തിരിച്ചടിയാകുമെന്ന് വാട്സ്ആപ് സി ഇ ഒ തന്നെ പറയുന്നു. സ്മാർട്ട് ഫോണുകൾ പോലുള്ള ഡിവൈസുകൾക്ക് അത്രയും പ്രാധാന്യം ഉള്ള കാലമായതിനാൽ ഉപഭോക്താക്കളുടെ സ്വകാര്യം തന്നെയാണ് മാനിക്കപ്പെടുകയെന്നും അദ്ദേഹം പറയുന്നു.

ഇന്ത്യയിൽ വാട്സാപ്പിന് 53 കോടി ഉപഭോക്താക്കൾ ഉണ്ട്. കേ ന്ദ്ര സർക്കാരിന്റെ ഐ ടി നയത്തിൽ സന്ദേശങ്ങളുടെ ഉറവിടം വ്യക്തമാക്കണമെന്ന് പറയുന്നുണ്ടെങ്കിലും തങ്ങളുടെ ഏൻഡ് റ്റു ഏൻഡ് പോളിസിക്ക് എതിരാണ് ഇതെന്നാണ് വാട്സ്ആപ് നിലപാട്.